Friday, June 29, 2007

اعترافات حزينة ...... الشهادة بلا موت

بداية الكلام اللي تحت دة مش حاله او موود
دة كلام قديم اوي بقاله حولي 10 سنين
هما قصيديتين كتبتهم من زمان زي ما قلت
حبيت اكتبهم عشان افكر نفسي بحاجة معينة
معلش بقي هكأبكم معايا
الشهادة... بلا موت!!

اصرخ بلا صوت.... وابكي بلا دموع
أءن بلا انين وينكسر قلبي وتتحطم الضلوع
تجرفني اعاصير الحزن ورياح التمرد ولا تنظفئ الشموع
اموت بلا احتضار... استشهد بلا موت
اضحك وابتسم ولا يسمع احد صدي الصمت
بقايا كلمات تنطق وانين حروف بلا صوت
ضياع ما بعده ضياع ... واحزان ما بعدها احزان
وانسان كل ما تبقي منه بعض من بقايا انسان
صقيع ثلج يحاول الحياة في قلب بركان
حياة ليست حياة وعيون براءاتها تدارت وراء الدماء
طهارة ليست طهارة بل كفرت بلعنة السماء
قطة حزينة تعشقها وهي تنحرق من البكاء
اتحمل غضب الكون وطهرت القلوب كما لو كنت يسوع
اسير بسفينة في محيط الحياة بلا ربنان وبلا قلوع
تشرق شمسي علي الحياة وشمس الحياة حرمت عليا الطلوع
انام بلا استيقاظ واستيقظ دون نوم وكأنني ميتة
ارفع لاعالي السماوات وادفن في سافلين ارض باردة
اعيش حرة وتمتلكني شجاعة الخوف الجارفة
اتوه في مدارات الحياة واغرق في الف فيضان
احب دون وعي ودون ارادة كأني ملاك سكران
انا قصيدة رائعة صادقة لا مثيل لها ولا لها عنوان
من اجل قلبي تحملت تحطم اناء الكبرياء
وتحملت اللام القلوب وحياه الشقاء
احب دون حب واعاني للاسف بلا عناء
*************************
إعترافات حزينه


في سكون الليل ظللت اترقب خطوات طيف مذهول
وفي صقيع الشتاء ظللت انتظر دفء شبح مجهول
مع هطول المطر لا يأتي قوس قزح كأرجوحة لحزن العيون
ومع تفتح الازهار وتلاعب الاغصان لا تتداوي الشجون
فكيف لي يا سيدي ان ابتسم وفي السماء دموع
كيف لي ان اعشق بعد ان احترقت داخل قلبي ملايين الشموع
فكيف لدربي ان يضاء بنور لم يحدده بعد لي قدري
وكيف لي بعشق يجرفني وغرام يفضح عيني
وانا يا سيد عمري اغرقتني اهات احزاني
وانا يا حنين ايامي ذبت من قساوة امواج خلجاني
فيكف لي بكل هذا...؟ وانا اسير في درب كدرب المسيح
واعيش في وطن يقتلون فيه العاشق ويذبحون الجريح
اعيش في وطن ليس له شعب وليس له سفن
ملامح شبح وطيف ليس له خيال وليس له وطن
اسافر في طرق الحياة دون سفينة ودون ربان
ولا ارسي في موانئ سلام لا تملأها غير دموع العصيان
ولازلت بعد كل هذا اترقب خطوات طيف معدوم الهوية
ولازلت انتظر انتظارا سينتظر انتظاري ليد فتية
ولكن جف نداء الحب عندي وما تبقي غير نداء العذاب
وكف قلبي عن النبض لعشق كف عن التنفس وتواجد في السراب
ولكني احيا ولا املك غير الانتظار
والعيش والسكن لملك متوج فوق عرش البحار

Labels:

59 Comments:

Anonymous Anonymous said...

