"عاوزة اسكن عند ربنا "
"عاوزة اسكن عند ربنا "
كلمة طالما رددتها في طفولتي
او عندما كانوا يروني طفلة
عندما كانوا يخبروني بعقاب الكاذب وما ينتظر الصادق من عند ربنا من حاجات حلوة
ومن كثرة الحاجات الحلوة التي حرمت منها حتي الان
كنت دائما اردد
انا عايزة اسكن عند ربنا
فلطالما كان هو الملجأ الوحيد لي
خائفة انا
اخشي الفراق
اخشي اللقاء
اخشي كل ماهو موجود
اخشي الفراق
اخشي اللقاء
اخشي كل ماهو موجود
ماما هو ربنا بيحبني
طبعا يا حبيبتي
ليه يا ماما
عشان انتي لسة صغنونة
يعني لما اكبر مش هيحبني
وتبتسم امي وتتركني دون اجابة
لاعلم ان نضجي وبلوغي سيكونان سبب في عدم حب ربنا لي
لاتمتم بصوت حزين
انا مس اوزة اكبل
انا اوزة اسكن عند ربنا
لتمر بي الايام
ومازلت الكلمة بداخلي
عاوزة اسكن عند ربنا
اتذكر عندما كنت في الصف الثاني الابتدائي
وجاءت مدرسة فصلي لتسال كل طفل و طفلة عن امانيهم عندما يكبروا
وجاء دوري
لاخبرها بكل براءة
عايزة اسكن عند ربنا
ليه يا حبيبتي
عشان ربنا حلو وبيحبني
وعنده حاجات حلووووة كتيير
وبابا مش هيكون هناك عشان هو وحش وانا بخاف منه
وكل الناس اللي انا بحبها هيسكنوا عنده
فانا عاوزة اكون مع جده وتيته
اصل انا بحبهم
بس بابا مش بيحبهم
وماما قالتلي ان اللي انا بحبهم هيروحوا يسكنوا عند ربنا
واللي انا مش بحبهم مش هيروحوا هناك
لاجد دمعه في عين مدرستي
وما كان منها غير انها احتضنتني
عاوزة اسكن عند ربنا
واكبر وتكبر معي ذنوبي
وتتلاشي تدريجيا هذه الكلمة من ذاكرتي
عاوزة اسكن عند ربنا
لاكتشف اني خائفه من الموت
لا بل اخشي ما بعد الموت
فحين كبرت وادركت كم العذاب
عذاب القبر وعذاب النار ويوم الحشر والقيامة
يصيبني الرعب واكون في اشد الاحتياج لاحتضان من امي
لتخبرني ان ربنا بيحبني ومش هيحصلي اللي بيحصل للناس الوحشة
وافكر و افكر
هل مازل يحبني الله
هل انا مستعدة
لا اعلم
كل ما اعلمه اني خائفة
وما استطيع فعل اي شئ لاتغلب علي خوفي
بس انا عاوزة اسكن عند ربنا
كلمة طفولية جدا
ولكني للاسف ما عدت طفله
خائفة جدا
دموعي تسيل
يارب
الهتني ملذات الدنيا
خائفة انا من الفراق
اخشي كل شئ
يحاوطني الموت من كل جهه
غرق ابن اخت زميلتي في اسنكدرية بعد استشهاده في المياه
عنده 27 سنة ومن شهر ونصف انجب طفله الاول
موت شيماء شيكو بعد شفائها من نرضها
موت زميل طارق في شركته بعد ان دهسه اتوبيس الشركة
عنده 28 سنة
كثير وكثير من الموت يحاوطني
يلاحقني
وكانه يخبرني قد حان دورك
وقد يحين دورك انت
قد يحين الدور علي احدنا
عاوزة اقولك حاجة يا امو عمرو
قولي يا حاجة
انا شفت عمرو ابنك وانا في الحج
بجد احكيلي
شوفته زي القمر ومعاه حتة بت سبحان الله فيما خلق
وجاي من جنينيه واسعه اوي وحلوة اووي
سالته مين دي يا واد
قالي جري ايه يا تيتيه
دي مراتي
مراتك منين يا واد
انت مش متجوز
انا اتجوزتها هنا دة انا عندي كتير اوي يا تيتيه
قولي لماما مش تزعل عليا
اانا مبسوط هنا
لنتذكر جميعا موت ابن خالتي الذي ذكرت قصته في بوست يلاحقنا الموت
ونبكي
نبكي
نبكي
نبكي
عاوزة اروح عند ربنا
لكني غير مستعدة
طنط انشي انتي بتعيطي ليه
لا يا حببيتي مش في
اصلي افتكرت عمو عمرو فاكراه
ماما قالتلي انه في مكان حلو اوي وعنده حاجات كتير اوي
اه يا جميلة هو فعلا في مكان حلو اوي
انا عاوزة اروحله
ابتسامة
ياريت بس ربنا هيختارنا عشان نروح ورا التاني
عارفة يا طنط انشي انا نفسي في ايه
ايه
نفسي اسكن عند ربنا
طبعا يا حبيبتي
ليه يا ماما
عشان انتي لسة صغنونة
يعني لما اكبر مش هيحبني
وتبتسم امي وتتركني دون اجابة
لاعلم ان نضجي وبلوغي سيكونان سبب في عدم حب ربنا لي
لاتمتم بصوت حزين
انا مس اوزة اكبل
انا اوزة اسكن عند ربنا
لتمر بي الايام
ومازلت الكلمة بداخلي
عاوزة اسكن عند ربنا
اتذكر عندما كنت في الصف الثاني الابتدائي
وجاءت مدرسة فصلي لتسال كل طفل و طفلة عن امانيهم عندما يكبروا
وجاء دوري
لاخبرها بكل براءة
عايزة اسكن عند ربنا
ليه يا حبيبتي
عشان ربنا حلو وبيحبني
وعنده حاجات حلووووة كتيير
وبابا مش هيكون هناك عشان هو وحش وانا بخاف منه
وكل الناس اللي انا بحبها هيسكنوا عنده
فانا عاوزة اكون مع جده وتيته
اصل انا بحبهم
بس بابا مش بيحبهم
وماما قالتلي ان اللي انا بحبهم هيروحوا يسكنوا عند ربنا
واللي انا مش بحبهم مش هيروحوا هناك
لاجد دمعه في عين مدرستي
وما كان منها غير انها احتضنتني
عاوزة اسكن عند ربنا
واكبر وتكبر معي ذنوبي
وتتلاشي تدريجيا هذه الكلمة من ذاكرتي
عاوزة اسكن عند ربنا
لاكتشف اني خائفه من الموت
لا بل اخشي ما بعد الموت
فحين كبرت وادركت كم العذاب
عذاب القبر وعذاب النار ويوم الحشر والقيامة
يصيبني الرعب واكون في اشد الاحتياج لاحتضان من امي
لتخبرني ان ربنا بيحبني ومش هيحصلي اللي بيحصل للناس الوحشة
وافكر و افكر
هل مازل يحبني الله
هل انا مستعدة
لا اعلم
كل ما اعلمه اني خائفة
وما استطيع فعل اي شئ لاتغلب علي خوفي
بس انا عاوزة اسكن عند ربنا
كلمة طفولية جدا
ولكني للاسف ما عدت طفله
خائفة جدا
دموعي تسيل
يارب
الهتني ملذات الدنيا
خائفة انا من الفراق
اخشي كل شئ
يحاوطني الموت من كل جهه
غرق ابن اخت زميلتي في اسنكدرية بعد استشهاده في المياه
عنده 27 سنة ومن شهر ونصف انجب طفله الاول
موت شيماء شيكو بعد شفائها من نرضها
موت زميل طارق في شركته بعد ان دهسه اتوبيس الشركة
عنده 28 سنة
كثير وكثير من الموت يحاوطني
يلاحقني
وكانه يخبرني قد حان دورك
وقد يحين دورك انت
قد يحين الدور علي احدنا
عاوزة اقولك حاجة يا امو عمرو
قولي يا حاجة
انا شفت عمرو ابنك وانا في الحج
بجد احكيلي
شوفته زي القمر ومعاه حتة بت سبحان الله فيما خلق
وجاي من جنينيه واسعه اوي وحلوة اووي
سالته مين دي يا واد
قالي جري ايه يا تيتيه
دي مراتي
مراتك منين يا واد
انت مش متجوز
انا اتجوزتها هنا دة انا عندي كتير اوي يا تيتيه
قولي لماما مش تزعل عليا
اانا مبسوط هنا
لنتذكر جميعا موت ابن خالتي الذي ذكرت قصته في بوست يلاحقنا الموت
ونبكي
نبكي
نبكي
نبكي
عاوزة اروح عند ربنا
لكني غير مستعدة
طنط انشي انتي بتعيطي ليه
لا يا حببيتي مش في
اصلي افتكرت عمو عمرو فاكراه
ماما قالتلي انه في مكان حلو اوي وعنده حاجات كتير اوي
اه يا جميلة هو فعلا في مكان حلو اوي
انا عاوزة اروحله
ابتسامة
ياريت بس ربنا هيختارنا عشان نروح ورا التاني
عارفة يا طنط انشي انا نفسي في ايه
ايه
