Friday, January 12, 2007

تقرير المقابلة

كالعادة وانا اخيب من الخيابة في الوصول لاي مكان انا عايزاه
وكحل لهذه المشكلة المستعصية بادرت ياسمين بمقابلتي في اقرب طريق ونصل لغايتنا المنشودة
ذهبنا لنجد محمد عبد الغفار في انتظارنا
بعدها اتي الحصان الاسود
وبعدها dead man
واخيرا
ايمن
اليوم كان تحفة وجميييييييييل اوي
بجد كان فيه كل حاجة
اولا بجد الناس دي بمتخلف اعمارهاووظفيتها
ناس محترمة اوي ومثقفة اوي اوي اوي
بجد استمتعت بحاجات كتير
اول سؤال سالناه ازاي عرفت التدوين وليه دونت ومن امتي
وبعدين اتكلمنا عن حرية المجتمعات
وبعدين اتكلمنا عن الدين
وعند النقطة دي انفعلنا شوية بقليل من الضحك مني
وفوجئنا اننا كلنا نختلف في الدين لان كل واحد باصص ليه من وجهه نظره وايمانه به
انا عن نفسي بصراحة يعني
مش عجبني الكلام في الموضوع دة
وعشان كدة اقترح الهواري اللي هو رجل ميت اننا نغير الموضوع
دخلنا في سيرة الاخوان
وبعدها عن المدونات الي بتتكلم في السياسة مع الاستشهاد بمدونات موجودة
وبعدها قررنا نلعب لعبة الصراحة
كل واحد كان بيسال
والاجمل ان مش بتسمع مجرد اجابة
لا دة كلنا بنشارك في راينا وفي مشاعرنا
بجد حسيت ان المقابلة دي عائلية اوي
وضافت ليا حاجات كتير
بجد اللي فاكر ان مقابلة المدونين هتغير من الفكرة او الخيال اللي هو راسمه يبقي غلطان
لانها رسخت فكرة المدون نفسه في دماغي
ضحكنا اوي
وبجد مش كنت اعرف ان محمد عبد الغفار دمه خفيف اووووووووووي
بس الحصان الاسود كنت بحس انه صعب انه يضحك برغم ان له افيهات حلوة اوووووووووي
اما ايمن بقي
فكان جاي متنكد اصلا
وتقريبا مشاركته معانا كانت قليلة اوي
اما بقي الواد الهواري
فانا اول مرة اعرف ان دماغه جامدة اوي كدة
سابق سنه كتيييييييييييييييييييييييير
واستفدت بالمقابلة دي لاني اكتشفت دماغه الجامدة دي
اما بقي فاكهه القاعدة
هي كانت ياسمين
بجد يا جماعه الست دي طيبة اوي اوي اوي
هي اي نعم الواحد ممكن يفهمها غلط
بس لما تقرب منها وتعرفها هتحبها اوي
تحس انها جاية من عالم تاني
ومواضعها جريئة اه
بس حنينة اوي وطيبة اوي
واحدة ستايل كدة تحب انك تتكلم مع عقلها
وقلبها في نفس الوقت
اما انا بقي
فكنت مطينة الليله وحاسة اني مش مشاركة خالص
يعني مش كنت فعالة
وتقريبا كنت بضحك وخلاص
احلي موقف
ان في ترابيزة ورانا قاعد عليها اتنين رجاله
وياسمين راسها والف سيف ان دول مباحث
عشان كانوا رمين ودانهم اوي لينا
ههههههههههه
بجد كان شكلنا خارج عن القاعدة خالص لاننا كنا مهيصين الكافية
وانا والغلبان محمد عبد الغفار اللي مش كنا بندخن في الليلة دي
بس تقريبا كدة يعني
شربنا كل علب السجاير اللي طلعت من الدخان
نسيت اقول ان ياسمين عزمتني
يعني جت مصلحة منها
وكنت فرحانة اوي لاني كنت اصغر واحدة في القاعدة لحد ما نكد عليا الهواري وجه وبقي هو اصغر واحد في القاعهدة
بوظ عليا فرحتي
ههههههه
بجد اليوم كان تحفة وزي ما قلت كان فيه كل حاجة
ياريت بجد تشاركونا تاني في المرة الجاية
هتتبسطوا اوي والله
يلا بقي كفاية كدة عليكم
موبيلات بقي
ها
باي

Labels:

46 Comments:

Blogger dead man said...

