كلمة حق تتقال من قلم حر
جايز يكون دلوقتي حر
ماهو اي كلمة في اي حاجة بقت كلمة حق
كلمة تطلع من زهق
تطلع من قرف
كلمة من برد .. كلمة من حر
واهو اي كلمة
وكلمة حق مني ان نصر اكتوبر مهواش نصر
ولا كان انتصارنا شعوذة ولا سحر
ولا اول طلعه جوية فتحت باب الحرية
ولا كر ولا فر
متستغربش مهواش لغز ولا سر
بالك .. انبارح كنت ع القهوة مع صاحبي عبيد
قالي يا فندي الحكمة انك متعش فقيد
اصل اللي صار كان قهر وظلم وجواري وعبيد
فخرجت الحرب صرخة الله اكبر تكسر الحديد
يعني من الاخر كانت نتيجة حتمية
يا ابني محدش جاب ديل الديب
مهواش يعني اختراع طيارة طارت ولا صاروخ سعيد
لااااااااااااااااااااا..... الحكاية كبيرة يا صاحبي
وانت عارفني
زي اي مصري ساقط قيد
ويسكت عبيد عارف اللي فيها ..
بس مخبي كلمة حق
ولا من قيمة اسبوع كنت ع الكورنيش
مع مثقف من اياهم مانت عارفه .. صاحبي درويش
قالي بالك يا ابو سمرا .الحكمة انك تكون زي الواد الحلاق عليش
مانت عارفني بمشي جنب الحيط
واكح بشويش
ليقولو واد لمض ولا يقولولي عملت انقلاب في الجيش
مانيش خايف .. بس الدنيا يا صاحبي مبترحمنيش
والله يا راجل كدبت الست لما قالت
قولي يا زين ولا تخبيش
ويكون زي غيره .. رامي في الباكابورت كلمة حق
ولا الواد صبحي النقاش
يوم ما خرج من الانعاش
ندم انه في يوم لغي الإن وعاش
لا لاقي حق الدوا
اصله تمنه في البلد دي ما يسواش
والنقاشين يا عيني ملهمش معاش
دة حتي وش البوية مش طايله
يلون وشه بلون تناحة ويضربها طناش
واهو لاقي العضم في الكرشة
ودلوقتي لاهو محصل ميت ولا حتي عاش
يلا اهو غار في الدنيا زي غيره وضاع ببلاش
يبقي يا شقيقي فين كلمة الحق ؟؟
ولا ام محمود بياعه الخضار علي اول الشارع
اتلموا عليها البلجية يوم ما قالت كلمة حق لواد صايع
وبيني وبينك يا صاحبي الولية ام محمود عليها حتة كوارع
تفرش فرشتها الصبحية وتبص للواد حنيدة وتقول
يا فتاح يا عليم اصطبحنا اكفينا يارب شر البلاوي والساقع
اخره
البلطجية ما خلوا حتة فيكي يا ام الحق ضايع
والناس ساكتة وانا منهم وحياتك
هوانا لدنيتي بايع
واهو كلنا كتمنا كلمة حق زي اي حد خارع
ولا استاذ سلطان
مدرس العربي بتاع ابني ياسين
نازل واكل طالع سافف
والواد ما عارف المضاف اضاف لمين
اصله مدرس فصله .. ليسقط الواد ويبقي وابقي حزين
اربعين ملطوش في الساعه وحياتك يشَفوا الطخين
ولا قادر تشكي وتقول لا .. مانت عارف اخرتها فين
وتيجي تقوله
جري ايه يا ريس مش كفاية عليك كادر المعلمين
يبص عليك بحسرة ويقولك
يا بيه صلي علي اللي هيشفعلك كفاية عليا مطوحة السنين
واسكت انا
وادفع يا ابو سمرا وابقي زي غيري
خانق كلمة حق
اسكت مش رحت من يومين ازور صاحبنا عبد اللطيف
راجل تبت وبتاع مشاكل وفاكر نفسه ظريف
ديتها رصفوا شارعهم بعد طول انتظار
والناس خرجت تهلل منهم حتي الكفيف
وفي اخر اليوم كان كله فوق بعض عشان سبب سخيف
ال ايه ما ينفع يرصفوا الا ما يبيضوا الرصيف
وصاحبنا تيفا الجعجعي ساكت اصله خايف ع الرغيف
اكتشف انه يعيش جبان عشان يبقي ادام الحكومة عفيف
واهو كلمة الحق تحت الاسفلت
تاهت وسط طوب الحفر
سكت ليه يا ابو سمرا كمل كلامك
ومال عنيك كدة مبلمة
