Tuesday, December 19, 2006

قلوب لا تنبض

قلوب لا تنبض

كانت تعتقد بانها ميتة ,.. بان قلبها لا يوجد فيه نبض كانت تشعر بانها تعيش داخل قضبان كانها مومياء.. كانها جسد بلا روح ...كانها قلب بلا نبض... كانت
يائسة من وجود من يستمع لها من يخفف عنها ظلمها من يفرج همها كانت تعتقد بان الدنيا كلها عبارة عن جدران!...؟
جدران سوداء محبوسة بداخلها وبالرغم من ذلك وعلي قدر ما كانت هذه الجدران السوداء صماء جافة قاسية الا انها اتخذتها خليلتها تحكي لها عن مأساتها عن ظلمها عن حزنها وتبكي لها.
كانت تري كل من حولها عبارة عن قلوب لا تنبض ولكنها تتظاهر بالنبض حاولت هي الاخري التظاهر بالنبض لكنها فشلت لانها كانت ميتة.
حب؟؟؟.. ما هو الحب؟..؟ واين هو الحب؟..؟ ومتي ياتي هذا الحب؟؟..
كانت تراودها هذه التساؤلات وفي كل مرة تتوه في مدار الحياة وتتخبط في جدرانها السوداء وكل ما تحصل عليه صدي انين صراخها ولا تعرف ما هي او اين هي الاجابة.
علي قدر احساسها بقبر الحياة الا انها كانت عطشي لمن يحي قلبها.
وفجأة!!! ؟
داهمها الحب ,!!! الحب الذي لم تكن تتوقعه:" أيأتي لي الحب!!!؟؟ انا خائفة لا سوف اهرب منه "
وحاولت الهرب مرارا لانها لم تكن تتوقع دوام الحب ولكنه ظل يلاحقها ويلاحقها اينما ذهبت. اخبرت القلوب التي لا تنبض التي حولها فاخبروها بان تعطي لقلبها الفرصة لكي يحيا ودخلت في صراع مع الحب وقبلت به , قبلت بهذا الشئ الذي يطلقون عليه الحب كانت الحياة التي كانت تعيشها او مدفونة بداخلها بين الجدران السوداء, بين الاجساد التي فقدت روحها , بين القلوب التي لا تنبض تؤثر عليها وعلي علاقتها بهذا الحب

حاول الحب تغييرها ولكن هيهات كانت كانت تقول بداخلها : ؟
ْءأتغير ... ابعد عشرات السنين اتغير في ايام في شهور انه لشئ كبير .. يا لمأساتي ... ايطلب مني ان ينبض قلبي .. ايطلب مني ان تعود الروح لجسدي .. ايطلب مني ان يدب الاخضر في ارضي, ايطلب مني ان تتلون وتسير المياه في انهاري انه لمن المستحيل
شعرت بان قلبها مازال متوقف عن النبض هربت قررت ان تعيش بلا نبض ولكن ايتركها الحب تمضي لحالها لا بل لاحقها.
احتضنها بعيونه.. بكلامه... باحساسه... طلب منها ان تثق به ولا تخاف لانه سيعيد اليها قلبها النابض اخبرها بانه سيكون احن عليها من الجدران السوداء سيكون اقرب اليها من نفسها " احبك جدا" ركع تحت قدميها بكي كان يملؤه حنان لم تر مثيل له من قبل اذن!! اهذا هو الحب الذي يتحدثون عنه؟؟؟ اهذا اذن الحنان الذي كنت اسمع عنه؟؟؟ اغمضت عيناها الدامعتان وقالت لنفسها(" ها أنا ذا اهب لك حياتي الممزقة اهب لك عمري الضائع )"؟


