Tuesday, March 06, 2007

ومن الورد ما يودي علي المعتقل

تحذير ولا بد منه
حرصا منا علي المصلحة العامة لكل من المحبين والطلبه فنود ان ننوه لسيادتكم بمنع تداول الورود بين الاصدقاء والمحبين
حيث ان المفهوم الخاطئ بان الورد يعبر عن الحب والصفاء والغيرة بالوانه قد اصبح فعلا مفهوما خاطئا
اما المفهوم الحالي
فهو ان الورد يعبر عن استجوابات واعتقالات
طب مش بذمتكم دة كدة تهريج لما 18 طالب يتفصلوا ويتحولوا لمجالس تأديب عشان خاطر ورد
لمجرد ان هما ادوا ورد لزمايلهم اللي خرجوا من المعتقل بسبب العرض اللي اتعمل قبل كدة في الازهر
ورد وسلام لزمايلهم والنتيجة مجلس تأديب وفصل من الكلية والجامعه
ارد اقول ايه
تفتكروا بقي لما كريم سليمان هاجم الازهر كان صح ولا غلط
تقدروا تقولولي ايه الفرق بين الارهاب الحقيقي الي بيحصل في اسرائيل والعراق
والارهاب اللي بيحصل في مصر
الازهر كمبني له اسمه وقيمته التاريخية
بس كرساله الازهر اصبح لا يفرق كثيرا عن المعتقالات وامن الدولة
واحد نبيه هيجي يسالني طب ليه يا بنتي كدة ؟؟
هقولك ان مجالس التأديب كانت مكتوبة اصلا من قبل ما الطلاب يعرفوا انهم هيتحقق معاهم ويتفصلوا
يعني اول ما اللي بيحقق معاك يشوف وشك يقولك هل لديك اقوال اخري
ايه الارهاب الفكري والتقيد دة
حرية ايه وديموقراطية ايه وزفت ايه
قرفتونا بقي
هو انا عشان اقول انا بكره الازهر في معاملاته وقمع الحريات اللي فيه ممكن يتقبض عليا
هو انا عشان بقول لحسني مبارك كفاية بقي وعلي راي احد الكتاب اشعر اني اكد ان اتقيأك واني بكره سياستك
ممكن اتحبس
هو انا لو قلت انك انسان منافق عشان تدي اعلي وسام مصري لواحد كل مهمته الدبح في العراقيين بتكرمه ليييييييييه؟؟؟
عمل ايه هو لمصر
يا جماعه كريم سليمان بغض النظر عن ميوله او فكره ايه
تفتكروا انه فعلا اتحبس عشان ازدراء الاديان
كان علي الاقل الاولي ان نوال السعدواي تكون مكانه
او جمال البنا او غيره من اللي ليهم اراء متطرفة وعلمانية
اشمعني يعني كريم
عشان سب الريس
وعشان يجملوا الصورة للشعب المسلم الطيب ويقولوا احنا مش سكتنا علي اهانة الاسلام فحبسنهولكم تلات سنين
تستحضرني مقوله الرأفتاني الشهيرة
واشمعني مش اتحركتم وقت اهانة الرسول صلي الله عليه وسلم
في الرسوم الكاركاتورية
لو خايفين علي البلد من الافكار المتطرفة بتاعت كريم يبقي اكيد لازم كمان يتقبض علي المدونات المثلية اللي اصحابها مثلين
عشان من وجهه نظر البعض انها بتشيع الفاحشة
اشمعني يعني ساكتين علي دول
وساكتين ليه علي اللي بيقول انا ضد الاخوان
وساكتين عليا انا ليه وانا قلت لحسني مبارك من الافضل ان تبحث عن شبيه لك ليعدم بدلا منك
ساكتين ليه علي ممدوح اسماعيل لما قتل الاف المواطنين في العبارات
من الاخر المطلوب منا كلنا اننا نسكت ونمشي جنب الحيط
انا في ظابط امن دولة مرة قالي بقولك ايه يا شاطرة روحي بيتكم احسن ونامي في حضن امك وخافي علي اهلك
مطلوب مننا نتخرس كل كلامنا علي ماتشات الكورة والبت دي مشيت مع الواد فلان وفلان ضحك علي علان لحد ما خد البت بتاعته
نمشي جنب الحيط ونخاف علي مستقبلنا وعلي اهلنا
عشان مش نروح ورا الشمس
صحيح ما احنا لو رحنا ورا الشمس وكان في مليون قرار بالافراج عن اي حد فينا مش هيتنفذ
زي وزارة الداخلية اللي حابسة ناس بقالهم 17 سنة برغم قرارات الافراج بحجة ان هما خطر علي الامن العام
يعني انا كدة خطيرة علي الامن العام
يعني كريم سليمان خطر علي الامن العام
يعني كلنا خطر علي الامن العام وعلي الشعب
اصل سبحان الله كلنا بقينا مختلين عقليا
كلنا بقينا التوربيني
كلنا بقينا زي سفاح بني مزار وسفاح المعادي
كلنا بقينا ارهابيين
انا لا مع الاخوان ولا ضدهم
انا قلت قبل كدة اني مع الانسانية
بس تقريبا دة مقرر بياخدوه بتوع علم الاجتماع والتاريخ
والمادة مؤخرا ابتدوا يكتبوها تحت مسمي الخيال العلمي
اه يا بلد عايزة ولد
والولد فيكي ضعيف
ماشي يا ولداه من غير سند
شايف بس لازم يكون كفيف
وقد خلقنا الانسان في كبد
بس كبدنا مش باختيارنا دة بايد نظيف
دة انا مصري ومش عايز حسد
علي ايه يا حسرة دة انا حتي من القرش عفيف
ماهو مش بمزاجي اصلي اكتشفت اني ماليش بلد
عشان الحمار اللي فيها مربالنا الخفيف
كان زمان الحمار في الساقية عند
كان مربوط فيها ويتحدي لسعه الخريف
بس دلوقتي هو اللي راكبنا ليييييييييه
عشان مش فيها ولد
ولهذا نرجو من السادة المواطنين
عدم حمل الزهور ولا حتي علي الارافة والمقابر نظرا لخطورتها علي الامن العام
وان كنت صاحب عيال ننوه سيادتكم بعدم مغادرة منزلكم عشان تربوا ولادكم
اما اذا كنت من الخاطبين يعني لابس دبلة خطوبة
فرجاء حفاظا علي زوجتك المستقبلية قبل ان تصبح مدام من قبل الزواج فامنع تماما الورد
ويا حبذا لو امتنعنت عن الترمس اللي في الكورنيش نظرا ان حبات الترمس تشكل خطرا علي الامن العام
لان حباته زي الرصاص علي قفا اللي ادامك
وان كنت من ذوي النظريات بعدم الزواج والحب
فرجاء بعدم التحدث عن هذه النظرية فقد تتهم بتحريض الغير علي الفسق والزنا وخاف علي ولاياك يا ابني
اما اذا كنت من معارضي الحكومة فيجب عليا ان انبهك من الان بان تغير اسمك الي اي شئ مقترنا بمبارك نظيف وعادلي
اكيد اهلك عايزينك
اما اذا كنت من مؤيدي الحكومة فامشي من هنا ياض بدل ما اقلع اللي في رجلي واديك بيه
هذا واعزائي المستمعون ننبه للمرة الاخيرة عند اجتماع اي مجموعه عدم احضار ورود
_________________________________________________
اللقاء الثالث الشهري

موعدنا فى دار الاوبرا
كوفى شوب الابداع - بجوار مسرح الهناجر
يوم الجمعة القادم الموافق
9/3/2007
فى تمام الساعة السادسة مساءا
الدخول من البوابه الخلفيه لدار الأوبرا أمام النادى الاهلى ثم تتجه لمسرح الهناجر
بعد الهناجر نجد دار الابداع الوفى
الكافيه بجوار دار الابداع
واللي خايف علي نفسه مش يجي
وارجوكم ارجوكم بلاش ورد وحياة ابوكم
ويا ريت مش نسلم علي بعض
انا ليا اهل برضه وخايفة عليهم

Labels:

120 Comments:

Blogger raspoutine said...

يا سلام
هنتكلم تانى فى الممنوع يا بنتى انا خايف عليكى والله
انتى عارفه انا مرة جبت ورد لواحده كنت اعرفها راحت بصالى كده وقالتلى ايه تصورى

قالتلى
جايبلى ورد انت رايح القرافه

بصتلها كده وسكت روحت واخد الورد منها ورميه من شباك العربيه

وقعدت اضحك على حكايه القرافه دى

على العموم احنا هنجيب ورد واللى يحصل يحصل
ونكمل كلالمنا ابو ريحه حلوة ده يوم الجمعه ان شاء الله ومتنسيش تجيبى ورد

Mon Mar 05, 05:59:00 PM GMT+2  
Blogger واحد من الناس said...

انا اتمنى اكون معاكوا
وهحاول اكون في القاهره يوم الجمعه ان شاء الله

Mon Mar 05, 06:59:00 PM GMT+2  
Blogger عبدالله said...

الكلام عن عبدالكريم حاجه و عن الورد و امن الدوله حاجه تانيه
:)))

اولا اي دفاع عن عبدالكريم او اعتبار انه ضحيه نظام او اي حاجه من هذا القبيل اعتبرها غير مقبوله نهائيا

مهما كان غلط النظام و مهما كانت مبرراته فان اعتقال شخص تهجم علي معتقداتي و رسولي و الهي كافيا لان لا امنحه اي تعاطفا من اي نوع ومعه لا امنح الحكومه اي تايد فيما فعلته ليس من باب انها فعلت الخطأ و لكن من باب انها لم تحترم الدين هيا اصلا

وايه موضوع ظابط امن الدوله ده
:)
انتي ناشطه قديمه بقي و لا ايه

كان المفروض زي ما تكلمتي كتير عن جزئية عبدالكريم توضحي بالتفصيل موضوع ال 18 مين و عملوا ايه و ليه


تحياتي

Mon Mar 05, 07:21:00 PM GMT+2  
Blogger smraa alnil said...

راسبوتين

مانت عارفني مسحوة من لساني علي طول
هههههههههههههه
البت دي كنت ترميها من العربية بدل الورد
لا يا عم انا مش عايزة اجيب ورد انا ليا عيلة بجري عليها :)))

_________________________________


واحد من الناس

ياريت تكون معانا
يشرفني بجد بس حاول_

Mon Mar 05, 07:28:00 PM GMT+2  
Blogger Supernova said...

بالنسبة للحتة التانيه
حقولك
اني نفسي اكون معاكم
بس للأسف
-----------
بالنسبة للكلام الاول
انا عارف كويس ان دي فضفضة اكثر منها محاولة للتفكير
بس فضفضة بتوجع اوي
ولازم تقوليها
ولازم كلنا نقولها
حتى لو في عقولنا

اه متنسوش تجيبولي كباب وحلاوة
سمراء
اتكلمي
اتكلمي

Mon Mar 05, 07:39:00 PM GMT+2  
Blogger smraa alnil said...

