Thursday, August 30, 2007

حد عنده عيلة للبيع


حد عنده عيلة للبيع

هشتري
والله هشتري

حد عنده اب يبيعه وانا هشتريه
حد عند ام يبيعها وادفع عمري كله واشتريها

حد عنده اسرة بتقعد علي ترابيزة واحدة بتاكل مع بعض
حد عنده حضن

انزوي دائما في ركن من اركان البيت واجلس وحدي
ااكل وحدي
ليس بارادتي ولكني مرغمة علي ذلك

ودائما ابكي وحدي

احضر طعامي واجلس في زاويتي وااكل وحدي
حتي وانا في المترو احضر طعامي
واجلس علي الارض في احدي زوايا المترو ايضا
لا ابه بمن ينظر لي


مللت من التظاهر بالشجاعه والقوة
مللت من زرع الابتسامات في وجوه من حولي
مللت من سرد ذكريات لا يعلمها سواكم

يا ساتر انتي عنيدة اووووووي
انتي ايه حجر
انتي عصبية كدة ليه
بجد بجد انتي انساة باردة
يا ااااه دة انتي جبارة يا شيخة

انتي احساسك ميت يا بت

انتي مش بتقعي ابدا
لالالالا الكل عارف انك جامدة ومش بيهمك حد

اما يعلممون اني ضعيفة
عايزة اصرخ واقول ان انسانة

ضعيفة
والله بحس

انا ورقة في وسط ليل صحراء شديد البرودة
بدء المرض يجتاح جسدي
لا اعلم مصدره
لا اتوهمه ولكتي بالفعل اعايشه

اصبحت أتألم وكالعادة في صمت

نظرت في مرآتي وكم اكره ان ادقق في ملامحي
فقط انظر لكي اري من بعيد نفسي
هو لبسي كدة مظبوط
يلا امشي بقي

ولكني رايت الشعر الابيض يتسرب الي شعري
ليست شعرة واحدة
بل عدة خصلات

اهذا حزن ام من هول ما رأيته
ام اني اتقدم في السن وانا مازلت في الربع الاول من القرن

كلما نظرت الي شعري
تدمع عيناي
التي طالما اطلقوا عليها زملائي
العيون الدامعه

كم كان جميلا
كم كان ثقيلا
وكان ما اجملني حين كانت تضفره لي امي وانا في سن السادسة
وتخبرني بعدها

يااااااااه ايدي اتملخت شعرك تقيل اوي

وانظر اليه الان واتحسر
فها هو فيه القليل من الشعيرات

اسفة يا امي فلم يعد هناك من يملخ يدك

فبعدك لم يتحسسه احد غير يدي انا فقط

اضع يدي علي رقبتي فتلك العاهة التي احدثها في اخي
تجعلني اتجرع مرارة عشرون عاما
واخبر نفسي كاني احادثه
هنت عليك يا محمد هان عليك حضني
هنت عليك ترميني في السرير عندي صدمة عصبية

عايزة اناااااااااام
لا اسمع ضجيجا غير صوت انفاسي
ودقات قلبي وهي مطمئنة

ولكني لا استطيع



مخنوقة اووووووووووي

اشعر بثقل علي صدري يمنعني من التنفس
لا اريد شئ

فقط اريد حقي
اريد حقي من ذلك الزمن الذي رماني وسط بشر لا تفقه معني الاحساس

لا تفقه معني الامومة
لا تفقه معني الحب
لا تعرف ما هو الانتماء

اريد حقي
حقي ان اشعر بان لدي اسرة
لدي ايادي تنتشلني وقت وقوعي
لا يتركوني اقع وحدي واواجه الحياة وحدي

حقي في ان احدد ما اريده
وحقي ان يلبوا ما اريده

فهم دائما يبعدوني عن كل ما احبه واريده

ولكني لن ابتعد
فسامارس حقي في الاحتفاظ بما احبه واريده

اريد حقي في ان احصل علي اسرة
في حد عنده اسره للبيع

اريد ان اصرخ

دة مش بيتي ودي مش امي

منذ متي كانت زوجة الاب ام

ااطلب الكثير

انتي مش طبيعية بجد
وانتي فاكرة نفسك طبيعية

ااااااااااه
انا انسانة وطبيعية
الفرق الوحيد اللي بيني وبينكم ان انا بحس

بس عايزة اكون طبيعية
عايزة اصرخ
اكتم عصبيتي لان حبيب عمري دائما يجبرني علي الهدوء
يمتص غضبي

يشعرني بابوة جارفة
وحنين ام لطالما افتقده
وصداقة اخ لم اجدها
وحب عاشق من الدرجة الاولي

ولكن اعذرني يا حبيبي

قد اتيت لجثة شبه ميتة
قد اتيت لجسد امتد اليه المرض والنحول

قد اتيت لفتاه عجوز
اعذرني علي وحدتي

اعذرني كل ما تحملته من اجلي
اعذرني علي تحملك حماقات لا ذنب لنا فيها
سوي انهم اسرة من التماثيل المتحركة
ولتعذروني



فعندما انظر اليا وانظر ما بداخلي
وانظر اليهم
لا يسعني غير ان اقف وعيناي باكية
واصفق لهم
برافو علي كل جرح انا فيه
برافو لاني مش قادرة اكون طبيعية
برافو لاني انسانة غريبة
برافو لاني بموت بالبطئ
برافو كونكم خلتوني وحيدة
برافو لانكم قتلتم الطفلة البريئة
برافو لانكم مش قادرين تكونوا صح
برافو انكم صنعتم مرح كاذب
برافو انكم صنعتم سمراء النيل

Labels:

123 Comments:

Blogger سجدة said...

بكرة تتجوزى وتعملى عيلة كبيرة وتقعدى تاكلى معاهم وتاخديهم فى حضنك
ويكونوا ليكى العالم كله
اكثر المشاكل ان محدش بيحس بحد كل واحد سارح فى ملكوته
لما نشوف بكرة تعملى فى عيالك ايه
انتى بالسانك الطويل دا ممكن تحرميهم من المصروف
انا متأكدة إنك هتكونى زوجة وأم مثالية

Thu Aug 30, 03:22:00 PM GMT+3  
Blogger سجدة said...

انا اول تعليق ياريت بقه حق التعليق لو سمحتى لو سمحتى ابعتيه بالفيزا على البريد الإلكترونى

Thu Aug 30, 03:23:00 PM GMT+3  
Blogger bos bos said...

يابنتى وجعتينى قوى ووجعنى كلامك
بس صدقينى بعد كل العذاب ده فيه حاجة حلوة بقت فى حياتك وحاجة بتعوضك عن كل ده وهو خطيبك وأن شاء معاه هتنسى كل ده ربنا عوضك بيه يا أنجى علشان يكون الأب والأم والصديق والحبيب حاولى تنسى شوية يا حبيبتى وأن شاء الله ربنا هيكرمك أنسى أهلك خالص وركزى فى حياتك وشغلك ومستقبلك وأن شاء الله بكرة تتجوزى وهتكونى أسعد أنسانة
تحياتى ليكى يا جميل

Thu Aug 30, 03:25:00 PM GMT+3  
Blogger bos bos said...

وبعدين أنتى هتتضحكى عليا كده ماليش دعوة روحى شوفى عيد ميلادى على مدونتى وعايزة الهدية

Thu Aug 30, 03:26:00 PM GMT+3  
Blogger Hadota .. حدوتة said...

انجىىىىىىىى ايه كل دا والله انتى حالك حالي متزعليش ياانجى تعالى نحط همى على همك ونبقى عيلة تخلى بالك منى ونعمل اكل وناكل سوا ونبقى عيلة بعض اعتبرينى زى ممتك هطبطب عليكى واخدك فى حضنى واسرح لك شعركم كمان وانتى تجيبيلى هدية فى عيد الام ربنا بيعوض ياانجى واعتقد انك ممكن تلاقى حواليكى كتير بيحبوكى اوى واولهم انا ممتك حبيبتك

Thu Aug 30, 03:45:00 PM GMT+3  
Blogger صاحب البوابــة said...

انتزعتِ الدمع من عيني

لأنك اختي الغالية انجي

فقد أحسست بمرارة كلامك

اشهدك

اني آسف عليهم

حانق وغاضب منهم

لا يدركون قيمتك

لكنهم وعداً

يوماً ما

سيكتشفون أنهم أخطأوا

المهم وقتها

أن يكون ما زال في قلبك

متسع لمسامحتهم

والغفران لهم

!!!

Thu Aug 30, 04:19:00 PM GMT+3  
Blogger shayma said...

بجد وجعتى قلبى وخلتينى ابكى
بس برضه سعيده بيكى جدا مش عارفه ايه السبب بالظبط بس سعيده يمكن لانك مع كده بقيتى سمراءالنيل
والحمدلله ان فى حياتك حد يوقف جمبك ويعوضك وانشاءالله تعملى احلى اسرة باذن الله وزى ماقالت سجده هتكونى ام مثاليه
سلامى يا جميل

Thu Aug 30, 04:42:00 PM GMT+3  
Blogger Mohamed A. Ghaffar said...

ابحثى عن الجانب المشرق وحتماً ستجديه

اما هذه السلعه فلا تباع ولا تشترى

Thu Aug 30, 04:45:00 PM GMT+3  
Blogger بحاول اكون said...

ياااااه يا انجي انتي جيتي على الجرح ودوستي بكل قوتك انا بجد مش عارفة اكتب اقول ايه بس انتي عارفة اني عايشة نفس اللى انتي فيه وحاسه بكل كلمة انتي قولتيها بس يمكن انا اكتر منك انت عندك ناس كتير بتحبك وناس كتير حواليكي وكلهم يتمنوا يعملوا ليكي اي حاجة عشان تكوني مبسوطة وكفاية انك في شغل بردوا بتحبيه ومرتاحة فيه وربنا يخليك طارق معاكي وبيشيل عنك ونفسوا يرضيكي ويسعدك دايماً ( مش بحسد والله العظيم ) لكن انا بئه ولا اصحاب ولا حبيب ولا حد بيحبني ولا حد عاوزني اساساً
المهم فكك من اللى انتي فيه ده وبصي لحياتك اللى انتي عاوزة تعشيها بمزاجك وبلاش النكد الازلي ده بدل ما طارق يزهق منك ويقول هتجوز واحدة نكدية
بجد ربنا يكرمك ويوفقك ويحققلك كل اللى انتي عوزاه ويجمعك انتي وطارق على خير وبجد والله يا انجي كل اللى انتي فيه ده ربنا انشالله هيعوضك عنه خير
وهتكوني احلى زوجة واحلى واطيب واحن ام في الدنيا
قلبتي عليا المواجع بلسانك اللى بينقط شهد مكرر ده
بقولك صحيح والنبي انا كمان عاوزة عيله نفس مواصفاتك لو لقيتي هاتيلي واحدة بس بضمان العمر كله
سلام يا حبي
موني

Thu Aug 30, 05:08:00 PM GMT+3  
Blogger ذكريات said...

اصعب احساس ان الواحد يكون عايش فى وسط اهله ويشعر انه وحيد
واصعب شيىء ان الأنسان يعيش فى بلده
ويشعر انه غريب
الوحده والغربه وجهان لعمله واحده اسمها الحسره والألم

Thu Aug 30, 05:22:00 PM GMT+3  
Blogger momken said...

يقتلنى ..ألا تكون أقدارنا بأيدينا ونراها في أيدي من لا يقدرون قيمة الأشياء

أصعب عطر...عطر امرأة ودعتها وصارت ذكرى وأحياناً تزورك متخفية في ليلة شتاء باردة فى معطف امرأة اخرى لا تعرفهيا..وبعد طول ملاحظه تكتشفى انها انت


تعبتينى
احياتى

Thu Aug 30, 05:36:00 PM GMT+3  
Blogger مش فاهم حاجة said...

انا بجد خايف اعلق

Thu Aug 30, 06:29:00 PM GMT+3  
Blogger Ahmed Shokeir said...

المعاناة والواقع المرير يكون دائما ملهما لكتابة غير تقليدية ، فهو يكون المصدر الأساسي للخبرات الحياتية التي تزيد الإنسان ثقلا دون الوقوع في فخ الإستسلام

إنجي
أعجبتني الصياغة جدا من بدايتها وتدرجها بشكل غير مسترسل

Thu Aug 30, 08:05:00 PM GMT+3  
Blogger anawafkary said...

أكيد ربنا سبحانه و تعالي له حكمة في كل ده

أكيد خبراتك و قدرتك علي مواجهة الحياة و قوتك علي مواجهة الصراعات زادت

الحمد لله علي كل شيء و لعل الله يحدث امرا

بس البوست مشاعره صادقة و معبرة و بتوجع شوية

Thu Aug 30, 08:10:00 PM GMT+3  
Blogger ~ Bato0ot ~ said...

engy ..
fe3ln wag3tely alby !!!
bgd nzllty dam3a mn alby! abl ma tkon mn 3eny!!
engy .. kawny osra mn 7abebek ..
ro7y malga2 aytam w e3mly osra koly westeha!!
bgd e3mly 7ayah l nafsek .. 3ashan enty gamila w ra2e2a w 7asasa ... w testahly kol kheer ..
ana m3ndish 2om lel bee3 .. bas momken teshrkeny feha ... heya 7odn gamil awy yesa3 2 engy :D msh moshkla D: ana wenty wa7ed bas enty 3ala kbeeer :D

Thu Aug 30, 08:18:00 PM GMT+3  
Blogger mohand said...

