Monday, October 15, 2007

يا عيني عليكي يا طيبة

ماعدت انا
ولا اعلم من انا
ولا في اي عصر
ولا في زمن
زمن اباح فيه الاب قتل ابنائه
زمن باع فيه الاب ابنائه من اجل هوي رخيص
زمن ذبحني فيه
زمن جعلني جثة هامدة لا اصلح لشئ غير ان ابكي
والحسرة علي صراخ مكتوم
اااااااااااااااااااااااااااااااااااااه
صرخة اريد الصراخ بها ولكني مقيدة
مكتومة
اسمع دعائي باذني وهو جالس لا يتحرك ساكنا
هكذا اصبحت
مدمرة
قاسية
ظالمة
تعشق الهلاك
اكتشفت من خلال كلامهم اني املك كراهية تملأ الكون كله
وهلاك كفيل بتدمير العالم
اهكذا انا
هكذا انا من خلال اعينهم
السبب في كل مشاكل الكون
ابهذه البساطة انام واستيقظ لاجدني شخص غيري
شخص فجاة اصبح محمل بقسوة وكراهية
باعني ابي
كما باع اخي
اخي الذي ربيته فهو ابني
دمره
كسره
جرح قلبه
باعنا
تخلي عنا
وعندما تدافع تصبخ مؤامرة منا
تركوني وحدي اصارع
ادفع ثمن لا اعلمه وحدي
ادفع حساب ثقيل
وهذه النتيجة
اصرخ كما اصرخ ولن اجد من يسمعني
اخشي عليكم من الاقتراب مني
لتصيبكم لعنه دماري
لاني كما ادعوا اصبحت شريرة
حسبي الله ونعم الوكيل فيكي
منك لله
ربنا ما يسعدك يا شيخة يارب
ربنا ينتقملي منك
ربنا يحرق قلبك يارب
كل هذا لي واكثر
الي متي
الي متي يضيع حقي
لا استطيع تحمل المزيد
فساكون جثة حارقة
ما اخترت مصيري
وما اخترت اهلي
ابحث عنهم ولا اجدهم
فلا اب لي ولا ام ولا خال ولا عم
وحيدة وحيدة
حتي انت يا حبيبا الذي اعتبرته كل ما لي
وكل دنيتي
عشقتك حتي الاذابة
ولكن اعذرني علي قراري
فماذا ساخبر اولادنا
أأخبرهم بان جدهم هو قاتل امهم
هو طعن في شرف كل من حوله
ماذاا سأخبر اهلك ان عرفوا حقيقته
كيف سنكمل وهو سيتركنا في منتصف الطريق
وكيف لي ان اقاوم وقد نفذت كل مقاومتي
وما عدت للاسف قوية صامدة
نعم ضعيفة انا
لا استطيع تحمل المزيد
اعذرني علي دموعي
وعلي قراري
ولكني لا اصلح
ما عدت صاحبة القصر المسحور


وما عدت اميرة منسية نهضت من كتب الخيال
بل كتلة شر
فهم لا يسمعون لغير انفسهم
ولا يرون غير ما تراه اعينهم هم فقط
وماذا يتبقي لي
فلكم كنت اتمني الفشل
لاري حسرته في عينيه
اريد ان اكون وحدي
وحيدة منسية كما كنت
اريد الاحتضار وحدي
فلاعود لقبري
مستلقية علي ارضي
ارض حزني
وارض ذكرياتي
عجوز شمطاء
عجوز شعرها ابيض
قوامها منحني
لابد لها ان تموت
او لتعود بنفسها الي قبرها
فلا مكان هنا لها بين قتلي
بين وطن احترف فيه العاشق قتل القلوب
بين وطن قتل فيه الاب حرية ابنائه
فلتعود للقبر
ولاعود انا للقبر
فلا هي بصامدة ولا قوية
بل عجوز تتصابي
بين دموع زائفة وخوف احمق
فلتتركوني وحيدة كما كنت
فلا يغرنكم كلامي
فانه كلام عجوز
لعصر اصبح فيه العري مذهب
واصبح العبادة فيه كاحساس من علي جبل عالي
اصبح فيه الجنس مباح
اصبح فيه الخمر كشربة ماء
اصبح فيه ثدي الام لكل من اراد ان يدق علي بابها
عصر ليس عصري
وزمن ليس زمني
فاعذروني
ولتعذرني انت خاصة
حيث اني قاومت لمدة واحد وعشرون عاما
قاومت ان اظل انا
وحدي وحدي
دون كف صغير
وساظل وحدي
فلا ذرية لي
فحرمان حرمان
اتظاهر بانتصاري
فانظر لمراتي
واري عجوز تخبرني
ان زمن الانتصارات لم ياتي بعد
وعليكي ان تعودي لقبرك الان
فاعود مثقلة الهموم
راسي علي صدري
اعود باكية الي قبري
مستلقية علي ارض من تراب وصخور
فهكذا كنت في البداية

فلا داعي الان ان يري غيري انك كثير علي
فسأمزق قلبي
وسوف أبتعد حتي لا تنالكم شروري
طالما كلام الحق اصبح شر
ودفاعي عن الحق اصبح هلاك ودمار
اصبح ميزان الدنيا مقلوب
اقسم بالله العظيم ما عدت اعرف من انا
ومن اكون
من اكون انا اذن
انا اللي فيا الخير
ولا اللي فيا الشر
مليان عيوب ولا
خالي من الذنوب ولا
واكيد لست خالية من الذنوب فلست انا بالملاك
فاكيد انا كما يطلقون علي
أأنا قاسية القلب
ماليش غيرك يا طارق
بس مش عارفة اقولك ايه
انت صُحبتي واهلي وبيتي
بس مش بقيت قادرة علي عذابك معايا
من الاخر مش مكتوب ليا اني افرح
وبدل ما يجي اليوم اللي انتهي انا فيه علي اديهم
انهي انا فيه حياتي
بيدي لا بيدهم
اسفة يا حبيب عمري
اسفة ليكم كلكم


وقولوا اللي انتو عايزينه

ان شالله تشتموني حتي

مش بقت في حاجة فارقة

Labels:

77 Comments:

Blogger goodman said...

اشعر فى كلماتك بكم هائل من الغضب والرغبة فى الانفجار الشديد
اتمنى ان تخرجى من ازمتك سريعا
قد يكون كلامى ساذجا لكنى اتمنى لكى الصمود فى وجة اهوال الحياة
هذا هو ثمن الرقة والرهفة
ترين العالم تجمع للاوغاد واللصوص
لا ادرى كيف اساعدك ولكنى كنت اتمنى ان افعل
تحياتى القلبية لكى

Mon Oct 15, 10:05:00 PM GMT+2  
Blogger a Dreamer with feet on the Floor said...

take it easy,,things will B Ok..when we B ok with ourselves and with the otheres..
wish U the best

Mon Oct 15, 10:31:00 PM GMT+2  
Blogger اسكندراني اوي said...

ايه الماساه اللي انا قريتها في البوست دي
في ايه يا انجي

وبدل ما يجي اليوم اللي انتهي انا فيه علي اديهم

انهي انا فيه حياتي

بيدي لا بيدهم


ايه الكلام اللي انتي كاتباه ده

اصبري واصمدي
وايااااااكي ان تفكري هكذا

ان كانت هناك ازمه
وايا ما كانت شدتها بالعقل وبالراحه كل شيئ يتحل

انما الكلام اللي مكتوب في البوست معناه الانهيار

وانا اعتقد انك مش من النوع اللي يحط ايده على خده ويندب
وبرضه مش صح انك تفكري في التدمير زي اخر كلامك اللي في البوست

Tue Oct 16, 12:36:00 AM GMT+2  
Anonymous Anonymous said...

