Saturday, February 10, 2007

حوار بقي مع نفسي

عارف لما تحب اوووووووووووي
او تبقي عايز تتحب اوووووووي
ماشي بتدور علي نظرة في الشارع
مليانة حنيه ورحمة من حياتك القاسية اللي عشتها
مانا معذورة يا جدعان
طول عمرهم بيقولولي حلك انك تتجوزي وتحبي
ماهما بيقولولي عشان تخلصي من الحياة اللي انتي فيها لازم تبعدي وتتجوزي
بقي خلاص الحب والجوااز شئ مقترن بخلاصي من حياتي
اتحبيت كتير وحبيت برضه
بس مش حب بالمعني اللي الواحد عارفه
حب لهدف ورغبة ومصيره بيبقي الزباله
بس انك تكون عايز حب من نوع خاص دة المستحيل انك تلاقيه
***************************************
عايزاك تحبني من نظرة عيني
دايما شايفني جميلة طفلة بتتعامل معاها
يوم ما تمسك ايدي تمسكها باهتمام اووووووي
تخطف الكلام من علي شفايفي
تتنهد من نظرتي ليك
وانت في شغلك احتل جزء كبير من تفكيرك
مش بقولك كلمني كل يوم او كل ساعه
بس رن عليا اول ما تصحي واول ما تروح شغلك واول ما تخلص شغلك واول ما تروح وقبل ما تنام
بطلب كتير
طب خليها تلات مرات بس في اليوم واختار انت التوقيتات براحتك
بس ممكن علي الاقل ترن عليا يوم ما ابعتلك رسالة اقولك فيها اني بحبك وان انت وحشتني
ممكن لما اخرج معاك ونروح سينما ارمي راسي علي كتفك
ممكن واحنا بنعدي امسك في هدومك واستخبي وراك
ممكن لما نهزر مع بعض تضحك وانت باصصلي اصلي بحب اشوفك وانت بتضحك
مش هزعل لما الاقيك تعبان او زعلان وعايز تحط راسك علي صدري
مش انت ابني برضه
ممكن تحبني باي شكل هتشوفني عليه
شفتني وانا لابسة جيب امورة صح
***************************
كان يوم مسخرة يوم ما شفتني بالترنج كان منظري عار
بس كنتي زي القمر انا بحبك علي اي شكل
*******************************
ههههههههه يعني لابسة كلاسيك من فوق ولابسة الكوتشي برضه
بس شكلك عسولة تعالي اعديكي الشارع
******************************
نفسي تشوفني اميرة وملكة
وانا علي استعداد اني اعمل المستحيل واحارب الدنيا دي كلها عشان اشوف منك نظرة رضا
**********************************
انتي مطلعه عيني وتعباني بس بموت فيكي
***********************************
ازيك يا حبيبي
مالك؟؟؟
مش في
انتي ناسية ان انتي انا وحاسس بيكي
وشايفك من نبرة صوتك
هو انا هتوه عنك
انتي متخانقة صح؟؟
صح
*********************************************
تحس بيا من نبرة صوتي حتي وانا بضحك
مانت عارفني ممكن اكون بموووووت بس بضحك
ممكن اكون بصرخ من جوايا بس يادوب بتسمع همسي
**************************
انا مش عايزة اروح
ولا انا
احنا كنا مع بعض طول اليوم
تصدقي ولا حسيت بيه
يا ريت اقضي عمري كله وانا معاكي
***************************************
مش بقولك هاتلي دبدوب ولا فستان ولا اي حاجة
بس ممكن لما تيجي تقابلني تجيبلي معاك شوكولاتة
لو مش معاك تمنها ممكن ابقي اسلفك كل مرة
بلاش شوكولاتة ممكن تجيبلي ورداية واحدة
المحلات بيبعوها بجنية
*********************************************
بتعيطي ليه
اصلي كان نفسي اجيبلك هدية ومش معايا فلوس
ههههههههه يا عبيطة ما هديتي وصلتلي
ازاي
انتي هديتي
انتي كل حاجة بجد
امي واختي وحبيبتي ودنيتي
********************************
ممكن تبقي نصلي عشان ربنا يغفر لنا ويجمعنا في الخير
اصل ربنا حلو اوي
*******************************
الو
وحشتيني
انت مش كان عندك شغل
انتي علي طول معايا بس خفت لتفتكري انك مش وحشاني
يلا عشان مش اترفد ونشحت انا وانتي بعد كدة
هههههههههه
بحبك
***************************************************
انتي ليه حاطة مكياج
عشان تشوفني حلوة
انتي قمري
انتي حلوة من غير حاجة
مش عايزك تحطي مكياج تاني بحب وشك وهو صافي كدة
ليه طيب
اولا عشان حرام
ثانيا مش عايز حد يشوفك غيري
حاضر
بقولك ايه؟؟؟
نعم
ابقي اعملي نفس اللي انتي عاملاه دة بالظبط في بيتنا
اصلك امورة اوي
ههههههه حاضر
*******************************
ممكن مش تيقي تفهمني غلط لو قلتلك اني نفسي اترمي في حضنك
واني نفسي انام وانا فيه وجواه
واعرف اني زي اي طفلة مرتبطة بحضن اممها
انا مش عاشرت امي ومش بعرف احكيلها علي حاجة دة هي اللي بتحكيلي
وانت حنين اوي عليا
بحس معاك بكل شئ
ان حنيتك دي معوضاني عن فقدان امي
عقلك دة بيجبرني اني اعاملك كابويا
وقوفك جنبي بحس فيه انك اخويا
لمسة ايدك وحضنك الدافي ادركت خلاص انك حبيبي
*************************
اقولك علي سر بس مش تتخلي عني
انا عمري ما اقدر اسيبك
دة انا ما صدقت لاقيتك
انا مش بعرف اصلي صح
اصل مش في حد علمني ازاي اصلي
فانا اتعلمت من كتب الدين اللي كنا بناخدها في المدرسة
وانا هعلمك تعالي ناخد اول درس
طب اقولك علي حاجة تاني
انا مش حافظة غير الفاتحة وشوية سور صغيرة
اصل هما مش كانوا مهتمين باني احفظ القرآن
مش كانوا فاضيين ليا
طب بصي ايه رايك تحفظي كل يوم صفحة من القرآن
وهسمعلك في التلفون كل يوم بس اوعي تغشي وتقري من المصحف
ممكن اقولك حاجة كمان
قولي طبعا
انا بحبك
*****************************
دي تاني مرة اشوفك فيها بس كاني عارفك من زمان
هو انا لوقلتلك من اول مرة اقابلك اني نفسي اقولك بحبك واترمي في حضنك
ابقي قليلة الادب وانزل من نظرك
لا طبعا
تبقي عبيطة لو فكرتي كدة
انتي اطيب واحدة اشوفها
وشايفك من جواكي
انا بس حسيت ان هو انت
وحسيت بالامان معاك ومش خايفة
ششششششششش مش عايز اسمع اي كلمة تانية منك
بقولك ايه
نعم
تتجوزيني؟؟؟؟؟؟؟؟
**************************************
حبيبي انا محتاجة اشوفك اصل انت واحشني اوي
طب بصي اقفلي وهتصل بيكي بعد نص ساعه
اوكي
الو
بصي من الشباك
ادا انت مجنون
ماهو مش معقول حبيبة قلبي يكون نفسها في حاجة واقولها لا
*************************************
ينفع الاقي حب كدة
ينفع الاقي كل دة
احيانا بحس اني ممكن الاقي اللي بحلم بيه
هو انا بحلم بكتييييير اوي
انا عايزة انسان يحس
دايما شايفني صغنتته
كل اللي فوق دة مش حصل لكنها احلام قد تكون ساذجة بس حلوة مش صح؟؟ا
حلام انا بحلم اني الاقيها
**************************
علي الهامش بقي: جالي عريس من كام يوم
ولما قعدنا مع بعض
قالي كلمة واجعاني اوي
قالي مش شايفة ان غريبة ان واحدة زيك مش تتجوز لحد دلوقتي؟؟؟
قلتله بس نصيبي كدة
قالي انتي مش شايفة انك كبرتي
فقلتله 25 سنة وكبرت
قالي طبعا دة انتي كبرتي اوي يا سمرا
يعني يا دوب تلحقي
هو كدة كدة مصير العريس دة بقي زي غيره
بس
تفتكروا اني فعلا كبرت
كبرت علي احلامي دي
ولا انا بطلب مستحيل
ولا انا عنست زي ما اهلي بيقوللي
مش عارفة ليه انا حاسة اني عيلة صغيرة بس الظاهر ان نظرة الناس ليا
في الطفلة اللي عايشاها جوايا انها عجزت وكبرت ولازم تموت
انا كبرت فعلا؟؟؟؟
وارمي نفسي في حياة يعني اتخلي عن احلامي واقبل باي حد جايلي عشان عايز يتجوز بس
حتي لو مش هيحبني هبقي زوجة صالحة وخلاص واهي واحدة كويسة
هو انا كبرت اوي كدة

Labels:

128 Comments:

Blogger Amr Ahmed said...

هيييييييييييييه

اول تعليق

ايه ياعم الحب ده كله

يا بخته

مشارعك حلوة اوي يا سمورة


وتلقائية اوي

دايما متألقة

بين قوسين:ممكن

ههههههههههههههههههههه

Fri Feb 09, 08:47:00 PM GMT+2  
Anonymous Anonymous said...

اي حاجه بقي ولاكن بكلمات جميله اي حاجه بقي ولاكن بمشاعر صادقه اي حاجه بقي ولاكن بنفس سويه و قلب طيب لا يحمل ضغينه اي حاجه بقي ولاكن بشرط ان تكون سمراء النيل....كلمات من شخص يحترم كلامك..من قلبي و الله من قلبي.الغريب

Fri Feb 09, 08:55:00 PM GMT+2  
Blogger micheal said...

احساسك عالي أوي يا أنوج في الكتابة و تلقائس جدا..متصدقيش حد يقولك انك كبرتي و راحت عليكي و الكلام الخايب دة..خليكي علي طبيعتك الجميلة

Fri Feb 09, 09:52:00 PM GMT+2  
Anonymous Anonymous said...

سمرا

يلي بتطلبيه شيء يشبه المستحيل ...وجود حب طاهر مفيش

بتمنى تلاقيه يارب وتكسري قاعدة انقراضه

كلمات حلوة وراقية واحساس عالي

بتمنالك التوفيق لانك فعلا بتستاهلي هيك شيء


تحياتي حبيبتي

Fri Feb 09, 09:59:00 PM GMT+2  
Blogger قلب يحترق said...

مشاعر روعة و احساس اجمل في التفكير في

سعادة الدنيا و الاخرة مع بعض

ربنا يرزقك بالانسان اللي تتمنيه و

متصدقيش اي كلام فاضي

ربنا يكرمك

Fri Feb 09, 10:15:00 PM GMT+2  
Blogger Ma 3lina said...

أيه يا عم الكلام ده متقوليليش انه خيالى
اكيد موجود يمكن نادر بس موجود

تصدقى يا بنتى انك كتبتى كل تخيلاتى عن الحب

هههههه شاكلنا بنشوف افلام رومانسية كتير

الواد الاهطل ده بتاع انتى كبرتى عنده عقد نفسية
سيبيكى منه خالص

Fri Feb 09, 10:41:00 PM GMT+2  
Blogger دينا فهمي said...

أنا افتكرتك لقيتي حد بالمواصفات دي
كنت هحسدك بس فهمت في الاخر (:

لا ماتتنازليش عن أحلامك
عليكي بالدعاء

ربنا يحقق لك كل اللي في بالك يا رب

Fri Feb 09, 11:02:00 PM GMT+2  
Blogger Noony said...

أولاً- أسلوب تلقائي وبسيط ووافي وكافي وجمع تقريباً كل الأفكار الممكنة اللي ممكن أي بنت بتفكر فيها
ثانياً- دة حتى رقم 25 رقم جميل ولا كبير ولا صغنوون...لأ دة مش كبييير بالمرة (أصلي أنا كمان عندي 25)...بعدين الطفولة ملهاش سن لأن الطفولة معناها البراءة والعفوية...مش إن الواحد يفكر 1000 مرة قبل ما يقول أو يعمل أي حاجة...ودي أحلى حاجة في الطفولة...ملكيش دعوة بالناس اللي بيقولوا انك كبرتي والكلام دة
ثالثاً- الشخص اللي يقولك كبرتي على الزواج ولا كأنك سمعتيه ولا كأنك حتى عرفتي بوجوده على الكرة الأرضية..متخليش الكلام دة يمثلك أدنى أهمية...لأنه كلام ملوش قيمة ومن الواضح ان نظره ضعيف شوية...هو كان لابس نظارة؟
رابعاً والأهم- أنا معجبة جداً بكتاباتك مع إني لسة متعرفة على البلوج بتاعك قريب ومع إني معنديش صبر أقرأ كتير بس بستمتع جداً إنا بأقرألك وميهمنيش الطول

شكراً وربنا يرزقنا جميعاً بكل اللي نتمناه وأحسن كمان من اللي بنتمناه
زوج، شغل، درجات في الدراسة، أياً كان وكل واحد واللي يتمناه

Fri Feb 09, 11:14:00 PM GMT+2  
Blogger سجين فى قلب الوطن said...

سمرا يا سمرا
الجزء الأول : حلم و واقع جميل
الجزء التانى : عريس عايز ضرب الجزمة القديمة

الناس مش اسفنج مفروض انهم يتقبلوا الصدمات و يمتصوها و خلاص........
اى كلمة بيكون ليها اثر فى نفس الأنسان حتى لو كانت بسيطة سواء بالسلب او الأيجاب

ألذ شئ فى كتاباتك هى التلقائية و انها غير مزيفه

سي يو لايتر
تشاااااااااااووووووووزززززززز

Fri Feb 09, 11:52:00 PM GMT+2  
Blogger voice of love said...

اوعى تحسى انك كبرتى والكلام الفارغ ده
الاحساس عمره ما بيشيخ ولا مرتبط بسن
الحب هو الحب فى أى مكان ولأى انسان وفى أى سن
ِأسلوبك حلو جدا

Fri Feb 09, 11:54:00 PM GMT+2  
Blogger Unknown said...