ولا عشان مشاريب القهوة علقة فيك متعلمة
يا سيدي .. اصل اللي مشغول بكلمة حق
احواله دايما معتمة
وعينك في راسك يقسمها فاسك
واصواتك متكتمة
وحياتك لا هي رمادي ولا ابيض ولا اسود
واهو شوية خدع تبقي ملونة
واحلامك دايما متاجلة
واهو اي حاجة بقي زي ما بتقول المدونة
*************
علي فكرة يا شباب
انا اعلنت عندي زي ما هي طلبت عشان عايزة تكون مشهورة
وبعتذر عن التاخير لاني بجد مشغولة جدا
ادعولي
68 Comments:
أنا استغربت بس ان مفيش ولا كومنت
فقلت امسى عشان مجتش من زمن
وهو اى حاجة
اه
نسيت اقول انى مبسوط ومنتشى انى اول كائن يعلق
تحياتى
انا جيت هنا ومكنش فيه ولا كومنت
بس على ما قريت برده ملحقتش
طبعا ابداع كالعادة
البوست جااااااااااااااااااااامد
بجد راااائع
كلمة الحق فين؟؟
راحت وراحت ايامها
كله بقى ساكت وكله خايف يكلم
يقولك اهو نرضى بقليله احسن مانقول كلمة حق لا هتجيب ولا هتودى يمكن بعدها نخسر قليله
فى كل حتة الواحد دمه محرق على كلمة حق
وعلى فكرة الموضوع منتشر اوى على كل المستويات حتى بياعين الكرشة زى منتى بتقولى
كله ماشى جنب الحيط
كله خايف يتكلم
وحتى انا بكتب التعليق دا دلوقتى واناخايفة
:P
السلام عليكمورحمة الله وبركاته
اييييه يا سمرا يا بنتي مالك ، فيه ايه ، انتي سخنه ولا حاجه ، كلمة حق ايه وبتاع ايه اللي انت جايه تقوليها
يا بنتي استهدي بالله كده وخلينا ماشين جمب الحيط ، احنا عاوزين نفرح بيكي ، فاماتقلبيهاش نكد ربنا يخليكي...هههههه
بس بجد جامده جدا ، مبدعه والله
تحياتي يا قمر
سمرا:
هسسسسسسسسسسس
اللهي يخرب بيتك ياحنفي خليت البت تكتب في السياسه
بوست رائع يا انوووج
بس
حسيت ان القافيه زنقتك في التعبير شويه
بس تسلسل الافكار وقوتها
يوضح انك شايله من زمان
بيني وبينك كلنا هننفجر
تحياتي كتييييييييييير
اعتذر عن التحليق خارج السرب
لكنني أريد رأيكم للأهمية في آخر موضوع لي
بعنوان
شكــر وإعتــذار
تحياتي
كلام موزون و ميه ميه
كلمة الحق كلمة الحق
انا سمعت الكلمه دى فين قبل كده
ياااه هو لسه حد فاكر كلمة الحق
تحياتى يا انوووج
يا سمرا انا بجد مش عاررف اقولك ايه
انتى مبدعه كعادتك و لكن انا عايو اقولك حاجه انا عايزك تفكرى فى الوضع اللى خلى كلمه الحق توصل للمرحله ديه
للوضع اللى خلى كلمه الحق بقت محتاجه صرخه من صاحبها
محتاجه الف حرب لتل الى نصرها
تحياتى
مع أول زيارة ليا هنا فى المدونة اقول وأنا واقف هنا فى الأوضة بتاعتى قدام الجهاز الخنيق الذى يلقب بالكمبيوتر
إنى بإذن الله هتضرب ضرب مبرح للغاية عشان انا قعدت أضحك وصحيت كل اللى فى البيت من كتر الضحك على كل كلمة قريتها هنا فى المدونة
دعواتكم معانا إنى أستحمل الضرب ومقولش آه عشان الجيران تنام مرتاحه
ولا عذاء للسيدات
أخوكم عبده محتاس
اللى بيقول المقولة الشهيرة
المحتاس محتاس حتى ولو علقو فى ودانه سلاح
:)
جزاكى الله كل خير عشان ضحكتينى من قلبى بجد
انتى شكلك اتخطبتي وقلتي اديني لقيت حد يجيبلي عيش وحلاوة
الى الأمام يا رومل
إزيك يا سمـرا ... أجين :) ... أنا قلت ما دمنـا لسه ف العشـرة الأوائل ، نسيب تعليق ، ونجري ... عقبال كده أما أشووووفـــــك !!!