عبد الله

بص انا دخلت كله في بعض يا عبد الله
بالنسبة لعبد الكريم انا رافضة نفس الرفض بتاعك تماما

بس لما يكون سبب حبسه شئ تاني غير التهجم علي معتقداتي يبقي لينا كلام تاني
ياما في ناس هاجمت معتقداتنا ليه مش خدنا خطوة ايجابية
وليه مش صرخنا وقلنا لازم يتحبسوا
في شئ غير الهجوم علي الاديان
بالنسبة لعبد الكريم
عشان كدة ذكرت امثلة زي جمال البنا ونوال السعداوي وغيرها اكيد

انا مش متعاطفة مع عبد الكريم خالص
بس انا بتكلم عن مبدء
انا بقول ان السبب الحقيق ورا القبض عليه هو اهانة الرئيس ودة اللي هيخلي بعض المدونين اصلا يخافوا علي كلامهم

وبالنسبة لموضوع ظابط ام الدولة والله كنت في حالي بس كانت في مظاهرة لحركة كفاية
فكنت عايزة اعرف اصلا ايه المظاهرة دي وسببها
فقوت شوية وقربت لقيت الظابط جايلي قالي الكلمتين دول
فقلتله هو حد قالك اني هشارك وبعدين انت بتكلمني كدة ليه
قالي بدل ما ناخدك معانا ونقول ان انتي كنتي معاهم امشي يلا من هنا
قلتله انا مش كنت هشارك انا كنت هقول كلمة واحدة بس
فبصلي باسيغراب منظر مني اقول ايه الكلمة اللي هقولها
قلتله هقول سعد سعد يحيا سعد
وسبته ومشيت:))

موضوع ال 18 طالب
هما مش عملوا حاجة غير ان جزء منهم من الاخوان المسلمين وسلموا علي زميالهم اللي خرجوا من المعتقل في العرض اللي عملواه قبل كدة في الجامعه
وكانت التهمة صريحة ان هما وزعوا ورد علي الطلاب اللي خرجوا من المعتقلات ودة ادي الي حدوث بلبله داخل الجامعه في حين ان الطلاب دول حضروا محاضراتهم كلهم في اليوم دة يعني النتيجة اللي طلع بيها التحقيق فشنك
وفعلا المحضر بتاع مجلس التأديب كانت مكتوب قبل كدة
واول ما الطلب دخلوا قالولهم هل ليدكم اقول اخري
الولاد ردوا وقالوا هو احنا قلنا اولي لما يبقي لينا اخري
فرد المحقق وقالوا مش مشكلة هتقول مش حصل انا كتبت دة نيابة عنك

يعني هما مش عملوا حاجة غير ان هم سلموا علي زمايلهم وطالبوا بانتخابات حرة وطالبوا بتأسيس اتحاد حر

Mon Mar 05, 07:42:00 PM GMT+2  
Blogger smraa alnil said...

super nova

ههههههههههههه
ايوة يا سيدي قولي انتي بس اتكلمي اتكلمي لحد ما اروح فيها انا
بجد الكلام دة لما عرفتوا اتوجعت اوي
فضفة وجعتني وانا بقراها وانا بكتبها
حسبي الله ونعم الوكيل
بجد زعلت انك مش هتعرف تيجي

Mon Mar 05, 07:43:00 PM GMT+2  
Blogger قاسم أفندي said...

من هنا ومن موقعي هذا أقدم لك باقة ورد (أحتياطي)
مش عارف جايز تكون آخر باقة ورد أعرف أقدمهالك عشان بعد كده مفيش غير العيش وحلاوة
:)

Mon Mar 05, 08:13:00 PM GMT+2  
Blogger الدبور said...

كل اللي اقدر اقوله ان انا جاي و رنبا يسهل ان شاء الله

Mon Mar 05, 09:05:00 PM GMT+2  
Blogger Ma-3lina said...

اه منك يا بلد

الورد باه تهمة دلوقتى

مال لو شافو مقالك هيعملوا ايه يعلقوكى

Mon Mar 05, 09:47:00 PM GMT+2  
Blogger Amr Ahmed said...

هما بيقبضوا علي اللي بيهدي ورد

طيب يا انوج بقي انا عاوزك تجيبيلي

ورد بقي

علشان نسمع عنك سمع خير

وشكلك كده احنا اللي هانجيبلك عيش وحلاوة قريب

Mon Mar 05, 09:50:00 PM GMT+2  
Blogger amira said...

انجيييييييييي

وأنا أقول برضه أسمهان ماتت ليه
وأم كلثوم وزكريا أحمد
ياااه ده الواحد ساعات مابيربطش الحاجات ببعضيها بشكل
......
بصي يا أنوووج
بعبعي يا حبيبتي وقولي كل اللي في نفسك
واشتمي كمان زي مانتي عايزة
انما تزعقي و تشيلي يافطة وتمشي في الشارع أو في طُرقة بيتكم
لأ
علشان الباشا عنده حساسية من الصوت العالي واليُفط وطُرقة بيتكم
.....
بصي يابنتي
فات الكتير ما بقى الا القليل
هايقعد فيها كام سنة يعني ؟
يا شيخة ارحموا كبيركم
اصبري اصبري
وبعدين ايه حكاية المثليين كمان ؟
انتي عايزة السيدة الفاضلة ما تلاقيش حد يختارلها الهدوم ولا ايه ؟
ده انتي مش مثقفة خالص
.......
ها شوفك الجمعة وهاجيبلك ورد
بالعند فيكي

Mon Mar 05, 09:55:00 PM GMT+2  
Blogger harmless said...

يا ترى يا هل ترى
ما الذى سيدور فى راس معالى الرئيس عندما اقول له انك حاكم فاشل؟

انا فى داخلى لا اقصد شتائم
ولا فى قلبى كره له
ولا اصدق اتهامات الخيانه ولا العماله ولا اى شئ

انما هو رايى البسيط المسطح وبكل احترام وتقدير وذوق الى اخره

حكمك فاشل
تحكم من 25 عام بدون حروب ولا كوارث
وتتلقى معونات من يمين وشمال
وشعب هادئ ومسالم
ونهر وجو وشواطئ واثار وبترول وقناة سويس ومناخ جيد وموقع وسط العالم

ثم
فقر مدقع
تعليم فاشل
المرضى يتسولون العلاج
السرقه والفساد والرشوة فى كل مكان
قضايا بالملايين
الزواج مستحيل للاغلبية
الشباب يفضل المغامره بالموت غرقا او بين الثلوج على ان يستمر فى بلده
اهانات للمصريين فى كل بلاد العالم العظيم منها والحقير
و
و

هل هناك فشل اكثر من هذا؟
ولو هذا نجاح فما هو الفشل؟

افكر كثيرا
ما الذى سيدور فى خلده عندما اقول له هذا؟

مين الكلب ده اللى يقولى كده؟
ايه الحمار ده اللى مش فاهم حاجه؟
اصله جاهل مش عارف ايه اللى بيحصل وراء الكواليس؟
الواد ده بيتكلم صح وعنده حق؟

بجد لا اعلم كيف سيفكر فى كلامى
ولكنى ابدا ابدا لا اتخيل ان كلامى هذا سيجد فيه سبب لاعتقالى او سجنى او تعذيبى او قتلى

انه مجرد رأى
ايه المشكله؟

بس فعلا
تفسى اعرف حيفكر ازاى

Mon Mar 05, 10:14:00 PM GMT+2  
Blogger smraa alnil said...

قاسم افندي

ههههههههههههههههه
خلي بالك بيقبضوا علي اللي بيجيب ورد
انت حر انا قلتلك وخلاص اهو
ممكن بس الحلاوة بعد كدة تبقي بالشيكولاته
وياريت عيش شامي اصلي بحبه اوي
___________________________

الدبور

ان شاء الله هنستناك

Mon Mar 05, 10:29:00 PM GMT+2  
Blogger smraa alnil said...

ما علينا

هما ممكن يعلقوني يا مرام
يا خسارة شبابك يا سمرا وانتي متعلقة زي دبيحة العيد
عاااااااااااااااااااااااااا
___________________________

عمووووووووور

صدق اني هبلغ عنك وتقول ان انت الملا عمرو
واخلص من لسانك الطويل دة
وان انت اللي محرضني علي كتابة البوست دة
ماشي يا عموووووور

Mon Mar 05, 10:30:00 PM GMT+2  
Blogger smraa alnil said...

اميرة

هههههههههههههههههههههههههه
ايه العلاقة صحيح
قصدك يه بقي
ادا هو الموضوع وصل كمان لطرقة بيتنا
يا فضايحي
القليل ايه بس يا اميرة انتي مش معانا ولا ايه ولا مش تباعنا
ما هو الباشا الكبير بعد ما يفلسع قولي امين هيجيلنا الباشا الصغير

معلش يا سيتي اصل فعلا مش مثقفة
هو في حد مثقف يقول كدة برضه
سماح يا اسيادنا

بقولك ايه انا عايزة اجيب عيال الربيهم
خلي الورد ليوم تاني
او مني ليكي
بس ياريت بجد تيجي الاجتماع
___________________________

هارملس

يؤسفني اني اخيب ظنك واقولك انه فعلا مش هيفكر
لان لو كان عنده ذرة تفكير واحدة بس كان حال البلد اتغير
هو كل تفكيره منصب علي نفسه وبس
ويؤسفني انه لو سمع كلاك او كلامي مش هيبدي اي اهتمام ومش بعيد يلفق لينا اي تهمة
او يقول علينا مختلين عقليا
او هيقول اهم شوية عيال ومش فاهمين انا بعمل ايه
يعني باي حال هو لا هيسمع ولا هيفكر فمش تشغل بالك بموضوع هيقول ايه دي لما يسمعك

Mon Mar 05, 10:33:00 PM GMT+2  
Blogger نضـــال said...

جمييييل
جميييل اوي
هو ايه؟
الورد طبعا
وطظ فى أعداء الورود
وفي الشىء اللى أريد ان أتقيأه

Mon Mar 05, 10:39:00 PM GMT+2  
Blogger amira said...

أنا كان قصدي بالثقافة
ان المثليين منتشريين
ولو قبضوا عليهم فيه وزارات هتتوقف عن العمل
....
وبعدين لمّا الكبير يفلسع قولي أمين نبتدي مع الصغنن من الأول تاني
احنا ورانا حاجة
.......
بالنسبة بقى للعيال
كده كده هيتربوا ما تقلقيش
.......
الورد بيجهز خلاص

Mon Mar 05, 10:45:00 PM GMT+2  
Blogger نبض اسكندرية said...

سمراء

بجد لاتعليق على الكلام دة

حسبنا الله ونعم الوكيل

كنت اتمنى انى اكون معاكوا

لكن اسفة مش هقدر لانى صعب قوى انى انزل مصر

لكن هاستنى منك تبقى تنزلى اخبار اللقاء دة

احييكى على البوست

سلام

Mon Mar 05, 10:51:00 PM GMT+2  
Blogger smraa alnil said...

ههههههههه نضال
افضلي سخنيني انا كدة بس وفي الاخر مش هلاقيكي جنبي
طظ واحد قولي طظين كتييييييييييييييير
___________________________

اميرة

هههههههههههههههه

تصدقي عندك حق فعلا دة حاسة ان البلد كلها ممكن تقف لو اتقبض عليهم
توقف ايه
ة احنا ممكن نلاقي نص الشعب مقبوض عليه
هههههههههههه

علي رايك احنا ورانا ايه بس ادعي كدة ربنا يديني ويديكي طولة العمر لحد ما نوصل للباشا الحفيد كمان
العيال وصيتك انتي بقي طالما انتي اللي قلتي وليهم ربا يا بنتي
دة انتي مصممة تخلصي مني بقي

Mon Mar 05, 10:51:00 PM GMT+2  
Blogger smraa alnil said...

نبض اسكندرية

بجد كان نفسي تكوني معانا بس ولا يهم ك يا جميل نجيلك احنا هناك
ربنا يخليكي وفعلا مش بادينا شئ غير حسبي الله ونعم الوكيل لينا رب

Mon Mar 05, 10:52:00 PM GMT+2  
Blogger مصر هى أمى said...

