عشق الهمسات (رسالتي الاولي).؟
عشقت همساتك القاتلة في اذني
وذبت في انفاسك الحارقة
.....اه من ضحكة لم اسمعها واخذتني رناتها
...اه من ابتسامة امل فيها حزن كربلاء
اه من عين تختبئ وراء زجاج تلتهمني لاشلاء
ارفعني يا سيدي واحملني بيديك للسماء
ارفعني من بين ذراعي ودعني امدد يدي
طالبة من سمائي ان تلبي ابتهالاتي
وان تسجد ملائكتي لصلواتي
ثم انزلني ببطء وقربني منك
ليتلاحم جسدنا
حتي تتلامس شفتانا ونذوب في عشق هوانا
انزلني ببطء لانظر لعينيك وعيناي دامعتان
انزلني ببطء ودع انفاسي تعصر احزانك التائهة
اه من انتظار انتظره يا سيدي
الن تأتي الي؟؟؟؟
الا تمزق حزني وتكسر جرحي القابع في قلبي منذ سنوات؟؟؟
الا تاتي لتحتلني وتهزمني ببراءة عشق وحنين كلمات؟؟؟
اتبحث عني يا سيد عمري وانا هنا لك؟
اتبحث عني وعمري كله مرسوم ليديك؟
اتبحث عني وانا اناتي تبحث عن سكينتها معك؟
اتبحث عني وانا مزاميري قد اغضبت سمائي؟
الا تتحسسني وانا كلي اشتياق للسكن في حضنك؟
الا تشعر بأنفاسي الحائرة لتجد صدرك هو ملجئها؟
الاتشعر بلمستي عليك دون ملامستك؟
فلتراني باي صورة تحلو لك
ولتعتبرني اي حالة تمر بها في حياتك
فاه ان كنت قهوتك العربية
اه ان كنت فنجانك الشرقي العربي
اه ان كنت اسيرة غطاء لسريرك
وان كنت ملمس صوفي يدفئك في ليل شتاء غاضب
اه ان كنت ادق تفاصيلك
واه ان كنت انت يا سيد عمري.... انا
احملني كطفلة صغيرة مدلله
كقطة صغيرة تنام علي كفيك طيبة
كعصفور هارب من حصار شتاء ليرجع لدفء عمره
اجعلني استريح في مهدي
اجعلني اهرب منك اليك
فلتحبني...؟
كما لم يحبنني بشر من قبل
احبني حد الجنون
وانتهز فرصة جنوني وعشقي
لنهرب سويا
في عالم لا يصنعه غير جنة بعد لافته كتب عليها اتركوا كل امل
واوراق بيضاء فرشت علي ضفاف نيل بعد ان تملكها ظلام الليل
فلتعتبرني خيال وطيف شارد في افق بعيد
لست انا يا دمي الظمأن لهمسة عشق الخيال
بل خيال هو حبك ونسيم اناتك الصامتة عني
خيال ان اتوهم السكن في كهوفك وداخل كفيك
خيال ان اسكن انا في حضنك الابدي
عيون لك حانية بها الف طفل صغير ينامون في مهد حنانك
فان حكيت عن اشتياق يدي غارت لهفة عيني
واشتعلت رغبة صدري في الانكماش الابدي في حضنك
كيف الخلاص والملاذ من برق يحتلني من صواعق هادمة تهدم انين مأساتي
استشعرني كما انت فكم يحلو لي ان اراني بعينك بتلك الروعه
كيف الخلاص والملاذ من برق يحتلني من صواعق هادمة تهدم انين مأساتي
استشعرني كما انت فكم يحلو لي ان اراني بعينك بتلك الروعه
Labels: قصائدي
50 Comments:
ههههههههه
انا اول واحدة ارد على الشعر الجميل ده
"ليتلاحم جسدنا
حتي تتلامس شفتانا ونذيب في عشق هوانا
انزلني ببطء لانظر لعينيك وعيناي دامعتان
انزلني ببطء ودع انفاسي تعصر احزانك التائهة
اه من انتظار انتظره يا سيدي
"
ايه ده و صفتى المشاعر و الموقف بدقة
اتبحث عني يا سيد عمري وانا هنا لك
اتبحث عني وعمري كله مرسوم ليديك
اتبحث عني وانا اناتي تبحث عن سكينتها معك
اتبحث عني وانا مزاميري قد اغضبت سمائي
مزاميرى اغضبت سمائى؟؟؟؟ اول مرة اشوف التشبيه دة جميل جدا و مبتكر
احملني كطفلة صغيرة مدلله
كقطة صغيرة تنام علي كفيك طيبة
كعصفور هارب من حصار شتاء ليرجع لدفء عمره
اجعلني استريح في مهدي
اجعلني اهرب منك اليك
المشاعر دى بجد مش طبيعية
مش هقدر اعلق لانى ممكن امسك كل بيت شعر و اقولك المظاهر الجمالية اللى فيه
رسالتك الاولى و صلت و مستنية بقية الرسائل
الله الله الله
بجد قصيده روعه
اعظم ما فيها انها كلها احاسيس
وحاسس انها صا دقه اوىىىىىى
ونا بعه من جو اكى اكتر
حاسس انك حسيتى بكل كلمه كتا بتها
