فقدت القدرة علي التواصل (دة كلام ليا انا)؟
حاجات كتيرة اوي حاسة بيها ومش عارفة اعبر عنها حاسة بجد بالانهيار مش بقيت قادرة اني اقف علي رجلي حاسة اني بقع تعبت من الصمود والقوة اللي بتظاهر بيها
اخرتها ايه يا انجي
مش عارفة
مواقف كتير اوي مرت عليا الفترة اللي فاتت مش في حد يعرف بيها بس كاتماها جوايا كل ما ببقي عايزة اتكلم واصرخ باللي جوايا
الاقي ابتسامة مقبلاني اقوم ادبح اللي جوايا واحفر ابتسامة غصب عني واداري دموعي جوة صوتي المخنوق
يمكن المواقف دي بجد بحس انها هايفة اوي
بس كترها عليا وورا بعض بقي يتعبني
يمكن عشان انا دايما بدور علي عالم مثالي مش موجود حاليا الا جوايا او في احلامي
يمكن بس انتي عارفة يا انجي ان مش في حياة مثالية وان احنا بشر مش ملايكة
وانتي مش ملاك ومش هتمشي الكون علي مزاجك ياريت تفوقي بقي من الوهم اللي عايشة فيه
اتصدمتي بالواقع مليون الف مرة وكل مرة بترسمي ابتسامة امل وتقولي بكرة اكيد احلي
وان الحياة هتبقي زي مانتي عايزة وشايفاها وانتي عارفة ان دة مش هيحصل
انا مش كنت عايزة اخش الماجيستير كنت فرحانة وانا شغالة مدرسة بلعب مع العيال لاني مش ببان وسطهم
بابا غصب عليا اخش الماجيسيتر عشان احقق اللي هو فشل فيه
ودخولي الماجيستير كان سبب في تعييني كمنحة من الجامعه ليا
تعبانة اوي من الضغوط الي بتعرض ليها ابحاث كتيرة فوق دماغي وانا بس اللي بعملها
لحد دلوقتي مش عارفة احدد عنوان للرساله اللي هي هتبقي الماجسيتر بتاعي
ومعني كدة اني هستني سنة كاملة عشان اسجل لو مش لحقت اسجل قبل شهر تلاتة ما يخلص
عشان اعمل ابحاث محتاجة فلوس وانا مش بحب اطلب من بابا مش اتعودت اني اطلب
وبستكتر اللي بطلبه لو طلبت اصل بدايق اوي لو حد سمعلي كلمة
دخلت قسم مش بتاعي (العاب قوي) ولا افهم فيها اي حاجة ويمكن تقديري الاربع سنين فيها مقبول
ورئيسة القسم عاندت معايا ودخلتني غصب عني بموافقة العميدة السابقة وتهديدها للعميدة الجديدة بانها لو نقلتني لقسم تاني يبقي هي كدة بتغير في قرار عميدة سابقة ودة مخالف لقانون الجامعه
يعني حلم الرساله اللي بحلم بيها في لعبتي واللي هكون اول بنت في الشرق الاوسط تعملها ضاع في الهوا
رئيسة القسم مضطهداني دايما بتزعقلي ادام الطلبة وتهيني اهانات كتير
وبستحمل وبسكت
مش سايباني في حالي اتاخرت زي مش اتاخرت واشتغلت زي مش اشتغلت
لحد هنا وبقول مش مشكلة عادي
لكن تروح لدكاترة الدراسات بتاعتي
وتروح تذم فيا بطريقة مهينة جدا وتطلب منهم يسقطوني دة كدة بقي كتير اوي
مش في دكتورة كبيرة في الكلية الا ما تسمعني كلمتين مش ليهم لزمة
وتقولي ايه الكلام اللي بسمعه عنك دة انا كنت واخدة فاكرة تانية عنك
صورتي مهزوزة وبقيت اشك في شغلي اللي بعملوا
شئ طبيعي عمري ما مارست العاب القوي دي ولا اعرف عنها اي حاجة بقيت اشك في شرحي والنموذج اللي بقدمه للبنات
قمة الاهانة لما الاقي حد بيزعقلي ويشتمني ادام الطلبة
اقل كلمة اتقالتلي ادامهم دة انتي بني ادمة مقرفة
طب استحمل تاني ليه بقي
ولو اشتكيت الكل هيكدبني لان دي الست الكبيرة الي الكل بيصدقها عشان مصلحته والتقارير اللي بتتعمل
دكاترة الدرسات بقي مش بقم طايقني لانهم حاسين اني متغيرة وفعلا بقيت مهملة
اخر مرة بشرح جزء من المنهج اللي عندنا كنت انا عليا جزء وواحدة عليها جزء
الدكتورة سالتها فين الحاجة اللي هتشرحي عليها قلتلها مش جبتها بس المرة الجاية هيكون عند حضرتك
بصتلي وسالتني فقلتلها نفس الكلام
مش مهم النظرة اللي اتبصتلي بس مسكت الورق الي شرحت منه ورمته علي الارض
يااااااااااااااااااااااااه مش قدرت امسك دموعي وانا بوطي اجيبه من الارض قمة المهانة اللي حسيتها
وبتقولي تقريبا الكلام اللي بسمعه عنك دة صح
انتي بني ادمة مهملة
ومع ذلك مهددة اني اسقط في المادة دي وبالتالي تانية ماجيستير كلها
اتوقفت عن اللعبة اللي قعدت 13 سنة العبها
لييييييييييييييييييييييييييييييه
عشان مش رحت لمدة شهر اللي هو كان وقت الاجازة
ليه برضه عشان اعرف اسرار للنادي والمدير الفني وخدها حجة بوقفي عن اللعب عشان يخلصوا مني
بغض النظر عن كوني بطلة وحققت نتايج كتير بس خلاص بقي بقيت عضمة كبيرة والخير في الناشئين اللي طالعين
حاجة تعباني اوي اني احس بالظلم
المواقف دي متادخلة معها مواقف تانية
يعني حاجات بتابعها تاني
في اولي ماجيستير اتعرفت ببنت معانا من المنوفية حبيتها اوي
وطلبت منها انها ترضي تيجي تذاكر معايا عشان الامتحانات
وكلمنا اهلها
وقعدت عندي شهر عند ماما
وبعدها شهر تاني عندي هنا في بيتنا عشان كانت بتاخد دورة في القاهرة
كانت بتيجي معايا بليل وتمشي الصبح
بعد فترة طويلة بمسك موبيل اخويا بالصدفة لقيت رسالة منها لاخويا
رساله حب استغربت اوي
ببص علي الرسايل المرسلة لقيت اخويا كمان كدة
ارتبطوا ببعض من ورايا
من غير دة ما يقولي ولا هي تقولي ولا حتي حد فيهم خد راي
فترة والتانية وفوجئت بابا بيكلمني عليها لان اخويا راح قاله انه عايز يخطبها
اتوجعت اني مش اول واحدة يقولي ولا حتي خد راي فيها
دافعت باستماته عليها ولمحمد
لحد ما انا اللي اقنعت بابا ووافق
وبرضه انا مش عارفة
راحو يوم الاتنين يتقدمولها اهلها طبعا وافقوا
انبارح اخويا بيتصل بيا وانا في الكلية بيقولي انتي هتخرجي معانا نشتري الدبل وكاني عارفة
ومع ذلك نزلت معاهم
وجابلها الدبلة والمحبس والخاتم
دفع كتير ومش استخسر حاجة
بس ساعتها افتكرت كلمة كان دايما بيقولها
انا نفسي اشتغل يا انجي عشان اعوضك انتي وماما من الحرمان اللي انتو شفتوه
دلوقتي بقيت كل حاجة ليها
حتي الكلمة الطيبة
بلاقيها عارفة كل حاجة عنه
لدرجة ان محمد بيعرف اخبار الدراسات بتاعتي منها
لما كنت معاهم في العربية نظراتهم لبعض مش نظرات واحدة شافتوه في بيتنا
ولا كلامهم قليل
لالالالالا
دول خرجوا كتيييييييييييير
انا مش بقول دة مش حقهم بس علي الاقل عارفة
طب واعرف ليه وانتي مالك انتي
هي حياتك انتي ولا حياتهم هما
انتي تتدخلي ليه يا حشرية
هو انا من حقي اتدخل
لا وايه هيقفلوا شقتنا وهياخد شقة من الشقتين وهياخدوا اودتي
هو انا ليه لازم اضحي علي طول
لا وايه هي اللي حددت هتاخد اني شق من الاتنين اللي فاتحينهم علي بعض
وهو قال كدة
عمل كل اللي عملوا من غير ما ياخد رأي اي حد حتي انا
بقيت غريبة زي زي اي حد بيعرف من برة
خلاص بقيت علي الهامش
بقيت حزينة اوي وانا بشوف اخويا بيروح في طريق انا مش موجودة فيه
انا مش فرحانة خالص
هيلبسوا الدبلة بكرة
وانا مش مبسوطة ولا فرحانة
دمعتي بتسبقني
طلباتي مش مجابة في حين انها لو طلبت حاجة بتتنفذ هوا
اقل حاجة اشتراك الموبيل بتاعي مش اتدفع ومش كان معايا فلوس قلتله محمد انا بجد مش معايا فلوس ولسة مش قبضت ممكن بس تدفعلي اشتراك الشهر دة
هما كلهم 35 جنيه
قالي ماشي وجه الشهر الجديد ورحت ادفع انا لقيتهم شهرين
هو مش دفعلي حاجة
نسيني
خلاص انا مش مهمة وانا من امتي اصلا مهمة
في يوم كنت مخنوقة جدا وقعدت اعيط يجي نص ساعه بحالها
جه لقاني بعيط بصلي وسالني انتي بتعيطي ليه قلتله ابدا مش بعيط ومش في حاجة سابني ودخل نام
هو انا بقيت وحشه اوي كدة
انا مش فرحانة ومش دي البنت اللي تبقي لمحمد
وللاسف مش قادرة اتكلم
والكل فاهم هنا اني زعلانة لان اخويا اللي اصغر مني هيخطب وانا لا
ابتديت غصب عني اجرح
بخاف افرح
وافرح ليه دة انا لو فرحت بخاف
بخاف انام بفضل سهرانة طول الليل وانام علي وش الصبح عشان انام مهدودة
اصلي بخاف احلم احلام وحشة واصحي الاقي حضني فاضي
مش بقيت حاسة بامي
علاقتنا كلها في تليفون ازيك عاملة ايه اخبارك ايه مش في جديد عندك واخبار الكلية ايه مش هشوفك بقي
اسئلة تقليدية متكررة كل مرة
دي علاقتي بيها
نفسي الاقيها بجد
تعبت بقي
النهاردة حصل نقاش علي مشكلة تخص بنت اخت مرات بابا
اتكلمت وقلتلهم رأي كلهم كانوا سامعين
وكالعادة انجي عارفة بتعمل ايه ومتحملة مسئولية نفسها
وهي العاقلة اللي بتفكر صح وتقرر حياتها
وفعلا خدوا برأي ونفذوه
وانا اصلا زي الحمارة ومش عارفة ومش قادرة اني امشي حياتي
بقيت اجرح غيري
حتي المهاجر زعلتوا من هزاري وطلب اني ابعد عنه وانه يتخلي عن صداقتنا
غير ناس كتيرة بقيت اجرحهم
البعد عنهم افضل ليهم
بحس اني وحشة اوي بجد
لما بقرب اوي ببقي وحشة
غير اني بجرح اللي بيحبني اصل بصراحة مش بثق في حد
دة انا حتي مش واثقة في نفسي
بنهاااااااااااااااار
باين عليا اني مش فرحانة
دة حتي راح جاب ليها فستان الخطوبة
بقوله يا ابني الفستان دة بيبقي علي العروسة راح مزعقلي
لقيته بيقولي لو باصالها اجيبلك فستنان زيها
انا باصلها؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا بجد تعبت
البيت والشغل والكلية واللعبة بتاعتي واصحابي
دي ارتبطت باخويا من غير ما اعرف
ودي صاحبتي
اااااااااااااااااااااااااااااااااااااااااااااااااااااااه
من جوايا نفسي اصرخ بجد
جوايا الم مش بينتهي ومش قادرة اتكلم اصلي لو اتكلمت بيقولوا عليا نكدية
بعد محايلات من طنط علي بابا عشان يديني فلوس اجيب طقم جديد عشان احضر بيه بكرة
مش معايا حد اروح اجيب معاه اتصلت بيه عشان يجي ياخدني جالي الساعه 9 وربع
اعمل بيها ايه رفضت اني انزل
ومش هجيب حاجة لاني اصلا مش راضية علي الجوازة دي
حاسة اني بعاقب نفسي انا
وحاسة اني مش ليا دور
ولا انا اللي مكبرة المواضيع زيادة عن اللزوم
حتي شمشمونة قطتي ماتت
هو انا اللي حساسة زيادة عن اللزوم
يا جدعاااااااااااااااااااااااااان
انا تعبت بقي
ولا انا اللي تاعبة نفسي
هو انا اصلا من حقي ازعل ولا ايه
انا مش عارفة فين حقوقي
ولا عارفة ايه الصح من الغلط
بس كل اللي انا عارفاه اني مش عايزة حد معايا خالص
نفسي اكون لوحدي بعيد
انك تخسر صديق زي المهاجر دة صعب اني اخسر حد بيحبني وعايز رضايا دة برضه صعب
