Wednesday, January 24, 2007

انا وامل وشجرة التوت

امل هي الساعه كام دلوقتي؟؟
الساعه 3 ونص
ايه القرف دة يعني كلها نص ساعه ودكتورة الاشراف تيجي تقرفنا وتمشينا من الكلية
انتي عايزة تروحي؟؟
طبعا لا مانتي عرفة ......فين بقية بنات الشعبة؟؟؟
بيطفحوا في الكافتريا
تعالي نروحلهم
بقولكم ايه يا بنات ما تيجي نتمرن؟؟؟

دلوقتي يا سمرا انتي بتهرجي انتي عارفة اننا بنسافر وهناكل ونمشي
طب مين هيقعد معانا انا وامل؟؟؟
اميرة معانا طب قشطة يا امل

!!!!لقيت واحدة من ورايا بتزعق
انتو قاعدين كدة ليه فين رئيسة الزفتة دي؟؟؟
قصدها الشعبة
وبما اني كنت محببة جدا من البنات وكلهم بيحبوني وبيخافوا عليا موت فبلا استثناء ال 13بنت شاوروا عليا
رحت ضاربة ايدي تعظيم سلام للدكتورة وايدي مغطية وشي
ازيك يا دكتور واحشاني والله
يا تتمرنوا يا تروحوا انتي فاهمة
وحركت راسي يعني اه فاهمة وراحت سيبانا وماشية
امل انا نفسي اكل توت
وانا كمان
طب ما تيجي نجيب توت من الشجرة اللي عندنا؟؟؟
بس الشجرة الصغيرة العيال خلصوا منها التوت شفطوها يا عين امها
في في الشجرة العالية اللي في ملعب كرة اليد
يا سلام يا اختي وهنجيب منهاالتوت ازاي بقي
بصيت بنظرة كدة وانا عاقدة جبيني واللمبة الي فوق راسي نورت
تعالي يا اميرة انتي وامل
جريت ورا الدكتورة ودموع التماسيح في عنيا اللي مليانة كلها براءة
طب قولينا هتعملي ايه
تعالوا بس
الحقيني يا دكتور هنسقط يا دكتور اصل دكتورة منيرة قالتلنا لو مش جيتوا بكرة متمرنين علي كرة اليد
هاه كرة اليد يا دكتور هتسقطنا كلنا
طبعا اميرة وامل فهموا وامل الله يخربيتها
قالت ااااااااااااااه
كورة يد يا بنت الناصحة
وبعدين فاقت
وقالت اه يا دكتور لو سمحت امضلنا نجيب كور يد عشان نتمرن دة احنا هنتمرن جامد اوي يا دكتور
وبعدين يا دكتور الوقت ازف الوقت ازف
يا بنتي انا بتاعت العاب قوي
مش مهم يا دكتور بقي اي حاجة نحدف بيها التو.... احم قصدي التومريرة الكرباجية(التمرية الكرباجية دي مهارة من مهارات كرة اليد)
يا بنتي ممنوع اصلا اني امضي علي حاجة مش تخصصي

بس الدكتور بقي ضعفت ادام دموعنا المنهمرة وتوسيلاتنا اللي تقطع القلب الحزين
ومضتلنا علي كورتين يد
وطبعا كان ولا بد اننا نتظاهر باننا بنمررها لبعض وفجأة نحدفها علي الشجرة واول ما تنزل توت تقولش جالنا هوس توتي ونقوم نهجم عليه وطبعا الامر لا يخلي من ضرب بعض وتقطيع هدوم بعض عشان خاطر توتاية
اللمبة نورت تاني
بس بس
انا جاتلي فكرة

قولي يا زعيمة يا عبقرية (دي امل واميرة في نفس الوقت)؟
احنا نخش المطعم نسرقلنا صينية عشان نلم فيها التوت دة
يا سلام يا اختي والعسكري الي قاعد علي ام المطعم دة
رحت ماسكة ودان امل وهاتك يا وش وشو وش وش
وجرينا ناحيةالمطعم واحنا مستخبين ورا الحيطة ولا اجدعها حرامية
وبص للعسكري والزق جنب الحيطة كاني بستنجد بيها وابص في الساعه واقول لامل
فاضل خمس ثواني علي العملية استعدي
1 2 3 4 جوووووووووو
وتجري امل وهي ملهوفة ومخضوضة اووووي
الحق يا عمو العسكري في حاجة مرمية في حمام السباحة تعالي شوفها بسرعه
وقفشته من ايده وجريت بيه علي حمام السباحة والراجل ياعيني مذهول
باب المطعم مقفول بس في ضرفة ازاز من الباب مكسورة وانط انا من الضرفة دي
واسرقلي صينية من جوة واحطها جوه البنطلون من ورا
يحححح ساقعه
طبعا الصينية مستطيلة وكان منظري زباله فقلعت توب الترننج وداريت بيه التهمة الي ورايا دي
ونطيت
ولمحة العسكري وهو بيزعق لامل
وهي بتحلفله ان الحاجة اللي شافتها دي اتبخرت في الهوا وبمنتهي البراءة اللي خلقها ربنا فيها تقوله يكونش عفريت حب يطري علي نفسه وينزل البسين
عامة بقي يا عمو انا اسفة
ورحنا للشجرة واميرة تصرخ
عملوها الوحوش يا ريتني كنت معاهم
وانا رافعه الصينية بايد وعلامة النصر بايد تانية وبحي الشعب الغفير ولا كاني حسني مبارك في زمانه
ونحدف الكورة ونجمع في الصينية
المرة دي امل اقترحت انها تتسلق الشجرة عشان اكيد في توت احنا مش هنلاقيه غير فوق خالص
وفعلا بدئت امل تتسلق الشجرة لحد ما وصلت لفوق اوي
وركبت فوق غصن وبقيت تهزه وينزل التوت كتيييييييييير وانا واميرة نجري ونجمع في الصينية
امل ضهري اتقطم انزلي وانا هطلع
مش هتعرفي يا سمرا
وبعدين انا مش عايزة انزل
مين دي اللي مش هتعرف انتي هتستهبلي
طب بصي انا هطلعلك واميرة هتبقي تحت
وبعدين ننزل نجمع معاها تاني
طب اطلعي
التسلق كان ازاي بقي
جبت كرسي الاول وطلعت فوق السور بايدي الاتنين وهوبا نطة لقيت نفسي علي سطوح اودة الاساتذه
وبعدين وصلت للشجرة حطيت رجلي علي غصن جامد وابتديت اتسلق الشجرة لفوق
وبرضه نمت علي غصن عشان مش اقع وشوف الطمع بقي الاقي توتاية واحدة لونها احمر وكبيرة وتحفة
اقوم اتسرع وازحف ناحيتها وانا نايمة علي الغصن
وهووووووووووبااااااااااااااااااا
اتزحلقلك يا ريس
اقوم ماسكة في الغصن بايدي ورجلي مدلدلة للتحت كاني عاملة زي الدبيحة المعروضة في السلخانة والارض بعييييييدة
يعني يا كسر يا ارتجاج مش ليهم تالت
وامل بنت اللذينا بتضحك واميرة تصوت من تحتي
والمح الدكتورة جاية
يا لهوووووووووووووي
رحنا في داهية وهنترفد من الكلية واحنا في البكالوريوس يا سموووور
هودة اللي همك الله يحرقك حد يجيبني
مين الي ادام الدكتورة
اميرةّ!!!!
البت خدت الطرحة لانها مسكتها متلبسة

فين رئيسة شعبتك
والبت عنيها تبص لفوق ورقبتها علي صدرها ومش قادرة تنطق
يا جدعان حد يرميلي حبل ولا يحط تحتي مرتبة وانا هنط ايدي وجعتني يا ولاد الهرمة
انتي يا مفضوحة قولي حاجة
(دي لامل)؟
ششششششششش
استني بس

اميرة قالتها دي مشيت يا دكتور
جدعه يا اميرة ولا وطمرت فيكي العشرة يا بت فكريني يا امل اديها درجتين زيادة
الدكتورة راحت مزعقة
انا هعرف شغلي معاكو يا سنة رابعه
وخدت اسم البت بالكامل واسمي بالكامل من اميرة ورقم الشعبة
وراحت لامحة صنية التوت وعليها توت وقالتها وكمان بتلمي توت
رحت لافحالها نص الصينية في اديها
تعبي وشقايا با بنت الطفسة
انا هعيط يا امل

اصبري بس يا سمورة هتمشي اهي وبعدين هنقذك
لا انا مش بعيط عشان كدة انا بعيط علي التوت اللي خدته الدكتورة
وراحت خدت الدكتورة اميرة لحد ما لبست وخرجتها من باب الكلية ومشيت معاها
الحقووووووووووووووووووووووونييييييييي
بقولك ايه امسكي نفسك
امسك نفسي ايه يا بنت الهبلة
انتي مش شايفة الحوسة اللي انا فيها
هموت يا امل ايدي عرقت يا بت طب اتشاهد الاول يا ناس
ولا اكفر عن سيئاتي وعن سرقة الصينية
انتي مش مدربة جمباز
وحد قالك اني لاعبة مصر الاولي يا فالحة
انا بمرن بس مش بلعب
اتصرفي بقي انا مش عارفة انقذك ازاي
منك لله يا امل
وفضلت اتحرك علي الشجرة ولا كاني اجدعها قرد في جنينة حيوانات
والمفضوحة التانية واقفه علي الشجرة تغنيلي
يلا يا قرد يابو ودان
هوبا يا قرد يا بهلوان

