الرحمة

ماما

نعم

عارفة يا ماما ان انامؤمنة بسيدنا محمد ومش مؤمنة بربنا

كلمة قلتها في مرة وانا في ابتدائي من كثرة الكلام علي سيدنا محمد صلي الله عليه وسلم
والمعجزات التي قام بها ورحمته بالغير
وكان رد الفعل من امي بسيط جدا

ازاي بقي دة ربنا هو اللي باعت سيدنا محمد
وتركتني امي دون ان تجلس معي وتفهمني
مش موضوعنا
اللي عايزة اتكلم فيه ان الاباء والامهات بيكونوا سبب كبير جدا في عدم وعي الانسان
بدينه كويس زي بالظبط اللي حصل مع محمد حجازي
علي حد قوله ان اهله كانوا بيتكلموا عن ربنا انه مش وراه شئ غير الهلاك
استغفر الله العظيم اللهم انت عزيز رحيم
وان الاخوةالمسيحين ماهم الا اعداء واياك تكلمهم واياك وياك

الا تعلمون انهم اصحاب كتاب وما انت عليهم بمسيطر

غير كدة كمان ازاي اقنع طفل ان ربنا رحيم بعباده
وهو بيسمع الشيوخ في المساجد في الخطب بيقولوا عن اليهود
اللهم دمر بيوتهم
اللهم شرد اطفالهم
واسبي نسائهم
اللهم انهم زادوا جبروتا فارينا فيهم عجائب قدرتك
الكلمة دي سمعتها من طفل بجد

هو ربنا هيموت الناس ويخلي العيال لوحدهم ان الله غفور رحيم

فاكرين لما سيدنا جبريل نزل علي سيدنا محمد وكان حزين من فعل قريش له
وجبريل قاله فيما معناه لو اردت ان اهلك قريش لهلكتها
لكن سيدنا محمد قاله لعل فيهم من يقول لا اله الا الله
بدل ما احنا مخلين الناس يقولوا ورينا فيهم يارب عجائب قدرتك واهلك ودمر

ليه مش ندعي بالهداية طالما احنا عاملين زي النعام دافنينن راسنا في الارض

ومش قادرين نقول كلمة حق والكلمة جوانا بس
الشيوخ اللي انا اصلا مش بقيت مؤمنة بكلامهم ولا بارائهم الدينية
ليهم نصيب اكبر يعني ايه شيخ يقف ويقول اللهم شرد اطفالهم
اما يعلم ان من اليهود من فيهم يذكر الله

"ان الذين امنوا والذين هادوا والنصاري والصابئين من امن بالله واليوم الاخر وعمل صالحا
فلهم اجرهم عند ربهم ولا خوف عليهم ولاهم يحزنون"

من ولي مين انه يحكم انهم كفرا وربنا سبحانه وتعالي قال في كتابه العزيز الايه اللي فوق دي

"وقالت اليهود ليست النصاري علي شئ وقالت النصاري ليست اليهود علي شئ
وهم يتلون الكتاب كذلك قال الذين لا يعلمون مثل قولهم فالله يحكم بينهم يوم القيامة فيما كانوا فيه يختلفون"

يعني من الاخر هتخسر ايه لما تدعي بالهداية ليهم وان ربنا يتوب عليهم

يا اخي ان ربنا سبحانه وتعالي قد يفرح بعودة مشرك او كافر او عاصي او حتي بلا دين اليه

والشخص اللي انت بتشتمه دة او بتدعي عليه قد يكون خيرا منك عند الله سبحانه وتعالي

الكلام اللي بقوله دة برضه ينطبق علي العلمانين والملحدين والمثليين

اللي لما مرة دخلت مدونتهم لقيت في التعلقيات شتايم والفاظ بذيئة ليهم

واحد يقولوا الاسلام انضف منك يا ابن كذا
واللي يقولو دة ربنا فوق الكل يا كذا وكذا

"ما يلفظ من قول الا لديه رقيب عتيد"

انت فاكر ان انت كدة بتجبره علي ي احترام الاسلام او احترام المسيحية
او حتي خليته يحترم نفسك الانسان بطبيعته عنيد
والكلمة الطيبة بتفرق اوي
اياك تقول لانسان في وشه انه كافر او ملحد او انك شاذ مثل الكلاب

لانك مش دخلت جواه ومش عارف نيته ايه ولا اخلاصه لايه
وقد يكون الكافر دة جواه بذرة ايمان
بالكلمة الطيبة والحوار العقلي الهادئ ينمو جواه ايمانه وتبقي اخدت ثواب

"ان الذين يكتمون ما انزلنا من البينات والهدي من بعد ما بيناه للناس في الكتاب
اولئك يلعنهم الله ويلعنهم اللاعنون"

ربنا مش حكمك انك تلعنهم لان شوف الايه اللي بعدها ايه

"الا الذين تابوا واصلحوا وبينوا فاولئك اتوب عليهم وانا التواب الرحيم"

لعل من بينهم من يقول لا اله الا الله او يتوب عن افعاله

احنا السبب في تشويه صورة الاسلام
والشيوخ والاباء لهم نصيب اكبر في تشوية الاسلام حتي في عقولنا

اياك تكدب تاني انت فاهم
انت مش عارف اللي بيكدب بيروح فين
ربنا هيحبسك مع الناس الوحشة ويلسعك بالنار
رعب وخوف

