Thursday, October 25, 2007

فلتعذروني

ما تعودت علي الضعف
وما تعودت علي الخسارة
فقط كنت انا دائما اقف في وجه كل من يظلمني واخبره
برضه مش هتنتصر عليا
لكني كنت انا فقط
كنت وحيدة
اللي بيتجرح هو انا
واللي بيتالم هو انا برضه
لكن بمجرد دخول شخص في حياتي
مش مهم انا
طول عمري عايشة في نكد ومشاكل
مش مهم
لكن ان يصيبك ما يصيبني
ذاك ما لن احتمله
لن اخبرك باني عشت في دور المضحية التي تضحي بحبها من اجل سعادتك
ولن اخبرك باني اعشقك حتي الاذابة ولا اتحمل لحظة جرح تمسك
ولن اعيش في دور الباكية ولا الضعيفه لاخبرك كيف كان حالي دونك
لن افعل
فيعلم الله بماذا كنت افكر
كنت افكر فيك وحدك
تقدروا تقولوا لحظة وكنت عايزة اصرخ فيها
تقدروا تقولوا لحظة غباء لم يعهدها البشر من قبل
لكن كانت اكبر صدمتي لما لقيت مرات بابا بتزعق وبتغلط فيا وبتدعي عليا ادام بابا ومش اتكلم
ولا دافع عني
ولما طلبت منه يجيبلي حقي
لقيته بيكرر نفس كلامهها
ساعتها حسيت اني ورقة
خفت يصيبك اللي بيصيبني
خفت عليك منهم
اسفة ليك
واسفة لكل واحد قلق عليا
واسفة اني مش كنت برد علي اي تلفون خالص
واسفة اني مش بعلق علي اي كومنت
لاني اصلا مش موجودة في البيت
وعلي فكرة مش هقول العيل رجع
لان انتو عارفين اصلا اني عيلة
بس كنت محتاجة اصرخ
وابين المي للي كنت دايما بخفيه
واهي جت فيك يا طارق وجت فيكو انتو
اعذروني ارجوكم
انتظروني قريبا ان شاء الله

Labels:

72 Comments:

Blogger ولــــــــــو said...

الله اكبر
والله داخل ومستني الكلمتين دول
فعلا حاجه تفرح
ان تتحدي كل الظروف فده شئ رائع
حبك هو اللي باقيلك
هو حياتك الجايه
اللي فات فات والجاي اكيد احلى
متتصوريش انا فرحان دلوقت اد ايه
احساسي ماخنيش زي اخر مره دخلت عندك فيها
بالتوفيق

Thu Oct 25, 12:54:00 PM GMT+2  
Anonymous reham said...

حمدالله عالسلامة
قلقتينا عليكي جدا

Thu Oct 25, 12:55:00 PM GMT+2  
Blogger ولــــــــــو said...

انا اول كومنت
yes i made it
حمد الله على السلامه ومش هانسمحلك تكرريها

Thu Oct 25, 12:55:00 PM GMT+2  
Blogger sendbad said...

هي دي سمراء النيل
برافو عليكي
ربنا معاكي

Thu Oct 25, 01:39:00 PM GMT+2  
Blogger آلام وآمال said...

يا ستي ان كان علينا احنا ولا يهمك
والحمد لله انها جت على اد كده قدر الله وما شاء فعل

ربنا يوفقكم وييسر لكم الحال انتي وطارق

Thu Oct 25, 03:39:00 PM GMT+2  
Anonymous Anonymous said...

ربنا يشفى

Thu Oct 25, 03:50:00 PM GMT+2  
Blogger رفقة عمر said...

الحمد لله على كل حال
ربنا ييسر لك الامور اللهم امين
ويهديلك الاحوال
اللهم امين يارب العالمين

Thu Oct 25, 08:24:00 PM GMT+2  
Blogger إنـســـانـة said...