وعماله تقلد صوت القرد اوواواو
وحياة امك لما اخرج من الزنقة دي
المهم رحت لافة نفسي في الهوا ولا اجدعها قرد في زمانه
وركبت فوق الشجرة تاني مش اتعظ بقي
لا ازاي
فضلنا نهز في كل الغصون جامد وفي مطرة تحتنا من التوت
سمورة كفاية كدة بقي
ماشي
يلا ننزل
وطبعا نزلنا من الشجرة علي السطح ونطينا من السور علي ارض ملعب كرة اليد اللي بقي كله توت بمختلف الوانه
ونجيب الصينية ونجمع لحد ما بقينا عاملين زي ابو قردان
احنا لو كنا بعنا التوت اللي لميناه كان زمانا اغنيا دلوقتي
ورحنا غسلناه ومش في حد يسالني غسلناه ازاي عشان دة محتاج بوست لوحده
وقعدنا ناكل منه لحد ما خلصناه ولبسنا وروحنا
وتاني يوم الساعه عشرة ونص الصبح لقيت امل بتتصل عادي يعني بتشوفني موجودة ولا لا لان المفروض عندنا محاضرات من الساعه 9 لحد الساعه 4
لقتني انا اللي برد عيها
وهاتك لمدة ربع ساعه ضحك من غير سبب بمجرد اننا سمعنا صوت بعض
وطبعا السبب ورا عدم مروحنا الكلية في اليوم دة واضح طبع
ا

وهو ان احنا الاتنين جالنا اسهال

بس عشان خاطري الموضوع دة لحد النهاردة بجد مش في حد يعرفوا ماشي
انتو عارفين بقي
كان معكم قرد النيل قصدي سمراء النيل من فوق الشجر يا وهيبة

Labels:

114 Comments:

Blogger إبـراهيم ... معـايــا said...

مش عارف أقول لك إيه يا سمـرا ، بس أنا من كثر ما ضحكت مش عارف أصدق ، قصدي من كثر ما صدقت مش عارف أضحك !!!!

وده مرور قصير

Tue Jan 23, 09:37:00 PM GMT+2  
Blogger شمعى أسعد said...

ههههههههههههههه
ايه يا بنتى المصيبة اللى هببتيها دى
حد يعمل كده
حد يرتكب الغلطة الشنيعة دى
حد فى الدنيا يكتب هنترفد بالدال
مع انها هنترفت بالتاء
وبعدين ايه البوستات الطويلة دى
انا عمال انهج عايز اخلصه بسرعة عشان الحق اعلق اول واحد
بس على مين
ده اطول من شجرة التوت اللى لعبتى عليها هانج مان
لا انا بعد كده هاعلق الاول وبعدين اقرا براحتى

Tue Jan 23, 09:44:00 PM GMT+2  
Blogger الجحيم هو الحقيقه said...

الله يا هانم

من هواة تسلق التوت

ومش بعيد الجميز
فكرتينى بنفسى وشقا وة زمان
ما انتى عا رفه انى اريفجى

والحا جات اللى بتقولى عليها دى
مما رسه يوميه بالنسبه لنا

بس احسن انك وقعتى

التوته الحمرا كانت هضيعك

بس التوت الاحمر يستا هل

بوست جميل

احمر ودمه خفيف

ينفع فى شتا او صيف

Tue Jan 23, 09:44:00 PM GMT+2  
Blogger smraa alnil said...

ابراهيم معايا

وحياتك اللي انا بقوله دة حصل بالحرف وبنفس الحوار

عامة مستنية المرور الطويل

___________________________________

شمعي اسعد

لولولولولوليييييييي
شمعي عندي
دة انا هسيحك يا شمعي
اول مرة تعملها
وبعدين دة مين اللي قالك ان هترفد بالتاء
الله يلعن وزير التعليم
ويخربيت التعليم علي اللي ببتعلموه
ما هو دة اللي خربها
عامة المرة الجاية هنشوف
وبعدين هو دة اللي لفت نظرك للموضوع
لا فهيم وبتلاحظها وهي طايرة

Tue Jan 23, 09:57:00 PM GMT+2  
Anonymous tamer said...

الف مبروك سمرا على نجاح الخطة والاستحواز على التوت باقل خسائر ممكنة

الريس يهنيكى من تحت الشجرة انزلى بقى وكفاية توت اكتر من كدة مش هكون مبسوط
ادامى على الجنينية ياة اقصد المكتب

ههههههههههه

تحياتى

Tue Jan 23, 10:04:00 PM GMT+2  
Blogger الحصان الأسود said...

أيوة كدة ارجعي يا سمرا زي ماكنتي
وسيبك من السياسة والاعتقال والبهدلة
خلينا في مواضيعك الخفيفة الكوميدية القصصية دي

وماتلعبيش تاني في عداد عمرك

تحياتي

Tue Jan 23, 10:24:00 PM GMT+2  
Blogger dyin_soul said...

والله والله والله يا ثمراء النيل انتي ثكر ثكر ثكر و عثل كمان والله مش قادرة امسك نفسي من الضحك و كمان قلت اعلق الاول قبل ما انزل البوست الجديد وربنا عثل عثثثثثثثثثثثل
كان عندنا مغامرات من دي كتير ايام المدرسة بس بعيد عنك الكلية حاجة اعوذ بالله معلش اصلي اتحدفت بعيد شوية
المهم كمان موضوع نائب الرئيس ده حلو عجبني ما هو اصل في دولتنا نائب الرئيس طبيعي بيكون رئيس علي طول اول ما الرئيس يتكل بعد الشر عليكي والعمر الطويل ليكي و ليكي عليا لأبقي رئيسة حزب مش بس خمسة او ستة او سبعة وعشرين سنة لأأأأأأأأأأة ده انا متبتة خمسين سنة عشان أبقي عديت صاحبنا وأدجل موسوعة جينيس للأرقام القياسية قبله ههههههههههههه

Tue Jan 23, 10:56:00 PM GMT+2  
Blogger zordeak said...

هههههههههههههههههههه


لا مش ممكن


ههههههههههههههههههه

هههههههههههههههههه


انا مش ماسك نفسى من الضحك


هههههههههههههههههه

بطنى وجعتنى الله يخرب بيتك

هههههههههههه

ايه ده ؟


التومريرة الكرباجية


هههههههههههه

يللا يا قرد يا بهلوان


هههههههههههههههه

فظييييييييييعة

انا مش عارف امسك نفسى


ورسمى طبعا جالكو اسهال .., حد ياكل التوت ده كله ويعيش


وتعالى هنا كلية ايه دى اللى فيها شجر توت


ههههههههه

ايه العيشة دى


يا نهار ازرق


عملوها الوحوش

يا ريتنى كنت معاهم


يا بنت الايه


ده انتى تنفعى تخططى لاى جريمة


ولا الدكتورة المفجوعة


ههههههههههههههه


وهمية


انا خلاص هموت من كتر الضحك وهرفع عليكى قضية يا بنت الايه



يللا سلام


ههههههههههههههههه

Tue Jan 23, 11:04:00 PM GMT+2  
Blogger Ironcobra said...

هييية يا سمرا يا بنتي فكرتيني بأيام الشباب و الشقاوة في الكلية و لما حصل معايا موقف مشابة للي حصل معاكي و برضة كان في بكالوريوس بس أنا موقفي معداش من غير أصابات زي حالاتك , أنا نزلت زرع بصل من الدور التالت مما أدى لست غرز في دقني و كسر في المعصم خلى دراعي يقعد في الجبس شهرين , ومازالت الندبة الناتجة عن الست غرز ظاهرة في ذقني الى يومنا هذا و مازال رستي بينقح عليا كل مالظروف تبقى متظبطة صح ( يعني برد جامد مع رطوبة عالية ) .
بس سيبك أنت نتيجة الحادثة دي كنت معلق بنتبن من أشد بنات الكلية في الأسبوع اللي بعدها بالظبط .

هااهاهاهاهاه

Tue Jan 23, 11:44:00 PM GMT+2  
Blogger ody911 said...

هههههههه

كميلة كميلة يعنى
لاء وملعوبة

أقولك أروش حاجة عجبتنى إيه ؟؟


موضوع الصنية دى

وهححححح

ههههههه


وبالهنا والشفا

وعادى بقة
أودى

Tue Jan 23, 11:54:00 PM GMT+2  
Blogger smraa alnil said...

الجحيم هو الحقيقة

وحياتك دي كانت اول مرة اعملها
بس تصدق اني طول عمري بسمع عن الجميز دة
وانا مش عارفة دة ايه

هنقعد نقارن بقي ونقلد
ونقول انك كنت بتعمل زييي
ماشي يا عم الجحيم
بس بجد فعلا لاحظتها ان في ناس بتطلع علي الشجر عادي جدا
كانها طالعة سلم بيتها
وبعدين غيظا فيك انا مش وقعت
انا بس اتزحلقت من فوق الشجرة
بس بحمد ربنا ان الدكتورة بو كانت بصت بس لفوق كانت هتقفشني انا وامل
وكله عشان التوتة الحمرا
حتي انت يا جحيم بتسمع الاغاني دي
ماشي يا عم
___________________________

تامر

الله يبارك فيك يا تامر
مش بقولك انا مبروكة
ما بلاش بقي سيرة الرئيس دي
ماحنا كنا كويسين
عامة انا جبتلوا معايا شوية
ههههههههه

Wed Jan 24, 12:15:00 AM GMT+2  
Blogger smraa alnil said...