اعيط واغرقلك البلوج

ولا اصوت وألم عليكى الناس؟؟

ليه بتألبى علينا المواجع بس يابنتى

ماتخلينا ساكتين وكاتمين فى نفسناااا

يارب ياسمرا تلاقى اللى نفسك فيه واى بنت تلاقى اللى نفسها فيه واتعزم على فرحك قريب ياااااااااااارب

ومن قلبى بجد بقول
لينا رب إسمه الكريم
:)

Sat Feb 10, 12:15:00 AM GMT+2  
Blogger basma saghir said...

ليه يا ماما كدة بس..ليه

بصي مش هقلك انه مستحيل بس صعب حبتين انك تلاقي كل ده في انسان واحد..صعب ان حب كبير قوي كدة يسكن في قلب انسان واحد بس..بس مش مستحيل
متخافيش انك تحبي حد قوي كدة لان الحب مش غلط..الغلط اننا نخاف منه
والغلط الاكبر اننا نقبل حد ونظلمه معانا ومنكنش حاسيين ان هو ده الانسان الي يستاهل اننا نقضي معاه بقية حياتنا

سيبك من كلام اي حد لان دي حياتك وانتي الي هتعيشيها...لو عشتيها غلط محدش هيحصله ضرر غيرك انتي ..ولو صح محدش هيكسب غير ك برضو
عيشي حياتك صح ..غلط..المهم انها تكون باختيارك انتي ..مش حد تاني

Sat Feb 10, 12:32:00 AM GMT+2  
Blogger zordeak said...

يا لهوووووى


يا لهوووى يا لهوووى


انا كان هيجرالى حاجة وانا بقرى البوست ده


يا لهوووى


ايه ده يا بنتى

ايه كمية المشاعر دى


ايه الحب ده


انتى بتتكمى عن الحب اللى جوانا


انتى بتتكلمى عن حاجات حصلتلى

وبتقولى كلام انا قلته


لا مش ممكن


انتى قلبتى عليا المواجع


بجد نفسى احب الحب اللى بجد


ونفسى كمان انك تلاقيه


والله العظييم بجد نفسى تلاقيه

يااا رب يااا رب تيمع لها وترزقها بالبنى ادم اللى يقدر ان معاه اميرة

واللى يعرف ان انجى ملكة

ويعاملها على انها ملكة


يااارب

يااا رب .., انجى بتحبك

كافئها بحد يحبها وتحبه لانها تستاهل احسن واحد فى الدنيا دى


يا بنتى انتى كمية الحب اللى جواكى دى تغرق بلد


تكفى بشرية بحالهم


يا رب يرزقك بزوج صالح يكون هو ابوكى وجوزك واخوكى وكل حاجة ليكى .., ويرزقك بخلفة صالحة تكونى ليهم احسن ام فى الدنيا


وتعلميهم يصلو ازاى

وتعلميهم يحفظو القرآن


يا رب يا انجى


يا رب تلاقيه ويا رب هو يلاقيكى


يا رب يكون بنى ادم يعرف قيمتك ويقدرك

مش الانسان اللى مبيفهمش ولا عنده زوق اللى جه وقالك انتى كبيرة


ده واحد مبيفهمش

والحمد لله ان ربنا عرفك من اولها

اللى زى ده مينفعش ليكى


انتى احساسك يكفى مية من عينته


انتى عايزة واحد رااجل

يحس بيكى

ويغرقك هو باحساسه

مش حد مبيهمش ان اللى قدامه بنى ادمة وبتحس


والله يا انجى

والله كمان مرة

بحلفلك انك هتلاقيه ان شاء الله


وساعتها بقى يا هكون اول واحد يتعزم على جوازك


ولازم كمان اقعد معاه .., ملييش دعوة

انا عايز اشوفه يستاهلك ولا لأ

اتفقنا يا قمرى


وهنشوووف

Sat Feb 10, 12:42:00 AM GMT+2  
Blogger الدبور said...

قلبتي عليا المواجع يا انوج
مانا كنت عايش في اللذيذ مع نفسي و لا حب و لاغيرة وعامل نفسي مش واخد بالي لازم يعني كده !!!
بصي بقي انا المرتب مش مقضيني لوحدي وعاوزني اتجوز ونصرف منه احنا الاتنين
بلاش سيرة الحب خلينا في الجد وخلي المرتب
لواحد مش لاتنين زي شكولاته تويكس

مش قال تحياتي
الدبور

Sat Feb 10, 02:22:00 AM GMT+2  
Blogger -_- said...

مش ممكن يا سمرا

انا قريتها 6 مرات لغاية دلوقتى

الكلام جميل اوي اوي اوي و لو كنتى بتغنيه كنت هقولك تاني تاني

25 سنة و كبرتي ازاي يعنى

انا اعرف واحد عنده 67 سنة و مشاعره بكر .. والله بيقول لمراته كلام اجمل من اللى انتى كاتبها 10 مرات .. تخيلي؟

المشاعر عمرها ما كانت بالسن و اللى قالك كده غلطان , نفسي التفكير ده ينهي من دماغنا بقى

Sat Feb 10, 02:53:00 AM GMT+2  
Blogger houty said...

اانت عبرتى عن احساس بنات كتير
بتحلم نفس احلامك نفسها فى الحب
الحقيقى اللى يخلها مالكة الدنيا كلها
عبرتى برقة حلوة جدا
بس للاسف فى ظروف كتير بقت
بتمنع الحب ده من الحياة
يعنى جائز اصبح مستحيل
انك تلاقى انسان يحبك بهذه الدرجة اللى انت وصفتيا
يخاف عليكى اكتر ما انت تخافى على نفسك
انه يقولك ان المكياج حرام و عشان مش عايز حد يشوفك غيرى
بدل من انه يهمه نفسه وانه يشوفك دائما ذى القمر مش مهم حرام ولا حلال


بالنسبة للعريس اللى جالك
انا عارفة اد ايه الموقف ده صعب
الكلمة اللى واجعاكى ولا تحطيها فى دماغك
لانه هو قالها هو مش عارف ان النصيب ده
مش بيدنا وان كل شى بيد ربنا
بس هى الكلمة ذى السم لان مافيش الدافع
اللى يخليك تستحملى كلامه اللى ذى السم
على فكرة انا مش بقولك كدة تهدا لكى
انا مرت بنفس التجربة
يعنى عريس صالونات بس انا قررت انى مش
هدخل التجربة ديه مرة تانيه مهما حصل
انتى بتطلبى المستحيل ده انا مش عارفة
لكن عنستى ديه لا لان فى بنات كتير كدة
احنا مشكلتنا فى المجتمع اللى احنا عايشين فيه اللى بيشوف البنت مجرد ما تتخرج انها عنست

ربنا يرزقك الانسان اللى انت بتحلمى بيه

Sat Feb 10, 03:26:00 AM GMT+2  
Blogger Mony The Angel said...

ana et7adaft 7adfa gamda btw :D
bgad alpost da aktar mn raaaaaaaaa2eeeeeee33333333333333333
enty ra2e3a aslan ya enjy :)
i'm sure u'll find him..
and i'm sure he is waiting 4 u too as u do :)
best regards (f)

Sat Feb 10, 05:55:00 AM GMT+2  
Blogger smraa alnil said...

moyu83415


thx for ur gift
i`ll visit urs
thx again for ur visit

___________________________

عمووووووووووور

مشارعي ؟؟؟؟؟؟؟؟؟
مشارعي ازاي يعمرو
ما تركز يا ابني في الكلام اللي بتقولوا
انت رجعت تاكل عسلية متبرسمة
هههههههه

عامة شاكرين مهلليلين علي التعليق الظريف دة ومشارعي الي انت قلت عليها دي

يعني انت قلت ممكن
ههههههههههه
هي ناقصاك يا عمرو

Sat Feb 10, 06:19:00 AM GMT+2  
Blogger smraa alnil said...

anonymous

طب اقولك ايه بقي
ربنا يخليك يارب
بجد كلماتك اسعدتني اي كنت انت
وتاج اعلقه فوق راسي
شكرا للزيارة
___________________________

مايكل محسن

ربنا يخليك يا مايكل يارب
الاول استرقيت علي مدونة ولا لا
صدقني يا مايكل انا علي طبيعتي خالص
بس هتقول ايه طول عمري بنفض للكلام
بس الكلمة دي وجعتني
ربنا يرزقنا بقي

Sat Feb 10, 06:20:00 AM GMT+2  
Blogger smraa alnil said...

ليندا

ليه يا ليندا كدة
انا كان عندي امل ان حد يقولي ايه الشماعر العبيطة دي اللي انتي كاتباها دي موجودة علي طول
انا عارفة من جوايا انها مش شبه مستحيلة
دي عاشر المستحيلات

بس علي رايك انا كمان نفسي اكسر القاعده
بس حاسة اني علي راي الواد دة كبرت ومش بقي فيا حيل اجرب
وادور عليه
اديني مستنية اهو ان هو اللي يجيلي

الله يخليكي يا ليندا يارب
تيحياتي يا قمري انتي
___________________________

dayin_soul


ربنا يخليكي يا هبة يارب

انا مش عايزة اصدق بس اعمل ايه بقي في دماغي
عامة ربنا يسهلوا بقي
ويسمع منك يا قمر

Sat Feb 10, 06:20:00 AM GMT+2  
Blogger smraa alnil said...

ماااااا علينااااااااااا

تفتكري فعلا انه موجود
وانا اللي مش شايفاه
هههههههههه عند حق بس احنا تليفزيونا بايظ بقاله تلات شهور يعني مش عارفة اتفرج علي افلام رومانسية
عامة انا كدة كدة زحلقت الشاب
بس تقريبا ساب عقده النفسيه في بيتنا قبل ما يمشي
اصل الكلمة وجعاني
يلا حاولي بقي في اللي قلتلك عليه ماشي
___________________________

دينا فهمي

ههههههههههههه ياريت ياختي الاي مش كان دة بقي حالي
رايك كدة يا دينا اني مش اتنازل
بدعي بجد
ربنا يخليكي ويتقبل منك يارب
انا وانتي

Sat Feb 10, 06:20:00 AM GMT+2  
Blogger smraa alnil said...

noony

اولا انتي شرفتيني جدا

ثانيا ميرسي اوي علي الكلمتين دول بجد
ثالثا
بقنا بصرة يعيني
المشكلة بقي اللي بتاقبلني اني مش بفكر 1000 مرة في اللي بعمله ولا اللي بقوله
والناس مش فاهمة دة
ودة اللي تاعبني لانها بتفسره من تفسير تاني خالص
رابعا بقي
بجد مش قادرة انسي كلمته وهو بيكررها عليا 3 مرات وراب بعض
هههههههههههههههههههههههههه
تصدقي انه كان فعلا لابس نضارة
شكلك انتي مرات اخوه اللي جت معاه
ههههههههههههه
خامسا بقي
ربنا يخليكي بجد دي شهادة اعتز بيها
اصل بصراحة مش بعرف ارد علي حد لما يشكر فيا
بس ربنا يتقبل منك يارب
___________________________

سجين في قلب الوطن

صح انا لولا اني كنت لابسة شبشب يوميها فمش عرفت اضربه بالجزمة
هههههههههه
المشكلة ان مش في حد عارف كدة بيرموا كلام زي الدبش وخلاص
يخليك ليا يا رافع من معنوياتي عل طول
تشاااااااااووووووز

Sat Feb 10, 06:21:00 AM GMT+2  
Blogger smraa alnil said...

voice of love

انا عارفة دة ومتاكدة منه
بس هتقول ايه بقي لمجتمعنا الغبي
شكرا علي الزيارة والتعليق بجد
شكرا
___________________________

انسانة

هههههههههههههههه يا بت في ايه
وحياتك انافضلت كاتمة كتير بس من قهرتي يا اوختشي
مش استحملت بقي
وبعدين لو مش كنت هخليكي تشاركيني هشارك مين يعني امي ؟؟؟

وان شاء الله احضر فرحك برضه يا ياسمين بس من غير جاركم
ههههههههه

ربنا يسمع منك يا بنتي يارب

Sat Feb 10, 06:21:00 AM GMT+2  
Blogger smraa alnil said...

بيسووو


اهو دة اللي حصل بقي

حتي انتي بتقولي انه صعب
عارفة
كان عندي امل ان اي ححد يجيلي اعلمه يعني ايه حب
يعني ايه عشق
بس لما جيت ارتبط من اربع سنين ونص
للاسف مش عرفت اخليه يحب بجد
فبعدت عن فكرة ان اخلي حد يحب
لاني بح ان كلهم زيف وخداع
وبقول كفاية ان الحب جوايا انا

انا خايفة احب اوي اتجرح اوي

اصل مش في حد بيتجرح اوي الا لما بيحب اوي
عشان كدة دايما بهرب منه علي طول عايزة حد يلحقني بقي قبل ما اغير راي
هههههههههههه
عشان كدة انا رافضة جواز الصالوانت دة
وبقبل بيه بس عشان ارضي اهلي
وبعد كدة بطلع فيه القطط الفطسانة
ههههههه
انا فعلا عايشاها باختيار يانا
وانتي صح يا بيسوو
ربنا يخليكي ليا

Sat Feb 10, 06:21:00 AM GMT+2  
Blogger smraa alnil said...

zordeak

هههههههههههههههههههه
انت جاي تعدد هنا يا فؤش
بعد الشر عليك
مشاعر ايه بس وحب ايه والله دة شوية كلام عادي والله

انا مش كنت اعرف اني اتكلمت عن كل اللي انت قلت عليه دة

بس بذمتك انت قلت كلام زي دة

ان شاء الله يا احمد تلاقي الحب اللي بجد اللي ياخدك لعالم تاني خالص

وانا كمان نفسي الاقيه
ربنا يسمع منك يارب يا احمد

انا بجد كلامك خلاني ادمع

ومش عارفة ارد بجد عليك
ربنا يخليك ليا يا احلي اخ ضغنتت هههههههه

والله نفسي يا احمد اعلم كل الناس اللي انا مش اتعلمته عشان كدة بدايق اوي لما بلاقي حد مش بيصلي او مش بيعرف يقرا قرآن

ونفسي اعلمهم صح
برغم اني مش عرفاه بس بحاول

ربنا يهديه ويسامحه لانه بجد خلا نفسيتي زي الزفت من ساعه ما قالي الكلمة دي

حاسة ان كل حياتي واقفة

انا عشان كدة مش عايزة صالونات
انا مش عايزة واحد جايلي عشان يتجوز وبس
انا عايزة واحد يتجوزني عشان بيحبني

ربنا يهديه بقي
اهو راح لحال سبيله

ان شاء الله ربنا يسمع منك يارب ويتقبل

وطبعا يا واد مش احنا اتفقنا انك هتكون خال العيال هههههههه

ان شاء الله

Sat Feb 10, 06:21:00 AM GMT+2  
Blogger smraa alnil said...