السلام عليكم

اواسيكي مثلا
مش هفيدك يا انجي
لو كل العالم قعد يواسي فيكي ومتزعليش ومعلش واستحملي وبكره احسن
مهما قولنا لازم من جواكي
من جواكي ترضي وتحتسبي
انزلي ملاجئ الايتام
امسحي دموعهم اللي بتنزل زي دموعك ومحدش بيمسحها
انزلي شوفي الايتام اللي في بيوت ومش لاقين ياكلوا اقل القليل
انزلي شوفي الناس وبلاويهم
توهي وسطهم
هتنسي اللي انتي فيه

كان نفسي افيدك بس محدش بيبيع والديه
دا غير اني يتيم من وانا صغير
بس الحمد لله ماليش زوج ام
والدي اتوفي وانا صغير
شوفت حاجات زي اللي انتي شوفتيها
طبعا مش بالظبط
ويمكن اللي انتي كاتباه هون علي اللي لاقيته
انا كنت بلاقي من اعمامي
وصراعاتهم معانا انا واخواتي
وكل واحد عايز يكون الحاكم الامر الناهي
والوصي والموصي له
والمشكلة ان الحمد لله معاشه ما شاء الله يكفينا ومش محتاجين
وسايبلنا بيت وكل شئ كويس
ومحدش فيهم بيصرف علينا
لكن كانوا عايزين يتحكموا برضه
قولت لازم نطلع ونعتمد علي نفسنا
فهماني ؟
والحمد لله
يمكن اكون انا ولد فكره اعتمادي علي نفسي مختلفة عنك كبنت بالذات في مجتمعنا
بس اكيد ربنا هيعوضك خير
وان شاء الله يكون طارق هو الخير
الشوكه اللي بتجرحنا بناخد بيها حسنات
فما باللك اللي بيحصلك

صدقيني مش عارف اقول اكتر من كده
وانا ضد نظرات العطف
لان المنكوب في اي شئ محتاج مننا اكتر من التعاطف
محتاج مننا افعال لا اقول
وانتي منكوبة في شعورك بالامان والاحساس بالاسرة

لو في ايدي شئ ممكن اقدمه مش هتاخر
بس الا اني ابيع والدتي
ههههههههههه
مش هلاقي اللي يديني غيرها
وزي ما بيقول
محالا ان تري صدرا احن عليك من صدري
مش هلاقي احن من صدرها

الا صحيح هي مش والدتك عايشه بس منفصله عن والدك؟
ولا ايه ؟

روقي
وربنا يخليكي للي بيحبوكي
وخدي باللك من من تحبي
واكيد هتلاقي معاه الحنان والامان
السلام عليكم

Thu Aug 30, 08:36:00 PM GMT+3  
Blogger Ehab said...

يا بنتي
اطلعي من دوامه الذكريات البائسه اللي كل شويه بتجيلك دي
تعاملي مع الموقف من منطلق الضربه
اللي ماتقتلش تقوي
و بعدين انتي بتقولي انك عايزه عيله
احنا مش مكفينك و لا ايه ؟؟
:D
عايز افكرك بحاجه - اكيد انتي عارفها بس نستيها - ان مافيش حد اصلا عنده حق انه يخليكي طبعيه .....لانك كده فعلا .. و لو حد قالك غير كده هيكون الرد بسيط اوي
قولي : سيادتك انا لو مش عاجباك و مش شايف اني طبعيه ممكن تنقي انشف حيطه و تروح تعمل ليها تست بدماغك
:D
و بعدين ما تتعبيش الجدع بقي ... ده كفايه انه زي ما بتقولي عليه كده
ده نفسي ابقي بنت يا شيخه و اقابل واحد زيه
:D
و بعدين فعلا ممكن تقولي شكرا ليهم ...لانهم عملوا شخصيه فعلا تستحق ان الواحد يكون سعيد جدا انه عرفها


سيبك انتي .... حفله الصحبجيه في الساقيه يوم 10/سبتمبر /2007 ..... خلينا نشوفك هناك

Thu Aug 30, 09:11:00 PM GMT+3  
Blogger مـحـمـد مـفـيـد said...

أنجي
كم هي سطورك الحزينه الموجعه لم علي وجه كل شخص يريد أن يفيق
ولكن الحياه كلها انتصارات وانكسارت ولابدمن أخذ الانكسار لنقوي به ونمر منه الي الانتصار
ادخلي قلب أحبابك وأصدقائك وستجدي كل ما تفتقديه

Thu Aug 30, 09:33:00 PM GMT+3  
Blogger اسكندراني في الغربة said...

انتي بتتكلمي بجد؟؟؟؟؟؟؟

Thu Aug 30, 10:01:00 PM GMT+3  
Blogger Rania said...

عارفة يا انجي الدنيا ما بتديش محتاج ودي قاعدة انا فاهمة كلامك كويس وعارفة قوي معنى الام والعيلة والحضن المفقود كفاية اقوللك اني محرومة من امي رغم وجودها على وش الدنيا ليه؟ عشان بتشتغل في الخليج هي وبابا وتركوني وتفككت العيلة. كنت عايزة نفس الحضن بس ازاي ؟ وهذا كان رد امي:مش هاسيب شغلي عشانك!عايزة حضن كده من غير فلوس !
وبكيت ساعتها من هول الصدمة لوحدي تماما زيك وبعدين استعنت بالله اولا ثم التمست الحب والحنان من صديقات عمري وقريبتي وكانوا نعم السند والمد لله عارفة يا انجي ربنا ارحم من عبيده وتاكدي ان الانسان القوي ما يبنيش سعادته علو وجود حد معين في حياته والا سيكون كالريشة في مهب الريح وتاكدي ان كل محنك في الحياة هايكون قصادها جايزة اكبر بس انت احسني الظن بالله دايما وهو شايف وسامع انينك الصامت فكوني مع الله واستعيني بالصبر والصلاة واسفة على الاطالة. اختك في الله

Thu Aug 30, 10:50:00 PM GMT+3  
Blogger حسام مراد said...

بجد ده
او الالم والحز اللى فى البوست ده
بجد لا تعليق

Thu Aug 30, 11:35:00 PM GMT+3  
Blogger ody911 said...

this is not my life
this is not my home
this is not me


i hate this



(((static x song)))

i feel it evry day


وعادى بقة يا انجى
أودى

Thu Aug 30, 11:47:00 PM GMT+3  
Blogger smraa alnil said...

سجدة

ان شاء الله بس زي ما يكون يا سجدة اهلي مش عايزين اليوم دة يجي
بيقسوا عليما احنا الاتنين اوي

هههههههههههههههه يا بت انا لساني طويل

اما غرقتك يا سجدة

ربنا يسمع منك يارب
_______________________________

سجدة تاني

يا سيتي انتي مش عارفة شروط المسابقة

لازم تعلقي تلات مرات ورا بعض اول واحدة عشان تبقي مستوفية الشروط

Fri Aug 31, 12:30:00 AM GMT+3  
Blogger smraa alnil said...

bos bos

سلامتك من اي وجع يا بوسبوس
عارفة المشكلة اني بقول كدة برضه
بس اوقات بخاف اوي

وبالنسبة لطارق خطيبي

فهو كمان برضه تعبان معايا وصعبان عليا اوي
هو مش يستاهل كدة والله يا بوسبوس

انا بحاول انسي فعلا
بس زي ما تقولي كدة بيصعب عليهم يشوفوني كدة

ادعيلي انتي بس

وربنا يتقبل منك يارب
__________________________________________

بوس بوس

اشوف عيد ميلادك اه
عايزة الهدية دي لينا كلام تاني فيها
عامة حاب بيزي يويو

Fri Aug 31, 12:39:00 AM GMT+3  
Blogger smraa alnil said...

حدوتة

يا سيتي احط همك علي همي ليه
هو انا ناقصة يا حدوتة
عامة انا مستعدة اخلي بالي منك
وابقي ليكي ام
اصلي بصراحة اخدت علي الدور دة اوي
ومش عارفة الاحساس هيبقي ازاي لو اتعاملت كطفلة من تاني

انا عارفة انك بتحبيني يا حدوتة بدليل انك رديتيلي العزومة بتاعتي النهاردة

بس انتي عارفة بقي ان انا بحبك
؟
________________________________________

صاحب البوابة

اولا سلامة عيونك يا مصطفي
بجد مش كنت اقصد اني اجرحك او اخليك تدمع

اتمني ان يجي اليوم اللي يعرفوا فيه قيمتي قبل مايفوت الاوان

دائما هناك مجال للتسامح
لكن ان يخطئوا في حق من سيشاركني
دة اللي مش اقدر اسامحهم عليه ابدا

Fri Aug 31, 12:40:00 AM GMT+3  
Blogger smraa alnil said...

شيماء

سلامة قلبك يا شيمو

يمكن فعلا لو مش كنت مريت باللي انا فيه دة مش كنت قدرت اكتب
واعمل المستحيل اللي غيري مش قدر يحققه

الحمد لله بجد
احيانا طارق بيقولي ياريتين عرفتك من زمان كان هون عليا حاجات كتير
سلامي يا شيمو
_______________________________________

محمد عبد الغفار

اولا حمد الله علي سلامتك
واعذرني بجد اني مش سالت عنك ولا اتصلت بيك

بس الجانب المشرق هو طارق وانتم بجد
دة اللي اقدر اقولك عليه
وللاسف زي مانت قلت فن هذه السلعه لا تبيع ولا تشرتري

تفتكر من رخصها ولا من غلاوته

Fri Aug 31, 12:40:00 AM GMT+3  
Blogger smraa alnil said...

بحاول اكون

لامتك يا مني من اي جرح
بجد يا جماعه انا مش كنت اقصد خالص

انا عارفة ان في كتير عايشين اللي انا عشته

بس صدقيني يا مني هتلاقي برضه كتير بيحبوكي
وكتير عايزين يخلوكي مبسوطة
بس انتي اللي مغمية عنيكي عنهم

بالنسبة بقي للشغل انا مش عارفة انتي تعرفي اني مرغمة عليه
يعني لا انا بحبه ولا انا مرتاحة فيه
دة انا مغصوبة عليه اووووووووي

بالنسبة لطارق فدة بجد كل املي في الحياة

وبعدين يا جزمة انتي يانتي
انتي مش ليكي اصحاب

اومال انا ايه يا واطية

وبعدين في كتير عايزينك يا مني
انتي اللي بصي لحياتك ولشغلك
وعيشيها بمزاجك
لاني عشتها اوي

بالنسبة بقي لطارق الي هيقول واحدة نكدية
فانا الحمد لله اللي هتجوز واحد انكد مني
هههههههههههههه

ان شاء الله
وربنا يتقبل منك يا مني
عامة لو لقيت ممكن نقسمها بالنص

بس الضمان بقي مش مضمون

___________________________________________


ذكريات

اهو اللي انت بتقول عليه دة بقي انا عايشاه
سواء بين الاهل او سواء في بلدي

في كلا الحالتين انا عايشة الحسرة والالم
المهم اخبارك انت ايه

Fri Aug 31, 01:06:00 AM GMT+3  
Blogger smraa alnil said...

ذكريات

اهو اللي انت بتقول عليه دة بقي انا عايشاه
سواء بين الاهل او سواء في بلدي

في كلا الحالتين انا عايشة الحسرة والالم
المهم اخبارك انت ايه
_____________________________________

ممكن

يقتلني الا يكون مصيري بيدي
واري من يمتلكها
ويتحكم فيها بشكل احمق

اصعب عطر
عطر امراة ماتت
تزورني في منامي
يرثي لحالها
تخيفني
حتي استيقظ من نومي فزعه
لانظر في مراتي لاجدها انا
واشم رائحة عطري

سلامتك من التعب
______________________________

مش فاهم حاجة

ليه خايف من ايه
وخايف ليه
قول اللي عاوز تقوله

Fri Aug 31, 01:07:00 AM GMT+3  
Blogger mariam said...

انجى بجد مش عايزه اقول كلام من غير فايده
يا ريتنى اقدر اعملك حاجه
لكن شوفى الجانب المشرق يا انجى
انتى شخصيه ناجحه و محبوبه
و كلنا اهلك
و بكره لما ربنا يجمعك بطارق على خير
هتكونى الأسره اللى بتحبيها
و هتعوضى ابنائك اللى انت اتحرمتى منه
و انتى كمان هتكونى سعيده و ربنا هيعوضك خير
بس خليكى فاكره ان كلنا اهلك بجد

Fri Aug 31, 02:13:00 AM GMT+3  
Blogger Marvel - واحد زهقان said...

انا كنت متضايق منهم كلهم...بس بعد كده حسيت نحيتهم ببعض العرفان لان تصرفاتهم ادت الى خروج انسانة رقيقة مرهفة الحس و محبوبة مثلك

برافو انكم صنعتم سمراء النيل...صنعتم انسانة فريدة لا مثيل لها

وتذكري ان بعد العسر يسر...وانشاء الله خطيبك يسعدك وتبقوا اسرة تفوق كل الاماني

تحياتي :)

Fri Aug 31, 02:40:00 AM GMT+3  
Blogger أميرة ويلز said...

