تاج التفاؤل
ياااااااااااااااااااه
بقالي كتير مش جاتلي تاجات
بس اخيرا في حد افتكرني
اسراء بعتالي تاج
مش عارفة دة اسمه ايه بس مجازا سميناه تاج
اول ما بلاقي طارق بيبتسملي الدنيا كها بتبتسملي يبقي دة
اكسير التفاؤل
لما بصحي من النوم والاقي محمد اخويا بيقولي ايه يا ولا يبقي
اكسير للتفاؤل
وجود طارق في حياتي بيبقي
اكسير للتفاؤل
لما بروح الكلية ولاقي طالبة بتجري عليا وتاخدني بالحضن وتبوسني في كتفي
وتقولي وحشتيني يا دكتور بيبقي
اكسير للتفاؤل
لما امشي علي كوبري قصر النيل وحاطة ال ام بي ثري والدنيا برد يبقي
اكسير للتفاؤل
لما بروح تمريني وارجع العب زي الاول يبقي
اكسير للتفاؤل
لما بفتكر كلام طارق لما يقولي كان نفسي اعرفك وانتي صغيرة واوديكي المدرسة
واخد بالي منك اوي بيبقي
اكسير للتفاؤل
لما الاقي دكتورتين عندي كبار اول ما يبصوا في عيني يضحكولي ويقولولي
تعالي في حضني يبقي دة
اكسير للتفاؤل
لما بقفل باب اودتي واقفل النور واولع شمعه وبخور واقعد مع نفسي اكلمها يبقي دة
اكسير للتفاؤل
لما بساعد حد واخرجه من اللي هو فيه ويرجع يضحك او مشكلته تتحل يبقي بالنسبة ليا
اكسير التفاؤل
لما الاقي حد يكلمني ويوقلي ازيك حبيت اطمن عليكي بس يبقي دة
اكسير التفاؤل
كل ما افكر اني ان شاء الله هتجوز طارق بعيش حالة ممكن اسمها
اكسير التفاؤل
لما بسمع الطلبات اللي عندي بيقولولي يا ماما رغم صغر سني يبقي
اكسير التفاؤل
لما طارق بيحتاجني كأم وبيحسها مني اوي يبقي
اكسير التفاؤل
لما بلاقيكو في حياتي وحواليا من ورا الشاشة يبقي
اكسير للتفاؤل
لما بقعد اتفرج مع محمد علي فيلم او مسرحية ونقعد ضحك علي حاجات غريبة واقعد اقلدهم يبقي
اكسير للتفاؤل
لما بلاقي اخويا اول ما يدخل من باب الشقة يقولي والله ما موافق اقوله علي ايه
يقولي يا شيخة اتلهي يبقي
اكسير للتفاؤل
لما بحس اني مش بقيت اخاف زي الاول ومستعدة اواجه الكون كله يبقي
اكسير للتفاؤل
لما بقعد مع طارق نتكلم وبس ويربع ايده عشان يسمعني وعلي وشه ابتسامة يبقي
اكسير التفاؤل
لما بسمع منه كلمة بحبك يبقي
اكسير التفاؤل
لما بيقعد طارق ياكل الشيكولاته واشوفه وهو مستمتع اوي كانه طفل صغير يبقي بالنسبة ليا
اكسير التفاؤل
نمرر التاج دة لمين بقي
هنشوف
simple girl
شاب مصري مفروس
catroz
ساعه غروب رودي
شيماء حفية مع ايقاف التنفيذ
شيماء heart mind and soul
مني بتحاول تكون
وكفاية كدة عشان مش ابقي شريرة
بقالي كتير مش جاتلي تاجات
بس اخيرا في حد افتكرني
اسراء بعتالي تاج
مش عارفة دة اسمه ايه بس مجازا سميناه تاج
اول ما بلاقي طارق بيبتسملي الدنيا كها بتبتسملي يبقي دة