انك تخسر اهلك ومش يبقوا حاسين بيك برضه دة صعب
انك تحس ان شغلك بيقع ومستقبلك بيضيع دة صعب
انك تحس ان الحلم الي حلمته بيدبح ادامك دة برضه صعب
انك تصحي من النوم كل يوم علي كوابيس ومش قادر تقول دة برضه صعب
انك تحس انك كبرت علي الضحك دة برضه صعب
انك تحس انك مهمش ومش ليك دور في حياة البني ادمين اللي حواليك دة صعب
انك تحس انك مش لاقي نفسك دة برضه صعب
انك تحس انك بتموت بالبطئ دة برضه صعب
انك تحس انك بتتألم وعيونك علي طول مدمعه دة برضه صعب
والاصعب ان غيرك يبقي شايف دمعتك ويسيبك ويمشي
سعادتي بالاقيها لما بداوي جرح غيري
صوتي مخنوق وحاسة اني مش قدرة اخد نفسي بجد
حاسة اني بمووووووووووووووووووووت بالبطئ
حاسة روحي بتنسحب مني
نفسي انام مرتاحة في مرة
بس تعبت بقي
يا ماما بقي عايزاكي تيجي تاخديني في حضنك
نفسي انام علي حجرك بقي
جسمي عطشان للمسة منك
لطبطبة
لحد يمسحلي دموعي بجد
لحد يسمع صرختي بقي
بس انتي مش هتحسي بيا
عارفة انك هتاخديني في حضنك بس للاسف يا ماما انا مش هحس بيه
انا فقدت القدرة علي التواصل
فقدت القدرة علي التواصل
فقدت القدرة علي التواصل
فقدت القدرة علي التواصل
مش قادرة اتفاعل مع الناس دي
هكتفي اني اضحك واداري دمعتي زي الصورة دي
Labels: قصة حياتي كلام ليا
posted by انا اللي كاتباها هو في غيري يعني at 7:58 AM
67 Comments:
م
مالك يا انجى
سلامتك يا قطه
انجى براحه على نفسك شويه كلنا سعات من كتر ما حياتنا فيها نقص فى الحنيه
بنكون متعلقين بالناس اكتر من العادى
ودا بيخلينا حساسين اوى
بصى يا انجى انا لسه خارجه من ازمات بردو
وعارفه انى مهما قلت مش هيفيد عشان انتى محتاجه ايد تمسح دموعك الكون يتغير ويديكى سعاده اتحرمتى منها
بس فى ايدى شىء واحد بس وان شاء الله واثقه انو هيجيب معاكى نتيجه
هدعيلك بظهر الغيب انتى اختى
ومتمناش تحسى بكل التعب دا
خساره يا انجى تتعبى باقى العمر خساره
والله انا يمكن للاسف اول مره احس انى وجودى فى اسكندريه مخلينى بعيد عن ناس كتير وخاصه انتى
بس لما شوفتك فى الصور برغم انك بتضحكى وتتكلمى الا انى حسيت فى عنيكى كلام كتير
انا بفهم الناس على فكره من عنيهم اوى وبفهم اى حد من مجرد احساسى بيه
انجى لو جواكى هم خرجيه
اطرديه
انسى واشترى نفسك
اقولك على نصيحه هيا غبيه شويه بس للاسف فى العالم دا تنفع
قليل من السطحيه ميضرش يا انجى مش كل شىء تاخديه على اعصابك وعلى احساسك
تجاهلى اللى تجاهلك هتتوجعى الاول بعد كدا هيكون شىء عادى انك تبيعى اى حد تحسى انو سابك وقت شدتك او اتخلى عنك
بالنسبه لاخوكى بصى يا انجى الضفر ما يطلعش من اللحم معلش حتى لو كان اختايارو انتى حاسه انو مش مناسب ادعيلو ربنا يكرمو
ومعلش بكره يرجع يقول اختى انجى هيا اختى مهما حبيت
بعدين يا انجى دى مشاعر الحب الاولى بتنسى اى حد كل الدنيا
معلش واحده واحده ربنا يصلح الحال وبكره يرجع يقول مفيش الا انجى اختى وتقولى نورا قالت
بخصوص الكليه يا بنتى نافقيهم شويه عشان فى ناس كدا هايفه ومتبش الا المحلسه
بالنسبه للمهاجر
رافت بجد قلبو ابيض بجد
انا حسيت اد ايه هو انسان مهذب وطيب اوى
لو تحبى اكلمهولك بجد انا متاخرش عنك ابدا يا انجى
بعدين مفتكرش ان رافت ممكن يزعل من حد للدرجه دى يا انجى
حبيبتى لو حبيتى تفضفضى فى اى وقت ادينى رنه وانا هكلمك ولو معييش رصيد كاعاده هههههههههه
اكلمك اونلاين
اوكى
متزعليش نفسك يا قطتى ابدا
انتى بنوته زى القمر ومش نكديه انتى بس حساسه وكلنا بتمر علينا وقت وحش وربنا يعدينا منو
بس خليكى مع ربنا اوى قادر يبعد عنك الهم والحزن
ان شاء الله
hady nafsek ya smraa walahy 7ass beiky gedan
seybiha 3la allah
ana walla mareet ba2swa2 men keda
bass dayman khaliky m3a allah
enty khaltiny adma3
feee nass kteer gedan zayekk
mahomash malika bass donietna feeha nas kteer zayek
enty mesh wa7dek
kteer 7aseet bkol elly bt2olih bass mala2etsh 7ad a7killo
gheer rabna
wehowa wa7do elly momken tfdfdello
khaliky gamda ya smraa
fee nass kteer bt7bek ya anoooj
matboseesh ll7agat ely tday2ek 7awly ttgahliha
khaliky mot2keda
enooo rabna 3alm belly fel2loob wehowa ra7eem bena asboryyy
inshaallah kheeer kbeer 7at2blih 2orayeeb
www.ahmedramadan.blogspot.com
7awly delwa2ty tedkholy 3la elblog da inshaallah 7tla2y 7agh kwaisa asma3iha we inshaallah 7trta7y :))
سمراء
طبعا انا اول مرة اخذ الرقم ده عندك
انجى انت مش تفكرى فى المشاكل
انا زى ما انت بتقولى خليفتك
انت فيكى حاجات كتير منى
انا لحد اول الاسبوع تقريبا كنت عايشة ميتة
انت لازم مش تفكرى فى المشاكل خالص واوعى تكرريها زى ما انت كتب فى اخر البوست
انت بتكررك ليها بيخليها تكبر
بتخليها تعملك مشكلة
ممكن تسببلك لعقدة
بصى لمشاكل الناس هتهون عليكى مشكلتك
انا هنصحك نصيحة انك تقراى فى كتب التنمية البشرية
مهمة جدا
انا عن نفسى بيها قررت انى اتغير واكون انسانة تانية
انت بتكررك لكلمة انك مهملة
انت ممكن ما تكونيش كدة بس بالتكرار هتخليك كدة وتاثر فيكى
انت لازم تقراى تنمية بشرية وما تقوليش ان انا اصغر منك ومتخديش بنصحتى ولو عايزة كتب انا ممكن امدك و
لازم تقرى الموضوع الاخير عندى
انت لا فقدى القدرة على التةاصل لا حاجة ده مجرد وهم ومش لازم تعيشى فيه وبتكرارك لهذا التفكير هيكبر جواكى
يا حببتى كلامك وجعنى اوى فكرنى بنفسى معلش الدنيا كده وانتى بجد حد طيب اوى وحنينه اوى متزعليش نفسك كله بيعدى بس خلكى عندك امل فى ربنا وتكونى عيزه تطلعى من الى انتى فيه
حولى مترفضيش الى حولكى
اتكلمى اضحكى
الموضع هيكون صعب فى الاول بس البعد عن الناس هيزود الموضع بزياده
صدقينى قربى من الحوليكى حتى لو حسه انك مش قدره
انا نفسى اكلمك
بس مش عرفه ازاى
ربنا يزيح عنك كل هم يارب ويطلعك من الى انتى فيه
انجى
الاول بس عايز اقولك انك وحشتينى اوى
بصى يا انجى
احنا اتكلمنا قبل كده فى الحكاية دى
عارفة
نفس الاحساس الغبى بالعجز حسيت بيه
واقف قدام الكلام وحاسس بيكى اوى
ومش عارف اعمل ايه ولا اقول ايه
يااااااااااا رب
ملناش غيرك يا رب
عارفة يا انجى
انا مش هقولك انك حساسة أوى
وانك المفروض متزعليش والكلام ده
بس انتى لازم تطنشى
اه تطنشى
يا ما بيحصل للواحد مواقف ومشاكل كتيير
بس لو فضلنا نفكر فيها ., هنفضل ننجرح
وهنفضل متعذبين
بالنسبة للكلية
انا لو مكانك كنت قلت ملعون ابوهم كلهم واللى يقولى كلمة اقوله عشرة
ايه الى هيحصل يعنى .., ماله التدريس
لو ليكى تبقى مدرسة وتسيبى الهم ده
يبقى ملعون ابو اللى يزعلك
انا اسف
انا مش عارف بقول ايه
بس فيه مليون حاجة حاسس بيها دلوقتى
و والله العظيم
مش عارف اعمل ايه
بصى يا انجى
بالنسبة لاخوكى
ادعيله ان ربنا يفرحه
وافرحيله يا انجى
انتى من جواكى عمرك متزعلى من حد
وانتى من جواكى انا عارف انك حاسة انه مش مقدرك ومش مهتم بيكى زى زمان
بس برضه افرحيله
وافرحى بكرة فى الفرح
علشان خاطرى
اوعى تحسسى حد انك زعلانة ولا متضايقة
والنبى يا انجى
خليكى كبيرة من جواكى زى ما انتى كبيرة دايمااا
وانسى كل اللى حصل ده
وافتكرى انه بكرة يجيب نونو صغير وهتكونى انتى عمته
وهيكون قريب منك اوى
هتكونى عيلته
علشان كده بقولك انسى يا انجى
وافرحيلهم كمان
قد ايه انا عارف ان الطلب ده قاسى ومش عادل
بس الدنيا عمرها مكانت عادلة
وانتى من جواكى احسن من اى حد
يا رب يشيل الهم من جواكى
ويقلبه فرح يا رب
يا رب يفرحك ويعوضك يا رب
يا رب يرزقك باللى ينسيكى كل لحظة زعل ويقلبهالك فرح
يا رب يخفف عنك ويكرمك
عارفة يا انجى
انتى مفقدتيش التواصل ولا حاجة
والدليل على كده
اقرى البوست الى فات
كل الناس اللى انتى كتبتى اسماؤهم دوول عارفين ان انجى بنى ادمة محصلتش
وكلهم بيموتو فيكى
وانتى عارفة كده
وعارفة قد ايه انتى غالية عندهم كلهم
اوعى تقولى كده تانى يا انجى
والله يا بنتى ربنا هيعوضك خيير
ويفرحك
قولى امييين
ازيك يا انجي مالك بس ايه الي خنقك كده واضح انها ترسيبات قديمه كتير فوق بعضها جه موقف اخوكي ظهر الترسيبات دي
اكيد من حكايتك واضح انك هاديه في الجامعه و في حالك و مالكيش في شغل الجامعات علشان كده الدكتوره دي عاملالك ازمه اتعودي دايما تطالبي بحقك و مش تخافي و تهزئي الي يجي جنبك ومش تخافي برضه محدش بياخد اكتر من الي مكتوبله اتعلمي ان كرامتك و حقك فوق اي حاجه حتي فوق نفسك لما تحافظي عليهم و بعنف الناس ساعتها بس هتابدا تعمل لنفس حساب قبل ما يحاولوا يجيوا جنبها
موقف اخوكي طبعا موقف بايخ جدا وواضح ان البت لعبت في دماغه بس عادي برضه احنا الي بنحط لينا دور في الحياة و نحافظ عليه او بننسحب ونسيب دورنا لغيرنا معاكي انه موقف غبي و طريقه غبيه بس مش الحل انك تنسحبي بهدوء في الاخر ده اخوكي قبل ما يكون خطيبها طبعا هوا جرحك كتير بس ياتري انتي قولتيله انه كده بيجرحك الناس دايما بتشوفك ممكن القويه الي مفيش حاجه بتفرق معاها علشان كده مش بياخدوا بالهم ادام لو عرفوا انك فعلا بتفرق معاكي كلمات زي دي اكيد هيتصرفوا بطريقه تانيه كل تصرف مش يعجبك او يجرحك حسسيه انه عمل غط ساعتها هيبدا ياخد من كل حاجه
بالنسبه انك شايفه ان البنت مناسبه او لا لاخوكي محدش بيقدر يمثل و يخبي الحقيقه كتير مع الوقت هيكتشف و ساعتها هيعرف كنتي بتفكري في مصلحته استني وهتشوفي
موضوع بقي انك حاسه انك وحشه طبعا الكل هيعترض هنا اننا بنشوف روحك من كلماتك وصعب الروح دي تبقي وحشه انتي بس محتاجه شويه هدوء وايمان بالقدر قربي من ربنا كتير هتلاقي حاجات كتير بتعدي
مستني اشوفك قريب مش تنسي دايما اظهري نفسك علي طبيعتها مش تمثلي الدور انك غير نفسك
تحياتي
This comment has been removed by the author.