برافوا لانكم صنعتم سمراء النيل

انا عن نفسى بصفق لهم

سمرا المواقف الصعبة هى اللى بتخلق شخصيات فوق العادة
الحياة الصعبة
هى اللى بتخلق ناس مميزين بشخصيات مميزة ومحبوبة ومبدعة كمان
مش شخصيات غير طبيعية زى مابتقولى

انتى هتبقى ام احن من اى ام فى الدنيا

وهتعملى بيت دافىء وجميل هتحطى فيه كل شىء افتقدتيه

وربنا منحك رجل يستحقك وتستحقيه وبكرة هتعملى معاه احلى عيلة

هونى على نفسك فكلنا آلام

وربنا عوضك بالانسان اللى هيمنحك السعادة والحب والحنان

فلماذا لا تقذفين كل ماضيكى وراء ظهرك وتفتحى ذراعيك للحياة مادام قد صالحتك اقدارك

تحياتى ليكى عزيزتى

Fri Aug 31, 03:27:00 AM GMT+3  
Blogger Beela said...

مالقيتيش غير دلوقتي يا سمرا تقولي كده حرام عليكيي....انا بحاول انسي من سنيين جايه دلوقتي تقولي كده في اللحظه اللي فعلا انا بنكسر فيها دلوقتي...بس معلش ..هحاول انسي تاني و اقولك ربنا بيعوّض و في حجات تانيه اهم و لو الناس اللي حواليكي بيحبوكي كده هتزعلي من ايه بس ؟و لو ان الكلام ده مش جايب نتيجه معايا بس بردو احمدي ربنا ان معاكي طارق ..طب انا ليّا مين؟
و ارجوووكي زي ما استحملتي سنين عشان ولا حاجه استحملي المره دي عشان حاجه تستاهل و تستاهل اوي اوي...مش هتيجي ف اخر خطوه و تضعفي بعد ما طوول الوقت بيقولو عليكي قويه ...يا ربّيييي كل يوم بحبك اكتر و بحس انك بتعربي عن الجوايا اوي من الف زاويه و زاويه ..... اعمل ايه اكتر من اني بدعيلك اوي ...بجد ربنا يا رب يعوّضك خير ...سلسبيل

Fri Aug 31, 03:29:00 AM GMT+3  
Blogger voice of love said...

أوووووووه
تصفيق حاد لروعتك
وأياد كثيرة تمسح دمعتك
وأحضان كبيرة مفتوحة لتلقى هذا الجسد الواهن
وقلوب أكثر وأكبر وعقول أكثر وأكبر تتمنى وتشتاق لاحتضانك
لعلنى أستطيع حمل هذا الألم عنك
ألقيه من على كاهلك حتى لا ينوء بحمله
ولتتأكدى من وجودى بجانبك
والبركة فى طارق يخفف عنك
وجعتى قلبى وأطلقتى العنان لدموعى الحبيسة منذ فترة

Fri Aug 31, 03:41:00 AM GMT+3  
Blogger Amr Ahmed said...

احزنتيني

بس كده

Fri Aug 31, 03:55:00 AM GMT+3  
Blogger NeRmeeN said...

لا حول ولا قوة الا بالله
ايه يا سامورة ....ايه الاكتئاب ده ....على العموم انا هحترم حزنك ومش هقعد اقولك كبرى دماغك و عيشى كده و خلاص وفى غيرك حاله انيل من كده

لكن اعرفى يا انجى ان ربنا شايف و شاهد...وصدقينى الدنيا كاس و داير على الكل...واللى انتى عشتيه من حياتك بنكد وزعل ..ايش عرفك ان قدامه هيكون سنين سعادة ان شاء الله ...وثواب عند ربنا عشان الصبر...الصابرين الحسنات بتصب فوق رؤسهم صب بدون حساب (انما يوفى الصابرون اجرهم بغير حساب) اجمدى كده ....بلاش تبصى تحت رجلك ..انتى لسه يا بنتى صغيرة اوى ...وان شاء الله انتى و طارق تعيشوا اجمل قصة حب طول العمر ....وتعوضى اللى انتى اتحرمتى منه فى بيتك ...ولازم تعرفى ان ربنا مقسمها 24 قيراط...يعنى مفيش حد احسن من حد...كل واحد عنده مشكلة منغصة عليه حياته...بصى للحاجات الكويسة فى حياتك...بصى فى حب الناس ليكى ...اظن دى نعمة كبيرة اوى.

تحياتى يا انجى

Fri Aug 31, 06:06:00 AM GMT+3  
Blogger sahr said...

السلام عليكم
دي اول زيارة ليا لمدونتك وبجد وجعتي لي قلبي بس اقولك حاجة انتي احسن من غيرك كتير ان شاء الله بكرة تتجوزي وتعملي العيلة اللي انتى نفسك فيها وهتعطيهم حبك وحنانك وكفاية حب الناس ليكي ايه يابنتي دا انتي عاملة شعبية جامده اوي من اول ما دخلت عالم التدوين وكل شويه الاقي سمراء النيل سمراء النيل بذمتك مش دا كفايه وبعدين احنا كلنا عيلة مش كده واهي حدوته اتبرعت بدور الام بس دبستك في هدية عيد الام

Fri Aug 31, 02:19:00 PM GMT+3  
Blogger Ert3ashat said...

ايه ده
انا دمعت يا سمراء والله

..........................
مش عارف اقول ايه بس صدقيني انا عارف ان عمره ما هيعوض بس احنا اخواتك و عيلتك يا سمراء
بجد )...
ربنا يوفقك في حياتك و يعوض صبرك خير عشان انتي انسانه كويسه...

Fri Aug 31, 02:50:00 PM GMT+3  
Blogger واحد من الناس::طارق:: said...

الجثة اللى بتتكلمى عليها دى احيتنى انا من جديد.. مش عارف يمكن رجعتلى حياتى عشان ارجعلها حياتها..
عارفة يا حلم عمرى .. هاعمل المستحيل عشان احوط عليكى بحبى اكتر من كدة ..هافضل احاول ابقى حاجز بينك وبين احزان والالم الماضى - وما اكترها- هاحاول اكتر احميكى و اخبيكى من طيور الحزن اللى كل شوية بتحاول تخطفك منى وتشدك للحزن وتسرق فرحتك..
انا كل ما بشوفك حزينة كدة بحس انى مقصر معاكى اوى انى كان لازم اخد بالى منك اكتر من كدة ... طب عارفة والله ساعات بنسى انك خطيبتى وحبيبتى ومراتى ومش بشوفك غير بنتى ..بنتى وبس.
ربنا يقدرنى يا عمرى و يبقى قلبى هو بيتك الجديد وانا ابقى كل عيلتك+ حبيبك+ ابنك - يعنى تلاتة فى واحد- ومعاهم شيكولاتية هدية من الشركة المعلنة.
انا بحب بنتى الصغيرة اووووووووووووووووووى

Fri Aug 31, 03:12:00 PM GMT+3  
Blogger reri said...

دايما كده أنا بعلق في الوقت الغلط
أصل بعد كلام طارق مفيش حاجه تتقال
رغم الألم االلي حسيته في كل سطر من سطور البوست يا إنجي إلا إن كلام طارق حسسني إن الدنيا زي ما بتاخد بتدي برده
حاولي ما تبصيش للأخدته
بصي للي إديته ليكي
والله هيرضيكي
حاولي ترضي يا إنجي
محدش بيختار أهله
ربنا يصلحلك حالك
وما تحاوليش تبصي علي اللي ضاع منك

سلام لأحلي سمراء في الدنيا

Fri Aug 31, 06:44:00 PM GMT+3  
Blogger YHYيــوســف الـمصـرى said...

متهيقلى بعد كلام طارق ده مفيش بقى حزن والفيلم الهندى الى كنت هعيط منه ده
روقى كده يا انجى هانم والجى احسن بكتير ان شاء الله
وكل سنة وانتى طيبة وكل الناس طيبة ورمضان كريم

سلام يا ام لسان طويل :D
تحياتى اختى انجى

Fri Aug 31, 07:14:00 PM GMT+3  
Blogger Meekness !!! said...

السلام عليكي يا سمراء
والله ما انا عارفه اكتب ايه بعد ما قريت الكلام الجامد ده
والله خليتيني ادمع يا سمراء
بس اقولك حاجه يا قمر
لو ربنا اخد منك حجات ده لانه اداكي حجات تانيه تعوضك
في ناس تانيه حتى حنان الام فقدوه
انتي على الاقل عندك ام جميله تحبك
عندك خطيب وزوج و اب و اخ في نفس الوقت يحبك
عندك فرصه انك تعملي عيله تحب بعض و تاكل مع بعض و تتجمع في كل وقت ومناسبة
بس على فكره
هما صح في حاجه
انهم عملو سمراء النيل
انتي يا بنتي جميله قوي
سلام يا انوش
زيزي

Fri Aug 31, 07:40:00 PM GMT+3  
Blogger esraa said...

وجعتيني اووووووووووي

بس حسيتك اوووووووووي

كان نفسي تكوني قدامي دلوقتي وأخدك في حضني

انت عارفه ياانجي ربنا بعتلك طارق عشان يعوضك عن كل حاجه
وان شاء الله معاه هتكوني أسعد انسانه في الدنيا

ربنا يسعدك يارب, ويوفقك, ويخلي حياتك زي مابتتمنيها

Fri Aug 31, 09:52:00 PM GMT+3  
Blogger رفقة عمر said...

انا بجد مش عارفه ااقولك ايه
عارفه انتى ليه عندك الاحساس حتى مع وجود طارق
هو خوفك الشديد من القادم
خيفه تصدقى مشاعر طارق نحوك لان الحب انجى بيغير الانسان وبينسيه كل همومه
وبيستغنى بحبيبه عن العالم كله
لكن انتى من كتر ما شوفتى خايفه تصدقى انه اخيرا ظهر من يشملك بالحب والحنان والاهتمام
علشان كدة دايما تتدخلى فى حيره وحزن من ايه اللى مكن يحصل بعد كدة
انجى ربنا كريم قوى انسى كل اللى فات وعيشى حياتك الجديدة وحاولى تتاقلمى معها ولازم تعرفى ان ربنا كريم ومش هايخذلك وهاتعيشى ان شاء الله حياه جميله تعوضى فيه مافقدتيه من حنان وحب واهتمام
اعتبرى نفسك يتيمه
هل اليتيم لا يجد من يحبه ويكون كل الناس باباه ومامته
كونى مع ربنا وبس
وان شاء الله ربنا يعوضك
انما يوفى الصابرون اجرهم بغير حساب

Fri Aug 31, 10:09:00 PM GMT+3  
Blogger sherif gharib said...

ياااااااااااه يا سمرا كل ده جواكى احسست كم تجرعتى مراره الالم و الحزن و الوحده كل منا يمتلك طفلا صغيرا بداخله يا سمرا طل يابى سوى العبث و اللعب و المرح و لكنه يتبدل مع الايام و تلك الحماقات المكتسبه من الخبرات الحياتيه المذيفه و لكنها هى حياتنا بكل مرارها بكل من شكلنا نرى خصلاتنا البيضلء تتزايد و لنقف و نفكر هل سنضحك على انفسنا و نصبغها بتلك الصبغات المزيفه من الضحكات ام اننا سنقف لنفكر ما هو الحال ما القادم و ما الزائف
و يبقى لنا التامل و السؤال اللعين ماذا بعد ماذا بعد كل هذا هل سيدوم الحال ام ان ذلك الفارس سياتى ليغير المسار و يكون هو شعاع النور تحياتى لكى ايتها الوحيده فى عالم من المحيطين

Fri Aug 31, 10:47:00 PM GMT+3  
Blogger yasmina said...

شايفة يا انجي قديش في ناس بدها تساعدك وتمسح دمعتك

المهم بوسط كل الالم انتي لاقية اللي يحبك وعاوز يسعدك
يا رب تسعدوا مع بعض
وانتي تبقي احسن ام في الدنيا وتبني عيلة على التفاهم والمحبة

تحياتي

Fri Aug 31, 10:52:00 PM GMT+3  
Blogger islam yousef said...

أنا عندى عيلة للبيع
بس ببلاش

Fri Aug 31, 11:42:00 PM GMT+3  
Blogger الديليكون said...

لا يكلف الله نفسًا إلا وسعها
هذا هو أول ما دار في رأسي حينما قرأت بوستك هذا

فمهما حدث لنا ومهما حملته لنا الأيام من مشكلات فبالتأكيد نقدر علي حملها وتحملها وإلا ما كلفنا بها

حاولي ان تنظري للجانب المشرق في الحياة مهما كانت سيئة ومهما رأيتِ أنظري للنصف المليء من الكوب (حلوة الكوب دي )بصي للخبرات الكتير اللي اكتسبتيها واللي أكيد هتفيدك قدام

بصي للناس اللي بتحبك واللي لازم تديهم مقابل حبهم ده وطالما ان في ناس بتحبك يبقي أكيد في أمل حاولي تديلهم حقهم

أتمني ان كلامي ميكونش ضايقك

تحياتي
محمد

Sat Sep 01, 12:14:00 AM GMT+3  
Blogger smraa alnil said...

حمد شقير

وقد يكون ذلك ما اكتسبته
بس ساعات بحس اني عايزة اقع

عشان احس اني قوية ومش انسي نفسي
سعيدة جدا ان كتابتي بتلاقي استحسان من حضرتك يا استاذ احمد بجد
انت مش متخيل بفرح اد ايه لما اسلوبي بيعجبك
____________________________________________

انا وافكاري

طبعا ليه حكمة قوية كمان

طبعا الله اعلم بيها ولكني علي يقين ان وراء تلك المعاناه فرج
بس امتي دي بقي في علم الغيب
الحمد لله علي كل شئ بجد
اسفة لو سببتلك اي الم

Sat Sep 01, 01:03:00 AM GMT+3  
Blogger smraa alnil said...