طيب أنا هكرر التعليق اللى قولته عند ياسمين وأقول انى كنت مبسوك جدا..

أما أنا يا ستي لا دماغ جدا ولا حاجة.. ربنا يخليكي

Sat Jan 13, 01:36:00 AM GMT+2  
Blogger ody911 said...

ماشى ماشى

عملتوها من ورايا

بس أقول إيه ؟؟؟
مدونين آخر زمن

وعادى بقة
أودى كااان نايم

Sat Jan 13, 02:29:00 AM GMT+2  
Blogger bosbos said...

لو الدعوة عامة,أحب أشاركم المرة الجايه لو ده مايدايقش حد

Sat Jan 13, 03:05:00 AM GMT+2  
Blogger بين الأمل و اليأس said...

انا جاي احجز مكان بس اصلي كنت هنا منشوية بس ولا كان فيه بوست جديد من اساسه وتصدقي لو قلتلك انا معرفش اسمه ايه لسه ولقيت الكومنتات دي كلها
فهاروح اقراه وارجع عالله حد يكتب على ماجي

Sat Jan 13, 03:30:00 AM GMT+2  
Blogger zordeak said...

أصرخ مثل ذلك الظابط فى فيلم الطريق الى ايلات


يا ريتنى كنت معاهم


يزداد البكاء


يا ريتنى كنت معاهم .., عملوها الوحوش


:D

الحمد لله ان انتى انبسطتى يا انوجتى العزيزة

كان نفسى ابقى معاكم والله .., بس تقولى ايه .., الامتحانات بقى والمذاكرة وانا اساسا مش من القاهرة

يعنى مقفلة معايا من كله

يللا بقى

ربنا يفرجها وابقى اعرف اجى معاكو

سلام يا أوختشى

Sat Jan 13, 03:44:00 AM GMT+2  
Anonymous Anonymous said...

خيااااااااااااانة

ماشي يا هانم يتخرجي من ورايا يا امينة

لمي هدومك وعلي امك

وبعدين اشمعني يعني واحنا بنمتحن

يعني بتغيظونا

انا معرفتش اسي كومنت
لاني اصلا مش عارف ادخل عندي علي المدونة

اللي عنده يساعد اخوكم
البلوجر بيتا جنني

انا سطبت ويندوز جديدة ومش عارف ادخل علي مدونتي
الحقيني يا سمورة

اهئ اهئ اهئ

Sat Jan 13, 03:48:00 AM GMT+2  
Anonymous amr ahmed said...

يووووووه
نسيت اقول ان انا عمرو احمد

اريد انثي

Sat Jan 13, 03:49:00 AM GMT+2  
Blogger بين الأمل و اليأس said...

