اريدكما معا
يتخبطني الحنين تكسرني الذكريات
بين اشياء اريدها واشياء احبها
يكسرني صمتي لفتات واجمع اشلائي في بقايا حروف تحتضر
كم تعصرني اعاصير الخوف
وتمتد يدي لتحتضن عمرا ظل عمرا ينتظر عمره
تأتينا الفرصة
ويتبقي الحنين
تمحو الذكريات
يذبل الجسد الهزيل
تختنق دمعه عين يكاد بركانها يتطاير يوسع الكون حمم بركانية
قد اخسر بقاياي
قد امحي عشقا ولد ومات جنينا
قد وقد
ولكن صوتي .... صرختي
يا لها من اختيار
اختيار بين ميلاد وميلاد
ميلاد مات وميلاد مجهول
ولكن يبقي الوحيد وحيدا
ململما قدميه يدفن راسه بينهم
اخشي النور
اخشي الاختيار
ولكني قد اخترت
اخترت حريتي
واخترت صوتي
أتراني قد اخطأت
أتراني قد كفرت
أتراني قد اعلنت عصياني وتمردي
أسيعود لي نبضي الضعيف
أستنسحب مني روحي بهدوء
سيعود؟؟
ستعود؟؟؟
أستتلون حروفي ؟؟؟
ولكن ما عاد يفيد
فقد اخترت
ولقد اخترت
ولقد اخترت
Labels: عالمي الخاص
posted by انا اللي كاتباها هو في غيري يعني at 2:37 AM
84 Comments:
أقولك إيه بس
حقيقى مش عارف أقول حاجة عن الموضوع دة بالزات
مش عارف لية ؟؟
بس فعلا هو إختيارنا نحن
ويجب علينا تحمل نتائجة مهما كانت وستكون
وزى ما بقولك وزى ما بتقولى
عادى جدا
وعادى بقة
أودى
اودي
عندك حق
طالما احنا اللي اخترنا يبقي لازم نتحمل نتائج اختيارنا
بس اللي يوجع وجعنا اللي اتوجعناه
وعلي راينا احنا الاتنين عادي بقي
very good choice
but sometimes we regret the best choices we've choosed
i know that u r too strong
u wont regret
and i am sure that god will not waste ur patience
u wont lose ya enjy
isa u wont
هل تتخيلى لو مات شخص ولم يمت جسده؟
يتحرك ويسعى وباكل ويشرب ولكن الشخص مات
مات او استبدل بشخص اخر
ولم يتبقى من الاصلى الا وعاء؟
قد يكون صعبا تخيل هذا
فقد الفنا موت الانسان مع موت جسده
نشيعه الى مثواه ونحن نعلم اننا لن نراه ثانية هنا
ولكنه قد يموت اذا جن مثلا
او اصابه الزهايمر
فلم يعد هو موجودا
مجرد جسد
رايت اناس كثيرين مات احباءهم الذين يعرفونهم ولم يعد منهم الا اجساد
ويظلون يرفضون فكرة ان الحبيب انتهى الى اخر نفس
يقاتلون معارك خاسره
ويحاربون طواحين هواء
ويصيبهم احباطا وراء احباط
والحل واضح
وليس اختيارا كما يظنون
ولكنه اقتناع بالحقيقه
الحبيب لم يعد موجودا
الحبيب مات
بصي بقى الكلام حلو قوي بس ساعات احنا الي بنختار صحيح بس اختيارنا بيكون موجه..بالظروف الي حوالينا
بس برضو حتى ولو كنا ملناش دخل في اختيارتنا احنا الي بنتحل العواقب او المكاسب على حسب الاختيار بقى
انا يمكن اكتر واحدة في الدنيا دي مش بحب اتحط في موقف فيه اختيار تقدري تقولي عليا مترددة جدا..او بخاف اختار اي حاجة
يلا ما علينا طولت عليكي..ابقي تعالي
الروح لا تذهب ولا تذوي
والحب روح
لا يذهب ولا يذوي
حتى بعد موت الجسد تبقى الروح
تبحث عن ملاذ ومأوى
تدور وتدور في فلك لا تجد الراحة
فالروح سامية
الروح خالدة
الروح باقية
الروح أعلى واسمى من الجسد
فالحب من الروح
والشهوة من الجسد
السمو من الروح
الدنو من الجسد
الجسد يوسد التراب
الروح تدور في الأثير تبحث عن ملاذ
العبد ينام ويستريح
اما النبيل فيظل متيقظاً لا يستريح
الروح سامية والسمو لا يعرف الراحة
ابشري فطالما انتي تمتلئين بالحب
بالحزن
بالتشاؤم
بالقلق
بالترقب
بالصداقة والتفاني
فروحك مسيطرة على نفسك
لذا انتي سامية
انتي نبيلة
انتي ملكة
ولن تعرفين الراحة يوماً؟؟
ام تريدين ان تكوني جسداً
يستريح ويدفن للأبد؟؟
لا اعتقد
كلامك جميل ومن النهاردة انتي أميرة الأرواح الخالدة
ارحمونا بأه
اختيارات ايه وهباب ايه..