وفجاة !!!
شعرت بشئ غريب يسري داخل جسدها , انه دمها !!!
من اين يأتي؟!!
اه أهذا من قلبي ؟ ما هذا الصوت الذي اسمعه؟؟
اهذه نبضاتي؟؟؟
يا الهي ان قلبي ينبض تكاد دقات قلبها تخرجه من بين ضلوعها
شعرت ولاول مرة انها انسانة بل انها ملكة علي مملكة العاشقين
لقد جعلها تبلغ عنان السماء النجوم التي كانت تراها بعيدة استطاعت ان تلمسها بل لقد عقد لها عقد من النجوم لترتديه....لقد تغيرت لقد اعطاها بساطا لتسافر به اينما تريد انه ملكها اشعرها بالامان..... يا الهي لقد بدء الحب يدب في اوصالها وكأن خلايها تصرخ بحبه احبته تمنته اخبرت الجميع بهذا الحب وكأنها تحتفل بعودة الحياة لروحها... تحتفل بعودة الروح لجسدها
تحتفل بنبض قلبها.
رأت كل من حولها قلوب تنبض بالحب والسعادة لاول مرة رأت الاخضر يدب في ارضها
رات لون البحار والمعجزة! انها رات رائحة الزهور
وفجاة!!!! ؟؟
سحب البساط من تحتها وهي تسافر به غير مالي بموتها او سقوطها
بدء في حصاد الاخضر المزروع في غاباتها امتص لون البحار التي ملئتها بالحب
اقتلع كل الزهور ودهسها بقديمه وقال لها: ؟
فلتعيشي من غيري
اعيش؟؟ لمن؟؟ ولماذا؟؟ وكيف اعيش؟؟ واين اعيش؟؟ فقد كان هو ملجئها.. عنوانها سكن يديه... تعيش بعد ان دفنها " لا لن اتركه" لاحقته ولكنه طعنها في قلبها اوقف نبضاته مزق جسدها سحب منها روحها
(" ان هذا لم يكن حب كان مجرد وقت وانا قد مليت)"
يا الهي !!!!! ؟
اهذا لم يكن حب اذن لاموت وتوقف قلبها عن النبض اصبحت من القلوب التي لا تنبض رات الحياة مرة اخري جدران سوداء رجعت لحياتها الاولي مع الفارق في انها في البداية كانت تري كل شئ عبارة عن قلوب لا تنبض ولكن هم الان احجار جارحة قاسية
كيف اعيش بين احجار ومع احجار وداخل جدران سوداء لا لن اعيش
استسلمت لموت نبضها
ذهبت لبحر الاحزان بحر دموعها سارت فيه.....بداخله
حتي استسلمت لامواجه دون مقاومة وهكذا لم يعد قلبها فقط الذي توقف عن النبض بل توقف جسدها عن التنفس... عن الصراخ...عن الحب... عن العطاء .
فضلت الموت علي ان تعيش مع احجار.. مع خداع... مع حب زائف... مع قلوب لا تفهم النبض
دفعت روحها الطاهرة ثمنا لعذاب عالم لا تنبض فيه القلوب كان عليها ان تقرر: !!؟
اتتحدي القدر ؟؟! ام تقضي عمرها كله وسط قلوب لا تنبض
فرغ قلبها من كل نبضات الحب والحنان والعطاء
لعلها تجد في امواج البحر قلب اخر غير مسجل في قائمة القلوب التي لا تنبض

Labels:

43 Comments:

Blogger الجحيم هو الحقيقه said...

ها أنا ذا اهب لك حياتي الممزقة اهب لك عمري الضائع )"؟
اين من يقدر هذا
الكلام
فى عصر بلا قلب ينيض
؟؟؟

تحيه من قلب
شعر بالالام
وبقسوة الاحاسيس السابق ذكرها
تلك الاحا سيس التى نكئت الجر اح
التى خلتها قد شفيت
ولكنه كا ن الخد اع
خد اع الذ ات
؟

Tue Dec 19, 11:43:00 PM GMT+2  
Blogger albida said...

تصدقى يا بنتى.. كلامك بيمتص الواحد مش عارفة ازاى؟
شعرت بالامها من خلال كلامك وأسلوبك الجميل
والنهاية عجبانى جدا... مش أنا بقلكم مفيش حاجة اسمها حب!!

manal

Tue Dec 19, 11:52:00 PM GMT+2  
Blogger tota said...

سمراء
عارفة من اول ما بدأت قراءة الجزء الذى صدقت فيه الحب وسقطت فى براثنه وانا منتظرة موته
لم يعد للحب مكانا بيننا فكيف ينمو الاخضر فى الصحراء قد ينمو الصبار بمراره لكن ابدا ليس الحب

الحب اغنية تسلية وردات حمراوات وكلمات اغنيات حين يملون منه تقلب الصفحات وهكذا هى الحياه

ابدا لن تجدى نبض قلوب لان الحب الحقيقى لا يغزو القلوب الميتة

كلماتك كانت حقيقة مؤلمة ومحزنة والنهاية هى موت اى قلب صادق
تحياتى

Wed Dec 20, 12:00:00 AM GMT+2  
Blogger smraa alnil said...

الجحيم

تتسائل عن من يقدر هذا الكلام
اقولها علنا


لا احد
___________________________________
منال

انا عارفة يا بنتي من زمان ان مش في حاجة اسمها حب من زمان بس دة مش يمنع انك تضحكي علي نفسك بشوية مشاعر علي الورق يمكن تحسي انك لسة عايشة
فاهماني
_________________________________

توتا

مات من نبض قلبه بالحب
ودي النهاية الحتمية لاي قلب صادق
فعلا يا توتا زي مانتي قلتي
الحب اغنية

Wed Dec 20, 12:36:00 AM GMT+2  
Blogger Ironcobra said...

