احتفالات 6 اكتوبر
كل سنة بيجي علينا احتفال 6 اكتوبر والذي يحضره السيد مبارك
مع لفيف من الوزراء ( حلوة لفيف دي )المشاركين في هذا الاحتفال مش راقصين محترفين ولا حاجة
دول غالبا بيبقوا مجموعه من معهد البالية علي طالبات من كلية تربية رياضية سواء الزقازيق او الاسكندرية
وهذه السنة احتفالات 6 اكتوبر كانت في رمضان ووقع الاختيار علي كليتنا المصون
للاشتراك في احتفالات 6 اكتوبر
هتسالوني هتعملوا ايه هناك؟؟
هقولك بمنتهي البراءة هنرقص يا ريس
ووقع الاختيار برضه علي الفرقة الثانية كلها حوالي 300 بنت
وسيتم معسكرة البنات لمدة ثلاثة اسابيع
ام هند
عميدة الكلية قامت بترشيحي انا وثلاث معيدات للاشراف علي البنات في المعسكر والاقامة معهن
هنقيم معهن فين يا معلمة
في المدينة الجامعيه بحلوان
وبما اني قاهرية فلم يتنسي لي القاء نظرة عن ماهية المدينة الجامعيه بحلوان
لميت بؤجتي واستعجلت الرحيل وقلت اهج لبلاد حلوان
فين الاتوبيس اللي هياخدنا يا عم الحاج؟
لا انتو هتقضوها مترو
مترو في رمضان ؟؟
هيبقي في اتوبيسات بعد كدة
اوكي
اول ما رحنا التقينا بالاشراف علي السكن في المدينة الجامعيه واخبرونا
بان كل 6 طالبات هيسكنوا مع بعض في غرفة ونحن المشرفات لنا جناح لنقيم فيه
اووووووه سويت يعني
يلا يا دكاترة نطلع السويت بتاعنا عشان نحط البؤج
الارضية طالعه من الارض
والبياض متشقق
والمراتب يقرف منها الكلب الاعور
ومش في ملل خشب علي السرير
والعناكيب ملية الاوضة
دة غير الروايح
والحمام مشترك في الطالبت اللي ريحته تقريبا جايبة لوادي حوف
يعني غرفة تعذيب لغير الادميين
هو دة اللي محضره الجيش للبنات ولينا عشان هنرقص ادام الريس
وللعلم المبني المقيمين فيه البنات يبعد عن المطعم اللي هنفطر فيه ايام رمضان تلت ساعه مشي
وما ادراك ما اكل المدينة الجامعيه
وتمت الشكوي من الاكل وانا شخصيا كلمت شخصية ما في الجيش لاحضار طعام للبنات
دة انتو جيش يعني ؟
وتم بيات البنات في تلك الغرف المليئة بالاصدقاء الاليفة
وبما اني كنت جدعه جدا ولا يمكن اسيب بناتي في تلك المحنة
اطمنت انهم سكنوا في اوضهم واتسحروا وجري علي محطة المترو
عشان ادخل بيتنا الساعه اتنين ونص بليل
ولا يفوتني اني امسك كيس فول وانا ماشية وشايلاه ورافعاه بايدي كدة ال يعني نزلت اجيب السحور
سمعتي برضه
تاني يوم كان اول يوم بروفة علي مسرح الجلاء
البنات كانت صايمة
وتم نقلنا من حلوان لمسرح الجلاء ولمدة خمس ساعات لم يتم توفير مياة لنا رغم شكوي البنات وتعبهن
لافوجئ بوجبات كنتاكي وهارديز من بتوع التليفزيون رايحين لبتوع معهد البالية
الحقي يا دكتور شوفي جايبين ايه؟؟
شايفة شايفة يطفحوهم بالسم الهاري
عادي يا بنات
اصل احنا ولاد البطة السودة
بقوولكم ايه ؟
ادعوله ادعوله
وبعد انتهاء البروفة خرجوا البنات ووقفناهم 4 قاطرات
وكان في واحد لابس فوق كتافه حاجات كتير
اشي نسور علي سيوف علي نجوم علي دبابير
كتفه كان بيقع منه يا عين امه
ويجي واحد لابس بدلة عادية والاقي ابو السباع السالف ذكره مرعوب وبيضربله التمام وهو بيترعش
وبص للبنات ودار الحوار كالتالي
سأل رئيسة قسم رعاية الشباب
ادا هما كلهم محجبين كدة
هي : ايوة يا فندم
هو : لالالالا كدة مش ينفع
انتي عندك كام بنت مش محجبة
هي : مش كتير يا فندم حوالي 10 بنات بس
هو : لا حاولي تدوري علي بنات مش محجبة ومش مهم دفعه سنة تانية
انا بقي : ( ومش الم لساني دة ) علي فكرة حضرتك لو نكت الكلية كدة بطلابها
بدكاترتها بفراشينها والدادات مش هتطلع 25 واحدة
هو : زغرلي حتة زغرة وقالي : انتي بقي معيدة
انا : ايوة
هو لينا كلنا: طب ينفع يقعلعوا الحجاب
البنات كلهم : لالا مش ينفع ازاي حرام يا نهار اسود بيتكلم يقول ايه ادادا هو قال ايه بلابلابلابلابلا
انا بقي تاني : مين اللي يقلع الحجاب
هو : البنات
انا : ازاي يعني مش ينفع
هو : لا لازم دة بامر من المشير
انا : مشير مين دة
هو : الرياسة يعني دة بامر من السيد الرئيس محمد حسني مبارك
انا وانا كلي ثقة ومش عارفة جبتها منين : يا سلااام
ايه يعني حسني مبارك هو حسني مبارك دة فوق ربنا البنات مش هيقلعوا الحجاب
هو بمنتهي الحزم والهيبة في نفس الوقت: انتي عارفة انتي بتتكلمي مع مين
انتي بتتكلمي مع مدير سكرتارية الريس
انا وانا افع حاجبي: هو في منصب كدة
هو : انتي قلتيلي انك معيدة شكلك عايزة ترجعي طالبة تاني
انا : ان شاله ترجني في بطن امي تاني لكن البنات دي مش هتقلع الحجاب مش كفاية هترقصوهم
انتي قلتيلي اسمك ايه بقي
وبصراحة كنت هعترف
لولا زمايلي ورئيسة قسم رعاية الشباب قالوله
اسمها سماح حضرتك
وتاني يوم جه قرار رئاسي برفض بنات كلية تربية رياضية بنات الجزيرة من المشاركة في احتفالات 6 اكتوبر
وجابوا بنات اسكندرية
مع لفيف من الوزراء ( حلوة لفيف دي )المشاركين في هذا الاحتفال مش راقصين محترفين ولا حاجة
دول غالبا بيبقوا مجموعه من معهد البالية علي طالبات من كلية تربية رياضية سواء الزقازيق او الاسكندرية
وهذه السنة احتفالات 6 اكتوبر كانت في رمضان ووقع الاختيار علي كليتنا المصون
للاشتراك في احتفالات 6 اكتوبر
هتسالوني هتعملوا ايه هناك؟؟
هقولك بمنتهي البراءة هنرقص يا ريس