تحياااااااتي
çok güzel bir site.
كلمة الحق اقولها ان كلماتك اجمل شلال
شلال ينساب من الورود فى حديقة اجمل من الجنان ونحن لا نملك بعد القراءة الا ان نبدى مزيد من الأعجاب على هذا الأبداع
جميله قوى سمرا
بتتكلمى كانك عندك خبرة رجل عنده 70 سنه
واضح انك شايله كتير قوى فى قلبك
الهموم كبرتنا قبل الاوان
مش تغيبى كدة تانى
ازيك يا سمره وحشتينى يارب تكونى بخير
بت ياانجى انتى ياام بنطلون فرده وفرده
انتى عاجبانى اوى يابتوته
بجد
هى كلمه الحق تزعل ولا تزعل
بس باينها فى البلد دى تزعل وتسجن وتحبس وتعتقل كمان
مع انها ياحول الله كلمه
كلمه وبس
وسلام ياااااااقمر
السلااااااااااام عليكم
هو انا صاحي اساسا النهاردة مش طايق ام البلد ولا ام الحكومة قريت خبر الدي اس ال حرق دمي
جيت عندك حرقتي دمي
يعني هي كلمة الحق حبكت تطلعيها
بس اقولك حاجة؟؟؟
من غير زعل؟؟؟
للاسف ان محدش فينا بيطلع اي كلمة حق عشان بيخاف...واللي عامل انه بيقول الحق بيبقي وراه هدف..جايز عشان كدة كلمة الحق ضايعه وتايهه وبتدور عل\ي اللي يقولها صح
يقولها من غير اهداف
ويقولها من غير خوف
وصباح الفل ياست الكل
بونسوار
دي مودموزيل سمراء النيل
سؤال واحد بس؟
الكلام الجميل ده كلامك و لا كلام نجم و لا مين؟ عشان بجد تحفة قوي و تسلم ايديكي سواء كاتباه او نقلاه
و سلام مؤقت
بونسوار
دي مودموزيل سمراء النيل
سؤال واحد بس؟
الكلام الجميل ده كلامك و لا كلام نجم و لا مين؟ عشان بجد تحفة قوي و تسلم ايديكي سواء كاتباه او نقلاه
و سلام مؤقت
جميل
ياسمرا
كتاباتك ابعا دها جميله صياغتك وبوستات تتجه دوما لتكون اكثر عمقا واكثر قدره على ايجا د قوالب جديده بعيده عن الافكار المعلبه المنتشره بين المدونين من اعا دةانتاج قوالب ليس لها صدى لانها تقع فى فخ التكر ار والشخصنه واحيا نا حب الظهور بعيد عن الابداع الحقيقى
احيكى يا صديقه
أنا بقة مش عارف أقول إيه ؟؟
أبداع كلمة بقت مش جديدة
طيب أقولك إيه ؟؟
الموضوع فعلا فظيييييييييييييع
هاه
عموما هفكرلك فى رد تانى يمكن أعرف أرد غير كدة
بس هوة كلمة حق
فظيع
وعادى بقة متعودين على كدة منك
أودى
Hello from Almada Portugal
Have a nice day
سمرا ابقي اقري تعليقي علي حوارك مع شيماء
سمرا
...
طب خلي الجدع خطيبك يتهنا بيك الاول
نهايتو
انت في عنبر كام دلؤتي
تكسير ولا شلافيط
علي العموم انا هحط بوكيه الورد علي
الباب واجري احسن حد يشوفني ويصورني
ويجعلو بالجدعنه عااااااااااااااامر
This comment has been removed by the author.
