كفاية تاجات بقي

بقولكم ايه
لما تلاقوني اعتزلت التدوين اكيد هيبقي بسبب التيجان دي
هتستفادوا ايه يعني بجد
غير حرقة دمىىىىىىىىىىىىىىى
ادعي عليكم بايه بس
فاضيالكم انا
التاج الاولاني من مبرمج حر اللي قعد يمخمخ في تاج عشان يدبسنا فيه ومن تاليفه
بس انا مش هريحه برضه في الاجابة

تكلم عن هواية لما بتمارسها بتستغرق فيها تماماً

وتنفصل عن عالم الواقع لفترة من الوقت أثناء ممارستها

بسم الله الرحمن الرحيم
الاجابة حضرتك ان انا من عادتي اصلا اني مش برد علي حد
واخليهم ينادوا براحتهم بقي
بعمل عبيطة بعيد عنك
بس بجد يعني زمااان كنت برسم حلو اوي
وكنت لو برسم لوحة لازم اقعد عليها لحد ما اخلصها ان شالله اقعد عليها تلات ايام
ولا يهمني
ولا علي بالي
ينادوا وانا ولا انا هنا

برضه اللعبة بتاعتي اللي هي الريشة الطايرة اللي بلعبها لما اكون في التمرين
ولا في ماتش
الناس كلها ممكن تنادي عليا
وانا ولا هنا
هههههههههههه
فاكرة في مرة كنت بلعب ماتش مهم وعماله العب للبت علي الباك يعني المفروض ناحية اديها الشمال

اللي هي عادة بتبقي نقطة ضعف للخصم لصعوبة صد الريشة من الناحية دي
والمدرب بتاعي عمال يزعقلي
وينده
وانا ولا انا هنا
ولا يهمني
ولا علي بالي
ينادي
وانا في الضياع
فيييييييين وفييييييين بقي بعد الشوط الاولاني لما خلص وكنت خسرته
المدرب نزل ليا عشان يديني النصايح
كان عايز يديني قلم علي وشي
قلتله مانت عارف اني لما بلعب مش بركز غير في العب بس
قالي يا حمارة كنت بقولك البت شولة
مش تلعبيلها علي الباك
قلتله يا رااااااااجل تصدق ولا اخدت بالي
والماتش انتهي اتنين واحد ليا

يلا كفاية كدة بقي

نخش بقي علي التاج التاني بتاع الواد اودي
اصل الواد دة عارفني كويس وعارف ثقافتي
اصلي ثقافتي لندن
بعتهولي بالانجليزي

يا مسهل يارب

section 1
last beverage?

امممم
شاي بلبن حضرتك
last phone call ?

مممممممم
طب ليه تخلوني اكدب عليكو
عامة يعني بما اني مش برد علي الموبيل دلوقتي خالص
فاخر مكالمكة كانت علي تلفون البيت من شخص عزيز عليا اووووي


last instant message ?

مش فاهمة هل انا بعتها ولا اتبعتتلي
بس في كلا الحالات من والي شخص عزيز عليا

last cd played ?

اممممممممممم
سي دي كانت عليه مجموعه اغاني وموسيقي اداهاني برضه شخص عزيز

ومش في حد غتت يسالني مين عزيز دة

last time u cried ?

النهاردة

last text message

ممممممممممممممممم
برضه كانت لشخص عزيز اووووووووي

قلنا ايه

Section 2 - Have You Evers
:1. dated someone twice?

كلا وابدا واطلاقا وحتما لا
ابسلوتلي لا

hv u evers been cheated on ?

مش عارفة هل دي معناها اني انا اللي اتخدعت او انا اللي خدعت
بس انا اتخدعت دي فدي كتيييييييييييييييير من حنفي ابو دقة وغير ابو دقة وغيره وغيره
لكن خدعت دي لا اعتقد اني عملتها مع حد ابدا

3. kissed someone & regretted it?

ههههههههههههههههه
اه
شمشمونة القطة بتاعتي اللي ماتت
بستها وهي عيانة وبالتالي لما بستها اتنقلت ليا العدوي جالي نزلة معوية بعيد عنكو

lost some one special?

يوووووووووووووو كتييييييييييييييييييييير
حنفي ابو دقة وغير ابو دقة وغيره وغيره

been depressd ?

ييوووووووووووووووووو كتييييير حنفي ابو دقة وغير ابو دقة وغيره وغيره

تقريبا طول عمري مكتئبة

وبعدين مش ابقي سمرا يعني لو مش كنت كدة

6. been drunk and threw up?

استغفر الله العظيم
انا كبيري اشرب شاي بلبن وفسكافية حضرتك

Section 3 -
List 3 Favorite Colors

اممممممم
بحب اللون الموف الهادي
والاسود
ولون السما وقت الغروب

Section 4 - This month have you
Made a new friend?

الحمد لله كتير وكلهم اخواتي وحبايبي

2. Fallen out of love?

تقدروا تقولوا كدة

3. Laughed until you cried?

ههههههههههههههههههه يووووووووووو كتير
حنفي ابو دوقة وغير ابو دقة وغيره وغيره

Met someone who changed your life?