بطوط

سلامة قلبك يا بطوطي
وحمد الله علي السلامة
وسلامة عيونك من اي دمعه تنزل عليها
ربنا ييسر الحال يا بطوطة
ودة اللي انا بتمناه ان انا كمان
اني كون اسرة انا وطارق تعوض بيها عمرنا اللي ضاع

صدقيني نزلت ورحت للي انتي بتقولي عليه
بس يمكن وقتي ودراستي وهنا في البيت مش ساعدوا اني استمر

ربنا يخليلك مامتك يارب اوعي تزعليا يا انجي
وقوليلها انجي الكبيرة بتقولك خلي بالك مني

وانا سمرا شوية تفتكري الفرق دة يبقي كبير برضه
:)
_____________________________________

مهند

وعليكم اسلام

لا بعا ومين قالك اني هسمح بالمواساه
وبعدين الكلام دة اللي هو معلش واستحملي يويا حرام ياما شبعت منه لدرجة اني وصلت لمرحلة اني استانس بنفسي وبس
ولما بضيق عليا اوي وابقي عايزة افضفض باجي هنا

انا من جوايا والحمد لله راضية باللي فيه
وبحتسب وضعي عند ربنا وبوقله الحمد لله يارب

انا زي ما قلت كدة لبطوط
اني فعلا بنزل
انا مش بقول يا مهند ان ظروفي مش موجودة
لا انا الحمد لله احسن من غيري بكتير
علي الاقل بقيت انا
لاعبة دولية ومدربة معروفة في مجالي ومعيدة وكلها ان شاء الله سة ويبقي معايا الماجيستير والحمد لله ربنا حباني بشخص بجد لو لفيت الدنيا كلها مش هلاقي زيه


طبعا اللي هيقرا هيقول وانتي عايزة ايه غير كدة

انا بس بفضفض وفي نفس الوقت بدي جرس انذار ان الاسرة تاخد بالها من اي حاجة صغيرة ممكن تأثر علي نفسية الطفل
بلاش الاهمال يبقوا ايد واحدة

انت يا مهند لو عرفتني بره وشوفتني زي ما في كتير شافوني
مش هتصدق ان انا اللي بقول الكلام دة
علي طول هتلاقيني بضحك وبهزر

بس زي ما قلت انا في الاول والاخر انسانة يا مهند
ومن حقي اني احس بضعفي شوية


ربنا يرحم والدك يارب ويغفر له

وربنا يهدي اعمامك
ويهدي سرهم ويظهر الحق

ممكن اكون انا كسرت نقطة اعتمادي علي نفسي كبنت في مجتمعنا
لاني زي ما تقول كدة ومن غير فهم غلط
عشت حياتي
اشتغلت شغلانات كتير
واتبهدلت كتير

ومش كان بيهمني لا مجتمع ولا اي حاجة

عامة ربنا يخليلك والدتك يارب
واوعي يا مهند تزعلها
انا بقولك اهو

بالنسبة بقي لوالدتي يا سيدي فربنا يخليهالي يارب
هي ست طيبة اوووووووووووووووي

وزي مانت قلت هي عايشة ومنفصلة عن والدي
بس هي متجوزة برضه

ست كل مفهومها عن الحنية انها تعملي الاكل اللي بحبه
وتشوفني بضحك وخلاص

بس المشكلة ان ماما مش باديها اي حاجة
لانها لسة بتخاف من بابا

يعني اي دور ايجابي لامي منعدم

ويمكن بتحصل مشاكل كتير لينا لما بنورح ليها
ويبقي يوم مش معدي

تعرف ان بابا مش كان عايز امي تيجي تحضر خطوبتي


دة حتي مش حضرت الاتفاقات الاولية لما اهل طارق جم

انا رقت خلاص
وفعلا الحمد لله بباقي معاه كل حاجة اتحرمت منها
ربنا يخليك يا مهند

Sat Sep 01, 01:04:00 AM GMT+3  
Blogger smraa alnil said...

ايهاب

والله مش بايدي يا هوبا
تعبت بقي
كل انسان وليه طاقة
وانا بصراحة بطاريتي فيست
ومش ليها ضمان ولا ليها بديل

طب والله العظيم انتو احلي عيلة
بجد ربنا يخليكم ليا يارب

احيانا بحس اني فعلا مش طبيعية

بس لو حد قالي كدة تاني هقول الرد بتاعك دة
:)))

ههههههههههههههه
طب والله يا ابني ياريت بجد
بس كل اللي هقولك
ان ياريت تقابلواحدة زي
عشان تحبك اوي زي ماما عاشقة طارق كدة

اشطة انا جاية طبعا ان شاء الله

وعشان اشوفك انا كمان
__________________________________________

محمد مفيد

انا تعبت يا محمد
ويايما تعبت انتصارات وياما تعبت من انكسارات
عايزة اخد هدنة بقي

انا فعلا لقيت كل حاجة انا عايزاها هنا معاكم
وربنا يشهد علي كلامي

Sat Sep 01, 01:26:00 AM GMT+3  
Blogger smraa alnil said...

اسكندراني في الغربة

طب والله العظيم بتكلم بجد
واللي بقوله دة اقل القليل من اللي بشوفه
________________________________________

رانيا

اولا بجد مش عارفة اقولك ايه
بس انا كمان حاسة بكلامك اوي
وانا زيك يا رانيا
برضه مفتقدة امي وهي علي وش الدنيا برضه
انا مستنية الجايزة دي

والحمد لله علي كل حال

وان شاء الله برضه هتلاقي الخير
بس اصبري
وربنا هيبعتلك اللي يعوضك عن كل الحرمان اللي اتحرمتي منه
وتقبل اله منك
وابقي تعالي تاني ونوريني

Sat Sep 01, 01:26:00 AM GMT+3  
Blogger smraa alnil said...

حسام مراد

بجد يا حسام
ومش عايز تعلق ليه
__________________________________

اودي

ولادي حياتي ولا دة بيتي
ولا دي انا

انا برضه كنت بقول كدة كتير

بس يا واد يا اجنبي انت
ايه يا ابني اللغات دي
واحشني اوي يا اودي
مش هشوفك ياض

Sat Sep 01, 01:26:00 AM GMT+3  
Blogger smraa alnil said...

مريم

كفاية بجد زيارتك ليا يا مريم
مش عايزة اقولك برتاح اد ايه لما بلاقي حد بيعبرني وبحس انه معايا بيواسيني
وطبعا كلكم اهلي
ويارب اليوم اللي انتي بتقولي عليه دة يتحقق
______________________________________

واحد زهقان

ربنا يخليك يارب
بجد مش عارفة اقولك ايه علي كلامك دة
يارب
بس انت ادعيلنا
وربنا يخليك وابقي نورني تاني

Sat Sep 01, 01:38:00 AM GMT+3  
Blogger smraa alnil said...

اكيرة ويلز

عارفة

ساعات بلاقي مواقف صعبة اوي
قد تكون مستحيلة لغيري
بس انا بعديها وحلها بسهولة
بقيت احس ان مش في حاجة صعبة عليا

بس اللي حواليا بقي محسسني اني ولا حاجة
ايه يعني اللي انيت بتعمليه
كانه شئ عادي
بيحسوساني بقي اني مش طبيعية بجد

بجد امنية حياتي اني اكون ام من طارق

ربنا يخليه ليا يارب
ويخليكي ليا
انا بقذف صدقيني بس زي ما تقولي
ان الناس مش عايزة تسيبني في حالي
تحياتي ليكي يا قمري
_______________________________________________

بيلا

حبيبة قلبي

معلش والله يابيلا غصب عني
بس ليه اللي انتي فيه يا قمر

اوعي تنكسري يا سلسبيل
اوعي تسمحي لاي حد انه يكسرك حتي لو كنتي انتي
انا مش مكسورة ولا هموت
انا بس حبيت افضفض معاكم كالعادة
لازم تبقي قوية
علي الاقل هتقولي لنفسك بعد كدة انك وقفتي علي رجلك
ولوحدك
انا اللي برجوكي انك انتي اللي تستحملي اللي انتي فيه اي كانت ظروفك واللي بتمري بيه

وانا كمان يا حببتي هدعيلك
ربنا يعوضك ويهدي بالك يارب

Sat Sep 01, 01:38:00 AM GMT+3  
Blogger smraa alnil said...

voice of love

انتي لسة فاكرة يا هانم تيجي عندي

بعد الشر عنك يا قمر
مش هتقدري تشيلي عني
لانك ل شيلتي جزء مش هتستحمليه

سيبي الشقا اللي واخد عليه
هههههههههههه
انا عارفة انك معايا علي طول ربنا يخليكي ليا يارب
سلامة عيونك من الدموع يارب
اسفة يا حبيبتي اني وصلتك لكدة
___________________________________________

عمرو احمد

سلامتك من اي حزن يا عموووووور
بس كدة

Sat Sep 01, 01:39:00 AM GMT+3  
Blogger hend said...

حبيبتى انجى

ان شاء الله ربنا هيعوضك عن كل الم و كل مرارة و كل جرح دامى .... عشان ربنا عز و جل اسمه العدل ... اسمه الرؤوف الرحيم الرحمن الودود ... ربنا اسمه الودود يا انجى ...

بكرة ان شاء الله تقعدى على سفرة واحدة مع زوجك و اولادك ... و تبثى فيهم كل الحنان و الحب و الالفة اللى احرمتى منهم ...

بكرة ان شاء الله ... تقفى تصقفى و الدموع فى عنيكى ... بس لما ابنك يتخرج من الجامعة ... و فى فرح بنتك ..

بكرة تعيشى أيام ... أحلى أيام ... فى وسط ولادك و زوجك ... و تكونى نعم الام ... و نعم الزوجة ....

....

بقولك ايه صحيح .... اذا لاقيتى عيلة للبيع ابأى بلغينى ... يظهر الطلب كتير و العرض معدوم

و ان شاء الله ان شاء الله ان شاء اله بكرة تسكنى عند ربنا

Sat Sep 01, 01:44:00 AM GMT+3  
Blogger smraa alnil said...

نيرمين


يا سيتي لا اكتئاب ولا حاجة
دة بس شوية فضفضة علي الماشي كدة
انا عارفة يا نيرمين ان ربنا سبحانه وتعالي له حكمة في اني اوصل للمرحلة دي
جايز عشان بجد مش احس اني لوحدي
وانكم معايا بجد
جايز عشان بيديني جرس انذار ويوقولي اتقربي مني بقي وانتي هترتاحي

جايز بيقولي اصبري وشوفي اخر صبرك ايه من عندي
بس كل اللي متاكدة منه انه خير

وربنا يسترها بقي
صغير ايه بس
كل دة وصغيرة
انتي اليل صغيرة يا نيمو

بس انتي عارفة ان الحزن لا بيسيب صغير ولا كبير

ويارب زي ما بتقولي كدة
فعلا نعمة كبيرة اوي والله
الحمد لله
________________________________________________

sahr

اولا معلش بقي انك اول مرة تزوريني وتلاقي النكد دة كله
ليكي عندي حق عرب يا سهور

انا بقي بجد عايشة لليوم دة اللي اعمل فيه عيلة لوحدي

هههههههههههههه سمراء النيل منتشرة اوي كدة
العامل المشترك بين المدونات
هههههههههههه
والله بجد انتو احلي عيلة حصلت عليها
ربنا يخليكو ليا يارب
لا ماحنا عكسنا الدور
بقيت انا ام حوتة
ههههههههههههه
منوراني

Sat Sep 01, 02:10:00 AM GMT+3  
Blogger smraa alnil said...

ارتعاشات

سلامة عيونك من الدموع بجد

بجد بجد يا ارتعاشة انتو اهلي وعيلتي
يارب
ادعيلي انت بس
___________________________________

حبيبي

بجد انا عمري في حياتي ما كنت اتخيل اني الاقي حنان زي الحنان اللي جواك
وطيبة زي طيبتك دي
انت حنين عليا اوي يا طارق
ساعات بجد ببقي عايزة اقولك يا ماما

انا بحبك والله يا عمري

وانا بجد عايزةاعمل المستحيل عشان اكون معاك
واخليك سعيد وانا اللي اعوضك عن كل اللي انت مريت بيه

لا يا حبيبي انت مش مقصر معايا خالص والله
بس اديك بتشوف وبتسمع هما بيعملوا فيا ايه وقدامك

والاحساس دة بيوصلني برضه يا بابا
ان انت بابا اوي واني بنوتك الصغنتته
وببقي حابة الاحساس دة اوووووووووووووووووووووووي

هههههههههههههههههههههه
وابقي سلملي علي الشركة المعلنة
بحبك اووووووووووووووي يا كل عمري

وبنوتك الصغيرة بتحب باباها اوووووووووووووي

Sat Sep 01, 02:11:00 AM GMT+3  
Blogger smraa alnil said...

