انتخابات اتحاد الطلبة
اولا بعتذر لكل الناس اللي مقصرة في حقهم اووووي
بس بجد مشغولة جدا جدا
وحتي مش عارفة ارد علي الكومنتات ولا اروح ازور الناس زي الاول
ادعولييييييييي بس
ثانيا بقي نخش في الموضوع
انتخابات اتحاد الطلبة التي تحدث داخل الكليات لتمثيل كلياتهم داخل الجامعه
عن نفسي مش كنت اعرف عنها حاجة لاني مش كنت مهمتة بيها
لكن تعالوا نشوف ايه اللي حصل في انتخابات اتحاد الطلبة
داخل كلية تربية رياضية بنات الجزيرة - جامعه حلوان
وقت الانتخابات في الكلية كان وقت صعب نظرا ان الفرقة الثانية
من الطالبات المشاركات في افتتاح البطولة العربية اللي كنت انا مشرفة عليهم
والفرقة الثالثة والرابعه في فترة تدريب في المدارس فيما يسمي بالتربية العملية
يعني من الاخر مش في غير سنة اولي اللي لسة خارجة من المرحلة الثانوية ومش عارفة حاجة
تأتي طالبة من الفرقة الثانية اسمها فاطمة وكانت من ضمن المشاركات
لترشيح نفسها رئيسة اتحاد الطلبة وتعتذر عن المعسكر
فأخبرتها رئيسة قسم رعاية الشباب بان النصاب لم يكتمل وهناك احتمالية بالغاء الانتخابات او تأجيلها
لكن الطالبة تصر علي ملئ الاستمارات لحين اصدار الاوامر من الجامعه
لتأتي اكتر من طالبة تريد ترشيح نفسها
ومن ضمن شروط الترشيح الا تكون الطالبة راسبة
لتأتي طالبة اخري موقع علي استماراتها من شئون الطلبة انها غير راسبة
وفجأة يأتي القرار من الجامعه بان تكتمل الانتخابات
وتخضع الكلية لرأي الجامعه
لتفوجأ رئيسة قسم رعاية الشباب بعد مرور يومان بانها مطلوبة في امن الدولة بحلوان
الساعه الثانية عشر صباحا
بتهمة التزوير وترشيح طالبة لمصلحتها الخاصة
وتذهب فعلا رئيسة القسم في هذا الوقت من الليل الي امن الدولة لتحدث صدمتها
وهي ان الطالبة فاطمة التي رشحت نفسها كرئيسة اتحاد
اقنعت طالبة اخري راسبة بترشيح نفسها ولتخبر الجميع بان رئيسة القسم هي من رشحتها
فتتسأل رئيسة القسم ما دور امن الدولة
لنجد ان الطالبة فاطمة علي علاقة يعلم الله ما مداها بامين شرطة في امن الدولة
مهددا رئيسة القسم بانه يستطيع ابعادها عن مهنتها
لتبرأ نفسها بانها توافق علي الاستمارات التي تأتي موقعه من شئون الطلبة
وانها لا تعلم شئيا عن تلك الطالبة المدسوسة
ليصدر امر من هذا الامين بان لا وجود لانتخابات وان فاطمة هذه سوف تنجح بالتزكية
واذا حدث اي شئ لفاطمة باستاطعت هذا الامين الاطاحة بالعميدة ورئيسة قسم رعاية الشباب
ليأتي شخص من الجامعه ويخبر الكلية بان هذا الامين طالما هو في امن الدولة
فانه يمثل رئيس الجامعه
وتنجح فاطمة رغم انف الطخين
وتقوم بعمل انشطة دون اذن من رعاية الشباب ثم تقوم بابلاغ الجامعه بان رئيسة قسم رعاية الشباب
تخلفت عن موعد هذا النشاط رغم علمها
وكل فترة يأتي لرئيسة قسم رعاية الشباب اتصال من الجامعه واتهامها بانها لا تري عملها باكمل وجه
وكل دة عشان امين شرطة معفن في امن الدولة
ماشي مع طالبة
اسمحولي اقول بلد وسخة
Labels: سياسة
55 Comments:
اسمحيلى اقولك انى اوافقك فى كده واكتر من كده