الحمد لله ياإنجى .. بجد كله إلا طارق .. صعب جدا تلاقى حد بيحبك بجد فى الزمان ده

اتمسكى بيه اوى واى ازمة تعدى عليكى خليها تمسكك فيه اكتر

ربنا كريم والجاى احلى بإذن الله



وحشااااااانى يا بتاعة انتى
:D

Thu Oct 25, 08:32:00 PM GMT+2  
Blogger dyin_soul said...

وحشتيني بجد يا نيلا انتي
يااااااااااااااااااااااه كل ده حصل و انا مش موجودة
ده انا كنت عايشة في عالم تاني و يمكن لازلت
يارب نعدي من اللي احنا فيه ده عشان بجد ده شكله فيروس كآبة و منتشر في الجو و نكد بعيد عن الناس كلها
ربنا يسعدك و يجعلها آخر الأحزان
وابقي ردي علي التلفون يا نيلااااااااا

Thu Oct 25, 08:39:00 PM GMT+2  
Blogger simple girl.. ..simple dream said...

would u plz visit my blog and participate in my poll
i really need ur opinion


with my best regards

Thu Oct 25, 10:17:00 PM GMT+2  
Blogger simple girl.. ..simple dream said...

would u plz visit my blog and participate in my poll
i really need ur opinion


with my best regards

Thu Oct 25, 10:17:00 PM GMT+2  
Blogger أبو أمك said...

ما كان من الأول..والناس كلها قالت كده
على رأي المثل..نقول دكر يقولوا اتجوزوه
بتحطوا نفسكوا في مواقف بايخـــــــــــــــــــــــــــــــة

Thu Oct 25, 10:21:00 PM GMT+2  
Anonymous Anonymous said...

انجى
ممكن اشخرلك؟

بقى تعذبنا وتقلقينا والاخر تقول مرات ابوكى وابوكى؟
وطارق ماله اصلا؟

ربنا يهديك يا بنتى
سلا م

Thu Oct 25, 10:31:00 PM GMT+2  
Blogger أميرة ويلز said...

حمد الله ع السلامة ياانجى يااحلى عيلة فى الدنيا

ايوة كدة مستنيينك بقى ياقمر ماتغبيش

Thu Oct 25, 10:40:00 PM GMT+2  
Blogger خمسة فضفضة said...

السلام عليكم ورحمة الله وبركاته

ايوه كده يا انوج
وياستي عيله عيله بس تعيش
(:

ربنا يخليلك طارق ويخليكي له وما يحرمكوش من بعض ابدا

سلااام

Thu Oct 25, 11:30:00 PM GMT+2  
Blogger Hadota .. حدوتة said...

انجى
انتى لو قريتى تعليقى المرة اللى فاتت هتلاقينى قولت نفس الكلام
خناقة ولحظة غضب بتخلى الواحد يكبر المواضيع

اهم حاجة انا كان قلبى حاسس قد ايه انتى قويسة وهترجعى تقولى انا بقيت كويسة وتشكرينا على وقفتنا جنبك
:D
عادى يابنتى لا شكر على واجب

اظن بقى تردى على التليفون وبلاش الحركات دى

انا شحن وخايفة الرصيد يخلص وعاوزة اكلمك قبل ما ارجع معنديش رصيد تانى والقبض مش دلوقتى

يا تلحقينى يا متلحقنيش
:)

تحياتى يا جميلة
ربنا معاكى

Thu Oct 25, 11:51:00 PM GMT+2  
Blogger مـحـمـد مـفـيـد said...

أنجي مودك فظيع جدا
ربنا يهون عليكي

Fri Oct 26, 12:03:00 AM GMT+2  
Blogger إسلام الحساني said...

السلام عليكم
هلا سمراء النيل
انا بصراحه اول مره ازور مدونتك
بصراحه جميله وبسيطه وربنا يصبرك يارب على الى انتى فيها
يلالالالالالا كااااااااس وكلنا شاربينه
بصى اقولك على حاجه نصيحه خديها
يمكن تنفعك اصرخى وقولى الى نفسك فيه متكبتيش والا الكبت هيتعبك اكتر اعملى وصرخى وجرى فى الشارع اهم حاجه تطلعى الى فى نفسك وربنا يصبرك
يا اما اقتراح معين اقتلى مرات ابوكى وخلصى مش هتفرق كتير كلو صرخه بس من نوع تانى
يلا خلى باللك من نفسك
وياريت تشرفينى فى مدونتى

Fri Oct 26, 01:10:00 AM GMT+2  
Blogger ساعه الغروب said...

