ذكرياات بقي
مش عارفة ليه اول ما بفتح دولابي بشوف ترنج المدرسة اللي كنت شغاله فيها
واللي كان الموجه بتاعنا دايما يقولي
بصي يا ابله حافظي علي الترنج دة عشان دة عهدة ولازم تتسلم بعد انتهاء فترة عملك من المدرسة
واللي كنا بنغنيله
يا ترنج الايمان يااا ترنج الايمان
يا مدفي الحران ومسقع البردان
ودة عشان المدرسة اسمها الايمان
هي كانت خاصة بس عربي
بفتكر ايام حلوة قضيتها في المدرسة
وازاي زمايلي اللي معايا خلوني لاول مرة اكل فول من عربية الفول اللي ادام المدرسة
ولا ساندوتشات الكبدة والسجق اللي علي العربية اللي علي اول الشارع
كنت دايما بشارك كل مدرس ومدرسة في كوباية الشاي بتاعته
وكان كل مدرس يجيب شاي يبص حواليه يشوفني موجودة ولا لا
ولو شافوني جاية يقوموا من مكانهم
لدرجة ان مدرس العربي مستر سمير كتب فيا قبل كدة مقطع من قصيدة بتقول
والاخت انجي يا رجاله
خفة وحركة ومهارة
1,2,3,4,
دايما معاها الصفارة
في الدور السادس تسمعها تقول انذار بالغارة
لما تشوف في ايديك الشاي
تعمل معاك والله حوار
تمسك من ايدك الكباية
ولما تشرب يا اخوانا
تضحك وتقول اورفار اورفار
يارب يحميكي يا انجي
اصل يا بنت وكله عمار
كنا تلات بنات من دفعه واحدة تخصص تربية رياضية انا وحنان وناهد
كنا اعلي مرتب في المدرسة كلها
مش عشان حلوين لا سمح الله
لا دة عشان صاحب المدرسة خريج تربية رياضية وبيحب مجاله
وطبعا اعلي مرتب دة كان 225
وتلات ولاد سالم ومحمد واحمد
دفعه واحدة برضه بس تخصص اداب قسم فلسفه
اترموا علي الالعاب عشان مش لاقين تخصصهم في اي حته
كان مرتبهم 165 عشان مش تخصص
وايه اللي رماك علي المر
ورئيس قسم التربية الرياضية اللي كنت دايما اناديه واقوله
يا موجهههه
انت فين يا موجهههه
يقوم يقولي طب احترميني عشان سني
هو انا بشتمك يا موجه
يقولي اومال دي ايه
الله مش دي وظيفتك
ويضحك ويقولي هروح فين من لسانك
السبت كان اجازة رسمي بس كنا بنروح عشان بنعمل انشطة رياضية
والعيال كانوا بيجوا
طبعا بعد دفع اشتراك النشاط الرياضي اللي بيطلعلنا منه نسبه
في الاول كان النظام ان كل مدرس يقبض علي العدد اللي يجيلوا
لكن المدير كان رايه
يا نعيش عيشة فل يا نموت احنا الكل
يعني اي كان العد اللي يجي يتقسم علي 7
كان في شهر مش معانا فلوس خالص دة كان كل شهر والله
ونطلع احنا الستة ناخد سلفه كل شهر
وفي مرة سالم قالي
هو احنا قبضنا فلوس النشاط بتاعت شهر فبراير
هو احنا في شهر ايه
احنا يا بنتي في شهر ابريل
تصدق لا
طب بقولك معاكي فلوس
ولا اعرفك انا ايه اللي جابني هنا اساسا
ايه يا انجي انتي هتطلعي واطية معايا انا
يا ابني الوطينة دي فن
واد يا محمد ياحمد ياناهد يا حنان تعالووووووووووو
احنا لازم نقبض شهر 2 بتاع النشاط
محمد بص لسالم وقاله
استاذ ياسر بيحبك
اطلعله انت
وياسر دة المدير المالي اللي في نفس الوقت اخو المدير شوف ازي
طب انا طالع
ونزل سالم وعلامات التهزيئ مخرمة علي جسمه
ايه قالك ايه
هزئني وطردني
ما تطلعلوا انت يا محمد
اذا كان هزئك انت اومال هيعمل فيا ايه دة مش بعيد يضربني
هي موتة ولا اكتر دة حقنا يا جدعان انا طالعله
حمش يا احمد مجدع ياض
طول عمري اقول المدرسة دي مش فيها غير احمد
انت رجل والرجال قليل
ومسافة ما طلع احمد نزل احمد
ايه يلا قالك ايه
مش لحقت اخشله
لييييه بقي
لقيته متعصب وهو بيتكلم في التلفون فخفت ونزلت