انوج

ان شاء الله فى الاجتماع لازم تجيبى ورد لينا كلنا بالمنظر ده هتخدى اعدام

فى حكاية كريم انا معاكى فى نقط معينة بس اكتر حاجة فرحت بيها انه خد 3 سنين ازدراء اديان و1سنة واحدة اهانة الريس مكنتش العكس لحسن تبقى مصيبة ان اهانة الريس اهم من ازدراء الاديان

اما حكاية طلبة الازهر فدول مظلومين والطلبة بصراحة الامن والجامعة بتتلكلهم امن الدولة دلوقتى هوا اللى بيحكم الازهر

اما حكاية النيشان للامريكى فالواحد مستغرب احنا ادناهولوا بناء على ايه
الظاهر ان الريس بقىء رئيس امريكا واحنا مش عارفيين

اما يجيلك كده عريس ان شاء الله وهوا جاى جايب معاه ورد اعرفى انه من امن الدولة ومدسوس عليكى علشان يعرف اخر اخبار التنظيم السرى بتاعك اللى انتى كنتى بتلمى اشتراكاته الاجتماع اللى فات
دى نكتة لحسن الحكومة تصدق وتقبض عليكى بجد وانتى عندك اهل برده عايزة تربيهم

Mon Mar 05, 11:02:00 PM GMT+2  
Blogger micheal said...

أنا جااااييييييي...و ربنا يستر
تحياتي

Mon Mar 05, 11:48:00 PM GMT+2  
Blogger cat_eyes(همس الليل) said...

اخترنااااااه
وبيعنااااااااه
هههههههههههههههههههههههههههه


انا مع اول قفا هعترف على طول انها مكنتش ورده عاديه

دى كان صبار

يلا يا بنتى ما هى بازت خلاص بتتكلمى فى ايه


المهم بئا انتو حكايتكو ايه

هتفضلو تتقابلو فى مصر كدا كتير

تعالو اسكندريه يا جدعان قبل المحافظ الجديد ما يهدها على راسنا
الله يحرقو

Tue Mar 06, 12:20:00 AM GMT+2  
Blogger متغيرة شوية said...

مش عارفة ليه الأول افتكرت انهم فصلوا الطلبة بتوع الورد علشان مراعاة للاداب العامة لأن العيال جابوه ي الفلانتاين:)
بس اذا عرف السبب بطل العجب..هما غالطانين برضو انهم ادو زمايلهم ورد..ككانوا مفروض يدوهم ورد من بتاع فيلم مافيا

تصبحي على خير يا بلد

********
على فكرة انا احتمال اجي لقاء المدونين ..هاشوفك هناك بقى

Tue Mar 06, 12:33:00 AM GMT+2  
Blogger بين الأمل و اليأس said...

الحمد لله انا بره مصر
يعني اشتم براحتي والي عايزينه يعملوه
مصر هي امي نيلها جوه دمي مصر مصر نموت لمصر وتموت الحكومه
ولتحيا انجي
انجي انجي
ده بس عشان لو بقيتي ريسه في يوم من الايام تفتكريني
نتكلم جد حرام عليي ياشيخه دنا نفسي انزل وارجع مصر تيجي تكرهيني فيها لازم تسيلي النظاره الملونه اللي انا لبستها
ياستي احنا قلنا قبل كدا مش هاتتصلح غير لما انتي تبقي ريستها
وبعدين
مين قال انهم بيدورو عليكي همه عايزينك يفسحوكي فسحه كدا على السريع يعرفوكي اختنا الوحده عامله ازاي واختها التانيه المجاعه واذا عاجبتك القاعده هناك مش هايغصبوكي ولو معجبتكيش هاتعدي بردوا هناك الاقامه جبريه لمدة 17 سنهمتقلقيش اهه تتعرفي بالناس هناك
وبعدين من الاخر كريم ده انا رغم انه شخص عادي زينا لكن لما شفتالكليب بتاعه عند داليا زياده
بجد استحقرته اه هي جت عليه يعني وهانتكلم مايشوفوا الناس التانيه زي مانتي بتقولي بس انا عن نفسي
اههه مهما كان فهو غلط كون بقه قبل مايحسبوه كانوا حاسبوا اللي غلطو قبل منه فدي عندك الف حق
بس هي دي مصر بوكره يموت وتبقي امسكي مكانه وانا هاكون النائب العام بتاعك صح كدا يا نوجه
وممكن تطلعي مؤدبه وتسيبيلي الرياسه ابقى ريس لا سلكي من هنا وتكوني انتي المدير التنفيذي بتاعي
وبكدا يبقه ضمنا انها مصر هاعمر ان شاء الله وهاتبقى كلها فلوووس في جيبنا
وياستي فكرتيني بالورد اللي انا بعتوا البارح بس مش هاقول لمين احسن هو مش ناقص مشاكل
وكمان معنى الالوان
تخيلي كدا الورده البيضا معنى هدنه من الحرب والورده الحمره اشعال الحرب والورده الصفرا رماد الحرب والورد البنفسج ده بقه استسلام
ايه العلاقه عادي هاهيس وانابره مصر
بس برده هافضل اهدي الورد لاهل الود لاهل الجمال هاهدي الورد لمقدرين جمال الورد ساهدي الوردلبضيضاء القلب ساهديه لكي يانجي بكل الوانه بكل معانيه لان الورد هو الجمال ومن المستحيل ان يحمل الجمال ما هو بغيض على القلب
ويمسكوكي بقه وانتي ماشيه وتعدي تقولي ده مش بتاعي وبتاع مليش دعوه الورد تاخديه وتحطيه على راسك وتقولي انا شايله الورد
ومتقلقيش همه هايقوموا بالواجدب واهه ابقه ابعتلك اميل عيش وحلاوة من هنا
بس بجد نفسي احب مصر
الغربه وحشه اوي يابت يا انجي نفسي اكتب في المدونة مش عارف حاسس انها اتكتبت في مصر ولازم تكمل في مصر
وربنا يسترها

Tue Mar 06, 12:39:00 AM GMT+2  
Anonymous Anonymous said...

السلام عليكم
عايز ارد و اكلم بس الكلام كتير
بس يا سمراء انتي اكيد عارفه اكيد حاسه اننا و الله نعاملك كاخت
بالله عليك ما يفيد اللقاء
دورك كفتاه مسلمه ليس وسط الشباب بالله عليك اسمعي بالله عليكي افهمي
كلامك من مكانك له تاثير السيف علي العقول و علي القلوب بل انه احيانا يكون اشد من السيف و انعم من الحرير كلامك صادق..خليكي في ممكلتك نصيحه لله
و الله المستعان

Tue Mar 06, 01:18:00 AM GMT+2  
Blogger بين الأمل و اليأس said...

طب والله انا كنت كاتب اميل ببلعغ فيه سلامي للجميع وللي هايجوا لقاء المدونين وبقلهم هاجبلهم عيش وحلاوة قريب
اصلي هابعتلهم معاكي ورد وكدا
بس لو خايفه على نفسك يبقه ورده واحده كفايه ووزرعيها عليهم عشان محدش ياخد باله من الورده وهي متقطعه لكن لو قطعه واحده هايشدوكم علطول واناعافرك بنت محظوظه والحظ في رجليها
وربنا يسترها عليكم يارب
وربنا يسترها

Tue Mar 06, 01:31:00 AM GMT+2  
Blogger kaed said...

أية يا جدعان هو فى لقاء شهرى و أنا معنديش خبر ....خياااااااااانة
المشكلة إنى ساكن فى إسكندرية أية رأيكم لو تعملو القاء بتاع شهر يوليو يدينا ويديكم طولة العمر فى إسكندرية... أنا ححاول آجى و ربنا يوفقكم

Tue Mar 06, 01:55:00 AM GMT+2  
Blogger zordeak said...

مساء الفل


مساء الورد


سعد سعد يحيا سعد

فااكرة

ههههههههههههه

كل سنة وانتى طيبة يا انووجى

وكل سنة وانتى مصرية

معاااارضة

حالة القرف والزهق الى بينط من كلامك
وصلالنا كلنا

كلنا زهقنا وقرفنا

بس كلنا هنفضل نحب الورد

ونجيب ورد لبعض

ولا ايييييه

:)

فيينك من زماان

ليكى وحشة قااااااااااد كدهوه

Tue Mar 06, 03:05:00 AM GMT+2  
Blogger الدبور said...

ماشي يا انجي بس لما اشوفك ؟
:(((

Tue Mar 06, 03:54:00 AM GMT+2  
Blogger frozen love said...

عزيزتي سمرا..اولا مش عارف اقولك قد ايه انا مضايق اني بقالي كم بوست مسبتش تعليقات...بس انتي كيد عارفة...وهتروحي مني فين..ده في كلام كتير عايز اقولهولك

انا بالنسبة للبوست ده

مفيش بغد الكلمتين دول

اه يا بلد عايزة ولد

دي حقيقة مرة فعلا..واي حاجة تانية هقولها انتي باحساسم اللي انا عارفه كويس اكيد وصلتك من قبل ما اقولها

اللقاء ان شاء الله انا جي بس هتاخر شوية
ويا ريت تبطلي بوستات من دي عشان هنتمسك بجد يا انجي كده
lol

تحياتي

Tue Mar 06, 04:04:00 AM GMT+2  
Blogger إبراهيم محسن said...

طيب بقى أنا الليلة عجباني وعاوز اشترك...بس إزاااي؟

يعني إزاي يعني..هعرفكوا إزاي..أوك لو ليه مكان في القعده شغال..بس ياريت تديني أمارة ولا علامة..يعني أحط بادج البلوج على هدومي ولا أكتب اسمي ولا أمشي أقول ياجماعة محدش شاف إنجي؟

حليها يا سمرا

Tue Mar 06, 04:13:00 AM GMT+2  
Blogger سجين فى قلب الوطن said...

نشكركم على اختياركم الخطوط الجوية الأمنية

و نتمنى لكم رحلة ممتعة على متن عرباتنا المصفحة

و فى حال وجود اى شكوى من سوء الخدمة او المعاملة او توصيل الطلبات للمنازل

نرجو الأتصال على الرقم التالى
122 نجدة

او بلاش تتصل اشتم انت بس و احنا نوصل لك
:-D :-D :-D :-D
انجى ازيك ؟؟؟؟؟
اخبار الحياة هناااااك ايه ؟؟؟
انا سامع ان لاظوغلى فيه رووووف يجنن

يلا ما علينا
هههههههههههههههههههههههههههه

اعلان هام
--------
على السادة اصحاب المدونات قاطنى محافظات
الأسكندرية و البحيرة و مطروح و كفر الشيخ و دمياط و بورسعيد
:-D
الأتفاق على موعد شهرى للقاء
أشمعنى يعنى بتوع القاهرة و لا احنا ولاد البطة السوده يعنى
:-D

ألى موافق فيهم يرفع ايده او يجيب لأنجى ورده :-P
"بما انها طبعا خايفه من الورد"

أنجى حصيلة بيع الورد مناصفة بينى و بينك :-P

على العموم انا حعمل بوست ناخد فيه أرارء الجمهور :-D أو نتصل بصديق
بخصوص اللقاء الشهرى لمدونى الأسكندرية
و الدعوة عامة للكل حتى بتوع القاهرة كمان :-D

يلا تشااااااااوزززز
علشان انجى كدا ممكن تضرب أو تمسح الكومنت :-D:-D:-D:-D:-D

Tue Mar 06, 04:29:00 AM GMT+2  
Blogger سجين فى قلب الوطن said...

أعتذر عن هذا التعليق مقدما

أقتراح لقاء شهرى لمدونى الأسكندرية
http://misryawey.blogspot.com/2007/03/blog-post.html


الأستاذه الفاضلة أنجى متبرعة بالأعلان المجانى ده
:-D

دمتى زخرا للوطن و المواطنين و ولاد البطة السوده ألى هم اهل اسكندرية
و سمعنى نشيد
بلادى بلادى انا مش جاى و رايح النادى

يلا تشااااااااااوووووووووز

Tue Mar 06, 05:14:00 AM GMT+2  
Blogger إبـراهيم ... معـايــا said...

