Wednesday, November 14, 2007

يا نجاتي انفخ البلالين عشان عيد الميلاد

يا نجاتي انفخ البلالين عشان عيد الميلاد

دة مش عيد ميلاد واحد دول اتنين
يعني اتنين في واحد برت بلاس

فاتت سنة كاملة علي مدونتي

صرخت فيها كتير
وبكيت عليها اكتر
وضحكت عليها اكتر واكتر
والاهم من دة اني حبيت فيها برده

فاتت سنة علي مدونتي اللي فيها اتعرفت علي ناس مش هقدر اقول اي شئ عنهم سوي انهم ملايكة بجد
سنة علي بنتي الصغنونة
اللي بتكبر ادامي
بكرة مدونتي هتم السنة بالظبط
يا مدونتي انا بحبك اوووووووووووي

وكل سنة وانتي معايا وموجودة

مش تزعلي مني اني كنت هحرمك مني وهحرمني منك
اصلي عيلة اوووووووووي

بكرة ان شاء الله الموافق 15/11

عيد ميلادي انا كمان
هتم 26 سنة

احساس غريب اني بكبر اوي

واني فاضلي 4 سنين وابقي علي مشارف التلاتين
يامين يعيش
26 سنةهتمهم
مش مصدقة بس احساس غبي وغريب
بحاول اتاقلم عليه من فترة
حاسة اني مش هقدر اكون عيلة من تاني ولا اني اكل مصاصة زي ما كنت بعمل علي طول
زي فكرة جوازي برضه
اللي لحد دلوقتي مش متخيلة اني هبقي زوجة ان شاء الله
احيانا بحس اني لسة عيلة اوي وصغيرة
بس علي راي امي
صغيرة ازاي وانتي شحطة كدة
المهم بقول لمدونتي كل سنة وانتي طيبة

وبقول ليا كل سنة وانا عيلة
وبقول لطارق كل سنة وانت معايا
وبقول لكم كل سنة وانتو معانا علي طول وانا بحبكم

الي تحت دي تورت عيد الميلاد
اوعو تحفوا بقي
خليكم رشيقين
عشان مش تتخنوا

طارق انا مخليا التورتة اللي بالشيكولاته لينا احنا






ومش عايزة اقولكم بقي ان الهدية هتبقي مضروبة في اتنين
مرة ليا ومرة لمدونتي

هتقولولي هنديهالك ازاي
بسيطة

يوم الجمعه الجاية ان شاء الله

في حفلة لعلي الالفي مع فرقة ايامنا الحلوة في ساقية الصاوي
الساعه 7 ونص

نيجي كلنا ونحتفل هناك ونسمع احلي صوت سمعته
صوت علي
ربنا يوفقك يا علي

Labels:

65 Comments:

Blogger واحد مش فاهم حاجة said...

احجز مكان يا نجاتى

Wed Nov 14, 07:38:00 PM GMT+2  
Blogger واحد مش فاهم حاجة said...

عيد ميلاد سعيد يا اجدع سمراء شربت من مياة النيل

وعيد ميلاد سعيد لاخف مدونة على الشبكة العنكبوتية كلها

وعقبال كدة لما ابقى قاعد انا والمدام والعيال سنة 3007

بنقرا فى مدونتك
ومستنين البوست الجديد

ان شاء الله

Wed Nov 14, 07:41:00 PM GMT+2  
Blogger smraa alnil said...

واحد مش فاهم حاجة


ههههههههههههه
هو نجاتي فاضيلك عشان يحجز
دة بينفخ البلالين

ربنا يخليك يارب
بس مش شيف ان 3007 دي وسعت منك شوية

كل سنة وانت طيب
فين الهدية ياعم الحاج

Wed Nov 14, 07:54:00 PM GMT+2  
Blogger مـحـمـد مـفـيـد said...

العزيزه انجي
كل سنه وانتي طيبه وبخير وتالق وابداع
بجد من المدونات التي بجد بستمتع بها
من ابداع الي ابداع وتقدم
كل سنه وانتي طيبه

Wed Nov 14, 08:29:00 PM GMT+2  
Blogger مـحـمـد مـفـيـد said...

