اغلس حاجة لما تكون ماشي وصباع رجلك الصغير
يخبط في رجل الكرسي
اااه
المهم
يمكن البوست دة مش يهم حد فيكم
لكن انا حبيت اشارك كل الناس في حبي لاخويا
في ناس سالتني انا وهو زعلانين ليه
لكن الحقيقة انا اللي زعلتوا
عشان جاتله دعوتين لحضور حفلة منير
ومن غير تفكير قرر ان تكون الدعوة التانية دي ليا انا
وبما اني دايما غبية
جت راس السنة وانا مش عارفه انها في راس السنة وجه الساعه 7 وربع وبيطالبني اني اقوم البس وانا مش مجهزة نفسي ولا محضرة حاجة البسها
فزعلت منه انه مش اكد عليا من الصبح
وكلمة من هناعلي كلمة من هنا سبته يروح هو لوحده وهو نازل زعلان
زعلي المأساوي اني حسيت اني زعلته وكسرتله نفسه
عشان كدة بقولك انا اسفة يا احلي اخ
انا عارفة ان احنا بحكم شغلنا وظروفنا بعدنا عن بعض
بس انا بحبك
والله بحبك
بجد انت احلي حاجة حصلت ليا
في دنيتي
كفاية ان انت سبب سعادتي في حياتي
واني بحب بيتنا عشان انت فيه
اخويا اسمه محمد
ومحمد مش بيحب يتفرج علي اي فيلم الا وانا معاه لاني علي حسب رايه باخد بالي من حاجات غريبة وبعلق عليها تعليقات بتضحكوا
وبيقعد يضحك وانا معاه
محمد مش بيحب بيتنا وانا بعيدة عنه برضه
مش مهمم هو شايفني ايه
المهم انا شايفاه ايه
انا شايفاه ابني
واللي بيزعلني ان الاقي ابني بيقسي علي امه او يبعد عنها او مش يسال عنها
بحب ضحكته اوي وردود افعاله المسخرة
اللي خلته يحتل المركز الاول في خفة الدم في فريقي وان هو المطلب الاول في اي خروجة للفريق
النهاردة محمد تم ال 24 سنة
بس لسة شايفاه الوالد الصغنتوت االلي كان بيناديني اشي
وكان بيصدقني في اي حاجة بقولها
لدرجة انه فضل لفترة ليست بالبعيدة مقتنع ان لو بص للشمس عينه هتتفقع لان انا اللي قلتله كدة واحنا صغيرين
مش هنسي خوفنا علي بعض لما جت السيول وانا وانت ماسكين ادينا في ايدين بعض في الشارع وخايفين واحنا مروحين
مش هنسي رعبنا لما جه الزلازل واحنا مروحين من المدرسة لوحدنا
ولا جرينا ورا بعض في الشقة
ولا وانت بتوقعني علي الارض وبتزغزني من زوري وانت عارف ان دي نقطة ضعفي
ولا لما بتحس اني زعلانة وتقولي انتي ليه حزينة
مش هنسي لحظة انكسارك لما البنت اللي انت بتحبها راحت اتخطبت لواحد تاني وانت مرمي في حضني بتعيط
مش هنسي انك قعدت فترة بتناديني وتقولي يا ماما
مش هنسي وقت ما كنت بروح اجيبك من المدرسة عشان نروح مع بعض
ولا خوفك عليا لما بابا كان يضربني
محمد انا بحبك اوي اوي اوي
ومش قادرة اتخيل اني ممكن ابعد عنك او اني اكون سبب في زعلك او حزنك
محمد يا جماعه اطيب واحد ممكن تقابله واحن بني ادم علي وجه الارض دي كلها
حنين اوي
مش هنسي انه في عيد ميلادي اللي قبل اللي فات لما عرف اني زعلانه منه وهو كان غلطان جابلي قط هدية عشان عارف اني بعشق القطط
ولا هنسي اليوم اللي رجعت فيه من السفر وكنت غايبة عنه لمدة شهر وشافني في المطار جري عليا وحضني ورفعني فوق ولف بيا كذا لفة والناس كلها بتبص علينا وعلي وشوشها ابتسامة من المنظر
مش هنسي كلمتك لما تقولي اتجوزي انتي بقي ومش ليكي دعوي بولادك والله مانتي شايفاهم دة انا اللي هربيهم
واخدهم كفاية ان هما هيكونوا ولادك
بزعل منك لما بحس انك بتبعد عني
والنبي يا جماعه قولوا ليه مش يبعد عني
بزعل منك لما بكون فرحانة بحاجة وعايزة اوريهالك او اخليك تقراها وانت بتقولي بعدين
وبتنسي
حتي البلوج انا اللي بجيبك بالعافية عشان تقرا موضوعاتي
بزعل لما اعرف عنك حاجة من ناس غريبة وانا مش ببقي عارفة
بتبقي منتظر مني ان انا اللي ارجعك وانا اللي اجيبك ليا
محمد انت قلتلي قبل كدة ان انت تايه في الحياة وعايزني انا اللي اجيبك في حضني من تاني
بس صدقني انا مش بقيت قادرة
احيانا بتتهمني بلا مبالاة
بس والله ابدا
انا يمكن مش عارفة اقولك الكلام دة علي الحقيقة
عشان كدة قررت اني اكتبه هنا
يمكن مش يجي عليك الوقت وتقراه
بس مش في حد عارف ايه اللي ممكن يحصل بكره
انا بحبك
كل سنة وانت طيب يا احلي اخ ليا في الدنيا
نبطل نكد بقي ونحتفل بعيد ميلاد الواد برغم ان هو مش موجود
علي فكرة يا جماعه انا اكبر من محمد بسنة وشهر وعشرين يوم
ومش فاكرة بكام ساعه بصراحة
بس ماما بتقولي ان ولادة محمد كانت سهلة جدا وانا قعدت تولد فيا في تلات ايام
هههههههههههههههه
عامة انا سايبلكم تورتين عشان تاكلم منها
بس ابقي قسموها انتم بقي عشان انا مش بعرف في الحاجات دي
ومش تحفوا
ودة بقي بوكية ورد مني ليك يا محمد يمكن تكون بتحب الورد
مش عارفة بس حبيت اجيبهولك
ودي بقي علبة شيكولاته غير اللي انت كلتها
اخويا جاتله علبة شيكولاته من اسبانيا
المهم كان معاه واحد صاحبه قعدوا يقسموها بينهم وبين بعضهم واخويا كان شايلي نايبي فيها
واحدة ورا التانية صاحبه بيقوله واد يا محمد الشيكولاته دي طعمها غريب اوي
قاله اه انا عيني زغللت
التاني قاله طب دة احنا اغبية اوي تعالي نقرا محتوايتها
ولاقوا انها خمرة
جت عليهم هسيتريا ضحك
واخويا فتح بدلته في الشركة وقعد يجري ويقول اوعي الفنكووووووووووووووووش
هههههههههههههههههه
ودخل الشقة عليا ويوقلي يا سمرا انا شربت خمرة يا سمرا
ودي بقي حاجة كتبتها ليه علي ادي يعني
كل سنة وانت دايما مني قريب
كل سنة وانت في نظري حبيب
جه يوم المني , يوم ميلادك
عقبال يوم تاني لما اشوف ولادك
واكون دايما معاك وقدامك
النهارة الشمس رقصت
وفي السما النجوم فرحت
والارض ليومك دة غنت
شفت عملت ايه في الدنيا .؟؟؟؟
خلتها تبقي حياة تانية
كل سنة والنجم يلمع في عيونك
كل سنة والشجر يطرح في جفونك
كل سنة والشمس تشرق في كفوفك
كل سنة وانت طيب يا محمد
ودي برضه حاجة تانية كتبتهالك
الي ابني واخي وحبيبي ورفيق قلبي
توالت الايم فاصبحت رجلا وقرة عيني
حملنا رحم واحد يا اخي يا صديق عمري
فانا ما عرفت غيرك في طفولتي لاهدي له حبي
فانت ابني وزهرة عمري ونور فجري
انا وانت روح واحدة تحملها الايام الي ما لا ندري
فلا يهم فانت معي ترافق روحي
فتعال يا محمد لاحضاني,, لاحضان اختك انجي
يلا حالا بالا بالا حيوا ابو الفصاد
هيكون عيد ميلاده الليله اسعد الاعياد
فليحيا ابو الفصاد
هييييييييييييه
علي فكرة يا بنات
الواد اخويا والله زي القمر وابيضاني طالع لماما وعنيه لونها عسلي فاتح
وشعره لونه بني
وطول بعرض كدة ايه هيبه بقي
فاللي عايزة تخطبه تقولي انا الاول وتحجزه
هههههههههههه
واخيرا وليس اخرا
نسيت اقولكم النشيد اللي اخويا بيقولهولي لما يكون عايز مني حاجة
انجي حماها الله انجي راعها الله
من غير تفكير مني اقوله انجز عايز ايه
ههههههههههههههههه
من الاخر يا محمد
انا بحبك جدا جدا جدا جدا جدا من هنا لحد ما اوصل لابعد نجمه في السما
كل سنة وانت طيب
عامة انا مستنية الهدايا منكم
عشان من الاخر مش معايا فلوس اجيب هديه ليه
لسة مش قبضت من الكليه
منها لله رئيسة القسم بتاعتي
ههههههههههههههه
الاغنية المحطوطة دي ليك يا محمد
Labels: خاص ومقابلات ومناسبات
93 Comments:
بجد حلوه اوى مووت ايه ده بتفكرينى بيا انا واخويا
اللى ماعرفتش اد ايه انا بحبه الا قريب قوى
تفاصيلك الصغيره عن السيول
والزلزال
والجرى ورا بعض وزغزغته ليكى
وقربكوا من بعض وانتوا صغيرين
ربنا يخليكوا لبعض
اكيد هو عارف انتى بتحبيه قد ايه
كل سنه وانت طيب يامحمد ويابختك بأختك السمرا العسل دى
انجى... تصدقى بالله أنا هبتدى أشك فيكى!! أنتى قرينتى يا زواوى؟
:)
أقولك أنا بقول كده ليه؟ علشان أنا الانسان الوحيد اللى بحبه بجد فى الدنيا دى هو أخويا.. وعارفة اسمه ايه؟ محمد!! وعنده 24 سنة!! مش بقولك أنك قرينتى, الفرق الوحيد هو أنه أخويا الكبير
:)
أنا عارفة أنكم هتفتكرونى ببالغ لو قلتلكم أن محمد بجد بيعوضنى عن حب بابا وماما... لما اكون بضايقة هو الوحيد اللى بيعرف يضحكنى.. هو الوحيد اللى بحب أخرج معاه بجد وببقى هطير من السعادة... بيعلمنى حاجات مكنتش أعرفها وبيودنى حتت عمرى ماشوفتها قبل كده... بيحرب أنا بحب ايه وبيخاف عليا بجد
أنا يمكن مافتكرش طفولتى اوى- منه لله الزهايمر!!- لكن كل اللى أنا فاكراه لما كنت أنا وحماده صغننيين وبنلعب مع بعض على طول
لما أكون متخانقة مع بابا وماما- كالعادة يعنى- هو الوحيد اللى بيقف جنبى ويدافع عنى
تخيلى أنا ببقى قاعدة طول النهار فى البيت زى الخرس, أول ما بيجى من الشغل بفضل ارغى معاه لحد ما يتعب وينام
:)
ربنا يخليلك أخوكى يارب وقوليلوا كل سنة وهو طيب.. وعلى فكرة, أنا فى نفس الكلية اللى كان فيها أخوكى.. مش بقولك قرينك يا زواوى!!