اسمحيلى اقولك اتنين ملتحين خفيف عدى امين فى امن الدولة لمحهم ثوانى و اختفوااسبوعين الله اعلم راحوا فين وقتها
اسمحيلى اقولك زميلة راحت تشتغل فى شركة تامين معروفة جداجدا يحثها رئيسها من تحت لتحت انه مرتبك ممكن يدخل له فى حوالى 4000 او 5000 ج شهريا لو محبكتيهاش مش مشكلة عميل يسلم عليكى يعزمك على عصير ومش عارفة مديرة فى قسم ايههناك تقولها المعادلةالصح تحفظى على نفسك و تخدى اللى عايزاهو الست دى متجوزة ومستشار
اسمحيلى اقولك بقى فى الجامعات الواعية دلوقت اللى تعرف دكتور فلان و فلان اللى بيحبوا البنات وتخدى امتياز مع مرتبه الشرف وحالة حصلت ييجى جمب فلانة فى الامتحان ويلقنها الاجابة قال على خفيف
اسمحيلى اقولك انى داعية فامنى:
ارحمنا يارب
واكتبلنا الخروج منها على خير
Regards:
Lojain :)
وحياه امى بكره فاطمه دى تخليك تختفى انت كمان
مالنا احنا ومال فاطمه وانتخابات
الا ما فى انتخابات نظيفه فى دين ام البلد دى
السلام عليكم
الصراحة مش مصدق ان امين شرطة زي ما قولتي معلش معفن
يقدر يعمل دا كله
دا اسمحيلي برضه
اخره يمشي ورا ظابط
يطيح برائيسة جامعة ايه؟
دا هبل في الجبل
اقولك
ومع ذلك لو الكلام دا فعلا صحيح
يبقي مشربتش من نيلها
ميين اللى ميحبش فاطمة
يا انجى دى فاطمة
مش اى حد
وامين فرقع فاطمة
ياريتنى كنت امين شرطة
بدل البرمجة اللى لحست دماغى دى
ارجع و اقول للمرة الـ مليون
مش البلد
الناس هى اللى زفت و طين
الناااااااااااااااااااااس
يعنى انا و انت و صحابك والبلوجارية
وانا و انتى ورقصنى يا جدع
لا رقصنى ايه
مرمطنى يا جدع
احنا اللى خلقنا النظام ده بسكوتنا اولا و سلبيتنا
مش البلد
ما البلد زمان كانت فل
برضه مش البلد
اللى موسخ الدنيا
انا وانت و النظام و هواك
بقولك ايه
سقطى البت فى مادتك بقى
عند بقى
علشان نخلص من القرف ده
وحسبى الله و نعم الوكيل
صدتوا نفسى عن النوم
معلشي
لكن ربنا يوفقك ويعينك يا رب
صحيح بلد وسخة
بس مش وسخة بعد اليوم طالما فيها ناس ضميرها صاحي
تحياتي من ماناساس البلد
تسمحي لي يا انوج بس في سؤال
هيا طالبة ايه بالظبط
محدش يعرف يا جماعة
وعلى رأي المثل
ساعة ما تطلب ما تحرمهاش
تحياتي
هههههههه
ازيك يا انجي عامله ايه
بصي مش هقول غير حسبي الله و نعم الوكيل
زيزي
اسمحلك ونص ياسمرا دى مابقتش بلد
لما كل حتة امين شرطة معفن زى مابتقولى يتحكم فى الناس ويمشى اللى على مزاجه بالطريقة دى
دة هزلت
والله انا بضرب كف على كف عليه العوض
العاشـر يا سمـرا ، وده مش الحي اللي أنا شغال فيه ، ده رقمي هنا دلوقتي
ممكن أقول لك ،،،، حمد لله ع السلااااامـــة ، وليكي وحشـة كبييييييييييرة قوووووي
إيه ده يا بنتي ، محسساني إن الدنيا جريت ومشيت واتكعبلت ؟!!! ، ولا كأننا لسه عارفين بعض السنه دي ؟؟؟
أنا بتقدم بطلب رسمي لطارق بيك، وللأخوة المدونيني الذين التقيت بهم أول مرة ، عاوزين نتقابل تاني
اتحاد الطلبة
ييييييييييييييييييه
ما بلااش السيره دي سيرة العمل الردي !
على أيامي والله الانتخابات دي كانت أتحف ما يحدث في الكلية ! ، لا نرى لا نسمع لا نتكلم !!!