نفسي اسكن عند ربنا
Labels: حنيني الي الله
posted by انا اللي كاتباها هو في غيري يعني at 12:28 AM
114 Comments:
السلام عليكم
سبحان الله
الكلمة أترددت تاني
هو الله أعلم
بس لو أنت حاسه فعلا باللي بتقوليه إن شاء الله هتسكني عند ربنا زي ما بتتمني و نتمني جميعا
فعلا ربنا بيحبنا قوي أصلا من غير حاجة بس إحنا اللي للأسف مش حاسين
ألهتنا الذنوب و تكرت قلوبنا عليها صدأ رهيب
حاولي تتقربي من ربنا و تدعي
أكتر عبادة مهمة و الله أعلم هي الدعاء و طلب الخير و الرحمة من ربنا
ربنا يثبتك علي الحق دايما و يباعد بينك و بين ذنوبك كما باعد بين المشرق و المغرب و ينقي ذنوبك كما ينقي الثوب الأبيض من الدنس
السلام عليكم
انجى
انا مش عارفة اقولك ايه
الكلام مؤثر اوى وبيوجع اوى
ومقدرش انكر انه مجاش على بالبى
وانا كبير او وانا صغيرة
انا وانا صغيرة كنت دايما اعرف ان اللى بيموت بيروح يعيش فى الترب لوحده فى الظلمة
عشان كده كنت بخاف من الموت اوى
ولما اتخيلت انى ممكن اموت واسيب ماما واروح فى الظلمة قعدت اعيط
لما كبرت شويه عرفت ان اللى بيموت بينقطع عمله من الدنيا
برده خوفت اوى لما جه فى بالى ان الميزان ممكن يطلع السيئات اكتر من الحسنات وبالتالى الواحد محتاج حسنات وان حد يدعيله وهوا ميت
عشان كده كنت بقعد ادعى لكل الاموات عشان يمكن حد يفتكرنى لما اموت ويبقى يدعيلى
حدوث حالات وفاة كتير حوالينا بيفوقنا
وبيخلينا نبكى على نفسنا اكتر من بكائنا على مواتنا
مقدرش اقول غير ان الواحد المفروض يبقى فى كل ثانية مستعد للقاء ربنا
ودايما يراعى ربنا فى اى عمل بيعمله
ودا معنى التقوى اللى بتدخل الجنة
انجى كلنا بنغلط
وبتخطفنا الدنيا وبنعمل ذنوب ومحدش معصوم
اهم حاجة نستغفر باستمرار
ودى من صفات المؤمنين
انهم باستمرار بيستغفروا
وبيصبروا كمان على الصبر على البلاء
واعتقد ان اكبر بلاء ممكن نبقى فيه دلوقتى هوا الدنيا اللى احنا عايشين فيها ومليانة فتن
ربنا يسترها معانا يارب
معلش طولت عليكى
تحيااتى يا انجى
اللهم ارحم كل اموات المسلمين واغفر لهم
اد ايه يا انجى الكلمة دى اثرت فيا اوى .. عاوز اسكن عند ربنا .. كلمة بريئة من طفل اكثر براءة كل ما يرجوه بالفطرة هو رضا الله .. هل يرضي عنا الله .. اشعر فى كلامك ببعض الاحباط او الاكتئاب .. اعلم انه قد يصيبنا هم او هموم نلجأ الى الله اثر واكثر ونخجل مما فاتنا من استهتار او عدم اكتراث بالفروض والعبادات .. ولكن لا تنسي ان الله رحيم .. قال ربكم ادعونى استجب لكم ... ربنا رحيم اوى وبيفرح بالعبد التائب .. المهم تتوبي وحتى لو رجعتى تانى تعصيه بدون قصد وتوبتى تانى هيسامحك تانى .. ده اسمه الغفور .. شعور حلو ان الواحد يحس بانه مقصر فى حق ربنا ويقول سامحنى يا رب انا قصرت الخوف من الموت شيء طبيعى وتذكره يفرض علينا الاستعداد له بكل الوسائل وحسب ما ربنا يقدرنا .. لكن مش معنى كده انك تزهدى الدنيا .. ربنا خلقلنا الدنيا اختبار .. وان شاء الله نكون من اللى هينجحوا فى الاختبار ده .. اللهم اغفر لنا وارحمنا ..
بجد انتى تستاهلى كل خير
ربنا يكرمك يا انجى ويوفقك ويجعلك من اهل الجنة باذن الله :)
انجي
أعل مدي تأثرك بما عيشتيه في الفتره الاخيره
يقول الله عز وجل
بل ان الموت الذي تفرون منه أنما هو ملاقيكم
بجد بوست لازم نوقف مع نفسنا كتير اوي
بس اعلمي ان ربنا لسه مدينا فرص علشان نتوب بس لازم الواحد يلحق
ازيك يا انجى
تعرفى انا دلوقتى افتكرت ايه
لما الدنيا اتقلب معايا رأسا على عقب حصلت ادامى الحادثة اللى علمتى معنى الحياة و الموت فى لحظة
حسيت أننا مخلقين ضغاف وانا بسمع صوتها و لسه فاكره يارب يارب
افتكرت دموعى لما عرفت انها قربت من ربها و هى فى يوم العيد
زاد ايمانى لما شوفت الموت ادام عينى
و كل يوم بقيت اقول يارب ارحمنى من عذابك و انهى حياتى على خير
خلينى اقولك حديث قدسى بقوله كل يوم على الرزق فى الدنيا علشان بس نعرف ان ربنا قاسم كل حاجة لينا قى الدنيا من الصغيرة لكبيرة
عبدى خلقتك لعبادتى فلاتلعب و قسمت لك رزقك فلا تتعب ، ان قل فلا تحزن و ان كثر فلا تفرح ، ان رضيت بما قسمته لك ارحت بدنك وعقلك و كنت عندى محمودا و ان لم ترضى بما قسمته لك أتعبت بدنك و عقلك و كنت عندى مذموما ، و عزتى و جلالى لاسلطتنا عليك الدنيا تركض فيها ركض الوحوش فى الفلا ، ثم لا يصيبك منها الا ما كتبته لك
شكرا ليكى لوضع البانر الخاص بشيماء رحمهما الله
اللهم ارحمنا
سم كده انتي التانية
انا ناقصاكي يا بت انتي
والنعمة ما انا رادة عليكي
engy ana msh 3arfa a2olek eh
kalamek gamel awy ,, khalany abki ..
سلا م عليكم
تعرفى انا من زمان متابعه مدونتك .. علاقتى بالتدوين العام بسيطه جدااا اخدت شهور وحصل ظروف قفلت المدونه العامه وعملت واحده خاصه كل يوم احكى فيها وأتكلم عن كل اللى مزعلنى ومفرحنى .. إخترت اكون لوحدى علشان أحكى وأبكى وأدايق وماحدش يدايق بسببى ..
انا ما اعرفش شيماء - شيكو - غير لما ماتت عرفتها وانا بأزور مدونتك دخلت عندها وقريت بوستاتها ورديت
كنت حاسه إن إسم شيماء مرتبط بيا .. وان اى واحده اسمها شيماء دى تبقى حته منى .. لما شيماء ماتت وقريت خبرها كنت لسه عارفه انى ناجحه فىا لليسانس وإتخرجت كنتت فرحانه جدا إنى اتخرجت وحبدأ الماجستير ومشوار الدراسه بجد .. موت شيكو قلب حالتى يط عليها وانا ما اعرفهاش وعمرى ما عيط على حد مات عندنا غير جدتى لأنها كانت أحن عليا من ماما وبابا واحن عليا من نفسى .. شيكو ماتت بس وهى وسطكم .. اللى يعرفها واللى مايعرفهاش دعالها .. خلتونى افكر إن العزله مش حل بالعكس دى حتخلينى اعيش واموت ومايكونش ليا ذكرى عند اى حد
موتها خلاكى تفكرى فى جملتك وإنتى صغيره .. خلاكى وخلانا كلنا نراجع نفسنا .. ومن قلبى بجد ربنا يرحمها لإنى فعلا حاسه ان الدور بيقرب اوى .. ناس ما اعرفهاش وما بعرفهومش غير بخبر موتهم وبس !! أكيد دى رساله ليا وليكى وللكل
بس أرجع وأفكر وأقول تأثيرها حيدوم أد إيه ..
انا مافكرتش أرد عليكى قبل كدا .. كنت أقرا البوست مره واتنين غستمتاع بالروح اللى بتكتب الكلمات دى .. والمره دى مش عارفه بأرد ليه ..
هل علشان أقولكم لو موت إفتكرونى وغدعولى .. ؟
والله ما عارفه .. غير إن موت شيماء عملى إنقلاب داخلى .. إحساس بالعجز
إحساس رهيب إنى بعييييييييييييده اوى اوى اوى عن ربنا
ببكى على شيماء وأبكى على نفسى وحالى أكتر ..
