ميكروباص 26 والعيد
مش عارفة اقول ايه
بس بجد ربنا يخليكم ليا يارب كلكم
وتزيد المحبة بينكم
انا عارفة اني نكدت عليكم اوي في البوست اللي فات
بس معلش بقي ملحوئة
يمكن الموقف اللي هحكيه دة مش يضحك
بس كل ما افتكره اموت من الضحك لانه ليه تأثير جوايا اوي
هحكيلكم موقف من حياتي بفتكره كل اول عيد لان امل صاحبتي بتتصل وتقولي فاكرة 26
عشان كدة افتكرته الايام دي وقلت احكيه
اول موقف
ميكروباص 26
انا وامل اصحاب من اولي كليه
البت دي فقرية مووووت
كانت عايزة تلعب اللعبة اللي بلعبها
فاتفقنا في يوم نروح التمرين بعد الكلية
تصادف ان اليوم اللي هنروح فيه مش معانا فلوس عشان نركب المترو وبعدها تاكسي
فقلنا نركب ميكروباص ينزلنا في اقرب حتة
كنت انا شايلة شنطة فيها هدوم الكلية وشنطة التمرين وادوات اللعبة بتاعتي
وهي كمان شايلة شنطين
محدش يسالني ليه الشنط دي كلها
المهم
الميكروباص اللي هنركبه 26 اللي بيروح لكلية البنات دة بقي بيجي كل فين وفين
فضلنا واقفين مستنينه في المحطة واحنا عاملين نضحك علي اي حاجة والناس مش طايقانا من كتر هزارنا
وحانت اللحظة الحاسمة واعلنت محطة الاوتوبيس غضبها وجه 26
شاورنا ليه
وبنجري بالشنط وشاكلنا ااااااااااااااااااهبل
الميكروباص سرع
وقفنا مكانا
لقيناه بطء تاني
ونجري وفضلنا علي الحال دة لحد ما لقينا نفسنا بعيييييييد عن المحطة
واحنا بنضحك ومش قادرين نمسك نفسنا من الضحك
بقولك ايه يا سمرا ما تيجي نرجع المحطة تاني
لااااااااااا يا امل انتي بتهرجي احنا جرينا ادام الناس بالشنط دي ومنظرنا عبيط اوي انا مكسوفة ارجع
طب اقولك علي حاجة يا سمرا
انا هرجع انا المحطة واشوف اذا كان جاي اجري انا واجيلك وخلي معاكي الشنط ماشي
قلتلها خلاص
وغابت امل عني
وبعد فترة لقيت من بعيد ميكروباص26
طب اعمل ايه ياربي
منك لله يا امل
ولقيت راس واحدة طالعه من الميكروباص وايد بتشاورلي من بعيد وصوت بيزعق ويقولي انا هو يا سمرااااااااا
شوية ولقيت جسمها كله علي باب الميكروباص وهي بتقول
اجري اجري يا سمرا استني يا عمو(قصدها السواق) يا بت اجري
واديها بتشوارولي وبعدين تدخل اديها وتبص للسواق
وانا بقي مش عايزة اقولكم بجري زي العبيطة في الشارع ومعايا خمس شنط
المشكلة ان الحتة اللي كان مبطء فيها الميكروباص مش ينفع انه يقف اصلا
وانا بجري شنطة تقع مني واجيبها واجري وطبعا لا تتخيلوا كمية الضحك اللي بسمعه وانا بجري في الشارع كان منظري زبالة
وامل الفضحية يا بت اجري خلاص قربتي
والنبي استني يا عمو
البت جاية اهي يا جدعان حد يجي يشدها
واخيرا وضعت قدما علي اول باب الميكروباص وطلعت
واول ما طلعت لقيت الناس كلها بتسئفلي جامد
وبتضحك وبدوري طبعا حيت الناس بحركتي المعهودة
طبعا الميكروباص كله كان عرف اسمي
لدرجة ان سواق الميكروباص مش رضي ياخد مننا تذاكر
ونزلنا واحنا مش قادرين من كتر الضحك كل ما نفتكر منظرنا
وتفوت سنة ورا سنة وانا كل ما افتكر الموقف دة انا وامل نقعد نضحك من قلبنا
ربنا يجازيكي يا امل بقي
انا عارفة اننا بعدنا اوي عن بعض وانتي حتي مش تعرفي اني بتكلم عنك
المهم
كل سنة وانتو طيبين
والعيد فرحة مااااااااااااااااااء
حلو الخروف دة
Labels: ذكرياااتي
77 Comments:
ياااااااااه
دا انتى فعلا فقريه
ع العموم كل سنه وانتى طيبه
وكل النا س طيبه
وفى احسن صحه وحا ل
امين يا رب
بصى ابقى عدى عليه يوم العيد الصبح عشا ن اديكى المصر وف
اوكى
بس متلميش الدنيا عليه
اولا كل سنة و انتى طيبة يا انووج و ربنا يتقبا مننا الصيام بكره ان شاء الله
و متزوديش فى اللحمة انتى صحيح بتلعبى اية؟؟
على فكرة انا عارفة المينى بس ده علشان بيعدى ناحيتنا بس موقف تحفة متخيلاشكلك و انتى بتجرى و الشارع كله بيبص عليكى
تعسشى و تاخدى غيرها بس من غير الخمس شنط
اما عن صاحبتك امال فا انتهزى الفرصة دى و قومى كلميها فى التليفون عيدى عليها و سلميلى عليها اوى :)
كل سنة و أنت طيبة .