يا عينى عليكى يا طيبه؟
انت بتقصدى هنا طيبه؟ يعنى مصر؟ ولا الطيبه بتاعه القلب
مش مهم
انا هاخرج عن بقيت السرب ومش هاطبط وادلع فيكى
المهم ان من كلامك ده انسانه ضيعفه جدا جدا ومش قويه خالص. يعنى اول مشكله حقيقيه تقابلك ..هوب علطول عاوزه تخلعى..هتقولى لى انت مش عارف نوعيه المشاكل..اللى بيص لبلاوى الناس تهون عليه بلوته..يعنى اكيد لو دورتى لازم تلاقى ناس مصايبه اكثر منهم
والناس دول معندهمش مدونات يروحوا يولولو عليها ويعيطوا ولا ليهم اصحاب زيك كل شويه يقولولك معلش يا انجى واستحملى يا انجى
اللى اكتشفته من كتاباتك انك انسانه متعلمه..والانسان المتعلم بيكون عنده عقل يفكر فيه وايمان بربنا..مش عياط وضعف..
اللى زيك هم اللى سؤوا صوره المرأه من كتر ضعفهم..
كل شئ فى الدنيا ليه حل..طالما ربنا عطيتك صحتك خلاص

وفى حاجه مهمه اوى
ازاى تفسخى خطوبتك بواحد حبك زى انت ما بتقولى على الانترنت؟؟؟؟
المفروض تتصلى بيه وتناقشيه؟
بلاش دى
انت ملكيش اصحاب بجد تتكلمى معاهم
لانى مش شايفه ان موضوع شخصى زى ده يبقى على صفحات الانترنت كده
لان كل الناس هيقولك معلش استحملى بكره تفرج
العيب فيك حتى لو كان العيب فى ابوك

Tue Oct 16, 08:00:00 AM GMT+2  
Blogger Mirage said...

فى إيه ياإنجى ؟

أولا كل سنة وانتى طيبة

ثانيا

عجوز شمطاء إيه وقوام منحنى بتاع إيه

انتى معيشة نفسك فى قصة مأساوية ليه كده

الدنيا لسه حلوة ومتخليش حاجات بسيطة تكسرك كده

ياما اختلفنا مع اهلنا وسبنالهم البيت وكل حاجة بتاخد وقتها وبتتحل

انا كنت متوقع ان دماغك هتبقى أكبر من كده بكتير

Tue Oct 16, 09:45:00 AM GMT+2  
Blogger اميرة الرومانسيه said...

حاله فظيعه
ليه مستسلمه كدا
وليه تسيبى حبيبك علشان ظروف عندك وممكن تتحل مش ممكن اكيد باذن الله هتتحل وبعدين مينفعش علشان خناقه بسيطه مع اهلك يبقى هما مش كويسين ولا كدا
لازم تكونى صبوره شويه ويمكن دا ابتلاء ربنا بيشوفك هتستحملى ولا لاء اصبرى شويه واكيد مفيش مشكله ملهاش حل
وحبيبك ارجعيلو هوا ملوش ذنب انو بيحبك ولازم تعرفى انو ممكن يدمر لو سبتيه خليه يقف جمبك وانتى اقفى جمبو
وتقبلى خالص تحياتى
اميره الرومانسيه

Tue Oct 16, 12:04:00 PM GMT+2  
Blogger Hayam said...

ايه ده؟؟
مش من حقك طبعاً
ازاي عايزة تبقي لوحدك
وازاي بدمري معاك روح
بتستناكي
اكيد مش من حقك
الي تظلم مبيعرفش يظلم
حاسبي
مش هي دي انجي لي بنعرفها قوية
كلنا بنتمنى اننا منقاومش ونستسلم بكل سهولة عشان الاستسلام اسهل
بس لما تبقي بين ايدين ربنا
حتتحاسبي
فحاسبي
حرام عليكي
ولنفسك عليك حق

Tue Oct 16, 12:16:00 PM GMT+2  
Blogger Doba said...

من تملك قلبا مثل قلبك وحبا مثل حب طارق لكى تستطيع بمنتهى الذكاء ان تكسب اى معركة حتى مع الاهل والاقارب والعشيرة والقبيلة واى حاجة انتى عاوزاها

متخليش حد يسرق منك بكرة ومتقرريش من نفسك انك تجرحى طارق طول مهو مختار ومقرر انه يفضل معاكى وحواليكى وطول مهو قادر يدفع عنك الاذى ممن حولك

طول مايدك فى ايديه اوعى تخلى حد يكسر تماسكم ببعض - انتو الاتنين بحبكم وبعقلكم اكبر قوة واحسن حب لاكبر قلب

اوعى تنهزمى - الطيبة بتروح وتيجى لكن انتو مش بتتعوضو

طمنينى عليكى ولو محتاجة حد تتكلمى معاه اكتر انا موجودة وايميلى عالبلوج

تحياتى يا انجى ويارب دايما بخير
هبة

Tue Oct 16, 12:30:00 PM GMT+2  
Blogger خمسة فضفضة said...

السلام عليكم ورحمة الله وبركاته

ايه يا انوج ايه كل الحزن والياس ده
حاولي تنظري الي الحياه بعين اكثر تفاؤل
اعتبري هذه الفتره من حياتك مجرد مرحله وستمر باذن الله كما مر غيرها

اعتبري حياتك ستبدأ بعد خروجك من بيت والدك
بعدها ابدئي حياتك وشكليها كما تحبين وانسي الماضي بكل مافيه من قسوه وشقاء
و حاولي ان تعوضي نفسك عن كل ما فاتك

فقط اصمدي هذه الايام القلائل في بيت ابيك حتي ياذن الله بفك اسرك لتصبحي حره سعيده وملكه متوجه علي عرش مملكتك مع حبيبك وزوجك المنتظر باذن الله


كل سنة وانت طيبه

تحياتي

Tue Oct 16, 01:17:00 PM GMT+2  
Blogger كلبوزة لكن سمباتيك said...

اعذر حالة العجز و الاحباط تلك فقد مررت بها كما مر بها غيري و لكن رجائي في الله عظيم

كم من هموم تطايرت امام عظمة الله و فضله
و لا تنسي يا اخيتي ان مع العسر يسرا

دعائي بان يفرج الله همك و يبدل حزنك فرحا و يهدي قلب ابيكي

تحياتي

Tue Oct 16, 01:51:00 PM GMT+2  
Blogger Young entrepreneur said...

السلام عليكم العدد الثالث من المجلة نزل, يا ريت تزورونا و نعرف رأيكم http://trateeshkalam.blogspot.com

Tue Oct 16, 03:04:00 PM GMT+2  
Blogger Hadota ... حدوتة said...

انجي .. مش عارفة اقول فيكى ايه .. بصي انا مش عارفة تفاصيل الموضوع اللى خلتك تعملى وتقولى كل الكلام دا

بس اياكى تفرطي فى طارق .. هوا الامل الوحيد اللى فاضلك .. لو كنت حبيتيه استحملي معاه وهوا كمان هيستحملك وهيشيل عنك .. اومال فين الكلام الكبير اللى هضحى عشانك يا طارق والى هعمل عشان حبنا واسوى .. يللا اثبتى بقى حبك لطارق .. قاومى الظروف واستحملى ... اقفى فى وش كل العقبات ... مهما كانت قاتلة ومها كانت مدمرة .. اللى يحب بيستحمل .. والكلام العبيط بتاع انا شريرة دى انسيه وارميه من البلكونة


انا اتعاملت معاكي عن قرب وعارفة انك انسانة جميلة جدا وطيبة .. ومتسمحيش لحد يهز ثقتك بنفسك ويقول عليكى الكلام الفارغ .. ممكن دا يكون حصل عن مشكلة او خناقة وفى الخناق بنقول اكتر من كده

سيبك من كل الدنيا وخليكى انتى وطارق وبس وان باباكى اتخلى عنك او قرايبك يابنتى احنا عيلتك

انا مش عايزة اسمع رنة الحزن ولا الكلام الكبير دا خاااالص .. فكك من الدور دا ..انتى اقوى من كده كتييييييير

ربنا معاكى يارب يا انجى قادر يخفف عنك ويحوش عنك كل همومك

Tue Oct 16, 03:18:00 PM GMT+2  
Blogger §a§a said...

يااااااا ما هذا الاسى والحزن دا اللى فى البوست

Tue Oct 16, 03:43:00 PM GMT+2  
Blogger maioya said...

ولتعذرني انت خاصة
حيث اني قاومت لمدة واحد وعشرون عاما
قاومت ان اظل انا
وحدي وحدي
دون كف صغير
وساظل وحدي
فلا ذرية لي
فحرمان حرمان


معلش ياانجي ايه الياس اللي انتي فيه
وبعدين انتي قاومتي 21 سنه
مش قادره كمان علي سنتين ولاحتي 5
وبعدين ماانتي معاكي واحد زي طارق
ليه بتقولي حرمان وهوا معاكي
ومتاكده انه ايده علي ايديك
وهوا اللي ديما بيطبطب
وهوا املك الوحيد زي ماقولتي قبل كده
ليه عاوزه تتنازلي عن كل ده ببساطه
استحملي وهوا كمان يستحمل
لحد ماتبقوا في بيت واحد
وبيعوا الدنيا كلها بعد كده
مين هايلزمك غيره
هوا يبقي ليكي الاب والام والاخ
ربنا يفرج همك ويفك كربك
والبوست الجاي ان شاء الله
نشوف كلام تاني غير ده خاااااااااالص
خلي بالك منه ياانجي

Tue Oct 16, 04:59:00 PM GMT+2  
Blogger dead man said...

