تاج حياتي يا عين ما شفتوا زيه تاج
تاج تاني يا لطيف اللطف يارب
طب اقولكم ايه بس
هو مش في غيري في البلد دي ولا ايه
عامة التاج دة اتبعتلي من انسانة وحلم
وطبعا الاتنين مش هقدر ارفضلهم طلب
بس دة تاج خبيث اوي
هو انا ناقصة فضايح
مانا فاضحة نفسي علي الملأ عادي يعني
المهم التاج دة سؤال واحد بس
اللي هو ايه بقي
خمس حاجات مش في حد يعرفهم عني؟؟؟؟؟
يا لهوووووووووووووووي
دة مليون حاجة وحاجة مش في حد يعرفهم عني
انا شخصيا مش اعرف حاجات عني
عامة هجاوب وربنا يسترها برضه
اولا: اللي مش في حد يعرفوا عني اني اتعرضت لاصابة وانا في الكلية لحد النهاردة الاصابة دي مأثرة علي ضهري ورقبتي وكتفي اليمين
بس بما ان انا عندية فمش في حد عارف بيها واني بمارس حياتي عادي جدا وبروح تمريني
بس بتسببلي الم جامد وانتوا اول ناس تعرفوا الكلام دة
ثانيا: العيد بالنسبة ليا اني البس بيجاما جديدة واسيب شعري وخلاص كدة وابقي عيدت
وزمااااااااان اوي رحت قعدت عند جدتي لوالدتي وكان اول يوم العيد
ونزلت الشارع العب وانا لابسة البيجاما الجديدة وفرحانة اوي وكنت كل شوية اعدي الشارع اروح من رصيف لرصيف
وشايفة عجلة جاية من بعيييييد
وبرضه رايحة جايه مش اتلم لا برضه
والعجلة قربت
وانا بقي فاكرة ان الحياة هتبقي بيس وهعمل عملية مراوغه واعدي
لحد مانا اللي شفت العجلة طريقها فين وبقدرة قادر اقوم رامية نفسي عليها
واقع في الطين
واصرخ واعيط برغم ان انا اللي غلطانه
ويجي خلاني الاتنين
وانا اعيط اوي واقولهم الحمار دة خبطني ووسخ البيجاما بتاعتي
عاااااااااااااااااااااااااااااااااااااااااا
والواد يحلفلهم ميت يمين ان هو مش غلطان وانا عملانة اعيط واقولهم لا انت الي غلطان ولقتني بقولهم دة انا حتي كنت واقفة علي الرصيف
ويوميها يا عيني مش حسيت بالعيد خالص لاني اضطريت اني البس بيجاما مش بتاعت عيد والواد خد حته علقة
وكل اللي كان يكلمني اقوم معيطة واقولهم هو اللي كان غلطان
ثالثا: برضه في الفترة اللي كنت فيها عند جدتي
نزلت الشارع كالعادة
تقريبا كان عندي 4 او 5 سنين وللقيت بت اكبر مني كدة راحت واقفة ادامي
بصيتلها اوي وهي فضلت متنحالي
انا بيني وبينكم خفت فكان معايا ملبس وقلتلها بمنتهي البراءة تاخدي ملبسية وانا ببتسم ليها
لقيت بنت اللذينا دي سفكاني حتة قلم علي وشي
وجريت
لقيت نفسي بطريقة لا ارادية واول مرة في التاريخ اصمم اني اخد حقي وهاتك يا جري ورا البت دي
والبت تجري وانا وراها من شارع لشارع ومن حارة لحارة
ولقيت البت وصلت لحارة غريبة كدة وراحت واقفة ادامي
وحطيت اديها في وسطها وقايلالي انتي عايزة ايه وبتجري ورايا ليه
بصتلها ببراءة قلتليها انتي ليه ضربتنيي؟؟
قالتلي اضربك واعمل اللي عايزاه ولقيتها جايبة شوية عيال واقفين وراها اتاري البت وصلت للمنطقة بتاعاتها وبقيت في امان بقي
وانا هاتك يا عياط واصرخ وادبدب في الارض
لحد ما لقيت واحد كدة شاب قالي مالك يا شاطرة
قلتله البت دي ضربتني وانا تايهه ومش عارفة اروح
