Saturday, March 03, 2007

قوية قوية

كل واحد فينا بتجيلو نقطه ضعف بحس فيها انه ممكن يموت وانه لوحده
بس تعالوا نسترجع حياتنا كدة واللي فات
هنكتشف حاجة مهمة ممكن نكون غايبين عنها ومش واخدين بالنا منها او نسينها
البوست اللي فات انا حسيت فيه اني بقع
لحد ما قريت التعليقات
كل واحد منكم بجد وقف جنبي واللي كلمني وساعدني اخرج من الي انا فيه
بس برضه كان ناقصني احس ان اد ايه انا قوية
لحد ما قريت تعليق جيرينمو البنت دي انا يمكن مش شفتها كتير
بس هي من ضمن الناس اللي سافرت الاردن للاشتراك في السابلة
بغض النظر بقي ايه هي السابلة
بس في الاخر بتاخد لقب مغامر يعني انا مغامرة
جيرينمو فكرتني اد ايه انا قوية واد ايه انا قادرة اني اتخطي صعاب كتيرة اوي
يمكن مش في حد يقدر يعملها غيري
اد ايه مرت عليا اوقات كتيرة اوي رسمت فيها ابتسامة علي وش طفل صغير او ريحت حد كبير وساعدته وكسبت دعوة
الحاجات دي برغم بساطتها بتريحك وبتحسك انك ليك لزمة في الحياة
لازم بجد كل واحد فينا برغم مشاكله يفتكر الحاجات البسيطة دي
جيرينمو خلتني ارجع لصوري وانا في الاردن وافتكر البلاوي اللي كنت بعملها هناك
اد ايه كانا صابرين برغم تعبنا علي حاجات كتير واهما الجوع اللي كان ازمة بلنسبة ليا اكيد
بعد يوم طويل بيبتدي الساعه 5 ونص الصبح والغدا بيكون الساعه 2 او 3
اد ايه كنا بنرسم ابتسامة برغم تعبنا طول اليوم ومع ذلك بنضحك ونلعب
علي فكرة انا اللي ورا البنوتة دي

اد ايه كنا بنعمل خدمات ونساعد العواجيز اوي علي العلاج المجاني

بجد حسيت بقيمتي اوي لما كان يجيني رجل عجوز او ست كبيرة وامسك ايديهم واخش بيهم عند الدكتور واقعدهم ونصيبي يبقي ابتسامة رضا ودعوة تمام

بنسي بيها هموم الدنيا وتعب الايام الي عشتها

لازم نساعد غيرنا حتي لو مش طلب

الحاجات دي هتفرق معاكم اوي نمد ادينا لغيرنا عشان اكيد هتبقي سبب علامة رضا علي وشك في يوم من الايام


عمر ما هنسي اهم يوم صعب مر عليا وهو تسلق اعلي جبل في الاردن هو جبل ام الدامي

اد ايه كان صعب وخطير بس اد ايه قويت في نفسي عشان نطلعه اد ايه كان عندي ارادة قوية اوي

اني اتخطي اصعب حاجة

لازم كل واحد فينا بجد اي كان عنده شئ صعب هو عمله ومر بيه وعداه

لازم بقي نفتكر الموقف دة عشان نقول دة يجي ايه جنب اللي حصلي دلوقتي

دة كان بيبقي منظرنا بعد كل تمرين وبعد كل يوم شغل
ومجبرين انا نقعد لغاية بليل نقدم تقارير اليوم وتقييم القائد علينا
يمكن يمتد لحد الساعه واحدة ونص بليل
اي نعم كلنا بنبقي قاعدين نايمين والقائد بيخلينا نقوم نزحف زي الجيش تمام بس كان حلو
اد ايه كنت ببقي تعبانة اوي بس بقاوم في نفسي وبئاوح
اكيد انتو كمان كدة
لازم اكيد كان في شئ مخليكو تعبانين بس بتئوحوا
هي دي بتبقي نقطة الارادة بتاعتنا ان في شئ تاعبنا بس مجبرين علي الاستمرار فيه


اد ايه سعادتي لما كنت ارسم لابتسامة للعيال دي واديلهم لبس واكل ونلعب مع بعض

ناس فقيرة بجد

بس ياااااااااااه ببقي طايرة جدا لما الاقي البنت او الولد خد الحاجة ني وهو بيضحك ويجري علي زمايله ويقوله الحق هادي المرة معها ملابس سرع مشان تاخد منها

ويجيلي وهو مكسوف واقوله هات بوسة الاول وانا اديك حاجة حلوة

انا كنت دايما بخاف من الادور العاليا

بس هتفضل خايف لامتي

الخوف جزء لا يتجزء من حياة اي حد فينا بس لازم نغامر عشان نتغلب

اكيد لازم تتغلب علي خوفك انا عملت كدة يوم ما عملت انزال جبلي من فوق 60 متر تقريبا

يا لهوووووووووي كنت مرعوبة

بس اد ايه حسيت اني جامدة بعد ما نزلت والناس كلها سقفتلي

كنت حاسة بالفخر قبل ما انزل وانا بصرخ باعلي صوتي وبقول

انا المغامرة انجي من سابلة الحسن 2004

من جمهورية مصر العربية

وطبعا مش نسيت اني اتشاهد واقول للظابط اللي ادامي وصيتك امي والنبي يا كابتن




مش هنسي ان الظباط هناك علموني اني ازاي اتعب وافتخر اني اتخطيت الصعاب واني يوم ما وقعت في مشكلة هناك مش في حد ساعدني بس كانت النتيجة انه خلاني اقعد في وضع 6 استعد وغرقني بمايا ساقعه وخلاني اعمل دحرجات علي الطين لحد ما بقيت انيل من الي في الصورة اللي فوق دي
وقالي تعبتي ولو كنت قلت اه كان هيزود في العقاب
النتيجة اللي طلعت منها كالاتي
ان اي كانت المشاكل اللي بمر بيها ممكن الاقي اصعب منها واكيد هترهقني
عشان كدة كان لازم اشوف الاصعب عشان تهون مشكلتي الاولانية
عشان كدة عقابي كان بيبقي اكبر من الي بمر بيه
كل دة انا كنت ناسياه
وانتو كمان مش لازم تنسوا ابدا ان في حاجات اقوي مننا كلنا
مش هنسي الهتاف بتاع الصاعقة الاردنية وانا بقوله باعلي صوتي
صاعقة صاعقة صاعقة شعاار
صاعقة صاعقة صاعقة الله
تضحية فداء مجد
قوة فتوة حارقة نار
نار لهيب حارقة همة
همة عزيمة جارفة اسود
اسود حمر كاسرة الله
جيرنيمو بجد انا مديونة ليكي جدا بانك فكرتيني اني انا قوية
انتي فعلا مغامرة السابلة عن حق
انا كنت ناسية
بس فكرتيني اني مغامرة وقوية كمان
بجد شكرا ليكي
وشكرا للي وقف جنبي واتصل بيا

Labels:

74 Comments:

Blogger harmless said...

