Saturday, March 17, 2007

وشـــــــــــوش

وش علي وش ووشوش بداري وش مكرمــــش
وشوش توشوش حنية ودلع والغدر فيها مكلبش
بداري وشي علي وشي ..اصل الحزن ما يتحبش
ماشية علي راسي ورجلي علي الارض بتفتـــش

مليون سؤال وسؤال علي وشك اجاباتها متتحلش
وشوش توشوش وشوش بشوشة بس مالها وش
وش تلاقيه بهلوان سيرك بيفنن فن مـــــــا يتفنش
ووش وشه بيضحك والقهر والدمعه جواه متتحوش

ووش لبسه حلو عشان تعرف معدنه ... .. يتفتــش
ووش عروسة حلاوة سكرها مرعلقم ما يتحسش
ووش حصان عليه فارس قال مواويل ما تتغنـــــش
وشوش علي وشوش وش حجر ووش وحــــــــوش

يا موشوش الودع قولي علي وشوش منها احـوش
يا صبر نوح في دعاه صبري من صبري ماتكلــش
بس قلبي عصفور ووشوش لوش حقيقي بتهمـش
عندك وش وشه تحبه ووش حلو عليه ميتبصـــش

حنيت شفايفي بدم غزال وحنيت لكن دمي متحنش
اصل اصله اصلي والاصل في الاصل اصله ميتقلش
ورويت عيوني بدمع السهر بس دمعي جف متبلش
وش علي وش ووشوش بداري وش مكرمــــش
وشوش توشوش حنية ودلع والغدر فيها مكلبش
بداري وشي علي وشي ..اصل الحزن ما يتحبش

Labels:

132 Comments:

Blogger dyin_soul said...

هيييييييييييييييييييييه

اخيرا اول تعليق

مش ممكن

المهم يا ستي بقي ايه موضوع حرف الشين

اللي هنا ده.مش حرام عليكي بجد انا

اتخايلت

بس ايه الحزن اللي مالي الكلام ده

يا ربي مش ممكن كل البلوجرز اتحسدوا

ولا ايه

ولا فيروس كابة و حل علي كل الناس

ربنا يعدينا من ده كله علي خير و

يرجعنا لأيام زمان بقي

نورتينا يا سمراء النيل

Fri Mar 16, 03:22:00 PM GMT+2  
Blogger دكتور مستكنيس said...

أولا حمدالله علي السلامة ياسمراء
ثانيا مكنتش اعرف انك شاعرة بالروعة دي
ثالثا احساسك عالي اوي والله وكل كلمة حاسس انها حادفة ناحية معني وصللي علي القال بس ليا تعليق بسيط علي حتة الحزن ميتحبش ....طبعا ياانجي الحزن ميتحبش بس فيه حاجات ممكن تخففه زي انك ترميه في حضن ناس بيحبوكي
ترميه في عيلتك ووالله هتلاقي مليون ودن تسمع ومليون قلب يشيل ومليون عقل يفكرلك في حل يشيل الحزن ده
لو معملناش كده مع بعض وهربنا لدموعنا بدل مانتشارك في افراحنا واحزاننا يبقي احنا عاملين زي قطورات مبتتقابلش غير خمش دقايق في المحطه
يبقي مبنتقابلش غير في مناقشة التوريث والبطالة ويبقي بنضحك علي نفسنا اما نقول اننا عيلة وعاوزين نبني مجتمع نضيف قايم علينا
اوعي تهربي تاني ياانجي
خليكي معانا
تحياتي

Fri Mar 16, 03:33:00 PM GMT+2  
Blogger Noony said...

السلام عليكم ورحمة الله وبركاته

حمد الله على سلامتك يا جميلة..وعي تبعدب عنا كدة تاني..لو سمحتي

أولاً الأسلوب السهل الممتنع..واختيار لفظ "وش" وتكراره..يؤكد المعنى اللي هو "المظاهر خداعة" ...ومش شرط اللي بيضحك يبقى من جوه فرحان ومش شرط إن كل واحد حزين أو بيبكي يبقى فعلاً حزين

زي البلياتشو..كله ألوان وأشكال..مخبي تحته حاجات تانية محدش يعرفها غيره هو..هو اللي بيحس بنفسه أكتر واحد ...بس فيه بارقة أمل...الواحد ممكن بإيده إنه يختار يشيل الوش اللي ممكن يكون لبسه في بعض الأوقات أو مع بعض الناس (لظروف قهرية)...بإيدينا نعمل كدة مع الناس اللي فعلاً بيهتموا بينا وبيسمعونا (من غير مصلحة)...ربنا يبعد عنا الوشوش ويجعل طريقنا كلها قلوب مفتوحة طاهرة ونقية

حمد الله على السلامة من تاني

نهاد

Fri Mar 16, 03:50:00 PM GMT+2  
Blogger مبرمج حر said...

حمدالله على السلامة بجد يا سمراء

Fri Mar 16, 04:30:00 PM GMT+2  
Blogger الأرمـوطــي said...

شعرك جميل قوي ياسمره بغض النظر عن المعانى الجميلة الى بيحتويها الى شدنى فعلا هوا محافظتك على وزن الشعر والسجع والصور الجمالية والبلاغية انا قريت ليكى شعر قبل كدة واعتقد انك فى تقدم

Fri Mar 16, 05:06:00 PM GMT+2  
Blogger 3ashe2elro7 said...

حمد الله على السلامه اولا قبل اى حاجه
حاجه غريبه جدا موضوع الوشوش و الماسكات عمال يتكرر قدامى و نتكلم فيه بطريقه مستمره اليومين دول
الماسكات ف حياتنا ضروره بس لما تبقى علشان منشيلش اللى بنحبهم همنا ندارى و نخبى و نعمل اننا فرحانين .. الماسكات دى بتبقى علشان بنحبهم
انما لما تبقى الماسكات تمثيل و خداع علشان مصلحه علشان اكسب انا و اضر غيرى اكيد ده مش بنى ادم طبيعى
اكتر بيت حبيته :
ووش وشه بيضحك والقهر والدمعه جواه متتحوش
كنت بقول حاجه زيها كده :
الوش ليه يضحك و القلب جوه حزين

سمراء النيل :
ان كنت يوم مهموم
فضفض و ارمى الحمول

Fri Mar 16, 05:14:00 PM GMT+2  
Anonymous واحد من الناس::طارق:: said...

سمراء..
عاوز اقلك ان وشك الحقيقى احلى كتير من كل الاقنعة ..كفاية انه وشك انتى

حمد لله على السلامة

Fri Mar 16, 06:15:00 PM GMT+2  
Blogger ادم المصري said...

اااااااااااااه

حكاية الوشوش تااااااني


يا عصير العنب العنابي العناااابي
نقطة ورا نقطة يا عذابي يا عذابي

لازم اللي حصلك شيء جلل
علشان تطلعي الكلام الجامد دا

عسي الله يكون خير
والسلام

Fri Mar 16, 06:23:00 PM GMT+2  
Blogger whyme said...

لغة الوشوش دى ارقى لغه و قليل جداً الى بيعرف يتعامل معاها لان كل الى داخل الانسان بينكتب على وشه

و بما انى واحد من الى اتعلموا لغة الوشوش احب اقلك ان المكتوب على وشك تاريخ جميل اوى و احساس جميل و احب اقلك انك عندك وش مش زى كل الوشوش بيقدر بكل سهوله انه يقدمك للناس و يدخلك قلوبهم

تحياتى على بوستك الجميل وفكرك الاجمل الى جواه

و على فكره انا طلعت من البوست ده ده بوش فى دماغى و صوت صفاره بتعمل وشششششششششششششششششششششششش

من كتر الواوا و الشين

Fri Mar 16, 07:03:00 PM GMT+2  
Blogger ody911 said...

ياوش على وش وغير وشى مانيش شايف

ظهر فى زمانا الغش والوش مش شايف

حبيت أحط وش غير وشي ومش عارف

أصل السحن وش ومن الوش نتعارف

إظاهر إنى الوش وش ولا الوش وش ؟؟؟

مش عارف

Fri Mar 16, 07:13:00 PM GMT+2  
Blogger micheal said...

كلامك رغم الحزن الكتير اللي باين فيه بس بصراحه لمسته جدا...أنا مش عارف اقولك ايه بصراحه يا انجي بس ربنا معاكي و يزيح عنك أي كرب و ابقي طمنينا عليكي
تحياتي و أطيب أمنياتي لكي

Fri Mar 16, 07:16:00 PM GMT+2  
Blogger amira said...

وشك
ولاّ وش القمر
......
ترجمة
كنتي فين يا هااااااانم ؟؟؟

Fri Mar 16, 07:48:00 PM GMT+2  
Blogger hosnysoliman said...

بحب كلامك واضح فيه شخصيتك وتصورى مع كمية الضيق والحزن فيه الا ان تلاعبك بكلمة وش ومشتقاتها شايفك زى ما كنت شيفك فى اخر اللقاء فرشاة عماله تتنقل من مكان لمكان..انجى انسى وما تخديش فى بالك لا يصح الا الصحيح

Fri Mar 16, 08:00:00 PM GMT+2  
Blogger عبدالله said...

في الاول حمدلله علي السلامه يا انجي

البوست المره دي مليان وشوش و حاجات بتعدي من اليمين للشمال و حرف الشين شغال كده
الاحساس راقي جدا للوشوش لانها دايما بتعبر عن القناع الي الكل بيغير لما يحتاج

تحياتي

Fri Mar 16, 08:23:00 PM GMT+2  
Blogger شادي فايد said...

لالالالالالالالالالالالالالالالالالالا

انا قلت خلاص انجي قفلت المدونة ومش حلاقي حد ينافسني

وايه كمية حرف الشين دي كلها

انت متعرفيش اني الدغ في الشين

:(

Fri Mar 16, 08:32:00 PM GMT+2  
Blogger Sampateek said...

بس قلبي عصفور ووشوش لوش حقيقي بتهمـش

:)
الله الله على الجد و الجد الله الله عليه



تحياتي

Fri Mar 16, 08:35:00 PM GMT+2  
Blogger david santos said...