قالي انتي ساكنة فين قلتله مش عارفة
قالي طب تقربي لمين
قعدت اقوله علي اسامي خلااني
لحد ما عرفهم وقالي تعالي اوصلك
وانا مقهورة من العياط
واول ما وصلت للشارع قلتله والنبي ما تقول لحد وكفاية كدة
الواد سابني وانا عملانة اعيط لحد ما خالي جه وشالني وقالي بتعيطي ليه
بصتله اوي وصعبت عليا نفسي وعيطت اكتر ولو كانوا عرفوا كانوا هيضربوني ويزعقولي وكل اللي قدرت اقوله وانا متشحتفة
ان الملبس وقع مني
رابعا: كنت في مرة راكبة المترو وكالعادة نازلة متاخرة ومش هعرف احضر المحاضرة
ونازلة بجري وتصادف ان المترو جه قعدت اجري عشان الحق عربية السيدات بس مش لحقتها والباب كان هيقفل
رحت ناطة في عربية الرجاله
المهم خدتلي ساتر ووقفت في موقع استراتيجي اوي بحيث ان مش في حد يقدر يقف جنبي ويضايقني
محطة والتانية والمترو اتزحم جدا
والناس تقول يوو ايه القرف دة الناس دي هنجيبلها مكان منين عشان تقف
يا جدعان شوفولكم صرفة وخلي الباب دة مش يتفتح
ومن هنا الاقي لمبة افكاري نورت
واقوم اتزحزح كدة واقول بصوت عالي خلي حد يخلع حزام بنطلونه واقفلوا بيه الباب من المقابض بتاعته
والباب مش هيتفتح وبالتالي مش في حد هيركب
الناس كلها وانا بتكلم كانت منصته ليا باهتمام وبلمحة البصر بمجرد اني خلصت كلامي لقيت كمية احزمة لو اتباعت في العتبة كان زمان اللي بييبعها بقي من اغنيا اغنياء العتبة
وكل واحد ماسك الباب بقوة وتيجي المحطة والناس اللي برة تشد الباب عشان تفتحه والناس اللي جوة كلها اصرار وعزيمة وقوة انها تقفل الباب
لكن قوي الشعب الخارجية بقدرة قادر تنتصر
وتفتح الباب وهي بتلعن وتسب في اللي عمل كدة وفي اللي ابتكر هذه الفكرة
ودارت خناقة ما يعلم بيها الا ربنا
علي اثرها المترو وقف
يجي عشر دقايق بحالها
وانا بقي فلفصت من بين الناس لحد ما وصلت لتالت باب عشان مش يدوروا عليا
وطبعا مش في حد عارف عني كدة اصل اهلي بعيد عنكم فاكرني رقيقة اووووي
خامسا:
واخيرا وليس اخرا كيفية غسل التوت
في بوست كنت حاكية فيه ازاي انا وامل جبنا توت من علي الشجرة وغسلناه
اللي مش في حد يعرفوا بقي احنا غسلناه ازاي
خدنا الصينيه اللي كانت تاعبة معظم الناس اللي علقوا
وقعدنا ندور علي حمامات عشان نغسل فيها التوت
يا تلاقي حمام ريحته معفنة ونقرف يا نلاقيه مقفول
المهم امل قالتلي ما تيجي تغسله في القصر ( والقصر دة فعلا قصر موجود جوة كليتي ودة مقر العميدة) قلتلها تعالي
لقينا القصر مقفول
قلتلها بقولك ايه في حمام في الدور الارضي للقصر تعالي نشوفلنا صرفة
المهم مش عرفنا نخشه
قلتلها مش بدها بقي غير اننا ندخل من الشباك
وعشان ندخل من الشباك لازم يشوفونا بتوع الكافتريا
اللي كانوا خلاص بيقفلوها
وقفت ادام الشباك انا وامل وحطينا الصينية علي الارض وقعدنا نفتح في الشباك لحد ما كسرناه
ورحنا ناطين لفوق انا وهي وغسلنا التوت ورحت ناطة انا الاول واديتني الصينية وهي نطت ورايا
لقيت بتوع الكافتريا جاين ورانا وعايزين يبلغوا عننا