اشكرك على لفت نظر الاخوة للاردن

ذلك البلد الجميل جدا ولا نعلم عنه الكثير

الطبيعة فى الاردن جميله جدا
والناس طيبون جدا
والشوارع نظيفه جدا

تذكرت جيال الاردن والقياده الخطره فى الطريق الى عيون ماعين

هذه العيون التى تقذف ماءا ساخنا جدا من وسط الصخور وهو ماء لا يتوقف ابدا

وتذكرت البحر الميت ومتعة السباحه فيه
يمكنك ان تجلس متربعا ويحملك الماء بمنتهى السهوله سبحان الله

ادعو كل محبى السفر الى زيارة الاردن
وهو بلد يرحب بزائريه وبدون فيزا
والاسعار مناسبه
والمتعه لاتنتهى

Sat Mar 03, 02:07:00 PM GMT+2  
Blogger ادم المصري said...

يااااااااااااااااد النيلة
انا قولت اخيرا بقت الاولاني
بس مش مهم

اش اش اش يا سيتي

روحتي الاردن ولعبتي سبلة

انا مش عارف ياعني ايه سبلة مش مهم

هي اكيد مش اللي بيعملها الحبيبة لبعضهم دي

دوكها اسمها تسبيلة هههههههههههههههههه

واحمدي ربنا يا بنتي انك عندك صور للحاجات دي اصلا

هههههههههههههههههههههههههههه

والف الف الف الف الف
بعد الشر عليكي يا جميل
من الزعل

Sat Mar 03, 02:10:00 PM GMT+2  
Blogger ادم المصري said...

معلشي انا اسف انا هاخدها حلوانه وسلوانا بقي

مش اللي كاتبه هارم ليس دا يعتبر اعلان برده
هههههههههههههههه

المروض ينصص معاكي فيه ولا ماخذة
حتي وزراه السايحة لازم تاخد خبر

Sat Mar 03, 02:11:00 PM GMT+2  
Blogger عبدالله said...

كلمات جميله كنت اتمني انك تحسيها دايما و تفضلي فاكرها
فرحان جدا انك رجعتي تحسي بنفسك و مناطق قوتك وتنسي اي حاجه مش عاوزه تفتكريها

اتمنالك حياه دايما في احسايس و مشاعر ايجايبيه

تحياتي

Sat Mar 03, 02:53:00 PM GMT+2  
Blogger No Fear said...

السلام عليكم
أنت ممكن تكوني أونلاين دلوقتي لأنك لسه معلقة عندي المهم
كويس أنك خرجتي من الحالة اللي كنتي فيها و يارب تكوني سعيدة دايما
بصراحة من غير زعل يعني بحسدك علي اللي أنت كنتي فيه أو بلاش حسد أغبطك
المشكلة لما تكون مشاكلك هي تجاهل الناس متعرفيش بيحسوا أنك خلاص
بقلك أية بلاش نكد انت لسه في فترة نقاهة
المهم بالمناسبة أية السابلة دي حاجة بنت عم الكشافة كده و لا أية
ربنا يكرمك أدعي لي
كلكم أدعوا لي
سلام

Sat Mar 03, 03:22:00 PM GMT+2  
Blogger Ma-3lina said...

ih ay benty dah enty konty fel sa3ka kman ?? enty el bent el wa7ida hinak wala ih ??

tb ro7ty tab3 ih y3ni el kashafa !!!!

bs bgd shaklk etbhedlty awii 3lshan te3rfy how strong r u

Sat Mar 03, 05:19:00 PM GMT+2  
Blogger Geronimo said...

ها ؟
كيف المعنوية ؟؟؟؟؟؟؟
محدش هيقدر يرد على السؤال ده زي ما انتي هتردي عليه

جرأة انك تنشري صور شخصية ف مدونتك
انا صوري بقة اللى وصلت لـ300 صورة خلال الـ 30 يوم
شيلاهم لولادي
عشان نقعد نفتح الالبوم ونحكي
ويشوفوا مامتهم الجامدة جدا
احنا اكبر م الاحزان يا انجي
اكبر م الوجع والجروح
احنا اكبر من الارهاق والتعب والخوف
حنا ان شاء الله هيخطب جمانا الصيف الجاي
معرفش تعرف الخبر ده ولا جديد بالنسبة لك
اكيد ممكن نشوف بعض
ونحضن بع كمان

Sat Mar 03, 05:38:00 PM GMT+2  
Blogger zordeak said...

الله يا انجى


قد ايه انا مبسوط بالبوست ده


بجد فرحت اوى مع كل كلمة وكل سطر


انجى بترجع لنفسها

انجى قوية وهتفضل قوية

دايما كلنا بتجيلنا اوقات نتعب فيها

ونحس بالضعف

بس لازم نطلع منها اقوى

انا شايف انك طلعتى اقوى بكلامك ده

ياااااااااه

شكرا يا جيرونيمو انك عملتى اللى محدش فينا قدر يعمله


انا معرفتش اتصل بيكى علشان الرصيد تبعى كان فنش عالاخر

وفى انتظار اعادة الشحن

والفرج من ربنا


وحدوووه

:)


انا جاى تانى يا انووج

الله

بجد فرحان

يا رب كده دايما

قوية

ابقى افتكرى نشيد الصاعقة ده مع كل موقف وحش تحسى بيه

هتفضلى دايما قوية

وجامدة

وكلك حنية

فلوراااااااا

:D

مع السلامة بقى انا رايح اذاكر

Sat Mar 03, 05:46:00 PM GMT+2  
Blogger ALiaa said...

انتي جيتي و لا لسة هناك؟
لو كنتي هناك: تيجي بالسلامة
لو جيتي: حمد لله علي سلامتك

Sat Mar 03, 05:59:00 PM GMT+2  
Blogger Noony said...

