Monday, February 19, 2007

لبسوني التاج يا سلطان

عاااااااااااااااااااااااااااااااااااا
اه انا بعيط اصلي كنت بكتب في بوست جديد بحكي فيه العذاب اللي اتعذبتوا في كتابة البحث وسهر الليالي
والعذاب اللي عذبتوا للمدونين
ههههههههههه يا لهوي دة انا طلعت مفترية وشغلت الناس كلهم
زوردياك مع نفسه وسول المتكاظي وطارق سجين في قلب الوطن وشمعي وزوجته صابرين وحازم بين الامل واليأس واودي عادي بقي
ولميا كانت بتهون عليا وما علينا كانت بتشجعني واشرف اخف دم شغلته بالعافية دة غير الناس اللي عرضت خدماتها
وكنت هكتب عن اللقاء التاريخي اللي تم بيني وبين ياسمين انا حرة ومنال البيدا وما علينا
بس يلا هخليها البوست الجاي ان شاء الله
اصل بعيد عنكم واضح ان مش في غيري في البلد دي واتمررلي تاج تاني
بس بصراحة التاج دة عجبني اوي
واجابته نكد نظرا لمود الاكتئاب اللي انا فيه
التاج دة جالي من سمسم
بصراحة انا مش كنت اعرفه بس لقيته ممرلي تاج
وبيهدني تحت تهديد السلاح اني اجاوبه
اسم مدونتك؟
اي حاجة بقي
لا هي فعلا اسمها كدة " اي حاجة بقي" .؟
لماذا اخترته.. ماذا تقصد به؟
اممممممم
بصراحة في الاول تنحت وانا بعمل المدونة وقعدت افكر اسميها ايه
قلت يا بت اختاري اسم عاتشفي كدة عشان الحب اللي قارفة بيه الناس
بس انتوا عارفين ان ليا فكر سياسي عبقري
فقلت خلاص اسميه اي حاجة تخليني الاقي العصايا في وشي
برضه مش نفع
طب هتكتبي في المدونة ايه
لقيت نفسي بقول اي حاجة بقي
سميتها كدة عشان انا بكتب اي حاجة بقي فعلا
هل فكرت في إغلاق المدونة.. والسبب؟
جينا للنكد بقي
انا فعلا فكرت كدة كتير والفكرة مازالت تلح عليا لحد دلوقتي
اما بالنسبة للسبب فدة لاني خايفة
خايفة ان الناس اللي حبيتهم من خلال المدونة واتقربت منهم وشاركتهم حياتي وشاركت حياتهم مش الاقيهم معايا بعد كدة وان كل واحد ينشغل بحياته
خفت اني الاقي نفسي لوحدي من تاني فقلت اختار انا البعاد والانسحاب بدل ما الاقيه انا
بقدر البلا قبل وقوعه من الاخر
بس في سبب تاني يخليني افكر اني اقفلها
وهو اني اكتشفت بجد اني بتلذذ لما بكون في قوقعتي ولوحدي
حسيت بعدم القدرة علي التفاعل
واني بقيت قاسية اوي وغير قادرة علي التسامح
الاسباب دي كانت تخليني اختار اني ابعد حتي عن نفسي الي هي طبعا المدونة اللي بكشف فيها خبايا جوايا
صورتك ف المدونة، رمزيتها؟
ههههههههههههه نيجي بقي للفضايح
رمز المغرفة والكبشة
بصراحة يعني ومش عايزة تريقة ولا ضحك
مش عارفة احط صورة للمدونة
عاااااااااااااااااااااااااااااااااااا
طبيعة كتابتك في المدونة بشكل عام.. سياسة.. قصة.. عبث.. كلام فاضي؟
ههههههههههههههههههههه
دة في يافطة اااااااااااااد كدة علي باب السيدة احم قصدي علي باب المدونة اسمها اي حاجة بقي
وصلت يا ريس ولا لسة
اي حاجة بقي
بس بصراحة بحس كتييييييييييييييير اني بكتب كلام فاضي
وهو اي حاجة بقي
لماذا تدون أصلاً؟
اىىىىىىىى
بص يا كابتن
صوابعك مش زي بعضها يني انا مثلا ليا ظروف خاصة وهي اني علي طول لوحدي
مش ليا اصحاب ومش ليا حد اعيط علي صدره واشتكيله من اللي بيدايقني
مكتومة ومكتوفة
مش قادرة اصرخ ولا قادرة اعيش طفولتي اللي جوايا
جوايا ذكريات اكيد حلوة ومش لاقية حد يشاركني فيها
جوايا صرخة مش بتنتهي وكان نفسي الاقي اللي يسمعها
دونت عشان الناس تسمعني
احس اني لسة موجودة وعايشة
يوم ما اتعب او اتعصب اكتب
مش شرط اني الاقي حد بيقرالي او يعلق عندي المهم اني انشر كلامي
يمكن في يوم الاقي حد وانا في قبري يقول الله يرحمها كلامها حلو
ابقي كسبت دعوة بالرحمة
لكن لو مت كلامي هيبقي مصيره شوية ورق اصفر وبمرور الوقت هيدفن معايا
أحلى جملة قيلت لك في وصف مدونتك؟
اممممممم
لا كدة بقي هنخش في حقد وحسد وقر
ثواني ابخر المدونة واجي
لا اعتقد ان اي كلمة بالنسبة ليا بتبقي احلي جملة لمدونتي
بس احلي جملة لما بشوف اسم سمراء النيل
وفي كلمة عجبتني اوي اتقالتلي اني استاذة انسانيات وفاهمة يعني ايه انسان
التعليقات بالنسبة لك.. أهميتها؟
مش هنافق بعض , التعليقات اكيد مهمة
لانها علي الاقل بالنسبة للي بيكتب في الادب والشعر مهمه لمعرفة رد فعل القراء
واي حد بيكتب بصيغه ادبية برضه بتبقي مهمة عنده
بس بتبقي في لحظات الواحد بيكتب لنفسه وبس ومش بتفرق عنده اي تعليق
انا بكتب لنفسي والتعليقات مهمة لسبب اني علي الاقل مش احس اني لوحدي بجد
لاني بلا مبالغه بعتبركم اهلي
وقوف بعض الناس جنبي دي كانت حاجة غريبة جدا اهلي نفسهم مش عملوها
عشان كدة النسبة ليا علي الاقل مهمة
بس احيانا بما اني انسانة هوائية ومتناقضة
ببقي مش عايزة تعليقات وبتسود الدنيا في وشي وبقول كله بيوعد وبس
كله بيخلف وبس
تقريبا هغني تيرارار يارا
أحلى بوست كتبته.. ضع اللينك.. ثم اذكر لماذا؟
امممممممم
لا بجد مش عارفة
اقولكم علي حاجة بس مش عايزة تريقة ولا ضحك
لحسن اللي هيضحك هو حر
انا اي حاجة بكتبها بتعب فيها حتي لو هي اي حاجة بقي وكلام فاضي
بحس كاني بولدها
يعني اي موضوع بيبقي ابني او بنتي
كلهم ولادي يا منعم
أفضل مدونة قرأتها.. يمكن اختيار عدة مدونات؟
لا صعب طبعا اني اقول ايه هي افضل مدونة
لاني راي الشخصي بيقول ان المدونة دي هي البني ادم نفسه
لانه بيتكلم فيها مع نفسه ولنفسه
فكون ان هو يكتب عقله او احساسه دي حاجة بتعجبني
يعني اكيد مش في حاجة حلوة علي طول ولا وحشة علي طول
يعني حبة فوق وحبة تحت
أفضل بوست قرأته.. يمكن اختيار أكثر من بوست.. ومتنساش اللينك؟
مش هقدر احدد ايه هو البوست
لان كل يوم في حاجة بتلمسني اوي وبتستفز مشاعري وما اكثر البوستات التي كذلك
لكن الي عايز يسأل السؤال صح يسأل ايه اكتر بوست عجبك النهاردة
بس برضه مش كنت هرد
هل خسرت صديق بسبب كتابة هنا؟
ههههههههه
انا اصلا مش ليا اصدقاء
ومش في حد يعرف بالمدونة خالص
ومعظم الناس الي عرفتهم وبعتبرهم اخواتي بجد عرفتهم عن طريق المدونة
وان شاء الله مش اخسر حد
لاني خسرت كتير ومش عندي استعداد اخسر تاني
حد قل أدبه ف التعليق.. إيه رد فعلك؟
هههههههههه كتير انتوا عارفين بقي اعداء النجاح
لا الحمد لله مش في حد قل ادبه وبلاقي انتقادات عادية علي كتابتي او اسلوبي في الكتابة
بالنسبة لرد فعلي بحاول اقرب وجهات النظر وافهمه القصد منها
بالنسبةبقي للشتايم فكان في بوست المترو وواحد قالي يا بت انتي هبلة ههههههه
بصراحة كنت اول مرة اتشتم فكان ما بيدي غير اني امسحه
واي تعليق خارج بكتفي اني امسحه وخلاص
أسوأ مدونة.. الإجابة إجبارية.. ويمكن اختيار عدة مدونات.. هي كتيرة أصلاً :) ؟
انت بتسالني وبترد علي نفسك ههههه
بص يا كابتن هنعيد ونزيد تاني كل مدونة بتعبرعن فكر وميول الشخص الي بيكتب
بس انا بتعامل مع بني ادم نفسه
بس عامة مش هجيب اسامي مدونات
لكن اقدر اقول ان في مدونات بتجيب ايات من القرآن الكريم وبتحرف فيه
والناس اللي بيشتموا عمال علي بطال عشان الشهرة وبس
دول مش بحبهم
وبصراحة اسؤ مدونة قابلتها في حياتي هي مدونة البت اللي اسمها اي حاجة بقي دي
أسوأ بوست.. لازم تجاوب.. ويسمح بتعدد الاختيارات؟
دة ايه البلطجة دي
بس اسؤ بوست بصراحة هو البوست اللي انا بكتبه كل مرة
أسوأ مدون.. ما هو حاتجاوب حاتجاوب؟
انا التي كدة
ههههههههههه
وبعدين انا قول انت مش قول
اوف خلاص خلص اخيرا
امرره لمين بقي
بصراحة التاج عجبني فهمرره لكل من الاتي :؟
ما علينا
اودي عادي بقي
ياسمين انا حرة
منال البيدا
عمر .. ايوة .. ممكن
الواد كوبا عشان عايزة اعرف مدونته اسمها كوبا ليه هههههههههه
اخف دم بدل ما كان قاعد يشجعني من بعيد في البحث ويغنيلي ويوقلي شدي حيلك يا سمووووررررر تياارتاريام
ايمن راسبوتين
سول اسامة
زروديك مع نفسه
frozen love
the eagles
شريف غريب
ادم المصري
تامر ابو افكار حرة برغم انه كسفني في التاج الي قبل دة
عمرو اريدك انثي مش انت يا عمر دي البت هي للي اريدكي انثي
سجين في قلب الوطن صديقي طارق اللي بيجيبلي مصاصات علي طول ههههههههه
القهوجي
شمعي قصاقيص ورق
بين الامل واليأس
مزمز
اسامة الدبور
عبد الله
sharm
wanna live in utopia
ahmed_h
اخر الحارة
الزعيمة
لميا
انسانة
هبة dyin_soul
ليندا
حلم طيارة ورق
زحل الفلكي
روزاليا
فوكيرة
ملك المصرية
انسان محمد فكري
واسفة بجد لو كنت نسيت حد
بس يا ريت اللي يخش بقي يعملوا
***********************************
نسيت اقول حاجة مهمة
شفتوا كنتوا هتنسوني ازاي
بس بكرة ان شاء الله الموافق يوم التلات في حفلة لوجيه عزيز في ساقية الصاوي
التذكرة بعشرين جنيه طلعوا اللي تحت البلاط بقي
الحفلة الساعه 8 بليل
ياريت تحضروها لان الراجل د بجد تحفة