أنا قلت ألحق نفسي ، وأقول لك كفااااية قوووووي عليــــا الكلااام اللي انتي كاتبااااه

قال كريم عامر قاااال يا بلـــد !!!! ، حقيقي تسلم إيـدك ياااا سمرا ! ......




بسهوا فيه حاجـــة برضه ،،،،، هوات ده كده بوست صغير بالنسبـه لك ..؟؟؟


ههههههههه


طكيب ، أشوف وشـك بخيـر


تحيااااااتي يا سمرا يا جميلة

Tue Mar 06, 06:15:00 AM GMT+2  
Blogger smraa alnil said...

مصر هي امي

انت عايز تخلص مني ولا ايه
اعدااااااام يا لهوووووووووي
دة انا مش متخيلة نفسي والعصايا ادامي قصدي ورايا او وانا متعلقة في الكرسي
تقوم تقولي اعدام
اللهي يوجع بطنك يا محمد
هههههههه
طبعا اهانه الريس من ازدارء الاديان انت اكيد بتهرج
دة ذات عليا يا بابا
لا هو مش بقي رئيس امريكان احنا اللي بقينا شعب امريكي
لا وعلي ايه بلاها عريس احسن
انا هوجع دماغي علي ايه
ايوة ايوة ماهي ناقصاك بقولك ايه انا شايله هم العيال اللي جيبهم عايزة اربيهم خليني ساكتة بقي
___________________________

مايكل

تعالي يا مايكل وانا ابلغ عنك

Tue Mar 06, 07:29:00 AM GMT+2  
Blogger smraa alnil said...

همس الليل

هههههههههههههههههه
يا جبانه
علي رايك هي بايظة خلقة اصلا
بس هنعمل ايه بقي
شوية فضفضة بيريحوني
انتي عارفة انا وعدتك هجيلك بس اموري تتصلح شوية هنا
واجيلك هوا وسيبك من كل المدونين ههههههههه
___________________________

متغيرة شوية

هههههههههههههههه
اه يا بنتي اصل موضوع الورد في الفلانتين دة بقي حاجة قبيحة
بس الظاهر العيب علي الورد نفسه
تصدقي عندك حق حد يدي برضه لزميله
طب دة حتي عيب
لالالالالالالالا مش في حاجة اسمها احتمال في حاجة اسمها انا انشاء الله جاية
مش تهرجي بقي كفاية اني مش عرفت اشوفك المرة اللي فاتت مع ياسمين

Tue Mar 06, 07:29:00 AM GMT+2  
Blogger smraa alnil said...

بين الامل والياس

ههههههههههههههههه الله يخربعقلك يا حازم
هتوديني في داهية
ريسة مرة واحدة
اه اشتم انت فيهم وانا اللي هتنفخ يا عم مش انت
ماهما مش هيطلوك
يا حازم مانت عارف بلدك من قبل ما تسافر اصلا
ويا خوفي بقي من فسحتهم دي
ربنا يستر
انا قلت بالنسبة لكريم عامر بغض النظر عن فكره ايه او ميوله ايه
انا مع الانسانية
لالالالالالالا انا عايزة اعرف بقي جبت الورد لمين انت مش قلتلي علي الموضوع دة
وبعدين ما بلاش انا تهديني الورد هو انا ناقصة
انا ممكن اقولهم ان انت رئيس القاعدة ويجي يضربوا البلد اللي انت قاعد فيها
عشان يدورا عليك ويحتلوها بقي
والمدونة لازم تتكلم عن اللي جواك فيها اتكتب في مصر بقي ولا موزمبيق لازمم تكتب فيها حازم
___________________________

anonymous

وعليكم السلام
انا معاك قلبا وقالبا
بس انت بتقرا ردودي عليك قبل كدة في الموضوع دة
قلتلك هاتلي البديل
بجد انا استفدت اوي في حياتي عامة من اللقاء اللي فات واللي قبله
بجد بقابل ناس مختلفة في فكرها وميولها وطباعها
انا عارفة ان انت صح
بس انا لوحدي كدة بيبقي صعب
انت بتخجلني بجد بكلامك ومش عارف ارد عليك

Tue Mar 06, 07:29:00 AM GMT+2  
Blogger smraa alnil said...

بين الامل واياس


هههههههههههههههههههه
خايفة علي نفسي ايه هو نفسي بس
دةامه لا اله الا الله دول مش بعيد يضربوا الاوبرا كلها
ههههههههههههه
انت بتحسد علي ايه يا حازم جتك نيلة
وبعدين هاتلي امارة واحدة ودليل واحد قاع ان الحظ في رجليا
ههههههههه
انت مش عارفني ولا ايه
___________________________

قائئد

يا عم ما انا بقولك اهو
والاعلان اد كدة في المدونة اهو
لا موضوع المقابلة في اسكندرية دي يدينا وديك طولة العمر صعب شوية
بس انت حاول تيجي بس وربنا هيسترها

Tue Mar 06, 07:30:00 AM GMT+2  
Blogger smraa alnil said...

zordeak

لالالالالالالالالالالا
مساء اي حاجة تانية غير الورد والنبي
مش ناقصة اخس عليك يا فؤش عايز تخلص مني ولا ايه
هههههههههههههههه طبعا فاكرة هو انا هنسي

ايه المناسبة بقي عشان تقولي كل سنة وانتي طيبة
بتهنيني مقدما بالاعتقال يا فؤش

اه والله انا قرفت بقي وبقيت حاسة بقرف جامد لدرجة اني عايزة اخج اتف علي الناس كلها ههههههههه
انا موجودة بس انت اللي مختفي ومش عارفة اتصل بيك
والله انت واحشني
___________________________

الدبور

ههههههههههههههههههههههههه
هو انا كلمتك ولا جيت ناحيتك
انت هتتلككلي بقي ولا ايه
دة انا ابلغ عنك يا اسامة واقول عليك ناشط سياسي من الدرجة الاولي وانت اللي زعيم العصابة

Tue Mar 06, 07:30:00 AM GMT+2  
Blogger smraa alnil said...

frozen love

يا سيدي انا عارفة انت مشغول اد ايه
بصراحة اليل عملتوا معايا يشفعلك اي حاجة
ربنا يخليك ليا يارب ويسعدك يارب
انا عارفة
بس ايه حكاية اي حاجة انت عايز تقولها انا حاساها دي
انت عارف اني بحس بكلامك
يعني معني كدة بعد كدة انك مش هتتكلم خالص وهتقولي اكيد انتي حاسة وتسيبني وتمشي
هههههههههههههههه
برضه هنستناك
___________________________

ابراهيم

بص يا سيدي
انت اول ما هتخش علي الكافتريا حاجة من الاتنين
يا تلاقي مجموعه قاعدة مع بعض وهيبقي باين علينا صدقني
يا تسال بتوع الكافتريا فين لقاء المدونين وهما قاعدين فين
بس نصيحة مني
لو لقيت مجموعه قاعدة مع بعض يبقي احنا وخش قول بلوجرز
واحنا هنجيبك علي طول
سيبها علي الله

Tue Mar 06, 07:30:00 AM GMT+2  
Blogger smraa alnil said...

سجين في قلب الوطن

ههههههههههههههههههههههههههههههههههههههههه
دة انت عايز تخلص مني رسمي
ما الورد هيبقي محظور يا طارق بقي
انا لا هضرب ولا همسح الكومنت
انا بس هبلغ عنك ان انت اللي محرضني اكتب كدة تحت تهديد لسلاح
وهما لو شافوني اتمسكن فيها واقولهم دة انا بريئة وهو اللي ضحك عليا
___________________________

سجين في قلب الوطن

ههههههههههههههههههه
ش تحاول برضه مش في حد هيكون معاك بقولك ايه ما تنفض للقائك دة وتعالي القاهرة وكون معانا
وانت قلتها كلمة دة اذا اصلا اتحرك اهل اسكندرية
___________________________

ابراهيم معايا

مش بذمتك عندي حق
اه طبعا دة صغير اومال انت عايزني اكتب سطرين وخلاص
مش لازم ادلو بجردلي هنا ولا ايه
المهم انك موافقني في اللي قلته وربا يسترها
بس اوعي تجيب معاك ورد يا ابراهيم

Tue Mar 06, 07:30:00 AM GMT+2  
Blogger اخر من الاخرين said...

ده علي كدة المفروض يطلعوا صلاح جاهين من التربة و بعدموه شنقا و رميا بالشوك في ميدان عام علشان كتب

ورد في ورق سلوفان يا حلوة اهديلك
ولا انقلة بالطين في شتله و اجيلك
الاولاني لو وحي بحناني
عجبي علي التاني بايه يوحيلك

و دة اسقاط خطير علي الحكومة و لي تأثير سلبي علي مصلحة و امن مصر و ينبي بحدوث تخلخلات زهرية في المجتمع بس هسالك سؤال حيوي يا سمرا و هوة هل لون الورد كان لي دلالة معينة يعني في ورد يودي القناطر وورد يودي ابو زعبل و لو اخدنا القناطر كحالة مالسجن مزروع حواليه ورد هل دة اشارة لشي ما ..
و هل القرارات دي هيكون ليها تاثير علي الفلانتين السنة الجاية باعتبارة انتفاضة الورد في العالم العربي .
اخذا في الاعتبار الكلام و التسائولات اللي فوق احب احيكي علي البوست و اطمنك ان لو اتقبض عليكي هاجي اضمنك و هقول ان حلمك انك تمتلكي مشتل و سماعك للكلام دة اثر علي طموحاتك و قواكي العقلية و هطلعك زي الشعرة من العجين قصدي هدخلك قائمة المخاليل :)
و اقبلي مني الوردة دي هدية :)

Tue Mar 06, 08:34:00 AM GMT+2  
Anonymous حسن محمود said...

كل شىء جايز فى الزمن ده
ماتستغربيش من حاجه خالص
ياستى البلد مش ماشيه بقانون
ماشيه بالمزاج
اللى مزاجه فى حاجه يعملها
يعنى نغير الاسم اللى كانت مشهوره بيه
بلد بتاعت شهادات لبلد بتاعت مزاجات
على كل حال ماتخفيش
"قل لن يصيبنا الا ماكتب الله لنا"
سورة التوبه الاية 51
وياستى كان نفسى أحضر اللقاء بس مش هاقدر
مش علشان خايف انما علشان شايف ان المدونات والانترنت ده عالم تخيلى
يعنى حاطط لكل واحد صوره فى دماغى
فاذا حصل وقابلتكم وكان فى خلاف بين اللى فى دماغى والحقيقة هازعل قوى
على ايه بقى ؟
على كل حال ربنا يوفقكم وتتبسطوا
سلام

Tue Mar 06, 08:53:00 AM GMT+2  
Blogger سجين فى قلب الوطن said...

أنجى عيب عليك انا اخلص منك برضه
ده كلام

اومال حأنصص مع مين تمن الورد :-D

هههههههههههههههههههههههههههههههههههه

نفسى فعلا احضر لقاء يوم الجمعة لكن مع كل أسف ظروف العمل تحول بينى و بين حضور اللقاء

أن شاء الله حأكون معاكم فى اللقاء ألى بعده

و بعدين لغاية دلوقتى انا بين الأسكندرية و القاهرة لسه ما أستقرتش بشكل تام فى القاهرة

و فعلا انا نفسى اهل أسكندرية يكون ليهم نشاط لأن فى ناس كتيره جدا منهم أصحاب رأئ و مثقفين بدرجة عالية جدا و اللقاء معاهم حيكون مفيد للكل

لكن الشعب السكندرى مع كل اسف شعب كسول حبتين

دعواتك معانا ننجح فى اسكندرية

و برضه منها فايدة علشان اخوانا بتوع القاهرة لما يجوا يصيفوا عندنا يلاقوا متنفس ثقافى حر
:-D

لالالالا
مش تنشيط سياحى لأسكندرية ما تفهمنيش غلط

و بعد الشر عليك يا سمرا من كل سوء

يلا تشاوووز

Tue Mar 06, 10:09:00 AM GMT+2  
Blogger bagabigo said...