جيد الاسبوع

Fri Mar 16, 08:37:00 PM GMT+2  
Blogger Amr Ahmed said...

يا بدوووووووووووووووووووووي

يا بدووووووووووووووووووي

حمد الله علي السلامة يا باشا

احنا رجعنا مرة واحدة كده

Fri Mar 16, 08:54:00 PM GMT+2  
Blogger بيسوو said...

صلاة النبي احسن انا لسة جاية من عند عمرو...اولا: حمد لله على السلامة
بخصوص موضوع الوشوش بعيدا عن اللدغة الي جاتلي في لساني جراء القراية فالكلام حلو وجميل بس الوشوش اليومين ماعدتش وشوش بقت اقنعة محدش مبين وشه الحقيقي خلاص
سيبك انتي انا فعلا سعيدة انك رحعتي تاني

Fri Mar 16, 08:55:00 PM GMT+2  
Blogger zordeak said...

حمد الله عالسلامة يا جمييييييييل



:)

Fri Mar 16, 09:13:00 PM GMT+2  
Blogger smraa alnil said...

dyin_soul

مبروووووووووووك
اخيرا حققتي حلمك وبقيتي اول تعليق

موضوع الشين دة كان مأساه
مانتي عارفة اني مش بعرف اتكلم غير بصيغة النفي مش
فكانت ماساه اني اكتب كدة وزي ما اكون بنتقم
فديتها حنفية شين
وبعدين يا سيتي لا حزن ولا حاجة
هي بس اتحسدنا
بس خير ان شاء الله
___________________________

دكتور مستكنيس

اولا الله يسلمك
ايه يا جدعان هو انا كنت مسافرة

ثانيا بقي
يا سيدي دي مش اول تجربة ليا انت بس اتفسح عندي شوية وهتلاقي منها

ثالثا بقي
هو انا موديني في داهية غير احساسي
طيب ما دة اللي انا قلته ان الحزن مش بيتحب عشان كدة الاحد مضطر انه يلبس وشوش كتيرة عشان يداري وشه
بالنسبة اني ارمي حموليعلي اللي بيحبني او عيلتي
فدول مش هيكونوا ارحم من ربنا سبحانه وتعالي
واديني بشاركككم اهو في ل شئ بقوله
واديني بعمل بنصايحكم وببعد عن اموي الشخصية
وبكتب بطريق غري مباشر
ربنا يخليك وشكرا جدا علي الكلام اللي قلته عني في مدونتك

Fri Mar 16, 09:44:00 PM GMT+2  
Blogger smraa alnil said...

noony

وعليكم السلام ورحمة الله وبركاته

الله يسلمك يا نهاد
لا مش تخافي مش هبعد تاني
ودة اللي انا بتكلم عليه ان مش شرط كل اللي بيضحك يبي مبسوط
لا هو كمان بيبقي حزين العكس
انتي قلتي كلامي بطريقة تانية
يارب يتقبل منك ويبعد عنا الوشوش الخداعه والغدارة
الله يسلمك يا نهاد
بس هو انا كنت مسافرة
__________________________

مبرمج حر

طب اقولك ايه بقي
بعد البوست اللي انت كتبته
بجد شكرا ليك بجد
انا مش كنت اعرف انك بتزورني وبتقرالي
بجد ربنا يكرمك ويخليك
انا بجد مش عارفة اقولك ايه
بجد شكرا ليك والله يسلمك

Fri Mar 16, 09:45:00 PM GMT+2  
Blogger smraa alnil said...

الارموطي

تفتكر بجد اني بتقدم
اهي دي احلي حاجة سمعتها
بجد شكرا علي كلامك الجامد ليا دة
وربنا يكرمك يارب
___________________________

عاشق الروح

الله يسلمك

هو مين اللي اتكلم فيه تاني
يمكن اللي اتكلموا فيه ان ازاي الواحد يبقي زعلان ويضحك
والعكس
كله بتاع مصلحته دلوقتي
كويس ان البيت دة عجبك
اهو انا كدة وشي بيضحك لكن حزني ما يتحوش
اديني بفضفض اهو
ربنا يخليك
تحياتي

Fri Mar 16, 09:45:00 PM GMT+2  
Blogger smraa alnil said...

طارق واحد من الناس

مش عارفة اقولك ايه بعد الكلميتن دول
بس ربنا يخليك يارب
والله يسلمك
___________________________

ادم المصري

هو ايه هو كان في اولاني
احد يفطمني علي الموضوع يا جدعان

انت جاي تغني هنا يا ادم
لا جلل ولا حاجة
الحكاية كلها اني شفت وشوش كتيرة فكتبتها
لا خير ان شاء الله

Fri Mar 16, 09:46:00 PM GMT+2  
Blogger smraa alnil said...

حد فهم حاجة

اهو عشان انا بعرف اتعامل مع وشوش تعبت من كترها

لالالالالالالالالالالالالالالالالالا ايه الكلام الكبير دة تاريخ ايه واحساس ايه
دة انا كدة هتغر اوي في نفسي
تحياتي ليك انت يا ايلاري
خلاص دكتور الاذن والحنجرة علي حسابي
___________________________

اودي

اوديييييييييييييي
ايه الكلام الكبيردة
اودي الملعم
وكمان مش ماضي ليه
مش المفروض تمضي عادي بقي
اودي الشاعر

Fri Mar 16, 09:46:00 PM GMT+2  
Blogger smraa alnil said...

مايكل

ربنا يتقبل منك يا مايكل
المهم ان القصيدة عجبتك
تحياتي ليك انت يا جميل
والف سلامة عليك بجد
___________________________

اميرة

هههههههههههههههه
انا هنا اهو يا اميرة
هروح فين يعني

Fri Mar 16, 09:47:00 PM GMT+2  
Blogger smraa alnil said...

بابا حسني

طب اقول لحضرتك ايه بقي
مش عارفة اقول ايه بجد
بس كون ان حضرتك تحب كلامي دة فخر ليا بجد
وانا خلاص بنسي ومش بحط في بالي
واديني عايشة والحمد لله
ربنا يخليك ليا يارب
___________________________

عبد الله

الله يسلمك يا عبد الله

المهم عجبك ولا لا
هي ماسورة شين وفتحت
بس جت خير ولا ايه
تحياتي ليك انت

Fri Mar 16, 09:47:00 PM GMT+2  
Blogger smraa alnil said...

شادي

اهو انت الاسباب اللي خليتني ارجع تاني
عشان اغيظك
بقي كنت عايزني اسيب مدونتي واخليلك المكان فاضي بعينك
وحياتك انت مش تعرف اني اصلا عندي صعوبة في حرف الشين
دة انا خليت الناس هي الي تكتبهالي
هههههههههههه
قاعدة علي قلبك برضه
___________________________

سمباتيك

ههههههههههههههههههههههههههههههههههههه
اهو هو دة الكلام الكبير والجامد

Fri Mar 16, 09:51:00 PM GMT+2  
Blogger smraa alnil said...

david santos

thx david
i`m really happy thay u visit my blog
thx again
and hope u like it
__________________________

عمرو احمد

يا بدوييييييييييييييييييييييييييييييييي

ههههههههههههههههههه
شفت بقي
احنا رجعنا واحمنا مش عارفين
توارد يا يابا
يا بدوييييييييييييييييييييييييييييييييييييييي

Fri Mar 16, 09:52:00 PM GMT+2  
Blogger smraa alnil said...

بيسوو

عليه افضل الصلاة والسلام

الله يسلمك يا بيسوو
ههههههههههههههههههه
اقنعه من وشوش يا بيسو مش بقت فارقة كتير
المهم ان احما مش بقينا عارفين نميز الوش الحقيقي
وانا سعيدة اكتر والله بكلامك
وعارفة اني مقصرة معاكي
سواء علي الماسنجر ولا علي بلوجك
بس ادعيلي ربنا يفرجها عليا
___________________________

zordeak

حبيب قلبي
ربنا يخليك ليا يارب
اديني رجعت عشان خاطرك اهو :))

الله يسلمك
المهم انت بس ذاكر وانجح وربنا يوفقك يارب

Fri Mar 16, 09:52:00 PM GMT+2  
Blogger ody911 said...

خلاص

علشان متزعلش يا جميل

وعادى بقة
أودى الشاعر

Fri Mar 16, 10:47:00 PM GMT+2  
Blogger elkamhawi said...

جهزتيلى جورنال الاهرام والقلمين الرصااص
يا بت الدنيا منورة من غيرت

Fri Mar 16, 11:06:00 PM GMT+2  
Blogger BinO said...