الحصان الاسود

ههههههههه سياسة
مين جاب سيرة سياسة
انت عايز تودينا في داهية وخلاص
وبعدين قصدك ايه بمواضيعي الكوميديا الخفيفة
انت شايفني محمد هنيدي
عداد عمري خلاص جاب اخره
صدقني مش بقت تفرق كتير
___________________________

dyin_soul

المهم انك ضحكتي
اضحكي انتي يا اختي وانا متعلقة فشر الدبيحة في المدبح

مغامرات المدرسة دي بقي موال لوحده
مش هقولك بقي عليه
انتي بتفولي عليا ولا ايه
طب تصدقي بقي انك هتخليني اعيد تفكير في منصبك دة
واعين بدالك
يا جدعان عايزين حد يكون نائب لرئيس حزب المجانين
اللي انا بقيت رئيسته
بس ان كان انتي هتمسكي الحكم لمدة خمسين سنة كدة بعد ما امسك ان الحكم يجي ستين سنة كدة يبقي اكيد انتي لازم تكوني نايبتي وخليفتي
هههههههههه
ونبقي انا وانتي كسرنا الارقام القياسية

Wed Jan 24, 12:17:00 AM GMT+2  
Blogger smraa alnil said...

zordeak

هههههههههههههههههههههههههه
والله انا ضحكت علي ضحكك

ومش عارفة اعلق علي ايه
بس ترفع قضية بتاع ايه عليا
طب تصدق ان انا غلطانة اني قلت الاغنية اللي البت امل كانت بتقولها

وحياتك احنا عيشنا بس اتمنينا الموت للحظة
بجد كان هيجيلنا جفاف
هههههههههههههههههه

بجد والله عندنا شجرتين توت

وفي شجرة عنب كمان العيال بيجيبوا منها ورق العتب ويدوا لامهاتهم يعملوا بيه محشي

بجد احلي ايامي عشتها في الكلية كنت عايشاها بالطول والعرض

دة انا كنت متغاظة منها جدا
الست خدت يجي نص التوت اللي احنا جامعناه

بعد الشر عليك يا قمر
___________________________

ironcopra

هههههههههههههههههههههههههههههههههههههههه
اصابات ايه
هو في اصابة اكتر من الاسهال اللي جالنا
دة احنا كان هيجيلنا جفاف والله يا سمسم
وبعدين انت ايه اللي طلعك الدور التالت اصلا وايه اللي نزلك زرع بصل كدة
هههههههههههههههههههه
ايوة يا عم ناس تتكسر ويقع في نصيبها بنتين
وناس يجيلها اسهال وتتهزئ من الدكتورة
انا بحقد عليك
دة انا خايفة اقول لحد القصة دي
بعيد عنك الناس فكراني رقيقة اوي
___________________________

اودي

هو دة اللي لفت نظرك في الموضوع
الصينية
عامة انا عرفت نيتك يا سوسة
والله كانت ساقعه اوي ربنا ما يحكم عليك بقي
هنا ايه بقي وشفا ايه
بقولك جالنا اسهال
ههههههههههههههه

Wed Jan 24, 12:17:00 AM GMT+2  
Blogger بين الأمل و اليأس said...

ده فلم اكشن
بيفكرني بجاكي شان اعد اتفرج عليه واضحك مووت
سيبك من الموضوع بس الافاشات اللي فيه جامده مووت والوقت بتعها جمييل عل يابنت يا قرده اقصد سمرا
بس انا مكنتش اعرف انك جريئه اوي كدا
ياه دانتي كنتي مستبياعاها
وبصراحة رغم ان قلبي وقع لما عرفت
وهووووووووووبااااااااااااااااااا
اتزحلقلك يا ريس
بصراحة كنت مستني اخر حاجه رجل ولا ايد مكسورة
بس الحمد لله
مش بقلك انتي يامجنونه يامجنونه
استحاله ملهمش تالت
طب مش تحرمي
بس بجد شوقتيني بقالي خمس سنين اسمع عنه بس مكلتوش لسه
اه فكرتيني مره وانا راجه من الكليه قابلت شجرة توت وكنت ببصلها كدا ونفسي اكل منها
تخيلي بقه ايه اللي حصل
وانا معدي من تحتها نزلت لتوته فين في جيب القميص تخيلي وكان معايا ربنا يوفقها بقه قلبي القديم
اديتهالها
وكان عيني فيها
والله مافاكر طعمه ايه
هو وزاحد اول ماجيت اداني كوبايه بس
شفتي انا بحسد ازاي
بس عسل بجد
ياه حد يبقه عايش كدا ويبقه عايز الباقي يزعل ياشيخه ربنا يرحمهم انا معاكي هنا والله نسيت الزعل
اه ياولا د الهرمه اده انا بتخيل منظرك وانتي متعلقه وعماله بتنشيهم وهمه يقلولك شوية وهاننقذك زي ماتكوني محشورة مش متعلقه بس والله جدعان
واحده تصوت فوقك والتانيه تصبرك وتحارب مع الدكتورة
وانتي لايصه في الوسط
سلميلي على الدكتور العبيط ده والدنيا الساقعه وعمو العسكري
والكافيتريا الجدعااان اوي
والمصباح الذري اللي في دماغ صاحبتنا
ايه بتفرج على فلم كرتون انا
وصباحو اشطه على النتاس المثبتيه
انا هاعد اعلق وانسى الضحك لا انا محتاج اضحك اكتر
يالله في رعاية الله وربنا يخليكي ليه وللشعب المعذب يارب
بس افوقلك بس
والله هاقلك على القرد بتاعي كان مين
يالله محتاج دعوتك والله بالذات اليومين
دول
انا صحيح ان شاء الله هانزل بوست جديد يوم الخميس وهايكون حداد ان شاء الله
واللي بعده الدعوة للفرح ومش عايز استغراب
وربنا يسترها

Wed Jan 24, 12:34:00 AM GMT+2  
Blogger Ma-3lina said...

ههههههه الله يخرب عقلك يا بت يا سمرا
ايه الطفاسة دى يا بت كل المغامرات علشان توووت

مشخرة و الله حكاية الحركات اللولبية اللى انتى بتعمليها دى

و ايه يا بنتى الخطط الجهنمية مش بنشغل مخنا الا فى الاكل بس

انتم مش غسلتو التوت مال جالكم اسهال ليه بقى؟؟؟؟؟؟؟

اه من كتره اكيد هههههه



ironcobra:

ههههه زرع بصل و ايه طلعك فوق اصلا يا ابنى ؟؟؟؟

Wed Jan 24, 12:56:00 AM GMT+2  
Blogger Ironcobra said...

أة و اللة يا بنتي 9 سنين مظلات مابين قفز من أرتفاعات مختلفة من أول 300 متر لحد 3000 متر لتدريب لأسقاط و ماحصليتليش أي أصابات ما خلا يعني خدوش و سححجات بسيطة وتقطيع هدوم لزوم النزول شحط في شجرة ليمون أوالسحل في غيط سمسم .... يعني حاجات كدة في يوم عمل عادي .
وبعدين في يوم عادي جميل في أخر اليوم في الكلية ياهزر مع واحد صاحبي وواقف على الشفة الرخام اللي برة السور الكريتال بتاع السلم اللي طالع من الدور التاني على التالت و ....هووووب ماحسش الا و مافيش أرض تحتيا , اية اللي حصل طبعا الرخام دايب و تايك أنتي عارفة أن تربية عين شمس أثرية من الأربعينات من أيام ما كانت مدرسة المعلميتن العليا .
المهم ماطولش عليكي لأ قولي طول لقيت روحي باسقط في هوة سحيقة أنفتحت تحت أقدامي حاجة كدة زي اللي بتحصل في الأفلام الملحمية مثل ذى لورد أوف ذى رنجز , حاولت أمسك بأيد واحدة في الدرابزين زي ما أدهم صبري بيعمل في قصص نبيل فاروق الفاشلة بس على مين وزني مع تسارع عجلة الجاذبية الأرضية اللي نبيل فاروق مايعرفش عنها حاجة لأنة كان فاشل في الميكانيكا في الثانوية العامة خلوا أيدي فلتت كل اللي قدرت علية أني أزق روحي بعيد عن الدرابزين عشان دماغي ماتخبطش في الشفة اللي كنت واقف عليها ووشي يضيع بس دة أدي الي أختلال توازني أكتر و نزولي زرع بصل .

Wed Jan 24, 01:13:00 AM GMT+2  
Blogger ساعه الغروب said...