اكسير التفاؤل
لما بصحي من النوم والاقي محمد اخويا بيقولي ايه يا ولا يبقي
اكسير للتفاؤل
وجود طارق في حياتي بيبقي
اكسير للتفاؤل
لما بروح الكلية ولاقي طالبة بتجري عليا وتاخدني بالحضن وتبوسني في كتفي
وتقولي وحشتيني يا دكتور بيبقي
اكسير للتفاؤل
لما امشي علي كوبري قصر النيل وحاطة ال ام بي ثري والدنيا برد يبقي
اكسير للتفاؤل
لما بروح تمريني وارجع العب زي الاول يبقي
اكسير للتفاؤل
لما بفتكر كلام طارق لما يقولي كان نفسي اعرفك وانتي صغيرة واوديكي المدرسة
واخد بالي منك اوي بيبقي
اكسير للتفاؤل
لما الاقي دكتورتين عندي كبار اول ما يبصوا في عيني يضحكولي ويقولولي
تعالي في حضني يبقي دة
اكسير للتفاؤل
لما بقفل باب اودتي واقفل النور واولع شمعه وبخور واقعد مع نفسي اكلمها يبقي دة
اكسير للتفاؤل
لما بساعد حد واخرجه من اللي هو فيه ويرجع يضحك او مشكلته تتحل يبقي بالنسبة ليا
اكسير التفاؤل
لما الاقي حد يكلمني ويوقلي ازيك حبيت اطمن عليكي بس يبقي دة
اكسير التفاؤل
كل ما افكر اني ان شاء الله هتجوز طارق بعيش حالة ممكن اسمها
اكسير التفاؤل
لما بسمع الطلبات اللي عندي بيقولولي يا ماما رغم صغر سني يبقي
اكسير التفاؤل
لما طارق بيحتاجني كأم وبيحسها مني اوي يبقي
اكسير التفاؤل
لما بلاقيكو في حياتي وحواليا من ورا الشاشة يبقي
اكسير للتفاؤل
لما بقعد اتفرج مع محمد علي فيلم او مسرحية ونقعد ضحك علي حاجات غريبة واقعد اقلدهم يبقي
اكسير للتفاؤل
لما بلاقي اخويا اول ما يدخل من باب الشقة يقولي والله ما موافق اقوله علي ايه
يقولي يا شيخة اتلهي يبقي
اكسير للتفاؤل
لما بحس اني مش بقيت اخاف زي الاول ومستعدة اواجه الكون كله يبقي
اكسير للتفاؤل
لما بقعد مع طارق نتكلم وبس ويربع ايده عشان يسمعني وعلي وشه ابتسامة يبقي
اكسير التفاؤل
لما بسمع منه كلمة بحبك يبقي
اكسير التفاؤل
لما بيقعد طارق ياكل الشيكولاته واشوفه وهو مستمتع اوي كانه طفل صغير يبقي بالنسبة ليا
اكسير التفاؤل
نمرر التاج دة لمين بقي
هنشوف
simple girl
شاب مصري مفروس
catroz
ساعه غروب رودي
شيماء حفية مع ايقاف التنفيذ
شيماء heart mind and soul
مني بتحاول تكون
وكفاية كدة عشان مش ابقي شريرة
Labels: تاجات
72 Comments:
فعلا اى اخترع موضوع التاج دة عبقرى بتقدر تعرف شخصيه المدون منه فعلا
شخصيه ممتازة
احمد الجيزاوى
دمتي متفائله يا انجي دوماً
وبالنسبالي لما بشوفك مبسوطة فدا يبقي إكسير للتفاؤل
أتمنالك كل سعادة
تحياتي
اكسير التفاؤل
جميلة أوي
اعتقد انك كدة متفاءلة طول اليوم !
دمتي سعيدة
masha ALLAH
always be Happy...Anooj!:)
كل ده تفائل ...