برضه الجمعة اصبرى بس عليا لم اشوف وشك

Tue Mar 06, 11:51:00 AM GMT+2  
Anonymous Anonymous said...

إبراهيم


بلوجرز

Tue Mar 06, 12:23:00 PM GMT+2  
Blogger Memo said...

الله بخرب بيت دي سياسه هتخربها و تقعد على تلها
با بت انتي مش هتستريحي الا لما نترمي كلنا في المعتقل عشان ميبقاش الواد
كريم لوحده
هنسيب المدونات مخضره
و نخرج نلاقيها بقت تبع الحزب الوطني احنا مسكتنا بالعافيه و علينا احكام حريه راي

و هربانين
الليه يسترك
لايميها بقا
تحياتشي للبهوات بتوع امن الدوله في العصر البمبي الي احنا عايشين فيه في ظل الحكومه الرشيده
و سمعونا غنوه الحياه بقا لونها بمبمي و انا جنبك و انت جنبي
يا ريس

Tue Mar 06, 12:41:00 PM GMT+2  
Blogger Mohamed A. Ghaffar said...

متخلطيش الوراق ببعضها

Tue Mar 06, 01:19:00 PM GMT+2  
Blogger كلمه said...

saba7 elfol :D

ya benty ana wALLAHi bada2t 25af 3leeky ....
bs eshta y3ni ... lazem 7ad ye3ml keda w yetklm bel 2sloob (elsadma)

rbna yostor 3lena :D

Tue Mar 06, 02:34:00 PM GMT+2  
Blogger frozen love said...

انا عملت بوست جديد عايز رايك فيه..عشان مش عاجبني

انا الظاهر مش انا خلاص الايام دي

مستنيك في المدونة او يوم الجمعة بقى..زي ما تيجي


تحياتي

Tue Mar 06, 02:43:00 PM GMT+2  
Blogger copa said...

يااااااااااااااااااااااااااااااه انوووووووووووج والله والله البلوج بتاعيك لييييييييه وحشه غريبه و انتي برضه كنتي مختفيه تحت الارض ماشي يا ستي حمد الله علي السلامه ههههههههههه شفتي الورد بيدخل المعتقل عارفه لو كانوا استلموهم برشاشات و رصاص في دماغهم كانوا يخشوا الجنه هههه ما هي دي البلد وحالها و خلاص يا جماعه المفروض مش نستغرب من حاجه بعد كدا في البلد دي لان كل حاجه بقيت معقوله بس المفروض نحاول نصلح الي فسدوهه الكلاب دول

Tue Mar 06, 03:18:00 PM GMT+2  
Blogger The Alien said...

أنا هجيب عيش وحلاوة يوم الجمعة
أهي حاجة تنفع برضه

أشوفك الجمعة
تحياتي

Tue Mar 06, 03:23:00 PM GMT+2  
Blogger أميرة ويلز said...

ايه ياسمرا دة انتى كمان بتحكى فى الكلام دة

تصدقى بجد اللى بيحصل يخلى الحجر ينطق

مهازل بجد

وبعدين انا مش قلتلكوا تيجوا المنصورة كل مرة تتقابلوا كدة وانا عينى هتطلع على مقابلة واحدة

ماليش دعوة بقى

انا عايزة اجى

Tue Mar 06, 04:22:00 PM GMT+2  
Blogger www.blogs4arab.com said...

يسعدنا تشريفك
www.blogs4arab.com

Tue Mar 06, 05:34:00 PM GMT+2  
Blogger مُزمُز said...

هههههههههههه

أن أن آااان

Tue Mar 06, 06:00:00 PM GMT+2  
Blogger مُزمُز said...

وقع للتضامن مع كريم عامر وللدفاع عن حريتنا

http://blogger-in-jail.blogspot.com/

Tue Mar 06, 06:32:00 PM GMT+2  
Blogger 18goosebumps said...

اه والف اه والله الوحد مش عارف حيلاقيها من جوه ولا من بره
من معاملتنا لبعض
كمواطنين
ولا من معامله الدوله لينا
والا من الي بيحصل من مريكا واسرائيل فينا وفي اخواتنا

حنقول كتير ونفضفض ونسرخ

لكن المهم نثور بحكمه .... نكون
علشان نغير الاوضاع دي
من غير ثورجه ملهاش نتيجه

ربنا يصبرنا نعدى المرحله دي
وانا واثقه ان الامور حتتغير
على ايد جيلنا

يااااااا رب

كان نفسي اجى معاكم

تحياتى

Tue Mar 06, 06:53:00 PM GMT+2  
Blogger hesterua said...

المشكلة مش فى الورد ده
المشكلة فى البوكيه الكبيييير اللى وسع منهم وخايفين ميعرفوش يلموه

Tue Mar 06, 08:04:00 PM GMT+2  
Blogger soul said...

اه يا بلد عايزه ولد
و الولد فيكى ضعيف
اه من هم زاد و احتدم
وماله خلاص تخفيف
قبطانا بيغرٌِق مركبنا
و احنا ملينا من التجديف
تغرق ... تبوظ ... تتهد .... تخرب
و الله لو هيعملوها بلوبيف
هنقف نطالب و نزعق
يسيبولنا حبه فى طبق و جنبهم رغيف
اه يا بلد عايزه ولد
و الولد فيكى ضعيف


انجى .... ايه يا عم الجمال ده

والله ليكى وحشه

الواحد خلاص طهق من البلد باللى فيها

بس جامدين البقين اللى فى الآخر دول

و متقلقيش المشكله كلها فى الورد الاحمر
اصله ليه ايحاءات

هبعتلك ورد محمحى او فحلقى اللى هلاقيه بقى
:P

ويلكوم باك يا جميل
بس خلاص

Tue Mar 06, 08:16:00 PM GMT+2  
Blogger smraa alnil said...

انسان

تصدق دول لو يولوا يعملوا هيعملوه
انت مش سمعت عن الدعوي المرفوقعه من الرئيس علي واحد ميت من سنة
يعني مش غريبة خالص

مانا مش عارفة بقي هل الالوان ليها دلاله ولا لا
عشان كدة منعت الورد بكامل الوانه لحسن يطلعوا بقرار جديد ولا حاجة
هههههههههههههههه
هو انا لو اتقبض عليا هتعرف توصل ليا
عشان اصلا تضمني
وبعدين انت شكلك مش متابع هو في اصلا ضمان في امن الدولة
لا والنبي بلاش ورد
___________________________

حسن محمود

سيبك انت من اي حاجة تانية
دي اول مرة تزورني فيها وانت مش متخيل انا فرحانة اد ايه بجد
بس انت بقي جبت من الاخر ان البلد دي ماشية بمزاج
بس ليه اللي علي مزاجنا مش بيتعمل
اشمعنا المزاج الكبير هو اللي بيتنفذ بس
انا مش خايفة انا لو كنت خايفة مش كنت كتبت الكلام دة

بص بقي بالنسبة لموضوع الخيال والنت
احنا مش بندور علي شكل الناس
في ناس بجد تحس ان هي المدونة بتاعتهم ولو لقيت غير كدة يبقي بيتعلم عليه يعني هو منافق وكلامه دة مش شئ غير الخداع والحصول علي شهرة وبس
يعني تعالي هتلاقي الناس اللي جت المرة اللي فاتت هما مدونتهم
مش بتفرق كتير غير انك تشوف وشوش وابتسامات عمرك ما كنت هتتخيلها
بالاضافة لجو مناقشة محترم اوي

وربنا ما هيجيب زعل ان شاء الله تلاقينا زي مدوناتنا
مش تقلق

Tue Mar 06, 10:19:00 PM GMT+2  
Blogger smraa alnil said...

سجين في قلب الوطن


يا ابني ورد مين دة انا هالغيه خالص من البلد

عامة انت هتكون معانا وروحك بترفرف علينا عشان هتبقي مرحوم لاني هبلغ عنك بانك الملا طارق صاحب اول طلعه جوية في قاعدة طالبان ههههههههههه
ابقي قابلني دة انا هشمت فيك
___________________________

بجابيجو

يا سيتي بس شوفي وشي واشوف وشك ونبقي نحلها بعد كدة
بس صدقيني هو انسب يوم بجد لينا كلنا معلش بقي

Tue Mar 06, 10:20:00 PM GMT+2  
Blogger smraa alnil said...

انونيموس

نعم؟؟؟؟؟؟؟؟؟؟


علي العموم سبوت
___________________________

ميمو

هههههههههههههههه
يا بت اهو يبقي ونس
لما نكون كلنا مع بعض هنونس بعضشينا
وحياتك من غير ما نتمسك احنا محكوم علينا اصلا ولينا ملفات في امن الدولة
انتي مش تعرفي كدة ولا ايه
هي الحكومة نايمة علي ودانها
اوعي يا بت يكون جنبك
يبقي الله يرحمك يا ميمو
ماهو البمبي دة اللي مودي الناس في داهية

Tue Mar 06, 10:21:00 PM GMT+2  
Blogger smraa alnil said...

محمد عبد الغفار

صدقني لازم نخلط بعض الاوراق عشان نفهم الدنيا ماشية ازاي
ونربطهم ببعض
___________________________

كلمة

عمر الشقي بقي
بس هطلب منك خدمة والنبي ياريت تقدر تعملهالي
تجمع كل العصيان اللي في البلد
اصلي مش هقدر استحملها يا محمد
هههههههههه
يعني هو اللي لازم يتكلم بالاسلوب دة يكون انا يعني

Tue Mar 06, 10:33:00 PM GMT+2  
Blogger smraa alnil said...

frozenlove

هههههههههههه
يعني انت جاي بعد كلمة ماشي ماشي
دة انتوا متفقين بقي
عامة انا رحت وقريته
وردي هتلاقيه عندك
__________________________

كوبا

يا ابني انا مش مختفية انت اللي مش موجود
وانت اللي مش بتيجي
وبعدين البلوج نور بيك يا قمر
تصدق يا واد يا كوبا عندك حق والله لو كانوا عملوا في زمايلهم اي حاجة وحشة كانوا هياخدوا نيشان

لكن الورد بقي ومن الورد ما يودي علي المعتقل
وتفتكر يا كوبا يعني احنا هنغير حاجة من الكلاب دول فسدوها
تف علي قبري

Tue Mar 06, 10:34:00 PM GMT+2  
Blogger smraa alnil said...

the alien

بيشوووووووووووي
ههههههههههههههه وبطانية والنبي يا بيشوي اصل بيقولوا لومان طرة ساقع اوي بليل
___________________________

اميرة ويلز

هو في حد حكي غيري
هما لحقوا يسرقوا كلامي ههههههههه
وايها مهازل يا بنتي
منصورة مرة واحدة
دة المعتقل ارحم يا بنتي
طب تعالي وباتي عندي
بجد والله انا بتكلم بجد
وسافري تاني يوم يا سيتي
قلتي ايه بقي

Tue Mar 06, 10:47:00 PM GMT+2  
Blogger smraa alnil said...

www.blogs4arab.com

وانا كمان يسعدني التواجد
ولكني ارفض التقيد داخل مجتمع قد يفرض عليا حقوق للكتابه فيما بعد
شكرا للزيارة
___________________________

مزمز

ههههههههههههه
ادي اخدت منها ايه دي بقي

Tue Mar 06, 10:51:00 PM GMT+2  
Blogger smraa alnil said...