الأخت سمراء النيل
انا حرد عليكي عشان أنت قلتي مش حتيجي هناتاني وهو شئ عادي يعني أتعودت علي كده مش عارف ليه
رغم أني لا بدعو لفسق ولا ضلال
لعمري قلت كلام خارج
ولا كتبت كلمة تجرح حد بعينه
ولا شغلت معازف ولا جبت فديوهات فيها صور خليعة
يعني المهم
أنا قلت رأيي في الموضوع
معترض
أيوة معترض تماماً
أنا تخيلت أختي مثلاً
بتكتب في مدونتها أرأئها
وبعدين
الناس اللي بيعلقوا عندها
رجال ولا نساء حتي
متعرفهمش
ولا هي و لا هما ولا أنا حتي عندنا الاهلية لتغيير أي واقع غير واقعنا الشخصي
يعني أجتماع أي أحد مع أي حد تاني ميعرفوش
مايعرفش أي حاجة عنه تماماً
ده لو عدينا موضوع الأختلاط هوده اللي أنا بتكلم عليه
ده كلام
ناشئ متعرفش بعض تتقابل كده
طب ده معناه أيه
طب فرقنا أيه عن الناس التانية الوحشة
كلامي كله كان بدافع الخوف علي بنات بلدي
محبش أشوفهم قاعدين في كافيهات ولا كافتريات
ولا أحب أشوفهم متبهدلين
أنا لما دخلت مدونتك
وقرأت كلمات "يارب ما يتقبض علينا "
عايز أقولك أن كلماتك دخلت في صدري كالرصاص
عارقة ليه
أفتكرت أني شوفت فديو علي مدونة الفضائح العجيبة اللي أنا بكرها تماماً بتاعت وائل عباس "وده رأيي الشخصي " , الفديو كان لمظاهرة وطبعاً الأمن اتلم وغيره ومسكوا واحدة , أنا مشفتهومش مسكوها ,بس سمعت صوتها
تصيح صارخة
وقطعت أحشائي والله
كنت بصرخ وأقول أنت ايه اللي نزلك من بيتك
مين اللي غصبك
بلدك مافيهاش رجالة
ولو حتي مافيهاش صوني نفسك
يا بنتي قطعتي قلبي

طبعاً أنا كلامي مقتنع بيه تماماً

و ده رأيي الشخصي

مش ديه الحرية اللي بيقولوا عليه
ومفيهاش تجريح
فيها خوف وحرص والله يعلم بما في صدري
.وربنا يتقبل منا جميعنا صلاتنا وصيامنا وركوعنا وسجودنا
وتذكري هذه الأية فقط
{وَقَرْنَ فِي بُيُوتِكُنَّ وَلَا تَبَرَّجْنَ تَبَرُّجَ الْجَاهِلِيَّةِ الْأُولَى وَأَقِمْنَ الصَّلَاةَ وَآتِينَ الزَّكَاةَ وَأَطِعْنَ اللَّهَ وَرَسُولَهُ إِنَّمَا يُرِيدُ اللَّهُ لِيُذْهِبَ عَنكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيراً }الأحزاب33

وأسف لو كنت سببت أي جرح غير مقصود وأعتبريني أخ خايف علي أخواته ولاد ولا بنات

Fri Mar 16, 11:17:00 PM GMT+2  
Blogger mano said...

حمد الله على السلامه يا انوج
بقى كنتى عايزه تسيبينا
طيب تعملى ايه من غيرنا
مبروك علينا رجوعك
على فكره البوست حلو قوى
رغم كميه الحزن اللى فيه
الا انى حسيته بجد
تحياتى يا انجى

Fri Mar 16, 11:41:00 PM GMT+2  
Blogger قاسم أفندي said...

حمد الله ع السلامة
وبس كفاية
(flowersssssss)

Fri Mar 16, 11:49:00 PM GMT+2  
Blogger بين الأمل و اليأس said...

والله انا مل ثانيه عمال بفتح ولغايىة النهارده الصبح بدري كنت فاتح البلوج بتاعك عشان ادخل وكنتي قافلاه
مش تديني اي زماره كدا
وعموما انا مش داخل اعلق
ولا هاعلق
لاني ببساطه
انا مش فااااهم
انا ورايا امتحن بكره وعمال اذاكر
ادعيلي
وبعدين ونبي ارجعي زي مكنتي
وعلى فكره انا مش هادخل واعلق تاني غير لما احس او اعرف انك اتغيرتي ورجعتي زي الاول سمرا المبتسمه من جوه ومن بره
هه
وانا زعلان
هه
ولو انا هارد يبقه هاقلك بصي حواليكي كويس هاتلاقي كل اللي كتبوا دول منهم كتير ده اذا مكنش كلهم ناس بسم الله مشاء الله
ناس زي الفل
وربنا يسترها

Fri Mar 16, 11:56:00 PM GMT+2  
Blogger el2ahwagi said...

7elwa awi ro2yet elwoshoosh di ya toota ...

bas ba7eb afara2 been talat 7alaat hena ...

awalan e7na sa3aat infe3alna b7agaat keteer beyakhtalef bekhtelaaf elmawqef elli ben3eesho w redood fe3lena elli heya betkoon sad2a betakhtalef wemalame7 weshena betetghayar .. heya woshoosh .. bas woshoosh sad2a w 7a2ee2eya ...

w feeh ba2a naas betelbes woshoosh mozawara .. 7elwa 3ala tool kollaha nefaaq w ghesh ... kollaha mogamalaat w masla7a ... wettameni elwoshoosh di mahma taal elzaman betetkeshef wetbaan 3ala 7a2ee2etha ... ana shakhseyan 3andi 7assa morhafa na7yet elwoshoosh di w beygeeli menha nofoor fawri...

w feeh naas tayeba bas bet7awel telbes elwesh elgameel dayman 3ashan matet3ebsh elnaas elli 2odamha i3teqadan sadeqan en da shee2 gameel ... w howa gayez shee2 gameel bas beyaftaqer lelroo7 elli beteb2a 3ayza tantaleq wet2ool elli gowaha raghm kol elaqne3a ... welafdal neseeb elroo7 tez3a2 wetosrokh te2en lamma tkoon 7azeena wetasahlel lamma tkoon far7ana ...

mafeesh agmal men elwesh elsadeq ..!!

7amdella 3ala salamtik .. 2ala2teena 3aleeki 3ala fekra ..!!

Sat Mar 17, 12:01:00 AM GMT+2  
Blogger إنـســانة said...

فى وشوش الناس حكايات فيها الفرح وفيها آهات .. فيها اللى مابيتنسى .. فيها اللى عدى ومر وفات
ــــــــــــــــــــــــ

ششششششششششششش

ايه يابنتى

ايه ماسورة الشين الكاميكازية اللى ضربت عندك دى؟؟؟

تكونش دى اللى سدت المجارى فقفلت المدونة؟؟؟؟

Sat Mar 17, 12:18:00 AM GMT+2  
Blogger ساعه الغروب said...

بجد قتلتينى لما لقيت مدونتك مقفوله

حسيت انى فقدت مكان برتاح فيه اوى
بفضفض فيه بكل اللى اقدر واللى ما اقدرش انى اقوله

عشان خاطرى ارجوكى اوعى تعمليها تانى

ارجوكى:(


سمرا يا عسل
يا اختى اللى بجد
فكرتينى بالاغنيه الرائعه للفنانه التحفه للرائع الحساس جدا

دوروا وشكوا عنى شويه "
كفايانى وشوش
ده اكم من وش غدر بيا
ولا ينكسفوش
وعصير العنب العنابى العنابى
نقطه ورا نقطه يا عذابى يا عذابى
يكشفلى حبايبى واصحابى يوحدنى وانا فى عز شبابى



مش بقلك دايما بتحرقيلى بوستاتى

انا قلت اريح نفسى واكتب
انظر المدونه ص 17
بها الشرح والتفصيل


حمدا لله على السلامه يا قمر
ومش تحرمينا منك تانى

بجد بنفتقدك جدا
:)
رضوى
رودى

Sat Mar 17, 01:04:00 AM GMT+2  
Blogger عبوووووووود said...

إيه ده؟
انتي ناوية تنافسي محمد حامد وتقطعي عليه ولا إيه؟
تحبي نعمل فرقة نغنيلك فيها أشعارك؟
المهم
ممكن اسألك سؤال
كان مالك يوم الحفلة؟

Sat Mar 17, 01:29:00 AM GMT+2  
Blogger يا قلبي يا غريب said...

السلام عليكم ورحمه الله و بركاته
كنت هقول كلام بس لاقيت اخونا بينو جزاه الله خيرا قال الي كنت عايز اقوله
و مش غربيه طالما اننا ننظر اليكي كاخت مسلمه و يعلم الله اني ما تكلمت الا اني اعتبرك اخت
و اعتبر كل واحد واحده اخوه في الله طالما علي صراط الله المستقيم نسال الله ان نكون منهم

Sat Mar 17, 01:56:00 AM GMT+2  
Blogger LAMIA MAHMOUD said...

مالك؟
كلميني

Sat Mar 17, 02:12:00 AM GMT+2  
Blogger ياقوت said...

نسيتى وش
الوش المكشوف اللى انتشر فى زمن الوشوش

ربنا يوفقق

Sat Mar 17, 02:48:00 AM GMT+2  
Blogger islamz said...

سموووووورة وحشتينى اووووووووى
ايه ده والله ليكى وحشة وكلامك الجميل له وحشه .. وشوش وشوش عارفة الكلمة دى طول عمرى من ونا صغير بحس ان فيها حاجة غريبة
بحب اسمعها والله بجد خصوصا جمع وش وشوش ..
مش عارف ليه بس بحب الشين وبوستك الاخير ده ظبتنى ههههه

مرة تانية وحشتينى يا قمر وعاوز اشوفك قريب ... سلااااااااام

Sat Mar 17, 03:14:00 AM GMT+2  
Blogger frozen love said...

وش علي وش ووشوش بداري وش مكرمــــش
وشوش توشوش حنية ودلع والغدر فيها مكلبش
بداري وشي علي وشي ..اصل الحزن ما يتحبش


انا من يوم الحفلة وحاسس بكده من ساعة ما كلمتك..والله يا انجي انا حاسس بيكي قوي الاحساس ده انا مريت بيه كتير....وكتبت عنه كمان..مرحلة وهتعدي بس حاولي متفكريش في الحاجات اللي مضايقاكي طول الوقت..في حاجات احسن كتير

وصحيح..انا نفسي نعمل رحلة الايتام دي بقى..اعتقد اني كلنا محتاجنهااا بقى


اضحك يا وش..فوق الوش
وكل الناس جامل وغش
واقعد وحيد وقول معلش
بكرة الفرح فوق حزني هارش

عرفتك يا قناع
لما بصيت في المراية
وشوفت الهم ضاع
بين مية حكاية وحكاية
وظهرلي يوم الوداع
كانه هو النهاية


انا كنت كاتب الكلام ده من زمان قوي..طبعا لما قريت كلامك افتكرته لانه نفس الاحساس ويمكن نفس التشبيه كمان

مستنييك ترجعي زي الاول بسرعة ومتنسيش موضوع الايتام ده

سلام مؤقت

Sat Mar 17, 03:16:00 AM GMT+2  
Blogger ~ Bato0ot ~ said...

kalam baseet bas gameeel awy ... sahl momtane3 .. gameel awy mot2leqa ya engy :)

Sat Mar 17, 03:42:00 AM GMT+2  
Blogger اخر من الاخرين said...