انا جيت انا جيت انا جيت يا انجي
كل سنه وانتي طيبه
يا انوج و ايه حكاية ميكروباص 26 ده بتفكيريني مره كنا في مصر الجديده انا وصحابي و راجعين فا احنا قلنا يدوب الساعه 12 قبليها نلحق ال cta
علشان منتسوحش روحنا المحطه الساعه 2 و نص عقبال ما لاقينها قلنا خلاص نروح نركب رمسيس نمشي كتير و بعد كدا نرجع لنفس المكان تاني نمشي و نرجع لنفس المكان تاني ههههههه اليوم ده كنا اكتر من 9 و في الاخر لاقينا ميكروباص فاضي فيه 5 اماكن ركبنا الحمد لله 9 في مكان 5 و روحنا البيت الساعه 6 الصبح واما عن خروفي حبيبي الي ايدتهوليك فدي هدية رمزيه بس حفظي عليه ده اديدس مش هتلاقي زيه بس العلامه هتلاقيها في الناحيه التانيه من الخروف هتلاقيها علي جنبه التاني و اما عن تقاليد كوبا في العيد فبعمل تقريبا زيك كدا بالظبط بس بخرج الوقفه و الباقي بقضيها مع العائله لاكن لظروف سفر 3\4 مصر كلها معرفش في ايه قررت الوحدات العاليا اني اخروج انا وخويا طوال العيد و كل سنه وانتم طيبين
كل سنة و انتي طيبة ياسمراء ... و بعدين انا باه عايزة واحد لبني
هههههههه
مساء الفل... جامدة جدا الحكاية دي
المهم صاحبتك اتعلمت اللعبة الغامضة اللي انتي بتلعبيها في الآخر ولا كرست الباقي من عمرها لرياضة الجري ورا المكروباص؟
سمراء.. انا عندي سؤال يعني عدم اللامؤاخذة لو مافيهاش احراج
انتي عندك مشكلة في صيغة النفي في اللغة العربية؟ بجد يعني..؟
:)
يعني ما ينفعش تبقي مش ينفع.. ما تكلوش تبقي مش تاكلوا؟
مالك خبيبي انت كلمتو جريجي ولا ايه؟
:)
الجحيم
هو انا لسة هستني لحد اول يوم العيد
ادينا فيها اهو ووقفنا
هات بقي العيدية
وعامة وانت بالصحة والسلامة
هات العيديه بقي احسنلك لا الم عليك الدنيا
___________________________________
مااا علينا
اولا وانتي طيبة يا قمر ويتقبل منا ومنكم يارب
اللهم امين
انا يا سيتي بلعب لعبة مش في حد هيعرف هي ايه
فبريح دماغي ومش بقول ايه لاني مش بيبقي فيا دماغ اقعد اشرحله
عامة هريحك واقولك ان لعبتي اسمها الريشة الطائرة
ومش عايزين تريقة لو سمحت
هههههههههههه
اسكتي دة كان موقف وحش اوي ربنا ما يوريه لحد
بالنسبة لامل فمش تقلقي شوية كدة وهتلاقيها بتتصل بيا وتقولي شوية جمل بنفكر بيها بعض
هتقولي الوقت ازف الوقت ازف
26 وشجرة التوت
وعامة يا قمر سلامك هيوصل ان شاء الله
كل سنة وانتي طيبة
iron copra
ومالك داخلها رسمي كدة ليه
وانت طيب يارب وبصحة وسلامة
وتحياتي وقبلاتي للمودام
بس بلاش الدخلة ال formal دي
__________________________________
كوبا
يا ابني روح ذاكر بقي
عامة انا عن نفسي مش فهمت حاجة من موقفك دة
مين اللي راح ومين اللي جه
ورحته فين وجيته منين
ههههههههههههههه
مش مهم
وبعدين الوحدات العاليا قررت ان انت تخرج انت واخوك في العيد عشان مش في نص سنة يا حدق
اعترف بقي
سارة
عليكي بقي وعلي كوبا هو اللي يفصلك الخروف بتاعك
وانتي بالصحة والسلامة
وكل سنة وانتي كمان طيبة ومبسوطة وبصحة يارب
________________________________
عمر
مساء الفل ايه يا بيه
قصدك تقول صباح الخير
سيادتك جايلي وش الصبح وبتقولي كمان مساء الفل
والله عال
انا هتصرف معاك بعد كدة
صاحبتي بقي عرفت القواعد بتاعت اللعبة وفي اول بطولة نزلتها وتصادف ان اول ماتش ليها معايا
الحكام ينادوا عليها وندور عليها البت اختفت ومش ظهرت الا بعد ما اتكتب ليها انسحاب وسالناها انتي كنتي فين
قالتلي كنت بجيب ملبس
هي بس خافت تلعب
ايه بقي السؤال المحرج دة
انا فعلا عندي مشكلة في النفي زي مانت قلت
انا مش بعرف اقول الكلمة منفية علي طول
ولما بكتبها علي الكيبورد بتلخبط
فبستسهل لحد ما لساني خد عليها
وبعدين انت عندك اعتراض
ومش تضايق نفسك تاني
هههههههههههه
انا اتكلمتو زولو خببي مس اجريجي
اول حاجة
مش انتي كنتي بتقولي معاكي شنطتين وهي 2
ايه اللي خلاهم 5
ولا هي الحبكة الدرامية؟
وبعدين انا برضو حصلي حوار ان الكمسري مايرضاش ياخد فلوس
بيعزم علي بيت امه ولا ايه مش عارف
بالنسبة للخروف
ده مش خروف
ده كلب او ضبع من بتوع لاينكينج(متابعة سباس تون؟)
ووراه سحابه
انتي اللي بيتهايئلك ان ده فرو
ومبروك مقدما علي حماية العيد
بس الحقي قبل الزحام
:)
ايمن
والله يا بني فرحتني لما صالحت شهد
ايوة كدة
وعامة احنا لينا كلام تاني لما ابقي اشوفكم
بلغ شهد كل سنة وهي طيبة نيابة عني
ويارب السنة الجاية دي ازوركم في بيتكم واخلص منكم انتم الاتنين بقي وارتاح ن همكم
ههههههه
_________________________________
عربي
لا انت مش قريت الموضوع كويس
لان انا معايا شنطتين وهي معاها شنطتين وفي شنطة حطة فيها ادوات لعبتي
يبقم كام
ثانيا بقي انا مش خايفة من الزحمة
انا خايفة من المجاري
ثالثا بقي بالنسبة ان كان دة خروف ولا معزة حتي فانا مش ليا دعوي دي بقي ترجعلها لكوبا
لان هو اللي مصممهولي
عامة كل سنة وانت طيب وبطل لماضة شوية
ههههههههه
وانتي طيبه يا انجي ماشي لازم تفضحيني في المدونه عنديك يعني علشان قلتليك السر الي كنت مخابيه علي كل الناس و سيبيك من الموقف ده لانه كان وقف في الموقف واحنا وقفين في وقفت ما علينا من الموقف علشان انا الساعه سبعه و مش شايف حاجه ومش فاهم حاجه و متقوليلش ذاكر انا في اجازه :@ لبعد العيد هههههه
ana gebt m3aya aho eletneen shai elkhamseena w geet a3ayed 3aleeki..!