قلقت

دا اان كنت خلاص هجيلك فين وازاى ما اعرفش
بس بجد كنت هموت وتردى عليا
هتصل بيكى بكره و اوعى ما ترديش انتى فاهمه
مش هسال على اى حاجه هطمن بس عليكى


وحشتينى مووووووووووووووووت
وقلقتينى موووووووووووت

يا رب تكونى بخير


وحشتيييييييييييييييييييييييييييييينى

Fri Oct 26, 04:21:00 AM GMT+2  
Blogger fanan fa2eer said...

مبرووووووووك يا أنوج

الحمد لله اللي ربنا فرج كربك

طبعا احنا كنا عارفين انكو راجعين راجعين


مبرووووك

حافظوا علي بعض بقا

:))

Fri Oct 26, 05:11:00 AM GMT+2  
Blogger safa7_karmooz said...

تعرفى حاجه يا سمراء...

انتى دلوقتى فى مرحلة تانية

مش لوحدك خالص

حواليكى اصحاب اغلبهم وهميين عالنت بيحبوكى ...

وفيه قلب تانى معاكى وده مش وهمى لاء بجد وهوا خطيبك طارق ...

المفروض رد فعلك وانتى بتصرخى انك بتصرخى ضد اللى اذاكى وتروح للى مش بيأذيكى...لاء بيحكميكى ويخاف عليكى

عشان كده قلت البوست الللى فات ده مجرد رد فعل متسرع .؟..

بس حاولى تنسى شوية انك تجرحى حد معاكى دى

لانكم مش بقيتوا اتنين

انتوا واحد

والواحد عمره ما يسيب بقيته
...

حمد الله بسا..:)

Fri Oct 26, 02:11:00 PM GMT+2  
Blogger ra7eel said...

حمد الله ع السلامه
يارب المره الجايه
يبقى احسن واحسن

Fri Oct 26, 06:15:00 PM GMT+2  
Blogger إبـراهيم ... معـايــا said...

أيتها السمراء المشرقة ، لا تخافي ، سيتحسن الحـــال إن شاااء الله



كلنـــا في انتظــارك ، لا تغيبي ...


وكوني مع الله، يكن معكِ ، ومن طكان الله معه، فمن عليه ؟!!


تحياتي

Fri Oct 26, 10:56:00 PM GMT+2  
Blogger esraa said...

ياحبيبيتي ياانجي

أكيد طارق فاهم ده ومقدره

ربنا يصبرك يارب

ويوفقك بقي وتعيشي حياتك اللي بتتمنيها

Sat Oct 27, 02:35:00 AM GMT+2  
Blogger Reemo said...

المهم انك بخير
وأى كلام تانى يتأجل بعد ما تروقى
:)

Sat Oct 27, 05:35:00 AM GMT+2  
Blogger عبدالله said...

حمدلله علي السلامه يا جميل
مش مهم كان فيه ايه ولا ايه الي حصل المهم انك رجعتي تاني انجي

تحياتي

Sat Oct 27, 07:27:00 AM GMT+2  
Blogger ody911 said...

الله
طيب ما إنتى عايشة أهوة

أحنا مش أتفقنا يا بنتى


كل شئ عادى

ولا إيه يا إنجى يا بنت أم أنجى

فوقى كدة

وسيبك منهم دة مفيش غيرى

أيمة وسيمة ووظيفة ميرى

يووووووووووووووه

مش عارف دايما بحب أغنى لية

عادى بقة
أودى

Sat Oct 27, 02:49:00 PM GMT+2  
Blogger ادم المصري said...