بصي بأة كلام المشاعر و الكلام المترتب الكبير أوي دة أما عمري ماكان لي فية , بس بأحترم أوي الناس اللي بتملك ناصية اللغة و تقدر ترتب الكلام جنب بعضة و تطلع منة حاجة جامدة كدة تخليني مزبهل و مفغور الفاة .
عموما الكلام باين علية جامد طحن .

Wed Dec 20, 03:45:00 AM GMT+2  
Blogger smraa alnil said...

ironcopra

يا سيدي كلامي لا جامد ولا حاجة لا هو مقصود انه يترتب
كل الحكاية اني حسيت بالمشاعر دي وحاولت اترجمها لكلام علي الورق

وبعدين الكلام باين عليه جامد ازاي
انت شفته هههههههه
تحياتي وابقي تعالي كل يوم
بنعمل سحب علي الجوايز صاحب اكتر من تعليق
ههههههه
تحياتي

Wed Dec 20, 09:45:00 AM GMT+2  
Blogger بين الأمل و اليأس said...

والله كنت كاتب بس انا طلعت ذكي وكنت عامل كوبي قبل ماعمل الصفحه وفعلا اللي خفت منه لقيته بس اهه ده باست وعيشي بقه:
ارحميني انا مش ناقص الم
والله كلام جامد ياعالم
بجد جامد مووت
انا بجد حسيت بيها حسيت بانسانه كانت ميته واحياها الحب لكن ياترى بعد ان اماتها هل تستطيع ان تثق بالحب مره اخرى
انا لما قريتها حسيت بالذنب الندم على حاجات كتييير لكن والله ياعالم مكنش بايدي انا عارف اننا ظلمتها لكن مش بايدي
انا فعلا اديتها كل ماعندي وكل حنان ممكن لاني مؤمن بالحب وخدت طريق رسمي وفحرت في الارض لمدة تلات شهور لكن اللي حوليه كان اقوى مني وكان لازم اسيبها تشوف حياتها
اوببا طب والله منا ماسح
بس ربنا يسترها على كل انسان بيبحث عن الحب ونصيحه اخويه محدش يحب الا لما يبقه قادر يبقه دارس كل الظروف عشان مايتظلمش ومايظلمش حد معاه
وارحميني من كلامك ده مره مصر ومره قلب
ايه هو حد موصيكي عليه على فكره انا سبت تعليق هناك في مصر بردو
بس جاااااااامد ممكن نقف احتراما لكي وتحيه كبيره وسقفه كبيره ياجدعااان
:))
وربنا يسترها

Wed Dec 20, 04:15:00 PM GMT+2  
Blogger بين الأمل و اليأس said...

والله كنت كاتب بس انا طلعت ذكي وكنت عامل كوبي قبل ماعمل الصفحه وفعلا اللي خفت منه لقيته بس اهه ده باست وعيشي بقه:
ارحميني انا مش ناقص الم
والله كلام جامد ياعالم
بجد جامد مووت
انا بجد حسيت بيها حسيت بانسانه كانت ميته واحياها الحب لكن ياترى بعد ان اماتها هل تستطيع ان تثق بالحب مره اخرى
انا لما قريتها حسيت بالذنب الندم على حاجات كتييير لكن والله ياعالم مكنش بايدي انا عارف اننا ظلمتها لكن مش بايدي
انا فعلا اديتها كل ماعندي وكل حنان ممكن لاني مؤمن بالحب وخدت طريق رسمي وفحرت في الارض لمدة تلات شهور لكن اللي حوليه كان اقوى مني وكان لازم اسيبها تشوف حياتها
اوببا طب والله منا ماسح
بس ربنا يسترها على كل انسان بيبحث عن الحب ونصيحه اخويه محدش يحب الا لما يبقه قادر يبقه دارس كل الظروف عشان مايتظلمش ومايظلمش حد معاه
وارحميني من كلامك ده مره مصر ومره قلب
ايه هو حد موصيكي عليه على فكره انا سبت تعليق هناك في مصر بردو
بس جاااااااامد ممكن نقف احتراما لكي وتحيه كبيره وسقفه كبيره ياجدعااان
:))
وربنا يسترها

Wed Dec 20, 04:15:00 PM GMT+2  
Blogger المٌهَــــاجِر المَصْـــــــرى said...

حلو التسلسل القصصى ده يا سمرا
كل ما اقول القصه انتهت الاقى مفاجأه
لما قعديتنى على طراطيف صوابعى مستنى مفاجأه فى النهايه..لكن لم يكن

فاهلا بكى فى نادى القلــوب التى لاتنبض
ههههه

Wed Dec 20, 04:53:00 PM GMT+2  
Blogger Egyptos said...