مش هقول غير ان انا مبسوط

Sat Mar 17, 08:02:00 AM GMT+2  
Blogger bagabigo said...

دوختنى يا انجى بس بجد حلو اوى

Sat Mar 17, 09:29:00 AM GMT+2  
Blogger أحمد عيسي said...

انا تعبت بقي كل ماجيلك ابقي متاخر..اكيد زهقتي مني..

تفتكري بقي اقولك الكلام بتاع كل مرة.؟هايل وجميل وعبقري وكدة..مانتي اكيد عارفه..وانا مش كل مرة حقوله يعني ..بس انا عايزك تتخيلي كدة واحد الدغ في الشين حيقرا البوست بتاعك ده اذاي؟

احساس هايل بجد..فعلا الحزن ميتحبش بس بالرغم من كدة كل واحد فينا ساعات بيبقي عنده حالة من استعذاب الالم والحزن..

يلا سلام

Sat Mar 17, 10:53:00 AM GMT+2  
Blogger إبـراهيم ... معـايــا said...

حلووو قوووي


ياللا مش مشكلة ، أنا قلت ألحق أعلق ف المية الأولى

إزيك يا سمراااااا

Sat Mar 17, 11:34:00 AM GMT+2  
Blogger الوردة السوداء said...

جامدة يابنت اللزين

حلوة جدا

Sat Mar 17, 11:45:00 AM GMT+2  
Blogger smraa alnil said...

اودي
تصدق ان انا اللي زعلت
لاني مش كنت متخلية انك ممكن تفكر كدة يا اودي
بس معلش مش مشكلة
انا مسامحاك يا ابني
___________________________

القمحاوي

ههههههههههههههههههههه
تصدق ان كدة عيب
لما اشوفك يا علاء

Sat Mar 17, 12:45:00 PM GMT+2  
Blogger smraa alnil said...

بينو

يا بينو
انا اللي اعترضت عليه هو اسلوب السخرية اللي انت اتكلمت عليه
شوف اسلوب يا قلبي يا غريب معايا
دايما بيجيب نتيجة ايجابية معايا وفي نقكيري
لكن اسلوب السخرية مش حلو ودايما بيجيب نتيجة عكسية
يمكن تكون كلمتي ضايقتك زي مانت قلت
بس كان بمقدورك انك تخش عندي توجهمني وترشدني للصواب حتي لو دخلتلي كمجهول
لكن انت اكتفيت بدخول مدونتك وانتقاد تصرفاتنا وكلامنا
ولو كنت بتابعني لكنت عرفت ان كلامي كان علي سبيل الدعابة لان دة اغلب طريقتي في كتابة البوستات
انت اعترضت
كان بامكانك تسجيل اعتراضك عند الناس اللي انت معترض عليهم
وتوجههيهم وابداء النصيحة
انا مش بقول انك بتدعو لفسق وضلال
ولا احنا كمان بندعو لفسق وضلال
انا عن نفسي مش بدعو لكدة
ومش بقول كلام خارج
والحمد لله تعلقات الزوار ابسط دليل علي كلامي
ويكفي احترامهم ليا ولكلامي
وبعدين مين قالك اننا لا نملك حق التغيير في واقعنا الشخصي
ليه الاحباطدة
كل ما من خلال كلامه ممكن يغير فكر شخص او يمنعه من فعل معصية
انا لما كتبت قصة حياتي جالي ايميل من شخص ما بيقولي انه كان هيطلق مراته ورجع عن اللي في دماغه عشان كلامي اثر عليه
يبقي انا ساعدت شخص ما في اعادة تفكير هيكل حياته
شخص اخر لما قرا قصة عالم الدمي والصمت غير طريقة تفكيره وبقي ينظر للاشياء بصورة اعمق
ليه لا نملك الاهلية في تغيير واقع شخصي
من خلال كلامك عن الدين في مدونتك جايز تكون سبب في تغيرر واقع شخصي لانسان ما
مش في حد يعرف الغيب فين
كون ان الناس اللي مش تعرف حد تتقابل ليه
دة مش عيب ولا غلط
انا لما اقابل بنات
مش اعرفها ولا شفتها قبل كدة يمكن لان في شئ مشترك بينا من خلال كتاباتنا وباين انهم محترمين
ليه مش اعرفهم
ايه اللي يمنع اني اتعرف بناس مكن يكونوا محور حياتي بعد كدة
ويساعدوني في عمل شئ جايز مش الاقي حد يساعدني فيه غيرهم ويكونوا اخوة بجد
احنا كبنات مش هنمنع نفسنا عن الشباب لانهم كل واحد منهم محترم وبيقدم خدمة جايز اي حد قريب مني كاخويا مثلا مش يعملها
بالنسبة للكلمة اللي قلتها
يارب ما يتقض علينا
فانا زي ما قلت انها علي سبيل الدعابة
ولو كنت اعرف ان كلامي قد يؤثر علي اي مجموعه بالضرر مش كنت هروح
ومش في حد غصبني عن النزول
انا نزلت بكامل ارادتي
ونازلة وانا صاينة نفسي والحمد لله
وبعدين قطعت قلبك ليه
هو انا حالي سئ اوي للدرجة دي لدرجة اني اقطع قلبك او اي بنت تانية توصلك للمرحلة دي
بص يا بينو
انا مش هروح العب في تمريني وامرن البنات ولابسة بنطلون ترنج
واقول البنطلون حرام ومش البسه تاني
مش هروح اختلط بناس رجاله وبتعامل معاهم بحكم شغلي
واقول حرام مش تتكلموا مع الرجاله
والكلام دة اكيد هينطبق علي اي بنت
طالما في حدود للاحترام تقدير الذات
يبقي اكيد في خير
بس ياريت لما توصل لمرحل النصح للغير يكون بلا تهكم
ويكون في احترام للاخرين
لان كل الرجاله اللي جم مش مختومين
ومش كل البنات اللي جم جايين يتبهدلوا
انا بعتبرك اخ فعلا يا بينو بس الخوف مش يبقي كدة
ومش بالالوب اللي اتكلمت بيه
وارجو انك مش تزعل من كلامي لا علي مدونتك ولا علي مدونتي
ومرحب بيك في اي وقت

Sat Mar 17, 12:46:00 PM GMT+2  
Blogger smraa alnil said...

مانو

الله يسلمك يا مريووووووووم
مين دة اللي يسيبكم
دة انا كنت قطعته
هههههههه
وحياتك كنت هعملي شوربة لسان عصفور وكنت هقعد اشرب فيها ههههههههههه اصلي بحبها اوي
المهم ان البوست عجبك
وحشاني يا بنوتى
___________________________

قاسم افندي

الله يسلمك
وشكرا علي الورد
:))
وليه بس كفاية
هو الكلام بقي بفلوس
:)

Sat Mar 17, 12:46:00 PM GMT+2  
Blogger smraa alnil said...

بين الامل والياس

اديني فتحت اهويا حازم
كنا بنصطبح بس
وبعدين يا ابني هو محل كشري هقفله وافتحه
دة انا بس التعليقات كترت مني ومش عرفت ارد عليها فقفلتها عشان اعرف ارد براحتي ههههههه
ربنا يعنيك يارب
روح ذاكر بقي وبطل تكون علي النت كتير
هو انا بقي كنت عاملة ازاي عشان ارجع
يا ابني مانا زي الفل اهو
ان شاء الله هتلاقيني كويسة
وبعدين انت مش فاهم القصيدة
ههههههههههههههههه
اديني بفهمهالك اهو علي الله يطمر
ههههههههههه

Sat Mar 17, 12:46:00 PM GMT+2  
Blogger smraa alnil said...

القهوجي

عجبتك بجد

طب اقولك ايه بقي علي اللي انت قلته
انت قلت كل حاجة
وفعلا التلات حالات دول انا برضه قلت عليهم في القصيدة
بس تقريبا في ناس مش فهمتها هههههههههههه
اهو انا بقي الحالة التالتة عشان كدة كنت مضرة اقفل المدون شوية عشان ارجع لحالتي ومش اتعب الناس معايا
طبعا كلامك وتحليلك للتلات حالات لا خلاف عليهم
وصح 100 ال 100

والوش الصادق دايما حزين
ماشي بيدور علي الحنين
لو شافوه الناس يقولوا سجين
سكت وكتمت الاهه ودبحت الانين
ولبست وش غير وشي الدفين
في الحزن والقهر جوايا كما الجنين
دبحت دمعي وقتلت شكوتي بالسكين
لا صوتي طالع ولا دهبي له رنين
دورت علي نفسي في غيري في مشتق الطين
لكن لقيت الصدق هارب من الصادقين
يا خلق هووو دةالصبر صباه مات في الصابرين
كله ماشي بلا هدف ويقولوا هناخد حور عين
لا الصبر صبرني ولا رجعني اعرف طريقي منين
العين بصيرة والايد قصيرة بس الاحساس فين

الله يسلمك يا قهوتي وربنا ما يجب قلق يارب

Sat Mar 17, 12:46:00 PM GMT+2  
Blogger smraa alnil said...

انسانة

هههههههههههههه بت يا ياسمين انتي جاية تغني هنا وانتي وكاميكاز بتاعك دة ولا ايه

الماسورة طفحت بعيد عنك
اصلي ما صدقت اعرف اكتبه
هههههههههههههه تفتكري يكون دة السبب
___________________________

ساعه غروب

يا لهوي بعد الشر عليكي يا قمري
وعشان كدة فتحتهالك تاني لاني يهمني راحتك
وطبعا انتي قلتي قبل كدة اني لسانك ومش اقدر اشوفك ساكته لازم اتكلم ولا ايه
مش تخافي مش هعملها تاني

ايه يا جدعان هو مش في غير الاغنية دي الكل جاي يغنيها عندي
هو انتو فاكرني محطة الاذاعه
المدونة دي طاهرة وهتفضل طول عمرها طاهرة

ويامو المطاهر رشه الملح سبع مرات

ههههههههههههه
اهو اللي سبق كل النبقي بقي
هههههههههههههه
حلو اوي موضوع انظر المدونة ص 17
بصي انتي حطي علي مدونتك عنوان المدونة بتاعتي عشان اللي يخش عندك
يخش عندي واهو اريح برضه
هههههههههه
الله يسلمك يا قمر
وانتي كمان وحشاني اوي
هتنزلي امتي بقي

Sat Mar 17, 12:47:00 PM GMT+2  
Blogger smraa alnil said...

