Wednesday, January 10, 2007


انا عايزة افهم بس
مين اللي طلع الاوشوعات دي عليا
اني هقفل البلوج
هي بقاله عم فتحي عشان اقفلها
ولا عشان يعني كان يوم اتنين متلازم مع اجازة الحلاقين
تصدقوا ان انتو هتتضربوا
هو الواحد مش يعرف يزعل شوية في البلد دي
وبعدين دي كانت لحظة فيها طيش شباب وعدت
لكن تطلعوا عليا اوشاعه بالمنظر دة
اهو دة بقي اللي لا يمكن
بس يا لهوي دة انا قلبي اتخلع كدة
لما لقيت ياسمين بدلل عليا وكاني بنتها ضايعه
بجد بقي خلتيني اعيط يا ياسمين
وبعدين يا فشارة انا امك ازاي
ههههههههههههه هنكدب بقي
ولا سيف من خشب
لالالالالالالا
دة انا كدة عديت
وقبلهم منال
وبعدين مين قالك يا ياسمين اني بجد اقدر ابطل كتابة
يبقي بجد بتحكمي عليا بالموت
دة هي دي الي فاضلالي بعديكم طبعا
ها مين هيكتب عني تاني
اعملوا خمسة بوست واعملكم تخفيض
بصوا بقي
الواد احمد دة فاكر انه راجل ميت
بس والله العظيم اجدع راجل تشوفه
واد حنين اوي وانا بحبه اوي والله
وانا وهو عاملين مفاجأة نكد بس ايه تمام
ابقي استنونا العدد القادم :) مش هتقدر تغمض عنيك
كله كوم بقي وايمن فاروق كوم تاني
راجل بجد والله
وشكرا ليك ايمين علي اليوم الظريف دة
بس كان نفسي شهد تبقي معانا
هي اي نعم هتموتني لما تعرف بس يلا هعرف اضحك عليها واصالحها
بجد شكرا
محمد بتاع عمان
ايميلك وصلني يا قمر
وبجد شكرا ليك اوي
مش الادب حلو برضه
دة غير ان في ناس كتيرة والله كلمتني وبعتتلي ايملات وانا مش عارفاهم
بس بجد
مش عارفة اقولك ايه
ركبتوني حق عرب وخلاص
وحسستوني بالذنب
ال اقفل المدونة ال
طب حد يفكر يعملها كدة ويشوف انا ممكان اعمل فيه ايه
دة انا كنت طلعت عليه اللي بتعملوا رئيسة القسم عليا
هههههههههه
ربنا يخليكوا ليا يارب
وعلي فكرة يا جماعه
في ناس هتتقابل مع بعضيهم في المهندسين كافية تريانون اللي جنب سور نادي الزمالك
الساعه 7 يوم الجمعه الجاية دي
والدعوة عامة وهتبقي لمة
انا حبيت بس اشكركم كلكم علي وقوفكم جنبي
الجحيم والرأفتاني وما علينا والحصان الاسود
واي حد دخل عندي ولاقي بابي مقفول
وزي ما قلت
لازم الواحد يقع شوية عشان يعرف يقوم
والا اذا مش هيعرف يقف علي رجله تاني ويقعد عمره كله يزحف
نسيت اقولكم ان البحث الجملي اللي قعدت عليه شهرين خلصتوا انبارح
لوللولوللولوي
دة انا قمت رقصت بعد ما خلصته
بس لسة في بحث بقي اشد لسه هعملوا
دعواتكم يا شوباب
كانت معاكم سمراء النيل من خلف كشك عم عبده

Labels:

54 Comments:

Blogger dead man said...

أول تعليق.. يا سلام أحساس رائع أنك هتقول أول كلام.. نياههههههههها

أول كلام مين الواد أحمد ده اللى أجدع راجل في الدنيا.. لأ وايه حنين كمان.. تفتكري في حد زي ده في الدنيا..

المهم طبعا أنا بكرر شكرك لكل الناس اللو وقفت جنبك وببعتلهم
(f)(f)(f)(f)(f)(f)(f)(f)(f)(f)(f)

وحمدلله بالسلامة انك قمتي بخير.. وما يقع الا الشاطر.. والكلام ده
:d

ويوم الجمعة مش عارف.. بس حاسس ان نفسي بتفكر تروح.. فممكن أروح

Wed Jan 10, 07:03:00 AM GMT+2  
Blogger bagabigo said...

انجى مكنتش اعرف انك متضايقة او عندك مشكلة اصلا عموما حمد الله على السلامة و الحمد لله انك بخير bagabigo_83@hotmail.com كلمينى لو حبيتى

Wed Jan 10, 10:31:00 AM GMT+2  
Blogger سيف من خشب said...

انا حابب اقولك حمد لله على سلامتك وان شاء الله تكونى بخير ومين عم عبده ده

Wed Jan 10, 11:19:00 AM GMT+2  
Blogger albida said...

انوجى النوجى كونوجى

حرام عليكى!! والله وقعتى قلبى... وانا اللى سارحة أدور عالايميل بتاعك واسأل الناس عليه!!؟

متتخيليش أنا فرحت قد ايه لما قريت الكلام ده
:)
طبعا ياماما!! ناتى تقدرى تستغنى عننا
ههههههههه
واحنا والله منقدر نستغنى عنك

نورتى عالم البلوجرية تانى يا جميل

manal

Wed Jan 10, 11:26:00 AM GMT+2  
Blogger Utopian said...

اول مره اسمع الاشاعهع منك انتي بس معلش
كويس انها مش صح

اي نعم ساعات بتبقي كئيبه و بتكئبيني معاكي ..بس معلش
المدونين لبعضيهم :)

و متوصلش لدرجة انك تقفليه
و لو منك..عشان تقطعي الشك بالبتاع

هاتي دي جي و علقي كهارب و اعملي افتتاح جديد

علي فكره..انا كمان بقالي شهرين مسجل الماجستير و لسه معملتش فيه حاجه
و خايف اكلم الدكتور يضربني وللا حاجه
ادعيلي و انا ادعيلك

Wed Jan 10, 11:44:00 AM GMT+2  
Blogger Mohamed A. Ghaffar said...