:)
ملحوظة تعبالى نفسيتى: فى حد بيغير من زوره؟
هههههههه
manal
اول ما قرات البوتس فضلت اضحك
:)
وصوباع رجلي وجعني
:) انت مشكله يا انجى
وبعدين لما دخلت شويه في الكلام
لقيت اجمل اخت بتحب اخوها
واجمل حد ممكن يخاف على محمد
واصدق كلام اتقالك يا محمد
بجد ماشاء الله عليكي يا انجي
ربنا يبارك فيكي ويبارك لك في محمد
ويخليكوا لبعض امين يارب
مش عارف اقول ايه تاني
الفنانه انجي خلصت كل الكلام الحلو ليك يا محمد
خد بالك منها يا محمد بجد ربنا يحميكوا ويحفظكم من شر يارب
وكفايا كدة اسيب غيري يتكلم
كل سنه وانت طيب يا محمد
(f)وردة
كل سنه ومحمد طيب
وانتى طيبه
وكل العا لم طيبه
تحياتى
سمووووووورة ..
ياااااه دنتى بجد جميلة اوى من جواكى ايه يا بنتى الاحساس ده خلتينى ادمع غصب عنى .. مش عارف ليه بس دمعت .. انتى عارفة انى مشغول فى المذاكرة اليومين دول
وكمان وحشتنى قفشاتك وكلمتك وانتى بتقولى قوم ذاكر .. انا حاسس انك اختى انا كمان بجد .. والله العظيم انتى بجد طيبة
ربنا يخليكى لأخوكى ويخليلك اخوكى
وكل سنة وهو طيب .. وحرام عليكى حفلة منير اللى ضيعتيها ...
ادعيلي والنبي يا انجى لحسن محتاس فى المذاكرة :[
اشوفك قريب ان شاء الله ..
اصلا اي حد هيقرا الكلمات دي غصب عنه هيفتكر ايام جميلة قةي مع اخواته...تقدري تقولي اني الوضع معكوس معايا..بس المواقف والذكريات والاحداث هي هي...بشكرك انك رسمتي الضحكة دي على وشي
تحياتي
كل سنه ومحمد طيب وكلكم طيبين يا ناس يا ... يا إيه ؟ يا أحسن حاجه في الدنيا
والله أنا سعيد جدا بكلامك ده عن أخوكي .. ربنا يخليه ليكي يا رب ويخليكي ليه ولا يفرقكمش عن بعش خالص بإذن الله
أرق تحياتي لك ولمحمد وللجميع هنا
يا رب يا محمد نحتفل معاك السنه الجايه بعيد ميلادك وتكون مصر محرره من عصابات الخيانه
تحياتي
كل سنة ومحمــد طيب
كل سنة وانتى كمان طيبة
كل سنة وانتو بتحبو بعض اوى كده
يا رب تشيلى عياله ويشيلك عيالك .., وتبقى عيلتكو اكبر عيلة
انا عارف ان محمد هو عيلتك .., وانتى عيلته .., ربنا يخليكو لبعض يا رب
انا مشفتش حد بيحب اخوه بالشكل ده .., ومشفتش حد بيعبر عن حبه بالبراءة والروعة دى
كل سنة وانتم طيبين
انا كنت حاسس بقلبك وهو بيدب جامد وانتى بتكتبى الكلام ده .., وحاسس بيكى وانتى نفسك تحضنيه وتقوليله والله بحبك يا اغلى واحد عندى
على فكرة هو كمان بيحبك اوى .., ولو شاف الفرح اللى انتى عاملاه علشان عيد ميلاده ده هيحبك اكتر وهيعرف هو غالى قد ايه عندك
انا شربت خمرة يا انجى .....الفنكووووووووووووش
انا شربت حشيش يا سعااااد
انا مستنى اهه مش راضى امد ايدى عالتورتة غير لما تدينى انتى .., شفتى انا مؤدب ازاى
ويا ريت لو فاضل مع محمد شوكولاتاية من بتاعة اسبانيا دى يبقى يبعتها لاخوه
ربنا يهنيكو ببعض يا رب
أنا بعد ماقريت البوست فيه إبتسامه واسعه على وشى مش راضيه تروح
بجد بجد
ربنا ميحرمكوا من بعض
يابختكوا ببعض
انا بغبطكوا..(بكسر الغين) انتى عارفه انا ليه 3 إخوات بنات أكبر منى
كتير زعلنا من بعض و صالحنا بعض
بس مش بالطريقه دى خالص
صدقينى أنا فاهمك و فاهمه أوى
وصدقينى هينبسط جدا لما يقرا الكلام ده
المواقف الصغيره اللى إنتى قلتيها دى بتعدى عليناأوى كرجاله يعنى ..بس لما يقراها هو و يلاقيكى لسه فاكراها هيفرح أوى
يابختك ياعم محمد...كل سنه و انتى وهو بألف صحه وسعاده
وتشوفى يا رب ولاده بيتننطوا حواليكى كده
ونظام شغل شحاته بقى و"عمتوا إنجى حماها الله ..عمتوا إنجى رعاها الله"
طلبين صغنتتين بس
لو متبقى حاجه من شوكلاتة روسيا..إفتكرينى..هه
تانى حاجه
أنا أصلى تنك و مبحبش اللمه
يعنى عايز تورته لوحدى
طب أقوللك
جاتوهايه
طب أى حاجه و السلام
أصل الادب حلو
مش كده
:D
ربنـــا يسعدك يا إنجي إنتي و محمد ، و يسعدك يا محمد إنتا و إنجي ....
بجد كلام جميييل قووووي ، أحب أقول لك إني ما رضتش أكمـله لآآآآخـــره لحسن أحسدكم ، بجد مشـاعر جميييييلة قووووي ، وحقيقية قوي ... ماشاء الله لا قوة إلا بالله ...
ألا ما قلتيلناااش ، محمد قرا الكلام ده ، ولا لأ ؟؟؟
يا أخي لو كل ده عشان ما حضرتش معاك حفلة منير ، خليها ما تحضرش كل الحفلااات .....
أعتقــد إنه ما يقدرش يزعل منــك ، بعد ده كلللله !!
ربنـــا يخليكم لبعض . . .
الا حكاية صباع الرجل الصغير دي
ااااااي ي ي ي ي ي ي ي :D
كلامك جميل اوي و يا بخت محمد بيكي
وربنا يخليكوا لبعض علي طول علي طول
كل سنه و انت طيب يا بوحميد
خمره يا محمد...الله يكسفك :)
هههههههه
كل سنة وانت طيب يا محمد وعقبال 100 سنة
تصدق يا حمادة انك محظوظ جداً و كلنا بنحسدك على حب اختك الرائع ليك
كفاية الكلام الحلو اللي اختك كاتباة دة كلام من القلب و للقلب و اكيد انت لما حاتقراة حاتعرف قد اية انت واختك قريبين من بعض و قد اية انكم قريبين من بعض و اكيد برضة ان دموعك حاتنزل من عينيك وانت بتقرا الكلام دة لانك مستغرب ان اختك بتفكر فيك كدة وانها شايفاك قريب منها كدة وبتفتكر كل حاجة انتوا الاتنين مريتوا بيها سوا سواء حلوة او وحشة
ربنا يخليكوا لبعض
روحوا اتبخروا يابني انت وهي
بجد ربنا يخليكوا لبعض
و يديم محبتكم و يعوضكم ببعض عن اي حاجة
وكل سنة وانت طيب وأنجي طيبة و كل القريبين منكم طيبين
سمراء
كل سنة ومحمد طيب وبخير وقريب وحنين وانسان جميل
من البوست افتكرت فرق سنين كبير لكن متصورتش الفرق الصغير ده
ربنا يخليكم لبعض ويسعدكم انتم الاتنين
مفيش حد اكبر من كده شويه وفاضى وبالمواصفات دى
مجرد سؤال برئ خالص
تحياتى
أنجى
سلامة صباعك الصغير
صباعى رجلى اليمين الصغير بيسلم على صباع رجليكى الشمال الكبير وبيقوله فين العشره جنيه اللى عليك
وشفايفى بتبوس جبينك يا أجمل أخت فى الدنيا متخفيش مش بحط روج
بجد مشاعر جميله نقلتيها بأسلوبك الرقيق البسيط العميق المعانى
بجد بجد أنا أستغربت من العلاقه الأخويه
دى بجد مشاعر مش موجوده كتير
ده انا أخواتى بيعرفونى طشاش
اللهم لا حسد
مش بحسدك أنا بأر عليكو
ههههههههههه
الغريبه أن البيدأ بتقول أنها وأخوها كده
حاجه عظيمه مش هاقدر أفهمها لأنى مش جربتها
بس المفروض أنت تاخديه من أيده وتخرجى معاه و تبدأى بالصلح لأن الأخ اللى زى محمد حاله فريده فبلاش تبعدى المسافه بينكم ولا حتى سم واحد
