Wednesday, February 07, 2007

وقفة مع النفس و رجائي الي الله

حنيني الي الله

خائفة انا
مذعورة وارتجف فزعا وهربت جميع خلاياي وجف ريقي رعبا
اقف علي بابك اخبط الا تسمعني
امدد لك يدي
فلا تتركني
ما عاد لي غيرك
وجدت نفسي وحيدة مجروحة وما من احد يداوي جروحي
تائهة وباكية وما وجدت من يمسح دموعي
كم كرهت نفسي
وكم مر علي من الوقت وانا اغلق علي كهفي واعصيك وصارخة بعصيانك
ما همني الخوف والشعور بالذنب الذي يقتلني
كم مر بي الوقت وانا متلذذة بعصيانك
فرحماك يارب
افتح لي باب رحمتك
ولا تترك قلبا تعلق بك
وجاء يطلب مغفرتك
ما عادي لي غيرك
امدد لي يد الرحمة وطوق قلبي بمحبتك
فويحي من غضبك وعدم رضاك
الهي ما علمني احد انك موجود وما علموني كيف اسجد لك
ما علموني من هم انبيائك
وادركت بان هناك يد تحملني وترفعني وتحميني
وشعرت بانك معي
وعلمت انه انت يا ارحم الراحمين
رسمتك في خيالي
وجلست مرارا تحت عرشك
تحت قدميك طالبة رحمتك ومغفرتك
ابكي وابكي وابكي وسأظل ابكي
كم عصيتك فغفرت لي
واطلب منك الرزق
فتعطيني
واعصيك
فتسترني
كم سترتني فاسترني يوم ابعث
يوم تسود وجوه ويوم تبيض وجوه
فبيض وجهي ولا تفضحني واستر عوراتي
اوزاري اثقلتني
وكدت افقد املي
بان ملائكتك تصلي علي
ولكنك القائل
"قل ياعبادي الذين أسرفوا على أنفسهم لاتقنطوا من رحمة الله إن الله يغفر الذنوب جميعاً إنه هو الغفور الرحيم"
فاغفر لي ذنبي كله سره وعلانيته
فما انا بمؤمنة
فاهدني ولا تتركني
أأتيك باكية أأتيك خاضعة خاشعه بقلب يريد التوبة
فلتنظر لي ولترأف بحالي فانت احن ممن تركني
وانت اعدل ممن ظلمني
وانت اقرب الي ممن تقرب الي
" ونحن اقرب اليه من حبل الوريد"
الهي اعطني القدرة علي الاستيقاظ والناس نيام
لاناجيك
لابكي بكاء توبتي
واحمل قبل منامي كفني
اعطني القدرة علي ان اتغلب علي نفسي الامارة بالسوء
وان احارب بقرأنك وايماني شيطانك
فان لم تغفر لي فسحقا لي من عذاب انتظره
فارحمني ولا تهلكني
اللهم اني احبك فاغفر لي جهلي بعدم فعل من يثبت اني احبك
فأنا الجاهلة الفقيرة اليك
امنحني القوة
فانا الضعيفة الهزيلة
اللهم اني اترك لك امري فانت خير مدبر لاموري
اللهم دبر لي فاني لا احسن التدبير
اناجيك بليلي ان تعود بي الي باب جنتك
واستيقظ عاصية
يا نفسي الي متي تتوهين
يا نفسي
متي تتوبين
ارفع يدي يا حبيبا طالبا منك محو غربتي
فلك امري كله
ارفع يدي طالبا منك ان تحفظني
اللهم اجعل في قلبي نورك
املئه بعشقك يا الله
املئه بحبك وبنور ايمانك
اجعل القرآن الذي هجرته ربيع قلبي
اللهم اجعل في بصري نورا
اغضض بصري في كل ما يعصيك
اريح عيني من رؤية الشر
اجعلني اري اياتك بقلب سالت دموع التوبة منه
اللهم اجعل في سمعي نورا
امنع عني كل ما هو صخب وبذئ
اجعل اذني لا تسمع غير تسبيحاتك
وقرآنك فما لي رجاء غيرك
اللهم اجعل في لساني نورا
اجعل لساني ناطق شهادتك واثبات نبوة رسولك
فاشهد ان لا اله الا الله واشهد ان محمد رسول الله
اجعلي لساني رطبا بذكرك دوما
اللهم اجعل في يدي نورا
اجعل صدقاتي تكتب في حسناتي
اجعلها تمدد يد الخير وتحمل من يسقط
تزرع الخير في قلوب البشر
اللهم اجعل في قدمي نورا
لا تجعلها تسير في طريق الشر
وطريق الخطيئة
فما استطعت السير في نيران اشواك الرذيلة
اللهم اجعل من امامي نورا ومن خلفي نورا
وعن يساري نورا وعن يميني نورا
اللهم اجعل من فوقي نورا ومن تحتي نورا
اللهم اجعلني نورا
اللهم اجعلني ابتسامة في وجه اليتيم والفقير وفاقد الرجاء
اللهم اجعلني كسرة خبز تسد جوع الجوعان
اللهم اجعلني شربة ماء تروي من ظمأ
اللهم اجعلني غصن يظلل من احترق من القيظ
فاغفر لي
فما وجدت غيرك معي
واجهت ظلم الاصدقاء
وجحدهم لي
ارفع عني الظلم يارب
وانصرني علي من ظلمني
مرضت فصدقت يا الهي فشفيتني
ما وجدت معي لا اهل ولا احباب ولا اصحاب
ما رايت غير يدك
ظلمني احبابي وما استطعت ان ادافع
وظلمت نفسي كثيرا
اللهم اني ظلمت نفسي ظلما كثيرا فاغفر لي فانه لا يغفر الذنوب الا انت
خفت ان اموت وحدي
تمنيت في الدنيا الاحتضان
فما اقسي ضمة قبري علي وانا منقطع عني الرجااااااء
تمنيت من يؤنسني
وما اقسي الوحشة والوحدة في قبري وما معي من ناديته في احلامي
ما يفيد بكائي وصراخي في يوم احشر فيه
ما يفيد بحثي عن من ينقذني وانا لون جلدي يتغير وغارقة في عرق المعصية والذنوب
فما يفيد لهوي ان زلزلت الساعه
يقشعر جسدي من الخوف
فازرع الطمأنينة بداخلي
ولا تتركني ادق بابك دون رد او اجابة منك
فانت حرزي ومولاي وحبيبي والهي ومنقذي وملجئي
فلا تنساني يوم احشر
من أعرض عن ذكرى فإن له معيشة ضنكا . و نحشره يوم القيامة أعمى" .
قال رب لم حشرتنى أعمى و قد كنت بصيرا . قال كذلك أتتك آياتى فنسيتها و كذلك اليوم تُنسى
صدقت يا عزيز يا جبار وارحم الراحمين
فأن كربي وهمي من نسيان ذكرك وهجران كتابك اغفر لي ذلتي ونسياني وهجراني
فسبحانك اللهم واشهد بان لا اله غيرك وانك الذي يحي ويميت
ما تحتاج شهادتي ولكن لعلها تكون اثقل حسناتي في كتابي
لعلها من تنقذني من الاتيان به بيدي اليسري
فاغفر لي وتب علي
ما لي غيرك
سامحني فويلي من غضبك وعدم رضاك علي
استغفرك اللهم واتوب اليك
سبحان الله وبحمده سبحان الله العظيم

Labels:

103 Comments:

Blogger عبدالله said...

حبيت اقص الشريط انا بس المره دي :)
التعليق الحلقه القادمه
تحياتي

Wed Feb 07, 12:46:00 AM GMT+2  
Blogger عبدالله said...

من اجمل المشاعر الانسانيه مناجاة الخالق
انها نعمه في حد ذاتها لا يدركها الا من تيقن بالوجود و امن بالموعود و استعد للخلود
ان الاعتراف بان الحياة لذتها في الاقتراب و الاعتراف يعطي للنفس دفعة للوصول للافضل والاستفادة من اخطاء الماضي و تصحيحها مع الخالق
احي فيكي الروح الايمانيه الجميله دي ربنا يرزقك ان شاء الله حبه ويبعدك عن معاصيه

من اكتر الايات الي بحسها دايما لما بسمع مشاكل الناس الايه
من أعرض عن ذكرى فإن له معيشة ضنكا
فعلا الاحساس بالاكتئاب و التعب النفسي مش بيجي غير من قلة الايمان بالله و القدر و البعد عنه لو انت قريب من ربنا مش هتلاقي حاجه تستاهل تتضايق علشانها لما تبعد هتحس ان كل حجه ليها تزعل علشانها
شكرا علي الكلام الجميل الي بيحرك فينا شوية ايمان في اوقات الايمان فيها بيقل

تحياتي

Wed Feb 07, 12:57:00 AM GMT+2  
Blogger The Eagles said...

معلش بقى يا عم عبدلله
انا هاروح اجيب لزق
الزق بقى .........تمام كدة
ايوة يا عم
اه المقص صحيح
ا.. 2...3
تشششيك
(تصفيق وصفير )هييييه هييييييه
انتى ايه اخبارك دلوقتى عاملة ايه؟
بصراحة الموضوع اكثر من رائع وحلو قوى ان الواحد يكتب كلام لربه
تعرفى لما الدكتور فى احد السيكشنات طلب مننا نعمل موضوع نعطى فيه رسالة لربنا انا ما عرفتش اعمله بصراحة كان صعب قوى بس بجد انتى عملتيه فى غاية الروعة
بس انا لي تعليق صغير
(يا نفسي الي متي تتوهين
يا نفسي
الي متي تتوبين)
اقترح انها تكون احسن
يا نفسي الي متي تتوهين
يا نفسي
متي تتوبين
على طول من غير الى
مجرد اقتراح



والسلام.........

Wed Feb 07, 01:14:00 AM GMT+2  
Anonymous Anonymous said...