انا بردو كنت متوقع انهم حبه زعل وهيروحوا لحالهم اما تعدى تانى مع نفسك

على اى حال عود احمد

بس نصيحه ان جاز لى حق النصح
متسبيش نفسك لأنك توصلى للحالة النفسيه اللى كنت فيها دى تانى ، مفيش شئ يستاهل كل ده

Wed Jan 10, 12:19:00 PM GMT+2  
Blogger ياسمين said...

نورتىىىىىىىىىىىىىىى الدنياااااااااااااا
والله أنا اللى رقصت لما لقيتك
كدة .. تعملى فية كدة
ماشى .. مردودة لك
بس لما أشوفك
دة أنا كنت هابلغ البوليس و المباحث و المخابرات العامة والخاصة
وجميع فئات الشعب العامل والعاطل
عشان يدوروا عليكى

أنا قلت انك بنتىا للى ما خلفتهاش واختى اللى ما ولدتهاش أمى ..
مش عارفة ليه زعلتى من موضوع أمى دة
عموما مش مشلكة يا ستى .. المهم انك رجعتلنا .. وأنا موافقة ابقى أمك وجدتك كمان لو تحبى
وحشتينااااااااا يا سمراء

Wed Jan 10, 01:28:00 PM GMT+2  
Blogger frozen love said...

حمد الله على السلامة..هما مش يومين..لكن وحشتينا والله..البلوجات كان فيها حاجة غلط...هي دي انجي اللي احنا نعرفها..مبروك عالبحث وعقبال اللي جاي

تحياتي

Wed Jan 10, 01:38:00 PM GMT+2  
Blogger aymen.farouk said...

ياريتنى عرفتك من زمان يا انجى وانا اللى بشكرك على اليوم الجميل ده اصل انا لقيت نفسى مش عارف اعمل ايه بعد ما قريت الكلام الغريب اللى كنتى كتباه فى البوست اياه وقلت استخدم عبقريتك ولازم تقابلها هيا اكيد محتاجه لحد فى الوقت ده وفعلا لقتنى بكلمك وبقولك انا نازل اشوفك دلوقتى
والغريبه انى لقيت نفسى انا اللى محتاجلك وبجد بشكرك يا اختى العزيزه والله الاخوات ما يعملو كده
وفى الاخر عايز اقولك نصيحه لوجه الله
التوتو نى التو تو نى

Wed Jan 10, 03:35:00 PM GMT+2  
Blogger tamer said...

اولاا الف مبروك على البحث


ثانيا بقى انتا فعلاا صدقت انك هتقفلى المدونة عشان جيت اشوفك ا كتبة اية وجدت مواضيع ومفيش كومنت انتى كنتى شلتية

وكمان حكاية اول مرة احس انى ضعيفة

دة لنى اصدق واقول يمكن فية حاجة

الحمد الله انك لسة موجودة بتكلمينا من خلف كشك ام عبدة
هههههههه

تحياتى

Wed Jan 10, 03:41:00 PM GMT+2  
Blogger zordeak said...

شينفع كده؟؟؟


يعنى أخبطك بحاجة دلوقتى ؟؟


ينفع اللى عملتيه فينا ده


انا قعدت مع سوول وفضلنا نتكلم عليكى ونتناقش ونقول طب ايه اللى حطها فى المود الهباب ده

وقعدنا نقول يا لهوىى يا لهوىىى

احسن تبطل تكتب تانى وتقفل البلوج

كنت مجهزلك كلام قد كده وعايز اقولهولك الاقيكى شايلة التعليقات


ينفع كده والنبى

هيا اعصابنا مستحملة


بجد والله انا زعلان

وزعلان انك مش عارفة انتى بالنسبة لنا ايه

وزعلان انك مش عارفة قيمة انجى السكرة

هبطل زعل لو وعدتينى ان اللى حصل ده ميحصلش تانى

اتفقنا يا انووجتى

نورتى مدونتك يا أوختشى
لولولولولولولولى

:D

وحشتينااا موووت

Wed Jan 10, 04:25:00 PM GMT+2  
Blogger Amira said...

انا طبعا مش عارفة فى اية


اصل غايبة عن التدوين من فترة

ولما جيت ادخل نسيت الباص

عملت مدونة جديدة

بس من الموضوع كدة اقولك

ان مفيش حد يجبرنى اقفل المدونة

وكمان اللى يختلف معايا هو حر

لكن لو خرج عن حدود الادب

اديها ديليت ولا تزعلى نفسك

Wed Jan 10, 05:12:00 PM GMT+2  
Blogger mano said...

الحمد لله اطمنت عليكى
مش هتصدقى انا كنت متضايقه قد ايه امبارح و كل شويه ادخل على امل انى اقدر اعلق
بس الحمد لله
متعمليش كده تانى
و اديكى يا ستى اتأكدتى انك غاليه عندنا

Wed Jan 10, 06:10:00 PM GMT+2  
Blogger ادم المصري said...

طب والله الحمد لله

انا لاعرف ايه الحكاية ولا قريت بوستات

لكن المهم انك بخير ودايما حلوة

وياستي ما تزعليش .. المعيدين علي عينا وراسنا ياستي

Wed Jan 10, 06:34:00 PM GMT+2  
Blogger soul said...

ألف حمدالله على السلامه

قلقتينى عليكى فحت
ينفع الكلام ده

طب بجد زعلان....واللى زعلنى أكتر إنى معرفتش اوصلك...كنت عايز ابعتلك ميل و خفت متقريهوش

الشعور بالعجز ده شعور وحش اوى

ماعلينا

ألف حمدالله على السلامه تانى....وبالله عليكى لو حبيتى تعمليها تانى...أبقى إعملى إعلانات قبليها....نظام تنويه عن المفقودين وكده يعنى

بلاش نظام الصدمه ده لحسن بيوجع

ألف مبروك على البحث
وعبال اللى جاى كمان يارب
و..و...و
ناسى اقول إيه
أه
ألف حمدالله على السلامه

ومتثبتيناش ... لينا حق عرب

وحشتينا فحتتتتتت
بس خلاص
:)

Wed Jan 10, 07:02:00 PM GMT+2  
Blogger مُزمُز said...

الحقيقة بم إن أنا مكنتش متابع حاجة خالص فمش عارف الموضوع إيه

لكن واضح إنك كنتي مكتئبة أو حاجة كده ورجعتي خلاص
فحمدالله عالسلامة يا جميل
واوعي تفكري لحظة فموضوع قفل المدونة ده
التدوين ده زي الأفيون اللي يجربه ميقدرش يبطله

سلام

Wed Jan 10, 08:36:00 PM GMT+2  
Blogger Ma-3lina said...