عشا ن كده وصل لمشا عرنا
وحاسين اننا عايشين التجربه معا كى
بجد انتى
روعه
قصدى
سمر ا
سمراء
كلماتك كانت هى وصف الحب الرومانسى المفقود
الذى احلم به مثلك وتحلم به صاحبات القلوب الباحثة عن الحب الكامل ولا ننال من احبائنا الا بقايل حب مهلهل لا نستسيغه لان صورة الحب فى مخيلاتنا لا ولن يصل اليها كائن بعد
فهكذا نظل فى حيرة نبحث عنه ولا نجده وان وجدناه لا نعرفه وان عرفناه لا ندركه وان ادركناه لم نراه بمقياسنا حبا
احببت كلماتك فهى احلامى ودقات قلبى وتأملاتى ولكن لا املك حتى تعبيراتك ولا جرأة مكاشفة نفسى اولا حتى اكاشف غيرى
تحياتى
رائعه
أنووجتى
فيس مذهوول
كنت مخبية المشاعر دى كلها فين يا بنتى ؟
ايه ده ؟؟.., انا مشفتش بنت بتقدر توصف احاسيسها بالروعة دى
انا مستغرب جرأتك فانك تقولى انك مستنية حبيبك .., وانك تقوليله يا سيد عمرى
بنات كتيير اوى بيستكبرو يقولو كده
عارفة ., انتى الوحيدة اللى شفتها مزيفتش مشاعرها .., علشات خاطر اعتزاز بالنفس اعمى مش شايف
انك توصلى للمعنى ده .., انا بهنيكى على كده
فلتراني باي صورة تحلو لك
ولتعتبرني اي حالة تمر بها في حياتك
فاه ان كنت قهوتك العربية
اه ان كنت فنجانك الشرقي العربي
اه ان كنت اسيرة غطاء لسريرك
وان كنت ملمس صوفي يدفئك في ليل شتاء غاضب
اه ان كنت ادق تفاصيلك
واه ان كنت انت يا سيد عمري.... انا
المعنى اللى بين السطور دى رائع
انا شايف انه معنى الحب الفعلى
بجد تحفة
كملى رسايلك
بجرأة
وبصدق
بدأتي بتخيل ورسم لشخصية خيالية
فعلا حالمة
.....اه من ضحكة لم اسمعها واخذتني رناتها
وثانيا دخلتي في الحلم بتأثيره على حياتك وانه خدك من عالم لعالم تاني
ارفعني يا سيدي واحملني بيديك للسماء
ثم دخلتي على الراحه النفسية رغم قسوة الدنياعليكما انتما الاثنين بس غاظتني كلمة سيدي (يابخته)هههههه
انزلني ببطء ودع انفاسي تعصر احزانك التائهة
اه من انتظار انتظره يا سيدي
الن تأتي الي؟؟؟؟
الا تمزق حزني وتكسر جرحي القابع في قلبي منذ سنوات؟؟؟
ثم دخلتي الى وجود ملهياة الحياة بينكما عن هذا الحب
الا تتحسسني وانا كلي اشتياق للسكن في حضنك؟
الا تشعر بأنفاسي الحائرة لتجد صدرك هو ملجئها؟
الاتشعر بلمستي عليك دون ملامستك؟
ثم تحولتي الى حنانه وهو كونك طفله بين يديه وكان وصف الحنان ده بالذات جميل جدا
احملني كطفلة صغيرة مدلله
كقطة صغيرة تنام علي كفيك طيبة
كعصفور هارب من حصار شتاء ليرجع لدفء عمره
اجعلني استريح في مهدي
اجعلني اهرب منك اليك
كفاية كدا انا هاقلبها تحليل ولا ايه انا اساسا فوت كتير في التحليل وبعدين انا مكتبتش زي المعتاد ولا رغيت
اناعايز ارغي الاول
ايه ياستي ده بقه هو انا ناقص حنين مش تراعي احساس الناس ينفع كدا انا هاشتكيكي لمحكمة المحبة الدولية للبؤساء
لازم يعني تقفليها بغم في الاخر
بعد كل الككلام ابن ستين في سبعين ده
تخلني افوق واعرف انه خيال ماحنا كنا حلوين لاز حبة الميه الساقعين دول في البرد ده
خيال ان اسكن انا في حضنك الابدي
بس بصراحة الجمله الاخيره دي حسيت اننا ياما معنديش احساس ياما اننا مابعرفش احس اساسا
ياشيخه ارحميني
ستشعرني كما انت فكم يحلو لي ان اراني بعينك بتلك الروعه
مش بزمتك فيها غرور ولا ايه رايك وخدي بالك انا مصمم انك سمرا واللي هايشوفك هايقول سمرا حتى لو بيضه بياض الطحين( الدقيق) سوري بسخن للسفر فبستخدم لغة الخليج
لا بجد خليني جد انا حسيت كلامك اوي اده يابنتي روعة بلاش انا مابعرفش اكتب حاجه خالص
واله العظيم لو بايدي هاحجز عمود بالكلامل في جريدة ----------- ممنوع ذكر اسم الجرلايدة عشان ده مش موقع اعلانات
