تشريدة ولابد منها قبل رمضان
اولا قبل اي حاجة
كلنا كدة لازم نقف وقفة راجل واحد
لييييييييييييه
عشان احنا طول عمرنا رجاله وبنقف وقفة رجاله وهنقف وقفة راجل واحد
لازم كلنا نقف الوقفة دي ونبص للسما ونشمر ايدينا
وياريت قبل ما نشمر نتوضا
وندعي بقلب جامد ونقول
الله يخربيتك يا حنفي الله يخربيتك يا حنفي الله يخربيتك يا حنفي
ونزود معاه الواد بدر بتاع النت عشان القعدة اللي انا فيها دلوقتي دي
هيروحوا من ربنا فين
المهم نرجع بقي للتشريدة
اول ما شافتها قالت ايه العروسة الوحشة دي وجالها قلب تنشر صورتها كدة يا ساتر
بعدها ب 15 يوم
جاتلي علي حمام السباحة وانا مش عارفة هي مين ولا هي عرفتني خالص
عشان اغرقها قصدي امرنها
بحكم اني بشتغل في الصيف مدربة سباحة
وجم حوالي اربع بنات تانين امرنهم بس بعد سجدة باسبوعين وواحدة منها بتكلم التانية بتقولها هي سمراء النيل اسمها انجي
اه
وبتشتغل معيدة في تربية رياضية
اه
طب ما اللي بتمرنا اسمها انجي
ومعيدة في تربية رياضية برضه
تفتكري
جايز
ودخلوا مدونتي تاني وقروا تاني وشافو صور الخطوبة
وعرفوا ان انا
عشان اعرف ان بعد شهر ونص تقريبا بمرن 4 مدونات
ويوميات طالبة
وبعدين سالتهم انتو اصلا مش عرفتوني ليه
قالولي عشان الصور ظالماكي
اصلك احلي من الصور بكتير
ودي حقيقة ومش عايزة تريقة
ومش عايزة اقولكم بقي معايا سمك في الماية
وسجدة دي بقي اكتر واحدة غلبتني بس بقت حوت في المايا
لدرجة اني اوقات معينة لما بكون مضايقة من حد وعايزة انتقم منه
بقول تعالي يا سجدة اصلها دراعي الشمال اللي مش بستخدمه
انا بس قلت لازم اشردلهم
فقاقيع كلام دي بقي ياما خدت كرابيج في المايا
بس اتعلمت اخيرا
وربة السيف والقلم مجتهدة اوي
وخليتها تاكل الكشري الي اول مرة تاكله من برة معانا
وبقت مدمناه تقريبا
اما بقي يوميات طالبة فكنت برميها في المايا وانا عارفة انها هترجعلي تاني
تاني تشريدة ولابد منها برضه
لالالا
دة البوابة نفسه
دة طلع طوييييييييييل اوي
وانا فاكراه كبير في السن وكل شوية حضرتك وسيادتك واستاذ وحركات
وطلعت انا اكبر منه
وبصراحة مش يبان عليه انه مثقف
المرة دي بقي مش تشريدة بس نصيحة
ياريت تدخلوا فيلم اسمه
dead silence
جامد جامد جامد
حتي اسالوا احمد الهواري والبوابة نفسها
وابقوا ادعولي بقي
كل سنة وانتوو طيبين عشان رمضان
ابقو صوموا بقي
وليا عودة اول يوم في رمضان
ان شاء الله
بس اعذروني لان النت عندي فاصل بقاله اسبوع
لا عارفة اخش عندي ولا عند اي حد خالص
ولا حتي ارد علي كومنتات البوست اللي فات
الله يخربيتك يا حنفي
بالاضافة الي الواد بدر
كل سنة وانتو طيبين
Labels: خاص ومقابلات ومناسبات
167 Comments:
الله يخرب بيتك يا حنفى
ايه الفضايح دى يا بنتى
عموما علشان خاطر الفضايح دى
انا هخاد دورات تدريبية فى السباحة
وهشتغل مدربة
وهعملك منافسة فظيعة
وهخليكى تبطلى التدريب
تانى تشريدة بقه
انا اللى جبت كل المدونين دول يدربوا
ربة السيف والقلم اصلا صحبتى
وفقاقيع كلام صحبتى من 7 سنين
ويوميات طالبة بنت خالى
وكمان صحبتى اللى فى الشغل اللى جت اتدربت يعنى يا جماعة كل التسويق دا وماليش نسبة من الارباح يرضيكوا كده
ثالث تشريدة
دا تالت تعليق ليا
وانا واخدة اول 3 تعليقات ورا بعض
وانتى قولتى لى اللى يعلق عندى اول 3 تعليقات ورا بعض ياخد جائزة والكلام دا فى البوست اللى قبل اللى فات
وفى هذه الحالة الجايزة شهر اشتراك مجانى فى حمام السباحة شكرا يا انجى على الجايزة الجميلة دى
سجدة
فضايح دة انا كدة سكت وحطيت لساني في بقي
واهو الواحد يطول لسانه براحتو قبل رمضان عشان نتلم بقي في رمضان
هههههههههههههه
يا سجة خليكي واقعية
انتي لو قعدتي عشرين سنة تاخدي الدورات دي
برضه علي راي عمك سعد
مفيش فايدة
بالنسبة لتاني تشريدة بقي
مانا لو كنت مدربة نص كم مش كنتي جبتيلي كل الناس اللي انتي قلتي عليها دي
ولا ايه
يعني معلش دة من كفائتي وشطارتي في التدريب
يا بت مش كفاية الامراض اللي خدتها بسببكم
دة انا جالي الضغط وكان هيجيلي شلل رباعي
واحيانا بيحود علي شلل نصفي
دة انتو ورتوني ايام
مش عارفة اقولكم عليها ايه بجد
ليه بقه إن شاء الله
انتى مش واخدة بالك منى فى التدريب بقيت عاملة ازى
دا انا بقيت بعوم بالطول بالطول
دا غير الكل بيسألنى دلوقتى اعمل طفو ازاى واعمل عجلة ازاى
يعنى كلها دورتين والمنافسة تشتعل
لا يا فالحة
انا قلت اللي يعلق تلات مرات ورا بعض في تلات بوستات مختلفين مش في بوست واحد
يا لهووووووي علي السرقة
وبعدين الجايزة اللي قلت عليها كارت شحن بتلاتة جنيه
مش تقوليلي شهر مجاني في حمام السباحة
بطلو بقي هو انا ناقصة امراض
ههههههه
هههههههههههههه
يا بت انيت مش اخدتي بالك لما قلت في البوست اي حد مخنوقة منه بقولك تعالي وريلو الحركة يمكن تخلصي عليه يا سجدة وتلبسيها انتي وارتاح منكم انتو الاتنين
وبعدين احنا كنا فين وبقين فين
يا بت دة انتي بتعومي باك بس
هههههههههههه
اقول تاني ولا اسكت
انتي عارفة ان لساني طويل
السلام عليكم
كل عام وانتم بخير
والسنه الجايه تكوني انتي وطارق في بيت واحد
انا شوفت الفيلم عندي علي الجهاز
انا بنزل افلام من النت
وصاحب البوابة كاتب انه صغير انتي مخدتيش باللك ازاي ؟
تحياتي
نسيت اقول اني اعتبر اول تعليق
لانكم شكلكم قاعدين في سيبر واحد وبتشيتوا في البلوج
ودا عدم احترام لمجال المنافسه
يعني منافسه مش شريفه
اطالب بحقوقي
نسيت اقول اني مش بدعي علي رجاله
لو عايزاني ادعلي علي بدريه وحنفيه
انا مستعد
وعلي فكره دول تلات تعليقات
يعني انا اللي استحق الجائزه
الله يخربيتك يا حنفى
انت والواد بدر
ايه يا بنتى انتى لسه فاكره الموضوع ده
ده انا سامعاه من يجى شهر كده أو أكتر
ده انتى قلبك جنجاه خالص يا نوجا:))
بعدين ايه حكايه التلات تعليقات دى
بصى انا كاتبه تعليق على تلات مقاطع
اعتبريهم تلات تعليقات :P
كل سنه وانتى طيبه يا حبيبتى
مستنيه مكالمه حلوه اورساله جامده كده بتقوليلى فيها وانتى طيبه يا ريمو :P
كده التعليق بقى خمس مقاطع
جايزتى كبرت بقى
مستنياها :)))