بصى بقى أنا مش ها أعمل زى اللى بيجاملوك ( اللى همه نوعين بنات صحباتك و عادى إنهم يجاملوكى؛ و التانى ولاد بيجاملوك عشان غنت بنت و يحبوا يتقربوا منك ع النت طبع)
بصى يا ست هو أه غنت بتعرفى تكتبى أو بمعنى أدق بترصى الكلام رص لكن الحقيقة إنه كلام خالى من الموهبة فقط مرصوص جنب بعضه و خلاص؛ و كمان أخطاء لغوية كتيرة و فى القواعد كمان؛ و الحقيقة دى مش قصة دا كلام و السلام؛ و خالى من المشاعر اللى إنتى و غيرك إدعيتوا إنها موجودة معلهش حاولى تانى
و أتمنى إنك تتقبلى كلامى بصدر رحب و ما تمسحهوش ولو عندك رد ردى أوكيه
بس نفسى أقرالك حاجة تانية

Wed Dec 20, 05:12:00 PM GMT+2  
Blogger يا مصر اكتب إليكي رسائلي said...

يسرني ان اتقدم بخالص التهاني وأطيب التمنيات بمناسبة عيد الأضحى المبارك اعادة الله علينا وعليكم بالخير واليمن والبركات ، وكل عام وانتم والأسرة الكريمة بخير

Wed Dec 20, 06:55:00 PM GMT+2  
Blogger smraa alnil said...

بين الامل واليأس

في اوقات كتيرة اوي بتحكم علنا وبتخلينا غصب عننا نترك نصفنا الاخر او نجرحه او نظلمه
بالنسبة ليك انا مش عارفة ايه ظروفك ومين اللي كانوا اقوي منك
بس كنت تقدر تحارب وتكسب حربك
او تخرج منها مهزوما او شهيدا
بس تفتكر ساعتها انك هتحس بالاحساس دة
الله اعلم
بس صاحبة هذا القلب كانت ميتة اصلا
وجاء الحب عشان يحيها
بس دبحها ظروفه مختلفه وريقته مختلف
وكلام كتن يقتل اي حد
اقولك علي حاجة
ربنا يسترها معانا كلنا
__________________________________


المهاجر

اهلا بيك انت يا ريس
وعلي فكرة انا اصلا صاحبة النادي
بس كنت مختفية
يعني مش محتاجة دعوة للانضمام لاني من مؤسيسيه
ههههههههه

Wed Dec 20, 10:32:00 PM GMT+2  
Blogger smraa alnil said...

egyptos

قبل كل شئ بشكرك علي زيارة مدونتي المتواضعه واللي نورت بزيارتك
ثانيا
بالنسبة للي بيعلقوا عندي فاحب اعرفك اني انا لا اعرف عنهم شئ الا من خلال كتاباتهم
يعني لا البنات هم اصحابي
ولا الولاد بيحاولوا يتقربوا مني
يعني ما البنات مليانين الشوارع هيجي واحد يرميلي كلام ينافقني بيه عشان يتقرب مني اعتقد انه كلام مش منطقي ولا ايه
ثالثا
انا اصلا مش بعرف ارص الكلام رص
ولو الكلام مرصوص كان هيبقي حاجة تانية غير دة خالص
رابعا
انا مش كتبت في مدونتي اني نجيب محفوظ ولا يوسف ادريس
انا مجرد بكتب اشياء انا بحس بيها
ومش شرط انها تندرج تحت التفعيلة والاوزان وتتبع اصول القصة والكلام الكبير دة
انا مش بكتب قص انا بعتبر نفسي بكتب مشاعر
ولو القصة خالية من المشاعر فدي وجهه نظرك انت وانا بحترمها
خامسا
انا لا انوي اني اكتب شئ ادبي بحت ينسب ليا او لكتاباتي
انا بكتب احساسي ورأي اللي بقول عليه نممكن يكون تلقائي وعفوي غير خاضع لقواعد واصول وانا بحب دة جدا ويشرفني اني اكتب هذا النوع من الكتابة
سادسا
انارحبت بتعليقك لانك حر تقول اللي انت عايزه
وانا رديت عليك
تشرفت بزيارتك بجد
واتمني تكرارها
تحياتي
___________________________________

يا مصر اكتب اليكي رسائلي

يا راجل احنا فين والعيد فين
عامة والله انبسطت انك عيدت عليا
انت اول واحد يعيد عليا
عامة
وانت بالصحة والسعادة والخير يارب

Wed Dec 20, 10:43:00 PM GMT+2  
Blogger شادي فايد said...