تعليقى هو ان قلبى بيبكى يا انوج من كل احساس كتبتيه وانا حسيت بيه جوايا كل كلمه ونبضة الم وحزن ..... سلمى

Fri Jun 29, 12:56:00 AM GMT+3  
Blogger mohamed said...

كلامك فظيييع اوى .

انا اول مرة ادخل المدونة هنا .. بس مش هتكون اخر مرة خالص .. بجد انا كنت ببكى وانا بقرء كل كلمة بحس انها موجودة فى الدنيا وانها مش غريبة ..

انا فعلا مش قادر اوصف كتاباتك أثرت ازاى..

Fri Jun 29, 03:08:00 AM GMT+3  
Blogger محمد ياسر said...

قصيدتين مرة واحدة و الاتنين حزين كده
ايه كل المشاعر و الاحاسيس دى
بس بلاش الحزن ده يا بنتى

افرحى شوية و انسى الحزن بقى

تحياتى

Fri Jun 29, 03:58:00 AM GMT+3  
Blogger خمسة فضفضة said...

السلام عليكم ورحمة الله وبركاته

انوج ...ايه كل الحزن ده ،
وكمان قصيدتين مره واحده ، خبطتين في الراس توجع

بس بعيد بقي عن الاحزن ، الكلمات جميله جدا وكلها رقه واحساس

تحياتي

Fri Jun 29, 11:06:00 AM GMT+3  
Blogger sendbad said...

انا مش هاتكلم علي الكلام اللي جوه القصيدتين لان مينفعش مع الكلام الجميل اي تعليق سوا كلمة الله
انما هاتكلم عن اسباب كتابة القصيدتين شوفتي قدايه الحرمان والفراق والخيانة تخلينا نغرق في احساس الضياع والحزن شوفتي قد ايه اللي عنده احساسيس رقيقة ممكن الحزن يعمل فيه ايه والمشكلة ان اللي قدامنا مش قادر يفهم او يحس زي ما احنا حاسين يبقي المشكلة فينا ولا فيه
شؤال صعب تلاقي ليه اجابة يبقي مفيش غر اننا نقعد وتكتب يمكن الكتابة تريح

Fri Jun 29, 02:11:00 PM GMT+3  
Blogger YHYيــوســف الـمصـرى said...

صباح الاكتئاب :D
ينفع كده يا انجى لسة صاحى افطر بقصدتين حزانا كده ينفع يعنى :)
هههههه
بس الصراحة الاتنين احلى من بعض والله واحساسهم عالى اوى حوالى 2000 فولت
تحياتى

Fri Jun 29, 02:29:00 PM GMT+3  
Blogger sherif gharib said...

لا استطيع ان اصف مدى ما شعرت به من قصيدتك الاولى
فقد وصفتى بكل دقه و قسوه ما شعرت به ايام طوال و انا اشعر اننى اكره هذه الشعور من الشهيق و الزفير الداخل اللى صدرى الذى لا يزال يشعرنى اننى على قيد هذه الحياه دون رغبتى انا فى ذلك
حين اشعر بعدم ماهيتى فى هذه الارض
حين اشعر اننى ارتجف دوما و تتكسر ضلوعى مقتا و غضبا على كل ما حولى من التفاصيل و الذكريات و اللا لام
و كلمه
اننى نظرت الى المراه بعد كل ما جرى
قلت لنفسى شايف ايه يا ترى
قلت شايف صوره حلوه ملامحها متغيره
طب ايه كان جوابى لو عاد الزمن سنه ورا
دمت خيرا
تحياتى

Fri Jun 29, 02:56:00 PM GMT+3  
Blogger الشنكوتي الكبير said...

انا هاقول الصراحه القصيده الأولى خنقتني وحسيت اني مش قادر اكملها
بس القصيده التانيه تحفه وعجبتني قوي بجد كلماتها تتوه الواحد وتسرحي معاها
عموما اتمنى الذكريات الأليمه دي تتمحي ويحل محلها احلام جديده مع الأمل الجديد والعمر الجديد
تحياتي
سلاااااااااااااااااااام

Fri Jun 29, 03:59:00 PM GMT+3  
Blogger ذكريات said...