عمرى ما فكرت فى الموت ولا جه فى بالى إلا لما كبرت .. او عجزت .. تخيلى عمرى ما فكرت فى الموت غير من سنتين وبس !! وبقيت بخاف منه اكتر لما اعرف ان الصحابه ماكانوش ضامنين الجنه بأعمالهم وهما اللى كان دايما لسانهم رطب بذكر الله
ربنا يغفر و يتوب ويرحم المسلمين الاحياء منهم والأموات
لا حول ولا قوة إلا بالله
مع إنى أول ما بأمسك الكى بورد
ما بعرفش أكتب غير حاجات تضحك
بس المره دى الضحكه واقفه فى زورى
ربنا كريم وهايكرمنا كلنا لما نسكن عنده
ده مافيش أوسع من كرمه و رحمته
السلام عليكم
الله عليكي يا انجي
بوست ولا اورع من كده فعلا
يااااااااااااااه علي الاحساس ده
لما بتكبري وتكتر معاكي ذنوبك
وتحسي انك بتبعدي عن الجنه اللي قالولك وانتي صغيره انك هتدخليها
بس يا انجي ربنا بيحبنا
بيحبنا في كل وقت
حتي واحنا بنعصي وبنذنب
بيحبنا برضه
بيكون مشتاق اننا نرجعله ونتوب
أحييكي علي البوست الرائع ده
واللهم اغفر لامواتنا واموات المسلمين
ربنا يهدي باللك ويصلح حالك وإيانا
تعرفي يأانجي كلنا لما كنا صغيرين وكلنا براءة بنحب تكون امنيتنا اننا نشوف ربنا
بس نكبر بنبدأ بالخوف ......انجي رمضان على الأبواب وربنا يقدر يعتقنا هالسنة
ليه منكثفش اعمالنا وحسانات ونكتر صلى وزكاة وربنا يرحمنا دنيا واخرة
مرسي على الموضوع يلي بيلمس كل شخص
تحياتي
هو اكيد فعلا ان الانسان كل ما بيكبر ذنوبه بتكتر
و اكيد كا ما تكتر ذنوبنا بنخاف من الموت و العقاب
لكن الأكيد أكتر من كدا ان رحمة ربنا واسعة
و الانسان عشان عارف كدا بيكون عاوز يبعد عن هم الدنيا و يروح لرحمة ربنا و يرتاح
ربنا يرزقنا الهداية و يحسن خاتمتنا و يدخلنا الجنة برحمته
اشكرك على الموضوع
عزيزتى
في اسنكدرية
فى اسكندرية
بعد شفائها من نرضها
بعد شفائها من مرضها
معلش بردهالك
كلنا بنغلط وبنعمل ذنبوب
بس فى بيعمل الذنب وهو مستمتع بيه ومش بيحس اد ايه اللى بيعملوا ده حرام وفى اللى بيعمل اى ذنب وبيتعذب بيه ومتعة الذنب دايمن تضيع فى عذابه
دايمن بنشوف وهنشوف حالات موت كتير
بس مش لازم يكون عبادتنا تكون ردود افعال ولا خوف بس
لازم نحاول نستمتع بعبادتنا لله نحاول كل ما نعمل اى شئ حلو نعمله علشان ربنا واى شئ نبعد عنه وحش برضوا علشان ربنا
وربنا الرحمن الرحيم
سلاام
تعرفي يا انجي...مفيش احلى من كدة سكن
كل الحياة والدنيا والناس والامال والاحلام والطموحات الكلمة دي بتختصرها بطريقة توريكي قد ايه اي حاجة تانية تافهة
ربنا يحسن خاتمتنا كلنا
و اللة يانجى انا هاقوللك ع حاجة
يقول الحق تبارك و تعالى
_قل ان الموت الذى تفرون منة فانة ملاقيكم_
وكذللك
كل نفس ذائقة الموت
صدق اللة العظيم
و يقول المصطفى علية الصلاة والسلام
__من المت بة مصيبة (مثل الموت)فليتذكر مصيبتة بى _
فالمصطفى علية الصلاة والسلام قد توفى و كذللك من قبلة من الانبياء
و لكن المصطفى اخبرنا و ارشدنا الى الطريق للنجاة من النار و الذهاب الى الجنة باذن اللة تعالى و برحمتة
ولكن كلنا يلتمس رحمة اللة و شفاعة المصطفى وكما قال اللة _كل نفس ذائقة الموت_اى ان الموت كاس و لابد ان نتذوقها جميعا
و لا نملك الا ان نقول
بسم اللة الرحمن الرحيم
_ربنا اغفرلى ولوالدى وللمؤمنين يوم يقوم الحساب_
صدق اللة العظيم
السلام عليكم
عاوزة اسكن عند ربنا لكن خايفة اكون ممن ضل سعيهم في الحياة الدنيا وهم يحسبون انهم يحسنون صنعا
موت شيماء بعد شفائها من مرضها فيه رسالة وموت اي شاب اكيد فيه رسالة
بس لما قريت مدونة شيماء ربنا يرحمها عرفت قيمة الصدقة الجارية وان الواحد دايما لازم يعمل حسابه انه حيموت في اي لحظة ولازم يسيب ذكرى حلوة تخلي الناس تفتكروا وتدعيله زي شيماء
بس يا ريت يا جماعة محدش يعمل الموسيقى في المدونة اوتو ستارت
يا رب ثبتنا على الحق و احسن خاتمتنا جميعا
انتى اثرتى حاجة صعبة اوى اوى عندي
هل فعلا يحبني الله
الاصل ان الله يحب العبد وهذا نستفيده من حديث: ان الله يفرح بعودة احدكم....الحديث
معنى كدة ان ربنا بيحبنا....و ان احنا لو عملنا حاجات كويسة على المنهج الصح اكيد ربنا هيحبنا
طيب اللى فى بالنا ده اية
ان القوى الشريرة فى الحياة حوالينا مش عايزانا نحب ربنا ومش عايزة ربنا يحبنا.....تعمل اية.........توسوس لنا ان مهما عملنا من حاجات كويسة برضة احنا وحشين وربنا مش بيحبنا
عارفة الحاجة الوحيدة اللى شايفها صعبة فى الالتزام؟
انك تعرف تظبط الشعرة بين انكار الذات واليأس
انك تكون دايما خايف من اعمالك وفى نفس الوقت متيأسش
لا توصل لمرحلة الغرور بأعمالك فتهلك.......ولا تيأس ومتعملش حاجة اصلا
حاولى وقربي اكتر وكلنا على الطريق........وفى ذلك فليتنافس المتنافسون
وربنا يهدينا اجمعين
اللهم بلغنا رمضان
امين
والسلام
ازيك ياسمراء
اناكمان عاوزة اسكن عند ربنا
نفسي اوووووى
جيتى على الجرح اوووى
و عاملين البوستين فى نفس الوقت تقريبا
انا عايزه اروح عند ربنا بقى
عايزه اشوف بابا
احسه تانى
وحشنى اوى
زهقت من الدنيا دى
عايزه اشوف الرسول
عايزه احس بالامان تانى
حاجات كنت بحسها بوجود بابا
مفتقداها دلوقتى اوووى
امتى بقى اروح هناك
امتى
بس للأسف
انا حاسه انى مش مستعده لحاجه
.......:(
اولاً.شكرا على الكومنت و انا مفكيتش ولا حاجة اصل انا مش لاقى فكة عند حد هههههههه
بجد الكلام اللى كاتباه ده كبير اوى و حلو جدا.و بجد هو موضوع قلقنى اوى زيك كدة بس مش عارف بقى اوصل لحل ليه
على العموم انا عملت بوست جديد ياريت اعرف رأيك
ربنا يوفقك ان شاء الله للى فيه خير لاخرتك ودنيتك وان شاء الله تسكنى الجنة
انجى بجد البوست هزنى اوى
اجمل ما كتبتى واجمل ما قرأته لك
بجد الاحداث دى كلها رسالة ولازم نفهمها !
ربنا بيبعت لكل منا رسالة
الاهم اننا نفهمها كويس ونتعظ
الله يرحمنا ويرحم اموات المسلمين جميعاً
تحياتى
انجى اربعين يوم حداد كتير اوى
هونى عن نفسك
الموت سنة الحياة
تموت ناس وتحيا ناس
هى دى الحياة
على ما اتذكر ان الحداد اكثر من ثلات ايام مكروه
الحزن فى القلب
اول زيارة ليا لمدونتك
بس بجد وجعتى قلبى اوى فيها وفكرتينى بحاجات كتير كنت بعمل نفسى نسياها
ربنا يغفر لموتانا ويرحم احيائنا
ويهون علينا كلنا ما بعد الموت :(
تعرفى يا سمرا
انا كمان نفسى اسكن عند ربنا
وحاسة ان الدنيا بتاخد منى وقت اكتر من اللازم
وحاسة انى إيدى ورجلى مربوطين برباط من حديد اسمه الذنوب
اتمنى ربنا يغفر لى
ويختارنا اسكن عنده
ياااا بوستك جميل اوى وحساس
يارب نسكن عند ربنا كلنا فى الفردوس الأعلى
وهناك بقه مفيش تدريب كل واحد يتمرن مع نفسه
أحيانا يعتقد الانسان انه علي الرغم من انه غير مستعد لهذا اليوم الا أنه يتمناه.. فالنار وعذاب القبر وكل الألم البدني يبدو هو الحل الأمثل أمام الالم النفسي ..