عاوز/ة كل الناس تعرف مدونتك
اشترك في مشروع الغريب لارشيف المدونات
http://elgharep.blogspot.com/2006/12/blog-post_15.html
............
المدونات العربية
http://arabblogs.blogspot.com/
........
بدل لما تحط لستة طويلة باسماء المدونات
عندك في مدونتك
حط اسم مدونة واحدة تحتوي على اسماء كل المدونات
........
عاوز اسمك يضاف الى قائمة المدونات
ارسل لنا اسم مدونتك وعنوانها و اسمك
على
za_shady@yahoo.com
...........
لو عجبك المشروع أخبر به كل اصدقائك لكي ينجح


امضاء
أعضاء مشروع الغريب لارشيف المدونات

Wed Dec 20, 11:09:00 PM GMT+2  
Blogger Ma-3lina said...

ما شاء الله عليكى بجد انتى ملكة الاحاسيس

مشاعرك صادقة و عالية اوى بس انا عندى اعتراض على حاجة ان لو الحب جه فلو القلب مش بس نابض و ميت كمان هيصحى و ينبض

المهم ان يبقى الحب صادق

تحياتى و تمكنك من اللغة رائع و الصور عجبانى مووت
:)

Wed Dec 20, 11:11:00 PM GMT+2  
Anonymous ??????? said...

"قلوب لا تنبض"

Thu Dec 21, 01:43:00 AM GMT+2  
Blogger شهد said...

ايه ده بجد كلام موجع
بجد احساس عالى وراقى
بكل بساطه انتى خلتينى اقرا البوست النهارده اكتر من خمس مرات
بس يا ريت المره الجايه نقرا حاجه عن سمراء اللى انا وايمن نعرفها يا ريت تعرفى الناس بيكى وبخفه دمك واكيد ده هيبقى احسن

ولتانى مره بشكرك على مجاملتك الرقيقه ليا
مع السلامه لغايه ما اشوفك

اه عجبك كده ايمن جه يشيل الصوره قام شايل البوست كله مش انتى اللى قولتيلو شيل الصورة
خلاااااااااااص اهو شال الموضوع كله

سلام يا حبى

Thu Dec 21, 03:48:00 AM GMT+2  
Anonymous Anonymous said...

حلو يا سمراء بس أنا لية رأي في الموضوع دة: أنا رأيي ان الحب إذا تحول إلي علاقة اعتماد كلي علي الطرف الآخر (بحيث ان المحب يموت من غير حبيبه) يصبح مشروع فاشل

تصوري للحب انه ارتباط عقلي واع بين شخصين ناضجين يقرر كل منهم إعطاء جزء من حياته للآخر بكل وعي

يعني من الآخر هية بتلومه لأنه طعنها.. لكن الحقيقة هية كانت ميتة أصلا قبل مجيئه فلا يحق لها أن تلومه... إذا كانت قابضة علي زمام حياتها من البداية.. ربما كانت فرصها في فهم عدم جدية هذا الشخص اكبر

آسف إذا كان رأيي صادم بعض الشيء بس أخوكي مقروص من الحكاية دي
:)

كان معكم عمر - من تحت السحابة السودة

Thu Dec 21, 04:13:00 AM GMT+2  
Blogger مُزمُز said...

هكذا نحن نفقد كل ما ندعيه كآبة وحزنا أمام أول إنسان نحبه

كنت متوقعا طبعا النهاية المأساوية لأني لم أظن لحظة أنها قصة حب جميلة وستنتهي نهاية سعيدة كان لازم تضيفي حزنك عليها بالتأكيد

عموما أسلوبك كالعادة جميل وحساس جدا جدا جدا
بس كمان عايز أقوللك إن تسلسل الصورتين كان جميل جدا ولخص كتير

تحياتي لك تعالوا زورونا باي باي

Thu Dec 21, 08:56:00 AM GMT+2  
Blogger smraa alnil said...

shady

شكرا ليك ولزيارتك وسأفكر ي موضوع الاشتراك دة
___________________________________

ما علينا

لا ملكة احساس ولا حاجة
واعتراضك يا ما علينا دة اللي حصل فعلا
هي كانت ميتة واللي اوهمها بالحب عمل المستحيل ليها عشان تصدق ان هو دة الحب الصادق
وخلا قلبها ينبض لكن بعد فترة هي ما كانت الا تسلية عشان ينسي بيها حبه الاول
شكرا ليكي مرة تانية

Thu Dec 21, 04:29:00 PM GMT+2  
Blogger smraa alnil said...