انا قصيدة رائعة صادقة لا مثيل لها ولا لها عنوان

بجد دا احلى وصف وصفتى بيه نفسك وهوا دا نفس الرأى الذى كونته عنكى من كتاباتك

Fri Jun 29, 06:21:00 PM GMT+3  
Blogger علي الألفي said...

ياااااااااااااااااه يا انجى
.................................

Fri Jun 29, 07:37:00 PM GMT+3  
Blogger علي الألفي said...

برة الكوممينت
انا هاستناكى ان شاء الله انت و العريس تكونوا قاعدين في الصف التالت علي يمين المسرح
هو ده المكان اللي كنت مقعد فيه اصحابي بتوع بورسعيد
و هو ده المكان اللي باخللي كل المقربين منى يقعدوا فيه
عشان نظراتهم ليا و انا باغنى هي اللي بتطمنى و تشجعنى
هاستنااااكىىىىىىىىىىىىىىىىىى

Fri Jun 29, 07:39:00 PM GMT+3  
Blogger Hadota said...

انجى
ايه الاحساس دا
والكلام دا
ضياع ضياع يعنى
ايه ياترى اللى فكرك بيه
وايه اللى انتى عاوزة تفكرى نفسك بيه
هل دا معناه انك مبسوطة وبتسترجعى الماضى عشان تعرفنى الفرق؟
ولاالموضوع ابعد واكبر من كده؟؟

Fri Jun 29, 08:41:00 PM GMT+3  
Blogger sara said...

الاخت الكريمة

احساسك رائع

Fri Jun 29, 10:48:00 PM GMT+3  
Blogger ~ Bato0ot ~ said...

leh keda ya nooj .. da ana 3ala takka asasan :S
khalteny ase7 msh a3yaaat ... :S
i miss u bas wenaby balash el 7ozn da kolo ..msh adra a2olek 3mlty feya eh asasan

Fri Jun 29, 10:52:00 PM GMT+3  
Blogger أحمد عيسي said...

يعني ده كان مودك من ييجي عشر سنين
وده برضه اسلوبك من عشر سنين
معني كدة انك كمان سنتين حتاخدي جايزة نوبل بقي

Fri Jun 29, 10:54:00 PM GMT+3  
Blogger مـحـمـد مـفـيـد said...

شهاده بلا موت
جامده جدا
برافو برافو

Sat Jun 30, 12:35:00 AM GMT+3  
Blogger Ana keda said...

يعنى اقولك ايه والنبى
انا داخلة اصلا قلت اشوف انجى كتبت ولا ايه الحكايةوداخلة بضحك على فنسى وبقول انا فل الاقيكى كاتبة وشغالة تقطيع فى الواحد
حرااااااااام يعنى

وبعدين من ساعة مااتخطبتى وشغالة تدوسى عالبنىاديم ايه يا انوج هدى اللعب شوية

يجدحاجة تحفة يعنى مفيش ايدى غير انى اقولك ابدعتى كالعادة وخلتينى خلاص هروح انام عشان مفكر ش فى اى حاجة

Sat Jun 30, 01:31:00 AM GMT+3  
Blogger mariam said...

يااه يا انجى
ايه الألم ده كله
لكن انت موهوبه من زمان تعبيراتك حلوه قوى و مؤثره لدرجة انى شعرت بالألم فعلا
تحياتى

Sat Jun 30, 02:12:00 AM GMT+3  
Blogger The Groom said...


واهو جيه وربنا يتمملكم على خير يا رب

:)


تحياتي لك من ماناساس البلد\

Sat Jun 30, 07:17:00 AM GMT+3  
Blogger one true thing said...