إنجي...حمد الله على السلامة يا جميلة

عوداً أحمد ومحمد ومصطفى ومحمود كمان

سؤال محيرني..اية طنط السابلة دي؟

أنا فرحانالك أوي....ربنا يديم الفرح والسعادة عليكي دايماً

في أمان الله

Sat Mar 03, 06:59:00 PM GMT+2  
Blogger سجين فى قلب الوطن said...

سالخيـــــــــــر :-D

أيوه هى دى أنجى ألى انا اعرفها

اما التانية بتاعة مش حد اخد رأى و مفيش حد سألنى دى كانت واحدة معدية من هنا و راحت لحال سبيلها

بلاش نكد و عكننه على المسا

دا انتوا بشر بتتلكك بصحيح

شعب نكدى :-D

يلا ما علينا
اهو فضفضة و انتهت على خير

سى يو لايتر

تشاااااااااوووووووووززززز

Sat Mar 03, 07:28:00 PM GMT+2  
Blogger نبض اسكندرية said...

هايل يا انجى

بجد بوست جامد فحت

وانتى امورة على فكرة

ميرسى يا جميل على تشريفك مدونتى

تحياتى

Sat Mar 03, 08:02:00 PM GMT+2  
Blogger mano said...

الحمد لله يا انوج
ان المود بقى احسن
فعلا لو بصيتى حواليكى
هتلاقى حاجات كتير حلوه
الحمد لله انك قويه يا انجى
و زى ما قلت لك انتى قدها

Sat Mar 03, 09:19:00 PM GMT+2  
Blogger هدى said...

عزيزتي

انا مش بقالي كتير بتابع مدونتك بس قريت البسوست دا واللي قبله

وبافتراض اننا اصحاب

خليني اقولك حاجة اتعلمتها

ان القوة مش محتاجة اطلع جبال ولا أعدي بحور

القوة جوانا ..بتبان قوي في تفاصيل اليوم العادية

بس المهم اننا نبقى عافين ان دي قوة

مش مجرد ردود فعل طبيعية

ياصديقتي

القوة تحتاج منا اعترافا ليصبح وجودها داخلنا شرعيا

وتحياتي ..وامنياتي بدوام القوة

Sat Mar 03, 09:53:00 PM GMT+2  
Blogger smraa alnil said...

harmless

اولا مبروك المدونة الجديدة
ثانيا انت فعلا عندك حق ان الاردن من اجمل البلاد اللي سمعت عنها ورحتها

وكل كلمة قلتها عندك حق فيها
بس هو انت اردني ولا ايه
___________________________

ادم المصري

سبلة ايه بس هو انا بلعب سيجا
دي اسمها سابلة
ودي مش لعبة يا لهوووووووووووووي يا ادم هفضل اعلم فيك لحد امتي
طبعا لازم يكون عندي صور عشان اوريها لاحفادي واحفاد احفادي واحفاد احفاد احفادي
اكيد انت بتهرج
يا ابني امهم كانت جامدة في يوم من الايام

Sat Mar 03, 10:49:00 PM GMT+2  
Blogger حوريه said...

لؤلؤتى الجميلة / انجى
الله عليكى .. هى دى انجى اللى بشوفها بروحى و بحس بيها
انتى جميله و قويه و متألقه
يارب دايما
مدونتى فى الطريق ما تقلقيش

Sat Mar 03, 10:50:00 PM GMT+2  
Blogger smraa alnil said...

ادم المصري

ههههههههههههههههههه
طبعا يتبر اعلان ودة دخيل علينا والنبي يا ادم لما تبلغ عنه قول اني مع الناس التنين مش معاهم ولا معاكم
وقول ان سمرا بحب بابا حسني وماما سوزان وعمو جمال
واخترناه اخترناه
___________________________

عبد الله

انا فعلا كنت ناسياها
انا بتمني ان انا كمانانسي اللي بيدايقني
واهو ربنا المستعان والمعين
ربنا يخليك يا عبد الله يارب

Sat Mar 03, 10:50:00 PM GMT+2  
Blogger smraa alnil said...

no fear

علي فكرة قاعدة عامة انا لما بخش علي المدونات او مدونتي وبكتب بوست او تعليقات ببقي اوفلاين لاني لو دخلت اونلاين يبقي مش هعرف اكتب حرف
تحسدني علي ايه بس دة انا كنت مطحونة هناك واتفحمت هناك جدا
عامة اللي انت بتقول عليه دة انا حاسة بيه اصلا فعلا اللي يتعبك انك تحس بتجاهل الناس بجد
يا سيدي انا علي طول نكد بس الناس الحلوة اللي زيك كدة مش ليها ذنب كل شوية تلاقي نكد

بص السابلة دي عبارة عن برنامج الجائزة الاردنيةللاستكشاف والمخاطرة
وبتقوم علي مدي الانجاز الليالواحد بيعملوا
وهي ليها فروع كتير اوي في الدول بس موجودة في الشرق الاوسط كله في الاردن واسرائيل بس احنا تعاملاتنا كلها مع الاردن
___________________________

مااا علينا

عشان تعرفي قيمة صاحبتك بس
هههههههههههه
لا دة ترشيح من وزارة الشباب والرياضة ليا عشان امثل مصر هناك
اتبهدلت دي كانت اقل حاجة يا بنتي هناك

Sat Mar 03, 10:51:00 PM GMT+2  
Blogger smraa alnil said...

جيرينمو

عااااااليه نار بتقدح في الميدان ابو حسين نور العين عاش عاش ابو حسين
هههههههههه
هي الصور انا مش فيها بس نشرت للمجموعه اللي كات معايا
انا عندي اكتر من 200 صورة
دة انا حتي بعت اخدت الصور اللي ليا في الاردن هناك
عشان برده ولادي يفتخروا بمامتهم
ههههههههه
انتي صح احنا اكبر من اي شئ
هي اخيرا وافقت علي حنا
حنا كانت متيم بيها اصلا ربنا يباركلهم يارب
انا كنت اعرف ان حنا بيحب جمانا بس جمانا كانت في الاول رافضة
ربنا يهنيهم ببعض يارب
واكيد طبعا هنشوف بعض
___________________________

zordeak

بجد ربنا يخليك يا فؤش وصدقني انت وقفت جنبي برضه واوعي تفتكر انك كنت متكتف
بالعكس انا عارفة انك معايا علي طول
وبعدين جيرنيمو فكرتني باللي انا مريت بيه وانتو بجد ساعدتوني اني اضحك
ربا يرزقك يا عم
مستنياك لما تيجي
ويارب يفرحك دايما يارب
ايه يا عم الفقرات الاعلانية دي بس

Sat Mar 03, 10:52:00 PM GMT+2  
Blogger smraa alnil said...