ياسمرا
.
.
.
كل واحد فينا معرض للي انتي تعرضتي ليه صدقيني

.
.
بيجي عليا اوقات باحس اني المسيح
.
.
ربنا اختارني اتحمل عقاب البشرية كله
باحس المساكل بتجيني لوحدي
.
.
لكن في الاخر بتتحل لوحدها
.
.
يمكن كل واحد فينا مشكله محتلفة عن التاني
ودا اللي بيخلينا احيانا مانفدرش حجم المسكلة اللي واقع فيها الناس
.
.
لكن لو كل واحد بص لمشكلته بعيون الناس اللي حواليه
هيتاكد ان مشكلته اكيد ليها حل
.
.
تحياتي يا سمرا
والسلام

Sat Oct 27, 07:39:00 PM GMT+2  
Blogger Ehab said...

:)

mafesh kaalm 3aref a2olo 3'aer el emotions dy

Sat Oct 27, 10:08:00 PM GMT+2  
Blogger بيتنا القديم said...

لا تحزن إذا جاءك سهم قاتل من أقرب الناس إلى قلبك ..
.. فسوف تجد من ينزع السهم ويعيد لك الحياة و الابتسامه ..

Sat Oct 27, 10:53:00 PM GMT+2  
Blogger شــــمـس الديـن said...

الحمد لله

هي دي انجي اللي انا عارفاها ... هو انت عارفة ان الشئ اللي مش هتقدري تغيرية تعايشي معاه ... و ادي فرصة لطارق انه يساعدك ...اكتر شئ بؤلم اي رجل ان محبوبته مش تكون واثقة فيه او انه هيقدر يتحمل معاها اي معاناه هي بتعانيها ...

اتمني انش اشوفك قريب في اللوك الجديد :)

Sat Oct 27, 11:57:00 PM GMT+2  
Blogger shayma said...

هيييييه
بجد فرحانه ... الحمدلله ارجعى بسرعه بقى
والف حمدالله على السلامه
قلقتينا عليكى وشيلتينا همك
بس هو ده المطلوب انك متكونيش لوحدك ... انه محدش يكون لوحده
سلامى ليكى ولطارق
وربنا يخليكو لبعض
ويفرحنا بيكو قريب
امييييييييييييييين
:))))

Sun Oct 28, 01:50:00 AM GMT+2  
Blogger Mohamed Hamdy said...

ايوة هو كدة

ومنتظرين عودة العيل الضال

Sun Oct 28, 03:42:00 AM GMT+2  
Blogger Big Code said...

جميل ان الانسان يحب الحب اللي بتتكلمي عنه ده في وسط كل الظروف الصعبة دي
لكن صدقيني مش احنا اللي بنختار الظروف اللي بنتولد فيها بس لازم نحاول نتعايش يمكن الظروف دي هي اللي خلت منك انسانة قوية وعنيدة

اتمنى لك السعادة مع حبيبك
تحياتي

Sun Oct 28, 01:39:00 PM GMT+2  
Blogger sabrina said...

لأيا ستي أنجي ماينفعش الكلأم
ده!!!!
بقي عامله أقول أنك من مؤسسي حزب
أنا بنت جااااامدة
تطلعي في الأخر كده!!!!!!
ياحبيبي
صح عندك .حاجات وحشه
بس كمان عندك
حاجه حلوه بالدنيا ومافيها
ماتبوطيشها...
علشان خاطر الحاجه الوحشه
كده أنا زعلأن منك
وعايز شيكولأته علشان أتصالح!!!!

Mon Oct 29, 12:29:00 AM GMT+2  
Blogger Hannoda said...

الحمد لله اننا شفناك في حال أفضل من الحال الذي ملأني أنا خوف

فما بال أحبائك

إسمحي لي في لمحة بسيطة

ألست معي أن من حقي في الحب أن أسعد لمن أحب.. وأن أتألم له.. وأن أسعد باسعاده.. وأن أسعد أيضا بإزاله ألمه و فدائه

ولو معاي في ده

طيب هو انت ممكن تتنازلي في أي حال من الأحوال على أي من الحقوق ده؟؟

و هل يسعدك إ، فيوم يحرمك حبيبك من التألم عشانه

الألم و السعاده لأجل من نحب هي من حقوقنا.. لايمكن ان يحرمنا منها اقرب الناس لنا

سعيده جدا باللي قريته عندك انهارده


وبتمنى التواصل بيننا
:)

تحياتي

Mon Oct 29, 09:08:00 AM GMT+2  
Blogger youma said...