مشاعر عظيمه تلك المشاعر التى تحاولين وصفها (التوبه والرجوع الى الله ) ولكن لى تعليق هوالحرص فى استخدام الالفاظ والمفرادات عند الكلام عن الله ورسوله ......وزادك الله قربا منه وحبا له ولرسوله وهدانا واياكم

Wed Feb 07, 01:31:00 AM GMT+2  
Blogger zordeak said...

ربنا يتقبل منك يا انجى كل دعواتك

ويا رب الوقفة دى يكون سببها خيير

وتكون نتيجتها خيير


ياااارب

Wed Feb 07, 01:37:00 AM GMT+2  
Blogger -_- said...

افضل تدوينة قريتها النهاردة

بجد جزاك الله خيرا و شكرا على الكلمات اللى تهدي النفس و تريح الخواطر

Wed Feb 07, 01:49:00 AM GMT+2  
Blogger Amr Ahmed said...

تعليق بسيط بقي

ربنا يرزقك راحة البال
وهدوء النفس

Wed Feb 07, 02:53:00 AM GMT+2  
Blogger سجين فى قلب الوطن said...

التعليق الوحيد هو
آمين آمين آمين
لك و لنا و للمسلمين أجمعين

Wed Feb 07, 03:37:00 AM GMT+2  
Anonymous Anonymous said...

وكالعاده حجزت مكان بين ال10 الاوائل

فعلا الواحد لازم كل فترة يعمل وقفه مع النفس علشان يعرف هو ماشي في اي طريق ماشي صح و لا غلط اذا كان صح يكمل و اذا كان غلط يرجع للصح و يستغفر ربنا و طبعا ربنا اسمه التواب الغفور الرحيم يعني هو مش عاوز منا اكتر من التوبه و طلب الرحمه و المغفرة
الف سلامه عليكي و علي القطه

تحياتي
from damn cybers : الدبور

Wed Feb 07, 05:13:00 AM GMT+2  
Blogger frozen love said...

انا كنت كل مرة بشكر في كلامك واسلوبك واحساسك

المرة دي اسمحيلي اشكر فيكي شخصيا بقى ..انتي انسانة جميلة قوي يا انجي...متعرفيش قد ايه على قد ما انا كنت متاثر بالكلام..على قد ما انا كنت سعيد بيه

ربنا يثبتنا جميعا على الايمان ونفضل فاكرين ربنا كده دائما وشاكين له..ومتضرعين ليييه

عايز اقول كلام تاني كتير والله بس مش عالاف هو ايه بالضبط

جدعةlol

Wed Feb 07, 05:22:00 AM GMT+2  
Blogger albida said...

اللهم تقبل منها ومنا ومن المسلمين جميعا يارب

بجد تسلم ايدك يا انجى.. الواحد من زمان كان نفسه يقرأ بوست جميل زى ده
:)

اللهم اجعل جميع أيامنا وليالينا وقفة مع النفس, اللهم اجعل قلوبنا وعقولنا دائما مشغولة بذكرك يارب

قد ايه لما الواحد بيفكر فى معصيته وذنوبه ويقارنها برحمة ربنا معاه بيحس أنه بجد حشرة ميستهلش ده كله!! ياريت ندرك قد ايه بجد ربنا بيحبنا


manal

Wed Feb 07, 06:54:00 AM GMT+2  
Blogger el2ahwagi said...

ana dayman talabi men rabena enno howa yemna7ni men 3ando elmaqdera 3ala 7obo...
le2ani wa7di la astatee3 shay2a...

rabena m3aaki... monaga gameela w leeha waq3 qawi...

2omti belsalama walla lessa ya toota...?? tameneena..!

Wed Feb 07, 06:55:00 AM GMT+2  
Blogger الربان said...

مناجاة جميلة ... تتسل الي النفس و تتغلغل في الروح ، وافكرك بالاية الكريمة :" قل ياعبادي الذين أسرفوا على أنفسهم لاتقنطوا من رحمة الله إن الله يغفر الذنوب جميعاً إنه هو الغفور الرحيم" .
و الاية الأخري : "إن الله يغفر الذنوب جميعا إلا ان يشرك به " .

اللهم اغفر لنا و لابائنا و امهاتنا وذرياتنا و اهلنا جميعا و لكل من اوصانا و استوصانا بالدعاء له... و لمدرسينا و مشايخنا و سائر عبادك اجمعين...و صل اللهم و بارك علي سيدنا محمد و آله أجمعين .

Wed Feb 07, 09:15:00 AM GMT+2  
Blogger قلب يحترق said...

اللهم امين لي ولك ولجميع المسلمين
جزاك الله كل خير

Wed Feb 07, 11:49:00 AM GMT+2  
Blogger mariam said...

حاجه حلوه فعلا ان الواحد يقف مع نفسه شويه
ربنا كبير و رحمته وسعت كل شىء
البوست حلو يا انجى
بس حاسه انك متضايقه
يا ريت يكون احساسى غلط

Wed Feb 07, 03:28:00 PM GMT+2  
Blogger orthos said...

مولاى انى ببابك قد بسطت يدى
من لى الوذ به الاك يا سندى
مولاى
(النقشبندى)


اللهم اني احبك فاغفر لي جهلي بعدم فعل من يثبت اني احبك

ارفع يدي يا حبيبا طالبا منك محو غربتي

اجعلني اري اياتك بقلب سالت دموع التوبة منه

خفت ان اموت وحدي
تمنيت في الدنيا الاحتضان
فما اقسي ضمة قبري علي وانا منقطع عني الرجااااااء
تمنيت من يؤنسني
وما اقسي الوحشة والوحدة في قبري وما معي من ناديته في احلامي
ما يفيد بكائي وصراخي في يوم احشر فيه
ما يفيد بحثي عن من ينقذني وانا لون جلدي يتغير وغارقة في عرق المعصية والذنوب
فما يفيد لهوي ان زلزلت الساعه
يقشعر جسدي من الخوف
فازرع الطمأنينة بداخلي



الاجزاء دى من الدعاء قويه أوى يا انجى

أفتكر ان ( ربنا يكرمك ) كدعاء منى مش كفايه

كل اللى عايز أقوله انى لو كنت بعزك قيراط قبل البوست .... دلوقتى بقوا كتير أوى .... متعرفيش معزتك عندى دلوقتى بقت قد اييه

ربنا يعزك و يكرمك و يحبب فيكى خلقه ... لأن القبول من الناس علامة رضى الله

معلش طولت أوى كالعاده ... ربنا يكرمك يارب

انا أمنت ورا كل دعاء قريته و حاسس بشعور جميل بالسكينه دلوقتى ... اشكرك بجد عليه

فى رعاية الله

Wed Feb 07, 04:09:00 PM GMT+2  
Blogger orthos said...

وزى ما قال فؤاد عل السبب خير

وربنا يتقبل

Wed Feb 07, 04:13:00 PM GMT+2  
Blogger LAMIA MAHMOUD said...

عارفة بعيدا عن اني مش حقدر اعلق على الكلام لان دي علاقتك بربنا اللي مقدرش اقول عليها غير اني ادعيلك ربنا يتقبل كل كلمة قولتيها


بس الاية اللي انتي حطاها
بسم الله الرحمن الرحيم "قل يا عبادي الذين اسرفوا على انفسهم لا تقنطوا من رحمة الله" الاية دي ما تتصوريش بتفتح نفسي للدنيا قد اية

Wed Feb 07, 04:47:00 PM GMT+2  
Blogger مـحـمـد مـفـيـد said...

انجي
باب التوبه مفتوح الي يوم القيامه ولكن من منا يفيق من غفله الزمن وتيه الايام
اعتقد ان كلامك خير دليل علي تلك البدايه الرائعه
كل ابن ادم خطاء وخير الخطائين التوابون

Wed Feb 07, 05:14:00 PM GMT+2  
Blogger raspoutine said...

السلام عليكم يا انجى
حمد لله على سلامتك
كنت عايز اقول كلمتين بس هطول عليكى شويه
اولا شىء جميل اوى ان الانسان يقف مع نفسه وقفات كبيره وكتيره وانا بقول وقفات مش وقفه واحده
لان النفس متغيره واماره بالسوء
كما قال رسول الله صلى الله عليه وسلم (افضل الجهاد جهاد النفس)

ايوة الوقفه مع النفس ومحاسبتها تعتبر جهاد فى سبيل الله
الجهاد تلت انواع
النوع الاول....جهاد الكفار وده جهاد ظاهر يعنى شىء مادى كقوله تعالى(يجاهدون فى سبيل الله)
النوع التانى .....جهاد مع اصحاب الباطل وده بالعلم كقوله تعالى
(وجادلهم بالتى هى احسن)
النوع التالت...جهاد النفس الاماره بالسوء
كقوله تعالى
(والذين جاهدو فينا لنهدينهم سبلنا)
صدقينى يا انجى البدايه ممكن تكون صعبه شويه بس والله ربنا بيقف معانا وبيرشدنا للطريق الصح
وكل حاجه هتبقى تمام ان شاء الله

Wed Feb 07, 06:52:00 PM GMT+2  
Blogger sherif gharib said...

الله
بجد انا كنت محتاج قوى لكلمتك ديه يا سمرا
انتى حسستينى بجد ان الواحد بعيد قوى عن ربه و ان ذنوبه مغطياه و انه محتاج و لو لحظه يقف فيها مع نفسه و يحاسبها قبل ما يتحاسب هو على كل اللى فات
الله يفتحها عليكى يا رب

Wed Feb 07, 07:11:00 PM GMT+2  
Blogger كلبوزة لكن سمباتيك said...

امين يا رب العالمين

ربنا يتقبل

Wed Feb 07, 07:33:00 PM GMT+2  
Blogger Tamer Nabil Moussa said...

ربنا يوفقك يارب انجى ويحقق ليكى كل ما تتمنى ويتقبل منك ان شاء الله


تحياتى

Wed Feb 07, 07:56:00 PM GMT+2  
Blogger ody911 said...