عبووووووود

ههههههههههههههه
يا ابني انا اجي ايه جنب محمد حامد
الواددة عبقري من عبقريات الزمن
ههههههههههه انا لو اتعملي فرقه هنخلص القوطة اللي في مصر عشان الناس هتحدفنا بيها

يوم الفلة انا كنت عيانة جدا
وضغط علي نفسي عشان اجي حفلة ملكة وفروزن لاف
دي حاجة
تاني حاجة مناقشة اطار الرساله يوم الاحد يوم الحفلوة عرفت ان المشرف بتاعي مش هيحضر وهكون لوحدي
ودة كان مزعلني
بس
___________________________

يا قلبي يا غريب

وعليكم السلام ورحمة الله وبركاته


اللهم امين
ردي عندك

Sat Mar 17, 12:47:00 PM GMT+2  
Blogger smraa alnil said...

لميا محمود

مش معايا رصيد يا فقرية
بس هكلمك علي البيت بليل ان شاء الله
المهم اني كويسة دلوقتي والحمد لله
___________________________

ياقوت

انا مش نسيته
دور عليه كويس هتلاقييني كاتبة عنه
بس انت دور
اخبارك ايه

Sat Mar 17, 12:47:00 PM GMT+2  
Blogger smraa alnil said...

اسلااااااااااااااااااااااااااااااااااااااااااام

وحشني يا واد
الله يخربعقلك علي الفضيحة اللي انت فاضحني بيها في بوستاتك دي
هههههههههههه
انت مش هتبطل فضايح يا ابني

اديني حسيت انك هترجع اهو فجهزتلك اللي انت بتحبه
هههههههههههه
مش حرمتك من حاجة ومزجتك وظبطك
انت واد عيل اصلا كل مرة اتصل بيك عشان تحضر لقاء وحلة والواد عمرو احمد عايز يشوفك
ومش ترد عليا
علي العموم ربنا يسهل ان شاء الله
___________________________

محمد حاااااااامد

انا عارفة انها مرحلةوهتعدي فعلا يا محمد
المشكلة اني مش بفكر بس الي حواليا بيخلوني افكر غصب عني
ربنا يسترها بقي

اكيد انا هعملها ان شاء الله
مش انا اللي مقترحهاها
بس بدور علي دارات عشان تكون فعلا محتاجة

وبعدين يعني انت لازم تكتب وتنافسني
اهو كلامك طلع احسن من كلامي يا عم
ههههههههه
ان شاء الله وبجد اصلا انا مش ناسية
سلام يا قمري

Sat Mar 17, 12:47:00 PM GMT+2  
Blogger smraa alnil said...

بطوط

ازيك الاول يا بنتي
انتي اللي متألقة واحساسك عالي اوي يا بنتي
وكدة مش بقي حل بقي
هنافس بعض ولا ايه
هههههههههههه
ربنا يخليكي يا قمر
___________________________

انسان

طبعا انا عارفة سر انك مبسوط وان شالله دايما يارب

Sat Mar 17, 12:48:00 PM GMT+2  
Blogger smraa alnil said...

بجابيجو

دوختك ليه عشان الشين دي تخليكي تفوقي كدة
ههههههههههه
الهم انها عجبتك
___________________________

احمد عيسي

هههههههههههههههه
لا متاخر ولا حاجة
انا لسة منزلة البوست دة انبارح يعني انت مش متاخر
ولا زهقت ولا حاجة انت تشرف في اي وقت يا احمد بجد
ههههههههههههههههه
انا عملت البوست دة عشان اخلي الناس تتدرب علي موضوع لشين دة اصل انا كان عندي مشكلة فيه وبحاول اظبطهت ههههههههه
فعلا كل واحد فينا بيحب حزنه وبيجلد ذاته
ربنا يفرجها عننا

Sat Mar 17, 12:48:00 PM GMT+2  
Blogger smraa alnil said...

ابراهيم ... معايا

عجبتك بجد

هو ايه اللي يلا مش مشكلة
انت جاي تقر عليا ولا ايه يا هيما
انا الحمد لله كويسة
انت اخبارك ايه بقي
___________________________

الوردة السودة

هههههههههههههههههههه
المهم انها عجبتك يا قمر ربنا يخليكي ارب

Sat Mar 17, 12:48:00 PM GMT+2  
Blogger hesterua said...

طب والله حلوة
شكلك اخترعتى بحر جديد فى شعر اسمه بحر الش
على فكرة
بيقولوا اصعب حرفين فى الشعر
حرف ش
وحرف خ

وانتى ملياها شين

فاكرة سيد حجاب فى ارابيسك
كان كاتب حاجة قمة فى الصعوبة انها تتكتب وتتغنى وتتلحن

الشر شرق و غرب داخل في حوشنا


حوشوه لا ريح شاردة تقشقش عشوشنا


حوشوا شرارة تطيش تشقق عروشنا


و تغشنا المرايات تشوش وشوشنا


و تهيل تراب ع الهالة و الهيلمان




الغش طرطش رش ع الوش بوية


ما درتش مين بلياتشو أو مين رزين


شاب الزمان و شقيت .. مش شكل أبويا


شاهت وشوشنا تهنا بين شين و زين


ولسه ياما و ياما حنشوف كمان


سلام

Sat Mar 17, 01:16:00 PM GMT+2  
Anonymous Anonymous said...

السلام عليكم ورحمه الله و بركاته
اشهد الله اني احبك في الله كاخت
و اشهد الله اني افرح لفرحك و احزن لحزنك..يا اختاه... يا سمراءالنيل
كنت اقرء كلامك باسلوبك البسيط الرائع في الكتابه هذا الاسلوب الذي يحركه احساس صادق يحول الكلمات الي بعد اخر مجسم يجعل من يقرءه و كانه يلمس احلامك و مشاعرك و لاكن انظر اليه من عين الاخ الذي يحب و يخاف و يحزن لاخته
و طالما كلامك مؤثر في لدرجه انه يجعلني افرح لما يفرح و احزن لما يحزنك فانا ادفع عن نفسي حزن و خوف لما انتي فيه
الكلام يطول.. و يطول و لاكن اقول اخيرا لا استطيع ان اتصور حياتي بدون احلام جميله بدون مشاعر لاخت فاضله
و الله يا سمراء و الله يا اختاه انتي اصبحت جزء لا يتجزء من حياتي
و عندي ظن بالله العظيم ان يغير من احب بمن احب
و تعاونوا علي البر و التقوي
ما تقوليه و ما تفعليه هو البر و الله
ولاكن اخوات..اخوات فقط
اخوات مع اخوات
استمري يا اختاه استمري ولاكن مع اخوات
استمري في الخير استمري كمان في الكتابه و اوعي تبطلي كتابه ممكن يحصلنا حاجه
يا سمراء ..يا اي حاجه (طيبه و راقيه و جميله)
نشهد الله انا بحب في الله كاخت

Sat Mar 17, 03:01:00 PM GMT+2  
Blogger No Fear said...

السلام عليكم
مش عارف ليه أفتكرت أغنية فردوس عبد الحميد في مسلسل أنا و أنت و بابا في المشمش
أسمها الوشوش بردوا
سلام

Sat Mar 17, 03:49:00 PM GMT+2  
Blogger إبراهيم محسن said...

كلام جميل من غير رتوش
يحرك مشاعر ويعمل خدوش
في قلوب مريضة مبيقولوش
كلمة حلوة ولا يرحموش
ناس غلابة زيك وزيي ميعيطوش
لما يتجرحوا جرح كبير من وحوش


مش هكمل اكتر من كده بقى لأن كلامك تحفة بجد حسيت إنك إنجي فؤاد نجم.. كانت فين الحاجات الحلوة دي يا بنت.. مخبياها فين.. صحيح الإحساس المر بيعمل شاعر حر

سلام وورينا حاجات من دي كتير

Sat Mar 17, 04:09:00 PM GMT+2  
Anonymous Anonymous said...

وشوشني
ايه يا ستي احان ماتفقناش انك تسرقي اسمي وتحطيه عنوان البوست وبعدين ماانت قدامك كل امدونين مااخترتيش منهم الا انا وكمان انا مش فاهمه حاجه من الوشوشة ده مع تحيات: وشوشني

Sat Mar 17, 05:07:00 PM GMT+2  
Blogger زحل الفلكي said...

لقيت راده في مدونة
جريت قولت اخيراً سمرا رجعت

ولقيتك رجعتي
اوي

جامد والله وصف دقيق
وطريقة مفتكسة
اوي

متغيبيش تاني
ها

Sat Mar 17, 05:14:00 PM GMT+2  
Blogger وشوشني said...

اهلا يا انجي
اولا مين المنتحل شخصيتي ده بس فعلا شعرك حلو اوي

Sat Mar 17, 05:15:00 PM GMT+2  
Blogger محض روح said...

طبعا انتى عرفه رائي من ابل ماعلق
بس حلو رغم الحزن الى فيه
ربنا يزيح عنك كل حزن

Sat Mar 17, 06:32:00 PM GMT+2  
Blogger Sharm said...

عايز تنسى الحزن و تسيب العيشة اللى ما تطمنش

رشح الوطنى و اشتري الكوبون و اكسب الجايزة بعد ما تخربس

Sat Mar 17, 07:57:00 PM GMT+2  
Blogger BOS BOS said...

جميل قوى البوست ده
وأن كان مناسب للجو اللى أنا فيه
بس بجد جميلة كلماتك وفعلا فيه وشوش كتير قوى بقت اقنعة وبتخبى حاجات كتييييييييييير

Sat Mar 17, 10:44:00 PM GMT+2  
Blogger 18goosebumps said...