شهد
يا مرحب يا مرحب
دي اول مرة تزوريني فيها
والله انا مبسوطة بزيارتك متتخيليش انا فرحانة اد ايه
وعلي فكرة انا مش بجاملك ولا حاجة
وبالنسبة يا سيتي للبوست بتاع ايمن
هههههههههههه فمش كنت اقصد انه يشيل البوست كله
انا قلتله يشيل صورتك بس
شوفتي انتي بقي اهو ايمن طلع مش بيسمع الكلام
اعمل فيكم ايه انتو الاتنين
بالنسبة بقي لخفة الدم الي انتي بتقل عليها فدي بقي في علم الغيب
ههههههههههههه
ابقي اعمليها كتير
___________________________________

عمر

ههههههههههههه
انت جيت هأ يا رمضان
نور وسط السحابة السودة يا عمر
بالنسبة لرأيك فانت طبعا عندك حق
بس احيانا في ظروف بتجبرنا علي حاجات كتير اوي ومن غير ما نفهمها
يعني هي كانت ميتة اصلا قبل ما هو يجي بس دةلظروف خارجة عن ارادتها
وداهمها الحب وكان نوعا ما صادق
يعني لما يروح يكلم اهلها والبشرية كلها عليها
يبقي اعتقد انه خد مسار الجدية في حياتهم
لكن خداعه كان اكبر من اي حقيقة
كان عايز ينسي حبه الاول وبالتالي لما نجح دورها انتهي
مش بقي ليها دور في حياته
وتصدق ان هي دي مشكلتي انا
اللي عايزة اعتمد اعتماد كلي علي الشخص اللي ادامي
مع اني عارفة ان دة هيؤدي الي فشل ذريع

Thu Dec 21, 04:37:00 PM GMT+2  
Blogger smraa alnil said...

مزمز

اكيد هاجي ازورك
بس انت توقعت النهاية
لكن للاسف هي مش كانت متوقعه نهايتها
ربنا يرحمها ويرحمنا بقي
ابقي تعالي
انت مبتجيش ليه

Thu Dec 21, 04:39:00 PM GMT+2  
Blogger aymen.farouk said...

انا لما عرفت من شهد انك كاتبه موضوع جامد اوى قلت بس شهد دخلت المود وقلت ادخل واقرا لكن انتى عارفه معرفتش ادخل لان اللينكات كلها مكنتش معايا النهارده واول ما اخدت منك اللنك دخلت على طوووووووول لقيتك بجد كاتبه بوست تحفه ويستحق انى احطه فى الفبفوريت بس يا ريت نفرح شويه الايام الجايه
وكل سنه وانتى طيبه وبخير على طول يا جميله

Thu Dec 21, 05:59:00 PM GMT+2  
Blogger سـردية said...

وصفك عالي الصنعة يا سمراء النيل

اشكر لك تعليقك الدمث والمفُعَم بالصدق الذي دونتية على مدونة الجحيم

Thu Dec 21, 09:27:00 PM GMT+2  
Blogger elkamhawi said...

مش عارف ليه فى نص الحكاية حسيت انها هتموت ولو مكنتش ماتت اكيد كان هيكون فى حاجة غلط
وقررت انى اكتبلك فى تعليقى خليها تنتحر

Thu Dec 21, 09:36:00 PM GMT+2  
Blogger شادي فايد said...

عايز كل الناس تعرف مدونتك
ضيف نفسك في ارشيف المدونات العربية
http://arabblogs.blogspot.com/
ارسل لنا اسم مدونتك و عنوناها و اسمك

في كومنت على

http://arabblogs.blogspot.com/2006/12/blog-post.html

ابعت نفس الرسالة دي لكل اللي تعرفهم

Thu Dec 21, 10:16:00 PM GMT+2  
Blogger islamz said...

"جدران سوداء محبوسة بداخلها وبالرغم من ذلك وعلي قدر ما كانت هذه الجدران السوداء صماء جافة قاسية الا انها اتخذتها خليلتها تحكي لها عن مأساتها عن ظلمها عن حزنها وتبكي لها."

يا شيخة حرام عليكى الاكتئاب ده .. انا كنت محتار ارد عليكى اقولك ايه .. انا قريت البوست بتاع 12 مرة كل مرة اقف هنا عند الحتة دى .. بذمتك مش حرام ..

بس بامانة بوست دراماتيكى جامد اوى .. حلو السرد السهل ده لا فزلكة ولا حاجة اكنها قصة بنشوفها ..صحيح كئيبة لكن مادام من سمووورة يبقي خلاص سماح المرة دى ..

بس والنبي يا بنتى بلاش نكد تانى عشان انا عندى امتحانات ومش ناقص ..