أنا قلت برضوا الغيبة دى وراها حاجة

بس بجد أحسن حاجة

وربنا يكرمنا جميعا يا رب

ويقبل توبتنا جميعا

Wed Feb 07, 08:00:00 PM GMT+2  
Blogger Yasmine Adel Fouad said...

ربنا يتقبل منك يا نوجى و يتقبل مننا جميعا و يحسن ختامنا و يشملنا برحمته

اللهم امين
حلو اوى الجو الروحانى بتاع البوست دى
ربنا يقربك منه كمان و كمان
و يهدينا اجمعين

الف سلامه عليكى يا قمرة

Wed Feb 07, 09:11:00 PM GMT+2  
Blogger smraa alnil said...

عبد الله

قصيت الشريط
انا في انتظار الحلقة اهو :))
مبروك عليك اول واحد يعلق
___________________________

dinahliang

ok i`ll try
thx

Wed Feb 07, 10:16:00 PM GMT+2  
Blogger smraa alnil said...

عبد الله

يارب اكون زي مانت بتقول كدة وربنا يهدينا جميعا ويغفرلنا كلنا
يتقبل منك الدعاء يارب
فعلا الاية دي بتهزني جامد اوي وبتخوفني كتير جدا
انا حسيت بس اني لوحدي وربنا هو اللي كان معايا الوحيد الي مش يتخلي عني

انا حسيت بالكلام دة جدا فكتبته وربا يكتبهالي ويهدي بيها الجميع
___________________________

the eagles

هههههههههههه
اقولك ايه يعني
مانت للي جيت متاخر
المهم انت لزقته وعشت الوهم
ماشي يا عمنا

انا يا سيدي الحمد لله كويسة احسن دلوقتي

ودكتور ايه اللي يطلب رسالة لربنا
هو انت اصلا كلية ايه ولا خريج ايه

الموضوع مش صعب زي مانت متخيل
هو بس انت تحس بربنا وبرحمته عليك وانت عايش في التوهة
يعني بتصلي وتصوم وتزكي بس الصلاة تحس ان مش هي دي زي ما تكون بتقول واجب
فاهمني
كل دة بعتبره ذنوب
ولازم الواحد يكفر عنها

المهم بالنسبة لاقتراحك فقد نفذ واتعدل خلاص
اصلا انا كنت كاتباها يا نفسي متي تتوبين
بس بعيد عنك بقي العيا خلاني اكتبها زي الاولانية
سلام

Wed Feb 07, 10:18:00 PM GMT+2  
Blogger smraa alnil said...

anonymous

انا شايفة اني لم اتعدي الحدود في كلامي عن الله
انا بخاطبه كدة علي طول
انا اعتقد اني احرص الناس علي الكلام عن ربنا سبحانه وتعالي
شكرا ليك للزيارة وتقبل الله منك ومنا
_________________________

zordeak

ربنا يسمع منك
الوقفة دي لاسباب كتيرة اوي
حسيت ان فوقيا مشاكل لا ليها اول ولا اخر

وبعدين موضوع ايمان دة كان اثر فيا اوي
والعيا بتاعي واني مش لقيت حد جنبي
وان دراستي وشغلي واصحابي
حاجات كتيرة قوي لقيتها بتتهد من حواليا
قعدت ابص انا غلط ولا صح
اكتشفت ان دة ممكن يكون عقاب من ربنا ليا
انا انسانة عادية بتصرف بطبيعه وتلقائية
ب اكتشفت ان في حاجات كتيرة اوي الواحد بيعملها بتبقي ذنوب
هزارنا وكلامنا ولبنا وتصرفاتنا
حاجات الواحد مش بياخد باله منها
فكان لازم الواحد يفوق بقي
ويقول انه غلط
مش موضوع ان الواحد عمل كبيرة من الكبائر
بس الحاجات الصغيرة دي بتفرق اوي
عرفت بقي السبب
ويارب نتيجتها تكون خير زي مانت قلت

ربنا يخليك يا فؤش يارب

Wed Feb 07, 10:19:00 PM GMT+2  
Blogger smraa alnil said...

sharm

بجد اسعدتني لما عرفت انها افضل تدوينة يارب يجعل كلماتها حسنات ليك وليا
واتمني انها تريح زي ما ريحتني
شكرا علي المتابعه ليك
___________________________

عمرو احمد

اللهم امين
ربنا يتقبل منك يا عموووور
___________________________

سجين في قلب الوطن

شكرا يا طارق ويارب يتقبل منا ومنك
ولجميع المسلمين
تحياتي

Wed Feb 07, 10:19:00 PM GMT+2  
Blogger smraa alnil said...

الدبور

قصدك تقول ان انت العاشر

كلامك صح ودة اللي انا كنت عايزة اعرفه
ودة برضه اللي انا عايزاه الرحمة والمغفرة ويكتب عليا التوبة

الله يسلمك بس ادعي للقطة بقي لحسن هي لسة عيانة
وصلحوا كمبويتركم دة بي انتوا فقرا
___________________________

frozen love

انا بي عايزة اعرف الكلام اللي انت كنت عاز تقولوا مش ليا دعوي بقي

وبعدين الكلام دة كبير عليا اوي

ربنا يخليك يارب

بجد مش عارفة ارد ازاي
بس ربنا يهدينا جميعا ويغفر لنا يارب

انت الي جدع
هههههههه

Wed Feb 07, 10:19:00 PM GMT+2  
Blogger smraa alnil said...

منولتي النولتي كونولتي

يارب يتقبل منك يارب
فعلا لو عرفنا ربنا بيحبنا اد ايه وبرحمته عايشنين كنا زمانا بقينا حاجة تانية خالص
يارب يهدينا جميعا ويرحمنا برحمته ويغفر لنا خطايانا
اللهم امين
___________________________

القهوجي

هي فعلا القدرة علي حب الله دي اهم نعمة
لاننا لو حبينا ربنا مش هنقدر نزعله ونعصيه
وفعلا لو انت لوحدك من غيره يبقي الواحد يموت
اهم حاجة ان ربنا يغفر لينا جمعا ويسامحنا
الحمد لله بقيت كويسة
اطمن عمر الشقي بقي
مانا زي القطة بتاعتي بسبع ارواح
راح منهم اتنين فاضلي خمسة
ههههههه
ربنا يخليك وتعيش وتسال عليا علي طول

Wed Feb 07, 10:20:00 PM GMT+2  
Blogger smraa alnil said...

الريان

اللهم تقبل منه واكتبها في ميزان حسانته وادخله بدعائه الجنة وارحموا من عذاب النار
اللهم امين
شكرا ليك علي الزيارة بجد
اتمني انها تتكرر
___________________________

dyin _soul

جزاكي الله خير يا هبة
ربنا يخليكي يارب
ويكتبهالك يارب الرحمة والمغفرة

Wed Feb 07, 10:22:00 PM GMT+2  
Blogger smraa alnil said...

مانو

يا بنتي لما تلاقي نفسك مريضة ومش في حد معاكي
وان كل شئ بيبقي ضدك يبقي لازم تقفي بقي وتشوفي الصح فين والغلط فين وتدي كل واحد حقه
وكل حاجة فكرت فيها رجعتلها الاصلها وهي علاقتي بربنا
فقلت الواد لازم يفوق بقي
ربنا يخليكي يا مانو يارب
___________________________

SOUL

طب ارد اقول ايه بقي بعد الكلام دة

ربنا يخليك يا سمسم يارب
وتعيش كدة واشوفك دكتور اد الدنيا

يارب يتقبل منك يا سمسم يارب
اللهم امين
بجد انا مش عافة ارد علي كل التعليقات بس ربنا يكرمكم كلكم يارب
يوخليك ليا يارب

Wed Feb 07, 10:22:00 PM GMT+2  
Blogger smraa alnil said...

SOUL

ابقي اقري تعليقي عند فؤاد وانت تعرف
يارب
__________________________

لميا محمود

يارب يا لميا يارب
كويس اني قدرت اخليكي توصلي للمرحلة دي
ربنا يكتبلك الراحة والطمانينة علي طول يارب

Wed Feb 07, 10:23:00 PM GMT+2  
Blogger smraa alnil said...

محمد مفيد

ربنا يتقبل منك ونعم بالله يا محمد
وربنا يتوب علينا جميعا
___________________________

راسبوتين

اولا الله يسلمك يا ايمن
وبعديت طول زي مانت عايز
البيت بيتك يا ايمن
اصع جهاد من الي انت قلت عليه هو جهاد النفس دة
وربنا يقدرنا عليها
وربنا يسمع منك يا ايمن
وشكرا بجد علي الكلام دة ريحني اوي

Wed Feb 07, 10:23:00 PM GMT+2  
Blogger smraa alnil said...

IRONCOPRA

يااااااااااااه بجد زيارتك دي فوق دماغي وتعليقك دة
ربنا يكرمك يارب
وشكرا علي التعليق ولو اني عارفة ان انت مخنوق شوية
ومش بتعلق
شكرا اوي
__________________________

شريف غريب

كويس ان الكلام فادك عشان اخد حسنات انا كمان
ربنا يكرمك ويهدينا ويغفرلنا جميعا يارب
ويفتح الله عليك بالحب والمغفرة يارب

Wed Feb 07, 10:24:00 PM GMT+2  
Blogger smraa alnil said...

سمباتيك

يارب يا سمباتيك
يتقبل منك يارب
شكرا يا قمر
___________________________

تامر

يارب يسمع منك يارب
ويهدينا جميعا

Wed Feb 07, 10:26:00 PM GMT+2  
Blogger smraa alnil said...

اودي

اللهم امين يا اودي
المهم انت اخبارك ايه
___________________________
انا حرة
ربنا يخليكي يارب
يا ياسمين

ويارب يتقبل منك يارب
الله يسلمك يا جميلة انتي
ويخليكي ليا علي طول يارب

Wed Feb 07, 10:27:00 PM GMT+2  
Anonymous Anonymous said...