قبلاتى
ده ايه التشريد ده يا بنتي
علي العموم ماليش دعوه بالحوار الي شغال ده لحسن شكلها هتقلب بخناقه و الي واقف هيترمي في الميه
انا جيت بس قبل رمضان اقولك كل سنه و انتي طيبه و السنه الي جايه تكون محققه كل الي بتحلمي بيه ان شاء الله
سلام
حلوة الفضايح دي والحمدلله بقا انك مش شفتيني وانا في مصر اخر مرة وخلينا في الصور بس
ده حتى صورتي المرة دي حلوة قوي اهي :P
عموما ربنا يكرمك يا رب ويعينا جميعا على صيام وقيام الشهر الفضيل
جزاك الله خيرا
تحياتي لك ولطارق من ماناساس البلد
السلام عليكم
أزيك ياانجي
بالنسبه لموضوع سجده
يااااه
بجد صدفه مش ممكن
ثانيا
بالنسبه لصاحب البوابه
ده بقي يا ساتر
مطلع عيني
بجد مصطفي شخص غير نا حد يتوقع خالص
انتي عارفه لو عدي يوم من غير ما ننكاف في بعض ميبقاش مصطفي
ثالثا
كل سنه وانتي طيبه وبالف صحه وخير
والسنه الجايه تكوني انتي وطارق في بيتكوا بقي ونيجي نفطر عندكم
طشششششش
انا اظاهر غلطت وبدل ما ادخل المدونة وقعت فى البيسين وانا طبعا مش بعرف اعوم خالص ولما المطرة بتمطر بغرق وبيلحقونى
اولا حرام التشريد قبل رمضان وكمان لابد من التسامح يعنى بدل ما تقعدى تدعى عليهم كدة لأ
انتى اعزميهم على شاى جنب حمام السباحة كدة
واول ما يجو يخدو بؤ شاى تكونى عازمة صاحب البوابة والناس الجتت دى ومستخبيين تحت الترابيزة
ويروحو زقيييييييييينهم فى البسين ونخلص منهم بسسسس
طشششششششششششش
وكل سنة وانتو طيبين ورمضان كريم ويارب يا انجى يا اختى اشوفك السنة دى صايمة بقى
هئ هئ
خالو أحمد
هههههههههههه
صباح التشريد
بقللك
ينفع اجى ادرب عندكم
و لأ؟؟؟؟؟؟؟؟؟؟؟
انتى شردتيلهم آخر حاجة
وعلى فكرة انا رديت عليكى فى مدونتى
وياريت لو عندك أى تعقيب انا مستنيكى
وكل سنة وانتى طيبة ورمضان كريم
ايه التشريد ده
براحه عليهم طيب
رمضان كريم وكل سنه وانتى طيبه والامه الاسلاميه بخير
سلااااااام
كشفت راسي ودعيت عليكي يا سمرااااااااااااااء روحي الهي ربنا يبلغك رمضان انتي يا بنتي التشرد ده جيباه منين متكنيش كنتي تلميذة عندي بس انا قسم علم نفس ولا ايه المهم يعني لقيت حد ماشاء الله بنافسني في التشرد والعيشة البلطجة ياحلاوة ياولاد وبعدين انا عاوزة اشوف صور خطوبتك بقى يالا سلام كفايا عليكي كده وقتك انتهى
كل سنه وانت طيبه
ربنا يتقبل منك صالح الاعمال اللهم امين
رمضان كريم
على فكرة انا هاخاف اقبالك لتعملى فيا كدة زيهم
خلينا بعيد احسن
معرفش أنا البت إللى غاوية تشريد لنفسها ولصحابها دى
وحشانى اخوية يا بنت الإيه
أخوية
آه
علشان طارق بس مش يفهم غلط
أحنا أخوات
أطول من رودى
يااااااااااااااه
دة يبقى طوووويل اوى بقة
عادى بقة
أودى بقة مش فاضى
ههههههههه
يعني البت جيبالك زباين
وتدربيهم وبردو مفيش فايده ياربي
انا حاسه ن مجمع التدوين كله
بيتمرن عندك ياانجي
ومش تعرفيهم لسه
هوا لسه في حد اساسا مش جه
بموت في خفه دمك ياانجي
كل سنه وانتي طيبه ورمضان كريم
السلام عليكم
اهلا يا سمراء ازيك يا قمر
وحشاني خالص
المهم ازكي هدعي معاكي الله يخربيتك يا ...( ولا بقولك ايه يا ىسمراء سامحيهم خلاص احنا داخليك على شهر مبارك والمسامح كريم )
المهم كل سنه و انتي طيبه يا قمر
سلام .
زيزي
هههههههه
ضحكتيني يا بنتي
على رأي المثل
ايه الدنيا الضيقة دي
كل سنة وانتي طيبة
ياه كل دي تشاريد
ايه ده يا بنتي
يعني انا كل مغيب واجي
الاقي حنفي بيتشتم
وفيه تشريدات
:D:D:D:D:D
كل سنه وانتي طيبة يا سمراااء
وكل رمضان وانتي طيبة
وكفايه تشريد في الناس
وسجده ليها عندك شهر اشتراك
مستنيين انها تقولنا انها اخذته
كل عام وانتي بخير
انا متاكدة انك احلى على الطبيعة
الصور بتظلم كثير
تحياتي
الله يخرب بيتك يا حنفي و يابدر
بس مين الاول حنفي ده
المهم
كل سنه و انتو طيبين
وان شاء الله السنه اللي جايه تكوني في بيت العدل ( طارق ) طبعا
يمكن اجي ازوركم و اجيب معايا جاتوه و حلويات علشان اكلهم لاني عارف انك بخيله جدا
حلوه قوي التشريده دي يا بخيله
:P
اشوفكم علي خير بقا بعد رمضان
أختى الحبيبة
كـل رمضان وانتى بخير وياااااارب يكون رمضان سعيد عليكى ويكون فيه الخير كله يااااااارب آمـــــــين
كل سنة وانتى طيبة
ربنا يوفقك انوووووج
تحياتى
لا يختشي انا مش هدعى على حد احنا داخلين على ايام مفترجة
كل سنة وانت طيبة يا انجى ويا رب اشوفك انت وطارق مع بعض زى الايام دى فى عمرة
كده تبتدوا بيها حياتكوا
ربنا يكرمكوا ان شاء الله ورمضان كريم :]
السلام عليكم
كل عام وانت بخير
ياسمرااااااا
اولا كده عايزه اقولك انتى واحشانى اوووووووووووووووووى بجد
بقالى فتره منفضه للدنيا باللى فيها و النت
و مدخلتش عندك
بجد وحشتينىىىىىىىىىىىى
ثانيا بقى عايزه اقولك ان
المدونه اللى اسمها ريرى
تبقى ريهام مش رحاب
البنت در حبيبى حبيبى بغباااااااااااااء و نفسى بقى اقابلها فى الجامعه تانى و لو حتى بالصدفه
ههههههههه
خير خير
الموضوع المهم
بطلى تشريد بقى للبشر لحسن انتى كده خلاص يعنى
المره الجايه هتلاقيهم هما اللى بيشردولك
اه و الله
حاسبى على نفسك
و ايوا يا عم بتدربى 4 مدونات
ما شاء الله عليكى بجد
ربنا يزيد و يبارك
هههههههههه
كل سنه و انتى طيبه يا قمر
و كل انه و انتى و طارق مع بعض و مبسوطين يااااااااارب
صحيح يا سمرا
ابقى سلميلى على حنفى
هههههههههههه
رمضان كريم و كل سنه و أنتي طيبه و كفايه فضايح بقي يا كابتن انجي...أنتي شردتي للناس كلها..مش ناقص غير تحكي حكايه مايكل لما تاه
:)
تحياتي لكي
yakhti ro7t ashoofek fe ( el kalam riz2) 3alasham alo 3aliki 7elwa I found nothing. Yemkn shalha wa khaf 3aliki men el 7asad
كل سنه وانت طيبه يا انجى
رمضان كريم
و ان شاء الله تكونى من عتقاء الشهر الكريم
ربنا يتقبل منا
كل سنة وانت طيبة
يااااانهااااااار فضاااايح
ماشي ماااااشي يا إنجي
ربنا يخدك ياحنننفىىىىىىىىى
أقولك إيه بس
يامين يناولني بيكي عشان أعضك
أنا عرفت انتي كتبتي التدوينة دي في الوقت ده ليه
كل ده عشان مش هنشوفك غير بعد رمضان
فكتبتيها عشان خايفة على حياتك..