العزيزه انجي
كل سنه وانتي طيبه وبخير وتالق وابداع
بجد من المدونات التي بجد بستمتع بها
من ابداع الي ابداع وتقدم
كل سنه وانتي طيبه

Wed Nov 14, 08:29:00 PM GMT+2  
Blogger سهر الليالى said...

كل سنه وانتى وطارق والمدونه كمان طيبين
وعيد ميلاد سعيد .وحشانى والله يا سمراء :)تحياتى

Wed Nov 14, 08:30:00 PM GMT+2  
Blogger smraa alnil said...

العزيز محمد مفيد

بجد اخلجتني
واعذرني عيل تقصيري

بس ان شاء الله هرجع من تاني

دي شهادة بجد بتخليني فخورة اوي
ويشرفني ان مدونتي تكون من المدونات اللي بتشدك

وانت طيب يارب

________________________________


سهر الليالي

وانيت طيبة يا قمري

وانتي كمان وحشاني اوي
كلكم واحشني اوووووووووي

Wed Nov 14, 08:35:00 PM GMT+2  
Blogger Meekness !!! said...

سمراء

اهلا بعودتك يا قمر
بجد كنتي قلقتيني عليكي
و كل سنه و انتي طيبه
و مدونتك بخير يا ىرب


زيزي

Wed Nov 14, 09:03:00 PM GMT+2  
Blogger mohand said...

السلام عليكم

حمدلله علي سلامتك

انا قولت انك خرج ولم يعد

كل سنه وانتي طيبه

كنت حارمك انا من تعليقاتي المثمره
هههههههههههههههه

وكل سنه ومدونتك بخير
عقبالي يا رب
هانت كلها يا دوب كام شهر

بس انتي طلعتي اصغر مني

يالا مش مهم


عموما انا مش من سكان القاهره الحمد لله

اترحمت من الهديه

تحياتي
ومنتظرين بوستات بجد

Wed Nov 14, 09:11:00 PM GMT+2  
Blogger esraa said...

كل سنة اونتي وهي طيبين

ويارب ياسمراء عقبال 100000000 سنة

وتعيشيهم سعيده مع طارق يارب

ومن اولها كده محطتيش تورة الشيكولاته

بس ولا يهمك ياستي احنا راضين

كل سنة وانتي طيبه ومعنا ومع طارق طبعا

Wed Nov 14, 10:05:00 PM GMT+2  
Blogger رفقة عمر said...

كل سنه ومدونتك بالف خير
ويارب دايما فى نجاح وسعيدة على طووووووووووووووووووووووووووووووول

Wed Nov 14, 10:32:00 PM GMT+2  
Blogger Reemo said...

كل سنه وانتى طيبه يا نوجا
وعقبال مليون سنه وانتى بتكبرى وبتحلوى وزى القمر على طول
وعقبال مئه سنه تدوين ان شاء الله

انتى وحشانى أكتر يا قمر
معلش انى قافله التعليقات شويه
وحشانى كتير
يارب تكونى بخير
خلى بالك من نفسك
(K)

Wed Nov 14, 10:56:00 PM GMT+2  
Blogger إنـســـانـة said...

روحى

كل سنة وانتى بألف خير انتى ومدونتك اللى حبناها اوى وحبناكى اكتر منها بخير

وكل سنةوانتى دايما معانا وكل سنة وانتى مع طارق وفرحانة وسعيدة

ويارب السنة الجاية تيجى تعملى عيد ميلادك انتى وطارق وابنكوا ان شاء الله وعيد جوازكوا كمان

:D

وحشانى اوى ياوحشة

Wed Nov 14, 11:06:00 PM GMT+2  
Blogger Ahmed Al-Sabbagh said...

الاخ العزيز نجاتى
ههههه
بليز تشوفنى ببلونتين

اما الاخت العزيزة انجى
فكل سنة وانتى طيبة حاف من غير هدايا
هههههههههههههه

بس هديكى دعوة حلوة الا وهى
عقبال خمسميت سنة
بس مش هقولك بالنسبة ليكى ولا بالنسبة للمدونة
هههههههه

Wed Nov 14, 11:09:00 PM GMT+2  
Blogger zordeak said...