انا احتج !
انا مش اتعلق علي الكومنت بتاعي ليه اشمعني عبدالله و the eagles
ي تفرقه عنصريه
لن انسي لك هذا الموقف يا انجي
:((((؟

Wed Feb 07, 10:33:00 PM GMT+2  
Blogger الدبور said...

اوبااااااااا تصدقي اناكنت بتصفح الردود وبعدين لقيتك كتبت كومنت علي عبدالله و ايجلز بس وبعدها قلت لا انا لازم ارد و بعد ما كتبت و بعت لقيتك انت رديت تقريباقبلي بكام دقيقه انت كنت بتكتبي معايا في نفس الوقت و لا ايه
وحياتك انا المرتب طاااار مش مكفيني لوحدي وعاوزة الكومبيوتر يدخل كمان في المرتب حراااام الرحمه حلوة
يلا بقي سامحيني يا انجي

Wed Feb 07, 10:38:00 PM GMT+2  
Blogger Unknown said...

إنجى انا مش هشكر فى شخصك لأنه مش هيفيدك ولا هقولك إحساسك جميل عشان برده مش هيفيدك

انا بس هآمن على دعائك وهدعيلك

اللهم ربنا يارب كل شئ بقدرتك على كل شئ اغفر لها كل شئ ولا تسألها عن شئ

اللهم لا تجعل اُنسها إلا بك ولا حاجتها إلا إليك ولا رغبتها إلا فى ثوابك والجنة
يارب استجب اللهم آمين

وصلى اللهم على سيدنا محمد وعلى آله وصحبه وسلم

بحبك فى الله
:)

Wed Feb 07, 10:47:00 PM GMT+2  
Blogger smraa alnil said...

الدبور

هههههههههههه
علي طول ظالمني كدة
اصبر يا اخي
اهو دة اللي مودي الكمبيوتر بتاعك في داهية
مش تزعل انا رديت عليك فوق
___________________________

الدبور

شفت بقي ان في توارد افكار هههههههههه
لازم تظلمني كدة يعني
اجيب عليك عش الدبابير
انا لايمكن انسي حد في تعليقاتي فما بالك انت بقي

ثبتك اهو

مانت بتصرفوا ربعه في السيبرات يبقي ايه لزمتها بقي
بطلوا بقي وهاتوا اللي تحت البلاط
يا ساتر علي الناس اللي بتكنز دي

روح يا شيخ انا مسمحاك

Wed Feb 07, 11:09:00 PM GMT+2  
Blogger smraa alnil said...

انسانة

بجد مش عرفة اقولك ايه

بس بجد بجد ربنا يخليكي ليا يارب
ويتقبل منك الدعاء دة يارب ويكرمك يا ياسمين

وانا كمان بحبك في الله
واحبك الذي احببتني فيه
يارب يستجيب منك يارب

Wed Feb 07, 11:11:00 PM GMT+2  
Blogger Ma 3lina said...

it's really amazing not talking about ur style of writting it 's gr8 as always but the meaning
it resembles each one of us , not only for u

we all need to say these prayers , i just hope that god answer our prayers nd give us relief

Wed Feb 07, 11:32:00 PM GMT+2  
Blogger عمر said...

انا بعدي تأدية واجب؟ طب بجد اخص عليكي اخص... والله وماليكي عليا حلفان انت من اكتر المدونين اللي اعرفهم موهبة.. بس عشان كدة مش سهل اني اسيب كومنت عندك علشان لازم اقري البوست كويس وافكر وبعدين اعلق ودي حاجة زي مانت عارفة مش سهلة
:)

Wed Feb 07, 11:53:00 PM GMT+2  
Blogger متغيرة شوية said...

ازيك يا جميل.
أولا : الدعاء جميل قوي..لمسني علشان طالع من قلبك.

ثانيا : بجد كنتي واحشاني وواحشني التدوين جدا في الفترةاللي فاتت دي ، بس الكمبيوتر كان غضبان على المدونات ومش راضي يعتبها..
مش هعمل كده تاني.:)

Thu Feb 08, 12:42:00 AM GMT+2  
Blogger كلبوزة لكن سمباتيك said...

صباح الورد يا جميلة
حبيت اصبح و اقولك ربنا يسعد اوقاتك كلها برضاه

قبلاتشي

Thu Feb 08, 06:25:00 AM GMT+2  
Blogger Utopian said...

اللهم انا نسألك
توبة نصوحه
فأنت ارحم الراحمين

Thu Feb 08, 06:36:00 AM GMT+2  
Blogger houty said...

امين
امين
امين
ربنا يتقبل دعائك ان شاء الله
و يقبل توبتك وان شاء الله تكون فى ميزان حسناتك
و الله غفور رحيم

Thu Feb 08, 08:41:00 AM GMT+2  
Blogger nooooooooooo said...

بويت رائع يبعث فى النفس السكينة و السلام

ربنا يتقبل منك و يهدينا جميعا

Thu Feb 08, 10:41:00 AM GMT+2  
Anonymous Anonymous said...

تحت البلاط
هو فين البلاط علشان اجيب اللي تحته

روحي يا شيخه و انا قبلت سماحك

Thu Feb 08, 12:38:00 PM GMT+2  
Anonymous Anonymous said...

رنا يغفرلنا جميعا ياسمرا ...كلمات خاشعة لك ثواب قرائتنا لها يارب

اللهم استرنا فوق الأرض وتحت الأرض ويوم العرض

اللهم انك تعلم سري وعلانيتي فأقبل معذرتي واللهم انت تعلم حاجتي فأعطيني سؤلي وانك تعلم مافي نفسي فغفر لي ذنوبي فأنه لا يغفر الذنوب الا انت


يارب يجمعنا بيك ياسمرا في فسيح جناته

Thu Feb 08, 12:42:00 PM GMT+2  
Blogger فريسكـــــــــــــــــــــــــا said...

كلامك جميل يا سمراء وكفاية انه
مناجاه لربنا
ويارب تكون وقفة مع نفس كل من قرئه
ويارب يحققلك كل امانيكى

Thu Feb 08, 01:44:00 PM GMT+2  
Blogger الزعيـمة said...

This comment has been removed by a blog administrator.

Thu Feb 08, 02:21:00 PM GMT+2  
Blogger الزعيـمة said...

ومن أعرض عن ذكرى فإن له معيشة ضنكا . و نحشره يوم القيامة أعمى" .
قال رب لم حشرتنى أعمى و قد كنت بصيرا . قال كذلك أتتك آياتنا فنسيتها و كذلك اليوم تُنسى

**************************

من اكثر الايات تاثير فى
كلما سمعتها او قولتها اقشعر جسدي

اللهم لا تجعلنا من من يعرضون عن ذكرك
الله يتقبل منك يا انجي ويستجيب لك
ويا رب يوفقك دنيا واخرة ويجعل صلاتك وعملك الصالح فى ميزان صالح اعمالك

ارق تحياتي واطيب امنياتي لك

Thu Feb 08, 02:23:00 PM GMT+2  
Blogger admelmasry said...

ايه يا سمرا انتي بيجيلك الكومنات الاول وبعدين تكتبي عليهم موضوع ولا ايه ؟

مش نق ولا قر والله
دا ممكن تسميه حسد
هههههههههههههه

ماشي ياستي هنوقلك ايه بس


عادة الواحد بييجي عليه وقت كدا ويرجع لربنا ويحس انه محتاج يغير حجات معينه

بس المهم ان الوقت دا بييجي للانسان امتي بالظبط

احيانا بيكون متاخر واحيانا بيكون بدري

تحياتي يا سمرا

Thu Feb 08, 03:26:00 PM GMT+2  
Blogger Tamer Nabil Moussa said...

تعالى بفى انجى وشوفى الجزىء التانى للقصة العجيبة ههههه
شوفتى السرعة اى خدمة

سلاموا عليكم

Thu Feb 08, 03:39:00 PM GMT+2  
Blogger smraa alnil said...

ma _3lina

ربنا يكرمك يارب
انا عارفة اننا كلنا محتاجين لوقفة ومحتاجين اننا نقول الكلام دة واهو ربنا يكتبها في ميزان حسناتنا جميعا
ويارب تريح قلوبنا كلنا يارب
ربنا يخليكي ليا يارب
___________________________

عمر

ههههههههههههه
مش كنت اعرف انك بتقرا التعليقات
ربنا يكرمك يارب
بقي من المدونين موهبة
ثبتني بقي يا عم عمر
يعني انت عقبال ما تفضي وتقرا البوست كويس اكون انا عجزت
طب اقولك ايه يعني
ابقي ارميلي تعليق وبعدين اقرا
اديني بديك الحل اهو
المهم بجد اخبار دراستك ايه
سمعت انك تعبان في مذاكرتك ووسط الكتب
كلنا هذا الرجل
ابقي طمني عليك

Thu Feb 08, 06:30:00 PM GMT+2  
Blogger smraa alnil said...

متغيرة شوية

ربنا يكرمك ويكتبلك كل كلمة في ميزان حسناتك

وبعدين يا بنتي انتي قعدتي شهر وشوية مش في حد يعرف عنك حاجة انا قلت انتي اعتزلتي التدوين
عامة هسامحك بس مش تكرريها تاني :))
___________________________

سمباتيك
صباح الفل عليكي يا قمري
ايه اللي مصحيكي بدري قوي كدة
يارب يتقبل منك يارب

Thu Feb 08, 06:31:00 PM GMT+2  
Blogger smraa alnil said...

utopian

اللهم امين اللهم تقبل من كاتبها وقارئها
__________________________

houty

ربنا يكرمك يارب يا قمر
ونعم بالله وربنا يتقبل يارب

Thu Feb 08, 06:31:00 PM GMT+2  
Blogger smraa alnil said...

فانسي

يارب شكرا يا قمر علي الزيارة
وياريت يكون بعث فيكي اللي انتي بقتولي عليه
اللهم امين
___________________________

الدبور

هههههههههه
اهو طول مانت ناكر للخير اللي عندك ومكنزه كمبيوترك مش هيتصلح
انت خايف من الحسد ولا ايه يا سمسم
يا ابني واما بنعمة ربك فحدث
بطل تواضع بقي
افضل انت انكر كدة لحد ما النعمة ما تروح منك
روح يا شيخ


وتعالي بسرعه

Thu Feb 08, 06:31:00 PM GMT+2  
Blogger smraa alnil said...