كلام جامد أوي يا سمرا
عجبني البوست
تحياتي لكي
اولا جميل جدا
بس المفروض يبقى اسمها صرخة حق وليست كلمة حق
بصى يا بنت الحلال
انا معرفكيش قبل كده
:d
هى اينعم كلمة حق
بس يعنى مجتيش تقوليها الا لما نزلت حوارك معايا
يا جدعان معرفهاششششششش
ههههههههههههههه
بجد البوست روعه
ودايما كده كلامك بياخدنى لنقطه صح وبجد حق
انوج
بحبك يا بنت انتى
:d
ابقى تعالى شوفى الحوار
المدونون يتكلمون والسمراء
تحياتى
جميل جدا ولكن
هل فكرتى تكتبى بالفصحة
بالمناسبة ياسمرا ماتعرفيش المصريين النهاردة قعدوا فى البيت والا لا ؟؟
http://7aleldonia.blogspot.com/2007/07/blog-post_23.html
أنج
كلمة حق يعنى إية حق
أنا فاكر الكلمة دى سمعتها قبل كدة لكن فيين مش عارف
سيبينى شوية كدة يمكن أفتكر
هاهاهاهاهاها
السلام عليكم
ايه ده هو البوست ده نزل امتي؟
محدش قالي
كيف الحال والاوضاع صعبة المنال؟
ان شاء الله تكوني متهنيه ومرتاحة البال
----------------
بالنسبة للبوست حلو قوي
بس ازاي يعني النصر مكنش نصر
والخطه مش خطه
والكلام اللي مفهمتش منه كلمة ده
تقصدي ان لو شوية عيال دخلو الحرب كانوا هيفوزو؟
طيب ما انهزمنا في 67 مش فازوا ليه ؟
يمكن قصدك حاجه تانيه
------------------
انتي توهتي عندي؟
اه معلش اصل انا بلوجات توهان
بصي يا ستي
بلوج البيست بوست دا لاحسن موضوع كنا عاملينه واتوقفنا شوية
بلوج الاهلي ومعروف امه لكل الاهلاوية وانا واحد منهم بكتب فيه
بلوج جهينه دا بتاع جيهان انا بس بشارك اني احطلها بانرات والحاجات دي
بلوج مصريات دا بكتب فيه عن تاريخ مصر الفرعوني لاني دارس مصريات وشغال فيها
بلوج الباحث دا بنتي البكر اول بلوج اعمله وبكتب فيه دايما علي اساس اني بحبه قوي وبحس بالراحة فيه
يالا يا ستي اديني عملتلك خريطة هنا
اوعي تتوهي تاني
تحياتي
ياه يابلد قد ايه انتي صابرة
شايلة جواكي وساكته
ويلوموني لما اقول بحبك ياسمرة
عارفة
مبلقيش الا في حضنك دفا
حتي وانا تحت ايد جلاد جفا
طب وانتي ذنبك ايه
ده قلب الام كله وفا
اعمل ايه عشان اسعدك
اموت وبدمي علي ترابك اكتبك
اعيش وارفع راياتك
وبعلو حسي اندهك
متخافيش يابلد
لسه فيه الف ولد
نفسهم فيكي ونفسك
يبقوا عون وسند
اااااه يا قلبى
اااااه يانا
وجعتيلى قلبى يا بنتى
دخلتى جوانا اوى و وصفتى حاجات كتيره
وعارفه هنقول ايه
الحمدلله
الحمدلله لاننا عايشين و قادرين نتنفس و بس
الحمدلله
:)
كلمة حق
دورتي كويس وما لقيتهاش
كله ساكت وخايف علي لقمة العيش
بقت زي اللجام
كله كتمها
البوست رائع يا إنجي
ودي بقي كلمة حق
سلاماااااااااااات
جميل اوى يا سمرا الكلام
طالع من القلب فعلا وكله وجع وهموم وطن
طمنينا عنك انشاله تكونى بخير
ايه يا سمرا؟
كل اصدقائك يائسين تماما؟
نعم نحن فى اسوأ حال وفى قاع التخلف والاحباط
ولكن البلد ما زالت تملك خيرها
ثرواتها وارضها وناسها
وتخلفها اسبابه ليست اصيله فيها
مجرد اللصوص تمكنوا منها فدمروا وخربوا وسرقوا وعاثوا فسادا
ولو زالوا لتحسن الحال وهم زائلون لا محاله
اما ان ييأس الشباب ويصيرون كالغريق الذى يتمنى ان تنتهى معاناته بالموت السريع
فهذه هى المصيبه الحقيقية
والمصيبه الاسوأ ان نؤمن اننا فاشلون ولا نصدق ان يكون لنا انجاز ونرى انه غير منطقى ان نكون فى يوم ما انتصرنا
لا يا سمراء
رغم رغبتنا جميعا فى ان نعارض اى شئ تقوله السلطه
ولكن الحقيقه ان اكتوبر كان نصرا اقرب للاعجاز
كانت البلد مفلسه وخارجه من هزيمه لم يحدث مثلها فى التاريخ من ست سنوات فقط ولا تنتج سلاحا ولا غذاءا ولا كساءا
ثم تعبر مانع مائى كقناة السويس وتقتحم خط دفاعى كخط بارليف
هذا اعجاز
ويارب يكون القادم افضل من السابق
بوست أكتر من رائع بالرغم من انه بيتكلم عن حاجة مبقتش موجوده وهي كلمة الحق بس تحفة بجد
تحياتي
عاجبني البوست
واللي عاجبني اكتر الكلام اللي انتي كاتباه في
About Me
دي اول زيارة بس هاتتكرر كتير ان شاء الله
تحياتي
كلام الحق اصبح كثيرا ما نقراه وقليلا ما يتحقق
تحياتي
بوست جميل جدا
كلمة حق !!!!