فهم لا يسمعون لغير انفسهم
ولا يرون غير ما تراه اعينهم هم فقط

Tue Oct 16, 06:38:00 PM GMT+2  
Anonymous Anonymous said...

ايه يا انجى الكلام ده
مهما حصل انتى استحملتى كتير وانتى لوحدك ايه خلاص مش قادرة تصبرى وانتى معاكى حد
انا محبش اشوفك مستسلمه كده وقبر ايه الى شايفه انه مكانك وعايزة ترجعيله
انجى اعقلى كده وفكرى كويس بلاش الانهزاميه الى فى كلامك دى ومينفعش تخسفى بنفسك الارض كده مهما كان الى فى حياتك
ده حتى دلوقتى معاكى طارق يعنى فى امل فى حياتك من حقه انك تسعيله وتحاولى اقصى ما عندك علشانه
انجى حبيبتى عشان خاطرى بلاش التفكير ده وحاولى تهدى نفسك اقرى قرآن كتير وصلى كتير
ادعى لربنا كتير يا انجى مفيش غيره هيساعدك
وربنا معاكى يا حبيبتى

Tue Oct 16, 10:36:00 PM GMT+2  
Blogger mariam said...

يعنى ايه الكلام ده يا انجى
ليه تعملى فى نفسك كده
حرام عليكى
اوعى تسيبى طارق يا انجى

ابدأى حياتك من جديد
مش هو ده اللى كنتى عايزاه
ليه هتضيعى كل حاجه
فكرى تانى يا انجى قبل ما تضيعى كل حاجه

Tue Oct 16, 10:47:00 PM GMT+2  
Blogger linda said...

شوفي ياانوج من يومين وانا بدور في النت لقيت موضوع اسمو عقوق الأباء للأبناء
أثارني جدا
ولما قريت الموضوع لقيت ان كل اب وام يمكن يظلمو يمكن يقسو
وبمكن لأي ابن وابنة انهم يحسو بالإضطهاد دا عشان هما العيلة وهما الحضن وهما كل شيء محتاجينو
بس ولا يهمك احنى هنا أهل

واكيد دموعك غالية علينا اوي

متسيبيشي يشككك باحلى حاجة فيكي وهي طيبتك متخليشي يمزق كل حاجة حلوة جواكي
خليك يقول الي هو عيزو بس في طارق وفي اخوك وفي احنى يلي شايفين وحاسين ان انجي اكبر من انها تتشوه بكلام
انجي دي انسانة أثبثث وجودها ببرائتها وعفويتها وكل حاجة حلوة

والوحش بيبان مبيستخباش
قوي نفسك
وكلنا بنحبك

وربنا معاكي

توكلي على الله

واشكي لربنا عشان هو الوحيد يلي بيعرف مابتخي النفوس

Tue Oct 16, 10:56:00 PM GMT+2  
Blogger Dr.Diamond86 said...

صحيح انا معرفش تفصيل الموضوع ومعرفكش عن قرب
بس انا متابعة المدونة بتاعتك من فترة وعارفه ان الكلام ده مجرد انفعال اللحظه وبس
ان شاء الله ربنا ييسر الامور ربك كريم
بس ادعى ربنا وسلمى امرك له وكل شئ يهون
وبعدين اللى عنده الحب ده كله مش من حقه يستغنى عنه
ان شاء الله ربنا يخفف عنك وترجعى بنفس القوة
....ان مع العسر يسرا...صدق الله العظيم

Wed Oct 17, 01:29:00 AM GMT+2  
Blogger Soooo said...

بصي .. انا ماحبتش قبل كده وماعرفش ولا عايز اعرف يعني ايه حب
وماعرفش اذا كنتي هتقري كلامي ده ولا لأ بش هتكلم واقول ولعل وعسى

في حياة الواحد مننا محطات بيعديها بتديله خبرات اكتر
انتي في محطه دلوقتي .. وايا كان الموضوع وتفاصيله سواءا خير او حاجه تانيه لا سمح الله .. لازم تعدي المحطه دي
مش هقولك استحملي واتمسكي بالامل لاني ماعرفش اي تفاصيل ولا هادخل في تفاصيل
بس خديها نصيحه من واحد استحمل شوية .. ممكن ماكونش استحملت زيك وممكن اكون استحملت اكتر منك الله اعلم
نصيحتي ليك .. الضربه اللي ماتموتنيش .. توقفني تاني اشد صلابه

والدور والباقي عليكي
ياتبقي ضعيفه وتبكي عاللبن المسكوب وهو على الارض
ياتقومي تقفي قدام اي حد .. وقبل ماتقفي قدام اي حد
اقفي قدام نفسك وشوفي الحياه معاكي رايحه لفين .. وواخداكي لفين



وكل سنه وانتي طيبه

Wed Oct 17, 01:54:00 AM GMT+2  
Blogger أميرة said...

لا ياانجى ماتهربيش اصمدى

مش مهم هما شايفينك ايه المهم انتى شايفة نفسك ايه
وقاومى من تانى
انتى قوية ياانجى وهتقدرى انتى بس ضعفتى شوية من كتر ماقاومتى بس هتقدرى تخرجى من كل دة للنور
وماتتنازليش عن حقك فى الحياة
حقك فى السعادة
حياتك اللى هتبنيها مع طارق
دى الحاجة اللى لازم تحافظى عليها عشان هى طاقة النور اللى ربنا بعتهالك عشان تخرجك من حزنك
اتمسكى بيه وهو اكيد بيحبك وهيتحملك
دة تعب وقتى بسبب تراخى قوتك من كتر ماقاومتى وتعبتى وحزنتى
بس ان شاء الله هترجعى تانى لقوتك
مانتى لازم تتعبى عشان توصلى لحاية سعيدة مع حبيبك
وخلى عندك امل ان ربنا اكيد هيعوضك كل خير وهو فعلا عوضك بحياة جديدة ماتسيبيهاش تروح منك
ربنا معاكى ياانجى طمنينى عليكى

Wed Oct 17, 02:44:00 AM GMT+2  
Anonymous Anonymous said...

Get up, and stop being a drama queen.

Wed Oct 17, 04:14:00 PM GMT+2  
Blogger http://kasperb4.blogspot.com/ said...

انتي مش انجي اللي احنا نعرفها
انتي حد تاني متملك منه شعور بالعجز والاحباط

ممكن نكلم انجي لو سمحتي يا انسة؟

Wed Oct 17, 05:01:00 PM GMT+2  
Blogger kafrawy said...

لاحول ولا قوة الا بالله العلى العظيم


لاالة الاانت سبحانك انى كنت من الظالمين

Wed Oct 17, 05:14:00 PM GMT+2  
Blogger  بسمه عبدالباسط said...

ايه يا أنجى فيه أيه لا يابنتى حاولى تخرجى من الحالة دى
لية كل الحزن واليأس ده حرام عليكى بجد نفسك
وبعدين لية تقررى أنك تضيعى وتدمرى حياتك الجاية بقرارك أنك تبعدى عن طارق لية كده
لا يا أنجى لازم تتمسكى بيه بكل قوتك
وتبدأى حياتك من جديد معاه وتعيشى الحياه اللى ضاعت منك
فكرى بجد يا أنجى وبلاش حزنك يضيع منك كل حاجة

Wed Oct 17, 08:57:00 PM GMT+2  
Blogger kaed said...

لسان حالى
وكان ما كان مما لست اذكرة
فظن خيرا ولا تسأل عن الخبر
يعنى كبرى دماغك
ولسان حالك
أن الزمان الذى كان يضحكنا
أنسا بقربهم قد عاد يبكينا
يعنى لية دة بيحصلى

دمت على خير

Wed Oct 17, 10:55:00 PM GMT+2  
Blogger micheal said...