قلتله يا اابني انت فاهم غلط احنا مش كنا بنسرق احنا كنا بنغسل التوت
ولقيته بيهددني وبيوقولي والله لابلغ عنكم
وامل تقولوا طب استني بس هنتفاهم
لحد ما الكلام شد بينا
و رحت قايلاله بكل ثقه لو جدع روح بلغ عنا
وفعلا راح قايل لواحد اسمه امير روح يا امير هات الامن اللي علي البوابة
رحت قايلة روح يا امير وانا كمان هبلغ انك ماشي مع البت شمس وبتخرج معاها بعد الكلية والبت مش بتحضر المحاضرات عشان تقعد معاك
وبتأكلها بلاش
وساعتها بقي يا حلو الكافتريا دي العميدة هتقفلهالك
قاله تعالي يا امير
دول كانوا بيغسلوا توت بس
وقالي ماشي واحدة بواحدة يعني
وسابني ومشي ورجعنا تاني للملاعب وكلنا التوت كله زي مانتوا عارفين
امرره لمييييييييييييييييين؟؟؟؟؟؟؟؟؟؟
تقريبا الناس كلها عملتوا
احنا بقينا كتاب مفضوح ادام بعض
فمش عارفة مين اللي مش عملوا
بس تقريبا همرره علي تامر ابو افكار حرة
سيف من خشب وبتمني انه ينفذها
the eagles
ساعه غروب رضوي رودي
dead man
Labels: تاجات
39 Comments:
هيييييييييييييه
انا اول واحد هايعلق
فاضلك تاج
وتاخدى خمسة وسبعين قرش
على فكرة
حكاية ضهرك دى بقى
انا كنت عارفها
هههههههههههه
يا شمعي انت مننا وعلينا
يعني اكيد عارفها
وبعدين بطل تغيظ فيا بقي
ايه يا بت المسخرة
انت حياتك كده كلها شقلبظات
عايشة فى دور سوبر وومان لا و لسانك فالت منك مالك انتى و المترو و الاحزمة
متسيبيهم فى حالهم و المحطة الجاية انزلى و اركبى بتاع الستات
لا و متشردة انتى كنتى كارهة الواد الى مسلتى انه خبطك ليه
بس حلوة و ملعوبة
ما علينا
تصدقي انا كل ما بص علي تاريخ حياتي الاقي القدر بيحطني في حاجات غريبة
بصي معظم حياتي مش تضحك ولا فيها مواقف ساخرة
بس زي ما تقولي كدة اتعودت اني
اضحك علي كل شئ بعملوا وبيحصلي
عشان الحياة تعدي بيا
مانا لو كنت نزلت يا فالحة كنت هتاخر
واهو اتاخر ت برضه بسبب افكاري النيرة
اهو يوم وعدي
ب عشان خاطري مش تقولي لحد
منوراني دايما
هههههه
دة انتي طلعتي قوية ومفترية بقى
بقى كدة تفضحي الواد أمير والبت شمس
بس اخص علية بيأكلها بلاش من الكافيتريا وانتي يا حرام بتتلطمي علشان تاكلي شوية توت من عالشجرة زي القرود
أولا ألف سلاامة على ضهرك
ابقى طمنينا
ثانيا
حراااام عليكى
الواد كل علقة بسببك وانتى غلطانة
ههههههههههه
ثالثا
ربنا ردلك اللى حصل فى الواد فوق
والبت ضربتك
يا عسل
متخيل شكلك وانتى بتبصيلها ببراءة وبتقوليلها تاخدة ملبسة
هههههههههههه
يا عسسل
انا بقول انك رقيقة انتى مش مصدقة
رابعا
دايما أفكارك عبقرية
يقفلو الباب بالحزمة
هههههههههههه
يخرب عقلك
وفى الاخر قلبتى انتى وهما ضربو بعض
ههههههههههههه
خامسا
انا كنت هموت واعرف غسلتى التوت ازااى
هههههههههههه
كسرتى الشباك يا فاقدة
ده التوت ده ادمان
مش ممكن تكون حاجة طبيعية ابدا
وبتقوليله روح بلغ
هههههههههه
رحت قايلة روح يا امير وانا كمان هبلغ انك ماشي مع البت شمس وبتخرج معاها بعد الكلية والبت مش بتحضر المحاضرات عشان تقعد معاك