ماشاء الله طبعا
انا مش باحسد ولا حاجه
لكن فعلا حاجات جميلة وومتعة وأتمنى اني اعملها في حياتي
دمتي متفائلة وسعيدة
ya rab tfdly dayman motfa2la w mabsoota
العزيزة انجي : انا مدرب في نادي الجيزة الرياضي
مدرب رمي : جله وقرص
وكنت بتمرن في نفس النادي وبعدين اتمرنت في الاهلي لفترة وبعدين كنت مساعد لمدرب اللي كان قبلي واللي كان قبل اللي قبلي وبعدين بقيت انا المدرب :
ملحوظه: النهرده عندي لاعب كسر رقمة الشخصي في بطولة المدارس الحمد لله
انووووووووووووج
على فكره التاج تحففففففففففه
حسسني بالتفاؤل بجد
زيزي
السلام عليكم
لما اصحي من النوم واكتشف ان النهارده السبت واجازه وهانتخ برحتي
بيكون قمة التفاؤال
:P:P:P:P
حمدلله علي سلامتك
الحمد لله هربت هربت
الحمد لله هربت هربت
هع هع هع
يعني إيه تفاؤل ؟
السلام عليكم ورحمة الله وبركاته
يارب يجعل ايامك كلها تفاؤل يا انوج
ومايحرمكيش من الفرحه ابدا
سيدي يا سيدي
ده طارق طلع
اكسير تفاؤل كبييييييييييير
ربنا يسعدكم يارب
وتبقي متفائلة دايما
وااااو
هو اينعم فيه حاجات كتير شخصيه بالنسبه ليكي
بس برضه فيه حاجات كتير كتيتبها تخلي الواحد وهو بيقرا فعلا يتفائل
اللي فهمته انك مش عايشه سنك بالدرجه الطبيعيه
ربنا يزيدك تفاؤل وسعاده
اتمنالك كل الخير
في بداية الكلام عن التفاؤل ذكرتي استاذ طارق
وفي وسط الكلام تقريبا بردو ذكرتي استاذ طارق
وفي اخر الكلام ذكرتي استاذ طارق
بتمنى من الله عز وجل اني افتح المدونة دي ف يوم قريب ان شاء الله واقولكم
باك الله لكما وبارك عليكما وجمع بينكما في خير
ربنا يوفقكم لما فيه الخير يا دكتورة إنجي
:)
--------------
لما بقفل باب اودتي واقفل النور واولع شمعه وبخور واقعد مع نفسي اكلمها يبقي دة
اكسير للتفاؤل
الحالة دي استوقفتني شوية واستغربتها حبة مخبيش عليكي
اشمعنى شمعة وبخور يعني؟
:D
و لما بقرا ليكي يا انجي و اجدك سعيده و مبسوطه باحساس ان ده ليه
اكسير التفاؤل
تحياتي
ليه يا انجى تدبسينى كدة
مالقتيش غير التفاؤل عشان اتكلم عنه
ازاى اتكلم عن حاجة عمرى ما شفتها
ازاى اوصف مالم اراه او المسه فى حياتى
اسألينى عن الاكتئاب
او التشاؤم
فدول عشرة عمر وانا عارفاهم كويس
لكن التفاؤل دة اجيبه منين؟؟
Oi, achei seu blog pelo google está bem interessante gostei desse post. Gostaria de falar sobre o CresceNet. O CresceNet é um provedor de internet discada que remunera seus usuários pelo tempo conectado. Exatamente isso que você leu, estão pagando para você conectar. O provedor paga 20 centavos por hora de conexão discada com ligação local para mais de 2100 cidades do Brasil. O CresceNet tem um acelerador de conexão, que deixa sua conexão até 10 vezes mais rápida. Quem utiliza banda larga pode lucrar também, basta se cadastrar no CresceNet e quando for dormir conectar por discada, é possível pagar a ADSL só com o dinheiro da discada. Nos horários de minuto único o gasto com telefone é mínimo e a remuneração do CresceNet generosa. Se você quiser linkar o Cresce.Net(www.provedorcrescenet.com) no seu blog eu ficaria agradecido, até mais e sucesso. If is possible add the CresceNet(www.provedorcrescenet.com) in your blogroll, I thank. Good bye friend.