أنا كنت جي أقول كل سنه و أنتي طيبه بس بعد اللي قريته مش عارف أقولك ايه
بس أكيد كل مشكله و ليها حل و حاولي تبحثي مع نفسك موضوع طارق ده كويس لان مش من السهل الواحد يضيع حب جميل
تحياتي و تمنياتي بالتوفيق و السعاده

Thu Oct 18, 12:18:00 AM GMT+2  
Blogger Reemo said...

بصى يا بنتى
انا مش هقولك غير حاجه واحده
كتير ربنا بيمنحنا نقط نور فى عز الضلمه اللى عايشين فيها
لو احنا ضحينا بالنور ده
يبقى نستاهل نعيش فى الضلمه دى باقى عمرنا
بدون اى عزاء من اى شخص
متعلقيش اختيارك على شماعه الظروف
طالما فى عقل يبقى الاختيار حر
عقلك فى راسك يا انجى ومهما كانت الظروف فى عقل يحكم ويفكر
مهما كانت الظروف احنا اللى بنختار
فكرى تانى

Thu Oct 18, 04:06:00 AM GMT+2  
Blogger أبوشنب said...

انما الصبر عند الصدمة الاولى

Thu Oct 18, 06:00:00 AM GMT+2  
Anonymous Anonymous said...

ايه يا نوجا مالك يابنتي الف سلامة عليكي يارب تعدي من محنتك دي بخير ومش هقول كلام بعد كلام دوبا ويارب تعدي محنتك على خير

Thu Oct 18, 09:20:00 AM GMT+2  
Blogger Ehab said...

يا لهوي هو حضرتك عايزه تسيبي طارق - اللي هو غالبا حبيبك - علشان الظروف وابوكي قال عليكي شريره والحوارات اللي فاتت دي يا سلام
طيب على كده بقى انا المفروض اخلى عندي دم واروح اقول للبنت اللي صبرت معايا سنتين تتحمل في مشاكلي مع ابويا وتتحمل كل اللي بيحصلنا وتقولي متخافش انا هافضل معاك طول عمري ومش بالكلام لا بالفعل
واقولها بقى لا يا شيخه انا ظروفي وحشه والحياه مره وابويا مصمم على اللي في دماغه يبقى روحي وسيبيني للأحزان وطبعا كل اللي قلته ليها عن اننا هنتحدى كل المشاكل ومفيش حاجه هتفرقنا هيبقى شوية هجص بسرح بيها يعني ولما جينا للجد اقولها معلش انا ضعفت
يعني عايزه تفهميني ان حبيبتي اقوى من حبيبك وانه ميقدرش يتحمل اللي البنت اتحملته علشاني
الطم ولا اصوت والم عليكي الناس
اما عشان حكاية مشكلة الأب اللي بيدعي عليكي ربنا يعينك عليها انا جربت يا عزيزتي من الكاس ده برده علشان انا ابن جاحد مجرم مش محترم وعارفه ايه اللي خلاني كده اني رفضت اتجوز قريبته واخترت واحده بحبها
اما بقى الغلبانه اختي لأنها فكرت بس تشجعني على موقفي وساندتني شويه كده كان نصيبها افظع كتير من اللي بتقوليه يا عزيزتي
لدرجة حسبتها هي اللي كاتبه المقال وانتي هتكتبي في الأخر انه اقتباس منها
ما علينا
انشفي شويه يا ابله واتحملي لأن مفيش حاجه حلوه في الدنيا بتيجي كده على طبق من فضه
معنى انك تلاقي حبيبك اللي بيعشقك يبقى لازم تلاقي اللي يحاول يبوظ فرحتك
انا بحاول اظبط اموري وانتي كمان حاولي
وبلاش ياس وحسك عينك ترجعي للكلمتين دول تاني
قال اسيبه علشان مينفعشي يتحمل كل ده قال
امال راجل وبيحبك ازاي
لعلمك لو قلتيله كده تبقى بتهينيه
سلااااااااااااااااااااام
ارجع المره الجايه الاقيكي فقتي كده وبتجاهدي

Thu Oct 18, 03:09:00 PM GMT+2  
Blogger harmless said...

عزيزتى قرأت كلامك بعناية وكذلك كلمات قراءك ممن كتبوا قبلى وقد قالوا كل ما يمكن ان يقوله المحبون لحبيبتهم التى هى فى أزمة

ولذا ساقول لك كلام مختلف اذا سمحتى

لى مجموعه مقربه من الاصدقاء احدهم غنى جدا وفى نفس الوقت بخيل بشكل مذهل
واحد الاصدقاء فى المجموعه مبذر جدا ومفلس دائما ويخرج من ضائقه الى ضائقه

هذا الشخص دائم الاقتراض منا وهى قروض لا تعود ابدا
اقترض من جميع افراد الشله الا صديقنا الشحيح
ولا مره حاول ان يتقترض منه فهو يعرفه جيدا
يعرف مثلا انه على ثراءه الفاحش لا يطلب عشاءا معنا عندما نتعشى ويظل يتفرج علينا ويكتفى ان يذوق من هنا ومن هنا
فكيف يأمل ان يسلفه جنيها

بعد فترة صار كل منا على حدى يتململ من قروضه ويعتذر ويسوف مرات حتى يقرضه مره وهو يقابل هذا بالغضب والخصام

ثم اكتشفت فجأه انه خاصمنا كلنا عدا صديقنا البخيل الذى صار صديقه الوحيد مع انه الوحيد الذى لم يقرضه ابدا

غريبه ... مش كده؟
ولكن يأس صديقنا المفلس من صديقنا البخيل منعه من طلب القروض ومنع سبب الخصام عنهما
انها حكمه كبيره جدا يا سمراء

لذا اسألك وارجو ان تسامحينى على ما سيلى انتى واى من سيقرأ ويستاء مما ساقول


لقد جربتى والدك سنينا ولم تجدى منه الا التفريط فى حقوق ابنائه والانانيه المفرطه فى تصرفاته
ولم تجدى منه الا منطق شاذ وتصرفات قاسيه
ولم تجدى منه لحظه حنان ولا مشاعر عطف

فلماذا ما زلتى تأملين فيه الخير؟
لماذا تنتظرين منه مواقف كمواقف الاب ناحية ابناءه؟
لماذا تستغربين تصرفاته الانانيه وعدم قدرته على التضحيه ولا حتى فهمه لها؟

يا عزيزتى من كان مثلك ومر بما مررتى به عليه الا يتوقع منه بِرا وعليه ان لا يأمل منه خير ابدا

إيأسى منه يا عزيزتى ترتاحى وتريحيه
توقعى منه الاذى وانتظرى منه المشاكل فعندما يحدث هذا سيكون اقل ألما

يا عزيزتى خالق الحياة ورازق الارزاق هو الله وليس الاب ولن تقف الدنيا على خير من احد ولن ياتى ضر من احد الا باذن الله

يا عزيزتى دبرى حياتك انتى واخيكى على اساس عدم وجوده وعلى اليأس من اى نفع يأتى من وراءه

بل دبروا حياتكم على احتمال الاذى منه والتدبر لمنع هذا الاذى

صدقينى المصائب ليست فى حجمها ولكن فى الوزن الذى يضعها فيه المبتلى بها

اذا استهان بها وقال وماله وايه يعنى ولا يهمنى
هانت وانتهت
واذا استثقلها ثقلت عليه مهما كانت تافهه

اخيرا
تعليقا على كلامك لطارق
لقد ظلمتى الرجل يا عزيزتى ظلما كبيرا
ظلمتيه ولم تفهمى بعد كيف يفكر الرجال وكيف يتصرفون

اطالبك يا اختى العزيزه بالاعتذار له وعدم حرمانه ابدا (هذه المره او فى اى مره) من ان يقوم بدوره كرجل

تحياتى وتمنياتى لكى بالسعاده

Thu Oct 18, 06:55:00 PM GMT+2  
Blogger رحــــيـل said...

شوفى بقى ياانوج
لازم نتمسك بحقنا ان احنا نفضل كويسين
حتى او كل الدنيا وحشه حتى لو الناس بتقول انك وحشه
تماسكى
انا عارفه لحظات الضعف دى
وقت وهيعدى مهما حصل
بس اوعى تاخدى قرار تندمى عليه بعد كده
انا مش اول مره اجى مدونتك
بس اول مره اعلق فيها
ودخلت مدونه طارق
بجد اوعى تسبيه
صعب ان احنا نلاقى حب حقيقى بجد
انتى لو سبتيه هيبقى بتظلميه وبتظلمى نفسك
انتى لو سيبتيه هتجرحيه فى حد بيحب حد يجرح قلبه؟
اهربى من كل حزنك ليه ومعاه

Thu Oct 18, 07:01:00 PM GMT+2  
Blogger ولــــــــــو said...