بصي انا مايهمنيش كل الناس دي يهمني انتي
يهمني انتي يهمني انتي
مش عارف هلى اضربك قلم تفوقي من كل ده ولا اطبطب عليكي
واقلك بكره تتعدل
لا ولا ده ولا ده
بصي قومي صلي ركعتين
والحنان موجود بس لسه مجاش ليكي شوية كمان الصبر الصبر
وبالنسبه لاخوكي صدقيني ده الطبيعي وده الي بيحصل لينا كلنا
ومش معنى انه بعد شوية يبقى هو نسي لا هو مشغول بس مش اكتر والله انا عارف لما اخ يحب اخته يبقه معناها ايه
والله هو بيحبك
وموضوع انها ضحكة عليه ولا مش عارف ايه فدا معناها انها منوفيه زيي
:)
ولو مفيش نصيب يبقه هو اللي اختار ادغيله وبس
جربي تبطلي نفكير زي مانا بطلت خالص اساسا
وموضوع الماجستير سيبيها على الله لكن اللي انا مش قابله موضوع التهزيء ولو لا قدر الله خلاص انتي زي مانتي بتقولي صاقطه يبقه الاحسن تخدي حقق قبل مايتاخد منك حقك
انا مش عايزك تقولي اننا بقومها لكن هو ده المنطق عليه وعلى اعدائي لكن بردو خلي عندك امل في توفيق ربنا وزي منا قلتلك ادعي وانتي واثقه مش وانتي بتتمني
وبعدين واغلى ما املك انا هنا جنبك علطول وبعدين مش عاجبكوانا اخوكي الصغير طب والله انا اسيتحالى انسى موقفك بتاع النسخ والطباعه في ملف الوورد هو ده موقف يتنسي دا انا لو مكنتش جنبك يبقه انا مستحقش اكون اخ
وبعدين والله العظيم احنا ناس وانتي انسانه وعمرنا انا ولا انتي ولا غيرنا كنا غلط الغلط على اننا جينا في زمن مش زمنا
والله العظيم احنا بنأدمين مش شوية تيوس بنضرب عشان نتحرك وبعدين مانتي احسن مني اهه على الاقل عرفتي تبعبري عن خنقتك امال انا اللي ايدي واقفه وطول النهار في ذل عشان ابويا جابني يبقه مطلوب مني اكل وانا ساكت ومقلش عايز اخرج ولا نفسي في كذا ولا حتى ليه الحق اننا اكح عشان ابويا دافع فلوس عشان اجي
يعني كلنا بنتعببس انا مش بقارن فرق التعب لكن يابنتي صدقيني الضحكة بتاعتك عشان وراها نيه صافيه ووروح نقيه فهي دايما جميله وبعدين اضحكي بقه وطول ما ايمانك بربنا كبير كله هايتحل
انا كلامي دخه مش بيحل حاجه ولا هايقدم ولا هاياخر لكن صدقيني ربنا كبيير
وربنا يسترها
أنجى كلامك وجعنى قوى ومن غير ما احس دموعى نزلت أفتكرت نفسى برضة فى المشاكل الكتير اللى بمر بيها وبحساسيتى الزيادة بس صدقينى مفيش حد هاينفعك حاولى تطلعى كل اللى جواكى وحاولى تاخدى الأمور ببساطة أكتر أنا عارفة أن الكلام سهل بس صدقينى أنا من كتر ما تعبت من المشاكل اللى عندى وجربت اللى أنتى فيه من عدم النوم والخوف من الكوابيس فعلا نفسيتى تعبت جدا وده أثر على كل حياتى وشغلى وأصدقائى وكل حاجة
أقولك على حاجة أرمى حمولك على الله وحاولى تعملى اى حاجة بتحبيها وربنا هايسهل أن شاء الله
وركزى فى شغلك وما تلتفتيش للكلام اللى بيحبطك
Hello!
Very, very nice
Thank you
طب تصدقي انا على ماجمعت نفسي وبدأت الم تفكيري اللي انتي بعترتيه ده كله وبعد ماكتبت كل اللي فات ابص الاقي نفسي ال 11 في التعليق بعد مكنت هاكون الخامس
يعني في فرحك الناس جنبك وفي حزنك بردو جنبك
يعني حد يبقه حوليه كل دول ويزعل ياشيخه سيبك بقه من الكليه وقرفها وسيبك من اخوكي هو هو اللي هايتجوز وخليكي انتي في نفسك
انا بحبك اوي اوي اوي
واعتبريني احسن من اخوكي
واكتر من الناس كلها
اني احبك في الله
وربنا يسترها
اللهم لا تجهل اُنسها إلا بك ولا حاجتها إلا إليك ولا رغبتها إلا فى ثوابك والجنة
اللهم آمين
بصي .. هقولك انا بعمل ايه بعد ما اعدي بشوية حاجات زي بعض اللي كتبتيه
بركز في حاجة بحبها اوي وبركن اي حاجة تانية على جنب وكانها مش موجودة ، مع الوقت بلاقيني مستعد اعمل اي حاجة تانية حتى لو مش حاببها طالما عندي حالة اشباع في حاجة بحبها
انا بعمل كده وبس ... انتي غاوية تقليب مواجع ياحاجة انجي وده انا قريب جدا جدا اتعلمت انه غلط نقف عن ده ومنتحركش عشان ننجز جديد يبسطنا ع المستوى الشخصي ع الأقل
يعني بتعبير بثينة كامل الرائع ، مفروض نعيش لنفسنا مش نعيش في نفسنا
بس خلاص :)
انجي
بجد أنا زعلت أوي و تأثرت لما قريت الكلام اللي في البوست دة و لو أني كنت حاسس أنك تعاني من هذا الاحساس الموحش في البوست الماضي...حاولي بجد تطردي الاحساس ده من حياتك بالبحث عن أي شيء جميل في حياتك و أكيد حتلاقي
أتمني لكي الراحه و السعادة
الحساسية المفرطة التي نعاني منها في لاحظات من حياتنا كالتي تعيشيها الأن
أعتقد أن مشكلتك أن بتضحكي كتير
مش قصدي علي الفاضي و المليان
أقصد أنك بتضحكي للناس
سعيدة أو مبسوطة
يعني المشاعر عندك من الناحية التشريحية تنحصر في الفرح أم من الناحية النفسية لإانت تحولت الي بالون يمتلئ بالأوجاع ومش بتواجهي الناس باللي أنتي زعلانة منه في وقته
وده خلق عندك حالة اللامبالاة اللي أنتي أحسستيه من الناس اللي حواليك
لو حتي تعبير وجه يوحي بالتغير
كان حيفرق كتييير
عموماً أنصحك أنك تمسحي البوست ده
وتبتدي بالناس القريبة منك واحد واحد تتكلمي معاهم
أما بالنسبة لأخوكي
فمينفعش دلوقتي تظهري أعتراضك علي خطبته
أعطيه مساحة من الوقت
حتي لا تفهمي خطأ
وربنا يريح بالك
علي فكرة أنا مش عارف أنت كنت تقصدي أي تعليق اللي مفهمتهوش ياريت تقوليلي
وهدانا الله أجمعين ألي مما يحب ويرضي
السلام عليكم
اختاه...صدقا انتي اختاه ..انا لااقرء اغلب كتاباتك لاني اشعر اني اقتحم خصوصياتك اقتحم احلامك فاتراجع و اعلق و اثني علي كلام متاكد انه جميل و طيب لانه يخرج من روح و نفس طيبه
هنا مكانك مملكتك لا تغادريها ابدا و اتبعي كلام ربك الذي قال و لا تخضعن بالقول فيطمع الذي في قلبه مرض
اسال الله ان يحبك و ان ينادي ملائكته و يقول اشهدكم اني احب عبدي فلان
اللهم امين
بالله عليكي اكتب عن حبك للرسول صلي الله عليه و سلم و ابعتيها علي شكل تاج الي من تحبيه
تحيتي اختاه و اسال الله لك الخير كله عاجله و اجله
ايه اللى حصل .. انا هربان من الاكتئاب اللى عندى و عمال بالف فى المنتديات و المدونات يمكن الاقى حاجة تضيع الاكتئاب .. قمت انت جبتينى الارض لمس اكتاف ...
وحدى الله ..
الدنيا ابسط .. من كده ... لسه كنت بافكر فى مواقف حصلتلى السنة اللى فاتت .. و كنت محبط ... من حاجات نفسى انها تحصل .. و ربنا يسرها لطريق تانى .. دلوقت بس .. لقيت .. ان الشىء اللى انا كنت كارهه .. خير بس عقلى وقتها مكانش شايف الصورة كاملة .. سلمى الامور لله بصدق ...
وحدى الله
فَصَبْرٌ جَمِيلٌ وَاللّهُ الْمُسْتَعَانُ عَلَى مَا تَصِفُونَ
دي عاشر مدونه ادخلها اشوف حد بيكتب حاجة حزينة وكل التعليقات تكون
مالك فيه ايه ومتشيليش هم واحنا معاك
يا جماعة الكتابة ملهاش قيود دة احساس بتحسة عموما انا هرجع تاني اقرا كويس الموضوع عايز قعده والكلام حلو
تحياتي
بدون ما احكي قصص مماثلة .. كلنا كدة
بس حاولي متستسلميش
انجى ...
اهدى يا توتة ... ماتعمليش فى نفسك كده ...
اولا مفيش حاجة فى الدنيا تستاهل دمعة على خد الجميل ....
انا واثق اتك كنتى متعايشة مع المشاكل دى كلها بس حاجة واحدة هى اللى فجرت الالم ده كله ...
وغالبا ده موضوع اخوكى لان واضح انك بتحبيه اوى ربنا يخليهولك ...
ماتخديش موضوع انهم خبوا عليكى بحساسية حتى لو عشمك اكيد كان غير كده ...
انا عارف ان ليكى حق تزعلى خصوصا من صاحبتك اللى فتحتلها بيتك ... معلش جايز ظروفهم جت كده …
سيبيهم يواحهوا ايامهم بمعرفتهم وهى بس اللى تعلمهم ... بس متزعليش من اخوكى هو اكيد بيحبك بس سارقاه السكينة شوية ومشغول بنفسه ...