ريري

هههههههههههههههههههه
انتي مظبطة علي طول كدة بعد تعليق طارق
انا كل اللي بصيته اللي اخدته من طارق وهو بيديني ايه يا رحاب
الحمد لله راضية والله يا رحاب وبحمد ربنا علي كل اللي بيحصلي واللي بمر بيه
بس تقولي ايه بقي للضعف بتاع البني ادم
انا مش ببص بس زي ما تقولي برضه هما اللي بيلوحوا رقبتي عشان ابص غصب عني
سلام لاحلي ريري في العالم كله بجد
_______________________________________

يوسف المصري

هههههههههههههههههه
المهم انك مش عيطت ودة المهم
ان شاء الله يبقي احسن يا يوسف
وانت بالصحة والسلامة يا يوسف
طب لازم التشريدة دي
في ناس مش عارفة موضوع اللسان دة
ماشي يا يوسف

Sat Sep 01, 02:12:00 AM GMT+3  
Blogger smraa alnil said...

meekness

وعليكم السلام يا قمر
سلامة عيونك من الدمع يا حبيبتي

انا عارفة ان عندي حاجات مش عند اي حد
انا عايزة اعمل عيلة زي ما بتقولي
بس بحس ان هما اللي مش عايزين

انتي اللي جميلة اوي
ربنا يخليكي
بجد تعليقك فرق معايا اوووووووووووي
سلام يا زيزي يا جميلة
_______________________________________

اسراء
سلامتك من الوجع يا اسراء

ياااااااااااااااااااااه
عارفة انا دلوقتي فعلا محتاجة لحضن جامد اوي
ينسيني تعب اليوم وقرفه
يارب يا اسراء يارب
ربنا يتقبل منك يا رب

Sat Sep 01, 02:12:00 AM GMT+3  
Blogger smraa alnil said...

رفقة عمر

عارفة جايز تكوني مسكتي جزء من الحقيقة
احيانا واوقات كتير اوي بقول ان طارق كتير عليا اوي
اني الاقي انسان بالنقاء والصفاء دة
واوقات كتير اوي بخاف من اللي حوايلنا لايكونوا بيستكتروا عليا الفرح الي بفرحها وما اكترها يا رفقة

دايما بقول لطارق كدة برضه
بقوله انا مش هرتاح ولا هطمن الاي لما الاقيني في بيتك

بس صدقيني الحالة اللي انا فيها دي
مشبايدي ومش موضوع خوف ولا حاجة
لا
اصعب شئ انك تحسي ان مصيرك متعلق بين ايد ناس فاكرين انهم ماسكين عمرك وقدرك

هو انا لسة هعتبر نفسي يتيمة يا رفقة
انا خلاص اخدت علي كدة
بس اصعب احساس انك تعيشي يتيمة واهلك لسة عايشينودة الي تاعبني
جايز لو كنت يتيمة بجد
هزعل وابص للغير واقل يا بختكو باهلكم

بس الحمد لله علي كل شئ

ونعم بالله يا رفقة
شكرا اوووووووووووووي
وعشان خاطري اوعي تزعلي مني
_________________________________________

شريف غريب

طب وبعدينيا شريف
هفضل اتفرج كدة من بعيد علي خصلات ذكراتي
واشوفني وانا بتبدل مع الايام

الفارس قد اتي
ولكني اخشي خسارته بطريقة او باخري
وذلك ما يرعبني

ادعيلي يا شريف

Sat Sep 01, 02:12:00 AM GMT+3  
Blogger may said...

تصدقي اللي يشوف تهريجك
وضحكك ده
مش يتوقع ان شايله كل ده
او بتقاسي بالطريقه دي
بس ان شاء الله مش تخافي ربنا هايعوضك
بطارق عن كل ده
وهاتعملي عيله كبيره زي مابتتمني
ماهو فاقد الشيء يعطيه وبغزاره
واخطا من قال فاقد الشيء لايعطيه
تمنياتي ليكي بحياه اسعد في المستقبل ان شاء الله

Sat Sep 01, 03:25:00 AM GMT+3  
Blogger Barracuda said...

سمارة

معلش اسف للتأخير والنبي سامحيني ... بس في تطورات بستجد دايما ودايما ليها تأثير على روتين الحياة المهم كله تماما الحمد لله .. ايه يا بنتي ده ؟؟ بس على اي حال... كويس دايما انك تنفسي عن اللي تاعبك في حياتك
وبعد كل تنفيسه .. الامور بتمشي شوية معقول


بس يا سمارة .. يعني هتقعدي عمرك كله تلومي الظروف والناس واللي بيعملوه فينا ؟ صعب لأنه بيدمر الواحد من جوه واللي انكسر عمره ما بيتصلح

هو ده الوقت اللي تستغني فيه نفسيا عن الناس اللي ما نفعوكيش في وقت حوجتك

لأنه المثل بيقول: ليس في الإمكان أبدع مما كان... يعني اللي حصل هو أحسن حاجة كان ممكن تحصل في الظروف دي

وتبدأي تركزي على الجوانب الايجابية والنقله اللي ان شاء الله تعملك استقلال نفسي عنهم وربنا يخليلك طارق يا رب ويعوضك بيه خير

أصله يعني مش هيبقى موت وخراب ديار .. اذا كانت خربانه من بره .. خليها عمرانه من جوه....
أصل اللي جاي عمره ما هيكون اسوأ من اللي فات بإذن واحد احد

وصدقيني كل ما كنتي قوية .. كل ما الحياة أضرارها عليكي بقت أقل وطأة

وإذا كان على الشعر الابيض يا سيتي .. كلنا في الطراوة .. والحمد لله انو لسه في شعر أساساً هههههههههههههه

إنسي اللي تاعبك وعيشي اللحظة ولا تفكري في اللي فات ولا اللي جاي واعتمدي على نفسك والبقاء للأقوى
والله درس علمهولي الهنود
بس احنا اللي شاربين من طين النيل

تحياتي المطينة
قصدي العطرة بالعود والصندل
هههههههههه

Sat Sep 01, 11:48:00 AM GMT+3  
Blogger بيدو said...

سلام عليكم

اول مرة افتح مدونة وابكى

Sat Sep 01, 02:52:00 PM GMT+3  
Blogger Mony The Angel said...

i'm really a speechless!!!!!!!!!

Sat Sep 01, 05:25:00 PM GMT+3  
Blogger gohayna said...

والله يا بنتي انت كلك احساس وحزن رهيب

بجد وجعتيلي قلبي والله

انت المفروض تفكري في المستقبل وانك تكوني اسره وانك ازاي تلاقي لنفسك سعاده في وسط حياه جديده وسعيده

ربنا يسعدك يارب يا انجي

طمنيني عليكي

Sat Sep 01, 05:34:00 PM GMT+3  
Blogger esraa said...

بس كده ياحبيبتي
أوعدك اني ان شاء الله اول ماأشوفك هحضنك حضن كبييير اووي وجامد جداااا

Sat Sep 01, 06:25:00 PM GMT+3  
Blogger voice of love said...

سامحينى يا حبيبتى انى بقى لى فترة بعيد
بس والله غصب عنى
أنا كمان بمر بظروف نفسية سيئة
ولو دخلتى المدونة عندى أكيد هتفهمى وتعذرينى
وبرضه انا جنبك وبحبك

Sun Sep 02, 01:56:00 AM GMT+3  
Blogger غمض عينيك said...

ربنا يكون في عونك ياانجي
ويعينك ويقويكي
ويشرح صدرك بالغفران والسماح
ويعوضك كل الخير والفرحة

محمد سمير

Sun Sep 02, 03:13:00 AM GMT+3  
Blogger truelove said...

نوووووووووووووجا ايه روح قلبي متعودتش عليكي كده يا سمرة كنت لسة بقول للبنت حدوتة اني عاوزة اتعرف عليكي مالك ياروح قلبي رفع الله عنكي الهم وعوضك بكل خير ، وكم من وجه ضاحك يحمل بركان من الهموم بداخله

Sun Sep 02, 09:08:00 AM GMT+3  
Blogger The Alien said...

العيلة إنتي تقدري تعمليها
وجنبك إنسان هيساعدك كتير

إنتي عارفة إنتي عايزة إيه
بس مفيش حاجة بتيجي بالساهل
حاربي كل البشر وإوصلي للي إنتي عايزاه

تحياتي

Sun Sep 02, 11:06:00 AM GMT+3  
Blogger Big Code said...

بصي عاوز اقولك ان ده فعلا شعور سيئ جدا انك تعيشي منزوية ومنفصلة عن اهلك بس انا واثق انك هتلاقي كل ده في بيتك واسرتك انتي اللي هاتكونيها مع شريك حياتك وهاتعملي كل جهدك علشان محدش من الاسرة دي يعيش اللي انتي عشتيه ما هي دي فايدة التجارب
واحمدي ربنا انك لقيتي الحب في انسان بيعوضك عن كل المشاعر دي, فيه ناس مش لاقية حتى الحب ده
تدفق كلامك كان رائع واظن ان انتي قلتي كل اللي في قلبك بكل بساطة وتلقائية

اتمنى لك السعادة
تحياتي

Sun Sep 02, 12:57:00 PM GMT+3  
Blogger sendbad said...

بسم الله الرحمن الرحيم
ان مع العسر يسر
صدق الله العظيم
اديني من وقتك دقايق مش هاطول عليكي
تعالي نقرا الايه اللي فوق دي صح
علشان نرعف ربنا عايز يقول ايه
ربنا مقالش ان بعد العسر يسر
لاء قال واثناء العسر ماهو بيقطع فينا وبيعذبنا اليسر ماشي جنبه علي طول الخط بس احنا مش حاسين
انتي وفي قمة عسرك هناك اشياء جميلة جدا في حياتك كلها يسر
اخرها هذا الشخص الذي احببتيه واحبك
ياصديقتي ان مع اليسر عسر

Sun Sep 02, 01:57:00 PM GMT+3  
Blogger تخاريف دكتور said...

انا اول مرة ادخل المدونة اعتقد
والكلام كان كبير قوى على
مش عارف دا واقع كلنا بنعيشه ولا الواقع بتاعك ولا ايه بالظبط
الحمد لله

Sun Sep 02, 04:47:00 PM GMT+3  
Blogger catroz said...

انجى..
بتقدرى تدخلى جوانا اووووووى بجد
مش هقول انى عشت التجارب دى
بس طول عمرى اعرف ان انجى
زهره متفتحه
بنت بلد
قلب طيب
شعاع نور فى ليل مالهوش نهار
ده انتى يا انجى
ايوه انتى
ربنا يكرمك يارب و يسعدك يارب
و كفايه عليكى طارق ربنا يخفظهولك يا قمر

اناا قريت كلامه
ربنا يسعدكم ببعض بجد
و ارفح بيكم و اشوف عيالكم
ياااااااااارب
...:)

الواحد لازم ييجى له ايام و يقع من كتر الحمل اللى عليه
لو كان الحمل عليكى تقل و وقعتى
قومى بقى
فى ناس محتاجينك قويه
تساعديهم و تديهم حبه تفاؤل من اللى عندك

يلا بقى
ربنا يكرمك ياارب
.......:)

Sun Sep 02, 07:08:00 PM GMT+3  
Blogger The Groom said...


ياااااااااااه يا سمراء

ليه كده بس

بس عارفة اكيد الحمدلله انك احسن بعد الفضفضة دي

ربنا يكرمك يا رب

اكتبي كل ما تشائين واحنا وراءك والله كان نفسي اشوفك انت وطارق في مصر لما نزلت لكن معرفتش كان نفسي اجيبلكم هدية حلوة واشد من ازركم واشجعكم تكملوا المشوار على خير

ربنا يرزقكم الخير ويوفقكم يا رب

اسمعي كاظم اشكو اياما او اسمعي سورة محمد بصوت الحصري

تحياتي لك من ماناساس البلد

Sun Sep 02, 07:25:00 PM GMT+3  
Blogger عصفور بلا أجنحة said...

انتى محتاجة مش عيلة انا عندى مشكلة شبيها انا متزوجة و مبخلفيش ياعنى زى ماتقولى كدة رقصت على السلم بس واللهى كل لما بمر بمثلك فى هذا الضيق أستخفر ربى و بعديين هقولك حاجة قلهالى صديق غالى عالية قالى انتى احسن من ناس كتير اوى بسى للنفسك و للأيجابيات الى فيكى هتنسى همومك و نقت ضعفك صدقينى و استعينى بالصبر.
مشكورة

Sun Sep 02, 07:37:00 PM GMT+3  
Blogger كريم بهي said...

ياااااااااااااااااااااااه
ايه الحزن العميق دا
انتى حزينة اوى اكتر من الحزن نفسه

بجد انتى انساة رقيقة وحساسة
وخفة ظلك دى شئ يميزك
ويخلى طعمك زى السكر

انا بجد سعيد لانى زورتك
واتمنى لو تزورينى

كريم بهي

Sun Sep 02, 10:36:00 PM GMT+3  
Blogger msafa said...

مقدرش اقولك غير انى ( بلعت ريقى لانك نشفتيه وانا بقرا البوست ) خلى بالك من نفسك

Sun Sep 02, 11:26:00 PM GMT+3  
Blogger OMA said...

bosy ana msh hatklm ktir
msh l2ni am3ndish klam
bas la2ni msh 3ayza a2olk klam 2aloh ktir...w ktir beykon malosh m3na
bas begd i mean it lma a2olk en rabna ya 7bebty wa5ed balo menk w wa5ed balo howa by3ml feki eeh..kol da akid rabna by3mlo le7kema la y3mlha ela howa
gayez 3shan t3rfi 2emt el 3ela awii w isa lma ttgwzi tare2 keda w tgebo bebehat 2amr t7ebhom awi w t7afzi 3lihom awi
elly fat da 25 sna bas...rabna ydeki tolet el3omr w te3eshi 100 sna gayen kolhom a7san mn elly fat
lessa el3omr 2odamk.....w bokra rabna hay3'ayr shakl kol 7aga fe 3enk lma tkoni fe betk
rabna ys3dk w yeray7 balk w yerzo2 de7ka 72i2ya...bd3ihalk mn 2lby walahi
w 3la fekra ana msh 3arfa men elly by2olo 3liki gamda gbara dool ?
enty mn aktr el nas elly ba7es enhom 7sasin ya benty
bgd nefsi tb2i mbsota
3shan ana b7bk lellah fe lellah keda (f)

Mon Sep 03, 01:09:00 AM GMT+3  
Blogger altwati said...