حمد لله على سلامتك يا سمرا

اوعى تعملى العمله دي تانى بجد

اتخضيت عليكى

-----------------
احب تأمل الوشوش
فبها الكثير والكثير
بعضها يُثير اشمئزازى والبعض الاخر لا
بعضها يُغضبنى والاخر يفرحني
والكثبر من ردود الفعال والمشاعر الانسانيه
في تلك
الوشوش

تحياتى

Sat Mar 17, 10:55:00 PM GMT+2  
Blogger شخبطة ملوكى said...

الله على الكلام الجميل
يسلم قلمك بجد اتمنى ان وش القمر القصيدة التى كتبتها تنال اعجابك ايضا
http://sound-of-the-nile.blogspot.com/2007/03/blog-post_11.html


شارك في التظاهرة التدوينية
http://www.linux-fr34k.com/Soka/Blogger/Cod.rtf
وقع هنا للقصاص أسرانا: إلى الأمم المتحدة
http://www.petitiononline.com/egypows/petition.html
وقع للقصاص لأسرانا: إلى نقابة المحامين
http://www.petitiononline.com/kxqf4436/petition.html
وقع ضد التعديلات الدستورية
http://www.petitiononline.com/kxqf4436/petition.html
وقع لمساندة قرار وقف حفريات الاقصى
http://www.help-aqsa.org/sign/index.php

Sun Mar 18, 12:28:00 AM GMT+2  
Blogger The Alien said...

أنا إتخضيت لما قفلتي المدونة
وقلت مش هشوف وشك تاني ولا إيه
مبسوط برجوعك يا أحلي وش

تحياتي

Sun Mar 18, 11:30:00 AM GMT+2  
Blogger يارا تنادي said...

كتابتك جميلة أوي

Sun Mar 18, 03:54:00 PM GMT+2  
Blogger حوريه said...

حمدا لله على سلامتك يا سمورة يا امورة
ما تتصوريش خفت عليكى اد ايه خاصة و ان ياسمين مش بترد على التليفون
حرام عليكم انا كان هيحصل لى حاجة وحشه و اعصابى فلتت منى و اتخانقت مع ماما من القلق
ارجوكى ما تعمليش كده تانى
البوست ده جميل جدا و الاجمل منه وشك البشوش المبشر بالخير يا وش الخير
تحياتى نورتى

Sun Mar 18, 03:54:00 PM GMT+2  
Blogger ahmEd_H said...

كلماتك بجد جميلة جدا

حنيت شفايفي بدم غزال وحنيت لكن دمي متحنش

بتجيبى الكلام دا منيين بجد جامد اخر حاجة

Sun Mar 18, 04:24:00 PM GMT+2  
Blogger raspoutine said...

وشوش
اه منها الوشوش
وشوش بتضحك
وشوش بتبكى
وشوش كدابه
وشوش قلابه
اه منها دى الوشوش

عايزك تفوقى عشان محتاجلك اليومين الجايين ولا انتى نسيتى

Sun Mar 18, 05:26:00 PM GMT+2  
Blogger bassem said...

مش أول مرة أقرأ ليكى حاجة بالجمال دة , إنت شاعرة كبيرة , أنا قلت كدة من ساعة ما قريت شراب فردة و فردة , شوفتى فاكر إزاى !! تحياتى

Sun Mar 18, 05:26:00 PM GMT+2  
Blogger Epitaph said...

One of the best I've read ya Samraa! begad masha Allah!!


Your style and talent quite evolved masha Allah

Sun Mar 18, 07:10:00 PM GMT+2  
Blogger david santos said...

InsyaAllah

Sun Mar 18, 07:11:00 PM GMT+2  
Blogger الراقص مع الذئاب said...

جميل
توبيك جميل جدا
اعجبني
احييك عليه

Sun Mar 18, 08:13:00 PM GMT+2  
Blogger tamer said...

فية ناس تقدر تكون بمية وش
وناس بوش واحد ودى احلى ناس واحلى وشوش

اخبارك اية انجى

تحياتى

Sun Mar 18, 09:06:00 PM GMT+2  
Blogger Ma-3lina said...

ايه الوشوش دى كلها

بس بجد استخدام الكلمات و توظيفها رائع

خصوصا

اصل اصلى اصله

تحفة قلتلم جمعى الحاجات فة كتاب و انشريه
محدش بيسمع الكلام اليومين دوول

Sun Mar 18, 09:49:00 PM GMT+2  
Blogger سمسم said...

والله
والله العظيم
دم محمد طه مرحش هدر !!!

Sun Mar 18, 11:05:00 PM GMT+2  
Blogger MoHaMeD HoSSaM said...

اى الحلاوة دى بجد كلامك جامد وجاى على الجرح المهم فى الموضوع كمان انك رجعتلنا بالسلامة وكمان باجمل كلام ممكن يتقال

واحب اسمع اغنية حمدالله على السلامة يا
جاى من السفر

Mon Mar 19, 12:44:00 AM GMT+2  
Blogger بين الأمل و اليأس said...

ربنا يخليك ياسمرا يا بنت ام سمرا
ومنحرمش منك قال كانت عايزه تسي التدوين قال
شوف ازاي بطلوته واسمعوده سمرا عايزه تسيب التدوين يارجاله
نرجع لمرجُعنا بقه
حرف الشين ده هو اللي كل شوية يحسسني اننا مش فاهم حاجه واقرا ابقى فاهم مرخه واتنين وتلاته بس حرف الشين سووري سوري بيخلي الكلام عميييق


ووش عروسة حلاوة سكرها مرعلقم ما يتحسش
ووش حصان عليه فارس قال مواويل ما تتغنـــــش
بصراحه دي جامده موت اصلي مكنتش فاهمها الا لما حضرتك شرحتيها

بس قلبي عصفور ووشوش لوش حقيقي بتهمـش

ياه قد ايه انتي فعلا جميله
بس مين يشهد للعصفورة
كل اللي كاتبين فوقي وتحتي بيشهدوا انك لازم تفضلي سمرا اللي عرفناه صح ولا انتي شايفه ايه

حنيت شفايفي بدم غزال وحنيت لكن دمي متحنش
معلش انا زعلان منك في دي ليه بقه اذيتي غيرك اصل الغزال ده انا اعتبرته شخص عزيز عليكي عشان كدا لما انتي حاولتي تيجي على حساب غيرك مقدرتيش
اصلك انتي الغزال

ورويت عيوني بدمع السهر بس دمعي جف متبلش
لا لا لا بلاش دموع دمعك غالي علينا اوعي ماعاش اللي ينزل دمعه من دموعك

بداري وشي علي وشي ..اصل الحزن ما يتحبش
واوعي تكتمي جواكي اوعي طلعي هاتلاقي الف انسان جنبك والف مدون بس انتي جربي بس مش في الزعل جربي في الفرح اصل البلد كلها بتحب الفرح عشان ترقص
؛))

يالله ربنا يسهلك يارب ويقويكي يارب وترجعلنا بالف سلامه ياسلامه

Mon Mar 19, 11:11:00 AM GMT+2  
Blogger أُكتب بالرصاص said...

اسجل اعدابي
بالوشوشة
وتوشوش الوشواش

Mon Mar 19, 11:12:00 AM GMT+2  
Blogger بين الأمل و اليأس said...

نسيت حاجه مهمه ازاي نستها مش عارف
ربنا يسترها

Mon Mar 19, 11:13:00 AM GMT+2  
Blogger كراكيب عادل said...

دي مش وشوش دي اقنعة
يا كتر الاقنعة في زمنا يا سمراء

قناع لكل حالة وقناع لكل مزاج وقناع لكل حد والي لابس قناع واحد هيتعب مع الوشوش دي

نفشي حد يوشوشني بش ميكونش بوشين

تحياتي

Mon Mar 19, 07:28:00 PM GMT+2  
Blogger Ezzo said...

فعل الكتابة في حد ذاته جميل
لأنه بيعلن أن صاحبه
يمتلك قدر جميل من الجرأة
على البوح
تحياتي

Mon Mar 19, 11:00:00 PM GMT+2  
Blogger ody911 said...

براحتك

Mon Mar 19, 11:08:00 PM GMT+2  
Blogger IBN BAHYA said...

احييك تحية كبيرة جدا

كلام رائع طبعا برغم الحزن العادي اللي فيه

طبعا عادي .. وهو إيه من اللي إحنا شايفينه يفرح يعني؟

أكرر التحية

أطيب وأرق تحياتي

Tue Mar 20, 12:54:00 AM GMT+2  
Blogger كلمه said...

3ayz 2afham leh konty bet2oly enk btekteby 3la 2adek .... ma 3lena ..no comment esra7a :D

2hdy b2a shwya 3shan keda e7na hano23od fe byotnaaaaaaa :)))

Tue Mar 20, 11:15:00 AM GMT+2  
Blogger tamer said...

انجى

انتى فين مش باينة

طمنينى عليكى

Tue Mar 20, 02:48:00 PM GMT+2  
Blogger Diyaa' said...

رغم الصياغة اللي مش مضبوطة لبعض الجمل
لكن بحب احييكي اوي علي مجمل الاحساس وفي كلمات خلتني اقشعر
موهبتك محتاجة بس تكتبي كتير ولو اني شايف ان البوست تعبير عن اللي جواكي وده انتي نجحتي فيه باقتدار
واكتر كلام اثر فيا ... واسمحيلي استعيره واكتبه في الانديكس بتاعتي


ماشية علي راسي ورجلي علي الارض بتفتـــش
مليون سؤال وسؤال علي وشك اجاباتها متتحلش
ووش وشه بيضحك والقهر والدمعه جواه متتحوش
ووشوش لوش حقيقي بتهمـش

Tue Mar 20, 02:55:00 PM GMT+2  
Blogger heb0o0o said...