ممكن .. :[

Thu Dec 21, 11:55:00 PM GMT+2  
Blogger smraa alnil said...

ايمن

اولا ربنا يخليلك شهد يارب
وشكرا يا جميل علي ان كلامي عجبك
بس موضوع الموضوعات اللي تفرح دي فدي بقي مش بايدي
انت عارف بقي
___________________________________

سردية

انت بتشكرني علي ايه
دة فعلا اللي حسيته اوي ساعتها وانا بقرا كلامك
انا اللي بشكرك لانك زورتني وعلقت عندي كمان
بجد مبسوطة

Fri Dec 22, 12:36:00 AM GMT+2  
Blogger smraa alnil said...

واد يا اسلام

هههههههههههه روح ذاكر ياواد كلمتين يمكن ينفعوك
ربنا معاك مش تخاف هبقي ادعيلك
وبعدين اشمعني الجزء دة اللي عجبك يعني
وبعدين كئيب بيفرح المفروض اني حاجة اقولها تعبك خصوصا انت عارف نهايتك ايه
عامة سيبك انت مني الايام دي لاني شكلي هقلبها نكد
وخلص امتحاناتك علي خير كدة
سلام يا سلامونتي
ههههههههه

Fri Dec 22, 12:45:00 AM GMT+2  
Blogger sara86 said...

بيقولوا الضربات القويه تصقل الحديد
والضربه التى لا تكسر الظهر تقويه

هيا صحيح انكسرت واتحطمت وانجرحت اوى
بس ده المفروض يقويها اكتر

بيقولوا وراء كل امراءه عظيمه الكثير من الجراح المؤلمه

تحياتى ليكى يا سمراء

Fri Dec 22, 10:22:00 AM GMT+2  
Blogger IBN BAHYA said...

نحن من يضيع نفسه بنفسه
لا يوجد في الكون من البشر من يستحق أن نموت لأجله غير الذين أتيا بنا إلى هذا الكون
ربما لا يعجب الكثيرون من كلامي .. بس ده اللي أنا عارفه ومقتنع بيه
لا يجب أن نلقي بقلوبنا في سلال القمامة ثم نتحسر على التهام القطط الشاردة لها .. طيب ما حضرتك وحضرتك اللي رميتوها؟!

عموماً التدوينة بعيدا عن تعليقي هذا .. حلوة وتفيض بالمشاعر والإحساس الرومانسي رغم ضعفه .. الضعف لصيق بالرومانسية العظيمه .. مش عارف ليه .. بس هي دي الحياه

أرجو تفضلا منكم جميعا متابعة ما يلي

يوم الاثنين القادم هو يوم غير عادي في عالم المدونات التونسية؛ حدث هام ؛ لأول مرة في المدونات التونسية سيتم تجنيد الجميع من اجل هدف واحد؛ أمر أصبح يؤرق الجميع؛ ألا و هو الحجب المتواصل و الغير المفهوم لبعض المدونات التونسية؛ سنعبر عن رفضنا لهذا التصرف إيمانا منا بحرية التعبير و دفاعا عنها بطريقة حضارية و سلمية؛ سندخل يوم الاثنين 25ديسمبر في اضراب لمدة 24 ساعة؛ لم يتفق إلى الآن على كيفية الإضراب؛ لكن اغلب الآراء ترشح أن يتم نشر مقال ابيض؛ لا يحتوي شيئا؛ لذلك أنا أدعو كل المدونين و المدونات الى المشاركة في هذا الإضراب حتى يكون إضرابا ناجحا و ننجح بذلك في إيصال صوتنا لمن بهمه الأمر. كما قمت و بمبادرة شخصية بدعوة بعض المدونين العرب إلى الانضمام إلينا لان المشكل ليس تونسيا فقط؛ وإنما هو عربي أيضا؛ فلما لا يتحول يوم 25 ديسمبر من كل عام إلى يوم عربي لاحتجاج على الحجب الالكتروني؛ الأمر كله يتوقف على مدى استجابتكم لهذا النداء و حماسكم؛ فكونوا في الموعد

http://www.saharaclub.org/blog/

Fri Dec 22, 10:30:00 AM GMT+2  
Blogger sherif gharib said...