علياااااء

هههههههههههههه
ايه اللي جاب القلعه جنب البحر
هناك فين وهنا فين يا عليا سلامتك
انا هنا من تلات سنين
وكل اللي قعدته هناك 32 يوم
عامة في كلا الحالتين الله يسلمك
___________________________

نووني

الله يسلمك يا نهاد
بجد انتي حد كويس اوي وطيب اوي
كل دول سالوا عليا في غيابي
السابلة دي هتللقي ردي فيها علي نو فيير
ربنا يخليكي يارب وبجد شكرا ليكي اوي

Sat Mar 03, 10:52:00 PM GMT+2  
Blogger smraa alnil said...

سجين في قلب الوطن

افضل انت انفخ فيا بس لحد ما اشوف اخرتها ايه
انت جاي سخن عليا ليه ياض انت
ههههههههههه
ناس تخاف ومش تختشي عارف عارفة
المهم انت ايه اخبارك بجد
___________________________

نبض اسكندرية


ربنا يكرمك يارب
مدونتك عجبتني فعلا انا الي بشكرك عليها
ابقي تعالي تاني بقي

Sat Mar 03, 10:53:00 PM GMT+2  
Blogger smraa alnil said...

مااانووو


انتي اللي جميلة اوي يا مريوم واكيد هشوفك قريب صح
ابقي اشوفك اونلاين عشان ابقي اجيبك بالعافية المرة الجاية
ربنا يكرمك يارب
___________________________

هدي

انا مش قلت ان دي القوة يا هدي اللي الواحد يتعلمها
انا بقول ان في مصاعب كتير الواحد بيتخيل انه مش هيقدر يعديها
زي الامثلة اللي انا ذكرتها
عمري ما تخيلت اني اطلع جبل
ولا اعدي بحر زي ما نتي قلتي بس هي الارادة اللي خلتني اعمل دة
وهي هي نفس الارادة اللي خلتني اعدي العواقب دي
يعني كان لازم افكر نفسي اني عملت كة عشان اقل ايه دة
اللي انا فيه دة يجي ايه جنب خوفي من جبل ولا اي حاجة
انا معاكي ان القوة من جوانا ودي حاجة انا نسيتها واستسلمت فترة لضعفي عشان كدة فكرت نفسي

تحياتي ليكي انتي واتمني تكرار الزيارة علي طول

Sat Mar 03, 10:53:00 PM GMT+2  
Blogger smraa alnil said...

حورية

الله عليكي انتي
بجد هستني تدوينتك باي طريقة
وربنا يكرمك علي الكلام دة
بجد انتي ساعدتيني اوي ومش هنسالك دة ابدا

Sat Mar 03, 10:55:00 PM GMT+2  
Blogger مـحـمـد مـفـيـد said...

ايوه كده هي دي انجي اللي اعرفها
من المحن تأتي المنح
وكم كانت وصفلك لتلك اللحظات رائعه

Sat Mar 03, 11:13:00 PM GMT+2  
Blogger cat_eyes(همس الليل) said...

الحمد لله يا انجى
اجمل شىء فيكى ان حياتك ماشاء الله فيها تجدد
عيشى يا بنتى ولا يهمك من شىء
المهم انك تنامى مرتاحه البال
بصحه كويسه ان شاء الله
وربنا سبحانه وتعالى راضى عنك

وشكرا لجرنيمو اللى احيت فيكى الامل

ربنا بيوقفلك حد يفكرك عشان ربنا حابك تكونى كويسه دايما يارب

الحمد لله والله دعتلك فى صلاتى
انتى اختى بجد

Sun Mar 04, 12:25:00 AM GMT+2  
Blogger micheal said...

بعد قرائتي لهذا البوست اللذيذ...جاءنا البيان التالي
عادت أنووج الي قواعدها سالمة...هذا و تهيب جمعيه محبي سمراء النيل بالكابتن أنووج بالبعد كل البعد عن التفكير في اي منغصات أو متاعب من شأنها تكدير الصفو العام...و شكرا
أيوه كدة...طمنتينا
أشوفك مع باقي المدونيين الجمعه القادمه

Sun Mar 04, 12:51:00 AM GMT+2  
Blogger محض روح said...

انا مبسوطه بجد بيكى يا إنجى
فعلا كل واحد الى يقدر يساعد نفسه بنفسه
كلنا عندنا الزرار الى ممكن نساعد بيه نفسنا بس حزننا بيعمينى عنه
وبعدين ايه ياختشى ده انتى طلعتى بطله بقى واحنا مش عرفين
بس سؤال رفيع هيه ايه السبله ديه

وتسلقتى جبل يامفتريه ده انا لما رحت دريم بارك وركب الصاروخ كنت حسه ان مفيش حد زي تصدقى كنت حسه انى عمله عمليه انتحاريه
يالا يجميل ربنا يزيح عنك كل هم
يااااااااااااااااااااارب
وتفضلى قويه ديما علشان انى كده فعلا وحب الناس ليكى هيقوكى بزياده

Sun Mar 04, 01:19:00 AM GMT+2  
Blogger el2ahwagi said...

حسناء النيل ...
حلوة قوى الروح دى ...
خلتينى فرحان بيكى وليكى ...
كنت عارف انك هاترجعى لنفسك بنفسك ... بتجاربك و عطائك و حبك للناس ولنفسك وللحياة ...
مش فرحان بس ... انا حاسس انى فخور بيكى ...
اى حد يعرفك لازم يكون فخور بيكى بجد ...
الحزن مش هيروح والوحدة مش هتضيع ... بس قوتك هتخليهم حاجات تأتنسى بيهم وكمان يزيدوكى عمقا و قوة بدل ما ينالوا منك ...
هى دى سمرا ... سمرا اللى لفحتها الشمس وادتها قوة و ارادة زى ما ادتها جمال ودفء لكل اللى حواليها ...