ايه يابنتي دا احنا ماكونا صدقنا وربنا فرجها بعريس يابويا عاوزين نفرح شويه
كلام جميل مقدرش اقول حاجه عنه بجد رغم كميه الحزن اللي فيه لو عاوزه تفكري نفسك بحاجه واكيد يعني انك مازعلتيش بفالك فتره فقولتي لما اجيب القديم يزعلني
ربنا يسعدك ياسمراء بجد ويعينك
بجد القصيده الاولى فوق الفظيع عاجبني اوووووووووي وعلى فكره انا مدونتي اسمها بقايا انسان وهندخل في قضايا وحقوق ملكيه وكده بس انا موافقه اتنازل عن الاسم لو في قصيده لسياتك

Sat Jun 30, 02:02:00 PM GMT+3  
Blogger أحمد المصري said...

ولكني احيا ولا املك غير الانتظار000
هذا هو حالنا جميعا00تحية لشعرك الجميل وننتظر المزيد0
مع تحياتي00
والسلام عليكم0

Sat Jun 30, 08:33:00 PM GMT+3  
Blogger واحد من الناس::طارق:: said...

ضياع ما بعده ضياع ... واحزان ما بعدها احزان
وانسان كل ما تبقي منه بعض من بقايا انسان

دة كان حالى قبل ما احبك يا عمرى بس احنا اتفقنا ها نلملم بقايا كل واحد منا ونبقى واحد..صح
بحبــــــبك

Sun Jul 01, 12:02:00 AM GMT+3  
Blogger soosa el-mafroosa said...

احساس جميل رغم حزنه

قصيدة في منتهى الجمال

تحياتي

Sun Jul 01, 12:59:00 AM GMT+3  
Blogger Doba said...

احاسيسك جميلة قوى على الرغم من كم التعب النفسى اللى مرتي بيه وانا بتصور كل حاجة انتى كاتباها

وجعتى قلبى كأن حد ماسكه بيعتصره بين ايديه - الله يسامحك بقى على كتاباتك الحلوة

اتمنى انك تكونى تذكرتى اللى انتى عاوزاه ولكن امضى قداً ولا تدخلى فى موجة يأس أو حزن أو اكتئاب - تمنياتى بمطلق السعادة المفرطة

تحياتى يا سمراء النيل
هبة

Sun Jul 01, 02:45:00 AM GMT+3  
Blogger Reemo said...

جميله يا أنوج مع انها حزينه
بس هو تقريبا الحزن بقى جزء مننا لدرجه اننا ساعات بقينا نستمتع بيه
مبدعه طول عمرك يا قمر
بعيد عن البوست
وحشتينى اوى
عامله ايه يا قمر
مش بعتيلى اميلك ليه
اميلى فى البلوج عندى
ابقى ابعتيلى عليه
قبلاتى

Sun Jul 01, 03:08:00 AM GMT+3  
Blogger صاحب البوابــة said...

أختي وصديقتي الغالية

كلماتك كعادتها سلسة

تخترق القلب لتشعره بالشجون

تحياتي اختاة

----------

طمئنيني عليكِ

وعلى خطبتك

أشعر انك حزينة

ارجو الا يكون هناك اي شئ

تحياتي أختي العزيزة

Sun Jul 01, 04:31:00 AM GMT+3  
Blogger Mirage said...

قصائد جامدة جدا الصراحة

Sun Jul 01, 08:45:00 AM GMT+3  
Blogger بحاول اكون said...

رغم اني زعلانة منك بس بردوا هعلق على كلامك الرائع ده
بجد القصيدين تحفه ووجعوا قلبي اوي
بس احنا عاوزين نشوفك فرحانة بئه وتكتبلنى بوست مفرح كده عاوزين نحس انك سعيدة
ربنا يديم عليكي السعادة والحب يارب

Sun Jul 01, 01:30:00 PM GMT+3  
Blogger Ert3ashat said...

leh bs el 7ozn dh ya bentyyyyy
wlahy ma aw7ash m,en el 7ozn ela enena neftkr el 7ozn w nz3al
3moma ya rab el7alah dhe tekhlas 3la kher isa

Sun Jul 01, 01:37:00 PM GMT+3  
Blogger gohayna said...