ووقع الاختيار برضه علي الفرقة الثانية كلها حوالي 300 بنت
وسيتم معسكرة البنات لمدة ثلاثة اسابيع
ام هند
عميدة الكلية قامت بترشيحي انا وثلاث معيدات للاشراف علي البنات في المعسكر والاقامة معهن
هنقيم معهن فين يا معلمة
في المدينة الجامعيه بحلوان
وبما اني قاهرية فلم يتنسي لي القاء نظرة عن ماهية المدينة الجامعيه بحلوان
لميت بؤجتي واستعجلت الرحيل وقلت اهج لبلاد حلوان
فين الاتوبيس اللي هياخدنا يا عم الحاج؟
لا انتو هتقضوها مترو
مترو في رمضان ؟؟
هيبقي في اتوبيسات بعد كدة
اوكي
اول ما رحنا التقينا بالاشراف علي السكن في المدينة الجامعيه واخبرونا
بان كل 6 طالبات هيسكنوا مع بعض في غرفة ونحن المشرفات لنا جناح لنقيم فيه
اووووووه سويت يعني
يلا يا دكاترة نطلع السويت بتاعنا عشان نحط البؤج
الارضية طالعه من الارض
والبياض متشقق
والمراتب يقرف منها الكلب الاعور
ومش في ملل خشب علي السرير
والعناكيب ملية الاوضة
دة غير الروايح
والحمام مشترك في الطالبت اللي ريحته تقريبا جايبة لوادي حوف
يعني غرفة تعذيب لغير الادميين
هو دة اللي محضره الجيش للبنات ولينا عشان هنرقص ادام الريس
وللعلم المبني المقيمين فيه البنات يبعد عن المطعم اللي هنفطر فيه ايام رمضان تلت ساعه مشي
وما ادراك ما اكل المدينة الجامعيه
وتمت الشكوي من الاكل وانا شخصيا كلمت شخصية ما في الجيش لاحضار طعام للبنات
دة انتو جيش يعني ؟
وتم بيات البنات في تلك الغرف المليئة بالاصدقاء الاليفة
وبما اني كنت جدعه جدا ولا يمكن اسيب بناتي في تلك المحنة
اطمنت انهم سكنوا في اوضهم واتسحروا وجري علي محطة المترو
عشان ادخل بيتنا الساعه اتنين ونص بليل
ولا يفوتني اني امسك كيس فول وانا ماشية وشايلاه ورافعاه بايدي كدة ال يعني نزلت اجيب السحور
سمعتي برضه
تاني يوم كان اول يوم بروفة علي مسرح الجلاء
البنات كانت صايمة
وتم نقلنا من حلوان لمسرح الجلاء ولمدة خمس ساعات لم يتم توفير مياة لنا رغم شكوي البنات وتعبهن
لافوجئ بوجبات كنتاكي وهارديز من بتوع التليفزيون رايحين لبتوع معهد البالية
الحقي يا دكتور شوفي جايبين ايه؟؟
شايفة شايفة يطفحوهم بالسم الهاري
عادي يا بنات
اصل احنا ولاد البطة السودة
بقوولكم ايه ؟
ادعوله ادعوله
وبعد انتهاء البروفة خرجوا البنات ووقفناهم 4 قاطرات
وكان في واحد لابس فوق كتافه حاجات كتير
اشي نسور علي سيوف علي نجوم علي دبابير
كتفه كان بيقع منه يا عين امه
ويجي واحد لابس بدلة عادية والاقي ابو السباع السالف ذكره مرعوب وبيضربله التمام وهو بيترعش
وبص للبنات ودار الحوار كالتالي
سأل رئيسة قسم رعاية الشباب
ادا هما كلهم محجبين كدة
هي : ايوة يا فندم
هو : لالالالا كدة مش ينفع
انتي عندك كام بنت مش محجبة
هي : مش كتير يا فندم حوالي 10 بنات بس
هو : لا حاولي تدوري علي بنات مش محجبة ومش مهم دفعه سنة تانية
انا بقي : ( ومش الم لساني دة ) علي فكرة حضرتك لو نكت الكلية كدة بطلابها
بدكاترتها بفراشينها والدادات مش هتطلع 25 واحدة
هو : زغرلي حتة زغرة وقالي : انتي بقي معيدة
انا : ايوة
هو لينا كلنا: طب ينفع يقعلعوا الحجاب
البنات كلهم : لالا مش ينفع ازاي حرام يا نهار اسود بيتكلم يقول ايه ادادا هو قال ايه بلابلابلابلابلا
انا بقي تاني : مين اللي يقلع الحجاب
هو : البنات
انا : ازاي يعني مش ينفع
هو : لا لازم دة بامر من المشير
انا : مشير مين دة
هو : الرياسة يعني دة بامر من السيد الرئيس محمد حسني مبارك
انا وانا كلي ثقة ومش عارفة جبتها منين : يا سلااام
ايه يعني حسني مبارك هو حسني مبارك دة فوق ربنا البنات مش هيقلعوا الحجاب
هو بمنتهي الحزم والهيبة في نفس الوقت: انتي عارفة انتي بتتكلمي مع مين
انتي بتتكلمي مع مدير سكرتارية الريس
انا وانا افع حاجبي: هو في منصب كدة
هو : انتي قلتيلي انك معيدة شكلك عايزة ترجعي طالبة تاني
انا : ان شاله ترجني في بطن امي تاني لكن البنات دي مش هتقلع الحجاب مش كفاية هترقصوهم
انتي قلتيلي اسمك ايه بقي
وبصراحة كنت هعترف
لولا زمايلي ورئيسة قسم رعاية الشباب قالوله
اسمها سماح حضرتك
وتاني يوم جه قرار رئاسي برفض بنات كلية تربية رياضية بنات الجزيرة من المشاركة في احتفالات 6 اكتوبر
وجابوا بنات اسكندرية
مين بقي السفيه اللي قال اننا في دولة اسلامية
Labels: سياسة
128 Comments:
ازيك يا انجى ؟
بوست جميل كعادتك
هو خلاص بقى بيحلل و يحرم اللى هو عايزه حد قادر يوقفه يعنى مهى خربت من زمااان
تحياتى
كويس انها جت على قلع الحجاب بس
احمدي ربنا
محدش عارف ايه اللى منكن يحصل بعد كده
مش بعيد يطلبوا من البنات اللى زيي يقلعوا النضارة
استغفر الله العظيم
طيب ده مدير سكركرتاريته
اوممماااااااااااااال
السكركتاريه عامله ازااااااي؟
السلام عليكم
يخرب بيتك يا حنفي
وبيت اهلك وبيت اللي يعرفوك
بيستهبل ده ولا ايه
بصي
اهم شئ اني احيكي جدا علي موقفك ده
والله العظيم بنت من ظهر راجل
يرقصوكم في رمضان وكمان يقلعوا الحجاب
حسبي الله ونعم الوكيل
بس يا شيخه حرقتي دمي
ايه يابت ياشرين الجدعنه دي
يروحو بنظامهم المؤرف واوضهم الوحشه
:)
وكنتى هتقوليله اسمك
احمدى ربنا ان كان فيه ناس تفرملك ...