ستين متر يا مفترية ....
يعنى من سطوح عمارة عشرين دور ... ههههههه
معلش ده دش بارد بعد التوت السخن اللى فوق ... ههههه
بجد حاجة تشرف ...
واللى يشرف اكتر اهتمامك بالناس وفرحك لفرحهم ووقوفك جنبهم ... ده تاج على راسك زى اى ميدالية اخدتيها
ميدالية حب من قلوب الناس اللى بتسعديهم ...

مبروك عليكى رجوعك لنفسك وكل ازمة وانتى اقوى و اقوى ...

ستيييين متر يا مفترية .... هههههههه

Sun Mar 04, 02:06:00 AM GMT+2  
Anonymous Anonymous said...

السلام عليكم
افرحتيني بفرحك اسال الله العظيم رب العرش الكريم ان يشرح صدرك و ييسر امرك و يرفع من شئنك و يعلي من قدرك و يجعلك من الفالحين الناجحين
اللهم امين
اللهم امين
و الله انتي اخت و نحبك في الله

Sun Mar 04, 03:37:00 AM GMT+2  
Anonymous Anonymous said...

تعرفي الموضوع مبقاش اي حاجه بقي لا دي حاجه و حاجه كبيره و حاجه عظيم ..هي مجرد كلمات منك ممكن تكون احلام او اماني او مشاعر او هموم او اي حاجه بقي بس في سؤال ليه بنستناها ليه بنزعل لزعلك ليه بنفرح لفرحك ليه بنحس انك اخت و لازم نعيش معاكي مشاعرك ليه اي حاجه بقي بقت حاجات كبيره عندنا ...علشان انتي انسانه طيبه بجد رائعه بجد
اسال الله لكي الخير كله عاجله و اجله ما تعلميه و ما لا علميه
اللهم امين

Sun Mar 04, 03:48:00 AM GMT+2  
Blogger bagabigo said...

اان اسفة انى مكنتش قريبة منك كفاية بس بجد يا انجى انا عندى مشاكل كثير بس معنديش الشجاعة انى اكتبها فى المدونة وحشتينى

Sun Mar 04, 11:34:00 AM GMT+2  
Blogger The Alien said...

كتير بنحس بالضعف واليأس
والحل في الذكريات والمواقف القوية
وهي دي فايدة اﻷصدقاء
لازم يساعدوا ويفكروكي إنك قوية
هو ده اللي هيخرجك من الحالة دي

مبسوط بروحك الحلوة
وأتمني تدوم
تحياتي

Sun Mar 04, 01:49:00 PM GMT+2  
Blogger micheal said...

بشري سارة...لقيت تاج مبعوتلك النهارده...ربنا معاكي و يصبرك
تحياتي لكي

Sun Mar 04, 02:55:00 PM GMT+2  
Blogger hOby said...

بجد انت شخصية جميلة جدا..
اتضايقت جدا لما قريت البوست اللي فات ووصلني احساسك اللي كله مرارة..
وفرحت جدا لما قريت البوست ده وبرضه وصلني احساسك بالأمل والتفاؤل والشجاعة والإقدام والإصرار على انك تثبتي كل ده للناس وللدنيا كلها.. بالرغم ان مشاعداتي في الحياة مش كتير قوي بس برضه هيا مش قليل قوي ومن خلال مشاهداتي دي اقدر اقولك بكل ثقة انك من الشخصيات اللي ان شاء الله هتوصل لأحسن المراتب مش عشان حاجة اكتر من انك صادقة مع نفسك ومع اللي حواليكي, بتخرجي كل اللي بتحسي بسلاسة اكيد بتساعدك انك ترتاحي وتبقي انسانة سوية, والأهم من ده كله انك بتحبي الناس كلها.. انت بس حبي نفسك شوية زيادة لأنها تستحق انك تحبيها وبكده ان شء الله مشاكلك كلها هاتروح مع الأيام زي ما اي حاجة بتضايقنا بتروح..

Sun Mar 04, 02:56:00 PM GMT+2  
Blogger ياسمين said...

مبسوطة قوى بالبوست دة يا سمرا
انتى قمتى وقويتى وبتقولى أنا هنا

هو دة أكتر حاجة عجبتنى فى البوست

وهقولك تانى كويس انك عرفتى قيمة نفسك ومش مهم ان حد تانى يعرف أو ما يعرفش

المهم انك سمراء النيل الجميلة القوية اللى هتفضل تتخطى الصعاب لأنى بصراحة ما أوعدكيش ان مصاعب الحياة تنتهى .. دى بتفضل معانا حتى الموت

تحية كبيرة على البوست دة

Sun Mar 04, 02:58:00 PM GMT+2  
Blogger fares said...

كويس انك ورتنا المناظر الجميله دي يارب يصلح الحال ليكم ياريت تبقي تكتبلي

Sun Mar 04, 03:22:00 PM GMT+2  
Blogger No Fear said...

السلام عليكم
ممكن طلب
مش عارف كنت في مدونة لواحدة قالت أنكم بتتقابلوا خارج عالم النت
أنا للأسف مش فاكر هي مين
بس لو هتتقابلوا تاني ممكن تقوليلي للي هتقابليهم ممكن أنضم لكم
مستمع بس أنا بستمتع بكده جدا
شكرا
سلام

Sun Mar 04, 05:29:00 PM GMT+2  
Blogger الكلام نوعان :كلام فارغ وكلام مليان كلام فارغ said...

جميل جدا انك تخرجي من ازمتك واللى اجمل ان فيه حد هوه اللى يخرجك منها لان فعلا زي مانا قلت في البوست بتاعي ان الاصدقاء دول اهم شىء والحياه من غيرهم مالهاش طعم خااااالص

Sun Mar 04, 06:40:00 PM GMT+2  
Blogger The Eagles said...

انشغل يومين الاقيكى عملتى بوستين
لا انا زعلان بقى
المهم
انتى ايه اخبارك دلوقتى بجد


طب انا كنت عايز اقولك على حاجة
انا عايز ملبس او حاجة حلوة
:)


والسلام..........

Sun Mar 04, 07:11:00 PM GMT+2  
Blogger linda said...