اتنين يا بنت الحلال

ماشاء الله عليك
والله

كلامك شديد وكله احساس

رائع يا بنتي والله كلها جميله جدا جدا جدا

احساسك ملوش حل ابدا والله تسلم ايدك

Sun Jul 01, 04:27:00 PM GMT+3  
Blogger buffy said...

gmela gdn

Sun Jul 01, 06:12:00 PM GMT+3  
Blogger حقى اهرتل said...

ده ملوش علاقه بالشعر يا ستى قولى كلام غير ده

Sun Jul 01, 08:03:00 PM GMT+3  
Blogger أحمد عيسي said...

انتي بتهرجي؟
يعني ايه تقفليها من غير اسباب؟
افتكري اللي انتي قلتيه لما انا جمدت المدونة بتاعتي وافتكري كل اصحابك واللي حواليكي واللي بيستنو اليوم اللي بتنزلي فيه بوست جديد
حالة مؤقتة يا انجي وربنا يفرج عنك يارب لو كان فيه اي حاجة مضايقاكي...لكن مش علي طول
يعني ايه تقفليها من غير اسباب
انتي بتهرجي؟

Mon Jul 02, 02:46:00 AM GMT+3  
Blogger صاحب البوابــة said...

لااااااااااااااااا

طبعاً لااااااااااااااااا

رغم أن احساسي كان صادقاً اذن عندما شعرت بحزنك

إلا انني لن أوافق أبداً على اغلاقك لمدونتك

فهي ليست ملكاً لكِ وحدك

انجي

انتظر تواصلك سريعاً

عبر ايميلي

hasbbo@hotmail.com

وبإختصار لن اتركك تغليقها

ابداااااااااااااا

سأنتظرك

Mon Jul 02, 12:22:00 PM GMT+3  
Blogger بحاول اكون said...

انوج ايه اللى انتي بتقوليه ده ازاي يعني تقفلي المدونة احنا هنهرج ولا ايه احنا كلنا بنحبك وكلنا هنكون جنبك في وقت محنتك لكن تقفلي المدونة لاء طبعا انشالله ربنا يعدي كل الامور على خير وترجعي تاني تنوري مدونتك وتنورينا اعقلي يا انجي ورجعي عن اللى في دماغك ده وكل حاجة هترجع احسن من الاول لو احتجتيني في اي حاجة انا تحت امرك ابعتيلي ايميل بس وانا عنيا ليكي يا قمره
ربنا يهديكي ويهدي احوالك كلها
اشوفك على خير با انوج

Mon Jul 02, 01:23:00 PM GMT+3  
Blogger Anima said...

طيب ليع قفلتيها؟
اظن من حقنا نعرف

Mon Jul 02, 06:15:00 PM GMT+3  
Blogger ody911 said...

من حقك تقفليها

ومن حقنا نطمن عليكى

طمنينى عليكى

Tue Jul 03, 01:10:00 AM GMT+3  
Blogger Shower-Mirror said...

ايه اللطافه دى ؟؟؟

انا مابحبش التهريج فى الحاجات دى

و هايبقى شكلك وحححححششششششششش لما ترجعى تكتبى تانى

و هاترجعى

غصب عنك

و هاتشوفى

سلام يا مكتئشه

Tue Jul 03, 10:09:00 AM GMT+3  
Blogger youma said...

يعني ايه مش حنشوفك تاني ويعني ايه تختفوا كلكو فجأة كدا ويعني ايه تفتحوا تكتبو وتقرروا فجأة انكو تقرروا الرحيل ونقعد نفتح ندور عليكو منلاقيش الا حاجات للذكرى
عشان متنزلش دموعي حأوقف كلام
ده ايميلي واول
youmaaaa@yahoo.com
حأستناكي

Tue Jul 03, 12:28:00 PM GMT+3  
Blogger kaed said...