kol sana wenti tayeba...wesalemeeli 3alal microbus..!!! :)
كل سنة وانتي طيبة يا إنجي
بس خللي بالك بكرة ماتنزليش من البيت بدل مايدبحوكي بدل الخروف الحلو الملون بتاع كوبا
قضيها في البيت واستحمي كويس يا بنت .... هوة العيد بييجي كل يوم ولا انت بتستحمي كل يوم برضة
دي مرتين في السنة
مش عارف حاسس ان سمراء النيل دة ممكن يتغير لو استحميتي بذمة شوية مع قليل من الكلور والمبيضات ويبقى بيضاء النيل زي ماقلتلك في مدونتي المتواضعه
المرة الجاية ابقى سيبي 26 واركبي 32 وليكي عندي عزومة عالغداء انتي و أمل
أتصلي بيها بقى وعيدي عليها عيب عليكي كدة دة احنا في عيد
اة صحيح بالمناسبة انا باعتلك 50 درهم اماراتي عيدي بالدي اتش ال حايوصللولك خلال السنتين الجايين
تحياتي يا زرقاء النيل (انتي اتلخبطتي تاني بين قزازة الكلور و زهرة الغسيل) معلش الأزرق ارحم برضة من الأسمر
أحلى ما فى العيد العيدية
و الأحلى أنها تكون منك هدية
عيدك مبارك..
--
عيد ابتهال
وعليكي اللحمة تنهال
ويجيلك اسهال
وتبلعي أنتينال
وماتقولش مين قال
---
قبلاتشي الكيبوردية
سمورة
كل سنة وانت طيبة يا جميلة وعيدك سعيد
انت وامل ذكريات جميلة والاجمل انها بتسيب ليكى ضحكة حلوة
يااه المشهد ده كان بتكرر كتير لدرجة اننا كنا بنتريق ان زميلنا وصل للكلية جريا وراء الاتوبيس وليس راكبا من كتر ما جرى وملحقهوش
بس بنفتكر كل ده ونضحك وكل ورى ظهرنا راح
خروف رمادى فى فوشيا ؟
يا جبروتك يا شيخة ومحمد برده قلبه طيب مخلصهوش يزعلك
ربنا يخليكم كلكم لبعض
تحياتى
كل عام وأنت وأنتم بخير
أتفضلى العديه خماشر جنيه جديده
تقدرى بيهم تتشــورى بيهم
وتشترى كام فستان وتجيبى كل اللى نفسك فيه والفلوس اللى تتبقى أشترى بيها شهادات أستثمار للمستقبل
أنا أهم حاجه أنك تكونى سعيده
معندكيش بقا حتة لحمه
أو جوز جنيهات أشترى علبة سجاير
تعرفى طول عمرى خايبه مش بعرف أجرى ورا باصات وميكروبزات
مفيش أحسن من الجرى ورا عربية الرش
طيب باى بقا
كل سنه وانت بخير وطيبه
كوبا
طبعا لازم افضحك اومال انا وظيفتي ايه هنا
وظيفتي اني افضحك انت بالذات
هههههههههه
هو استنصاد بقي
عامة هبقي اقولك روح ذاكر بعد العيد
___________________________________
القهوجي
زمانهم بردوا يا قهوجي
اتفضل بقي هاتلي اتنين غيرهم
عشان نشربهم بعد الفطار واللحمة
كل سنة وانت طيب والميكروباص بيسلم عليك اوي
الحصان الاسود
ههههههههههههههههههههههههه
طب والله ضحكتني اوي
دة انا كلي علي بعضي بوزني دة مش اجي حاجة جنب وزن خروف
ههههههههههه
تصدق انا برضه حسيت انه اسمي ممكن يتغير
هو فعلا بيتغير بعد كل حماية
بحس اني افتحيت كدة
هههههههههههههه
اهم حاجة 32 دة بيروح فين عشان ابقي عارفة الاتجاه اللي هجري فيه
مش تخاف هنصل بيها اصلها وحشتني
ان كلن بعد سنتين فاديني مستنية اهو احنا ورانا
اللي خلاني استني ميكروباص 26 بحاله مش هستني سنتين
لا انا مش اتلخبط بس واضح انك خبرة في موضوع الغسيل
عندي فمين يستاهلوا ايدك
ههههههههههههههه
___________________________________
سمباتيك
طب احلي ما في العيد العيدية
فين عديتي انا بقي
وايه الزروطة دي يجيلي اسهال ليه بس
عشان هاكل لحمة يعني
مش تخافي باخد مهضم
ومش هقول لحد دة سر بيني وبينك
تحياتشي
توتا
وانتي طيبة يا قمر فعلا انا ليا ذكريات مهببة مع البت دي
انا عايزة اقولك اننا اتفقنا مش نقول لحد من اصحابنا في الكلية علي الموضوع دة عشان مش في حد يتريق علينا
بس اول ما دخلننا من باب الكلية كل واحدة مسكت واحدة وحكينا
والدفعه كلها عرفت مغامرات سمرا وامل في 26
وكان حديث الساعه
اصل الدفعه كلها كانت 200 واحدة وكلنا نعرف بعض
انا مش رضيت اطلب الاوان اكتر من كدة بس محمد بقي مش حب يكسفني
ربنا يخليكي انتي كمان ليا ويخلينا كلنا لبعض يارب
كل سنة وانتي طيبة تاني
__________________________________
اووووسا
وانتي طيبة يا سيتي
ليه بس البذخ دة انتي فكيتي زنقتي بالخماشر جنية دول
يا سلام يا ولاد
ما فرجت الا بعد ما ضاقت
والله مبسوطة طالما فيها شهادات استثمار بالخماشر جنية دول يبقي لازم غصب عني اكون مبسوطة
ايه اللي جاية تشحت دي
يعني مدياني خماشر جنية بحالهم ومش لاقيه اتنين جنيه
قولك ايه هماا 75 قرش اشتريلك كام سجارة فرط كدة وعيشي بأة
والله وانا يا بنتي دي كانت اول واخر مرة اجري ورا ميكروباص
وعربية الرش دي بقي
انتي ادري بيها
باي بقي
___________________________________
المهاجر المصري
اللي طفش وساب دولته غرقانه في العسل
وانت طيب يا ريس وان شاء الله السنه الجاية تكون محقق كل احلامك
كل سنة وانتى طيبة
انا مين؟؟؟؟؟؟؟
انت المنامين
كل سنة وانت طيب يارب وبصحة وسلامه
سموووووووووورة يا فقر ..