تعرفى يا انوج مشكلتك انك كنتى الكبيرة للناس دى كلها بما فيهم بابا و ماما ... اخدوا على انك بتدى دايما وانهم يلجأولك فى كل حاجة ...
وده بينسيهم انك كمان محتاجه لحضن دافى و حنان بس اكيد متعودوش يشوفوا الوجه ده منك ...
دايما الانسان الجميل المعطاء بيبقى وحيد ... دى ضريبة الكبير كبير يا قمر ...
اما عن دراستك فاتحديهم من غير ماتبينى ...
خديها تحدى وانتى اكيد صبورة ...
يعنى حبى العاب القوى ...ابذلى مجهود تتفهميها واكيد هتحبى حاجات فيها وهيكون ده بذرة اهتمامك وحماسك ليها اللى ممكن يقلب الاية ...
وعن الناس ابتدى بالدكاترة المشرفين وبصبر هتغيرى فكرتهم عنك وساعتها رئيسة القسم مش هاتقدر تعمل حاجة ...
حماسك المفتقد لحاجة مش حباها اكيد هايفرق كتير لو اتغير ...
ياريتنى كنت فى مصر كنت قعدت اتكلم معاكى مش عشان نصايح عشان بس تفضفضى براحتك وساعتها انتى بنفسك هتلاقى ردود لكل تساؤلاتك ...
انا متأكد انها سحابة وهتعدى كلنا بنمر بيها بس انتى عشان الدنيا بتحبك متوصية بيكى شوية ...
بقى الانوج ده يعرف يجرح .... ده بيتهيألك ....
ياللا اهدى يا قمر ... عشان الناس كتير اهوه عايزين يشوفوا ابتسامتك ...
دموعك غالية علينا ... وكمان ابتسامتك احلى ...
ربنا يديم عليكى احساسك المرهف اللى جايز بيتعبك كتير بس هو سر جمال الانوج اللى بنحبها ...
انجى
اخوكى بيحبك ودى حاجة لازم تكونى متأكده منها
انا مريت بنفس التجربة مع اختى
هما بيهتموا بالطرف التانى اكثر عشان ميخسرهوش
لكن هما ضامنين و متأكدين اننا هنفضل نحبهم حتى لو ما اهتموش بينا فاهمة
اما الكلية فكونى واثقة ان ربنا هيسهلك اللى ليكى خير فيه كلمينى بحبك
يا جماعه مش عارفة اقولكم ايه
الاحساس اللي انا حاساه وحش اوي
بس اكتشفت فيه اني انا اللي غلط ولا مش كنت خسرت صديق زي المهاجر المصري والجحيم هو الحقيقة بسبب افعالي وهزاري وان مش في حد فاهمني
بقيت احس اني انا اللي غريبة متناقضة لابعد حد
يا نورا
تعبي طول العمر دة مش بقي بايدي خلاص انا بقي يصعب عليا افرح يا نورا بقيت اخاف افرح فبنكد علي نفسي
لحسن الفرحة مش تكمل وقول اهو بايدي انا اكتم فرحتي بدل ما حد يكتمهالي واموت بحسرتي
انا فعلا بقيت احس اني منافقة بضحك وانا قلبي مليان دموع يا نورا ومش قادرة اقول ولا اتكلم
رأفت مش فهم اللي انا كنت بمر بيه وكنت عاملة زي العامية اللي مش شايفة ادامها وعايزة انسي اي حاجة باي حاجة وبالتالي مش استحمل هزااري
ويمكن اتصدم لما شافني علي الحقيقة وانخدع فيا هو قالي كدة يا نورا والكلام دة بد مش قدرت استحمله
يا احمد الموضوعع اكبر من اني بقول كلام علي لسانكم او بحس باللي جواكم
انا الحمد لله بقي عندي القدرة اني اقرا كل واحد من جوة شكله عامل ازاي من خلال تعليق ليه او كلمة كاتبها عنده
بس انك تلاقي غصب عنك انك فقدت القدرة علي التواصل حتي مع ربنا
لني بجد فقدت القدرة حتي مع نفسي فمش عارفة
طريقي بقي ماشي ازاي بجد تهت ومش عارفة ارجع
يا هبه اولا انا مش عندي الكتب اللي انتي بتقولي عليها دي
بس انا بقي نفسي اكون واحدة تانية غيري نفسي اخلع جلدي واتغير 180 درجة
والاحساس اللي جوايا دة خلاص كبر
انا نفسي اتوجعت يا دينا وبقي مش بايدي بقي غصل عني برفض اي حد يقربلي ولو تصادف ووافقت بعد عنه عشان مش تجرح لجرحي
بقيت حاجة لا ارادية مني
انا قلت كدة برضه ملعون ابوهم كلهم بس معني كلامك يا احمد اني هخسر مستقبلي واني هطرد من الكلية وبالتالي عسق في الماجيستير ومش واخداه يعني كله متعلق بكله
ومش بايدي شئ غير اني استسلم واسكت زي كل مرة عشان المركب تعدي زي ما يبيقولوا
انا فكرت اروح اعتذر عن الكلية وابقي طالبة دراسات عليا فقط بس البيت هنا مش راضيين لانهم مش عارفين اللي بيحصل ولا هما حاسين
يا احمد انا حاسة اني لوحدي اوي
ومحمد اخويا يا جماعه خلاص مش بقي ملكي
البوست اللي عملته عشانه يوم عيد ميلاده
كانت ذكريات طفولة لا اكثر قلت يمكن اقدر اجيبه لحضني تاني بس كنت غلطانة
انا بجد مش كنت عارفة اتكلم وحست اني هنفجر لو مش كنت اتكلمت ومش ليا حد احكيله غير اني اكتب وخلاص
يا احمد انا تعبت من كوني كبيرة بقي
لحد امتي هكون كبيرة
وانت عارف اني اعيل من المعيلة
احمد انا عايزة اقولك اني بقيت احس بجد ان كلكم ولادي حتي لو لقيت حد اصغير مني بيوم
بحس انه صغنتوت اوي بالنسبة ليا واني خلاص انا الكبرة اللي المفروض تشيل هم الناس كلها مش عارفة دة صح ولا غلط بس انا خلاص بقيت كدة ومش عارفة اتغير
تفتكروا ان الناس اللي اتكلمت عليها دي هتكون معايا علي طول لا اعتقد
ترسيباتي كترت اوي يا عبد الله تخيل كل موضوع يعدي عليا اضحك واقول ش مشكلة اهو هتعدي زي غيرها
بس الخبطات كترت اوي وانا ضهري اتقطم
انا فعلا هادية في الكلية ومش في حد حاسس بيا في القسم بس لو جيت اعترضت ببقي قليله الادب ومهددة بالطرد
والكلام بيكتر اني مش بسمع الكلام
يعني لا كدة عاب ولا كدة عاجب
وعتاي لاخويا مش هيجيب نتيجة صدقني انا عارفة اخويا كويس في ساتعها هيتأثر بس هيحس بالذنب والاحساس دة غبي اوي ومش بحب ان اي حد يحس بيه خصوصا محمد لاني بعشقه جدا
يمكن فرة ان في حد هياخده مني هي اللي مسيطرة عليا وان هي هتبقي كل حاجة
انا حاسة بكدة اني انا اللي هكون حماتها برغم انها طيبة بس مش دي اللي تناسب محمد
هو يستاهل اكتر من كدة بكتير بس هي دي اللي اختارها ومش هتكلم ي اي حاجة تانية
يا حازم
انا بقيت مش قادرة بجد استحمل واخرتها ايه يعني
مش عارفة
تعبت يا جدعان
هتقللي اصبري الحمد لله مش بتكلم وصابرة من جوايا وبقول قدري ونصيبي
هتقولولي صلي ركعتين واقري قرآن
وانا مش عارفة اتواصل بس انا بحب ربنا اوي
انا عارفة ان هو بيحبني بس خلاص مش بقي ليا
هفضل اضحك لحد امتي يا حازم انا بقيت اضحك علي نفسي لما مش بلاقي حاجة اضحك عليها
يمكن يكون ايماني ضعيف جايز مش عارفة
انا فعلا مش كنت عارفة انا حقي ازعل ولا لا
لاني زي ما قلت قبل كدة مش عارفة فين الصح واالغلط
قلت اتكلم وخلاص يمكن من خلال كلامي مع نفسي اشوف الغلط فين
بس واضح من الكام اني انا اللي غلط واني محبكاها زيادة عن اللزوم
واني انا اللي حساسة
يا بوسبوس انا خلاص بقيت مؤمنة ان فعلا مش في حد هينفعني غير نفسي
بس انا خلاص مش بقيت فاهمة نفسي
غصب عني بجرح ناس حواليا لاني ببعد عنهم عشان مش اجرحهم بمشاكلي وهما مش فامين كدة ودة بيداقني
اكتر حاجة بتخنقني اني اكسر نفس حد
عايزة اقولك ان الحاجة اللي كنت بهرب ليها وبحبها هي اللعبة بتاعتي وادني اتوقفت عنها
مش بقي في حاجة بحبها اعملها
غير اني اكتب واقرف نفسي واقرفكم معايا بالنكد اللي جوايا
يعني بصيت لقيت ان مش في حاجة بحبها ممكن اعملها واطلع غلبي فيها
خلاص بقي
بضيع
يمكن بجد كلامكم بيخفف عني شوية بجد
احينا بتمني اني اقضي عمري كله فيي الكتابة ومعاكم بجد بس انا عارفة ان دة غلط ومش هيحصل
عارف يا حازم كنت زمان اتعرفت علي ولد كان اخويا بجد وكنت بخاف عليه ووقفت جنبه كتيييييييييييير
وكنت بحبه اوي وقعدنا سنة نتكلم مع بعض كان مرجد كلامي معاه بيريحني
وكنت بحبه كاخ ليا وهو كمان لحد ما ارتبط بنت هي بقت كل حاجة في حياته ساعتها بس انسحب من حياتي لانها بقت كل حاجة لو حب يتضايق بيتكلم معاها هي وانا طوز مش مشكلة واكتفي بدعوتين ليا اني الاقي الشخص اللي يسمعلي
يعني اتخلي عني لما شاف حياتي برضه انتواهتكونوا كدة
حاسة اني بتعلق بوهم كبير
يارب يا ياسمين
يا عبد الرحمن بجد مش بقي في حاجة بحبها
الحاجة الوحيدة اني اكتب وبس
غير كدة انا مش فالحة في اي حاجة تانية
اتحرك تاني لمين ولفين قولي انت الطريق غير انك تقولي بقي صلي واقري قرآن انا عارفة ان دة هيريحني بس انا مش عارفة
هنرجع تاني يا مايكل ونقول ان مش بقي في حاجة جميلة في حياتي اعملها
انا مش ببقي قادرة يا بينو ابين للناس اني حزينة او زعلان لاني مش بحب اشوفهم لا زعلانين ولا حزاني
عشان كدة بكتم جوايا وبضحك للناس زي مانت قلت
اعمل ايه اني يعني
انا فعلا وشي اتغير انبارح وفهموني غلط اني حاقدة علي اخويا عشان هيتجوز او هيخطب وانا لا عشان انا الكبيرة
انا مش اعترضت لا دلوقتي ولا قبل كدة علي خطوبته انا اصلا مش عرفت بكل الاحداث دي
ايها الكجهول بجد مش عارفة اقولك ايه بس الناس دي هي اخر امل ليا بعد ربنا
ومن غيرهم ممكن اموووووت ياريت تحاول تفهمني بجد
ولو مش غادرت مملكتي زي مانت بتقول ممكن اتعفن من موتي ومش في حد يحس بيا
معلش يا دكتور بس هي اكيد حالة وهتعدي زي غيرها
لا اله الا الله
الغريب
ادعيلي انت بس
اقرا يا عادل ومرحب بيك في اي وقت
يا محمد مش قادرة خلاص فاضليي شعرة علي الانهيار بجد انا تعبانة جدا ومش في حد حاسس
يا قهوة الكلام مش في اسهل منه
انا بس حاسة انه هيضيع مني ومش عارفة ارجعه ازاي
يعني انا بجد من حقي ازعل اصل مش عارفة انا من حقي ازعل ولا لا
طب ولحد امتي هياخدوا علي اني انا الكبيرة هو انا مش بني ادمة ليا طاقة واحساس والناس دي المفروض تحس بيا
والوحدة دي هتخلص امتي بس لاني تعبت اني اكون لوحدي وحضني فاضي
اتحدي ازاي بس دة انا بعمل قردة وبرضه مش عاجب
براضي في دي وبقول حاضر ونعم عشان النصيحة اني اكون مطيعه وبرضه مش بيعجب اعمل ايه بس
ياريتك بجد كنت في مصر