يا موجههههه
عايزة ايه بلسانك دة
ما تطلع انت
انت راجل كبير كدة وبركة
وانا مالي حد تاني يطلع
ادا يا استاذ محمد انت خايف
استني انت يا احمد استني
يعني ايه انت مالك مش كفاية مش بتعمل حاجة في ام النشاط وتيجي تقبض زيك زينا
يعني ايه انت مالك
اعصابك يا انجي
استني يا سالم ال انا مالي ال
طب بصوا هو بيحب البنات حد منكم يطلعله
استغفر الله العظيم
جري يا شيخة ناهد هو انا بقولك روحيله الشقه انا بقولك اطلعيله في مكتبه فوق
طب اطلعي انتي يا حنان
لا يا عم انا جبانة
وطبعا للاسف مش في حد فكر فيا لانهم معتبرني الرابع بتاعهم لانهم لاغين فكرة اني بنت
ولمدة ساعه شغالين تهييس وكل اللي يعدي علينا يقعد يضحك علينا
وسالم يقوم يقف ويرقص ويقول
انا هطلعله وقوله
قبضني النهارة يسعدك تشك تشك
وفي الاخر الموجهه العبقري قال
عارفين بقي مين اللي هيقبضكوا النهاردة
ميييييييييين
البت ام لسان طويل اللي اسمها انجي
ياااااه تصدقوا كانت تيهه عننا
انجي اطلعي
لا
هجيبلك حاجة من الكانتين
طب ومحمد واحمد
انا هعزمك علي شاي
وانا هجيبلك ساندوتش من اي عيل
ماشي انا طالعه
احم احم
السلام عليكم استاذ ياسر
انا قلت مش عايز اشوف اي حد من القسم الزفت دة
القبض الاسبوع الجاي
لا حضرتك قبض ايه انا مش جاية عشان القبض
انا جاية عشان حاجة تانية
تعالي خشي واترزي
لا انا بحب اتكلم وانا واقفة ( لزوم الجري بعد الكلام يعني )؟
ها في ايه
انا جاية عشان اشتكي لحضرتك
ايه اللي حصل
يرضي حضرتك ان محمد جمعه يستلف مني الفلوس اللي معايا عشان يروح
وسالم يستلف من ناهد فلوسها عشان هيسافر قليوب
واحمد ياخد فلوس من حنان عشان جعان ومش معاه فلوس يجيب اكله
وناهد وحنان ياخدوا من الموجه
وانا طمعانه في كرم حضرتك استلف 75 قرش عشان تذكرة المترو - ايامها كانت ب75 قرش
قال يا سلاااااااااااااااااام بقي كل دة حصل
طب وغلاوة حضرتك عندي حصل
وغلاوة حضرتي ماشي يا انجي
ابعتيلي الكلاب اللي تحت
هتقبضنا صح
بعد نظرة قاتلة منه
ابعتيهوملي كلهم طيب
وبسرعه قبل ما ارجع في كلامي
اصلا كلامي كان مؤثر جدا لكن طبعا مش مقنع
ومش عارفة هو مشهالي ازاي
واثق الخطوة يمشي ملكا
ونازلة السلالم يا ماشالله عليها
استقبلوني بزفة
ها عملتي ايه؟؟
اطلعوا يا كلاب عشان تقبضوا
انتي تتكلمي بجد ولا بتشغلينا
لا والله بتكلم بجد
لقيت الموجه قالي انا كمان يا انجي
قلتله اه طبعا
قالك يعني ناديلي استذ محمد
لا
اومال ايه قالك ايه يعني
هو قالي ناديلي الست كلاب اللي تحت
واكيد انا مش منكم لاني كنت معاه فوق
وكل اللي كانوا حوالينا وقعوا عالارض من الضحك
والحمد لله قبضنا واتشبرئنا
وكان قبضنا
جنيه ونص 19 يا بلاش
Labels: ذكرياااتي
78 Comments:
يا هناكى يا سعدك يا بت يا حدوتة
والله وكسبتى البريمو
اول تعليق عند سمرا
يظهر يا جدعان الدنيا هتضحكلى من تانى استنينى يا سمرا هقرا البوست وجرى اجى اعلق تانى
صندوق حاجة سقعة بقى اهو احتفلا بالمناسبة الحلوة دى لكل المدونين
:))
يا خسارة كان نفسي اكون اول تعليق بس كويس اني لحقت المركز التاني
ههههههههههههههههههههههههههههههه
يخرب بيت عقلك ولسانك يا انجي انتي تحفة انا موت على نفسي من الضحك على قالي انده الست كلاب اللى تحت دايماً لسانك طويل كده بس بيجيب الفايدة