Labels:

90 Comments:

Blogger ody911 said...

أنا حجزت أول مقعد وخلاص

هعلق بعدين مع إنى قريت البوست

بس بجد تعباااااااااااااااااااااااان

هنام 6 أيام وراجع على طووووووووول

مش هتأخر

وعادى بقة
أودى

Mon Feb 19, 12:41:00 AM GMT+2  
Blogger يا قلبي يا غريب said...

السلام عليكم ..عندما اقرء اسم سمراء النيل اكون متاءكد اني ساقرء بعده كل ما هو جميل و راقي..اسال الله ان يحفظك من شياطين الانس و الجن..

Mon Feb 19, 12:50:00 AM GMT+2  
Blogger zordeak said...

ايه ده


مفيش مرة ألحق ابقى اول واحد

ايه النحس ده

بطىء انا فى القراية دايما كده


ايه الاجابات الجامدة دى يا انووج

وبتشكرينا على ايه يا بنتى

عقبال البحث الجاى ان شاء الله

:D

بس المرة الجاية تبقى تجيبيلنا عسلية بقى

اه انا مالى

انا عايز عسلية


وبعدين تعالى هنا

ايه حكاية انك تقعدى تشتمى فى مدونتك بقى وتقولى لو فيه مدونة وحشة تبقى هيا ولا لو فيه بوست وحش تبقى هيا

لا يا ماما

معندناش الكلام ده

مدونتك احلى مدونة

وبوستاتك احلى بوستات


شكرا على تدبيسى فى التاج ده

انا شايفه تاج حلو

علم يا افندم وينفذ

:)

Mon Feb 19, 12:56:00 AM GMT+2  
Blogger سجين فى قلب الوطن said...