أعجبني
أنك قلت في أحد ردودك
أنك صرت تأنسين بنفسك
أعتقد أنه لا أنس إلا بالله
ثم بالنفس
ليتني أستطيع الأنس بنفسي
لعشت وسط الذئاب
دائما القوة والوقوف عند
ما نريد
تسبب صداما مع كل ما هو يابس
في العالم
كالثيران والصخور
كوني مرة مائية
تنداحين حيث لا يوجد أحد
كما يقول/ لاو تسي

واعلمي أننا نتسبب
في جزء من الظواهر حولنا
ليس بأفعالنا
ولكن بوجودنا في حد ذاته
سيطري على كيانك
تنفرط كل الظروف من حولك

لقد آلمتني
سامحك الله

Mon Sep 03, 08:34:00 AM GMT+3  
Blogger Hadota .. حدوتة said...

انجى
انا عارفة والله انك بتحبينى
زى مبحبك بالضبط

هوا انتى زعلانة انى رديت العزومة؟؟؟؟؟
طب ولا تزعلى
اعزمينى تانى
ومش هردلك اى عزايم

اهو ادينى بقولهالك علنا
عالميا ودوليا على شبكات الانترنت
اعزمينى يا ستى ولا يهمك

وخليكى دايما فاكرة مخرطة الملوخية
(f)
سلامات يا انوج يا قمر
قصدى يا ماما انشى
:$

Mon Sep 03, 10:03:00 AM GMT+3  
Blogger أمــانــى said...

اسمحلى انى اقولك اختى وحبيبتى
والله ما عارفه اقولك لانى بجد مش شايفة من كتر الدموع هيقولى عليا مجنونة لانهم خلاص اتعودوا يشوفنى دايمآ كده ههههههههههههههههه
اقولك بقى اوعى تفكرى فى الماضى ارميه ورا ضهرك اوعى فى يوم تبصى له تانى خلاص ده ماضى مش هتقدرى تغييرى فيه حاجة
واوعى تخليه يكسرك بل بالعكـس خليه يكون ليكى درس وازاى تتعلمى تكونى ومحبة مش جافية وحاولى تستغلى الحب اللى جواكى طلعيه للنور وعيشى به وخليه الشمعة بتاعتك فاهمنى
وعلى شعرك يا هانم ولا تزعلى نفسك هأديلك وصفة خطيرة بـجد
وحبى طارق شوية كتير واوعيه تضعى ابتسامتك وسط زحمة همومك لالالالا
دى الحتة الطرية خليه فى سرك هههههههههههههههه
اللى ترتاحى عليه واوعى تضعى لحظة سعادة واحدة من حياتك فى التفكير من الماضى اللى هو جزء منك خلاص ابتريه بكل ما فيه من الآلم علشان تقدرى تواصلى
ربــــــــنا مـعاكى ياااااااااااارب آمــــــــــــــين ويكـــــرمك ويـزيح عــنك ياااااااااااااااااااارب آمـــــــــــــــــين ويفرح قليك ياااااااااااااااااااااارب آمــــــــــين ويسعدك يااااااااااااااااارب آمــــــــــــــين ويقرب البعيد لكى يااااااااااااااااااااارب آمـــــــــــــين
ما تقولى امين

Mon Sep 03, 02:38:00 PM GMT+3  
Blogger youma said...

غريب والله غريب
انتي عارفة
في نفس الوقت في كل مرة بقع بشوف عندك بوست عن القوة وانك بتقولي مش حأقع وبلاقي احساسي بيتحرك عندك وفي كل مرة بكتب فيها شيء عن الي انتي كاتباه بلاقي نفس الموضوع عندك
هوا كذا ليه؟
الارتباط ده بستغربلوا احيانا
لو حابة تشوفي انا كتبت ايه حأبعتلك اللينك بس مش هنا حأخليهولك على الايميل
بحبك قوي وبخاف عليكي قوي

Mon Sep 03, 02:44:00 PM GMT+3  
Anonymous شقلوطة said...

ماعندناش عيلة للبيع صراحة
بس إحنا كلنا عيلة ليكى
و عيلتنا ليكى
و انتى نفسك و لوحدك ساعات بتبقى
عيلة لأحدنا أو بعضنا
...
ربنا يخفف عنك يا أنوج
ماتنسى الناس دى ..و تفتكرينا إحنا ..؟؟
:)

Mon Sep 03, 03:36:00 PM GMT+3  
Blogger mraghy said...

السلام عليكم و رحمة الله و بركاته
المؤسف يا آنستي اننا دائماً ما ننظر الي نصف الكوب الفارغ
ولا نعبأ علي الاطلاق بالنصف الممتلئ
هلي تعلمين لماذا ؟؟؟
لأننا دائما نريد كوباً ممتلئ عن آخره
اتركي احزانك وراء ظهؤك و انفضي عن اكتافك ما انتي مثقلة به
يقول امام الدعاة الي الله الشيخ محمد متولى الشعراوي رحمه الله
ان الله عادل اعطى كل فرد منا 24 قيراطاً
قد نختلف في ما اخذنا و لكن يبقا لكل منا 24 قيراطا
***
و دائماً ما نبحث نحن عما ينقصنا
احمدي الله اختي الكريمه علي نعمه التي منحك اياها
انظري دائما للامام و لا تعبأي بما فات
ان كنتي قد عانيتي ما عانيتيه داخل اسرتك فلتعملي جاهدة علي انشاء اسرة قوية مترابطه عنوانها الحب و الفتاهم و الاحترام
حاولي قدر استطاعتك ان تنقذي ابنائك مما عانيتيه و ان تجنبيهم المتاعب التي مررتي بها
اقتربي كثيرا من خطيبك و كوني له امة يكن لك عبداً
خالص و ارق دعواتي لكي بالسعاده
و لا

Mon Sep 03, 05:08:00 PM GMT+3  
Blogger سكوت هنصوت said...

سمراء النيل

لا تقسي على عائلتك...فربما اصبتحت مثلهم يوما

احنا بنفضل ننقض في أهالينا طول حياتنا

ولما بنكبر...و نخلف عيال..بنعمل فيهم نفس عمايل اهالينا

هوني على نفسك....و حاولي تخرجي برة نفسك شوية..,والتمسي لهم بعض العذر...

فمين عارف بكرة فيه ايه...

عارفة ان كلامي ده جايز يكون سخيف..

لكن صدقيني لا يوجد حقيقة ابدا من زاوية واحدة...أكيد هما كمان موجوعين منك كده

Mon Sep 03, 07:10:00 PM GMT+3  
Blogger Ma-3lina said...

ياااااه يا انجى برده لسه تعبانة

انا قلت خلااص انجى الدنيا اخيرا صالحتها و ربنا كرمها بشخص يقدرها و ينسيها كل الامها و معاه الفرحة تملا قلبها تانى


و لما مكنتيش بتدخلى زى الاول قلت مشغولة مخطيبها و برغم انك بعديتى بس بحد حسيت ان ربنا عوضك و انك مفروش تبقى مع الشخص اللى ممكن ينسيك احزانك لان انا مبعرفش اواسى و لا اقول كلام يصير زى ما بيقولو

كنت خلاص اتطمنت عليكى يا بنتى و بعدين ترجعى تانى تزعلينى

يا ستى انسيهم و لا كانهم موجودين عندك امك الحقيقة ربنا يخليهالك و عندد راجل ربنا يكرمه طيب و حنون

اتمسكى بالناس دى و عيشى معاهم و سيبك من الباقى

افرحى يا انجى بحبك و خطيبك و نجاحك فى الماجيستير و انسى الحزن شوية

لا تبصى لشعرك و لا جسمك بصى لمستقبلك و لجوازك متخليهمش يحرقوا فى دمك و يكبرووكى

انسيييييييييهم يا انجى


و دورى على الفرح و السعادة و روحلهم

Mon Sep 03, 09:06:00 PM GMT+3  
Blogger أبو أمك said...

تشتري عيلتي ؟
مش باقي فيها حد..تاخديها فاضية وتشطبيها على مزاجك

Mon Sep 03, 10:49:00 PM GMT+3  
Blogger yasmina said...

يمكن انا مش عرفت قوي سمرا بس كفاية اني بقرالها ويمكن الكتابة هي الي ممكن تعرفك شخصية الي قدامك
فاكرو بوست نزلتية قبل كده اسمه لازلت ماذا عنك
بجد البوست ده هزني قوي
وحسيت اد ايه انتي قويه وجامده صدقيني انتي كده ومش توهمي انفسك غير كده ومش تسيبي النفس الضعيفة تستقوى عليكي
انتي هتبني بيتك بأيدك ياسمرا
ماماتك هتلاقيها جواكي لما يجي يوم وتضفري انتي شعر بنتك
لما تتجمع على ترابيزت الاكل زوجك وابنك وبنتك هتلاقي وقتها انك مش وحيدة
اصبري شويه
عارفا بيقولو دايما فاقد الحنان لا يعطيه وانا مش معترفه بالمقولة دي
عارفا ليه لآنو فاقد الحنان هيعوضو فحجات كتير
فبيته هوا فولاده فنفسه
وانتي مسيرك هيجي اليوم الي مش هتكوني فيه لوحدك اليوم الي هتدي فيه للآولادك وزوجك اجمل ماعندك لآنك جواكي كتير جميل
انا عارفا انوز الزمن هوا الي بيصنعنا
بس مش يمكن رغم قسوة الزمن والي فيه يكون هوا الشيء الي زرع القوة جوانا اننا نقدر نكمل بعد كده ونصنع الباقي بنفسنا
معلش انا حاساني ملخبطة بس بجد انتي هزتيني وابكتيني
ويمكن تمنيت اني اكون بأيدي ااقف جانبك
اضحكي ياسمرا واستني بكرة اكيد بقلب جميل زيك وبأنسان ربنا يكرمو بوجوده جانبك اكيد اكيد هيبقى احلى

Tue Sep 04, 12:37:00 AM GMT+3  
Blogger أحمد عيسي said...

انا مش عارف اقول اي حاجة خالص

بس لو بصيتي وانتي داخلة ع اليمين كدة حتلاقي فوق الـ170 بني ادم صحيح مش حيغنوكي عن كل ده بس كفاية تكوني متأكدة جدا انهم بيحبوكي من قلبهم

وارجع واقول تاني انا مشفتكيش غير مرة واحدة بس بجد محستش ان ممكن يكون ليا اخت كبيرة زي محسيت اول مشفتك

خلي بالك من نفسك ومن طارق ووصليله السلام

وبلاش تفكري في نص الكباية الفاضي..اكسري الكباية احسن عشان متفكريش

Tue Sep 04, 01:49:00 AM GMT+3  
Blogger smraa alnil said...

ياسمينا

فعلا يا ياسمين
بجد فرحانة اوي اني بحس ان ليا اهل بيخففوا عني
يارب يتقبل منك يا ياسمين

___________________________________

اسلام يوسف

ههههههههههههه
انت شكلك بايع اوي كدة ليه
شكلهم زي اللي عندي ولا ايه
اصلهم لو كانو غير
مش كنت هتبيعهم لولو بكنوز الدنيا

Tue Sep 04, 11:31:00 AM GMT+3  
Blogger smraa alnil said...

الديليكون

شان كد يا محمد انا واقفة علي رجلي
يا شجر ما يهزك ريح
بس زي ما تقول كدة بفضفض

الخبرات اللي اكتسبتها بقي كل ما بص ليها بحس اني عجوزة اووووووووووووي

لاني بحس ان هما كتير

لا ابدا بالعكس كلامك فادني اوووووووووي
ربنا يخليك يا قمر
ومش تغيب كدة تاني بقي


_________________________________________

مي

ماهي الحياة لازم تستمر يا مي
لازم اضحك لان الناس اللي بتشوفني مش ليها اي ذنب انها تشوف الجانب الحزين مني
بالاضافة ان انا فعلا بحب الضحك

انا برضه مؤمنة ان فاقد الشئ بيعطيه وبزيادة كمان لمن يستحق
ربنا يخليكي يا مي يارب

Tue Sep 04, 11:31:00 AM GMT+3  
Blogger smraa alnil said...