هيهيهيهيهيهي
بصي عشان انا بخرف كتير اوي كفاية كدا انامش هاقول تاني غير
طمنيني على محمد ونبي احسن انا حاسس بيه بجد وقومي دلوقت ناديه وصالحيه
ياستيي اخترعي اي حاجه خناقه في الشغل او حتى انك جعانه روح هتلنا اكل ومعلش ادفعي انتي المرادي ونادديه يجيب الاكل اعملي اي حجه ونديه واتصالحوا
ماليش دعوة مش ماشي انا بايت هنا بقه ومش هافتح بقي خالص الا لما تجيبي الاكل اصلي جعان لغاية مايكتب لينا بنفسه
يالله ربنا يصلحكوا على بعض
ربنا يسترها
والله كانوا اربعه بس ايه اللي خلاني السادس ياخساره المره الجاية هابقه الاول
:((
من أروع ما قرأت منذ كثير..رائع..برافو عليكى
بقالى 3 ساعات بحاول ابعت فى الكومنت بتاعى النت عندى هشد شعرى منو
يلا المهم بئا ههههههه
جميل اوى الحاله يا انجى
وجديده اول مره تكتبى فى الرومانسيه
هو بس كان الكلام محتاج شويه ترتيب فى الاحداث
بس كمجمل جمبل
مستنين الرساله التانيه
:'(
إلي جانب جمال التدوينة.. يبدو أن الانتظار هو سيد المرحلة.. انتظار طال.. وأمل اقترب من المحال.. عله يتحقق وتصلي للمنال
nice post...we klmatk r2e2a awy
ست انا يا دمي الظمأن لهمسة عشق الخيال
بل خيال هو حبك ونسيم اناتك الصامتة عني
خيال ان اتوهم السكن في كهوفك وداخل كفيك
خيال ان اسكن انا في حضنك الابدي
الجزء ده عجبني قوي
تحياتي
افتح قوس وش خجول(اللى خدوده حمرا ده) إقفل القوس
فى إيه يا جماعه مش معامله دى كل اللى أعرفهم شغالين رومانسى
أنا هلق بقى واللا إيه..بضم الهاء و اللام وشده على القاف
بس بأمانه روعه روعه
والله بحاول أدور على الجزء الل أثر فيه أوى أنزله ... مش عارف أنزللك إيه واللا إيه
بقالى كتير عينيه مدمعتش..وشعر جسمى ماأشعرش..أشعره محببه للنفس..تصدقى و تآمنى بالله..أنا كمان كانت دماغى شغاله عايز أكتب نفس الحاله دى بس انتى جبتى الصوره بطريقه رائعه...خلاص مقدرش أكتب حاجه كده ...انا إتهقدت من صدق المشاعر و قوة الاحساس
انا مبسوط منك أوى إنك خلتينى احسس الاحساس ده
جتلتينى
اتبحث عني يا سيد عمري وانا هنا لك؟
اتبحث عني وعمري كله مرسوم ليديك؟
اتبحث عني وانا اناتي تبحث عن سكينتها معك؟
اتبحث عني وانا مزاميري قد اغضبت سمائي؟
فلتراني باي صورة تحلو لك
ولتعتبرني اي حالة تمر بها في حياتك
فاه ان كنت قهوتك العربية
اه ان كنت فنجانك الشرقي العربي
اه ان كنت اسيرة غطاء لسريرك
وان كنت ملمس صوفي يدفئك في ليل شتاء غاضب
اه ان كنت ادق تفاصيلك
واه ان كنت انت يا سيد عمري.... انا
يسلم قلمك اللى كتب الكلام ده
ممكن أسألك سؤال ...انتى مرتشبتشه
:)
الله عليكى
لا لا لا
انا مش غتيت و بتكلم كتير
بس بجد فظيعه
الاتشعر بلمستي عليك دون ملامستك؟
اه من ضحكة لم اسمعها واخذتني رناتها
...اه من ابتسامة امل فيها حزن كربلاء
اه من عين تختبئ وراء زجاج تلتهمني لاشلاء
أى
بجد
أى
ربنا يخليكى ليه يا صديقتى
بصى بأه ...انا عارف هتقولى عليا عيل لكاك
بس أنا بحقد عليكى
أصل الواحد يوم ما بيفكر يكتب سطرين..بدنى أحزق عليهم أسبوع
ونظام
أيوه
أيوه
أهى جاييه أهيه
وياام السعد..ياام السعد..ياام السعد
انما اكتب كلام قوى كده بالطلاقه دى و السلاسه دى
لا أعذرينى أنا بحقد عليكى
بس خلاص
هايل....
ما كل هذا العشق...
تنطق به الهمسات الحاره...
والانات المنتشيه...
الشفاه المتعانقه...
و الاجساد الملتحمه...
جميله التساؤلات المحتجه بعتاب عاشق...
سيد عمر...انت تنتظرينه و هو يبحث عنك...
"
الاتشعر بلمستي عليك دون ملامستك؟
"
قد يكون الشعور باللمسه هنا أشد و أقوي...
جميل اوي...
في انتظار الرساله التانيه...