ان كان اللي كاتباه خيال فبرغم اعجابي بخصوبه خيالك بقدر ما زعلت من الكلمات الصادمه اللي بيحتويها البوست
وان كان كلامك يحمل جزء من الحقيقه سواء تجربه شخصيه او ظروف عامه فاكيد انتي اجدتي تعبري عن وجهه نظرك برغم قسوه الطريقه
وان كان هو ده الحقيقه
فربنا معاكي
انتي شايله جبل
ربنا يهديكي الى ما يحب ويرضى ويكون اكيد فيه مصلحتك
وارجوك بلاش التسرع ف اتخاذ القرارات عشان بسببها بنفضل نندم باقي عمرنا
تحياتي

Thu Oct 18, 10:09:00 PM GMT+2  
Blogger غمض عينيك said...

فعلا ياعيني عليكي ياطيبة
بس اذا كانوا هما ظلموكي يا انجي ليه انتي تظلمي نفسك وتظلمي خطيبيك
انت خلاص المفروض كبرتي وعرفتي حياتك ومستقلبك وخلاص هتبتدي حياة تانيه جديدة خالص
ليه تهدميها
اللي فات فات واللي عدى عدي
مش هايرجع ولا هيعود
مافيش داعى نقلب فيه ونفتكري
خليكي انتي
انجي
الحبوبة الرقيقة اللي الناس كلها بتحبها وتتمنالها الخير
حتى لو اقرب الناس ليها كانوا ظالمينها
هي الاحسن والافضل والاعقل
ماضيعيش السعادة والمستقبل والطريق اللي هيمسح الماضي
حتى لو كان الماضي ممتد لغاية دلوقتي
بكره هيضعف صدقيني
حياتك حياتك يا انجي
اوعي تضيعيها

ربنا يتمملك على خير ويهديكي ويراضيكي
تحياتي
محمد سمير

Thu Oct 18, 10:09:00 PM GMT+2  
Blogger شــــمـس الديـن said...

انجي انا جاية علشان ابارك لك بالعيد الاقي عندك البوست دا ؟؟؟

مش عارفة اقول لك ايه بجد لان المأساه اللي انت عايشاها انت اللي عايشاها مش اي حد ممنا يعني مهما ابدينا مفيش حد هيحس بيكي ادك ....

كل اللي انا عايزة اقولهولك ...يا حبيبتي حسبي الله و نعم الوكيل فيهم دا اولا ...و لكن ثانيا , يعني هما بيجرعوكي العذاب , هل انت عايزة تعذبي نفسك اكترو اكتر ؟؟؟ و ليه مش عايزة تدي فرصة للناس اللي بتحبك انهم يقفوا جنبك ؟؟؟ بسرعة كدا هتتخلي عن حلم السعادة ... هتسيبيهم يحققوا غرضهم ... هتستسلمي في الاخر كدا ؟؟؟؟ لأ
لم اعهدك هاكذا .. لا حول و لا قوة الا بالله العلي العظيم ... و هدعيليك ان شاء الله يفك كربك و لكن انا عايزاكي تتماسكي لو سمحتي ...علشان خاطر لك الناس اللي بيحبوكي دول كلهم ...

لو سمحتي

Thu Oct 18, 10:21:00 PM GMT+2  
Blogger أبو أمك said...

Smile..Tomorrow Will Be Worse!

Thu Oct 18, 10:49:00 PM GMT+2  
Blogger Ma 3lina said...

I am trying to call u but u dont answer ur mob!!

u r more strong than that ya ingy, he wont change so forget about it

but plz dont leave tarek rabna b3tholk u canot do that to him


rethink the subject again

Fri Oct 19, 01:04:00 AM GMT+2  
Anonymous Anonymous said...

ارجوك هوني على نفسك وعلى محبيك

آباؤنا أقدارنا ومحدش بيهرب من قدره
لازم تتكيفي معاه لان في الآخر طاعتهم من طاعة الرب

وفي الآخر محدش بيغير طبعه مهما حاولتي

في الآخر لن تجني سوى تدمير اعصابك و حرق دمك و محدش حينفعك برده
حاولي تقاومي و ادعيله دايما بالهداية

انا وصل بيا الحال في فترةربنا يسامحني عليها لكره شديد تجاه امي مكانش عندي وعي

كنت حاسة كمان انها بتكرهني ولولا الشبه الكبير الي بيني و بينها لكنت تصورت انها مش امي

شوفي لدرجة ايه

و مكنتش قادرة اسامحها ابدا

بس في الآخر احنا عايشين في بيت واحد وهيا امي حتى لو هيا مش مدركة ده
ادركت ان الي هيا فيه ده جهل و سوء فهم وضلال

الي مش عارف ازاي حيربي ولاده ويديهم حقوقهم من حنان ورعايةويعرف ازاي يربيهم ويكسبهم ميفكرش فيهم من الاول و يجيبهم

بس في الآخر انا الي حتحاسب عشانها
حاولت اقرب كتير وانسى الي فات وافتح صفحة جديدة
لكن كل ما اقرب خطوة ببعد كيلو والجرح بيكبر و يزيد
كنت بنام ادعي اقول يا رب اهديني
و هون عليا وارضيها عني و اجبر بخاطري
صحيح بطلت اقرب خالص لكن الحمد لله ماشي الحال
ادعي لوالدك ربنا يهديه و اعتبريه جهاد في سبيل الله

بس لازم تبقي اقوى من كدة و مش لازم تدمري حياتك
لازم تنسي الي فات و تبصي للي جاي

مش لازم تقولي لولادك اي حاجة
لازم تكيفي نفسك انك نفسك تحاولي تفتكري الي فات متلاقيش منه غير كل حاجة حلوة و لو ما لقيتيش اخترعي اسرحي بخيالك

هاتي انتيفايرس يا انجي

سامحيه وادعيله و ادعي ربنا يهديه

اثبتي العكس
انتي قلبك فعلا مش بيعرف يكره

اسهل حاجة عند الآباء الدعاء على الولاد و كانها ذلة على الواحد وهيا فعلا كدة

بس لازم نخليها من طرف واحد لانهم في الآخر بينسوا

سيبك من العياط والحسرة والدراما و تعاملي مع الموقف بايجابية اكتر و كبري دماغك و متسمعيش غير الكلام الحلو و لو مفيش متسمعيش خالص و سايسيهم على قد ما تقدري

كملي مشوارك وحريتك انتي الي بتعمليها حتى ولو جوة سجن

وافتكري دايما ان مع العسر يسر باذن الله

فكري تاني بهدوء وواحد نعناع و صلحوا
ربنا يجبر بخاطرك و يريح بالك ويهديكي لما فيه الخير والصلاح

Fri Oct 19, 01:09:00 AM GMT+2  
Blogger Lapa said...

There are three kinds of women:

the pretty ones

the ugly ones

and the blondes...

CRISTÓVÃO DE AGUIAR

Fri Oct 19, 04:20:00 AM GMT+2  
Blogger احساس لسه حى said...

عزيزتى
هو المفروض لما نعيش فى وجع وهم وكبت نعمل ايه نستسلم ليه ولا نحاربه ونهرب منه الدنيا مش موقف ولا كلام من حد ولاجرح ننجرحه الدنيا اكبر من كده
الدنيا طريق مليان مطبات واشواك وورود الدنيا رحمة وفرحة ولو احنا مش هنعيش فى الدنيا الا علشان نعبد ربنا ده كفاية
وعبادته مش فى اركانة بس
انك تشوفى حياتك ومتضيعيش سعادتك من ايديكى ومهما كان ممكن بانسان الدنيا تحلو وتكون جميلة المهم الانسان ده
هو يقدر يقف جنبك لاى مدى
ومتخفيش عليه اكيد لو حبك اوى هيفرح اوى انك هتكونى جنبه وسعيدة
ومهما كنتى عايشة فى الم
الالم ملايين اكتر من الامك الف مره
وانتى شايفه اللى بيحصل فى بلاد كتير مع ابرياء كتير ومهما بتشوفى الحقايق بتوجع اكتر بكتير وجوها حاجات كتير مش حاسين بيها
عارفه اهم شئ يخليكى ترتاحى
تتعلمى الرضا مهما كنتى فى اى محنة
عيشى بالرضا
ربنا يريح بالك يارب
سلام

Fri Oct 19, 05:01:00 AM GMT+2  
Blogger الأميره أوسه said...