ليندا

يارب يا ليندا يغفر لنا جميعا
ويارب يتقبل منك الدعاء الجميل المريح دة
اللهم امين انا وانتي وسائر المسلمين يارب
يارب اغفر لنا ولسائر المسلمين
___________________________

موج البحر

الاول انتي مدونتك مالها مش عارفة ادخل عليها
خير
انا هتاكد تاني واشوف كدة
يارب دة اللي انا فعلا بتمناه
ان الكل كمان يكون معايا في الوقفة دي
ويارب يحقلك كل الخير يارب ويبعد عنك اي شر او مكروه

Thu Feb 08, 06:32:00 PM GMT+2  
Blogger smraa alnil said...

comment deleted

اوكي

___________________________


الزعيمة

تصدقي برضه ان الايه دي اللي بتخليني اتهز من جوايا
اقعد اراجع نفسي كلما تذكرتها او قريتها
ربنا يجعلنا من اهل اليمين يارب
يارب يتقبل منك يا داليا يارب
ادعيلي لحسن ان بجد محتاجة لاي دعوة
ربنا يخليكي يارب ليا
تحياتي ليكي يا قمرة

Thu Feb 08, 06:32:00 PM GMT+2  
Blogger smraa alnil said...

ادم المصري

هههههههههه
انت جاي تحسدني وتمشي يا ادم ولا ايه
وبعدين ربنا يزيد ويبارك
يا ساتر عليك طب ايه رايك بقي ان هما هيقفوا علي كدة
ههههههه
مش مهم يا ادم الوقت دة يجي امتي اد ما مهم انه وقت ما يجي نقدر نقف صح
باب التوبة دايما مفتوح وربك بيغفر الذنوب في اي وقت
المهم نفوق قبل فوات الاوان
المهم كمان ان انت مش تيجي متاخر تاني فاهم
تحياتي يا ادم
___________________________

تامر

انا جاية اهو جري عشان اشوف
دة انا اتغظت منك لما لقيتك مش مكمل القصة
بس ايه السرعه دي الله ينور عليك
انقذت نفسك من عصبيتي
هههههههههه

Thu Feb 08, 06:33:00 PM GMT+2  
Anonymous Anonymous said...

رسمتك في خيالي
وجلست مرارا تحت عرشك
تحت قدميك طالبة رحمتك ومغفرتك
الكلمات السابقه هى كلماتك التى كنت معترض عليها فى قولى الحرص
على الكلام عند الكلام عن الله عز وجل ......و كلامك ده ينافى العقيده الصحيحه فى الاعتقاد فىصفات الله عز وجل سبحانه وتعالى ليس كمثله شىء. يوجد ما يسمى (التادب مع الله) ......

Thu Feb 08, 07:52:00 PM GMT+2  
Blogger smraa alnil said...

استاذي العزيز

رسمنك في خيالي

ممكن انت تفهمها بطريقة وغيرك بطريقة

والطرق الصوفية بتقول ان كل منا من شدة حبه لله بيقدر كل واحد ينظر لله بنظرة مختلفةانا لم اقصد التطاول علي الله
ولكني اناجي ربي بالطريقة اللي بحها وربك عالم بنيتي وانا بتكتبها

عامة زي ما قلتلك ربنا عالم بالنيات
وانا لم اقصد التطاول علي الله
ارجة اني اكون علي الاقل وضحت وجهه نظري انا

Thu Feb 08, 09:07:00 PM GMT+2  
Blogger L M A R said...

مساء الخير
سيدتي كلماتك رائعة واصلة مؤجره عليها مستجابة بإذن الرحمن اقولها في ليلة مباركة ليلة جمعة.
اللهم امين
ــــ
اما عن وجه نظركي فلا تبالى سيدتي بكلام البشر واشباه البشر.
انتى تتصلين بالله وتناجين الله وحتى تصل الصلاة فلا حجاب ولاوصال ولا اسوار
سوى نية صادقة في الأسرار .




تحياتى سيدتي
.العَبدِالرَحَمن

Thu Feb 08, 11:03:00 PM GMT+2  
Blogger Malk Almasria said...

غاليتى سمراء النيل

تحياتى
اكيد فى حاجة تربط بين فكرينا فانا لم امر على مدونتك ولكنى استشعرت انى عندى رغبة فى فهم القليل من الكونيات فعجزت امام الخالق وجئتى انتى بكل خشوع تلوتى دعواتى التى لن استطيع ان اناجى بها ربى بالروعة التى ناجيتيه بها

يارب يتقبل منا جميعا

ملك المصرية

Fri Feb 09, 12:01:00 AM GMT+2  
Anonymous Anonymous said...

مع تقديرى الشديد جدا لبعض مدوناتك ولكنك استشهدتى فى الردعلى باقوال الصوفيه هؤلاء المبتدعهاالمجاذيب مما جعل الاخ (عبدالرحمن )يصفنى باشباه البشرذلك الوصف (الاهبل)اللى اول مره اسمع عنه

Fri Feb 09, 01:00:00 AM GMT+2  
Blogger smraa alnil said...

اولا انا لم اقصد اني اغضبك او ازعلك
بس مش كل الطرق الصوفية مضللين ومجاذيب

وكون ان ( عبدالرحمن) قال تشبيه فانا متأكدة انه لا يقصدك ذاتك ولكنه كان بيتكلم بصفه عامة
اتمني انك مش تزعل بجد
لاني بقي مبسوطة بمتابعتك لمدونتي وتعليقاتك
والاختلاف لا يفسد للود قضيه

Fri Feb 09, 01:11:00 AM GMT+2  
Blogger smraa alnil said...

عبد الرحمن

اللهم يتقبل منك يا عزيزي
ويقبل تأمينك في تلك الليلة المباركة
انا فعلا كل ما يهمني علاقتي انا بالله ومناجاتي له
ويعلم الله ان نيتي خالصة ولا اقصد شئ
اشكرا للمرور والتعليق
تحياتي
___________________________

ملك المصرية

عزيزتي ملك
اقوالك تلك وسام علي صدري وتاج اضعه فوق راسي
كم اسعتدتني يا ملك
تقبل الله منا ومنك

Fri Feb 09, 01:15:00 AM GMT+2  
Blogger rosealia29 said...

أنا قولت برده مش مختفية من فراغ .. لا بس بجد ألف شكر .. كلاماتك لمستني أوي .. و ياربت تقبل دعائك و دعاءنا ..

Fri Feb 09, 01:52:00 AM GMT+2  
Anonymous Anonymous said...

الحمد لله علي اي حال
وزي مابقولك كفايه مصاريفي انا مش ناقص شريك
ده انا يوم ماجبت ماوس وسماعه هيدفون ودفعت 50 جنيه كنت بدفعهم و انا هاين عليا اعيط " حار ونار في جتتك يابعيد" تقولي ليا اخاف من الحسد انا فعلا مش بخاف من الحسد لاني مش عندي اي حاجه تتحسد
ماتشوفي ليا 100 سلف علي المرتب او بدل النباتشيات

انا رحت وجيت بسرعه

تحياتشي
الدبور

Fri Feb 09, 04:35:00 AM GMT+2  
Blogger smraa alnil said...

هههههههههههههههههه
100 جنيه مرة واحدة
يا ابني دة انا مرتبي كله 298 جنيه
وياريتني باخدهم كل شهر
دة كل تلات شهور مرة
حسبي الله ونعم الوكيل في رئيسة القسم
بص بقي حلنا اننا نروح نشحت انا وانت علي باب السيدة
ايه رايك
شاطر انك جيت بسرعه

Fri Feb 09, 05:01:00 AM GMT+2  
Blogger عمر عاشق القرآن said...

جميلة جدا
الواحد محتاج يقف وقفة كل شوية مع نفسه علشان يشوف هوا رايح فين؟

Fri Feb 09, 05:20:00 AM GMT+2  
Blogger smraa alnil said...

روزاليا

انا مش مختفية ولا حاجة انتي بس الي مش كنتي بتيجي
المهم اخبارك ايه
يارب يتقبل منا ومنكم

___________________________________

omar

شكرا يا عمر علي الزيارة
ثانيا عندك حق الوالحد لازم يعرف هو فين ورايح فين عشان يتعلم ويشوف طريقه
شكرا مرة تانية

Fri Feb 09, 05:30:00 AM GMT+2  
Blogger micheal mohsen said...

جميلة أوي اوي المناجاة دة يا انوج..حسيت فيها بالصدق

Fri Feb 09, 01:57:00 PM GMT+2  
Blogger مُزمُز said...

لا حول ولا قوة إلا بالله

إيه ده يا بنتي؟

هو كلامي عن الرقص خلاكي تتوبي وتعملي ف نفسك كده وللا إيه
هاهاهاهاهههه

بهزر هاه عشان بس متفهميش غلط زي المرة الل فاتت

وخشي بقى اقري تعليقي على كلامك عندي على آخر بوست

على فكرة أنا من فترة كده تيجي شهر كتبت برضه محاولة للمناجاة مع ربنا وهانشرها قريب وهانشوف أنهي أحسن
استعدي للتحدي
هاهههههاهاهاهاهايهههه

سلام بقى عشان رايج أذاكر شوية

Fri Feb 09, 02:02:00 PM GMT+2  
Blogger مُزمُز said...