ياعيني ياعيني
اقول ايه بس
كويس انك مش طالبة ولا هتنافسيني في الجامعة ولا يحزنون
نوجا
ايه الكلام الجامد ده
احساسك قال كل حاجه
انتى خلاص وصلتى
بس تفتكرى وصلتى لايه
؟
حلو اوى العشق
بس مرارة الانتظار ممكن تقتل
عندى ملحوظة واحدة ادبية
فاه ان كنت قهوتك العربية
اه ان كنت فنجانك الشرقي العربي
المعنى متكرر كده مكانش ليه لازمة الاعادة
دمتى حساسة و منورة
دة .. كلامك .. مش ممكن .. ايه دة .. رائعة وحساسة كالعادة .. وقدرة لغوية هائلة .. أهنئك
انا ماليش فى الهمسات والكلام ده..
انا قلت اجى اثبات حاله وخلاص..
يارب تكونى بخير
انتى فين يا بنتى .. مختفية ليه
عاوزين نشوف موضوع المقابلة دة .. نفسى اشوفك وجها لوجه
واللهى يا أنجى
حاولت أوصف مدى جمال ما كتبتى
ولكن أبت الكلمات أن تصف ما كتبتى إلا بكلمة واحدة
إنته الحب سيدتى
الحب به أروع الكلمات وأرق المشاعر
وأعظم الآهات
هو الحب
وما سواه يفعل فى الأنسان فعل السحر
هو الحب
يلهم ويزيد رقة وعزوبة للأنسان
هو الحب
وإن أبيتى ألا تحبى
بس يا ترى هذه الرسالة إلى مجهول أم معلوم
وع
لاء مش عادى
أودى
وصف دقيق ومعبر وجميل وسلس
اسمحيلى دى اول كلمات اعلق بيها على موضوع ليكى
أنا باضم صوتي لصوت أخويا رأفت .
الشعر و الكلام دة مابيوكلش معايا , أنا جاي أمضي حضور و أخلع .
السلام عليكم
روعة
بجد مش قادر أتكلم
والله حرام عليكوا اللى بتعملوا فينا ده!! أروح عند جحيم الاقيه كاتب قصيدة تحفة عن الحب.. اجى هنا الاقيكى كاتبة الروعة دى؟
والله لولا أنى مابؤمنش بالحب والكلام ده, كان زمانى حبيت على نفسى
:)
معنديش غير كلمة واحدة توصفها... خزعبلية!! أحساسك بجد يفوق الوصف, واختيارك للكلمات اللى بتعبرى بيها عن الأحساس موفق جدا
وايه موضوع يا سيدى ده؟ كده هتخليه ياخد عليكى يا ماما
ههههههههههههه
manal
يااااااااااااه يا سمرا
انتى بجد رائعه حتى المزيكا اللى انتى حطاها
كله راءع يا بنتى انا لو جبت حد و قولتله اللى جوايا كله عن الحلم اللى رسمتيه ده اكيد مش هيقدر يوفصه بالبراعه ديه
هيه ديه
ان يصبح الحبيب الحاله التى اتمناها و ان اصبح له حالته الخاصه
و ان نطلع ايدينا و اجسادنا لعنان السماء و لعبير انفاسنا تتلاقى فطفا ما فقدناه من نار الحنين
و لكن اين هى حالتى التى ابحث عنها و هل حقا ما يقال ان النسان يمكن ان يظل يبحث عنها مدى حياته كلها؟
اتمنى ان ياتى اليكى و اتمنى ان القى حالتى
و وقتها ساقول حقا انك اول من انباتنى بقدومها
تحياتى ايتها الحالمه
شو هاد ياسمرا شو هالهبة المخباية بالحزن والألم السابق
انجي عن جد كلمات تفوق الروعة وبهنيك عليها
وتانيا نتمنى جميعنا ان يأخدنا الحبيب وسط همسات شفاهه او يدفئنا في حضن صدره العابق
كم جميل لو صرنا احباب مرة اخرى نتقاسم الحياة من جديد
سمرا إلى متى سنتمنى؟
حتي تتلامس شفتانا ونذوب في عشق هوانا
يالهوووووووى
سمراءالنيل دخلت على الشفايف
وبعدين ذوبان
ادينى شفايفك أدينى
أموووووووووووووه ليكى
أيه الرقه دى
بس أنت كاتبه الكلام ده لمين
؟
يا كزوووووفى
كلماتك رقيقة للغاية سمراء ما كل هذه المشاعر التى تملأ أى قلب بالحب الواعد
لكم تمنيت أن أمتلك ناصية الكلمات كما تملكين
أتمنى لك التوفيق
الغريب
يعيني هو ماكنش ينفع الكلام الحلو ...اللي في الاخر من غير الشوية اللي في الاول
مش عارف ليه أصبح معنى الثقافة ...هو
ان احنا نتكلم بحرية مش بتاعة عادتنا وتقالدنا وأخلاقنا
هو في ايه اللي بيحصل
انا كنت قرتلك كذا مدونة عالية مووووووووووووت.....قلت الحمد لله ان في بنات في مصر دماغهم عالية بنضافة
أيه في ايه؟؟؟؟
وكنت اتمنى اني الاقي ناس تعلق كتتتتتير على حاجه زي كدا بدل ما اتعلمنا نسقف وخلاص
انا مش هاعلق ع القصيده ...رغم ان فيها حاجات حلوة....علشان انا معترض
وشكرا
ويارب