بصي بقى يا أنوجي
أنتي مدربتي وبقولك يا كابتن
لكن طااالما دخلنا في التشريد
يبقى نفتح في التشريد وننحي الألقاب جانبًا
يا جماحة يسرني أنا أعلن لكم..
هذا البيان العاجل
وهو أن
سمراء النيل لم تعد سمراء النيل
وإنما تم تغيير لقبها إلى ((سمراء بركة المية اللي قدام بيتهم))
وذلك لأنها.. أخطأت خطأ فادح وفظييع موووت موووت موووت
وهو أنها
أنها
أنها
أنها
أنها...
أنها إيه؟؟؟
أه أفتكرت
كانت عاملة زي الكتكوت المبلول امبارح وعمالة تتك تك من البرد أمبارح
وقاعدة على الكرسي ومش راضية تنزل
عشان المية ساقعة!!!!!!!!!!!!!!!
يااااادي الفضايح ياااااااادي الفضايح
كفاية كدة فضايح
واقفلي السوستة اللي في بقك
عشان لو على التشريد أنا عندي منه كتيييير
وكل سنة وأنتي طيبة ياسمراء البركة
بحبك في الله ياإنجي بجد
ومتنسينيش من دعائك في رمضان
طبعًا كل ده هزار.. قبلاتي
قبل الدعاء في سؤال
يعني اية مدربة سباحة؟
وقبل متضربي عاوز اقولك انا احنا في اسكندرية معندناش الوظيفة دي
عندنا الموضوع اسهل من كدة
احنا بنجيب الاطفال ونرميهم في البحر
الي يعرف يعوم ويطلع ياخد الجنسية الاسكندرانية
الي ميطلعش الله يرحوا بقا
:)
كل سنة و انت و طارق طيبين
عزيزتى
كل سنة وأنتى طيبة
بجد انتى قلبك طيب
بقه تجيلك برجليها وقالت عليكى انتى وحشة وتعديها كده
مفيش اى فليم رعب تعملهولها
ولا اى حركة غرق اونطة
بس سيبك انتى انتى عسل وقمر
وكمان ياما الصور والشكل بيداره بلاوى
سلام
تاني تشريدة ولابد منها برضه
ان يا جماعه صاحب البوابة مش طلع صاحب البوابة
لالالا
دة البوابة نفسه
دة طلع طوييييييييييل اوي
طلع اطول من البت رودي
وانا فاكراه كبير في السن وكل شوية حضرتك وسيادتك واستاذ وحركات
وطلعت انا اكبر منه
وبصراحة مش يبان عليه انه مثقف
----------------
حاااااااااااضر يا إنجي
بس لما اشوفك
ان ما وريتك النجوم في عز الضهر
بقى أنا البوابة نفسها
الله يرحم لما كنتي بتكلمينى وتقولي بين كل كلمة والتانية سيادتك وحضرتك
وكل كام دقيقة تقوليلي يا استاذ
فعلا الله يرحمها الايام دي
ههههههههههههه
وعلى فكرة الطول هيبة خاصة عند الشباب ياقصييييييييييرة
ههههههههههههه
ثانياً : هو لازم عشان يبان عليا اني مثقف اني البس مبهدل واستايل قديم واسرح شعري على جنب
ههههههههههههه
كوني اني بلبس جينز وتي شيرتات واحط جيل على شعري يؤكد أن الامر ليس بالمظهر يا هااااااااااانم
ولا انتي لسه عايشة ايام المثقفين بتوع يوسف بك وهبي ؟؟؟
هههههههههههههه
فعلاً نظرة تنم عن ضآلة وإضمحلال التفكير المتقولب الغير منهجي
( ايه رأيك في الكلمتين دول ؟؟؟ بذمتك مش مثقف )
هههههههههههه
بس لما أشوفك يا صاحبة اللسان الاطول منك بكثيييييير
هدبحك يعني هدبحك
-----------
سلميلي على طارق كتير وقوليله اني هدبح خطيبته قريب جداً
رمضان كريم
يادي التشريد اللي انت فيه انتي مش ناوية تقصري لسانك ده شوية
اخرتك وحشة مع الناس اللى بتشرديهم دول كل سنة وانتي طيبة وانشالله رمضان يعود عليكي وعلينا بالخير والثواب
ورمضان اللى جاي تكوني في بيت طارق ونخلص بئه من لسانك ده
ربنا يوفقك دايماً يا قمر
وحشتيني موووووووووت
موني
المعلمه انجى فضايح
رويترز المدونين
يا جدعان البنت دى بتفضح اى حد صاحبها ولا ..ايه يا معلمه
فضحتى الناس
وبيتعلموا عووووووووم هاااااااااا
ماششششششششششى يا ابو الكباتن
...............
على فكرة انا مع سجدة فى كلامها
هى من حقها الجايزة
ولازم سجدة تنافسك
بالغيظه فيكى
.............
الله يخربيتك يا حنفى انت وبدر
ليه كده تحرمنى من انوووووج
بت
تعالى عندى اقرى الحوار
انتى مبتجيش من زمان
كل سنة وانتى طيبه يا ابو الكباتن
وسلملى على طارق
:d
سلامات واحضان وقبلات
الله يخرب بيتك ياحنفى
الله يخرب بيتك ياحنفى
وشركات النت اللى فى مصر كلها
عشان قرفونا بجد
ايه التشريد الجامد دة ياانجى ، انتى على طول كدة مابتستريش على حد
نفسى اشوفك اوى ياانجى بجد
كل سنة وانتى طيبة ياقمر
ورمضان كريم
السلام عليكم
ازيك ياانجى
كل سنة وانتى طيبة
ورمضان كريم
وربنا يرجعلك النت بالسلامة ان شاء الله
على خييير
وترجعى بالسلامة ان شاء الله وكل سنة وانتى طيبة ياسمراء
اولا يخرب بيتك يا حنفى
ثانيا بقا ايه الاجتماع التدوينى النسائى الصيفى السباحى الى انتى عملتيه دة يا انجى .. وبعدين انتى ازاى مش مشهورة فى الواقع نفس شهرتك فى الفضاء البلوجرى ؟ دة انا بحسب انك كاتبه فى البطاقه فى خانه المهنه مدونه .. اتاريكى طلعتى مش مهتمه بالجانب الاعلامى خالص
رمضان كريم عليكى وعلى زوار مدونتك
ههههههههههههههههههههههه
الفيلم يا قمر لسه مقصر فيك
عموما نصك الحلو هو ألى شار الشوره دى
بس بنتى هى ألى دبستكو
هههههههههههههههههه
و اللهى كان فيلم قشطه
حتى ده كومدى من العيار التقيييييييل
أسألى صاحب الظل الطويل
أقصد صاحب البوابه
كل سنة وانت طيبة
رمضان كريم
كل سنة وانتى طيبة يا انجى
ورمضان كرييييييييييييييم
واعذرينى كل الفترة دى عشان طالع عينى
والسلام........