أنوجى النوجى كونوجى
المفترية الكبيرة

يا بنتى النت كلها اشتغلت فى البحث بتاعك، كان فاضل الناس ألى فى المريخ يساعدوا كمان.........
ههههههههههههههههههههههههه

يلا كل بحث و انت طيبة يا انجى

بجد مش مجاملة و لا نفاق و لا ليه غرض فى كلامى ده
انت انسانه رائعة و طيبة
تستاهلى ان الناس كلها تساعدك
و تستاهلى ان الناس كلها تدبسك فى التاج علشان انت مفترية
هههههههههههههههههههههههههههههههه


و بعدين انا جبت لك مصاصة بس ؟؟؟
أيه ح ننصب بقى ؟؟؟؟
فين الشيكولاته ؟؟؟؟؟؟؟؟ اكلتيها لوحدك
ماشى ما علينا

على العموم بالهنا و الشفا

و كل بحث و انت طيبة و كل تاج و انت بصحة و سلامة

بس سؤال ؟؟؟؟؟ هو التدبيس فى التاج أساسى و لا ممكن اطنش و اعمل نفسى مش شايف اسمى هنا ؟؟؟؟؟؟؟


يلا تشااااااوززززززز

Mon Feb 19, 01:59:00 AM GMT+2  
Blogger أسوور said...

تاج تانى

ربنا معاكى بقى

بالمناسبة فاكر البوست بتاعى الخاص بمشكلة بين زوجين

الزوج عمل مدونة مخصوص عشان يعرض فيها وجهة نظره فى التعدد ولأى حد عاوز يحاوه

عنوانها

http://nagibidris.blogspot.com/

Mon Feb 19, 02:11:00 AM GMT+2  
Blogger orthos said...

امممممممممم
اه
ماهى ناقصه

اولا : ربنا يكرمك فى البحث يارب ... و تكسفى العوازل

ثانيا : واجبك وصل فى التاج .... ماشى ماشى ... بس افتكريها
:p

معلش يا جميل .... معنديش كلام تانى اقوله دلوقتى .... مودى مش حلو اليومين دول

ربنا يكرمك فى البحث يارب ... و يوقفلك ولاد الحلال ... و ينصرك على عدوينك

ياللا دعوه من بتاعة امى اهيه
باى دلوقتى

Mon Feb 19, 02:16:00 AM GMT+2  
Blogger الدبور said...

ومازال صعودي للمقدمه مستمرا و انا في المركز الرابع كلها كام بوست و ابقي الاول
ماعلينا شكرا علي التاج و جاري الرد في الايام القادمه الي ان تتحسن حالتي المزاجيه

صباحو جميل

Mon Feb 19, 02:19:00 AM GMT+2  
Blogger The Eagles said...

ماطمرش فيكى الميوزيك اللى بعتهالك
جاية تمرريلى تاج تانى
ماشى يا ستى
وفى كمان houty
مررتلى تاج حرااااااااام عليكوا انا هلاقيها منين ولا منين انا مطحون فى الشغل
بقولك ايه
انا هاروح الجامعة دلوقتى واغطى المؤتمراللى عندنا عشان ما اتاخرش زى المؤتمر بتاع امبارح ولما اجى هكمل التعليق
ماعندكيش غطى زيادة عشان اللى عندى خلص
ههههههههههههههه
لما هارجع هابقى اكمل تعليقى

صحيح
ماقولتليش رايك فى الميوزيك التانى


والسلام.........

Mon Feb 19, 09:15:00 AM GMT+2  
Blogger عبدالله said...

ردود جامده
بس برضه لمحة الحزن و الاحساس بالوحده هي المسيطره علي طريقة الكتابه
اتمني ان الاحساس ده يتراجع مع الوقت
:)
تحياتي

Mon Feb 19, 10:42:00 AM GMT+2  
Blogger متغيرة شوية said...

ازيك ياجميلة
أولا:انت وياسمين هتتشدوا من ودانكوا شدة كبيرة علشان تنزلوا تشوفوا بعض ومتقولوليش
ثانيا: مبروك انك خلصتي البحث بالسلامة
ثالثا:أخيرا الواحد لقى تاج جديد بدال التاج بتاع ايه اللي هيحصل لايميلك بعد ماتموت علشان خنقني ، التاج ده جميل فعلا، لكن بصراحة انت خمامة وجاوبتي اجابات دبلوماسية على كل الأسئلة ..كده مينفعش ياماما.
رابعا : حفلة وجيه عزيز شكلها جامدة جدا فعلا ، بس انا عايزة أروح حفلة اسكندريللا اللي تاني يوم في الساقية برضه.. أصلا انا خايفة ماما تغدر عليا ومرحش لا دي ولا دي.

Mon Feb 19, 11:02:00 AM GMT+2  
Blogger bagabigo said...

وحشتينى بجد بس مش هاقدر اقابلك بكرة و مسير الحى يتلاقى

Mon Feb 19, 11:45:00 AM GMT+2  
Blogger admelmasry said...

حرام عليكي يا مفترية حرام عليكي

فيه ولا مليون ادم اشمعني ولادي اللي جايبة سيرتهم ي البوست عندك

ولازم تلبسيني السلطانية بعدك
قصدي التاج يا معلم ؟

بقولك ايه الحفلة دي .. احتمال اروحها واحتمال ييي فيها الفنان هيثم محفوظ .. بتاع بلوج صبا .. احتمال ياعني مش عايز اشوفك هناك ماشي ؟

Mon Feb 19, 03:06:00 PM GMT+2  
Blogger houty said...

ايه يا سمراء الردود اللى ما تزعلش حد
مع خفة دم فى الاجابات
على فكرة انا كنت هدبسك فى التاج ده بس سمسم اللى دبسنى فيه سبقنى
معلش
ربنا يوفقك ان شاء الله فى البحث
انا مش عارفة افتح عندك الايميل علشان كدة انا لسة مش ضفتك عندى
سلام

Mon Feb 19, 04:28:00 PM GMT+2  
Blogger .:.-=- ELGaZaLy-=-.:. said...

ردودك ذكية ومحايدة جداااا

تحياتى

Mon Feb 19, 04:48:00 PM GMT+2  
Blogger Yasmine Adel Fouad said...

منك للى كلت دراع جوزها
هو ايه فيضان التيجان ده
انتو فعلا غلسين

و دبستى امة لا اله الا الله فى التاج
مع انه باين رخم
يعنى انتى نيتك سيئة جدا

كبه كده

Mon Feb 19, 05:12:00 PM GMT+2  
Anonymous Anonymous said...

ya smraaa
thanx 4 ur replay
begad ana awel mara adkhol 3la modwana
bass la2eet nafsey kol yom ba3d mashoff elmail badkhol akra2 klamk elgameel :)
aw3y t7ermina men mwdwinatk ya injy

Mon Feb 19, 06:20:00 PM GMT+2  
Blogger Yasmine Adel Fouad said...