تحياتي يا إنجي ، وسلام
السسسسسسسسسسسلام عليكم
هلا: بألاخت العزيزه سمراء النيل
أولا أنا بشكرك على ردك الجميل والمشجع لى
http://elhsany.blogspot.com/2007/10/blog-post.html
موضوع الي حبيبني
انا صحيح أتاخرت فى الرد بسبب ضغط الشغل وقلت الوقت لكنى انتهزرت فرصه بعض وقت الفراغ وكتبت خاطره أسمحى لى أن اهديها لكى بمناسبة عيد ميلادك أعرف انى تأخرت فى الرد ولكن استسمحك بالعزر..أنتظر ردك الجميل على الخاطره
مع تحياتى
والله عندك حق
وفعلا مافيش كلام ممكن يتقال
حسبي الله ونعم الوكيل في الطالبه والامين بتاعها
اومال مين المفتري اللي قال انها بلد شهادات
بس تعرفي فاطنه دي مش يبان عليها
دي كانت مسكينه وهي رايحه
رايحه تجيب اومو
لنا الله
هي فوضى ده اسم فيلم بيوصف حالنا وواقعنا اللي احنا عايشينه
بيجسد كل اللي انتي بتقوليه هي البلد فعلا بقت كده مجرد دولة بيتحكم فيها عصابة اسمها امن الدولة
في النهاية ليا عندك رجاء
بالرغم من اتفاقي معاكي في كل اللي انتي قلتيه انما بلاش نستخدم الفاظ بذيئة الى حد ما علشان تفضل دايما مدونتنا مدونات نظيفة
تحياتي
اولا
على راحتك ياعم المهم
ثانيا
ياستى دى حاجة بسيطة قوى ومتعودين عليها
شوية بلطجة من واحدة مسنودة
المهم
عاملة إية فى رسالتك يا ام العيال
أناكمان شكلى حيدونى رسالة الدكتوراة فى موضوع العضلات ربنا يستر
يا ستي
هو انتي غريبةبقي
البيت بيتك يا انوج
امين شرطة امين شرطة
وبعدين ما امن الدولة متحكمة في كل بلوة
بس جتها القرف
مش تشوفلها ظابط حتي
يارب تولع هي وهو واللي في بالي
بلد وسخة؟
على كدة الرئيس القادم لازم يكون اسمة تايد ومع تايد مفيش مستحيل وبصراحة طول عمرى بتفرج على مسلسل ليلة القبض على فاطمة لكن شكل فاطمة اتغيرت واصبحت هى الى بتقبض على الناس
وكانوا زمان بيقولوا بلد شهادات لكن
الآن اصبحت بلد العساكر والظباط وبقوا هما الباشاوات
هههههههههههههههههههه
هم يبكى
وهم يضحك
وهمبورجر
وهم يا جمل
ههههههههههههههههههههههههه
مش عارف بجد أقولك إيه يا أنجى
عااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااادى
بقة
أودى
إبعدى عن فاطمه وغنيالها
بس رجع وأقولك العيب فى فاطمه والأمين مش فى البلد
يبقى اللى ...... ناس البلد مش البلد يا أنوج
العيب فى اللى مصر حمياهم
وبلاش ننكر الجميل بقى مش تبقى مصر حميانا ونشتمها مش كفايا مبهدلنها بعفانتنا وقلة أدابنا ولسانها وأفعالنا اللى زى الزفت وأنيل
أل فاطمه أل وهما فين أهل فاطمه دى؟
انا اقسم بالله العظيم داخله عندك بالصدفه
ومعرفش مدونتك
بس امين الشرطه دا انا عارفاه
وهو فعلا يقدر يعمل كل اللى قولتيه وكل ظباط الامن اللى اعلى منه بيجوا الجامعه ويمشوا وهو لأ بقالوا فى الجامعه من سنين
وياما شطب ناس من اتحاد الطلبه وياما عين ناس
واسمه تقريبا سامح او احمد ابراهيم
السلام عليكم ورحمة الله وبركاته
نفسي اعرف هي الطلبه ليه بيموتوا نفسهم علشان يبقوا في الاتحاد ، هما بيخدوا من وراه حاجه الا وجع القلب
باحس انهم زي ما هايكونوا داخلين مجلس الشعب
بس يلا هانقول ايه
حسبنا اللله ونعم الوكيل
المهم ، انت زيك وعامله ايه
لا حول ولا قوه الا بالله