كل سنة وانت طيبة يا انوووجي
بس ايه الفضايح ديه يا بنتي ؟؟
لا يحتاج الانسان الى وقت طويل لكى يكتشف كم انتى جميله
بالمنطق فقط سيكتشف جمال شخصيتك من التفاف الناس حولك وكثرة محبينك وشعبية مدونتك
وعندما يقرأ كلامك يعرف ايضا سماتك الجميله وصفاتك المتفرده
ويرى (تطرفك) الرائع
التطرف الوحيد الذى جعل التطرف جميلا
فاعتقد ان كل صفه فيكى وكل شعور لديكى وكل مود ينتابك هو فى حالته القصوى
تحبين بشده وتخلصين بقوة وتعملين بتفانى وتصادقين باخلاص وتقاتلين بضراوة
انتى جميله جدا يا انجى
وانت جميل جدا ومحظوظ جدا يا طارق
وكل سنه وانتم طيبين
رمضاان كرييييييييم
كل سنة وانتى طيبة
حاى اغيظك بقى
النت عندى وصصصصصصصصصصصصصصصصصصصصصصصصل
هييييييييييييييييييييييييييييه
هاتى فانووس بقى :p
كل سنة وانت طيبه
ورمضان كريم
هرجع تاني عشان أعلق علي الموضوع ان شاء الله (:
هاى انجى
كل سنة وانتى طيبة
كل سنة وانتم بخير
كل سنة وانتم بخير
أقوى تعليق قريته عن صاحب ابوابة
انه البوابة نفسها
وده نفس الانطباع اى جالى يوم ما شفته
وكنت فكاره عنده خمسة وأربعين سنة
ومحمد مفيد كنت فاكره رئيس تحرير مثلا
بس الحق يتقال
ان البوابة مثقفة قوووووووى
كل ما يقاب حد الحسينى يفضحه ويشردله
ماتبقاشتظره تانى يا عم الحاج
وكل عام وحضراتكم بخير
كـل سنه وانتى طيبه
ياااااااااااااااا مجرمه
:D :D :D
كل سنه و انتي طيبه
الله يخرب بيتك يا حنفي
صباح جميل بيكي يا انجي
تسلم ايدك وتسلم خفه دمك
بوست لذيذ اوي
كل سنة وانتي طيبة
رمضان كريم
محمد سمير
ههههههههههههههههههههههههه
امين يا ستي حلو كده
انا بقى كل ما بقعد في مكان
بيتهيالي ان كل الي حواليا مدونين ومدونات
ههههههههههههههههه
هسهس مش كده
لكي كل التحيه وكل سنه وانتي طيبه
كل سنه وانت طيبه ياسمراء
فى هذا الشهر الكريم ندعو الله ان يديم عليكم وعليناالصحة والعافيه وان شاء الله تكونى فى عش الزوجيه العام القادم
لكى تحياتى وشكرا لسؤالكم عنا
السلام عليكم
كل سنه وانتى طيبه يا انجى وكلنا الى الله اقرب
ورمضان كريم
ويارب السنه الجايه تبقى أنتى وطارق فى بيت واحد وعايشين أجمل حياه ان شاء الله
بس ايه الفضايح دى ههههههه
ان شاء الله يجى منهم ويتعلموا فى الاخر
طالما مع مدربه زيك اكيد
رمضان كريم
تحياتى
سيبى حنفى فى حاله
حرام عليكى بقى
ده انا كنت ناوى اسمى ابنى حنفى كده هغير الاسم
ياله بقى
كل سنة وانتى طيبة و رمضان كريم
looooooool
kol san wea nty tayba anty we tarek ya raab
كل سنة وانتي طيبة
رمضان كريم
كلمونى عن مدونتك كتير
قلت أزورك
وأول زيارة حبيت أقولك
رمضان كريم
وكل سنة وانتى طيبة
رمضان كريم يا سمرا
كل سنة و انتى طيبة
يا صبااااااح التشريييييييييد
على يدى موضوع سجدة دا
البنات يا عينى هيموتوا انجى ناقصة عمر
الله يكون فى عونك يا انجى
بس الشهادة لله سجدة شطورة وبتعرف تعوم
انا شفتها بعنيا دووووووووول
انا صايمة مش هكدب يعنى
وبعدين كل شويه انجى تقولها خدى فلانة علميها
وروحى يا فلانة لسجدة تعلمك
بس ايه كلام سجدة دا
بقى انجى عروسة وحشة؟؟؟
طب سيبونى عليها بقى
انا هموتك يا سجدة
واخلى انجى تزقك فى المية زى ما بتعمل مع البنات
سلام يا كابتن انجىىىىى
كل سنة وانتى طيبة يا باشا
وبالنسبة للشغل انا جيبة لك صفقة حلوة اوى
خمس انفار مرة واحدة ماشاء الله عاوزين يغرقوا
قصدى يعنى يدربوا
سلام يا انووووج
نبأ هاااااام
هبه اختي هتنشر اول كتاب ليها في الأسواق يا ناس
والمفاجأه ان الكتاب هو السلسله اللي كانت بتنشرها في مجلة بص وطل
يوميات اتنين مخطوبين "عمر و ساره"
الموقع بتاع بص وطل نشر الخبر وحاطين الصوره وهي بتمضي العقد
استعدوا عشان تشتروا الكتاب
اهم حاجه ان الكتاب فيه بس اللي هي كتبته مش اللي الناس كتبوه
لأن الفكره ناس حاولت تستغلها وتكتب فيها اللي على مزاجهم
صدقوني هتعجبكم قوي
وممكن تقرأو ا الأجزاء الأولى من ارشيف مجلة بص وطل
والحاضر يعلم الغايب والغايب يسأل الحاضر
سلاااااااااااااااااااااااااام
يعني انتي مدربة سباحه وفي الحقيقه احلى من الصور وبتدربي المدونين
جميل معلومات مفيده
عشان ابلغ عنكم كلكم
خههههههههههههههههه
جميل ان يكون النت وسيله للتعارف
طيتم
و كل عام و انتم بخير
رمضان كريم يا أنجى
وحشانى جدآ
يعنى بتدربى المدونين وأنا بغرق فى البانيو بتاع البيت
و كمان قابلتى مدونين
أنا قابلت شهروزه وتوته
أما ربة السيف والقلم دى من أوائل المدونات اللى قريتلهم وأتبهرت من أسلوبها فى الكتابه
فعلآ الدنيا دى صغيره
تحياتى لبكى ولكل الموجدين عندك
سلاموز يا جميل
أولا سلامى وتحياتى
ثانيا كل سنة وانتى طيبة بمناسبة رمضان
ثالثا - لو سمحتى انا بجد بجد نفسى اتعلم اعوم لانى مش بعرف وبصراحة انا حابه قوى انى اتعلم بس معرفشى حد فلو تقدرى فعلا تساعدينى فى الموضوع ده ياريت
لو معندكيش مانع انا ايميلى hebacanon@hotmail.com
هستنى منك رد ونكون على اتصال
اشكرك مقدما
على فكرة حلو قوى نظام التشريد اللى انتو عاملين لبعض ده - ده انتو مصايب
تحياتى
هبة
كل سنه وانتى طيبه يا انوجه ورمضان كريم ولو انك معنتش بتعبريني خالص ومنفضالي تنفيضه العيد
يلا بقى اللى على على
عقبالنا يارب زيك
رمضان كريم
أسأل الله لكم فى شهر رمضان حسنات تتكاثر وذنوب تتناثر وهموم تتطاير وأن يجعل بسمتكم سعادة وصمتكم عبادة وخاتمتكم شهادة ورزقكم فى زيادة..أدعو الله أن يتقبل منا و منكم الصيام و القيام وصالح الأعمال
حلو البوست ده
عايزين نتعرف على بعض اكتر كمدونين
والسلام
إنجى
واللة لك وحشة كبيييييييييييييرة
عاملة إية فى الرسالة بتاعتك
واللة أنا نفسى أساعد بس إنتى اللى مختفية
ومش فاهم إنتى عايزة إية بالظبط ....