الله الله الله دانتو كنتوا بتتكلموا جد بقه
ياسلام والله العظيم انا بحب الناس دي
فعلا حركة جديده ومحدش اقدم عليها
والله العظيم لو اعرف ان الكلام جد كنت جيت بس يالله مليش نصيب
ابقى اشوفكم السنه الجايه بقه لو كان ليه عمر اصثلي عرفت انه اول اتنين
وانا بقه هاكون هناااك فين ابقى اقلك وانا هنا عشان اشوف احساس تغيير البلد
بس بجد شوقتيني ليكوا اكتر من الاول
فيه اغنيه بتقول كان نفسي تكون معايا لو عارفاها دي اهداء منكم ليه انا
عادي رخم وبيحشر نفسه في حاجات مالهاش لزمة
يالله يارب فعلا تحققوا كل احلامكم وخصوصا انكوا اجتمعتوا من الاجتماع لانكم من جواكم قلوب صافيه
بس انا تخيلت انه لو حصل هايبقه العدد كبير اكتر من كدا بس احب اخلعلك القبعه انتي وياسمين والميت والحصان
وايمن ومحمد عبد الغفار على الحركة دي
بس هارجع واقول كان نفسي تكون معايا
وربنا يحميكم كلكم يارب بجد فرحتيني اوي اوي
اه ونبي عدلي توقيت المدونة
انا وانا بحجز لقيت الحجز الساعه خمسه ونص والسعه دلوقت اربع وخدي بالك الدجهاز عندي حلف ليعمل ريستارت مع نفسه كاني مش انا صاحب الجهاز ولا كان ليه لزمه في الموضوغ(انديان مان انا) وبجد انا مبسوط اوي اوي
:)
وربنا يسترها

Sat Jan 13, 04:03:00 AM GMT+2  
Blogger بين الأمل و اليأس said...

يالهوي من التالت اتحدف التامن مره واحده ايه يابنتي الحب ده كله طب ممكن اطلب طلب عايز ادفع اشتراك
درجة اولى اول كرسيين ممكن
بس يالله خير انا كنت حاجز الدرجه التالته وكدا التامنه والتاسعه
اااه
محدش حاجزها عندك
من الاخر انا اعيط يارتني كنت صدقت الكلام وجيت
مينفعشيكون اخر الشهر ده شهر يتاير يعني عايز احضر
وااااااك
عايز اخد ذكرى ناس صافيه معايا
:(
مش عارف بس يالله
ربنا يفرحكم يارب
ربنا يسترها

Sat Jan 13, 04:08:00 AM GMT+2  
Blogger albida said...

انوجى النوجى كونوجى

والله انا فرحانة اوى أنكم اتبسطم
:)

manal

Sat Jan 13, 05:15:00 AM GMT+2  
Blogger soul said...

لا بقى

زى ما قال أخويا زوردياك عملوها الوحوش ياريتنى كنت معاهم

انا مبسوط فحت (: .. انكم انبسطتم

الله يسامحه أبويا بأه...على التعليم على اللى بيتعلموه
خدنا إيه من الامتحانات

ياللا مش مهم

المره الجايه بأه إن شاء الله نبقى معاكو

ياللا بييس
موبيلات برضه هه
أوك

Sat Jan 13, 06:11:00 AM GMT+2  
Anonymous Anonymous said...

انجى
انا كان عندى تعليق على كلنه ابمن كان جاى نكدى
دى ممكن حاجه مكنش بعرفها الا انا وانت ومكنتش عايز جد بعرقها الا النا س اللى كانو معانا واللى انا سعدت بمعرفتهم
انحى ارجو التصيح وبدون توضيح

ايمن

Sat Jan 13, 07:48:00 AM GMT+2  
Blogger Mohamed A. Ghaffar said...

انا انبسط يا رجاله ودى حاله نادره

Sat Jan 13, 09:18:00 AM GMT+2  
Blogger bagabigo said...

كان نفسى بجد اجى بس انا عندى رهبه فى مقابلة الناس اللى معرفهاش لأول و حاولت اتغلب على خوفى دا بس مقدرتش ان شاء الله المرة اللى جاية اقدر بحبكم اوى

Sat Jan 13, 09:47:00 AM GMT+2  
Blogger مُزمُز said...

