انتي يا بت ....؟
ايوة انتي يا طويلة انتي
قال ايه قاعدة في امان الله في بيتنا وانا ماسكة العسلية اللي احلي اختراع شفته ومتمزجة
والاقي ايميل افتحه الاقي واحدة بتقولي انها مبسوطة اوي انها عرفتني وانها نفسها تشوفني
طب ماشي يا سيتي وقال كمان بتقولي علي حفلة في ساقية الصاوي وانها جاية من بورسعيد
المهم خدت البت بجابيجو معايا ورحنا هي فيييييييييييييييييييين بقي في وسط الناس دي ؟؟؟؟؟؟ البت دي طب مش تسيب موبيلها ولا تقولي كانت هتحط وردة حمرا في الجاكيته
المهم فضلت زي العبيطة كل اللي اشوفه اساله والنبي يا اخويا مش شفت واحدة تايهة بيقوله اسمها رودي او ساعه غروب
يبصلي اوي كدة ويسبني ويمشي ادا هو انا قلت حاجة قبيحة ؟؟؟؟؟
لحد ما بنت حلال كدة قالتلي اه دي اللي قاعدة هناك اروح وشايفاها من بعيد قصيرة
اول ما قربت مديت رقبتي فووووووووووووق عشان اوصل لراسها لا مش انااللي قصيرة هي اللي طويلة
ايوة يا اختي انتي مين بقي ؟؟؟
ادا دي هتردحلي !! المهم نعمل خير قلتلها انا سمراء النيل البت مش نطقت قلت اكيد جاتلها صدمة عصبية
ولسة هسفكها قلم عشان تفوق لقيتها صرخت وقعدت تحضن وتبوس فيا
يا سيتي براحة انتي محرومة ولا ايه ؟؟
ومن ساعتها بقي مش عايزة اقولكم وان بحب البت دي اوي
نتكلم جد شوية بقي انا عارفة ان انبارح كان عيد ميلادك بس معلش اعذريني ظروف بقي
وجاية النهاردة اصلح غلطتي لا مش عايزين نفهم غلط
كل سنة وانتي طيبة يا روووووووووودي وعقبال 1000000874888939783667 سنة واديني يا سيتي جايبالك تورتة تلات ادوار زي طولك اهو عشان تاكلي وتتخني مش تطولي
دي يا جماعة رودي وهي متنكرة في عيل صغير وبتاكل في التورتة ومش عايزة تسيب اي حتة للمعازيم
طفسةةةةةةةةةةة
خلصت التورتة كلها
يا ابنتي عيب كدة
طب سبيلي حتة طيبة دة انا اللي جايباها
شايفين البراءة اللي عليها
معلش بقي هقلبها نكد انتي عارفة كويس اني علي طول ليكي وقت ما تحتاجيني
واني معاكي لو الدنيا دي وقفت كلها في وشك اول ما تحسي انك مخنوقة هتلاقي حضني يساعك فاتحالك دراعاتي
مش احنا قلنا ان احنا اخوات واني لسانك بس انتي اطول من لسانك ههههههه
ربنا يخليكي ليا انتي وكل اللي بحبهم يارب ويارب اشوفكم كلكم احسن ناس في الدنيا
سامحيني اني مش عرفت احتفل بعيد ميلادك بالطريقة اللي تليق بيكي
بس قوليلي احساسك ايه وانتي قفلتي الربع قرن اديني عبرتك اهو ابقي خلي بالك عيد ميلادي بعد 7 شهور عشان تحوشي من دلوقتي
يلا كفاية عليكي كدة والبوست دة كبيره هيقعد كام ساعه عشان احط واحد تاني
هي ناقصاكي اصلها كفاية عليكي كدة كل سنة وانتي طيبة يا قمري
وقمر بورسعيد
شايفة اهي الناس ابتدت تتلم اهي
Labels: خاص ومقابلات ومناسبات
47 Comments:
اختك اختنا
وفرحك فرحنا انووووووووج
كل سنة وهيا طيبة
عاملة اية انووووووج
تحياتى
أولا كل سنه ورودى طيبة
أما إنتى بقة ليكى معايا حوار
طيب ما إنتى لسة عايشة أهوة
أمال بيقولوا ماتت لية ؟؟
إنتى ....... آه
بشتمك
وإنتى عارفة لية ؟
وبرضوا عادى بقة
هقول غيه يعنى
أودى
جميلع اوي الصور بجد..