تحياتى
كلمات حق جميله جدا
ومدونتك اجمل وبوستاتك حلوهبجد
تحياتى وسلام
اولا يا جماعه بعتذر عن التاخير السخيييييف دة
hestura
تسلم يا جميل
انت فعلا بقالك فترة كبيرة اوي
وانا مبسوطالك اكتر كون انك او كائن يعلق
:)
____________________________
حدوتة
ههههههههههههههههه
معلش بقي اديكي بقيتي التانية
علي رايك راحت وراحت ايايمها
ودة شئ طبيعي اننا هنخسر بعد ما نقولها
مش تخافي قوي قلبك يا بنتي
خمسة فضفضة
وعليكم السلام ورحمة الله وبركاته
ههههههههههههههههههه
الحر يا بنتي بقي نعمل ايه
ههههههههههههههههه تصدقي وانا كمان عايزة افرح بيا
انتي اللي مبدعه بجد
_______________________________________
حصان بري
هههههههههههههههههههههههههههه
الله يخربيتك يا حنفي الف مرة
يعني القافية زنقتني في التعبير
انا مش في حد يزنقني :))
اهو انا مستنية الانفحجار دة بقي
صاحب البوابة
قريت الموضوع بس مش عرفت اعلق
النت بقي وظروفه
_______________________________________________
مريم
لا يا بنتي الكلمة دي جاية من الفضاء الخارجي
ولا كانك سمعتي حاجة
شريف غريب
مش تقول حاجة يا شريف
فكرت كتير يا شريف بس للاسف مش لقيت اي نتيجة
______________________________________________
عبده محتاس
ههههههههههههههههههههههههه
يارب تقعد تضحك علي طول
يا محتاس
يارب اكون سبب ابتسامة حتي علي وشك
اه نسيت اقولك انك منورني
وابقي تعالي
انت مش بتيجي ليه
dead man
هههههههههههههههههههه
رفيق الكفاح
مش تنساني بقي
________________________________________________
ابراهيم معايا
هههههههههههههههههههههههههه
دة انت طماع اوي
mustafa senalp
جيد الاسبوع
________________________________________
ذكريات
بجد مش عارفة اقولك ايه
انت اللي بجد مبدع
اعذرني علي تقصييري معاك لاني بجد مطحونة في الشغل ومشغولة جدا
بس انا هزورك
رفقة عمر
70 سنة ايه بس يا رفقة
دة انا افتكرتك عتقولي 200 :)
صدقيني اوي
البلد دي انا شايلة همها وخايفة عليها اوي
والكلام دة عشان انا بس بحبها
وبحبك انتي كمان اوي
____________________________________
الارموطي
ياااااااااااه
انت فينك يا ابني انت كمان واحشني اوي
انت اللي كويس ؟
شجرة الدر
ههههههههههههههههههههههههه
ربنا يخليكي يارب
بس عاجباكي ازاي يعني
كدة الناس يفهموكي غلط
صدقيني كلمة الحق دلوقتي توديكي ورا الشمس
بس كش اي كلمة
______________________________________
احمد عيسي
وعليكم السلام
هههههههههههههههههههه
ليه يا واد بس مش طايق الحكومة
هو اصلا في زي الحكومة
يا سيدي زنقت معايا فحبيت اطلعها
فعلا كلنا بنخاف
وبصراحة انا اولكم
صباح افل عليك انت
شاه
بونسوار مسيو شاه
الكلام الجميل دة فعلا كلامي
ويا سيدي مش كلام حد غيري
لاني مش بنقل اي كلام بتاع اي حد عندي
وسلام ومستنياك
__________________________________________________
الجحيم هو الحقيقة
ايه يا عم الكلام الكبير دة
طب ارد عليك اقولك ايه
الله يسامحك
هههههههههههههههههههه
اودي
ليه يعني مش عارف تقول ايه
القطة كلت لسانك
ولا الفار قرقض صوابعك