هي الدعوة عامة؟

يعني ممكن الغلبانين المحبوسين أمثالي ييجوا؟

طب أنا مش جاي رأفة بس بيكي لأني لو جيت هبقى أصغر واحد بالتأكيد يعني وبكده تزعلي وتحطيني ف دماغك

يللا سلام

Sat Jan 13, 10:53:00 AM GMT+2  
Blogger smraa alnil said...

dead man

وانا كمان والله كنت مبسوطة انك كنت موجود
وقعدنا نضحك
اما بالنسبة لموضوع الدماغ
فانت فعلا دماغ وبتفكر في حاجات كتير وليك وجهه نظر تانية فيها
ومستقلة
ودي حاجة والله انبسطت بيها اوي
ربنا يخليكو ليا بجد
انتو احسن اخوات ليا

_________________________________


اودي

كنت نايم ايه بس
اجي اخطك باجة دلوقتي
دة انا بقالي 3 ايام عاملة اعلان اد كدة علي ام المقابلة دي
وبعدين يابيه حد ينام السااعه 7 بليل
طب ارد اقول ايه
مدون اخر زمن بجد
اعمل حسابك بقي ان انشء الله هتكون معانا المرة الجاية اديني بقولك اهو
وعادي بقي
______________________________

bosbos

الدعوة اصلا كانت عامة من الاول
وكل مرة الدعوة عامة
وطبعا نحب انك تشارك معانا
صدقني هتبقي لذيذة وطبعا دي حاجة تسعدنا مش تضايقنا
تشرفنا طبعا وبعدين مش في حد منا صاحب القاء كلنا اصحاب اللقاء
___________________________________

بين الامل والياس

حبيب قلبي حزومة
عامة انا شايفة ناس تحتك كتير
حاول تلحق بقي
دايما متاخر كدة

Sat Jan 13, 11:24:00 AM GMT+2  
Blogger smraa alnil said...

zordeak

حبيب قلبي التاني

هتصدقني لو قلتلك اني كنت متوقعة الكومنت دة يجيلي
والاقيك بتقول عملوها الوحوش ياريتني كنت معاهم
هههههههههههههه
بجد ياريتك كنت معانا انت والفقري اللي اسمه سول دة
عامة المرة الجاية ان شاء الله هتكون في الاجازة ابقي اخطفلك يوم كدة وانزل والقاهرة ومش تخاف هنلافيلك مكان تنام فيه
اوكش
ابقي حسابك من دلوقتي اهو
اديني بقولك
____________________________________

عموووووووووووور

معلش والنبي يا سي السيد
الحسين دعاني وانا لبيته
السوارس بقي يا سي السيد
هي جت كدة والله
اننا كنا عايزيتها قريب
بس خلاص شهر 2 قرب
كلها اسبوعين ونشوف خلقتك ولا ايه نظامك في الحياة

ادي اخرة اللي يبقي عنده بيتا
الحقك ايه ولا اعرفك
دة انا ابيعك وش
ههههههههههههههههههه
طب خلاص مش تعيط
وبعدين من غير ما تنسي توقعت ياا تكون انت يا تكون اسلام
خلاص بقي بطل عياط
والمرة الجاية ان شاء الله هتكون معانا

Sat Jan 13, 11:24:00 AM GMT+2  
Blogger smraa alnil said...