Barracuda

لالالالالالالالالالالالالالالالالالالالالالالا
عليك غرامة تاخير
بقي كل شوية اروح اسال عليك مش الاقيك كدة
هي عمان بتغيبكاوي كدة
ما انا لما كنت في عمان كنت كل شوية علي النت
في ايه بقي
هو كويس الانسان محتاج انه يفرج علي نفسه كل شوية

لا طبعا انا لا هلوم الظروف ولا الزمن لان انا عارفة ان انا في امر واقع
بس هقولك كلمتين قلتهم لطارق
ان انا بقيت ناقمة اوي عليهم خصوصا بعد ما عرفت طارق
لما بشوفه بيتعامل معايا كاب
او كاخ
بشوف فجوة كبيرة اوووووووووي

اللي انكسر عمره ما بيتصلح اه
بس انا دايما بيبقي عندي امل كبير اووووووووي

دايما كنت بقول ان بكرة هيبقي احلي
وجايز يتغيروا
ودة بقي اللي تاعبني

ماهو انا كل ما ببص للنقلة الايجابية اللي بقت فيها
بلاقي عقبات وصعوبات هما بيحطوها في طريقي

دي بقي عندك فيها حق ان اللي جاي مش هيكون اسؤ من اللي فات

ههههههههههههههههه
بس 25 وابقي في الطراوة بدري اوي كدة

هههههههههههههههههههه
تحياتي
وابقي اسال بقي لازعل منك بجد
_________________________________

بيدووو


اولا منورني ومعلش بقي انت جيت في حاجة نكد
مش كنت تيجي بدري شوية كنت هتلاقي حاجة غير كدة
سلامة عيونك من البكا يا بيدو

انت منورني اوي

Tue Sep 04, 11:31:00 AM GMT+3  
Blogger smraa alnil said...

موني زا انجليس

ليه بس يا موني
دة الموضوع سهل اوي
ههههههههههه
______________________________

جهينة

سلامة قلبك يا جي جي
ماهو كل م بفكر كل ما بتعب اكتر
لان الامور اللي بفكر فيها مش بتبقي زي مانا فكرت فيها
فهمتي حاجة
ربنا يخليكي يا قمر
انا الحمد لله
انتي اللي اخبارك ايه

Tue Sep 04, 11:31:00 AM GMT+3  
Blogger smraa alnil said...

اسرااااااااااء

خلاص يا سيتي احنا فيها ايه رايك تقابلنيا يوم السبت الجاي ونشوف الحضن الكبير دة هيبقي عامل ازاي
____________________________________________

voice of love

انا دخلت وشوفت وقريت كمان
معلش انا كمان كنت بعيدة اوي عن المددونة
ولو جيت اخش فيها يبقي عشان اكتب بوست جديد ولا برد علي علقيات ولا بروح عند حد
بس انتي كمان بقي لازم تبقي اقوي من كدة
وتبقي زي الشجرة اللي ما يهزك ريح
وانا كمان جنبك وبحبك
هتلاقيني فاضية بعد كدة

Tue Sep 04, 11:32:00 AM GMT+3  
Blogger smraa alnil said...

غمض عنيك

ازيك يا محمد
بجد منورني اوووووووووي
اللهم امين
بجد كنت محتاجة للدعوات دي يا محمد
ربنا يكرمك
___________________________

true love

معلش بقي اديكي اتعودتي
ههههههههههه
يا بنتي لما تلاقي نكد وتشوفيني هتلاقيني حاجة تانية خالص
المهم مكن ابقي اشوفك السبت الجاي ولا ايه النظام
كلنا بنضحك واحنا جوانا بركا غضب وحزن وهموم

Tue Sep 04, 11:32:00 AM GMT+3  
Blogger smraa alnil said...

بيشوي

الانسان دة اللي انا طلعت بيه من الدنيا بجد
ومش ليا غيره
كتير قالولي حاربي
بس بغض النظر عن دخولي في اي حرب
انا ان شاء الله هوصل اللي انا عايزاه
بس انا مش عايزة خساير يا بيشوي
فاهمني
___________________________________

big code

انا عارفة ان بيتي دة هيبقي احسن بيت والحمد لله ان طارق معايا وهيحقق دة معايا
الاسرة دي اللي انا فيها مش فيها اي حاجة ابدا
بجد مش عارفة انا كنت ممكن ابقي ازاي من غير طارق
ربنا يخليك يارب
ويتقبل منك

Tue Sep 04, 11:32:00 AM GMT+3  
Blogger smraa alnil said...

سندباد

لا يا سندباد انا شايفة اليسر طبعا
كفاية ان من وسط العسر اللي انا فيه طلعلي طارق وانتو
ودة ليسر
بس زي ما تقول كدة انا بقت مش مستحملة
جسمي وجعني من كتر المشاكل
صحتي بقت تتعب اوي
ونعم بالله يا سندباد
ياريت بقي تقول الاية دي ليك انت كمان
:))
_____________________________________

تخاريف دكتور

لا دة واقعنا كلنا بس كل واحد بيبص عليهه بمنظور تاني وبيعيشه بطريقة مختلفة
وكل واحد بيعبر عنه بطريقته
ربنا يرحمتنا جميعا يا دكتور
وياريت بقي تبقي تيجي تزورني علي طول

Tue Sep 04, 11:32:00 AM GMT+3  
Blogger smraa alnil said...

كاتروز

ياااااااااااااااااااااه كل دة انا

والله ما بعرف ارد علي الكلام دة يا كاتروز
ربنا يحفظك يارب ويشيل عنك اي كرب
ربنا يخليكي يا رب

يااااااااااااارب
يسمع منك ربنا
ويخليكي ليا

انا فعلا زي مانتي قلتي وقعت شوية
بس كاعادة بقف اقوي من الاول
والناس دي انا دايما معاها
_________________________________

the groom

الحمد لله بكتير
انا فعلا كتبت اللي عايزاه عشان احس بالراحة واحس اني مش لوحدي
طب ليه مش قلتلي انك وصلت خلاص
كنت ظبطلك لقاء مخصوص والله
ربنا يخليك اعتبر ان هديتك وصلت
هههههههههههههههههههه

يعني يا كاظم يا سورة من القران
ههههههههههههههه
عامة انا بسمع الغنية دي وبحبها جدااااااااااااااااااااا

لكن مش عندي اي صوت لمحمد الحصري خالص
كان نفسي تبقي في كايرو البلد

Tue Sep 04, 12:03:00 PM GMT+3  
Blogger smraa alnil said...

عصفور بلا اجنحة

مش تخافي كلنا في الهوا سوا
ويا سيتي زي مانا محتاجة عيلة ولقيتها معاكم انتي كمان محتاجة اطفال تمارسي عليهم امومتك اعتبرينا كلنا كدة
اي نعم هنكبرك اوي
بس هتحسيها صدقيني
الحمد لله ان ربنابيقف جنبي وبيبقيمعايا علي طول
وانتي كمان اتاكدي ان ربنا كريم اوووووووووي
__________________________________________

كريم بهي

مش اوي يعني انت لوشفتني مش هتقول كدة
هتلاقيني مجنونة كدة وروشة
هههههههههههههههه

وانا كمان مبسوطة اوي انك زروتني
ابقي كررها بقي

Tue Sep 04, 12:03:00 PM GMT+3  
Blogger smraa alnil said...

msafa

طب ابقي اشرب مايا عشان ريقك يتبل تاني
انااسفة اني نشفت ريقك بس اكيد انا مش اقصد
منورني
وياريت تبقي تيجيعل طول
ببقي مبسوطة اوي
ان شاء الله
___________________________________

اوما

تفتكري يا وئام
احيانا بحس ان ربنا زعلان مني
ومش ببقي قادرة اقوله سامحني لاني بكون مكسوفة منه اوي

عارفة ان ربنا بيديني انذارات كتير اوي

فعلا عشان كدة قلتلهم برافو انكم صنعتم سمراء النيل
لان من غير اللي مريت بيه مش كنت هعرف ابدا قيمة الحب ولا العيلة ولا قيمة طارق

مش عارفة اقولك ايه يا اوما
بس كلامك ريحني اوي بجد

اللي بيقولوا عليا كدة ابويا ومرات ابويا

والله ببقي مبسوطة وانا في وسطكم كتير

احبك الذي احببتني فيه
وانا كمان بحبك لله في لله والله

Tue Sep 04, 12:03:00 PM GMT+3  
Blogger smraa alnil said...

altwati

اصل بصراحة هو دة الحل الوحيد
انك تستانس بالله ثم نفسك
عندك حل تاني
واجه واقف ادام كل البسر والذئاب الذين تحدثت عنهم
ما شئ سيفيدك لو وقعت

الف سلامة عليك من الالم بجد ما كنت قصد
ابقي تعالي تاني بقي
__________________________________

حدوتة

لا طبعا مش زعلانة بس هي يا هانم كانت تتفهم كدة انك بتريديل يالعزومة

لالالالالالالالالالالالالالالالا يا هانم
الاعزمك تاني ال
ليه يا بت هو انا وارثة
هههههههههههههههه
لا عندا فيكي يا حدوتة مش هعزمك
هههههههههههههه
انيت يا بت بتذليني ولا ايه
وبعدين مخرطة الملوخية مش تنفع مني غير الملوخية نفسها يا فالحة
سلامات يا بنتي

Tue Sep 04, 12:04:00 PM GMT+3  
Blogger smraa alnil said...

اماني

طبعا اسمحلك يا اماني احنا فعلا اخوات يا بنتي ومتحابين في الله
سلامة عيونك من الدموع يا اماني
انا فعلا والله برميه ورا ضهري بس زي ما تقولي كدة بيصعب عليه انه يترمي فبيشعلق فيا من ادام
انا علي طول بطلع حبي لغيري
بس تقريبا دة مش عاجبهم هنا
هههههههههههههههههه
فين يا سيتي الوصفة الخطيرة دي

احبه اكتر من كدة اروح فيم بس
دة مالي كل كياني والله يا اماني
ههههههههههههههههههه
اللهم تقبل منك يا اماني
وربنا يخليكي ليا يارب
______________________________

youma

مش تستغربي من حاجة لاننا كلنا بنكتب بلسان بعض وبنحس ببعض
كلنا مشتركينفي مشاكلنا وهمومنا واحزانا
انا هخش علي الاميل عشان اشوف اللينك
وانا كمان بحبك اوي وبخاف عليكي قوي بس ببقي مطمنة عليكي وانتي معاكي ليندا
ربنا يخليكو لبعض يارب

Tue Sep 04, 12:24:00 PM GMT+3  
Blogger smraa alnil said...

شقلوطة

ازيك يا حاجة مها
انتي لسة يا بت عايشة
ههههههههههههههه
انتو فعلا عيلتي
انا علي طول فاكراكم بجد
ربنا يخليكي ليا يارب
وابقي تعالي علي طول بقي
____________________________________

مراغي

وعليكم السلام ورحنة الله وبركاته

صدقني لا يا مراغي
انا علي طول ببص للجزء المليان من حياتي والجانب الايجابي وبدليل اني وصلت لمرحلة اللي انا فيها دي دلوقتي من نجاح
انا مش عايزة كوب ملئ
انا كل اللي عايزاه حقي
انا لو رميت اي شئ ورايا
مش بيسيبوني في حالي صدقني
انا الحمد لله واخدةال 24 قيراط تمام التمام اوي
بس انا زي ما تقول محتاجة عيلة
كنت فاكرة ان خطوبتي واحساسهم ان كلها شهور وابعد عنهم ومش ابقي معاهم انهم هيتغيروا معايا وهيحسوا بيا كانسانة
بس الظاهر اني غلطانة

انت عارف ان انا فعلا امه
ساعات والله يا مراغي مش بتعامل معاه كخطيبة ولا حبيبة
لا
انا بتعامل معاه كام
وهو بيحس بدة اوي
لما بيزعلني بيلاقيني بسامح كام
وبحس اووووووووي لما يقولي يا ماما
ربنا يخليك
لا طبعا مش في ولا
:))

Tue Sep 04, 12:24:00 PM GMT+3  
Blogger smraa alnil said...

سكوت هنصوت

يا ستي كلام مش سخيف ولا حاجة
بس يمكن انيت مش متابعاني من الاول
ومش عارفة هيكون في مجال ان اقولك ان عائلتي مش عملت اي شئ ايجابي نحيتي
ولا لا

انا مش بنقض اهلي
اصلهم لو قصروا في جانب واحد من تربيتي او من معاملتهم كنت هقولك ماشي
بس لا تربية صحيحة
ولا دين اتربيت عليه
ولا حتي صلاه قالولي صليها
ولا حتي مصاريف بما يرضي الله
ولا المعاملة كانسانة بغض النظر عن مدي قرابتي ليهم
لا رفع عن ظلم
ولا وقوف بجانبي وقت مشاكلي
حتي نجاحي بيعتبروا شئ اساي ولابد منه

وحاجات كتييييييييييييير اوووووووووي

التمس لهم العذر

في ايه بالظبط
؟؟؟؟؟

عامة يا قمر هما ا موجعين ولا حاجة
هما اصلا مش شايفين غير نفسهم
ربنا يهديهم
ابقي تعالي علي طول بقي
منوراني
__________________________________

ما علينااا

اعمل ايه بس يا مرام

انا برضه قلت كدة والله
بس اعمل ايه بقي
صدقيني لا والله
طارق بيبقي في شغله
وبيرجع علي بليل بنتكلم وخلاص
ومش بشوفه غير يوم الجمعه
يعني لا هو اللي شاغلني عنكم ولا حاجة
بس شغلي انا بقيوالمشاكل اللي ببقي فيها مش ببقي طايقة اكلم اي حد
لاني مش عايزة اكأبكم معايا

انا متمسة بيهم وربنا يخليهم ليا يارب
بس تعبت بقي يا مرام
وعلي فكرة انا والله مش بعدت
انا بس عارفةانك علي طول مشغولة
ومش بحب اتصل بيكي اقولك تعالي نخرج لاني عارفة انك بتبقي في شغلك

المشلكة اني لما بفرح بلاقي مليون قرف ادامي بيقولي مش من حقك تتنيلي تفرحي

هو انا لسة هكبر يامرام انا يا بنتي خلاص حاسة اني عندي مليون سنة
والحمد لله لما قلت لطارق اني بقيت عجوزة قالي يا حبيبتي انا اعجز منك
ههههههههههههههه
يعني الحمد لله ضمنت
هما كمان لازم ينسوني شوية
ماسكني يا مرام ومش عايزيني اروحلها

Tue Sep 04, 12:24:00 PM GMT+3  
Blogger smraa alnil said...