أنا نفسى أخ وأخت يعزمنى على فيشار مش حفلة محمد منير
ده أنا عاوزه أخنقك
روحى بسرعه صالحيه ده هايفضل دايمآ أبنك الأول مهما ربنا رزقك بأطفال
على فكره أنتى هتكونى أم مثاليه
ممكن أقولك يا ماما
هههههههههههههه
أمووووووووووووه ليكى
وعيد ميلاد سعيد فى عام جديد
على فكره اى حد هيقرا البوست ده هيحسد محمد و يحسدك عليه
بس بجد انا فاهم قوى اللى انتى بتقوليه لان انا اختى الصغيره هى مش صغيره هيه دلوقتى فى بكاليريوس اسنان يعنى
بحس دايما انها صاحبى اللى لازم احكيله كل حاجه سواء انا فرحان او زعلان
يعنى بتفهمنى قوى البنت ديه
و ببقى هتجن لو شفتها زعلانه او تعبانه
ربنا له حكمه و الله
بيحطلنا ناس كده بتنور الدنيا علينا فى عز لما تكون معتمه
يا رب يخليكوا لبعض
تحياتى يا سمرا
هى اللى الشمس ما كانتش بتشرق غير لما تفتح شباكها وتبان
هى اللى القمر بينكسف من جمالها ويبات خجلان
هى اللى النسيم داب من رقتها وعدى فرحان
هى اللى كل شئ بيحبها والكل معجب ولهان
ولد خيبان
اش اش
كل سنه وانتي طيبة
لما الواحد يكون ليه اخ جميل واخت جميل زيكوا كدا
اكيد مش هيكون عايز حاجة م الدنيا الا زوجة طبعا
ماهو مش معقول هنقضيها اخوات طول العمر بقي ياعني
ههههههههههههه
ع العموم كل سنه وانتوا طيبين
مش عارف بس اكيد مش هاتكون جديدة لو قلت انك فكرتيني بي انا واختي بس معكوسين بقه انا الكبير وهي الصغيره وعلى فكرة اخويا الكبير ولا ليه علاقه بينا خالص
مش هاعد اعلق على نفسي ولا بتاع
مابقاش فيه ناس كتير بتحب بعض دلوقت حتى الاخوات بقه بنهم عداوات
عشان حافظي عليه وتبتي باديكي واسنانك فيه ده فعلا اخ ولا مليون انسان من وصفك ليه
وربنا يرزقك بابن الحلال
وعلى فكرة والله انتي سبقتيني بالبوست ده ومش هزار انا كنت ناوي اكتب في البوست اللي فات عشان اخوكي
لان فعلا الاخوة دي كنز
وبيتهيالي بعد اللي انا قريته مابقتيش محتاجه لا تعليق ولا نصيحة
فعلا ربنا يخليكم لبعض ويسعدكم كمان وكمان
مش عارف انتي بتقدري تجيبي الكلام ده منين
بس فعلا المحبة تعمل اكتر من كدا
ومش ناس كتير بتعرف على فكرة تقول انا اسفة بسهولة حتى لو هي تالللي غلطانة
سيبيني بقه انا ومحمد شوية اطلعي انتي منها
اولا
كل سنة وانت طيب ياباشا
ثانيا يابني انا معاك البنات عايزين احيانا كتير القسوة عشان تخليهم يحنوا او يعرفوا ان الاحساس بالغير مش عيب لكن خف بقه شوية بلاش التقل ده
اكيد انا عارف انها زي ماهي بتحبك انت كمان بتحبها
انا معاك انها غلطانة وعايز ضرب... ولا بلاش
انا عارف انها نكدت عليك بس انتوا اخوات وماتقدروش تستغنوا عن بعض وبعدين ياراجل مانتش خايف احسن ولادها يقطعوك لما يلقوك زعلان منها كدا
ربنا يصلحها بينكم يارب ويخليكوا كدا دايما
ارجعلك تاني ياسمرا عقبال ماتبقي بيضاء
حد يبقه اخوه جاي وعامله مفاجأه وجايبلة دعوة ويزعله ياشيخه روحي انتي صحيح اخت فشنك
كفاية بقه انا برغي كتير اصل كلامك حلو اوي
تاني تاني تاني
عايزين من ده كل يوم
احسن الواحد بيحس انه صغيور وهو بيقرا الكلام الكبيررر اوي ده
على فكرة التورتة خلصت مليش دعوة انا عايز حته والا مش هاديله هدية عيد ميلاده اتصرف انت بقه ياعم محمد
دانتي هاتبقي حتة عمة
وهو حتة خال انما ايه تحفة
يالله ربنا مايحرمكوش من بعض
وربنا يسترها
تحياتى الى اخيكى محمد وان شاء الله يسمحك واكيد هو بيحبك واتمنا من الله ان تسرعى وتجيبى له هديه ولا لسه ما اخدتيش مرتبك لو عايزه اى واسطه فى جامعه عين شمس مستعد انا وشكرا لكى ثانيتا على دعمك لى
شعور واحساس جميل سمرا
.
ربنا يخليكم لبعض
ومل سنة ومحمد طيب
تحياتى
أنا أول مابصيت على البوست أتلخبطت مر على دماغي مليون سكيما ( السكيما باللغة الأنجليزية هي مجموع الخبرات السابقة اللي الأنسان أختزنها في عقلة طوال حياتة سواء بوعي أو غير وعي , وفي عملية القراءة الأنسان بيستحضر هذة السكيما عشان يفهم المكتوب لأن فية فرق مابين القراءة و الفهم ) .
ماعلينا أول ماقريت الي حبيبي أول فكرة خطرت على بالي قلت بس البت ربنا فك عقدتها و لقت حد أبن حلال و جهزت نفسي عشان أقرا بوست رومانسي ولهان طبعا كالعادة مش هافهم منة حاجة الي من تحبين , وبعدين لقيتك دخلتي على صباع رجلك الصغير اللي بيوجعك لما تخبطية في رجل الكرسي خصوصا و الدنيا برد , في الحال قفز في دماغي فكرتين الأولي هي الألم المفاجئ الصاعق اللي يخليكي تفضلي علي رجل واحدة في الشقة كلها زي أبوقردان و أنتي ماسكة دماغك خصوصا أن الموضوع لسة حاصللي أول أمبارح مع هذا الشعور بالألم كنت أقول لنفسي يا صباح العك أية الرومانسية بس اللي في الموضوع دة و أية علاقتة بالعنوان هي بتحب جزمجي , وبعدين لما لقيتك بتتكلمي على أخوكي كل السكيما اللي في دماغي أتغيرت مرة تانية .
عموما كل سنة و هو طيب و عقبال مليون سنة و تفضلوا لبعض دايما .
أم الهطل نسيت أرد على أجزاء كتيرة مهمة في البوست , بطلي موضوع البوستات الطويلة دة عشان خاطر النبي و مراعاة للناس اللي زيي عقبال مابوصل لأخر البوست باكون نسيت أولة .
بالنسبة لموضوع محمدمنير و حفلاتة أليك هذة الوصفة من سميع قديم لمنير ( باسمعم تقريبا من أول مابتدي يغني هو أبتدى 78 و انا باسمعة من لما كان عندي 11 سنة يعني من 81 ) .
للأستمتاع الكامل بحفلات محمد منير يفضل أرتداء أقدم بنطلون جينز عندك و يفضل أنة يكون دايب في أماكن متفرقة تي شيرت و بلوفر و جاكت و جزمة كوتشي أو ريدونج و يفضل أيضا لو كنت ماستحمتيش بقالك يومين لأن دة هيساعدك للوصول للحالة النرفانية المطلوبة و بالتالي عقلك يكون مهيأ لأستقبال و أستيعاب كل ماسيتفوة بة الملك , أنما تزعلي أخوك طبعا غلطانةو ميت غلطانة .
كل سنة وانتو الاتنين طيبين وعقبال 100 سنة
وربنا يديم عليكم الحب والمودة
وروحى جنبه وبوسى راسه وصالحيه وغنى له : الصلح خير اقوم نتصالح
عندي لكي و صفة لشفاءك من موضوع النفي دة ( مش شفت ومش عرفت ...ألخ )
أولا :قولي بصوت عالي عشر مرات بسرعة " قميص نفيسة نشف قميص نفيسة لسة مانشفش "
ثم أنتقلي لثانيا : قولي بسرعة الجملة التالية " ستي بسبستلي صينية بسبوسة بالسمنة و السكر و العسل الأسود السلياقوسي بس يا خسارة طلعت سخنة لسعتلس لساني "
و بالشفا أنشاء اللة .