بين الامل والياس

اومال احنا بنهزر يعني
انت تعرف عني كدة
شفت بقي ادينا عملناها
وعارف الاجمل اننا كلنا نعرف بعض من فترة قصيرة اوي كمعرفة بلوجات
بس تعليقاتنا عن بعض واحساسنا بالكلام اللي بنكتبه خلانا كأننا نعرف بعض من فترة طويلة اوي
انا عارفة انت هتكون هناك فين
بس انا مش لاقية سبب
ياريت تعرفني سبب السفر ايه
طب واالله دي انا بقي اللي بهديهالك
كان نفسي تكون معايا
عامة حاول دة هيبقي اول جمعه في شهر 2
حاول تلحق بقي وتظبط معاد شفرك اللي بجد مخليني زعلانة
فعلا انا حسيت ان كل واحد من جواه صافي اوي وصريح اوي
احنا في الاول افتكرنا العدد كبير برضه
بس تقربييبا بقي ان مش في حد كان عايز يشوف خلقنا او انه مش فاضي واللي كان نليم زي البيه اودي
واللي وراه امتحانات
عامة كل دة هيبان ان شاء الله المقابلة الجاية
ربنا يخليك يارب
وعامة يا فندم جاري التعديل والمداولة
ههههههههههههه
مانت لو ليك شخصية مع جهازك مش كان فكر انه يسترت مع نفسه
بس ارجع واوقل انت اللي غلطان
عودتوا عليك
تامن ايه بس انت بتحسب نفسك ولا ايه
انت السادس
المهم انك دخلت الدور التمانية ودة كويس في حد ذاته
المرة الجاية تخش المربع الذهبي
هههههههههههههه
انت مش تدفع حاجة انت مفتوحلك مدي الحياة
تحب احجزلك جنب الشباك حضرتك
هتفرق اخر الشهر من 2 في الشهر
طب انت هتسافر امتي
يا لهوي كلامك بيخليني اعيط
انت محسسني انك مش راجع تاني يا حازم
يا ابني قولي بس مسافر ليه

__________________________________

منال

والله كنت هفرح زيادة لو كنتي معانا
بس تتعوض ان شاء الله
اعملي حسابك بقي من دلوقتي

Sat Jan 13, 11:25:00 AM GMT+2  
Blogger smraa alnil said...

soul

هههههههههههههههههه
عامة مش مهم اعتبرنا يا سيدي ولا اتقابلنا
وخليك المرة الجاية
بجد انا اللي عايزة اشوفكم
ان شاء الله هتيجوا
مش في كلام ولا مناقشة اوكش
اوكي ماااااااااااان
كوووووووول
___________________________________
ايمن فاروق

ثواني بقي
انا مش شايفة ان في حاجة تزعلك
وبعدين انا مش وضحت حاجة انا كل اللي قلته انك كنت اي متنكد
ودة احساس عادي بيمتلك كل البشر
وبعدين انا قلت كدة كنوع من تبيرير عدم مشاركتم معانا وانك شاركت بقليل من ارائك
يعني كلمة متنكد او زعلان دي هي مش شتيمة يعني
___________________________________

محمد عبد اغفار

وانا بجد انبسطت اني عرفتك
وكنت سعيدة اوي باللقاء
ان شاء الله نكررها
_________________________________

بجابيجو

عامة خليكي معايا انتي المرة الجاية دي وانا هشيل من عندك الرهبة
لانها برضه كانت عندي بس اتغلبت عليها اول خمس دقايق
ان شاء الله المرة الجاية هتقدري فعلا
بس هتبقي معايا اوكي
___________________________________

مزمز

طبعا الدعوة كانت عامة وهتزال عامة
وطبعا مانا برضه الغلبانة المحبوسة جيت
بس ان شاء الله هتخرج من حبسك وتجيلنا
لالالالالالالالالالا
تعالي انت بس وهتكيف انا مع الموضوع
زي ما تكيفت مع الهواري كدة
هههههههههههههه ومش تخاف مش هحطك في دماغي ولا حاجة
والله يا ابني انا بحبك كانك اخويا الصغير واحيانا بشيل همك ودة من غير ما اشوفك
ما بالك بقي لو شوفتك
هههههههههههههههه
يعني من الاخر خاف مني بقي
سلام وهنشوفك المرة الجاية ان شاء الله

Sat Jan 13, 11:25:00 AM GMT+2  
Blogger sherif gharib said...

العزيزه سمراء النيل
عارف ان القاعده كانت حلوه لانى جربت القعدات ديه كتير قوى و الواحد بيستفيد منها كتير الصراحه يعنى بيستفيد من الناس اللى قاعد معاهم و برده بيفيدهم اكيد
على فكره انا بحب لعبه الصراحه ديه جدا بس لازم يكون اللى قاعدين اصحاب جدا و اللا تبقى سياح
هههههه
تحياتى

Sat Jan 13, 11:54:00 AM GMT+2  
Blogger linda said...