هاجر انا ي ما قلت اني عارفة انه بيحبني بس الشريحة بتاعتي اتغيرت هو نفس الرقمبس كل الارقام اللي عليه اتغيرت ياريت تبقي تبعتيلي رسالة عشان اعرف الرقم لاني دي كمان حاجة مضايقني
بجد بشكركم كلكم علي المشاركة انا هروح ابس بقي عشان اروح الخطوبة وادعولي
سمراء
فيكى تسمعينى لو كلمتك عن كل اللى قلتيه ده
ولا تزعلى منى
حقول وانا وحظى بقى بس تأكدى انى بقوله علشان حساكى
يا سمراء برغم كل اللى قلتيه لكن مش هى دى المشاكل اللى تكسرك او تأزمك
تعالى نقول ايه سر مشكلتك مع المشرفة قدامك حل من اتنين انك تتكلمى بمنتهى الصراحة معاها واساليها مباشرة حضرتك زعلانة منى فى ايه وانا احاول اصلح اى خطأ وتعاملى بهدوء كانك بتكلمى امك فى محاولة لارضائها الكلمة الجميلة بتلين اى قلب وساعة ما هتوصلى للحظات تفاهم معاها هينتهى اى تحريض عليكى ومع مجهود منك انك تغطى اى خلل علشان ما يتاكدش الصورة التى اتغيرت عنك
او المقاتلة بشراسة وتسجيل الاهانات على الموبايل وعرضها على العميد ودى حرب غير مستحبة وبتنهى علاقتك بكل الناس فى المكان ولا ارجحها وانتى فى هذه المرحلة السنية والوظيفية الصغيرة نسبيا
غير مقبول اهانة اى حد وغير مقبول تقبلك للاهانة من اصله والحل هو عدم وضع نفسنا فى الموضع ده مطلقا بمعنى تفادى الاخطاء
الموضوع التانى مقدرة موضوع صحبتك واخوكى ساعات بيكون فى خجل وعدم مكاشفة لحساسية الموقف لكن ده مش معناه يكون فى رفض للموقف برمته بل بالعكس محاولة للتفهم هتساعد على امتصاص الموقف وحتة تكبير دماغ وتفاعل حتى لو مظهرى هيكسر الحواجز
هقولك على حاجة بقى من خبرتى
فى الاول لما يكون فى حزن بنلاقى تعاطف الاحباء مع الوقت بيتدى يكون الحزن عادة بيتناقص التعاطف تدريجى حتى يضمحل تقريبا بافتراض انه اصبح عادة مكررة وده طبيعى حتى الدكتور فى بداية تعامله مع المرضى بيكون متعاطف مع الوقت بيتحول سلوكه بالتدريج الى لا شىء يشعر دى طبيعة الحياه مش قسوة انما تعود
بخصوص المهاجر رأفت حساس جدا وانتى متصورة انك السبب هو قلبه طيب جدا وبمجرد كلمة اعتذار بسيطة لو كنتى فعلا زعلتيه مش هيزعل منك خالص
لو كنت قريت البوست ده بدرى كنت نزلت معاكى جبنا احلى فستان لاحلى اخت عريس وربنا ان شاء الله هيسعدك
يمورة بلاش يكون عندك تراكم بالصورة دى لان فى النهاية الحمل هيتقل قوى وكل اللى قولتيه مشاكل بسيطة بتحصل لينا كلنا وبتعدى المهم يفضل احبائنا موجودين حوالينا وصحتهم بخير لان هى دى الجروح اللى مش بتتعالج بسهولة
هشوفك ان شاء الله فى اللقاء القادم ومش هقولك انا مين وهسيبك تعرفينى
بس ايه السذاجة دى لما انتم بنتين بس التالتة هتكون مين يعنى هتنكر احتياطى يمكن متعرفيش
تحياتى يا جميلة
ايه يا انوج..صلي علي النبي كده.. عارف يا انجي انا حاسة بيكي بجد بس اللي عايزة اقولهولك ان دايما واحنا جوه مشكلة بنحس انها كارثة.. انها اسوأ حاجةممكن تمر بينا ..بس الغريب اننا بعدها بتعدي علينا مشكلة تانية تخلينا نقول علي اللي قبلها ده المشاكل زمان كانت هبلة قوي وممكن توصلي ساعتها انك تقولي ياريت مشاكل زمان دي ترجع تاني
انجي انا شفت حلم حياتي بيهدوه قدامي ..الحاجة اللي انا كنت عايشة علشانها اتاخدت مني .. مننا كلنا قتلوا احلامنا فينا .. احاس رهيب بالذل والقهر والظلم..ورغم كده احنا بنحاول نقوم بنحاول منموتش حلمنا فينا.... اوعي تحسي ان الدنيا ضلمت اخر ضلمة ممكنة لان بجد انت ماتعرفيش الاسوأ فين..وكمان يا قمر ربنا قال"لا يكلف الله نفس الا وسعها"
فاشرقي واتحدي المعلمين اللي عندك في الشغل دول واصبري علي اخوكي وافتكري انك جالك 26 كومنت ببتاعي وفكي بقي:D
وان مع العسر يسرا
ياه يا انجى
كل ده
هى الدنيا كده
كونى اقوى من كده
اثبتى نفسك فى اللعبه الجديده
انت تقدرى يا انجى
قررى و خلى عندك اراده واثبتى
لنفسك انك قدها
يااه
انت شايله كل ده في قلبك وساكته
حاولي تدوري حواليكي على حد بيحبك ويخاف عليكي واكيدهتلاقي بس انتي مش واخده بالك
فضفضي وحاولي تنسي
واندمجي وسط الناس
حاولي تزرعي ابتسامه على وجه طفل يتيم
ساعدي حد محتاج المساعده
صدقيني لما بتساعدي اي حد وتحسي بنظرة السعاده والشكر الي في عينه هتحسي باحساس جميل جدا وان الدنيا كلها بتبتسملك معاه
و انصحك تقري كتاب دع القلق و ابدا الحياه لكارينجي
او كتاب جدد حياتك للشيخ الغزالي
وربنا معاكي والمره الجايه تكوني اكتر سعاده وت فائل
سلام
http://1minelnas.blogspot.com
انجي....
بصراحة أنا لما قريت كلامك امبارح ..حاولت أكتب حاجة بس مقدرتش
مش هقولك اني حسيت بيكي لأني مهما حاولت أفهم موقفك و أحس بيكي مش هقدر أوصل لإحساساك...
بصي يا إنجي..أنا معرفكيش أوي
بس كل اللي أقدر أقولهولك..إن الاحساس دة طبييعي (على الأقل معايا)
بالنسبة للشغل...خلي نفسك انتي الكبيرة..كبيرة بتصرفالتك وأفعالك و متنزليش أبداً لمستوى الناس اللي بيضايقوكي مهما كان مركزهم أو سنهم
هم متغاظين منك...لأنك لو كنتي شخص عادي و زيك زي أي حد مكانوش اهتموا أصلاً انهم يضايقوكي أو يقفلوا الأبواب في وشك....نصحيتي ليكي في الموضوع دة ان متهتميش خالص ولا كأنهم موجودين أصلاً ولا في كلام ولا أفعال وحشة ولا الهوا...إن فعلاً مقدرتيش..سيبك منهم و ملكيش دعوة برأي أي حد...لو مستحملتيش شوفي مصلحتك ومتجيش على أعصابك..في الآخر دي صحتك
بالنسبة لأخوكي...فكرتيني بنفسي لما أخويا كان لسة خاطب
مكنتش طايقة حتى أقعد معاه لأنه كان بتاعي أنا..كان كل حاجة ليا وخصوصاً ان احنا كنا قاعدين لوحدنا ومعتمدة عليه في كل حاجة...كان بالنسبة لي ماما وبابا وأخويا و كل حياتي
كنت بغلس عليه جامد أول ما خطب... بس مكنتش قادرة أصدق انه هيسبني...لدرجة أصحابي قالولي "انتي حماتها ولا اية؟"
ووصلت الذروة لما اتجوز وسابني...لأنه فعلاً سابني لوحدي خالص..مكنش حد معايا وكانت فترة امتحانات وكانت حالتي زي الزفت وقعدت لوحدي في البيت و عييت ومحدش كان عارف ومكنش ليا أي نفس حتى إني أقول لحد أو اشتكي....لأني كنت معتقدة إن حتى لو اشتكيت مين هيعمل اية؟ اخرتها اسمع "معلش"... يا فرحتي!!!
تعرفي..لما كان بيتعب و أو يحصل أي حاجة عنده في البيت كنت أول واحدة يتصل بيها ويقولي "نهاد، تعالي احنا محتاجينيك"...كنت بفرح أوي....الحمد لله كنت أكتر واحدة أجري وأسافر وأروحله و أكتر واحدة شالت ابنه (ومازلت)...دلوقتي بضحك على نفسي لما افتكر الكلام دة...الحاجات اللي كنت بزعل منها أوي في فترة كانت سبب في حاجات أحسن وأحلى منه...حاولي تستمتعي بفرحة أخوكي
بالنسبة انك مش حاسة ان حد حاسس بيكي...عادي واية يعني..هم اللي خاسرانين..بجد
وطالما محدش حاسس بيكي...مش هقولك متحسيش بحد....بس عيشي حياتك السعيدة و"حاولي" على قد ما تقدري انك متفكريش...متزعليش... ولا تزعلي نفسك....والله مفيش حاجة في الدنيا دي كلها تستاهل
بالنسبة انك فقدتي القدرة على التواصل...متحطيش الفكرة دي في دماغك..دة مجرد وهم..لو سمحتي متعيشيهوش
هقولك سر...أنا كنت واحدة من الناس الي بتلكك عشان تضحك...مبحبش الكآبة ولا الهم والغم...لما بابا (الله يرحمه) توفى...بجد اسودت الدنيا في وشي ولقيتني متحملة مسئوليات كتييييير أوي فوق طاقتي...كنت متحملة مسئولية ماما واني أهون عليها واني أخد بالي من أختي الصغيرة و أحاول أصاحبها عشان أتقرب منها (لأنها غيري خالص)...الجملة المقرفة اللي كنت بسمعها دايماً من كل الناس القريبين والبعاد...."انتي كبيرة وعاقلة وتقدري تتحملي المسئولية"...أول حاجة عملتها اني انهرت والفكرة الوحيدة اللي جت في بالي ان محدش حاسس بيا واني لوحدي...قفلت على نفسي وبعدت عن كل الناس وبقيت مهملة جداً في كل حاجة..ووصلت لدرجة من الكآبة اني مش عارفة حتى ابتسم...بكنت بعمل مجهود عشان ابتسم ولو بكدب قصاد الناس..فكرت ساعتها ان الضحك دة مش موجود في الدنيا وازاي الناس دي بتضحك..فضلت كدة كتير...ساعتها قررت اني افوق...في الأول كان صعب....صعب أوي..بس حاولت لغاية لما خرجت من الحالة دي...الحمد لله رجعت شوية زي الأول...مع إني عارفة اني عمري ما هرجع زي زمان..بس ميضرش إني أفضل أحاول
انتي ما شاء الله لا قوة إلا بالله...انسانة جميلة أوي من جوة (مع إني مش عارفاكي معرفة شخصية بس أنا حسيت كدة من كلامك وأنا احساسي مخانيش لغاية دلوقتي...وبعدين دة كلام الناس كلها بلإجماع هنا)...متتغريش إلا للأحسن
لما الأفكارات الغريبات دي تيجي على بالك....أول حاجة ...روحي صلي و اقري قرآن وإن شاء الله ربنا يزيح همك (حتى لو مش قادرة، ربنا هيعينك إن شاء الله)
وبعدين فكري في الناس اللي مشاكلهم أكبر من كدة وعايشين والحمد لله ومبسوطين...وانك تقدري تبقي أحسن منهم وتبقي قدوة للكل
ساعتها ربنا هيعوض صبرك خير ويرزقك بشخص ينسيكي كل دة ;)
إنتي وحدك اللي تحسي بنفسك و إنتي وحدك اللي عارفة مشكلتك و الحل دايماً بيبقى بإيدك انتي
أنا مش بقول كدة عشان أحبطك أو أزعلك أو احسسك إن الدنيا مش لونهما بمبي ولا حاجة...بالعكس دة قمة الواقعية والتفاؤل انك تعتمدي على نفسك وطول مانتي عارفة انك مش بتعملي حاجة غلط أو بتئذي حد..ميهمكيش..لأن لو فكرتي بجد هتتعبي...ومتفليش على نفسك ومتقعديش لوحدك كتير...اتكلمي...اكتبي...احكي...فضفضي
يقول الله عز وجل
"قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ"
صدق الله العظيم...