كنت فاكرة الحكاية اكبر من كذا
احمدي ربنا
انجي في حاجات الواحد بيمر بيها
بتخليه يفقد توازنه ويفقد قابليته على الحياة ومع ذلك بيرجع يعيش احسن من الأول.. حاولي تكوني اقوى من كذا

Mon Oct 29, 10:00:00 AM GMT+2  
Blogger بيجاسوس المصرى said...

انا قرأت البوست اللى فات و مردتش اعلق خالص عليه لانى كنت حاسس انك مش هتغيبى علينا اكتر من كده

حمد الله بالسلامة و نورتى المدونة
و ربنا يوفقك ان شاء الله و احنا مستنين البوست الجديد

Mon Oct 29, 10:46:00 AM GMT+2  
Blogger dead man said...

وادينا مستنين .. ورانا ايه .. ورانا ايه؟
:)

Mon Oct 29, 01:54:00 PM GMT+2  
Blogger ابو مفراح said...

ان يعيش المرء من اجل الاخرين
افضل معانى الحياه
من الممكن ان لا يتلمس لذلك المعنى فائده فى الدنيا ..... و لكنه فى الاخره سيعرف ما معنى الاعاشه من اجل الاخرين


تحياتى اليكم
ابو مفراح

Mon Oct 29, 02:30:00 PM GMT+2  
Blogger رينـــــــــــا said...

حمد الله على السلامه
سعيدة ان ربنا اكرمك وهديتى
تحياتى يا قمر

Mon Oct 29, 03:33:00 PM GMT+2  
Blogger الشنكوتي الكبير said...

يا عزيزتي وصديقتي
الحمد لله انك ابتديتي تفوقي شويه من الحاله اللي كنتي فيها
معلش انا مقدر انك مجروحه قوي والألم مر قوي في جوفك بس معلش هي الدنيا كده حتى اقرب الناس لينا ممكن يقسو قوي كده معلش ربنا يهدي الجميع
لكن احب اقول لسعادتك العيل رجع او البطل رجع مش مهم المهم انه يرجع ويقف على رجله ويحارب تاني هو لما اخد خبطه في المعركه واقع في التراب اقوم اسيب المعركه واجري اعيط على جنب ولا الحق اقوم بسرعه اعدل نفسي واستعد للضربه الجايه اني اكون اقوى
بصي خدي نفسك كده يومين وبعدين ارجعي للمعارك تاني ولا يهمك ربنا يوفقك وينصرك وتتجوزي الواد طارق اللي فلقتينا بيه ده
ما علينا
انا الحمد لله عندي اخبار حلوه قوي
روحي شوفيها بنفسك مش هاقولك عليها عقبالك
سلااااااااااااااااام

Mon Oct 29, 04:46:00 PM GMT+2  
Blogger ذكريات said...

ادعوا على ابنى وأكره ألى يقول آميين
وأقصد من كلامى ان الأمهات بيدعوا على ابنائهم مش زوجة الأب بس والحياه دايما صعبة والصبر هوا مفتاح الفرج وربنا يوفقك دائما

Mon Oct 29, 07:52:00 PM GMT+2  
Blogger Ahmed Al-Sabbagh said...

نظرا لتميز مدونتكم فقد تمت اضافتها لدليل الصباغ للمدونات

===============================

شاركنا الشعب الأمريكى أحزانه على ضحاياه فى ذكريات سبتمبر/أيلول الأليمة

لكن دعونا نذكر العالم بالجرائم الأمريكية التى أرتكبتها الولايات المتحدة ضد أبرياء وأطفال ومدنين

شارك وأدعم فكرة تخصيص يوم 30 أكتوبر يوما للجرائم الأمريكية


أحمد الصباغ

Mon Oct 29, 08:24:00 PM GMT+2  
Blogger فبركة said...