عن جد غيرانة منكم

dead man
شو الباين طلعت خلاص من قبرك ههه
على فكرة انا سعيدة جدا لانو خرجتولنا انجي من جو الحزن يلي كانت بيه

أخ لو كان بإمكاني أشوف بعض المدونين
هههه بس يلا مابنعرف ممكن القدر بيجمعنا وادعولي اني زور مصر يوم من الأيام


سمرا

انشاء الله دايما سعيدة يارب

وانت ياياسمين خودي بالك منها

والباقي الشباب بهنيهم على الجو الجميل يلي عملوه مشان انجي

Sat Jan 13, 12:18:00 PM GMT+2  
Blogger linda said...

سمرا المفروض تعوضينا على القعدة هيدي انت وباقي الشباب مشان مانزعل ولا شو قولكن ياجماعة

يلي ماحضرتو؟؟؟؟؟

ولو ماوافقت سمرا راح نعمل انقلاب هههههههه

فكري منيح ياسمرا

وانت يارجل ميت راح تلعبنا لعبة الصراحة هههه

فكرو اوكى ههه

عم بمزح معكم

Sat Jan 13, 12:22:00 PM GMT+2  
Blogger Fancy said...

مبسوطة اوى انكم اتجمعتم و كنتم سعداء

يارب يسعدكم دائما و يظل الود و التواصل

اكيد كان نفسى اكون موجودة فجلسة جميلة زى دى

لكن معلش اللقاء نصيب

لكم كل التحية و التقدير

Sat Jan 13, 12:36:00 PM GMT+2  
Blogger smraa alnil said...

شريف

اكيد بجد هتبقي حلوة اكتر لو كنت جيت
بجد ياريت تعملها المرة الجاية
وبعدين احنا كدة كدة بسيح في بلوجاتنا
يعني مش بقت فارقة
بس بجد لعبة الصراحة دي خلت كل واحد يتقرب من التاني اكتر ويقرا بوستات التاني بعمق اكتر
عامة انا سيحت لايمن ههههههههههه
تيحاتي
___________________________________

ليندا

غيرانة يبقي تيجي بجد
والله انا سعيدة ان انتي معايا علي طول برغمالبعد الي بينا
وبعدين مش في حاجة بعيدة عن ربنا
جايز يكون فعلا القدر يجمعنا في يوم
عامة هسنستناكي تيجي مصر بجد
ربنا يخليكي انتي يارب

ههههههه
وبعدين ليندا الشباب الي ما حضروا عشان كان عندهم امتحانات وهما الي ما رضيوا يجوا
بالنسبة لراجل ميت فاخيرا طلعته من قبره شوية
وبجد اتعرفي عليه يا ليندا

بعرف انك بتمزحي يا قمري
بس تعالي الاول واعملي انقلاب براحتك
ههههههههههههه
___________________________________

fancy

وانا انبسط اوي لانك اول مرة تزوريني
وبجد هنبسط لما تكوني معانا المرة الجاية
لكن تتعوض بقي
تيحياتي ليكي ايتها الحالمة

Sat Jan 13, 12:58:00 PM GMT+2  
Blogger sherif gharib said...

على فكره يا سمرا انا من اسكندريه يعنى علشان اجى لازم ابقى عارف من قبلها علشان ابقى عامل حسابى
و بعديم انتى ليه على طول مش باينه اون لاين
يا ريت تبقى تبعتيلى الميل بتاعك احسن انا حاسس انى كاتبه غلط اصلا علشان انا مش بشوفك اةن لاين خالص
ياللا سلاام

Sat Jan 13, 01:41:00 PM GMT+2  
Blogger 3rby said...

انا اللي نفسي اشوفك
قوليلي هو علاء اداكي فريندز ولا لسه
لما يجي يديهالك ابقي قوليلي لاني لو قولتلوا خدني معاك هايئلشني

Sat Jan 13, 01:42:00 PM GMT+2  
Blogger smraa alnil said...