اعتقد اني لن اكمل لاني لا أري الشاشة
السـلام عليكم
اختى الحبيبة هكذا حال الدنيا
ولكن يفضل من جهز نفسه لهذا اليوم العصيب
اللهم احسن خواتمينا يااااااااااااارب آمــــــــــــين
ويـبقى السؤال متى اقوم بتجهيز نفسى وهو ياتى بلا ميعاد
ياااااا الله يا خالق السموات الارض ارحمنا برحمتك الواسعة ياااااااااارب آمـــــــــين
السلام عليكم ورحمة الله وبركاته
تدوينه مؤثره جدا جدا
كلنا محتاجين فعلا نقف مع انفسنا ونحاسبها ونستعد بجد للرحله الطويله اللي ملهاش معاد وبتيجي فجأه واللي لازم هانروحها في يوم من الايام
اللهم ارنا الحق حقا وارزقنا اتباعه وارنا الباطل باطل واجنبنا اتباعه
أبكي شيماء وكل من ذكرته ممن مات أمامي أو بعيدا عني
وبالأخص جدي العزيز
يا من فارقتني أمس واني اليوم أبكيك
أبكيتني وعز عليا بعدي أن ألاقيك
رحلت عني وتركتني وحدي مناجيك
كنت أدعو الله في صلاتي أن ألاقيك
وأن يجعلني في كل مصيبة حاميك
ومسريا عنك ومن حزن مداويك
أو من ألم أو جراح عله يشفيك
لكنك أبيت الا الرحيل تاركا أثرا
يسألني بعده الناس ما فيك؟
عجز اللسان وصار دمعي يناديك
هل من مجير في مصيبتي تلك
أو هل من يقول تعال أواسيك
رحلت بجسد وفي قلبي مرائيك
بعدت عن بائع لك وعن شاريك
لتلقى رب الكون بوجه ناصع
وتسعد بلقيا رب الخلق باريك
ونحزن على فراقك اليوم وغدا
تنسى العين والقلب بالذكرى يبكيك
ثم يأتينا ذلك الزائر هو من أتاك
علنا به نسعد وفي جنة نلاقيك
في الفردوس باذن الله مكاننا
وعلى أصحابها صلوات وتبريكا
حيث السعادة كأس لابد شاربها
ومن أنهارها لابد الله ساقيكا
رحم الله موتى المسلمين
السلام عليكم يا انجي
مش عارفه اقولك ايه عن البوست دا
بس لبجد كل الكلامدا خطر في بالنا واحنا صغيرين
حتي واحنا كبار كمان
بس مع الفارق زي ما وضحتي
زمان كانت فيه براءه وامل انك ملاك لسه مش محاسب
لكن لما بنكبر وتكبر معانا حكياتنا
يكبر معانا خوفنا وقلقنا
ونعرف ان الموضوع مش سهل وجميل زي ما احنا فاهمين
كتير اتمنيت اني اكون حاجه تانيه غير انسان
وكتير اتمنيت اني افضل ببرءاه الايام الي كنت فيها لسه صغيره
بس للاسف كنت بسعي في درب المستحيل زي ما بيقولوا
ربنا يعفينا ويعفيكي من ذنوبنا وسيأتنا
ويكتب لينا الخير دا يما
دنيا واخره
امين يارب العالمين
تسلم ايدك يا انجي
ربنا سبحانه وتعالى عند حسن ظن عبده به
ونسأله ان يثبتنا بالقول الثابت فى الحياة الدنيا وعند الممات وان يحسن خاتمتنا
مش عارف عايز اقول وحدووووووووووه ليه؟
يا ريت يا سمرا تغيرى المود داه بقا والحياه كلها مش سواد وزى مافيه ليل مظلم ايضا فيه نهار مشرق
أختى أنوج
ماتخافيش يا أم العيال
دورك جاى جاى حتروحى فين
المهم ربنا يعديهالك على خير وتخشى الجنة
بس إزاى حتوردى على جنة وإنت عايزة تمويتينى علشان البضاعة
عليا النعمة ما إنا طالع بالبضاعة غير لما أشوف الأوبيج وإلا مافيش بضاعة ليكى عندى
المبلغ المطلوب شيئ وشويات
وأنا عارف إنك بنت ذوات ومخبية علشان الحسد وممكن تدفعى
فلوسك الأول ياخالتى وبعدين نتكلم فى موضوع التسليم.... معاك مهلة لغاية يوم القيامة العصر
سلام يا صاحبى
ياااااااااااااه
انتي كمان يا انجي
تعرفي انا كنت باقول شئ مشابه لغاية ماعرفت ان ده مرض عن الجميع
الكل بينتظر الموت ببشكل او اخر
الطريف ان كتير جدا عندهم فوبيا انهم هيموتوا صغيرين
انا كنت كده لحد وقت قريب و دلوقتي الحمد لله الموضوع بقى عادي
بوست حلو جدا
انا معاكى فى الطلب دة
لانى متاكدةان ربنا ارحم بنا من اى حد
حتى لوذنوبى كتير
برضه متاكدة من رحمته سبحانه وتعالى
وانه غفور رحيم
عايزة اسكن عندربنا
ربنا يخدك يا انجى
ويتقابلك فى الصا لحين ان شا ء الله
ههههههههههههههههه
حر ا م عليكى بقى
فكها الله يكرمك
يااااااااااه يا إنجى
بتقولى حاجه فعلا كلنا لما كنا اطفال بنقولها
انا حاسه انك كتير مضايقه
ونفسى اوى تكونى سعيده ياقمر
ربنا يسعدك ياااارب وتخرجى من المود ده
بسرعه
دُمتِ
يااااااااااااااه
يمكن عشرات المواعظ و الدروس الدينية ممكن متلمسش القلب كدا زى الكلمتين اللى من قلب للقلب دول ...
فكرتينى بأيام مش بعيدة اوى يعنى و بعيدة فى نفس الوقت ... لما كنت بتخيل انا و اخواتى الجنة و احنا صغيرين ... و لحد دلوقتى احيانا بنستخدم كلمة ... معلش هنلاقى فى الجنة اللى افتقدناه هنا .... بس يا رب ندخلها ...
ياااااااااااه
عاوزة اسكن عند ربنا ...
اربع كلمات بساط جدا جدا بس عملوا سلام فى النفس و توازن كدا و اثاروا مشاعر فى النفس كانت الدنيا مبططاهم و كبتاهم ...
عاوزة اسكن عند ربنا
يااااااااااااااااه
رمضان قرب يا جماعة ... اللهم بلغنا رمضان .... لنجعل دعوتنا اللهم ابنى لى عندك بيت فى الجنة ....اللهم امين امين امين .... اللهم اخرجنا من الدنيا بسلام
engyyyy
Hope u r doin great, u and ur soul mate..
waiting for u in my blog
I know u said mafish fayda .. bass let's try
انا كمان عاوزة اسكن عند ربنا
بس خايفة اوى
من الحاجات اللي قبل السكن
لدرجة انى بتمنى ان ربنا يقبض روحى من دلوقتى
عشان اقلل المعاصي
خلتينى اعيط ربنا يسامحك
ربنا يبارك فيكى و يبعد عنك كل حاجة وحشة و أنا مغلطتش لما سميتك عروسة النيل ،معلش هو الموت و الفراق صعبين بس صدقينى يمكن الموت يكون الحقيقة الوحيدة الثابتة فى حياتنا اللى مش قادرين نصدقها،
إوعى تشيلى الهم و ربنا زى ما خلق الفرحة خلق الحزن علشان نحس بطعم الفرحة الجميل
و نصيحتى ليكى إرمى حمولك على ربنا0
أنا كمان عاوزه أسكن معاكي عند ربنا
وأقولك ايه وأنتي
كل مالياوأقولك ايه
هداني ربي بهديه
هو الموت والفراق حاجه صعبه اووي
بس اكيد طبعا ربنا بيحبنا
وكون ربنا خلاكي شفتي الحاجات اللي حوالكي ديه
علشان يبعتلك رساله
يقولك خدي بالك وانه اكيد
ده خير علشان عاوزك لماتروحي
تبقى تمام ومستعده ويمكن برضه علشان تكوني فاكره ودايمن مستعد للقائه
فده من علامات حبه
أكيد كلنا مش مستعدين للقاء بس
بصراحه الواحد مش عارفه ليه عنده قناعه ان ربنا هيغفرله
انا اقعد اقول لنفسي
مش ربنا بيقول أنا عند ظن عبدي بي فليظن بي ماشاء
فبيقول هو الغفور يبقى هيغفرلنا هو الرحيم يبقى كل حاجه بتحصلنا رحمه من عنده هو الجابر اللي بيجبر اي حد مكسور يبقى اكيد مش هيسينا ولا ايه
وبعدين ادعي بحسن الخاتمه
وفي مقوله بتقول انا بجد مش فاكر نصها دلوقتي
بي معنها ان الاعمال الخير بتقيكي من مصارع السوء اعمل خير كتير وربنا هينجيكي من سوء الخاتمه فالله المستعان
بوست حلو اوي ياسمراء خلاني اعيط بجد
ربنا يكرمك
تحياتي
انا عمري ما جات في دماغي الجمله دي قبل كده
انا مش بس خايف من الموت
انا كمان خايف من الحساب
.........