كل سنة وانتى طيبة يا انووج

كل سنة واحنا طيبين

عيد ميلاد سعيد ليكى ان شاء الله

وعيد ميلاد سعيد لمدونتك الجميلة

وحشانى والله يا بت

وحشانى بجد يعنى

لا صحيح صحيح يعنى

وحشانى

كل سنة وانتى وطارق بخيير

ومن غير منغصات الحياة التقليدية

ربنا يبعدكو عنها

ويبعد كل المشاكل عنكم

ويخليكو لبعض

ويخليكو لينا

وحشاااانى يا بت

:D

Wed Nov 14, 11:24:00 PM GMT+2  
Blogger اسكندراني اوي said...

كل سنه وانتي طيبه مرتين
مره للمدونه
ومره ليكي

اوعي احساس الكبر ده يتسلل ليكي
26 سنه مش كبيره

طالما الروح شابه ومش حقول عيله
هههههههههههههههه

طالما الروح شابه حتفضلي طول عمرك شابه


اما الهديه بقى

دعوتين

ربنا يجعل مدونتك عامره بكتاباتك

وربنا يسعد سنينك وايامك

تحياتي

Wed Nov 14, 11:29:00 PM GMT+2  
Blogger أميرة ويلز said...

انوووج يابرج العقرب ياجامد

كل سنة وانتى طيبة ياحبيبتى تصورى بقى ان مدونتى سنها اكبر من مدونتك بشهر

بس مدونتى اتمسحت واتعملت تانى

بس انا مااتخيلتش ان بقالك سنة بس بتدونى لانك مجتهدة اوى ياانوج ماشاء الله ربنا يوفقك
ويسعدك
بقولك ايه انا مش هعرف اجى الحفلة ابعتيلى التورتة على البيت ابعتلك الهدية على طول :D

والله وحشااااااااااانى جدا ياانجى

ماتتصوريش فرحت اد ايه بردك فى مدونتى يارب اشوفك دايما زى زمان كدة

سلاماتى

Thu Nov 15, 12:39:00 AM GMT+2  
Blogger ساعه الغروب said...

كل سنه وانتى طيبه يا انوج وربنا يديمك ليا اخت بجد

وسورى بس بجد ما كنتش اعرف انه عيد ميلاد مدونتك كمان
فسورى وعديهالى دى

ربنا يسعدك ويكتب لك كل ما فيه الخير ليكى انتى وطارق

ربنا يخليكو لبعض

بحبك اوى

Thu Nov 15, 12:40:00 AM GMT+2  
Blogger ody911 said...

كل سنه وإنتى طيبة دة أولا


كل سنه ومدونتك طيبة دة ثانيا

كل سنه و إنتو طيبين دة ثالثا

كل سنه والناس طيبة

كل سنه وإللى ماشى هناك دهوة طيب

كل سنه والعالم أجمع بخير

وسلم عااااااااالاى سلم عالى لما جبلنى وسلم عالى يا سلام يا سلام سلم عالى


أنا عاوز من التورتة إللى تحت ماشى


حنفى


مفيش حنفى

لولولوولولولولوللى

Thu Nov 15, 12:57:00 AM GMT+2  
Blogger Che The Sad said...

كل سنة وانتى طيبة
وكل سنة ومدونتك مليانو بوستات فرح وحب وسعادة
كل سنة وانتى وطارق مع بعض
كل سنة والفرحة مالية قلبكوا
عايز اشوف قريب بوست عن شهر العسل
:D

خالص تحياتى وامنياتى
تشي

Thu Nov 15, 01:25:00 AM GMT+2  
Blogger الديليكون said...

كل سنة وانتِ طيبة يا ستي
والحمد لله ان المشاكل دي كلها عدت الحمد لله
وكل سنة ومدونتك بخير وسعادة
بس بقالك سنة بس دا انا في التدوين من قبلك بقي
هههههههه
ربنا يكرمك ان شاء الله
هحاول احضر يوم الجمعة

تحياتي
محمد

Thu Nov 15, 02:20:00 AM GMT+2  
Blogger فى القلب said...