يا واد طبعا فظيع مش انا اللي كاتباه
ههههههههههههههههههههه
اديني مستنية اهو يا سبع
__________________________________________
حصان بري
قريته وعلقت يا باشا
سمسم
هههههههههههههههههههه
ماهو قالي كدة برضه
لا انا خارجة بكفالة مش تخاف يا سمسم
بوكية ورد يا سمسم
ايه بقي الطلئة دي
دة بدل ما ترميلي كيلو كباب وكفته ولا حتة فرخة مشوية
ويجعلوا بخيرك عامر
___________________________________________
مايكل
ربنا يخليك يا مايكل يارب
اماني
المهم انها مصحوبة بكلمة حق في النهاية
يعني مش بقت فرقة
سواء صرخة او كلمة في النهاية هي مكتومة
___________________________________
شيماء الجيزي
ههههههههههههههههههههههههههه
بتتبري مني يا شيمو
اخس عليكي هي دي المجدعه ولا بلاش
يا بنتي انا نزلتها الاول ومش كنت عارفة ان حواري معاكي نزل
طب ايه رايك بقي انك تعرفيني
وانا والله بحبك اوي
شوفته شوفته
السطور تحت بعضيها
human
يعني اتعب شوية كدة وطوفلك شوية حوالين المدونةوخدلك لفة في السريع
هتلاقي ليا حاجات بالفصحة
منورني
_________________________________________
اميرة ويلز
ههههههههههههههههههه اليوم دة بقي بالذات مصر كلها كانت في الشارع
قائــــــــد
يا راجل افتكرتك هتقولي يعني ايه كلمة
هههههههههههههههههههه
اديني سايباك هو انا كنت مسكت فيك
بقولك ايه
ايه اخبار الباضاعه
كله في التمام يا زعيم
_________________________________________
مهند
حلو اوي
سيادتك نايم علي ودانك ومش عارف ان في بوست نزل
والله عال
دة تسيب
الحمد لله حضرتك
لا بص
هويمة 67
كان ليها اسباب تانية خالص
لكن بالنسبة ان النصر مش نصر دة
فدة انا قلت من وجهه نظر ناس فعلا مؤمنة بكدة
ان الظلم اللي اشفوه خلاهم يصرخوا
ودة كان سبب في ان هم حاربوا وكسبوا
واي توهان
عامة انا هركز في بلوج واحد من عندك وخلاص
سندباد
اهو انت كلامك دة بقي ابلغ رد علي كلامي دة
______________________________________________
كاتروز
سلامة قلبك يا جميل
والله ما اقصد
تصدقي فعلا الحمد لله اننا لسة عايشين بعد كل دة
:))
ريري
صدقيني دورت
حتي اسالي اصحاببي اللي في القصيدة كدة
ربنا يخليكي يارب
ويخليي كلمة الحق ليا وليكي
______________________________________________
همس اليل
انتي والله الي جميلة اوي
ان الحمد لله تمام
بس مشغولة اوي والله
علي فكرة عايزاكي في موضوع مهم
هبقي اكلمك
هارملس
صدقني هما مش يائسين
هما بس مصرين
وبيحاولوا يلفتوا نظر الحكومة ان ف ناس من دول عايشين ومن حقهم يصرخوا ويوقولا كلمة حق
بس الدنيا مش رحماهم
البلد ما زالت تملك خيراتها وثرواتها
بس صدقني مش لينا
مش لادقائي دول
الثروات والخير دة للي فوق اوي
ودول بياكلوا اللي بيترموا من فوق
روح شوف المناطق العشوائية
انزل المرج ومناطق من عزبة النخل والمطرية والشادر
وبولاق
مناطق كتيرة اوي خير البلد دة محرومين منه
وبالسبة لارضها
فهي الحمد لله بتباع
وتفتكر ان اللصوصو دول هيمشوا من البلد دي
انا مش بقول ان الشاب بيياس
انا بقول بس ان بقي صعب ان الواحد يقول كلمة حق