ربنا يخليكوا لبعض..و كل سنه و انت طيبه يا رودي و انت كمان يا سمراء و عقبالما يجي عيد ميلادك ان شاء الله
على فكرة دى أول زيارة ليا لمدونتك دمك خفيف أوى و الصور عجبتنى جدا ربنا يخليكوا لبعض كل سنة و رودى طيبة و عقبال مليووووووووووووون سنة
تامر
ياااااااهدة علي كدة بقي اخواتكم هيبقوا كتير اوي :))
اخبارك انت ايه
انا الحمد لله ماشي الحال
بس ادعيلي يا تامر
__________________________________
اودي
صدقني غصب عني
معلش انت عارف بقي انا اخر مرة كنت تقريبا منهارة بجد
وكان لازم ابعد شوية
بس الحمد لله علي كل شئ
واكيد عارفة ليه
بس اعذرني معلش
احنااصحاب بقي
مااحنا قلنا عادي بقي
ارتعاشات
ههههههههه شفت صور رضوي
ويخليك لينا يارب
انا عيد ميلادي بعد 7 شهور اديني بقولك اهو من دلوقتي
جهزوا نفسكوا بقي
وانت بالصحة والسلامة يا قمر
__________________________________
ايمان الطاهر
وبجد شرفتيني بزيارتك دي
واتمني انها مش تكون اخر مرة
واتفضلي تورتة بقي ولو ان رودي خلصت عليها كلها
منوراني واتمني تكرارها
مبروووك وعقبال100سنه انشاء الله ووصيتى لصحبتك
وعيشى كل لحظه كانها اخر لحظه فى حياتك عيشى بالايمان عيشى بالكفاح عيشى بالامل
ماشى؟
وأخرتها إيه ؟
انجى
احرجتينى اوى بجد
وحششااااااااااااااااااانى
اوى اوى اوى
حبيبه قلبى من كل قلبى
بجد بحبك اوى
و شكرا ليكى بجد
مش عارفه اقولك ايه
انا كمان ربنا يعلم انا حبيتك اد ايه من اول لحظه شفتك فيها
حسيت انى اعرفك بجد من زمان
كتير اوى بنقول الكلمه دى
بس بجد دا كان احساسى ساعتها
انوجى
حبيبه قلبى
الصور تحفه جدا
وبصراحه مش هخبى عليكى
انا طفسه جدا
بس بعد ما الناس تاكل
ممكن اجيب 2 تورته لانهم لو خلصوها كلها ممكن يجرالى حاجه
خاصه ان انا صاحبه عيد الميلاد
حبيبه قلبى
انت بس عيد ميلادك ييجى
وهتشوفى الى عمرك ما شوفتيه
بس كل خير ان شاء الله
:)
عاجى اقعد معاكى اسبوع والمصروف طبعا عليكى انتى
دا غير كروت الشحن والنت طبعا
شفتى هخدمك ازاى عشان احتفل بيه
باه انا طويله اوى كدا
دا كلهم مترين بس
مش حبيت ازودها يعنى
ههههههههههههههههههههه
و بعدين انتى كمان قصيره جدا
يا جماعه انا بشكر كل حد علق على البوست اللى زى العسل دا
وبشكر كل حد افتكرنى فى عيد ميلادى
حبيبه قلبى مش قادره اقولك على احساسى يا اختشى
احساس مش ظريف ولا لطيف ابدا
ياختى مش عارفه كدا
حسانى ودعت عالم الطفوله الى الابد
بس على مين
ما انتى شايفانى اهو نازله اكل فى التورته بدون رحمه
حبيبه قلبى
بجد انتى حد غالى عليا اوى اوى
وانا عارفه مكن غير بوستات واله انك فاكره
وبعدين انى بعتى واتص3لتى وده كتير عليا اوى اوى
انجى بجد مش عارفه اقولك ايه ومش عارفه اوصفلك البوست ده فرحنى اد ايه
بحبك اوى
و وحشانى اوى
ربنا يديم الصداقه و الاخوه اللى بيننا
انوجتى لو قعدت اشكرك من هنا لحد ما يبقى عندى 26 مش هيوفى اللى جوايا ليكى برده
بحبك وطمنينى عليكى دايما
:)
happy birthdaaaaaaaaaaaayyyyyyyy
so sweet of you samraaa :))
rabena ye7'leeko li ba3d ya rab insha Allah
كل سنة وهى طيبة ويارب تطول كمان
kol sana w ro0ody tyba w 2o3bal million sana :D
ازيييييييييييييييييييييييييييييييييييييييييييييك