أيوا ياعم بقيتى مدربة سباحة قد الدنيا
عقبالى أنا كمان أما أتعلم العوم كويس
يالهوي علي الفضايح
دا احنا في رمضان حتي
معلش استري عليهم يا بنتي
بقولك ايه ياانجي
ممكن اتخانق معاكي عشان انتي مختفيه بقالك كتير عني ودا مش اسلوب ابدا
ولا فيه كل سنه وانتي طيبه يا جيجي ولا حاجه
دا احنا اسمنا فيه جيم زي بعض يعني
عموما يا ستي
كل رمضان وانتي بالف خير ويارب رمضان الي جاي تبقي باحسن حالو وصحه وسعاده مع كل من تحبيهم
تحياتي يا قمر
يا نهار ابيض علي التسييح ...
مش ممكن يا بنتي ايه الفضايح دي
عامة عادي .. بس بيني و بينك كانت ايام عسولة اوي
اشوفك علي خير بقي قريب ...
بس موضوع السباحة دا اثبت ان المدونين كلهم ليهم نفس الاطار الاساسي للفكر
كلمتين في الجامد كدا
كل عام و انت كيبة بمناسبة رمضان و يعيد عليكي الايام بخير ان شاء الله
ههههههههه
لأ بجد مش ممكن
ربنا يسامحك ياحنفي
بس ده انتي فضحتي البنات علي الأخر
ربنا يكرمك ياانجي ويسعدك يارب(:
ربنا يباركلك انت و طارق يا سمرا
رمضان كريم
كل سنة وانتى طيبة
ايه بس السياح العلنى ده
واضح جدا ان انتوا بقيتوا اصحاب زياده عن اللزوم
انا مش بحسد
انا بنق بس
هههه
و يتحقق الوعد الوعيد و يتلاقى الحبيبين بعد ان ظنا كل الظن اللا تلاقيا
و ما محبه الى بعد عداوه
تحياتى و كل سنه و انتوا طيبين
انوج
مش عارفه اقولك ايه
كل سنه وانتي طيبه
:)
وربنا يوفقك يارب فرحتني انك لسه فكراني
معلش يا جماعة انا بعتذر بالنيابة عن انجى انها مش قادرة ترد على الكومنتات الجميلة دى لان النت فاصل عندها حتى البوست دة كانت كاتباه من سايبر .
كل سنة وانتم كلكم طيبين ورمضان كريم عليكم جميعا.
السلام عليكم
انا ليا تشريدات كتير
بس مرة تانية بقى ان شاء الله
كل سنة وانتى طيبة يا أنوج
وكويس انك دايما بتقدمى لنا مدونين ومدونات ما كناش عارفينهم
انت دليل التدوين يا انجى
تحياتى لك ولطارق
مممممممممم
ولا تزعلي نفسك
الله يخرب بيتك ياحنفي الله يخرب بيتك يا حنفي
اللهم اني صائم بقي
كل سنة وانتي طيبة ويعود علي كي الايام بخير
المهم يعني انتي مدربة سباحة شاطرة ولا ايه الوضع؟؟؟؟
يلا سلام
فينك
very nice a blog.:)
اموت واعرف حنفي ده عملك ايه عشان تخلقي مخاليق ربنا دول كلهم يخشو يدعوا عليه واول ميقروا البوست يروح فقعين دعوة من الي انتي كاتباهم كل مرة ابقى عايزة اتخطى الجملة الاقيها في وشي
إلا صحيح .. هوا عمل إيه؟؟
كل سنة وانتي عسل
رمضان كريم يانوجا
روحك حلوة اوى....
مع انى اول مرة ادخل هنا..
بس بجد بوست التشريد دا شجعنى اقرأ 3 بوستات كمان .....
الا صحيح ...
هو انا لو جيت ادرب...ممكن تعمليل ديسكاوند....
الكل طمع فيكى على فكرة بسبب موضوع الجوايز دا....
ومضان كريم
يا اخوااننا
انا عندى حفلة
اه و الله حفلة
لا و مش اي حفلة
انا هاغنى مع ايامنا الحلوة
المرة دى كعضو في الفرقة
عارفين هاغني ايه
انا هاغنى تلات سلامات
و هانغنى الليلة الكبيرة
و اغاني تانية
يا جماعة
انا مستنيكم كلكم تيجوا تنورونا في مسرح البالون بالعجوزة ان شاء الله يوم الجمعة الجاية الساعة 8و نص مساءا
ايه الاشتغاله دي
بس والله كويس العالم الافتراضي بيقرب علي العالم الواقعي اهوه
اكيد حاجه لذيذه
بس موتيني من الضحك علي موضوع الصورة
ايييييييون كدا خليك واثقن من نفسك
بجد وحشتيني واسفه علي الغيبة الطويله كل عام وانت خيره
مدونة وايد حلوة وحلو التشريد مالك
زورنى فى مدونتى www.hayat.maktoobblog.com
بدون تشريد
كل عام وانتى بخير
بس هو مين حنفى
فى الحقيقه انا تقريبا دخلت هنا زمان بس مش فاكر علقت ولا لأ المهم انا محتاج اتعلم سباحه فعلا بجد
بس طبعا مش حضرتك اللى تعلمينى انا عايز واحد مدرب
وياريت يكون مكان رخيص يعنى ياخد منى خمسين جنيه ويعملنى السباحه ب3 طرق
بالنسبه لصاحب البوابه انا كنت عارف انه مش كبير اوى فى السن بس مكنتش متخيل شكله لغاية ما شفته
بس اظاهر حضرتك قصيره جدا
ابقى عرفينى بقى اتدرب فين
وكل عام وانت طيبه
سلام عليكم
رمضان كريم
دى أول زيارة بس عجبنى صراحتك وخفة دمك
طبعا هضيفك ومش هقدر أقاوم
مستنى تزورينى وتضيفينى
سلام
بس ايه خفةالدم دى
وبعدين احنا فى رمضان والمسامح كريم
وارحمى حنفى
مش حمل كل الدعوات دى
بس أنا مستغرب ليه مفيش Cbox
اول مرة ادخل على البلوج
والقي كم التشريد دا
دا انا وانا بقرأ التشريد
خفت اكون من ضمن اللى اتشردلهم
لانك مشاء الله جايبه واحد واحد
لا بجد بوست أكثر من رأئع
أتمني ان تزورونا في مجلتنا و تقولولنا رأيكم بجد
Trateesh Kalam
خبر عــــاجل
ألف ألف مبروك
تم فجر يوم الثلاثاء 2 أكتوبر 2007 م الافراج عن شيخ المجاهدين أبو الفتوح شوشة 86 عاماً
ومما هو جدير بالذكر أن الإفراج لم يتم إلا بعد تدهور حالة الشيخ الصحية تدهوراً خطيراً
بعد إصابته بجلطة قلبية مفاجئة وهو قيد الإعتقال في محبسه
جعله الله في ميزان حسناتك يا شيخي العزيز
------------
جاري التحديث
ألوووووووووووووو
w7stny elblogat awy we ealbloggers wlahy
belzat ur blog...kl sana wenty tyba ya engy...we atmna tkony bkheer
ana rg3t aho we elblogat htnwr...lol
tashrid tashid y3ni :D
kol sana w enty tayeba ya gamilaaa
m3lsh ana late :(
استاذة
لو سمحتى شيلى التعليق ده بتاع
Pictures of muhammed cartoon contest
عيب اوى الرسول بتاعنا يتقال عليه كدة ونسكت ونطنش ونقعد نتكلم عن حنفى وزعبولة
لو سمحتى شيلى التعليق والا عن نفسى مش هدخل المدونة دى تانى
ولا احنا بنغضب لنفسنا ومش بنغضب لديننا
شكرا لاستجابتك السريعة
تحياتى
بندحرج التماسي
السلام عليكم
اللهم رد كل غائب
أنت فين