اللى يشوفكم كده يقول انك اختارتى قرار قبنله هيروشيما
دا ايه التفاهه دى
وشله المطيباتيه اللى كل شويه رائع جميل ممتاز
هاتخلونى اعمل مدونه علشانكم
تختنق دمعه عين يكاد بركانها يتطاير يوسع الكون حمم بركانية
تعبيراتك بجد أكثر من رائعة
وكنتي عايزة تحرمينا من ده كله؟؟
تحياتي
الأخ المجهول
انا عندي مدونة بس دخلت بأسم مجهول علشان انزل لمستواك
مش عاجبك الكلام يكفيك انك تسكت ومتفتحش أي مدونة.. الحاجة اللي مش عاجباك متبصش ناحيتها
ماشي يا أخ
اعتبرنا احنا تافهين وشباب فاضية وانت الوحيد اللي عاقل وكبير وبيفهم ومبيطبلش
ومدونتنا لغو لذا مر عليها مرور الكرام.. ماشي.. محبش اشوفك تاني
وعلشان انا مش زيك بشتم واجري.. انا اتكلم والناس كلها تعرف انا مين
انا اسمي ابراهيم
وده عنوان المدونة بتاعتي
http://hearttrainer.blogspot.com
احب انك متنورنيش
سلام يا اخ
سوري يا انجي رديت على الأخ ده.. واتخانقنا في بيتك.. بس هو خلاص مش هييجي تاني
يالله بقى اعمليلنا شاي علشان نهدي الموضوع
سلام
ياااااااه اول مرةتقريبا بكتب فى مدونتك مع انى بقالى مدة بقرا فيها بجدانتى حد جميل اوى اوعى تتكسرى يا مهما كانت الظروف انا عارفة انه صغب بس سعات الواحد لما بيتسكر وتضيع منه حجات عمره ما بيقدر يعوضها لو عمل ايه
بس البوست ده حلو اوى بجد اخترنا وساعات بنكون اختر نا غصبن عنننا لان مفيش حل تانى وفى نفس الوقت لازم نكمل فى الطريق لانه مينفعش نرجع خسارتنا فى الرجوع بتبقى اكبر من خسارتنا اننا نكمل اصعب حاجة انك تكون فى اختيار كل واحد فى القرارين خسايره اكبر من التانى
ازيك انجى اخبارك اية
لية الحزن والحيرة لية
الحياة مش على وتيرة واحدة وصوابع ايدك مش زى بعضها خلى التعامل على القد مهما كانت الظروف لكن لاياس او استسلام او هروب خليكى فى المواجهة طول الخط
وعلى فترات اجعلى لكى وقت استراحة لاالتقاط الانفاس
تحياتى
ضياء
ودة اللي انا خايفة منه ياضياء
بس هفضل قوية لحد امتي خايفة امر بلحظة ضعف اندم فيها
تفتكر بجد انا بتمني كدة برضه
يارب
___________________________
هارملس
اعرف ذلك الاحساس
يموت الشخص ويتوقف نبضه ولكن جسده مازال علي قيد الحياة
مجرد جسد بلا روح
وقلب بلا نبض
اعرف الاحساس بان الشخص هو مجرد وعاء فقط
قد يكون صعب لكني الفته واشعر به
احيانا اتمني ان اكون هذا الشخص ان اصاب بفقدان ذاكرة
ولا ابالي لماضيا السحيق المرعب الحزين
اعتقد ان الذين ماتوا اليوم هم انا
لكني لست دون كيشوت لاحارب طواحين هواء
ولكن رفضت كل القضايا الوقوف امامي لكي احرب لاجلها
اقتناع بالحقيقة
اي اقتناع وانت اماك حقيقتنين واجبار عليك ان تختار واحدة منهما فقط
ان كان الحبب قد مات فقد اخترت صوتي وصرختي
بيسوو
ربنا يخليكي الاول
بس احيانا اختيارنا مش بيبقي بادينا
تخيلي مثلا لو ادام حقيقتين كل واحدة منها ليها مستقبل وحلم حياتك ومجبرة علي اختيار واحدة بس
ولازم هتخسري التناية
يبقي ايه الحل
هتختاري بس مش عارفة اختيارك دة ايه
بس اديكي اخترتي
انا بقي في حالتي مش كان ليا حق اني اتردد
كنت مجبرة علي الاختيار
هجيلك طبعا
__________________________
ابراهيم
الاول من غير لا لف ولا دوران
مين سامية
وخالدة
ونبيلة
وملكة
واميرة
كل دول تعرفهم في وقت واحد يا مفتري
بص بقي
انا مش بعرف ارد علي الكلام الحلو دة بجد
بس حلو اوي موضوع اميرة الارواح الخالدة
انا كل ما اريده يا ابراهيم ان استريح للابد او لو قليلا
زي ما قلتلك نغلق اعيننا بسلام لنصل للراحة الابدية
واتمني اني اكون ادها واستعد لها
مجهول 1
اولا سيادة الاخ المجهول
حضرتك بتجمع ليه
شايفني كتير ولا انت بتعظمني
تفاهة شاكرين لحضرتك حسن استخدام الالفاظ
وياريت بجد تعمل مدونتك الراقية عشان ترد فيها علي تفاهتنا التي لا تذكر جنب جدول اعمال سيادتك
وبعدين هو انت كلفت نفسك ليه تقرا البوست للاخر ولا انت كنت مستني قنبلة هيروشيما في الاخر
وبعدين علي فكرة كلمة قنبلة بتتكتب كدة قنبلة مش قبنلة
واضح فعلا انك هتعمل مدونة جامدة
يا ريت تعمل المدونة بجد وهيبقي شرف لينا انك تعمل مدونة علشانا عشان تشتمنا وتشتم احساسنا وعقليتنا
___________________________
قاسم افندي
بجد عجبتك ولا احرمكم ولا حاجة اديك شايف الراجل بيقول عليا هايفة
ربنا يخليك يارب بس المهم انت اخبارك ايه بجد
ويا ويله اللى يختار غلط .. نعاند اهلنا على اختيار عشان نحكم رأينا مرة وعشان نحس ان لينا شخصية مرة ننسى انهم خبرة ومش هيختاروا الغلط .. ولكن بعد ايه خلاص اخترنا ..