وبتخليها تاكل ببلاش
هههههههههههههههه
عاااااااااااااااالية
يخرب عقلك
ومخدوش بالهم من الصينية
المعاتيه
ههههههههههههه
مش عارف أيه غيتكان كل بوستاتك طويلة للغاية
عارفة لولا أنها مش مملة ودمها خفيف كنت بطلت أزور مدونتك
لكن أعمل أيه فى نفسى وفى موضوعاتك الناقدة الاذعة
عجبتنى جدا حكاية المترو
وده دليل أن لا للمساوة فى المترو ولتحيا عربية السيدات
الغريب
كلاكيت أكشن حنصور
يا مفترية
بس خلاص
انزل يا ابنى بالتترات
ايه ده
ماشي مع البت شمس
يااه بجد
تصوري مكنتش اعرف
:):):)
ده الواحد لازم يستخبى بقا على كده علشان محدش ييجي يقوله هو ماشي مع شمس
وبعدين ايه حكاية المترو دي
يا حرام
لا والناس كمان مصدقوا يسمعوا الافكار
ربنا ميرزقنا بحد يقولنا افكار من اللي بتوقع البنطلون دي
:):):):)
بجد اجاباتك ومواقفك موتتني من الضحك
ههههههههههههههه
والله انتي فقر يابنتي
ايه ده
انتي مقضياها مقالب
كده
دانا هاعملك تاج فيه بقي عشرين حاجة محدش يعرفها عنك
ولا اقولك
اعملي سلسلة بوستات
عن مغامراتك
ونطبعها كتاب
ونقسم بالنص
اوك
قعدت اضحك قد كدة يا سكرة
خاصة على البيجاما
دمك خفيف موووت وليكى مغامرات
looooool
ya3ni akhesa2eyet tadbees... lol
marra tedabesi elwaad fe 3al2a...
w marra elsha3b elmasri kollo fel metro...lool
a2ool eh ba2a... samraa2 laken sha2eya... lol
3o2bal eltag el talet... weltalta tabta.. ya toota..!!
الحصان الاسود
والله يا ابني انا لا قوية ولا مفترية
دة انا غلبانة
شفت بقي كان حقي اني احجر عليه
وانا مترمطة علي الشجرة يا ولداه
بس هنعمل ايه بقي اكل التوت مر ومش في حد بياكله بالساهل
___________________________
zordeak
اولا الله يسلمك وان شاء الله هطمنك بس يا ابني عادي دي حاجة معروفة يعني
وواخدة عليها
ثانيا
مانا كنت عيلة بقي ومش عارفة وكنت خايفة
ثالثا
والله يا باني ما عملتلها حاجة لقيت البت سفكتني حتة قلم
برضه انا مش مصدقة
رابعا
مانا في الاخر برضه اتاخرت علي محاضرتي
يعني ياريتني ما اقترحت
بس يلا احنا بنهدي النفوس
خامسا
كان لازم نكسر الشباك عشان ندخل نعمل ايه يعني
ماهما كانوا شايفين الصينية بس افتكروا اننا عاملينها تموين
خودعه يعني
بس عدت علي خير اصل انا مش في حد يهددني
ههههههههههههههه
___________________________
الغريب
انت هتمثل يا غريب
انت بقالك فترة اصلا مش بتيجي عندي
بس مبسوطة انك بتستحملني اصل مش اي حد يقدر يعمل كدة
ههههههههههه
يعني عشان الموقف بتاعي خليت لا للمساوة
ههههههههههه انت معانا ولا مع الناس التانينن
الغريب
انت هتمثل يا غريب
انت بقالك فترة اصلا مش بتيجي عندي
بس مبسوطة انك بتستحملني اصل مش اي حد يقدر يعمل كدة
ههههههههههه
يعني عشان الموقف بتاعي خليت لا للمساوة
ههههههههههه انت معانا ولا مع الناس التانينن
__________________________
سجين في قلب الوطن
هههههههههه
طيب
شكرا
بس خلاص