ألف الف الف مبروك يا جميله و عقبال من نخش نبارك فى السنه العشره للمدونه و انتى بتشكلنا من وجع دماغ العيال و الدكاتره و المدارس و ووووو


و كل لحظه فى عمرك يا قمر و أنت طيب

و عقبال من نبارك و ناكل من تورته الليله الكبيره

Thu Nov 15, 06:24:00 AM GMT+2  
Blogger كفراوى said...

انجى

كل سنة و انتى طيبة

كل سنة و انتى مع طارق

كل سنة و مدونتك بتكبر


كل سنة و انت بالف سلامة و خير

Thu Nov 15, 06:43:00 AM GMT+2  
Blogger عبدالله said...

كل سنه و انتي طيبه يا انجي
والسنه الي جايه ان شاء الله تكوني حققتي كل الي بتحلمي بيه

وكل سنه وانتي طيبه يا بلوج
:)
والحفله بقي ابقي حطي شويه صور للبشر الي مش هتقدر تيجي تتفرج علي الاقل
:)))))))))))

تحياتي

Thu Nov 15, 10:13:00 AM GMT+2  
Blogger ra7eel said...

كل سنه وانتى طيبه ياانوج
ومدونتك بخير
ويارب تفضلى معانا على طول
ويهنيكى انتى وطارق يارب
وطبعا مش تنسبى تعزيمينا على الفرح

يلا حالا بالا بالا حيوا ابو الفصد هيكون عيد ميلاده الليله اسعد الاعياد
فليحيا ابو الفصاد
هيييييييييييييييه
انا قولت اغنيلك الوقتى عشان مش هعرف اجى

تحياتى ليكى

Thu Nov 15, 10:38:00 AM GMT+2  
Anonymous Anonymous said...

كل سنه وانتى طيبه ياقمر وربنا يسعدك يارب السنه الجايه نقولهالك وانتى مع طارق فى بيتكم ربنا يسعدكم ويخليكم لبعض .... وبعدين نصيحه ماتقلقيش حتى فى عمر التلاتين وحتى بعد التلاتين كلى مصاصه زى مانتى عايزه عادى هههههه.... كل سنه وانتى سعيده .....سلمى

Thu Nov 15, 10:51:00 AM GMT+2  
Blogger The Alien said...

كل سنة وإنتي طيبة ياجميل
وعقبال 100 سنة
أشوفك إنتي وطارق يوم الجمعة أكيد

تحياتي

Thu Nov 15, 11:39:00 AM GMT+2  
Blogger خمسة فضفضة said...

السلام عليكم ورحمة الله وبركاته

سنة حلوه يا جمييييل ...سنة حلوه يا جمييييييييييييل ....سنة حلوه يا انووووووج.... سنه حلوه يا جميييييييييل


كل سنة وانت طيبه يا قمر وكل سنه وانت منوره البلوج سبوت بتدويناتك الجميله

اختاري الهديه اللي انت عاوزاها ابعتهالك دليفيري

Thu Nov 15, 12:18:00 PM GMT+2  
Anonymous قلوب حائرة said...

كل سنة وانتي سعيدة كل سنة وانتي طفلة مدللة كل سنة وانتي عاشقة كل سنة وانتي حبيبة كل سنة وانتي منورة مشرقة كل سنة وانتي انوجا الجميلة بقالي كتير نفسي اتعرف على القمر بس القمر بينله ملهوش نفس كان نفسي قوي احضر الحفلة بس الوقت مش مناسب سلاميليكي ولطارق ولكل الي هتشفيهم في الحفلة

Thu Nov 15, 01:05:00 PM GMT+2  
Blogger ابو مفراح said...

كل سنه و انتى بالف صحه و سلامه
و كل عام و انتم الى الله اقرب و على طاعته ادوم
تحياتى اليك
ابو مفراح

Thu Nov 15, 02:29:00 PM GMT+2  
Blogger goodman said...

كل سنة وانت طيبة
وكل سنة والمدونة طيبة

Thu Nov 15, 03:52:00 PM GMT+2  
Blogger e7na said...

كل سنه وانت طيبه


مرتييييين

Thu Nov 15, 04:46:00 PM GMT+2  
Blogger كراكيب عادل said...