جاوبت التاج يا مفتريه
لما اشوفك هعضك جامد على فكرة علشان التدبيسة دى

Mon Feb 19, 06:24:00 PM GMT+2  
Blogger بيتنا القديم said...

يارب إنشالله ميرسي قوي يا إنجي

بجد ردودك احسن من ردودك علي علي يا ويكا في فيلم عُض قلبي...بتاع المرحوم ستيفان روستي...ومحمد عبد الوهاب...اللي حطم فيه فريد شوقي قلب هدي سلطان

المهم...انت بجد يا إنجي

نونو...طوفان أحاسيس

نونو...زلزال مشاعر

نونو...إعصار تواصل

نونو...حريقة إنسانية

كل هذه الأوصاف الجمالية الإنسانية الرقيقة...لك وحدك ايتها الأنجي الرهيبة

تحيا ساقية الصاوي...وتحيا الصاوي صاحبها...وتحيا إنجي اللي بتحضر فيها

وسلام بقا عشان الأكل علي النار

Mon Feb 19, 06:30:00 PM GMT+2  
Blogger ody911 said...

شفتى بقة فايدة الحجز

18 كومينت يا مفترية

شعبيتك زادت اهوة

طول عمرك يا عسل

منغير ما نلزق حد يعنى

المهم التاج دة كدة أنا شاكك فية يعنى

بس بدام التدبيسة منك يا قمر يبقى مش هقدر أرفضلك طلب

إنتى عارفة معزتك عندى بقة

عموما هوة بيشرح حجات روشة قوى الواحد برضوا محتاج يطلعها يعنى

يالة أهو كلو ترويح عن النفس

آه صحيح إبقى فكرينى أقولك عملت إيه النهاردة فى التقديم للشغل دة

وبعدين أنا قلتلك إدعيلى

تقريبا كدة دعيتى عليا

ياله محدش واخد منها حاجة

معاكى لبان

وعادى بقة
أودى

Mon Feb 19, 07:34:00 PM GMT+2  
Blogger The Eagles said...

يا سلام على الموضوعية دى
والردود الدبلوماسية دى


والسلام..........

Mon Feb 19, 07:48:00 PM GMT+2  
Blogger micheal said...

اية يا أنووج...الواحد بيفكر يعتزل موضوع التدوين بسبب التاجات اللي عامالة تنزل علي المدونات كلها...بس كالعادة متألقه في ردودك يا أنووج...بالامانة كدة أكتر واحدة بحب التاجات بتاعها أنتي و ياسمين أنا حرة
تحياتي لكي و علي فكرة الكومنت بتاعك علي نوضوع هالة سرحان نزل عندي و رديت علية و سامحيني علي ام الشحططة و البهدلة دة لان البلوج كمان زودتها عندي و حجبت كل الكومنتات اليومين اللي فاتوا و فجأة ظهروا كلهم النهاردة...معلشس أصل البلوج عندي ركنها جوست
تحياتي

Mon Feb 19, 08:51:00 PM GMT+2  
Blogger حدوته مصرية said...

اوعى تخافى ان الناس هتسيبك زى ما بتقولى وعشان كده تفكرى تلغى المدونة
تأكدى ان شاء الله ان الناس معاكى على طول
اما حفلة وجيه اكيد هروحها باذن الله و يسعدنى لو شفتك هناك يا بنتى لو دخلتى انهاردة ابقى كلمينى
m_yasser_86@hotmail.com

Mon Feb 19, 09:03:00 PM GMT+2  
Blogger bastokka طهقانة said...

لا من حقك تبخري المدونة فعلا

ابقى زوريني

Mon Feb 19, 09:32:00 PM GMT+2  
Blogger زحل الفلكي said...

هيييييييييه لحقت المقعد ال 24

:]

ايه يا بنتي الكلام ده
احنا كلنا اصحابك

وحوليكي ناس كتير بيحبوكي في المدونات التانيه

اوعى تفكري تسيبي التدوين

احنا كلنا اصحابك

Mon Feb 19, 11:18:00 PM GMT+2  
Blogger mariam said...

ايه ده
ده فى مقابلات بتحصل من ورايا
ماشى ماشى
هعمل نفسى مش واخده بالى

المهم اجاباتك على التاج جميله جدا يا انووج
انا عايزه اقولك انى بحب اسم مدونتك اى حاجه بقى

Mon Feb 19, 11:28:00 PM GMT+2  
Blogger الدبور said...

في لعب في الكومنتات
انا احتج و اطالب بمراقبين دوليين انا كنت الرابع في الترتيب
انا اعاوز تحقيق شامل و موسع في عمليات التلاعب في الكومنتات
فين الشفافيه و الالماظيه و المهلبيه
هناك ايدي تعبث و لابد من قطعها!!!
انا كنت معدي امسي و ارمي التماسي

Tue Feb 20, 12:55:00 AM GMT+2  
Blogger أخف دم said...

أنا عايز افهم بقى حاجة؟ انتى كتبتى التاج طب فين الردود؟ كل حاجة تقولى مش قادرة أحدد؟ينفع كده ؟ بطلى الدبلوماسية دى .. ماتتكسفيش يا إنجى..
يعنى لو اتسألتى مين أحسن مدون؟ قولى أشرف .. غيه أحسن بلوج ؟ قولى اخف دم.. إيه أحسن بوست؟ قولى كل بوستات اشرف.. كده يعنى...
بطلى مجاملات يعنى ودبلوماسية..
الناس عارفة الحقائق دى يا بنتى.

Tue Feb 20, 02:10:00 AM GMT+2  
Blogger raspoutine said...

تحياتى
وحشتينى يا سمرا بجد عايزين نشرب القهوة بتاعتنا فى الامريكين انا رحت منكام يوم لكن كنت لوحدى والويتر سألنى عليكى وكان فاكرك الجو بتاعى
لكن انا قلتله انك اختى
ومرديتش اديله بقشيش عشان افتكرك الجو بتاعى
ههههههههههه
وحشتينى يا بنت الايه

Tue Feb 20, 03:16:00 AM GMT+2  
Blogger elkamhawi said...

انتى والله عسل

Tue Feb 20, 04:21:00 AM GMT+2  
Blogger LAMIA MAHMOUD said...

براااااااااااافووووووووووو


ليه التدبيس يا ماما .. انا لسة عاملة 3

Tue Feb 20, 04:41:00 AM GMT+2  
Blogger مُزمُز said...

تاج لذيذ بس إجاباتك ديبلوماسية يا جميل ومش ده هدف التاج متهيألي

ميرسي على التمرير المبارك

ربنا يقدرني وأجاوب

تحياتي

Tue Feb 20, 01:32:00 PM GMT+2  
Blogger ody911 said...