نعاند نفسنا ونختار بالقلب ونترك حكم العقل ونكتشف ساعات غلطنا ولكن بعد ايه خلاص اخترنا ..
نعاند بعض عشان نظهر اودام الناس لينا فكر مختلف وطريقة تفكير غير تقليدية ونختار الغلط ونندم بس بعد ايه مخلاص اخترنا ..
سموورة مش انتى معايا ان الاختيار فى حد ذاته متعة انك تكون مخير بين عدة اختيارات وتختار المناسب لك تشعر بثقة وتشعر بمسؤلية .. قد يكون اختيارك صحيح وقد يكون خاطيء .. ولكن وعن تجربة مش هتخسر فى الحالتين
ايوة حتى لو اختيارنا غلط هتستفيد خبرة
وهتحس انك اكتشفت حاجة مكنتش شايفها ..
صدقينى يا انجى الاختيار مكسب حتى ولو غلط .. خبرة تعطيها لكى الحياة ولكن ليس بدون مقابل .. كحبة الدواء المغلفة بالسكر ..
وفى مثل بيقول الواحد مبيتعلمش بلاش
... المهم نحس بمتعة الاختيار
:]
حسيت انى لو قلتلك ابدعتى ولا كلامك رائع والكلام ده مش هضيف جديد بالعكس هشوه الموضوع .. وانتى عارفة رأي فيكى وفى اسلوبك .. وعارفة رايي كمان فى حكاية الردود دى ..
تحياتى يا سمووورة :]
ابراهيم
هههههههههه
ابراهيم مش كان في داعي لردك عليه
هو هيعمل مدونة علشانا يعني انت كدة هتخليه يصمم يعملها
ههههههههههههههه يا ابراهيم يابو عضلات انت
انت خليت فيها بيت يا بيه
ماشي ماشي
مش في شاي ايه رايك بقي
يلا حصل الخير
هو بس مدايق عشان اكيد بتحصل حاجات حوالينا وانا اتبة بعيد ع كل الامور اللي بتحصل من تعديلات وحروب وقرف
هو معذور انه يقول علي كلامي هايف مقارنة باللي بيحصل
__________________________
ana keda
انا مش مكسورة
انا بس اخترت طريق امشي فيه ومش عارفة دة صح ولا غلط
والاتنين مش عارفة نهايتهم ايه وطريقهم ايه
انا هبقي نضطرة امشي في الطريق اللي اخترته واتحمل عواقب اختياري ليه
في كلا الحالات انا كنت هخسر
هخسر القرار الاولاني ولو كنت اخترت الاولاني كنت هخسر التاني
يعني الخسارة ورايا ورايا
بس سيبك انتي منوراني اوي والله
وياريت بقي تعمليها تاني وتيجي عندي كتير
___________________________
تااامر
انا كويسة الحمد لله
انت اخبارك ايه بجد
لا حزن ولا حاجة
ومش حيرة لاني اخترت
هواجه دي بقي بقيت صعبة اوي عليا
انا ارتحت بس برضه مش ارتحت
فاهم حاجة
سمرا
بوستاتك هايلة اوى بحس كانها بتحكى عنى
فعلا الروح اما بتختفى الحياة بتموت من الواحد
انتى عارفة اصعب حاجة ان قرارك ميبقاش ملكك وتحسى ان القرار ده بينهى حياتك كلها
حب ايه وحب فين
حنضحك على نفسنا لامتى
الرجاله مخلوقات بشعه كل غرضهم جسمنا ولا فيه حب ولا احترام
يفضلوا يجروا ورانا وهم بيحتقرونا من جواهم ولما ياخدوا غرضهم يرمونا
حتى فى احسن لحظه وانتى فى حضنه اول ما يجيب اللى جواه يبقى مش طايق يبص فى وشك
وتانى يوم يقولك باحبك
بلا ارف
الخوف من المجهول هو السبب...محدش يعرف الخير فين...بس لازم نقرر ونختار ونجرب
الحياة كلها كدة...سلسلة من الاختيارات..وكله في الآخر نصيب
أياً كان اختيارك خليكي واثقة إن
إن شاء الله خير
دة احساس طبيعي عند كل البشر
ربنا يوفقك يا رب
إنتي تستاهلي كل خير
اسلااااااااااااااااااااااااااااام
بص بقي يا ضنايا
بالنسبة لاخيتار الاهل انت عارف ان هما مش ليهم مجال في اختيار اي شئ يخصني علي الاقل بعد ما كبرت
فقد تحررت انا من قبضة قبليتي
بالنسبة لاختيار القلب وترك حكم العقل يمكن لان الاختيارات اللي ادامي وسرعه اختياري مش خلتني افكر هو انا اخترت بايه فيهم