supernova
ادا هي شمس ماشية مع الشباب كلها ولا ايه
هي وصلت كمان لبورسعيد
يا ابني الناس مصدقت المترو كان زحمة موووووووت وكان لازم يتصرفوا
بس هتقول ايه بقي للساني الطويل وقله عقلي
ههههههه
المهم انك تضحك
مانا بقيت فضيحة
___________________________
عمرو احمد
اهلا انت قلتلي ديانتك ايه؟؟؟؟؟؟
ههههههههههههههه
والله يا ابني مش ببقي قصداها
هي الظروف اللي بتحكم عليا بكدة
بس عارف انت لو مكاني وشايفني في بث مباشر
مش هتلاقي الموقف يضحك خالص
بس لما تيجي تفكر فيه تلاقيه يموت من الضحك
انا برضه بفكر اعمل سلسلة مغامرات سمممور
زي قصص علاء الدين كدة اللي كانت بتطلع في المجالات
ونص ليه بقي انت هتشارك بايه
ياسمين
ههههههههههههههههههههه
البيجاما الله زعلت عليها ومش حسيت بجد اني عيدت
انتي اللي سكرة
وهي مش مغامرات بس مواقف حصلت ومش في حد عارف عنها حاجة
وحشاني
___________________________
القهوجي
انا ابدا
دة انا غلبانة وطيبة
ههههههههههه
بالعكس انا مش شقية خالص
دة انت لو شفتني هتلاقيني هادية خالص ومش بتكلم
لالالالالالالالالالالا انا في عرضك كفاية تجات
مش تتجهجها اكتر من كدة
هفضح نفسي ايه اكتر من كدة
خلينا كدة حلوين
بصي يا بنتي اانا هكتبليك قصة حياتيك بجدددددددددد متفصله فيلم كوميدي رومانسي حزيني ساسبنس اكشن ادفينتشر خيال علمي انا هبدا في البوستات من الاول و و ابتدي اكتب القصه بتاعتيك و في جلسة ما بينا نخلصها ده انتي فضايح هههههههههههه عارفه انا لو كنت في يوم المترو ده هههههههه ياربي بلاش اقوليك خليها و قتها علشان تشوفي اعمل ايه ( كنت هنزل و اركب تاكسي )
كوبا
هههههههههههههه
ياه دة انت شرير اوي هتركب تاكسي؟؟؟؟؟؟؟؟
والله يا ابني انا احيانا بحس حياتي برضه فيلم
فيه كل حاجة
زورونا تجدوا ما يسركم
خلاص انا هعتمد علي الله ثم عليك في كتابة صة حياتي واخراجها كفيلم
مش تزعل بقي مني ها
انا لو منك اخد التاج ده ابيعه واستفيد بتمنه
صحيح هوا بقى بكام الدهب دلوقتى
أنا أحسدك
أنا احسدك
أنا
أ
ح
س
د
ك
يااااااااا كل دة حصل
تعرفى انا لما قرات الحتة بتاعت البيت اللى وقفت قدامك وجيتى تديها ملبس قامت ضربتك وجريت وانتى جريتى وراها ولما وصلت لارض امان وقفت وانتى لاقتيها بتبص عليكى كدة وبتسالك عايزة ايه وبتجرى ورايا ليه ؟
تعرفى انا قولت انتى هتقوليلها وبكل براءة بردوا (معلش انتى نسيتى تاخدى الملبسه بتاعتك)
ههههههههههههههههههههههههههههههه
على فكرة ان شاء الله هعمله بس بجد انا مش فاضى دلوقتى عشان انا فى تربية عسكرية دلوقتى فى الجامعة ومش فاضى اخلص موضيع للموقع ولا فاضى اروح الجرنال حتى عشان الزفتة اللى اسمها العسكرية دى ومش هقول ربنا مايوريكى هيا عملة ازاى ولا حتى هأور عليكى واحسدك لانك مش هتخديها يعنى ههههههههههههههه عشا ناكيد مش عندك اخوات بنات ههههههههههههههه
ترقبوا رسالتى الاولى من سرية 4 هتشوفى فضايح سواء فى الرسالة الاولى او الثانية
والسلام..........