أختى إنجى
واللة ماعندى كلام أقولة
بس انا زعلان جدا

Tue Jul 03, 05:40:00 PM GMT+3  
Blogger واحد من الناس::طارق:: said...

يا جماعة مش تقلقوا ..ان شاء الله خير . هى انجى بس عندها ظروف خلتها تاخد القرار دة .. كام كومنت ضايقوها على نت بيفصل معظم الوقت ومخليها مش عارفة تتابع المدونة وشغل بياخد جزء كبير من وقتها ومجهودها ... يعنى هى يومين ان شاء الله تظبط حالها وترجع لانها عارفة انكم وانا اولكم مش نقدر نستغنى عن بوستتها

Shower-Mirror
على فكرة شكلها مش عايبقى وحش ابدا .. الله اعلم بظروفها

Tue Jul 03, 09:38:00 PM GMT+3  
Blogger Shower-Mirror said...

طارق

على فكره انت فهمت غلط ..ارجو انك تقرا الكومنت تانى

Thu Jul 05, 12:39:00 PM GMT+3  
Blogger حسن ارابيسك said...

الحقيقة روعة كل الكنايات المستعارة الجميلة التي إحتوتها قصيدتك
خلتينا نحس إننا شوف فيلم عاطفي تراجيدي طول الفيلم والبطلة في صراع دائم مستمر مع أمواج عاتية من المشاعر الدفينة وخلجات نفس لم ترسى سفينتها يوماً على شاطئ واحد فنراها قوية احيانا تصارع موجاً عاليا عاتياً وأحيانا نراها ضعيفة تحاول جاهدة على استحياء مقاومته وأحيانا نراها متمرده تناطح ذلك الموج العالي
وأحياناً نراها مستسلمة تماماً

سعدت بتواجدي مع كل هذه المشاعر في تلك المدونة الجميلة

أتمنى تشريفك لي في مدونتي

هاتنور بزيارتك ليها

دعوة لزيارة مدونة شاعر تستحق الزيارة

http://mosaiiic.blogspot.com/

Thu Jul 05, 02:16:00 PM GMT+3  
Blogger reri said...

إيه يا أنووووووووووج
بقي أنا لسه جايه من عند طارق
وقريت الكلام السر
:)))
وبالأماره سبتلك السلام هناك وقلت لطارق سلملي علي البت أنوووووووج
قلت لما أشوفك كاتبه إيه
ألاقيكي قفلتي
بس كلام طارق هنا بيأكد إنها ظروف عاديه وهترجعي تصولي وتجولي
مستنينك يا أنوج

سلاماااااااااااااات

Thu Jul 05, 08:22:00 PM GMT+3  
Blogger esraa said...

اهئ اهئ اهئ ;(

طب اقفلتيها ليه يانجي

هو الفيرس اللي كان في الجو قبل كده رجع تاني ولا ايه

ارجعي بقي وخليكي جدعه(:

Thu Jul 05, 10:09:00 PM GMT+3  
Blogger No Fear said...

السلام عليكم
أنا عارف إني هتشتم بسبب الكلام اللي هأقوله
بس كويس و أحسن إنك قفلتي المدونة
ليه من غير أسباب

Fri Jul 06, 11:34:00 AM GMT+3  
Blogger mariam said...

انجى يا رب تكونى كويسه
ليه هتقفليها
يا ريت ترجعى لنا تانى
فكرى كويس
و لو فى تعليقات بتضايقك
الغى اللأنونيموس
او حتى الغى التعليقات خالص
بس ارجعى

Fri Jul 06, 03:07:00 PM GMT+3  
Blogger No Fear said...