طريقتك هايلة
نفسي اسكن عند ربنا
يااااااااااااااااه لو ترجع قلوبنا بالصفاء والبراءه دى تانى
لو مانبقاش خايفين قوى كده ومتبتين بايدينا واسناننا على الدنيا وكل مافيها من توافه
يارب
يارب
يارب
ارزقنا الجنه بلا حساب
يارب ارحمنا واغفر لنا جميعا واعف عنا
اللهم اعتق رقابنا من النار
امين
انا كتبت تعليق مش عارف ما نزلش ليه ؟؟
عموما انا رايي ان اللي عاوز يسكن عند ربنا لازم يعمل حساب اليوم ده
مين فينا عامل حسابه
كلنا اخطاء
رب ارحم واغفر
احساس يوجع اوى
بيألم اوى
سدقيني انتي فاحلى مرحلة مع ربنا
متخليش احساسك ده يزول مش هتعرفي ترجعيه اسألي مجرب
الللهم ارحم شيماء وادخلها جنتك بغير حساب
قولو امين يا مسلمين
عارفه
انا كمان حاسه ان الموت فى كل حاجه حواليا
تدوينات بقراها
ناس بعرفها بتموت
اخبار بسمعها عن الموت
لدرجه ان حاسه انه قرب
كأنه بيقولى خلى بالك الدور قرب ليكى
ربنا يستر بجد
انا خايفه مش هكذب عليكى
الذنوب كتيره أوى
ياريتنى كنت صغيره ومكنتش كبرت ولا ذنوبى كبرت معايا
على الأقل كنت هقول انى عايزه اسكن عند ربنا وانا بجد بعنيها
مش خايفه وبقولها وانا جوايا بيقول لا مش قادره على المواجهه
ربنا يستر بجد
لان قربه راعبنى
السلام عليكم
ازيك ياسمراء
انا عندى اقتراح لشيماء رحمها الله
اننا كل واحد يحدد جزأ او اتنين من القرآن ونحاول نعمل ختمة على روح شيماء ان شاء الله
وربنا يرحمها برجمتها ان شاء الله
انا كاتبة الاقتراح ده عندى فى المدونة وياريت لو حد هيقرأ اجزاء معينة يحددها عشان نقدر نكمل ختمة باذن الله
اللهم ما أرحم جميع اموات المسلمين
اللهم آآمين
عندما اكون جاهز لهذا اللقاء ه
طلب اعيش عند الله
الواحد حمله تقيل اوى مجرد فتره الحساب وعرض اتلذنوب هتطول اوى
ربنا يسترها معانا جميعا
مش خايف نمن الموت لكن خجلان من لقاء الله سبحانه وتعالى
اتمنى اموت شهيد فى ساحه قتال فى سبيل الله
اتمنى اموت على ايد حد كافر مش مسلم
مش عاوز اموت فى فرشتى
مش عاوز اكون دافى ومتغطى
لاء عاوز اكون بهدمى كامله فى مكان ربنا يعلمه
المهم انا بحيكى على البوست الجميل
تحياتى
لا اله الا الله سيدنا محمد رسول الله
عارفة انا قريب كان الموضوع فى دماغى والله الموت
مفيش حاجة بنتعامل معاها على ا نها وهم اد الموت
ربنا يرحمنا برحمته ويعاملنا بعين عطفه ربنا بيعاملنا حتى لما نرجع بعين رحمته لما نتوب وبنرجع بيفرح بينا ربنا اننا ظلمنا انفسنا ظلما كثيرا فاغفر لنا فانه لا يغفر الذنوب الا انت
اهدى يا انجى ورنبا كبير اوووووى
وعاوزين نعمل لاخرتنا بجد الدنيا مفيهاش حاجة
انا عديت على المدونة بتاعة شيماء
اللة يرحمها
وشكرا ليكى على البوست اللى فات
وأنا عجبنى إقتراح رضوى .. عاشقة الوطن
لا أراكم اللة مكروة فى عزيز لديكم ولدينا
انجى
انا عايزة ابكى
فعلا كلامك وجعنى وحسسنى انى بكتب الى مكمون جوايا من ساعت معرفت بموت شيماء
فعلا الحالة دى وصلتنى ..متناسين وبنجرى ورا كلام
لكن ..نسينا اهم شئ واكبر حقيقة فى حياتنا
الموت
استعدناله يا جماعه؟
هو ده السؤال
الي بيفكر بالطريقة دي اكيد لية مكان في جنة ربنا
اللهم اجعلنا من اهل اليمين
السلام عليكم
أزيك أخبارك أية
يارب تكون دايما أيامك سعادة و خير يارب
أنا رديت عليكي عندي
تاني حاجة أنا ليه مش عارف أدخل علي المدونة التانية بالرغم من إني أول واحد أعلق فيها
test
أخيرا
بيب بيب زمالك
زمالك يا هندسة لعب و فن و مدرسة
هتشوفوا الموسم الجديد
أهوة كلام الواحد بيروح به عن نفسه
بصراحة بوست مؤثر جدا جدا جدا لسبب بسيط أن فى كمية صدق مش عادية
لأول مرة أشوف حد
بيتكلم عن الموت بالشغف ده
الموت مصيرنا
وعلينا حق
الغريب
الله يخرب عقلك
يابت ياوحشة حلااااااااوة
رائع بجد
علطول بتحسي
كتك القرف
روحي ياشيخة
ربنا ربنا رببنااااااااا
يحميكي
ربنا يسامحك ياانجى انا من ساعة مادخلت مدونة شيكو وانا مش عارفة اخرج من الحالة اللى دخلت فيها وانتى كملتيها عليا
الموت فى كل حتة يانجى والفراق كأس مر تجرعته منذ صغرى
عايزة اسكن عند ربنا
تعرفى ان الجملة دى انا كمان كنت بتمناها من صغرى كنت بشوفها الملجا والملاذ الوحيد لما كانت تضيق بيا الدنيا واشتاق لامى ماهى هناك عند ربنا واد ايه واحنا اطفال بتملانا البراءة وبنبقى قريبين اوى من ربنا
بنتمنى نروحله واحنا فرحانين وعارفين انه راضى عننا مش مثقلين بذنوبنا اللى بتزيد كل مابيطول عمرنا ونكبر
انا طولت عليكى ويمكن قلت كلام مالوش لازمة سلام هلملم نفسى وارجعلك
فعلا فهمنا لحقيقه الموت خوفنا منه
اهتزاز ثقتنا في استحقاقنا لعفو الله جعلنا نخشي لقاءه
ولكنه الغفور الرحيم
وفقط في الاخره ستكون السعاده الابديه والراحه الكامله
فقد كتب الله علي الدنيا الا تكتمل فيها سعاده
البوست اعتقد تكمله للبوست اللي فات
الموضوع لسه مأثر فينا كلنا
تحياتي يا سمرا
انا كتبت لك التعليق ده عندي فى المدونة بس قلت اجى اقوله هنا كمان لان احتمال تكوني مش فاضية تقرأى مدونتي وكمان قلت ان من الذوق انى اكتبه عند حضرتك
والسلام
انجي
شوفي.............بما انك خبرة..........انا مش هاقعد اسألك عن التفاصيل الصغيرة لانى معرفهاش اساسا
بس انا عايز اسالك فعلا عنها............لان اكتر حاجة بخاف منها لما امشى فى موضوع كبير انى اكون مش عارف تفاصيل صغيرة محددة عنه........وفجاة تلاقى التفاصيل دي طلعت فى نص الموضوع والواحد يقف ادامها عاجز
مش هقولك اكتبيها فى تعليق هنا
بس ممكن طلب؟
ممكن تعمليها بوست عندك.....عملتى اية من يوم تقديم اوراق الماجستير لغاية دلوئتى
يعني متوسط الابحاث كام بحث فى الشهر او الاسبوع
حضور الدكاترة وانتظامهم
معدل القراءة المطلوب منك يوميا
اجادتك لمهارات مختلفة زي القيادة والاقناع والتواصل والحاجات دي......مهم فى الماجستير؟
واشرحى انتى بأة اى حاجة ممكن تكون خافية عن عيني دلوئتى
شوفى يا انجى
الواحد فى بداية اى مرحلة بيكون اعمى عنها....ولما بينهيها بيحس انه خبرة
انا عايز خبرتك فى الماجستير
خبرة اللف فى اروقة الحياة
لو سمحتي
وأشكرك جدا.........جزاك الله خيرا
متنسينيش
والسلام
سمراء النيل
البوست يدل على حساسيتك وقربك من الله
وأن شاء الله رنا عند حسن ظن العبد به
وانا جربت اذكار الصباح والمساء ولقيتها بتريح النفس فعلا
ربنا يدخل على قلبك السعاده و الراحه ديما
وانا كمان
نفسي اسكن عند ربنا
تيجي نكتب له جواب ؟