وجيه عزيز مين يا أنجى

وعشرين جنية لية يعنى

هوة هيشغلنا

لو هيشغلنا يبقى موافق


آه على فكرة أنا زعلان منك

عاوزة تعرفى السبب إقرأى تعليقى عند ( ما علينا)


وعادى بقة
أودى

Tue Feb 20, 04:19:00 PM GMT+2  
Blogger أسوور said...

انتى فين يا بنتى .. اللقاء الجديد على الأبواب .. تعالى عندى وانتى تعرفى التفاصيل

Tue Feb 20, 04:48:00 PM GMT+2  
Blogger Masry said...

علشان خاطرك بس . انا اصلا مش بتاع تاجات . اصلي مبحبش الملكية .انا جمهوري

Tue Feb 20, 05:26:00 PM GMT+2  
Blogger 3aziz 3eni said...

الاسهل كنت قلت كل البلوجرز وخلاص بدل ما تكتب اسم واحد واحد

الذ تاج والذ اجابات انت شربات جدا

Tue Feb 20, 05:48:00 PM GMT+2  
Blogger Utopian said...

يا ريتك نسيتي حد يا شيخه
لو كنتي نسيتني و اللهي مكنت هزعل
:)
يلا معلش
مقبوله منك برضه يا ست الكل

سلامات

Tue Feb 20, 06:44:00 PM GMT+2  
Blogger Music Gates said...

ربنا يسمحيييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييك يا انجي انا ناقصصص تاجااااتتتتتتتت و فرحانه امرره لكوبا عايزه تعرفي منا ممكن اقوليك لازم افضح نفسي طيب يا ستي اول بوست هعمله ان شاء الله هيبقي التاج بس لما ارجع ادون تاني و هو قريبا ان شاء الله المهم انتي ايه اخبارك و الله ليكي وحشه جدا لاني بقالي كتير مش كلمتيك و يمكن غايب شوية المهم اني اطمنت عليكي و علي تدوينيك و انا اتفاجئت والله بائنيك لسه بدوني لاني لائتيك اختفيتي مده كدا يلا انا بكتبليك وانا نايم فلو في كلام مش مفهوم تعرفي انه تهيس نوم لما اصحي ابقي اكتبليك الي انا فاهمه سلااااااااام

Tue Feb 20, 08:41:00 PM GMT+2  
Blogger Tamer Nabil Moussa said...

ازيك انجى

دة كلام بقى انا امتة كسفتك
التاج بصراحة انا مش مقتنع بية وبعدين مش بعرف اكتب عن نفسى خالص لو تكتبى انتى وتبرعى اكون شاكر ليكى جدااا مجهودك

شوفى اسم مدونتى احلى بوست
كل دة معروف بقى مش لازم اكتب موضوع عنة انجى

احنا بقى هنلعب وننسى المهم
مخصوم منك اربع ايام هههههههه

Tue Feb 20, 10:30:00 PM GMT+2  
Blogger فوكيره said...

لاني بلا مبالغه بعتبركم اهلي

....

لانك انسانه الي قالك كده مغلطش

Tue Feb 20, 11:42:00 PM GMT+2  
Blogger kaed said...

إزيك يا أنجى عملة إية و اللة أنا كان نفسى أروح ساقية الصاوى بس المشكلة إنى ساكن فى إسكندرية و عندى شغل ... طب قوليلى أعمل إية

Tue Feb 20, 11:52:00 PM GMT+2  
Blogger Unknown said...

سمرا
ازيييييييييك
اجاباتك لطيفة ودمها خفيف وهرّابة
و..و..و
وكل حاجة
بس عندي سؤال واحد بس
......
كلهم أولادي يا منعم
!!!!!
جبتيها منين دي ؟؟؟؟؟

Wed Feb 21, 01:30:00 AM GMT+2  
Blogger Malk Almasria said...

مساء الخير

اولا الله يسامحك على التاج اللى مررتيه ليه انا ما صدقت اخلس من التاج الاول على العموم ياستى اى حاجة تيجى منك زى العسل

تحياتى

ملك المصرية

Wed Feb 21, 03:16:00 AM GMT+2  
Blogger -_- said...

لا حول و لا قوة الا بالله

سمرا .. احنا بقالنا قد ايه نعرف بعض ؟

اسبوعين ؟

كفااااااااااااية كده

اهئ اهئ اهئ اهئ

مش عاوز اجواب عالتاج تاني

!!!

عاااااااااااااااااااااااااااااا

Wed Feb 21, 05:53:00 AM GMT+2  
Blogger .:.-=- ELGaZaLy-=-.:. said...

اجابتاك جميلة اوى...

وصادقة ورقيقة بجد ..تحياتى

Wed Feb 21, 08:39:00 AM GMT+2  
Blogger The Eagles said...

خيييييييير بقالك كتير مش ظاهرة
انا كنت فى المترو امبارح وكانت درجة الحرارة 24 وكل الناس طبعا كانت لابسه الدولاب كله وانا كنت واحد منهم وكمان المترو كان زى علبة السردين لا الفسيخ عشان الريحة كمان والناس كانت عمالة تقول ماتخلوش حد يطلع تانى
انا بقى قولت للواقف قدامى بصوت خافت لازم يقفلوا الباب بحزام بس مرضتش اعالى صوتى عشان مايتكررش المشهد بتاعك
ههههههههههههههههه
يا ريب يكون المانع خيييييييير لعدم ظهورك


والسلام..........

Wed Feb 21, 10:09:00 AM GMT+2  
Blogger Memo said...

انوج
ايه يا بنتي التاجات دي
ايه الهنا الي احنا فيه ده
تحياتشي يا جميل واشوفك هناك

Wed Feb 21, 11:32:00 AM GMT+2  
Blogger Memo said...

This comment has been removed by the author.

Wed Feb 21, 11:32:00 AM GMT+2  
Blogger قلب يحترق said...

كدة يا نوجا

تاني تاج ادبس فيه

ماشي يا تحفة

بس تاج صعب اوي يعني

بس اوكي

انا بقالي كتير مدخلتش

بس اديني جيت و نورت البيت

وحشتيني والله

وان شاء الله ابقي اجاوب التاج

Wed Feb 21, 04:38:00 PM GMT+2  
Blogger ody911 said...

أنجى

أنا حاسس إنك متغيرة شوية كدة

يمكن من إمبارح لما كنت بكلمك

وكمان مردتيش لحد دلوقتى على أى حد

عموما يا رب تكونى بخير

ولو حد مزعلك قليلى بس وأنا أبهدلهولك

;)أنا سفيف أه لكن جبار

وعادى بقة
طمنينى عليكى
أودى

Wed Feb 21, 07:28:00 PM GMT+2  
Blogger ساعه الغروب said...