ألف ألف حمد الله على سلامتك
رغم أنى ما أعرفكيش وماقابلتكيش فى اجتماعات المدونين ولم أشارك فى الدفاع عنك عندما اتهمك البعض بالاجتماع بحثا عن عريس
لكن بجد انتى حد جميل اوى بشهادة الكل ومش ممكن كل العدد ده من الناس يحبك إلا لو كنتى بجد فعلا حد يستاهل
ممكن تخدعى واحد أو أتنين لكن صعب تخدعى عشرة ومستحيل تخدعى مية
محدش بقى عبيط
بالمناسبة انا صحفى فى جورنال وشوشة وهكتب عن قصة حبك انتى وطارق
بالتوفيق إن شاء الله

Mon Oct 29, 09:34:00 PM GMT+2  
Anonymous قلوب حائرة said...

الحمد لله والله كنت في سيرتك انا واوشا وبقولها اني قلقانة عليكي قوي يا انجي على الرغم من اننا متقبلناش بس حساكي قربة مني قوي انا سعيدة جدا والله انك قدرتي تتغلبي على مودك وتطلعي من الحجالة دي الحمد لله ياقمر وبالله عليكي بلاش تجرحي الناس القريبة منك تاني

Tue Oct 30, 09:12:00 AM GMT+2  
Blogger Doba said...

كلما احببت ان اضيف اليكى كلمات اجدنى اقف عاجزة امام كلمات استشعرها كملا مررت بضيق

حبسى الله ونعم الوكيل
وبشر الصابرين
ان الله لا يضيع اجر من احسن عملا
الله يمهل ولا يهمل
بر الوالدين على الا تشرك بالله وصاحبهما فى الدنيا معروفا

اصبر على اللئيم فجزائه عند الله عظيم
اختيار الزوج المناسب ليس بشىء سهل فلا تضيعى من أضعتى عمرك فى البحث عنه فلتتشبثى به وهو من سوف يهب اليكى الطاقة والقوة للمواصلة

لكى منى كل الحب والتقدير
هبة

Wed Oct 31, 12:32:00 PM GMT+2  
Blogger أحمد عيسي said...

ياستي تيجي فينا احنا نستحملك
وحمد الله ع السلامة

Wed Oct 31, 05:23:00 PM GMT+2  
Blogger أحمد عيسي said...

This comment has been removed by the author.

Wed Oct 31, 05:23:00 PM GMT+2  
Blogger •«ρяoιd»•™ said...

ربنا معاكي يا انوج

و مستنينك كلنا

مش تتأخري علينا يا قمره

تحياتي

Thu Nov 01, 03:05:00 AM GMT+2  
Blogger احساس لسه حى said...

عزيزتى
اضعف انسان اللى ياخد قرارات لايقبلها العقل والاضعف انه ميقدرش ينفذها حاولى دائما ان تكون قرارات وارائك من داخلك ولا تتاثر بموقف ولا احساس حب او كراهيه
تتاثر فقط بالعدل والمعقول والممكن
تحياتى الى الطفلة الكبيره
منتظريين منك الكثير من القوه
وان تكونى امراه بالف راجل
سلااااااااااااااااااام

Thu Nov 01, 07:30:00 AM GMT+2  
Blogger linda said...

انجي

في رب بيقدر ياخدلك حقك
في حضن بيقدر يداويلك جرحك
وفي بيت بيقدر يأويك ديما

حضن وبيت طارق
ورب كريم وعزيز وقوي


على فكرة يوما عاملة بوست ليك انت وطارق ياريت تشوفيه انت وهو

Thu Nov 01, 06:14:00 PM GMT+2  
Blogger الأميره أوسه said...

كنت متأكده من رجوعك
أو كنت بتمنى بس أنا كده عرفت أنك بخير
الحمدلله
كده أطمأنيت عليك
خالص محبتى

Fri Nov 02, 02:36:00 AM GMT+2  
Blogger كفراوى said...