هههههههههه
ههههههههههه

لا بجد

ههههههههههههه

كان نفسى ابقى معاكو
اصلى ما كنتش مقتنعه بالحركات اللى فى فيلم ماتريكس
فكنت عايزه افوفها لايف

بجد انت زى التوت
يووووووه
زى العسل

اظن انتى لو شفتى شجره توت فى شارع بعد كده هتمشى من الشارع اللى بعده



بجد تجننى


هههههههههه

Wed Jan 24, 01:22:00 AM GMT+2  
Blogger Ma-3lina said...

ironcobra:

ايه يا عم المظلات و الحركات دى انا اخرى انط من على السرير دور التانى او من على تانى سلمة مش التالتة

هتقولى على كليات مصر المعتقة كان عندنا برده مبنى بتاع الكيميا العضوية مان متاكل و السلم بتاعو حلزونى مفاطح منبعج كله من ال
chemical

كوبرا هنزعل من بعض مالك بنبيل فاروق دا انا متربية على قصصه هوا و ادهم صبرى حبيب قلبى بس هوة مالوش دعوة بكل قوانين الجاذبية تقريبا كل قصصه تدور فى المريخ


يالا علقة تفوت و مترجعش تانى

Wed Jan 24, 01:47:00 AM GMT+2  
Blogger سجين فى قلب الوطن said...

أحمدك يارب
أخيرا عرفت مصدر
"نظــرية القــرود الخمســة"

سمرا بس دول 3 قرود فين الباقى ؟؟؟؟

و بعدين النظرية كانت قائمة على سباطة موز مش شجرة توت

هههههههههههههههههههههه

يخربيت عقلك يا فقرية

بس بصراحة انت معاكى رجاله فى الشعبة
الـ 13 بنت باعوكى بسرعة شديدة و بدون ادنى تفكير

ياااااه دا انت غالية عندهم أووووى
هههههههههههههههههههههههههههه

يلا ما علينا تعيشى و تاخدى غيرها يا طفسه "ييه اقصد يا سمرا"

طن توت و مش عايزه يجيلك اسهال
يخربيتك يا فقر

انا مش قادر ابطل ضحك
دا انت غلبتى اختراعتنا ايام الكلية
تسلق شجرة توت

بس اوعى تقولى انكم غسلتوا التوت فى حمام السباحة
هههههههههههههههههه

يلا كل توته و انت طيبه

جميلة بجد يا سمرا
تسلم ايدك
و بلاش طفاسة
(كودي تخيلى)
و دولسى بتسلم عليك....:D

سى يو لايتر

Wed Jan 24, 02:14:00 AM GMT+2  
Blogger amany said...

ضحكتينى مووووووووووووووت
دمك زى السكر بجد
رغم انى لقيت أحزان كتيرة فى المدونة
إلا انك عرفتى تضحكينى زى ما عرفتى تبكينى

Wed Jan 24, 02:18:00 AM GMT+2  
Blogger ادم المصري said...

يابنت الفقرية هههههههههههههههههههههههههههههههههههههههههههههههههههههههههههههههههههههه



اسف اسف يا حصرة المعيدة وانبي اخر مرة بلاش تسقطيني
ههههههههههههههه

اصلي ماقدرتش امسك نفسي خالص
انا حتة مش عارف اتلم عليها
ههههههههههههه

حتي بصي ... ههههههههههههههههه


مالكيش حل يا بنت الايه والله

تحياتي

Wed Jan 24, 02:29:00 AM GMT+2  
Blogger بيسوو said...

والله يابنت ياسمراء ضحكتيني وانا مكتئبة اكتر حاجة ضحكتني بجد لما الدكتورة اكلت التوت..تعبي وشقايا يابنت الطفسة
بس بجد انتي مجنونة..توت ايه بس الي
علشانه تعملي كدة..ده انتي طلعتي ولا توم كروز في مهمة مستحيلة
بجد فو كا هية يا سمرمر
بس انا عايزة البوست بتاع غسيل التوت ياسمرمر
لازم بقة اوعي تنسي
سلام

Wed Jan 24, 03:57:00 AM GMT+2  
Blogger soul said...

مش مككن ده انتى طلعتى فظيعه

لا طفسه طفسه يعنى ... مش كده
:)

والله انتى سكره ... ربنا يكرمك يارب

Wed Jan 24, 04:38:00 AM GMT+2  
Blogger albida said...

انوجى النوجى كونوجى

ههههههههههه
يخرب بيت الدنيا يا شيخة!!! كل ده علشان توت؟... ليه؟!! بتتوحمى على التوت
انا لو منك أروح عند أجدع فكهانى فيكى يا مصر واجبلى قفصين واقعد أكل فيهم ولا القرود الأسيوية
:)

أنتى حسستينى انكم كنتوا بتقوموا بعملية تفجير المدمرة ايلات!!! نظام عملوها الرجالة ويارتنى كنت معاهم
:)

بس تصدقى... تنفعى تشتغلى فى ادارة العمليات الخاصة قسم القبض على التوت
ههههههههههههه

منك لله هتوتينا من الضحك
:)


manal

Wed Jan 24, 04:49:00 AM GMT+2  
Blogger ody911 said...

ياستى أسهال أسهال
مش أحسن من الأمساك

وبعدين أهوا كلوا برتقال

هههههههههه

وبعدين أنا مش سوسا ولا حاجة

دة أنا غلبااااااااااااااااااااااااان

بس بجد تدوينة تحفة

ضحكتينى بجد

وشكرا ليك يا جميل

ويارب تفضلى تضحكينا كدة على طووول

وتسيبك بقة من السياسة والأقتصاد دوول


بدل ما لا يبقى إسهال ولا أمساك

وعادى فى المعادى
وكذلك فى الزمالك

وربنا يسترها

وعادى بقة
أودى

Wed Jan 24, 07:15:00 AM GMT+2  
Blogger Utopian said...

looooooooooool

الطفاسه ملهاش رجلين يا سمرا

انتي مسخره
:D

Wed Jan 24, 07:58:00 AM GMT+2  
Blogger el2ahwagi said...

looooooooool
wallahi maweteeni mel de7k....

tab hati totaya ....

ana ba2a hasameeki toota ...lol
ya3ni l7ad maltoot ye2el tarkeezo tani wensameeki samraa zay zaman ...

zaman elshagara di beted3i 3aleekom do3a ... !!

haroo7 a7adar el2ahwa ...

2asdi eltoot elsokhn .. !!

Wed Jan 24, 09:10:00 AM GMT+2  
Blogger Mohamed A. Ghaffar said...

طب مش كنت تحوشيلى توته

Wed Jan 24, 11:11:00 AM GMT+2  
Blogger MAKSOFA said...

فعلا دمك زي العسل

Wed Jan 24, 12:22:00 PM GMT+2  
Blogger Aoossa said...

أسلوبك فى السرد جميل وتلقائى
وبتخلينى أفتكر مواضيع مشابهه
خاصة أنى أيام الدراسه كنت شقيه
وكتير أترفدت من المدرسه فى ثانوى
أنا مجتهده أوى
سلميلى على شمشونه صاحبتى

Wed Jan 24, 01:33:00 PM GMT+2  
Blogger أنـــا حـــــــــرة said...

هههههههههههههههههه
يخرب بيت فقرك يابت

عملوها الوحوش

يا ريتنى كنت معاهم

هههههههههههههههههه
بطنى وجعتنى م الضحك منك لكل حاجه جميله
بجد مش قادرة ايه ده كله
ده انتى رئيسة قدوة مسخرة
بس اوعوا تكونوا غسلتوا التوت فى حمام السباحة و للا المجارى يابت

بس صحيح بقى قوليلى البت أميرة جرالها ايه و حياة ابوكى ياختى احسن البت هتشيل الليله

بس تخيلى لو كنتى اتكسرتى كنتى هتببقى ضحية التوت قصدى ضحية الطفاسه

هروح اقرا البوست تانى
بجد من اجمل الحاجات اللى حصلتلى مؤخرا قرايتى للبوست دى

هروح اجيب امى اضحكها شوية و لما بابا ييجى هو و اخواتى هفضحك


الاسهال اخباره ايه يا قمرة
على فكرة فى تاج ليكى فى مدونة لمياء محمود ابقى شوفيه هناك

و لو جيتى المعرض بكرة كلمينى انا هبقى هناك طول اليوم و احتمال الجمعه كمان

يا سمراء المسخرة انتى

Wed Jan 24, 01:55:00 PM GMT+2  
Blogger أنـــا حـــــــــرة said...

فكرتينى بمغامرات كنت بعملها ايام المدرسة و الجامعه بس لو حكيت عنها مش هنخلص

واحشانى جدا على فكرة

Wed Jan 24, 01:55:00 PM GMT+2  
Blogger copa said...

هههههههههههههههههههههههههههه هيع هيع هيع هيع هيع هيع

يا خبر ابيض ده انتي مشكله ايه يا سمرا ده هههههههههههههههههههههه
ههههههههههه انا مش قادر امسك نفسي
ههههههههههههههههههه تستهالي الصراحه
عارفه ليه علشان اكلتي من غيري
يلا بس عادي انتي كويسه تستهالي التوت كله يا ستي ههههه فكرتيني و الله ايام اشقاوه

Wed Jan 24, 03:21:00 PM GMT+2  
Blogger Epitaph said...

هههههههههههههه

انا وقعت طبعا من الضحك

بس ايه يا بنتي خمسة لصحتك
و حركات الشقلابظات دي

هيهيهيهيهيهيهيهي

جت سليمة يا بنتي

Wed Jan 24, 07:12:00 PM GMT+2  
Blogger Amr Ahmed said...