مزمز

سبقتك يا قمري وزرت المدونة دي ووقعت وحياتك من قبل ما تزورني انت
___________________________

فوكيرة

الف اه واحدة
دة انا نفسي اخرج اهات يا مي واسمعها للعالم كله
وعلي رايك هنلاقيها منين ولا منين
لينا رب اسمه كريم
تفتكري حتي لو ثورنا هننجح
ولا هياخدونا كدة كلنا دفعه واحدة
بس اهم شئ لازم نتاخد ان العصايا استخدام شخصي ولمرة واحدة
الواحد مش ناقص امراض
وانا كان نفسي تكوني معانا

Tue Mar 06, 10:51:00 PM GMT+2  
Blogger smraa alnil said...

دكتور زيفاجو

تفتكر فعلا ان البوكييية وسع منهم ومش عارفين يلموه
ولا هما اللي قاصدينه بجد
دي اول مرة تزورني فيها وبجد انبسطت اوي
___________________________

soul

ايه يا عم الكلام الجامد دة
تجديف
وبلوبيف
لا ظبطتني ههههههههه
والله انت اللي ليك وحشة
طب اللي فيها ذنبهم ايه
هههههههههههههههه
قصدك النصايح اللي في الاخر
اهو الواحد يفيد بيها غيره
هههههههههههههههههههه
ايحاءاته ايه يا ابو ايحاءات انت
شكلك كدة هتودينا في داهية وخلاص
انت اللي ويلكم باك مش انا

Tue Mar 06, 10:52:00 PM GMT+2  
Blogger مُزمُز said...

لا مسبقتيتنيش أنا توقيعي تاسع واحد يعني قبلك بكتيييييير

مجرد ملاحظة بس

المهم إني مكنتش متوقع إنك تتضامني لإنك مكنتيش متحمسة أوي لما علقتي عندي

بس يللا حصل خير كده تريحي ضميرك

سلام يا قمر

Tue Mar 06, 11:49:00 PM GMT+2  
Anonymous Anonymous said...

السلام عليكم ورحمه الله و بركاته
لن يخيب ظني فيكي
و الله يا سمراء انتي بالنسبه لي امل
و ان اظن بالله خيرا ان يجعل في كلامك خيرا بل الخير كله يهدي به من احب بمن احب
قولي كما قال سيدنا يعقوب
فصبرا جميل و الله المستعان علي ما تصفون

Tue Mar 06, 11:52:00 PM GMT+2  
Blogger shabfa2re said...

ربنا ييسر واقدر آجى المقابلة

Wed Mar 07, 02:31:00 AM GMT+2  
Blogger Oreka d'jadrool said...

آه يا بلد عايزة ولد بس أنا مش فاضى
هقول ايه بس
انا اول مرة ادخل عندك
ومع ذلك مش لاقيه حاجة اقولها

Wed Mar 07, 04:06:00 PM GMT+2  
Blogger عبوووووووود said...

هي دي مصر
المهم أنا كنت عايز أحضر اللقاء
فأقدر أعرفكوا ازاي
يا ريت تردي على إيميلي
abdoo_892005@hotmail.com
أو على المدونة
mesharef.blogspot.com

Wed Mar 07, 04:27:00 PM GMT+2  
Blogger BinO said...

أي حاجة بقي
وممكن أقول
Ce La Vie
عادي يعني
وممكن نكبر دماغنا
ونقعد في بيوتنا
:)

Wed Mar 07, 06:38:00 PM GMT+2  
Blogger حوريه said...

عزيزتى
و الله الناس ماشية تكلم نفسها على كل المستويات و ما خفى كان اعظم
ربنا يحفظك انتى قلتى اللى كلنا بنفكر فيه و من حقنا نقوله بصوت عالى و نحاسب المتسبب كمان ده لو كان فيه دستور حقيقى بيتطبق و حرية ابداء راى تحترم و حرية عقيدة ((و لكم دينكم و لى دين )).. و لو سكتنا هنكون منافقين و نستاهل كل اللى يجرى لنا و اكتر
(( استخف قومه فأطاعوه ))
اللهم لا تجعلنا ممن
يستخفون و يطيعون
اللهم لا تسلط علينا من لا يخافك و لا يرحمنا
اللهم ارفع مقتك و غضبك عنا يا الله
حقيقى الموضوع مش عايز تهريج
و شكرا

Wed Mar 07, 09:35:00 PM GMT+2  
Blogger محض روح said...

بصى موضع نوال السعداوى و البنا
اصلا هما صورهم على اساس انهم اصحاب فكر ومبداء شاذ وكفروهم وخلاص
لكن لما يطلع شاب جدبد ورور بقى ويتكلم هما لسه هيعملو الاسطوانه القديمه يبقو يعملو ايه احبسو خلاص
وموضع الورد بجد مهزله الى حصلت
فى الجامعه ديه
وطبعا ياختشى انتى ليكى حق تخافى على نفسك تبقى مسكه ورده ولا منك ولا عليكى وتلاقى نفسك اتمسكتى
ولما يسئلوكى بتهمت ايه تقولى كان معايا ورد
ده الى بيمسكو معها مخدرات فى الجامعه مش بيتفصل
فالظاهر والله اعلم ان الورد بقى اخطر
فنصيحه بلاش مش نقصين مرمطه
وكفايا لحد كده
وايمن عايز يجيب ورد
ملكيش دعوه خليه هو بالورد ونقف احنا بعيد نتفرج لما نشوف هيعملو فيه ايه
وتحياتى يا جميل على البوست الجامد ده

Wed Mar 07, 09:46:00 PM GMT+2  
Blogger sherif gharib said...

يا بنتى انتى مستغربه ليه ما كل حاجه فى البلد ديه متشقلبه
لدرجه اننا بقينا مش فالحين غير اننا نظبط فى الكبير و بس و اللى ممكن يفكر فى غير كده يعامل معامله الارهابى المتطرف اللى بقى اخطر علينا من بن لادن نفسه
اسف للتشبيه و لكنه اسم فقط
بقى الدستور الحاكم لكل معاملات الشعب المصى هس اخرسوا اللى هيتكلم ههرسوا
انتى كمان عايزاه يتهم قلعه الاسلام فى مصر بان لها افكار غريبه
ديه بقى تبقى الجريمه القصوى
و الله حاجه تضحك
اللى يتكلم على كل الفضائيات فى سخافات الدين يبقى نجم المجتمع الاول
و اللى يقول الحاجه بجد يبقى هو الارهابى الخطير ربنا يستر علينا
تحياتى

Wed Mar 07, 10:49:00 PM GMT+2  
Anonymous Anonymous said...

أنا إبراهيم

شفت صورتك على فكرة..مش هقولك فين..كده ممكن أعرف أتعرف عليكوا بسهولة..على العموم أنا كلمت محل ملابس كويس يعملي بادج البلوجرز على تيشرت أبيض..أهو ممكن كده تعرفوني

أراكم الجمعة بإذن الله لو محصلش ظروف الواحد مش ضامن نفسه

Wed Mar 07, 11:15:00 PM GMT+2  
Anonymous حسن محمود said...

ياسلام يا أنجى هانم
غالى والطلب رخيص
نزورك على طول ياستى ونعلق عندك اذا كان ده هايفرحك
بس انتى اكتبى بس وانشرى بوستات واحنا نعلق على طول
عايزينك مبسوطه
خدى بالك من نفسك

سلام

Thu Mar 08, 07:48:00 AM GMT+2  
Blogger Geronimo said...

مصر عمرها ما هتتصلح غير لما كل واحد يصلح نفسه ويصلح من حاله ويعمل اللي عليه
بغض النظر هو رئيس جمهورية ولا غفير

انتي لو قريتي مقالات حكيم هتعرفي انه مش بس المشكلة انه شتم او ازدرى الاسلام
ولو اني ضد ان حد يتحبس عشان بيقول رأيه
بس لازم لما نقول رأينا نقوله بشكل محترم يحترم عقائد الآخرين وقناعاتهم
اصلها مش بلطجة ولا فرد رأي
دي وجهات نظر

ايه ياترى الاجتماعات دي انتوا هتعملوا نقابة ولا حزب بقة

Thu Mar 08, 09:02:00 AM GMT+2  
Blogger tamer said...

مش عارف انا لية مش بحب الورد

دلوقتى عرفت وياريتنى ما عرفت

وكنت قضلت شايل جوايا وكتمت

سر هدم حبى للورد بس بكلامك خلتينى ابوح بالسر وادينى اتكلمت

سلاموا عليكم

Thu Mar 08, 09:27:00 AM GMT+2  
Blogger سيف من خشب said...

سلام عليكم ازيك انتى علمه ايه انا بقالى كتير اوى ما دخلت على النت وعلشان كده لما دخلت لقيتك زعلانه اوى وحزينه علشان البوست الى فات الى كتبتيه ده وانتى عرفه انا مقدرش اشوفك بالحاله دى وما قفش جنبك انا عرمى ما هنا انتى دعمتينى وقفتى جنبى اد ايه بس ان شاء الله ربنا را ح يقف معاكى وكل حاجه بتعدى وبتهون على العموم يعنى ابقى انتى زرينى ووادخلى مدونتى ويسعدنى انى اسمع تعليقاتك
تحياتى سلام
سيف من خشب

Thu Mar 08, 02:56:00 PM GMT+2  
Blogger ادم المصري said...

الممنوع الممنوع الممنوع

دايما اللد دي مش بلدنا

دايما الناس تتكلم عن الحكومة علي انهم ناس تانيين غيرنا

هما عملوا

هما سوا

هما غلو الاسعار

هما بنوا الكوبري

هما اعتقلووه

هما حبسوووه

هما كفر ولا كلب

هما هما هما

السلبية اللي ميزت الشعب المصري من اكتر من خمسة تلاف سنه

الفلاح المصري ما كنشي بيزرع بس الا وقت الفيضان علشان مكسل يطلع المية م النيل يروي بيها

المصري العظيم بطل في الكسل والنوم وفي الاخر

هما السبب

اللي يحرق ميتين هما

انا تعت والله من هما .. انامش عارف ايه الحل

لكن طول ما الاصوات فردية ومافيش تكتلات تقدر تواجه الظلم دا يبقي عليه العوض ومنه العوض

لسه قاري امبارح ان وزير الداخلية الفرنسي بيطالب بتمرير قانون يجرم نشر اي صور او فيديوهات في المدونات او اي فضائخ تتعلق بالحكومة الفرنسية والشعب

تخيلي بقي لو فرنسا نفذت قانون زي دا

يبقي بلاد الناس بتاكل فيها بعض تعمل ايه

هنستني لما هما يقروا يعملوا او لا ؟
هنستني
انا واثق
احنا غير قادرين علي التاثير
انا احبط خلاص
سلام بقي
علي فكرة
انا جاي

Thu Mar 08, 04:32:00 PM GMT+2  
Blogger linda said...

مش راح اتكلم اكتر

بس ديري بالك على حالك اوكى:)

Thu Mar 08, 06:21:00 PM GMT+2  
Blogger Sharm said...

ايه الكلام ده ؟

ازاي يعنى يفصلوهم عشان ادوا لزمايلهم ورد ؟

اكيد الحكاية اكبر من كدة بكتير

نستنى نسمع كلام الازهر

لازم نسمع الجنبين

فاكرة سا سمرا كان في مقولة لسيدنا عمر بن الخطاب لما دخل عليه واحد مفقوءة عينه و قال له فلان فقأ عيني فأمر ان يأتوا بالاخر ليتم سؤاله قائلا ربما فقأت له العينين

لازم نتروي و نستمع الجانبين لان موضوع افصل طالب عشان اعطى وردا لزميله غير منطقية

Thu Mar 08, 08:01:00 PM GMT+2  
Blogger دكتور مستكنيس said...