:)
كل سنه وانت كمان طيبة
كل سنه وانتي طيبه
أدفع حق التورته أن كنت فاهم حاجه من الادوار العاليه دي
ربنا يزيدكم
لس أهم حاجه متنسوش التراخيص
أحنا في بلد القانون
والكل عارف
تحياتي
ROMIL
انا كل شويه ادخل عن حد اكتب قصيده واخرج
هنا حـ اقولك كل سنه وانتى طيبه
بجد
وانتى عارفه انا حساها ازاى
تحياتى يا سمرا
أنتى أصيلة أوى يا إنجى , زى ما إسمك "سمراء النيل" بيوحى بكده فعلا
وكل سنه ورودى طيبة
ربنا يديم صدقتكم وحبكم لبعض يارب
هو انت حد ضحك عليكي
وفهمك انك ظريفة ولا حاجة
-:P
كل سنة وانتي طيبة يا رودي
كل سنة وانت ي طيبة يا انجي لغاية لما عيد ميلادك يجي
ربنا يخليكم لبعض يا رب
:)
الف الف مبروك
وعقبال عندكم جميعا
بس ايه يا بت يا انجي حكاية تصلحي غلطتك دي
انا قلقت منك يابت انتي
هههههههههههههههههه
كل سنة ورضوي وانتي طيبين
كل سنه ورودي طيبه
وكم انتي رائعه يا انجي
:))))))))))))
Very, very nice, Smaraa! Thank you. have a good day
عقبال عيد ميلادك انتى كمان ياسمره
خالد
ربنا يخليك يا خلود يارب
بس انا مش عارفة النصيحة دي لرضوي ولا ليه
هو علي العموم ماشي
___________________________
اودي
انا اللي عايزة اعرف اخرتها ايه يا اودي
بس اكيد اخرتها هتبقي خير
ادعيلي انت بس اخرج من اللي انا فيه دة قريب
ساعه غروب
رووووووووووودي
هابي بيزي تو يو
كل سنة وانتي طيبة يا قمر
واحرجك ليه عشان شارية التورتات بفلوسي
هههههههه
وانتي كمان وحشاني اوي اوي
تشكريني علي ايه يا عبيطة
دي اقل حاجة ممكن اعملها ليكي بجد
ايه رايك في الصور
عجبتك صح
وهتخبي عليا ليه
مانا عارفة حقيقنك
ادينا ياسيتي عيد ميلادنا بعد سبع شهور وهنشوف هتعملي اايه
بس يارب نكن مع بعض
تعالي انتي بس ومش ليكي دعوة راجل اعمليها
بس بجد تعالي انتي بجد
انا قصيرة ازاي يعني 167 وقصيرة
يا بنتي دة الطول الطبيعي لبنات انتي اللي مش طبيعية
انتي هقوليلي علي الاحساس مانا مجرباه يا اختي
يا لهووووووي هعمل ايه وانا هتم ال 26
ادعيلي بقي
ههههههههه
بجد دي كانت اقل حاجة اعملهالك
انا تمام يا قمر الحمد لله
وكل سنة وانتي طيبة
ايبي
ايبىىىىىىىىىىىى
ربنا يخليكي يا ايبي يارب
ويخليكي لينا يارب
___________________________
سكومونوس
لالالالالالالالالالالالالا
تطول اكتر من دة ايه
حرام دة حتي مضر بالصحة
خليها مش تبسطها اكتر من كدة
بطووووط
وانتي طيبة يا اللي اسمك علي اسمي
ههههههههه
___________________________
lion king
احمممممممممممممممممد ازيك انتي
فينك كدة
وانت بالصحة والسلامة يارب
روميل
وانت طيب يا روميل يارب
هههههههههه طب تعالي ادفعها وانا افهمك
ايه يا عمنا انت انت جاي تخنقنا ولا ايه
قوانين ايه خلي الشعب يعيش
اديني في الهايف وانا احبك يا فننس
خليها حبة فوق وحبة تحت
___________________________
فوكيرة
وانتي طيبة يا قمر
وعلي فكرة انا مش كنت ناسية عيد ميلادها انا ب كانت عندي ظروف بجد بعداني علي كله وبجد مش كنت هخش علي النت لكن اضطريت ادخل عشان خاطر رضوي
واكيد يا قمر عارفه انتي حاساها ازاي
مبرمج حر
طب وبعدين بقي الكلام الكبير دة
ربنا يخليك يارب
ربنا يخليك لينا يارب
___________________________
شادي فايد