شريف

عامة هنبقي نقول من قبلها يا مان
عشان تعمل حسابك ونتصرفلك انت كمان في مكان نبيتكوا فيه
هههههههههههه
علي فكرة بقي انت شكلك كدة واخد ايميلي غلط
ايميلي علي البروفيل بتاعي
ابقي انقله كويس بقي
هههههه
سلام
سي يو
___________________________________

عربي

وانا نفسي اشوفك برضه والله يا ابني

عامة حلقات فريندز مش هينفع اخدها لان السي دي رووم الي عندي مش دي في دي
وعلاء قالي لازم يكون دي في دي
اعمل انا ايه بقي
دلوقتي

Sat Jan 13, 02:18:00 PM GMT+2  
Blogger ياسمين said...

كلام جميل جدا
أنا فاكهة القعدة .. ربنا يخليكى
على فكرة انتى كنتى جميلة ومشرقة ورقيقة وقوية فى الوقت نفسه
انتى اللى كنتى فاكهة القعدة بجد
وأنا فخورة بمقابلة الجميع

Sat Jan 13, 02:46:00 PM GMT+2  
Anonymous linda said...

شو سمرا نسيتي التعويض ولا سكتي عنو؟؟؟

ههه المهم انا بدي ياكم كلكن تعوضوني على هيك قعدة مو شرط كون معكم بس حتى بالبلوق شو رأيك :)

Sat Jan 13, 04:01:00 PM GMT+2  
Blogger tamer said...

ياة كان نفسى اكون معاكم

بس اعمل اية فى معاد الشغل بقى

المرة جاية ان شاء الله اعمل حسابى واخد اجازة

تحياتى

Sat Jan 13, 04:38:00 PM GMT+2  
Blogger dyin_soul said...

هاي يا جماعة
انا بقي جديدة علي موضوع البلوجز ده و عرفته بالصدفة و حبيت الموضوع جدا جدا جدا و نفسي اني اشارككم و اتواصل معاكم بس مع الاسف عندي امتحانات بس المرة الجاية ياريت تقولوا ممكن تكون امتي بجد نفسي اكون معاكم

Sat Jan 13, 06:02:00 PM GMT+2  
Blogger ody911 said...

سمراء

واللهى أنا مسافر 14 ساعة ومنمتش إلا بعد ماخلصت شوية ححات كدة روحت نمت بقة

يعنى كتيير تقدرى تقولى بتاع 28 ساعة كدة صاحى وكمان 12 نايم

هههههههه
عادى بقة

عموما المرة الحاية أكون معاكوا إن شاء الله

وعادى رضوا
أودى

Sat Jan 13, 10:24:00 PM GMT+2  
Blogger Utopian said...

انا حاجز مكان جنب الشباك المره الجايه

بجد ناوي اجي المره اللي جايه ان شاء الله

Sun Jan 14, 12:23:00 AM GMT+2  
Blogger LAMIA MAHMOUD said...

والله هو الواضح ان معظم المدونين ناس كويسة او على الاقل اللي عرفتهم منهم لحد دلوقتي

بس ما قلتليش يعني كنتوا قاعدين فين؟؟
:)

بس اهم حاجة انك قضيتي يوم حلو

Sun Jan 14, 12:59:00 AM GMT+2  
Blogger Ma-3lina said...

i wish i had came :( but i had shift nd the place is far away from my home

glad that u all had a good time nd next time i will be with u isa

Sun Jan 14, 01:38:00 AM GMT+2  
Blogger frozen love said...

شوفي يا انجي..انا المرة الجاية راشق ان شاء الله..بجد نفسي اتعرف عليكم ودي مش هتبقى اول مرة اقابل فيها مدونين..زي ما انتي قلتي بترسخ العلاقة والناس دي مثقفة جدا

Sun Jan 14, 01:46:00 AM GMT+2  
Blogger el2ahwagi said...