انتي عاملة الكلية سيرك

وعاملة فرقة عمليات خاصة

يخرب عقلك يا سمورة

جننتي الدكتورة

وكلتي التوت زي العيال الصغيرة

يللا كويس انها جت سليمة يا فقر

تحياتي يا جميل

Wed Jan 24, 07:19:00 PM GMT+2  
Blogger Sampateek said...

الصينية كانت ساقعة
ههههههه
انت حكاية

انا حاسة انكم بنات في اعدادي مش معيدات في الجامعة

معلش شوية فلاجيل الاسهال حيروح و ربنا يستر و ميزرعوش شجرة حرنكش في ملعب الفولي


عسولة بجد

Wed Jan 24, 07:47:00 PM GMT+2  
Anonymous Anonymous said...

انت عارفه يا سمرا انت فكرتيني بايام زمان رجعتيني ورا خماشر تماشر سنه
ايام شغل القرود كنت اخلص المدرسه ومش اروح لا انا واصحابي نمارس هوايتنا في تسلق اشجار التوت و بابا كان يضربني يوميا علشان مش اطلع بس هوا مين انا ادمنت التوت والضرب
بس انت عملتي كده وانت في بكالورويس !!!هههههه بجد طريقه سردك للاحداث كوميديه جدا
وصدقيني دي مواقف مش بتتنسي لانها نادره وندرتها في عبطها الشديد بدون التفكير في العواقب تخيلي لو الدكتورة بصت لفوق و لا انت كحيتي وهي شافتك وضعك كان هيبقي ساعتها ايه ؟
يلا ربنا ستر وبلاش شغل القرود يا سمرا
تحياتي
اسامه ياسر

Thu Jan 25, 01:20:00 AM GMT+2  
Anonymous Anonymous said...

والله بقالى من ساعه ما شوفت البوست دا وانا عماله احاول ابعت كومنت النت عندى خلانى السع
بس يا سمرا طول عمرى التوت بيجبلى حساسيه مش ............. ههههههههههههههه
انتى بجد ملكيش حل
جواكى طاقه فظيعه
بس هاتيلى توته حمرا وتوته سودا انا
بحب التوت بس الحساسيه بئا منها لله
ما تغيرى يا بنتى جوجل عشان بيطلع عينا على ما نعرف نبعت التعليق خصوصا النت ما بنصدق النت يلقط معانا
))))))) انا( نورا همس الليل
يا بنتى بجد النت صعب عندى وانتى الكومنت بتاعك عايزلو كذا خطوة عشان يتبعت حاولى تغيرى لجوجل

Thu Jan 25, 02:31:00 AM GMT+2  
Blogger أخف دم said...

إيه أم البوست اللى مليان أم الشتيمة فى أم البلوج ده؟
انتى مسبتيش حد ماشتمتهوش يا بنتى..
بس اللى شاغل أم دماغى فى أم الموضوع ده كله.. إيه اللى أم زميلتك شافته فى أم حمام السباحة بتاع أم الكلية دى وضحكت على أم الحارس بيه؟..
بطلى أم الشتيمة بعد كده .. عشان ده عييييييييييييب.

Thu Jan 25, 05:53:00 AM GMT+2  
Blogger مُزمُز said...

هاااااااااااااااااهاهاهاههه

طبعا كان لازم المقدمة دي

أنا الأول كنت حامل هم إن البوست طويل وبعدين أول ما قلتي حكاية السرقة والصنية الساقعة سخسخت على نفسي

بس كده صورتك اتهدت قدامي تماما تماما

بقيتي ف نظري متشردة كبيرة أوي
يعني كذب وسرقة وشقلبة وطفاسة وكمان إسهال
إيه الصياعة دي؟

إلا صحيح محدش بيشوفك ليه اليومين دول؟
يللا سلام بقى

Thu Jan 25, 06:36:00 AM GMT+2  
Blogger bagabigo said...

ايه يا بنتى فينك وحشتينى مش بتيجى عندى ليه بجد عايزة اتكام معاكى و احكيلك عن التطورات

Thu Jan 25, 10:46:00 AM GMT+2  
Blogger The Eagles said...

بجد الموضوع حلو واسلوبك فى عرض الاحداث وسردها غاية فى الروعة وترابط الكلام والمواقف والجمل حلو جدا

معلش دة تعليقى من وجة نظرى الصحفية

المهم
كنا فى مرة بنلعب فى دورة الكلية وكسبنا 7 صفر وكانوا اللى ما لعبوش الماتش معانا قاعدوا يقولوا يارتنى كنت معاكوا عملوها الوحوش زيكم بالضبط سيبك الماتش اللى بعدية خسرنا عشرة واحد اكيد عشان انا ما كنتش معاهم
بس بجد الموقف حلو واجداااامد جدا ومالين موقف كوميدية حلوة بجد روحك حلوة جدا
والسلام.........

Thu Jan 25, 01:28:00 PM GMT+2  
Blogger دينا فهمي said...

انتي تحفة يابنتي :D

Thu Jan 25, 03:57:00 PM GMT+2  
Blogger إنـســانة said...

هههههههههههههههههههههههه
انا مش قادرة
يخرب عقلك يا سمرا
انا مت من الضحك
هههههههههههههههههههههه

ايه الطفاسة دى؟ قرود؟
والله انا حمدت ربنا إنى مش رياضية وماليش اى علاقة بالرياضة من قريب او من بعيد
بقا دى اخرتها؟ شجرة توت؟؟
ههههههههههههههههههههههههه

Thu Jan 25, 04:28:00 PM GMT+2  
Blogger mano said...

الحمد لله ان المود حلو النهارده
بجد انا مت من الضحك

بس اطمنى محدش هيعرف الموضوع

Thu Jan 25, 06:35:00 PM GMT+2  
Blogger الدمعه said...

بجد انا مش عارفه اعبر انتي فعلا جريئه اوي بس لذيذة

Fri Jan 26, 12:37:00 AM GMT+2  
Blogger LAMIA MAHMOUD said...

مسخرة بجد فطست من الضحك وانا متخيلة منظرك عامل ازاي وانتي متشعلقة على الشجرة

بس ربنا ستر وما اترفدتوش

Fri Jan 26, 12:56:00 AM GMT+2  
Blogger Lion king™ said...

:)))))))))))))))))))))))))

بقي وجعني من كتر الضحك
ياولاد اللزينا فكرتيني بايام الشقاوا
:)

حمدالله على سلامتك دا المهم يا سمورة
واستمتعي بكل لحظة
وبعدين ما انا هنا اهو انت الي فين بقى
المهم طمنيني عليكي

Fri Jan 26, 01:02:00 AM GMT+2  
Blogger moro said...

متخيلك ع الشجرة زي أفلام الكرتون و الليل ينزل عليكي و القمر يطلع و يبان خيالك بس في الضلمة (سيلويت) متعلق في الشجرة
:) :) :)

Fri Jan 26, 03:03:00 AM GMT+2  
Blogger frozen love said...

انا جيييت

خلصنا الامتحانات وبنقرا البلوجات...حلو قوي البوست ده ومليان ضحك..كنت محتاج اقراه فعلا يا انجي...انا عشان عارف كليتك...كنت باضحك طحن لاني بتخيل واربطها مع الاماكن اللي انا يدوب فاكرها كده طشااش

تحياتي..ومعلش اني بمضي متاخر برضه
بس دي اخر مرة..بعد كده انا قتييل

Fri Jan 26, 05:06:00 AM GMT+2  
Blogger dead man said...

:)
ربنا يرزقك بفرحة طوبلة الأمد

Fri Jan 26, 06:02:00 AM GMT+2  
Blogger تسـنيم said...

بجد يخرب عقلك.. لو اللي البوست ده حقيقة يبقى تستحقي تتوجي ملكة القرود في الجبلاية.
تحياتي

Fri Jan 26, 12:41:00 PM GMT+2  
Anonymous Barracuda said...

أيوة كدة..توت واسهال مش ريس وقرون وكلام يقلب البطون!!! :) ... هههههه حلوة الحكاية . .. وأسلوبك هو اللي محليها ... يعني تقدري تقولي كده السهل الممتنع

تحياتي

Fri Jan 26, 02:20:00 PM GMT+2  
Blogger ياسمين said...

والله فكرتينى بذكريات الطفولة وشجرة التوت فى بلدنا وأنا وأخواتى بنحب التوت ونروح للشجرة ونهزها

ومرة وقعت من فوق الشجرة واتعورت وبابا ضربنى حتى الموت عشان ما أعورش نفسى تانى
:))))

Fri Jan 26, 03:14:00 PM GMT+2  
Blogger tota said...

سمراء
فكرتينى بالذى مضى
اصلى بحب التوت جدا بصراحة مقدرش اقاومه فى اى حتة لكن عمرى ما جاتلى الجرئة اعمل الشقاوة دى
بس كنت بسخن حد يعمل كده
اناشد فيه الرجولة والنخوه واسيبه يحدف الشجر بالطوب وانا اكل مع الشكر ونظرة الامتنان وده اخرى بصراحة

بس ضحكتينى يا بنت الايه

تحياتى

Fri Jan 26, 03:52:00 PM GMT+2  
Blogger وله نهايه said...

يع
اسهال
حلو المواقف الجميله دي
بس خلي البوست اقصر من كده شويه لاني مش بحب استمر في موضوع واحد كتير
اوقات سعيده

Fri Jan 26, 07:27:00 PM GMT+2  
Anonymous linda said...

