ارجوك... عفوا لا تتبول مكاني

ايوووووون زي مانتو قريتهوها كدة بالظبط بس مش مكاني انا ها

ومن الاخر الموضوع دة ريحته وحشة وهتقلب المدونة

واللي بيقرف مش يضرب نار قصدي مش يقرا الكلام

ام هند

من كام يوم واثناء انتظاري تحت كوبري من الكباري الموجودة في مصر هي بنت ست خالة امي

عشان اعدي الشارع اللي كان اسماعلية رايح جاي

لقيت شاب واقف علي الشارع اللي قدامي وهيعدي وجاي ناحيتي

أن أن تشششش

يا لهووووووووووووووي دة ماسك بنطلونه

الحقونيييييييييييييي لا بقولك ايه انا واحدة مش ليا في الكلام دة

دة انا مخطوبة كمان

يا نهار اسود في الشارع كدة عيني عينك ... الغوووووووووووووووووث

المهم الواد عمل قرد وعدي الشارع ماهو الجنس الناعم ناعم والجنس الخشن خشن

راح معديني انا

بلعت بلعومي كله

بصيت ورايا اشوف هو وصل لفين لقيته مدي ضهره ليا ووشه للكوبري وبيعمل زي الناس

لفحت راسي ادامي وقعدت العن في ام اشارة الوقوف لانها مش مرور خالص

قوم ايه بقي راجل يجي مش عارفة منين وعمال يزعق

" انت يا استاذ ... انت يا كابتن"

هو ايه ايه مش بقي في ضمير .. خلاص زنقت معاك

ايه يا عم خضتني .. ايوة زنقت معايا في ايه بتزعق كدة ليه

حمش اديله فوق دماغه

ال عايز يعمل زي الناس ال وفي الشارع كمان تحت الكوبري

يا نهار اثوت

انت مش عارف انت بتعمل ايه

المكان اللي انت بت..صرف نفسك فيه دة ... مكاني

للحق اقول الشارع هدي وكنت هعدي بس ازاي اسيب التبولة دي واعدي

رحت عاملة نفسي عبده المهم ولافحة الموبيل علي ودني وكاني بتكلم فيه ( صياعه بقي).؟

وتقريبا لو كانوا قارنوا رد فعلي برد فعل الواد لما سمعت كلمة مكاني دي

هيطلع ازبهلال وتناحة وتوقف مؤقت عن التنفس وجحوظ في العين يصاحبة صرع

مكانك؟؟

مكانك ايه يا عم

ايوة انت بتعمل في المكان اللي انا بعمل فيه

هو يعني يا عمنا كان مكتوب باسمك

ايوة طبعا مكتوب فيه اسمي

انا بقعد اكتب اسمي عليه وانا بتصرف

حتي دقق شوية وهتلاقيه متعلم

خلاص يا عم هعمل في الحتة اللي جنبك

اهي الحتة دي بقي بتاعت الواد ابني شادي

ياعم انت بتتلككلي مابقولك انا بجد مش قادر

طب بص اعمل في الحتة دي دي بتاعت ابراهيم وهو مش موجود النهاردة

وطبعا الراجل كمان ساعد الشاب في هذه المهمة القومية وطبعا في مكانه

وبعد ما تاكدت ان كل واحد صرف نفسه ومش سمعت اي صوت كنت عايزة اشوف الاسامي

بس لما جيت اقرب اعوذ بالله

ايه الريحة الوحشة دي

هي الناس دي بتاكل ايه....... بيبي

عديت الشارع واول لما تعدي هتلاقي دورة مياة عمومية دخولها بخمسين قرش

والله الناس دي بتوفر

وعظيمة يا مصر يارض النعم

الخير جواه وللارض تحت الكوبري رواه

ودلوقتي

وانا من مكاني هذا اناشد شعب مصر الحببي المهااااااوووووود

ان يسارع بالنزول وحجز مكان مخصص له لتصريف نفسه

ومش ينسي يكتب اسمه علي المكان المختار

عشان مش حد يعمل عليك

بقولكوا ايه

عايزاها تبقي خضرة