فكرتيني بأيام شغلي انا كمان كنت بجمع العيال والمشرف بتاع القسم ونلعب كورة والمستشفى تتلم علينا لحد ما كان هيجلنا خصم وهينقلوني الفترة الصباحية رجعتيني لايام زمان يا انوج
ايوة كده هي ده انجي ام دم عسل
ربنا يسعد ويحلي ايامك كلها
موني
نياههههههههههه
يخرب بيت عقلك
مش عارف ليه فكرتيني بالتدوينة بتاعتك بتاعة التوت والشجرة.. والتدوينة التانية بتاعتك انتى وصاحبتك والأتوبيس
هههههههههههههههههههههههههههه
يخرب عقلك يا انجى
مش قادرة امسك نفسى من الضحك
فعلا ما يجيبها الا بناتها
19 ونص حلوين حد لاقى
وبعدين يعنى انتى طالعة تستلفى منن الراجل وواخدة سلم طالع وسلم نازل
على 75 قرش؟؟؟
طب كنتى اعملهم 10 جنيه
اصل الحاله فقر
ونفسىاكل سندوتش مؤمن ولا حاجة
صحابى هيجيبوا فطار وانا مش معااي
ههههههه
اى منظر
ودمعتيين كده حلوين
بس عارفة
فكرتينى بكل ذكرياتى
مدرسة الايمان دى فكرتنى بمدرسة النهضة اللى كنت بشتغل فيها
كان خاصة بس عربى برده
ههههههه
بس كان العهدة عندنا السخان اللى بنعمل فيه الشاى
D:
انا بقى اللى كنت يخلى العيال زمايلى ياكلوا طعمية وفول من عربية حسن اللى قصاد المدرسة ههههههههه
هههههههه الغريب بقى مكنش عندنا فى المدرسة مدرس عربى
ولا مدرسين خالص
كنا كلنا مدرساااااااااااات
شوفتى الفقر؟؟؟
مرتبك كان فل اوى .. احنا كان بناخد 200 عمى لا طلعوا ولا نزلوا بس كانوا رضا
دا لو انا كنت طلعت للمدير دا فرجت عليه مصر والوطن العربى كله واستعديت كل الكاميرات تصورنى
دا انا فتوة محدش يعرفنى يعنى
وبعدين ازاى يعنى يلغوا فكرة انك بنت
طب دا انتى يا انجى ست البنات كلهم
:))
كان طلع من يد حد فيهم يجيب ال 19 جنيه ونص؟؟؟
عسل يا انجى انتى وبوستاتك
تحياتى القلبية ليكى
بس قوليلى
رجعتى الترنج للمدرسة ولا ضربتى عليه؟
;)
موتينى من الضحك بخفة دمك المعتادة يا ست البنات
واحشانى يا انجى
بقى كدة يعنى ولا حتى تليفون ولا ايميل ولا سلام ولا كلام
ولا بتوفرى المكالمات دلوقتى بقى لحد تانى
:)))))
ربنا يسعدك يا قمر
الله الله
دا الحوجل ريدر عاوز الضرب
ماشاء الله الله اكبر ست تعليقات
لا كده اخسر مركز اول
هههههههههههههههه
طب فرقي الساقع يا ست حدوته
طب مانتو حلوين اهه والعمليه مبشبشه معاكو
واكلينها والعه بتوع تربيه رياضيه
هههههههههههههههههههه
بجد بوست ولا احلى انا ضحكت لما فطست من الضحك
ايه دي مدرسه ولا سيرك
ربنا يكون في عونكو
اوعي تضيعي الترنج دا عهده
وبعدين ما يصحش تبقي مدرسه وقدوه لتلاميذك وتاكلي سدق وفول من الشارع
ابقى هاتي سبرتايه من بتكو وباكو شاي العروسه وربع سكر واعملي الشاي يا استاذه
الناس طهقت من شغل الحملجه
تحياتي على البوست الظريف اوي ده
يا ترنج الايمان يااا ترنج الايمان
يا مدفي الحران ومسقع البردان
ايه داه مش عارف ليه ترينج الغرام قصدى ترينج الأيمان فاكرنى بأغنية يا تاكسى الغرام يا مقرب البعيد وبعدين مدرس العربى اسمه مستر سمير أمال مدرس الأنجليزى اسمه ايه؟
بس بجد ذكريات جميلة وانا حسيت من كلامكم انكم لسه طلبه اشقياء مش مدرسين
وبجد بقى ملأئيش معاكى ربع جنيه سلف
السلام عليكم
أزيك أخبارك أية؟
أنا قعدت أنزل و أنزل و أنزل منتظر بقة الحكمة من القصة و أكييد هتتربط مثلا بقضية فلسطين و لا العراق بس للأسف مفيش حاجة
بس علي العموم مش أنت مبسوطة
الحمد لله
:))
سلام