بجد كل ما باجى هنا والاقى كلمه تاج
بحط ايدى على قلبى
لا اطلع نومينيه
يوووووووه
قصدى لا ييجى اسمى فى اسامى نص شعب مصر اللى بتكتبيها دى


بجد وحشتينى موووت


بقولك ايه
ارجوكى لما تكتبى بوست تانى ارجوكى رنيلى مرتين ورا بعض يمكن الحق اكون فى العشرين الاوائل
مش هطمع اكون الاولى يعنى


ربنا يزيدك يعنى انا مش بنق ولا بحسد
انا بحقد بس
هههههههههه

لا والله ربنا يعلم
والله بتمنالك كل خير

كفايه كده لا هتقلب بشحاته بأه وكده

يلا طمنينى عليكى
وابقى تعالوا زورونا
يووووه
قصدى مش تقطعهى الزيارات

Wed Feb 21, 08:14:00 PM GMT+2  
Blogger فوضى الحواس said...

انتى انسانة جميلة واجتماعية قوى
الدفا بينط من كتابتك
ردوك جميلة كمان

Wed Feb 21, 09:18:00 PM GMT+2  
Blogger علي الالفي said...

عاااااااااااااااااااااااااااااااااااااااااااااااااااااااا
انا هاتخانق معاكي خناقة كبيرة و شلاليت و عض و شد شعر
بقى كدة تنسيني يا بنتي
يخونك العيش و الملح و الحفلة و الساندوتش اللي لا انا و لا انت دقناه
بقى تنسيني كدة يا بنوتة
و انا انزل غنوة جديدة ع المدونة بتاعتي و لا انت و لا وينكي تسمعوها و لا الاقي الزغاريط و لا الشربت في كل حتة
لا لالالالالالالالالالالالالا
احتج احتج احتج
بس اجابااااااااتك جامدة جدا جدا و طازة

Wed Feb 21, 09:42:00 PM GMT+2  
Blogger Amira said...

اجابتك تجنن
لم تفارقني الابتسامه

بدبيوماسيه ابتعدتي عن الاسئله الصعبه في التاج

انا لا احب التيجان اصلا
:)

و نصيحتي لكي لا تفكري ابدا في اغلاق المدونه انتي تعلمي كم يتابعك كثيرون

لا تهدمي جسر ترابط بيتيه بصراحتك و فضفضتك الداخليه و افكارك

و تحياتي

Thu Feb 22, 10:32:00 AM GMT+2  
Blogger -_- said...

صحيح .. هو مين سلطان ده ؟

Thu Feb 22, 11:06:00 AM GMT+2  
Blogger سهر الليالى said...

ايه الاجابات القويه دىوالدبلوماسيه فى نفس الوقت على فكره اوحش فكره انك تقفلى المدونه امال الناس اللى بتحبك دى تروح لمين

Thu Feb 22, 02:09:00 PM GMT+2  
Blogger frozen love said...

يتهربي يا سمرة..وتلبسينا احنا..ماشي
lol

انا متاخر عليكم خالص..ان شاء الله هعمل التاج ده قريب جدا

تحياتي

Thu Feb 22, 07:04:00 PM GMT+2  
Blogger smraa alnil said...

اودي

ازيك يا اودي
عامة واضح من العتلقيات الي ليك بعد كدة انك مش نمت 6 ايام
المهم انك حجزت
___________________________

يا قلبي يا غريب

وعليكم السلام والرحمة
بجد شكرا جدا علي كلامك الرقيق دة
واللهم امين يارب يتقبل منك

Thu Feb 22, 09:30:00 PM GMT+2  
Blogger smraa alnil said...

زورديك

هههههههههههه معلش يا قلبي بقي
انت ترتيبك التالت اهو
ات عارفة يا فؤش ان دي اقل حاجة عندي هههههههههههه

انت اصلا لسة مش خلصت البحث القديم
وهتخلصوه يعني هتخلصوه

وبالنسبة للعسلية من عنيا يا قمر

يا سيدي انا بشتم في مدونتي انا جيت جنبك
ههههههههه
ربنا يجبر بخاطرك مين يشهد للعروسة بقي
هنشوف التاج اتعمل ولا لسة
___________________________

سجين في قلب الوطن

هههههههههههههههههه
انت بتقول فيها يا طارق
ربنا يخليك يارب
وشكرا علي الكلمتين التثبيت دول
هو انت لازم تفضحني علي طول كدة
عمرك ما تستر عليا
ايوة يا سيدي جبتلي شوكولاته
ارتحت
لا طبعا دة اساسي وغصب كمان
ولما نشوف اخرتها معاكم ايه

Thu Feb 22, 09:30:00 PM GMT+2  
Blogger smraa alnil said...

ياسمين

انا مش حبيت امرره ليكي عشان عارفة انك مش هتعمليه
عامة انا رحت شوفت المدونة
وحشاني
___________________________

soul

هههههههههه ناقصة مش ناقصة هتعملوا يعني هتعملوا
عامة فكك بقي
وانا اتكلمت معاك في موضوع المود الوحش دة وربنا يسعدك يا سمسم يارب
سلام

Thu Feb 22, 09:30:00 PM GMT+2  
Blogger smraa alnil said...

الدبور

ههههههههههههههههههه
مالها بس حالتك المزاجية
يارب تكون خير
صباحك قشطة يا معلم :)
___________________________

the eagles

هههههههههههههه
يا واد دة انا بهاديك
مطحون مش مطحون هتعملوا يعني هتعملوا
عامة المؤتمر شكله طويل لانك لحد النهاردة مش جيت من عنده
لا بجد موسيقي جامدة

Thu Feb 22, 09:31:00 PM GMT+2  
Blogger smraa alnil said...

عبد الله

وانا كمان اتمني كدة
وربنا يكرمك يارب يا بد الله
وترجع لبلدك يارب
___________________________

متغيرة شوية

اولا
انا مش ليا دعوي يا اختي
انا مش كنت عارفة ان ياسمين تعرفك
عامة ابقي انتقمي منها انتي براحتك
ثانيا
الله يبارك فيكي بس انا لسة مش ناقشته
ثالثا بقي
والله الاجابات بتاعاتي برضه من قلبي
ومش قاصدة انها تطلع دبلوماسية كدة
المهم انا سمعت ان حفلة اسكندريلا طلعت تحفة
ولا ايه

Thu Feb 22, 09:31:00 PM GMT+2  
Blogger smraa alnil said...

بجابيجو

اكيد هنتقابل
انتي كمان وحشاني اوي علي فكرة
___________________________

ادم المصري

ههههههههههه
طبعا لازم البسك السلطانية اومال البس مين غيركم يعني ابويا
المهم انا بقي مش رحت الحفلة دي
انت رحتها
سمعت انها كانت حلوة اوي
عامة اهي يا فالح امتيك اتحققت ومش رحت :))

Thu Feb 22, 09:32:00 PM GMT+2  
Blogger smraa alnil said...

houty

شفتي بقي اهو انا اللي سبقتك
عامة خلاص انتي ضفتيني واتكلمنا والله اتبسطت اوي اني كلمتك
___________________________

الغزالي

شكا بجد علي الكلام دة
واتمني تكرار الزيارة

Thu Feb 22, 09:32:00 PM GMT+2  
Blogger smraa alnil said...