اية الوشوش دى كلها انا كنت زمان فاكرة الناس بوش واحد بس بعد كدة عرفت ان فعلا كل انسان مخبى وراء وشة الحقيقة خمسين الف وش كل واحد حسب الموضة والوقت وبقينا نزيف الحقيقة دى ونقول عليها نيو لوك لكن بجد الانسان لازم يكون لة وش واحد وشخصية واحدة علشان يقدر يكون صادق مع نفسة قبل الناس لان الناس هيجى عليهم يوم ويكرة كل وشوشة

وبانوا بانوا على اصلوكوا بانوا

وسلام ياسمراء ياشاعرة

Tue Mar 20, 06:19:00 PM GMT+2  
Blogger cat_eyes(همس الليل) said...

نحن نرى بمؤخراتنا ونفكر بيها
اعتقد دا زمن الوش فى القفا


الكتابه فكرتنى بالمثل الشعبى

فى الوش مرايه وفى القفا سلايه
هههههههههههههههه

Tue Mar 20, 10:41:00 PM GMT+2  
Blogger مبرمج حر said...

I tagged you

Wed Mar 21, 03:58:00 AM GMT+2  
Blogger عمر said...

سمراء: انتي عارفة رأيي في اللي بتكتبيه.. انا مش بفهم اوي في اصول الشعر بس بياهيألي كدة ان الوزن عايز يتظبط

بس طبعا موهبتك بتعبر عن نفسها كالعادة

Wed Mar 21, 04:32:00 AM GMT+2  
Blogger أخف دم said...

ليه يا زمان ما سبتناش أبريا ؟... تيرارارا..
قفلتى البلوج وبرضه لما رجعتى لقيت نفسى باعلق رقم 103 .. صلاة النبى..
وشوش إيه اللى بتتكلمى عنها؟
وبعدين فين وشى فى الوشوش دى ..
يعنى المفروض تزودى بيت
ووش أشرف العسل السكر اللى ما استعناش عنه أبداولا بيكرمش
كده يعنى
منورة من تانى يا نوجة..
افتكرى الجمايل دى..

Wed Mar 21, 02:31:00 PM GMT+2  
Blogger bastokka طهقانة said...

في وش ذهب
و وش بلاستيك
و
وش خشب

تعالى شوفي وشي


ابقي تعالي

Wed Mar 21, 02:39:00 PM GMT+2  
Blogger smraa alnil said...

hesterua

ربنا يخليك يارب
بجد عجبتك
ههههههه انت عارف اني بخترع اي حاجة جديدة
بس دي ماسورة شين واتفتحت
انا اول مرة اعرف الموضوع دة انا كنت كاتبة حاجة قبل كدة بتنتهي بال خ
بس يلا مش مهم

سيد حجاب دة اصلا عبقري

شكرا لانك فكرتني بكلامه
___________________________


Anonymous

مش عارفة اقول ايه غير شكرا بجد
لا تتخيل مدي سعادي لما قريت اني جزء لا يتجزء من حياتك
بجد اسعدتني اوي
وعجز لساني عن الكلام ومش قادرة اقول غير شكرا

Wed Mar 21, 06:27:00 PM GMT+2  
Blogger smraa alnil said...

no fear

وعليكم السلام

يااااااااه تصدق اني افتكرتها لما انت قلت
والله ما جت في بالي خالص
كويس عشان ابقي ادور عليها اواسمعها
منورني
___________________________

ابراهيم

اومال يعملوا ايه يا ابراهيم
لما مش يعيطوا من جرح الوحوش

هههههههههههههههه
انجي فؤادد نجم ايه يا عم تعالي شوف التعليقات اللي تحت بيقولوا دة مش شعر اصلا

ولا مخبايها ولا حاجة
هي بتظهر بس لما بحسها
هوريك يا ابراهيم ههههههههه

Wed Mar 21, 06:28:00 PM GMT+2  
Blogger smraa alnil said...

anonymous

طب الاول اعرف انتي مين
لان عنون البوست بيقول وشوش
وانتي وشوشني
ولا انتي شلتي النون والياء وبيقتي انتي
ايه بس اللي مش مفهوم
دي سهلة خالص
منوراني
___________________________

زحل الفلكي

ازيك يا ابني
اخبارك ايه
اديني رجعت اهو
المهم انه عجبك
مش تخاف مش هغيب تاني

Wed Mar 21, 08:03:00 PM GMT+2  
Blogger smraa alnil said...

وشوشني

اهلا يا قمر
مش عارفة انا افتكرتها انتي
ربنا يخليكي
منوراني
___________________________

محض روح

اكيد بس ايه هو رائيك :))
ربنا يكرمك يارب ويتقبل منك
منوراني

Wed Mar 21, 08:03:00 PM GMT+2  
Blogger smraa alnil said...

sharm

ههههههههههههههههههههه
وحتي بعد ما خربشنا تفتكر برضه هنكسب
دة في المشمش
___________________________

بوسبوس

ايه الجو الي انت فيه
مش في اكتر من الوشوش والاقنعه اللي محوطانا
خلاص خدنا علي كدة

Wed Mar 21, 08:14:00 PM GMT+2  
Blogger smraa alnil said...

فوكيرة

الله يسلمك يا مي
لا مش هعملها تاني مش تخافي

عندك حق انا لما تأملت الوشوش واتعاملت معاها كتبت عنها
يا بختك
انا بقي شفت كله بيثير اشمئزازي
بس كله بيطلع في الغسيل
___________________________

شخبطة ملوكي

ربنا يخليك بجد
اكيد هزور مدونتك واشوف القصيدة بتاعتك
بالنسبة لكل الينكات دي فانا وقعت وربنا يستر بقي
__________________________

the alien

بيشوي سلامتك من الخضة بجد

ههههههههههههههه وشي هتشوفه علي طول
اومال مين اللي هياخد اشتراكات الاجتماعات
ربنا يخليك ليا يارب

Wed Mar 21, 08:14:00 PM GMT+2  
Blogger smraa alnil said...

يارا تنادي

اخير عملتي مدونة
ربنا يكرمك ومبسوطة ان كتابتي عجبتك
منوراني
___________________________

حورية

الله يسلمك يا حورية
اخبارك ايه يا بنتي
ربنا يبعد عنك الخوف يارب
يا لهووووووووووي سلامتك بجد
انا لو اعرف اني هتعبك كدة مش كنت عملتها
مش تخافي مش هعمل كدة تاني
ربنا يخيليكي يارب

Wed Mar 21, 08:14:00 PM GMT+2  
Blogger smraa alnil said...

ahmed_h

ازيك الاول
اخبارك ايه يا ابني
ربنا يخليك يا احمد يارب

بجيبه منين هو اللي بيجي لوحده
ههههههههه
___________________________

راسبوتين

وانا موجودة ليك
المهم انت كويس دلوقتي

Wed Mar 21, 08:14:00 PM GMT+2  
Blogger smraa alnil said...

باسم


ههههههههههههههههههه
باسم اسمها رجل البنطلون فردة وفردة مش شراب
بس ربنا يخليك المهم انك فاكر انها فردة وفردة
منورني
___________________________

ايبتاف

ربنا يخليكي يا رب
بس زعلت اوي اني مش شفتك
بجد ان نفسي اشوفك وقت الحفلة بس تتعوض بقي
ربنا يكرمك يارب
شكرا اوي علي كلامك

Wed Mar 21, 08:15:00 PM GMT+2  
Blogger smraa alnil said...

david santos

inshaallah what??

___________________________

الراقص مع الذئاب

شكرا للزيارة دة اولا
ثانيا شكرا برضه علي كلامك الحلو دة
ومبسوطة ان كلامي عجبك
تحياتي ومنورني

Wed Mar 21, 08:15:00 PM GMT+2  
Blogger smraa alnil said...

تامر

المشكلة بقي انك هتعرف تفرق بين الوش الحقيقي دة والمية وش

ازاي
دي المشكلة
انا الحمد لله كويسة
انت اخبارك ايه
___________________________

مااا علينا

انا عارفة بقي ماسورة وشوش وشين

ههههههههههههه هي دي اللي عجبتك اوي
كتاب ايه يا مرام صلي علي النبي
ههههههههههههههه
خلي الطابق مستور

Wed Mar 21, 08:15:00 PM GMT+2  
Blogger smraa alnil said...

سمسم

ههههههههههههههههه
ايه دخل محمد طه دلوقتي
عشان قال علي الاصل دور يعني
___________________________

محمد حسام

انت داخل بتكلم الاذاعه ولا ايه يا محمد

عامة هشغلهالك حاضر
بس ربنا يخليك يارب

Wed Mar 21, 08:15:00 PM GMT+2  
Blogger smraa alnil said...

بين الامل والياس

ربنا يخليك يا حازومتي يارب
هههههههههههههههههه
اديني رجعت اهو
مش فاهم ايه
مانا قعدت افهمك القصيدة
وسوري ليه وعلي ايه يعني
العصفورة بتموت
غزال ايه بس
ربنا يخليك يا حازم يارب
___________________________

اكتب بالرصاص

وانا اسجل سعادتي بزيارتك ليا وتعليقك
شكرا ليك بجد

Wed Mar 21, 08:16:00 PM GMT+2  
Blogger smraa alnil said...

بين الامل والياس

ههههههههههههههههه
انا برضه استغربت انك نسيتها يلا عادي ربقي
___________________________


كراكيب عادل

وشوش اقنعه مش بقت فارقة يا عادل كله بيتلبس
مش هتلاقي اقل حاجة دلوقتي بتلات وشوش
عادي بقي

Wed Mar 21, 08:16:00 PM GMT+2  
Blogger smraa alnil said...

ezzo

تحياتي انت ليك علي الزياردة الرقيقة دي
شكرا للزيارة وانت فعلا عندك حق
___________________________

اودي
احنا اتكلمنا واتصافينا صح؟؟؟

Wed Mar 21, 08:16:00 PM GMT+2  
Blogger smraa alnil said...