ازيك ياسمرا انا اول مره ازور مدونتك وسعيده بالزياره دي جدا وبصراحه انا موت من الضحك يا عيني 19 جنيه ونص امال لو القبض كله كنتو هتعملو ايه يلا معلش بس انتي طلعتي اجدعهم يعتمد عليكي والله عشان يفضلو طول عمرهم يحلفو بحياتك امال ما لولاكي ماكنوش هيخدو ال 19 جنيه ونص
كل المفاوضات و كل التهزيق ده و في الاخر 19 جنيه و نص
يا بنتي كنتي قلتيلي و انا كنت اديتهملك و ريحتي دماغك انت و الـ 000 الباقيين
عموما حصل خير
بس فيه سؤال هو الترنج ده مش عهده
امال احتفظتي بيه ازاي
عموما انا هابلغ عنك ادارة المدرسة وابقي انتي اتصرفي معاهم
ههههههههههههههههههههههههههههههههههههههههههههههه
خالص تقديري و احترامي
هههههههههههههههههه
بحالهم
البوست الجاي بقى اكتبي إزاي صرفتي المبلغ الشنيع ده
يابنتى
إنتى يا بنتى
أيوة إنتى
مش تراعى إنى فى ناس مشغولة
مش عندها وقت تقرا الكلام دة كلو
أهو حظك بقة هقرأ النص النهاردة والنت التانى بكرة
ههههههههه
عادى بقة قلت أحجز
أودى لسة مشغول
فى الكورس يا أختى فى الكورس
ربنا ما يوريكى بقة
كل دا عشان ال 20 جنيه يا اوجتى دا انتو اتبهدلتو اووووووووووى اوووووووووى
انا قلت بس دى وراها الف جنيه ولا حاجه
هههههههههههههههه
وحياتك بقوا بيفرقوا فى الزمن ال,,,,,,,,,,,,,ابيض الحلو الىل احنا فيه دا
يلا ما علينا
الغريبه انهم استبعدوكى فى الاول
ودا غريب جدا
انا لو مكناهم كنت اصدرك انتى اول واحده
لا بجد
انتى اللى هتعرفى تاخديلهم حقهم صح
واهو دا اللى حصل
بالعقل مش بالالحاح يا بنتى
المهم ععايزين بوست باه عن ايه اللى اتعمل بال 20 جنيه دول
وصلتو بيهم البيت يعنى ولا؟؟
هههههههههههههه
ربنا يسترها بجد معانا ويكتب لنا كل خير
واحشانى مووووووووووووووووووووووووووووووووووووووووووووووووووووووووووت
خلى بالك من نفسك
اوكش؟؟
:)
ايه كل دى ذكريات...
مممممم
قلت اسلم وابقى تعالى بصى عندى بوست حلو لسه منزله طاازة...:)
يخرب عقلك يا انوج
فعلا
مايجيبها إلا بناتها
هههههههههه
جدعة يا بنتى
مش مهم إنشالله لو كانوا نص جنيه
لا يضيع حق ورائه مطالب
بس بينى و بينيك
بصراحة انت الواحد صعب يرفضلك طلب
و الراجل ماستحملش... و نفذ
ههههههههه
هو ده الكلام
اله يارب الابواب كلها تتفتح قدامك
هههههههه ده انتى مصيبة يا انوجى...يلا يا ستى اهو قبضتى 19 جنيه مرة واحدة..ماكنش على فكرة لازم تقولى المبلغ عشان الحاجات دى بتتنظر:ي
تحياتى
اول ما شفت التدوينة قلت ياااه طويلة اوي اقراها بعدين
بس اول ما قريت ما حستش الا وانا بنهيها بجد سرد روووووعة
بس سيبتيهم ليه يا انجي كنتي بتقومي بدور وزير الخارجية ليهم:)
طبعا دي مشكلة لملايين من الشباب يمكن البنات اللي زي سعاتك مش بيهمهم اوي بس المشكلة ف الشباب اللي المفروض بيكونوا نفسهم ومرتبات طبعا زي مانتي عارفة!!!!!
لا جامده يا انوجه بجد
بس الراجل طلع كريم اوى
19 جنيه و نص بحالهم
يا خوفى لاتخرج من كليه اداب و يبقى حالى انا كمان كده
ههههههههه
دى تبقى مصيبه يا انجى و الله
:D
قاعده انا و اختى هند جنبى و مبطلناش دحك لحد دلوقتى
بجد انتى سكرررررررررر
اختى بتقولك هتبقى تيجى هنا كتير
سلامااات يا جميل
ههههههههه
ههههههههههههههههههه
هههههههههههههههههههههههههه
و الله انتي سكرة
كله الافلامنات دي
علي 20 الا كمان
بس برضوو
يعجبني المبدأ
:D
ربنا يسعدكم ياااارب
تحياتي و حبي
:)
عايزين عزومه بأه
:\
ههههههههههههههههههههههههه
ايه ده...بجد انا موت من كتر الضحك...