أنوج حبيبتى
متهيألى أننا أتكلمنا
عن الموضوع ده أول ماعملتى البلوج بتاعى
واللى بيحصل معاكى قشور من اللى حصل معايا
وأدينى عايشه أهو الحمدلله
يمكن فيه جوايا حاجات موجوعه ومكسوره
يمكن فيه مشاعر ماعشتهاش
بس لسه مواصله
اللى ميعرفش مش هايقدر يفهم
واللى مامرش بتجربتنا مش هايقدر العذاب اللى عيشناه
بس صدقينى بكره الأيام دى تعدى
ويبقا ليكى مملكه صغيره مع أنسان يقدرك
مليانه بالحب والسعاده
المهم بلاش يأس
كله بيعدى
شوية حزن عادى
أكتئاب وماله
ضيق وقرف مايضرش
بس المهم نواصل الطريق
وأنتى عديتى معظمه وحققتى نجاحات فى حياتك
كتير مقدرش يوصلها
عاوزه أشوف بوست تانى ليكى
مش مهم يكون كله فرح
ألمهم أنه يكون بوست جديد
و ردى على الناس اللى بتعلق دى
صباح الجمال يا أنوج
أموااااااااااااااااااااااااااااه

Fri Oct 19, 02:34:00 PM GMT+2  
Blogger أبو ضحى said...

لا يا انجى

كفاية تقوقع جوا نفسك..كفايه اوى كده

اخرجى للناس للحياة..أكيد فى ناس بيحبوكى و يتمنولك الاخير..اخرجى للناس دول..فضفضى معاهم عيطى اصرخى
لكن متموتيش احساسك بايدك

كله بيعدى يا انجى

"لو أطلعتم على الغيب لاخترتم الواقع

--

"و لا تقنطوا من رحمة الله

---

انتى انسانة مؤمنة و ربنا رحمن رحيم بنا

Fri Oct 19, 02:49:00 PM GMT+2  
Blogger محمد مصطفى said...

المرة المليون اللي أدخل عندك و ماعرفش أعلق
أتمنى أدخل و ألاقيكي فرحانة
يا رب
ربنا معاكي يا إنجي
خليكي واثقة إن بعد العسر يسر
مهما طال

Fri Oct 19, 07:51:00 PM GMT+2  
Blogger حصان بري said...

سمرا
لن اواسي فلا ضير من كلمات مواسيه جوفاء
فقط ساقول ادعي الله
مش علي حد
وطبعا مش علي حنفي:)
بس ادعي ان ربنا يوفقك للسعاده

ونصيحه لا تتركي نفسك لوسواس الظلم
فهو ياكل روحك النقيه اكلا
احتسبي وواجهي بحزم ممزوج بسماحه
معادله صعبه
وانت قدها يا كابتن انجي

Sat Oct 20, 04:11:00 AM GMT+2  
Anonymous Anonymous said...

Y smra2 elnile,
be strong try to get over the problem, it's not fair to leeve the man who loves you because of the people who don't...!
you should make him your shelter, you are still young, stop talking about being old and alone just be hopeful and go on with your life, you will be happier inshaallah.

Sat Oct 20, 09:13:00 AM GMT+2  
Blogger Ahmed EIssa said...

هو في ايه؟؟؟
زمان كنت قريت عن حاجة اسمها ارادة النكد...اللي بتخلينا نبعد عن حبايبنا واصحابنا ومتفرقش معانا الدنيا عايشين ولا مش عايشين
صحيح انا مش احسن واحد يتكلم في الموضوع ده بس انا عارف ان كل وقعة بعدها حقوم ويمكن ابقي احسن
هو في ايه يا انجي؟؟
مش المفروض نفضل متشعلقين بحبال الماضي الدايبة المهترئة..انتي ليكي حياتك دلوقتي ..وحياتك كلها سعادة وحب ..ايه يعني موضوع موقف وحصل ..نيأس بقي ونرجع نقول انا اللي وحش والعيب فيا؟
وبعدين ايه مضوضوع انك تبعدي عن طارق ؟؟
بصي..استهدي بالله كدة..اقعدي مع نفسك شويتين كتار..فكري..كل اللي انتي بتقوليه وبتفكري فيه ده حيجيب نتيجة؟؟
طب متفكريش في ده..فكري في اللي حيحصل بعده
حتبقي سعيدة
ولا حنفضل في دوامة اليأس دي بقي للابد؟؟
متزعليش مني لو الكلام كان حاد شوية..ساعات ببقي غلس ومش بعرف اطبطب..بس بجد متفكريش في اي قرار..فكري في اللي حيحصل بعده.ده حيديكي بعد اوضح للقرار اللي حتاخديه..اتمني البوست اللي جاي تكوني هديتي كدة..
ولما تهدي حبقي اقولك كل سنة وانتي طيبة عشان انا لسة مقلتلكيش لحد دلوقتي..ومش حقول الا لما تبقي كويسة

يلا سلام

Sat Oct 20, 12:00:00 PM GMT+2  
Blogger  بسمه عبدالباسط said...

ليكى تاج عندى روحى خديه

Sat Oct 20, 01:25:00 PM GMT+2  
Blogger ody911 said...

إنجى


مش عارف أقولك إيه حقيقى

إنتى زهقانة جدا

متهيقلى ترتاحى يومين

وإن شاء الله تستعيدى قواكى مرة تانى


وصدقينى

الحياه كدة

عادى بقة

Sat Oct 20, 01:28:00 PM GMT+2  
Blogger kikooooooooo said...

حرام عليكي أنا أول مرة أشوف حد في كل الحزن ده يا ريت بجد تقاومي .. حاولي وان شاء الله ربنا مش هيخذلك بجد ما تيأسيش عشان خاطري
كان معكم ..,
كيكووووووو

Sat Oct 20, 03:07:00 PM GMT+2  
Blogger Unknown said...

انجي

فكري تاني وبهدوء

اذا كانت الدنيا عملت فيكي كتير قوي كدة ماتخليش البسمة الوحيدة اللي في حياتك تضيع

وكمان تبقي بايديكي انتي


حبيبتي أرجوكي فكري تاني


اللهم فرج كربك آآآآمين

Sat Oct 20, 05:46:00 PM GMT+2  
Blogger أسوور said...

وفى عز الإشتياق
لحضن يضمنا
قادرين ازاى ندوس؟
على قلب حبنا

وبقينا إزاى كدة؟؟؟

ارجوكى اتصلى بية

Sat Oct 20, 10:02:00 PM GMT+2  
Blogger Unknown said...

انجي اقرئي كلام هارمليس جيدا لانه خلاصة تجارب انسانية واقعية وحاولي تفهمي الحكمة والمغزى عشان تقدري تواصلي المعركة باقل خسائر.

يا صديقتي اذا لم تستطيعي ان تصمدي للموج العاتي فحاولي ان تنحني قليلا ..لا ان تلقي بقارب النجاة للرياح طلبا للموت!

Sat Oct 20, 11:17:00 PM GMT+2  
Anonymous Anonymous said...

كنت هقولك نفس اللي قاله الشخص المجهول من خلال قرائتي لمدونتك كنت معجبه بشخصيتك وبقول عليكي بنت جدعه وقويه ايه اللي جرالك ايه الضعف دة مش انتي لوحدك اللي باباها بيتعامل معاها كدة كلميه وفهميه بهدوء حتي لو مش هيسمعك حاولي وبعدين قرار فسخ الخطوبه مش ملكك لوحدك انتو اتنين مش واحد متبقيش انانيه حاولي تاخدي من الدنيا اللي انتي عاوزة واللي تتنميه مش تقعدي تولولي وتبكي الحياة تعب وجهد وتحمل من اول محطه هتبيعي طارق خايفه عليه ماشي بس كنت زي الدبه اللي بتقتل صاحبها ارحميه وارحمي نقسك وربنا يفكها" ما ضاقت الا اما فرجت"

Sun Oct 21, 12:43:00 AM GMT+2  
Blogger catroz said...

بصى يا انجى
على طول كنت بحس ان اللى حواليكى هما اللى بيقتلوكى
المره دى انتى كمان بتقتلى نفسك مع اللى حواليكى
ليه عاوزه تقتلى قلبك
حراااااااام عليكى ..:):)

Sun Oct 21, 12:48:00 AM GMT+2  
Blogger catroz said...