اشاعات اشاعات
بيقولو فيه اشاعات بتخطف فى الستات
اشاعات اشاعات

هههة سمرا تقفل البلوح مال مين اللى هيقعد يرغى و يكتبلنا احلى شعر و مقالات طويلة

Wed Jan 10, 10:04:00 PM GMT+2  
Blogger tota said...

سمراء
انا شوفت البوست ولاقيتك قافلة الباب بتاع التعليق بس
قلت هى لحظات فضفضة بدون تدخل من احد
زى الجلسة مع الطبيب النفسى انتى بس كنتى محتاجة تتكلمى وتقولى ايه اللى جواكى
بس ما استنتجتش ان ده معناه العزلة او الصمت
هو كان الصمت المؤقت ونتيجته ان المكنة طلعت قماش وخلصتى البحث ودى حاجة ايجابية جدا
يا رب اخلص الرسالة اللى بكتب فيها علشان انا بقى فعلا اللى هعتزل الدنيا وخاصة بعد ست سنين شغل فيها

كويسة انها اشاعة

تحياتى

Wed Jan 10, 10:47:00 PM GMT+2  
Blogger cat_eyes(همس الليل) said...

انا بجد اسفه انى مكنتش متابعه خالص اللى حصل دا كلو بصراحه
للاسف كنت فى مود غبى وسبحان الله واضح اننا رفقاء الحزن بجد لانى كنت بفكر اعمل كدا فى مدونتى واقفل واجيب ضرفها بردو
ومكنتش بدخل اصلا ولا اعلق ولا بشوف البلوج بتاعى حتى
عموما الف سلامه يا سمرا انا بحب اوى فيكى قوتك
انما انا يوم ما اخد قرار زى دا مش هرجع فيه لانى هكون جبت اخرى
ربنا معاكى ويوفقك يارب

Wed Jan 10, 11:15:00 PM GMT+2  
Blogger وينكى said...

ماينفعش طبعا معاليكى تسيبى الكتابه والتدوين
لأنك مش هاتعرفى تطلعيهم على الناس فى الحقيقه
ودى مساحتك التنفيسيه اللى مالكيش غيرها
واحنا مش هاينفع نستغنى عن وجودك يا قمر
شوفتى.. دانا حتى لما سمعت الخبر قعدت أقول...لااااااااااا

وما أكلتش شيكولاته لمده ربع ساعه بحالها
تخيلى؟؟
:p

Wed Jan 10, 11:46:00 PM GMT+2  
Blogger الحصان الأسود said...

بقى ينفع يعني اللي بتعملية دة

تكتبي البوست الاضرابي و تقفلي الكومنت و قافلة الماسنجر


طيب احنا يعني نقرا البوست ويتحرق دمنا ومش عارفين نكلمك نفهم منك فية اية ولا اية اللي حصل؟؟

بجد مالكيش حق في اللي عملتية دة

ولا عاوزة تشوفي معزتك عندنا

بروباجاندا زي اخبار الممثلات

اخص عليكي وقعتي قلوب اخواتك ونكدتي عليهم

بقى كل دة علشان اتأخرتي في البحث ضوية وسمعتيلك كلمتين ؟؟

ولما قعدتي يوم مضربة عن التدوين وخلصتي البحث خلاص ارتحتي و رجعتي تشوفي اخواتك اللي نشفتي دمهم

امال لو كنتي بتعملي بحث في الطاقة النووية وللا الجراحه المجهرية ولا علوم الفضاء لوكالة ناسا كنتي عملتي فينا اية يا بنت..؟؟؟؟؟

Thu Jan 11, 12:04:00 AM GMT+2  
Blogger بين الأمل و اليأس said...

انتي عرفه يابنتي قفل المدونة دا كلام في الهوى ازاي يعني بعد مالواحد يصنع عالم لنفسه يهده
وبعدين تعالي هنا البوست اللي فات انتي نزلتيه وربنا مايرجعه ابدا
لما قريته جننتيني وحاولت اسيبلك كومنت لكن كان مقفول ولا ايه مش فاهم
عشان كدا انا عملت كومنت عندي على الماشي بس يالله طلع مالوش لزمة الاخوة البلوجرية قامو بالواجب
وانا متاهخر اوي المرادي في الرد عشان والله مشغول بقه بالتسخين اياه اللي قلتلك عليه
تعالي بقه
تقريبا غلاوتك عند البلوجرية طلعت فوق فوق
مش طايلها
وياستي ربنا يحبب فيكي خلقه يارب والف مبرووك على انتهاء البحث وربنا يعينك في اللي بعده
وبعدين مقلتليش رايك في اقتراحي
مش هنا عندي في البلوج
بجد نفسي نعمله بلوج عندي خاص بالاغاني والبقيه تاتي
يارب اكبر كدا واشوفك عروسه وسط البلوجرية
ونعملك زفة على البلوجات والله هاتبقه تحفه
وعلى فكرة تبقي قوليلي نتيجة اجتماع البلوجرية دا ياترى هاترجعوا تحبوا انكم عارفين بعض من خلال كلمات ولا وجه لوجه
وسلميلي على عم عبده اوي وقليله ياراجل بقه بيبسي تنزل اعلان ووانت متنزلش ضمن باقة خدمة العملاء
يالله في رعاية الله
وربنا يسترها

Thu Jan 11, 12:18:00 AM GMT+2  
Blogger أميرة ويلز said...

وحشتينىىىىىى ياسمرا والله

اوعى تقفلى المدونة بجد لاتجنن

الاكتئاب حالة وبتعدى المهم تكونى خدتى هدنة مع نفسك تقدرى ترجعى بعدها وانتى مقبلة على الحياة اكتر

هدى دايما بتبقى كدة فترة لشحن المعنويات والقدرة على التحمل

حاجة جميلة اوى انك تتواصلى مع حد ويوحشك وياخد باله منك من بعيد

مبروك البحث الجملى هههههههه وعقبال الجاى ياحبيبتى ربنا يوفقك

Thu Jan 11, 01:28:00 AM GMT+2  
Blogger el2ahwagi said...

samraa...

ana bas ha3eed el comment elli ba3atahalik embare7 fel post elli 2abl da (da tab3at ba3d matmasa7 elli etmasa7...)

ya3ni awafar 3aleeeki elmeshwar lel post elli faat...w bardo el cappiccino aho...!
________________________________

Samra...

ana geetlik embare7 wem3aya kobayet shai...

la2eetik rada elbaab.. wenazla takseer fe 7agatik el2ezaaz...
ana et2alemt bgad men soot el2ezaz we howa beyetkasar...