ايه يا بنتى الكوميديا دي ... دنتى فشر محمد صبحي وسعاد نصر فى هنا القاهرة ..
والله العظيم انا متخيل شكلك وانتى بتجرى كده والشنط بتقع منك .. ههههههههههههههه
معلش بقي مقدرتش امسك نفسي من الضحك
على العموم كل سنة وانت طيبة يا جميل
ومتكليش الخروف كله بقي ماشي ...
سلااااااااامز :]
بصراحة ضحكتيني بجد
كل سنة و انتي طيبة
عيديتك السنة دي
تيجي تذاكري معايا
تاخدي و لا بلاش منه؟
:)
سلامونتي
انت بتقول فيها احنا كان منظرنا زبالة والله
وبعدين بتضحك علي ايه يا رخم
مسيرك تتحط في موقف زي دة
وبعدين انا هاكل الخروف لوحدي طبعا لا
كل الي يجي يعلق هديله حتة لحمة
وانا اللي هوزع مش دة خروفي انا
وانت طيب يا سالام وبرضه روح ذاكر ههههههه
ايبي
طب ما احنا كنا كوسين مع بعض
مستعجلة علي المذاكرة ليه
انا طول السنة بذاكر وهمتحن امتحان الماجيستير في شهر 5
دة غير الاطار بتاع الرالة
فكرتيني ليه بس
ما انا كنت عاملة نفسي عبيطة
كل سنة وانتي طيبة بقي
وبعدين كويس اني ضحتك لحسن انا المرة اللي فاتت خبليتك تعيطي
هههههههههههههههههههه
انا هموت من الضحك ياسمرا ربنا يسعدك يابنتى
بس تعرفى زعلت انتى ليه بعدتى عن امل يلا ربنا يجمعكوا تانى على الخير
كل سنة وانتى طيبة
قيدى العيدية ع النوتة لما اقبض اجى العدية بكرة اجى اديهالك ههههههه
تحيتى ليكى وسلامى
أنا وعدتكبالعصافير أيوا صح عايزاهم و لا لأ :) لو أه أنا عندي أتنين زي القمر صغننين لسه طالعين تخديهم مني هديه ... بس مش عارف أديهم لك أزاي مش هينفع أبعتهم ايميل دول
كل سنه و أنت طيبه و بخير و عيد أضحي مبارك لكيي و للأسره و للأصدقاء
انا فى تانى زيارة لمدونتك القوية
حبيت اقولك كل سنة و انتى طيبة
و مستنى زيارتك للمدونة
تحياتى
إنجي الرقيقة
واضح ان وزنك اقل من الخروف
يعني لو وقفت دبانة على وشك حاتقعي على ضهرك ؟؟؟؟؟
كويس ابقي استحمي كتير بقى يعني مرة كل شهر وللا حاجة علشان تغيري لون سمراء النيل دة
بس خللي بالك وماتتلخبطيش (مش تتلخبطي) بين قزازة الشامبوو و قزازة زهرة الغسيل تاني
ولو ان اللون الازرق حلو ولايق عليكي
اهم حاجة ان 32 دة بيروح مدينة نصر يعني مش بعيد قوي عن كلية البنات وش حاتجري كتير ماتخافيش (مش تخافي) يعني
وابقي هاتي معاكي الغسيل اللي عاوز فمين نحطة في الغسالة الاوتوماتيك
ولا هوة انت فاكراني نادية لطفي وحاقعد عالطشت اخدهملك فمين يدوي
ههههههههههههه
كل سنة وانتي طيبة
ملحوظة: الخرفان السنة دي كلها معضمة وعندها انيميا فانصحك ماتنزليش بكرة برضة ليفتكروكي خروف مودرن وعامل شعرة شينواة
كل سنه و انتى طيبه يا سمرا وعرفت اسمك كمان :p يا انجى
وبعدين العيديه افك بس واديلك فوتى عليا الصبح هههههههههههه
وعارفه انا نظام شنط الكليه بتاعتكو دى ههههههه
تعيشى وتاخدى غيرها بس الموقف دا فكرنى بموقف شبهو كدا مع اختى االصغيره ابقى احكيهولك بئا على رواقه ههههههههههه
كل سنة وانتى بالف صحة وسلامة وان شاء الله تحققى كل ما ترغبين فى تحقيقه هذا العام
والسلام........