صياد
والنبي ياخويا ما عارفة بس مش هيجيب تمنه
دة اليل فيه فضايح والفضايح دلوقتي بقيت رخيصة
نورتني لتاني مرة
___________________________
الزرافة الحسودة
احسدي
يعني هتحسديني علي ايه
دي كلها فضايح ما يعلم بيها الا ربنا
ورتني
___________________________
the eagles
ليه هو انا بريئة اوي كدة اجري وراها كل دة وفي الاخر اقولها تاخدي ملبسة برضه
عامة هستناك تعمله
وحياتك انا عارفة ايه هي التربية العسكرية دي وبتتعمل فيها ايه
وعايزة اقولك اني مجرباها
يعني الموضوع عادي انا حاسة بيك يا ابني
عامة مستنين رسايلك بس بعد ما تعمل التاج دة
انا عرفت العفرته اللى انت فيها دى جايباها منين ، ايه الطفوله المشرده دى يا بنتى
بجامات , احزمة , وملبس و التجارة شطارة . انتي بتاخدي نسبة ؟؟ :)
علي فكرة بعيدا عن كمية الشر اللي في حكاية البيجامة موضوع المتروة دة مشكلة يفطس من الضحك . تحت عنوان (انقلاب الاحزمة في المترو ) و لو واحد بقي ماكانش لابس حزام يتصور و هوة بيعيط و بيقول (يارتني كنت معاهم ) و الالذ انك اتسحبتي و مشيتي مع ان محدش كان هيعملك حاجة :) , انا مستني التاج الجاي
ههههههههههههههههههه
صباح الطفولة المشردة
ايه ده كله ايه ده كله
بس علي فكرة فكرة المترو دي حلوة اوي اوي اوي
وجاري العمل علي تنفيذها ان شاء الله
محمد عبد الغفار
وحياتك مش مشردة هي اللي جت معايا كدة
وبعدين هو انا معفرته
هههههههههه
هو انت لسة شفت حاجة
___________________________
انسان
ههههههههههههه
تاج تاني ايه بس كفاية كدة
اا بقيت بجد كتاب مفضوح ادامكم
وربنا يسترها بقي
dyin_soul
ههههههههههههههه
بس اتعاملي انتي بقي
واستحملي اللي هيحصلك
انا عن نفسي فلت
الدور والباقي عليكي انتي
انا مش ليا دعوي بيكي يا اختي
كنت عارفة إن التاج ده بالذات هيبقى عالى معاكى أوىىىى
ايه يابنتى البلاوى دى يابنتى
يانهاااااااااار
ايه البراءة دى
هههههههههههههههه
وتجرى كل الجرى ده ورا البت وفى الاخر تقوليلها بكل براءة برده
إنت بتضربينى ليه؟
هههههههههههههههههههههههههه
فطستنى من الضحك يابنتى
عاملة ام العريف فى المترو
وبتهددى الواد أمير وإنتى عاملة مصيبة اصلا .. ايه الجبروت ده؟
هههههههههههههههههههه
اقول ايه بس
بلوة مسيحة
كابتن أنوجي
ههههههه...يخرب عقلك...:ل دة يطلع منك...بس عاجباني مووووت حركة المترو و العجلة..