2olt adakhalik kobayt elshai terawa2ik... la2eetik 2afla elbaab belmoftaa7
...
2olt ya rab tehda wetroo2 ma3 nafsaha...

el7amdollah adeeni geet elnaharda la2eet bab 2odtik maftoo7...
w kaman nadafti kol el2ezaaz elli itkasar w ka2eno lam yakon..we kaman gebti 2ezaz gedeed ..

da a7san men law konti ghayarti el2ezaz be khashab aw 7adeed zai makonti 3ayza 3ashan may7esish be7aga wemayetkasarsh...

bas el2ezaaz agmal w ara2 w a7la.. wekaman beydakhal noor...
elmohem el2ezaaz elgedeed... yekoon men el noo3 el "tempered" 3ashan law etkhabat tani, aw etsharakh aw etkassar...mayb2ash feeh ay 7etat 7ada te3awarik aw te3awar ay 7ad..!!

3ala fekra seme3t asami kteer imbare7.. ana mota2aked enohom bey7ebooki wemosh hatefre2 ma3ahom ay khodoosh baseeta..

khodi ba2a el shai we rawa2i.. 3ashan teb2i a7san w a7san...
w mabrook el2ezaz elgedeed...!


__________________________________

Thu Jan 11, 02:08:00 AM GMT+2  
Blogger واحـــد مـــــن الـنـــاس said...

يا انجي هانم
انا علي ابن الجنايني

اكتئاب ايه وزعل ايه
ايه اللي حصل
هوا منين يودي على فين

انا اول مرة اسمع الحوارات دي
في ايه يا جماعة ؟؟؟

Thu Jan 11, 02:42:00 AM GMT+2  
Blogger الزعيـمة said...

سمورررررتي

اخس عليكي بجد بجد بجد
اولا انا دخلت لقيتك موقفه التعليقات
واعدت ادعبس على الايميل بتاعك
ونويت اعمل عنك بوست النهارده
واقول
سمراء النيل عودي وحنوافق على العريس

ههههههههههههههههههه

يخرب عقلك بجد قلقنا عليكي
ومن هنا ورايح باه حطي ايميلك او مكان تواجدك لمزيد من المعلومات


كان نفسي اجي معاد الجمعه بس للاسف حكون مشغولة

فحسبكم المرة دي تروحوا تريانون بس عايزين مرة نتقابل فى شيلز
الفى شارع الثورة

الاعده فية تجننننن

اشوفك على خير باة يا قمر

Thu Jan 11, 09:19:00 AM GMT+2  
Blogger Amr Ahmed said...

يابت ارجعي يا بت

انا بقي هاقولكم هي كانت عاوزة تقفلها ليه

اصل انا كنت بامتحن
وهي طبعا مش قادرة علي غيابي

معلش بقي انا خليتها ترجع

كل ده يحصل وانا مطحون في الامتحانات

لا المفروض البلوجات تتقفل لغاية ما كلنا نخلص علشان ده ظلم

المهم حمدا لله علي السلامة يا سمورة

واتمني تكوني بخير

وايه حكاية يوم الجمعة دي

تحياتي

Thu Jan 11, 03:44:00 PM GMT+2  
Blogger elkamhawi said...

انا مش فاهم حاجة اية اللى حصل اصلاً
وهو انا كنت فين انا كنت مسافر ولا اية معلش يا سمورة العتب على السن بقى
بس بجد اية اصلا الموضوع كلة

Thu Jan 11, 06:32:00 PM GMT+2  
Anonymous Anonymous said...

السلام عليكم كلنا يسمع عن مايتعرض له اخوانا في العراق من قتل وابادةو لانستطيع ان نفعل لهم شئ غير ان تدمي قلوبنا لهم وعليهم فليس اقل من محاولة اظهار ولو قدر ضئيل من معانتهم لذلك نرجوا الاطلاع لمعرفة حقيقة وضع اخواننا العراقيين و نشر عنوان هذه المدونة لعلها تكون محاولة بسيطة في دعمهم ونصرتهم ولو باضعف الايمان http://iraqsawt.blogspot.com/ _____وجزاكم الله خيرا

Thu Jan 11, 07:59:00 PM GMT+2  
Blogger أنـــا حـــــــــرة said...

لا تصدق الاشاعة
الاشاعة فيها سم قاتل

Thu Jan 11, 08:39:00 PM GMT+2  
Blogger الجحيم هو الحقيقه said...

سمرا
حمدالله ع السلامه
يا غاليه

تحيا تى

Thu Jan 11, 09:54:00 PM GMT+2  
Anonymous تامر العفيفي said...

ربنا يخليلك ويخليلنا المدونة الجميلة
اللي أول مرة ادخلها
وألاقي الجمال ده
تحياتي

Fri Jan 12, 02:45:00 AM GMT+2  
Blogger micheal mohsen said...

منورة يا سمرا و اللة فرحتينا و طمنطينا عليكي و يا رب تتبسطي بكرة في تريانون

Fri Jan 12, 04:10:00 AM GMT+2  
Blogger smraa alnil said...

dead man

يلا زئطط بقي عشان انت اول تعليق
ليك عندي جايزة
كارت شحن بتلاتة جنيه
وكل ما تعلق اكتر فرصتك في الفوز تكتر
هههههههههه

لا الكلام دة لابن البواب اللي تحتنا
يعني هيكون لمين يلا
والله انت طيب او يلا
وبعدين انت بعت الورد دة كله للناس اومال اختك بقي هتديها ايه
وربنا يخليك بقي والكلام دة
وعلي فكرة نفسك رايحة
هههههه

____________________________________


bagabigo

يا سيتي ولا يهمك عامة انا هضيفك عندي عشان ارغي معاكي
واكيد طبعا احب اني اتكلم معاكي
شكرا يا قمر

______________________________________


سيف من خشب

صديقي الاثير

ربنا يخليك يارب
والله يسلمك مش عرفة اشكرك ازاي علي كلامك الرقيق دة
بجد اخجبتني
وبعدين اخس عليك مش عارف مين عم عبده
لالالالالالالا دة موضوعه موضوع
انا كدة زعلت بقي عشان انت مش تعرفوا
عامة هبقي اقولك بعدين

Fri Jan 12, 06:29:00 AM GMT+2  
Blogger smraa alnil said...