(سورة الزمر:آية 53)...يعني بكرة أكيد هيبقى أحس
إن شاء الله خير...تفائلي خيراً
تعرفي إني نفسي أشوفك أوي
يشرفني أني أعرف واحدة زيك يا أنوجي
(سوري طولت أوي)
السلام عليكم
مش عارف أبدأ معاكي كلام منين بالظبط بس أفتكر البوست اللي أنت بعتيه لأخوكي في عيد ميلاده و حبكم لبعض ممكن يكون أخوكي فعلا غلطان أو اللي بيعمله مش كويس بس أكيد هترجعوا زي زمان تاني متخافيش من كده و متيأسيش
بالنسبة لأي حاجة في الدنيا حاولي تنجحي فيها و أسألي نفسك سؤال ده سؤال من مؤلف كتاب دع القلق و أبدأ الحياة علشان الأمانة
ما هو أسوأ إحتمال ممكن يحصل هتقولي لنفسك كذا خلاص انت في حالة أصلا مش باين عليها كويسة خلاص أعملي أي حاجة في حياتك مفيدة و هتشوفي النتيجة مش عارف كلامي ده بيفيدك و لا لا بس أتمني يكون بيفيدك و بجد أنت مش عندك الشعور ده لوحدك في ناس كتير عندها الشعور ده صح أو غلط بقة الله وحده أعلم
بس حاولي تتفائلي شوية عارف إن الحياة ممكن ميكنش فيها حاجة تدعو للتفاؤل هنا بقة تتجهي علي طول بدون تفكير لربنا
عليكي بالصلاة و الدعاء و القران بس أهم حاجة اليقين و الثقة بالله
يارب كلامي يفيدك
سلام
و ربنا يهديكي و يوفقك
فوقى يا انجى
ماتقوليش ان ما فيش حاجة حلوة
انا عارفاكى وعارفة ان عندك حاجات حلوة بس انتى مش شايفاها
حب الناس .. شوفتى كانوا بيحبوكى ازاى .. شوفتى أجمعوا جميعا على انك ست البنات ازاى
احنا كلنا بنحبك واذا كان واحد طلع من المجموعة لأى سبب فلازم تعرفى ان لكل قاعدة شواذ
وبعدين ما تركزيش فى موضوع أخوكى دة .. انتى بتتكلمى بالظبط زى كل أم ابنها بيخطب أو بيتجوز .. زى الحموات من الآخر كدة
هى الدنيا كدة يا انجى .. أخ وأخت وبعدين كل واحد يبقى له بيت واسرة وناس تانيين مسئول عنهم
لا فى الدين ولا فى القانون ولا حتى فى العرف الحاجات اللى بتطلبيها دى
سيبيه يمبسط يا سمرا .. هو كمان تعبان زيك وما صدق لقى الحب ولو هى مش مناسبة له هيعرف هيعرف
انا أخويا خطب واحدة من كام سنة وكنا كلنا ما بنطيقهاش .. كلنا بمعنى كلنا
ولم يجروء أى حد فينا انه يقوله أو يعترض أو يعلق على أى من سلوكياتها أو سلوكياته معها طوال خطوبة استمرت حوالى سنتين ونص .. عارفة ليه .. عشان دة اختياره .. مش أنا اللى هأكمل عمرى معاها .. دة هو
المهم انهم بعد سنتين ونص فسخوا الخطوبة واعترفنا له جميعا اننا ما كناش بنطيقها ولما قالنا ليه ما قلتوش .. قلناله هو لو كنا قلنا كنت انت هتقتنع .. قال ..لأ
فهمتى الفكرة
المهم موضوع الكلية دة مش ممكن يكون فيه وسايط ولا ايه؟؟ .. ابقى كلمينى يا انجى عشان نتباحث فيه يمكن نلاقيله حل
انا بحب اوي لقرى البلوج بتاعك لاني بلاقي فيه كل الكلام الي مش بقدر اقوله لاني مش بعرف اعبر ولما بقرا البلوج بتاعك بحس كاني بفضفض بالظبط وكمان لاحظت حاجة غريبة اوي انك انتي الوحيدة الي بتقولي زيي مش اشتغلت و مش فهمت كدة يعني
انا معاكي ان المواقف دي كلها تضايق وصعب اوي ان الواحد يحس انه لوحدة بس تأكدي انك أغلى من خطيبة اخوكي عند اخوكي حتى لو كان اساء التصرف معاكي بس كان لازم تعاتبيه في ساعتها عشان مش تشيلي في نفسك كل ده
مهما الدنيا ضاقت بالواحد في ربنا دايما مش بينسانا وجايز بيضيقها علينا عشان نقرب منه اكتر ..
انتي بس دايما قولي (يا رب اجبر بخاطري انت الجبار ) عارفة انا عمري ما قلت الدعوة دي وحسيت ان ربنا اتخلى عني وخلي دايما في بالك ان كل الي انتي حاسة بيه دلوقت حييجي يوم وتضحكي عليه لان مسيرها تروق وتحلى
انا شفت صورتك و حاسة ان قلبك طيب قوي و ربنا يفك كربك ان شاء الله
حملة انقذو الاقصي من الزملاء المدونين
قاسم افندي
http://kassemafandi.blogspot.com/
كلبوزة لكن سمباتيك
http://kalbozza.blogspot.com/
ماتفكري بكل هالمشاكل ياانوج
كلو بيمشي مع الوقت
بس اتفكري انك دايما بسمة لنا واننا ديما راح نكون بجنبك
يمكن انكون بعاد بس صدقيني دعواتي راح توصل لربنا العالمين وبهيك نتواصل على طول
انجي انت اخت وهدا بيكفينا
ولعلمك يمكن نكون بنحس بنفس الوجع بس مع اختلاف المواقف
سمرا الكل بيحبك بس كل شخص على طريقته احيانا بيكون قاسي بس تأكدي ماراح ينسى او يقاوم شخص متلك
محمد بيحتاج فسحة تيكون في العالم الجديد يلي انحط فيه
اتركيه راح يرجع بحنانه اكتر من الأول
اتذكري بس اننا بنحبك
تحياتي
انجى
انتى انسانة رقيقة اوى
وحساسة
وربنا بيحبك
رغم كل المشاكل اللي عندك لكن ربنا معوضك بالاصدقاء
ربنا يخليهوملك
وياريتننى اكون منهم بجد
وحاولي تطنشي لاي حاجة او اى حد مايستاهلش
ولو اهلك مش حاسين بيكي
او فاقدة حنان الام
فالحال من بعضو
لكن فى الحالة دى صدقينى بيعوضهم الاصدقاء
اتمنالك السعادة دايما
ويارب تخرجي من الموود ده في اسرع وقت
ياااااااااارب
ناس كتير هيقولوا لك كلام كتير
بس في كذا حاجة محدش هيقولها ليكي
غيري
اولا
قد ايه انا حاسة بيكي ... لاني جربت زيك الحياة دي ... الاهل المنفصلين عنك وعن بعض ...
ثانيا
تصادف اننا بنعيش نفس الحالة الغبية من التشتت والانكسار والاستنزاف
ومش سهل حد يفهم يعني ايه يبقى مستنزف لاخر نقطة دم واخر دمعة و اخر وجع
ثالثا وده الاهم
احنا الاتنين مغامرين سابلة ونفهم بعض
فاكرة جمانا .....
فاكرة الزبالة .... والطراشة ... وتركيب المراجيح ....
فاكرة الطين .... الطين كان له يوم معايا .... يوم قبلت فيه الطخ وشي بالطين .... والا اخالف الاوامر وارجع مصر ..... ويوم كنت ف مشكلة كبيرة بعد ما رجعت م الاردن ..... وبعت لخالد الظابط المشرف ... اللي اتحول لصديق حميم بعدها ..... اقوله انى تعبانة ومضايقة ..... فكرني بكل اللحظات الصعبة اللي عشناها ... وكل التميز اللى كنا فيه وعليه ... فكرني انى قوية ...
وانتي قوية
وبتضلك قوية وما بتنكسري
جمانا بتسلم عليكي لما عرفت انى قابلتك
وحاولى تكوني قريبة اكتر
انا مكنتش اعرفك قوي
بس اكيد حابة اعرفك قوي
ولو تحبي ممكن انزل معاكي اشتري هدوم او نشرب قهوة ونلعن ف سلسفيل الدنيا وسلسفيل جدود الدكتورة بنت الـ.... اللي أذتك وضايقتك
المدير الفني ده زبالة اوي
ايه الندالة دي
يااااااااااااااااااااااااه
كل دا في قلبك وساكته
تعرفي يا بنتي
دا بحكم اني في مقام والدك طبعا
الدنيا دي خداعه
قال انا كنت اكر ان بنات تربية رياضية دول
اروش بنات
عايشين في ضحك ولعب طول حياتهم
لا وانتي اصلا وردة بتضحك علي طول
ما تصورتش ابدا انك تبقي كدا
معلشي انا الغلطان بجد
ههههه
بس تعرفي
انا سعيد قوي
عشان جاتلك القدرة اخيرا وتصرخي
حتي لو صراخك دا كان علي المدونة
مش مهم
حتي لو كانت الناس اللي انتي عايزاها تسمع دا مش هتسمعه
برده مش مهم
المهم انك صرختي
بقولك ايه بقي
ينفع اجي معاكي انا نشتري الفستان ؟
ههههههههههه
أنجي
أنتي بجد أنسانة طيبة
واللي أتعود انه يدي هيفضل طول عمره يدي صحيح فيه اوقات بتيجي عليه زي احساسك ده دلوقتي بس صدقيني بتبقي سحابة صيف زي ما بيقولوا وبتعدي وبكرة انشالله هتلاقي نفسك رجعتي تاني تستمتعي بالعطاء للناس اللي بتحبيهم
والفضفضة دي أجمل شئ في الدنيا وبعدين تعالي هنا .. أنتي أصلا لسه صغيرة اوي علي شيل الهم ده كله .. الايام الحلوة انشالله جاية كتير
لا يا انجي
بلاش النبره الحزينه دي
انتي اقوي من كده
خدي اجازه من كل حاجه يومين وبعدين ارجعي فكري بهدوء
أنجى
شوية تركيز كدا
هو مش سموك برضه ألى جيبتى زميلتك البيت و عرفتيها بأخوكى ؟؟؟
يعنى انت واثقة فيها من الأساس كشخصية
و ألى ما كونتيش دخلتيها البيت
بعد كدا هم الأتنين عملوكى كوبرى و دا امر عادى جدا
لأنهم مش ح يعملوا نشرة فى الجرايد و ينزلوها فى الأهرام :-D
من حقهم انهم يتعرفوا على بعض و يقربوا من بعض بدون وجود اى طرف أخر مهما كان :-D
اما الباقى اظن حسب كلامك انهم شاركوكى فيه لكن انت اخدت جنب و فضلتى الموقف السلبى المعترض
كون بقى اخوكى بيحاول يسعد خطيبته و كون ان كل شئ بيكون ميسر ليها و انه بيحاول يرضيها
فأظن دا شئ من حقها عليه و من حقه هو كمان يعمله :-D
لكن انت شايفة شئ اخر وهو انك بقيتى درجة تانية او تالته فى حياة أخوكى
و دا انا أسميه "غيرة أم" لأنى تقريبا عارف ان علاقتك بيه عبارة عن علاقة ام بأبنها و انكم انتم الأتنين ربيتوا بعض ببعض و تلحفتوا ببعض فى مواجهة الحياة
اما مشاكل الكلية و مضايقات الدكاترة و خلافه فأظن ان دا مش شئ تتعرضى ليه لأول مرة يخليك تكتأبى و تنهارى بالشكل ده
على رأى المثل
"ياما دجت على الراس طبول" هى دجت و لا دقت :-D
you have more personal power than you exhibit............