و لايهمك يا انجى


فداك

اللة

الوطن

انجى


ههههههههههه
سلام

Fri Nov 02, 02:51:00 AM GMT+2  
Blogger Tamer Nabil said...

اية يا انوووووووووج

كل حاجة وليها حل

دة انتى ياما نصختى فيا

صلى وادعى ربنا

وهيوقف جنبك

روقى كدة انووووووووج

ربنا يوفقك ويكرمك

مستنى رجعوك

تحياتى

Fri Nov 02, 08:09:00 PM GMT+2  
Blogger catroz said...

يااااااه
ربنا يصبرك بجد
انتى فعلا بتحبى طارق و الله
ربنا يكرمكوا يارب يا قمر
انتى قويه اوى يا انجى ..:)

Sat Nov 03, 11:51:00 AM GMT+2  
Blogger ody911 said...

إنتى فين ؟؟؟؟

هاااااااااااااااااااااااه

Sat Nov 03, 10:25:00 PM GMT+2  
Blogger الأستاذ said...

لا حول الله
على فكرة كلنا عندنا مشاكل في البيوت وعدم الثقة وكدة
لكن واضح إن الموضوع كبير فعلاً
على العموم حاولي تتماسكي وربنا معاكي ويوفقك إن شاء الله
مع أطيب تمنياتي بالسعادة دائماً
تحياتي

Sun Nov 04, 06:35:00 PM GMT+2  
Blogger Meekness !!! said...

سلام الله عليكي يا سمراء

اولا ازيك
و ثانيا يا رب تكوني بخير الوقت
انا كنت قريت البوست اللي فات
بس طبعا ادايقت جدا على القرارات اللي انتي قررتيها فجاة دي

و من كت ما ادايقت قلت مش هعلق خالص
و فرحت قوي ما جيت تاني و لقيتك كاتبه بوست فلتعذروني

حمدت ربنا بجد
لانك رجعتي

بس لسه مشغوله عليكي
انتي لسه غايبه علينا
و حاجات شغلاكي
طمنينا عليكي بقا
و ردي علينا
ارجعي سمراء تاني اللي عرفتها من خلال مدونتها الجميله دي

تقبلي مروري
.
زيـــزي

Sun Nov 04, 10:14:00 PM GMT+2  
Anonymous شيماء الجيزى said...

عارفه والله انى بنى ادمه معندهاش دم
بس
انجى بينا اكبر من كده
انجى
انا بحبك موت بجد
ووحشتينى جدا
ووحشتنى قوى قوى قوتك دى

Mon Nov 05, 04:16:00 PM GMT+2  
Blogger sendrlla said...


ربنا معاكى ويساعدك انك تتحدى الظروف اكتر من كده كمان

Mon Nov 05, 08:21:00 PM GMT+2  
Blogger محمد ياسر said...

معلش انى بغيب
ربنا معاكى فى محنتك وتفرج قريب
طمنينا عليكى

Tue Nov 06, 02:42:00 AM GMT+2  
Blogger youma said...

طولتي الغيبة يا انجي
خودي بالك من نفسك

Wed Nov 07, 10:12:00 AM GMT+2  
Blogger الخيط الرفيع said...

يا بنتي حرام عليكي
انا لما قريت بوستك اللي الغريب اللي حسسني ان كل حاجة هتروح
اتلبخت وكتبت كام كومنت ومسحته
وتيجي الوقتي تتأسفي
اسفك مقبول بس الغريب اني لما شفتك تعبانه قوي كدا كان نفسي اكون حد يعرفك وجدع معاكي
اول مرة اتمني اكون جدعة مع حد معرفوش
ارجعي في كلامك معيله معيله
بس طمنينا عليكي اكتر ازاي ما اعرفش اهو طمع وخلاص

Wed Nov 07, 01:08:00 PM GMT+2  
Blogger الديليكون said...