أنجي

أنت انسانة رائعة مش بس جميلة وجها لا انت ليك جمال داخلي رائع نادر مبيكتسبوش اي حد

بهنيك
وبطلب منك تدعيلي ان حقق شيء هالمرة بعيد الطفل هالسنة يمكن باخد ابتسامة رضي من طفل او بوسة تحسسني بالإكتفاء او ذكري بيذكرني بيها

إدعيلي يكمل مشروعنا

شكرا ياانجي على المشاركة الحلوة بجد سعيدة اني شاركت فيها ولو بقرائتي ليها

تحياتي

Sun Mar 04, 07:29:00 PM GMT+2  
Blogger 35L said...

السلام عليكم.....لقد افتتحت مدونة جديدة.....رجاء الاطلاع عليها و ترك تعليقات حتى أعرف هل أستمر أم لا؟.....أنا لست مدون جديد....و لكنى أغير وجهتى فى الكتابة.....شكرا

Sun Mar 04, 08:46:00 PM GMT+2  
Blogger 35L said...

السلام عليكم.....لقد افتتحت مدونة جديدة.....رجاء الاطلاع عليها و ترك تعليقات حتى أعرف هل أستمر أم لا؟.....أنا لست مدون جديد....و لكنى أغير وجهتى فى الكتابة.....شكرا

Sun Mar 04, 08:46:00 PM GMT+2  
Blogger Sampateek said...

صراحة انا حبلغ عنك التجنيد

اللي زيك لازم تدخل الجيش و تاخد رتبة


اخبارك اية؟

Sun Mar 04, 09:53:00 PM GMT+2  
Blogger ~ Bato0ot ~ said...

ana asfa awy ya engy eny makontsh hena when u was in need of friends.. :(
lel 2asaf kont ba2aly fatra magtsh w mashoftsh el post ely fat da .. bas mabsoota eny shoft this one :) 7elw awy enek eftkrty kol marakez el qowa ely gowaky :) w etsndty 3aliha :)
ya rab tfdly qwya 3ala tol :)

Sun Mar 04, 09:54:00 PM GMT+2  
Blogger houty said...

شوفتى ازاى الحياة فيها حاجات حلو
ممكن الواحد يفتكرها
ممكن تخليه ينسى مشاكل الدنيا
وانت مش لازم تفتكرى الوحش فى الدنيا وانسى كل حاجة وافتكرى الحلو بس
وانا كنت بطئمن عليك انا مش بشوفك اون لاين خالص
اتمنى انك تكونى على خير

Sun Mar 04, 11:08:00 PM GMT+2  
Blogger الدبور said...

ايه الاخبار روقي كده
ومفيش حاجه تستاهل الزعل
بس عندي كام سؤال
ايه لعبه السابله دي؟
وايه حكايه القافله الطبيه و انتي في تربيه رياضيه ايه العلاقه بين مجال شغلك و القافله الطبيه ؟
واخيرا
"وشكرا للي وقف جنبي واتصل بيا "
مين ده اللي كلف نفسه و اتصل اكيد انسان محترم
انت بقي لازم تردي ليه الجميل و تشحني ليه كارت بـ 5 او تحولي ليه رصيد
ومش تنسيني انا كمان بكارت صغير علي قدي كده
منتظرك اللقاء اللي جاي

تحياتي
الدبور

Mon Mar 05, 04:17:00 AM GMT+2  
Blogger albida said...

انوجى النوجى كونوجى

أنا دايما بجى متاخر كده؟!! لا بقى.. ابقى احجزيلى كرسى فى الصف الاولانى بعد كده
هههههههههه

ايوه كده.. هى دى انوجى القوية اللى بتقع وتقوم تانى أقوى من الأول

وبلاش حكاية الانسان بيقع وينهار دى علشان حسستينى أننا عمارات من بتوع مصر الجديدة
هههههههههههه

ايه يا بنتى ده؟ هما كانوا بيعذبوكم هناك؟


manal

Mon Mar 05, 06:57:00 AM GMT+2  
Blogger مصر هى أمى said...

ايه يا بنتى اللى كنتى بتعمليه ده حد ينزل من 60 متر
بصراحة من جمال وصف الاردن خليتى الواحد نفسه يروحها
بوست جميل اوى يا صاعقة
هنشوفك فى الاجتماع ان شاء الله

Mon Mar 05, 08:55:00 AM GMT+2  
Blogger MAKSOFA said...

اجمدي

لسه الدنيا فيها كتير من المواقف الصعبه ، خليكي دايما شخصيه مقاتله وارفضي الهزيمه من اي نوع كانت نفسيه اوماديه
وأقفي تاني بقوة وواصلي طريقك

المثل بيقول

ماحك ظهرك مثل ظفرك تول انت امور نفسك

Mon Mar 05, 09:38:00 AM GMT+2  
Blogger tamer said...

لكل انسان وقت بيكون فية ضعيف

ومهما كانت الاسباب لازم نحاول نتغلب على اوقات الضعف دى عشان نقدر نكمل مشوار الحياة ولانتتوقف عند محطة معينة

ربنا يسعدك ويوفقك

تحياتى

Mon Mar 05, 09:49:00 AM GMT+2  
Blogger محمد صلاح العزب said...

الحياة محتاجة حاجات كتير مننا أنا متأكد ان عندك كتير من الحاجات دي

Mon Mar 05, 11:19:00 AM GMT+2  
Blogger smraa alnil said...

محمد مفيد

بجد ربنا يخليك ويخليلك عبد الله يارب
بجد اللحظات دي من اجمل اللحظات اللي عشتها
___________________________

همس الليل

ولا تجدد ولا حاجة هي الذكريات اللي احا بنخلقها يا نورا
بالنسبة للنوم فمش هقدر اوعدك بيه
انتي عارفة ان الحال من بعضه
انتي بجد اختي وانا فعلا بحبك اووووووووي
ربنا يسعدك يارب يا نورا

Mon Mar 05, 05:58:00 PM GMT+2  
Blogger smraa alnil said...

مايكل
هههههههههههههه
حلو اوي البيان دة
بس ندنا العثل الاسود
ان شاء الله اشوفك معانا
__________________________

محض روح

دينا انا بجد انبسط كتير بيكي وبكلامك معايا بجد
انتي جبتي المفيد من الاخر

السابلة مش السبلة ههههههههه
السابلة دي جايزة بيشترك فيها الشباب بيعملوا فيها مغامرات ومخاطر وخدمات عامة عاشان في الاخر نحصل علي لقب مغامر
ههههههههههههههه
عشان تعرفي بس اني مش اي حد
ربنا يكرمك يارب

Mon Mar 05, 06:15:00 PM GMT+2  
Blogger smraa alnil said...