كم من عقل صائب وكم من قلب جارح
تفتكر ان اختيارنا لمجرد ان الناس بترسم علي ناس
صعبة دي يا اسلام
اومال فين نفسك لو فكرنا كدة
الاختيار متعه اه بس لما يكون اختيارين احسن من بعض او بمعني ادق بيكملوا بعض بس مجبر علي واحد منهم تعمل ايه
ممكن يكون اختاري صح بس بيه هفضل وحيدة
وممكن يكون اختاري غلط وبرضه بيه هفضل وحيدة
صدقني يا سمسم مش حسيت باي متعه وانا بختار حسيت بعذاب وجرح كبير
جايزز اكون انا سبب فيه
اي كان انا كنت هكسب في كلا الحالات
الحمد لله
ومش تقول ليه ياض علي راسك ريشة
هههههههههههه
واحشني بجد
اخبارك انت ايه
خلي بالك من نفسك بقي
مصر هي امي
صح
انك تاخد قرار ينهي حياتك لها وتلاقي عمرك بيضيع بين اديك
ولا قادر ترجعه ولا قادر تنساه
بس اهو اختيارك في الاول والاخر
وزي ما قلتك مش بادينا غير الصبر
___________________________
سالي
حب؟؟؟؟؟؟؟؟؟
هو حد جاب سيرة حب يا سالي في الموضوع
بس انا يمكن موافقاكي في شئ هو ان مش في حب اصلا
وان فعلا الرجاله بتبص لينا علي اننا كقطعه لحمة لازم تتاكل
بس عايزة اقولك ان زي ما في بنات مش عايشة غير للرغبة وبس
وبنات منقبة
اكيد في رجاله كدة
صدقيني في رجاله بيدورا علي الاحتضان
وبيدوروا علي الحب اللي بجد من غير لا شهوة ولا رغبة
والبنت هتحس لو بتحب اوي الراجل عامل ايه معاها وعايزها باني شكل من الاشكال
جايز تكوني انتي مريتي بتجربة قاسية
بس مش اعتقد ان دة يستدعي انك تعممي
ولو انتي في حضنه هتحسي الحضن دة معناه ايه
علي حسب ما اعرف ان الحضن انواع
هتحسي بحضن الاشتياق وحضن اللهفة
هتميزي بين حضن الحب وحضن الشهوة
ولازم الاحترام
لان اذا مش كان في احترام مات الحب
كويس انه بيقلوك بحبك مش احسن مش يقولها خالص يورمي الواحدة مننا
ربنا يهديلنا الرجاله يارب :))
نسيت اقولك انك نورتيني بجد
___________________________
noony
عندك حق
عشان كدة انا مطمنة ان لو ليا خير في شئ ربنا هيباركلي في اي اختيار
ربنا يخليكي يارب ليا
سمرا
يا من اعيد اكتشافها دوما مع مزيد من الكلام
اشعر كاني اراكي لاول مرة
اشعر كاني التمس فيكي اشياء اخري مختلفة
هنيئا لمن سيفوز بك
اغبطه من الان
لك تحياتي والسلام
الله ياسمره....بسم الله ماشاء الله انا مبحسدش والله بس انا من وجهة نظرى انتى كده مش مجرد هاويه كده انت دخله على مرحلة احتراف.....اتمنالك دوام التوفيق فى الشعر وكمان فى اختيارك
إنجي
أنا بمووووووت في تاء الفاعل
أخدتي بالك إنتي كاتباها كام مرة ؟؟
تحياتي
سمر اء النيل
رنين خاص طعم معطر بطعوم نحاسيه يشعر ك بمر ار ه فى الحلق العبور الى اجو اء غريبه فى حلقه مستمر ه من حلقا ت الصر اع مع الذات
دائما كلما تك تثير اشجا ن وتفتح ندبا ت عا لقه وتحدث شر وخ فى الاعما ق
تحيه من معجب بشخصك الجميل
سلا م
اختاري براحتك يا بنتي هوا حد مزعلك و لا ايه
:)
انتي فينك بقالك كتير مش بتظهري يعني
البوست المره دي مشاعر اكتر من كلمات
مشاعرك رائعه كالعاده
تحياتي
علمت ماهو الاختيارولكن لم يكن الحزن عليه بقدر ما كان على ذلك التعليق بانظر حولك فى غضب فى ماذا ....
(ان كان ذلك هو؟ .فقد خابوا وخسروا).
الحياء وماذا بعده لها ......
متابع للتدوين
السلام عليكم
كنت منتظر اي حاجه بقي و وجدت حاجه جميله بل رائعه اي حاجه من سمراء النيل
جميله ..جميله بحق
استمري اختاه..