أنا لسة قارئ دلوقتي الحوار الجانبي للأخ الأنونيمس اللي مش عاجبه الكلمات

بصي أنا مش هدافع عن كلماتك بوجه خاص يعني مش متحيز أبدا ليكي

كل الموضوع اللي عايز اتكلم فيه واللي غايظني أوي حكاية التأدب مع الله دي وإن كلامك ده ينافي العقيدة الصحيحة

اسمحيلي أردحله بقى شوية
ده بعد إذنك طبعا

طيب سيادتك بقى يا أخ أنونيمس جاي هنا توزع على الناس صكوك الرحمة والغفران يعني وللا إيه؟

مين ادى لسيادتك الحق في تقرير العقيدة الصحيحة من الباطلة انت فاكر نفسك نبي وللا وحي من عند ربنا؟
مش من حقك تقول إيه الباطل من الصحيح ومحدش طلب من حضرتك النصيحة أساسا

ثانيا إيه حكاية التأدب مع الله دي؟

سيادتك هو ربنا اشتكالك من كلماتها؟
وللا انت معاك توكيل من ربنا وللا إيه؟
وأصلا مش من حقك التدخل بين العبد وربه أبدا لأنها علاقة خااااصة جدا وربنا الوحيد المطلع والمقرر والذي يقرر متى يقبل ومتى يرفض ولا ينتظر من سيادتك الإذن بقبول عباده أورفضهم وعلاقتك بربنا حاجة تخصك إنما لا تتدخل في علاقات البشر الآخرين مع ربهم ربنا مش محتاج تدافع عنك لأنك أصلا ماليكش أي شأن بالموضوع ده

بالنسبة بقى للصوفية
إنت طبعا مش هتقدر تفهم الموضوع ده لأن مرتبة الوصول مع الله مرتبة عالية جدا لا يفهمها إلا القليل جدا جدا جدا وساتنا الصوفيون الأجلاء ولا أتكلم هنا عن الطرق النقشبندية مثلا أو الرفاعية أو هذه الخزعبلات وإنما أتكلم عن الصوفيين الأجلاء فعلا مثل النفري وابن عربي وغيرهم من هؤلاء الذين استطاعوا أن يعموا عيونهم عن كل شئ سوى الله فعاشوا معه وماتوا له

أتمنى تكون فهمتني حضرتك
مع إني عارف إن أصحاب النمط ده في التفكير فهمهم صعب جدا وبيحتاج عمليات جراحية معقدة

Fri Feb 09, 03:45:00 PM GMT+2  
Blogger فوكيره said...

يـــــــــــــــــاه طاقه رهيبه تشع لتتسلل داخلى من اثر كلماتك

اللهم تقبل منها يا ارحم الراحمين

واجزيها خيرا عن الاثر والاحساس الذى تركته بي تجاهك

جزاكى الله خير على ما وصلنى من احساس

Fri Feb 09, 03:53:00 PM GMT+2  
Blogger Lion king said...

مش قلتلك يا سمار
ماشاء الله
ربنا يثبتك ويرضى عنك ويرضيكي
بكل شيء
ويرزقك السعادة في الدنيا والاخرة
والفوز بالجنه والنجاة من النار
وكل امة محمد

Fri Feb 09, 04:07:00 PM GMT+2  
Blogger يا قلبي يا غريب said...

هي سؤالات....؟؟؟
هل اصبحت مدونتك مقام للردح؟؟
هل تكتبي ما تكتبي منتظره عبارت المدح و التهليل من كل زاعق و من كل ناعق؟؟؟؟
ام انك تكتبين نا في قلبك سواء خواطر احلام ..اي شيء لكي الحق؟؟؟
و ليس لاحد ان يقول الا ما يعجبك؟؟
و لاكن اتعجب لما وجدته من ينعق و يزعق في الرد لارضائك و ليس لكي يد في هذه ...نرجع هذا الي جهل الجاهلين ..
الكلام يطول و لاكن لم اعتب علي ماعق اقسم انه لا يعرف من العباده شيء و لا اعتب علي جاهل تربي في حظيره التخلف و البعد عن الدين...
و لاكن لي كلمه اسمحي لي ان اقوله في مدونتك الي الناعق المسمي عبد الرحمن صاحب الصوره المعبره عن شخصه و الي الرداحه التي وصلت في مراتب الصوفيه الي مرتبه الردح الاعلي..افهموا ان للدين ضابط افهموا ان العباده توقفيه اعرفوا عقيده اهل السنه اعرفوا معني اسماء الله و صفاته اعلموا ان النبي قال امته ستفترق الي 72 فرقه كلها في النار الا واحده قالوا ما هي قال ما انا عليه و اصحابي..اعلموا ان الصوفيه ما هم الا فرقه ضاله و الرادحه الذاكره لابن عربي و هو كاافر الذي كفره اهل العلم قديما لما له من افكار شيطانيه بعيده عن الدين اليس بن عربي من اصحاب فكره وحده الوجود و الحلول اما انتي يا رداحه لا تعلمين كان بن عربي ان مر علي جيفه حمار قال سبحانك لمن للحمار لانه في عقيدته الله يحل في مخلوفاته يحل في الكلب و الخنزير و يحل فيه شخصيا..اعقلوا يا جهلاء الدين.و الله انكم اغثيتم نفوسنا اغثي الله نوسكم الضئيله الحقيره.. من لديه العلم فاليرد علي..و الله المستعان

Fri Feb 09, 06:09:00 PM GMT+2  
Blogger يا قلبي يا غريب said...

معذره علي الاطاله و الاحترام كله لشخصك.. و ساكتب في مدونتي لمن لا يستحق ان يذكروا كلام لعلا جاهل منهم يتعلم او رداح يتاءدب

Fri Feb 09, 06:28:00 PM GMT+2  
Blogger مُزمُز said...

هاهاهاههههاههاه

بصراحة مخيبتش ظني خالص

كنت متصور منك كلام زي ده بالضبط أنا أصلي عارف الأشكال دي كويس جدا لما بيتنرفزوا بيبقوا آلهة مرة واحدة ويوزعوا على الناس رحماتهم وعذابهم

ارحمني والنبي
أنا آسف
متدخلنيش النار
عاااااا
واااااء
هاهاهاهاهههه

عموما مش هنتجادل أساسا لأن المناقشة مع من يتصور نفسه ممتلكا للحقيقة المطلق تعتبر مناقشة غير مجدية

وعموما يا عم العالم ربنا يخليك للأمة العربية والإسلامية بعلمك الغزير العظيم

أما احنا بقى فخلينا ننعق بقى في جهلنا وكفرنا وحظيرة الجهل اللي اتربينا فيها والبعد عن الدين إنما حضرتك بقى حاجز في الجنة مقدما أنا عارف واخدلك انت بيت بتلات أدوار في الجنة ومعاه مزرعة مخصوص مانت واصل بقى محدش قدك وربنا والأنبياء والدين في جيبك أمال إيه ياعم مش ورثة ورثتها عن اللي جابوك

يللا بكرة بقى نتقابل يوم القيامة انا هتحرق بإذن الله وبإذنك في نار جهنم وانت هتتنعم يا عم مين قدك يا باشا

مع تحيات زعيم الزنادقة والملاحدة والجهلاء
معاذ

Fri Feb 09, 06:49:00 PM GMT+2  
Blogger مُزمُز said...

This comment has been removed by a blog administrator.

Fri Feb 09, 06:55:00 PM GMT+2  
Blogger smraa alnil said...

مايكل محسن

ربنا يخليك يا مايكل يارب
انا فعلا كنت حسيت بيها
استقريت علي مدونة ولا لا؟؟

___________________________

مزمز

هههههههههههه
والله افتكرتك ساعتها بتتكلم بجد لاني اتعودت اني الاقيك عندي علي طول وبعد كدة مش لاقيتك
ولا بتعبرني
هي دي كل الحكاية

عامة قريت تعليقك يا مزموزتي وحصل الخير

عامة هنشوف وانا مستعدة للتحدي
هههههههههه
ربنا يوفقك وينجحك يارب
ربنا معاك

Fri Feb 09, 07:01:00 PM GMT+2  
Blogger smraa alnil said...

مزمز

تردح ايه بس يا مزمز
دة ضيف برضه
واكرام الضيف واجب وهو بس بيوضح وجهه نظره
يعني مش يقصد اهانة ليه

هو بس حب يوضح بعض النقاط خوفا عليا ان كلامي يكتب ذنب عند ربنا سبحانه وتعالي
فحب انه ينبهني ان في بعض الكلامات اللي ممكن توديني في داهية

انا معاك طبعا ان دي حالة خاصة بيني وبين ربنا وانا وضحت الكلام دة قبل كدة

وبصراحة يا مزمز
الناس اللي انت قلت عليهم دول انا مش عارفاهم ولا يهمني اني اعرف كيفية تعبيرهم عن الله سبحانه وتعالي

انا بس كنت بتكلم عن المذهب بصفة عامة
شكرا يا مزمز علي الدفاع واتمني اننا كلنا نتفاهم
___________________________

فوكيرة

مرحب بيكي يا قمرة
يارب يتقبل منك يارب ويرحمنا جميعا

ربنا يكرمنا جميعا يارب
نورتيني

Fri Feb 09, 07:03:00 PM GMT+2  
Blogger smraa alnil said...

lionking

ربنا يخليك ياحمد يارب
يارب يتقبل منك
اللهم امين
___________________________

يا قلبي يا غريب

يا جماعه انا مش كنت عايزة الموضوع يوصل للردح والاختلاف

الموضوع ابسط من كدة

كل الموضوع اني لا مع الصوفية ولا اي حد
انا بتكلم عن المذهب بصفة عامة وانا اصلا مش اعرف مين علماؤه ولا اتباعه

ثانيا انا اكتب لنفسي ولنفسي فقط

ولا انتظر مديحا ولا ذم من حد
ولما لقيت اللي ينتقدني مش ضربت بكلامه عرض الحائط بالعكس انا وضحتله وجهه نظري اني لم اقصد التطاول ومراعية الفاظي وان الله اعلم بالنيات وان دي حالة خاصة بيني وبين الله وهو الوحده القادر علي عقابي علي كلماتي