منال
منولتي النولتي كونولتي

بجد مش تزعلي يا قمر
انا مش كنت اقصد والله
دي كانت فترة وعدت
وبعدين سارحة تدوري علي ايميلي ليه يا حولة ما هو عندك علي البروفيل بتاعك
هنفشر بقي ههههههههههه

بجد ربنا يزيد فرحك وسعادتك يارب
وبصراحة والله ما اقدر استغني عنكم
وطبعا انتو كمان مش تقدروا ههههههههههه
منور بيكي يا قمر

______________________________________

utopian

تصدق ان انا كمان اول مرة اسمع موضوع الاشاعه دي
وبرضه تصدق كويس انها مش صح
هههههههههههه
وبعدين انا كئيبة
اومال الي انت بتكتبه يتقال عليه ايه
دة انا كل ما اجي عندك يجيلي احباط
ههههههههههه
وحياتك ليحصل واجيب سعد الصغير وبعرور ويحيوا الحفلة الرهيبة دي
الموضوع بقي اكبر من موضوع ماجيستير يا بيه
الابحاث اللي عليا دة المنهج اللي همتحن فيه اخر السنة دي
وبعدين انا عايزة اقولك اصلا اني لحد النهاردة مش سجلت الاطار بتاعي ولا اخترت موضوع اصلا
يعني من الاخر بشوف الدكتورة فين وامشي من الناحية التانية لترزعني باي حاجة في وشي
ربنا معانا يا ابني
___________________________________

محمد عبد الغفار

كويس انك كنت متوقع كدة
وبعدين مين احمد دة
وطبعا يجوز ليك النصح
صدقني الموضوع مش بيبقي في ايدك
لما تحس ان المشاكل فجأة تراكمت عليك والدنيا اسودت في وشك
بيبقي احساس صعب
بس الحمد لله الواحد بيعدي
واهي فترة وخلاص
شكرا

Fri Jan 12, 06:30:00 AM GMT+2  
Blogger smraa alnil said...

يا سمين

تبقي فهمتني غلط لو افتكرتي اني زعلت من انك قلتيلي اني امك
بجد انا بحبك جدا
انتي بجد حستيني ان انتي كمان امي والله
ودايرة تدوري عليا في اشوارع
حد شاف بنت تايهه يا ولاد الحلال
وشوية شوية تغنيلي اغنية عودي يا سمرا عودي يا سمرا

ههههههههههه
ربنا يخليكي يارب
انا عارفة انك اول ما هتشويني هتاخديني بالحضن جامد يني من الاخر مش هتقدري تعملي حاجة
وانتي كمان وحشتيني
ربنا يخليكي ليا يارب

_________________________________________

frozen love

الله يسلمك يا قمر
وربنا يخليك والله انا افتقدتكم كتير
ولولا ان ورايا شغل ودراسة وحوارات كتير مش كنت قمت من علي الكمبيوتر الفعليكو واحد واحد والله
تفتكر ايه الحاجة الغلط ؟؟
سؤال يطرح نفسه
هههههههههههه
مالها بقي انجي اللي تعرفها
نكدية طول عمرها وبتكئب اللي ادامها صح ههههههههه
اه والنبي ادعيلي يا ابني
ربنا يخليك ليا يارب
_________________________________________

ايمن فاروق

يا ابني انت لو كنت عرفتني من مان مش كنت هترضي تعرفني
دة انا كنت عبيطة اوي وانا صغيرة هههههههههههههه
وبعدين جتك نيلة
ال جيتلك يا عبد المعين تعيني لقيتك يا عبد المعين عيز الل يعينك
هههههههههههه
بس ايه النصيحة الجامدة دي
انجليزي دة يا مرسي

Fri Jan 12, 06:30:00 AM GMT+2  
Blogger smraa alnil said...

تامر

الله يبارك فيك طبعا
يا ابني هي فترة وعدت وكنت مكتئبة صحيح والموضوع مش كان مستحمل اني الاقي تعليق من حد
لاني كنت هتعب اكتر
بس سيبك انت هي عدت وخلاص
اول مرة احس اني ضعيفة لاني كنت حاسة اني غير قادرة علي اني اواجه الظروف اللي مريت بيها
افهموها بقي
هههههههههه
علي فكرة عم عبده بيسلم عليك وبيقولك فين اللي عليك يا سي تامر
شكرا يا تامر
_____________________________________

zordeak

لا طبعا مش ينفع كدة
دة تهريج اكيد
دة لا يمكن ولا ابدا
تخبط مين ياض انت ياض

اخس عليك وتهون عليك اونووجي

معلش بقي يا ابني عيلة وغلطت
وكمان كنت بتجيب سيرتي مع سول وانا اقول انا كنت هموت من الكحةليه
ماشي ماشي
وبعدين ايه الي هيحصل يعني لو بطلت اكتب واقفل المدونة
ها ايه اللي هيحصل يعني
انطق
وبعدين بقي مش ليا دعوي انا عيزة الكلام اللي انت كنت مجهزوا
اتصرف بقي وهاتوهولي
معلش مش تزعل بقي
اديني بصالحك اهو
ان شاء الله مش يحصل تاني بس خلاص مش تزعل
بجد مش بحب الاقي حد زعلان
وعامة خد مني ورداية يتيمة مني جايبهالك بجنيه
(f)
يلا زئطط بقي
ربنا يخليك يا اختشي
طب تصدق بقي
برغم اني لا اعرفك ولا كلمتك بس والله وحشتني انت والفقري التاني اللي اسمه سول
_____________________________________

اميرة

يا بنتي كل الحكاية اني كنت كاتبة بوست زي الزت فيه كأبة الدنيا كلها وقفلت التعليقات ففي ناس افتكروا اني هقفل المدونة
عرفتي بقي ايه اللي حصل
المهم حمد الله انتي علي سلامتك
واوعي تني الباسورد تاني
ابقي اكتبي في ورقة كدة وخليها في حتة
وحياتك انا بعمل كدة برضه بدليت وبلوك وسلملي علي الماسنجر
المهم ان اتي تيجي تزوريني علي طول
شكرا ليكي ا قمر