بجد ماشاء الله كلام في الجون مينفعش يتقال عليه أي تعليق غير روعة ...انتي جبتي الخلاصة ياسمراء اللي خطر علي الأمن هما اللي خطر علي النظام وعلي الكراسي انما الشواذ ورواد شارع الهرم وممدوح اسماعيل وأمثاله دول أمن علي الأمن وخلينا زي ماحنا نصحي ننام في كلام عن مرتضي منصور وهالة سرحان وفاروق حسني والعبارة وجون الزمالك أوف سايد ولا جون ...خلينا كده بس بجد أنا خايف عليكي فخدي بالك شوية واللي انتي تقصديه واصل والله ياسمراء
دي أول زيارة ليا لمدونتك لكن مؤكد إنها مش هتكون الأخيرة وبخصوص موضوع اللقاء الشهري ده ياريت حد يوضحلي أنا من المنصورة بس ممكن اجي

Thu Mar 08, 08:38:00 PM GMT+2  
Blogger smraa alnil said...

مزمز

انا اقصد اني سبقتك قبل ما تعلق عندي
بص يا مزمز
انا قلت قبل كدة انا لا مع كريم ولا ضده
ولا انا مع اي حزب انا مع الانسانية وحرية التعبير والفكر
عشان كدة الموضوع تاعبني ومضايقني
عامة انا عملت اللي عليا بقي وربنا يسترها
___________________________

انونيموس

انا بالنسبة ليك امل؟؟؟؟
ازاي
انا كمان بتمني نفس اللي انت بتمناه
شكرا ليك بجد
وادعيلي

Thu Mar 08, 10:29:00 PM GMT+2  
Blogger smraa alnil said...

شاب فقري

حاول تيجي بجد هنكون فرحانين بمشاركتك جدا
___________________________

Oreka d'jadrool

مش تقولي حاجة
بجد يكفي زيارتك ليا
بجد انبسطت بيها اوي
وياريت مش تبقي اخر مرة تزوريني فيها
تحياتي

Thu Mar 08, 10:30:00 PM GMT+2  
Blogger smraa alnil said...

عبوووووود

بص يا سيدي هتعرفنا ازاي دي بقي علي حسب احساسك بس هتلاقي مجموعه قاعدة مع بعضها واحنا هنجيبك
مش تقلق يعني
المهم اول ما تلاقي مجموعه اعرف انه احنا وخش بقلب جامد كدة واسال علينا
___________________________

بينو

هذه هي الحياة
انت جبتها من الاخر
بس مش احنا برضه ممكن نغير من الحياة دي
هههههههههههههه
تفتكر لو كبرنا دماغنا وقعدنا في بيتنا هنسيب مصر لمين
هنسيبها مخضرة ليهم

Thu Mar 08, 10:30:00 PM GMT+2  
Blogger smraa alnil said...

حورية

انتي قلتيها في وسط كلامك
لو في دستور حقيقي
بس الدستور اللي موجود هو دستور القهر والغلب اللي بيخلونا نعيشه ونقول حاضر ونعم وبس ومش من حقنا نعترض


يعني معني كلامك ان لا كدة عاجب ولا كدة عاجب
اللهم امين يارب يتقل منك يارب

بس قوليلي فين اللي وعدتيني بيه
___________________________

محض روح

انا عارفو ان الناس دي قالوا ان هم اصحاب فكر شاذ وكفروهم وهيعملوا ايه مع نوال اللي سنها تعدي التمانين
بس انا بتكلم عن مبدأ
ليه سايبين الناس دي من الاول اصلا وسايبين اللي بيقتلوا فينا وظالمينا
وجاين علي ولد صغير قال رأيه بغض النظر عن رايه دة ايه


طبعا ليا حق اخاف يا لهوي امسك ورد وفي الاخر اعتقل
اصل يا بنتي لا هستحمل اتعلق علي كرسي ولا اخد قفا من عسكري مش من ظاط حتي
ولا هستحمل العصايا
عصايا عليك يارب

طالما ان هو هيجيب ورد ولا اعرفوا
هتبرا منه
ومش بعيد اعمل فيها مواطنة صالحه واصوره وهو ماسك الورد وابلغ عنه السلطات العليا
ربنا يخليكي يا قمر

Thu Mar 08, 10:31:00 PM GMT+2  
Blogger smraa alnil said...

شريف غريب

قبل اي حاجة بقي
انت فينك كدة من فترة
مش تغيب كدة تاني ماشي

ثانيا بقي انا اصلا مش مستغربة
بس كدة بقي كتير اوي
وبعدين بتتأسف علي ايه
انت فعلا عندك حق
احنا هنا بنتعامل مع اي حد علي انه مجرم حرب عظمي
او فعلا بن لادن ويجب قتله او اسكاته

انا مش عايزة الحكام يدافعوا عن الاسلام لانهم ابعد ما يكون في الدفاع عن الدين
لان ببساطة تلات اربع الشيوخ يصدروا الفتوي بما امر الحاكم مش بما امر الله
واللي اتحبس دة مش عشان ازدراء الاديان ولكن بتهمة سب واهانة الرئيس
هي تضحك في كمية التهامات الي لفقوها للعيال دي
بس لينا رب يا شريف
ربنا يسترها علينا وحسبي الله ونعم الوكيل

___________________________

ابراهيم

هههههههههههههههههه
لا بجد قولي الاول شفت صورتي فين

بس خلي بالك انا بتلون يعني كل يوم بلون وشكل
ومش هتعرفني خالص
وانا اهو وانت اهو
هههههههههههههههههههههههههههههه
بس يا تري بقي البادج بتاع البلوجرز دة مطبوع من ورا ومن ادام ولا ايه
يعني افرض انت رايح والبادج ادام نشوفه فين بقي
كلمه تاني بقي وخليه يعملوا علي الناحيتين
ان شاء الله تيجي

Thu Mar 08, 10:32:00 PM GMT+2  
Blogger smraa alnil said...

حسن محمود

تسلملي يارب
طبعا هيفرحني اني اشوفك عندي علي طول
وعقبال ما تكمل فرحتي باني اشوفك في اللقاء او اشوف مدونتك زي هارمليس كدة
كله بامر الله وشكرا بجد
__________________________

جيرنيمو

سمسمة انا معاكي
بس في سؤال بجد
تفتكري انا بجد لو ابتديت بنفسي واتصلحت واتغيرت
اللي حواليا واللي مصالحي في اديهم هيتغيروا
ولا هيخلوني العن اليوم اللي جيت فيه
ولو الناس دي اتغيرت تفتكري هيعرفوا يتأقلموا علي الوضع الجديد اللي هما بقم عليه ومنهم انا

انا قريت معظم كلامه
وعارفة انه مش شتم بس
وانه تعدي وانه قال رأيه باسلوب مستفز
بس من وجهه نظري اني لو هطبق حكم يبقي علي الكل
وبرضه من وجهه نظري ان هو اتحاكم عشان اهانه الرئيس

لالالالا حزب ايه انتي هتودينا في داهية يا سمسمة هههههههههههههههه
ولا نقابة ولا حاجة
دة بيبقي لقاء بنتعرف فيه علي بعض ودمتم

Thu Mar 08, 10:33:00 PM GMT+2  
Blogger smraa alnil said...

تامر

هههههههههههههههه
ايه يا ابني الشعر دة
شاعر طول عمرك يا تامر
يعني انا اللي فكيت عقدتك وخليتك تكتشف سر عدم حبك للورد
دة حتي بيجيب حساسية
ودلوقتي بيجيب تهمة ووراها علي الحبس
مش جاي ولا ايه

___________________________

سيف من خشب

وعليكم السلام
انت اللي اخبارك ايه يا ابني
اموت واعرف بتختفي تروح فين بس
يا ابني ببقي بجد عايزة اطمن عليك
بس انا رحت مدونتك ولقيتك مبسوط اطمنت عليك وخرجت ومن غير ما اعلق بصراحة
بس اكيد هخش اعلق عندك زي الاول
وشكرا ليك بجد علي انك وقفت جنبي

Fri Mar 09, 12:51:00 AM GMT+2  
Blogger smraa alnil said...

ادم المصري

طب دة انت اختصرت البوست اللي انا كاتباه كله في الكلمتين بتوعك دول

وبصراحة كرهتني في هما دول
بس هما مين هما يا ادم
افهم من كدة انك عايز الاصوات كلها تبقي مع بعض
انت يا ابني مش تعرف ان الشعب المصري دة كلمة تجمهم وعصايا تفرقهم بس هنقول ايه بقي
بس انت متاكد ان فرنسا طلعت القانون دة
يبقي العوض ومنه العوض علي الامل اللي كان طالعلنا من بعيد
يبقي نستحق يتعمل فينا اي حاجة واحنا مخروسين اذا كانت فرنسا اللي بيقولوا عليها بلد الحريات بيتعمل فيها كدة
انت جبت من الاخر وقبلك قالها الله يرحمه ويفشفش الطوبة اللي تحت دماغه
مفيش فايدة
بجد جاي
هييييييييييييييييييييييييييييييييه
___________________________

ليندا


وليه مش هتتكلمي اتكلمي براحتك
انتي بعيدة عن العصايا يا ليندا
سبيها علي الله

Fri Mar 09, 12:51:00 AM GMT+2  
Blogger smraa alnil said...

شارم

بص يا شارم الكلام دة جاي من لسان الطلبة
ولو افترضنا اننا سمعنا للجانب التاني اللي هي الحكومة فتأكد ان العيال دول هيطلعوا مشاركين في تفجيرات طابا ومش بيعد هما اللي يكونوا مسئولين عن تدمير ابراج امريكا
وان هما اللي كانوا مخبين الاسلحة النواوية في العراق
يعني الجاب الاخر اللي انت بتتكلم عليه دة غير منطقي

اما بالنسبة لابعاد الموضوع ففعلا التهمة ثابته ان الطلبة عملوا بلبله في الكلية بسبب السلامات وتوزيع الورد
بالاضافه ان تلات اربع الطلاب اللي اتفصلوا يعتبروا منضمين لحزب الاخوان بالاضافه الي مطالبتهم بانتخابات حرة ولما فشلوا طالبوا بتأسيس اتحاد حر
وعشان كانت كانت نتيجة الانفصال عن الكلية
ولو مش مصدق في مدونة واحد من الناس هتلاقيها عندي في اللينكات
لواحد اسمه علي
ضيفه لانه هو كمان كان هيكون واحد منهم
ولو سمعنا كلام الازهر زي مانت بتقول يبقي العيال دي ارهابية وفكرها متطرف ويبعد كل البعد عن الاسلام
___________________________

دكتور مستكنيس

بجد انبسط بتعليقك اوووووووووي
ياريت بجد مش تبقي الاخيرة
وانت برضه جبت المفيد
عندك حق احنا بنتكلم عن حاجات هايفة وسايين حقوقنا
ياريت تبقي تيجي تزورن علي طول
حاول تيجي عندنا مدون بيجي من الاسماعلية
يعني مش كبيرة يعني وبعدين دة هيبقي يوم جمعه والمنصورة مش بعيدة
فردة كعب هههههه

Fri Mar 09, 12:51:00 AM GMT+2  
Anonymous Anonymous said...

وقلنا ننضف بقى قالو بلا وكسه
والله لتحصل بدال النكسه ميت نكسه
بلد المنايك بلدنا
الكل ناك فيها
شوف الخريطه تلاقيها
فاتحه رجليها
ربك خلقها كده
رح تعمل ايه فيها
وعجبى
نجيب سرور

Fri Mar 09, 03:09:00 AM GMT+2  
Anonymous ahmed said...