امنية جميلة ان الواحد يسكن عند ربنا وببراءة الاطفال وفطرتهم النقية بتعثهم على كده بس ليه منحاولش دلوقتى اننا نبقى عند ربنا حاجة فى الدنيا قبل الاخرة وليه مبقتش تاثر علينا مصايب الموت اللى حوالينا يعنى نزعل يوم يومين شهر وبعد كده ننسى مستنين ايه تانى سبحان الله انا دخلت مدونة شيماء ولاقيتها فى تدوينات تهزر وتضحك وتشكى همومها واخر حاجة ليها قد اغيب لاجل يعلمه الله سبحان الله اد ايه الانسان ده ضعيف وممكن يموت فى اى وقت واد ايه انه هيموت وينتهى ويتلاشى وكمان هيتلاشى ذكره وهيكون مجرد عبرة لينا تصورى انك فى يوم تكونى مجرد عبرة او انا ونقول مات فى عز شبابه الله يرحمه ولو كان صالح او غير ذلك فميش حد هينفعه الا عمله الصالح واستعداده لليوم ده اللى هيقابل فيه ربنا
عاييز اسكن عند ربنا
بس يا ترى ربنا هيقبلنى عنده طب بايه هيقبلنى عنده وهل هتساوى انا واللى رضى ربنا وعمل الصالحات وبعد عن السيئات
سبحان الله
زى ما بنقول عايزين نسكن عند ربنا ببراءة
لازم برضه بنفس البراءة نعرف ان الحاجات الوحشة ربنا مش بيحبها
والحاجات الجميلة والكويسة ربنا بيحبها
ومش معقول واحد بيعمل الحاجات الكويسة ويسيب الوحشة وربنا يضيعه
شكرا اختنا على التذكرة هذه
طنط انشى
مؤثرة اوى الكلمات دى
انا كمان بخاف من الموت
مش عايزة اعيش و ف نفس الوقت خايفة لو مت اتعذب
يبئا هنا و هنا :)
يلا ما علينا
ربنا يرحمنا برحمته
و يغفر لنا
ورمضان داخل كل سنة وانتى طيبة
ياااااااه يا سمرا
انتى لو تتخيلى كل واحد فينا قد ايه فكر فى الكلمه ديه و هو صغير و قد ايه بقى خايف منها لما كبر
كتير قوى الواحد بيتامل فيها لما كبر يا ترى انا لو روحت هناك فعلا ههبقى زى ما انا متخيل و اللا هلاقى هناك العذاب اللى كلنا نستحقه لذنوبنا اللى ارتكبناها
و فى الاخر كلنا بننتهى لنفس الطاف ان ربنا رحيم قوى يا سمرا و اننا بجد لو احنا عايزين نبقى عنده اكيد هو فاتحح باب الرحمه لكل الناس طالما انها صادقه
و ارجع و اقولك احنا عملنا ايه للحظه ديه برده بنخطىء بس هى ديه سنه الحياه
الانسان خطاء و ربنا رحمته واسعه
تحياتى يا سمرا
و الله و بكتيني يا سمرة
مش عارفة ... انا كبرت ليه
دنا غارقنة في ذنوبي
مادرتش اعلق زي العادة اصل الموضوع حساس أوي
رغم حياتي المعقدة نفسي كمان اسكن عند ربنا ... و متسألنيش بقى و لا تشك فيا
مستنية موضوعك الجاي و حعلق بكل قوة ... زي العادة بقى
سلام
بوست ممتاز بجد أكتر من رائع بس ما تخافيش لو فعلا عايزة تسكني عند ربنا الموضوع سهل خالص انك تحبيه تاني وتفكري فيه مجرد توبة بسيطة خالص وحب جامد قوي لربنا هتلاقي نفسك بتقولي الكلمة تاني انك عايزة تسكني عند ربنا
تحياتي
كلنا عاوزين نسيب الدنيا و نروح عند ربنا
بس برده خايفين نروح كده من غير منحسن نفسنا و نوفيله حقه
البوست رااائع
وحشتنا بوستاتك
ايه يا بنتى مش بنشوفك ليه
مبروك على البلوج الجديد عاوزين مواضيع باه
جميلة قوى قوى يا انجى - مسيتى قلبى وجعلتينى فى اشتياق للقاء ربى
انا كمان عاوزة اسكن عند ربنا - ربنا جميل وكريم وحنون - الحمد لله يارب على نعمة الاسلام - ولك كل الحمد والشكر على نعمك الغالية التى لا تحصى
ربنا يباركلك يا انجى ويجمعنا فى ظله والى لقاء اخر
تحياتى -- هبة
كلام جميل جدا حسيت فيه بمدي نقاوه و براءه أحاسيس الطفوله
تحياتي
ااااااااه يا انا بجد مش عارفة اقول حاجة بعد قراءة البوست غير اللهم ارزقنا حسن الخاتمة
أنا اول مره قرأت الموضوع ده
عيطت ومعرفتش أعلق عليه
بجد حلو لووي
ومؤثر اووي
وبيوجع اوي اوي اوي
انا كمان عايزة اسكن عند ربنا
بس خايفة من مرحلة ما بعد الموت
ياه يا انجي فكرتيني بالأيام اللي مرت عليي يجي 15يوم لما حسيت انه الموت قربت مني من ثاني
بتعرفي لما بتحسي بيها قريبة و بتحسي بقلبك مقبوض و انك عايزة تعيطي و انت عارفة انه العياط مش حينفع في حاجة
بتعرفي لما بحسها قريبة كثير و بافتكر نكير و منكر و اللي حيحصل بحاول اقنع نفسي انه حيكون خير انشاءالله لأن ربنا قال انا عند حسن ظن عبدي بي
و بكثر من الإستغفار
انجي انشاءالله خير و ربنا يغفر لنا
ربنا يرحمنا ويحسن ختامنا جميعا
يابختك انتى الواتى عارفه تقربي من ربنا يارب احنا كمان نعرف
معنديش كلام اقوله معنديش اي رد معنديش اي تعليق معنديش اي حاجة قدام البوست ده مينفعش عليه تعليق
لكن تزودا فان خير الزاد التقوي
بعتذر يا جماعه عن التاخير السخيف دة
نبتدي نشمر ونرد علي التعليقات ومعانا محمد نو فير ونقول
وعليكم السلام يا محمد
الكلمة اترددت تاني وانا افتكرتها يوميها وافتكرتها حاليا
انا حاسة بالي قلته بس برضه خايفة
ادعيلي يا محمد
ربنا يتقبل منك يارب
_________________________________________
حدوتة
وعليكم السلام
الكلام دة جه علي بال كل واحد فينا
وكلنا هنموت والذكر الحلوة اللي بتفضل لصاحبها
والكل هيدعي
ودعاؤك للاموات هيرجعلك برضه تاني
لانهم هيطالبوا ليكي بالمثل يوم الحساب
استغفر الله العظيم
لا ابدا والله بقي مبسوطة بتعليق الطويل
بحس فيه ونس كدة :)
اسلام
انا اكيد مش هزهد في الدنيا
يارب يا اسلام ننجح كلنا
وانت اللي تستاهل كل خير ويارب يتقبل دعاؤك يا اسلام
ايانا واياكم يارب
____________________________________
محمد مفيد
حمدالله بالسلامة روعك يا محمد
وعمرة مقبولة وذنب مغفور ان شاء الله
انا كمان عايزة الحق
بيجاسوس المصري
الحمد لله يا ميزو انا كويسة
المشكلة اننا بنفتكر الموت واحيانا بيتصادف اننا نشوف حد بيموت ادامنا
بنتأثر لكن بعد شوية بتلهينا الحياة
_____________________________________
لميا محمود
هههههههههههههههههههههههههه
هههههههههههههههههههههههه
والله ضحكتيني
بطوط
سلامة عيونك من البكا يا انجي
________________________________________
حياتي
الاول منورة مدونتي
وياريت تكرريها تاني
العزلة مش حلوة صدقيني انا عن نفسي جربتها
اتكلمي عن كل اللي مدايقك
كلنا هنشاركك وكل واحد هيقولك رايه او خبرته
تأثير الكلمة دي علي الاقل بتمني انها تكون في دماغنا علي طول
بتقري البوست بتاعي مرة واتنين
ومش بتعلقي عندي ووماشي مش في اي مشكلة
بس انك تعزلي نفسك كدة
علي القال علقي عند حد تاني
خلي الناس تشاركك وتعرفك
المهم فكريي في حياتك وحاولي تصلحي
وابقي تعالي عندي وعلقي كتير
ماشي؟
:)
بادينا نتقرب من ربنا
الطريق سهل بس عايز اللي يستمر فيه
وربك رحيم بعباده
اللهم امين
الدرويش المروووش
سلامة زورك يا ابو الدراويش
ونعم بالله
________________________________
مهند
وعليكم السلام يا مهند
انا عارفة ومتاكدة ان ربنا بيحبنا يا مهند
ربنا يخليك يارب
ومش عايزاك تزعل مني يا مهند
ولينا كلام اكبر من دة
اللهم امين واللهم تقبل
ليندا
كل واحد بيحاول يعمل اللي يقدر عليه في رمضان
وانا عايزة ان المحاولة دي تستمر معانا علي طول
المهم نتعظ يا ليندا
تحياتي
___________________________________________
حكاية
بنخاف او بنتكسف لان في ناس ممكن مش تخاف بس مكسوفة اوي من نفسها وم ربنا