الدبور


انت كل ما تخش تقولي مرتب ومش مرتب
عايز سلفة من الاخر قولي
نروح انا وانت نشحت علي باب السيدة
هههههههه
لكن مش تحسسني بالذنب اول ما تخش كدة يا سمسم

بقولك ايه
انا مؤمنة بشئ بجد
انت لو قعدت تحسبها من هنا لعشرين سنة يبقي مش هتتجوز الا وانت علي المعاش
بس ربنا بحانه وتعالي خلا الجواز سبب للرزق
وطول مانت ناوي خير بجد
ربك هيرزقك من وسع
بس اختار الني ادمة الصح اللي بتعرف ربنا قبل كل شئ لان هي دي اللي هتكون مفتاحك لكل شئ
وربك هيرزقك عشانك وعشانها
صدقني يا ابني طول مالواحد بينوي خير الرزق بيجيله من اوسع الابواب ومش بتعرف منين
انا قبل ما اتعين كان ليا مدرس زيملي متجوز وشغال 165 جنيه
ولما سالته انت عايش ازاي يا ابني
قالي والله يا انجي ربك بيرزق من حيث لا تعلمون

سيبها انت علي ربنا وانوي الخير بدل مانت صارف مرتبك كدة علي شيكولاته تويكس

طب هاتهالي
___________________________

sharm

مرحب بيك تاني بجد

انت تقراها في اي وقت وبراحتك بجد

يعني في امل لحد 67 سنة
ههههههههههههه
ربنا يهنيهم ببعض يارب
والله يا ابني الناس دي اللي مخليني احس ان في خير في الدنيا

نزار قباني بيقولك ايه بقي

في العشرين تستطيع ان تحب
وفي الخمسين تستطيع ان تحب
هناك دائما مناسبة لاشتعال البرق

نفسي بقي الناس تعرف ان في شئ اسمه قسمة ونصيب

Sat Feb 10, 06:22:00 AM GMT+2  
Blogger smraa alnil said...

houty


يعني انتي شايفة ان الحب دة مش موجود

او انه مستحيل كمان

عارفة ان لما كنت مرتبطة من 4 سنين كان بيحصل العكس معايا
يعني مش كان بيخليني انزل الا لما احط مكياج كامل ومش كان بيبقي طايقني وانا لابسة الترنج

عشان كدة ربنا اظهره علي حقيقته وكل منا في طريق علي راي الست ام كلثوم

في ناس جاهلة بعيد عنك
بس اللي انتي مش عارفاه بقي ان هو كان اكبر مني ب 5شهور
هو عامة راح لحاله زي غيره
وبيني وبينك مش بقدر اقول لاهلي بلاش صالونات عشان مش يفهموني غلط
بس انا من جوايا رافضاها

انا من قبل ما اتخرج لان عندي بنات خالتي اللي انا اكبر منهم متجوزين ومخلفين
فانا ف نظر اهلي كلهم اني كدة
اي نعم انا مش ليا اختلاط بيهم بس مش حابة اني اسمع الكلام دة

ربنا يرزقنا جميعا يارب

___________________________

mony the angel

منه مين اللي حدفك وانا اموته

هههههههههههههه
سلامتك من الحدفة يا قمر

ربنا يخليكي يا قمر يارب
بس برضه مش هنسالك الموضوع اياه
حتي اساي ياسمين كدة

ربنا يخليكي يا منه يارب

يارب يسمع من بقك ربنا

واتمني ان هو كمان يكون مستني زي مانتي قلتي هههههههه
شكرا علي الوردة يا قمر

Sat Feb 10, 06:25:00 AM GMT+2  
Blogger frozen love said...

سمراااا....الرحمة يا سمرة..انا بجد مش عارف اقول ايه ..المدونة دي تعبتلي قلبي خلاص

انتي مش متخيلة انا كنت عامل ازاي وانا بقرا كلامك...لا المرة دي بجد صعب تتخيلي..كلام عشته فعلا في الحقيقة زي ما هو بالضبط..والله زي ما انتي كاتباه كده بالضبط...وكلام عشته بخيالي كتير..زي ما انتي عشتيه بخيالك كده بالضبط برضه...والله نفس الصور...نفس الاحتياج للبنى ادم..اللي مش موجود لسة..البني ادم اللى اعظم حاجة نطلقها عليه انه بني ادم...يعني بيحب ويشتاق ويفتقد...بيثور ويحلم وينهار....بينصح ويسمع ويفضفض.....بيقدر ويحس ويضم


يحبنا بجد لما نحبه
يشتاق للمسة ايدينا لما نبقى هنموت نترمي في حضنه
يفتقدنا وهو بعيد..وهو قريب كمان
يثور في وشنا لما نغلط..اصله مرايتنا
يحلم نفس احلامنا..لانه توامنا
ينهار في لحظة لما نضعف
ينصحنا لما نبعد عن ربنا ولا نعمل حاجة غلط
يسمعنا لما نحتاج نقول كلام..حتو لو مالوش معنى..حتى لو تخاريف
يفضفضلنا..وكانه واقف قدام المراية..ما انا قلتك احنا مرايته
يقدر احنا مين...وبنحبه قد ايه..وبنتصرف كده ليه!!
يحس باللي فينا من غير ما نتكلم...من نظرة واحدة بس
يضمنا قوي....يضمنا وخلاص ..يمكن تكون اول ضمة لينا..او تكون اول ضمة لينا بالشكل ده


انا مش هانقلك كلام اثر فيّا من التدوينة..انا اللي حسيت بيه كتبته من وحي كلامك..وكانه نسخة مصغرة من احساسك..ومش هاقولك قد ايه العريس ده (انا اسف طبعا)..غبي...لانه معندوش الاختراع االلى اسمه عقل اللي يخليه يشوف الصورة صح...وتفتكري واحدة بتحلم احلامك دي..تبقى كبرت؟

الاجابة تونس

وحتى لو كبرت..تفتكري هاتفرق وانتي جواكي المشاعر دي؟

الاجابة.....ليكي بقى

Sat Feb 10, 06:55:00 AM GMT+2  
Blogger إبـراهيم ... said...

بُصي يا سمرا يا بنتي .... ربنا يسعدك ، وتحققي كل أحــلاااامـــك يااااارب ...


حقيقي كلامك حلووو قووووي



وأنا مش عارف أرد إيه ؟



:) تحياتي

Sat Feb 10, 10:10:00 AM GMT+2  
Blogger LAMIA MAHMOUD said...

كبرتي اية بس يا بنتي .. انا لو منك كنت دورت على اي حاجة وحطيتها في عينيه .. قال كبرتي قال .. اللي بتطلبيه ده موجود .. احلمي براحتك ولسة قدامك العمر بدري .. انتي حلوة اوي اوي من جواكي يا بنتي .. وطفلة اوي برده .. والله حيبقى يا بخته

Sat Feb 10, 10:23:00 AM GMT+2  
Blogger Masry said...

الواد العريس ده معقد و رجعي و متخلف و مكبوت و انا كرهتة من الكلام اللي قاله دة و لو كنت مكانك كان زمانة بياخد في دماغة 10 غرز لزوم تصحيح المعلومات و كنتي هتكسبي فيه ثواب كمان . عارفة يا انجي اللي انتي بتدوري عليه دة موجود بس مبيكملش علشان مشاعر نقية اوي . احاسيس متنفعش في المجتمع المادي اللي احنا عايشين فيه الخوف من المستقبل بيبوظها .ضغط المجتمع بيبوظها بس انتي تستاهلي يا سمرا انك تتحبي كدة و تحبي كدة . اقولك خليكي علي يقين دايما انك هتلاقي الحب دة و ربنا يرزقك و يرزقناو اي عريس تاني يقولك كلام زي دة اكسبي فيه ثواب و بحاجة بس تكون ثقيلة شوية و علي دماغة يمكن يفوق

Sat Feb 10, 12:12:00 PM GMT+2  
Blogger No Fear said...

السلام عليكم
أياكي تتخلي عن أحلامك
و بلاش تعملي أي حاجة مش مقتنعة بها
أكيد في الحب ده موجود و أنا شخصيا بابحث عن اللي قلتيه بالظبط و علي ما اعتقد أن الغلط هنا إننا بندور المفروض مندورش بجد لو لنا نصيب فيه هيجي لوحده
علي فكرة معرفش كل الكلام اللي فات ده غلط و لا صح بس ده رأيئ
ربنا يوفقك و تلاقي اللي نفسك فيه
بس علي فكرة الحب محتاج عقل قبل القلب
سلام

Sat Feb 10, 12:21:00 PM GMT+2  
Blogger mariam said...

لا يا انووج انتى مكبرتيش
عيشى و دورى على احلامك
انا عارفه شعور ان حد يعمل حاجه و يدور عليها
و اللى حواليه يحبطوه بتعرض له كتير
كونى زى ما انتى يا انجى
و خليكى طفله فى نظر نفسك
محدش هياخد حاجه من الناس

Sat Feb 10, 12:29:00 PM GMT+2  
Blogger محمد عبد الغفار said...

يا اللى نسيك الحب انساه وابعد عنه عشان تلقاه

Sat Feb 10, 12:39:00 PM GMT+2  
Blogger Noony said...

أنا نسيت أرد على سؤالك

الرسول صلى الله عليه وسلم كان يقول : " تفاءلوا بالخير تجدوه " !

أكيييييييييييييد إن شاء الله تلاقي الأحاسيس دي كلها مع الشخص اللي يستحقها ويستحقك ...لا مستحيل ولا حاجة...بس انتي متفكريش خالص في الموضوع دة وسيبيها ع الله وربنا يرزقك بيه من حيث لا تتحسبين...على الأقل أنا مؤمنة بكدة...وبعدين اية كلمة "عانس" دي...الشر برة وبعيد عن كل البنات...الكلمة دي وحشة أوي و بعيدة عنك أوي -وعني طبعاً- احنا لسة بشابابنا واللي مش عاجبه ميهمناش

ومتحاوليش تفكري أصلاً قبل ما تتكلمي خليكي على طبيعتك أحسن حاجة

أنا مرات أخوه؟!!...الله يسامحك...دة أنا بقولك كدة من واقع خبرتي الأليمة

الحمد لله على كل حال :)

Sat Feb 10, 12:46:00 PM GMT+2  
Blogger Masry said...

حضرت و واجب اكتبها

أهوي الهوي و همس الهوي في العيون

وبسمة المغرم ودمعه الحنـــــــــــــــون

و زلزلات الحب نهد الصبـــــــــــــــــــــا

أكون انا المحبوب أو لا أكــــــــــــــــون

عجبي

Sat Feb 10, 01:06:00 PM GMT+2  
Blogger عبدالله said...

كلام رائع نابع من نفس رومانسيه فعلا عيشتنا لحظات من الرومانسيه الحقيقيه

بس علشان تكوني عارفه يا سمرا الحياة فعلا فيها كده دوري بس علي شخصيه حنينه و طيبه و هيبقي كل رد فعله بناء علي طريقتك معاه في الاخر

بجد الحب ده موجود و عادي كتير انتوا بس الي شايفين الدنيا سوده شويه
:)

تحياتي

Sat Feb 10, 01:26:00 PM GMT+2  
Blogger tota said...

سمرا
اللى قلتيه يا جميلة حلم كل بنت رومانسية فى عالم مفيهوش اساسا رومانسية لكن فيه افلام بتنتهى بعد ساعتين من بدايتها
مش بتطول ولو طولت تبقى زى الافلام الهندى
اللى بتحلمى بيه هو حلمنا كلنا اللى فضلنا نحلم بيه وفاكرين ان فى يوم هيبقى حقيقة بس الحقيقة الوحيدة اانا لاقينا نفسنا كبرنا قوى
سيبك من العشرينات اللى انتى فيها امال اللى اكبر منك بعشر سنين يقول على نفسه ايه
بس الاختيار حاجة من الاتنين
يا تكونى زى كل الناس وتتنازلى عن الحلم علشان تعيشى الواقع الصح
يا تعملى زى ناس تانية لسه عندهم امل ان الحلم يتحقق ومش هيعملوا زى الناس التانية لو حتى بقى سنهم 60 سنة
وبعدين عيب عليكى راعى ان فى اخواتك سنهم كبير ومتقوليش هو انا كبرت امال احنا نقول ايه
اتقو الله فى بعض يا بنات الرحمة حلوة
مش هقولك غير دعوة ان كل حلم جميل يتحقق ويسعدك ربنا بيه ان كان فيه خير ليكى

تحياتى يا كبيرة قوى وعجوزة قوى من اختك الصغيرة قوى

Sat Feb 10, 02:30:00 PM GMT+2  
Blogger كلمه said...

wna hala2eha menek wla men frozen love wla men dema3`y wla meneeeen :D

حب لهدف ورغبة ومصيره بيبقي الزباله
m3lfsh leh elgomla de 3ala2et ma3aya ..m3 enha mesh 3`reeba :)
w feh kam gomla fel nos bahdloooooooooooony :)
waga3ty 2alby wlahy ..er7amy elnas el3`alaba :))
bgd enty hayla ..w rbna yewfa2ek m3 7abeboooo ;)

Sat Feb 10, 02:32:00 PM GMT+2  
Blogger فريسكـــــــــــــــــــــــــا said...