هههه شو ياسمرا كل هاد بيطلع منك

وشو امل وشو اميرة على فكرة انا كمان عندي مقالب مشابهة بس ماعندي الجراءة في طرحهم

بضحك عليهم احيانا بس عن جد والله حلوة الفكرة وصرت خطيرة ياانجي انا بحب التوت ولية قصص معاه ومع الجيران

فكرتيني بايامي هلا صار كل شيء دكرى وانت كمان راح تفتكري هالشيء شيء يوم وراح تضحكي على عمايلك

ومابنسى بهني اميرة وامل على شجاعتهم معاكي وانهم كانو اعوان

راح سمي هالموقف بمغامرات انجي

ههه
تحياتي

Fri Jan 26, 08:17:00 PM GMT+2  
Anonymous linda said...

بس الغريب ياانجي انو امل واميرة معلقوش على البوست شو لساتو الأسهال مأثر فيهن؟؟؟

Fri Jan 26, 08:21:00 PM GMT+2  
Blogger 3rby said...

انا بس لي سؤال
انتي ازاي في بكالريوس ولسه بتلعبي كذا حاجة

Fri Jan 26, 10:18:00 PM GMT+2  
Blogger cat_eyes(همس الليل) said...

انجى
ازيك يا قطه
معلش انا غيرت لينك مدونتى لظروف غصب عنى
اولا بشكرك انك عملالى لينك عندك حقيقى لفته حلوه منك
دا لينك مدونتى الجديد


http://amoag-sa2ra.blogspot.com/
دا اللينك الجديد بتاعى

Sat Jan 27, 12:42:00 AM GMT+2  
Blogger smraa alnil said...

بين الامل والياس

يا ابني الي حصل دة تحس انه فيلم اكشن علي فيلم مرعب علي علي فيلم كوميدي مش تعرفلوا نهاية ولا بداية

انا كنت جبانة اوي علي فكرة بس الكلية بتاعتي بقي تعلم اي حد الجرأة
تربية رياضية بقي وبتلعب جمباز وحركات بقي
انا لو مش كان عندي عضلات كان زماني ايدي رخت ووقعتلك وقعه تمام
وزي ما قلت يا كسر يا ارتجاج مش ليهم تالت الا الموت
ههههههههههه انا مجنونة ماشي يا حازم
وبعدين بتسمع عن ايه التوت؟؟؟؟
هبقي افرجهولك فيديو
ههههههههه
توتاية تنزل في جيبك يا فقري
اهم حاجة انك لما تيجي تنسي الزعل عندي ودي اهم حاجة عندي
لايصة في الوسط ايه دي المفضوحة امل كانت قاعده بتضحك عليا
وبرضه انا الي انقذت نفسي
وعامة سلامك وصل لكل اللي انت قلتهم
ان شاء الله هتفوق
صدقني يا بدعيلك مووت
انت عارف اني مش هستغرب لاني عارفة بكل اللي انت بتمر بيه
وان شاء الله ربنا يسترها

___________________________

مااا علينااااا

اصل كن شكله مغري بجد
وبعدين انتي عارفة بقي ان الطفاسة من طبعي
كويس انها مش جت علي شجرة مانجا ولا حاجة
تصدقي العيال قالولي برضه كدة لما حكينالهم
ان مخي مش بيشتغل غير في الاكل وبس
ههههههههههه
يا بنتي احنا كلنا يجي طن توت
احمدي ربنا انا مازلنا علي قيد الحياة

Sat Jan 27, 12:58:00 AM GMT+2  
Blogger smraa alnil said...

ironcopra

هههههههههههههههههههههههه
دي قصتك دي غلبت قصتي
اهو عشان تحرم تعمل زي ادهم صبري
بس اوعي تقولي انك رجعت تقف تاني علي السور بعد العملية الرهيبة دي
لا بجد عملية انتحارية
بس ايه يا عم القلب الجامد دة
مظلات وارتفاعات
وتقع من الدور التالت
هههههههههههههههههههد

___________________________

ساعة غروب

عايزة تشوفيها لايف تعالي الكلية عندنا وشوفيني وانا بطلع علي الشجرة وانتي تشوفي الاحداث كما هي
بس مش هيبقي معانا لا امل ولا اميرة

وحياتك اول ما بشوف شجرة توت بقعد اضحك وافتكر اللي حصل
ولا يخلو الامر من ني ممكن امد ايدي واكبشلي شوية توت واكلهم من غير غسيل
مانا بطني متحصنة بقي
ههههههههههه

Sat Jan 27, 01:02:00 AM GMT+2  
Blogger smraa alnil said...

ما علينا

انتي يا بنتي عايزة تتعلمي
لازم امرنك عيل الجركات ديعشان تتطوري شوية وتنطي من الدور الاول بتاع بيتكم
انا بقي مش ليا في كليات مصر دي اصل الاسوار بتاعت البلكونات اللي عندنا كلها حديد

طب نصدقي ان كدة عيب يعني متربية علي قصص نبيل فاروق وبتنطي من تاني سلمة
___________________________

سجين في قلب الوطن

هههههههههههههههههههههه

ما هو باقي اقرود اتعلموا النظرية ومش حبوا يشتركوا
وبعدين سباطة الموز دي في العهد القديم الدنيا بتتطور يا طارق
هههههههههههههه

اه شفت العيال كلهم يا طارق بلا استثناء شاوروا عليا
اشتروا نفسهم وباعوني

هههههههههههههههههه

لالالالالالالا
احنا غسلنا التوت في حمام العميدة المقفول بالقفل
ههههههههههههههه
انا كودي ودولسي والله وحشوني جدا
انا مش عندي دولسي ابقي ابعتهوملي
تشااااااااااووووووووووززززززززززز

Sat Jan 27, 01:04:00 AM GMT+2  
Blogger smraa alnil said...

اماني

سلامتك من البكا يا اماني
ما هو هتلاقي بكا وهتلاقي ضحك
ما هي اي حاجة بقي
المهم ابقي تعالي تاني بجد
__________________________

ادم المصري

ههههههههههههههههههههه

يا عم قول اللي انت عايزه
المعيدة دي هناك في الكلية
انما خلي البساط احمدي بينا بقي

ههههههههههههههههه
انت والله اللي مش ليك حل
والله بفرح لما بلاقي تعليق ليك
مش تتاخر بقي

Sat Jan 27, 01:05:00 AM GMT+2  
Blogger smraa alnil said...

بيسوو


هههههههههههه
اصل انا برضه مش عرفت التوت ولا دوقته قبل كدة الافي الكلية فحبيته اوي
اصل البوست بتاع غسيل التوت دة فضيحة
والناس اصلا فهمتني غلط والموضوع مش ناقص
وبعدين توم كروز يجي جنبي ايه بعد اللي انا عملته
هههههههههه
دة انا كنت ولا سوبر مان في زمانه
___________________________

soul

ازيك الاول
بجد طفسة بس مش علي طول والله يا سول
هي لحظات بتضرب معايا في نافوخي كدة

Sat Jan 27, 01:07:00 AM GMT+2  
Blogger smraa alnil said...

مونلتي النولتي كونولتي

يا بنتي مش بتوحم
بس هي ضربت معايا كدةوالمغامرات جابت بعضها
المشكلة اني مش بلاقي ولا فكهاني بيبيع توت
بلاقي ناس في الشارع قاعدين ي الشارع وكنت بقرف اوي
ووحياتك كنت بكله من الارض بترابه
ههههههههههه
المهم انك ضحكتي
ولما انا انفع في ابتاع اللي انتي قلتي اومال ليه مش بياخدوني
يا بنتي مش في حد عارف قيمتي في ام البلد دي
___________________________

اودي

ههههههههههههههههه
ايه علاقة البرتقال باللي انت بتقوله يا اودي
والله عارفة انك غلبان ومش من هنا كمان
زي انا والواد حازم
المهم انك تضحك بجد
سيبك انت من اي حاجة
المهم اللي يتخاف منه اني انكد عليكم تاني
وعلي رايك عادي بقي

Sat Jan 27, 01:08:00 AM GMT+2  
Blogger smraa alnil said...

utopian

وحياتك ولا ايدين دي ببتهبر بس
هههههههههههههه
___________________________

القهوجي

التوت خلص من الشجرتين يا قهوجي
كان نفسي تبقي معانا وانت كنت هتموت من الضحك علينا
سميني اللي انت عايزه
اهو كله برتقال
هههههههههه
والله الشجرة دي شافت مننا حاجات كتير بعد كدة
ما احنا بقينا خبرة بقي
عامة انا مستنية التوت السخن

Sat Jan 27, 01:08:00 AM GMT+2  
Blogger smraa alnil said...

محمد عبد الغفار

مانا مش كنت عارفة انك هتكون موجود لو اعرفك قبل كدة كنت جبتلك غصن توت بحاله
___________________________

مكسوفة

والله انتي اللي زي العسل
مش عايزاكي تزعلي من تعليقي عندك
انا بحبك والله

Sat Jan 27, 01:09:00 AM GMT+2  
Blogger smraa alnil said...