كل سنة وانتي طيبة

ومدونتك طيبة

Thu Nov 15, 06:23:00 PM GMT+2  
Blogger ذكريات said...

هوا نجاتى بقالوا كم سنه بينفخ بلالين
المهم كل سنه وحضرتك طيبة وعقبال 100 سنة حياة سعيدة وعقبال 100 سنة تدوين

Thu Nov 15, 07:05:00 PM GMT+2  
Blogger shayma said...

كل سنه وانتى طيبه يا انووووووووووووج
وعقبال 100 سنه انشاءالله
اخيرا يا انوج مبسوطالك جدا
وعودن احمدن
:)))))))))))))))))
بوسيلى نفسك بقى

Thu Nov 15, 09:09:00 PM GMT+2  
Blogger أحمد عيسي said...

كل سنة وانتي طيبة ومدونتك كمان بالف خير
واعملي حسابي بقي في الحتة اللي ع الوش اللي فيها الشيكولاته

Fri Nov 16, 12:51:00 AM GMT+2  
Blogger شيمـــــاء said...

تحبى اجيبلك ايه
بقى ؟

Fri Nov 16, 02:00:00 PM GMT+2  
Blogger فوكيره said...

انووجه

كل سنـه وانتى طيبه

يا صحبتى

عارفه رغم انى شفتك مره واحده بس

و يمكن كلمتك مره واحده بس ...

بس و الله يا انجى بحس اننا اصحاب

واصحاب اووى كمان

انا مش عارفه اقولك انتى وحشتينى قد ايه ... بجد ي انجى وحشتيينى اوووى

كـل شويه اقول لما اشوف انجى تانى ... حقولها تعالى في حضنى ...

ربنا يبارك لينا في عمرك ...

ويبارك في صفحات المدونه ... ويجعل كل حاجه في الدنيت بالخير عليكى

وربنا يكملك على خير انتى وطـارق ياا رب

يا احلى انووج على كوكب الارض والكواكب المجاوره

وحشتيينى

:)

Fri Nov 16, 02:42:00 PM GMT+2  
Blogger islamz said...

اولا الف حمدلله على السلامة يا انوووج
بجد وحشتيييييننيييي جدا
وكل سنة وانت بالف خير وسعادة يا اطيب انجى فى الدنيا .. ربنا يقويكى يا انجى ويوفقك فى حياتك .. ويخليكى انتى وطارق لبعض يا رب ... مرة تانية حمد لله على السلامة
ومتغيبيش تانى كده بجد وحشتينا :]

Fri Nov 16, 02:42:00 PM GMT+2  
Blogger bos bos said...

كل سنه وانتى طيبة ومدونتك كمان طيبة
ويارب تعيشى مع مدونتك ميت سنه

كل سنه وانتى بخير

تخياتى لكى

Fri Nov 16, 03:13:00 PM GMT+2  
Blogger حواديت وحكاوي said...

كل سنه وانتي طيبه
وعقبال لما يبقي عندك اممممممم
25 سنه
ومدمونتك تكبر تكبر تكبر
لحد ما تنفجر من البوستات
طبعا ده هايحصل لما مصر تروح كاس عالم
كل سنه وانتي طيبه انتي والمدونه
وياريت ترجعيلنا بقه
وبلاش حاله النكد الي كنت عايشاه فيها

Fri Nov 16, 06:44:00 PM GMT+2  
Blogger youma said...

كل سنة وانتي طيبة ياقمر
قلقتينا عليكي
بجد
خودي بالك من نفسك
يارب نشوف ولاد ولادك يارب
وتجيبي مدونات صغنتوتات كدا زي دي وتكبريهم ..

Sat Nov 17, 11:01:00 AM GMT+2  
Blogger الشنكوتي الكبير said...