انتى لو كبرتى فانتى كبرتى بس فى نظر الناس يا اجمل سمرا فى الدنيا

مالكيش دعوة كلام اى حد وبعدين عايزة اعرف 25 سنة ايه اللى عنست دى ناس فاضية بجد

وبعدين العريس الظريف دى مكنش ينفع يكون مصيره حاجة غير زيه زى اللى فات كفاية انه مش بيعرف يكلم مع الجنس الرقيق اللى زيك ياقمر وبيدب الكلام
ههههههه

بجد ربنا يكرمك بانسان زى اللى بتحلميه بيه كده ومش بعيد على ربنا لانها احلام بسيطة زيك يا سمورة

وبخصوص البلوج بتاعى
موجود فى الدنيا

خالص تحياتى

Sat Feb 10, 03:22:00 PM GMT+2  
Blogger الوردة السوداء said...

انتى قولتى كلام كتير اوى
وكلام حلو اوى
بس انا مش عايزة اخدعك واقولك انو صعب
بس وقتها اكيد هترضى بنصيبك
وربنا هيزل فى قلبك الرضا
انتى مكبرتيش ولا حاجة
اللى هيحبك هيحبك وانتى كدة

بالنسبة للعريس
انا لو مكانك ولله العظيم كنت طردته فورا
وكسرت وراه قلة

Sat Feb 10, 03:49:00 PM GMT+2  
Blogger الحصان الأسود said...

لو انتى كبرتي قوي كدة وانتي 25 سنة .... يبقى انا ابو 36 سنة اروح ادفن نفسي بالحيا بقى

سمرااااا
هوة انتي لسة بتشربي كاباتشينوو

لما قريت البوست دة حسيت انك مهيسة وضاربة حاجة

ابقي اديني قرش كباتشينوو من معاكي

Sat Feb 10, 04:02:00 PM GMT+2  
Blogger سيف من خشب said...

اولا ازيك وحشانى جدا
ثانيا ايه رايك ان كل الى انتى حكتيه وانا بقراه حسيت انك كنتى معايه انا وهى وانى كنت بعملها كده بالظبط وبرضه ما كنش فى نصيب لينا سوا ومكناش لبعض لكن الصبر جميل ان شاء الله ربنا بيعوضنا خير وانتى كمان بكره تقبلى الى بتحبيه على فكره العريس الى جالك انسان كتخلف وعلى الاقل لو رفضايه ارفضيه علشان ما بيفهمش فى معامله السيدات ولا بيقدر مشاعرهم وعلى فكره تانى انتى وحشانى بجد تحياتى سيف ممن خشب

Sat Feb 10, 04:33:00 PM GMT+2  
Blogger Masry said...

سمرا لو ليكي في الكابوشتينو . انا ممكن اعزمك علي قهوة تركي مظبوطة :) و اهو كلة بيعمل دماغ
عندي فضول اعرف الواد العريس ده عندة كام سنة

Sat Feb 10, 04:34:00 PM GMT+2  
Blogger عمر said...

واحدة اسكندراني من بتوع الزعيم الرأفتاني..

مين يا بنتي العريس دة؟ يانهار اسود.. هو فيه ناس هبلة كدة؟ وبعدين هو جي يتقدم ولا جي يتفلسف... الله يخرب بيته فورلي دمي عالصبح.. ماتجيبي عنوانه اجيله من أمريكا افقعه روصية أمريكاني اجيب اجله

المهم.. بعد ما فشيت غلي.. انا شايف ان طلباتك دي معقولة جدا وواقعيا جدا باستثناء حكاية تقعد تفكر فية وانت بتشتغل دي... ههههه انت عايزة تودي الراجل في داهية؟ فيه حاجة البنات مش بتستوعبها ان الرجالة عموما عندها قدرة عالية علي فصل المشاعر عن التفكير.. وبالتالي الواحد مننا لو ناجح في شغله وبيحبه بيكون منهمك فيه تماما واحيانا البنات بتفتكر ان دة عدم اهتمام

علي أي حال انا رأيي ان الفكرة كلها في محاولة ارضاء الطرف الآخر علي الرغم من الاختلافات..

ودي كانت حكمة اليوم مع أبلة فضيلة

Sat Feb 10, 05:18:00 PM GMT+2  
Blogger Yasmine Adel Fouad said...

هو الحوارات دى خيال و للا أجزاء متفرقه من الواقع ؟

عموما ايا كان تلقائيتك حلوة اوى
بس خدى بالك نص اللى نفسك فيه مش موجود فى الواقع
مش عايزة احبطك
بس عايزاكى تبقى عارفه الكلام ده علشان الدنيا بتشغل و مينفعش تكونى محور حياة حد بالشكل ده
الشكل ده ممكن يخنق
بس ده ما يمنعش ان كل حب ليه شكل

______________

اما بخصوص انك كبرتى و عنستى
علشان 25 سنه ؟
طب بصى بقى يا بنت الناس
الاحساس بالعنوسه ده هيبقى مدمر لو صدقتيه
سيبك من مجتمع اهبل اهم حاجه عنده البنت تتجوز علشان الجواز سترة
خليكى واثقه فى ربنا
و عيشى و اسعى نفسك
ما تحسسنيش انك لو ما اتجوزتيش يبقى ماعيشتيش

__________________

بس سيبك بقى يا بت
انا اول ما قريت
ازيك يا حبيبي
مالك؟؟؟
مش في

قلت يخرب بيت اللى علم البت دى عربى
حاسه انك جبتيلى حول فى اللغه العربية
وحشتينى بقى

Sat Feb 10, 06:16:00 PM GMT+2  
Blogger elgharep said...

ده أقل شئ ممكن تتمناه بنت من جوزها
يابنت ياسمرا انت تعبتينى
عليك مواضيع بسيطة أوى لكن فى الجون
يتهيالى أن مفيش بنات دلوقت بتفكر زيك برومانسية المادة للأسف طغت على الجميع
الغريب

Sat Feb 10, 06:44:00 PM GMT+2  
Blogger كلبوزة لكن سمباتيك said...

ايوة يا حبيبتي حيجيبلك شيكولاتة و ورد و يهمس و يتسهوك
سنتين قبل الزواج و بعد كده



يقولك

عايزة ايه
مبتبطليش طلبات


معلش يا اختشي ده كاس بيدور على العباد

خديلك يومين
قطيعة فكرتيني بالذي مضى و دهسه القطر

قبلاتشي

Sat Feb 10, 08:17:00 PM GMT+2  
Blogger smraa alnil said...

frozen love

يا لهووووووووووي
سلامة قلبك يا عم بلاش منها الغيهالك خالص
هههههه
بجد سلامتك من التعب
انت فهمتني اوي يا محمد
بجد حسيت بكلامي
بس اعتقد ان انسان احسن من بني ادم
بني ادم كلنا بني ادمين بس مش كلنا انسان


بس تفتكر بقي اننا هنلاقي الانسان دة او البني ادم دة
اللي زي ما بتقول
بيحب ويشتاق ويفتقد...بيثور ويحلم وينهار....بينصح ويسمع ويفضفض.....بيقدر ويحس ويضم

مش عارفة الله اعلم

والله يا بني انت لخصت اللي عايزاه في الكلمتين دول
بس الواحد بيني وبينك تعب فقد الامل ان الواحد يلاقي اللي بيتمناه
اصل في ناس بتقول صعب وناس بتقول مستحيل وناس بتقول مش موجود اصلا

والنسخة المصغرة دي بجد عبرت اكتر من اللي انا كاتباه
انا بصراحة مش شايفة اني كبرت
بس نظرة المجتمع بقي
هههههههههههههههههه ايه دخل تونس في الموضوع
انا بجد مش فارقة معايا اي حاجة انا علي طول بضرب بكلامهم عرض الحائط بس هتقول ايه بقي
الاجابه
انا لا ابالي

Sat Feb 10, 08:46:00 PM GMT+2  
Blogger smraa alnil said...

ابراهيم .... معايا

بص يا ابراهيم يا ابني ربنا يخليك ويسعدك يارب

كوس انه عجبك كلامي ربنا يخليك ياب
يا سيدي كفاية مجيتك دي بالدنيا:))
تحياتي
___________________________________

لميا محمود

هههههههههههههه المشكلة يا لميا اني فعلاوالله مش لقيت حاجة الواد كان شرب الشاي والصينية كانت بعيدة عن ايدي كنت هبدته بيها
هههههههههههههههه
انتي شايفة انه موجود بجد
ربنا يكرمك يارب
هههههههههه برضه بقول كدة يا بخته بس هو مين بقي ؟؟؟
الله اعلم
ربنا يخليكي يا رافعه من معنوياتي

Sat Feb 10, 08:46:00 PM GMT+2  
Blogger smraa alnil said...

انسان

هههههههههههههههههه
ضحكتني والله

اهو انا بحس دايما ان في حاجة غلط وبقول ان انا غلط في الزمن دة
مش عشان انا ملاك لا بس عشان مش عارفة اتعامل مع البشرية دي
ولا عارفة اكون زيهم
العيب فين او عند مين مش عارفة
دقني انا دايما علي يقين اني القي الحب اللي انا عايزاه
بس المشكلة ان الناس بتفتكرني بستهبل
ههههههههههههه
يعني اخرج بالترنج يتقالي ايه القرف دة
كدة يعني
فانا عايزة حد يحبني انا وبس انجي وبس
فخمتوت ولا مو فخمتوا
عامة لما يجي يعمل فيا محضر هقوله ان انت اللي قلتلي اكسبي فيه ثواب
وساعتها بقي يا حلو هيجيبوك من قفاك
وهتعترف عشان هيبقي قدامك العصايا
ههههههههه

تحياتي يا قمر
___________________________________

no fear

وعليكم السلام والرحمة والبركة

انا عمري ما هقتنع بيها ولا هتخلي عن احلامي
بس صدقيني انا عمري ما دورت عليه ولا استعجلته او بمعني ادق اتعلمت اني مش ادور عليه وبقيت مؤمنة ان هو اللي هيلاقيني
واللي في نصيبك هيصيبك
ووقت ما نصيبي يجي ان شالله يكون قرد هشوفه اجمل واعظم راجل في الدنيا ودة انا مؤمنة بيه
يارب يخليكي ويارب يرزقك بالسعادة يارب والحب اللي بتتمنيه
بس مش عقل اوي يعني

Sat Feb 10, 08:46:00 PM GMT+2  
Blogger smraa alnil said...

مانو

انا عايشة حلاص وعايشة حياتي اوي
وفعلا بلاقي احبطات كتير بس انا احسن من غيري
عندك حق ربنا يخليكي ارب
فعلا مش في بياخد حاجة من الناس
غير التعب والهم
___________________________________

محمد عبد الغفار

هههههههههههههههههههههه
بحبك وانت رايق كدة
بتجيب من الاخر يا محمد
انا بعيدة اهو ومش بدور عليه وناسياه خالص
هههههههههه
تحياتي

Sat Feb 10, 08:47:00 PM GMT+2  
Blogger smraa alnil said...

noony

انا صديقيني والله مش بفكر فيه وكنتدايما مطنشة الموضوع وبقولم انا مرتاحة كدة
بس كلمة الواد دي بقي الله يسامحه وجعتني اوي
هي وحشة بعقل
دي وحشة بعيد عننا كلنا
هههههههههههه
واللي بيحبنا مش يضرب نار
ماهي المشكلة اني علي طبيعتي
بس هتقولي ايه بقي للناس الي مش بتفهم
يلا اهم راحو لحالهم بقي
هههههههههههههه
خبرتك الاليمية عرفتك ان هو لابس نضارة
انا ضحكت اويلما قلتي اكيد هو لابس نضارة قلت اكيد انتي شفتيه
ههههههه
الحمد لله
ربنا يخليكي وشكرا اوي علي المتابعه
___________________________________

انسان


طب دي بتاعت مين بقي
اوعي تقولي انها بتاعتك عشان لو بتاعتك هيبقي ليا رد تاني
هههههههههه
اكون انا المحبوب او لا اكون
تصدق وجعتني اوي
وخلتني اصر علي موقفي
فعلا انا لن ارضي الا بان اكون محبوبة
وبس

بتاعت مين دي بقي :))

Sat Feb 10, 08:47:00 PM GMT+2  
Blogger smraa alnil said...

عبد الله

انا يا عبد الله مش هدور انا خلاص بقيت مؤمنة ان نصيبي هيجي لحد عندي
تعبت بقي

وحياتك انت اللي مش عايز يحب او بيبقي بيتسلي طريقتي معاه بيعرف انه مش قادر يحبني وبالتالي بيبعد لانه مش بيبقي قادر علي مشاعري وبيحس انها اقوي واكبر منه
وبالتلي بيبص لنفسه ان مش هو دة الانسان اللي يقدر علي احساسي وقادر انه يسعدني
فهمت حاجة :))

اصل الدنيا ضلمت بعيد عنك مش فيها نور
مش عارفة مين طفا النور بس انا طول عمري ماشي بشممعه
تحياتي
___________________________________

توتا

انا خلاص كدة عرفت ان دة حلمنا كلنا مش حلمي انا لوحدي
هي دي المشكلة يا توتا اننا بنلاقي نفسنا كبرنا اوي
وبالتالي لما بتتكلمي عن مشاعرك والناس بتشوف تصرفاتك بتنتقدك واقل كلمة بتسمعيها
احترمي سنك

انا نفسي الاقي الي بحلم بيه بس تفتكري كدة هكون غلطانة ساعتها اني استني عمري كله

ههههههههههههه
معلش يا توتا مش اقصد والله

وبعدين بجد انتي مش كبيرة
بجد انت لو كبيرة كبيرة بمقامك وعقلك اللي يغل 100 راجل بجد

كفاية انك مصمةةتعيشي حلمك عامة قررت اعيشه معاكي خلاص
ههههههههه
ماشي يا اختي يا صغيرة اوي

Sat Feb 10, 08:47:00 PM GMT+2  
Blogger smraa alnil said...