بصراحة يعني انا مؤيد للنظرية دي بلاها ورد هو احنا لاقين ناكل لما نجيب ورد وبصراحة ما قريت قصيدة الحمار اللي موجودة في البلوج مش عارف ليه قعدت تزن في دماغي قصيدة احمد فؤاد نجم يا جماعه المشكلة مش في النظام ولا المشكلة في الناس الحلوة اللي بيحكمونا دول كلهم ناس ذوق احنا بس اللي ولاد ستين في سبعين ..وبعدين سامحوا انوجه دي بتكلم بهزار ومش تقصد اي حاجة عموما احنا غلابة وعشان كدة انا سيبلكم بقي قصيدة احمد فؤاد نجم الجديدة اللي بيقول فيها ده شعب فقري اللي هو احنا يعني

دا شعب فقرى

نظرًا لأن النعمة فاقت حدها
ولأننا مش قدها
ولأن فعلاً إنجازاتك
فوق طاقتنا نعدها
ولأننا غرقنا في جمايل
مستحيل حنردها
نستحلفك.......نسترحمك
نستعطفك......نستكرمك
ترحمنا من طلعة جنابك
حبتين
عايزين نجرب خلقة تانية
ولو يومين
إسمع بقى
إحنا زهقنا من النعيم
ونفسنا في يومين شقا
عايزين نجرب الإضطهاد
ونعوم ونغرق فى الفساد
بيني وبينك حضرتك
دا شعب فقرى مايستحقش جنتك
أنا عارف إنه شعب ماينفعوش
إلا شارون وبلير وبوش
عايز يجرب الإمتهان
ويعيش عميل للأمريكان
بيمد "غازُه" لإسرائيل
ويومين كمان ويمد النيل
أهو يعنى نشرب ميه واحدة
ندوب فى بعض
ماء وماء وماء
ونفض سيرة الإنتماء
وبلاها نعرة وطنطنة
وتبقى البلاد "مستوطنة "
متسلطنة ومتسرطنة
إيه اللى خدناه م الكرامة والإباء
حبة خطب وكلام...كلام
إحنا راهننا على النظام
ورضينا بخيار السلام
خيار حنسد عين الشمس بيه
علشان مايطلعش النهار
ويطلع لمين؟
حبة معارضة مغرضين؟
وحسب بيان السلطة
شلة مأجورين؟
ياعم فضك سيرة
وإرضى بقسمتك
دا شعب مش فاهم أكيد
يالا أُطرده من رحمتك
وإن كنت غاوى الحكم
خليك مطرحك
حاغطس وأقب وأعود
بشعب يريحك
راضى وعمره مايجرحك
أخرس وما بيسمعش
وأعميلك عينيه
مش كل قرش يبص فيه
مايقولش لأه، وفين، وليه
يضرب ينفض فى السليم
وعلى الصراط المستقيم
كل اللى يعرف ينطقه
عاش الزعيم
يحيا الزعيم

Fri Mar 09, 11:09:00 AM GMT+2  
Anonymous Anima said...

بعد ما قريت الموضوع ده بصراحة أنا خايفة عليكي و بلاش تروحي المشوار ده

حقيقي كلام جامد

Fri Mar 09, 01:58:00 PM GMT+2  
Anonymous حسن محمود said...

شوفى المدونه دى وقوليلى رأيك فيها ايه؟
مش بتاعتى ده انما شفتها بس ولقيتها ليهاعلاقة بالورد بس حلوه
:)
http://elmasreia.blogspot.com/
لغة الورود

وصحيح ممكن تخلى البوست بتاعك الجاى عن مشاكل المرأه
بجد والله نفسى أعرف ايه المشاكل اللى بتعانوا منها

ودمتى بخير
سلام

Fri Mar 09, 02:16:00 PM GMT+2  
Blogger heba said...

انا اسمى هيبووو وعرقتك عن طريق هوتى اللى طول النهار بتتكلم عنك وكمان the eaglas وخلونى نفسى اشوفك وتعرف عليكى وبدات كمان اقر اللى انى بتكتبية وعجبنى اسلوبك قوى ويارت تدخلى على البلوج بتاعى ونكون اصحاب

البلوج Challenger2000.blogspot.com

Fri Mar 09, 03:10:00 PM GMT+2  
Anonymous Anonymous said...

أنا إبراهيم
سمرا يا سمرا

لما أشوفك أقولك شوفت صورتك فين....هاها ها ها

وبتتريقي عالبادج بتاعي..البادج هيبقى من قدام أكيد علشان تشوفوه..ومهما شكلك يتغير هعرفك برده

اشوفك كمان تلات ساعات بإذن الله
سلام

Fri Mar 09, 03:12:00 PM GMT+2  
Blogger micheal said...

تحياتي لكي و لكل فتاه و امراه في يوم المرأه العالمي مع تمنياتي بتحسن أحوال المرأه في جميع الاقطار العربيه

Fri Mar 09, 04:56:00 PM GMT+2  
Blogger أميرة ويلز said...

سمرا ميرسى اوى على العزومة

دة انا اجيلك زحف

تصدقى بالله هموت واشوفك

ان شاء الله يمكن الظروف تسمح فى يوم

بس استنى هنا

بقى المعتقل ارحم ؟

طب يجعلك كلامنا خفيف بقى احسن ترجعى تندمى ع الكلمة دى :)

Fri Mar 09, 11:14:00 PM GMT+2  
Blogger david santos said...

Hello!
Very good work, yhank you
have nice wkend

Fri Mar 09, 11:47:00 PM GMT+2  
Blogger micheal said...

لقاء جميل و سعدت بلقائك يا أنووج
تحياتي لكي و في انتظار لقاء المدونيين القادم

Sat Mar 10, 01:01:00 AM GMT+2  
Blogger smraa alnil said...

انونيموس

القصيددة دي عندي
وبجد حسرتني لما قريتها تاني
___________________________

احمد

اديك قلتها بلا ورد بلا نيلة
هو احنا طالعين ارافة
واحنا اللي ولاد ستين في سبعين فعلا
لاننا مش مقدرين الراجل السكرة اللي حاكمنا دة
بالنسبة للقصيدة فانا عارفاها قريتها قبل كدة
وجت في الجون
احنا اللي شعب فقري

Sat Mar 10, 05:11:00 PM GMT+2  
Blogger smraa alnil said...

انيما

يا سيتي مش تخافي اديني رحت المشوار وعدت علي خير الحمد لله
ربنا يكرمك ابقي تعالي زوريني تاني بقي
___________________________

حسن محمود

هههههههههههه انا قلتلها راي هناك
بقي خش عندها واقرا
في بوست جايلي فيه تاج
عن المراة اكيد هعملوا
وابقي اقراه وقولي رايك بقي

Sat Mar 10, 05:11:00 PM GMT+2  
Blogger smraa alnil said...

هبة

خير الناس دي قالت ايه لحسن انا عارفاهم
هههههههههههه
بجد اتمني انك تزوريني علي طول
ونكون مع بعض واكيد هنكون صحاب
___________________________

ابراهيم

انت خلاص جيت وشفتك مش هقولك اكتر من كدة

Sat Mar 10, 05:12:00 PM GMT+2  
Blogger smraa alnil said...

مايكل

انا بقي مش كنت اعرف ان يوم المراة كان يوميها
طب كنت قولي ساعتها
علي الاقل كنت اتصرفت
هههههههههههههه
__________________________

اميرة ويلز

اولا بعد الشر عليكي
بس اكيد ان شاء الله هتتعوض
هههههههههههههههه
اه الواحد مش ناقص
المهم هشوفك اكيد بعد كدة

Sat Mar 10, 05:12:00 PM GMT+2  
Blogger smraa alnil said...

david santos

hello
thank u soo much
i`m so glad by ur visit
___________________________

مايكل

لقاء جميل فعلا يا مايكل
ان شاء الله هبقي اشوفك تاني

Sat Mar 10, 05:12:00 PM GMT+2  
Blogger وشوشني said...

ايه الكلام الكبير ده يا انجي وبعدين الكلام ده خطر انت مش عارفه ولا ايه خطر على امن الدوله زي ما قولتي ممكن يوديك في داهيه ةعشان كده الكلام ده تسيبيه للناس اللي ماورهاش مسؤليه ولا مشاغل ماورهاش غسيل تنشره وكده يعني بس انت الحقيقه انت في البلوج حاجه وبره حاجه تانيه خالص

Sat Mar 10, 07:12:00 PM GMT+2  
Blogger smraa alnil said...

تعرفي بقي انك الوحيدة اللي قالت الكلام دة
الكل اجمع ان انا المدونة
والمدونة انا
لا نختلف كثيرا

بس انتي شفتي بس الجانب الشقي
ولو قريتي بوستاتي عن الشقاوة هتعرفي انه انا دي

Sat Mar 10, 09:20:00 PM GMT+2  
Blogger el2ahwagi said...

heya wasalet lekeda..?

tab ana geet w gayib ma3aya ward .. lol

Sun Mar 11, 01:42:00 AM GMT+2  
Blogger fares said...

كان فعلاا ابقي معاكم بس الظروف مش بتساعد ياريت تبقي تشرفيني علي مدونتي

Sun Mar 11, 06:33:00 PM GMT+2  
Blogger heb0o0o said...

من الورد ما جرح ودى مش اول تجاوز يحدث داخل الجامعات اللىمن المفترض انها مصرية واللى بنتعلم فيها حرية التعبير عن الراى (راى الحكومة طبعا)وان الحكومة هى الامر الناهى فى الجامعات

وانا عن نفسى مش هجيب ورد لحد علشان خطرك ياسمراء وكمان علشان بخاف على اهلى)

Tue Mar 13, 07:42:00 PM GMT+2  
Blogger smraa alnil said...

القهوجي


هههههههههههه عامة انت اللي هيتقبض عليك عشان انت اللي جايبه مش انا

__________________________

فارس

خيرها في غيرها يا فارس
وان شاء الله المرة الجاية تكون معانا
وان شاء الله هجيلك
___________________________

heboooo

دول ناس منهم لله بجد
شغالين اعتقال في الطلبة ومجالس تأديب
ايوة صح انتي كدة صح خافي علي عيلتك بقي وعلي نفسك

Fri Mar 16, 09:56:00 AM GMT+2  
Blogger GayofSun said...

حرام عليك يا ست الكل
عاوزة تقطعي نصيبي
..
لو خايفين علي البلد من الافكار المتطرفة بتاعت كريم يبقي اكيد لازم كمان يتقبض علي المدونات المثلية اللي اصحابها مثلين
عشان من وجهه نظر البعض انها بتشيع الفاحشة
اشمعني يعني ساكتين علي دول
...

:(

Tue Apr 03, 12:00:00 AM GMT+2  
Blogger smraa alnil said...

صدقني انا مش اقصد والله حاجة

انا كل اللي اقصده مساواه
يعني كريم يتقبض عليه عشان بيقول رايه

وبعدين من وجهه نظرهم واللي قريتها في التعليقات اللي عندك
والتعليقات اللي موجودة في المدونات المشابهه
المجتمع بينر لكتابتكم علي انها تشيع الفاحشة
دة اللي اقصده
ولما ما مثلا شايفين انها فاحشة ليه مش بيتصرفوا
كل الحكاية ان هما قبضوا عليه مش عشان ازرداء الاديان
دة بس عشان سب واهان الرئيس
ومش تزعل ممني بقي

Fri Apr 06, 04:25:00 AM GMT+2  

Post a Comment

Links to this post:

Create a Link

<< Home