انت راءعه حقا
اشعر بكل حرف انتى عبرتى عنه عما تشعرين به فلقد عشت هذه التجربه حقا و اشعر بمدا ملرارتها
اشعر عندما يتوقف القلب عن النبض حيث لا يجد معنى للحياه لينبض من اجله و لكن ترى الى متى سنظل نعطى كل شىء من اجل لا شىء
و لما ياخذ منا كل شىء عندما نحتاج الى مجرد شىء
ان نشعر اننا احياء
اتمنى ان تتداوى الجراح
تحياتى

Fri Dec 22, 02:15:00 PM GMT+2  
Blogger smraa alnil said...

sara86

شكرا ليكي يا ساة علي زيارتك وتعليقك الظريف
وهي فعلا الضربة اللي ما تكسر تقوي
شكرا ليكي مرة تانية

___________________________________

ابن بهيه

انا معاك في الاضراب دة بس اتفقوا علي حاجة معينة وانا معاكم فيها
وشكرا لزيارتك مرة تانية

__________________________________

ريف الغربي
وانا كمان بتمني ان جراحنا تتداوي
وعندك حق انا عن نفسي سالت لسؤال دة قبل كدة
لحد امتي هندي ومش ناخد
ولحد امتي هنحس وقلوب اللي حوالينا حجر اقولك علي حاجة قلتها قبل كدة

لنا اللي في جرحنا

Fri Dec 22, 05:25:00 PM GMT+2  
Blogger المهدي said...

ياه كلامك فيه سحر غريب
المشكله الوحيده أنه يشبه كلامكانت بتكتبه فتاه وطلع عباره عن كلام

لكن الناس تختلف

بلوج جميل جدا

أتمني انك تشرفيني في مدونتي

Fri Dec 22, 07:43:00 PM GMT+2  
Blogger ياسمين said...

توتة .. أنا برضه حسيت بنفس الإحساس .. وقلت ابقى أحذرها فى التعليق .. لكن الأمور اتضحت بعد كدة

Sat Dec 23, 01:15:00 AM GMT+2  
Blogger ياسمين said...

احمدى ربنا انه سابك قبل ما تعيشى معاه سنين أحلى من العسل وتخلفى منه عيال أحلى من السكر .. وبعدين يعرفك ايه معنى ان العمر يكون مر .. مرارة العلقم .. أنا عملتلك وصلة عندى

Sat Dec 23, 01:19:00 AM GMT+2  
Blogger smraa alnil said...

المهدي

انا مش عارفة انت تقصد مين باللي كانت كاتبة كلام شبهي
بس انا اسعدتني زيارتك
ولك الله في جرحك


___________________________________
ياسمين

شكرا ليكي لانك حطيتي لينك مدونتي عندك
بجد انبسط اوي

وفعلا بحمد ربنا لان بعد فترة اكتشفت اني مش هكون سعيدة معاه
وان شقائي هيكون علي ايدي
الحمد لله
وربنا يصبر اي كمجروح

Sat Dec 23, 10:29:00 AM GMT+2  
Blogger Lion king™ said...

هذا ليس حب سامحيني ان اقول هذا
ولكن الحب هو اجمل بكثير من هذا الذي تحدثتي عنه
الحب يجب ان يكلل بالرباط المقدس
وبناء بيت سعيد تملأه الورود والسعادة
والتعاون والتسامح وكل المعاني الجميله
ولكن الاهم من نحب؟؟؟؟؟؟؟؟؟؟؟
فيجب حسن الاختيار والتوفيق من الله

Sat Dec 23, 06:40:00 PM GMT+2  
Blogger smraa alnil said...

انا معاك انه مش حب
بس ساعه ما يقف ادامك مش بتعرف تميز ان كان دة حب ولا فاصوليا
بس اهو كله في الاخر بيتاكل وبيتهضم
وبينزل الي مصيره
ايه القرف اللي انا بقول عليه دة
يلا مش مشكلة

تحياتي

Sat Dec 23, 07:37:00 PM GMT+2  
Blogger LAMIA MAHMOUD said...

لن اخضع لتفكيري..لن اجعل من هجرك قيد لمصيري.. تلك ارادتي الحرة .. لن تفلح اغراءاتك في تغييري .. لن يفلح بعدك في تدميري

حسيت الكلمتين دول قوي بعد ما قريت كلامك

Tue Dec 26, 08:33:00 AM GMT+2  
Blogger bonboni said...

انتى بتتكلمى عنى انا فعلا حاسه اللى انتى كتبتيه تعرفى حتى دموعى رفضت تنزل وهى بتقراه على الرغم من انه بيعبر عنها لكن هاقولك ايه اصبحت استلذ واستمتع بيلام نفسى بالكتمان استمرى يمكن تكونى كده بتخففى عنى

Sun Feb 25, 05:48:00 PM GMT+2  
Blogger الطائر الحزين said...

This comment has been removed by the author.

Thu Oct 13, 05:49:00 AM GMT+2  
Blogger الطائر الحزين said...

ربنا يجعل معاناتك في ميزان حسناتك

Thu Oct 13, 05:51:00 AM GMT+2  

Post a Comment

Links to this post:

Create a Link

<< Home