مش عارف اقول ايه
بس انت حنينه قوي
يا بختك يا محمد
ربنا يخليكوا لبعض
وكل سنة وإنته طيب يا محمد
محمد بقولك
ممعكش حته شيكولاتة
أصلى أخوك مخنوق أوى
وبيحب شكلاته سوسرا
بس بينى وبينك يعنى متسيحش
هههههههه
وكل سنة وإنته طيب مرة تانى
وياسمراء
إنتى إسمك إنجى
شوفتى بقة إنى واد فهييم
وأفهمها وهية طايرة ;)
وعادى بقة
أودى فهييييم (بيفهم يعنى
بصوا بقي انا مش هرد دلوقتي علي كل واحد انا هستني اخويا هو اللي يرد عليكم واحد واحد وبعدها اصدعكم انا
بس عايزة اقول حاجة
اول ما اخويا جه انبارح فرحت اوي وكالعادة بشوفه اضحك ولقتني باخده من ايده وبقوله تعالي اوريك هدية عيد ميلادك
طبعا الواد قام من الكرسي وهو فرحان
لقاني واخده ناحية الكمبيوتر
بيقولي انتي هتشتغليني يا بت
هي هديتي علي النت قلتله اه
قالي لا مش ينفع الكلام دةانا عايز ماديات
حاجة تتمسك يعني
وقعد جنبي وقعد يقرا
بعد ما خلص
قالي انتي بجد لسة فاكرة كل دة
انا افتكرت الحاجات دي ماتت من جواكي بصراحة
وحضنا بعض وتقريبا بابا افتكرنا شاذين
ههههههههه
قبل ما محمد ينام قالي تعرفي
ان احلي هدية جاتلي هي اللي انتي كاتباه دة
ربنا يخليكي ليا
بس هو يجي من شغله بس واخليه يقد يقرا تعليقاتكم ويعلق عليكم واحد واحد في الشئ اللي يخصه وانا استلمكم بقي في الل يخصني
ironcopra
صدقني يا ابني حاولت كتير ابطل مش دي
بس مش عرفت خالص
وبعدين انا بتجنب اني انطق حاجات فيها سين كتير
عشان انا لحد ما لدغه في السين
ششششششش
مش تسيح بقي وتشردلي
بس بيقولوا انها مش باينه اوي
وبعدين اانا ايه اللي عرفني بموضوع الجينز والحاجات دي شايفي يعني بحضر حفلات كل يوم
وبعدين مش تقولي علي موضوع الاستحمام دة قبل ما استحمي حماية العيد
كنت عملت حسابي
عامة هرجعلكم تاني
فاصل ونواصل
سمراء النيل
قطاع التدوين
من وراء كشك عم عبده
محمد باشا
كل سنة و هو طيب
و ربنا يحميه يا رب
انووووووج يا سمرا يا سمارا
باحبك يا جمييييلة
و ربنا يخليكوا لبعض
معلهش اقول لاوووووسة حاجة
بت يا اوووووسا تعالي اما اعزمك علي فيشار و لا تزعلي نفسك
: ))
يا ندم حفلة منيلر عاوزه ودان و عينين و كاميرا
الباقي كل كماليات
ع العموم كل سنة و حماده طيب و أكيد لو قرا سطرين م ابوست مش هايستنى يكمل الباقي و ييجي يوس راسك.. و من غير حتى ما يقرا... من قوة اللي بينكم كلشئ هيبقى تمام قريب ان شاء الله
على فكرة انتي شرقاوية مأصلة (بلديات) نتنمنى لك كل خير
bgd rabna y7'leko li b3dekom we maifr2kosh 3an b3ed abdan
rabna an3em 3leky be a7' keda we kman ta2reban el same age we di 7aga gamila gedan
kan nefsy yb2a 3andy brother akber mni:(
yala mosh moshkla mohamed mawgod :P
ur poems 3ano wahmia mash alah wala el torta momken 2 pieces plz coz ba7eb deserts gedan
7ikiat el 7'amra in choclate mas7'era loooooool
ur very sentive person nd know how to express ur self easily
long post but i read all of it bs adem soty li IRONCOBRA plz matawlish awii keda
Happy birthday " Mohamed" we 3o2bal 100 sana
كل سنة وانت طيب يامحمد وعقبال مئة سنة
الله ايخليلك اختك سمرا ويخليك ليها يارب
على فكرة ياسمرا انا كان لية اخ بس اخ لم تلده لي امي وكنت زيك بالزبط بكتبلو وبغنيلوا بس القدر شاء ان نفترق مشان هيك راح قولك ربنا يخليكم لبعض اكتر واكتر
حقيقتا الاخوة شيء رائع سمرا اخويا الصغير متل محمد بالضبط بحبوا لدرجة تفوق المستحيل
وديما بحلم اني اتخطب لواحد زيوا ومشان هيك احجزيلي انا جاية اخطبوا لمحمد شو رايك؟
هههه ماترفضي مشان الله
تاادعيلك ربنا يرزقك بواحد متلو
هههه فكري بالموضوع وردي علي هههه
kidding :)
على فكرة هو انت اسمك بالزبط سمرا؟ولا انجي؟
يا بختك ياعم محمد
ليك اخت زي العسل وبتحبك اوي
امنية حياتي كان يبقي ليا اخت اكبر مني
يللا مش مهم كلكم اخواتي
علي فكرة انا حصلت لياحكاية الشيكولاتة دي
بس كنت كلتها انا والمدرس بتاعي
الراجل كان بيحضر الدكتوراة
وعينك ماتشوف الا النور
الراجل واخدني اساعده
ضيعته
سعااااااااد
انا شربت حشيش يا سعاد
يللا يا ستي كل سنة وهو طيب
وانت طيبة
عاوزك بقي تعتبريني زي محمد اوك
اااااااااااا
انا ماخدتش التورتة بتاعتي
اسلام خطوة عزيزة خدها
انا ماليش دعوة انا عاوز الحتة بتاعتي
يللا كل سنة وانتم كلكم طيبين
ايه بس يا عم عمووور احنا هنقطع على بعض ولا ايه ... انا اخدت التورتة شوفلك واحدة تانية .. ولا اقولك انا هعمل معاك اتفاق بس لما يجى محمد اخو سمووورة .. انا هديك التورتة بس اخد الفنكووووش ايه رايك يا محمد ... لو موافق هديله التورتة مش موافق هاخد كل التورتات ...
ادعولى يا جدعااااان عشان انا بمتحن عااااااااااااااااااااااااااااه
:] اشوفكم على خييير
هتوحشونى كلكم ...
كالعاده جيت متاخر
بس كل سنه و انت طيب يا محمد و كمان يابختك ياعم ليك اخت بتحبك
يارب يديم المحبه بينكم و يخليكوا لبعض دايما ويبارك فيكم
وابقوا شرفوني بتعليقاتكم وزيارتكم للمدونه بتاعتي
www.tahges.blogspot.com
وختاما سلاما
جميل اننا نحب اخوتنا بس لازم يعرفوا كده واننا ما نستغناش عنهم
انجى حبيبتى ربنا يخليلك اخوكى يارب معلش اتاخرت فى الرد وحضور عيد الميلاد سبولى حته جاتوه يا وحوووووووش
المهم كل سنه وانت طيب يا عم محمد يابخت اختك بيك ويابختك باختك ربنا يخليكو لبعض وبعدين من وصف انجى فيك عريس لقطه بس للاسف بئا اللى سبق اكل النبق مخطوبه هههههههههههه
المهم يا انجى متزعليش اخوكى منك احسن اركب اول سوبر جيت طالع على مصر واجى اضربك هههههههه
يلا خلى بالك من نفسك انتى وهو
محمد .. هى غلطانة .. سامحها بقى عشان خاطرى ما دامت اعترفت بغلطها ومش هتعمل كدة تانى
شيكولاتاية
اولا ربنا يخليلك اخوكي يارب
وبعدين من قريب ليه يهانم
هو انتي كنتي في مدينة نصر وهو في مصر الجديدة
دول حتي قريبين من بعض يعني تاكسي بخمسة جنيه هيوديكي ليه
والنبي قوليلي يا شيكولاتية لحسن هو مش عارف قيمتي
هههههههههه
___________________________________
منولتي
والله مش انا
هو انا اطول ابقي قرينتك
طب ياختي ياريت
شفتي بقي اننا مختلفين
اولا في حاجتين
ان اخوكي هو الكبير
وان انا اكبر منك
يعني تقوليلي يا طنط
انا بقي محمد بيبعد عني كل مرة يا منال ومش عارفة اعمل ايه برغم حبي ليه
بس يلا اهي فترة وتعدي والشعب بعد كدة كله هيعرف قيمتي
انتي في نفس الكلية بس اخويا كان في جامه 6 اكتوبر انتي فين بقي
مش عايزة اقولك ان اخويا اصلا مش بيحب حد يلمس زوره مش يزغزغه بس
يعني انا ارحم منه
ههههههههه
___________________________________
الجحيم
وكل سنة وانت طيب علي طول
وبخير وصحة وسلامة
يارب
شكرا يا جحيم علي زيارتك
lionking
طب دة صباع رجلي الي وعجني انا
وفضلت علي راي الكوبرا اعمل ابو قردان فيالبيت
والمشكلة ان رجلي كانت ساقعه
وبجد انت اللي جميل علي كلامك دة
ربنا يخليك يا احمد يارب
والنبي هو فين يسمع منك كل الكلام دة
وعدين ايه البخل دة جايب الواد وردة واحدة طب خليهم اتنين
واحدة ليا وواحدة ليه
هههههههه
عامة شكرا يا قمر
__________________________________
سلامونتي
سلامة عيونك من الدموع يا اسلام
انا عارفة ان انت مطحون في مذاكرتك عشان كدة ساكتة ومش بتكلم
غير كدة كان زماني جيت ظبطتك
وانت وحشتني غلاستك عليا والله
طبعا يلا انا اختك الكبيرة
لاني فلا والله يا اسلام بخاف عليك بجد
وربنا يخليك ليا يارب
والنبي يا خويا مش بايدي حفلة منير تضيع
هي جت بظروفها وكانت في ابعاد تانية حصلت بس مش ليها لزمة تتقال
ان شاء الله ربنا يوفقك
وبطل تخش علي النت وقوم ذاكر
___________________________________
frozen love
انا مش فاهمة يعني ايه الوضع معكوس معاك
مش فهمتها
يارت توضحهالي
وانا بشكرك لانك بجد انت الي اعدتني بتعليقك بجد
شكرا ليك
ابن بهية
كل سنة وانت طيب
ويارب الخير يبقي علي مصر السنة دي يارب
ربنا يسمع منك يارب
ونخلص بقي من الهم الي مصر بقيت شايلاه ومشيلهولنا
لحسن الحمل تقل علينا اوي
___________________________________
zordeak
كل سنة وانت طيب يارب
ويارب يسمع منك يارب
بالظبط المشكلة ان احنا الاتنين ملجأ بعض