هابي بيرز داي تو يو
هابي بيرز تو يو تو

هابي بيرز للأتنين

يالا حالا بالا يالا هنوا ابو الفصاد هيكون عيد ميلاده الليله اسعد الأعياد
متحيوا ابو الفصاد

وانا اخوكي اللي مش غراب بقولك كل سنه وانتي طيبه

بس يعني مكانش في داعي تقعدي تمدحي فيه وتقولي ملايكه انا عارف انا اصلا تحفه وفظيع خالص والناس كلها بتموت فيا بس هاعمل ايه بقى

عموما يا ستي ربنا يوفقك ويسعدك انتي وطارق

وبعدين تاخدي التورته اللي بالشيكولاته لوحدكم ليه كفايه عليكم الحب سيبيلنا احنا التورته


تحياتي سلاااااااااااااااام
عقبال عيد جوازك

Sat Nov 17, 11:04:00 AM GMT+2  
Blogger kaed said...

انوج كل سنة وإنت طيبة
وعقبال ما تتمى 25 السنة اللى جاية إن شاء اللة
علشان إنت عارفة البنات بتصغر مش بتكبر بعد 26

Sat Nov 17, 01:28:00 PM GMT+2  
Blogger Tamer Nabil said...

السلام عليكم

اهلا اهلا اهلا انوووووووووووووووووج

مرحبا بعودتك

عاملة اية

كل سنة وانتى طيبة

ربنا يوفقك ويكرمك انوووووووووج

تحياتى

Sat Nov 17, 06:40:00 PM GMT+2  
Blogger مُزمُز said...

طيب كل سنة وانتي طيبة

على المدونة

وعلى الستة وعشرين سنة

أنا ملاحظ إن كتير من المدونين بيحتفلوا بأعياد ميلاد مدوناتهم الأيام دي وأنا كمان منهم

ده تقريبا لأن الوقت ده كان فيه فعلا بداية قوية للإقبال على التدوين

عموما كل سنة وانتي طيبة كمان مرة

وعاش من شافك يا جميل

ومبتسأليش عننا خالص مالص

وحمدالله عالسلامة من الاكتئاب بتاع البوس اللي قبل اللي فات

وباي بااااااااااااي

Sat Nov 17, 08:52:00 PM GMT+2  
Blogger BaTresYa said...

كل سنه وانتي طيبه وكل سنه وانتي احسن من السنه اللي قبلها 26 مش كبيره لسه شباب ....مش تبصي انكـ قربتي على ال30 بصي إنك لسه في ال20

(f)

Sat Nov 17, 09:22:00 PM GMT+2  
Blogger safa7_karmooz said...

كل سنة وانتى طيبة

معلش جت متأخرة كتير

انهى جمعه بقى اللى قصدك عليها

الجمعه دى اللى فاتت ولا لسه اللى هتيجى؟؟؟

Sun Nov 18, 12:28:00 AM GMT+2  
Blogger simple girl.. ..simple dream said...

كل سنة وانت ومدونتك طيبين
انا اول مرة اجى عندك بس التعليق اللى انت سايباه عندى بجد كان تحفة
انت على فكرة اسلوبك جامد مووووت

ويا بنتى خليكى عييلة ولا يهمك
ماحدش واخد منها حاجة احنا يعنى هنعيش كام مرة
وانا اوعدك يا ستى انى لو شفتك هاجيبلك مصاصة
ولا يكون فى نفسك حاجة

Sun Nov 18, 03:13:00 AM GMT+2  
Blogger Big Code said...

كل سنة وانتوا طيبين انتي وبنتك
احساس غريب فعلا لما تلاقي نفسك بتكبري سنة كدة فجأة
انا باستغرب كل سنة
خاصة في سن العشرينات اللي ماسكين فيه بايدينا واسناننا

مش عارف فيه تورتة باقية في التلاجة لي ولا لأ
مش مشكلة السنة الجاية ان شاء الله هاجي بدري

Sun Nov 18, 11:35:00 AM GMT+2  
Blogger Amr Ahmed said...

كل سنة وانتي طيبة يا انووووووووووووووووج

عقبال مليون سنة

Sun Nov 18, 02:43:00 PM GMT+2  
Blogger اسكندراني في الغربة said...

كل سنة وإنت طيبة
وعيد ميلاد سعيد
هي اكيد التورتة اتنسفت بس معلش اكني شفتها
وعقبال 25644585535566933365 يوم

Sun Nov 18, 04:26:00 PM GMT+2  
Blogger Innocent said...

كل سنة وانت طيبة
اتمنالك ايام مديدة سعيدة

Sun Nov 18, 06:15:00 PM GMT+2  
Anonymous cinderella said...