الحمد لله ربنا انعم عليا باصدقاء فعلا قدروا يغيروا في حياتي كتير
مش هقدر اجيب اسامي عشان مش حد يزعل
بس الحمد لله اني كمان قابلت ناس بتمني انها فعلا تكون معايا علي طول

5. Found out who your true friends were?

الحمد لله برضه ربنا وقفلي شوية بنات زي السكر اكيد هما عارفين نفسهم كويس اوي
وبجد بحس ان ربنا هيكرمني بيهم

6. Is there something you want to tell someone?

اه الحقيقة
وهما عارفين كويس انا عايزة اقولهم ايه

7. Would you kiss anyone on your top friends?

هههههههههههههههههه هو اصحابي البنات لما ابسوهم يبقي حدث جليل ولا ايه

8. How many people on your top friends

do you know in real life?

جينا للنكد بقي
اصحابي الحقيقين للاسف مش ليهم وجود
بس ربنا اكرمني بناس عرفتها من خلال المدونة بجد مليان عليا حياتي

وتقريبا مش محسسيني بدة او بحاول اقنع نفسي بدة

9. How many kids do you want to have?

:((
:((
بتمني ان يكون عندي اتنين
بس اللي يجيبه ربنا يبقي الحمد لله

10. Do you have any pets

اه طبعا دة ابني الاولاني
القط بتاعي ربنا يخليه ليا يارب
اسمه لي لي
اصلي كنت فاكراه قطة في الاول

وبعدين كان عندي سلحفة مسمياها كبالص
وماتت
ثم قطة زوجة لي لي اسمها شمشمونة
وماتت
وبعدين ربيت كتاكيت وارانب
وبعدين ربيت عصافير
وانا صغيرة مش عارفة ازاي جالي قلب اربي ضفادع
وبعدين جاتلي هواية غريبة اني اربي نمل
وكلهم ماتوااااااااااااا
عاااااااااااااااااااااااا

11. Do you wanna change your name?

لا اعتقد اسم سمرا و اانوج عاجبني ومش عايزة اغيرهم ولا اغير اساميا

12. What did you do for your last birthday?

عيد ميلادي اللي فات اتعملي حتة عيد ميلاد علي الاسبيس بتاع طارق اللي هو سجين في قلب الوطن
كان اوعي وشك
وبعدين عملت لنفسي كوباية شاي بلبن ونمت

13. What time did you wake up today?

الساعه 12 ونص الضهر

14.What were you doing at midnight last night?

امممممم
الاول بعت رساله علي الموبيل
ثانيا قريت قصيدتي المفضلة
ثالثا قريت اذاكار النوم ونمت
وعلي راي اخويا نوم الظالم عبادة

15. Name something you CANNOT wait for?

حاجة واحدة بس
هما تلات حاجات بصراحة
الاولانية اني اخلص من ام امتحانات الماجيستير
ثانيا اني اناقش رسالتي علي خير
ثالثا اللي اي بنت بتتمناه انها تتجوز

16. Last time you saw your father?

وليه اخر مرة ما هو جنبي اهو
:(

. What is one thing you wish you could

change about your life?

اني انسي كل الماضي اللي مريت بيه

18.What are you listening to right now?

اغنية انا مش معاهم اللي في الفيلم انا مش معاهم بتاعت بهاء سلطان

Have you ever talked to Tom?

هههههههههههههههههه
الله يخربيتك يا اودي
مين توم دة ياض

20. Have you ever talked about

someone behind their back?

ههههههههههههههههه في الاول كنت اقعد اتكلم وانا مش واخدة بالي وفي الاخر اقول يله ربنا يهدي
لكن الحمد لله دلوقتي بحاول اذكر بالخير

What’s the last piece of clothing you

borrowed from anyone?

يا جماعه انا بخاف من الجرب وبعدين مش في حاجة مضمونة الايام دي
بس بصراحة يعني
يوم ما جالي عريس الغفلة اللي قالي انتي كبيرة دة وعرفت من بابا انه طويل

البت جهاد سلفتلي الجزمة اللي بكعب

اصلي انا عمري ما لبست جزمة بقضيها كوتشيات بقي

بس يوميها البتاعة اللي بكعب دي اخري كان امشي لحد الصالون بيها
وكنت هرميها في وشه في الاخر

Who’s getting on your nerves right now?

لما بفتكر اني جرحت حد او ضايقت اي حد

23. Most visited webpage?

البلوج بتاعي طبعا

24. Coke or Pepsi

ميرندا تفاح بعد اذنك

25. Mac or PC?

انا اعترض
واشجب واندد
ومش ليا فيه
اصل بصراحة مش فاهمة
غير الكلمة الاخيرة بس تقريبا كمبويتري انا
والله اعلي واعلم

so to whom i will send the tag ??????!

اه جيناا بقي للتشفي
بما ان مبرمج حر مصمم يبعتلي تاجات فالتاج الانجليزي دة
هو هيجاوب عليه
والتاجين الاتنين دول هيجاوب عليهم طارقين
طارق سجين في قلب الوطن عشان بيقعد يدعي عليا
ومش فاضي
وطارق واحد من الناس عشان مش بيحب التاجات خالص