لان كل واحد عارف اخرة كلمة الحق دي هتوديه لفين
يا هارملس انزل لارض الواقع شوية
شوف اغلبية الشعب والفقرا عايشين ازاي وفين
بالنسبة لموضوع النصر
فالمفروض اللي هتفهموا من القصيدة ان في واحد اسمه ابو سمرا هو الي بيتكلم
وكطبيعه شعب مصري بيبص علي كل شئ وبيقول اي شئ علي سبيل الاستفتا
يعني هو افتي كدة من نفسه ان نصر اكتوبر مش نصر
وفي قعدة قهاوي مع عبيد
عبيد وافقوا علي الفتي دة
وقاله هو فعلا ش نصر اصل كل الحكاية الناس حست بالظلم والقهر
وان هم هيبقوا جواري وعبيد
سواء بقي للنظام او للاعداء
عشان كدة قرروا يحاربوا
يعني من الاخر موضوع ان الكل فاكر نفسه مثقف وبيقول اي كلمه في اي كلمة
فهمت وجهه نظري
انا حر
ربنا يخليك يارب
منورني وابقي نورني علي طول بقي
______________________________________________
big code
مش عارفة اقولك ايه
بس بجد مسوطة اوي ان كلامي عجبك
ويارب كل كلامي يعجبك
وفعلا ياريت تكرر الزيارة تاني وتال ورابع
وكل مرة
منورني
ياسمينا
انتي اللي جميلة يا قمر
انبسط اوي اني كلمتك
_____________________________________
يوسف المصري
هههههههههههههه
اه كلة الحق
فيها حاجة ؟؟؟؟
ازيك
mohamedgado
ربنا يخليك يارب
ومبسوطة اوي ان مدونتي عجبتك
يارب اكون فعلا زي ما قلت ان بوستاتي حلوة
وياريت كمان تورني علي طول
ايه الناس الكتير اللي قبلي دول
أنا جيت متأخره ولا ايه يلا ماعلينا
بجد موضوع جامد اوي
بس أنا اول مره أعرف أنك بتتكلمي في بسم الله الرحمن الرحيم البتاعه دي السياسيه
وعلى رأي اللي قال اللي هو أنا يعني
ياحسره عليكي ياكلمة الحق
في بلدنا مالكيش حق تتطلعي
الا في وقت الزق
هو لسه حد بيقول حق في البلد دي
صلي ع النبي
بس بجد طريقتك في الوصف وتخيل الشخصيات جامده
ربنا يعينك ويقويكي على اللي انتي فيه
قصيدة قوية جدا جدا جدا
فين كلمة الحق ؟؟
ايه الابداع ده
بصراحه فلته بمعنى الكلمة
الحلو مايختلفش عليه اتنين
ماشاء الله قريحه زي الفل
واضح شغل جامد قوى ودماغ صاحيه وواعيه عارف بتعمل ايه
الحقيقه استمتعت بالسيمفونية الرائعه دي بصراحه متمكنه من ادواتك
برافو
كلمة حق
انت زي العسل بجد القصيدة ان النثر او ايا كان معبر اوي
دمت بكل الخير
و ياريت تبعتي لي لنكات البوستات القديمة لانه فيه مشكلة و مش عارفة افتحهم
دمت بكل الخير و في حفظ و رعاية الله
one true thing
هههههههههههههههه
لا ابدا لا جيتي متاخر ولا حاجة
ههههههههههههههههههه
يا بنتي انا طول عمري وطنية
طبعا لا مش في اي حد بيقول اي كلمة حق بعيد عنك بتكلم عن خيال
اللهم امين يارب
______________________________
islamist bloke
ربنا يخليك يارب
ومبسوطة اوي اوي اوي انها عجبتك
كفراوي
وحياة ابوك يا كف
لو لقيتها ابقي تعالي قولي
اصلي بقالي كتير بدور عليها ومش لاقيها
_________________________________________
حسن ارابيسك
ربنا يخليك
فلته ايه بس
دي حاجة علي ادي كدة
ربنا يخليك ودي بجد شهادرة كبيرة اوي منك
ربنا يخليك
منورني
____________________________________
شمس الدين
انتي الي عسولة يا شموس
انا بعتهالك خلاص
Post a Comment
<< Home