بجد فرحتني لما قلت البراءة والروعه دي طمنتني علي نفسي يا ابني
انت كنت شايفني ولا ايه وانا بكتب:)
هو شاف الفرح وبصراحة سكت وقالي دي اجمل هدية جاتلي من ساعه ما اتولد
بس يلا مش مشهم
هههههههههههههههههههه
اهو عمل زي مانت قلت كدة
عامة التورته خلصت بس انا هبقي اجيبلك واحدة ليك انت وسول
بالنسبة للشيكولاته بقي فللاسف صاحب اخويا خدها كلها
ممكن اعرفك علي صاحبه
هههههههههههه
___________________________________
soul
يارب الابتسامة تبقي علي وشك علي طول
ومش تفارقك خالص يارب
اهم حاجة مش نتحسد لحسن احنا نظام ابو لمس
يعني من اقل حاجة بنعل من بعض
جايز لاني حساسة شوية
هو فعلا استغرب جدا اني لسة فاكراها وافتكر ان ذكريتنا دي ماتت من جوايا
قوله يا سول يا بخته اد ايه
وبعدين عايز صداقتنا تمشي علي خير مش تجيبلي سيرة عمته دي
لانها من اولها بتجيب العصب
لاني بكره لقب عمه دة خالص
الطلب الاولاني
مرفوض
الطلب التاني
طالما طلعت مؤدب والادب حلو
يبقي تعالي خد حتة
طول عمرك حلو يا سول
_________________________________
ايمن فاروق
صديقي
ربنا يخليك يارب
هو مش مثالي اوي يعني
هو عفريت برضه وشقي بس والله طيب اوي يا ايمن
بالنسبة للكلام بقي الي انت قلته عليا
المفروض اني اقولك شكرا صح
بس طبعا مش في بين الاصدقاء لا شكرا ولا جمايل يا ايمن
المهم انك فعلا وانت صاحي تعرف ان في حد شايل همك وعايزك علي طول سعيد
ربنا يخليك يا ايمن يارب ونفضل اصدقاء واخوات لغاية ما اشيل عيالك من شهد
___________________________________
ياسر
كل سنة وانت طيب يا ياسر
وعلي فكرة يعني
انت الي ارغمتني اني اخش باليمين
انا مش كنت واخدة بالي انا داخله باني رجل
بس يلا كويس انك قلتلي
بس اوعي بقي تلغيها تاني او تتوقف عن الكتابة
ويارب خطوتي المنحوسة المحروسة تبقي فتحة خير عليك ومش تسالني ازاي ههههههه
ابراهيم معايا
هو مين اللي مع مين يا ابراهيم
المهم
ربنا يسعدك انت يارب ويخليك ويبارلكك
هو محمد قرا الكلام دة
وكالعادة انا الي خليته يقراه
عارف يا ابراهيم نفسي في مرة يجي يقويلي وريني انتي عكه ايه ولا مهببه ايه في ابلوج بتاعك
بس يلا ملحوئة
لابقي هو لو زعل بعد التثبيتات دي كلها يبقي مش عنده دم
هههههههههههههههههههههههه
___________________________________
utopian
انت برضه اتوجعت ولا اتوعجتلي
اسكت دة ان قعدت اضحك ووقعت علي الارض من الضحك وهو بيحكيلي علي الموضوع دة
ربنا يخليك انتيارب ويكرمك
___________________________________
الحصان الاسود
بص بقي انا مش هرد عليك لان الكلام دة يخص محمد وهو لما يفوق من التوهان اللي هو فيه دة هيرد عليك
بس كل الي هوله ربنا يخليك يارب
ومش تخاف انا هبخروا
وكل سنة وانت طيب هنا ومعانا
__________________________________
توتا
كل سنة وانتي الي طيبة يا احلي توتا بجد
هو فعلا فرق صغير جدا
بس بحكم ان انا وهو طول عمرنا مع بعض وربينا بعض
فاحنا التنين مسئولين عن بعض
ههههههههههههههه
كان نفسي ارشحلك بابا
بس اكيد في ناس عايزينك
حرام
انا مش مستغنية عنك
عامة انا لو لقيت هجيبلك معايا وانا جاية
هههههههههههههههههههه
اووووسا
الله يسلمك يا قمري
ابقي سلميلي علي صباع رجلك اوي
وقوليله
ان العشرة جنيه نسيها في الشراب وهو جايله
طب كنتي حطي روج عشان تبقي خدودي حمرا
ههههههههههههه
علي فكرة يا اوسا احنا الي بادينا نخلي اخوتنا يعرفونا طشاشا واحنا اللي بادينا نعمق الحب بينا وبينهم
يمكن لو ظروفنا كانت عادية كان وصل بينا الحالانه مش يسال عليا خالص
لكن ظروفنا هي اللي قربتنا من بعض
وبعدين قري يا سيتي براحتك بس خلي بالك
انا مش هسيبك لو حصل حاجة
هههههههههه
اخرج معاه دي صعبة شوية
لان كل واحد فينا منشغل بظروف شغله وحياته
تعالي يا ستي اعزمك علي فشار وايس كريم وشيكولاتات كتير خالص
ههههههههههه
طبعا قوليلي يا ماما
انا في ناس كتيرة اوي سمتني ماما
واخر اسم اتقالي ام المدونين
هههههههههههههه
___________________________________
شريف غريب
هيحسد محمد ليه بقي
دة انا اللي كاتباه
ههههههههههههههه
برضه اخويا بيقولي انتي عارة انا ناقصني ايه بجد واحس ان انتي اخويا ان انا ادخل الجيش
الواد مش معترف بيا كبنت بيعتبرني راجل
هههههههههههه
ربنا يخليلك اختك يارب ويباركلك فيها
وعشان البقين الحلوين دول
قوم بسرعه بوسها وفرحها بكلمتين حلوين وخرجها خروجة حلوة كفاية الامتحانات والمذاكرة الي هي فيها
ربنا يخليك ليها يارب
___________________________________
anonymous
ولد خيبان
يا جماعه الولد دة ليه مدونةبس عايزة حد يدلني عليها
بجد كلامك حلو جدا
وفي ناس كتيرة اوي كلمتني عن شعرك
الكلام الي انت كاتبه دة بد روعه اوي
وبشكرك عليه
بجد خلتني ابتسم لما قريته
شكرا
ادم باشا
كل سن وانت طيب يا قمر
ما هو بيقولي كدة برضه
يقعد يقول
تربية واتربينا تعليم واتعلمن خروج واتخرجنا
فلوس وبنصرفها ومش بنلاقيها هتجوز امتي بقي
هههههههههههههه
ربنا يرزقك ويرزقه بالزوجات الصالحات يارب
وانت طيب يا ادم
بين الامل والياس
بجد كان نفسي يبقي ليا اخ كبير
بس الحمد لله علي الي ربنا ادهونا هنعترض يعني
لو الاخوات بينهم عداوة زي مانت بتول
يبقي علي الاقل في انا واخويا وانت واختك ومنال واخوها
وزوردياك واخته
يعني اكيد في امثلة كتيرة اوي
بس احنا اللي مش افين غير النكد بعيد عنك
ليه اكيد محتاجة للنصيحة علي طول
اصل انا بصراحة مخي صعيدي
ودايما بستغبي علي راي محمد
وبعدين بجيب الكلام دة من عند عم عبده البقال
ههههههههههه
زي مانت كلامك بيلمسني اوي لانه من قلبك وحاسه
فانا الكلام دة بجيبه لما بجيبه من قلبي واحسه
بالنسبة كلامك لمحمد فانا هسيبوا هو يرد عليك
هههههههههههههه
اقولك علي سر
من كتر ما سميت نفسي سمراء الناس افتكرت اني سودة متفحمة بس والله مش كدة
في ناس اتصدمت لما شافتني
ومش هقولك ليه
هههههههههههه
لا وانت الصادق انا مش اخت فشنك انا اخت فقرية ونكدية
هههههههههههه
اول يوم العيد خرجة مسيبة شعري ولابسة البيجاما الجدية وعملانه بقول هيييييييييييه انا كدة عيدت وفي عيد
هههههههههههه
اخويا قالي ماني طول عمرك فقرية
وبعدين دة لو الحلويات الي مصر كلها خلصت اسافرلك اجيبلك حاجة حلوة
انا عني كام حازم يعني
مش برضه اسمك حازم ولا انا غلطانة
وبعدين قلنا بلاش عمة دي بقي بتجيبلي العصب
من ناحية هو هيبقي اعظم خال بجد
ودي انا متاكد منها
ربنا مش يحرمنا منك انت يارب
وربنا يسترها
___________________________________
سيف من خشب
تحياتي ليك انت ايها الرائع
انا مش في عين شمس
انا في جامعه حلوان
لو تعرف اي حد هناك قوله يخلصلي علي رئيسة القسم بتاعتي
هههههههههههه
شكرا ليك انت
وانا ان شاء الله علي طول معاك
لحد ما كلناا نقف علي رجلينا
تامر
ربنا يخليك يا تامر يارب
وانت طيب وبصحة وسلامة
___________________________________
ironcopra
يعني مش عرين من غير تعريفك للسكيما دي هنعمل ايه
ههههههههههههه ربنا يسمع من بقك ربنا ياخويا
ويجيلي ابن الحلال بقي
نفسي افهم ايه اللي مش هيخليك تفهم
بس بجد انت عجبتني
هتسالني ليه يا سمورة يا امورة
هقولكعشان كانك شفتني بالظبط وانا صباعي بيتخبط في رجل الكرسي
دي كانت رجلي متلجة مش ساعقه
ربنا يخليك بس ايه حكاية الجزمجي دي
تفتكر ايه علاقة الكرسي بصباع رجلي بالجزمجي
سؤال يطرح نفسه
وانت طيب يارب وبصحة وسلامة
المواصفات اللي انت قلتها في الخرو لحفلة منير
والله مش كنت هعرفها
ابقي اقولها لاحقفادي بقي اصل عارفة نفسي فقرية ومش هعرف اروح حفلة زي دي تاني
يلا بقي مش مهم
وبعدين 81 كان عندك 11 سنة
كنت انا اتولدت
وبعدين خلاص عرفنا ان احنا غلطانين انت عايز جنازة وتشبع فيها لطم
يا ساتر
دة انت حتي اكبر مني ب 11 سنة
هههههههه
___________________________________
اماني
كل سة وانتي اللي طيبة يارب وبصحة وسلامة
شكرا ليكي يا قمر علي زيارتك دي
ويارب تتكرر علي طول
عامة هو الي باس راسي مش انا
ههههههه
اصلي تنكة اوي
ironcopra
صدقني فشلت كل محاولات العلاج
ومش عرفت كيفية السبيل للتخلص من هذه العادة المحرجة
بس هعمل ايه بقي
واحد في مرة قالي
يا بنتي انتي كلامك كله طفولي
لدرجة ان هما كانوا بيشبهوني بسارة الي هي تمثيلية سارة بتاعت حنان ترك