كم تعصرني اعاصير الخوف
وتمتد يدي لتحتضن عمرا ظل عمرا ينتظر عمره
تأتينا الفرصة
ويتبقي الحنين
تمحو الذكريات
يذبل الجسد الهزيل
كلامك جميل اوى
حقيقي
القلم اللي كاتب البوست ده
قلم مبدع
وبيعرف يوصل كويس أوي
انا فعلا سعيد بمروري على مدونتك
لأنها بتجبرني على التعليق
تحياتي
ما الحياة الا مجموعة من الرغبات نعيشها
كما نريد نحن لا كما يريد الآخرون
تحياتي
حبيت اسلم
"""لا توجد أية وسيلة للتحقق أى قرار هو الصحيح لأنه لا سبيل لأية مقارنة . كل شئ نعيشه دفعةً واحدةً . مرة أولى و دون تحضير . مثل ممثل يظهر على الخشبة دون أى تمرين سابق . و لكن ما الذى يمكن ان تساويه الحياة إذا كان التمرين الأول الحياة نفسها ؟ هذا ما يجعل الحياة شبيهة دائماً بالخطوط الاولى لعمل فنى و لكن حتى كلمة " الخطوط الأولى " لا تفى بالغرض . فهى تبقى دائماً مسودة لشئ ما . رسماً أولياً للوحة ما . أما الخطوط الأولى التى هى حياتنا فهى خطوط للا شئ و رسم دون لوحة ... مرة ليست فى الحسبان . مرة هى أبداً . ألا تستطيع العيش سوى مرة واحدة كأنك لم تعش البته """
ميلان كونديرا من مدونة حرة
و بلتالي طالما اخترتي يبقي لا يسعنا غير قول حسن الاختيار لان محدش عارف رد فعل علي الاختيار هيكون هوة الخير ولا تاني رد فعل هو طريق انتي اخترتي و لازم تتحملي مسئوليتة.
ملاحظة : تعليق سالي صعب جدا و استفزني لانة حسسني باهانة كبيرة لاننا كدة نبقي حيوانات و التعميم لا يصلح في التقيمات دي . انتي رديتي عليها بس مقدرتش امسك نفسي الحقيقة. اسف للتعليق علي تعليق.
ادم المصري
تراني لاول مرة ازاي يعني
بس غريبة انك تحتار فيا ومش تعرف انا ايه يا ادم
تفتكر انا بحالات زي مانت بتقول
وتغبط مين
انت مش شايف اني قد اخترت حريتي :))
اغبط يا عم ولا يهمك شايفهم واقفين علي الباب يعني ههههههه
___________________________
الارموطي
احتراف مرة واحدة
ابدا طبعا
انا عمري ما هحترف لاني متمردة لي اللغة ورافضة الدراسة فيه
ولا بحب النحو ولا معرفة الاوزان وغباء التفعيلة
لكن انا بكتب وخلاص
ربنا يكرمك
اهو انت دايما كدة رافع من معواتي
ربنا يكرمك يارب
اميرة
ههههههههههههههه لا كاتباها كام مرة
انتي عارفة اني مش باخد بالي اصل نظري علي ادي
انتي اخبارك ايه
___________________________
الجحيم هو الحقيقة
ياااااااااااااااااااااااه
لا تتخيل مدي سعادتي بوجودك هنا
بجد تعليقك بيسعدني
اي نعم كلامك بيبقي كبير اوي هههههههه بس بحب اشوف كلامك
مش عارفة اقولك غير شكرا بجد
عبد الله
ههههههههههههههه لاعاش ولا كان
اديني اخترت اهو وربنا يسترها
انا موجودة اهو ومش مختفية
عامة هخش اونلاين قريب
ربنا يخليك علي الكلمتين دول طمنتني ان مشاعري وصلت اصلي كنت خايفة ان احساسي مش يوصل
___________________________
anonymous 1
متابع للتدوين
انا بجد مش فاهمة تعليقك
بس واضع انك مستاء لتعليق ابراهيم انظر حولك في غضب صح
ياريت بجد تفهمني تعليقك لاني حسيت اني غبية ومش قادرة افهمه مين اللي خابوا وخسروا
وماله التعليق
وعلمت ما هو الاختيار ازاي
شكرا علي الزيارة
anonymous 2
وعليكم السلام ورحم الله وبركاته
ربنا يخليك
انت عارف انك مرورك بيسعدني
المهم انها عجبتك
ربنا يكرمك يارب
___________________________
sendrlla
الاول منورة بيتي
ازيك اخبارك ايه
والله انبسط اوي ان كلامي عجبك واعتبرتيه جميل
منوراني
ezzo
ربنا يخليك يارب
موضوع اني اوصل دي مش كنت اعرفها بجد
بس ببقي مبسوطة اوي ان الناس تقول ان احساسي وصل ليهم
انا اللي فعلا سعيدة بمرورك عليا لانها بتجبرك علي التعليق عشان اشوف كلامك واسعد بزيارتك
ربنا يخليك وابقي نورني علي طول
___________________________
تامر العفيفي
والله مش مصدقة انك جاي تعلق عندي
دة النهاردة فرح يا جدعان :))
انا معاك ان الحياة ما هي الا مجموعه من الرغبات
لكن احينا بنعيشها كما يريد الاخرون بنرفضها نحن
صدقني في ناس كدة
علي الاقل انا واحدة منهم
اجبرت في يوم اني احلم حلم مش حلمي
جايز يكون الاختيار بايدي من البداي اني قبلت باختيار الاخرين ليا
بس انا قد اخترت