سمراااااااا
تجننننىىىىىى
حلو اوى البوست العسل ده
26
والله دانتى وصاحبتك حقيقى مشكله
بالنسبه للعيديه بقى انا لسه مخدتش عيديتى فأنسى العيديه دلوقتى ماتبقيش طماعه
انا ممكن اعزمك على فته ولحمه
يالا عيد بقى
كل سنه وانتى طيبه
انا عاجبنى الخروف بتاعك ده اوى
انا عايزه واحد مخطط رمادى فى نبيتى عشان يليق على بجامه العيد
نفسى اعرفك ياريت تسيبيلى ايميلك اوك
باى ياسمارا
hahahha..u made me remember a similar story tht happened 2 me while chasing a microbas 1 month ago..kol sana w enty taiba w kooly kowyes
اميرة ويلز
انا قلت اضحكوا شوية بدل الغم اللي عملتوا في ابوست اللي فات
انا والله مش بعدت عن امل بزاجي
مشغوليات بقي
عامة كل سنة وانتي طيبة يا قمر
لا بقي هو كل الي يدخل يقولي علي النوتة
حرام بقي
كدة مش هعرف الم حق الموبيل
بس يلا طالما علي النوتة الحساب يجمع
سلام يا قمر
___________________________________
كراكيب
حلو اوي يعني انت وعدتني اهو وبتعترف
فين بقي العصافير
ان شالله تبعتهم علي البريد حتي
دي مشكلتك مش مشكلتي
المهم وانت طيب وبصح وسلامة يارب
ابقي تعالي عشان تاكل معانا فته
بس ابقي جيب معاك العصافير
شكرا يا هاني
بيجاسوس المصري
ودة تاني تعليق ليك مني
وانا حبيت اقولك وانت بالصحة والسلامة
واكيد هزور مدونتك طلعا
شكرا
__________________________________
الحصان الاسود
ههههههههههههههههههههههههههههههههههههههههههه
انا علي فكرة كل شوية ادخل اقرا تعليقك واخرج عشان اضحك والله
انا مش لدرجة الدبانة يعني
احنا مش بتاثر علينا دبايبن
ممكن لو عصفورة
هههههه
والله انا كمان عايزة اغير لوني بس مش ازرق
موف علي تركواز هيبقي جامد
هيبقي شكلي تحفة
ههههههههههههه ايوة كدة كلمني بلغتي
ويعدين لو كنت عايزة اغسلهم في الفول اتوماتيك كنت غسلتهم عندي انا قلت بس ان انت شكلك خبرة
نادية لطفي ايه دة انت قديم او
يبقي شكلك عامل زي بوسي سمير
ههههههههههههههههههههههه حلو الخروف اللي عامل شينواه دة
سيبني بقي اكل اللحمة براحتي
همس الليل
واني طيبة يا قمر واحلي همس
عرفتي اسمي مش مشكلة بقي
مع اني كنت عامله سر
بس الخروف بقي فضحني
هتلاقيني من الفجر عندك عشان اخد منك العيديةهستناكي عشان اسمع منكالحكاية بتاعت اختك
كل سنة وانتي طيبة
___________________________________
eagles
وانت طيب وبصحة وسلامة
اللهم امين يارب يتقبل منك
شكرا ليك علي الزيارة
شيكولاتاية
انت اللي تجنني
بقالك فترة مش موجودة ليه عندي
خلاص طالما مش اخدتي العيدية زيي
يبقي ستني نلم العيدية من الناس اللي هتيي عندي واقسمها معاكي
اهم حاجة الفتة تكون مكترين فيها التوم
وانتي طيبة يا قمري
اذا عجبك الخروف عليكي بقي وعلي الواد كوبا هو المورد الوحيد للخرفان دي
شوفي بقي الطقم اللي عندك ايه وخليه يعملك خروف علي لون الطقم
عامة يا سيتي ايميلي علي البروفيل بتاعي تقدري تاخديه منه
او سيبيلي انتي ايميلك وانا علي طول هاجي اكلمك
سلام يا شيكولاتايتي
___________________________________
micheal mohsen
i wanna know ur story to laugh as u laughed now really i wanna know
any way
wenta tayeb ya micheal
we don`t worry ana bakol kteer asln
thx
اولا كل سنة وانتي طيبة اما عن النكد الحمد لله مقرتش الموضع وحتي لو نكدتي علينا ده فال خير ممكن تمسكي الرئاسة لو قدرتي تنكدي علي عدد اكبر
اخر حاجة كل سنة اونتي طيبة ويارب السنة الجاية احسن وتكوني علي عرفات علي فكرة بقا انتي اخرة واحدة في الاتنين مليون حاج انا مش هدعي لحد تاني انا تعبت
أولا كل سنه وأنت ومن تحبين بكل خير وسعاده
وكل عام والجميع هنا ومن يحبون بكل خير وسعاده
أما ميكروباص 26 ده .. الله يسامحك بس
دلوقتي عرفت الزحمه اللي كانت دي من إيه
أرق تحياتي
كل سنة و انت طيبة يا سمرا
انت و صاحبتك كنتوا بتعملوا مارثوان على شرف الميكروباص ؟؟؟؟؟؟؟؟
يلا ما علينا
عيد سعيد عليك و على كل زوارك و نشوفك العام القادم فى أحسن حال يارب
صديق قديم يفخر دائما بك...............