انا مش بهاجمك و لا بطبطب عليكى انا بتكلم بشوية عقل بس بعيد عن المشاعر
يمكن تجمع الأحداث كلها فى وقت واحد هو السبب فى الحالة النفسية دى
لكن من وجهة نظرى الشخصية اهمها هو "أخوكى" و الوافد الجديد على الأسرة
بلاش تكونى حماة من دلوقتى :-D
خليها قدام شوية
يلا ما علينا
تشااااااااااااووووووووووزززز
(ستبتسم لك الحياة يوماً)
بعض الأحيان تتوهم أنك وصلت إلى طريق مسدود ..
لا تعد أدراجك !
دق الباب بيدك ..
لعل البواب الذي خلف الباب أصم لا يسمع ..
دق الباب مره أخرى !!
لعل حامل المفتاح ذهب إلى السوق ولم يعد بعد ..
دق الباب مره ثالثة ومرة عاشرة !
ثم حاول أن تدفعه برفق .. ثم اضرب عليه بشدة !!
كل باب مغلق لابد أن ينفتح ..
اصبر ولا تيأس !
اعلم أن كل واحد منا قابل مئات الأبواب المغلقة ولم ييأس ..
ولو كنا يائسين لظللنا واقفين أمام الأبواب !
عندما تشعر أنك أوشكت على الضياع ابحث عن نفسك !
سوف تكتشف أنك موجود ..
وأنه من المستحيل أن تضيع وفي قلبك إيــمان بالله ..
وفي رأسك عقل يحاول أن يجعل من الفشل نجاحا ومن الهزيمة نصرا ..
لا تتهم الدنيا بأنها ظلمتك !!
أنت تظلم الدنيا بهذا الاتهام !!
أنت الذي ظلمت نفسك ..
ولا تظن أن أقرب الناس هم الذين يغمدون الخناجر في ظهرك ..
ربما يكونون أبرياء من اتهامك ..
ربما تكون أنت الذي أدخلت الخناجر في جسمك بإهمالك ..
أو باستهتارك أو بنفاذ صبرك أو بقلبلك أو بطيشك ورعونتك ..
أو بتخاذلك وعدم احتمالك !
لا تتصور وأنت في ربيع حياتك أنك في الخريف ..
املأ روحك بالأمل ..
الأمل في الغد يزيل اليأس من القلوب ..
و يلهيك عن الصعوبات والمتاعب والعراقيل ..
الميل الواحد في نظر اليائس هو ألف ميل ..
وفي نظر المتفائل هو بضعة أمتار !!
اليائس يقطع نفس المسافة في وقت طويل لأنه ينظر إلى الخلف !!
والمتفائل يقطع هذه المسافة في وقت قصير لأنه ينظر إلى الغد !
فالذين يمشون ورؤوسهم إلى الخلف لا يصلون أبدا !
فإذا كشرت لك الدنيا فلا تكشر لها ..
جرب أن تبتسم ..
كلمات هزتني بعنف ..
وغدوت بعدها أخجل من نفسي أن أضيق وأشكو وأتبرم من توافه الحياة ..
أدركت أن الحياة تتطلب السير بجد وإصرار ..
بدافع من العزيمة ،، تحت غطاء من التفاؤل !!
فعلا ... كم ظلمنا أنفسنا عندما اسقطنا فشلنا على ظروف الحياة ..
وشكونا من صعوبتها !!
ناسين أو متناسين بأن هذه الظروف تقف حائلاً أمام الضعيف فقط ..
أما القوي .. وقوي الإيمان خصوصاً فلا يركن لهذا ..
و يشق طريقه إلى هدفه!
الموضوع منقول من مجموعة بريدية
توتا
طبعا انا اسمعك انتي عارفة انا بحب كلامك اد ايه
انا عارفة ان مش دي المشاكل اللي تهزني ةتخليني انكسر بس انتي عارفة لما تحسي بالظلم وان في حاجة بتتاخد منك
انا فعلا متغاظة من البت دي عشان خدت اخويا مني
بالنسبة للكلية فانا فعلا هعمل زي مانتي قلتي ولو اني شايف انها مش هتجيب معها نتيجة بس اهي محاولة يعني جت علي دي
وصدقيني انا مش بحط نفسي موضع اهانة
ولا تهزيئ منها
هي اول ما تشوفني قولي عايزة اعرف انتي ليه علي طول بتضحكي ومبتسمة فرحانه علي ايه
اقولها انا مش فرحانة بس عادي انا كدة تديني بقي كلام في العضم
وصدقيي يا توتا انا مكبرة دماغي جدا بس هي بتكرهني لاني قلت في الاول انا مش عايزة القسم دة فليه وليه بقي
اهو ربنا يهديها يارب
بخصوص المهاجر صدقيي انا اعتذرتله بدل المرة مرتين
فخلاص بقي انا هعمل ايه هو مش فهمني ولا حس بيا
وبعدين انا طلعت ناصحة خدت الفلوس من بابا ومش نزلت هههههههه
بس ان شاء الله هجيب لبس
انتي بتهرجي
بجد هتبقي معانا المرة الجاية
ياريت يا توتا بجد اهشوفك مش متخيلة نفسي بجد اشوفك اد ايه
ياريت بجد لحسن احنا بنتين وبقي شكلنا وحش اوي
ههههههههه اكيد هعرفك يا جميلة بجد
___________________________
azmeralda
عليه افضل الصلاة والسلام
انتي فعلا عندك حق بس عارفة لما رحت هناك وشفتها فرحانه اد ايه قلت في عقل بالي هي فرحانه ليه دة دي هتاخد اخويا مني
يمكن لحد دلوقتي مش متقبلة الوضع بس كنت عايزة اخويا ليا انا لوحدي حاساه لسة صغنتوت
بس بعد شوية هديت من المشاكل اللي عندي وقلت يعني هعمل ايه لرئيسة القسم هي كدة وهي مش هتتغير
اللعبة بتاعتي كان مسيري ابطلها هو انا هقضي عمري كله فيها ولا ايه
بصي بقي لو حلم حياتك هدوه ادامك اتمسكي انتي باي حلم حتي لو انتي عارفة انه مش هيتحقق
بس انك تتمسكي بشئ دة هو اللي يخليكي تعيشي عشانه
انا متمسكة بحلم يمكن عارفة انه مش هيتحقق ولو بعد مليون سنة بس اديني اهو عايشة عشانه
هههههههه دلوقتي بقم 44
ربنا يخليكي وشكرا ليكي جدا
مااا علينا
مرام ونعم بالله ربنا يخليكي
___________________________
مانو
يا مريم بيبقي غصب عني صدقيني
الدينا دايما معايا كدة بس الحمد لله انا كل مرة بقع بطلع اقوي منها بكتير
بس هي فترة ولازم تعدي
هي مش لعبة يا مريم هي دراسة
انا ان شاء الله فعلا هكون ادها وربنا يسترها
واحد من الناس
هتصدقني لو قلتلك اني وصلت لمرحلة اني مش عارفة مين بيحبني ومين بيكرهني ومين مش طاقيني
يمكن فعلا مش واخدة بالي بس انا بطلت ادور بجد
مش عشان حاجة بس اخاف ادور الاقي حد يكون وهم ليا وانا اتعلق بيه وخلاص
انا فضفت هنا لاني مش عندي حد اقوله اللي يسمعني ويقرا اكيد هو دة انا اللي اهمه
لكن مش اقدر اجبر حد انه يسمعني للاخر وفي الاخر يسني ويمشي
صدقني مساعدتي لغيري دي هي اللي بتريحني حتي لو انا ميتة
ياريت تقولي اجيب الكتب دي منين لاني بجد مش عارفاها
وان شاء الله اكون احسن
ربنا يخليك بجد وشكرا اوي
___________________________
noony
انا بقي مش عارفة اقولك ايه
كل اللي انتي قلتيه دة حسسني بجد اي مش لوحدي
واي كلمة انتي قلتيها بجد ساعدتني اوي
بس تفتكري بتوع الشغل مضايقين مني ومتغاظين مني ليه
بس مش هقدر اسيب الكلية
اهي حاجة لمستقبلي وخلاص بس ان شاء الله اعرف امشي اموري
واخويا انا بس اشتغلت حما جديدة ليه لاني انا اللي مربياه وكون ان تيجي واحدة تاخده مني علي الجاهز ه دة اللي ضايقني
بجد ش عارفة اقولك ايه بس زي ما قلتلك انتي اثبتيلي اني بجد مش لوحدي ويمن انا اهون منك بكتير علي الاقل انا عايشة لوحدي اه بس وسط اهلي لكن انتي ربنا معاكي بجد
انا انبسطت اوي اني كلمتك علي الماسنجر وبتمني اشوفك بجد يا نهاد
والكلام اللي قلتيه عليا بجد مش عارفة اقولك عليه ايه
بس بجد كلمة شكرا مش كفاية
من غير ما تحطبني مش محتاجة منك تقوليل ان الدنيا مش لونها بمبي اصل انا عارفة كل دة
ههههههه
ونعم بالله
وصدقيني انا كمان يشرفني اني اعرفك واشوفك ياريتك تبق معانا لمرة الجاية
no fear
وعليكم السلام والرحمة
بصي حكاية نرجع زي زمان دي مش هتحصل خلاص و لو كان عايز يرجع زي زمان كان رجع من مدة ايام ما انا وهو كنا لوحدنا
بس اكيد بعد دخول شخصية تانية في حياته مش هينفع
بس صدقيني اسؤ احتمال انا ممكن اتوقعه ردا علي سؤالك حاجات كتيرة اوي وكلها متوقعه وانا مستعدة ليها الا بصراحة حاجة واحدة بس وهي الموت حاسة اني مش جاهزة بدا ليه
قصدي فيما بعد الموت يعني
انا عمل حاجات كتير مفيدة كفاية بجد عليا اني اساعد غيري حتي ولو بكلمة
ودي كفاية عليا
صدقيني انا علي طول لابتسامة عليا ومش بتفارقني متفائلة يعني
لدرجة ان الناس بتفتكرني مجنونة ومتناقضة
ادعيلي انتي بس وربنا يكرمك يارب وشكرا اوووووووووووووي
___________________________
ياسمين
نتي عندك حق انا فعلا حاسة انه ابني وبيتاخد مني
بس علي راي جدتي دي سنة الحياة
ههههههههه سبته يبمسط يا يايسمين
عامة اني كلمة انتي قلتيهال يف يالتلفون بجد ساعدتني اوي
وانتي عارفة انا اد ايه محتجالك
وعارفةانا اد ايه بحبك
وموضوع لواسطة دة بجد انا مش عارفة ايه نظامه بس سبيها علي ربنا وربك هيفرجها عليا
bestic
اولا انا بجد مش كنت عارفة انك بتابعيني وبتقريلي
هييييييييه اخيرا لقيت واحدة زي
طب والنبي يا بنتي قوليلهم ان انا مش فيا حاجة غلط
انا بتمني اني اكون غالية عنده بجد
انا بحبه اوي بس بيضايقني كتير اوي
وبالنسبة للعتاب انا اولا مش بحب اعاتب حد لاي لو عاتبت حد اكيد هيحس بالذنب وانه مقصر وانا مش بحب الاحساس دة لانه بيخنق عشان كدة بسيب الانسان اللي قداي هو اللي يتبين حقيقة معاملته او تصرفاته
بس بجد بيبقي احساس وحش موضوع المعاتبة دة
ربنا يكرك يارب
ويادي الفضايح علي صورتي دي
___________________________
عمرو احمد
طب اقولك ايه
بجد انت نرفزتني يعني انت داخل عندي يا عمرو عشان تقولي حملة الاقصي
انت لو كنت قريت بجد التعليقات اللي عند قاسم افندي وكلبوزة كنت هتعرف اني قلت اني هشارك
انت اثبت انك فعلا صديق
شكرا
ليندا
صدقيني يا ليندا انا مش بفكر في المشاكل بس تقريبا المشاكل دي هي الي بتفكر فيا
صدقني لوا كلامكم ليا بجد مش هكون ي الحالة اللي انا فيها دلوقتي
وبالنسبة لمحمد انا فعلا خلاص سبتله الاختيار
في انه يرجع ليا او لا وربنا يسعده يارب
في الاول وفي الاخر دة اختياره
___________________________
نضال
اولا بشكرك كتير