السلام عليكم
أولا مش إعتذار عن رأئ لكن إعتذار لو تسبب في زعلك
أنا قلت كده علشان حسيت إنك قرفتي من التدوين نفسه ممكن بسبب حاجة تانية أو شبه كده يعني
المهم
أنا كنت من أكتر المتابعين لك من فترة تقريبا من ساعة أما كتبتي عن أخوكي و صاحبتك حسين أنك طيبة قوي و تمنيت تكني أختي
و عرفت بعد كده بموضوع لقاء المدونين و أشتركت في الثاني و للأسف وجدت كثير منهم عاوزة تتمنظر و تعمل زعماء و إحنا باقي المدونين يعني مستوي أقل منهم في التفكير و الثقافة من هؤلاء الزعماء و كرهت التدوين ده موضوع كبير خلينا فيكي أنت بقة أصبحتي نجمة شباك في عالم لتدوين مش عيب بس حسيت من ساعتها أنك بقيتي تكتبي مهنة يعني لازم تكتبي بوست جديد كل فترة موضوعه وطني عاطفي كبير شاعري قوي جامد يعني كل ده مش عيب بس الحاجات دي مكنتش بتخرج اللي كان بيخرج الأول أيام التدوين الحقيقي اللي بيعتمد علي عدم معرفة الناس بك و بحياتك الخاصة و بيعتمد علي كلام أنت عاوزة تتطلعيه مش لازم بالعربي الفصيح يعني
و فجأة صحيتي لاقيتي أتجمع كل اللي كان المفروض بيخرج أيام التدوين و ذهبت روعة التدوين من أحاسيسك
هي وجهة نظر ممكن تكون غلط من الأول خالص بسبب تخميني المتخلف و أطلع أنا العبيط
بجد أنا أفتقدك جدا من ساعة لقاء المدونين اللي حضرته
ياريت ترجعي زي الأول
مثلا أنا خمسة ستة اللي بيدخلوا المدونة عندي بس بجد أنا فخور بهم و حاسس أنهم أصدقاء بجد و للعلم ساعات كتير بأكتب موضوعات محدش بيدخل عندي أصلا بس أنا بحب المدونة بتاعتي حاسس إنها بيتي انا مرة كتبت للبلوج بتاعي إنه وحشني مش عيب
معلش أتكلمت كتير و ممكن يكون كلامي هبل
بس متزعليش مني مرة تانية و متشتميش في سرك و لا جهرك و متخليش حد يشتمني
و الله يسامحكم
و بجد الدنيا مش مستهلة بس أهم حاجة رضا ربنا و طاعته
سلام

Fri Jul 06, 04:26:00 PM GMT+3  
Blogger No Fear said...

السلام عليكم
مش عارف أقولك أية؟
انا في حاجات كتير عاوز أقولهالك بس أكتب بس عن السبب اللي أنت أمتنعتي فيه عن الكتابة
في حاجة واقعة حصلت لي و أنا صغير بتخطر علي بالي علي طول لما حد بيحاول يضايقني
الواقعة دي إن أسمي فيه أسم مجعلص شوية أنا كنت حاسس به كده و انا صغير و كنا مجموعات و إحنا في المدرسة المهم كان اللي عاوز يضايقني يناديني بالأسم ده المهم بعد خناقات كتيرة في مدرس قالي هم لما بيشوفك متضايق كده بيفرحوا أنت مش لازم تظهر لهم أنك متضايق هم هيحسوا أن ده مش بيرضيهم فمش هيقولوا لك كده تاني و الغريب إن فعلا ده حصل
عارف ممكن الكلام يكون جارح بس مش مشكلة كبري دماغك و هم هتلاقيهم أختفوا لوحدهم
في مثل بيقولك أية
النخلة المثمرة الناس بتحدفها بالطوب
ده ممكن يكون دليل علي إنك مخوفة ناس حاسة أنك ممكن تكوني شئ حلو و مفيد
ماشي يا نخلة :)


بس أنا بردوا مفتقد إنجي مش عارف ليه

Fri Jul 06, 05:49:00 PM GMT+3  
Blogger ellithy said...

nice blog
congratulations

MY blog is :


http://aglocohits.blogspot.com/


it contain :
-agloco updates in arabic
-instant answers about agloco in arabic
-detailed explanation of agloco
-explanation how to register
-translation of your images to arabic


please add it to your blog list and reply to me as soon as possible

Fri Jul 06, 06:52:00 PM GMT+3  
Blogger سمسم said...