اللهم امين
منوراني
احساس لسة حي
ههههههههه
بتردهالي ماشي ياعم مقبولة
بس لازم نخلي اللي مش بيحس دة يحس بطريقة ما
عندك حق لازم نحب ربنا اووووي
___________________________________
بيسوو
اللهم امين يارب
وحشتيني
كفراوي
ونعم بالله
اللهم امين
لا يسعني غير ان امن علي كل كلمة قلتها
_______________________________
بيستك
وعليكم السلام
ان شاء الله تهتدي وتوصلي لبر الامان
صح لازم كلنا نعمل صدقات علي القال بكلامنا اللي بنكتبه
اوكي انا عن نفسي عظبط الموسيقي عندي
اللهم امين
islamist bloke
طبعا ربنا بيحبنا
احيانا هي دة بقي مشكلتي
ان فعلا زي ما قلت في حاجات بتوسوس جوايا اني مهما عملت ربنا مش هيتقبل مني
لازم نكون فعلا اقويا ونبقي مؤمنين ان ربنا هيتقبل مننا لانه رحيم بعباده
اللهم امين
____________________________________________
عاشقة الوطن
ازيك انتي يا قمرة
ربنا ينولهالك يارب ويتقبل منك حسن العمل
ويدخلك جناته يارب
كاتروز
تقريبا فعلا عاملين نفس البوستين
كل واحد هيتقرب من ربنا
بس ياريت تكون بطريقة صح
وانا كمان نفسي اشوف الرسول واقعد مع اصحابة والشهداء
يبقي لازم تخلي نفسك مستعدة
___________________________________________
ساكم اصلي
يا عم بتشكرني علي ايه
الحل بسيط اوي اننا نقرب من ربنا
عامة انا رحتلك وعلقت عندك
هند
اللهم امين ربنا يتقبل منك ايانا واياكم ان شاء الله
_________________________________________
يوسف المصري
هههههههههههههههه بقي اجمل ما قرأت ليا
ماشي يا يوسف
صح دي رساله بس ياريت نفهم ونفوق
اللهم امين
______________________________
اربعين يوم مش اني مش اكتب
ربعين يوم اني البانر بتاعها
فهمت
كوكا
وياريت مش تبقي الاخيرة يا كوكا
وسلامة قلبك
يارب
ويغفر لينا كلنا اللهم امين
منوراني
_______________________________________
سجدة
ان شاء الله هخليكي تسكني يا سجدة علي ايدي
يوم ما اغرقك واريح البشرية كلها منك
ههههههههههههههه
بادينا نتغلب علي وقتنا يا سجدة
وبادينا نتوب علي كل ذنب
بس الواحد ينقي قلبه شوية
اللهم اغفر لها
واحسن خاتمتها
اللهم ان امتك تطلب عفوك ورحمتك
فاكتبها عندك من الصالحات
وارزقها حسن الخاتمة
واسكنها فسيح جناتك
ههههههههههههه
برضه هتلاقيني معاكي بمرنك
هههههههههه
الهواري
بتهيالك يا احمد
كل اللي الواد بيشوفه في الدنيا مش يجي صفر من اللي الواحد هيشوفه
عامة سلامتك هبقي اكلمك
___________________________________
اماني
وعليكم السلام
اللهم امين
لازم كلنا نلحق يا اماني
خمسة فضفضة
وعليكم السلام ورحمة الله وبركاته
المشكلة انها بتيجي فجاة وبدون ميعاد زي ما قلتي
عشان كدة لازم نستعدلها في اي وقت وكل وقت
اللهم امين اللهم تقبل منها يارب
___________________________________
the groom
ربنا يرحم اموت المسلمين ويرحم امواتك يا جروم
ويارب يغفرويرحم لجدك
الرثاء دة تحفة بجد ولمشني اوووووي
اللهم امين
جهينة
وعليكم السلام يا جي جي
بنكبر وبتكبر معانا ذنوبنا وماسينا
كتير اتمنيت زي مانتي اتمنيتي
علي القال لا يبقي عليا ذنوب ولا اي حاجة من دي
اللهم امين يارب
تسلميلي يا جي جي
______________________________________
ذكريات
لا اله الا الله
قول يا عم اللي عايز تقوله
انا عارفة بس كله جه ورا بعده
بالمناسبة رساله الي الوالي عجبتني اوي
بقالك فترة مش بتزل بوستات ليه
لعل المانع خير
قائد
ههههههههههههههههههههههههه
اللهم امين
وانت معايا يا ابو العيال
نا مش قلت هموتك
انا قلت هفضحك
بنت ذوات ايه بس خلي الطابق مستور يا قائد
وبعدين هتجيب يعني هتجيب
وبلاش انا يا قائد
دة انا رويتر المدوينين
ربنا يرحمنا فيها
سلام يا شقيق
________________________________________
مادو
انا كمان ايه يا محمد
اه صح
الكل فجأة جاتله الحاله دي
الكل بقي فجاة خايف من الموت
ربنا يرحمنا كلنا يارب
رفقة عمر
وخليكي دايما واثقة في دة
كلنا الظاهر عايزين الطلب دة
ان شاء الله يا حبيبتي ربنا ينولهالنا كلنا يارب
_______________________________________
الجحيم
ههههههههههههههههههههههه
فكيتها يا خويا فكيتها
برنسيس دودو
ربنا يخليكي يا دودو يارب
مش مضايقة اد ما حسيت ان نهايتي قربت
وخفت اوي
وقلت اللي عايزه اقوله هنا
ربنا يتقبل منك يارب
______________________________
هند
ياااااااااه اد ايه مبسوطة اوي
ان كلامي لمسك واثر فيكي
ان شاء الله هتدخليها وهتلاقيها
يارب دايما توصلي للسلام النفسي والراحة دي يارب
اللهم امين
اللهم امين
utopian
انا الحمد لله وماي سول ميت بضه كويس الحمد لله
اوكي انا جاي تاني وربنا يستر
_________________________________
مش قادرة
لازم يكون عندك صدق رجاء في ربنا
مش عارفة دة حاجةوحشة ولا كويسة
بس مبسوطة اوي
ان شاء الله كل واحد فينا هيلاقي طريقه
وسلامة عيونك من العياط
هبمكاوي
دة احلي لقب اختده بجدبس خلي بالك في مدونةاسمها عروسة النيل
ههههههههه
عندك حق اد ما هي حقيقة واضحة بس مش قاديرين نستوعبها لحد دلوقتي
ونعم بالله
________________________________
one true thing
يارب نسكن انا نيت مع بعض في الجنة يارب
وانا حاولت اوصلها ليكو عشان نتعظ كلنا ونقول يارب اسكنا كلنا عندك
نفسي يكون اللي جوايا زي ما انتي قلتي كدة بالظبط
نفسي ربنا يسامحني علي كل حاجة
ويغفرلي كل ذنوبي
فعلا المشكلة زي ما قلتي
كلنا مش مستعدين بس في نفس الوقت بنقول ربنا هيغفرلنا
جت منين القناعه دي مش عارفة
جايز عشان عارفين ان ربنا رحيم وبنقول انا عند حسن ظن عبدي بي
صدقيني كل مرة بدعي بحسن الخاتمة وربنا ينحينا من عذابهيارب
وانا علياد ما بقدر بعمل الخير
ايز مش اكون قادرة اعلماه اوي كل الي اقدر اعمله دلقتي هو الكتابة
ربنا يكرمك انتي يارب
وسلامة عيونك من العياط
العرابي
كلنا خايفين
طالم مش جت في دماغك قبل كدة يبقي لازك تفكر فيها دلوقتي
انت الي هايل
ومنورني
_________________________________
وينكي
مش بايدي حاجة غير اني اقول امين عي كل كلمة انتي قلتيها يا وينكي
اسكندراني اوي
والله ما وصلي حاجة دة اول تعليق منك ليا
كلنا فعلا اخطاء بس هنقول ايه بقي
مش بادينا نقول غير ربنا اغرف وارحم
_________________________________
sad doraa
تفتكري اني فعلا في احلي مرحلة
ياريت اكون زي ما قلتي كدة
يعني انيت مش عارفة ترجعيه تاني
ياريت تقوليلي
اللهم امين
ريموو
وياريتنا بنتعظ ياريم
اولا ربنا يرزقك حسن الخاتمة
وانا كمان خايفة
بس لازم نعمل حاجة يا ريم عشان نتغلب علي اللي جوانا دة
كل مرة هنقول ياريتني يارتني
واخرتها ايه
قاعدينوبس
انا كمان زيك بقول يارتني
ربنا ان شاء الله هيسترها وكويس ان الواحد جواه الخوف دة
ياريت نتخذه اول طريق لينا