ايه البواخه دى
لف وارجع تانى
علاء ولى الدين
يالله
والله حرام بصراحة
بس هوا دا الواقع
! وممكن يتغير من هنا
الامل موجود
تحياتى
عادى يعنى
وفيها ايه
بتحصل كتير
الصراحة انا مستغربتش لما قريت الكلام ده
لان من كتر الحاجات اللي الواحد بيسمعها طول مهو عايش في البلد دى
خلاص جتته نحست
الحكاية اللي انتى بتحكيها دى تعتبر بسيطة وهينه شوية
الصراحة فيه حاجات تفور الدم اكتر من كده بكتير
المهم
على فكرة يا انجى مدونتك جميلة جدا
واسلوبك حلو في الكتابة
انا اول مرة ادخل وعلى الرغم من كده قريت كل البوستات اللي كتبتيها
وعايز اقولك حاجة
استحملى واصبري واجتهدى واكيد ربنا هيوفقك وهيجازيكي خير ان شاء الله
الدنيا مش وحشة كده
اكيد في ناس بتحبيهم ويحبوكى وده اللي بيخلى للدنيا طعم شوية
وربنا يوفقك ويحميكي ويتمملك على خير
تحياتى يا اختى العزيزة
عزيزتى
حرام عليكى تحرقى دمنابالكلام ده
امال لو ضابط كان عمل ايه
الواحد بعد كلاامك ده الاحسن يمشى جنب الحيط ويقول يا طوبه دارينى
والبلد مليانه فضايح
بس سيبك انتى مش فى يوم قيامة حلاص
تحياتى يا جميل
سلام
انا موافق جدا وياريت تقولي اكتر من كده وزيادة واقول معاكي دي بلد معفنة وربنا يرحمنا
انجي انا مررتلك تاج تاني (:
انجي العزيزه:لا تأسفن على غدر الزمان لطالما
رقصت على جثث الأسود كلابُ
لا تحسبن برقصها تعلو على اسيادها
فالأسد أسدُ و الكلاب كلابُ
تبقى الأسـود مخيفة في أسرها
حتى و إن نبحت عليها كلابُ
____________ملحوظه
ربنا يعدلها من عنده
اخوكي :اسلام
لهذه الدرجه من الصفاقه؟!!
مش فاهمه حاجه...عموما حصلنا كده في الجامعه بنت العميد دخلت الانتخابات ونجحت وهي في اولى :)
يعني لا تفقه شيئا ... :)ومحدش عارفها اساسا علشان يرشحها ....يللا لنا الله
حاجة مسخرة
طبعا معروف ايه سر النزاع على دخول الاتحاد، العملية كلها كوسة
فيه ناس ممكن تخسر وظايفها بسبب بلاغات زي دي
أقدر أقول معاكي انها بلد وسخة، لأن الأوساخ فيها هما اللي مسيطرين على الموقف
شوفي انا في اتحاد طلاب احدى الكليات
تحديدا في الجوالة
طبعا احتمالية حدوث اللي قلتيه صح
و لكن من واقع معرفتي بالموضوع
و خبرتي
رصد الموضوع ده بالكامل و تبليغ النيابة العامة و الادارية به مع توثيقه
يقلب الدنيا
عموما
من قلب احداث مشابهة
كلامك ممكن يحصل
جدا جدا جدا
ليسامحنا الله
لا اجد امامه عذرا عما افعله احيانا
و لكن ليس كل ما افعله سيئا
انا فقط استمتع بالنشاط ولا احرم احدا من الاستمتاع به
يا لهوى
ايه الكلام ده
وأنا مالى يا اختى
ههههههههههههههه
ولسه ياما هنشوف
عارفة انك وحشتينى ولا لأ ؟؟
هي فوضى..فيلم يوسف شاهين الجديد
هي فوضى؟؟
طبعا فوضى...انتي اول مرة تعرفي ولا ايه
يخربيتشك يا فاطمه بقى ده كله يطلع منك يا بتش
اقول ايه بس حسبنا الله ونعم الوكيل
وفى اكتر من كده كمان
lojain
طبعا اسمحلك انك توافقيني
وللعلم اللي حصل دة اقل القليل اللي شفته
دو انا لسة مخبية فضايح
وطبعا مصدقة اللي انتي قلتيه
فيه منه كتير
اللهم امين
يارب
___________________________________
الرأفتاني
طب استني عليا كدة وانا هسقطلك البت دي
انتخابات نضيف ايه