وبعدين مش عايزين نقول لحد انه لا يفقه في العبادة شئ لان دة مش اختصاصنا
وكون ان هو موافق علي كلماتي ولا فقه في العبادة شئ يبقي احنا بنتهمه تهمة مش حلوة وبالتللي موافقته علي كلامي يبقي انا كمان بتهم نفس الكلام
ويا شباب من اراد الاختلاف لا يصح ان نلقب بعضينا بتشبيهات تضايق
بالنسبة بقي للرد في مراتب الصوفية فانا قلتلك اني لا افقه فيها اي شئ
ولا حابة اني اقرا عنها
انا كل معلوماتي عن الصوفية
هي حب الله والتناجي له
وعشق الله زي رابعه العدوية
دي كل معلوماتي التي تنحصر علي الصوفية
ابن عربي بقي والنقشبندي والبنا والناس دي انا مش ليا فيهم
انا يهمني انا مع ربنا وبس

وكون ان في مدونين يمدحوا في كلامي او يوافقوني عليه
فهم زوار ليا مثلهم مثلك
لا كنت اعرفهم قبل كدة ولا قابلتهم شخصيا
اتمني ان الحوار مش يتوسع لاكتر من كدة ونلاقي تعصب لكل فكرنا

كلنا مؤمنين بالله وبرسوله وبكتبه وبملائكته ويوم الحق

وكل حر في تعبيره عن كيفية توصيل رسالته لله سبحانه وتعالي طالما لا يعصي ولا يبيح الفواحش
كلنا مسلمين
وحب كل واحد لمذهب او فكر معين سواء صوفي او حنفي او حنبلي او شافعي
لا يمنع من اننا محبين لله سبحانه وتعالي
ومؤمنين
ولا يصح اننا نكفر حد او نطلعه عاصي او انه بعيد عن طاعه الله



ارجو ان كلام دة مش يزعل حد مني
بس انا كنت ممكن امسح الكلام اللي فيه قولان
بس دي حاجة بتاعتي انا وربنا
وربنا سبحانه وتعالي مطلع علي اللي جوايا وعارف انا اقصد ايه

ياريت يا اخي المجهول ويا قلبي ياغريب
كلامي ولا كلام زواري يمنعوكم من متابعه مدونتي كما تعودتم
فانا اكن لكم كل الاحترام والمحبة
وشكرا لسعه صدركم
تحياتي

Fri Feb 09, 07:04:00 PM GMT+2  
Blogger smraa alnil said...

يا قلبي يا غريب

شكرا ليك بجد واتمني ان فعلا انك تكن لي الاحترام الاختلاف يلا يفسد للود قضية
وشكرا ليك بجد
___________________________

مزمز

مش عارفة اقولك ايه بس بجد مش كنت اتمني انك تقول الكلام دة
انا لسة برد علي الراجل وبوقله لا يصح اتهام الاخرين بما ليس فيهم
وانت جاي تعمل العكس

بجد مش كنت عايزة الموضوع يوصل لكدة خالص
وانه يوصل لحد التهكم والتريقة

انا مش عايزة ازعل حد

يا قلبي يا غريب لا نصب نفسه اله ولا نبي ولا قال انه له الحق في الكلمة في دخول احد النار او الجنه

هو بيعلق علي بعض الكلمات اللي في فعلا تزعل حد او تجرح حد
منك من عبد الرحمن

ومش كان في داعي ابدا للوصول لكل الكلام دة

اقرا يا مزمز ردي وتعليقي علي يا قلبي ياغريب

انا بقول بقي من راي ان في حوار يدار بطريقة احسن من كدة
ومش حابة يا مزمز ان انت تتهم نفسك باتهام زي دة لانه حرام شرعا

وبعدين انا مش شايفة في تعليقه ان هو قال انه وريث او ورث شئ عن اجداده

في حوار احسن من كدة عشان نوضح فيه وجات نظرنا
مزمز مش تزعل مني

بس الاحوار وتقارب الافاكار مش يبقي كدة
يا تقنتعني يا اقنعك
بالاسلوب المعتدل
ولو تطلب الامر للجدال
فجادلهم بالتي هي احسن
وخاطبوهم باللين

ومعلش بقي لما قلتلك انت بطلت تزورني
مش كنت عارفة انك هتيجي بخناقة

بس معلش يا مزمز
انا هضطر امسح التعليق التاني لانه مش ظريف
ومن غير زعل
ماشي

Fri Feb 09, 07:24:00 PM GMT+2  
Blogger مُزمُز said...

أنا عايز اقول حاجة صغننة

أنا مكنتش بدافع عن كلماتك أبدا أنا قلت كده ووضحته أنا بدافع عن المبدأ نفسه

هو سيادة الأنونيمس فعلا نصب نفسه وكيل عن ربنا ومش أنا اللي بقول ده كلامه هو اللي يوضح كده يعني هو بيقول:

الكلمات السابقه هى كلماتك التى كنت معترض عليها فى قولى الحرص
على الكلام عند الكلام عن الله عز وجل ......و كلامك ده ينافى العقيده الصحيحه فى الاعتقاد فىصفات الله عز وجل سبحانه وتعالى ليس كمثله شىء. يوجد ما يسمى (التادب مع الله) ......


ده نص كلامه وهو يعني إيه تأدب مع الله ومين الل ياداله الحق في القول بأن كلامك ينافي العقيدة الصحيحة؟
على فكرة الكلام ده كده تكفير صريح
وبعدين زي ما قلت هو مالوش حق يعلم الإنسان غيه اللي هيرضي ربنا وإيه اللي يغضبه

وبالنسبة لنقطة الصوفية فهي نقطة فرعية جدا ومكانتش محور الكلام أبدا إنما محور كلامي هو نقطة النكفير دي والتحدث نيابة عن الله وإقرار ما هو حق وما هو باطل وما هو مناف للأدب مع الله كلامه مكانش توضيح أبدا وغنما نوع من أنواع التطرف الظاهر لا يحتاج لتأويلات

وبالنسبة لأدب الحوار فأنا أحترم هذا الأدب فعلا ولكن هناك نوعيات من العقليات لا تعرف أساسا معنى الاختلاف والآخر بالنسبة لهم كافر منحل تربى في حظيرة الفسق والبعد عن الدين وهو ده الكلام اللي قاله صاحبنا من شوية مش أنا اللي مألفه من بيتنا وكل محتوى كلامه يحسسك في الآخر بأنه وارث ربنا فعلا محتكرة لنفسه ولفكره هو الشخصي

عموما ماكانش في لازمة تمسحي التعليق لأنه لا يسيئك بأي طريقة لأنك لست مسؤولة عنه ولست من قلته وإنما أنا قلته على مسؤوليتي الشخصية ومعروف من قاله لست متخف ولا متهرب ومازلت مصرا على ما قلته في التعليق الممسوح لأاني قليل الأدب ومابحترمش هؤلاء التكفيريين أبدا ولن أحترمه يوما ما لأنهم ثلة من الجهلاء في الدين الذي يعادون الحياة بحجة الإيمان وتعللا بإرضاء الله
وعلى فكرة هو برضه متعدي على أدب النقاش من البداية لما احتكر لنفسه حقيقة المعرفة الإلهية وادعى كذبا أنه من يعرف الحقيقة الباطلة من الصحيحة


وبرضه
.
.
.
.
.
مع تحيات
زعيم الزنادقة والملاحدة والجهلاء
معاذ

Fri Feb 09, 08:31:00 PM GMT+2  
Blogger مصر هى أمى said...

سمراء النيل

اولا شكرا على تعليقك اللى عندى وديه اول زيارة ليا عندك
هقولك حاجة بصراحة ده يمكن يكون احسن بوست قريته من فترة اجمل حاجة الدعاء لله ولازم الواحد يناجى ربه على طول علشان يغفرله
صدقينى انا كنت بدمع وانا عمال اقرء المناجاة ديه ربا يباركلك
يارب اغفر لنا جميعا ذنوبنا واسرافنا فى امرنا وتب علينا انك انت التواب الرحيم

Fri Feb 09, 08:33:00 PM GMT+2  
Anonymous Anonymous said...

الى مزمز اللى نصب نفسه زعيما للملاحده والزنادقه اتقى الله الم تسمع قول الله (ما يلفظ من قول الا لديه رقيب عتيد).....الم تسمع قول الرسول الكريم
قال رسول الله صلى الله عليه وسلم (ان العبد ليتكلم بالكلمه من سخط الله لا يلقى لهابالا يهوى بها فى نار جهنم)
استغفر ربك يا اخ مزمز وان كنت مصر على كلامك فقل امييييييين امين

Fri Feb 09, 09:01:00 PM GMT+2  
Blogger smraa alnil said...

مزمز

انتو تعبتوني يا ولاد

وانا بحبك يا مزمز والله
ويا قلبي يا غريب والمجهول اول مرة يشرفوني يعتبر او علي ما اظن
ومش عايزة ازعل حد فيكم خصوصا انت يا مزمز

عامة انا الكلام كنت بوجه ليكم انتو الاتنين

بجد انا مش بقيت قادرة اني اتكلم في الموضوع دة اكتر من كدة
بس بالنسبة للتعليق اللي مسحتوا

فزي ما قلتلك انا مسحته تجنبا لجدال بصراحة انا في غني عنه
لانه كان اكيد هيرد وانت هتدخل ترد
وانا بقي لايصة في النص
ههههههههههه
عامة حصل الخير وكلنا اخوات وعيلة واحدة وبنحب بعض
صح ولا ايه
عامة انا من وجهه نظري ان انتوا الاتنين غلطتوا وبحكم ان انا اختكم الكبيرة
بحكم عليكم ان كل واحد يدفع فيكم غرامة قدرها اتنين جنيه ونص
للمدونة
يبقي يسيبها وهو خارج
وانتو حرين بقي
ههههههه
والله بحبكم كلكم

Sat Feb 10, 05:25:00 AM GMT+2  
Blogger smraa alnil said...