________________________________________
عاشقة الوطن
ازيك يا قمرة
اعتقد انا قلت راي في الموضع دة عندك
ولا ايه
:))
بس هواقتراح عجبني اوي يا رضوي
ممكن
وايه اللي يمنع انك تطلبهامن دلوقتي
لما تطلبها هتحط الخير ادامك عشان تسحقه
لكن كلنا هذا الرجل غير مستعدي وخايفين نطلبها
انا كمان مكسوفة اوي من ربنا
يارب ينولك اللي انت عايزه
اللهم ان عبدك اراد الالحاق بالشهداء والصالحين
اللهم ان عبدك اراد الموت في سبيل الحق وسبيلك كلمة الاسلام
فارح قلبه قربه من مراده
واحسن خاتمته
انا كمان بحيك علي كلامك ومنورني
(__________________________________
انا كدة
اللهم امين يارب
ياريت اقدر اشيل المضوع من دماغي
لو عرفتي تعمل حاجة ياريت تقولليلي
عشان فعلا الدنيا مش فيها اي حاجة
قائد
الله يرحمها يارب
اللهم امين يا قائد
طول عمرك سباق ياخويا في فعل الخير
:)
________________________________
شيماء الجيزي
سلامتك من البكا يا شيمو يا قمر
عندك حق كلنا ناسين الموت
انا عن نفسي مش مستعدة
انتي ايه نظامك؟
اسكمدراني في الغربة
يارب
يارب ي
يارب
يتقبل منك
تفتكر بجد
اللهم امين
________________________________
نوفير
انا قريت تعليقك عندك ليا
وعامة انا نفذت الجزر
تاني حاجة بقي
البلوج التاني حضرتك عملته مخصوص ليا انا وطارق بس
بقول فيه علي اللي بيحصلي في يومي وازاي ايوم عدي من غيره لاننا احيانا مش بنعرف نكلم بعض الا فين وفين
لان مواعيد شغله غير مواعيد شغلي
بوق لفيه علي احساسي
وانت عارف بقي العين والحسد
فقلا نكتفي ان في كلام يتقال علي المدونة صعب ان الناس تقراه
ها وصلت ولا لسة
هههههههههههههههههه
ما بلاش هتشوفه دي
في الاخر بيطلع عليكو
اهلييي اهلييي
اوه اوه
الغريب
اولا حمدالله علي سلامتك
ايه يا عم غايب عننا بقالك كتير ليه
يارب يحسن خاتمتنا جميعا يارب
_________________________________
حلاوة
ههههههههههههههههههههههههههه
جتي القرف
هههههههههههههه
يارب
وعلي طول كدة بيعجبك كلامي جتك الرقف انت كمان
هههههههههههه
ربنا يحميك انت يارب
اميرة ويلز
سلامة يا قر يارب
كلما جربنا الفراق سواء واحنا صغيرين او واحنا كبار
ربنا يرحم والدتك يارب ويجعلها من الصالحات
بالعكس كل كلامك في الصميم
خدي وقتك وراجعي نفسك لعل وعس تنفعيني
__________________________________
حصان بري
ونعم بالله
وفعلا الموضع ماثر فينا كلنا وربنا يرحمنا كلنا يارب
islamist bloke
انا كدة كدة كنت هروح عندك شوفه
عامة هجاوبك علي كل دة واقوله ليك
وصدقني مش هنساك و
في اقرب وقتك هجاوبك
__________________________________
في القلب
ياريتني اكون فعلا قريبة من ربنا
اللهم امين ارب
منورني
ادم المصري
انا عننفسي يا اخويا كتبتله جواب قبل كدة
http://anooojy.blogspot.com/2007/02/blog-post_07.html
اقراه وابقي قولي ايه رايك
وررني جوابك
____________________________________
امام الجيل
هي دي المشكلة اننا بنحزن شوية ونقول هنقرب ونكون ونكون
وبعدين بنلاقي نفسما حاجة تانية
كلنا بنحاول نعمل كدة
وبنحاول نكون احسن وافضل
انا بحاول كتير بس خايفة
خايفة اتقرب
في شئ جوايا بيغلبني دايما ويوقوليان مش في فايدة من اللي انتي بتعمليه خلاص
وبيحلص حوار بيني وبيننفسي
بقول فيه ان ربنا خلاص قفل قلبي
وفي نفس الوقت برد ان لو فعلا قفله
مش هقول الكلمة دي لاني عارفة ان فيه ربنا
صراع كبير اوي بحيصل جوانا ومش عارفين نهايته ولا نتيجه
وبتمني ان الجانب الخير والكويس فيا ينتصر
شكرا ليك انت علي المداخلة الحلوة دي وياريت مش تحرمنا من زيارتك تاني
break
يا نعم
كلنا بنخاف من الموت
تصدقي ان انا كمان كنت بقول كدة
كنت دايما بقول ياربي هو انا مقدر عليا العذاب نا وهناك
وانتي طيبة يا قمر
يارب يغفر لنا كلنا يارب
________________________________________
شريف غريب
كلنا بنخطئ زي ما بتقول
بس ياريتنا بنتعلم وبنتعظ
كلنا خايفينمن الموت
بس الدنيا واخدانا اوي يا شريف
تحياتي ليك انت
بتعت الميني
اولا انتي منوراني
وبعدين كلنا كدة
كلنا جوانا ذنوب
لا يعلمها الا الله
بس اللي هيفرق ان كلنا بنحس بذنوبنا دي وبنحاول نتجنبها ونقرب من رنبا
صدقني ربنا كريم بينا اوي يا ماريا
وبيغفر لينا
جربي بس تقربي من ربنا كدة وهتلاقي الخير والراحة والطمأنينة ساكنة جواكي
يا ستي انا مش هشك فيكي لان بساطة كلمنا حياتنا معقدة بطريقة او باخري
انا يا سيتي هنزل مواضيعي
بس ياريت تبقي رحيمة بيا شوية
انتقدي زي مانتي عايزة بس براحة
من غير تريقةولا استهزاء
اتفقنا
سلام
________________________________
انا حر
انا فعلا بحبه اوي
بس مش قادرة اعمل حاجة
زي ماكون متكتفة من ايدي ولساني
بس انا بحبه اوي
تحياتي ليك
ما علينا
ناس ليها مصيف وناس غرقانة في شغلها
دة انا بحقد عليكي حقد
انتي بقي اللي وحشتيني
البلوج الجديد دة خاص يا انسة :))
المواضيع هتلاقيها هنا
هههههههههههههه
_______________________________
doba
كلنا عايزين نسكن عند ربنا
اللهم امين يارب ويتقبل منك ومني
منوراني يا هبه بجد
مايكل
ربنا يخليك يا مايكل يارب
اخبارك ايهيا واد
مش هشوفك بقي
_____________________________________
true love
اللهم امين
منوراني بجد
اسراء
سلامة عيونك من الدموع والبكا يا اسراء
وسلمتك من الوجع
_________________________________
انيما
كلنا عايزين نسكن عند ربنا
وكلنا خايفين من مرحلة ما بعد الموت
العياط بيكون طريق للتوبة عن اي شئ عملناه
ومش لازم يكون كبير وعظيم
ربنا يغفر لينا يارب كلنا
يارب ويحسن خاتمتنا
اسامة
اللهم امين
وما ادراك اني قربت
ربنا يقربنا جميعا منه يارب
ويارب تعرف انت كمان
___________________________________
سندباد
ونعم بالله
وكل دة ومش في اي تعليق
الكلام الخفي وصلني
ازيك يا انجي يا رب تكوني بخير
جميل قوي البوست يا قمر
انجي الموت عليا حق
المهم نعمل ايه للثانيه اللي جايه و مش عارفين هيحصل فيها ايه
انا بحبك البلوج بتاعك قوي
اتمنى زيارتك لمدونتي يا جميل ....زيزي
Meekness
الحمد لله
ازيك انتي يا زيزي
منوراني يا قمر
كويس ان البوست عجبك
ونعم بالله
زي ما قلت انالموت علينا حق
ربنا يخليكي يا حبيبة قلبي
وان شاء الله هجيلك يا قمرة
من أجمل البوستات اللي قرتها
تحياتي الشديده ليكي
الحقيقه
عاجز عن أي تعليق
قصاد الكلام الجميل ده كله
egypt eyes
بجد مش عارفة اقولك ايه بس ربنا يخليك وبجد بجد البلوج بتاعي منور بتعليقك
ياريت تكون مش اخر مرة وتنورني تاني
ومبسوطة اكتر ان البوست عجبك
________________________________
حسن ارابيسك
الحقيقة تعليقك عجبني اوي
وان دل علي شئ فدةشهادة منك ليا علي ان البوست عجبك
منورني يا حسن
Post a Comment
<< Home