تحياتي ليك
ياريت تسلم علي طول
___________________________
انسان
اخترت اه ولك الوحيد القادر علي معرفة رد الفعل هو الله
واكيد هيبقي في خير
صح انا فعلا لازم اتحمل مسئولية اختياري ولكن الخوف من الندم والوحدة
هو صعب بس انا رديت عليها يا محمد
هي ااكيد مرت بتجربة قاسية اعذرها
ف البداية الصورة حلوة جدا
دايما القرار والإختيار ف إيدينا
عشان كده إحنا اللي بنتحمل نتيجتها
وحتي الإختيارات الخاطئة مفيدة
تحياتي
الحمد لله على حرية الأختيار وقدرة الأختيار
بننكسر دائما حين نكسركم
ونقتل انفسنا بالوجع اضعافا حين نؤلمكم
كم غريب هو حبكم بداخلنا
كم غريب هو حبنا لكم؟
يعتصرنا القرار ...ولكننا يجب ان نختار
فماعاد حبكم سوى كبريائنا ولذالك يجب ان نغادر بباقي الأنتصار
قلبي معك ياسمرا
لاني بجد حاسة بيكي
قال الشاعر صلاح جاهين
لا تجبر الإنسان ولا تخيّره
يكفيه ما فيه من عقل بيحيَّره
اللى النهارده بيطلبه ويشتهيه
هو اللى بكره ح يشتهى يغيّره
الاختيار للاسف فى اوقات كتير مش بيبقى بايدانا وفى اواقات كتير بنبقى عايزين منخترش لاننا عايزين الاتنين مع بعض بس للاسف اهنا اساسا مش بيبقى بايدينا نختار حتى اذا كنا عايزين نوضع فى وضع الاختيار ولا اساسا رفضينه
تصديقي دلوقتي ندمت اني اتأخرت في الدر على البوست ده
أنا قريته أول امبارح و كنت عايز اسأل نفس سؤالك
- انتي اللي كاتبه ده ؟؟؟
بجد أنا أجلت ردي لغاية ما أقراه تاني
مش مشكلة
مأساة الاختيار
و هل الاختيار صح و لا لأ
في وقته و لا ممكن أفكر شوية
أعمله و لا مامعملهوش
الموضوع فعلا صعب يا سمرا
بما اني جيت متأخر فمش هاعيد كلام اتقال
لكن هاقولك ماتخافيش من اختياراتك حرصي لكن ماتخافيش
اه صحيح
انا عندي فكرة هتساعدك كتييييييييير
في فكرتك بتاعة الملاجئ و الأعمال الخيرية
يا ريت تضيفي ايميلي عندك عشان نتكلم ايميلي هتلاقيه في البروفايل بتاعي
سلام
كلامك حاسس فيه بالحيرة و الحزن...حاولي تغيير نمط حياتك يمكن ده يساعدك في الخروج من هذه الحاله سريعا و صدقيني مفيش حاجه بتفضل ماشيه علي وتيره واحده...لازم حيكون فيه تغيير و باذن الله حيكون لما هو أفضل
تحياتي و أمنياتي الطيبه لكي
جميل
the alien
الصورة عجبتك بجد
كله بيبقي مفيد بس الخوف من الندم بعد الاختيار
منورني يا بيشوي
__________________________
محمد عبد الغفار
الحمد لله بس احيانا الواحد بيكره انه يختار لانه بيحس انه هيخسر
ليندا
لا انتي بجد حاسة بيا اوي
كلامك اللي في الاول دة تعبني اوي
يجب ان نغادر بباقي الانتصار
ااااااااه
منوراني يا ليندا
__________________________
محمد حسام
الكلام اللي قلته ابلغ من اي رد عليه
بجد كلامك هو عين العقل
وفعلا مش عارفة ارد عليه
مادو
ندمت ليه بس
هههههههههه اه انا اللي كاتبة الكلام دة
هو فعلا صعب بس احيانا مش بيبقي عندك وقت للتفكير والاختيار
انا مش خايفة بس ربنا يستر
__________________________
مادو
انا ضفتك خلاص
وهنبقي نتكلم في فكرتك ونشوف
سلام
مايكل
نمط حياتي ازاي يعني يا مابكل
بس عامة انا كل يوم متجددة
اصلنا بنستخدم صابون كامي
بس انت دعواتك معانا يا مايكل
شكرا بجد
__________________________
محمد صلاح العزب
ربنا يكرمك
سعيدة بمرورك بجد
انتى جامدة اوى المرادى
اخترقتينى
_eyesهو البوست دا بمناسبه عيد الام ولا ايه ؟؟؟
احب الكلمات الصادقه دوما
حتى ان كانت غير مرتبه
.
.
.
انا لو قولت لك ان كلامك عجبني
كلامك حساس و رقيق اوي
ممكن تقولي اني بقول الله ياسي محمد زي ما قالم محمد عبد الغفار
الله يسامحك يا سي محمد
انجى
مهما كانت الكلمات اللى ممكن اكتبها تعليق للكلام الجميل دة
مش هقدر اوفية حقة بجد
وبصراحة
اخترت حريتي
واخترت صوتي
أتراني قد اخطأت
أتراني قد كفرت
أتراني قد اعلنت عصياني وتمردي
أسيعود لي نبضي الضعيف
أستنسحب مني روحي بهدوء
سيعود؟؟
ستعود؟؟؟
وانا معاكى فى ذلك
انتى انسانة يا انجى
ربنا حفظك
تحياتى
واووووو روووووعة روعة روعة
كلمات مؤلمة وذكريات اليمة
هذا ما يبقى من الحب!
الالام ومن ثم الالام
Hello, samaara!
This work is very nace. Thank you!