اووووووسا

اترفدتي
ليه
انا عايزة اعرف ليه بقي
وابقي قوليلي علي النت وانا مش هقول لحد :)
شمشونة ولي لي بيسلموا عليكي اوي
هههه
___________________________

انا حرة

سلامة بطنك يا اختي
اضحكي انتي وانتي لو كنتي شفتيني مش هتصدقي اللي بيحصل دة
وحياتك قعدت رئيسة شعبة اربع سنين
وكنت بعمل العجب
دة انا محتاجة يجي عشرين مدونة كدة علي بعضها عشان اكتب عن اللي كنت بعمله
لا وحياتك غسلتوا في حمام العميدة اللي كان مقفول بالقفل وبوابة القصر اصلا مقفولة
ههههههههههه
البت اتهزئت من الدكتورة وخدتلها كلمتين
وطبعا تاني يوم انا مش رحت واليوم اللي بعده الدكتورة نفسها مش جت
وبعدين الموضوع اتنسي بعدها بقي باسبوع الدكتورة شافت اميرة وطلبت منها رئيسة الشعبة اللي هي انا
رحتلها وقالتلي انتي كنتي فين الاسبوع الي فات
قلتلها يا دكتور انا خلصت تمرين مع البنات ومشيت ومشيت كل البنات معايا
قالتلي لقيت بنت من شعبتك بتلم توت
قلتلها مين دي
طلعت ورقة وقرت اسم اميرة
قلتلها ادا ازاي يا دكتور
عامة انا هروح اشوف الموضوع دة بس مش تزعلي نفسك يا دكتور وسبيلي انا الموضوع دة
هههههههههههههههههههههههه

وانتي لازم تشرديلي يعني عند باباكي ومامتك واخواتك
ههههههههههه

عامة هعمل التاج
ان شاء الله

Sat Jan 27, 01:11:00 AM GMT+2  
Blogger smraa alnil said...

انا حرة

علي الاقل احكي عن مغامرة واحدة زي مانا بعمل كدة
وانتي بجد وحشاني وانبسطت اوي اني سمعت صوتك
وبجد اشتقت اني اشوفك
__________________________

كوبا

هههههههههههههه
بتضحك يا كوبا عليا
مانت لو كنت معانا كنت هخليك تطلع انت الشجرة واحنا اللي هناكل مش انت الراجل بقي
ايام شقاوة ايه يا ابني انت في ثانوي
هههههههههه

Sat Jan 27, 01:13:00 AM GMT+2  
Blogger smraa alnil said...

epitaph

الحمد لله جت سليمة
بس مش هقولك بقي علي اللي انا بعمله
انتي عارفة زورونا تجدوا ما يسركم
الحمد لله جت سليمة
___________________________

عمرو احمد

عمووووووووور

وحياتك الكلية كلها كانت سيرك بالنسبة ليا وعمليات مكافحات باي نوع
الدكتورة لو كانت بصت بس لفوق
كانت قفشتني
بس ربك سترها
وحياتك كنت باكل التوت من الارض
ههههههههههههه

Sat Jan 27, 01:17:00 AM GMT+2  
Blogger smraa alnil said...

سمباتيك

هههههههههههههههه
انا مش عارفة ايه حكاية الصينية اشمعني يعني هي اللي معلقة معاكم
ههههههههههه
وحياتك لحد ما اتخرجنا تحسي اننا عيال في حضانة
هههههههههههه
ملعب الفولي بلاط مش فيه شجر
بس ملعب الوثب الطويل والوثب العالي فيه شجرة عنب
ههههههههههههههه
___________________________

اسامة ياسر

والله يا اسامة انا مش عشت طفولتي الا وانا كبيرة عشان كدة في ناس بتعيب عليا كتير
باني كبيرة كدة وعقلي وتصرفاتي طفولية
يا لهووووووووي تخيل لو صحيح كانت شافتني بجد مش عارفة كان ايه اللي هيحصلي بجد كنت ممكن اترفد
ومش اتعين في الكلية وتقديرات السنين كلها تطير مع ورق شجر التوت
بجد انا مبسوطة انك بتابعني علي طول

Sat Jan 27, 01:18:00 AM GMT+2  
Blogger frozen love said...

انا سبتلك تعليق...بس انتي سقطتيني في الرد
lol..wla yhmk..ana bs knt b2k nice post...cu isa

Sat Jan 27, 01:24:00 AM GMT+2  
Blogger we2am said...

يا فااااااااقر :D
طبعا انا اتجاب من الارض دلوقتي علي كمية الضحك دي..بس اشطة عالمغامرات,,خلي بالك لحسن لوكانت بصت فوق كنتي اتزبطي :D
وبالهنا والشفا :)

Sat Jan 27, 01:41:00 AM GMT+2  
Blogger bosbos said...

ده ذنب إللى عملتيه في الريس البوست إللى فات..هههههه..لأ حقيقى سلامتك

Sat Jan 27, 01:58:00 AM GMT+2  
Blogger elkamhawi said...

جامد البوست قصدى المغامرة لا قصدى التوت لا قصدى اميرة
وبعدين مصير اللى اتاخد اسمها دى اية؟
ننتظر المزيد من هذه لمغامرات وعلى فكرة اقترح انك تنزليه فى كتب سلسلة سمرا للجيب

وشكراً للسؤال

Sat Jan 27, 04:15:00 AM GMT+2  
Anonymous Anonymous said...

طبعا يا سمرا انا بقيت متابع ليكي من فترة مش عارف ليه ادمنت اني اتابع كام مدونه و اتخنق لو لقيت البوست زي ماهو من يومين مش اتغير انا عاوز كل يوم علشان مش ازهق لوسمحتي
انت عارفه احسن حاجه الواحد يعملها الهبل اللي علي كبر
هو الواحد اللي بيفتكرة طول عمرة
وانتظري افتتاح مدونتي الجديده وانت طبعا ابقي شرفينا هناك

اسامه

Sat Jan 27, 01:53:00 PM GMT+2  
Blogger islamz said...

ههههههههههههههههههههههههه
يخرب عقلك .. ايه البلاوى دي يا بنتى
عارفة انتى فكرتينى بحاجة حصلتلى ايام ثانوية عامة .. كان عندنا درس فى سنتر من سناتر الدروس مع مدرس من المدرسة بتاع كيميا .. ومانت مراجعة ليلة الامتحان .. وكنت انا وواحد صاحبى فى ثانوية عامة بلوة من بلاوى الزمن .. الراجل واحنا فى الدرس قاللى يا اسلام خد مفتاح العربية وهاتلى ورق المراجعة من العربية هتلاقيها قدام السنتر بشوية .. قلتله حاضر بس هاخد اكرم معايا عشان الورق اكيد هيبقي كتير .
قاللى بس بسرعة بقي يلا رحت انا والواد اكرم صاحبي وطلعت فى دماغنا اننا ناخد لفة بعربية الراجل .. ههههههههههه
والله زى ما بقولك دخلنا العربية ودورت المفتاح دارت العربية وطلعت بيها على الشارع والعربية تنط وبتعمل حاجات غريبة كنت لسه مش متعلم سواقة .. والواد اكرم يضرب الناس فى الشارع من الشباك .. واحنا نضحك وفات بتاع 10 دقايق او ربع ساعة كدة وقلنا نرجع بقي .. ورجعنا لقينا منظر مرعب . الراجل المدرس واقف بره السنتر ومعاه كل الطلبة واللي بيشتغلوا فى السنتر وبيصوت ويقول العيال سرقوا العربية والله لوديكوا فداهية .. العربية راحت .. ههههههههههه
وشافنا واحنا جايين من اول الشارع
لقيناه جاى علينا جري .. يقولنا انزلوا من العربية يا حيوانات .. انتوا منتوش نافعين انا هوديكو فداهية واحنا مسكتنا كريزة ضحك من منظر الراجل وشه احمر وبقي شكله عجيب .. وحلف علينا منخشش المراجعة بتاعة ليلة الامتحان ... وجه على دماغنا فى الاخر انا جبت 24 من 50 فى الكيميا واكرم شالها ودخل دور تانى ... هههههههههههه
بس كانت ايام حلوة ... لو افتكرت بلاوى تانية هقولك على طووول ..

على فكرة انتى وحشتييينى اوى والله ..
وفرحت لما لقيتك سألتى عليا ودعيتيلي فى الامتحانات .. ربنا يخليكى ليا يا رب ...

تحياتى لاختى العزيزة ... سمووووورة :]

Sat Jan 27, 04:35:00 PM GMT+2  
Blogger ahmEd_H said...

يا حرامية التووووووووووووووت

انا عارفاكم يا بتوع المنصورة

يعنى سرقتى الكور و سرقتى الصينية و سرقتى التوت و مش عايزة تتعبى تانى يوم

انتى رجعتنى لايام زمان ايام التوت و البلح و المانجة و الجوافة و الله كانت اياام عسل

الجزء التانى حينزل امتى بتاع الغسيل

Sat Jan 27, 06:31:00 PM GMT+2  
Blogger pegasuselmasry said...

انتى ايه الى بتكتبيه ده

ايه ده

انا مش عارف اوقف نفسى من الضحك
حرام عليكى
حرررررررراااام

اخلص ضحك و ابقى ارجعلك

سلام

Sat Jan 27, 08:54:00 PM GMT+2  
Blogger pegasuselmasry said...