مهزلة بعيد عنك
___________________________________
واحد من الناس
ربنا يخليك يارب
وميرسي بجد علي الكلمة الجامدة دي الي احيانا بحس انها مش بقيت فيا
شكرا بجد
___________________________________
اودي
ربنا يخليك انت ياودي يارب
بالنسبة للشيكولاته بقي اخويا هو اللي يتصرف معاك فيها
لاني مش ليا فيها
وبعدين ايه يا ابني المفهومية دي كلها
اوعي تقولي انك فهمتها لوحدك
بس اوعي تكون غشيتها من حد
طول عمرك بتفهم يا اودي
ربنا يريح قلبك يارب
__________________________________
ايبي
والله وانا كمان بحبك يا ايبي وبحبكم كلكم
بجد انتو احسن حاجة حصلتلي في حياتي
طب ما تيجي احنا التلاته نخرج واعزمكم علي فيشاروشيكولاته
ربنا يخليك يارب
شقلوطة
مها
ايه يا بنتي الحركات دي
يعني لازم تسيحيلي
اخبارك ايه
مها دي يا جماعه الذ بنت ممكن تعرفها
عقلها كبير موووووت واحساسها عالي اوي
دة بيتعمل عليها قصايد ودواوين
هههههههههه
ربنا يخليكي يا مها يارب
وعامة يا هانم لينا كلام لما نروح بيتنا
قصدي علي الاسبيس
انا اصلا بصراحة يعني كدة
مش متقبلة ان اي واحدة تانية تيجي تاخده مني
ببقي مش طايقاها والله يا مها
بغير عليه بقي
انوج
___________________________________
مورو
هو اللي كماليات
البس بالنسبة ليك كماليات
تصدق ان كل لبسي كله كان في الغسيل
تقول كاني معزلة يعني
ههههههه
خلاص بقي ايه التحنيسة دي
اللي حصل حصل
انتو هتفضلوا تذلوني كدة كتير
يا ابني انا مش شرقاوية خالص
انا قاهرية ابا عن جد جد
بس طبعا بما انك منها فدة يشرفني اني اكون منها حتي لو كدة وكدة
ههههههههههههههه
__________________________________
ماااااا علينا
بجد ربنا يخليكي انتي ليا
هي مش حاجة جميلة ولا حاجة اننا نكون في سن بعض دة احنا عاملين زي ناقر ونقير
انتي عايزة تفهميني ان محمد اخويا اكبر منك
بجد انتي اول واحدة تعلق علي الشعر الي كتبته ليه
يا سيتي لو عايزة التورتة كلها خديها
انتي بقي لو كنتي سمعتي منه الحكاة بتاعت الشيكولاته دي
كنتي هتوقعي علي الارض من كتر الضحك
بجد مش كنت عارفة اني بعرف اعبر عن مشاعري لاني احيانا بقول اني بفقد القدرة عن التعبير
وبحس انالي جوايا اعمق بكتير عن اللي بكتبه
ومعلش بقي استحمليني ان البوست كان طويل بس الواد يستاهل ولا انتي شايفة ايه
وانا كمان اضم صوتي ليكم
هههههههههه
ليندا
ربنا يجمعكم تاني يارب ويرجعلك اخوكي الذي لم تلده امك
وربنا يخليلك اخوكي الصغير يارب
وبعدين تعلي انتي مصر بس وانا اظبطلك الواد واعرفك بيه
هتحبيه خالص دة عسولة
هههههههههههه
وانا يا سيتي حجزهولك لحد ما تيجي وانا الي اقرر
ههههههه
بصي يا سيتي انا اصلا اسمي انجي
وصحابي في الاردن اطلقوا عليا اسم سمراء النيل
والناس هنا اختصرته لسمرا
___________________________________
عمرو احمد
قوله يا عمر والنبي
وبعدين تقدر تعتبرني اختك برضه
هههههههههههههههههههههههه
كان بيحضر دكتورا اكيد بعد الشيكولاته كنتوا بتحضروا عفاريت
هههههههههه
وانت طيب
بس مش تبقي تتقل في الشيكولاته اوي ماشي
اه انت بتقدم السبت عشان تلاقي حتة من التورته
عامة هجيبلك حتة من الجيران اللي جنبنا اللي عاملين برضه عيد ميلاد
وانت طيب يارب يا عموووووووور
__________________________________
اسلام
يا واد رووح ذاكر
انت ايه مش بتسمع الكلام
صدقني بدعيلك يا اسلام ربنا معاك يا ابني
روح يا اسلام قلبي وربي راضين عليك يا ابني
انت هتموت ولا ايه
هههههههههه
الهجاص الكبير
ايه يا عم التهجيص الكبير دة
ولا متاخر ولا حاجة
عامة اكيد هزور مدونتك واهريك تعليقان ان شاء الله
وربنا يكرمك يارب كدة
___________________________________
امير
انا مش هستغني عن اخويا خالص
بس هو لازم يعرف اني بحبه
شكرا يا امير علي الزيارة
___________________________________
همس الليل
ربنا يخليكي انتي ليا يارب يا نورا
انتي عايزة حتة جاتوه ولا تورته بعد ما كل الناس دي جت
ولا يهمك
انا مخبية تورته تالته عشان لما تيجي انتي ومنال تاني وانا حرة
عشان هما برضه مش هيعرفوا ياكلوا في وسط كل دول
ربنا يرجعلك خطيبك يارب
وتتجوزوا بقي عشان نخلص
لو هتيجي بقي يبقي انا هزعلوا علي طول عشان كل شوية تيجي واشوفك
انتي اللي خلي بالك من نفسك انتي
___________________________________
ياسمين
الاول كل سنة وهي طيبة يارب
وربنا يباركلك فيها يا يامين يا قمر
وحمدالله علي اسلامة
ومحمد بقي يبقي يرد عليكي
ah tab3an akber mni ana lesa so3'nena
tb mafhmtish 7aga tanya min 7ikiat el sen di ??:)
bethi2li u express urself more than u can imagine coz we felt u very much
ايه الجمال ده كله؟؟
بجد عجبني البوست جدا
كل سنة وانت طيب يا محمد
وربنا يخلي لك اختك الرائعة
تحياتي
كل سنة وانتا طيب يا محمد وبجد بحسدك انك ليك اختك زى سمراء بس يارب يخليكوا لبعض وميفرقكوش خالص وعلى فكرة يا سمراء انا ابن عمتى فى اسبانيا وموت فى الشيكولاتةاللى بالخمرة
جامدة موووت
مش عارفه حد قال انا الاول و للا لا بس ادينى بقول
أنا الأول
انا حاجزاه م البوست اللى فات يابت
من قبل ما اعرف مميزاته
يعنى مش داخله على طمع
:)
ياريتنى يا شيخه كنت بفكر فى الجواز دلقوتى كنت قلتلك عرفينى بيه
عموما لو فضل مش مرتبط لحد ما ربنا يهدينى و افكر اتجوز هقولك
اه ياريت يابنت الناس تبعتيلى ايميل علشان اتأكد انك ضايفانى صح
انا شكيت فيكى و فى الايميل و فى الزمن يا اختشى قطعه
نيجى للمفيد حضرتك
انا حبيت محمد جدا بجد
و حبيت اكتر علاقتكم
بسم الله ما شاء الله
مش بحسد و الله
ربنا يخليكم لبعض
بس انتى يابت ماكانش ليكى حق ترفصى النعمة و ماتروحيش الحفله ما تلبسى اى حاجه كويسه و خلاص انتى رايحة فرح يعنى
بس بما ان قلب محمد طيب فهو هيرجع تانى
بس انتى بما انك بتعتبريه ابنك
فالعيال يا اختى بيغلطوا و يتقمصوا
روحى انتى بوسيه كده و كله هيبقى تمام
و لازم بجد تعرفينا عليه و لو عنده بلوج تقولى بقى
على فكرة ياريت تخليه يقرأ البوست دى
بجد الحب بيشر منها
بقالى كتير ما حسيتش بريق و عمق مشاعر حقيقية كده
ربنا يحفظطم و يقربكم من بعض دايما
اه ليا عليكى عتاب يا اميرة يا اشى انتى
:)
تورتيتين هيكفوا الابقاق المفتوحة دى ازاى يا امى
؟
انا عايزة حاجة ليا لوحدى لوسمحتى
ينفع ايد محمد
هههههههههههههههههههه
___________________
على فكرة الشيكولاته ممكن يكون كان فيها فودكا سيادتك
لان اعرف ناس كتير بتيلهوم شيكولاته بالفودكا هدايا من برة برضه
المرة الجايه ابقى شيليلى واحدة م العلبه فى الخباثة
يللا بقى عايزة اشوفك اون لاين يابت يا هفتح دماغك
يخرب بيتى رغى
نسيت اقول لمحمد سيد الناس كل سنة و هو طيب
ربنا يحميه بقى
_____________
لو بتاوجهى صعوبة انك تقولى مشاعرك دى لاخوكى خليه يقراها مكتوبة
هتندمى لو ماقراهاش على فكرة
الوضع معكوس معايا..كنت اقصد اني مكان محمد يعني..انا اختي اكبر مني ..وانا الصغير..المواقف هي هي والاحاسيس قريبة...ووصليله سلامي وكل سنة وهو طيب وعقبال 100 سنة
ما علينا
معلش بقي اصل انا فهمي علي ادي خالص
اشرحيلي انتي ايه حكاية السن دي
اصلي ما بستغبي بعيد عنك ببقي وحشة اوي
هههههههه
ولما انتو بتحسوني كدة ليه بحس اني مش طلعت كل اللي جوايا
واني مش قدرت اعبر عنه
يلا مش مشكلة
اديني بحاول
___________________________________
عبده باشا
بجد انت اللي ايه الجمال دة كله
والله مبسوطة ان البوست عجبك
وربنا يخليك انت
وياريت تكرر زيارتك ليا من تاني
___________________________________
القمحاوي
يا ابني بلاش حسد
نضفوا نفسكم من جوة بقي
ههههههههههه
ربنا يخليك انت ياب ويريحلك بالك ويزيد محبة الناس ليك
والله عال حتي انت عاجباك الشيكولته الي بالخمرة دي
طب ايه رايكم بقي اني مش هجيبها تاني
انت يا ابني اللي جامد والله
انا حرة
انتي يا هانم واخدة البوست مقاولة ليكي ولا ايه
كل دي تعليقات
هههههههههه
لا يا سيتي في ناس قلبك حجزينه
بس بما ان انتي ليكي الاولوية لانك حاجزاه من البوست الي فات فهعيد تفكير في الموضوع دة
عامة فكري انتي في الجواز بس وانا علي طول اقوم اكلم الواد ونيجي نخطبك احنا