______________________________________


مانو

بعد الشر عليكي من المضايقة
ا عاش ولا كان اللي يضايقك يارب
ربنا يخليك يارب
دة انا اللي اتأكدت ان انتو اللي غالين عندي والله
ومش تخافي مش هعمل كدة تاني
___________________________________

ادم المصري

طب تصدق بقي ان في معيدين بجد عايزين الحرق
بس انا مش منهم
هههههههههه
ربنا يخليك
وبعدين مش تقرا بوستات ليه هو انت صغير
المهم انك دايما كدة تيجي تشرفني يا دكتور
علي طول
ربنا يخليك يارب

Fri Jan 12, 06:30:00 AM GMT+2  
Blogger smraa alnil said...

soul

سول حبيب قلبي المتكاتظي علي طول

هو لا مؤاخذة يعني يعني ايه فحت
المهم اني فهمتها كتير
صح
ما علينا
تصدق برضه ان الكلام دة مش ينفع ولا يأكل عيش
لا والنبي ما تزعل
طب كنت ابعته صدقني كنت هقراه
انا بقرا كل ايميلاتي يوميا
هو الشعور بالعجز دة مش وحش بس دة مميت والله
عامة لو حبيت اعملها هعمل وست اعتزال قبلها واقول الموضوع دة
واعمل فرح كدة واجيب فيه عوالم ونديها عشرة بلدي عشان خاطر التنوية دة
انت تأمر بس يا اخ سول
وسلامتك وبعد الشر عليك من الوجع
ان شالله اللي يكرهك يارب هو اللي يتوجع

الله يبارك فيك
بس ادعيلي بس الحق اسلم البحث والدكتورة ترضي تاخده مني
وحقك محفوظ شوف بس انت عايز ايه واحنا نفلسع علي طول
هههههههه
فحت تاني
شكرا يا قمر وربنا يخليك اب

_______________________________________

مزمز

انت فينك كدة يا ابي
غايب بقالك فترة
دة انت اللي قلقتني عليك والله
لما هو كدة وزي الافيون انت بتبعد عنه فترة ليه
ربنا يخلصك من المرحلة اللي انت فيها
وربنا يخليك يارب
وابقي افضي بس وفوت علينا
بص وطل يا عمنا
___________________________________

ماااااا علينا

ههههههههه عرفتك مش انتي ريا
علي رايك مين يعني اللي هينكد عليكم غيري
طبعا مش في حد
شكرا يا قمير بجد ربنا يخليكي ليا

Fri Jan 12, 06:31:00 AM GMT+2  
Blogger smraa alnil said...

توتا

لالالالا اوعي تعتزلي انتي كمان
مش هينفع اومال مين اللي هيعلق عندنا ويتحفنا بموضاعاته الشيقة الحلوة دي
والله يا توتا انتي فهمتي اللي حلةالي انا كنت فيها
بس مش عزلة اوي وصمت يعني
اديكي شايفة اد ايه انا رغاية
ههههههه
والمكنة طلعت قماش بس لسة فاضل خيوط كتيرة عايز ننسجها بقي
ربنا يخليكي يارب وان شاء الله تخلصي رسالتك اللي بقالك 6 سنين فيها
هي رسالة ايه دي يا توتا

__________________________________________

همس الليل

نورا حبيبتي ازيك
مش قلتلك انك بجد رفيقة احزاني
بيتهيألك انك لما تاخدي قرار زي دة انك هتجيبي اخرك
بس صدقيني هتعدي عليكي الفترةدي وترجعي نورا من تاي
اساليني انا انا مجربة الحاجات دي ومفعولها اكيد
ربنا معانا يارب ويفك كربنا
_____________________________________

وينكي

عندك حق انا بحس اني في الحقيقة خارسة ومش قادرة اتكلم مع اي حد وان الدونة ديهي الشئ التنفيسي اللي ليا
هههههههههه
انا مدركة التضحية اليل انتي عملتيها بعدم اكلك للشيكولاته لمدة ربع ساعه بحالها
بس سمعتي الموضوع دة من مين
ولا نشروها في الراديو من غير ما يقوللولي
ربنا يخليكي يارب

Fri Jan 12, 06:31:00 AM GMT+2  
Blogger smraa alnil said...

الحصان الاسود

معلش بقي يا قمر واله ما اقصد اقلققك كدة
خلاص اخر مرة
وبعدين انا عارفة معزي عندكم من غير اي حاجة والله
يسلملي قلب اخواتي وبعد الشر عليهم من النكد
وحياتك ولا سمعت كلمتنين ولا حاجة
انما تقول ايه بقي لعذاب الضمير ههههههههههه
وحياتك انا خلصت بحث بس طلعلي الانكد منه
يعني انتظروا مني النكد الي جي
اديني بحذرك اهو
هههههههه
وبعدين انت بتستهر بابحاثي
دة انا ابحاثي كلها عجب مش هقولك بقي
ربنا يخليك يارب
_____________________________________

بين الامل والياس
انا فعلا قفلت كل التعليقات لاني مش كنت هستحمل اي تعليق يجيلي ويححسسني بشئ انا مش عايزاه عشان كدة قفلته
وانا قريت تعليقك عندي ووالله انبسط اوي انك علي الاقل سيبت تعليق ليا عندك
بس انا مش فاهمة حكاية التسخين دي ايه
وايه لزمتها وايه اللي طلعها في دماغك
وشكرا والله ليك يا حازم
ربنا يعني في اللي بعد البحث يارب
اقتراحك حلو والله وانا موافقة عليه
ههههههههههه
وبعدين هو انا لسة هستناك لما تكبر
وبعدين يا عم بلا جواز بلا نيلة
يعني اللي اتجوزوا قبلنا خدوا ايه
بس لو انت مصم انا ممكن اعيد تفيكر في الموضوع دة
وبطعا هكتب عن نتيجة الاجناماع اليل بينله مش في حد هيحضروا خالص
غيري
ههههههههههه
وبعدين عم عبده مشهور اوي ومش محتاج اعلانات انت بس اللي مشغول الايام دي ومش واخد بالك
ربنا يسترها معاك
______________________________________

اميرة ويلز

اميرة ربنا يخليكي يارب
لا مش تخافي انا مش هقفل المدونة
هو سوبر ماركت مثلا
طبعا لا
وفعلا حاجة حلوة اوي لما تلاقي حد بيسال عنك
عشان كدة والله مش عارفة اشكرك ازاي بجد
الله يبارك فيكي عقبالك كد لما تعملي ابحاث ويطلع عينك فيها
شكرا ليي يا قمر

Fri Jan 12, 06:31:00 AM GMT+2  
Blogger smraa alnil said...