ربنا يخرجك من اللي انت فيه

ترجعلنا بالسلامة

وتفتحي مدونتك تاني

تحياتي

ويجعلو بالفرج عاااااااااااامر

Fri Jul 06, 09:08:00 PM GMT+3  
Blogger صاحب البوابــة said...

لم استطع التكلم معكِ على الماسنجر بحريتي

النت كان دائماً يفصل

اعتذر

وسأرسل اليكِ إيميلاً قريبا

تحياتي

Sat Jul 07, 04:09:00 AM GMT+3  
Blogger catroz said...

اولا كلمك معبر اوووووى
مش عارفه حسيته الام و تناقض فى حياه الشخص مش بيقدر يعدى منها
..........
ايه بقى يا سمراء
فقلتى البلوج ليه
على فكره انا مستنياكى ترجعى من تانى
انا كنت واخده اسبوع اجازه كده من النت
ارجع الاقيكى قفلتى البلوج
لا بجد مينفعش
ربنا يفك لك كربك و ان شاء الله ترجعى زى الاول و احسن كمان
....:)
منتظرينك..

Sat Jul 07, 06:03:00 PM GMT+3  
Blogger whyme said...

حتى انتى يا صديقتى العزيزه
يبدو انها حمى الغلق تجتاح الجميع و لكن لم اكن اتوقع ان تستسلمى انتى بالذات لها

صديقتى العزيزه لا تفعليههااااااااااااااااااااااااااااااااااااااااااااااااااااااااااااااا
ارجوكى

تحياتى

Sat Jul 07, 09:50:00 PM GMT+3  
Blogger صاحب البوابــة said...

مررت

فما زلت افتقدك

اين انتِ

؟؟؟؟

ما زلت أمر

وسأمر

حتى تعودي

!!!!

Mon Jul 09, 05:03:00 AM GMT+3  
Blogger reri said...

إنجي
كفايه بقي كده
علي رأي إيلاري هي حمي
أنا جالي نفس الحمي بس خفيت علي طول
إختفيت حوالي عشر أيام كانت نفسيتي زباله ولما أرجع ألاقي نصكوا بيقفل
كده كتييييييييير

هو الحر مخليكوا تقفلوا لييييييييييييه؟؟؟

مستنيه البوست الجديد
سلامااااااااااات يا أنوج

Mon Jul 09, 10:16:00 PM GMT+3  
Blogger eldoctor said...

جيد انك عدت للتدوين ...المدونون كالوان الطيف متنوعون فى الفكر و المشاعر و الاحاسيس و احيانا لكى نرى اللون الابيض فى نقائه او اللون الازرق السماوى فى هدوئه يجب ان نراه فى احضان لون قاتم اسود مثلا .. ..
عسى الا اكون ابهمت بدلا من ان اوضح ...
تحياتى

Tue Jul 10, 01:52:00 PM GMT+3  
Blogger zoz said...

حلوة اوى بجد يا سمراء بجد بتعبرى كويس اوى وكلماتك تحفه موووووووت

Thu Aug 16, 03:22:00 AM GMT+3  
Anonymous Anonymous said...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品

A片,A片,A片下載,做愛,成人電影,.18成人,日本A片,情色小說,情色電影,成人影城,自拍,情色論壇,成人論壇,情色貼圖,情色,免費A片,成人,成人網站,成人圖片,AV女優,成人光碟,色情,色情影片,免費A片下載,SEX,AV,色情網站,本土自拍,性愛,成人影片,情色文學,成人文章,成人圖片區,成人貼圖

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人

Tue Feb 17, 11:34:00 AM GMT+2  

Post a Comment

Links to this post:

Create a Link

<< Home