مش معاكي فلوس تدفعي إشتراك النت و لا أية؟
أنا آسف طبعا
لو قولتلك مبروك ع الخطوبة
لأنها متأخرة طحن
بس ع العموم هو الغياب
اللي بيصبني
بالشلل والذهان
مبروك تاني
تحياتي
الا عدم الامؤاخذه يعني رمضان هيخلص وحضرتك لسه مجبتيش العوده اللي قلتي انها هتكون اول رمضان دي
الله يخرب بيتك ياحنفي انت والواد بدر اذا كنتم انتم السبب
سلاااااااااااااااااااام
انا كنت بعيد عن التدوين حبة بس معلش انا رجعت تاني
هههههههههههههه
ايه يا بت الفضايح دى
اللهم احفظناااااااا
انا جيتلك فى رمضان اه الحمد لله
يعنى لسانك يتلم بقى
هااااااااا
:D
وحشانى يا بنت الايه
رمضاان كرييييم
كل سنة وانتى طيبة يا عسل
:)
مهند
وعليكم السلام والرحمة
ازيك يا مهد
وانت طيب يا مهند
يارب يسمع منك
اخدت بالي بس مش للدرجة دي برضه
________________________
مهند تاني
لا والله دة بالصدفة لقيتها علي النت وقلتلها خشي شوفي البوست الجديد
يعني دي منافسة شريفة
مهند تاني ومش ورايا غيرك ولا ايه
يا سيدي ادعي ماهما كلم واحد
حسبي الله ونعم الوكيل
يا ابني جايزة مين
انت بتصدق
___________________________
ريموووو
هو انا انساه يا ريمو
اوعي تصدقي اي حاجة
انا بقولك اهو
وانتي طيبة يا قمرة
وحشاني اوي
ايه الطمع دة يا ريم
عبد الله
ههههههههههههههههههه
وانت طيب وبالصحة واسلامة يا عبد الله
______________________
زا جروم
هههههههههههههههه كان زماني شهرتك دلوقتي مانت عارفني
بس ما شاء الله عليك
انت اصلا امور
ربنا يتقبل منك يارب
محمد مفيد
وعليك السلام
ازيك يا محمد
هي فعلا صدفة غريبة
ههههههههههههههه
بيقولي وبيحيكيلي
وبرضه مطلع عيني علي فكرة
وانت طيب وبالصحة والسلامة يارب
ربنا يتقبل منك
__________________________
احمد الصباغ
ههههههههههههههه لا انت دخلت صح بس المايا جت عليك
شاي ايه بس يا احمد
دي ناس مش ينفع معاهم غير مايا نار
اي حاجة تانية غير دي
انا عارفاهم
وانت طيب يا قمر
صايمة زي كل سنة
كفراوي
ههههههههههههههههههه
طبعا لا
كل سنة وانت طيب
__________________
ميراج
طبعا مش ابقي سمرا لو مش عملت كدة
انا قريت كومنتك لا تعيقب علي بعد كلامك
انا مش كنت عايزة تعقيب انا بس حبيت الفت نظرك
وانت طيب
حسام مراد
لا طبعا مش براحة
دة انا كدة كنت رحيمة معاهم
وانت بالصحة والسلامة
__________________________
true love
ههههههههههههههههههههه امين
ههههههههههههههههه
لا مش تخافي انا في التشريد والفضايح مش عايزة توصية
يا بنتي سلامة النظر انزلي لتحت شوية وهتلاقي صور خطوبيتي في المدونة
ههههههههههههههههههه
رفقة عمر
وانتي طيبة يا رفقتي
لا طبعا انتي عارفة ان انتي حاجة تانية خالص
لا اكيد ربنا ان شاء الله هيجمعنا في الخير
_________________________
اودي
هههههههههههههههههههه
الله يخربيتك يا اودي
اخوية ايه بقي
وانت من امتي كنت فاضي
مي
ههههههههههههههههه انا قعدت فترة فاكرة كدة برضه
بقيت اشك في كل واحدة جاية
اقولها مدونة تقولي نعم؟؟؟
اقولها لا ابدا مش في اي حاجة
وانتي طيبة يا قمرة
__________________________
meekness
وعليكم السلام
ازيك انتي يا قمرة
اسامح ايه بس يا زيزي انتي مش عارفة الناس دي
دي تستاهل الحرق
وانتي طيبة يا حبيبتي
سلام
big code
ههههههههههههههههه عندك حق
ربنا يخليكو ليا يارب
________________________
زحل الفلكي
طبعا كل دي تشريدة
هههههههههههههههههه مانت اللي بتيجي علي سيرته اعملك ايه بقي
وانت طيب يا محمد
دي تكون نهايتها لو اتكلمت
ياسمينا
ربنا يخليكي يارب
وانتي يبة يا مينا يا قمرة
_________________________
مراغي
مش مهم تعرف مين حنفي المهم تدعي عليه
يسمع منك يا مراغي يارب
ههههههههههههه
لا والله مش بخليه بس انت تعالي بس
ان شاء الله
اماني
حبيبتي
وانتي بخير وبصحةيارب
يارب امين
________________________
تامر مبيل
وانتي طيب يا تامر
يا ابني طمني عليك
اسلام
لا متقي اوي يا واد
يارب يا اسلام يارب
الله اكرم
_________________________
ياقوت
وعليكم السلام ورحمة الله وبركاته
انت فين يا ياقووووووووووووووووت
كاتروز
تصدقي واحشاني اوي
انا بقي النت فاصل عندي مبرضه مش عارفة اي حاجة في اي حاجة خالص
يا بنتي في اتنين ريري اصلا
واحدة اسمها رحاب والتانية اسمها ريهامزي ما بتقولي
هههههههههههه
هنبتدي بقي لخبطة
ههههههههههههه
هتشردولي
هو اللي بعملوا في لناس هيطلع عليا ولا ايه
هنقر بقي
وانتي طيبة يا قمر
يارب
_________________________
كاتروز
ههههههههههههههه
اوعي تجبيلوا سيرته تاني
مايكل
هههههههههههههههههههههههههههههههه
مانا لو كنت افتكرت وانا بشرد كنت جبت سيرتك
الله اكرم يا قمر
__________________________
he and she
هههههههههههههههههههه ماهو شالها
بس لو عايزين تشوفهوها
هتلاقيها في مدونتي
مريم
وانتي طيبة يا مريوم
يارب ربنا يتقبل منا ومنكم
_______________________
ابو شنب
وانت بالصحة والسعادة
فقايقع كلام
ههههههههههههههههههههههه
عشان تعرفي بس اني مش اي حد
طبعا هو انا يا بت كنت مستغنية عن نفسي
بقي انا سمراء بركة المايا يا فقايقع
ما بلاش انتي
ههههههههههههههههههههه
يا بت المايا كانت اسقعه والدنيا برد
وانتي طيبة يا قمرتي
احبني الذي احبتني فيه
طبعا عارفة
_________________________
اسكندراني في الغربة
اه دة احنا هنتريق بقي
ههههههههههههههههههههه
في القاهرة بقي بنعلمهم السباحة عشان لما يجوا ويترموا في البحر يعرفوا يعوموا
هههههههههههه
وانت طيب يارب
احساس لسة حي
وانت طيب وبالصحة والسلامة
ااااااااااه شكلك بتهدي النفوس
هتقول لمين بقي
ربنا يخليك يارب
_________________________
صاحب البوابة
ههههههههههههههههههههه