كلمة

ههههههههههههههه انت بتقلدني ولا ايه بقي
وبعدين سلامة دماغك

ايه بتشبه عليها
هي بس صح لاني اي حب بيبقي وراه هدف او رغبة بجد بيبقي مصيره الزباله
هههههههههه
سلامتك من البهدلة
وسلامة قلبك
وبعدين ارحم الناس الغلابة ازاي وانا واحدة منهم وعايزة اللي يرحمني اتقي الله فيا يا راجل
:))
بجد انت اللي رائع
وهايل
___________________________________

موووووج البحر

يا بنتي الناس دي مش ليها غير الكلام علي اي حد
دي لو احدة عندها 18 سن هيقولوا عليها بايرة
بيدب كلام
اومال لو قلتلك قالي ايه تاني
هتعملي ايه

خدي عندك مثلا

رقم واحد

مش عايزني اكمل لحد الدكتوراه

رقم اتنين

البيه جايلي وهو بيحب بنت عمته اللي مش قادر ينساها وقبل ما يجيل بيومين كلم اهلها ولما رفضوا قرر انه ينساها وعايزني انسيهاله

والنبي ما تفكريني يا بنتي وخليني ساكته
ههههههههههه

ربنا يخليكي يا رب ويسمع منك

عامة انا هشوف مووع بلوجك دة لما اشوف اخرتها معاه ايه :))

Sat Feb 10, 08:47:00 PM GMT+2  
Blogger smraa alnil said...

الوردة السودا

بالظبط انا مؤمنة ان وقت ما نصيبي هيجي هرضي بالقليل لان دة نصيبي وقدري وهكون راضيه بيه
بس دة مش يمنع اني احلم ولا ايه يا قمر

الراجل كان ضيفنا برضه
انا كان هاين عليا اديله بالجزمة مش القلة
ههههههههههه
وفعلا اللي عايزني كدة اهلا وسهلا هههههههه
___________________________________

الحصان الاسود

هههههههههههههههه يا عم الشباب شباب اقلب
انت عارف ان لا اسمح بتناول الحاجات دي في بيتي
ولا في المدونة
المدونة دي طاهرة وهتفضل طول عمرها طاهرة
هههههههههه
انا بتعاطي نسكافية حضرتك
تاخد منه

Sat Feb 10, 08:48:00 PM GMT+2  
Blogger smraa alnil said...

سيف من خشب

اولا انت يا ابني بترووووووووووووووووح فين
والله بتقلقني عليك
انا عارفة ان انت كنت صادق اويييي في مشاعرك بجد
وربنا يصبرنا جميعا
انا كدة كدة رفضته لاسباب تانية
وربنا يهديه
انت بجد اللي وحشني والله
بس مش تغيب كدة لانك بتقلقني عليك بجد
___________________________________

انسان

هههههههههههه

لو قلتلك هتستغرب
ههههههههههههههههه
الواد عنده 25 سنة برضه يعني اكبر مني ب 4 شهور بس

عامة انا بحب النسكافية والكاابتشينو اوي والقهوة دي بطلتها لاني قعدت فترة ادمنتها

عرفت بقي الواد دة كان عنده كم سنة

Sat Feb 10, 08:48:00 PM GMT+2  
Blogger smraa alnil said...

عمر

هههههههههههههههههههههههه
وصلت يا عمر
دة مش اهبل يا عمر دة والله عبيط
اومال لو قلتلك قالي ايه
هتقول ايه بقي
دة مش هيكفيك كل عبارات الرأفتاني فيه

دمك يا ابو عمر في ناس عايزينك يا ابا
وبعدين هو لامؤاخذة الروصيات الامريكاني دي تنفع مع شبابنا دة عايزله كف صعيدي محترم
او روصية من بتاعت ابو العربي من بورسعيد
كدة يبقي هو دة الشغل

بص بقي
بالنسبة لموضوع الشغل دة
والله انا مش ططمعانة
وعارفة طبعا اني مش هبقي في باله علي طول
لان انا كمان هبقي في شغلي ومش فاضيةللكلام الفارغ دة
هههههههههه

بس الاحساس بالاهتمام باي صورة ولو قليلة دة بيبسط الطرفين

وبعدين والله انا مش مجنونة ومش بطلب ان اللي يحبني كل شوية يتصل بيا او يرن عليا
انا بس بقول يخلص شغله يرن

وكون انه يعملها مرة ويرن عليا في وسط شغله ولو لمرة في اليوم
دي حاجة هتسعدني اكيد

وهترضيني

بس هتقول ايه بقي يا حلو لو محاولة ارضاء الطرف الاخر دي جت من جهه واحدة
يعني يبقي ايه الحال لو انت اللي كل شوية ترضي في الطرف الاخر والطرف الاخر عامل فيها عبده العبيط

الموضوع محتاج توازن وفكر

ههههههههههههههههههههه
اهلا اهلاااااااا ابله فضيلــــــــة

__________________________________

انا حرة


الحوارات دي خيال وحياتك يا اختي

انا مش بقول اكون محور حياه او اني اكون سبب في حياة بني ادم
انا بقول مواقف بسيطة اوي

ومش بطالب بيها بشكل مبالغ
لاني عارفة ان الحياة كدة هتخنق

ونا شخصيا مش هستحملها لاني عايشة حرة

وزي مانتي قلتي ان كل حب ليه شكل

انا مش مصدقة اني عنست انا مصدقة اني كبرت وفيه فرق بين الكلمتين

ونعم بالله وربك هو القادر
وبتمني فعلا ان الفكرة دي تتشال من مجتمعنا ان ستر البنت مقترن بالجواز
زي ما تكون البنت تهمة وبلوة ربنا رازقهم بيها

بصي فكرة الجواز نفسها مش مهمة عندي
يعني لو جيت بصيت للقرف اللي بيحصل من الجواز زي ما سمباتيك قالت كدة يبقي بلاها احسن

الواحد بيدور علي المودة والرحمة والسكنه اللي ربنا ذكرها في القرآن
ودي اهم حاجة من مليوم حب يجتاحني بجد

هههههههههههههههه
وحياتك بكره العربي جدا ولا افقة اي شئ في النحو

وسلامتك من الحول
والله وانتي كمان وحشاني

Sat Feb 10, 08:48:00 PM GMT+2  
Blogger smraa alnil said...

الغريب

مش انا بقول كدة برضه

سلامتك من التعب

انا فعلا بحس ان كلامي بسيط اوي وببقي خايفة لحد يقولي ايه الكلام العبيط اللي انتي كاتباه دة

ربنا يرحمنا كلنا يارب برحمته
شكرا علي الكلمتين يا جميل
___________________________________

سمباتيك

ههههههههههههههههههههههه
انتي جاية تحبطيني يا سمبتيكتي

وحياتك عارفة ان كل دة هيطير في الهوا واقعد ابكي علي الاطلال

بس اللي مش تعرفيه اصلا اني مش بطلب
انا كلاللي طلبته شيكولاته ووردة وممكن ابقي اجيبهم انا علي حسابي

وكلنا هنشربه ونتجرعه وحياتك

هههههههههههههههه

الذي مضي اعتقد انك ممكن ترجعيه طالما في القلب نبض

لا بجد اعتقد ان لو في تفاهم ومودة ممكن بذكاء الست ترجع احاسيس هي فاكرة انها ماتت
وربنا معانا كلنا يارب
تحياتشي وقبلاتشي

Sat Feb 10, 08:49:00 PM GMT+2  
Blogger Utopian said...

سرحت في كلامك يا بنت الايه
------------------

سيبك من كلامهم يا انجي
انا عارف ان الكلام سهل بالنسبه للولاد
انا بجد البنات بيصعبوا عليا اوي في مجتمعنا ده
البنت بيعتبروها عاجزه لو مضربتش الارض و طلعتها عريس

تحياتي دائما

Sat Feb 10, 09:08:00 PM GMT+2  
Blogger The Eagles said...

طبعا سمرا هيا سمرا مش محتاجة وصف
كلامك حلو جدا ومش ليه حل بجد
وان شاء الله هتلاقى اللى انتى بتدرى عليه
وانتى مش عنستى ولا حاجة زى ما هما بيقولوا بس المشكة ان هناك معتقد خاطىء عند شعبنا المصرى انا باصف بانه متخلف
وهو ان لما البنت تتاخر عن الزواج تبقى كدة عنست وطبعا انتى مش محتاجة انى اقولك على الكلام اللى ممكن يطلع عليها بجد ربنا يحميكى من كدة ويحمى كل بنت مثلك


والسلام.........

Sat Feb 10, 09:17:00 PM GMT+2  
Blogger The Eagles said...

ياريت مش تكونى زعلانة على كل التاخييييييييييير بتاعى دة


والسلام.........

Sat Feb 10, 09:18:00 PM GMT+2  
Blogger مُزمُز said...

everاللهم لا حسد اللهم لا حسد

أسيبك امبارح لسة كاتبة الموضوع أرجع ألاقي الدنيا غرقت تعليقات
ههههههه

عموما أنا لسة بصراحة مخلصتش قراءة الموضوع اصله طويييييييل أوي وأنا مكسل فعقرأ كل يوم حتة
هههه

عموما في جزء كان لازم أعلق عليه عجبني أوي
الجزء ده

عايزاك تحبني من نظرة عيني
دايما شايفني جميلة طفلة بتتعامل معاها
يوم ما تمسك ايدي تمسكها باهتمام اووووووي
تخطف الكلام من علي شفايفي
تتنهد من نظرتي ليك
وانت في شغلك احتل جزء كبير من تفكيرك
مش بقولك كلمني كل يوم او كل ساعه
بس رن عليا اول ما تصحي واول ما تروح شغلك واول ما تخلص شغلك واول ما تروح وقبل ما تنام
بطلب كتير
طب خليها تلات مرات بس في اليوم واختار انت التوقيتات براحتك
بس ممكن علي الاقل ترن عليا يوم ما ابعتلك رسالة اقولك فيها اني بحبك وان انت وحشتني
ممكن لما اخرج معاك ونروح سينما ارمي راسي علي كتفك
ممكن واحنا بنعدي امسك في هدومك واستخبي وراك
ممكن لما نهزر مع بعض تضحك وانت باصصلي اصلي بحب اشوفك وانت بتضحك
مش هزعل لما الاقيك تعبان او زعلان وعايز تحط راسك علي صدري
مش انت ابني برضه
ممكن تحبني باي شكل هتشوفني عليه
شفتني وانا لابسة جيب امورة

تعرفي
هو انتي مش كاتباه بنية الشعر أكيد

أنا في راي المقطع ده قرب من الشعر كتير أوي
الجزء ده شاعريته تكمن في صدقه وتفاصيله المستمدة من أوقات متناثرة جدا

كمان الكلمات في الجزء ده كان فيها موسيقى داخلية شديدة التناسق والتناغم تخليك عايز تقرا الكلمات بصوت علي وبإلقاء

عموما لما أكمل قراية أكيد هافصصهولك حتة حتة بس ادعيلي ربنا يقويني وأخلصه

Sat Feb 10, 09:58:00 PM GMT+2  
Blogger مُزمُز said...

بصوت عالي وبإلقاء

Sat Feb 10, 09:59:00 PM GMT+2  
Anonymous Anonymous said...

عارفة أحلامك ديييه عشتها كلها وحسيتها وكانت أجمل حاجة مريت بيها في عمري وعندي استعداد إني أسترجع ساعة ومنها قصاد عمري كله..
لكن لا شئ يدووم .. قوة خارجية لها القدرة على تحديد مصائر الأخرين والتدخل فيها قامت بالواجب وتركت كلانا ينزف..
حلوة الأحلام مادام لسه بنتمناها لكن لو جربناها على أرض والواقع وذقنا حلاوتها واتسرقت مننا المرارة بتبقى أكبر من إننا نتخاطاها بكتيير..
أنا مش هسجل أنا ميين وهسيب نفسي أنونيموس بس يا سمرا اتمسكي بأحلامك وإوعي تسيبي اللي حواليكي يقتلوا الطفل اللي جواكي ولو في يوم قدرتي تحققي حلمك إوعي تسمحي لأيا كان إنه يسرقه منك لأن وقتها هيسيبك بقايا إنسان عاجز.

محبتي

Sat Feb 10, 10:54:00 PM GMT+2  
Blogger الدبور said...

انت رايك كده مانا عارف ان الجواز سبب للرزق بس انا مش مستعد للخطوة دي الايام دي خالص و لا كمان 5 او 6 سنين انا ورايا سكه طويله اخلصها و بعدها دولسي و ادلع نفسي
تصدقي فعلا انا لما بقعد مع نفسي بحس ان انا طفس درج المكتب و تحت المخده وفي جيوب البنطلون تلاقي بسكوت او شكولاته او ملبس مش عارف في ايه ؟
انت عارف لو شحتنا ممكن نبقي دويتو هايل علي باب السيده ممكن ناكل عيش هناك وناخد شيفت من 8 الي 2 الظهر و كفايه اوي كده وسنة و نركب انا وانت البي ام

تحياتي
الدبور

Sat Feb 10, 10:58:00 PM GMT+2  
Blogger Lion king said...

انجي انت هتجنيني باينك
تعرفي انا بجد شايفك من جوا
مش عارف اقول ايه انا تنحت
انت بتعرفي تحبي اوي
اوي يا بنتي
:)

عاوز اقولك حاجة
يا سمارا لازم تعملي كتاب
انا بتكلم بجد
لازم يا بنتي
انت ماشاء الله عليكي
وممكن اساعدك في موضوع التصميم والطباعة
بجد فكري تستغلي القوة الي انت فيها دي
وتحوليها لواقع ملموس

تحياتي ليكي يا سمارا
عقلك منتهى الخيال الخصب

مش عارف اقول ايه

مش لاقي كلام اقوله

انت هايله

Sun Feb 11, 12:06:00 AM GMT+2  
Blogger kaed said...

إزيك يا سمرا ..
الصبر طيب يا أختى و مسيرك هتحبى وتتحبى وتزهقى من الحب وسنينة
على فكرة
الرد بتاعك على الصورة التحفة اللى فى البلوج بتاع إنسانة هو اللى خلانى أدخل المدونة بتاعتك و لقيتها حلوة

على فكرة برضة أنا ماكنش قصدى حاجة بالتعليق بتاعى

Sun Feb 11, 01:49:00 AM GMT+2  
Blogger Carmen said...