يا سلام
كل دى أكسيرات تفائل
أنا مش بحسد لا سمح الله
بس نفسى فى أكسر واااااااااحد بس
ياله ربنا يكرم
وعادى بقة
مش هقولك إزيك
تقدرى تقولى رخامة
أودى
ميرسي اوي انك حليتي التاج ياانوج
ويارب كل حياتك تكون سعاده وتفاؤل
(:
يا عينى يا عينى على الاجابات الى زى اللوووووووز
ههههههههههه
لا بجد اجاباتك جميييييييييله وشكرا على تمرير التاج يا جميل ولو انه هياخد وقت لانه الموضوع مش خيالى لا سمح الله بس هو صعب شويه
سلامى يا قمر
:))))
حمدلله على السلامة
وحشتينا ووحشنا التفاؤول
كان فين من زمان
سلامي يقامر
نسيتى تقولى لما بروح مع حدوتة كنتاكى وناكل كاتشاب ومسطردة دا اكسير تفاؤل
:P
يا سلام يابنتي لما دماغك بتبقي حلوه
انا كنت خايف الاقي نفس الحاله الكئيبه
ايوه كده تفاؤل وحب للحياه
حلو بجد يا سمرا
ازيك انجى عامله ايه
وحشتينى
رائع جدا تفاؤلك
وماشاء الله من كتر ماحاسة انه نابع فعلا من جواكى لاقيته بنتقل ليا ويتوغل فى قلبى
ربنا يخليك كل حاجة تبتعث التفاؤل فيكى يا قمر
اتمنى نتعرف على بعض اكتر
تحياتى
شيماء
السسسسسسسسسسسلام عليكم
هلا سمراء
اللللللللللللللله يا سمراء الظاهر حياه جميله انا مش بحسدك
بس بجد ربنا يجعل حياتك كلها تفائل ويريح بالك ديما يارب
انا رديت عليكى فى الرد على مدونتى ياريت تروحى تشوفيه
ششششششاكر ليكى اختى
التفاؤل جميل
واي حاجه بقى
مدونة انا بحبك يا مصر
اولا بشكرك علي زيارتك
وانت الي شخصية رائعه
شكرا اوي
ومنورني
__________________________
محمد مفيد
يسمع من بقك ربا
مانت عارف بقالي كتير مش ممتفائلة
بيشوي
ربنا يخليك انا والله لما بشوفكم ببقي في قمة تفائلي
اتمني انك تلاقي اللي انت بتتمناه
______________________________
big code
ههههههههههههه
مش اوي يعني
بس لو الواحد دور علي الحاجت اللي تسعده رغم ظلام الحزن اللي هو عايش فيه هيلاقي
دمت زائر لي
ايبي
وانتي كمان يا حبيبتي
المهم انتي اخبارك ايه
___________________________
صاحب المضيفة
اهو التفائل دة جه بعد سنين من الكأبة
ان شاء الله هتعملها
وايه اللي يمنعك انك مش تعملها
سيب بس الحزن وراك وعيش
بطوط
ربنا يخليكي يا انوج
ايه يا بنتي انتي فينك
والله كنت لسه بفكر فيكي من كامم يوم وجيتي علي بالي بطريقة فظيعه
المهم انتي كويسة؟
____________________________________
اسلام
مبروك
اصل انا معيدة العاب قوي
فعشان كدة كنت بسال
ورساله الماجيستير بتاعتي في الرمح
ربنا يوفقك يا اسلام
زيزي
بجد
طب ايه رايك تاخديه انتي وتقولي اي اللي بيخليكي متفائلة بجد
اخبارك ايه يا قمري
__________________________________
مهتد
وعيكم السلام ورحمة اله وبركاته
هههههههههههههههههههههه
تصدق وانا كمان بس نسيت اكنبها
الله يسلمك
ربنا يخليكوا ليا يارب
proid
هههههههههههههههههه
مش تفرح اوي
انا ممكن ادبسك فيه
___________________________________
ابو امك
لتفاؤل دة حاجة كدة زي ما تكون بتاكل شوكولاته
بتحب الشوكولاتة ؟
خمسة فضفضة
وعليكم السلام ورحمة الله وبركاته
اللهم امين
يارب
وربنا ما يحرمني منك ابدا يارب
اخبارك ايه يا فضفضتي
____________________________________
عمرو احمد
يا لهوووووووووووووووووووي علي الار
والحسد والحقد بتاع البشر
ربنا يخليك
قولي يا واد عامل ايه
ولو
ودي حقيقة
بس ايه مفهوم الدرجة الطبيعية عندك :))
ربنا يخليك
__________________________________
الام وامال