دة انتي طلعتي مصيبة يا انووج...ههههه
تحياتي
معلش يا جميل اتأخرت عليكى
انا طول عمرى بتأخر .... عاااااااااااا
:p
ماعلينا
قبل اى حاجه ... اسمحيلى ادكتر بقى شويه
انتى بتتعافى على نفسك و كده لا مؤاخذه يعنى استهبااااااااال
خدى بالك من نفسك وروحى لدكتور أو اعملى أوشاعه .... بجد والله انتى كده مقصره مع نفسك .... وربنا هيعاااااااجبك
ثانيا
ده انتى كنتى دلوعه فظيعه
لبستى الواد المصيبه ببراءه
:)
ياللا مش مهم
اكيد هو مسامحك
بس انا لأ
هى هى هى
شر كده
:p
ثالثا
و الله انتى متربيه عنى كتير أنا عن نفسى كنت هعمل عبده الاهبل من الأول هى هتبصلى انا على بيتنا على طول مش مستنى آخد و ادى معاها
و الحركه بتاعة تاخدك لحتتهم دى .... ياما حصلت معايا .... انضرب فى حتتنا أجرى وراه .... واروح انضرب فى حتتهم
يعنى تقدرى تقولى ده كان مشوار حياتى اليومى فى الشارع لغاية اعدادى
رابعا
تقفلوا الباب بالحزام يا ظالمه
مش عارف اقوللك اييه
لا و الرجاله كلهم ماشاء الله مصدقوا يعنى
اهى جت على دماغهم فى الآخر
بطلوا فتى بقى
:p
خامسا و أخيرا
انتى مش ممكن .... خيبك تكسرى الشباك
طب دى ممكن .... انما علمتى على الواد امتى يا ثوثه
ثووووووووووووثه
الواد يا عين امه فارد عضلاته مش مدى خوانه .... بس بجد انتى لازم تفكرى مغامراتك فى كتاب
ياللا سلام سا قمر
أحلى حاجة في الموضوع حركة لوي الدراع بتاعت الواد امير والبت شمس..ههههه قال بتأكلها بلاش قال !!! يخرب عقلك .. فعلا حركة جريئة وفعالة جداً وعلى رأي المثل يا سمارة اللي تغلب به العب به
بوست لطيف من الطف البوستات اللي قريتها
تحياتي من لبنان
(على رأي سمير غانم في فيلم أميرة حبي أنا)
انسانة
اشمعني يعني مكتوب لي جبيني يا ياسمين
ولا انتي فرحانة فيا اني اتفضحت
اهو انتي اول واحدة تقولي عليها براءة
هههههههههههه
اومال فكرك يعني بجري ورا البت دي عشان اضربها لا انا بس كنت عايزة استفسر منها
هي ليه عملت كدة
اضحكي يا اختي مانتي مش اتفضحتي زي كدة
الناس خلاص خدت فكرة سيئة عني
مانتي عارفة لمبة افكاري لما تطلب معايا
هههههههههههههههه
مش هو اللي بيهددني يا ياسمين وعايز يوديني في داهية
هههههههههههههه
ميرسي يا قمر
كنت منتظرة تعليقك والله
__________________________________
مايكل محسن
هههههههههههههه
تخيل كل دة يطلع مني وانت لو شفتني اصلا هتقول دي كبيرها يوم ما تعمل مغامرات تعدي الشارع
ههههههههههههه
مش مصيبة اوي هي بتطلع مني كدة بقي
تحياتي يا قمر
اه بالمناسبة استقريبت علي ايه يا مايكل
soul
ولا يهمك
المهم في الاخر الاقيك عندي
بالنسبة لدكاترتك فانا عارفة انا عندي ايه ومش بايدي اعمل حاجةليا وانت عارف اني مش بقول لحد ومش مستنية حاجة فسيبك انا يا ابني كويسة والله
طنش
والله ما كنت دلوعه بس كنت جبانة وبخاف اوي
فكلان لازم اشغل مخي
ال يعني كنت بفهم وانا صغيرة
والله يا ابني انا كنت غبية جدا
هههههههههههه
طبعا البس الواد مصيبة اومال يزعقولي ويضضربوني