ربنا يكون فى عونكم زمان
انا كده عرفت المدرسين عندنا مكانووش طايقين عيشتهم ليه
هههههههههههههههههههههههههههههههههههههههه
مسخرة وكل ده على 19 جند
هههههههههههههههههههههههههه
يعنى انتى تقصد ...؟ استغفر الله العظيم يارب
انتى تقصدى؟؟؟؟؟
لا حول ولا قوة الا بالله
معقول انتى تقصدى تقولى؟
تقولى؟
عاوزة تقولى ما يجيبها الا رجلها طبعا
انا فهمتها من اول مره
وبعدين ياست سمرا انتى فسحتينى من دولاب الهدوم الى فيه الترينج
للمدرسه لمكتب الاستاذ ياسر
كل ده علشان تسعتاشر جنيه
طب اعمل فيكى ايه
البوست طبعا مش محتاج تعليقى انتى رائعه
تحياتى
السلام عليكم
الليله دي كلها
علشان 19 جنيه ونص
اينعم اينعم انتي مرتبك اكتر من مرتبي
بما اننا في مصلحتين مختلفتين
بس 19.5 يا انجي
وقعدين تحورو علي بعض
ههههههههههههههههه
والراجل اللي فوق يهزء كل واحد شوية
بس عجبتني حته الموجه دي
يا موجهههههههههههههههه
هو انت من ضمن الكلاب
ومضطر اسفا انه يقبل الشتيمه
مش فيها فلوس
تحياتي
مفيش مجال للنقاش
كان بودي تعليقاتي تزيد
:P:PP:P
اية دة يعنى انتى قبضتى
خلاص ليا عزومى عندك
حددى المعاد
وانا هاجيب حسونة ابن خالتى وتهانى بنت عمتى
والواد كركر والبت طمادر ونيجى
عارفة يا سمراء البوست دة فكرنى
بالبوست بتاع المدرسة والمظاهرة والبوست بتاع التوت
والله فاكر البوستات دى حتة حتة
ههههه...انت تستحقي جايزة اوسكار في التمثيل على الفيلم اللي عملتيه عشان تقبضوا مش 19 جنيه ونص بس
ذكريات جميلة جدا :D
يا بلاش19.5
مغامرة كاملة عشان 19.5 جنيه
على فكرة انتى لو اشتغلتى فى البورصه هاتكسبى دهب
او ممكن تشتغلى وزير خارجية .. هاتعرفى تجيبلنا حقوقنا كاملة من الدول التانية
سفسطة
وبعد إذنك انا هاضيف مدونتك للينكات بتاعتى
مساء الخير وكل سنة وانتى طيبة رمضان على الأبواب والف الف الف مبروك على الخطوبة وعقبال الزواج يارب والأولاد انا بجد اسف على الغياب
تحياتى
العَبدِالرَحَمن.
يعنى انا عارف انك طقة ومجنونة
لكن كمان هتجيبى للموجههههههه
نقطة بعمايلك دى .. تقولى للراجل المدير قاللى اندهى الست كلاب اللى تحت ..
يا شيخة حرام عليكى ..
وبعدين ارسيلك على حل بقي هو انا اخش عندك مرة يجيلي احباط .. ومرة اتبسط واضحك ..