هههههههههههه
يا ابني بطل حقد بقي
يا شادي حاول تواجه الواقع المرير ان مش في وجه منافسة بيني وبينك
اه طبعا انت اول واحد قلت عليا ظريفة ودمي خفيف
ناسي ولا افكرك
وبطل حقد بقي
نوني
وانتي طيبة يا نوني
ياااااااه يا مين يعيش بقي
ربنا يكرمك يارب
ومعلش يا قمر مش بخش علي النت ولا علي الماسنجر
بس ان شاء الله قريب اكلمك
___________________________
عمرو احمد
الف مبروك ايه انت داخل طهور
هههههههههههههههه
لا عيب عليك بقي استر عليا
لازم تشردلي بقي
المهم اخبارك انت ايه
محمد مفيد
ربنا يخليك يا محمد يارب
علي فكرة عايزاك في موضوع مهم
هبقي ابعتلك ايميل
___________________________
mony the angel
:)))))
:))))
:)))
david santos
thank u david
have a good day to u too
___________________________
الارموطي
ربنا يكرمك يارب يا ارموطي
بس ساعتها بقي خلاص هتكونوا نستوني
المهم اخبارك انت ايه
السلام عليكم
بحق ..انتي ...سمراء النيل ...طيبه....جدااا
تخرجى
أخرى يا ختى هوة حد مانعك
مش انا أروح الساعة 10
ناس بقة
ماشى
فكيها تتفك على طووووووووووووووووووول
يا قلبي يا غريب
ربنا يكرمك يارب
بجد بسعدني تعليقك اوي
__________________________________
اودي هنبتدي حقد بقي
انت واحد اخرك الساعه عشرة
ذتبي يعني
المهم لو جت علي الفكة كان زماني فكيتها من زمااااااااااااااااان
بس دي بعقدة وشنيطة
شفت الصور دى فين ياربى قبل كدا ؟؟؟؟
مش فاكر
ما علينا
المهم
كل سنة و صاحبة عيد الميلاد طيبة
بس برضه فى اعياد ميلاد احلى من كدا بكتيررررررررررر
ههههههههههههههههههههه
:-p
طارق
هههههههههههههه
هو انا اقدر انسي الصور دي كانت لمين
يلا
وانت طيب يا طارق
وعلي فكرة مستنية برضه عيد ميلادي ال 26 لما نشوف هتعمل فيه ايه
ايه يا جدعان مش هياكل والله كدا انا كل ما اكتب تعليق الائيه اختفي انتي يا ست سمرا اتصرفيلي في تعليقي دلوقتي علشان انا كنت جايب هديه لرودي اتصرفي بقي
كوبا
وانا مالي يا عم
شوف بقي اديتها لمن وانت في السكة وبعدين رودي هي اللي هتتصرف معاك مش انا
زى الاهرام والجمهورية مفيش جديد الى بنام فيه بنصحى فيه
kol sana w heya tayeba
ana ro7t elblog bta3ha w 2oltelha kol sana w heya tayeba benafsi :)
kol sana w ento es7ab ya 2amr :)
الارموطي
يا راجل حد يبقي زي الاهرام والجمهورية
ماهو لازم اللي بتصبح فيه تنام فيه
خليك مع الدستور دايما بيجيب الجديد
__________________________________
اوما
كل سنة وانتي طيبة يا قمر
وربنا يخليكي ارب
هي هتفرح اوي بمرورك ليها
وربنا يخليكي لينا احنا الاتنين
كل سنة وانتى وهى بألف خير
ودا شعور جميل وعسول وأمور منك ياسمور
ياللا عقبال ماتهنينى انا كمان لما السنه ترأس:)
happy birthday rody
صرصارة
وانتي طيبة يا قمر وبصحة وسلامة
انتي قوليلي بس عيد ميلادك امتي وانا اعملك عيد ميلاد ولا اجدعها الف ليلةوليلة
بس قوليلي انتي بس امتي
___________________________
انيما
وانتي طيبة يا انيما
fear of god essentials
off white hoodie
retro jordans
ggdb outlet
bape sta
kyrie 8
jordan shoes
palm angels hoodie
hermes outlet
yeezy 350
Post a Comment
<< Home