والله وانا كمان بتمني اليوم دة يا محمود
دي الحاجة الوحيدة الي تصبرني علياللي انا فيه
ربنا يخليك
اقولك انا اشمعني شمع وبخور
الشمعه بتحسسني باحاسيس مختلفة
منها لما بكون في الضلمة وبحس ان فيه شمعه بحس ان لازم يكون في نور في يوم من الايام واني هنور زيها في وسط ناس قلوبها ضلمة
وفي نفس الوقت بتديني احساس بالرومانسية
اما البخور
فدة لاني بحب ريحته اوي
وبرضه بيخلقلي جو تحفة
جو رومانسي
جربها كدة وادعيلي
دنيا محيراني
مش عارفة اقول ايه بس الكلام دة بسطني اوي
ربنا يخليكوا ليا يارب
_________________________________
simple girl
ههههههههههههه يا سيتي قلت ادبسك وانعكش جواكي
عايزة اقولك حاج
انا كمان عمري ما شفتها ولا لمستها
ولما اسراء بعتتلي التاج دة
قلت زيك كدة بالظبط
هكتب عن حاجة عمري ما عشتها
بس اول ما ابتديت افكر ايه الحلو اللي في حياتي
لقيت ان في حاجات جايز تكون بسيطة بس بتسببلي سعادة
وبتخليمي متفائلة حتي ولو للحظة
فكري كدة وبرضه مش هتنازل عن التاج
اودي
هههههههههههههههه
يا سيدي خدهم كلهم ماعداطارق
مانت رخم ايه الجديد يعني
_________________________________
اسراء
ميرسي علي ايه
دة انا مبسوطة والله انك افتكرتيني ودبستيني في التاج
انا وانتي يارب
شيماء
ههههههههههههههههههههههههههههه
انا عارفة انه صعب
بس هتقولي ايه بق
زي ما عملته انا هتعمليه انتي
عشان اشوف الاجابات اللي زي اللوز برضه
____________________________________
ياسمينا
الله يسلمك يا ياسمينا
انتي اللي وحشتيني اوي
خلي بالك من نفسك
حدوتة
هههههههههههههههههه
قصدك لما نلغوص
وحشاني يا مضروبة
يا بت ابقي طمنيني عليكي
_____________________________________
حصان بري
ههههههههههههههههههههه
فترة وهتعدي وخلاص
المهم بقالك كتير مش كنت بتيجي
ولا انت كنت مانع الكتئاب
انت اللي حلو
رفقة عمر
انا الحمد لله يا رفقتي
وانتي كمان وحشاني اوي
ومفتقداكي
_____________________________________
شقاوة شعب
بسطيني اوي مرتين
المرة الاولي لما زرتيني
والمرة التانية اني كنت سبب في انك تكوني مبسوطة او متفائلة
اكيد يا شيماء
خليكي انتي علي طول معايا بس
حتي اسالي الناس
ههههههههههههههه
اسلام الحساني
وعليكم السلام يا اسلام
الحياة جميلة عشان فيها واحد زي طارق
غير الناس
جايالك يا اسلام
علي ايه انت كلامك حلو اووووووووووووي
__________________________________
اسكندراني اوي
علي رايك
اي حاجة بقي
اخبارك ايه؟
يدوم التفاؤل
ونشوفك دايما مبسوطة
دة في حد ذاتة تفاؤل
انا جالي مولود جديد علي فكرة
ممكن اعرف مين طارق دية يا انسة سمراء النيل ورديى عليىة بسرعة
باى ناجى
الف مبروك عليى البيبى الجديد الزى اتية الى العلم الزى يوجد بة خير وديفى ويريت تعلمى البيبى الاشيىء الحلوى فى الدنية باى بلى والا ف مبروك على البيبى مع تحييات
واضح انك من النوع المتفائل اصلا
علي العكس مني تماما
انا في العالب غير متفائل و اميل اكثر الي التشاؤم
لكن التفاؤل و التشاؤم ليس له علاقه بوجود الامل و عدمه عندي
فانا املي كبير جدا في تحقيق بعض الامنيات
تحياتي
واضح انك من النوع المتفائل اصلا
علي العكس مني تماما
انا في العالب غير متفائل و اميل اكثر الي التشاؤم
لكن التفاؤل و التشاؤم ليس له علاقه بوجود الامل و عدمه عندي
فانا املي كبير جدا في تحقيق بعض الامنيات
تحياتي
الحمد الله تخطانى التعيين
هههههههههههههههههههههههه
صباح التفاؤل بجد ..