ولو كان حد من قرايب البنات دول فى الجيش والله كنتوا قعدتوا فى قصر هما اللى بيخدموا عليكوا
يحرقك يا حنفى :D
انا قتلت واحد اعرفه ممكن اجى ااقتلك حنفى فى السكة
صباح الخير يا انوج
بجد الموضوع مستفز اوى حجاب ايه اللى يقلعوه ومتكسفش على دمه وهو بيقول كده دا استهبال صحيح عمار يا مصر
زورونا تجدون ما يسركم .
قائمـة من الكتب الأدبية والثقافية والفكرية المتنوعة للعديد من دور النشر
تحت سقف واحد، وبأسعار لا تقبل المنافسة
هو الكلام ده لو حصل بالفعل
يبقى بيثبت الحقيقة المرة اللي كلنا حاسين بيها
مصر بقت زي تركيا يا جدعان
بوست جميل و جريء جدا
إنتي قلتيلي إسمك إيه
ههههههههههههههه
خالص تحياتي
حنفي ده بيستهبل
يابنتي في واحد عاوز يعمل عريس ويتجوزك ويفرح بنفسه بلاش يابنتي ارجعي من السكة دي ارجعي يا انجي ارجعي احنا عاوزين نشوفك عروسة
حلو التعليق الاخرانى .. رحم الله امروء عرف قدر نفسه
العببببببببببببببببب
يا شيخية كنتي سيبيهم يقلعوا
يمكن كانوا بقوا معيدين
وانتي بقيتي دكتورة
ههههههههههههههههه
يا سماح
حلوة حكاية العناكيب دي
هههههههههههههه الله يخربيتك يا حنفى 100 مره بس بينى وبينك واحدة رايحة المدينة الجامعية بالبؤجة عايزاهم يسكنوهم فين؟ ويأكلوهم ايه؟ اكيد هوا داه السكن المناسب والأكل المناسب ومن حقهم يأكلوا بنات الباليه كنتاكى لأنهم مش رايحيين ببؤجه ومش رايحيين بلبس خالص يعنى رايحيين فرىىى وبصراحه احييكم على تمسكم بالحجاب وطز فى حنفى
انا كمان دمي اتحرق
بحد حاجة تحرق الدم
:)))
صداقتك شيئ يشرفني
الله يخرب بيتك يا حنفى
هههههههه
:)
هههههههههههه
الله يخرب بيتك يا حنفى
ب جواب الفصل انك ترجعى طالبه جه ولا لسه
؟؟؟؟؟؟؟؟؟؟؟؟؟؟؟؟؟؟؟؟
زعلانة يعنى بجد من الاقامة
و الله فكرتنى لما أشترك فى اسبوع شباب الجامعات الماضى فى المنوفية و كانت فى عز البرد و كنا ثمانية فى الغرفة الواحدة غير الحاجات العجيبة اللى نمنا عليها و سجن شبين كان ورانا و كنا بنتفرج على المساجين الحلوين
و حجاب ايه اللى انت جى تقولى عليه
احنا فى عصر الفرفشة و النعنشة و لازم الريس ينبسط و مش مهم احنا
و حسبنا الله و نعم الوكيل
و ابقى اسألى علينا و لا خلاص نسيتنا
ايه الثقة دي كلها
ماشاء الله مش باحسد ولا حاجه
بس بجد يسلم فمك يا انجي
بجد ربنا يبارك لك ويحميكي
دمت بخير
Dear ,,,then we R both colleague..at the same university...welcome..i am very very proud of U ,,and what U have said..U have shown ...that those figures R our fear is what make thenm think , they R Upove humans..
But what I notice is..that Paradox...how Girls with ( Hejab) dancing...and wearing such tight Cloth..( al -Hejab) is not only a scarf on the hair..but more than that..
any way...Bravo ..4 ur Courage..
محمد ياسر
ازيك انت يا محمد
انا الحمد لله كويسة
علي رائيك ماهي خربت من زمان احنا جاين نتكلم دلوقتي
___________________________________
ازميرالدا
هههههههههه تفتكري كانوا ممكن يطلبوا منهم اكتر من كدة
ههههههههههه
اوعي تتنازلي عن نضارتك
هو البني ادم ايه غير نضارة وشوية حاجات فوق بعض
وحياتك مش عارفة السكراتارية عاملو ازاي مع انه كان قصير يا ميزو
مهند
وعليكم السلام ورحمة الله وبركاته
بتحييني علي ايه يا مهند
دة انا كنت هروح في داهية
لا وايه
اللكية كلها عرفت اني انا السبب وكنت هتحول للتحقيق
ههههههههههه
دة لسة حرقة الدم مش دلوقتي
___________________________________
ياسمينا
هههههههههههه بس شيرين مين
كله الا الاوض يا ياسمينا
علي فكرة انا اسمي انجي او سمرا
:))
سفاح كرموز
هههههههههههههههه
والله كنت هعترف
اصل بجد بجد البنات دي غلابة اوي
طب ممكن تقتلي اي حد تاني
صلك لما تقتل حنفي ادعي انا علي مين بعديه
_____________________________________
tota_ fm
صباح الفل علي عيونك يا قمر
لا وبيدي اوامر
قصدك عماااااااه
عمر بوك استورز
كويس وان شاء الله نبقي نزوركم
____________________________________
موجه
والله العظيم حصل بجد
مصر خلاص بقي اسمها حاجة تانية
ههههههههههههه
اعترف ولا ايه
موجه
هههههههههههههههههه صح الله يخربيته بقي
____________________________________
true love
ههههههههههههههههههه
تصدقي انا كمان نفسي اشوفني عروسة
بس بجد الموضوع كان حارق دمي وكان لازم اطفيه باني اتكلم
عطا الله النديم
اني تعليق بالظبط
منورني
______________________________________
عمرو احمد
هههههههههههههههههههههه
لا اعتقد يا عمور
هههههههههههه
عجبتك
طب ماا ممكن استخدم سلطتي واسكنك في اوضة من دول
ذكريات
هههههههههههههههههههههههههههههههههه
انت سيبت كل حاجة ومسكت في البؤجة
ومش عايزة اقولك بقي اني كنت مقضياها ترنجات هناك
ههههههههههه
تفتكر ان هو دة السبب
الفين طز في حنفي
دة راجل واطي يا عم
______________________________________
mermaid
مش بذمتك تحرق الدم بجد
وزيارتك شئ يشرفني بجد
يوسف المصري
هههههههههههههههههههههههه
الف مرة يا راجل
_______________________________________
فنان جيولوجي
ههههههههههههههههههههههههه