لا أجد ما أقوله سوي
كان الله في عونك فأنتِ في أمس الحاجة لعونه
لا اجد الكثير من الكلام لأقوله لكن كما تخشين عليه اعلمي انه بالتاكيد يخشي عليكِ
اتمني ان تكوني بخير
محمد

Thu Nov 08, 11:53:00 AM GMT+2  
Blogger Malk Almasria said...

انجى
اول حاجة حمد الله على سلامتك



مش مهم اى حاجة فى الدنيا غير انك كويسة وزى ماقالو زمان

يا شجر ما تهزك ريح

ملك المصرية

Thu Nov 08, 01:42:00 PM GMT+2  
Blogger الملاح التائه said...

سمراء النيل
انتى انسانه
والإنسانيه معنى أوشك على الزوال

Thu Nov 08, 03:40:00 PM GMT+2  
Blogger islamz said...

بصي يا انجى .. انتى عارفة انتى غالية عندى اد ايه .. انا مكنتش عارف اعلق اقول ايه على المواضيع اللى فاتت دى ..
بس كل اللى عاوز اقوله بجد وحشتينا ..
اوى اوى اوى ..

Thu Nov 08, 08:09:00 PM GMT+2  
Anonymous Anonymous said...

waiting...

Sun Nov 11, 08:16:00 AM GMT+2  
Blogger وينكى said...

اهدى كده والحمد لله انك رجعتى لعقلك
ممكن أستغل المساحه دى واعمل اعلان صغير
16 نوفمبريا جماعه..مستنياكو يوم الجمعه الجايه الساعه 8 م..قاعة الحمكمة بساقية الصاوى
هانتقابل ونحضر حفلة لفرقة أيامنا الحلوه..واحده من اكبر التجمعات البلوجرية المهمه
تعالوا وقولوا للحبايب

Sun Nov 11, 02:03:00 PM GMT+2  
Blogger OMA said...

elmohm enty be5er.....ana kont hatgnn 3liki ya samraa bgd
God bless u...take care always !

Tue Nov 13, 10:42:00 PM GMT+2  
Blogger فوكيره said...

انووج حبيبه قلبي

عارفه زمان ... كنت قولتلك حاجه انا لسه عايزه اقولهالك تانى

ارفعي رأسك .. فـأنت من من يستحقون" الحياه ... "

انتى حد اتولد في ظروف صعبه ... لكن قدرتى تحافظى على حجات جميله جواكى

كلنا فينا الخير والشـر ... وان الانسان ولوحده ياخد بأيد نفسه علشان يحافظ على الخير الى جواه

يبقا يستاهل انه يعيش

الحيـاه يا انجى لازم يكون فيها كـل حاجه
الحزن والفرح
الخير والشر

ومستحيل حد فينا حيعيش الدنيا كلها شر و لا العكس

الي اقصده انه اكيد لما بيحصل حاجه وحشه
بيحصل معاها , قبلها او حتى بعدها حاجه كويسه

بس الشاطر الى يدور على الكويس ده دايما علشان يعرف يعيش

في صحابه كتير وناس صالحين كتير جدا جدا
كان اهلهم (كفره ) اعتقد والدك مهما حصل حيكون افضل من ده

اسفه اذا كان ده شخصى شويه

بس انا قصدى اقولك انك ممكن تكونى كويسه وتعملى اسره كويس ومجتمع كويس
حتى لو انتى مش راضيه عن تصرفات او معتقدات عند حد من البيت الى نشأتى فيه

انا عارفه انك فهمانى يا انووج

-انا بحمد ربنا انى بعرفك .. وبحمد ربنا ان في فى حياتى اصحاب

عارفه انه قلبك جواه ربنا ... وعلشان كده دايما حتقفي

لحظات الضعف مش عيب ابدا ... و الجميل انك دايما بعدها بترجعى تانى لاتزانك

عارفه ليه يا انجى

لان ربـنا في قلبك

...

ربنا يسعدك يا انجى ويكتبلك الى فيه الخير ... ويجمعنى بيكى على خير يـــــا رب

وكل سنه وانتى طيبه يا انووج

Wed Nov 14, 12:59:00 AM GMT+2  

Post a Comment

Links to this post:

Create a Link

<< Home