مش عارفه اقول ايه تانى
ارجعى اقرى بوست انتى كتبتيه زمان
اسمه موت حياه
او حياه ميته

متبقيش عايشه بس ميته
متعذبيش نفسك
و دى ما ناتى انجى اللى احنا عرفناها
لو سمحتى امشى من هنا
و عايزين انجى
البنت القويه
اللى دايما بتيجى زى الكلام و تشدنا لفوق
اللى كانت بتحب الحياه
بتحب طارق
و ممكن تضحى بعمرها كلوووا
عشانه هو و بس..:):)

Sun Oct 21, 12:51:00 AM GMT+2  
Blogger Rushdy Kamel said...

بصي انا عاوز اقولك حاجة
مفيش حد فينا اختار اهله او المجتمع اللي يسكن فيه
كلنا طلعنا لقينا نفسنا كدة ومهما اعترضنا مش هانقدر نغير غير في نفسنا
بس خليكي عارفة انك انتي نفسك وبس ونفسك دي مش داخل فيها اي حد تاني لو فكرتي في اللي اتحرمتي منه مش هاتخدي خطوة لقدام لازم تعدي المرحلة دي وتبني حياتك المستقلة
صدقيني دي حياتك وانت الوحيدة اللي مسئولة عنها

تحياتي

Sun Oct 21, 11:49:00 AM GMT+2  
Blogger dandana said...

النور مكانه فى القلوووب


يا تكوون قد الحياة...يا تعيش وحيد..وسط الدرووب...


ماينفعش حد يناقشك فى قراراتك...وماينفعش برضو حد يحس باللى انتى حاسة بيه مهما كان قريب منك...

عشان كدا مش قادرة اقولك خليكى قد الحياة...لأنك مجبرة تعيشها...ماتبقيش كمان مجبرة تعيشيها ازاى...

ربنا يكرمك

Sun Oct 21, 12:50:00 PM GMT+2  
Blogger رينـــــــــــا said...

السلام علليكم
يا سمراء النيل
ليه كل دا وجعتيلى قلبى
يا حبيبه قلبى من منا بلا هموم!!
من منا متظلمش!!
من منا سعيد سعادة متناهيه!!
انها الدنيا
بس مش معنى كدا اننا نتحر ونقفل على نفسنا
نقضى ونظلم اللى بيحبونا
انتى اتظلمتى متظلميش
ليه تخسرى حبيبك
هو اللى باقى ليكى
اوعى تخسريه
اوعى

كل سنه وانتى طيبه

Sun Oct 21, 04:05:00 PM GMT+2  
Blogger Hannoda said...

عرفتك كتير من ردودك على كتير ناس
وعرفت عنك كتير من بعيد لبعيد

و شفت بعيني تآلف بينك و بين الكثير

وأول مرة أدخل على الردود عشان أكتب رد

وده من غصة قاتلة قفلت حلقي و أنا بقرأ

حسيت بكل كلمة بتحكيها يا انجي

وعارفة لفين واصل الحال معاك

عارفة يعني ايه الضغوط تحول الدنيا لخرم ابرة.. وازاي تخلي الواحد يتمنى لو يشوف راسه مقطوعة على صدره

وخجلانة جدا بسبب إحساسي بالغربة عنك و لإني أول مرة ادخل و أشاركك.. إني أدّي لنفسي الحق في التدخل

انجي

مهما كانت قسوة اللي حولينا فهم قدر كتبه الله ..لابد من استيعابه

وأكيد أنا مش سطحية لدرجة اني أطالب اسانة إنها تستوعب معنى حجود الأبوة.. وانهيار رمزها

لكن على الأقل بخبرتك بظروفك إنت أدرى واحده بيها
وانت أكتر واحدة هنا تقدر تتوقع المستقبل معه و مع كل من في محيطك

قدّري كل انسان حوليك قدره بالضبط
وبلاش تتوقعي منه أكتر من اللي يقدر عليه و اللي اتكتبلك انك تشوفيه منه

إنت قادرة على التحمل
ولوا كده ما كنتيش بقيت أم لأخيك
شوفي انت بقيت فين من الدنيا
و أخووك بقى فين
وقدري اللي عملتيه ليك و له صح
اديله قدره الحقيقي

حاتعرفي ساعتها قدرك الحقيقي

وعيشي ألمك زي ما انت عاوزة
وابعدي عن كل اللي عاوزة تبعدي عنهم
إتصفي تصرفات تخوف الناس منك

إجهديهم و إتعبيهم

مش من حق حد يكبح جماح ألمك

لكن في النهاية إقعدي مع نفسك في هدوء
وحطي كل شيء في مكانه
ورجعى لك صاحب حق حقه

و اللي بيحبك حاتلاقيه مستني اللحظة ده

مش عارفة مالي طولت قوي كده
و الله أعلم الكلام ده حايتقرى ولاّ لأ
وربنا يعلم بمقدار حبي ليك اللي كونته من قراءات كتير عنك و منك و بخوف فضلت بعيده لحد ما جه يوم إتمنيت لو أنا أول حد تهتمي تقريله

و حتى لو ده كان

أخشى إنك حاليا مش في وقت الإنصات

ربنا ينورك بصيرتك و يشرح صدرك بالسكون و السلام.. و يفيدك بولو حرف واحد اتكتب هنا مني أو من غيري

قلبي معك

Sun Oct 21, 05:07:00 PM GMT+2  
Blogger Oma said...

انتي فعلا عايزه تتشتمي
ايه ياانوووووج ده
انتي لازم تكوني بتهرجي
مااتعودتش منك على كده...عارفاكي ضعيفه بس انتي استحملتي كتير وجيتي على نفسك كتير مش قادره تكملي الشويه دول
الدنيا كانت نورتلك وطارق ايده في اديكي
ايه خلاكي تضعفي تاني
ياحبيبي خليكي اقوى من كده
فاكره البوست بتاع مازلت ولا لازلت ماذا عنك انت ؟؟ انا حاطاه عندي في الفوفريت وعلاطول بقراه عشان اقوى نفسي
تيجي انتي تضعفي
غلطانه ياانجي غلطانه
انتي كده بتظلمي نفسك قبل ماتكوني بتظلمي طارق او اي حد تاني حبك
انتي احلى وارق واجمل من انك تعملي كده في نفسك
الله يخليكي تخلي بالك من نفسك
وربنا ينورلك حياتك يارب

Sun Oct 21, 10:04:00 PM GMT+2  
Blogger حسن ارابيسك said...

انجي
لن أزيد على كل ما قيل
واضح ان أمامي قنبلة موقوته
أدعو لها من كل قلبي ألا تنفجر بالسلب ولكن تنفجر بالايجاب
فيأتي يوم تسعدين فيه أنك مررتي بكل هذه المحن والتجارب وتشكلت لديكي شخصية قوية قهرت كل شئ
أمين

Sun Oct 21, 11:09:00 PM GMT+2  
Blogger mohand said...

السلام عليكم

كنت جاي اقولك اني رجعت واقولك عملتي ايه في العيد


بصي يا انجي من اللي قريته دا كله

هل اللي هتعمليه دا هو الحل؟

اقعدي كده مع نفسك وفكري في حل مش هروب

وبعدين محدش بيتحاسب عن اخطاء اهله

واولادك لا يعرهم ان جدهم وحش ايا كان

ان الله يغفر كل شئ

والناس بتنسي صدقيني

مش عارف اقول اكتر من كده

تحياتي وربنا يفك كربك

Mon Oct 22, 01:31:00 AM GMT+2  
Blogger فى القلب said...

أنجى أنتى أتجننتى

تسيبى مين يا ختى

هو بمزاجك
بقه الملاك ده يتساب
يعنى بترفصى نعمه ربنا أنه عوضك براجل زيه بعد أب يتميز بتفكير غبى

طب أنا أعرف ناس كتير كان عندهم أبهات ملائكه
لكن ربنا و عدهم بأزواج منتهى الغباء

يعنى عادى جدا لو كانو خيرونى أختار أيه الأول كنت أخترت الأب الغبى و الزوج الملاك

لأن التانى جالى عشان يعوضنى سنوات حرمان و بعدين هعيش معاه أطول

و بكره فى حضن طارق الحنين و بين أولادك تفتكرى أبوكى و تدعليه أو تدعى عليه مش فارق بس ساعتها أنتى هتكونى متعوضه

أنجى أستحلفك بالله أن تتخلصى من لحظات جنونك دى بسرعه و تعتذرى لقطعه البرلنت طارق

Mon Oct 22, 02:11:00 AM GMT+2  
Blogger Ehab said...