انا حرة

هههههههههههه ا بت ايه حكاية دراع جوزها دي
المهم انك عمليته وخلاص
عايزة ايه تاني بقي
هههههههههههه كبة انتي
___________________________

ahmedndn

اولا مش في داعي انك تشكرني
ثانيا بجد دة شرف ليا انك تزورني علي طول
ربنا يكرمك يارب
دة بس من ذوقك
ربنا قادر بقي مش يحرمك مني هههههههههه

Thu Feb 22, 09:32:00 PM GMT+2  
Blogger smraa alnil said...

انا حرة

اولا مش هتعضيني لاني هجيبلك عسلية ساعتها
يعني هتعملي باللي هجيبهولك
___________________________

سمسم

انت تأمر يا عم سمسم
ال بيتكو القديم علي راسي من فوق
هههههههههههه احلي حاجة فيك متابعتك للافلام
يا لهووووووووووي
ايه الكلام دة بس
طب ارد اقول ايه يعني
ربنا يخليك يارب
ويحيا سمسم كمان
ويحيا بيتهم القديم
طب خلي بالك ليشيط

Thu Feb 22, 09:33:00 PM GMT+2  
Blogger smraa alnil said...

اودي

ههههههههههههههههه
انت جاي تقر عليا يا اودي ولا ايه
طب انت اصلا ترفضلي طلب
انت هتقولي يا اودي
معلش يا اودي مقصرة معاك
بس اكيد هكلمك واعرف عملت ايه في الشغل
تاخد تشكليتس
___________________________

the eagles

ههههههههههههه
هو دة اللي قدرك عليه ربنا بعد حضورك للمؤتمر
يلا اي خدعه

Thu Feb 22, 09:34:00 PM GMT+2  
Blogger smraa alnil said...

مايكل

انا برضه رحت زرتك كدة ومش لقيت كومنتي
قلت اكيد انا رديت عليك قبل كدة الموضوع شكله مش غيب عليا
فكرت ابعتلك كومنت تاني بس قلت لا
انا تقريبا علقت
وطنشتك يا مايكل هههههههههههه
والبيبول في المنطجة اشتكوا منه
___________________________

محمد ياسر

يارب يا محمد مش حس اني لوحدي
معلش بقي اسفة اين مش رحتها بس سمعت منك انها حلوة
تتعوض بقي انشاء الله

Thu Feb 22, 09:34:00 PM GMT+2  
Blogger smraa alnil said...

بسكوتة

عامة علم يا فندم وينفذ
وهزورك
شكرا علي الزيارة بجد
___________________________

supernove

ههههههه مبروك يا قمر علي ال 24
ربنا يكرمك يارب
بجد طول ما معايا ناس زيكم عمري ما هكون لوحدي
ربنا يخليكم ليا

Thu Feb 22, 09:35:00 PM GMT+2  
Blogger smraa alnil said...

مانو


معلش بقي يا مريوم
بس هشوفك بجد اكيد
ومدونتي كمان وصاحبتها بيحبوكي والله
___________________________

الدبور

ههههههههههههههههههه
انا مش عارفة انت بتتكلم عن ايه
قصدك ايه يعني
وبعدين احنا ناس جامدين لامؤاخذه ومش بيهمنا حد
هتقولي نيللي نيللي هقولك شريهان شريهان

تماسيك وصلت يا قمر

Thu Feb 22, 09:35:00 PM GMT+2  
Blogger smraa alnil said...

اخف دم

دبلوماسية ايه يا عم انت
حد جاب سيرتك ولا جه ناحيتك
ههههههههههه
خليني ساكتة يا اشرف واتقي شري الايام دي حاكم انا مبؤوءة منك
___________________________

راسبوتين

هههههههههههههه
هو انتو ليه كلكم بتشردولي كدة
انت عايزين تيجبوا اجلي شكلكم كدة
ههههههههههه
بذمتك الراجل سالك عليا
والله فيه الخير
المهم يا واد انت وحشني اوي انت كمان والله

Thu Feb 22, 09:36:00 PM GMT+2  
Blogger smraa alnil said...

القمحاوي
والنبي انت اللي زي العسل وانا اتبسطت اوي اني شفتك
___________________________

لميا محمود

وهتعملي التالت عندك اعتراض
شكلك معترضه
ماشي انا هوريكي

Thu Feb 22, 09:37:00 PM GMT+2  
Blogger smraa alnil said...

مزمز

وحياتك عندي يا مزموزتي انا جاوبت بقلبي
وانت عارف كدة ومش كان مقصود منه والله الدبلوماسية
ان شاء الله ربنا يقدرك وتجاوب عليه
___________________________

اودي

ههههههههههههههه
يا واد بس لحسن الناس تضحك عليك
عامة عرفت السبب
الله يفضحك يا بعيد 4 مزز ايه بس
هههههههههههههه

Thu Feb 22, 09:38:00 PM GMT+2  
Blogger smraa alnil said...

ياسمين

عرفت التفاصيل وهتلاقيني في وشك يا ماما
___________________________

انسان

خاطري مش خاطري
هيتعمل يعني هيتعمل
ملكي جمهوري هتيعمل يعني هيتعمل
ولما نشوف اخرت الدلع دة ايه
:))

Thu Feb 22, 09:38:00 PM GMT+2  
Blogger smraa alnil said...

sokomonce

ههههههههههههههههه
واضح خضرتك فاهمني غلط
انا واحدة بنت
يعني انسة
يعني انثي

بس مش مشكلة برضهنصدق كانت فكرة وتايهة عني بس مش مشكلة التاج الجاي بقي :))
___________________________


utopian

هههههههههههههههههه
انساك دة كلام
انساك يا سلام

عامة هشوف التاج عندك
سلام

Thu Feb 22, 09:39:00 PM GMT+2  
Blogger smraa alnil said...

كوبا

هههههههههههههههههههههه
طبعا فرحانه اني امرره ليك يا واد
لا يا باشا كلامك مفهوم جدا كمان
عامة انا لازم اكتب بس انا اول مرة اعرف انك بعيد عن التدوين
يا تري خير يا واد
___________________________

تامر

كسفتني المرة اللي فاتت لما مش رديت تعمل التاج الي فات
ههههههههههههههه

عامة انا هعوض الاربع ايام دي
وهشتغل شغل اضافي
هههههههههههه

Thu Feb 22, 09:39:00 PM GMT+2  
Blogger smraa alnil said...

فوكيرة

ربنا يكرمك يارب
بجد انتي عسولة مووووت
ربنا يخليكي ليا
___________________________

قائد

مش تعمل حاجة حضرتك
كل اللي تعملوا انك تركب اول قطر وتنزلنا القاهرة
شفت سهلة ازاي

Thu Feb 22, 09:40:00 PM GMT+2  
Blogger smraa alnil said...