بالنسبة لاايميل تصدقي ان انا اللي شاكة فيكي
بس انا واخدة الايميل منك انتي يا هانم
يعنيلو في عيب يبقي منك انتي لانك ممليهوني غلط
ساعتها يا ياسمين مش هرحمك
اصلا والله يا ياسمين محمد يتحب بسرعه وترتاحيله علي طول
ولد بشوش وبيضحك وبيحب الهزار جدا
ويب جدا وعليه حنيه بنت ستين في سبعين
ارفص النعمة ايه بس واحدة فقرية مش وش نعمة هقولي ايه يعني عليها
وحياتك حتي بنطلون الجينز مش كان موجود كله كان في الغسيل
تقوليش مثلا حبكت ام النضافه ساعتها
عامة اصلا كله تمام بيني وبينه من فترة
وهو مش عنده بلوج خالص
ياريت والله
عامة لما هبقي اشوفك اون لاين اعرفك عليه
واهو اكسب فيكي ثواب يمكن تغيري فكرك عن الجواز
هههههههه
وهو قرا البوست
علي اد ما هو عجبه واعتبره احلي هدية جاتله
علي اد ما مش مهتم انه يجي يقرا التعليقات ويرد عليها هو
بس انا بعذره لان عنده شغل كتير ولما بيجي يا دوب ياكل وينام
وصدقيني مش كنت عارفة ان الابقاق دي كلها هتخش عندي وتشاركني في الليلة دي
بس عليكي بقي وعلي السنةالجاية
تعالي انت بس وانا اجيبلك محل حلويات بحاله
الشيكولاته ممكن يكون فيها فودكا
دة ايه يا بت النصاحة دي
وفهمتيها لوحدك
بسم الله ما شاء الله عليكي
وبعدين يا هانم اشيلك واحدة في الخباثة ازاي
اذا كان اخويا كان شايلي نصها عشان عارف اد ايه انا بعشق الشكولاته واداها لصاحبه كلها
بتهيالي ان هو الي فقري يا ياسمين مش انا
هههههههههههه
علي كرة بقي انا علي طول اون لاين
بس انتي ركزي كدةوتلاقيني
ربنا يحميكي اني يارب يا مينا ويخليكي ليا يارب
انا ممكن اندم اني خليته يقراه ومش حسيت ان هو مهتم
بس هنشوف اهو كل شوية ياجل قرايه التعليقات
مش عارفة لحد امتي يعني
هبعتلك ايميل يا فقريه
___________________________________
frozen love
اه فهمتك
معلش يا ابني بقي اصلي بعيد عنك لما بستغبي مش هقولك بقي
ههههههههههه
ربنا يخليهالك يارب
بس علي فكرة انا الكبيرة
يعني انا اكبر من محمد بسنة
ربنا يارب مش يبعدكم عن بعض ابدا
سلامك هيوصل بجد ان شاء الله
عيني عليكي بااااردة يا أنووووج 60 تعليق ، ما علنـــا ....... ، أنا بس حبيت أقول لك بالنسبة لـ ( ولد خيبان) ف فيه مدونة لأحمد الرومي ( صاحبي و حبيبي و كفاءة ، بهذا الاسم : http://ahmedalromi.jeeran.com/
مش عارف إذا كان هوا ولا لأ
و ابقي سلمي لي على محمد :)
و ماله يا اختى ما اخدش التعليقات ليا لوحدى ليه
انتى هتعمليلى حماتى من اولها
طب نقرأ الفاتحة الاول
_________________
انا هشوف فى حاجه جت من عندك و للا لا لما نشوف اخرتها بقى
شكلك بتضحكى عليا
مصيبه لاتكونى بتشوفينى اون لاين و تطنشينى لان انا ماببدأش كلام مع حد ضافنى علشان الصداع بقول لو عارفنى هيكلمنى هو
يالهوى مفيش حاجه جت منك
يعنى اجى اقرم دراعك يابت دلوقتى
اه ابقى خللى محمد يقرا التعليقات بتاعتى بس لو مشغول
ههههههههههههههههه
اولا كل سنه و انتي و محمد طيبين
كان نفسي اكتب كتير لكن لا ارغب في الاطاله لاني اثناء قراءة التدوينه قراتها ببطء علي غير العاده لان علاقتك باخوكي علاقه حميمه جدا افتقدها مع اخواتي في العائله لاسباب عديده انا الرابع بين اخوتي الاكبر منهم بيني و بينه 17 سنه و الاخر بيني و بينه 10سنوات و الثالثه اكبر مني بثلاثه و بعدي الاصغر مني بست سنوات يعني لي ثلاث اباء لا اب واحد كان نفسي علاقتي باخوتي تكون كما بينك و بين اخوكي لكن للاسف لم يحدث خاصة انني حينما كبرت و كبروا جميعا صارت لكل منا اهتمامات لا يشاركه الاخرون فيها مطلقا كما ان ظروف الحياه الحاليه ملات وقت كل واحد منا بما يهتم به فقط فلم نعد قادرين علي ان نكون علاقات رائعه كالتي بينك و بين محمد
انا عيني ادمعت و حسيت ان فيه شيء جميل فاتني و انتهي و لن يعود و سعدت جدا بحسن صياغتك لهذه العلاقه
مبروك لكي و لمحمد و كل سنه و انتم طيبين
و يا بختكم ببعض
انا ضيفتك يا بت انتى ماكونتيش عندى
ايميلى
dreamingbird1_3@hotmail
يارب ينفخ فى صورته المرة دى
والا انا اللى هنفخك بقى
خلاص ياانجي راح روح لمصر مخصوص مشان محمد
هههه
واكيد مشان أختو سمرا حبيبتي
على فكرة كل الأسماء حلوة بس اكيد روحك احلى
بصى يا بنتى
بعيدا ان ده احلى حاجة قريتها توصف علاقة اخ باخته
وبعيدا عن كل الكلام الرائع اللى انت كتباه لاخوكى ده
وبعيدا عن ان اخوكى زى القمر و شكلى هرسم عليه
وبعيدا برضه ان كان المفروض تخليلى شيكولاتايه من اللى اخوكى كلها دى:))
انت بذمتك ازاى متروحيش حفلة منير
يا بنتى ده انا ممكن انزل بالبيجاما
بس اروح
ايه ده
انا لو مكان اخوكى كنت اتصل باحلى مزة و اخدها معايا
كان المفروض تدينى تليفون يا سمرا
بتهرجى:(((
أنا بقالى 3 ساعات قاعدة ولسه الجاتوه اللى أنتى قولتى عليه مجاش!! شكل ياسمين كلته كله
:(
انا يا ستى فى عين شمس بعيد عن السامعين يعنى
هههههه
manal
يا بخت محمد اخوكي بيكي
ويابختك بمحمد
كم هي رائعه تلك المشاعر المعبره دون تكلف
انتي رائعه والله
ابراهيم معايا
ايه يا ابراهيم انت جاي تقر عليا ولا ايه
ة النهاردة الخميس يا راجل
يعني مش عارفة اشكرك ازاي علي انك اديتني المدونة
بس تفتكر انه لو هو ايه اللي يخليه يخش باسم مجهول
سلامك يوصل ان شاء الله
________________________________
انا حرة
ليه يا بت البلطجة دي
طب قدمي السبت عشان تلاقي الحد
وبعدين يا فقرية جيت ابعتلك ايميل النت فصل يجي 7 ساعات بحالهم
لا انا بقي بخش علي طول اسال انت مين
تقوليش مخبر
انا اللي هاجي انفخك يا ياسمين
انا يا بت ضايفاكي قبل كدة
يبقي انتي مدياني الاميل غلط
هخليه يقراها يا اختي
عشان قلبه يرفرف
هههههههههههههههه
ذو النون المصري
كل سنة وانت طيب وبصحة وسلامة وخير يارب
معلش بقي كلنا لها
بس انت مش هتقدر تنكر انك بتحب اخواتك جدا
وهما اكيد مش هيستحملوا اي حاجة عليك
بس بحكم فرق السن بيخليهم بس يتحكم في مشاعرهم اكتر
وبعدين انت لو قدي هعتبرك يا عم اد اخويا
واجي ارفعلك ضغط زي ما بعمل
وسلامة عيونك من الدموع وشكرا ليك بجد
ومرحب بيك كاخ
ربنا يخليك يارب
___________________________________
يا بت يا ياسمين
يبقي انتي طنشتيني يا فالحة
مش ضفتني يعندك لما انا ضفتك
اديني مرزية اهو علي النت انتي فينك بقي
___________________________________
linda
يا ريت يا ليندا تيجي بجد
دة انتي تشرفي والله
وبعدين مشان محمد بس مو مشاني
ههههههههههه
تسلمي يا قمر
انتي الاحلي
نور
وحياتك انتي مش كنت اعرف اني ممكن اروح بالبيجاما
شفتني يعني بروح حفلات كل يوم
ما الواد مش ليه مزة فقال مرة من نفسي يعتبرني مزة وياخدني بس بعيدن عنك المخ الجزمة اشتغل معايا
لو اعرف يا نور ان انتي فاضية كنا ادينها موبيلات بقي
تصدقي انتي اللي بتهرجي بقي
ههههههههههههه
___________________________________
مناااااااال
انا والله لحد دلوقتي مش دقت اي حاجة من التورت ولا الجاتوهات ايه رايك بقي
وفعلا ياسمين عايز تاخد الواد والتورت كلها
ههههههههههههههههه اجدع ناس بتوع عين شمس
بقولك ايه
انا متغاظة من ياسمين دي
كلت الحلو كله
:(
__________________________________
محمد مفيد
ربنا يخليك يارب يا محمد
انت والله الي رائع
تحياتي لعبد الله وام عبد الله
السلام عليكم
يارب يخليكوا ليعض و تحبوا بعض كده دايما
و علشان خاطرنا يا أستاذ محمد متزعلش منها
علي فكرة كويس أنك مرحتيش
ربنا يبارك فيكم أنتم الأتنين
سلام علشان هأعيط
كل سنه ومحد واخت محمد طيبين على طول
انجى معلشى يمكن ايمن يكون حكاليك على ظروفى اللى انا فيها دلوقتى
بس اوعدك انى هكون عندك على طول
وهتعرفى كل حاجه لمل تروحى البلوج بتاعى الجديد عشان التانى نسيت الباسورد بتاعه وانا بجد سعيده بصداقتك لايمن وليا انا كمان ولما اشوفك هنتكلم اكتر وهحبك اكيد اكتر
وقولى لمحمد معلش انا مكنتش عامله حسابى فى هديه لانى مكنتش اعرف ان فى عيد ميلاد
وكل سنه وانتى طيبه
السلام عليكم الحمد الله انا بخير واتم صحه وحال واسال الله ان يوفقنى الى ما يحبه ويرضاه حلوان قليلى قسم ايه وانا اقتلك المشرفه ولا يهمك
بجد احييكى على المشاعر الحلوه دى يا جميله
و ربنا يخليكوا لبعض
و كل سنه وهو طيب
انا ما اكلتش حاجه
انتو هتتبلوا عليا و للا ايه ؟