لا بس كنت هتحول للتحقيق
بس ربنا ستر
منورني علي فكرة
بيجاسوس المصري
انا كنت زعلانة من كل حاجة
طب انت بتقول ان كان وراك مساجين
انت لو شفت الاوض يا ميزو كنت هتقول ان الاوض دي تاعت المساجين اصلا
:))))
ههههههههههههههه
علي رايك خلي الراجل ينبسط وهو قاعد منجعص كدة وايده ادام وشه وهو بيهز في راسه
لا طبعا بس والله مشغولة والمشاكل من حواليا كتير بس انت ادعيلي
_______________________________________
صاحب المضيفة
ثقة ايه بس
ماا لو كنت اعرف مين الراجل دة بالظيط مش كنت فتحت بقي
ربنا يخليك يارب
a dreamer with feet on the floor
امممممممممممم
وياتري انت بقي في اي كلية من الجامعه الام بتاعتنا
يمكن عشان كنت ادام ناس كتير مش كان قدر يعملي حاجة
بس اعتقد ان لو غيري كان زمانهاتأذي
صل انا كمان كنت هتأذي وهتحول لتتحقيق
بس ربنا سترها وكتمنا علي الخبر
احنا لما سالنا عن الي انت بتقول عليه دة
ان ازاي محجبين وهيرقصوا
قالوا دة مش هيبقي رقص بالصورة اللي انتو متخيلنها
دي بعض من الحركات الرياضية مصاحبة بالموسيقي
من غير هز وسط ولا حاجة
كلها دراعات وخطوات رجلين
ودة الكلام للي بيقولوه دايما
البنات كانوا مرغمين
ما بقيتش فارقة
البلد دي خلاص ضاعت من زمان
من يوم ما سيادته افتكر انه بقى اله
تحياتي
شدني البوست للنهايه لأنك سردتيه بسلاسه وبأسلوب ساخر، وبعيدن مهما عارفين أن مصر كلها محجبات
=================
والا ايه ياسماح هههههههههههه
===================
كل سنه وانت طيبه يا انجي
بجد وحشتيني
يعني انتي ساكته من يومها يابنتي
ايه اللي قلب المواجع بقي
البنات الأمامير بتوع لبنان؟؟
(:
بوست جميل
بوست جميل
انجى اخيرا ظهرتى اخبارك ايه
من حقك تختفى بعد السويت الفظيع اللى كنتى قاعده فيه هانعرف يعنى نكلمك بعد كدة انتى وصلتى
وكمان هاتترقى وترجعى طالبه تانى
انتى بتششوفى حاجات غريبه الله يكون فى عونك
بس بجد برافوا عليكم ثباتكم على موقفكم
جعله الله فى ميزان حسانتكم اللهم امين يارب العالمين
هههههههههههههههه
أنا دخلت مدونتك قبل كده بس معلش ما خادتش بالي من طارق هههههههههههه
طارق بين الناس .. ربنا يسعدكم و يوفقكم انشاء الله
مش مصدق ان البطولة و الرجولة - آسف بس هي دي الحقيقة - كلها زارت مدونتي المتواضعة موجة
خالص تحياتي
This comment has been removed by the author.
انجى
اول بالنسبه للمدينه الجامعيه فانا فعلا دايما اقول انها جيش البنات
بس من الوصف بتاعك حسيت ان مدينة المنصوره الجامعية افضل حالا بكثير
اما بقى بالنسبه للحجاب
فهو مين فعلا قال ان احنا فى دولى اسلاميه
دى بقى اكتر حاجه بتتهاجم الحجاب كاننا بنعمل حاجه غلط لا سمح الله
وبعدين طبعا لو مزز يتشاله على الراس اومال ايه؟
والله احسن انكم رجعتوا بلاش قرف
اصل التعامل مع الطبقة دى يحسسحك انهم مش من مصر
ولا تفتكرى احنا اللى مش من هنا؟
خالص تحياتى وتقديرى
يا بنت اللذييييييين
.
.
ههههههههههههه
الله يخرب بيت فقرك وطولة لسانك
.
.
.
مش انت
انا قصدي حنفييي
هههههههههههههههههههههههه
هههههههههههه
يخرب بيت عقلك
المهم .. انتى مختفية فين كده
يا سلام يا ولاة
ربنا يخليلنا الريس
بيتفقد حال الرعية و بيحرص انهم مش تعبانين
و بعدين هوه كان عايزهم يقلعوا الحجاب عشان الحر و هيتعبوا من اللي بيعملوة
كدة تطلعي الارجل غلطان
و بعدين كان عايز اسمك عشان يديكي علاوة
ضيعتي علي نفسك حاجات كتير كتير
:D
ربنا يسامحك يا صبحي
تسلمي علي موقفك
و سلمت يداكي
سلاموزة
السلام عليكم
جزاكي الله كل خير
أزيك أخبارك أية؟
يارب تكوني بخير
أنت مش هتقصي لسانك الطويل ده بقة
وتاني يوم جه قرار رئاسي برفض بنات كلية تربية رياضية بنات الجزيرة من المشاركة في احتفالات 6 اكتوبر
وجابوا
بنات اسكندرية
لا تعليق؟؟؟؟؟؟؟؟؟!!!!!!!!!!!!
سمورة
كل سنة وانتى طيبة
انا قلت فى الاخر وتانى يوم كان فى خبر عن نقل سماح مستودع الانابيب اللى فى 6 اكتوبر
الراجل قال البنات تقلع الحجاب على طول البنات تقلع يعنى يعجبك لو الراجل استورد بنات من لبنان ؟ يبقى شكلكم ايه فى مصر
عملتى ايه بالفول اللى كنت شايلاه بمنتهى الفخر امال لو كنتى جايبة كباب للسحور كنتى عملتى فينا ايه بس
ما تزعليش الريس واعوانه ميقصدوش يعملوكم معاملة العبيد دى خالص دول كانت نيتهم بعد لما تقلعوا الحجاب يجبولكم كنتاكى بس انتم مرضتوش معلش المرة الجاية ابقوا جربوا
متنسيش يا سماح تبقى تسيبى الاسم والعنوان كامل علشان ليكى هدية فى امن الدولة :)والله وحشتينى كتير بس معرفهاش يا ريس خالص
تحياتى
العزيزة انجي مين ضحك عليكي وقالك انها دوله اسلامية احنا دولة علي كل لون يا باتسطا :يعني سمك لبن تمر هندي وكده يعني : وبعين قالو البنات تقلع الحجاب وانتي قولتي لا وهما كمان :بس لوقالو لبنات تانيه اقلعي الحجاب ممكن يلعوه احنا اللي عملين في نفسنا كده
وشكرا اسلام
اختى العزيزة إنجى
احييكى على اسلوبك الرائع فى الكتابة
لا يا انجى احنا دولة اسلامية وهنفضل كدة
ودول شرزمة صدقينى
صحيح شرزمة ظاهرة وواضحة لكن سيتبقى الاغلبية من الشعب المصرى متدينين
وتحياتى ليكى على شجاعتك الأدبية
وسلامى الى استاذ طارق
منك لله ياحنفي...