مش لما البلد نفسها تبقي نضيفة
وبعدين منورني بطريقة مش عايزة اقولك بقي عليها
مهند
وعليكم السلام ورحمة الله وبركاته
طب وحياة امي دةاللي حصل يا مهند
وفي منه كتير بس اصبر عليا
انا عن نفسي بشرب من الحنفية
_______________________________________
واحد مش فاهم حاجة
ههههههههههههههههه
انا مش بحبها
هههههههههه
اخس عليك تبقي امين شرطة
طب اختار حاجة نضيفة
شيماء
وهي البلد عبارة عن ايه يا شيمو
شعب وارض وجو
الشعب شعب زبالة
والارض بقت مش بتاعتنا
والجو بقيمش يتشاف
يبقي فين ابلد
اللي عايش فيها مبهدل الدنيا
سمعه مصر برة زي الزفت
ومش صح موضوع انها ام الدنيا ولا حاجة
انا سافرت كتيرودة الكلام اللي بيتقل برة
مصر ام الدنيا عندنا بس
هههههههههههه
خليه يمرمط
حظ ام البت دي ان مشانا اللي بديها
بس وحياة خالي حسن ماانا سايباها
اشربي كاكاو وانتي تنامي
:)
_______________________________________
جروم
طب ما تقولي مين دول اللي ضميرهم صاحي
علي فكرة واحشني ووحشاني مدونتك اوي
ابو شنب
ههههههههههههههه
اهي بتطلب وقت ما تطلب
وهي فعلا مش حرمت نفسها
_______________________________________
meekness
انا الحمد لله انتي ازيك
اديكي جبتيها من الاخر
اميرة ويلز
وهي فين البلد دي يا اختي
عليه العوض ومنه العوض ومنه له
وحشاني اوووووووووووي
_________________________________
ابراهيم معايا
هههههههههههههههههههههه
مبروك يا هيما عليك المركز العاشر
فرحتلك
الله يسلمك
وانتو كمان كنتو وحشني اوي علي فكرة
صح انا برضه حسيت ان الدنيا كتير اوي
والله نفسي اشوفكم تاني
هاتلي انتخابات يا هيما مش فيها لا اسمع لا اري لا اتكلم
المهم انت ازيك وعامل ايه
اسلام الحساني
وعليكم السلام ورحمة الله وبركاته
بتشكرني علي ايه بس
انت فعا كلامك جنيل اوي
وبيستفز مشاعري
عشان كدة ببقي حابة ارد عليك بطريقتي الخاصة
وانا شفت البوست ومش عايزة اقولك انا فرحت بيه اد ايه
انك عاملهولي اهداء
بجد كنت هطير من الفرحة
شكرا يا اسلام
_________________________________
سندريالا
اللهم امين
جبتوها من الاخر
ولو
شهادات ايه بقي
ما راحت عليها
مسكينة ايه
اصلك مش شفتها
دي بت حرباية
ونعم بالله
____________________________
انا حر
صدقني الالفاظ دي خارجة من اللي شفته
بلاوي كتير
حسستني ان مش في خير في ام البلد دي
ادعيلي بس مش اخرج عن شعوري
قااااااااااااااااائــــــــــــــــــــــــــــــــــــــــــــــد
والله غصب عني
منها لله
رسالتي
يعني ايه رساله
هههههههههههههههه
معلش بقي
استحملني
يا عم قائد ما تبعتلي البضاعه علي اي عنوان من اللي عندك وريحني بقي
_______________________________________
عمرو احمد
لا مش غريبة يا عمرو
بس هعمل ايه بقي
زهقت
ياااااااااااااارب
واحشني يا واد
ذكريات
هههههههههههههههههههههههههههههههه
ههههههههههههههههههههه
والله ما لاقية رد علي كومتك العسل دة
واحشاني كومنتاتك بجد
_____________________________
اودي
بتضحك يا مضروب
عادي بقي علي رايك
شيماء
ومين مصر
مصر حاميا مين
مصر الارض ولا مصر شعبها
اديكي شايفة شعبها واديكي شايفة الارض بقت مش بتاعتنا
اهل فاطمة دي بقي مش عايزة اقولك