تحياتى لاحلى انووووووووج :]
السلام عليكم ورحمة الله وبركاته
بما ان البوست كان طويل وكل دى طلع على 19,5 يبقى ايحنا لا زملنا عزومه
ربنا يوفقك يا قمر
والسلام عليكم ورحمة الله وبركاته
السلام عليكم
أنا الزائر 10000
فين الجايزة
عزيزتى
بعيدا عن خفة الدم العاليه والحوار الضاحك السهل والسخرية اللذيذه الموجوده فى البوست
بس تصدقى فى ناس بتكون حياتها ويومها وشهرهافرحان بال 20 جنيه... بجد
ينفع ده فى بلد المفروض تبقى اغنى بلاد العالم شعبنا بجد صعبان على
فى اغنيه بحبها اسمها يا عينى علينا
بتاعت محمد فؤاد
اسمعيها
تحياتى
وشكرا على ابتسامه حطتيها فى عينية
سلام
الغالية انجي
على قدر ما اضحكتيني من كل قلبي
على قدر ما شعرت بالفخر لمعرفتك
وانا أقرأ تلك الذكريات
حقاً
انتى انسانة بمعنى الكلمة
تحياتي اختاة
والله فكرتينى بمدرسة الالعاب فى المدرسة
اصلها كانت مش بتعمل حاجة
ولا بتمرنا ولا اى مصلحة غير نادرا يعنى
اهو انتى كنتى مجتهدة ما شاء الله واكتر حاجة مجتهدة فيها الفلوس
موتنى من الضحك يخرب عقلك ربنا يسعدك
very good blog congratulations
regard from Catalonia Spain
thank you
يا خرابببببببى
ايه الفضايح دى يا اختشى
ابعتيلى الكلاب
وانتى اساسا بهدلتيهم
ولا شاربة الشاى دى
ايه يا عم انت مدمن شاى ولا ايه
ذكرياتك فظيعه
اقولك ايه
فى بنت عفريته زيك كده فى الدنيا دى
خلتنى افطس من الضحك وانا منسجمه وعماله اكتب فى حتت قصة بتاعت ميتين
يا ذكرياتك يا معلم ...اهو انا نفسى استضيف نفسى اسبوع عندك علشان اضحكلى شوية
وعملتوا ايه بقى بال 19 جنيه ونص ؟
عايزة اعرف
...................
بت انا زعلانه منك
عيد ميلادى كان من خمس تيام ولا جيتى ولا شبرتى
تصدقى هتضربى
هه
هه
هه
بالمناسبة السعيدة دى
وبما انك بتعرفى تاخدى الحقوق الضايعة
انا وجموع الشعب السعيد
عايزينك تروحى للريس وتخليه يقبضنا قصدى يدينا حقوقنا ...يييييييييه
الجماهير يتهف سمراااااااا..سمراااااا
مفروض بقى تعزمينا على حاجة بناسبة التسعتاشر جنيه دول
خالو أحمد
يا نهار ابياااااااااااض
دا حضرتك اكتشاف
امال انا كنت فين المده اللي فاتت دي طالما ماعدتش قبل كده
بصراحه دمك زي العسل او احلى شويه على العموم انا من موقعي هذا اشكر حدوته انها كانت وراء اني اجي هنا
بصراحه عندها حق ف كل اللي كتبته
عن اذنك انا مطول شويه هنا لحد ما اخلص على المدونه
تحياتي
هههههههههههههههه
و اللة عسل
وديتى القبض فين ؟
اعترفى
إيه يابنتي المأساة اللي بتحكيها دي
كل دا عشان 19 جنيه ونص
لا بجد يستاهلوا بس ياترا عملتي بيهم إيه؟
إلا هو إنتي كنتي طالعة تقبضي ولا تشحتي
طالعة تقوليله عايزة حق تذكرة المترو!
يخرب عقلك
تحياتي
هههههههههههههه
ذكرياااااااااااات جميلة بجد
بس انتوا شكلكم كنتم اصحاب أوي
بس برافو عليكي بجد
وهنيئا لكي بالفلوس
مع اني مكنتش متوقع انها تطلع كدة
هههههه
تحياتي
loooooooooooooooooooooooooool kol da 3ashan 19 geneeeeeeeeeeh :D
bas gad3a ya noooj :D
والله انتى زى العسل
ضحكتينى بجد
مافيش أحسن من الذكريات الحلوة دى
تحياتى لكى
يخرب بيت لسانك
هو انتى لسانك كده من يومه
بس سيبك انتى
ساعات الدنيا بتحتاج ال19 جنيه ونص
بعيد عن البوست
فى حساب كبير بينا
وممكن يمتد لزعل !!!!!!!!!
قشطه يا ست نوجا
:)
انجي
...