الهي يجيك ويحط عليك يا حنفي
ربنا ينتقم منك ياحنفي
الحمد لله ان حنفي مقلهمش اقلعوا حاجة تانية...اصل حنفي مفتري شويتين تلاتة
ههههههههه
فى بلدنا كل ما تقلعى كل ما الناس تحترمك
ولما يبقالك رأى وتدافعى عن الحجاب وتدافعى عن الطلبة بتوعك
تبقى صبأتى يا سماااااح
ورحمة بابا حسنى اللى محلفش بحياته كذب أبدااااا
شكلك صبأتى فعلا يا سماااح
ومن خلال معرفتى الوثيقة باللى كان ممكن يتعمل فيكى لو عرفو اسمك
بقولك ان الاوضة ام عناكيب وروائح كانت هتبقى حلمك وأمل حياتك
احمدى ربنا يا سماااااح
وحسبنا الله ونعم الوكيل فى حنفى والمشير جرجاوى ومدير السكركارية والعناكيب كمان
ملحوظة 1
الرقص فى رمضان لا يفطر وانما ينقص من الاجر فقط
من كتاب الحافى فى فقه المعاملات الرئاسية لفضيلة الشيخ ابو محمد الصلصاوى كبير مشايخ الفترة الانكسارية للعهد البائن
ملحوظه 2
المزز اللى بيتشالو اللى بتقولى عليهم دوول عمرهم مكانو من مصر يا عبلة
الزلمات طول عمرهم من لبنان وعلشان كده تحيا الديمقراطية اللبنانية ممثلة فى شعبها الحكيم
ملحوظة 3 ليس لها علاقة بالموضوع
يخرب بيتك يا حنفى هتشيل بلاوى فى الاخرة
وابقى سلملى عالعولمة
ساعتها العولمة اللى هتتعمل فيك هتبقى
اول وتانى وتالت
وجميع السرعات
:D
السلام عليكم
اقولك يا انجى على حاجه
همااااااااااااا من الاخر عاوزين مززز عششششششششششان الريسسسسسسسس
افهمى عاوزين وااااااااااااااااجهه
بما اننى اصنف تبعا لطائفة الـ" نتبهدل " .. احب ان انوه ( حلوة انوه دى ) .. ان البلد دى مش بتاعتنا غالبا
رائعة يا سمراء النيل
الحمد لله انه مقلش اللي مش هتقلع الحجاب هنقتلها
حسبي الله ونعم الوكيل في الظلمه .
شكرا ليكي طبعا علي الكلام الجميل بتاعك وعقبالك انتي وطارق وبلغيه سلامي وقوليلهاني انشاء الله هشوفه قريب جدا
هوه انا الف الف واروح واجى و احب واتبهدل و ارجع برضه الاقيكى زى مانتى لسانك برضه مفيش فايده فيه
بجد ليكى وحشه كبيره انتى و طارق و عايز اشوفكم قريب و اعرفكم على زوجة المستقبل اشمعنى انتوا يعنى
تحياتى ليكى و لسكرتاريه الريس
طويل العمر يطوول عمره...............هاى هى
و كما ن لحنفى الى بحب ارسله رساله واحده بس
وهى يخرب بيتك يا حنفى يخرب بيتك با حنفى
السلام عليكم ورحمة الله وبركاته
أسأل الله أن حضرتك تكونى بخير
ونسأل الله لنا ولك دوام الصحه والعافيه
وكل عام وأنتى بخير بمناسبه إقتراب عيد الأضحى المبارك
ونسأل الله أن يعيده علينا وعليكم بالخير والبركه
وأن يتقبل منا صيام يوم عرفه
وأن يرزقنا المغفره والنجاه من النار
ولكى كل تقدريرى وأحترامى
ونسأل الله أن يجعلنا من أهل الجنه
وييسر لنا أمورنا ويرزقنا النجاح والفلاح
مثل ما بيقول المثل
اللي بيده الملعقة مش بيجوع
هم عاوزين اللي بيصير شو نعمل
فعلا الله يستر بأي دول او اي عصر احنا عايشين
سلام
عييب عليكى داحنا فى بلد ديموقراطى ... طب احمدى ربنا ... اديكوا اترحمتوا من عذاب الكفار اللى كنتوا بتتعذبوه .... امال تقولى ايه بأة لما تعرفى اماكن التدريب و الشغل اللى بنتزحلق منها عشان الحجاب ... تحسى انه وصمة عار مثلا .... مش فاهمة المنطق ابدا فى معاداة الحجاب ...
ربنا على الظالم
المهم اننا عاجبنا نفسنا كدا و مش هنقلعه و ربنا يكرم
كل سنة وانتى طيبة يا جميلة
ان شاء الله هدعيلك فى يوم عرفات انتى و طارق و هدعيلك ربنا يبنيلك بيت فى الجنة و تسكنى عند ربنا ...
وحشتينى جدا والله ووحشتنى زيارتك لمدونتى
عيدكم مبارك
ملك المصرية
هههههههههههههه
لالالالالالالااحنا المدينة بتاعت القاهرة انضف من كدة
وبعدين سماح مش كدة خالص
لازم يبقى ف احترام للنسور و الدبابير و الغربان اللى ع كتف الراجل برضة
ومين قال انها اسلامية
الباشا نظيف قال من سنة ونص تقريبا ف شارم الشيييييييخ
ان مصر دولة علمانية
ايوة و النعمة علمانية
جتنا نيلة ف حظنا الهباب
ادعوله كمان ادعوله
....................
ودا انجليزى دا يامرسى؟؟
يعنى دا حصل فى الواقع المتقوقع اللى منقوعين فيه؟؟
ياحلاوتك يامصر وانتى بترقصى على واحدة ونص
ونكتفى بهذا القدر احسن شامة ريحة شياط
واضح ان دمى بيتحرق
ازيك انوج
كل سنة وانتى طيبة
معلشى بقى دة البلد وحالها
.
هنعمل اية
تحياتى
مسااااااااااء الخير الصبح
تحية طيبة وبعد
الأخت الغالية سمراء النيل
بعد الكلام إللى سمعتو منك دة بقولك الحمد لله على سلامة حضرتك
حاكم إنتى مش عارفة يا عين ماما إنتى كان ممكن يتعمل فى جنابك إيه ؟؟
مش هيرجعك فى بطن أمك
ياااااااااريت
ما علينا بقة
الحمد لله إنكو مرقصتوش
حاكم الرقص عيب
أخوكى عادى جدا
من مبنى الأى تى أى
أودى
الله يحرق حنفى و سنينه .. بس كنظره عامه .. اللى حصل ده طبيعى .. الحمار اللى كان عاوزكم تقلعوا الحجاب بيخدم الحمار اللى بيكره المحجبات .. و بما أن الحمار الأساسى طاغيه .. فالحمار اللى تبعه مرعوب منه .. و بما أن الحمار الأساسى حمار مش بيفهم .. فهو بيختار حمير مستحمرين جدا .. ماعندهمش قدره على التخيل .. فمش ممكن يتخيل أن طلبه ده ممكن يترفض .. مع أن الحمار ده بقى لو مراته ولا بنته اتحجبت هايدافع عنهم جدا و عن قيمهم .. لكن تقولى أيه بقى ؟ حمار
شرفتى مدونتى .. و مدونتك فعلا رائعه
يا خبر هيا وصلت لكده
ربنا يسترها معانا
وأحييكى على موقفك ده
وكل سنه وانتى طيبة
سمراء كاليل السهران وطلتها كطلةبنت السلطان سؤال لجنابك وبجد هو فية لسة بنى أدمين زيك فى البلد أذا كانت الاجابة نعم يبقى خير اللهم مأجعلة خير ,اذا كانت الاجابة لا يبقى كل سنة وانتىطيبة وبس خلاويص باى
This comment has been removed by the author.