انا قريت البوست اللي كتبتيه ومسحتيه ده...بجد مش عارف اقولك ايه...والله يا بنتي في حاجة محسساني انك اقوى من كده يعني...تجاوزي المرحلة دي عشان خاطر الناس اللي انتي بتعتبريهم اصحابك واهلك هنا...بالتدريج هتقدري تتجاوزيها..وانتي مش محتاجة تعتذري..اللي ميشيلكش وانتي في الحالة دي يبقى ميستهلش يبقى صاحبك اصلا
أيوة كدة الأدب حلو :)
هههههههههههه
يا ترى شفتي بريدك ؟؟؟
ما علينا
والله انبسط انك اول واحدة علقت
وبعدين حسستني اننا قاعدين في حصة عربي
وانك بتسمعي
عامة مستنياكي الحصة الجاية
بالنسبة بقي للرسايل ربتا يسهل وبتاع البريد يجي مانتي عارفة بقي
المواصلات صعبة
ربنا يخليكي يارب
ومعلش ان كنت قلقتك عليا
_____________________________
الجحيم
اهو انت بقي الل باجبر بخاطري
بس ايه يا ابني الكلام الجامد اللي انت قايله في البوست دة
بجد عجبتني قصيددتك اوي
وفعلا الكلام دة انا حسيته اوي
وانا كمان عشت التجربة دي مع الخيال اللي تخيلته
اهو انت اللي روعه
ههههههه
______________________________
توتا
تصدقي ان كلامك دة صح اوي
فعلا بحس ان مش في حد اد مشاعري ولا حبي
ولو لقيت الحب بمقايسي انا بيبقي مش حب
الله عليك يا توتا بجد
ربنا يخليكي يارب
ويارب يتحقق كل اللي بنحلم بيه
ونلاقي الكنز المفقود
تحياتي لكي انتي ايتها الرائعه
_____________________________
الحصان الاسود
هههههههههههه
يعني قعدت يجي ساعتين تطلع مظاهر الجمال اللي فيها وتمد فيها وقلت بس دة هيملالي الكومنتات
كلها بكلامه
وفي الاخر تقولي رائعه
هههههههه
عندك حق احيانا الكلمة الواحدة بتبقي ابلغ تقدير علي كلام كتير عايزين نقوله
تحياتي لك
zordeak
المشاعر دي كنت مخبياها عشان مش في حد ياخدها مني
عشان الناس لما بتاخدها بتشيلها عندها ومش بتجيبها تاني
مانت عارف بقي مش بنقدر ننفض ونطبخ من غيرها
هههههههههههه
بالنسبة لجرأتي في اني اطلق عليه سيد عمري
فانا بعتبر ان الراجل لما يحب بجد
والبنت لما بتحب بجد
ويكونوا هما الاتنين روح واحدة
فلازم يكون هو سيد عمرها
انا عارفة ان في ناس هتنتقد كلامي
بس دة اللي انا شايفاه
لاني بعتبر ان الراجل راجل والست ست
اي نعم انا ببقي اغلب الوقت راجل ههههههه
بس مش مهم
انا حاولت ازيف مشاعري عشان اعرف اعيش
بس مش ععرفت حسيت ان المباحث حاطة عنيها عليا هههههههه
بجد انت اللي رائع عشان شايف اللي انت حسيته دة في كلامي
بالنسبة لتكملة الرسالة فانت مش خسران حاجة انا اللي هروح اجيب ورق وجوابات بقي
تحياتي
_____________________________
بين الامل والياس
طب تصدق وتامن بالله
انا كنت كاتبالك كومنت طوله يوصل لشارع شبرا
هههههههه
وقايلالك علي ترتيب الاحداث
بس قلت ساعتها لا
انا حسيت باحاسيس انا بس اللي فاهمها
وحابة ان كل واحد يحسهل بطريقته ويرتب احداثها بمزاجه
بس انت حاسس اوي
وفاهم انا كنت ازاي
وبعدين بطلوا ار علي الراجل بقي
متغاظين عشان بقوله يا سيدي
اهو من اركم دة الواد مش عايز يجي ولو حتي يكون بواب
ما هو الحنين جوانا كلنا يا حازم
بس هنعمل ايه بقي
حبيت بس افكر نفسي اني لسة عايشة وان مشاعر الحب عندي لسة طازة وبخيره
هههههههههههه
وبعدين معلش بقي اني خليتك تعرف ان دة خيال
مهو دة اللي عايشلنا
هههههههه
اصلك مش واخد بالك الواحد مننا لما يحس ان جواه حب مش زي كل البشر بيتخيل نفسه بقي ان بيسمع كلام جامد
والرال شايفني رائعه بعد ما كتبت كل الكلام دة
فحبيت بس اقوله اني مبسوطة
ههههههههههههه
يا سيدي سمرا سمرا
بس انا مش بيضا خالص
ولا سمرا
تقدر تقول نبيتي في فوشيا
بس قولي صحيح جريدة ايه
ولا دي حاجة غير اغية يا جريد النخل العالي يا عالي
محمد كويس يا سيدي
وبعدين مين قالك اننا لسة زعلانين من بعض
الكلام دة اتنسي بقي
فكك يعني
وبعدين ايه موضوع بتسخن للسفر دي
انت ناوي تعملها ولا ايه
المرة الجاية ابقي تعالي بدري شوية
عشان هما بيفتحواا وبيبقي الناس كتيرة عليهم
انت عارف بقي اكل العيش مر
___________________________________
bosbos
ربنا يخليك يارب