زي العسل
زي المربة
زي الجبنة النستو
زي ما عملتي كده
اعملي مع خطيبك
ونفضي محفظتو اول بأول
يا مجدع يا بنت البلد
ويجعلوعااااااااااااااااااااااااامر
اية الفضايح دي
كل دة على 19 ملطوش
طب مش حرام الناس الي معاكي تفضحيهم كدة
اما بالنسبة للذكريات فدي خلاصة حياتنا
يعني ممكن نحسب عمرنا بكمية الذكريات
الي معندهوش ذكريات مهما كانت نوعها يبقا لسة مش عايش
والي مش بيشارك اصدقائة فيها ميستهلهاش
ااااه يابطيخة
طول عمرك مشرفانا كدة؟؟
يا تحفة...بس تحفة حلوة ونادرة :)
ااااه يابطيخة
طول عمرك مشرفانا كدة؟؟
يا تحفة...بس تحفة حلوة ونادرة :)
هههههههههههههههه
دمك زى السكر
انا اول مرة اقرا بوست طويل شخصى واكله كدة وانا مستمتعة
بجد شخصيتك لذيذة وثرية اوى
بس بحسدك عشان كلتى من عربية فول
نفسى اعملها والله
:)
يخرب عقلك يا بنت الايه انتى وقعتينى على روحى من الضحك وفكرتينى ايام مكنت بشتغل فى مدرسه وكنا بنجرى يوم القبض زى الكتاكيت الى بيجرو على امهم عشان تأكلهم
بجد جامده
سلامى يا جميل
جميل اوى ان يبقى عندك ذكريات حلوة كده و خاصة لما تكون مع شخص غير عادى زيك كده
استمتعت بقرايته جدا و ضحكنى
تحياتى
دايما عامله فيها زعيمه
وطالعه نازله علشان جنيه ونص 19
احلي حاجه الذكريات فعلا يا سمرا
مهما كانت
ومهما وصلنا
هتفضل ذكرياتنا اجزاء مننا نبتسم معاها
بحس في كتاباتك بصدق وبساطه بتشدني دايما للمدونه
ربنا يكرمك يا سمرا انتي وطارق
ياه كل ده علشان 19.5ونص بس
امال لو كانوا عشرين كنتم هتعملوا ايه
بس بوست زى العسل
وحشتينىىىىىىىىىىىىىىىىىىىىىىىى
جداااااااااااااااااااااااااااا
ورمضان كريم
ملك المصرية
يا فقرية
موقعانى عالارض من الضحك - يخرب بيت فقرك يا شيخة فكرتينى بذكرياتى
انا مع اصحابى برده كنت اخوهم - ابعد ما تتخيلى عن الانوثة- بمشيهم كلهم قدامى زى المعييز
سلام يا انوج
هبة
يا سلام على الذكريات
تنفع رواية يا انجي
بس حلوة فعلا تسلمي يارب
يعني ايه ترنج؟
ده انت زعيمة و متحدثة لبقة من يومك
حقيقي ما يجيبها الا نسوانها
:)
انتى مشكله يا انجى انا عارف اللى انتى قولتيه ده كله علشان انا برده كنت بتعامل مع موظفين و حياه الهزار و التقسيم على خلق ربنا ديه و الله الايام ديه مش عارف الواحجد لما تاخده دوامه الحياه هيفتكرها تانى و اللا لا
تحياتى على الذكريات الحلوه بس خدى بالك بقى لا الموجه يشوف البوست ده
يااحلى سمرا وحشتنا ذكرياتك الحلوة
بس كل دة عشان 19 جنيه دة انتوا غلابة اوى
دة كفاية طلوع السلم :)
ازيك يا انوج
انا قلت اعدي اسلم
وافجر نفسي فيكي بالمرة
ولا ايه؟
زي بعضه
انا بشكرك على ردك على الأخ شارم اللى معرفش جاب الكلام ده كله علية منين بصراحة !!!!!
انا استغربت قوى من كلامه العنيف ده
بس ميرسى لتفهمك وردك
انا لسه قاريه حالا
السلام عليكم ورحمة الله وبركاته
ههههههههههههههههههههه
يخرب عقلك يا انجي ، هو انت طول عمرك كده مسخره ....هههههه
حتي بعد ما اشتغلتي كمان، ما بتعقليش ابدا
كل سنة وانت طيبه
اللهم بلغنا رمضان واعنا علي صيامه وقيامه وتقبل منا فيه صالح اعمالنا
تتحياتي
هههههههههههه
شكلك كنتي مدوخة البشر الي معاكي على الآخر.. عموما التسعة طاشر جنيه ونص مكتوبة غلط .. بس خفة الدم عندك "تهبل" يعني تجنن
مش عارفة اقولك اية
اصلى لسة جديدة فى الموضوع دة
انا لسة عاملة مدونة من قريب
بس كنت بقرالك من زمان
من قبل ما اعرف يعنى اية مدونة اصلا
على فكرة لو قلتلك ان اسلوبك ومرحك و جمال كلامك اكتر من روعة يبقى مش بوفيكى حقك كمان حيبقى مش جديد عليك
بس اقولك
ان بجد بحبك فى الله من غير ما شوفك
ربنا يوفقك
تحياتى
تمر حنة
سمرا الجميلة