اميرة

ههههههههههههههههههه
هو دة الي لفت نظرك في التاج كله
كلهم اولادي يا منعم
وحياتك عندي ما عرف جبتها منين دي
هي الحت واصرت عليا وانا برد علي الاسئلة فقلت مش احرمني من حاجة
:))
___________________________

ملك المصرية


مساء النور

ربنا يخليكي ا ملك يارب
عامة هبقي اروح اشوف عملتيه ولا لا

Thu Feb 22, 09:41:00 PM GMT+2  
Blogger smraa alnil said...

شارم

ههههههههههههههههه
كفاية ايه
انت لسة شفت حاجة
دة انا وراكوا والزمن طويل

بس هتجاوبو يعني هتجاوبوا

__________________________

الغزالي

ربنا يكرمك يارب
وشكرا علي الزيارة تاني وياريت تتكرر كل مرة

Thu Feb 22, 09:41:00 PM GMT+2  
Blogger smraa alnil said...

the eagles

ههههههههههههههههههههههههههههه
طب كنت اعملها كدة وشوف ايه النتيجة
انا كنت بنت ومش قدروا يجيبوني
بس كان هيبقي شكلك حلو وانت عامل زي اللحمة المفرومة
ههههههههههههه
عامة عدم ظهوري هو شئ مش متوقع بس اتمني انه يكون خير
__________________________

ميمو

للاسف يا ميمو مش عرفت اروح
اوعي تكوني رحتي لاني بجد كان نفسي اشوفك
شفتي مش حارماكم من حاجة اهو

Thu Feb 22, 09:42:00 PM GMT+2  
Blogger smraa alnil said...

dyin_soul

لا صعب ولا حاجة
دة شكة دبوس ومش هتحسي بيه
والتاج علينا حق
وانتي كمان وحشاني وعزائي الوحيد اني بكلمك اون زا موبيل
هههههههههه
___________________________

اودي


عندك حق يا اودي انا فعلا متغيرة
بس المشكلة انا مش عارفة ايه هو سبب التغير
مدايقة ومش عارفة ايه هو سبب اللي بيداقيني
عامة اي مزعلني مش هتقدر عليه
دة ابويا والزمن
هههههههههههه
انا تمام الحمد ومش تقلق

Thu Feb 22, 09:43:00 PM GMT+2  
Blogger smraa alnil said...

ساعة غروب

رضوي رودي
ههههههههههههه
مانا مش رضيت امرره ليكي عشان عارفة ان النت عندك بايظ ويادوب بتخشي بالعافية
وانتي وحشاني موووت مش هشوفك بقي ولا ايه

ههههههههههههههه
عامة هرنلك ومش تخافي
بطلوا حقد بقي ونضفوا نفسكم من جوة
عارفة يا حبيبتي انك بتتمنالي كل خير
ويارب يزيد المحبة بينا يارب
ومش تخافي انا موجودة علي قلبك علي طول ان شاء الله
__________________________

فوضي الحواس

طب اقولك ايه بقي علي الردود دي
ربنا يكرمك يارب
انت كمان مدونتك رقية اوي وعجبتني جدا

Thu Feb 22, 09:44:00 PM GMT+2  
Blogger smraa alnil said...

علي الالفي


لا مش تزعل بس والله يا علي مش كنت عارفة انك ليك في موضوع التيجان دة
اه والنبي يا علي ما تفكرني بموضوع الساندوتش دة عشان كل ما افتكره ببقي عايزة اخنق زحل الفلكي
ههههههههه
لالالالالالالالالالالالالا
دة يانا يا باشا اجيلك جري وازغرطلك واجيبلك الشربات كمان
اهو الواحد يعمل حسابه برضه
___________________________

فريدة

اهم حاجة ان ابتسامتك تكون موجودة لانها سر الحياة بجد
وسعدية ان ابتسامتك جت عن طريقي
ربنا يسعدك يارب علي طول
اكيد عمري ما هقفلها بس انتي عارفة الواحد ساعات بيجيلوا افلاس فكر
بس ربنا يسترها بقي

Thu Feb 22, 09:44:00 PM GMT+2  
Blogger smraa alnil said...

شارم

يووووووووووو
بقي انت مش عارف مين سلطان
طب اقولك ايه بقي
خليك احسن مش تعرفوا لتتخض
ههههههه
___________________________

اماني

انا بقول يا اماني احيانا بفكر
بس ربنا يسترها بقي
ربنا يخليكي يا قمر
___________________________

frozen love

هههههههههههههههههه ماهي دي الجدعنه
هنشوف يا عن حامد ايه النظام

Thu Feb 22, 09:45:00 PM GMT+2  
Blogger  بسمه عبدالباسط said...

أيه الكلام الجميل قوى ده
بجد كلامك طالع من القلب وفعلا بيدخل القلب

Thu Feb 22, 10:20:00 PM GMT+2  
Blogger الدبور said...

انت فين محدش بيشوفك ليه
بقولك انا اروح لقهوة البورصه دي ازاي
ياريت تحاولي تساعديني وبسرعه

Thu Feb 22, 10:24:00 PM GMT+2  
Blogger smraa alnil said...

bos bos


ربنا يكرمك يارب
وشكرا علي الكلام دة
انا فعلا بكتب من قلبي
__________________________________

الدبور

هههههههههههههه

لما اعرف انا هبقي اقولك
بس عامة ومبدئيا يعني
لما تروح التحرير اسال علي البنك المركزي لان هي عندها
وابقي اددعيلي بقي

Thu Feb 22, 11:26:00 PM GMT+2  
Blogger micheal said...

أنووج
الكومنت بتاعك موجود يا جميل و رادد علية
تحياتي لكي

Fri Feb 23, 05:01:00 AM GMT+2  
Blogger أميرة said...

يااااااه دة انا اتأخرت اوى

ازيك ياسمرا وحشتنى مواضيعك

التاج دة فعلا اسئلته حلوة اوى

بس اجاباتك شديدة الدبلوماسية

تقبلى تحياتى ياعسل

Mon Feb 26, 12:13:00 AM GMT+2  
Blogger smraa alnil said...

مايكل

قريته يا باشا وقريت ردك
شكرا يا مان

________________________

اميرة ويلز

ولا اتاخرتي ولا حاجة
انتي فينك يا بنتي بجد بقالك مدة مش ظاهرة ليه
طمنيني انتي عليكي

Mon Mar 05, 05:42:00 PM GMT+2  
Blogger  ياقوت الأزهري said...

تعد الصداقة من أجمل الروابط وأقوى المشاعر التى تقابل الفردفى هذه الحياه
ولكم أردت أن أعرف هل عثر على رباط
أجمل وشعور أقوى من الصداقة


سعيد جدا
وأهنأك على أصدقائك

Sun Mar 11, 05:30:00 PM GMT+2  

Post a Comment

<< Home