انا عن نفسي شوفتهم
البت حتي مش هاممها ابوها ولا امها وبتبجح فيهم عيني عينك
واهلها بصراحة مش يتخيروا عنها
الادب مات خلاص
_____________________________________
انونيموس
هو انتي اصلا جامعه حلوان
وبعدين بصراحة مش فاكرة اسمه بس هفتكرك اسمه واشوف الموضوع ايه
ربنا يعديهالنا علي خير يارب
خمسة فضفضة
وعليكم السلام ورحمة الله وبركااته
وهودة برضه اللي هموت واعرفوا
ايه اللي هيستفيدوا منه من ورا دة
انا الحمد لله المهم انتي ايه اخارك
________________________________
كاتروز
ونعم بالله
وحشاني
vetrinary
اولا قبل ما ارد عليك
انت فين يا جدع انت
بقالك فترة مستخبي فين
وفين العائلة
المهم ياريتها كانت زي علاء ولي الدين
_________________________________
العبد الرحمن
نفسي يكون الامل موجود زي ما بتقول
المهم حمدا الله علي السلامة
شاب مصري مفروس
وانا مش استغربت لما شوفت الموضوع دة
اصل شفت كتير انيل منه
بس حبيت اقول الخفيف الاول
مبسوطة اوي ان مدونتي عجبتك
الحمد لله علي كل شئ
عندك حق اللي مهونها عليا الناس الي بيحبوني واللي بحبهم
تحياتي
________________________________________
احساس لسة حي
دة اكبر من الظابط حضرتك
علي رايك
اذا كانت العميدة اصلا مش قدرت تاخد موقف ولا تقول اي حاجة
عشان قالت يا حيطة داريني
اصلها مش بتحب المشاكل
هههههههههههههههههه
كله هيبان يوم القيامة
سلام
سندباد
ياريت بقي كلنا تقول ونعرف الواقع للي احنا عايشين فيه
___________________________________
اسراء
ههههههههههه
يا سيتي هو انا رديت علي الاولاني لما تجبيلي التاني
بس عامة حاضر يا سيتي
تاجك اوامر
اسلام
طب والله جبت الفيد
بس نفسي اعرف مين بقي الاسود
يارب
منورني يا اسلام
______________________________________
batresya
واكتر يا بنتي
وبعدين اللي انتي بتقولي عليه دة خفيف
يعني دي بنت العميد علي القل مش مشاية مع امين شرطة
لنا الله بجد
عبده باشا
ماهو دة اللي انا عايزة اعرفه
ليه هيموتوا نفسهم علي موضوع الانتخابات دي
اهو دة اللي انا عايز اقوله
____________________________________
ملك الكبدة
طب قبل اي حاجة
ممكن تديني سندوتشين
هو اللي انا عايزة اقلهلك انه مش ممكن يحصل لانه حصل فعلا
طالما لا تمنع وبتدي كل واحد حقه يبقي خلاص
المهم مش تضر اللي حواليك
voice of love
ههههههههههههههه
بتبعيني يا فويس
عارفة انتي انك وحشاني اوووووووووووووووووي
_____________________________
بيسوووو
لا طبعا بس حبيت اعرف اللي مش عارف
______________________________________
شيماءء
بتش ايه
دة انا مسميها مدام
تحسي انها مش بنوتة كدة
عارفة انتي المدامات الي بيكبروا نفسهم
اهو تشوفي البت دي تحسي انها اكبر مني
في اكتر من كدة بس اصبر يعليا
ونعم الله
انجي العزيزه:انتمني ان اعرف رئيك في مدونتي الصغيره http://2ade.blogspot.com/
اسلام
علم يا فندم وجاري التنفيذ
واسمحيلي اؤيدك في هذا الرأي القديييييييييييييييييييييييييييم
جداً...!!
عظيمة يا مصر..!!
إظاهر فيلم الكرنك بيتكرر عملي..!!
بس المره دي مش ظابط..لأ ده امين شرطة
بلد وسخة بصحيح..!!
Post a Comment
<< Home