انوجى النوجى كونوجى
وحشتييييييييييينى أوى.. كنتى عاملة ايه من غيرى بقى؟
:) :)
أنا لما قريت عنوان البوست افتكرتك بتتكلمى على اتنين بجد بس بعد كده فهمت ان قصدك الماضى والمستقبل.. أو الذكريات الحلوة والحنين والسعادة.. ده على حسب فهمى يعنى
هو صعب أننا نجمع ما بين الاتنين بس أنا متاكدة ان اختيارك كان صائب طالما أنه اختيارك أنتى
كل سنة وأنتى طيبة يا انوج... مش عارفة بمناسبة ايه الصراحة!! بس كل سنة وأنتى طيبة وخلاص
:)
manal
انا اختار اتنين شاورمة و تلاتة كبدة
و كفاية كدا لسة حنتعشا في البيت
تختاري اية؟
david santos said...
Hello, samaara!
This work is very nace. Thank you!
الراجل ده فارسني هارينا تعاليق و هو مش فاهم حاجة
سماجة
أتراني قد كفرت?
ايــــــــــــــــــــــــــــوة
أنجى
الإختيار إختيار
بكل ما يتبعه من مسؤولية و ازمات
المهم انك انت ألى إختارتى مش حد إختار لك
لكن الجمع بين متناقضين
غير جائز عرفاً
:-D
يلا ما علينا
اهى ايام و بنعيشها و خلاص
تشاااااووووووووز
سمرا
علي قد ما الكلام انا فاهمه بس مستوايا الثقافي مش جايب النقطه الي بتتكلموا فيها لكن انا اقوليك كل انسان بيتحمل عبئ اختياره و الا مكنش ربنا ادا لكل انسان حق الاختيار و علي فكرة وحشتني مدونتيك مع اني بدخلها كتير بس مش عارف كل ما اجي علشان اقرا الائي حاجه تطلعني لييييييييييييه مش عارف
فعلا يا انوج
لازم يكون اختيارنا فى ايدينا
حاجه صعبه فعلا ان الواحد يشعر انه مات مع انه عايش
حلو قوى الجزء ده
اخشي النور
اخشي الاختيار
ولكني قد اخترت
اخترت حريتي
واخترت صوتي
انا فى رأيى هو ده الأختيار الصح
تحياتى ليكى
سموره يا قمر
وحشتينى مووووت
بصى بأه
اوقات كتير بتبقى اختياراتنا غلط
بس بتبقى الافضل
بمعنى اننا لو كنا عملنا غير كده كان ممكن نخسر اكتر
بس بجد الجميل اننا نتعلم مش نندم على اختيار حتى ولو كان غلط
بل بالعكس نتعلم منه
حتى ولو كان اختيار جارح
نتعلم نتفاداه ونخطيه بطريقه افضل المره التاليه
وحشتينى بجد
و وحشنى الكلام معاكى
:)
احيانا نكون مرغمين على قبول ما اختارة غيرنا
كل سنة و انتى طيبة يا لؤلؤة
عملت مدونة اهه يارب تنوريها
حوريه
انا عايز اقولك اننا مفيش بأبدنا الا اننا نختار
والله اعلم اذا كانت اختيارتنا دى صح ولا مش صح
بس اكيد لو اختارنا الف مرة هيكون فيهم على الاقل مرة اختيار هيكون صح
مسرح الغلابا بيقولك: برافووووووو
الغلبان/ درويش
مافيش
الوردة السودة
ههههههههههههه المرة دي بس
المهم ان مشاعري وصلتلك ودي عندي كفاية
__________________________
همس الليل
رفيقتي
تعرفي ان في ناس كتيرة اوي شبهتني بيكي
هههههههههههيا ستي اعتبريه بمناسبة عيد الام
اكيد عشان معناها بيوصل ليكي
توتة توتة
ههههههههه
لا مش تخافي انا مش هعتبرك زي سي محمد بتاعت محمد عبد الغفار
المهم انه عجبك ودي يكفيني
___________________________
نبض اسكندرية
المهم ان كلامي وصلك ومشاعري لمستك
ربنا يخليكي يارب
وربنا يكرمك
عاصف
وهذا ما يتبقي من ذكري جسد ضعف فيه نبض القلوب
منورني يا عاصف
ياريت مش تحرمني من زيارتك تاني
___________________________
DAVID SANTOS
hello david
i`m so happy coz u like my work
thank u so much
nice to see u in my blog
وحياة امي مانت فاهم حاجة وراشق لنا في كل حتة دة انت بني ادم سمج
منولتي النولتي كونولتي
يااااااااااه
بقالك فترة يا بنوتي مش باينة
والله وحشتنيني
هههههههههههه بلاش اقولك انا عاملة ايه من غيرك
ههههههههههه
حسب فهمك لا يختلف عن اللي انا اقصده
فاي شئ هو عبارة عن سعادة وحنين
وماضي ومشتقبل
ربنا يستر ويديني القوة لتحمل اختياري
ههههههههههه اي حاجة بقي
___________________________
سمباتيك
هههههههههههههه
انا اختار اتنين شيش طاووق وكانز سفن اب
بالهنا والشفا
ما تعزميني في بيتكم
سمباتيك
ههههههههههههههههههههههه
اه والله واعدمه بدري يارب لو كان فاهم احنا عاملين ايه
دةبني ادم فاضي يا امي