القهوجي

انا فعلا كنت قريت تعليقك في البسوست اللي فات
انا علي طول باب اودتي مفتوح لاي حد وبجد مش اقدر اقفله
انا بس قفلته عشان لما اجي اوضبها التراب والحاجات اللي بتتكسر دي مش تعور حد
ومش تضايقة
بس مش كنت عارفة ان في ناس عايزة تشاركني في تنضيف الاودة
هههههههه
انا لو كنت غيرت الزاز بحديد او خشب
مش كنت هعر اشوف منه ولا انتو كمان تشوفوني
بالنسبةبقي للحتت الحادة اللي في الازاز
فدي ربنا يستر بس انا متأكدةانها مش هتعور حد
هما فعلا كانوا بيحبوني الناس اللي انا قلت عليهم
بس بعدنا عن بعض
ومش بمزاجنا
بس كل واحد بقي ليه حياته واستقل وهو اللي اختار
انا بتأسف ليهم عشان كنت ممكن اجبر نفسي عليهم ونفضل مع بعض
بس الظاهر اني اخدت علي البعض
وبقيت بالنسبة ليهم ذكري وقصة مدرسة وطفولة
وبعين شاي تاني انا اي نعم بحبه بس بحب الكابتشيو اكتر
والله يببارك فيك
______________________________________

واحد من الناس

اهلا يا سي علي
اقولك ايه بس
مانت طبعا بتسال فيه ايه
لو انت كنت بتسال كنت هتعرف
روح يا شيخ قلبي مسامحك
ههههههههه
وبعدين سيبك انت من الحاجات دي
بابا الباشا تقريبا هيوافق عليك بعد الثورة ما اخدت كل املاكه
يلا اي خدعه
عهههههههههههه

____________________________________

الزعيمة

ههههههههههههههه
حي انتي كنتي هتعملي تنويه عن المفقودين عليا وليا
ههههههههههه
وبعدين عريس ايه هو احنا برضه بتوع الكلام دة
احنا اكبر من كدة علي فكرة
معلش والله ما كنت اقصد اني اقلقك عليا خالص
ولا اي حد بس هي ظروفكم جت كدة بقي
خلاص احنا ممكن نخلي الموضوع دة الشهر الجاي
بس هتبقي تيجي ان شاء الله
ماشي
شكرا ليكي يا قمر
_______________________________________

عمرو احمد

مانا رجعت اهو بقي
طب لازم تفضحني يعني
ماتستر عليا
طبعا يا عمور حياتي كلها كانت وحشة لوي من غيرك
ههههههههههه
اعملكم ايه بقي اذا كنتم انتو المشغولين
حد يا ابني يمتحن في الحر دة
عامة ربنا يعينك يارب ونجحك يارب
والله يسلمك يارب
حكاية الجمعه دي هبقي اقولك عليها لما تخلص امتحانتتك ولما تكبر شوية
هههههههههه
تحياتي

Fri Jan 12, 06:32:00 AM GMT+2  
Blogger smraa alnil said...

القمحاوي
تصدق ان انا كمان مش فاهمة حاجة سيبك يا راجل المهم انت ايه اخبارك
سن ايه اومال انا بقي اقول ايه
ضاع العمر يا ولدي
الموضوع اصله كبير هبقي اقولهولك بعدين
ههههههههههه
سيبك مش في احسن من اللمة الحلوة
______________________________________

انونيموس

عامة انا هضيف المدونة عندي وربنا ينصرهم وينصرنا يارب
جزاك انت الله خيرا
____________________________________

انا حرة

هههههههههههههههههه دة اللي قدرك عليه ربنا
____________________________________

الجحيم هو الحقيقة

جحومتي

ربنا يخليك يارب
والله يسلمك

ابقي سلملي علي الغالية واوعي تزعل منها
واوعي تزعلها انت فاهم
لحسن اجي اعضك انا
ربنا يهنيكم ببعض يارب
هههههههههه
__________________________________

تامر عفيفي

بجد ربنا يخليك
بجد مدونتي عجبتك
ربنا يجبر بخاطرك يا ابني
المهم بقي ابقي كررالزيارة دي واوعي مش تيجي تاني بقي
تحياتي

___________________________________
مايكل محسن

ربنا يخليك يا مايكل وشكرا علي الكومنت الجامد دة بجد
يارب انبسط بس هنبسط اكتر لو في منك موجودين بجد
حاول تيجي انت كمان
تحياتي

Fri Jan 12, 06:32:00 AM GMT+2  
Blogger albida said...

طب والله ماكنت اعرف يا بنتى لأنى بدخل على المدونة بتاعتك على طول.. يعنى مابشوفش البروفيل أساسا

ده انا حتى قرفت ياسمين(أنا حرة) فى عيشتها وقعدت اقولها تبعتلى الايميل بتاعك!!
:9

على العموم انا هاخرج اجيبه دلوقتى

manal

Fri Jan 12, 07:46:00 AM GMT+2  
Blogger albida said...

هو صحيح ايه علاقة الكتاكيت بالموقف ده؟
ههههههههههه

هما دول كمان عندهم تفرقة عنصرية؟
:)

manal

Fri Jan 12, 08:42:00 AM GMT+2  
Blogger smraa alnil said...

منال

استي بقي كدة عشان افهم
يعني انتي قرفتي ياسمين عشان ايميلي وفي الاخر مش اديتهولك
عامة انا هتصرف
ههههههههههه
بس كويس انك مش مهتمية تدخلي في البروفيل بتاعي

علي فكرة بقي يعني انتي مش عارفة علاقة الكتاكيت ايه
تصل بصراحة الصورة دي بعشقها اوي وكل ما اشوفها اقعد اضحك
يا بنتي العنصرية في كل حاجة
بس خدتي بالك انتي من الكتكوت الاصفر وهو واقف علي طراطيف صواعه وبيزعق بنرفزة كدة ويقولهم زنوووووووج
هههههههههههههههه
والله بضحك لما بشوفها

Fri Jan 12, 08:56:00 AM GMT+2  
Blogger إنـســانة said...