رفعت من معنوياتي والله
شكرا علي الزيارة واتمني تتكرر
همس الليل
نورا
ازيك يا بنتي
مش تشدي في شعرك احنا ما صدقنا ننلزهقولك بالعافيه
ههههه
انا عايزة اقولك ان كلامي كله واشعاري عن الحب والرومانسية
بس مش طالباها يعني
حيانتا مش كلها حب
بالنسبة بقي لترتيب الاحداث
فانا اللي كنت بحسه بقوله بغض الظر بقي عن ترتيب المواقف والاحداث
سريالية يعني
وانا بحب كدة
ربنا يخليكي يارب
انتي اللي جميلة والله
الرساله التانية بقي هشوفها عند مصلحة البريد اصلها اتاخرت اوي
__________________________________
dead man
عل احلامنا كلنا تتحقق ونصل لاملنا اللي طال
ربنا معانا
يارب
بجد مش قادرة وقوفك جنبي
كفاية الورود اللي بترسمها في خيالي
ربنا يخليك يارب
ويحققلك كل حاجة حلوة
___________________________________
frozen love
ربنا يخليك وفرحت ان كلامي عجبك وخصوصا الجزء دة
انا برضه الجزء دة عجبني :)
تحياتي
soul
لالالالالالالالالا
مش واخدة عليك كدة
وانت مكسوف
كل اللي تعرفهم ايه بس
دة اخوك ميليجي معترض ومسجل اعتراضه عندي بالبنط العريض
وطلما مش عارف تنزل ايه ولا ايه
ونزله كله وقولي دة الجزء اللي عجبني :)
لا اله الا الله
هنبتدي بقي تقليد
ونقول عايزين نكتب عن الحالات دي
انت تقول كنت عايز اكتب عن الحالة دي
والامل والياس كان عايز يكتب عن الاخوة
المهم اني خيبت ظنكم وكتبت انا الاول
ومش عايزين تقليد بقي
بطلوا حقد علي البشرية بقي :)
المهم انك تكون انبسط وانبساطك دة والله بيسببلي سعادة
بالنسبة بقي لسؤالك
لا انا مش مرتبتشة
لو بتفكر يعني
انا ممكن اغير راي
هههههههههههه
يا ابني انجز بقي
عايزين نشوف غيرك
ههههههههه
بجد انت منورني
ربنا يخخليك انت يا صديقي
بجد فرحتني
بس والنبي ابقي حاول تقرب وجهه نظرك دي لمليجي لحسن دة زعلان مني اوي
___________________________________
ههههههههههههههههه
طب والله انا قفلت العليق الي فات وقلت انك مشيت
طب بتحقد عليا ليه بس
يا لهوووووووي علي ابشرية
يا بني بطلوا بقي
بص
نظرا لاني محلله نفسيا
فانت تعاني من حقد طبقي وعنف اسري
وشيزوفرينيا متحركة
يعني تجيلك كدة وتروحلك هناك
هههههههههه
انت بجد محسسني اني كاتبة حاجة مش اتكتبت قبل كدة
يا ابني دة كلام اومال بقيلو وريتك زغلول الكبير هتعمل ايه هههههههه
_____________________________________
القهوجي
دة اسمه كلام
انت مش عارف يعني اني بحب اكابتشينو
م علينا هعديعها المرة دي
طب المفروض بقي اني ارد عليك اقولك ايه
لما عازف زيك علي اوتار المشعر والاحاسيس يقولي الكلام دة
ارد اقول ايه
طبعا لازم اسكت
الصمت في محراب السكوت جمال
بجد ربنا يخليك
شكرا علي زيارتك بجد
____________________________________
ادم المصري
هنبتدي بقي
انت عايز تفهمني يعني انك بتكتب برضه كلام زي دة
وبعدين يعني من غير لا جامعه انا اللي اكسب برضه
ههههههه
بجد انت رائع وربنا يكرمك يارب
انا حرة
وصلت لايه؟؟؟
امممممممم
تفتكري وصلت لكليه البنات ب 26
يمكن
ابقي قوليلي انا وصلت لايه
ملحوظتك وضحت يا هانم وجاري التعديل
عشان خاطرك انتي بس
وحياتك ما بعملها الا للغاليين
دمتي ليا انا يا غالية
____________________________________
ياسمين
حبيبة قلبي
ربنا يخليكي يا قمري
علي فكرة يا ياسمين
انا بحبك اوي
____________________________________
الرأفتاني الكبير اوي
انت اصلا مش ليك في حاجة يا ريس
اقعد انت وارتاح كدة
وسيبلنا احنا الحاجات دي
طب بذمتك مش ليك فيه
دة انت الاستاذ
انا كويسة يا ريس
انت هتيجي امتي بقي
___________________________________
اودي
يا لهوووووووووي
اودي بيعترف يا راجاله ان انا الحب
هههههههههههههههه
بجد الحب اجمل شئ في الوجود
كفاية انه بيخليك تبتسم وتعلم لغيرك الابتسام دة
فعلا برغم انك ممكن ترفض الحب بس هيفضل جواك شعور بالحب اللي مش بيبقي عند ناس كتير
الرساله دي لمجهول
وهيييييييييييييييييييييييه