يارب تفضلى كده دايما
بجد انا لما اريت التاج انا حسيت بالتفاؤل وربنا يخليكى انتى وطارق لبعض وتعيشوا في سعاده ويوفقك دايما وتبقى حايتكم كلها شيكولاته بس ابقوا افتكرونى بحته
تحياتى
دمتي متفائلة يا اونجة ودام لكي طارق حبيبا وسندا واخا وابا ودمتي معه متفائلة وطفلة وجميلة ودام عليكم الحب والخير
انوجه واحشانى مووووووت بجد
يعنى هو انتى دايما كريمه كدا وما تعرفيش تيجى بايدك فاضيه عموما يا ستى شكرا وكل اللى يجى منك زى العسل
واحشانى انتى موووووت
ربنا يا انوجه يكرمك ويزود كل اكسيرات التفاؤل جواكى
ربنا يحميكى ويحفظك
ويكرمكو انتى وطارق
يكتب لكو كل ما فيه الخير
ربن معاكى
واحشانى
يارب كل أيامك تتملي بالتفاؤل والخير والبركة وتبقي دايما أيام جميلة بقدر جمالك يا انجي
و انا لما بشوفلك بوست جديد حلو زى ده
يبقى اكسير تفاؤل
ازيك يا
بت وحشانى موووت
جبت الموبايل و كلمتك بس محدش بيرد
يا بنتى مرة ردى على مكلمتى
يالا ماا علينا المهم انك بخير و متفاائلة
يارب دايما
وحشتينى اوى ومش بتسألى ولا بتظهري قلت اجى اسلم انا
ماهو على رأى المثل من لاقى احبابه نسي اصحابه
بلد بتاعة شهادات صحيح
:D
ازيك يا نوجى عاملة ايه .. وحشانى اوى يا بطوطة
كل سنة وانتى طيبة
w lma a2ra post zay da
yeb2a akia akid da eksir leltfa2ol
bad7k 3shan enty keda :)
ربنا يسعدك على طوول يااارب
و كل ايامك كده يبقى فيها تفاؤل
و يحفظ لك طاارق يااارب
كراكيب عادل
ربنا يخليك يا عادل
بجد مبسوطة اوي
الف مبروك وربنا يباركلك فيه يارب
يعني نقولك دلوقتي يا ابو عتريس ؟؟
___________________________________
انونيموس 1
طارق دة حضرتك يبقي خطيبي
انونيموس
هو انا اي نعم نوعا ما فهمت تعليقك بعد تلات ايام محاولة لفهمه
بس البيبي دة مين
يا ابني هو انا اتجوزت عشان اخلف
ركز بقي
___________________________________
ذو النون المصري
هههههههههههههههههه
طب والله ضحكت اوي لما قريت تعليقك
انا من النوع المتفائل اصلا
ربنا يكرمك
فين طارق يسمعك
الحالة اللي انت بتحكي عنها دي تبقي انا
بس لما جيت ادور علي التفائل في حياتي مش لقيت غير العشرين نقطة دي
كتير صح؟
سفاح كرموز
مش تفرح اوي كدة
جايلك الدور مش تقلق
ربنا يخليك يارب
__________________________________
tota_fm
هههههههه
هو انتي بتفكري تاخدي شوطولاته من طارق
يبقي انتي اللي جنيتي علي نفسك
ربنا يخليكي ويكرمك يارب
ويرزقك
true love
ودمتي ليا ارب علي طول
ربنا يخليكي يا حبيبتي يارب
انتي اخبارك ايه؟
__________________________________
ساعه غروب
عيب عليكي يعني اخش عليكي بايدي فاضية
وانتي كمان وحشاني اوي
عارفة يا رودي نفسي اترمي في حضنك بجد
وانام علي كتفك
ربنا يخليكيي ليا يارب