القهوجي

فخور ليه بقي
انا حاسة ان دة عادي وطبيعي ولا يستدعي ان حد يفتخر بيا
بس مش هحرمك من حاجة :))

هههههههههههانت ايه اللي عرفك بموضوع لفحة الشمس دي
دة انا كنت هناك متفحمة النيل مش سمراء النيل

ادا بقي احنا هنقر ولا ايه
بالظبط اللي عملته في الاردن دة تاج ليا بجد
هههههههههههههه مانت مش شفتني كنت عاملة ازاي وانا نازلة عليه
بس اهي عدت ولو جم قالولي اعمليها تاني يبقي معاهم ربنا بقي
___________________________

anonymous

وعليكم السلام

اللهم يتقبل منك يارب وبجد شكرا ليك اوي علي الزيارة دي والتعليق واللهم امين

Mon Mar 05, 06:15:00 PM GMT+2  
Blogger smraa alnil said...

anonymous

بجد انتو فرقتوا معايا اوي
ولو كنت اعرفامن زعلي هيزعلكم مش كنت زعلت ابدا
انتو كلكم بجد اخواتي
ربنا يكرمك يارب
بس تقريبا انا عارفة انت مين :))
__________________________

بجابيجو

هاجر
ولا يهمك كفاية انك معايا
عامة انا هكلمك واعرف ايه المشاكل دي بجد قلقتيني عليكي
ويارب يكون خير

Mon Mar 05, 06:16:00 PM GMT+2  
Blogger smraa alnil said...

the alien

انت عندك حق
بس هتستغرب لو قلتلك ان جيرنيمو مش زارتني ولا مرة وشفتها مرتين بس
بس كلامها كان فكرني بحاجات انا نسيتها
ربنا يكرمك يا بيشوي يارب
___________________________

مايكل

لالالالالالالالالالالالالالالالالالالا

انت بتهرج
لا اكيد انتو بتهرجوا
دة لقيته فين دة بقي

Mon Mar 05, 06:16:00 PM GMT+2  
Blogger smraa alnil said...

hopy

ربنا يكرمك ياهوبي يارب
احسن المراتب ايه بس
انا مش شايفة كدة
بس يمكن عشان مجالي مش مساعدني
اهي المشكلة بقي في موضوع حبي نفسك دي
نفسي اعملها بس مش عارفة
بس ربنا هيفرجها اكيد
ربنا يكرمك وابقي تعالي علي طول
_________________________

ياسمين

انا مش كنت هكون قوية الا بيكي صدقيني
انتي خلتيني اغير وجهه نظري في حاجات كتير
ربنا يخليكي ليا
انا عارف ان مصاعب الحياة مش هتنتهي من غير ما توعدي يعني

Mon Mar 05, 06:16:00 PM GMT+2  
Blogger smraa alnil said...

فارس

اكيد انا جاية علي طول اشوف
مش تقلق
___________________________

no fear


انت اكيد بتهرج
طبا ممكن تكون معانا
ياريت تكون معانا بجد هكون سعيدة
انا عملت العنوان والمعاد في البوست الجديد
وياريت تشرفنا

Mon Mar 05, 06:16:00 PM GMT+2  
Blogger smraa alnil said...

الكلام نوعان

انا بقي هروح اشوف البوت اللي انتي قلتي فيه الكلام دة
بجد شرفتيني وياريت تكرري الزيارة تاني
___________________________

the eagles

المهم انت فضيت يعني ولا ايه
انا ياسيدي الحمد لله
المهم انت اخبارك ايه بجد
مين فينا اللي يجيب ملبس
انت يا بيه اللي تجيب الحاجة الحلوة
انت ناسي ان دة عيد ميلادك انت

Mon Mar 05, 06:17:00 PM GMT+2  
Blogger smraa alnil said...

ليندا

انتي الي جميلة يا ليندا
اللي تقوم بحملةلاسعاد الغير زي مانتي عملتي دة بجد اثبتيلي ان انتي الاجمل
واكيد بدعيلك وياريتني كنت معاكي بجد
انتي مش متخيلة انا بحب الحاجات دي اد ايه
انا اتعلمتها في الاردن بصراحة
ان شاء الله مشروكم يكمل وينجح
ربنا يخليكي يارب
___________________________

35l

وعليكم السلم والرحمة
علم يا فندم وسينفذ
وهجيلك

Mon Mar 05, 06:27:00 PM GMT+2  
Blogger smraa alnil said...

سمباتيك

هههههههههههههههههه
هو انا ناقصة يا سمبتكة
عندك حق قالولي كدة برضه
انا الحمد لله انتي الي وحشاني
___________________________

بطوووط


اولا مش تتاسفي
انا بس وقعت وقمت بسرعه عشان كدة مش لحقتيني
ويارب تشرفيني كدة علي طول
يا انوج
يا بنتي غيري اسمك بقي

Mon Mar 05, 06:27:00 PM GMT+2  
Blogger smraa alnil said...

houty

اكيد الحياة فيها حاجات حلوة بس احنا اللي بنحليها
بس اهي عدت
المهم انتي ايه نظامك في الانسانة الجديدة اللي انتي بيتي فيها
انا كلمتك خلاص اونلاين انتي هتمثلي يا هبه
ههههههههه
ربنا يكرمك يارب
___________________________


الدبور

الحمد لله يا اسامة
الاسبة دي هتلاقيني شارحها في ردي علي تعليق محض روح
وهي مش لعب علي فكرة

هي مش ليها علاقة لا بمجال كليتي ولا شغلي

هههههههههههههههههه
انا كنت بتكلم بصفة عامة يا دبور
يعني في كتير اتصلوا بيا
فانا بشكرهم كلهم مش فرد بعينه
ههههههههههههه واكيد كلهم بني اديمن محترمين
كارت ايه
لو كدة بقي انا مش جاية

Mon Mar 05, 06:28:00 PM GMT+2  
Blogger smraa alnil said...

منولتي النولتي كونولتي

خلاص يا سيتي المرة الجاية هجزلك بس انتي عشان خاطر مذاكرتك مش موجود علي طول
قوليلي بس انتي بتبقي موجودة اتي وابقي احط البوست لما تكوني موجودة

هههههههههههههههههه
وايها عذاب يا منال والنبي ما تفكريني
___________________________

مصر هي امي


تخيل بقي انا عملت كدة

بجد لازم تروحها دي بلد تحفة اوي وكفاية عليهم ان هما بيحترموا الادمية
ربنا يسهل ان شاء الله بس انت ادعيلي

Mon Mar 05, 06:28:00 PM GMT+2  
Blogger smraa alnil said...