ابقي قابلني بقي
هههههههههههههههههه كانت ايام
الطول اه بس مش للدرجة دي
يا ابني بس لاززم يبان عليك انك مثقف
ههههههههههههههههههههههههه
طبعا مثقف
تدبحني
هيسكتلك طارق اظن
دة يروح يك في داهية
انيما
الله اكرم يا قمرة
________________________
بحاول اكون
ههههههههههههههههههههه
ماتي عارفة ان لساني طويل خلقة
وانتي طيبة يا قمرة
تفتكري هتخلصي برضه من لساني
وانتي كمان وحشان اوووووووووووووووووووووي
شيماء الجيزي
هههههههههههههههههههههه
يا بنتي مش ابقي انا لومش علت كدة
طبعا يا بنتي هو انا شوية في ابلد ولا ايه
حتي انتي يا شيماء
مانتي مش شفتيها وهي بتعوم
لو كنتي شوفتيها مش كنتي قلتي كدة
شوفتي بقي
يا بنتي اصل النت عندي وحش اوي
وانتي طيبة يا قمر
___________________________
اميرة ويلز
ايوة كدة
احبك وانتي تتافعلي معايا
عيب عليكي مش ابقي انجي
وانا كمان بجد
بس ان شاء الله بعد العيد
وانتي طيبة يا حبيبتي
عاشقة الوطن
وعليكم السلام
زيك يا قمرة
ربنا يخليكي يا حببيتي
وانتي طيبة يا عاشقة
___________________________
محمد حمدي
ايوة كدة اديني اكتر
مش انا الي عملته
دة هو اللي اتعمل لوحده
يا ابني انا في الواقع مش اسوي حاجة
هههههههههههههههههه
ياريت كان ينفع
الله اكرم
في القلب
طبعا هو انا انساه برضه
طب شوفتي بقي ان بنتك هي السبب
ههههههههههههههههههه
مش قادرة انسي ضحكة مصطفي بعد ما الفيلم خلص
_________________________
سمسم
وانت طيب يا سمم والله اكرم
زا ايجلز
سلامة عينك يا هوبا
وانت طيب
والله اكرم
عاذراك
_________________________
نوران
وانتي طيبة يا نوران
يا بنتي دي اقل حاجة عندي
ههههههههههههههههههه
هارملس
بجد يا هارم مش بلاقي كلام اقوله ليك ولا رد علي كلامك الحلو دة
بحس ان انت دماغك اعلي من اي رد ممكن ارد بيه عليك
انت اللي جميل اوي يا هارم بجد
وجدع اووووووووي
انا برضه بقول لطارق كدة ان انت محظرظ
ههههههههههههههه
وانت بالصحة واسلامة يارب
__________________________
سفاح كرموز
الله اكرم
وانت طيب يا سفحفح
الله اداك يدينا
انت اللي تجيب مش انا
اسراء
وانتي طيبةيا قمرة
اهو رمضان خلص وانتي لسة مش جيتي
__________________________
شمعي اسعد
هايات كتير يا شمعي
وانت طيب يا قمر
عصفور بلا اجنحة
وانت بالصحة والسلامة يارب
__________________________
منذر
ههههههههههههههههههه
شفت يعني مش انا لوحدي
بجد سعيدة جدا بزيارتك ليا يا منذر وياريت تنورني علي طول
فوكيرة
ههههههههههههههههههه
وانتي طيبة يا قمرة
_________________________
ذو النون المصري
وانت طيب يارب
غمض عنيك
اااااااااااااااااامين
ازيك يا محمد
تسلم انت يارب
وانت طيب يارب
__________________________
اسكندراني اوي
ايوة كدة حلو
ههههههههههههههههههه مانا بقيت كدة حضرتك مش بروح في حتةالا وانا ببص ورايا واقول يمكن الاقي مدونين
جمال
وانت طيب يا جمال
فينك من مدة
تقبل الله منا ومنكم يارب
___________________________
حياة الاحلام
وانتي طيبة يا قمرة
يارب يسمع من بقك ربنا
ههههههههههههههههه دي اقل حاجة عندي
هما لسة هيجي منهم
يا بنتي هو انا شوية في البلد ولا ايه
دة خلاص جم منهم
الله اكرم
بيجاسوس المصري
اسيبه دة انا وراه والزمن طويل
هههههههههههههههههههه
اه وتبقي ميزو ابو حنفي
وانت طيب يا جميل
_________________________
احمد
وانت طيب يا احمد يارب
سندباد
وانت طيب وبالصحة والسلامة يارب
___________________________
احمد كمال حسان
يا تري مين بقي اللي كلمك عني كتير
وطبعا دة شرف ليا انك تيجي تزورني
ياريت تتكرر تاني
والله اكرم
القهوجي
الله اكرم
بجد واحشني اوي
وانت طيب يارب
___________________________
حدوتة
عيب عليكي
هههههههههههههههههههه
عشان تعرفي انا بستحمل اد ايه بس
هههههههههههههههههههههه
طبعا كنت بوديهم لسجدة عشان اخلص منهم
شوفتي اتصرفي انتي بقي يا مها
هاتي البضاعه طيب
سلام
الشنكوتي الكبير
طب قولي وحشاني يا سمرا
فينك من زمان يا سمرمر
كدة يعني
عامة مبروك لهبه وربنا يقدرني واجيب كتابها
___________________________
الشنكوتي الكبير
هههههههههههههههههههه انت عايز تخلص مننا ولا ايه
________________________
ابو مفراح
وانت طيب وبالصحة والسلامة يارب
الاميرة اوساااااااااااا
رمضان كريم عليكي يا اوسة
والله وانتي كمان وحشاني اوي
ربة السيف والقلم من الناس اللي تحبي تشوفي شقاوتهم
انا شوفت توتةبرضه بس مش صادفت اني اقابل شهروزة
سلام يا جميلة ومش تغيبي كدة تاني
__________________________
دوبا
وانتي طيبة يا قمرة
اكيد طبعا ربنا يقدرني واساعدك
عامة انا ضفتك خلاص ومستيناكي اونلاين عشان نتفق
ههههههههههههههههههه ولسة لما تتعلمي بقي هوريكي الترشيد علي اصوبه
ان شاء الله
كلام نوعان
وانتي طيبة يا حبيبتي
لا والله ما اقصد انفضلك خالص
دة النت هو اللي منفضلي
يارب يا اختي يارب
___________________________
صرصارة
تقبل الله منا ومنكم صالح الدعاء
_____________________________
islamist bloke
عندك حق
ربنا يقدرنا بقي
قائد
يااااااااااااااه
انت فين يا ابو العيال
الرساله مش تجيبلي سيرتها
انا مختفية تعالي ارمي المعلوم وامشي
يارب
__________________________
جهينة
ههههههههههههههههههههههههههههههه
والله يا جي جي غصب عني
النت عامل عملته معايا ومش قادرة خالص اخش عند اي حد بس اوعدك اول ما يجي هظبطك
وانتي طيبة بس مش تتخانقي ولا تزعلي
شمس الدين
شوفتي بقي انا مش بحرمكم من حاجة ازاي
يسلملي كلامك
وانتي بالصحة والسلاة
__________________________
اسراء
لا تصدقي ان انتي جيتي
ربنا يخليكي يا اسراء يارب