بجد بجد
مفيش غير حسبنا الله ونعم الوكيل
بس البوست بيورينا الواقع المنيل للبلد الى خلاااااااااااااااااص
حسبنا الله ونعم الوكيل
عزيزتى
يا ستى ما لو عليهم يمنعوه بالقوة وحياتك انتى مش شايفه بقه الهجوم على الحجاب اكتر من الهجوم على البكينى ولانسيتى وزير الثقافه قال ايه وغيره كمان ولسه وزير تخيلى بقه لو كان هاجم اللى مش محجبات كانوا هيسبوه وزير على العموم خلاص مش بايدهم يوقفوا تيار التدين اللى جوانا بقه عايش
سلام يا افندم
انوج فينك
وحشتنى يا شيخة انا بكون فى الكلية عندك سبت واربعاء ابقى خلينى اشوفك يا قمر
وبعدين يا حبيبة قلبى ما حنا فى دولة علمانية بحتة
انتى مش شايفة رمز الدولة مراته بتكون لابسة ايه
المفروض دى رمز دولة إسلامية تكون بالزى الإسلامى الصحيح
يا ستى جت على كده كلها خربانة
كـل سنة وانتى طيبة وبالف خير وعافية يارب آمـــــين واعاده الله علينا وعلى الامة الاسلامية بالخير واليمن والبركات
كـل سنة وانتى طيبة وبالف خير وعافية يارب آمـــــين واعاده الله علينا وعلى الامة الاسلامية بالخير واليمن والبركات
جيت اقولك كل سنة وانت طيبة
ويارب يارب تكوني بخير وسعادة
لا تنس فقيراً او يتيماً او محتاجاً في هذا العيد..
لا تنس ان تبادري بالصلح مع من تخاصمين
لا تنس قريب او قريبة بزيارة في العيد
لا تنس كف مرفوع ولسان يستغفر وعين تدمع..مع الله في هذا العيد
تك كير
(:
عزيزتي سمراء النيل
كنت لسه بعلق عند سمبل جيرل لقيتك بتقولي ان اخت خطيبك جابت عمر قلت اجي اباركلها عندك
يمكن ماتكلمناش قبل كده بس احنا في النهايه بشر فحبيت اباركلك و عقبال الجواز انشاء الله و عيد سعيد ليكي و لكل الاسره و يارب ماكونش كنت متطفله علي البلوج المميز بتاعك
تحياتي ليكي عزيزتي
كل سنة وانت طيبة ياانجى
كل سنه وانتى طيبه يا انوج وكل عيد وانتى سعيده ويعيده ربنا عليكى بالخير
السلام عليكم
بوست جامد والله
معاكي حق .. اللي يدعي إن البلد دي بلد إسلاميه يبقى سفيه ياإما عايش في الوهم.
وعجبتني جداث المقارنه اللي في الصورتين اللي في الآخر دول.
كل سنه وانتي طيبه وبخير وسعاده
وأعاد الله عليكم العيد بكل خير وبركة.
كل سنه وانتى طيبه
يا قمر حزين مكبل بالهموم اتمنى ان ترحل عنه غيمه القيود
يارب يخليلك خطيبكوالسنه الجايه تكونوا مع بعض ان شاء الله
وكمان على عرفان باذن الله كلنا يارب
ايه يا بت دا
بئا مخدوش تربيه رياضيه عندكو واخدوا بتوع اسكندريه
ليه هو احنا غوازى يابت
ممممممممممم
فين ريا وسكينه ياخدوا بطارهم منك
ومنك لحنفى بئا طالما بتعكى فى حق البنات الاسكندرنيه
ههههههههههه
أجمدى يا بت وقولى اللى نفسك فيه عميده تربيه رياضيه اسكندريه د/ نانى بنت عم بابا ميهمكيش
هيا دلوقتى تقريبا مسكت تربيه نوعيه بس بردو لينا ظهر فى جامد فى جامعه اسكندريه
وكمان لينا معارف جامده فى امن الدوله
اى خدمه يا سماح
; )
كل عام وانتم بخير
اوعوا تتقلوا من لحم العيد
اللحم حسب الاسعار الحالية فيه سم قاتل
عيد سعيد
انظر حولك
د. خالد عزب
ومين الغبى اللى يرفض يشيل
السلام عليكم ورحمه الله
كل سنه وانتى با الف خير يارب
والسنه الجايه فى عرفات قولى امين
كنت لتفرج على برنامج امبارح على روتانا بتاع وفاء الكيلانى
وجايبة الواد المذيع اللبنانى بتاع لمن يجرؤ فقط
اللى كان فى ال lbc
و راح حتة تانية
يووووووووه
المهم يعنى خلاصة القول انه لبنانى
بتقوله انت موافق انهم يختاروا رئيس للبنان حتى لو كان مسلم
قالها ليه هما المسيحين خلصوا عشان يختاروا واحد مسيحى
المسيحية ليها طوائف كتير
و حاج على نظام احنا منقبلش
شوفتى الفرق :(
كل عام وانت بخير
عيد سعيد
ويجعلك ربي من عواده
كل سنه و أنتي طيبه
طب والله والله والله
برافو عليك يا سماح
ولو الريس مش عجبوا
يتفرج علي شو تايم قبل السحور
او يشرب من ترعة روتانا
الله يخرب بيتوا البعيد
83 سنة ولسه عاوز يبصبص للبنات
ويشهر بيهم قدام كلاب بلاد بره ان
بناتنا علمانيين وكلهم هالة شو
شوف المنيل علي عينو
أصل الريس ده ولامؤخذه باباه كان طول النهار في الغيط ومامتو يا كبدي محشورة في الزريبة بتنضف ورا البهايم
فمحدش كان منتبهلوا عشان يربيه
فطلع زي مانت شايفه كده...
وبعدين هو اتعود علي صفاء ابوالسعود تناغشو والحاجة ورده تقولوا بتونس بيك..!!
وزغرتي يا ماما سوزان...!!
السفالة للجميع..!!
(:
كل سنة وانت طيبة
يا اجدع مدونة في المجموعة الشمسية
تك كير
يا سماح!!