وانتي كمان وحشاني
كاميليا
ربنا يخليكي يا جميلة وبجد منوراني
___________________________________
ما علينا
ربنا يخليكي يارب يا قلبي
والله كنت مبسوطة اوي لما كلفتك 9 دقايق علي الموبيل
معلش اصلي كنت في الفترة دي مكتئبة اوي ومش كنت برد علي اي حد
مانا رديت اهو بقي
وحشاني برضه
مش هشوفك بقي ولا ايه؟
dead man
يارب وانت كمان
__________________________________
انسانة
معلش يا مينا والله غصب عني
مشغولة بطريقة غبية
هنبتدي قر بقي
:))
انا الحمد لله بخير المهم انتي عاملة ايه بقي
وانتي طيبة يا قمري
اوما
انا كدة ازاي يعني
متفائلة يعني؟؟؟
هههههههههه
ربنا يكرمك يارب وتفضلي متفائلة كدة علي طول
___________________________________
كاتروز
ربنا يخليكي يا قمري
ويحفظك ليا ولكل اللي بيحبوكي واللي انتي مش تعرفيهم
اخبارك ايه دلوقتي؟؟
عشان تعرفى بس أن التاجز دى نعمة كبييييييرة .. التاج اسمه يفتح النفس أصلا
ربنا يجعل كل أيامك تفاؤل
:)
مبرمج حر
اه مانت خلاص نسيتني
انت لسة فاكر يا بيه
عامة طالما جيتلي يبقي انا مسماحاك
ربنا يخليك يارب
ويسعدك ويكرمك ما يحرمك قادر يا كريم
عسسسسسسسسسسسسسسسسسسسسل
انتي عسل والله
آنستي الجميلة(بعد إذن طارق طبعاً)
كل اللي فات ده ممكن نعتبره إكسير تفاؤل...ماعدا السطر ده
"..لما بقفل باب اودتي واقفل النور واولع شمعه وبخور واقعد مع نفسي اكلمها يبقي دة...."
لأ بقا
عند دي واستوب
ده مش اكسير تفاؤل
ده الشر بره وبعيد
ولازم نوديك عند اهل الله...!!
شالله ياسيدنا...دستووووووووووووووور
(:
طول مانت بتعدي المطب بالراحة ومتبصيش وراكي يبقا ده احلي اكسير تفاؤل
بجد حط إيديك في إيد طارق الدفا هيسري من كفك لكفه وبالعكس...مفيش اي شتا او عاصفة تقدر تقلع جذوركم أبداً
ربنا يوفقكم
(:
mermaid
انتي الي عسل
ربنا يكرمك يارب
____________________________________
بيتنا القديم
هههههههههههههه
لا انا جميلة من غير ان طارق
ليه بس شر ليه
هو انا هحضر عفاريت يا سمسم دة انا بتكلم مع نفسي
ههههههههههههههه
مش عايزة اقولك بحس بايه لما بحط ايدي في ايده
الدفا بيملكني كله مش بس في كفي
يارب
ادعيلنا بقي
انا مش عارفه اقولك ايه بس البوست ده انا كنت هكتب زيه بس اكيدلمسة طارق تضفي شيئا اجمل علي الموضوع
اتمني لك السعاده انت وهو ان شاء الله
ياسمين
ملكة ارض الاحزان
عاقلة علي ارض الجنون
ان لم تجمعنا الايام فربما...نلتقي يوما في قصيده
i loved it
though it's not very well written , but the meaning is more powerful than the lahguauge:)
& yeah , it's mostly about your fiance, but aagin it's ok
you're free to write whatever you want
it's your blog after all :)))
peace
Post a Comment
<< Home