هههههههههههههههههه
ايه المدونة العسل دى
انا جديدة لسة فى عالم التدوين واول مرة ادخل عندك
بس ما شاء الله
ايه الحلاوة دى
وأوعى وحسك عينك تسبي الكتابة عشان أسلوبك تحفة

تعرفى إن كنت هسمى مدونتى سمراء النيل برضه بس خليته إنسانة

الكتاكيت عسسسسسل
لما شوفتهم إفتكرت المثل بتاع بنت ا لبطة السودا

معاكى ياسمين أم العافية
قطاع الاخبار
:)

Fri Jan 12, 05:54:00 PM GMT+2  
Blogger Ironcobra said...

سمرا :
ألف سلامة عليكي واللة ما أعرف أنك كنت مختفية و قافلة كل حاجة بالترابيس لأن عيان من يوم الخميس اللي فات و بعدين من ساعة مارجعت الشغل يوم التلات و أنا عندي ضغط شغل جامد مع العيا ما قوليكيش قعدت طول الأسبوع قرفان من عيشتي .
ألف سلامة مرة تانية و لو كنت عرفت كان زماني بعتلك 2 كيلو برتقان في ال UPS ولا أقولك خليها موز و تفاح أحسن لأنهم أرخص من البرتقان .

Fri Jan 12, 06:07:00 PM GMT+2  
Blogger ody911 said...

إنجى كنتى فيين ؟؟


قلقتينى عليكى يا شيخة

بقة بعد بوست الحب الجامد دة

تعملى فينا كدة

وبعدين إيه حكاية المقابلات دى ؟؟؟

إنتوا كدة بتستعبطوووو

مش تقولوا من بدرى علشان أجهز نفسى

أصلى أنا جيت من أسوان النهاردة الجمعة

فمكنش ينفع أفضل مطبق 36 ساعة علشان أروح الميعاد دة

عموما خيرها فى غيرها

وبطلى قفل التعليقات

Fri Jan 12, 06:57:00 PM GMT+2  
Blogger moorgen said...

هااااااى
ايه دا انا اول مرة ادخل عندك ولا اعر ف ايه الحكايه
بس من الواضح انك كنت متضايقة وبعدتى شويه عن البلوج
وتوهتى والناس كانت بتدورك عليكى

فحمد الله ع السلامة
ولما تضايقى ابقى قوليلى هاوديكى مكان حلو
:)
وادى النطرون تعرفيه ولا اقولك محدش يعرفه غيرى
بجد حمد الله ع السلامة

Fri Jan 12, 09:35:00 PM GMT+2  
Blogger سـردية said...

البداية:18/01/2007 - 15:00
النهاية:18/01/2007 - 17:00
في الذكرى الثلاثين لإنتفاضة الخبز 18-19 يناير 1977 تدعو الحركة المصرية من أجل التغيير (كفاية)نشطائها وكل القوى السياسية

الى مظاهرة يوم 18-1-2007 الساعةالثالثة ظهرا امام مسجد السيدة زينب ضد غلاء الأسعاروتضامنا مع الحركة الإحتجاجية الجماهيريةلعمال مصر طوال شهر ديسمبر الماضى .
تقويم

Fri Jan 12, 11:38:00 PM GMT+2  
Blogger smraa alnil said...

human

احسن برضه انك مش خلتيها سمراء النيل
عشان كنت هروح فيها
هههههههه
وبجد انبسط ان المدونة عجبتك برغم ان فيها كأبة مش هقولك بقي
عامة مش تخافي انا قاعدة علي قلبكم وعمري ما هسيب الكتابة الا ان ربنا يتوفاني بقي
او تحصلي حاجة تانية
ربنا يستر
بالنسبة للكتاكيت
فانا بحبهم اوي دول عسولين خالص
ههههههههههههههه ايوة بنت البطة السودة عشان ي تفرقة عنصرية
شفتي بقي
ههههههههههههههه ماشي يا ام العافية
والله انتي اللي عسل
___________________________________


ironcopra

اولا الله يسلمك
ثانيا دة انا اللي المفروض اقولك حمد الله علي سلامتك
طب كنت قولي وانا كنت اجيبلك 5 كيلو برتقان من عندنا ويكون ابو سرة كمان
ربنا يفرجها عليك يارب
والف سلامة عليك
طب نعمل اتفاقية بقي
انا ابعتلك برتقان من عندنا وانت تجيبلي موز وتفاح من عندكم
كدة بيس يا مان

Sat Jan 13, 11:38:00 AM GMT+2  
Blogger smraa alnil said...

اودي

انا كنت هنا
معلش بقي المرة الجاية ابوست الجاي يكون حاجة تانية غير النكد بقي
بس ربنا يستر
وحياتك قايلين من بدري
بس انت اللي كنت نايم في الدرة
عامة اديني بقولك اهو من اولها
عشان تبقي عارف
ومش هقفل التعليقات تاني
مش تخاف
ادا
انت نسيت تمضي
لالالالالالا
الكومنت دة مش محسوب
___________________________________

moorgen

تصدق انت كدة فهمت الليلة
عامة الله يسلمك
وحياتك عارفاه وادي النظرون شكلك بتشرف فيه كتير
انت ايه حكايتك بالظبط
هههههههههه عامة ياريت تبقي تشرفني تاني بزيارتك
والله يسلمك بجد

___________________________________

سردية

يوم 18 دة هكون في الكلية براقب علي امتحانات وهيقعدوني في كنترول
هو انا مش بقعد في كنترول اصلا ومش مسمحولي
بس اهي التعليمات جت كدة بقي
بس ربنا يسهل عشان نتشحطط
وربنا يسترها

Sat Jan 13, 11:39:00 AM GMT+2  
Blogger islamz said...

قال تعتزلى قال ... دنا كنت موتك وموت نفسي وحرقت البلد وخربت النت وووو وبس ... هو احنا نقدر نستغنى عنك يا قمر ...

وحشتينى .. :]

Sat Jan 27, 04:25:00 PM GMT+2  
Blogger smraa alnil said...

ياعم انت بتصدق هو انا اقر ببرضه
عيب عليك

Fri Mar 16, 02:29:00 PM GMT+2  

Post a Comment

Links to this post:

Create a Link

<< Home