لا اله الا الله سبحانك اني كنت من الظالمين. دايما كده القرف موجود في البلد ومش هينصلح حلها ابدا واحييكي على موقفك وكلامك ومش هدعي على عم حنفي عشان معرفوش
سلام
هي دي مصر ياسمراء
لنا الله
بوست جرئ كالعادة
كل سنة وانتي طيبة
ومتشكر اوي علي تعليقك الجميل عندي بارك الله فيكي
تحياتي
عدد من سعى ولبى وطاف بالبيت
يعطيك ربى السعادة وكل ماتمنيت
وعيدك مبارك:)
عبووود
لا وحياتك دة من قبل كدة كمان
منورني وحمدالل علي سلامتك
____________________________________
مكسوفة
ههههههههههههه وانتي طيبة يا حبيبتي انتي اللي بجد وحشتيني
اسرااااء
اسكتي دة انا شايلة ومعبية
لا كنت مستنية الموضوع ينام عشان مش اروح في ابو نكله
:)))
____________________________________
خالد
ربنا يخليك يا خالد يارب
وبجد منورني
رفقة عمر
انا الحمد لله كويسة يا ماما
ههههههههههههههههههه
يا بنتي دة انا كنت في نعيم
اللهم امين يارب
بجد وحشاني
______________________________________
موجة
يا سدي قول الي عايز تقوله طارق برضه شايفني راجل
هههههههههههههههههههه
يا سدي عشان تعرف بس اني متواضعه ههههههه
منورني بجد
رحيل
صدقيني اي حتة تانية غير جامعه حلوان تبقي جنه
تحسي انا في تركيل مش في مصر
اعتقد اننا اللي مش من هنا
______________________________________
ادم المصري
هههههههههههههههههه
انت هتقولي عليه
دة واطي
مش انت
دة حنفي
هههههههههههههههههه
الهواري
في الدنيا اهو يا احمد
ادعيلي انت بس
_____________________________________
swing
معلش انا مش عارفة انت ولد ولا بنت
بس ربنا يخليك
وهي دي الجدعنه
ان الريس يتفقد حالنا
اتاريني مش كنت واخدة بالي
عندك حق ضيعت هلي نفسي حاجات كتير
هههههههههههه
منورني
نوفير
انا الحمد لله تمام يا محمد انت ايه اخبارك
تفتكر هعرف اعيش لو قصيته
______________________________________
اسكندراني اوي
انا عارفة ان كلامي ممكن يزعلك بس انا قلت اللي حصل فعلا
وفعلا مش شفت العرض عشان اقول هما قلعوا الحجاب ولا لا
بس المقصود بنات تربية رياضية اسكندرية
اسفة ان كنت ضايقتك
توتاااااااااااااا
وحشااااااااااااااااااااااني يا تواتا اوووووووووي
حمدالله علي سلامتك الاول
ههههههههههههههههههههه
طبعا لو عملها تبقي فضيحة يا تاوتا
لا الكباب كان هيبقي تقيل في السحور
ههههههههههه
هههههههههههههههههههه
تتبري مني يا توتا ماشي
وحشاني تاني كتير
___________________________________
اسلام
ومش بعيد يقلعوا حاجة تانية
بس عدت
المهم انت ايه اخبارك
احمد لصباغ
كل دول شرذمة
يا احمد دول مش مواطنين اقليه ليهم فكر لوحدهم وبس
دول حاكمين
يعني بيحكموا دولة وهي دي عنوانا ادام البشر كلها
زي بالظبط لما تكون انت حاكم بيت وبتأمر اهل بيتك بشئ مخالف
دول مش شرذمة يا احمد للاسف
يوصل ان شاء الله
______________________________________
بيسووو
هههههههههههههههه ايوة كدة اديني اكتر يا بيسوو
هههههههههههههه شوفتي بقي ان دة راجل واطي
هههههههههه
زورديك
ههههههههههههههههههههههه
معلش يا احمد بقي
سأعود الي ديانتي مرة اخري
سيدي يا سيدي علي الفتاوي
انت مكانك بقي مش هنا
انت المفروض تمسك حتة تانية
هههههههههههههههههههههه
وحشتني تعليقاتك يا واد
______________________________________
اسلام الحساني
وعليكم السلام ورحمة الله وبركاته
هههههههههههههههههههه
نظرية برضه
rain man
هههههههههههههههه
انت اللي رائع بجد
اديك جبتها من الاخر
منورن بجد
______________________________________
حلاوة
ان شاء الله يوصل
ومبروك مرة تانية
وربنا يجمعك بيها في الخير يارب
ويارب بقي عقباليييييييييي
ههههههههههه
ايلاري
ههههههههههههههههههه
تفتكر ممكن ابقي حد تاني لو لساني دة اتقصر
ان شاء الله هقول لطارق ونظبطها مع بعض
ومبروك ليك يا عم علي الحبيبة الجديدة
بجد فرحتلك اووووووووووي
ههههههههههههههه
يارب رسالتك توصل ليه يارب
_______________________________________
انونيوموس
وعليكم السلام ورحمة الله وبركاته
بجد شكرا جدا علي الكلام دة والدعوة دي
ايانا واياكم يارب
اللهم امين
ياسمينا
مش هتفرق يا ياسمسنا
دي سياسة عامة علي كل البلدان
سلام
_____________________________________
hend.feps
ديموقراطي اوووووووووووووي
انتي هتقوليلي
هههههههههههههه
دة كان في عذاب اكتر من دة بكتييييييييير
انا مجربة دة مش تقلقي
علي راي حسين فهمي
بيدل علي التخلف من وجهه نظرهم
عايزين يبينوا للناس ان هما اصحاب حضارة
وانتي طيبة يا قمرة
ربنا يكرمك يارب
وينولهالنا
ملك المصرية
وانتي كمان وحشتيني جدا
ايه يا ست ملك مش هنسمع خبر حلو ليكي قريب ولا لا
كل سنة وانتي طيبة
وهجيلك اهو ان شاء الله
______________________________________
كفراوي
هههههههههههههههههههههههه
قول والله قالها كدة
يا نهار ابوه اسود من وش حنفي
علي رايك جتنا نلة في حظنا الهباب
صرصارة
يخربيت ابوهههههههه
اي نعم يا سيدتي حصل بجد
ههههههههههههههههههه
سلامة دمك
خليه لحاجة تانية
______________________________________
تامر نبيل
ازيك انت يا تمور
علي رايك هنعمل ايه
كل سنة وانت طيب
اودي
صباح النور بليل
هههههههههههههههههه
الله يسلمك يا اودي
ههههههههههههههه
اخبارك ايه يا واد
_____________________________________
lastknight
ههههههههههههههههههه
حسيت بكمية حمير مش معقولة
ربنا يخليك يارب
انت اللي كلامك رائع ومدونتك اكتر م رائعه
بوس بوس
واكتر من كدة والله
وانتي طيبة يا بوسبوس
______________________________________
الحشري
انا مش عارفة طبعا هو في لسة زي في البلد ولا لا
بس في ناس كتيرة لسة ضميرها صاحي
وصاحبة موقف
وفي اي حال
وانت طيب
محمد عبد الغفار
وانت طيب يا محمد والاسرة كلها بخير يارب
_____________________________________
شيماء
الف مرة
حسبنا الله ونعم الوكيل
دةفعلا الواقع امنيل
احساس برضوا حي
علي رايك ماهما لو كانوا لسبوا بيكيني مش كان في حد قالهم تلت التلاتة كام
سلام يا حسام
____________________________________
سجدة
انا هنا يا سجدة
السبت بيبقي صعب
والاربع بيبقي عندي شغل يا سجدة
علي رايك ولا هو بيتصرف ازاي
خلاص مش في حاجة فارقة
خربانة