___________________________
القمحاوي
ههههههههههه شوف انا مش هتكلم بعد كدة انا هتصرف معاك بطريقتي
استغفر الله العظيم
وحياة ديفيد الغتت دة مانا سايباك يا علاء
سجين في قلب الوطن
سمدالله عالحلامة
انت صحيت امتي من الغيبوبة
يلا مش مهم
لا انا اللي اخترت ههههههههههههه
انت جاي تغني هنا
___________________________
كوبااااااااااا
وايه النقطة اللي احنا بنتكلم فيها
انا اخترت شئ ولازم اتحمل عواقبه
هههههههههههههههه اعوذ بالله من الشيطان ارجيم
ايه هي لابسها حاجة ولا ايه
استني لما ابخرها بقي
مانوووو
هي مش صعبة بس دة بيبقي احساس قاتل
وانا اخترت ان يكون ليا صوت
وربا يسترها
___________________________
ساعه غروب
رودييييييييييييييييييييييييييي
وحشاني يا بنت الايه
وايه اللي خلاكي تحكمي انها الافضل
مش جايز يقضي عليكي لانك مش كان عندك الوقت لدراسة الاختيارات المتاحة ليكي
المشكلة ان الاختيار مش بيجي غير لمرة واحدة بس عشان تتجنبيه المرة اللي بعدها
بس اديني اخترت وخلاص
نتي كمان وحشاني اوي ونفسي اشوفك بقي
نادية طه
ولما يكون اختيارك انتي اللي ارغمتي انك تختاريه
وانتي اللي طيبة يا قمر
دخلتها ومستنية تبدعي فيها
__________________________
راسبوتين
الشكلة ان الاختيار اللي ممكن تختاره يكون غلط ويتعلق بيه مستقبل حياتك
انا سيبتها علي الله وربناا يسترها ويكرمني
___________________________
مسرح الغلابة
ههههههههههههه ربنا يخليك مدونتك تحفة جدا علي فكرة
بس انت ليه غلبان؟؟؟
انووج
انا عندى طلب او اقتراح او رجاء او اي حاجة بقى على رايك
ممكن بدل ما تعملوا لقاء مدونين عادي الشهر الجاي
ايه رايكو يكون هنا في بورسعيديعني يبقى لفاء و رحلة كمان
و الموضوع مش صعب ابدا مجرد باص و نكمل العدد 50 واحد و نتقابل كلنا هنا
؟؟؟؟؟؟؟؟؟؟
انا متوكل على الله انه يقدرك تعملى الموضوع ده
ولكني قد اخترت
اخترت حريتي
واخترت صوتي
ماعرفتش الاختيار التاني كان ايه
بس لو كان فعلا هيحرمك من الحريه تبقي اختارتي صح
اذا كنت عارفه يعني ايه حريه.
ادبيا بقي
التشبيهات قويه وبتوصل للقلب بجد اكتر من رائع.
حلوة اوى يا انجى
اوى
اوى
و بتوجع
يا نهار بتنجانى
انا طلعت رقم 112
هههههههههههههههههههههههههههه
مافيش سفاحة تيجى تقوم بالواجب
ولا شكلى هرجع الشغل من تانى
هى هى هى :p
علي الالفي
بص يا علي
بالنسبة للقاء فدي مش اقدر افتيلك فيها لاني بصراحة خرجت نفسي من المواضيع دي
بس اكيد هبلغ الناس
واخد رايهم وهما ليهم مطلق الحرية
هههههههههههه
الناس عايزانا في كل حتة
ربنا يعين يارب
___________________________
حصان بري
حرية عندي معناها اني اقدر اعبر عن راي واحساساتي
حرية عنديان وقت غضبي اصرخ بغضبي واقول اني غضبانة
وقت حزني اعبر عنه
مش ابقي كاتمة جوايا
دة اللي انا اخترته
تفتكر بقي انا كدة صح
ربنا يخليك بجد
يشرفني زيارتك تاني بجد
انا حرة
ياسمين
سلامتك من الوجع لو اتوجعتي
وحشاني يا بنوتة
___________________________
سفاح كرموز
ههههههههههههههههههه
اومال انت فاكر ايه يا ابني
هو احنا بنلعب
يلا بقي مستنية التاج
ولا سفحاين صغنتتين يقدروا يخلصوك من التاج
هههههههههههههه
احنا مش بنتهدد حضرتك
عملت التاج ولا لسة
ازيك يا انجى ؟
فاكرانى ؟
طبعا لأ
مش مشكلة
ولايهمك :D
المهم
مادمتى اختارتى
يبقى ماتخافيش
لا من النور
ولا من اختيارك
وأعلنى عصيانك وتمردك
واعلمى انك ماكفرتيش
ولم تخطئي
فعدم اختيارك هو الخطأ بعينه
ولا تهتمى بشىء أخر
حلوة كلماتك يا انجى
سلامي
ن ض ا ل
This comment has been removed by the author.
This comment has been removed by the author.
نضاال
ازيك انتي يا نضاال
طبعا فاكراكي يا قمر
هههههه انتي بتسالي وبتجاوب علي نفسك
طب عندا فيكي انا فاكراكي بقي ايه رايك هههههه
انا فعلا مش ندمانة الحمد لله علي كل شئ
ومش اهتميت باي شئ
وبمرور الايام بتاكد بجد ان اختياي كان صح 100 في ال 100
ربنا يخليكي يا قمر
وتاكدي اني فاكراكي جدا
ههههههه
Post a Comment
<< Home