ابو امك

ههههههههههههههه
واعمل بيها ايه بس
ربنا يرزقني ويرزقك بقي
_____________________________

ياسمينا

طبعا فاكرةابوست دة اووووووووووي

انا عارفة ان انا كدة
بس احيانا الانسان بيبقيعايز يحس اه ضعيف عشان يحس بالقوة
فاهماني؟؟
انا كمان مش معترفة بالمقولة دي
وكنت كل ما اقول كدة لحد يقولي علي بابا اصله فاقد شئ واللي فاقد الشئ لا يعطيه
بس انا مش كدة والله يا ياسمينا

لا ابدا انيت كلامك موزون اوي
وبجد مش كنت اقصداني ابكيكي
ن شاء الله
ربنا يخليكي يا ياسمينا يارب
_________________________________

احمد عيسي

ودي والله العظيم عندي بالدنيا يا احمد
وطبعا انا اختك الكبيرة بس والله غصب عني اني بعيدة عن الكل الفترة اليل فاتت دي
مشاكل ومشاغل بقي
يوصل ان شاء الله
ههههههههههههههه
تصدق ان دي احسن طريقة اني اكسر الكوباية خالص
ربنا يخليك يا ارب

Tue Sep 04, 12:25:00 PM GMT+3  
Blogger Halawa said...

قال إيه
قلت اسيب اللي ورايا
امتحان أطفااااال وأروح أروش
واروش عند مين ياواااد
مفيش غيرها أختي حبيبتي
أتاريني عيل نكد وفقر
كبة يا شيخة كنست عليكي السيدة زينب
يعني البعيد أعمى مبتشوفش
اسهما سمراء والبلوج سمرا
وهيا سمرا من برة
وبولانك منيل من جوة

ده انتي المفروض تفرحي لما طلعتلك
شعراية بيضة
تنور اي حاجة
ههههههههههههههههههههه
زمانك وانتي معدية
وقعت عليكي بوية بيضة ولا حاجة

مولاتي الغالية
انتي صحيح من سن والدتي
هههههههههههههههههه
بس وعد بجد احنا جايين الفرح
ومن غير دعوة


بس بجد انتي أكبر من الكلام
وعارف ده وربنا
بس فعلا يكفيك الناس يا بت
محدش بيختار مصيره

أحب أقول للأستاذ طارق
راجع حساباتك يا فندم
في طرق كتير تخش بيها الجنة
غير دي هههههههه

خلي بالك منها ياعم

هعمل ايه غميتي أمي
بس بموت فيكي

ربنا يحميكي

سلام يابت كتك القرف

Tue Sep 04, 01:18:00 PM GMT+3  
Blogger mraghy said...

انا جيت تاني
نصيبك كده بقا يا ستي لازم ازهقك
انا بعد تفكير و تمحيص و تدقيق
و ما تسأليش يعني ايه تمحيص لاني مش عارف
المهم
انا وصلت لحل جامد جدا لمشكلتك
الحل يا ستي هو انك تعزمي كل اللي رد علي الموضوع ده علي الغدا و في افخم مطاعم مصر
بس اعملي حسابك ان مراغي و مهند مفاجيع
بعد العزومه دي الميزانيه بتاعتك هاتبوظ و لمدة سنتين قدام
بكده يبقا خرجنا من التفكير في المشكله الاولانيه خالص و تبدأي تفكري في المشكله الجديده
ايه رأيك بقا ؟
اعتقد اني عبقري
:D
اصلح الله لكي الاحوال

Tue Sep 04, 01:37:00 PM GMT+3  
Blogger mraghy said...

اه اسف
نسيت اقولك اني ممكن ابيعلك ابويا
لانه مات من يجي 17 سنه
بس صعب يعني ابيع امي لاني ماعنديش غيرها
يالا ابعتيلي هاتدفعي كام و نبدأ التفاوض
و تحددي في عرضك انتي عايزاه اعاره و الا شراء نهائي
احنا في زمن الاحتراف يا قمر

Tue Sep 04, 01:39:00 PM GMT+3  
Blogger The Groom said...


المرة الجاية ان شاء الله حنزل مصر واحضر فرحكم باذن الله

سلامي الكبير لطارق

اما على الشيخ محمود الحصري خدي اللينك ده لاحسن قراءاته

http://www.islamway.com/?iw_s=Quran&iw_a=view&id=212

تحياتي لك من ماناساس البلد

Tue Sep 04, 10:21:00 PM GMT+3  
Blogger خمسة فضفضة said...

السلام عليكم ورحمة الله وبركاته

وجعتيني اوي يا سمراء ، بجد حسيت بكل كلمه انت كتباها

ربنا يعوضك بزوجك ويعوضك بولاد يملوا عليك الدنيا وتديهم كل اللي اتحرمتي منه ، و يارب يقر عينك بيهم و شفويهم احسن ناس في الدنيا

Wed Sep 05, 02:53:00 AM GMT+3  
Blogger حسن ارابيسك said...

سمراء النيل
شدني اسم المدونة الجميل
ووجعني حاجات كتيرة فضفضتي بيها
واضح انك في رحلة البحث عن الذات
ربنا معاكي وتوصلي لبر الأمان
بعد الرضا الكامل عن كل قناعاتك
سمراء النيل
مصرية بنت مصرية
سمره وسمار لوني
من لون بلدي وخمرية
انا بنت النيل الدافي
وقلب ناسه الصافي
انا بكتب على ورق البردي
اسم حبيبي وحكايتي

Thu Sep 06, 04:33:00 AM GMT+3  
Blogger kafrawy said...

عندى


عيلة


مكونة

من 11 فرد

تيجى تقعدى معاهم

Fri Sep 07, 06:24:00 PM GMT+2  
Anonymous ragab said...

مش عارف اذا كنت هتقرى التعليق دة ولا لاء
بس كل اللى عايز اقولة
انت اعترفتى بنعمة ربنا بنفسك
ربنا اداكى الاحساس فى الوقت اللى حرم منة ناس كتير
صدقينى الاحساس دة من اعظم النعم اللى ربنا ممكن يديها لحد
كل سنة و انت و طارق طيبين

Sat Sep 22, 12:35:00 PM GMT+2  
Anonymous Anonymous said...

بصى يا انجى اذا كانت عيلتك الكبيرة ملقتيش فيها الحب والحنان والدفء اجتهدى ان عيلتك الصغيرة تبقى كل دنيتك... وصدقينى فيه ناس كتير انا منهم باتمنى ارجع لعيلتى الكبيرة لان عيلتى الصغيرة احبطت مشاعرى الى اقصى درجات الاحباط .. ربنا يسعدك انت وطارق وتبقوا اسعد عيلة فى الحياة كلها.. اصبرى ان الله مع الصابرين

ذكرى مطوية

Mon Nov 26, 12:07:00 PM GMT+2  
Anonymous mai_now said...

السلام عليكم
اقولك حاجة
لما قريت كلامك
مفيش على لسانى من امبارح غير
الحمد لله
يا رب لك الحمد كما ينبغى لجلال وجهك وعظيم سلطانك
انا معنديش حاجة بتكلم عليها اكتر من ابويا وامى واخواتى
نبع ماينتهيش
اجمل حب فى الدنيا
ودورت كتير
وضيعت وقت كتير
فى البحث عن حب
ولفيت
لفيت لاقيتة
بين اهلى
مش قادرة اقول انسى
ومعلش
ومقدرة احساسك
الواحد بيحس انة اتحرم
وانة ماخدش حقة زى الناس
انتى احسن من ناس كتيرة اوى
انتى اخترتى انك تعيشى وحاربتى وعاندتى الدنيا
غيرك
جالة كل شئ مقشر على الجاهز
يعنى هية حظوظ
زيي مثلا
لاقيت اب نادر من نوعة وام واخوات مقدرش اوفيهم كلام يوصفهم
علشان كدة محدش ممكن يعرف مدى وجعك الا لو كان فعلا عرف يعنى اية اهل
بس مش ملاحظة ان الرسول كان يتيم؟
فكرى فى الموضوع دة
الرسول كان حنين اوى
وربنا كرمة ورفع من ذكرة
مش حطول
تانى حاجة
انتى معشتيش احساس فقد او وفاه حد من اهلك
من اسرتك
احساس رهيب
تالت حاجة
انا بعرض عليكى انى اكون ام لكى
رابع حاجة
والاهم
انتى عندك حبيب
عارفة يعنى اية حبيب
عارفة يعنى اية لما بقرا كلمة بحبك اللى انتى كاتبهاله دى
بحس باية
انا بقى ادفع عمرى كلة
واقولها
اقولها بجد
انا استوفيت حقى من حب اهلى
بس اللى جاى اهم من اللى فات
واللى جاى مع الحبيب والزوج
مش كدةولا اية
انتى حتكملى معاه باذن الله
وملايين غيرك ممكن يكملوا حياتهم كلها يتحسروا على الايام الحلوة اللى عاشوها فى بيت اهلهم
انتى محظوظة
ويمكن كلامى مايوصلكيش
او المعنى يعنى
بس اقولكاجة غريبة
انا احيانا بحسد اى بنت
قرفانة من اهلها
ولاقيت حضن دافئ تترمى فية
لانى وسط اهلى
مش قادرة احتاج لحضن حد تانى
ودة احساس مهبب
لان يا انوج
يا قمر انت
اللى جااااااااى
اهم
فاهمانى
عرفتى بقة
مين المحظوظ

Sat Dec 15, 04:08:00 PM GMT+2  
Blogger smraa alnil said...

معلش يا حلاوة بقي

_______________________

مراغي

اوعدك اني يوم ما ااورث اعمل الحركة الجامدة دي

ربنا يخليك يا مراغي يارب
_____________________________________

ربنا يرحم باباك ويغفره يارب
تاخد ان ابويا

Sat Dec 15, 09:26:00 PM GMT+2  
Blogger smraa alnil said...

زا جروم

ان شاء الله اشوفك امرة الجاية

___________________________________

خمسة فضفضة

ربنا يخليكي يا رب
ويكرمك ويخليلك زوجك الكريم

Sat Dec 15, 09:26:00 PM GMT+2  
Blogger smraa alnil said...

حسن ارابيسك

بجد شكرا جدا علي كلامك الي مش عارف عمل فيا ايه ربنا يخليك يارب
____________________________________

كفراوي

11 فرد ماشاء الله ربنا يخليهوملك يارب

Sat Dec 15, 09:26:00 PM GMT+2  
Blogger smraa alnil said...

رجب

طبعا قريته
وانت طيب يا محمد
___________________________________

انونوميوس


انا فعلا بعمل المستحيل عشان الاقي عيلتي الصغيرة اللي انا وطارق خطيبي هنعملها ان شاء الله
بجد مش عارفة اقولك ايه
___________________________________

mai now

محدش عارف مين بالظبط اللي محظوظ بس بتمني من الله عز وجل انه يرزقك بواحد زي طارق خطيبي
وبجد بجد ربنا يباركلك في اهلك
ويخليكي ليهم ويخليهم ليكي

كلامك ريحني
وبتمني انك تيجي تزورني يعلي طول

Sat Dec 15, 09:27:00 PM GMT+2  
Anonymous غير مرئية said...

انا لو فضلت اقول قد ايه البوست بتاعك مؤلم وموجع مش ممكن اوفي .

بس انا عايزة اقولك حاجة مهمة

احنا دايما مفهومنا للعيلة فيه حاجة غلط

العيلة مش لازم تكون لم واب واخوات وكلهم بيحبوا بعض

لا .. الاسر انواع يعني كل واحد ونصيبه
انا اسرتي بدات باتنين بيحبوا بعض

بيا بقوا تلاتة باخواتي بقينا ستة

وفي يوم رجعنا خمسة .. وبعده بقينا اربعة

اربع اخوات ربنا اخد مننا الام والاب

لكن ادانا حاجات كتير اوي الحمد لله

راضيين ؟؟ ايوة راضيين حتى لو في يوم بكينا حختى لو في يوم صرخنا حتى لو في يوم ما لقيناش حد يحس بينا

حاسين بالغربة في بلدنا .. بس نرجع نقول عندنا نفسينا و الحمد لله

ما فيش حاجة ممكن تعوض حاجة
بس الصبر جميل وعطاء ربنا اجمل

ابتسمي للحياة

Tue Dec 18, 11:33:00 AM GMT+2  
Blogger كلمات من نور said...

يال وجع الكلمات يا سمراء

اعتبرينا عائلتك يا فتاتي صدقيني في الحياة أخوات لم تلدهن أمك و أمهات لم يلدوكي ولكنهن كالأخوات والأمهات بلو أقرب مما تتخيلين

وجعتي قلبي يا بنوته

Tue Nov 23, 02:55:00 AM GMT+2  

Post a Comment

Links to this post:

Create a Link

<< Home