انا اهو بقى لما تدخلى اعملى ابلوج بتاعك فيبراشيون
شوفي يا ستي ، أنا هقابله ( غاااالبًا) يوم الأربع ، وأسأله ، بس حتى ذلك الحين ، تجدر بي الإشارة إلى إن مدونته جيرانية ، مش بلوجري زينـا
تحياااتي
و نورتيني
شئ جميل أن الواحد منا يكون ليه شخص بيعزه للدرجة دى
اللأخوة شئ عظيم وخصوصا لو اللأخ وأخوه على درجة عالية من التفاهم صحيح بيتخانقو كتير بحكم لسن لكنهم بيفهموا بعض أكتر
ربنا يخليكوا لبعض
الغريب
no fear
وعليكم السلام
ربنا يخليك انت يارب
طب كويس اني مش رحت ليه انا سمعت انها كانت مرمطة هناك
طب ممكن اروح اعيط جنبك
_________________________________
شهد
كل سنة وانتي طيبة يا قمر
ايمن قالي علي ظروفك يا قمر
ومبروك المدونة الجديدة
واكيد هشوفها واقولك
وان شاء اله هشوفك قريب
يا بنتي مجيتك ومعرفتك انتي وايمن اجمل هدية
سيبك منه انتي بس
__________________________________
سيف من خشب
كويس انك طمنتني عليك
قسم العاب القوي وريني بقي هتعملي ايه
هههههههههه
_________________________________
انا حرة
مش هتنكري اني اكلتك قبل ما تروحي الصيدلية
صح
_________________________________
ابراهيم معايا
يعني بنتعبك معانا والله
يعني هو من الناس التانيين
عامة سلملي عليه كتير واشكرهولي جامد علي كلامه الريقيق دة بجد
___________________________________
الغريب
شئ جميل انك تيجي وتشاركني الاحساس دة بجد
ربنا يخليك يارب وياريت اشوفك كتير
ياستي كلنا اخوات
وبعدين محدش عارف الخير فين يمكن لو كان هو الكبير كان هايزلك شويه ويخليكي تروحي معاه بالعافيه
ههههههه
ياسلام اخويا يخرجني العافيه اتفسح
دنا كنت ببوس ايد اختي عشان اخرجها شويه في العيد ونلف انا وهي بقه لكن الامتحانات بتاعتها دي خنقتني اصلها زيي في نفس الكليه وعلوم بقه انتي عارفه وقرفها وحاسس بيها والله وربنا مع اللي زيها يارب ومعاها
وبعدين طمنينا عن محمد اول بأول واول ماتكلميه قليلي
عارفه فكرتيني كل مره انا بتخانق مع اختي وبتكون هي احيانا كتير غلطانه وهي عندها عزة النفس دي كبيره ازاي تتاسف
كنت زمان اول مارجعت من الكويت وطول الكليه كنت كل مازعل معاها اروح اصالحها حتى لو ايه الغلط لما خلصت الكليه كانت هي بقه علطول خناقه مع اخويا علمتها البروود وازاي تحرق دم اللي قدمها واول من جربته علييه كنت انا بس مقلكيش كنت والله باعد بالاسبوع مكلمهاش خالص ولا ناكل مع بعض ولا شوفها خالص في البيت غير لما يجيلنا ضيوف ولا حاجه لازم نبان قدامهم عادي ونرجع بعد كدا زي الاول
بس اخر مره كنت زعلان معاها وانا داخل البيت لقيتها بتجري على الغرفه بتاعتها عشان ماشفهاش
فلما دخلت جريت على الغرفة افتكرت فيه حاجه لقيتها ضحكت اول حاجه عملتها قلتلها بطلي مكابره بقه يالله اطلعي كلي معايا ولقيتها ماصدقت وطلعت وبتضحك مووت معايا زي ماكون كنت مسافر ياه تخيلي من ساعتها كل ماشوفها تذاكر ولا اكون داخل من بره ادخل ابوس راسها واطبطب عليها
ياه خلتيني اضحك اوي ياشيخه فكرتيني باحساس جميل اوي
يالله هو انا برغي كل شوية مش مشكله اروح الحق البوست الجديد بتاعك اخر حاجه كانوا اربعه بس
وبعدين الجميل جميل بروحه ياسمرا
هههههههههه
وياستي اسمي صح
عندك قوة ملاحظة
وياستي انا راضي بصورة الجاتوه يالله احسن من مفيش بس تكوني انتي المصوراها عشان اضمن انك دفعتي فيها وتكون طازة
وربنا يخلي كل اتنين لبعض يارب اخوات احباب اي شيء المهم ان يكون المحبة والطيبقه في القلب ثمرة تطرح طول العمر ومايشوبهاش حاجه من دنيانا دي
وربنا يسترها
ربنا يخليكو لبعض وكل سنة وهو وانتي طيبين..
وبعدين ازاي متجيش حفبة منير.. الراجل مش بيهتم بالمناظر والهدوم والحفلة كانت جامدة موت.. يلا تتعوض في الحفلة الجاية
لا معقول..بتهرجي
لسة مش مجمعة الوضع معكوس ازاي
انا محمد 21 وهي اكبر مني
بس
الواقف قريبة..منحسكيش ازاي
طريقتك واسلوبك واحساسك هايل يا بنتي
انا بقيت متابع للبلوج ده اصلا
احب اطمنك اللي جواكي حتى لو مش بتكتبيه كله فهو بيوصل
da eh elgamaal da...?
ya bakht akhooki beeki...!
tab mosh 3ayzeen akh kbeer keda foo2 elbee3a...?
tab etneen shay aho leeki welel akh elma7zooz ta7n..!
ياااه..بتفكرينى بأخوى اللى انا مابطيقهوش..إيه الجمال ده والحب ده؟طب انتى عرفتينا مواصفات شكل أخوكى .. طيب فين مواصفاتك انتى أساسا..وللا العرض حجم وسط مش كومبو ..مش شامل مواصفاتك انتى كمان؟ عموما كل سنة وهوه طيب وكل سنة وانتى كمان طيبة فى عيد ميلادك فى اى وقت..
3alafekra msh ana ahmedalromi dah
ana aslan maleesh blog khales
howa fe3lan mesammy el blog beta3oh walad khayban .. bs dah msh ana .. ento keda hatkhalloony aghayar esmy :))
بالفعل اغلس حاجة لما صباع رجلك الصغير يخبط في الكرسي و يا سلام لو الدنيا برد...
عزيزتي كل عام و انتم بخير لقد احببت شقيقك حقا ...بارك الله فيكم و ادامكم لبعض..تعرفين دائما و ابدا ما يشغلني كيفية ان ان اقول لمن احب من اسرتي انني احبه ...تعرفين ايضا لا ادري لماذا اجده صعب في بعض الاحيان ...اريد ان اقول لهم جميعا انا اعيش بكم و لن استمر بدونكم و لكن تجدين اللسان صامدا لا يتكلم ...
تحياتي عزيزتي
بين الامل والياس
طبعا يا واد انت اخويا الصغير برضه
بس كان نفسي برضه انه يكون ليا اخ اكبر
بس الحمد لله مش مشكلة كلكم اخواتي بجد
وربنا يخليلك اختك يارب
انا برضه بقي غبية اوي لما بتخاق معاه
ومش ببقي طايقة اكلمه
واقعد اقول انا بكرهه ومش عايزة اكلمه تاني
واقول كلام كتير اوي
لكن بمجرد اننا نتصالح كل شئ بيعدي بجد
ويقعد اضحك واهزر معاه وبابا يتجنن
مش دة اللي كتي ش طايقاه وبتشتمي عليه من شوية
ربنا يضحك كمان وكمان ويبسطك علي طول يا حازم
وبعدين الجميل جميل بروحه ياسمرا
افهم من كدة انك بتعاكسني
ههههههههه
هو انا لاقيه اكلها لما اصورها
بس سيبك اول ما اقبض اوعدك اني هجيبلك واحدةونقسمها بالنص
اوكي
ربنا يخليلك طبتك وحنيتك واختك يارب
ويخليك ليا
___________________________________
dead man
ربنا يخليك انت يارب
وانت طيب وبصحة وسلامة
حفلة ايه دة انا فقرية مش تفكرني بقي
يلا سلام بقي
frozen love
هههههههههههههه خلاص فهمتك بقي
بس بعيد عنك لما بلاقي ضغوط بستغبي اوي
هههههههه
ربنا يخليك بجد اول مرة اعرف ان احساسي هايل والكلام الكبير دة
ياريت بجد تبقي متابعني علي طول لاني انا كمان واللهبتابعك
وربنا يديمها علينا يارب
شكرا ليك اوي والله
_____________________________________
القهوجي
انا برضه بقول كدة يا بخته بيا بس هو مش عارف قيمتي
ولا اي حد في البلد د عارف قيمتي
ههههههههههههههه
بقولك عيد ميلاد اخويا تقوم تجيبلنا كوبيتين شاي
هو مش في ازوزة في القهوة دي ولا ايه
ربنا يخليك يارب
__________________________________
اخف دم
ههههههههههههههه تصدق انا كمان مش بطيق اخويا احيانا
مواصفاتي بقي كتييييييييييييييييييييييييييييييييييييييييييير
ولو فضلت اتكلم عليها من هنا لحد النجوم مش هتعرفوا بضعه موصافاتي
ههههههههههه
بالنسبة بقي للعرض والحجم
فانا بحب الوسط بس يكونو اتنين بانية لو سمحت
عيد ميلادي فات
كان في شهر 11 اللي فات
هستناكو بقي في عيد ميلادي الجاي
:( يدينا ويديك طولة العمر
انونيموس
طب انت مين
لان بجد كلامك عاجبني اوي
وبجد بشكرك لانك بجد بتخليني ابتسم وانا مرتاحة جدا من كلامك
ابقي غير اسمك
واعمل مدونة ليك بجد
واكتب فها اللي انت بتكتبه
هتبقي هايل والله ا ابني
شكرا ليك بجد وجامد اوي
___________________________________
محمود
اهو انت الي فاهمني بقي وحاسس بيا
كانت لحظة رخمة اوي ربنا ما يورهالك يارب
لما تعجز عن قول شئ لمن تحب
فاكتبه
يمكن مش يقرا بس كفاية انك قدرت تعبر عن الي انت كاتبه وتدفعه ان هو يقراه
زي ما عملت مع اخويا كدة
اي نعم هو مش اهتم باللي انا كاتباه وطنشني خالص
بس انا عملت اللي عليا
ومش هكرها تاني بس اهي عدت
ربنا يخليك واتمني تكرار الزيارة تاني بجد
تحياتي
علي فكره اللي غلس زيّ ان صباع رجلك يتخبط 000كوعك او ركبتك و كمان يكون الجو برد اوي
اففففففف
توجع موت
اه والله اغلس شئ ان صباعك يتخبط وانت بردان
Post a Comment
<< Home