2oolooli elmarra elgaya 3ashan akhod tayarti elkhasa wageelkom...lol

sa3etha hat2ooli wekan el2ahwagi da ... akbar wa7ed fel 2a3da... (Senan bas tab3an)... :)

Sun Jan 14, 04:58:00 AM GMT+2  
Blogger elkamhawi said...

انتى كدة هتخلينى احسدكم
انتو كلكم جمال
اللى قعد معاه منهم هو هوارى وبجد انسان عظيم

Sun Jan 14, 02:22:00 PM GMT+2  
Blogger إبـراهيم ... معـايــا said...

شوفووولي مكان ف المركب ، لو طالعين ف المركب ، و ف العباااارة لو طالعين باليخت ، و ف القطر لو طالعين بالعربية ، ف الدقي ف المهندسين مصر الجديدة القديمة ، عتبة رمسيس باب الخلق ، باب الحديد ، باب بيتنا ، باب العربية .......... أي مكاااااااان
صحرًا كان أو بستان

خدوني معااااااااكم

لا تتركووووني وحيدًا أعااااني
و هكذا ، وهكذا

إلخ ، إلأخ

Tue Jan 16, 12:18:00 AM GMT+2  
Blogger إبـراهيم ... معـايــا said...

شوفووولي مكان ف المركب ، لو طالعين ف المركب ، و ف العباااارة لو طالعين باليخت ، و ف القطر لو طالعين بالعربية ، ف الدقي ف المهندسين مصر الجديدة القديمة ، عتبة رمسيس باب الخلق ، باب الحديد ، باب بيتنا ، باب العربية .......... أي مكاااااااان
صحرًا كان أو بستان

خدوني معااااااااكم

لا تتركووووني وحيدًا أعااااني
و هكذا ، وهكذا

إلخ ، إلأخ

Tue Jan 16, 12:35:00 AM GMT+2  
Blogger smraa alnil said...

ياسمين


طبعا دة انتي كنتي وردتنا كمان
ربنا يخليكي ليا يارب
___________________________

ليندا

لا ابدا
اكيد راح اعوضك طبعا بس استني عليا شوية

Fri Mar 16, 02:35:00 PM GMT+2  
Blogger smraa alnil said...

تامر

المهم انك هتكون معانا بعد كدة ودة اللي يهم
قول ان شاء الله
___________________________

داينج سول

انتي خلاص مش بقيتي جديدة
اديكي بقيتي مننا وعلينا
بحبك يا بنتي والله

Fri Mar 16, 02:36:00 PM GMT+2  
Blogger smraa alnil said...

اودي

عادي بقي
___________________________

يوتوبيان

ان شاء الله هنخليك تيجي
بس انت لاقي جبنتك الاول

Fri Mar 16, 02:36:00 PM GMT+2  
Blogger smraa alnil said...

لميا محمود

كنا قاعدين في تريانون اللي في المهندسين يا هانم
المهم انك وحشاني
___________________________

ما علينا

مش باين يا هانم كل كرة تطلعي بحجة شكل
المهم هبقي اكلمك

Fri Mar 16, 02:36:00 PM GMT+2  
Blogger smraa alnil said...

حاااامد

كويس اديني شفتك بدل المرة تلات مرات
الفكرة اتغيرت لا
___________________________

القهوجي


هههههههههههههههه
دة علي اساس انك حسني مبارك
والمقام والله
انت مقامك كبير

Fri Mar 16, 02:36:00 PM GMT+2  
Blogger smraa alnil said...

القمحاوي

فعلا هو عظيم جدا وانا بحب الولد دة موووت
___________________________

ابراهيم معايا

ايه دة مانت راشق معانا خلاص

المهم انك بقيت معانا يا هيما
خلاص بقي مش عايزين رغي

Fri Mar 16, 02:37:00 PM GMT+2  

Post a Comment

Links to this post:

Create a Link

<< Home