ترن ترن
دة جرس التلفون

بقولك ايه يا ابني لو حد سال عليا قوله اني مش موجود

طب دة حتي يحترمك ازاي ولا يحترم ديانته التي تبيح له انه يتحبس مع الناس الوحشة
عشان هو صغير ولما يكبر يكدب براحته
مهزلة
ولا المدونات اللي فيها اراء او كلام مش علي كيف اي حد منا

خد عندك شتايم ويجيبوا الايات اللي فيها عذاب ونار

انا عن نفسي قلبي بينشرح اوي لما الاقي ايه فيها رحمة
ليه نقفل باب الرحمة في وش الناس واحنا مش من حقنا

"قول معروف ومغفرة خير من صدقه يتبعها اذي والله غني حليم"

علي الاقل انه لو مش اقتنع يبقي احترم عقليتك وانسانيتك

وفوق دة ودة احترم عقيدتك
انا لما لقيت التعليقات في المدونات ان هم بيشتموا في صاحب المدونة
لقيته رادد عليهم وبيطلب منهم يناقشوه براحة
واخر ما زهق نزل شتايم فيهم وفي عقيدتهم
يبقي مين اللي جاب الشتيمة والاستهزاء وتشويه صورة الاسلام

تعالوا نشوف ربنا بيقول ايه في كتابه وبيطلب مننا ايه

"ان الدين عند الله الاسلام وما اختلف الذين اوتوا الكتاب الا من بعد ما جاهم العلم بغيا بينهم
ومن يكفر بايات الله فان الله سريع الحساب
فأن حاجوك فقل اسلمت وجهي لله ومن اتبعن وقل للذين اوتوا الكتاب والاميين
ءأسلمتم فان اسلموا فقد اهتدوا وان تولوا فانما عليك البلاغ والله بصير بالعباد"

اذا كان الله سبحانه وتعالي طلب كدة من رسولنا الكريم
احنا مش هنقتدي بيه لا عليك الا البلاغ ويكون هادئ

" ليس عليك هداهم ولكن الله يهدي من يشاء وما تنفقوا من خير فلأنفسكم
وما تنفقون الا ابتغاء وجه الله وما تنفقوا من خير يوف اليكم وانتم لا تظلمون"

دمك اتحرق علي دينك وغيور علي الاسلام
ومن منا لا يغير علي دينه واهل بيته
ولكن اذا كان رب البيت بالدف ضاربا
يعني بص شوف انت بتعمل ايه وغيره فيك الاول
مش بطلب اننا مش نخطئ
لان الانسان بطبعه خطاء
مش ينفع اقول لواحدة لابسة ميني جيب وماشية في الشارع
او واحدة متبرجة او واحدة لابسة اي لبس من الايام دي

دة انتي في جهنم وبئس المصير دة انتي انسانة مش محترمة
قد يكون هذا هو مأواها فعلا
وقد تكون فتاه غير محترمة ولكن ما ادراك انت

هنفترض ان حد اتكلم معاها بهدوء وبعقل
وبينلها رحمة ربنا بعباده مش جايز تبكي مش جايز تتوب

انا سمت كلام محمد حجازي الي قاله في الفيديو
ومش هرد علي الكلام الي قاله بس كل اللي هقوله
ان كل واحد فينا شايف ان دينه هو الدين الصحيح
وانا واحدة من الناس اللي قريت الانجيل كله العهد الجديد

كل الاديان بتدعوا الي الرحمة والمحبة
انا مش بقول ان من يكفر او يكون مثلي او عاصي من حقه يعمل كدة
لا طبعا
استغفر الله العظيم

انا بس بقول اكلمه براحة واعرفه بالعقل والقرآن والسنة مدي جريمة اللي بيعملوا
لكن مش هيفيدني لما اقوله انت زي اي حيوان في الشارع او كلب

وان مصيرك النار ما اعلمك انت ان مصيره النار مش جايز يتوب عن افعاله

ويكون افضل منك فالافضل اننا ندعيله بالهداية والرحمة

بدل ما نشتم ونتريق عليه

دة الحسن والحسين لما شافوا واحد بيتوضا غلط مش نهروه ولا زعقوا فيه
بالعكس بمنتهي الادب حاولوا يبينوا الغلط الي هو بيعملوا
من امن بالله ورسله واليوم الاخر فليقل خيرا اوليصمت

هحكي موقف اخير حصل معايا وبعدها همشي

كنت مرة في المترو وحاسة اني بعيدة اوي عن ربنا
وبدئت اجمع كل اللي عملته في دنيتي وحسيت ان ذنوبي كتيييييير اوي

ولقيتني بعيط ودموعي نزلت
قعدت ادامي بنت منقبة صوتها حلووو اوي وناعم اوي وهادي اوي

طبطت علي ركبتي وقاتلي مالك بتعيطي ليه

لقتني بعفوية اوي قلتلها حاسة ان ذنوبي هلكتني

حسيت ان عنيها ابتسمتلي وطمنتني
واتكلمت معايا بهدوء اوي اشرح صدري
وفتحت شنطتها وادتني شريط اسمه صدق الرجاء
ولما رفضت لاني اتكسفت منها
قالتلي ارجوكي مش تحرميني اني افرح ربنا بعودتك ليه مرة تانية

معلش طولت عليكم اوي بس ياريت نعيد تفكير في كل حاجة بنعملها
ربنا ارحم من اللي احنا بنقوله
النصيحة الحسنة
النصيحة الحسنة
عن اذنكم بقي عشان في مدونة زباله لقيتها هروح اشتم صاحبها

:))


اه جايز اكون غلط او صح
ياريت تقولولي