خليت اودي يقول مش عادي بقي
دي معجزة يا اودي
___________________________________
مصطفي صقر
اشترفت بتعليقك وزيارتك اوي يا مصديف
ياريت تكررها تاني
وبشكرك علي كلاك الرقيق دة ومبسوطة انها عجبتك
شكرا ليك وتحياتي
ironcopra
هو انت فاكر نفسك هنا في الانتخابات
مش في حد يضم صوت حد هنا
انت بتهرج
وبعدين هو حد قالك اني مؤسسة حكومية
ولا انت موظف ورايح تشوف مصلحتك بالتاكسي بتاعك
ههههههههه اتكلم يا ابني وقول
_____________________________________
no fear
وعليكم السلام
ربنا يخليك
بس ليه مش قادر تتكلم؟؟؟؟؟؟؟
خير اوعي تكون عيان
ههههههه
____________________________________
منال
ثواني بقي
انتي عايزة تقارني كلامي بكلام الجحيم
طب يا سيتي دة واحد بيحب وعايش قصة حب
الدور والباقي علينا احنا اللي بنكتب من قهرنا
ههههههههههههههه
بيتهيألي ان خزعبلية دي خدتها في المدرسة زمان بس مش واضح معناها اوي عشان زمن بقي مر عليها
ياخد عليا
هو يقدر دة انا كنت وريته النجوم في عز الضهر
انا بجر رجليه بس
______________________________________
شريف غريب
يااااااااااااااااه يا شريف
اد ايه بجد كلامك رقيق
وبجد طلعتني فوق
بجد بسطتني اوي لما لقيت تعليقك الجميل دة
واني قدرت اوصف حالة انت بتتمناها او بتكمر بيها
ربنا يحققلك يارب اللي بتتمناه
بس مش تنسي اني اول واحدة قلتلك ها :)
_____________________________________
ليندا
ليندا حبيبيتي
ربنا يخليكي يارب
بس انتي عارفة بقي ان الانسان بيمر بمراحل
مرة كابه وحزن
ومرة فرح
ومرة حب
هنفضب نتمنتي الي ان تقوم القيامة
دي لعنة جوانا يا ليندا
____________________________________
اووووووووووووووسااااااااااااااا
هههههههههههه
افضحيني بقي
طب استري عليا
خدي شفايفي اهي بس الناس هتفهمنا غلط
هههههه
لمين ايه بس مانتي عارفة اللي فيها
__________________________________
ايمن فاروق
ربنا يخليك يامان يارب
بس انت من ساعتها مش رجعت من الشغل ولا ايه
وبعدين يا واد مانت عارف ان كل الكلام دة كلامي
وعامة انا هعتبر نفسي اخدت المرتبة وانا هجيب المخدتنين من عندي
__________________________________
الغريب
اتمني انك تملك كل خير وحب يارب
ربنا يخليك ياغريب
اتمنيالك انت التوفيق والخير
مليجي
في ايه بس يا مان ايه اللي مدايقك
يعني هي جت عليا انا يا مليجي اللي بكتب
وبعدين يعني شوية ايه اللي فوق
وايه اللي في الاخر
عشان مش واخدة بالي
وبعدين يا مليجي انا مش شايفة انك لما تحلم انك تحضن حبيبتك في خيالك حتي مع الاحتفاظ بكتمان الامنية دي تبقي خرجت عن عادات وتقاليد
انت مؤسسها
انا بقول دي امنيات
وزي مانت شايف ان الامنيات دي جوة كل واحد فينا
يعني انا لما اتمني اني اجري ببالونة في الشارع
اي نعم هيتقال عليا هبلة ومجنونة
بس اهي امنية
ولو كتبت عنها يبقي انا كدة خرجت بره المألوف والقواعد اللي سني وظروفي ومكانتي حاطينها ليا
صح
وبعدين الدماغ العالية مش ليها علاقة بباللي انا كاتباه
بالنسبة للناس اللي بتسقف هما مش مجبرين يقولولي كويس وحلو
لاين معظمههم مش اعرفهم الا من خلال تعليقاهم عندي
يعني مش في مرغم انه يسئقفلي
عامة انا سجلت اعتراضك عشان تعرفي اني ديموقراطية
وبعدين مش تزعقلي يا مليجي كدة
براحة عليا شوية :)
_______________________________________
frozen love
انا الحمد لله بقف علي رجلي بسرعه
بس لازم تيجي عليك لحظة زي دي عشان تعرف اد ايه انت قوي وكويس
فعلا الناس اللي انا ذكرتهم دول ممكن اكون زعلتهم
بس هما مش قدروا السبب
بس هما بيحتاجوني
ربنا يا خليك
وبجد بشكرك اوي
___________________________________
barracuda
مش كدة برضه
طبعا وصلني
Samra...
ana geetlik embare7 wem3aya kobayet shai...
la2eetik rada elbaab.. wenazla takseer fe 7agatik el2ezaaz...
ana et2alemt bgad men soot el2ezaz we howa beyetkasar...