انتى انسانة جميلة قوى يا انجى

واوعى تستسلمى....واوعى الدنيا وكلام الناس يزهقوكى وتتخلى عن حلمك وتقبلى بالامر الواقع ...وتبقى اهى عيشة وخلاص


اوعى تفتكرى ان الحب ده مش موجود ... صدقينى ده موجود ...ويوم ماهتلاقيه هتعيشى فى سعادة حقيقة لا يمكن وصفها...وهاتعرفى انها تستاهل انك تستحملى عشانها كل ده واكتر

اصبرى وادعيى ربنا وهو هيجيلك لحد بابك من غير ماتدورى عليه ...


وبخصوص المتخلف العريس ده.... ده ياماما كان مفروض تكسرى وراه زير كبير مش قلة ...كبرتى ايه ...سيبك منه ومن اى حد يقولك كده ..
انتى لسه..لسه العمر قدامك...وبكره تلاقى احلامك كلها بتتحقق...

بس ابقى اعزمينا بقى عالفرح..ماتنسيناش

Sun Feb 11, 02:48:00 AM GMT+2  
Blogger Unknown said...

سمرا ازيّك
عايزة أقولك اني عشت السناريو الرومانسي ده بالمللي
وبعدين اتجوزنا
يعني اللي بتقوليه موجود مش خيال
بس هوه الموضوع مواعيد مش أكتر عيشي حياتك عادي جداً وانت فجأة هتخبطي فيه أنا باسميها الخطفة علشان أنا فعلا اتخطفت وخطفته
وصدقيني أحلى هدية هيه اللي مابنطلبهاش ولا بنستناها

Sun Feb 11, 02:51:00 AM GMT+2  
Blogger sharkawoo said...

الحب ذلك الكائن الذي يبحث عنه الانسان دائماً.......

Sun Feb 11, 03:06:00 AM GMT+2  
Blogger بين الأمل و اليأس said...

بصي بقه انتي اول واحده اعلقلها حتى قبل ما اعلق عندي
انتي عارفه كويس انك مش كبيره مامرت اخويا عمرها 26 سنه وفيه جارتنا 28 ولسه مخطوبه اهه و مرات خالي اتجوزتت وعمرها 28 برو
وبنت عمتي اهه اتخطبت البارح بعد فرح اخويا بتلات ايام تقريبا اهه
وعمرها 24
فصدقيني عمر ماالوقت بيفوت مكان ما النصيب موجود هايكون
وهيجيلك لغاية عندك
اما بقه لحلمك فانتي بجد غاوية تقومي النار جوايا يابنتي خليها نايمه
عارفه اقلك على حاجه ومتضحكيش انا جه ناس تخطبني لبانتها تلات بنات انما ايه قمر بس النفس بقه باسلوب انهم جايين يسلمو على اخويا ومش عارف ايه ويعدو ويضحكو معايا ويهزرو ويعدو يشكرو في بنتهم قصادي ويسالو نفس المعلومات عني ويقولوا ربنا يوفقكم وايه جدتها قالتها مباشر انا عندي بنت فلان وعسل وبتاع
وطبعا اول مره يجو البيت ومعاهم بنتهم وفي الفرح كانت كل شوية تيجي تقف جنبي
فهمتي حاجه طبعا لا
ابقى اقلك بالتفصيل بعدين بس ياستي اضحكي الزمن بقه اهل الروسه همه اللي بيخطبوا لبنتهم مش بنتهم بتتخطب
عقبالك ونصيبك هايجيلك وربنا قال
الطيبون للطيبات وانتي طيبه ومؤمنه ااكيد هايكون زيك وربنا يكون في عونه
هايتجوز على جبالاية القرود او في الملعب
بجد وحشني ابتاسمتك او بمعنى اصح احسن الناس معندهاش غير الكلام وحشني المواضيع الخفيفة الدم زي البنطلون وشجرة التوت
صحيخح انا علايز الحلاوة انتي اول واحده اعلق عندها بعد طول غياب حتى لسه معلقتش عندي ممكن
وربنا يسترها

Sun Feb 11, 03:27:00 AM GMT+2  
Blogger el2ahwagi said...

awalan eeh mawdoo3 25 sana teb2i kberti di ...

25 sana di ya3ni lessa yadoobak betebtedi 7ayatik ...

w sennik howa i7sasik benafsik w da ana shayif enno mosh hayetbadel abadan...
______________________________

7elmik gameel awi ....

kollo 3ataa2 ... kollo 7ob ... kollo 7agaat gameela...
kol el7agaat elbaseeta elli betenta2 be7ob weteshhad beeh ....

ew3i tetnazli 3an 7elmik ... hateb2i betetnazli 3an nafsik ...

bas ew3i teghlati wetosqeti elli betetmaneeh fe 7elmik 3ala ay insaan ye2ool a7ebik ... ew3i tshoofi 7elmik fe insaan mosh howa 7elmik ....

3ala ad 7asaseyetik w 3ata2ik ... akhaf men gar7ik ... et2akedi kwayis 2abl matsalemi masha3rik le2ay fares yotlobik lelra2s...!!!

we rabena yes3edik ya toota .. !!

Sun Feb 11, 05:14:00 AM GMT+2  
Blogger Malk Almasria said...

اولا صباح الخير

انا معرفش ازاى مشوفتش البوست دة وانا بعلق على وقفة مع النفس والحمد لله انى شوفته
بجد انا دلوقتى مش لاقية حاجة اقولها غير انى هصلى الفجر وهتكون اول دعوة ليكى انك تجدى من يستحق تلك المشاعر التى تفيض بالحنان

لكى منى مليون تحية

ملك المصرية

Sun Feb 11, 05:35:00 AM GMT+2  
Blogger Masry said...

سمرا انا جاهز اشيل القضية :) . بيني و بينيك هوة يستاهل اخد فيه اعدام من تحريض علي 10 غرز .
علي فكرة الشعر بتاع صلاح جاهين من الرباعيات و انا فييين بقي و صلاح جاهين فين . يا رب بس ابقي بنص عبقريته في الشعر .
الواد ابو 25 سنة دة شكله عاش فيهم شوية و هوة سايب دماغة في البيت و من غير نفتالين ولما رجعلها كانت العته عملت عمايلها و دة في علم الطب الحديث بيأثر تأثير مباشر علي الافكار و بيخليها معتوته . و محتاجة 10 غرز زي مقولتلك و لو 15 هيكون احسن :)
و الله خسارة الوقت اللي قعدتي فيه معاه

Sun Feb 11, 09:22:00 AM GMT+2  
Blogger chaos said...

بجد اهنيكي من كل قلبي يا سمرا علي المشاعر دي .
و احب اتمني لك انك تعيشيها بجد مش حلم
انا عشت الكلام ده بالحرف و الكلمة و قلت الردود دي لما اتقالي الكلام ده بجد بجد سعادة لا استطيع وصفها من كثر ماهي تفوق كل سعادة قمة من قمم النشوة
موضوع حقيقي و جميل بجد و برضه احب اشوفك عندي باي

Sun Feb 11, 10:53:00 AM GMT+2  
Blogger MAKSOFA said...

انت أنسانه رومانسيه وناعمه قوي
ولسه بدري علي الجواز افرحي شويه بنفسك

Sun Feb 11, 12:14:00 PM GMT+2  
Blogger zemos said...

سيبك...دا كلام فاضي و رأي فردي...
يا ريته قاللك انتي لسه ماتجوزتيش ازاي لأنك جميلة أو لأنك كويسة أوي... انما يرميكي بدبشة في وشك كده... عيب
ربنا محضرلك الخير ان شاء الله

Sun Feb 11, 01:24:00 PM GMT+2  
Anonymous Anonymous said...

إنجى ..وحشتينى بجد
أما تعليقى عن الموضوع..هاجى بعدين ..
بس جيت أقولك وحشانى فعلا..
.
مها
و مش عارفه نسيانى ولا لأ ..مها سيبس

Sun Feb 11, 02:11:00 PM GMT+2  
Blogger فوكيره said...

ياه يا سمرا مش حتتخيلى البوست بتاعك ده
اخدنى واح بيا على فين .... جزء مش قليل من البنات بنحلم زيك كده
بنتخيل عارفه اغنيه يقول انى امرأه بتاعت ماجده الرومى لما كانت بتوصف بتوصف وبعدين طلعت بتحلم وان كل ده في خيالها .... حسيت ده في البوست بتاعك وبحسه جوايا كتير

عجبنى جداا جداا الجزء ده

انتي ليه حاطة مكياج
عشان تشوفني حلوة
انتي قمري
انتي حلوة من غير حاجة
مش عايزك تحطي مكياج تاني بحب وشك وهو صافي كدة
ليه طيب
اولا عشان حرام
ثانيا مش عايز حد يشوفك غيري
حاضر
بقولك ايه؟؟؟
نعم
ابقي اعملي نفس اللي انتي عاملاه دة بالظبط في بيتنا
اصلك امورة اوي
ههههههه حاضر

------------------
محدش كبير يا سمرا على انه يحلم .... حافظى على الطفله الي جواكى واوعي تضيع منك او يقتلوها

خافي عليها ..وعلى نفسك و فكري كويس وحسي اوى واوعي تعملى حاجه تندمى عليها وتتزوجى اى حد وخلاص
لانك تستاهلى انسان بجد

تحياتى

:)

Sun Feb 11, 02:57:00 PM GMT+2  
Blogger أسوور said...

يا بنتى ولا كبرتى ولا حاجة دة انتى لسة صغيرة على الهم دة

الحب حلو لكن لو ما كملش بالجواز

انتى فاكرة ان الحل لحياتك الصعبة انك تتجوزى

طب لما تبقى حياتك صعبة بعد الجواز هيبقى ايه الحل

استمتعى بالحب وأخرى الجواز على قد ما تقدرى

Sun Feb 11, 03:12:00 PM GMT+2  
Blogger elkamhawi said...

ممكن مش تيقي تفهميني غلط لو قلتلك اني نفسي اترمي في حضنك

والله انتى عسل

Sun Feb 11, 06:32:00 PM GMT+2  
Anonymous Anonymous said...

انت مختفيه ليه بقالك فترة مش بتعلقي؟
اتمني انك تكوني بخير

تحياتي
الدبور

Sun Feb 11, 09:54:00 PM GMT+2  
Blogger Tamer Nabil Moussa said...

كلامك جميل انجى انتى فعلاا انسانة رومانسية
و اتمنى اشوف اليوم اللى ما تحكم الناس على بعضها بالسن خصوصا فى موضوع الزواج

تحياتى

Sun Feb 11, 10:40:00 PM GMT+2  
Blogger يا قلبي يا غريب said...

للكلام تاثير علي الوجدان و المشاعر و علي العقل..فاحيانا يكون تاثيره مثل السيف بل احد من السيف.. اعلمي ان كلامك مؤثر في كل انسان يحمل نفس سويه.. و ايضا له تاثير علي كل نفس خبيثه شيطانيه..لا تبالي و لا تنزعجي و اعلمي ان يوجد الكثير ..الكثير جدا ينتظر كلامك ينتظر ان يعرف احلامك ..ينتظر اي حاجه بقي.. و رجاء مني لا تحرمي من يحترم كلامك من كلامك انه يعني لي الكثير و لغيري ايضاا اخوكي..صاحب القلب الغريب

Sun Feb 11, 11:24:00 PM GMT+2  
Blogger آية said...

حبيبتي ... اسلوبك جميل اوي.. صادق اوي..تلقائي اوي... و يوصل للقلب اوي اوي اوي ...
مش هعرف اكتبلك كلام جميل زي اللي اتكتب قبلي... مش بعرف
لو زرتي مدونتي الجديدة
ba7ebelnoor.blogspot.com
هكون سعيدة جدا

Mon Feb 12, 11:09:00 AM GMT+2  
Blogger أنا حره said...

لا طبعا ماكبرتيش، انا كمان بحلم زيك بالظبط بس تفتكرى حنفضل نحلم لحد امتى؟؟

الاحلام حلوة بس لو اتحققت..

Mon Feb 12, 03:48:00 PM GMT+2  
Blogger buffy said...

gmel gdn bass fe 7d kda i dont think sob3den momkn tla2y 7d kda ok bass msh bystmr kda 5als 3arfa leh 3shan kol wa7d byrsm fe elawl 7bten kda msh 3arfa leh msh byb2o tbe3yen mn elawl i hope u find ur one dear bass elklam to7fa bass just klam!

Mon Feb 12, 04:33:00 PM GMT+2  
Anonymous Anonymous said...

اولا يا جماعة
سمراء بتعتذر على انها مكانتش فاضية اليومين اللى فاتو دوول وكمان النت كان فيه مشاكل فمقدرتش تدخل وقتها وتمسح التعليق السخييف اللى كان موجود ده


هيا كلفتنى انى ادخل وامسحلها التعليق ده


كمان هيا بتعتذر لكل من

يا قلبى يا غريب

el2ahwagy

the eagles

utopian

الحصان الاسود


علشان تعليقاتهم اللى كان ليها علاقة بالكومنت المريض ده اتمسحت كمان


ده بناءا على رغبتها فى ان التعليقات الموجودة تكون على البوست بس

وعلشان كمان منديش مساحة من وقتنا فى الرد على حد ميستاهلش اننا نعبره سواء باهتمامنا او بتعليقاتنا


هيا بتشكركم جدا على ردودكم
وعلى مشاركتكم وعلى خوفكم عليها

وهيا عارفة انكو اكيد هتفهمو قصدها

وأول مهتدخل ان شاء الله هيا بنفسها هتقولكم كده


ولحد متدخل هيا بتقولكم شكرا

Mon Feb 12, 05:16:00 PM GMT+2  
Blogger rosealia29 said...

إنتي جميلة يا إنجي بجد .. و بعدين إللي عايز قلبك و حلمك أهلاً و سهلاً بيه .. و إللي عايز اسمك و سنك و عنوانك .. شوفي إنتي حابه تعملي فيه ايه ... ده يبقى حظ أهله كله من السما إللي يرتبط بواحدة عندها الكم الرهيب ده من الإحساسات و المشاعر الدافية و الصادقة .. و لأنها صادقة أوي .. فا مش هاتطلع غير للقريب أوي ...