مكسوفة

انا عارفة بجد ان الدنيا مواقفها كترت اوي وهتكرت
انا مستعدة
بس بجد اللي جاي ان شاء الله هيكون اهون بكتيير من اللي راح وفات

انتي صح بجد شكرا ليكي اوي
___________________________

تامر

ايه يعم الفلسفة دي
ربنا يخليك يا تامر يارب
___________________________

محمد صلاح عزب

عندي طبعا حاجات كتير انت كمان عندك حاجات كتيرة اوي هتعينك علي الحياة
شكرا علي المرور ويارب تتكرر تاني

Mon Mar 05, 06:28:00 PM GMT+2  
Blogger ~ Bato0ot ~ said...

ya bnty 2oltelek b7b esmy da 3ashan 3ala esmek ba2a ;)

Mon Mar 05, 10:45:00 PM GMT+2  
Blogger smraa alnil said...

ههههههههههههههههه
هنبتدي نتمحك بقي
ماشي يا سيتي ثبتيني بقي

مانا الكبيرة بقي

Mon Mar 05, 11:27:00 PM GMT+2  
Blogger بين الأمل و اليأس said...

مش بقلك انت غير كل البشر
يالله حصل خير بس
انا للدرجاتي معرفكيش ياه انتي جميله اوي بات بس الصورتين تقريبا فيه بنت اتكررت فيهم انتي دي
مش شايف
ولا البنوته اللي انت وراها انا مش فاهم الصورة دي ممكن تشريحيها
بجد الف حمد وشكر ليك يارب
ياررتني كنت معاهم عملوها الابطال يارتني كنت معاهم
يابنتي انا هنا كنت بطلع الجبل ورغم انه مايل وبتاع وكله تراب وبنتزحلق كل شوية لكن ماتخيلش اننا كان ممكن اعمل عملية الانزال بس فعلا الانسان لما يعوز يكون هايكون
ويارب يديمها نعمه
وربنا يسترها

Tue Mar 06, 02:08:00 AM GMT+2  
Blogger smraa alnil said...

بص يا سيدي بالنسبة للبنت اللي في الصورة دي اسمها مريم وهي اردنية
والصورة اللي انا كاتبه انا اللي ورا البنت دي
كنا بنعمل زء رقفيهاي بحيث اني اكون انا وراها ومدخلة ايدي بين اديها وهي بتتكلم وانا اللي بحرك ايدي كانها اديها هي
فهمت ولا لا
وانت عندك حق الانسان اللي عايز يعل حاجة بيعملها

Tue Mar 06, 07:33:00 AM GMT+2  
Blogger أُكتب بالرصاص said...

نشكرك جدا
لاني من الناس اللي بتحب الاردن جدا,,

ماشاء الله على الطبيعة والناس
وكميةالمزارات اللي فيها

حاجة تحفة

فكرتيني فعلا بها

ماعين
وعجلون
والقيادة الوعرة بين الجبال

جرش
وهدوؤها

البحر الميت وشقاوته
واو

شكرا مرة تانية
بس يعني ايه السابلة دي؟

Tue Mar 06, 09:12:00 AM GMT+2  
Blogger youma said...

شجعتينا
وشجعتي نفسك
احنا مقبلين على عمل خيري بعيد الطفل متل ماقالت ليندا ادعيلنا ننجح فيه
اسمي هيام قد يكون هذا اول تعليق اسيبهولك بس بتمنى بيكون ليه محل في هذا الكم الهائل من التعليقات
" الحياة بتختارنا وبتحطنا في مواقف قد لا نكون نمتل فيها انفسنا ولاكن في احيان كثيرة بتجينا الفرصة ان نكون إحنا من جواتنا بنمتل حالنا بين الروح والخالق"
الله يوفقنا جميعا

Tue Mar 06, 10:06:00 AM GMT+2  
Blogger smraa alnil said...

اكتب بالرصاص


انا كمان بجد بحب الارد جدا جدا جدا
الاردن كلها مزارات اصلا
وبلد نضيفة جدا وتحفة
انت اللي فكرتني ببلد تحفة
اربد والبترا الكرك
معان
كل اللي انت قلته دة انا رحته
انا لفيت الاردن كلها من الشمال للجنوب
العفو
انا اللي بشكرك بجد علي زيارتك وتعليقك

السابلة دي جايزة من سمو الامير حسن عم الملك عبد الله
للمخاطرة والمغامرة والخدمات العامة
بنقوم فيها بالتدريب والقيام ببعض المغامرات كتسلق الجبال وتدريبات الصاقعه
وخدمات عامة زي يوم طبي مجاني
او زرع مراجيح في حدائق للاطفال
وصلت ولا لا
___________________________

youma


المهم انكم تتشجعوا بجد معايا
بجد اللي انتوا عملتوه خلي في فكرة في دماغي هنفذها ان شاء الله واتمني تنجح زي فكرتكم كدة
ربنا يوفقكم يارب
وسلميلي علي ليندا

Tue Mar 06, 11:10:00 PM GMT+2  
Blogger dr_lazeez said...

di awel mara azorek, kalamek kolo gamil gedan wa men el2alb
khaliky kaweya keda 3alatool 3ashan eldonya kasia gedan wa mafish 7ad beyer7am elda3if

Wed Mar 07, 08:17:00 PM GMT+2  
Blogger توتة توتة said...

حاجة زي دي ازاي كنتي ناسيها و محطيتهاش من زمان

Fri Mar 09, 10:12:00 PM GMT+2  
Blogger smraa alnil said...

دكتور لذيذ

ربنا يخليك يارب
وياريت دي مش تبقي اخر مرة تزورني فيها
نصيحتك دي انا بنفذها دلوق وعلي طول
ربنا يكرمك يارب
اتمني انها مش تكون الزيارة الاخيرة

__________________________

توتة توتة

انا مش ناسياها بس مشاغل الحياه عامياني عنها
شكرا للزيارة بجد

Sat Mar 10, 05:16:00 PM GMT+2  

Post a Comment

Links to this post:

Create a Link

<< Home