2olt adakhalik kobayt elshai terawa2ik... la2eetik 2afla elbaab belmoftaa7
...
2olt ya rab tehda wetroo2 ma3 nafsaha...
el7amdollah adeeni geet elnaharda la2eet bab 2odtik maftoo7...
w kaman nadafti kol el2ezaaz elli itkasar w ka2eno lam yakon..we kaman gebti 2ezaz gedeed ..
da a7san men law konti ghayarti el2ezaz be khashab aw 7adeed zai makonti 3ayza 3ashan may7esish be7aga wemayetkasarsh...
bas el2ezaaz agmal w ara2 w a7la.. wekaman beydakhal noor...
elmohem el2ezaaz elgedeed... yekoon men el noo3 el "tempered" 3ashan law etkhabat tani, aw etsharakh aw etkassar...mayb2ash feeh ay 7etat 7ada te3awarik aw te3awar ay 7ad..!!
3ala fekra seme3t asami kteer imbare7.. ana mota2aked enohom bey7ebooki wemosh hatefre2 ma3ahom ay khodoosh baseeta..
khodi ba2a el shai we rawa2i.. 3ashan teb2i a7san w a7san...
w mabrook el2ezaz elgedeed...!
دى اول مرة ازور مدونتك ، وانا للاسف لا اقرأ كثير لان عيناى تؤلمنى من الانترنت، ولكن واضح اننى سوف اقرأك وادمنك وعليه العوض فى نظرى
مدونتك جميلة جدا... الى لقاء قريب
لو بتحبينى بجد .. أوعى تعملى الحركة دى تانى وتختفى
ولو عاوزة تهربى وتستخبى .. مش هتلاقى أحسن من حضنى
تعالى أخبيكى فى قلبى .. يا حتة من قلبى
يا صغيرة .. ياحلوة .. يا ست البنات
يا بونبوناية المدونات
على فكرة أنا أم حنينة قوى
حتى اسألى بناتى الحلوين الصغننين اللى زيك كدة
:)
هسيب وردة وهمشي
(f)
القهوجي
انا كتبتلك تعليق في البوست الجديد
بس بجد بشكرك علي الكلام دة
ربنا يخليك يارب
___________________________________
tigress
ههههههه انت جاي تحسسني بالذنب
عامة يا سيدي ادخل عندي بس واقرا كلامي وانا هبقي اعالجك واوديك لدكتور عيون
برغم اني محتاجة البس نضارة بجد
هههههههههههه
بجد سلامة نظرك يارب
ربنا يحفظهالك نعمة
ومبسوطة ان مدونتي عجبتك بجد ابقي كرها بقي
هستناك في اللقاء القريب
___________________________________
ياسمين
انا عشان بحبك مش هعمل كدة تاني
انا متاكدة بجد ان حضنك دافي اوي يا ياسمين
وبعدين يا مينا انا مش صغيرة اوي يعني
دة انا جثة بعيد عنك
ومش حلوة بقي انتي كدة هتخلي الناس تطمع فيا ولا ايه ويفتكروا ان انا يا ما هنا يا ما هناك
هههههههههه
حلو اوي موضوع بونبنواية المدونات دي
ربنا يخليكي يارب يارب
انا من غير ما اسال انا عارفة انك حنينة والله
سلام بقي لحد ما اشوفك
___________________________________
lion king
احمد
انت فينك يا ابني بقالك فترة
علي الله يكون خير بجد
عامة وردتك اتقبلت
ابقي طمني عيك بجد
هوة أنا آخر واحد يقول تعليق بس بجد يا أنجى مفيش واد يحلم بأكتر من كدة
;)
كلام جميل من واحدة أجمل
وعادى بقة
أنجى ولهانة هيا كمان
ههههه
اودي
انت ناسي يا بيه انك علقت علي ابوست دة وقلت انه لا مش عادي
عامة تعليق جميل من واحد اجمل واجمل
اعتبر دي معاكسة يعني
يعني احنا الاتنين ولهانين
ولا ايه نظامنا
ايه يا بنتي ده ماشاء الله ايه الحياه المسليه دي انا طيره من الانفعال
ههههههههههههههههه
تحياتشيييييي
هاي يا....يا انجي صح؟
إزيك
دي أول زيارة لبلوجك وبجد دمك خفيف وموتيني من الضحك..أنا قريت أغلب مواضيع البلوج وقريب هكمله كله..أنا عارف ان معندكيش مانع بس لازم اقول كده لأن ده شئ يشرفني انا عارف ان الشرف ليكي أوك شكلنا هنبقى اصحاب
بس عيبك الوحيد انك من برج العقرب للأسف بس هحاول انسى الموضوع ده
تعالي زوريني باي باي
ميمو
الحياه لونها بمبي وعادي بقي
احنا ورانا ايه
__________________________________
ابراهيم
ههههههههههههههههههههه
مش هرد عليك ردي هتلاقي عندك
Post a Comment
<< Home