تحياتي .. بوست رهيب ..

Tue Feb 13, 07:16:00 AM GMT+2  
Blogger الزعيـمة said...

طبعا جميلة وكلماتك جميلة
وحاسيسك جمييييييلة
وبتفكري فى البفكر فية
بس انتى بتعرفي تعبري مش زيي

قولتلك يا بنتي علمينييييييي

انجي مين يقول اننا كبرنا على احلامنا؟
احنا كبرنا على المراهقة لاننا الوقتي فى مرحلة النضج

متاكده انك حتلاقي الانسان اليحبك ويفهمك صدقيني انا كنت زيك واكتر

كنت حاسة انى تايهه ومش ممكن اقبل غير بالشخصية النفسي فيها
لحد ما ربنا رزقني بكل الحلمت بية من حب وحنان وبراءة

دنتي جميلة اوى يا انجي
واستمري فى البحث عن فارس احلامك

اوعى تقبلي تاخدى عريس
من فئة جرنال تحت دراعه وبطيخة طالع بيها وعملتى غدا اية النهارده

Tue Feb 13, 10:26:00 AM GMT+2  
Blogger زحل الفلكي said...

ياااااااه ياسمرا
كل ده جواكي
انا جيت متأخر اوي كان لازم اجي من زمان اقرأ الكلام الجميل ده
تعرفي يا سمرا
اللي انتي بتتكلمي عنه انتي عارفة ومتأكده انه نصيب
يمكن لسه مجاش
لكن برضه نصيب
وان شاء الله ييجي النصيب
وتشوفي احلامك اللي بتحلميها
في الحقيقة
الا قوليلي
مش برضه المصاصة حلوة خصوصاً لما نروح نشتريها من عمو اللي على الناصية ونمشي ناكلها في الشارع
واللا ايه
:)

Tue Feb 13, 01:18:00 PM GMT+2  
Anonymous Anonymous said...

مين كبرت دي؟؟
ليه يا ماما
سيبك من نظرة مجتمعنا الذكوري للامور دي... المهم هي مش اي جوازة و السلام الاهم انها مشاعر و احاسيس صادقة

تدوينتك لمست الحتة الجوانية يا بنتي
:(

Tue Feb 13, 03:56:00 PM GMT+2  
Blogger The Alien said...

الحب بييجي في كل وقت
وفكل عمر بيبقي ليه طعم مختلف
عشان كده مفيش حد بيكبر علي الحب ... متخافيش
والحب مش مرتبط بالجواز
الجواز بييجي كنتيجة
عشان كده مينفعش تفتكري إن الجواز هو الحل
أنا مع ياسمين ... حبي وأجلي الجواز

تحياتي

Tue Feb 13, 06:33:00 PM GMT+2  
Blogger هدى said...

هو بلاش يعمل اي حاجة من اللي انت قلتيها


كفاية بس يكون موجود لما تحبي تعدي الشارع

Wed Feb 14, 12:06:00 AM GMT+2  
Blogger ody911 said...

يخرب عقلك يا بت

كدة برضوا مخبية الكلام الجميل دة


يا بت إنتى ولا كبرتى ولا حاجة

أنا أهوة 27 سنة إلا حاجة بسيطة

وصدقينى زيك كدة محتاج نفس الكلام إللى إنتى كتباه دة

بس مش فاقد الأمل

على الأقل إنتى شغالة

تخيلى بقة شاب 27 ومش شغال يعمل إيه ؟؟

ينتحر

لاء مش أنا

ولا إنتى

طيب أقولك على حاجة

أنا كاتب أغنية عندى بقة هدية ليكى بمناسبت عيد الحب

وكل سنه وإنتى طيبة يا قمر


من قلبى

Wed Feb 14, 12:14:00 AM GMT+2  
Blogger smraa alnil said...

utopian

انا بضرب بكلامهم عرض الحائط
ولا يهمني
بس الكلام بيوجع
ولا انا اللي بقيت احس زيادة عن اللزوم
مش عارفة

البنت مش شرط تطلع عريس
ممكن يجيلها بس ترفض وبرضه مش بتسلم
في كلا الحالات هي غلطانة
___________________________

the eagles

سمرا بقت مش سمر
سمرا بقت حاجة تانية بس المشكلة اني مش بقيت عارفاها
اللي ربنا عايزه ليا هيكون
ودة نصيب ومقدر ومكتوب عليا
الشعب المصري بيقول ان البنت لو تمت العشرين تبقي عانس ودة تخلف
ربنا معانا في تخلفنا دة
ربنا يتقبل منك يارب

Wed Feb 14, 07:31:00 AM GMT+2  
Blogger smraa alnil said...

the eagles

انا مش زعلانة والله بس قلقلت عليك
فعشان كدة لو عتغيب كتير اوي كدة ياريت تبقي تعرفني وابقي طمني عليك باستمرار
___________________________

مزمز

انت جاي تقر علينا لا ايه
المهاردة 5 في شهر 5 يوم خميس

هههه

عامة هستناك تقراه كله وتقولي رايك ايه بجد
والجزء اللي عجبك انا كنت بكتب اللي نفسي الاقيه واللي نفسي اعمله وبتمناه ومش كان قصدي منه اي اطلعه في هيئة موسيقي او شعر زي مانت قلت
بس انت خلتني اشك في نفسي واراجع الي كتبته من تاني
هههههه
هستناك بقي تفصصلي الباقي

Wed Feb 14, 07:32:00 AM GMT+2  
Blogger smraa alnil said...

anonymous

فرحت جدا اني الاقي حد عايش الحقيقة في الحلم بتاعي
بس زعلت لانه في الاخر زي حلمي مش دايم
بس كل اللي هقوله ربنا يكرمك يارب
وتلاقي الخير والحب

وكان نفسي بجد اعرف انت مين
بس مش تخاف انا عن نفسي مش هسيب حلمي ابدا اي كان الوضع
شكرا بجد
___________________________

الدبور

يدينا وديك طولة العمر

بس والنبي وقت الاجتماع الشهري اللي بقي عامل زي لقاء القمة العربية اللي مش في حد بيوافق علي حاجة في الاخر ابقي املا كل جيوبك حاجات من دي
انت عارفني بقي

وبعدين بي ام بس
دة مش بعيد يبقي عندنا ابراج سكنية
ولو شدينا حيلنا وخليناها شفين ممكن يكون عندنا قرية سياحية اسمها سمراء الدبور

بس انت قول يارب

Wed Feb 14, 07:32:00 AM GMT+2  
Blogger smraa alnil said...

lion king

سلامتك من الجنون يارب
ليه بس دة انت حتي مش بكلمك
هههههههههه

سلامتك من التتنيحة يارب
شكرا يا احمد
بالنسبة لموضوع الكتاب دة فا يابني شوية الكلام الي بكتبهم بعبعة من نفسي
يعني مش لدرجة الكتاب
هيبقي بالنسبة لغيركم وغيري تفاهات
يعني شوية الكلمتيناليل بكتبهم اي حاجة بقي ولا انت نسيت
ازاي بقي استغل القوة دي فبجد مش عارفة ازاي

والموضوع مش موضوع خيال خصب اد ما هو موضوع احساس ومؤمنة بيه مش اكتر
انت بس اللي ائع ربنا يكرمك
شكرا بجد
___________________________

kaed

انا طبعا كنت عارفة ان تعليقك لم تقصد بيه شئ وكان تعليقي لمجرد الدعابة مش اكتر
وادينا مستنين
ههههههه
شكرا علي الزيارة الرقيقة دي الي بجد اسعدتني

Wed Feb 14, 07:32:00 AM GMT+2  
Blogger smraa alnil said...

كارمن

ربنا يخليك ايه بس الكلام دة
انا عمري ما هستسلم لشئ انا مش مؤمنة بيه
ادني امل بجد وكلام اثر فيا جدا جدا
وربك رب قلوب بقي
انا كنت ماسكة نفسي بالعافية وهو بيتكلم وكل شوية امسك الجزمةبتاعتي ويلحقني يقولي في حاجة اقوله لا بس بشوف حاجة في الجزمة
اهوراح لحاله بقي
ربنا يخليكي
الفرح بقي ربنا يديك طولة العمر
___________________________

اميرة

والله فرحت اوي
بسم الله ما شاء الله عليكي
يا بنتي مش تقولي الكلام دة في ناس هنا تخصص قر وحسد
هههههههه
ابقي روحي بخرك نفسك انتي وجوزك
ربنا يكرمكم يارب ويسعدك ويبعد عنكم كل شر
خلي بالك منه
وقوليلي سمرا بتقولك حطني جوة عنيك

ربنا يهنيهكم ببعض يارب

ادعيلي بقي

Wed Feb 14, 07:40:00 AM GMT+2  
Blogger smraa alnil said...

sharkawoo

حتي بعد ان تنفني نبضاتنا نظل نبحث عنه
___________________________

بين الامل والياس

اولا انا بجد عايزة اعرف التفاصيل مش ليا دعوي
وبعدين يا ابني انت لقطة لاي حد اصلا انت فاكر نفسيك قليل في البلد دي ولا ايه

بص اللي ليه نصيب في حاجة هيشوفه ولازم يكون مؤمن بكدة اصلا

وانا الحمد لله عارفة ان دة نصيب
وبعدين وايه يعني لما تقول واحساني ابتسامتك
الكل عارف هنا مين سمرا
احنا اخوات يا ميزو
وبعدين انت اصلا جاي تشحت حلاوة ايه الي عايزها
انت يكفيك الشرف انك علقت عندي هههههههههه

هبقي ايك الحلاوة بعدين بيني وبينك يعني
عشان الناس الوحشة مش تاخدها منك
ربنا يخليك ويكرمك ويريح بالك يارب

Wed Feb 14, 07:40:00 AM GMT+2  
Blogger smraa alnil said...

القهوجي

انا عارفة اني مش كبرت ولا حاجة
وانا شايفة نفسي كدة بس هتقول ايه بقي للتخلف

نزار قال

في العشرين تستطيع ان تحب وفي الخمسين تستطيع ان تحب
هناك دائما مناسبة لاشتعل البرق

حلمي مش هتنازل عنه
ولا عن بديل ليه الا ان ربنا يقول كلمته
بس انا خلاص مش بقيت عارفة ارقص
يعني مش هيجيلي فرسان راقصين
ربنا يخليك يارب

___________________________

ملك المصرية

اولا صباح النور

تقريبا كنت لسة بحطه وانتي خرجتي ومش شفتيه
عامة اديكي جيتي وعلقتيلي كمان
ربنا يخليكي يارب
ويسمع منك دعائك ليا
وشكرا لدعواتك وربنا يكرمك يارب يا ملك
امين:))

Wed Feb 14, 07:48:00 AM GMT+2  
Blogger smraa alnil said...

انسان

انا هسيبك تعامل واخرج انا منها
وهبعد انا بعيد عشان الدم مش يطرطش بس عليا
:))

لا بجد ان شعرك ما شاء الله عليك
عامة زي ما قلتلك تعامل بجد
انا ههرب
___________________________

chaos

اتمني انك بجد تعيش حياتك وتبقي مبسوط مع للي انت معاها
ربنا يكرمك يارب بجد اسعدتني لما قلتلي كدة
اكيد انا زرت مدونتك وقريتها قبل كدة علي فكرة بس مش كنت ببعلق
س هشوف الموضوعات الجديدة بقي
شكرا ونورتني

Wed Feb 14, 07:48:00 AM GMT+2  
Blogger smraa alnil said...

مكسوفة

انا وحياتك فرحانة بحياتي وضارباها صرمة قديمة
الي عايزه ربنا هيكون
وربك يسترها
بس عجبني وصف ناعمة اوي دي بجد
ربنا يخليك يا احلي مكسوفة
سلامي
__________________________د

مورو


تفتكر بجد انه راي فردي
اتمني كدة ولله انا سايبة الموضوع ومطنشة

وبعدين انت بتغلط في الدبشة ليه الدبشة هتفهم ااكتر منه
هههههههه
يلا اهو راح لحاله
وربنا يهديه بقي
شكرا علي الزيارة بجد

Wed Feb 14, 07:57:00 AM GMT+2  
Blogger smraa alnil said...

مها

انساكي ازاي يا بنتي
وازاي انسي لاسبيس دة بيتي الاولاني
طبعا فاكراكي وبجد وحشاني اوي
هستناكي بقي تيجي تاني بجد
وهروح اشوف اسبيسك وصل لفين هههههه
___________________________

فوكيرة

راح بيكي فين بقي
ههههههههه

طبعا ماجدة الرومي معشوقتي الاولي وبحبها جدا وعارفة الاغنية دي كويس
بس هي دي حياتنا واحلامنا
الجزء دة كمان كان نفسي اكتر جزء يحصل معايا بجد
بس الحمد لله عيل كل شء

احلامي ملك ليا لوحدي انا وبس
ومش من حق اي حد ياخدها مني او يعتدي عليها
ورينا يسترها ويسمع منك يارب
الا قوليلي صحيح
انتي جبتي رقمي منين انا مش ادتهولك اخر مرة شففتك فيها
:)

Wed Feb 14, 07:58:00 AM GMT+2  
Blogger smraa alnil said...

ياسمين

وحشاني الاول كتير
وعدين انتي عارفة راي في الجواز بلا جواز ولا نيلة بس انتي عارفة ان من صغرك مستنية حاجة زي دي عشان بيقوليولي من زمان حل المشكل الي عندك دي كلها هيتحل لما تتجوزي
فاهماني
فدماغي اتركبت شمال بقي
بس يجي الحب يا ستي وابقي اسمتع بيه زي مانا عايزة ههههههههه
__________________________

القمحاوي

والنبي انت اللي رايق وعسل

Wed Feb 14, 07:58:00 AM GMT+2  
Blogger smraa alnil said...