كبير المتشردين
يا عم اقرا البوست اللي فات وانت تعرف ان كنت هعرف انكد عليكم ولا لا
وكل سنة وانت طيب يارب وبصحة وسلامة
وبعدين انوي انك تدعي لينا جماعة وريح نفسك بقي
___________________________________
ابن بهيه
وانت طيب وبصحة وسلامة يارب
ايه علاقة ميكروباص 26 بالزحمة
ههههههههههه
لا فهماهالي دي بقي
طارق السجين
مبروك يا عم علي المدونة الجديدة
ابقي متعنا بقي بكلامك الجميل وافكارك النيرة
هههههههههههههه
مش تسالني مين نيرة دي
وبعدين ايه حكاية صديق قديم دي
طبعا انت الصديق المفضل ليا كفاية وقوفك جنبي
ومساعدتك ليا في البحث اللي لحد النهاردة والله ما خلص
يلا فكرتني بالذي مضي
هييييييييييييييييييه ايام بقي
ماشي أنا جاي عندكوا لحمه أكيد ؟ :) و هاجيب معايا جوزين عصافير كمان
بس أنا هاتوه فالطريق ما أعرفش العنوان أنا :)
كل سنه و أنت طيبه
يالهههههههههوى أنا عمرى ما أقعد أضحك على بوست بالطريقة ده !!!ا
;)
ألا أنتوا وصلتوا فى الأخر التمرين ؟؟
كل وسنة وأنتى طيبة
يابنتي مش بضحك ايه انا البيت هنا اعد يتفرج عليه وانا عمال بضحك ويضحكوا عليه
هو صحيح بتلعبي ايه عشان تخدي الشنط دي كلها هوانتي كنتي ناوية تعزلي من البيت ولا حاجه
يالله مش مهم الجري رياضة برضوا
وبعدين سواق الاتوبيس حب يهزر معاكم شوية
المهم انكم لحقتوا الباص بس هي طلعت ناصحة سابتلك الشنط وراحت ه فاضية وركبت قبلك
انا بهدي النفوس
هههههههههه
يالله ربنا يخليكم لبعض
وترجعوا زي زمان مع بعض
والله الحاجات دي ذكريات جميلة موووت
ربنا يسعدك يارب بقه بدل الكد اللي انتي عايشتينا فيه ده
احسن الغم مش عليكي انتي بس على اللي بيقروا كمان
وعلى فكرة العدية عندي تبقي عدي شوفيها
صحيح انتي قريتي الجزء التالت يالله احسن بدل ماتتعبي خلينا نضحك شوية
هو انا بتكلم كتييير اوي كدا ليه
وربنا يسترها
يخرب بيت المسخرة
الجيران اتلموا عليا من كتر الضحك
و بعتت اللينك لاصحابى يضحكوا
متخيله منظرك
انا حصلى مواقف مسخره برضه
و سبحان الله برضه فى لحظات الهبل دى بضحك جدا على نفسى
و بفضل اضحك لما افتكر الكلام ده
الحاجه الوحيدة اللى بتوجع فى الموضوع ان امل مش صاحبتك زى الاول دلوقتى
الدنيا دى غريبة
بس يالهوى بجد لسه بضحك
كل سنه وانتى عسولة و رافعه راس البلد فى اللعبه السر اللى بتلعبيها دى
هههههههه
صحيح انا كل ده ماشوفتكيش اون لاين
سلامه انت فين سلامه ؟
أدى أخرت اللى يحاول ويفكر أنه يركب ميكروباص خصوصا لو كانت بنت
الواحد كتعود على الشحططة لكن بيفضل المترو على الأقل مش حتخانئ مع سواقه
الغريب
كل سنه وانت طيبه يا انجي
وبعودة الايام
تفرحي وتتهني وفي عيدك نغني
ومش فاكر الباقي بصراحة
:)
كل سنه وانت طيبه يا انجي
وبعودة الايام
تفرحي وتتهني وفي عيدك نغني
ومش فاكر الباقي بصراحة
:)
كراكيب
يعني تفهم من كدة انك هتيجي عشان خاطر اللحمة
طالما كدة بقي يبقي احنا مش عندنا لحمة
احنا ناس علي ادنا ومش لاقين ناكل
ادا صحيح دة انت هتجيبلي العصافير
لا تعالي احنا عندنا لحمة كتييييييييييييييييير
خلاص هبقي استناك عند العربية الحمرا اللي جنب العمود اللي في اول اي شارع يقابلك
ماشي
وانت طيب يا قمر
__________________________________
نوران
كويس انك ضحكتي
بس اوعي تكوني بتضحكي عليا عشان هتلف الايام وهتلاقي نفسك في نفي الزنقه دي الهي ما يوريها لحد
وتصدقي وصلنا التمرين وكل ما نبص في وش بعض نضحك والمدرب عملان يزعقلنا واحنا برضه نضحك
وانتي طيبة وكل سنة وانتي اللي بخير وسعادة يارب
بين الامل والياس
علي فكرة انا قلت قبل كدة انا بلعب ايه هتلاقيه في التعليقات
بس ابقي استر عليا بقي عشان التريقة اللي هخدها لما الناس تعرف انا بلعب ايه
هي مش ناصحة بس دي سهونة
ومن غير ما تهدي النوس هي هادية لوحدها هههههههه
تصدق برضه ان الكل بيقلي ان النكد مش لايق عليا بس يلا بقي حبيت اطلعوا عليكوا
واه طبعا قريت الجزء التالت وسبتلك تعليق عليه كمام
يا نكدي نكدت عليا
وبعدين هو انا لسة هتعب دة انا والله بفكر في قصتك دي من ساعه ما قريتها لحد دلوقتي
منك لله بقي
لا بعد الشر عليك
يا عم اتكلم حد واخد منها حاجة
وربنا يسترها عليك وعلينا
___________________________________
انا حرة
طب ليه الفضايح دي يا مينا
انت لازم تسيحيلي يعني وتشرديلي
طب انتو وصحابي ستر وغطا عليا
بتبعيني للاعداء يا يا سمين
طب احكي بقي الموقف بتاعك عشان اضحك عليكي زي ما ضحكتي عليا
بالنسبة لامل فهي اللي اختارت يا ياسمين مش انا
افضلي اضحكي انتي كدة وانسي بقي تديني العيدية بتاعتي
علي فكرة بقي انا اللي مش بشوفك اون لاين
انتي بتدخلي امتي يا بنتي