___________________________
خالد منصور
ربنا يخليك يا خالد يارب ويباركلك في نهي والولد التاني اللي بقي مطنش
السلام عليكم
كل عام وانتم بخير وإعاد الله عليكم الشهر الكريم بالخير واليمن والبركات
وجعل ايامكم كلها اعياد وافراح اللهم أمين
تحياتي
السلام عليكم
نسيت اقولك مبروك رجوع النت
ولا انتي شغاله علي الموبيل ولا ايه؟
وبتضحكي علينا وتقولي جايزه
ومستكتره اكتب تلات تعليقات ورا بعض
دا انا معودك علي كده حتي
طويب
سلاموز بقي
راسبوتين
الله اكرم يا ايمن
ازيك وواحشني
__________________________
شريف غريب
اعمل ايه بس يا شريف
ههههههههههههههههههههههه
ايه يا عم الكلام دة
ايه دخلوا في البوست
المهم انت اخبارك ايه
محض روح
وانتي طيبة يا قمر ومش لازم تقولي حاجة انا عارفة اللي جواكي
يا بنتي علي طول فكراكي
بطلي عبط بقي
)________________________________
سهر
هههههههههههههه
وعليكم السلام الاول وليه مرة تانية قولي اللي عندك
عشان تكمل التشريدات
حبيب قلبي
انا بحبك اوووووووووووووي
ربنا يخليك ليا يارب
وتعيش ليا
مش عارفة اقولك ايه بجد يا نور عيني
كل يوم بيعدي عليا بحبك فيه اكتر واكتر
ربنا يجمعنا في الخير يارب يانور عيني
ياسمين
وانتي طيبة يا قمرتي
ربنا يخليكي مش اوي كدة يا مينا
_________________________
احمد عيسي
ايوة كدة المهم انك تدعي
وانت طيب يا احمد عيب عليك دة انا سمكة في المايا
___________________________
القمحاوي
دي قصة طويلة اوي يا علاء
بس النت كان فاصل بقاله شهر
mustafa senalp
thank u mustafa and thx for ur visit
___________________________
يوما
هههههههههههههههههههه
اولا يعد الشر عليكي من الموت
دة عمل مصايب يا بنتي
بس انتي ادعي ومش ليكي دعوة
وانتي سكرة يارب
الله اكرم يا حبيبتي
دندنا
وياريت مش تبقي اخر مرة بقي
طبعا انتي بس تعالي ومش ليكي اي دعوى
طول عمر الناس طمعانة فيا بس دة بعدهم
ياريت بقيتنورني بزياراتك علي طول
___________________________
علي الالفي
اسفة يا علي اني مش قدرت اني اجي بس والله كان غصب عني خالص
اسفة مرة تانية والله بس فعلا كان غصب عني
الخيط الرفيع
يااااااه يا بنتي انتي فينك بقالك فترة
شوفتي بقي
وانتي طيبة يا حبيتبي
__________________________
حياة
ربنا يخليكي
يارب
اكيد راح ازروك في مدونتك
منوراني يا حياة
حزين
وانت بالصحة واسلامة يارب
حنفي دةبقي حكايته حكاية
بالنسبة للسباحة بقي
المشكلة ان الولاد بيكسبوا اكتر مننا
وبياخدوا كتير اوي
بس لو لقيت حد حنين كدة شوية هقولك علي طول
هههههههههههههههههه
لا خالص انا طويلة بس الطول بتاعات الناس الطبيعية
ان شاء الله هقولك
__________________________
mseam
وعليكم السلام
الله اكرم
طبعا يشرفني انك تضيفني
اكيد ان شاء الله هزورك
ةاعمل بيه ايه
المهم استناني في الاسواق قريبا
ساسا
وان شاء الله مش هتكون اخر مرة
ههههههههههههههههههههه
انت لسة شفت حاجة
زرونا تجدوا ما يسركم
___________________________
محمد
ان شاء الله هزوركم واقرا الكلام
صاحب البوابة
الف مبروك يا مصطفي
وحسبي الله ونعم الوكيل في اللي جه عليه
__________________________
مايكل
الووووووووو
ايوة مين معايا
:)))
frozen love
وانت وحشتني اوي يا محمد
فينك يا حامد
وانت بالصحةوالسلامة يارب
عايزاك تنور تاني بقي
__________________________
اوما
طبعا هو احنا بنلعب
وانتي طيبة يا حبيبتي
ولا يهمك انا كمان لايت
احمد الصباغ
فيه ايه بس يا احمد
اولا انتلو اخدت بالك هتلاقيني مش بخش النت بقالي شهر وشوية اهو
واكيد مش هشوف اهانة واسكت واطنش
ولو اخدت بالك كمان انا قلت اني جاية اول يوم رمضان وادينا في الاخر ومش جيت يبقي تفهم ايه
وللعلم كمان ان انا مش اللي مسحت الكومنت
دة طارق لاني مش عارفة اخش عندي عشان امسحه
وبعدين ليه الافش
مش تعذر اخاك الاول
وانت فاكر اني هشوف اهانة ارسول واسكت يعني
وانا لا غضبت لنفسي ولا حاجة
بس صدقني مش كنت بعرف اخش اصلا
فالتمس لاخيك العذر قبل ان تحكم عليه
وشكرا يا احمد
وقلبك ابيض بقي
_____________________________
رامي
ياااااااااااه اخيرا رجعت تاني
نو فير
وعليكم السلام
اتريق
ما بلاش انت يا محمد
_________________________
محمد عز الدين
يا سيدي ولا يهمك
الله يبارك فيك
وعقبالك يا محمد
ولا يهمك
الله يبارك فيك تاني
الشنكوتي الكبير
وحياتك هما السبب
ادعي بقلب جامد بقي
___________________________
عيل شقي
حمد الله علي السلامة يا بطل
___________________________
زروديك
ههههههههههههههههههه مانت عارفني
هههههههههههههههه انت تعرف ان لساني ممكن يتلم
وانت كمان والله واحشني
وانت طيب يا سكر يا قمر
مهند
وعليكم السلام ورحمة الله وبركاته
ربنا يخليك يا مهند بس انت جاي تقولي الكلام دة بعد رمضان ولا دة بمناسبة العيد
_________________________
مهند تاني
وعليكم السلام
الله يبارك فيك
دة انت تقولي كفارة مش مبروك
موبيل ايه اللي اخش بيه علي النت يا راجل تف من بقك
احنا برضه بتوع الكلام دة
ههههههههههههههههه
يا معودني
هاى تالت مرة يا انجى
ما احنا ماورناش حاجة الا سمراء النيل بقى
اولا سورى لانى ما اخدتش بالى انك مش بتدخلى وانا زعلت عشان عارفك كويس وعارف انك بتتحمقى لو اى حاجة بتمس الدين
والمرة دى لقيتك مش محموقة فقلت ارمى عيدان كبريت
ثانيا مش تزعلى وهبعت لك حبة بسكويت وغريبة وبيتيفور على عنوان المدونة
بس ما تتقليش فى الاكل
احسن بدل ما تبقى مدربة سباحة
نلاقيكى جاية فى موسوعة جينس
وسلمى لنا على خطيبك
وكل سنة وانتى وجميع المدونين والمدونات الاحياء منهم والاموات انك ...طيبين وبخير
تحياتى
Post a Comment
<< Home