الدبور

انا الحمد لله كويسة
بس المشكلة ان عندي شوية مشاكل ومشغوليات وكملت لما النت عندي باظ وحصلت فيه مشاكل
بس الحمد اهو اديني كويسة حية ارزق:))
مش هنولك الميراث برضه
___________________________

تامر

شكرا يا تامر علي تعليقك وربنا يكرك واتمني مش تزعل مني
تحياتي بجد

Wed Feb 14, 07:58:00 AM GMT+2  
Blogger smraa alnil said...

ا قلبي يا غريب

بجد مش عارفة ارد عي الكلام دة بجد
ومش كنت عارفة ان كلامي اصلا ممكن يأثر علي حد بالصورة الي انت بتتكلم عنها
ومعلش اغفر لي تاخيري هي بس الحاية مشغوليات وقرف
وانتظرني بجد:))
شكرا بجد علي الكلام الرقيق دة
___________________________

صوت اعصفورة

مش مهم تكتبي المهم انك زررتيني ونورتيني وكملتي تشريفك ليا بوضعك كمت جميل زيك عندي
واكيد هزور مدونتك واشوفها
تيحياتي

Wed Feb 14, 08:10:00 AM GMT+2  
Blogger smraa alnil said...

esho


هنفضل نحلم لحد ما نموت
الحلم مش له هاية
حتي لو مش اتحقق وانتهي بعكسه
دة مش يمنع اننا عايشين بالحلم الي بنحلمه
المهم انا باي حال من الاحوال مش نخسره
___________________________

buffy

اكيد في ناس كدة لاني واحد منهم
وبتمني ان ربنا يرزقني بواحد بيحس زي كدة
اللي مش بيدوم لانه اكيد مش صادق
وان المعادلة بينهم مش تكافئة ان ان ربنا مش بيبق رايد نظرا لعدم وجود الخير في اي حد منهم

كلمة الله هي الانسان
وكلمة ااحساس هي الحياة

نورتيني وشرفتيني بجد

Wed Feb 14, 08:10:00 AM GMT+2  
Blogger smraa alnil said...

شكرا بجد


اولا بجد انا مش عارفة اعتذر ليكم ازاي علي اغيبة دي
بس كان عندي مشاغل والنت كانت فيه مشاكل طبعا
ومش كنت بدخل
لح ما لاقيت اتصالات بيا بططلب مين اخش امسح تعليق ليا
انا بجد مش عارفة ايه الي كان فيه
بس طلبت من صديق مدون انه هو يخشلي ويمسحلي التعليق لعدم قدرتي علي الدخول في النت

وبالنسبة للتعليات الي اتمسحت
فياريت اصحابها يعذروني
لان طالما الكومنت لاصلي اتمسح يبقي التعقيبات والردود عليه مش في موضعها وهتثير شوية تساؤلات في كال الي يجي
وهيسالوا هو في ايه او كان مكتوب ايه
انا كنت هموت واعرف هي كاتب ايه
بس اللي نقلني الخبر مش عايزين يقلولي اتب ايه
بس ربنا يهدي

يا قلبي يا غريب

الحصان الاسود

el2awagy

the eagles

utopian

بجد بكرر اسفي علي مسح التعليقات
بس كان شئ لابد منه
شكرا بجد علي الدفاع والردود ولو اني مش فاهمة انا بتكلمعلي ايه
بس بجد بشكركم كلكم
وارجو ان انتم تتفاهموا موقفي
سلام وتحياتي واحتراماتي

Wed Feb 14, 08:12:00 AM GMT+2  
Blogger smraa alnil said...

روزاليا 29

انتي الي قمر بجد يا رزم
ربنا يخليكي يارب
ماا بتيوقلي دة لي هياخدك امه داعية عليه وغضبانة عليه
ههههههههههههه
بس ل واحد بياخد نصيبه ومش في حد بيتجوز مرات حد
انا سمعتها كدة علي فكرة
انتي الي رائعه
سلام يا قمري
___________________________

الزعيمة
قلتلك تعلي اعلمك وانتي تاكليني الي اسمها اللازانيا دي وانتي لالي مش رضيتي
اشربي بقي
ههههههههههههه

يارب يا داليا يكرمك بالحب اللي لقيته ويهنيك بيه علي طول يارب
ويمعك معاه بالخير
انتي اللي جميلة بجد يا دليا
بس انا مش هبحث عن الفارس لاني تاكدت خلاص ان هو اللي بيدور عليا انا عبت بقي ودوخت هههههههههه

وانا رفعت خلاص راية الغضب والعصيان علي جواز الصالونات

Wed Feb 14, 08:23:00 AM GMT+2  
Blogger smraa alnil said...

زحل الفلكي

انت كنت فينك كدة يا ابني غايب كتير وجيت فعلا متاحخر دة انت حتي فاتك البوست اللي فات
انا عارفة انه نصيب ومكتوب عليا وقدر
بس اللي مش فاهماه وعارفاه ان في ناس كدة بجد
بتجرح وهي مش هممها
وحياتك مش في احلي من مصاصة والدنيا بتمطر وماشية في الطين كمان
:))
___________________________

ايبي وبس

مش عارفة مين اللي كبرت
يمكن بيتكلموا علي حد تاني ومش انا
ههههه
المشكلة انها مش مشكلة مجتمع ذكوري يا ايي هي مشكلة مجتمع باكمله ربنا يهديهم ارب جميعا
وانا مش هتجوز ا جوازة والسلام
وسلامة الحتة الجوانية بجد

Wed Feb 14, 08:23:00 AM GMT+2  
Blogger smraa alnil said...

thealien


الحب هو الحب مهما اختلفت اشكاله او الزمن او الاوقات الي بيجي فيها يبقي ان هو حب
انا موافقة اين احب بس لسة برضه ربنا مش شاء ان قلبي ينبض من تاني
وبالسنبة للجواز بصراحة انا مش عايزاه :))
___________________________

هدي

تصدقي انتي جبتي الخلاصة
هي فعلا عندي كفاية
شرفتيني ونورتيني بجد

Wed Feb 14, 08:23:00 AM GMT+2  
Blogger smraa alnil said...

اودي


مانت عارف ان الكلام دة موجود عندي من زماان يعني ايه الجيديد بقي
ههههههههههه
انت يا ابني لسة صغنتوت ولله
والعمر لسة ادامك
انا عارفة ان انت محتاج للحب في حياتك بنفس الطريقة الي متكلمة عليها

وانا كمان مش فاقدة الامل
ومستنية
ايه يا اودي علي لاقل انيت شغاله
انتي جاي تقر عليا وتحسدني ولا ايه
بعد الشرعليك من الانتحار

هبقي اروح اقراها
بس لازم القي اسمي مور د كدة وان هي اهداء ليا
مش لكل واحديخش عندة
سبهلله هي ولا ايه

:)))
وانت طيب وكل حب وانت عاشق يا اودي

Wed Feb 14, 08:23:00 AM GMT+2  
Blogger Ahmad Hegab said...

انا جيت و شوفت البوست دا اكتر من 4 او 5 مرات و كل مره اقرا و اسرح لحد لما انزل او امشى من غير ماكتب كومنت

25 سنه و كبرتى يا بنتى !!! عايزك تفهمى حاجة واحدة انك فعلا حاتكبرى اول ماتفكرى انك كبرتى و ان مفيش عريس بلا نيله على دى عرسان

ماتسمعيش كلام حد من الناس اللى بتقولك مفيش حب طاهر دى ناس كلهم مرو بتجارب فاشله زينا كلنا بس الفرق انك بين الفشل و النجاح سعره و انشالله حتلاقى اللى يحبك زى ما انتى عايزة

Wed Feb 14, 08:31:00 AM GMT+2  
Blogger ody911 said...

ماشى يا كبير

مهداه خصيصا ليكى يا قمر

يعنى أنا هلاقى أحلى منك أهديلوا الأغنية بتاعت عيد الحب

دة إنتى بقة متعرفيش غلاوتك عندى

Wed Feb 14, 12:15:00 PM GMT+2  
Blogger Amira said...

المقاطع
جميله جدا

أما بالنسبه لحوارك مع العريس

فاسمحي لي مين الاخ ده.؟

يعني ايه 25 سنه و كبرتي

ده على افتراض ايه بالظبط

يا بنتي و لا كبرتي و لا حاجه الراجل اللي حيحبك مش حيحسب عمرك زي ما يكون بيعاين مواصفات جاريه

لا.. حياخدك زي ما انتي و حيشوف الطفله جواكي ويحسها بجد

كل سنه و انتي طيبه

Wed Feb 14, 03:03:00 PM GMT+2  
Blogger Hamed Ibrahim said...

تحسي إن كل الحبيبة معظم الحوارات دي بانت بينهم
ومع ذلك كل واحد بيحس إنه أفضل من الجميع في الحب وماحدش يسبقه أبدا
شيء جميل ..
ولكن لو يدوم
!!

Wed Feb 14, 11:28:00 PM GMT+2  
Blogger أميرة said...

سمرا احلى وماتفقديش الامل يابنتى واكيد ربنا هيديكى الحب دة اللى بتتمنيه ربنا كبير وان شاء الله يعوضك خير انا شخصيا عايشة بالامل دة

وبعدين حرام عليكى بجد انا قلبى وجعنى

والعريس دة معندوش دم بقى طب انا اعمل ليه كدة يعنى انتى كدة هتعقدينى

وهعيط اهو

Fri Feb 16, 04:17:00 PM GMT+2  
Blogger smraa alnil said...

ahmed_h

يارب يخليك يا احمد يارب
يارافع من معنوايتي يارب
ربنا يتقبل منك يا احمد
بقالك كتير مختفي لعل المانع خير
___________________________

اودي

عامة بجد فرحت اني القيت الاهداء دة ليا
ربنا يخليك ياودي يارب

Thu Feb 22, 10:08:00 PM GMT+2  
Blogger smraa alnil said...

فريدة

الاخ دة والله ما بيفهم
يالله اهو راح لحاله بقي
بجد كلامك صح
ربنا يخليكي ليا يارب
___________________________

حامد ابراهيم


ليه يا سيدنا الاحباط دة بس
تفائل خير يا حامد
ربنا يكرمنا كلنا ان شاء الله يارب
___________________________

اميرة ويلز

ربنا يخليكي يارب
ويتقبل منك يارب
خلاص يا سيتي مش هعمل كدة تاني
هو لا عنده دم ولا نظر بعيد عنك اهو ربنا يهديه يارب
والنبي مين فينا اللي اتعقد انا ولا انتي

Thu Feb 22, 10:09:00 PM GMT+2  
Blogger اميرة هشام said...

لا ياجميلة

احلمي وهتلاقيه

انا كمان بحلم نفس حلمك

ومش مهم غير انك تحبي وبس

والانسان المتخلف اللي كان جاي يسننك ده متحطهوش في دماغك

والحمدلله ان ربنا رحمك من واحد زي ده

انتي جميلة اوي من جواكي

Sat Feb 24, 10:12:00 PM GMT+2  
Blogger shimaa said...

a7lamk gamela 2wii ya gamela w yarab tat72e2 isa kolha ..w b3d meen da eli kbr isa..ya bnty b3edn 3n 25 sna mesh sn kbeer..enty shaklk so3'nan 7'als..da ela ganb 2n el27lam mlhash sn

Sun Feb 25, 03:56:00 AM GMT+2  
Blogger M0naliza said...

بجد جميل جدا,انا بجد بكيت انتى كتبتى كل احلامى,انسان ابيض يعرف يسمع ويفهم ويعرف بفكر ازاى....بس تفتكرى ممكن يكون فى انسان زى دا..مفيش.
هو حرام احلم بانسان زى دا حرام الاقى الحياه دى
ياترى اقبل اى حد كويس وخلاص ولا استنى حد يحبنى واحبه بس هلاقيه
مش عارفه
يمكن استنى اذا كنتى انتى ممكن تلاقيها
يمكن يكون فى امل
انتى بجد رائعه

Sat Mar 03, 11:11:00 PM GMT+2  
Blogger smraa alnil said...

اميرة هشام

ربنا يحقق حلمنا كلنا يارب يا اميرة
انتي اللي بجد جيلة اوي وكنت مبسوطة اني شفتك
___________________________

شيماء

والنبي يا شيماء عندك حق بس هتقولي لمين بقي
ربنا يخليكي يارب وبجد كنت طايرة اني شفتك
___________________________

واحدة عادية

بجد مش عارفة فعلا هيكون في انسان زي دة ولا لا بس بجد بتمني
اكيد في امل
يمكن عشان احنا بنحلم الحلم دة اكيد في غيرنا برضه بيحلم يلاقينا
بس انتي قولي يارب

Mon Mar 05, 05:40:00 PM GMT+2  
Blogger saso said...

جيالي انتي الساعة 12 بالليل وقعدت اقرالي بتاع ساعة كده
تخيلي بقي النت فصل والصفحة مفتوحة ..قريتها قد 3 او 4 مرات كده وقفلت معايا بقي مش هنام غير لما اعلق

اعلق اقول ايه ؟ ولا حاجة ... احلمي زي مانتي عاوزة بس يوم ما هتحبي .القليل اوي من كلامة هيبقي بمليون سطر من اللي كتبتية في حلمك

المهم تحبية مش تدوري فيه علي حلمك، اما موضوع كبرتي كالعادة ..عيب لما اقولك كبري دماغك ..ماهي كبيرة اصلا
المهم ان كله بيعدي ..وبترجعي في اوضتك تحضني دبدوبك او مخدتك وتفكري في بكرة حلو وولاد وبنات علي اسم حبيبك وبيت كل سنتي فيه واخد من روحك وروحة

يستاهل الحلم انك تستني ومتضيعيهوش علشان ساعة التوقيت بتاعة الكبار بتقول لقد حان الان موعد زواج البنات
!!!
يا ستي فروق توقيت حد له دعوة

Sun Mar 18, 12:16:00 AM GMT+2  
Blogger smraa alnil said...

saso

هههههههههههههه
علي رايك فرق توقيت وهوحد خد باله
بس دة موضوع من فترة
وانا سايباها علي ربنا يا ساسو
ربك اللي بيرزق اصلا

وعادي بقي
شكرا ليكي يا قمر

Sat Mar 31, 05:15:00 AM GMT+2  

Post a Comment

<< Home