واخدة بالك من كلام تمر حنة اللى فوق كلامى دا علاطول
اعتبرينى انا كمان قلته , عشان هو دا اللى كنت عاوزة اقوله
و بجد يا انجى انتى سكر زيادة :)
أحلى حاجة فى البوست لما بتفتحى الدولاب و كل الذكريات الحلوة دى بترجع تانى ..... اللمة بردو بتفرق يا جدعان و الله و بتهون كتير اهى ... حلوة اوى انا هجبلك حاجة من الكانتين و انا هجيبلك ساندوش من العيال .... بجد بجد بجد دمك خفيف اوى ربنا يحفظك يا رب و يقضى حاجتك و ييسرلك زواجك انتى و طارق ..... و يبنيلك بيت فى الجنة عشان تسكنى عند ربنا و لما تفتحى يا ستى الدولاب تلاقى لبس كتيييييييييييييييييييييييييييييير بيدفى السقعان و يبرد الحران .... بس متنسيش تعدى علي زمايلك الستة و انتى فى الجنة و بالمرة تاخدى استاذ ياسر من ايده و تفرجيه على بيتك و بيوتهم عشان يعرف يعنى ان مش أى أى و لا زى زى
علشان تعرفى إن البلد دى مفيهاش أمل و كل البهدلة دى على 19 و نص
ربنا يتولانا يابنتى و الله
بس دمك شربااااااااااااات
بوست تو ووووووووووووحفة
ياااااااااه الحمد لله خلصت
لا بجد بوست كبير اوى كتبتيه على كام يوم دا
المهم ذكريات جميله والله
والله انا كنت قاعدة ناوية ادخل في حالة اكتئاب وبشاور عقلي قلت ادخل للبت انجي اشوف الكآبة اية اخبارها
بس يا بت الاييييييييية
فطستيني من الضحك مسخرة من يومك يا بنتي
السلام عليكم
ازيك ياانجى
ايه يابنتى الذكريات ديه كلها
وكل الدوشة ديه عشان 19 جنيه ونص
بس جدعة ياانجى
انتى اللى فيهم
وعرفتى تتصرفي
مفيش احلى انك تفتكرى ذكريات حتى وان كانت حاجات صغيرة بس بتكون جميلة
تحياااتى
فظيعه ياانجي
يعني بقيتوا كلاب
عشان خاطر 19.5
امال لو كانوا 20 كاملين كان عمل
فيكو ايه
بس جدعه ياانجي
علي الرغم انهم شكلهم كان شاكين
اساسا ان انتي اللي هاتخليهم
يقبضوا
بدليل ان انتي كنت اخر حل ليهم :d
عارفا خلتيني فحالة انشكاح كده
يااه عاى الذكريات وجمال الذكريات بجد
والله يابت ياانوج انتي زي العسل
ياخربيت دمك الي زي العسل بجد
:)
ههههههههههههههه
مسخرة بجد
:))
ألا هوا المترو بكام دلوقتى؟
المرة الجاية هنبئا نجمع و نكملك عليهم عشان يبئو 20 جنيه
انجي تعرفي بموت في التشرد والحركات دي بطريقة وبحيكي على طبيعتك وتلقيتك يا احلى سمرا بس بجد بتفركينا بنفسي ايام الثانوية العامة وحركات التشرد بتاعتي سلامي ياقمر
لا حول ولا قو الا بالله كل ده علشان 19 جنية ونص
ههههههههه ربنا يصبرك يا بنتي
ما يجيبها الا انوووجي :)
وحلو اوي الفيلم اللي انت عملتيه علشان تقبضوا :)
حلوة
:)
انا زهقااااان .انا اصلا ايه الى جابنى هنا .مخنوق و مش عايز و مش قادر اكتب عايز اناااااااام
النتيجة ظهرت علشان كده انا مخنوق وواحد صاحبى اتخانق مع واحد صاحبى تانى ده غير الاولانى .
اول مره اكتب فى اى بلوج ده لانى كنت فاكر ان دى (تكست فايل) الناس بتفرغ فيه الطاقة العقلية بصورة موجهة لاى هدف. و سبب تانى انى انا بعرف اصمم بلوج علشان الناس تعمل عندى بلوجز
انا مصمم مواقع - سيرفرات - فلاشات-العاب فلاش - ......
بس
انا سنى 19و5
تانيه حقوق للمره التانيه
كلاكيت تانى مره
انا وائل من الاقصر
الاقصر بلدنا بلد سواح فيها الاجانب بتتفسح
..........هههههههه
انا شايف انك مرتاحه عاطفيا و ده كفايا
شكرا
لحسن استماعكم للنشر الجوية.
اه نسيت اقلكم انا كنت و مازلت و ان شاء الله هموت و انا هكر
انا دلوقتى شبه محترف .
devil_xsx_2010@yahoo.com
انا عايز اى حد يشجعنى يناقشنى يعمل اى حاجة.
انا الناس كلها وحشاااااااااانى .
نفسى اتكلم عن اى حد و مع اى حد
سلام. شكلى كده عكية فى الكلام
The Devil
Post a Comment
<< Home