:'(

Mon Oct 22, 02:21:00 PM GMT+2  
Blogger mraghy said...

الاول طبعا كل سنه و انتي طيبه
يقول المولى عز و جل
{وَاسْتَعِينُواْ بِالصَّبْرِ وَالصَّلاَةِ وَإِنَّهَا لَكَبِيرَةٌ إِلاَّ عَلَى الْخَاشِعِينَ }البقرة45

انا مش هاطول و لا هارغي
عندي بس كلمه واحده
ابتسم فهناك دائما من هو اشقى منك

يارب تكون رسالتي وصلت

Mon Oct 22, 04:11:00 PM GMT+2  
Blogger سندباد said...

كاني مرقتيش البوست
لانك مش انتي اللي كتاباه
دي واحدة تانية انا مهرفهاش
انتي اقوي بكتير من الكلام العبيط اللي في البوست
اسف يعني معلش
بس خلاص

Mon Oct 22, 05:04:00 PM GMT+2  
Blogger Shimaa said...

اقولك الحق يا انجى
انا قريت كلامك ده من اول ماحطتيه
وقريت الردود وماكونتش عارفه ارد بإيه
لأن القرار قرارك
ودى حياتك
ومش اى حد مننا حيقولك تعملى ايه فى حياتك
بص الحب بتقابليه فى حياتك دى مره واحده وبس ويا تحافظى عليه ياتنسيه وتنسى انك تعرفى تعيشى كويس تانى او حتى زى ما كنتى عايشه قبل ماتعرفيه
والحب تضحيه مش مشكله انك تتحملى وهو كمان ضغط اهلك شويتين لحد ماتتجوزوا وبعدين ولا حياثروا
وما افتكرش ان عزيمتك قليله
لازلت قويه وصامده خليكى كدا لحد ما ربنا يجمعك بيه
طارق مايتعوضش ده اللى فهمته من بوستاتك اللى فاتت
حافظى على نفسك وعليه والا حتندمى
سلام بقى علشان عندى فرح عقبال ما احضر فرحك انتى وطارق وانتم كمان تيجوا تحضروا فرحى
بس اتخطب الاول بس

Mon Oct 22, 07:56:00 PM GMT+2  
Blogger Shower-Mirror said...

انا سبق و قلتلك قبل كده فى موقف مماثل انك ماتاخديش قرار و انتى الغضب ماليكى كده ..لان غالبا هاترجعى فيه و هايبقى شكلك و حش

المره دى باقولهالك بجد مش بهزار



ملحوظه : لما قلتلك كده المره اللى فاتت طارق هو الوحيد اللى دافع عنك و اتخانق معايا ....فاكرة ؟؟


عارفه انتى عامله زى اللى عايش طول عمره فى الضلمه و لما ربنا انعم عليه بشمعه علشان يشوف بيها طريقه و يخرج للحياه ... طفا الشمعه تانى و قرر انه يرجع للضلمه اللى طول عمره بيشتكى منها ...

خدى وقتك يا انجى بس المهم فى الاخر امسكى الايد اللى اتمدت ليكى و اخرجى معاه من الضلمه ....


تحياتى و مستنى عودتك علشان اقول العيله رجعة فى كلامها

:)

Tue Oct 23, 08:56:00 AM GMT+2  
Blogger Shower-Mirror said...

انا سبق و قلتلك قبل كده فى موقف مماثل انك ماتاخديش قرار و انتى الغضب ماليكى كده ..لان غالبا هاترجعى فيه و هايبقى شكلك و حش

المره دى باقولهالك بجد مش بهزار



ملحوظه : لما قلتلك كده المره اللى فاتت طارق هو الوحيد اللى دافع عنك و اتخانق معايا ....فاكرة ؟؟


عارفه انتى عامله زى اللى عايش طول عمره فى الضلمه و لما ربنا انعم عليه بشمعه علشان يشوف بيها طريقه و يخرج للحياه ... طفا الشمعه تانى و قرر انه يرجع للضلمه اللى طول عمره بيشتكى منها ...

خدى وقتك يا انجى بس المهم فى الاخر امسكى الايد اللى اتمدت ليكى و اخرجى معاه من الضلمه ....


تحياتى و مستنى عودتك علشان اقول العيله رجعة فى كلامها

:)

Tue Oct 23, 08:56:00 AM GMT+2  
Blogger bastokka طهقانة said...

كنت فاكرة اني انا بس اللي طهقانة


طلعتي انتي المادة الخام للطهق

اوروفوار

Tue Oct 23, 10:50:00 AM GMT+2  
Blogger كراكيب عادل said...

كم من هموم انجلت وتبدلت لسعادة

فقط الهدوء لا تتكلمي وانتي غاطبة ولا تخاطبي احد ولا تحكمي باي حكم

ربنا يريح قلبك

انا عارف انك قدها

وهتقدري تعدي اي زعل من النوع دة

Tue Oct 23, 05:02:00 PM GMT+2  
Blogger رفقة عمر said...

انجى والله لسه داخله المدونه دلوقتى بس واتصدمت من البوست الصادم دة حاولت اتصل عليكى كتير قوى بس مش بتردى اتصلت فى لبيت عرفت انك فى دورة ومقيمه خارج البيت اليومين دول
انجى طبعا مش هاينفع اتكم هناك
بس عايزة ااقولك حاجه حرام عليكى نفسك وحرام عليكى طارق
لو بتحبى طارق يبقى مش من مصلحته انك تبعدى عنه حرام عليكى وانتى مجروحه تتدوقى انسان نفس الجرح
انتى مش عارفه حبه ليكى وحبك له انت مش عارفه جرح القبل اصعب الجروح اتمنى بعد ما ترجعة من الدورة تكونى هديتى وراجعتى قرارك
ومش تفرطى فى انسان بيحبك مهما حصل
اثبتى شويه انجى من فضلك
فرج الله همك ويسر لك طريق الخير اللهم امين يارب العالمين

Tue Oct 23, 06:02:00 PM GMT+2  
Blogger محمد حمدي said...

انجى

انتى اتهبلتى ؟

Wed Oct 24, 07:21:00 AM GMT+2  
Blogger ولــــــــــو said...

مش عارف ليه عديت دلوقت على مدونتك وانا كلي امل انك تكوني كاتبه حاجه جديده تقول ان اللي فات مات واتقفل عليه خمسميت باب
على العموم انا لسه عندي الامل ده
الى لقاء

Wed Oct 24, 07:15:00 PM GMT+2  
Anonymous Anonymous said...

ليه الغباء دة يا ربى
يعنى لما ربنا يفرجها و يدينا الحاجة اللى طول عمرنا بندور عليها نزهق بعدها و نقول خلاص مش هنقدر نتعب أو ندافع أكتر من كدة

بجد حرااااااااام يا انجى

فكرى ان طارق هو الوحيد اللى كان بيهون عليكى السواد اللى ف الدنيا
بعده بقى متخيلة العيشة هتكون ازاى

استفتى قلبك يا انجى و اعرفى انه انتى بس اللى هتخسرى او هتكسبى
و ماحدش من عيلتك هينفعك لما تكونى وحيدة ولا حد هيحس الليالى ازاى بتعدى عليكى

صدقينى بجد
مش عايزاكى تندمى

الدنيا ما تستاهلش أى لحظة حزن عشان هى ف الاول او الاخر يوم هنعيشه و هيخلص
ف ليه بقى ما نعيشوش مبسوطين ما دام ما بنعملش حاجة حرام

انجى بجد بلاش غباء
انتى مش غبية ف ما تتغابييش

ربنا يفرجها عليكى و علينا

Thu Oct 25, 12:21:00 PM GMT+2  
Blogger ساعه الغروب said...

اجى انا مؤقتا ولحد ما تردى على اتصالاتى ما عنديش اى كلام اقوله غير ما ينفعش

ما ينعش كل الكلام الى انتى كاتباه دا تكتبه انجى


ربنا معاكى بس ارجوكى لو تقدرى تردى عليا ردى لانى بجد قلقانه عليكى مووووووووووووووووت

ربنا معاكى ويطمنا عليكى فى اقرب وقت

رودى

Thu Oct 25, 12:23:00 PM GMT+2  

Post a Comment

<< Home