مش دي اسم اغنية برضه
ذو النون المصري
اخترت فابدعت
جعلها الله في ميزان حسناتك
اللهم امين
_____________________________________
اماني
وانتي طيبة يا اماني يارب
اللهم امين يارب
بيتنا القديم
وانت طيب يا سمسم يارب
اي ويل تيك كير
:))
____________________________________
اجندا حمرا
ربنا يخليكي يارب
يارب
يا حبيبة قلبي انتي تنوري في اي وقت
المدونة مدونتك
وبجد منوراني اوي
كفراوي
وانت طيب يا كفراوي
_______________________________
tota_fm
وانتي طيبة يا حبيبة قلبي يارب
انا واني اجمعين
علاء سالم
وعليكم السلام ورحمة الله وبركاته
ازيك يا علاء
بجد وحشتني تعلقياتك جدا
وانتي طيب وبالصحة والسلامة يارب
______________________________________
همس الليل
وانتي طيبة يا نورا يارب
ربنا يخليكي يليا يارب
يارب كلنا مع بعض يارب
همس الليل تاني
ههههههههههههههههههه
واله دة اللي حصل وبجد مش شفت العرض عشان اقةل ان كانوا بشعرهم ولا خلوهم لابسين الحجاب
ههههههههههههه
بجد اجدع بنات شوفتها بنات اسكمدرية
كفاية ان اني منهم
هههههههه
يعني اخش زي مانا عايزة في اي حد
اعتمادا ان ليا ضهر يعني
هههههههههههههههههه
_______________________________________
دكتارة
ههههههههههههههههههه
انا عن نفسي مش بحب اللحمة اوي
بحب الفراخ
وانت طيب يا جميل
القمحاوي
هههههههههههههههههه
طفس
_______________________________________
رينا
وعليكم السلام ورحمة الله وبركاته
وانتي بالف خير وصحة يارب
يارب يتقبل منك
كلنا ان شاء الله
امين
بريك
شفت يا اختي وياريتيني ما شفت
بس دول لبنان بقي
_____________________________________
ياسمينا
وانتي الف خير وصحة يارب
مايكل
وانت طيب يا مايكل يارب
اخبارك ايه يا واد
_____________________________________
بيتنا القديم
هههههههههههههههههههههه
هو لو كان لاقي حد يربيه كان زمانه طلع اي حاجة تاينة غير انه يكون ريس
وانت طيب يا سمسم يارب
اخبارك انت ايه بجد
يا عم سماح دة الاسم الحركي
:))
يحي
يعني كل الناس اللي معلقة عنديدي مش تعرف مين حنفي
بس بيدعوا عليه
ادعي انت بس ومش تخاف
دة يستاهل الحرق ياراجل
منورني
______________________________________
سندباد
وانت طيب يا سندابد يارب
بجد تعليي عندك حسي بكلامه اوي
انت تستاهل كل خير
ربنا يكرمك يارب
____________________________________
صرصارة
دي رساله موبيل دي يا صرصارةولا ايه
هههههههههههههه
امين
كل سنة وانتي طيبه ياجيجي
ويارب يكون عيد سعيد عليكي
(:
عملت التاج يا انوووج
واى خدمه يا جميل
لا حول ولا قوه ألا بالله
الحمدالله على ثباتك يا أنوج
ربنا يسترك زى ما سترتيهم من الطغيان
أنتى فكرتنى بالفرعون الأله
برنا يبعتله موسى قريب جدا أن شاء الله
يا لـــــــــــــــــــــــهوي
مش كفايه رقص في رمضان
وكمان يقلعوا الحجاب
طيب هو لا مؤاخذه يعني الباشا محروم من المزز والمغنيات العرب والمصريين اللي بيغنوله ويقلعلوه اللي هو عايزه
كمان عايز بناتنا تقلع
حسبي الله ونعم الوكيل
اما عن المزز اللي في الصور فدي بلاد مستعدين يقلعوا في اي وقت مش علشان مزز ولا حاجه
وعدم اللامؤاخذه يعني احنا برده عندنا احلى مزز
انتي مرحتيش شبرا ولا صيفتي في اسكندريه قبل كده ولا ايه
كل سنه وانتي طيبه يا ابله
سلااااااااااااااااااااام
Hello, smraa.
Very good posting, thank you.
I wish you a good end of 2007 and a good year of 2008.
انجى
ازيك الأول ايه اخبارك
أنا بحب مدونتك جدا وباجى هنا كتير بس يمكن أول مرة احط تعليق
تعرفى؟
انا بابا عميد فى الجيش ولما كان فى الخدمة قبل ما يطلع معاش كنا لما نيجى نجدد الكارنيهات بتاعتنا بتاعة النوادى بنضطر نحط فيها صور من غير حجاب ومرة بابا وهو بيجدد الكارنيه بتاعى كان واخد صورة بحجاب فقالو له لا يا افندم متنفعش لازم ما تكونش بحجاب ولما سأ ليه قالو لو دى التعليمات يا افندم
شايفة الهنا اللى بقينا فيه
عمار يا مصر
اولا :دمك زى العسل
ثانيا: اسلوبك القصصى رائع
ثالثا :افضل الجهاد كلمة حق عند سلطان جائر -حديث شريف
وده اللى انتى عملتيه فى الموقف ده
فربنا يتقبل منك حفاظك على حدود ربنا
رابعا: بسعد جدا والله لما بدخل مدونتك ومش عارفة ليه
خامسا : اتمنى بصدق انك تشرفينى فى مدونتى
سادسا : هى تحياتى
شيماء
دي عملية انتحارية يا إنجي.. بس الصراحة الجو كله كان يزهق في رمضان.. ومدينة جامعية.. احسن جات منهم، هو الراجل طلب طلب غبي جدا، وبعدين كان أسهلهم يكتروا من بتوع كنتاكي معهد الباليه
:D
اكتر حاجة عجبتني لما وقفتي في وشه وماهمكيش
فل عليكي
والله انا كنت هزعل اوى لو كنتو رقصتو ومحدش عزمنى او قالى معاد الحفله ايه علشان اتفرج .بردو انتو بصراحه احسن من بتوع كنتاكى قصدى الباليه دول عيال ناشفه.اوعو حد يفهمنى صح.!
بس انا فى حاجه محيرانى مش المفروض ده عرض علشان احتفلات 6اكتوبر طيب ايه لازمتها بنات ترقص .ولا دول علشان اللفيف.
يعنى المفروض الصاعقه وكده تشوف الكلام ده .
ياله بقى مش مهم .احسن حاجه تعمل نفسك عبيط او تايه
تـــــــــــــايـــه!!
والله انا كنت هزعل اوى لو كنتو رقصتو ومحدش عزمنى او قالى معاد الحفله ايه علشان اتفرج .بردو انتو بصراحه احسن من بتوع كنتاكى قصدى الباليه دول عيال ناشفه.اوعو حد يفهمنى صح.!
بس انا فى حاجه محيرانى مش المفروض ده عرض علشان احتفلات 6اكتوبر طيب ايه لازمتها بنات ترقص .ولا دول علشان اللفيف.
يعنى المفروض الصاعقه وكده تشوف الكلام ده .
ياله بقى مش مهم .احسن حاجه تعمل نفسك عبيط او تايه
أعجبنى هذا البوست جدا جدا والمدونة عامة ، تحياتى لشخصك ولمدونتك الرائعة
أنا دخلت هنا قدرا ... كنت بدور على حاجة وشفت البوست بس بجد ... تحفة
اطمنت على بناتنا طول ما في ناس زيك معاهم ..
صح كدة ... انتي عارفة قيمة نفسك وقيمة بناتك وقيمة البنت المسلمة ... مش للبيع .. مش للإيجار
ولا حتى للفرجة ببلاش
ربنا يكرمك موقف جمييل منك بجد
تقبلي تحياتي العطرة المفعمة بالحترام
yeezy 700
kyrie irving shoes
supreme clothing
golden goose francy
off white t shirt
hermes outlet
supreme clothing
yeezy 500 blush
goyard bag
golden goose sneaker
Post a Comment
<< Home