والله انتي زي السكر
كل سنه انتى ومدونتك وطارق
والعيله كلها بخير
وعقبال 100 مليون سنه يا قمر

Mon Nov 19, 02:30:00 AM GMT+2  
Blogger MAKSOFA said...

ضحكتيني بعد مادخلت مدونه ابن ناصر وجبهه التهييس الشعبيه رفعوا لي ضغطي من الهم اللي فيهم ، لكن دلوقتي ضحكت علي نجاتي ونفخه للبالونات كل سنه وانت طيبه ومدونتك طيبه برضه
=====================
وحشتيني

Mon Nov 19, 06:38:00 AM GMT+2  
Blogger Epitaph said...

متاخرة بس معلهش

كل سنة وانتي و المدونة بخير

و كل سنة وانتي يا انوج طايرة و معاكي الفرحة

:)

Mon Nov 19, 03:53:00 PM GMT+2  
Blogger The Groom said...


حمدالله على السلامة

وكل عام وانت وطارق والمدونة بخير

والله هديتكم عندي بس لما انزل مصر ان شاء الله

طمنينا عليكم دايما ويارب يا رب يديم عليكم الفرحة رغم كل احزان الدنيا فالفرحة اقوى منها

بارك الله لكما وبارك عليكما وجمع بينكما في خير

:)

حبيت أسلم بس وحمدالله على السلامة

تحياتي من ماناساس البلد

Mon Nov 19, 06:11:00 PM GMT+2  
Blogger OMA said...

a7la ta7ya le2a7la samraa
begad far7anaaalk awyyy
kol sana w enty tayeba w gamda keda w 2amora w far7aana
w kol sana w enty m3ana fe eltadwin w madontk mn agml el madonat elly b7bha
azon an el2awan b2a eny a3rfk bgd...3ayza aklmk w 3ayza ashooofk
kol sana w enty agml samraa fe edonyaaa :)

Mon Nov 19, 09:59:00 PM GMT+2  
Blogger safa7_karmooz said...

هى هى هى هى

طلعت الجمعه اللى فاتت ..:(

Tue Nov 20, 11:30:00 AM GMT+2  
Blogger esraa said...

انا مررتلك تاج يانجي (:

Tue Nov 20, 11:00:00 PM GMT+2  
Blogger Halawa said...

سنة حلوة ليكي وليها

الحمد لله انك بخير

وربنا يديم عليكي الفرح والسعادة


يا انسانة نظيفة


تحياتي

Wed Nov 21, 04:24:00 AM GMT+2  
Blogger عمر افندى و ابوه said...


انا و انتى القدر جمعنا على غير ميعاد فى المكان ده و باللون الاحمر اللى بيعبر عن مكنون حبى و هكذا من الكلام اللى
بيثبتوا بيه البنات...

خلينا مع الصور اللى كشفته و و هو لا يعلم ان هناك كاميرا تراقبه و تراقب تصرفاته

تابع

قصة حب

عمر افندى على موقعه


www.omarafandy.com

Wed Nov 21, 11:01:00 AM GMT+2  
Blogger yasmina said...

الف مبروك وعقبال ال120
وحمد الله على السلامة

Wed Nov 21, 03:16:00 PM GMT+2  
Anonymous Anonymous said...

كل سنة وانتى ومدونتك بخير يا انجى...مش عارفة ليه حاسة انك اختى الصغيرة.. يمكن عشان بتشبهى اصغر اخواتى ودمها شربات زيك ربنا يوفقك يا قلبى ويسعدك انتى وطارق بجد لما بادخل مدونتكم باحس ان الحياة حلوة

Mon Nov 26, 11:50:00 AM GMT+2  
Blogger catroz said...

كل سنه و انتى طيبه يا احلى انجى
كل سنه و انتى مع طارق و يااارب على طوول مبسوطين
كل سنه و البلوجايه بتاعتك كويسه و حلوة و بتجمعنا بالناس اللى بنحبهم

فين الهديه بقى :p

Mon Nov 26, 03:09:00 PM GMT+2  

Post a Comment

Links to this post:

Create a Link

<< Home