انا هنا يا جهاد
هههههههههه
سلام يا جميلة انتي
الغريب
وحياتك انت انا اصحابي مسميني التنكة عشان لا بركب لا ميكروباص ولا اتوبيس
بس هي اللي جت معايا كدة بقي عشان مش كان معايا فلوس
تصدق بقي بحكم ركوبي في عربي الستات فالستات بتتخانق مع السواق برضه
يعني مش في فايدة الشعب عمره ما هيتغير
كل سنة وانت طيب
___________________________________
lionking
وانت طيب يا احمد
تصدق انا اصلا مش اعرف دي اغنية ولا ايه بالظبط
بس مش مشكلة
ابقي افتكر الباقي وقولهولي
هههههه
سلام
hello samra..kol sana w enty taiba..simply, my story th tI was returning from an interview in el mokatem with a recruitment company , and it was my 1st time 2 go el mokatem , so, after I finished the interview, i felt someway lost caz I didnt find any means of transportation in tht area and i stayed some time waiting 4 any means of transportation and suddenly, I found a microbas running so, i insisted on chasing it but it didnt notice me so, I was running in a comic way having a file in my hand as if I was a governmental employee chasing a crowded bus,I ran a very long distance and when the driver noticed, he stopped and was laughing and told me was it u tht was running after me all tht, i said yes and all the passangers laughed but i kept silent however, I laughed a lot when I knew tht el medan elly kont 3awz aoslo, I almost reached it through my marathon run
مايكل
هههههههههههههههههههههههههههههه
ههههههههههههههههههههههههههه
كان ناقصلك بطيخة ومنديل قماش تحطوا علي ياقة القميص
هههههههههههههه
والله انا مت من الضحك
شكلك كان تحفة ومنظرك وححححححححححششش
طب كنت اسال علي الطريق
بدل ما تركب وتجري كنت اخدتها مشي
هههههههههههههههه
تعيش وتاخد غيرها يا مايكل
شكرا علي التعليق اللي سبتيه عندي .. شكرا يجد... وكل سنة وانتي طيبة.. وزي ما قلتي التنكد هبقة أقولك عليه بعدين مع انه شغال دلوقتي
ودي يا ستي عديتيك
(F)
مبسوطة؟
dead man
اولا العفو
ثانيا انا لما بكتب حاجة لحد فعلا بكون حساها
وبالنسبة للعدية فبجد دي احلي عيدية جاتلي انها تكون وردة
انا عن نفسي بحب الورد جدا
ومش تنسي اني عرضت عليك مشروع توزيع الورد في اشارات المرور
واكيد مبسوطة طول مانا بحس ان اللي حوالا مبسوطين
فيا تري انت مبسوط
أنا ماليش دعوة بكوووول الكلام ده !! أنا عايز أعرف حاجة واحدة بس ...إنتي وصاحبتك بتلعبوا إييييه ؟ الواحد طول عمره بيشوف الرياضيين كل واحد شايله شنطة نايكي ولا شيكاغو بولز ورايح النادي وجاي من النادي !! وانتي وصاحبتك شايلين خمس شنط ؟! شكلكوا كدة بتلعبوا في مركز شباب الشيشة .. والشنط مليانة شيش ومنقد والحجارة والذي منه .. أو تكونوا بتلعبوا تجديف وفاكين القوارب ولمينها في الشنط ههههههه معلش بس القافية تحكم بقى ... كل سنة وانتي طيبة ومرسي يا سمارة على السؤال
smraa alnil
كل سنة و أنت طيبة؛ و يارب كدة يتحقق لك كل إنتى بتتمنيه فى 2007
وتجدين وسط صمتك ما تبحثين عنه بين أوراقك سواء قصاصة شعر.. أو نثر.. أو حتى عن هذيان مجنون !! ربما يخبرك حينها من أين أتيت.. ومن تكونى !!..بس و حياتك ساعتها إن اقتربنا منك فلا تبتعدين !!..و إن تأملناك فلا تشردين !!..و إن أبحرنافي عينيك.. فإنا واثقون بأننا لن نفزع !!..و يديكم الله دايما طفلة مشاكسة.. مشاغبة تضحك بصوت مرتفع تجري هنا وهناك إذا نظرت إليها أصابتك الدهشة ففي نظراتها يمتزج الحزن بالأسى !!..وترقص الفرحة وفي نبرات صوتها ..خليط عذوبة !!..وطفولة مرحة
kol sana w enty tayeba
3eed sa3eed 3aleeky
w sana sa3eeda
كل سنة و انتى طيبة يا سمراء
و أراهن أن أنتى بتقولى متأكلوش لحمة كتير و أنتى دلوقتى ماسكة فخدة الخروف و بتفترى فيها :)
انا ضحكت ضحك ماضحكتوش من اخر مره كلت انا وصحابى بغباء لحد ما الاكل كبس على نفوخنا فقعدنا نضحك بهيستريا
كل سنة وانتى طيبة وتعيشى وتفتكرى
عايزة عديتك بالجنيية ولا بالعملة الصعبة
اول مرة اعدى عندك ومايصحش اجى بايدى فاضيه بردو
ليكى حته لحمة ماتخافييش
كل سنة وانتى طيبة
حلوه بس على فكره عملناها كتير
بس انا متخيل منظر الحوسهخ بالشنط ههههههههههههه
علشان تحرمى تبقى تركبى بعيد عن المحطه
ياللا علقه تفوت و لا حد يموت
كل سنه و انتى طيبه يا جميل
أمي جت تشوف مين الهبلة اللي بتضحك بصوت فظيع كده طلعت أنا طبعا..
دمك خفيف جدا
عارفة الذكريات القديمة دي بتبقى متتعوضش بجد..