مسامحني ايه دة كان عمال يبصلي بنظرة يا سمسم مش قارة انساها لحد دلوقتي خفت ليكون سفاح
انت شريييييييييييير
مانا مش عارفة هي كانت عايزة مني بقولك وقفت ادامي ومتنحالي
هههههههههههههههههههههه
حلوة مشوار حياتك دي
بس انا يا ابني عملتها مرة وخفت اكررها
لاني بصراحة مش اضربت تاني
طبعا ما صدقوا ودة لان هما كانوا مخنوقين اوي عشان الزحمة ومش عارفين يقفوا
وجت علي دماغي وانت الصادق
ماهو التاخير دة جه فوق دماغي واطردت من المحاضرة لما حبيت ادخلها
الدكتورة شافتني داخله قالتي اطلعي بره
قلتلها لا انا بس حبيت اصبح علي حضرتك وسبتها وخرجت
هههههههههههههههههه
اومال اغسل التوت فين يا سمسم
يعني يوديني في داهية واسكتله
هههههههههههههههه
وايها مغامرات والنبي خليني ساكتة
سلام يا قمر
__________________________________
baracuda
ههههههههههههههه
مانا كان لازم اشغل عقلي اومال اروح في داهية وانا في بكالوريوس
كان لازم استغلوا انا كمان
ربنا يجبر بخاطرك
بس انت بتغيب اوي كدة ليه
بتتاخر علينا
وبعدين انت بتعمل ايه في لبنان
البلد دي احسن من غيرها
:))
أنا معملتوش لسة
أععععععععععععععععععععا
ماشى يا أنوجى كدة تنسينى برضوا
ماشى
المهم إنتى أسرارك تموت من الضحك حقيقى
ههههههههه
وخصوصا حته الصانية إللى مجننة المدونين دى , قصدك مين يعنى ؟؟؟؟
المهم إنتى أخبارك إيه ؟؟
إنتظرى فضايحى أنا بقة
حاجة تفضح
بس مش هيدوم كتيير
خلى بالك
وعادى بقة
أودى
ههههههههههههه
ههههههههههههه
ههههههههههههه
أنتى ايه يا بنتى معجونة بميه عفاريت من صغرك كده؟ يا نهار أبيض عليكى .. ده انتى تهمة
هههههههه
يا عينى دبستى الواد الغلبان فى علقة وخليتى الناس تتخانق مع بعضها, مش بقولك مصيبة؟
هههههههههه
manal
يتهيألى لو كملتى هنكتشف أنك السبب فى الحرب العالمية التانية
هههههههه
manal
انجى مش ممكن انت مصيبه
ايه يا بنتى ده
و ايه الافكار العبقريه دى بتاعة المترو
احمدى ربنا انك مشيتى و الا كان زمانك مش هنا
بس بجد يا انجى خدى بالك من ضهرك شويه
الحكايه مش عند
روحى لدكتور
اودي
والله مش نسيتك بس انا قلت كفاية عليك تاج واحد انت هتنهب يا اودي
كفاية عليك قلوب العذاري اللي انت محطمها
ههههههه
قصدي بيها انت من ضمن الناس اللي كانت الصينية هتجننهم
فرحان اوي بيها انت صح
انا الحمد كويسة الحمد لله
هبقي اقراه اكيد
___________________________
منولتي النولتي كونولتي
هههههههههه بتضحكي عليا يا منال
المهم اني لحد النهاردة مش في حد يعرف ان انا اللي كنت غلطانة
العمر مش كان بعزئة يا اختي
ما اعمل ايه بيبقي غصب عني
يعني هما الل بيقفوا في طريقي
بس اهي عدت بقي
منال تاني
هههههههههههههههه
طب ليه مش تقولي اني ممكن اعمل حرب عالمية تالتة وتهو ابق عملت حاجة جديدة للبشرية
___________________________
مانو
تخيلي بقي لما اكون مكسورة جناح وسط ربعمت شاب وراجل
كانوا هيفترسوني يا مانو وساعتها مش هتفرق معاهم اي حاجة ساعتها
سيبيها علي الله يا مانو
اللي عايزه ربنا هيكون
وربنا يسهلها من عنده
Post a Comment
<< Home