مصر هي امي

اولا لا شكر علي واجب
انا فعلا عجبتني مدونتك وعجبني ابوست الاخير بتاعك وكان لفت نظري اسم مدونتك

عامة ربنا يتقبل منك اللهم امين
شكرا علي الزيارة

Sat Feb 10, 05:26:00 AM GMT+2  
Blogger smraa alnil said...

anonymous

استغفر اللهم العظيم
سبحانك اللهم اني ظلمت نفسي ظلما كثيرا فاغفر لي فانه لا يغفر الذنوب الا انت

Sat Feb 10, 05:26:00 AM GMT+2  
Blogger L M A R said...

This comment has been removed by the author.

Sat Feb 10, 03:03:00 PM GMT+2  
Blogger L M A R said...

مساء الخير عزيزتي سمراء النيل

حقيقة افتقد تعليقك
في مدونتي فجئت هنا ابحث عنكي
عسى ان يكون المانع خيرا ولكني وجدت ضوضاء
افقدت الموضوع قدسيتة ودفئة الجميل
حتى وصلتى بعض الإيميلات من مزعجين منهم من ينتقد إسمي او صورة المدونة او كتابه لي وحقيقة لم ادون حول موضوع عبادات او روحانيات ولم اعرف ماسبب كل هذا الهجوم
واحدهم ذكر "تعرفت عليك من تعليقاتك التافهه في احدى المدونات إلى ان توجني بأهبل!
ومن شجاعتة لم يذكر حتى إسمة الجميل
المهم الان انتبهت وفهمت ..يبدولى انهم عرفوني من هنا واقول لهم بالجملة والجماعة من هنا


عذراَ انتم ..هذة المرة !

لا..لاتتعبوا أناملك الرقيقة !
إنتظروا
لحظات فقط!
أطفأ سيجارتي الكوبية !
"ولم استوذقها حتى !"
ولكن سأبقي بعض الرماد ..
ارجوكم داعبوة بحنية ثم انثروة
بين رياح السماء التى أحبتني !

لحظات فقط!
.
.
إنتبهت أنا !
وأنتم انتبهوا ياسماحة الأممة المفتين..
اقبل جدا ان تقول إن إملائي ضعيف
او ان لغتي ركيكة او اني ارتدي ثوب بالى
اقبل كل هذا وكل الشكر والوقار لمقاماتكم
واحترم كل اياتكم واحاديثكم المقدسة !

أمــــا ..
حينما ينتهي الحلال والحرام من حولكم سماحة الأممة ويصير كل الفسقة أئمة
ولاينقصكم شعوركم بأنكم في الجنة
سوى إقامة الحد على صومعتي وعلاقني بربي أوإسمي
بفتوى" ظالة" فــــلا ..لا
إخلعوا عمامتكم !
وإرموا جلابيبكم على الأرض ..
ليلعب عليها الأطفال
ويجري فوقها الأطفال
ويبصق عليها الأطفال
فهم اقدس من هذة الفتيهات المردودة
عذراً..اياتكم محرفة واحاديثكم زنديقة !
.
.
.العَبدِالرَحَمن
نصف خاضع راكع..
ولكن ليس للملائكة
ولاللأولياء ولاحتى الأنبياء ..
.للرب فقط.

والأخر من ذات الرب
ومن اسمى صفاته واجمل أسمائه التى يحب!

.العَبدِالرَحَمن
اسمي ، شخصي ، هويتي ..
ليست للنقاش هنا ولاللتداول الهابط ولاحتى للنفاق والمجاملات إلا بإذني !!
ولست من يستتر خلف أحرف مستعارة
اكبر منه او اسخف منه ..!
.
.

كتاباتى اعبث بها انى شئت وكيفما شئت ولو قلت إنها فاسقة او عارية
او انها هوى شيطان وطلاسم من زمان!!
اقبل كل هذا واحترمه تماما
اما علاقتنا بربنا
اما صومعتي الدافئة
اما العَبدِالرَحَمن.
فلا ، لا انتم ولاكل محاريبكم !

"والله أعلم "
إنتهى !!




.العَبدِالرَحَمن


عزيزتي
يمكنكي جدا حذف هذا الرد
إن اردتي
ولكن هذا ردي وهذا مايرجع للموضوع ولنفسي بعض الهدوء الذي كان من هنا



تحياتى عزيزتي وعذرا جدا
انتظر تشريفك
.العَبدِالرَحَمن

Sat Feb 10, 03:44:00 PM GMT+2  
Blogger L M A R said...

سبحانك اللهم وبحمدك
اشهد ان لاإله إلا انت
استغفرك واتوب إليك

.العَبدِالرَحَمن

Sat Feb 10, 03:46:00 PM GMT+2  
Blogger smraa alnil said...

العبد الرحمن

اولا لم اكن اتوقع ان يصل الامر لحد الاميلات واللاستهزاء والتهكم
والانتقاد من اسمك
واسف ان ما حدث ذلك كان من خلال مدونتي

لم اجد تعلقيقا علي كلامك
سوي ان استحضر بعض من تعليقي عندك
وبعض من كلماتك في مدونتك
وهو


! أوحينما ترتدي البدلة الإيطالية ..ويقولون هذا تغرب وعلمانية
! وحينما تدخن السيجارة الكوبية .. يقولون كبرياء وإرستقراطية
! أوحينما ترتدي الثياب الصعيدية .. ويقولون قديمة مهينة الزنجية ..

ودة كان من كلامي

فان سرت في دروب الرحمة قالوا رابعه
وان سرت في دروب تتوسطها الحياه قالو غافله
وان سرت في درب البغاء قالوا عاهرة

عزيزي عبد الرحمن فقط لا تبالي

وطبعا لن يحدث ان احذف تعليقك
فلعل من يقرءه يعيد اليه سكينته كما فعلت بي كلماتك
شكرا
وااسف مرة اخري عن ما حدث لك

Sat Feb 10, 07:10:00 PM GMT+2  
Blogger الحصان الأسود said...

سمراء العزيزة

اسمحي لي ان ادلو بدلوي في المناقشة الدائرة

وعفوا ياسادة يا كرام

اولا: الاخ المجهول تكلم بكل أدب و انتقد نقدا لا يخرج عن حدود ادب الحوار
ومن رأيي ان كلامة صحيحاً لان اللة لا يجب ان يتمثل في صورة يعني لا يصح ان تتخيل الله لة قدمين وتقولي انك تجلسين تحت قدمي الله يا سمراء
فهو ليس بصنم ولا كائن لة قدمان يمكن للعبد ان يجلس عند قدمية ولا ان يرسم الله في خيالة

كلام صحيح مائة بالمائة ويمكن مراجعه اي من الشيوخ في ذلك

ثانيا: الأخ "العبد الرحمبن" انت يا أخي اتيت مندفعا ساباً في من علق تعليقا مهذبا ولم ينتقدك ولم يتفوة بترهات ولم يسب وكان من الملحوظ ان تعليقة مهذباً تماما بينما انك سببتة و نعتتة بانة اشابة بشر وهو في الاساس لم يسيء لأحد بل جزاة الله خيرا طلب بكل أدب مراعاة اسلوب الحديث مع وعن الله

ثالثا : الأخ مزمز عفوا يا زميل اسلوبك كان متعصبا ومندفعا وسببت رجلا لم يفعل سوى ان نبة لنقطة معينة وليس معنى ان تختلف معه في الرأي "مع العلم ان رأيك يحتمل الخطأ ويحتمل الصواب" ان تسبة وانا ارى كما قلت سابقا انة لم يتعد أدب الحوار بل وبالعكس تعليقة كان مهذبا جدا

رابعاً الأخ "ياقلبي يا غريب" انا ومع احترامي لكل الاخوة مؤيداً لك و ارفض ان يكون التأييد هو في مهاجمة وسباب كل من اعترض و نقد او نبة ووضح بأسلوب مهذب و محترم
واقول ايضا لا للمحاباة العمياء



ملحوظه هامة: يا أخ عبد الرحمن برجاء تصحيح اسمك ليصبح "عبد الرحمن" وليس "العبد الرحمن" فانت هنا تلصق صفة الرحمة بالعبد والتعريف هنا للعبد ليس في محلة
التعريف هنا يلصق الصفة بالموصوف
كما تقول العبد القادر
فهي تختلف كلية عن عبد القادر

فالعبد القادر تعني انة قادراً على فعل كذا وكذا
انما عبد القادر فهو عبد الله
عبد السلام عبد الرحيم عبد العظيم

وكما هو معلوم ان الرحمن اسم من اسماء الله الحسنى ولا يجوز استخدامة وصفا لإنسان الا اذا وصفنة بدون التعريف
اي ان نقول ان الشخص فلانا هذا رحيما لكن لا يجوز اضافه التعريف ليصبح الرحيم او الرحمن لانها تمنع الرحمة عنما سواة وهذا لا يجب لفظة الا بوصف الله عز وجل


ملحوظة هامة أخرى: انا ايضا صديق لسمراء النيل ولكن عندما يكون هناك خطأ فانا أنبة و أبين وواجب الصداقة ان اكون صديقا محايداً ولا ان اهاجم واسب والعن كل من خالف في الرأي او انتقد

مع خالص تحياتي لسمراء النيل و المجهول و"عبد الرحمن" و ياقلبي يا غريب و مزمز

Mon Feb 12, 03:23:00 PM GMT+2  
Blogger Ahmad Hegab said...

بجد امتع لحظات حياتى لما بتكلم مع ربنا

اللهم اجعل البوست دا فى ميزان حسناتك

Mon Feb 12, 06:27:00 PM GMT+2  
Anonymous Anonymous said...

rbna yt2bel menk wemena ya injyy

Thu Feb 22, 01:31:00 PM GMT+2  
Blogger mohamed said...

من زمان وانا صغير وانا مبقولش امين لما الامام يقول
اللهم دمر بيوتهم
اللهم شرد اطفالهم
واسبي نسائهم
بجد لو واحد مش مسلم واقف معانا واحنا بنقول امين هيصدق علينا اننا همجيين وقتالين قتلى زى ما هما بيصوروا لهم فى الافلام

Fri Oct 19, 08:51:00 PM GMT+2  

Post a Comment

<< Home