barracuda
هقولك يا سيدي انا بلعب ايه
انا بلعب لعبة اسمها ريشة طايرة بتتلعب بمضارب وهي لعبة شبيها للتنس لحد ما
وصاحبتي مش استمرت يها دول كلهم تلات ايام اللي لعبتها
انا فعلا شنطتي برونيكس
اسمها مجازة شنطة المضارب ودي اللي انا كنت شايلاها بالاضافة لشنطة حاطة فيها هدوم الكلية
ونظرا ان يومي كان طويل في التمرين فشلت شنطة احتياطي تاني كدة بقم كام
3 شنط بتوعي
عايزة اقولك اصلا بيبقي اسؤ يوم لما بروح التمرين بشنطة المضارب بحس بجد اني لمة كل ترنجات البيت وشايلاها في الشنطة دي
ها يا سيدي ارتحت بقي لما عرفت
وانت طيب
___________________________________
egyptos
وانت طيب وبصحة وسلامة يارب
وبعدين انت غاشش كلامي وكاتبه ليه
ههههههههههههه
عامة يسمع من بقك ربنا
كل سنة وانت طيب يارب
mano
we entaa tayeb
hope a happy eid and christams or u
___________________________________
aleron
طول عمرك ظالمني كدة
طب ايه رايك بقي ان انا اصلا مش بحب لحمة الخرفان
طعمها مش بيبقي حلو
عامة انا بفتري في الفتة بس
هههههههه
وانت طيب يارب
زعرورة
اولا بالهنا والشفا
ثانيا ازاي جالك قلب تيجي لحد عندي ومش تعزميني علي اللي انتي كلتيه
وانتي طيبة يا قمر
وبعدين انا طيبة ومش هدقق في العدية
اللي انتي عايزة تدهوني هاتيه
وبعدين فين حتة اللحمة بتاعتي
وانتي طيبة يا قمر
___________________________________
شريف الغريب
عملتها كتير بذمتك حصل زي اللي حصلي كدة
طب انت راجل اومال انا اعمل ايه بقي
هي كانت حوسة بس
دي كانت حوسة مهببة بعيد عنك
علي رايك مانا بعدها مش ركبت اي مواصلة خالص
وانت طيب وابقي تعالي اسال
___________________________________
اللي دايما متغيرة
هههههههههههههههه
يا ستي لا خفيف ولا حاجة تعالي اقري البوست اللي فات وانتي تشوفي النكد بعينه
بجد بتبقي احلي ذكريات وبحس اننا بنقعد نبكي علي الاطلال عشان مش بنجددها
وبعدين مش تضحكي ادام مامتك تاني كفاية عليكي اللقب الاولاني مش ناقصة بقي تاخدي القاب محترمين بعد كدة
كل سنة وانتي طيبة يا قمر
ههههههههههههه
موقف يضحك بجد
الله يسعدك دايما وتفتكرى كل افراحك
وكل عام وانت بخير وصحه وسعادة
نيرفانا
ربنا يخليكي يارب
ويارب دايما تضحكي كدة علي طول
وانتي طيبة يا قمر
ده انت عسسسسل
لا حلو البوست ده بعد البوست اللى فات
كان نفسى اشوفك و انت بتجرى هاهاهاها
لعبه ريشه الطائره مشهوره جدا كذلك لا بد ان اعلق على شىء صحيح جريتى كتير لكن من الواضح انك لا تعرفين الفرق بين المكروباص والمينى باص ونصيحه لاكى لا تركبى 26 ثانيتا واقولك لكى اخيرا لو كنتى تبحثين عن حبك الصادق بتلك الحماسه التى جريتى بها وراء المنى باص لكنتى وجتيه حتى الان فقبلى منى هديه العيد اليكى نصيحه من السيف الخشبى ركزى فى الجرى وراء من تحبى او تبحثى عنه ليحبك وسوف تجديه ان شاء الله وفى النهايه اتمنى ان اعرف مجال بحثك للمجستير انا ايضا كنت طالب مجستير فى عين شمس
نور
انتي اللي عسل
والنبي ما تشوفي وحش
اسكتي كان منظري عار
بس مبسوطة ان هو عجبك بعد النكد اللي فات
___________________________________
سيف خشبي
اهو انت اول واحد بقي يعرف ايه هي الرية الطايرة دي
هو فعلا انا مش بعرف الفرق لاني مش بركب اي حاجة من دي وقد تكون دي التجارب اللي تتعد علي الصوابع في ركوبي مواصلات غير المترو والتاكسيات
بس مش مشكلة
وحياتك انت مش ركبت 26 تاني خالص
بالنسبة بقي للحب الصادق
فانا لا اخفي عليك
ان انا فعلا جربت اجري واءه لكن فشلت
ودلوقتي انا الي مستنية ان يجدني الحب الصادق لاطوقه بين ذراعي
وافرض اني بحثت عنه زي مانت بتقول تفكر ان قراري في اني الاقيه هيبقي صح
مش جايز اكون غلط
هتقولي انتي هتحسي
هقولك مش ممكن من كتر لهفتي بايجاد شخص احبه
واحتياجي له
يهيألي ان هو دة الشخص المناسب
عامة انا مستنية ان يبعثه لي القدر
وان شاء الله خير
بالنسبة لمجال بحثي
فانا بصراحة لسة مش حضرت الاطار بتاعي
لان انا كنت محضرة عنوان ليا لكن انتقالي لقسم اخر في الكلية لخبطلي الدنيا
وعشان كدة مش عارفة اختار رساله ايه
بس انا الرساله بتاعتي هتبقي عن العاب القوي
وانا حابة رمي الرمح عشان اعمل فيه
بس ايه بقي اللي هعمله في الرمح
بصراحة مش عارفة
يا ريت تحاول تساعدني بجد لو تقدر
لاني عايزة اسجل في شهر 3 الجاي ان شاء الله
يبقى كده أنا مش هأعلق!!!
علشان مش أديكي العيدية :P
هأقول لك كل سنة وانتي طيبة أونلاين
سمورتى
كل سنة وانتى بالف خير ياقمر
ومفيش عيدية خلاص عشان العيد خلص
وانا اهه نزلت الشغل تانى وابتدي النكد من تاني يلا حنعمل اية باه نصيبنا
فى انتظار بوست جديد تقوليلنا عملتى اية فى العيد وراس السنة
كل الى ممكن اقولهولك كونى نفسك وكفا
مصعب انت فينك كدة
بتظهر وتختفي فجأة
عامة غصب عنك هتديني عيدية هو دخول المدونة بالساهل ولا ايه
عامة هبقي اخدها منك اونلاين
___________________________________
زعومتي
وانتي طيبة يا قمر وبصحة وسلامة علي طول كدة
اه انتي داخلة بعد العيد عشان مش تديني عيدية
عامة ماشي يا زعيمة
انا هعرف اخد حقي منك
انتي مش شفتي البوست الجديد ولا ايه بتاع دشمة
اهي دي كانت راس السنة بالنسبة ليا
ابقي قريه وقولي رايك ايه
___________________________________
سيف من خشب
تفتكر هعرف
ولو عرفت
تفتكر هنجح؟؟؟؟؟؟؟؟؟؟
Post a Comment
<< Home