ابن بهية

صح وايه اللي مش بقي عادي في حياتنا
ربنا يخليك والله بتسعدني بزيارتك دي جدا
منورني
___________________________

كلمة

عشان انا فعلا بكتب علي ادي
ونو كومنت ليه يا رخم هو الكلام بفلوس
هههههههههههههههههه
لا خلاص هقعد انا في بيتنا

Wed Mar 21, 08:16:00 PM GMT+2  
Blogger smraa alnil said...

تامر

انا موجودة اهو يا تامر
الحمد لله علي كل شئ
انا كويسة والحمد لله
___________________________

ضياء

ايه بقي اللي مش مظبوط
ههههههههههههه هو انت مش لاقي عيب وخلاص
عجايب
انا مش محتاجة اكتب كتير انا محتاجة اقرا كتير واحس اكتر
وطبعا كلامي تحت امرك يشرفني انه يكون عندك

Wed Mar 21, 08:17:00 PM GMT+2  
Blogger smraa alnil said...

هيبوو

دة كان زمان يا هبة دلوقتي العلم اتغير والدنيا اتطورت وكل مواطن

بقي ليه الف وش ووش
اديكي قولتيها الشطارة ان هما يبانوا علي اصلهم
ويا سيتي ولا شاعرة ولا حاجة
انتي منوراني علي فكرة
___________________________

همس الليل

ههههههههههههههههههه
تصدقي انك جبتي المفيد
هههههههههههههههههه
وبتطلع قملايه

Wed Mar 21, 08:17:00 PM GMT+2  
Blogger smraa alnil said...

مبرمج حر

لالالالالالالالالالالالالالالالالالالالالالالالالالا

حرام عليك
انت مش عندك غيري ولا ايه
ماشي يا سيدي هعمله
___________________________

عمر

انت فينك يا عمر وليه قافل مدونتك خسارة بجد
والله كنت بحب اخش عندك كتير
ههههههههههههههه وحياتك ولا انا بفهم في اصول الشعر
بس اهي بتيجي معايا كدة
بتيجي مع الهبل دوبل
هههههههههههه
ربنا يكرمك يارب ومش تقطع الزيارات بقي
تعالي وانا اجيبلك حاجة حلوة

Wed Mar 21, 08:17:00 PM GMT+2  
Blogger smraa alnil said...

اخف دم

هههههههههههههههههههه
عشان تعرف يا بيه انك مهمل ومقصر
وبعدين وش ايه دة اللي اتكلم عنه
خليني ساكتة يا اشرف احسن
طبعا منورة
ومش هفتكرها ههههههههههههههه
___________________________

طهقانة

هههههههههههههههه
هبقي اجي واشوف
وربنا يستر بقي

Wed Mar 21, 08:18:00 PM GMT+2  
Blogger mohammed said...

ووش وشه بيضحك والقهر والدمعه جواه متتحوش

لو ده نصك بجد مقدرش أقول كلام عليه
الجملة اللي فاتت أكثر جملة عجبتني
عشان ده أنا
:) أول مرة أشوف مدونتك بس هتابعها دائماً إن شاء الله

تحياتي
محمد عادل \ أوسكار
http://oscarization.wordpress.com/

Sun Mar 25, 12:55:00 AM GMT+2  
Blogger .:ProiD:. said...

بجد بجد انتي مبدعه

اتمني تقبلي كلامي المتواضع ده

القضيه منتهيه

ناس كتير ماشيه و جايه

ناس همومها في الفلوس

ناس بتحلم بالفانوس

مش مهم يكون في حق

مش بايدهم حتي لاء

Mon Mar 26, 08:52:00 AM GMT+2  
Blogger smraa alnil said...

محمد

هو فعلا دة نصي يا محمد

انا اللي كاتباه
وربنا يكرمك يارب
ههههههههه
مش انت الي وحدك اللي كدة كلنا كدة
يسعدني بجد انك تكون متابع لمدونتي
__________________________

proid

ربنا يخليك يارب

وكلامك ليه معاني كتير جدا بجد وعجبني
بس النس مش باييدها فعلا تقو لا
سعيدة بزيارتك بجد
وياريت تكررها كتير

Mon Mar 26, 02:05:00 PM GMT+2  
Blogger الراقي للتنظيف said...


شركة المثالية للتنظيف
شركة المثالية للتنظيف بالدمام
شركة المثالية للتنظيف بالخبر

شركة المثالية للتنظيف بالقطيف
شركة المثالية للتنظيف بالجبيل
شركة المثالية للتنظيف بالاحساء

المثالية للتنظيف سيهات
المثالية للتنظيف الاحساء
اسعار المثالية للتنظيف
شركة المثالية للتنظيف الاحساء

Fri Aug 25, 05:22:00 PM GMT+2  
Blogger الراقي للتنظيف said...


شركة تنظيف منازل بالخبر تعد افضل شركة تنظيف بالخبر حيث تقدم جميع خدمات تنظيف المنازل والشقق والفلل والمجالس والكنب والسجاد والموكيت بافضل جودة وارخص الاسعار بالاعتماد علي كافة الادوات والامكانيات الجديثة والمتطورة فتعد افضل شركة تنظيف مجالس بالخبر بالاضافة الي تقديم العديد من خدمات التنظيف الاخري التي يحتاجها اهالي محافظة الجبر والدمام من تنظيف وصيانة مسابح وتنظيف مطابخ وتنظيف وصيانة المكيفات اي ان شركة المثالي جروب تعد افضل شركة تنظيف بالخبر
فلدينا

شركة تنظيف بالخبر

شركة تنظيف مسابح بالخبر
شركة صيانة مسابح بالخبر

شركة تنظيف كنب بالخبر
شركة تنظيف مطابخ بالخبر
شركة تنظيف مكيفات بالخبر

كما توفر شركة المثالي جروب بالمنطقة الشرقية فروعها يجميع محافظات المنطقة الشرقية لتقديم خدمات التنظيف علي اكمل وجة من الدقة والتيميز فتوفر افضل شركة تنظيف منازل بالقطيف وخدمات تنظيف المسابج وصيانتها بالدمام والمنطقة الشرقية فلدينا

شركة تنظيف منازل بالقطيف
شركة تنظيف بالقطيف

شركة تنظيف مسابح بالدمام
شركة تنظيف مسابح بالقطيف
شركة صيانة مسابح بالقطيف

Fri Aug 25, 05:36:00 PM GMT+2  
Blogger الراقي للتنظيف said...


شركة تنظيف منازل بالجبيل هي احدي فرع شركة المثالي جروب للتنظيف بالمنطقة الشرقية حيث تقدم لعملائها افضل خدمات التنظيف ومكافحة الحشرات بالجبيل البلد والجبيل الصناعية بالاعتماد علي كافة الاساليب الحديثة وخبرة عشرات السنوات بمجالات التظيف فمع شركة تنظيف بالجبيل تستطيعون الحصول علي منزل نظيف معقم امن خالي من الحشرات فاذا اردتم تنظيف المنزل لاحل سوي شركة تنظيف شقق بالجبيل فهي افضل شركة تنظف بالجبيل ولم نغفل عن خدمات التنظيف الاخري فلدينا الخدمات الاتية

شركة تنظيف فلل بالجبيل
شركة تنظيف مجالس بالجبيل
شركة تنظيف بيوت بالجبيل

شركة تنظيف مسابح بالجبيل
شركة صيانة مسابح بالجبيل
شركة تنظيف خزانات بالجبيل

كما توفر الشركة خدمات مكافحة الحشرات ورش المبيدات بالضمان باستحدام اقوي المبيدات الالمانية ذات الجودة والقدرة الهائلة علي ابادة الحشرات وبلا رجعة فلا تترددوا بالاتصال بشركة مكافحة حشرات بالجبيل

شركة مكافحة حشرات بالجبيل
شركة رش مبيدات بالجبيل

Fri Aug 25, 05:43:00 PM GMT+2  
Blogger الراقي للتنظيف said...



شركة تنظيف منازل بالاحساء
شركة المثالية للتنظيف بالاحساء
شركة تنظيف شقق بالاحساء

شركة تنظيف مسابح بالاحساء
شركة صيانة مسابح بالاحساء
شركة تنظيف خزانات بالاحساء

شركة كشف تسربات المياه بالاحساء
شركة تسليك مجاري بالاحساء
شركة شفط بيارات بالاحساء

Fri Aug 25, 05:46:00 PM GMT+2  
Blogger الراقي للتنظيف said...


نقدم لكم شركة المثالية للتنظيف بالاحساء الشركة الرائدة في تقديم جميع خدمات التنظيف الشاملة للمنازل والشقق والفلل والمجالس والكنب والسجاد والموكيت والمفروشات بجميع مدن ومحافظات المنطقة الشرقية بالمملكة العربية السعودية فتعد شركة المثالية للتنظيف بالاحساء افضل شركة تنظيف بالاحساء حيث تقوم بجميع خدماتها بالاعتماد علي كافة الادوات والاساليب والحديثة بالاضافة الي خبرة عشرات السنوات بمجالات التنظيف ومكافحة الحشرات ورش افضل انواع المبيدات الامتة والفعالة فلدينا شركة المثالية لمكافحة الحشرات بالاحساء والمتخصصة في مكافحة جميع انواع الحشرات وابادتها ابادة تامة بالضمان باستخدام اقوي انواع المبيدات الامنة والفعالة وذات الجودة الدقة العالية فتقدم ابادة الحشرات بافضل جودة وارخص الاسار فحقا هي الشركة المثالية للتنظيف بالاحساء فهي حقا افضل شركة تنظيف ومكافحة حشرات بالاحساء والجبيل وباقي محافظات المنطقة الشرقية بالمملكة العربية السعودية كما توفر الشركة خدمات نقل العفش والاثاث بالمنطقة الشرقية فلدينا افضل شركات نقل الاثاث بالمنطقة الشرقية

شركة نقل عفش بالاحساء
شركة نقل عفش بالجبيل

شركة تسليك مجاري بالجبيل
شركة شفط بيارات بالجبيل
شركة كشف تسربات المياه بالجبيل

Fri Aug 25, 05:53:00 PM GMT+2  

Post a Comment

Links to this post:

Create a Link

<< Home