وبد مش عارفة اقولك ايه
واكيد يشرفني انك تكوني من اصدقائي اللي بجد عرفتهم عن طريق التدوين
صدقيني لنا هذا الرجل كل واحد في الحياة ببص لنفسه وبس
انا كمان بتمني اني اخرج من الي انا فيه دة في اقرب وقت
ربنا يخليكي يارب
جيرنيمو
تصدقي بقي اني عارفة دة عنك من غير ما تقولي وعارفة ان انتي مريتي بنفس اللي حصل
وعارفة انك هتحسي بيا لان لو تفتكري اخت جمانا لما كانت موجودة انا اتكلمت معاكي كتير
وفهمتك وحسيت بيكي
انتي بقي فهمتيني اوي في النقطة التانية دي فعلا انا وصلت لمرحلة الاستنزاف
اقولك علي حاجة كل اللي انتي قلتيه دةبجد
حسسني اني صغيرة اوي
يعني انا عملت حاجات في الاردن لا يتخيلها احد غيرك طبعا
فعلا انتي فكرتيني بالمشاكل اللي اتعرضت ليها هناك واد ايه الماعب اللي انا مريت بيها
فكرتيني اني قوية بجد
كلامك ساعدني اووووووووي
انا كمان بجد حابة اعرفك اكتر
لاني سمعت عنك كتير من جمانا لما كنت هناك
اكيد هقابلك صح
___________________________
شارم
دة مش زباله بس دة لسة فضايحه هتيجي علني بس اصبر عليا
هو انسان كبير بس بعيد عنك بتاع بنات
ادم المصري
يا واد كل ما اقرا تعليق ليك بجد اضحك
هههههههبس بجد حلوة اوي موضوع انك اد والدي دي
المشكلة ان في ناس كتير فعلا شايفة ان بتوع تربية رياضية بيضحكوا ومش شايلين هم
هو احنا مش ني اديمن ولا ايه
ههههههههههه
انا فعلا قلت اللي عايزاه بغض النظر مين عيقرا ومين هيعلق المهم اني استريحت
ههههههههههههه جاي بعد الهنا بسنا
خلاص يا فالح رحت الخطوبة
بس معايا الفلوي ايه رأيك نخرج ونصرف اللفلوس دي علي القهوة هههههههههههه
___________________________
قاسم افندي
انت عندك حق صدقني كله بيعدي
صغيرة ايه يا عم خلاص هو احنا هناخد زمانا وزمن غيرنا
هههههههههه
بكرة اكيد احلي ان شاء الله
محمد مفيد
الموضوع مش محتاج اجازة اد ما محتاج مني صبر واني افتكر اني قوية
بس الحمد لله عدت علي خير
___________________________
سجين في قلب الوطن
اه ودي غلطة عمري بقي
هههههههههههههه عشان اكون كوبري علي بعدي عنك
بس علي القل يا طارق يقولولي
حد منهم ياخد راي في التاني
الانسان من بعيد غير لانسان من جوة
مش عارفة س انا لما بيجيلي حد بشرك اخويا حتي لو كنت شايفة الانسان دة مناسب باخد راي اخويا الاول
بس انا بتعامل بطريقة مختلفة عن اخويا
بس دة لا يمنع انك قلت كلمة صح وهي اني فعلا باصة اني ام
وان ابنها بيتاخد من حضنها
واني بجد هبقي حما ليه من اولها
والكلية يا ما اتعرضت اوي
والطبول كترت اوي يا طارق
وبعدن مش فارقة دجت ولا دقت المهم ان هما كتروا
الكلام المنقول دة جااااااااااامد
أزيك يا أنجى
بجد انتى خليتنى افكر كتير اوى و افتكر حاجات كتير اوى عدت على ومكنتش واخد بالى منها
عجبنى جدا انك كتبتى و خرجتى كل اللى جواكى
سمورة اية الدكاترة ولاد الكلب دول؟
عارفة انا لو منك كنت سبتلهم مليون دين وسبتهم ومشيت
وبالنسبة لاخوكى ..عادى انا اخوكى وبوعدك يا ستى انى اول ما اجى اخطب هقولك انتى اول وحدة وساعتها هتشوفى
وبعدين العسلية بتاعتك ليها دور كبير موت فى حياتى
سورى جيت متاخر وسورى معرفتش اعملك حاجة
ليه كربستي كل حاجة مع بعض
سيبك من اني قريتلك كتير بس مش باعلق
سيبك من اني شفتك دايما بموود واحد ويمكن ده اللي بيخليني مش باعلق
بس يوم ماتغيري الموود تعملي الغلطة دي
ماتكربسيش كل الحاجات ..يا انجي كل موقف لوحدة مكانش هيكسرك لكن كلهم مع بعض لازم يعملوا كده
لما بتتعبي من ناحية بتبقي اضعف من انك تواجهي في جبهة تانية
اعراض الانسحاب كلنا مرينا بيها لما خلصنا الكلية ولما صحابنا سافروا ولما اخواتنا بيتجوزوا .. اة ولما قططنا بتموت
بس المهم تفصلي ...انتي ادري بمستقبلك اللي باقي قليل تقدري تستحملي؟ استحملي .. متقدريش طيب ايه البديل
مشاهدة صغيرة: انتي زعلانة من كلمة مهملة النتيجة انك بقيتي مهملة لحد ما.. زي تعليقك عند معاذ انتي قلتي فيه ان الهجوم علي شخص بيكسبة كرة زيادة للموقف ده
طيب انتي عارفة الداء !!ليه بتدي لحد الفرصة دي
في مثل حلو اوي بيقول اللي بيقدر مبيتعبش، المثل ده حجة ظريفة جدا حد غايب يبقي حجتة معاة،حاجة انكسرت يبقي عمرها كده، حد اخطا يبقي مش قصدة لحد ما يثبت العكس
موقف علي التاني علي التالت يبقي حقك تزعلي وتبعدي عن اللي بيضايقك .بس مش من اول موقف ..صاحبتك مغلطتش اوي يعني جايز انكسفت جايز مكانتش لسه متاكده من مشاعرها
اللي يقدر ايـــــه
اللي يقدر مبيتعبش زي انجي
اه نسيت.. عزائي بجد في شمشونة لو كانت عايشة كنت هاقولك اتعلمي منها.. القط ممكن تزعلية وانتي عارفة انهم حساسين موت بيقعد فترة يبصلك كانه بيقيس افعالك علي حبه ليكي وبعدها يا يعضك -وهنا تقلقي رصيدك عنده قل- يا اما يتمسح فيكي مع انك زعقتيلة
شفتي القطط اشطر مننا ازاي
ahmed_h
ازيك يا احمد
المهم ان اللي فكرت فيه فعلا يفيدك ويخليك تعمل خطوة ايجابية مش توقفك
مانا مش ادامي غير الكتابة يا احمد
___________________________
القمحاوي
والنب ما تفكرني يا ابني انا دمي محروق منهم خلقة اصلا
مانا لو عملت كدة يا فالح هخسر كل شئ
بس الحمد لله ابتديت اظبط اهو
انت وعدت عامة مش تنسي تقولي انك هتخطب بقي
ههههههههههههه دورها ايه بقي عشان ابقي عارفة يعني
كفاية انك علقت عندي بجد
saso
يا ساسو
انا مش كربست حاجة هي اللي اتكربست خلقة :))
انا موودي واحد
انتي اول واحدة تقولي الكلام دة
انا كل الحكاية يا ساسو اني نسيت اني قوية واني لازم اواجه مش اهرب وبس
المشكلة اني بفصل
بس للي حواليا مش بيفصلوا
انا عندي قط لسة معايا اسمه لي لي
وبجد بتعلم منه اوي
وبديله اهتمام وهو برصاحة مش بيبخل عليا باي شئ
مش عارفة اقولك ايه بس شكرا مش كفاية بجد
انجى ازيك..
انا باجى عندك كتير اوى بقرا كل كلمة بتكتبيها .. بحب كلامك اوى .. اسلوبك .. مشاعرك , بس كل مرة كلامك بيخبينى فى حالة غريبة اوى .. لسة كنت بقول لمحمد - مصر هى امى - انى مدونتك عاملة زى القصر المسحور بالنسبة لى وانك عاملة زى الساحرة اللى بتسحر كل اللى يدخل الاقسر بكلامها لدرجة انى ساعات بخاف فعلا اقرب من منه.
المهم يا ست الكل مشكلتك فعلا انك حساسة اوى بتعاملى الناس اللى حوالكى بفيض من الحنان والعطاء وبيبقى صعب اوى تلاقى حد يعاملك كدة او نص كدة حتى ...انت محتاجة حد تبقى انتى اللى بنته ويكون هو اللى محتاويكى .. بالنسبة لاخوكى فانا عارف انه احساس مؤلم جدا ان حد ياخد منك تجة بتاعتك وتخصك اوى وحتة منك وكمان من غير ما يستأذن .. من غير ما يقولك" اختى حبيبتى انا ماشى وشكرا على كل الحب والحنية اللى اديتهملى .. انا عمرى ما هانساكى لانك حتة منى ..." عارفة لو كان قالك اى حاجة تحمل نفس المعنى دة كانت فرقت معاكى كتيييييييير.
بس هاقولك زى ما الناس كلها قالتك .. كفاية الناس اللى بحبك دى كلها .. وان شاء الله تلاقى اللى بدورى عليه.
واحد من الناس
بجد مش عارفة اقولك ايه بعد الكلام دة
انا مدونتي زي القصر المسحور
دي كلمة كبيرة اوي وبجد مش عارفة اقولك عليها ايه
اصلي بصراحة مش بعرف ارد علي حد لما بيتكلم عني
بس كل اللي هقوله بجد ربنا يخليك ويكرمك
تسلمى يا ستى .. المهم انك احسن دلوقتى .. ولا مجرد قناع الفرحة لابساه عشان الناس اللى حواليكى
طارق
انت جبت المفيد
لو تسمحيلي اقول رايي في موضوع اخوكي وصحبتك انا لما سمعتك بتكلمي في الموضوع معانا في المتروا وشوفت الدموع في عنيكي مش عايزة تخرج لكن الدموع دي اكيد بتستني اول فرصة تكوني فيها لوحدك وبتنزل احب اقولك اني حاسس بمشاعرك وبمعاناتك لاني مجرب الجرح من اقرب الناس ليا وعارف اد اية هوا مضني وانا بجاوب علي سؤالك من وجهةنظري يعني عشان انا رايي ان كل راي قابل للصح والغلط ومفيش شى مسلم بيه الا كلام ربناانتي من حقق تزعلي طبعا لكن احب اقولك خلاصة تجربتي الشحصيةمتحوليش تردي علي جرحهم ليكي بانك تجرحيهم باي شكل لان الالم الي انتي فيه عقلك هيلاقي طريقة لاحتوائه حتي ولو بعد فترة طويلة لكن في الاخر هتتخلصي منة لكن الي مش هتقدري تتخلصي منة هوا احساسك بالزنب لو جرحتيهم صدقيني الدنيا مش مستهلة حد يجرح التاني لكن الانسان بطبيعتة جهول ودي النقطة الي لازم تفهميها في مقولة بتقول اعقل الناس اعزرهم للناس
الارموطي
طبعا اتفضل قول اللي انت عايزه
انا عارفة انها فترة وهتعدي وبعدين انا من النوع اللي بتأقلم بسرعه
انا مش جرحت حد بالعكس انا رحت معاهم وفرحت لفرح اخويا
يعني عمري ما هفكر اني اردلهم الجرح
انا عذرتهم بس صدقني استحالة اجرح حد
أنت كده هاتخلينى أحبك
البنت الى تقول الكلام ده
وتكون حساسة كده
مش عارف
أنا عارف انى عيب أعلق مجهول
بس مش هاقدر أعرفك شخصيتى
بس بجد أناهدعيلك كتيييييييييييييييييييييييييييييير
طب انا بجد عايزة اعرف شخصيتك بجد ممكن
fear of god essentials
off white hoodie
retro jordans
ggdb outlet
bape sta
kyrie 8
jordan shoes
palm angels hoodie
hermes outlet
yeezy 350
Post a Comment
<< Home