انتى ايه الى بتكتبيه ده

ايه ده

انا مش عارف اوقف نفسى من الضحك
حرام عليكى
حرررررررراااام

اخلص ضحك و ابقى ارجعلك

سلام

Sat Jan 27, 08:54:00 PM GMT+2  
Blogger بنوتة said...

حلو اوى البوست

لذيذ سمرة
ممكن تبعتى ليا شويت توت

Sat Jan 27, 09:44:00 PM GMT+2  
Blogger smraa alnil said...

همس الليل

وحياتك انتي تحمدي ربنا وتبوسي ايدك وش وضهر اني عرفت اعمل مدونة
احولها لجوجل ازاي يعني
انا مش فاهمة
وبعدين يا فقرية طول عمرك بتبعتيلي كومنات عايزة تعقديني وتقوليلي حولي
ما اكيد طلعا هقولك مش هعرف
ههههههههههههههه

انتي عندك حساسية من التوت
كنت هطلع اجيبلك توتاية من الشجرة
_________________________

اخف دم

ايه بقي ام التعليق دة وبعدين انت بتطلع عليا ام خنقتك يا اشرف
وبعدين الي شافتوا ام زميلتي في ام حمام السباحة كان ام شبح مجهول
عشان نضحك بيه علي ام العسكري
وبعدين انا اللي بشتم مش انت
ههههههههههههه

Sun Jan 28, 12:56:00 AM GMT+2  
Blogger smraa alnil said...

مزمز

هي الصينية اللي شاغلة دماغكم
هههههههههههه
يا لهوي يا ممزمز
بقيت متشردة
هو اي نعم انا متشردة
بس والله مش بكذب
وبعدين دي سرقه كان ليها غرض شريف
ههههههههههه
والطفاسة دي بقي انت عارف بتوع تربية رياضيا بياكلوا ازاي
وموضوع الاسهال دة والله ما ليا دخل فيه
هههههههههه
انا رحتلك بقي هناك
___________________________

بجابيجو

انا هنا يا حاجة
عامة انا خلاص اتلمت معاكي بقي
هههههههههههههههه
هشوفك بقي اوكي

Sun Jan 28, 12:56:00 AM GMT+2  
Blogger smraa alnil said...

the eagles

بجد انبسط بتعليقك
بقالك كم مدة مش بتيجي ليه
وعيونك اخبارها ايه

ودي شهادة اعتز بيها من وجهه نظرك الصحفية
ههههههههههههههههههههههه
طبعا خسروا لاعب نخضررم زيك وعشا كدة خسروا
ربنا كؤمك ويخليك
سلام
___________________________

دينا فهمي

انتي فينك يا بنتي
بقالك فترة مش باينة

Sun Jan 28, 12:56:00 AM GMT+2  
Blogger smraa alnil said...

انسانة

بعد الشر عليكي يا قمر

يا بنتي الرياضة مش ليها علاقة بالموضوع دة
هي الطفاسة منها لله
واغراءات التوت كانت جامدة عليا ولا اقدر اني اقاومها
ههههههههههههههههه
شفتي اخرتي بقيت شجرة توت
هههههههههه
_________________________

مانو

اهم حاجة ان الموضوع يطلع سر بيني وبينكم
ومش في حد يعرف بيه
ودة العشم برضه

المهم انك ضحكتي وبعد الشر عليكي

Sun Jan 28, 12:57:00 AM GMT+2  
Blogger smraa alnil said...

الدمعه

الاول ارحب بيكي علي زيارتك دي
وياريت تشرفيني تاني
انا مش كنت اعرف انها جرأة بس كنت فاكراها عادي يعني
هههههههههههه
نورتيني
___________________________

لميا محمود


بتضحكي عليا يا لميا وانا متعلقة كدة زي الدبيحة ماشي
اه والله ربنا بيحبنا عشان مش اترفدنا
دي لو الدكتورة بس لمحتنا من بعيد كنا رحنا في الازوزة
ههههههههههههه

Sun Jan 28, 12:57:00 AM GMT+2  
Blogger smraa alnil said...

loin king

ياااااااااااااه انت فينك يا ابني
مش بشوفك اونلاين ليه
المهم سلامة بقك يا قمر
ههههههههههه
هنقلد بقي ونقول فكرتبنا بايام الشقاوة وانت اخرك تجري ورا عربية رش
ههههههههههههههه
انا الحمد لله انت بجد بقي ايه اخبارك
___________________________

moro

ههههههههههههههههههههههههههه
ايه الخيال الواسع دة
وبعدين دة اللي حصلي ارحم من فيلم الكرتون اللي انت قلته دة

Sun Jan 28, 12:57:00 AM GMT+2  
Blogger smraa alnil said...

frozen love

هيييييييييييييييييييييه انت جيت
المهم انك تنجح ان شاء الله
وانت ايه اللي دخلك كليتنا
مصيبة لتكون فاكرني في الهرم فيصل
يا ابني انا كليتي في الجزيرة

المهم اني الاقي امضتك عندي علي طول ومش تيجي متاخر بقي
هنشوف القتيل اللي هنا
___________________________

dead man

ربنا يرزقك انت بابتسامة تتحفر علي وشك
ههههههههه
ربنا يخليك ليا يا ولا

Sun Jan 28, 12:57:00 AM GMT+2  
Blogger smraa alnil said...

تسنيم

وحياتك انتي حقيقة
دة انا حتي مش رضيت اجيب بعض التفاصيل الاخري
هههههههههه
انا بقيت ملكة القرود هههههههههههههههههههه
الله يجبر بخاطرك يارب
هههههههههههههه
نورتيني
___________________________

barracuda

هههههههههههههه
اهو الاهال اهون من العصايا
اص كله هيبقي سالك برضه
اول مرة اعرف ان اسلوبي هو السهل الممتنع دة
المهم انها عجبتك
علي فكرة انا زرت مدونتك وعان البوست طويل بقرا كل شوية فيه جزء بما انك فاصل كل جزء لوحده عن المافيا الاجنبية

Sun Jan 28, 12:58:00 AM GMT+2  
Blogger smraa alnil said...

ياسمين

ههههههههههههههههه
يعني لو انتي مش اتعورتي هتتعوري من ضرب باباكي
ربنا يسعدك يا قمري يارب
وسلامة من الضرب
حاكم انا عارفة باباكي ايده طارشة
مش بتسمع هههههههههههه
___________________________

توتا

ههههههههههههههههه
اهو انتي بقي كدة غلبتيني اموت انا في السهن دة
يا بنتي بجد احلي حاجة انك تكوني رايقة كدة
وتاخدي كله علي الجاهز
مش احنا اللي فضلنا ميتين علي توتاية
اهم حاجة تضحكي بجد

Sun Jan 28, 12:58:00 AM GMT+2  
Blogger smraa alnil said...

وله نهاية

هو البوست مش كان بايدي انه يكون طويل
بس اعتقد انك لو قريت القصة من اولها لاخرها مش هتحس انه طويل خصوصا لو عشت معايا اللي حصلي هههههههههه
شرفتني بجد ونورتني جدا
___________________________

ليندا

هههههههههههه وحياتك يا ليندا انا شخصيا مش تخيلت انه يطلع مني كل دة ههههههههههههه
لا حاولي تطرحي ذكرياتك بجد هتبقي جميلة
خلاص طالما بتحبي التوت راح اطلعلك الشجرة واجيبلك توت كتير منه
مانا بقيت خبرة بقي
امير اه لكن امل قعدت تضحك عليا هههههههههههههههه
تصدقي ان صحابي كمان مسمينا مواقفي بمغامرات انجي
ولما بكون مع امل بيسموها مغامرات امل وانجي

Sun Jan 28, 12:58:00 AM GMT+2  
Blogger smraa alnil said...

ليندا

اميرة مش من القاهرة اصلا دي من المنوفية ومش ليها اي علاقة بالنت
وبصراحة بعد ما خلصنا الكلية وانا ما اعرف عنها اي حاجة لانها غيرت ارقامها ومش عارفة اوصلها
اما امل فدي بقي مش تعرف اني بكتب عنها
ومش تعرف ان ليا مدونة اصلا
ومش في اي حد من اصحابي يعرف ان ليه مدونة
___________________________

همس الليل

ازيك يا رفيقتي

يا تري ايه هي الظروف دي
وبعدين بتشكريني علي ايه يا عبيطة
دة شرف ليا اني احط لينكك عندي
بس علي الله تكون الظروف دي خير

Sun Jan 28, 12:59:00 AM GMT+2  
Blogger smraa alnil said...

frozen love

لا طبعا انا مش اسقطك في الردود
انا اصلا مش كنت رديت
انا رديت علي مجموعه من الناس وانشغلت ومش عرفت ارد علي الباقي
وطبعا مش اقدر اغفل تعليقك تبقي بتهزر بقي
المهم ابقي تعالي بقي
هههههههههه
___________________________

وئام

ياااااه اخيرا يا بنتي نورتيني
اتزبط؟؟؟؟؟؟؟؟
دي كانت هتظبطني ولا اجدعها مجرم بيتعذب فيكي يا سجون مصر
ههههههههههه
المهم انك ضحكتي عليا وانتي لو كنتي شفتيني فوق الشجرة كنتي هتعيطي عليا
ههههههههههههههه
هنا ايه وشفا ايه
انتي جاية تقوليلي الكلمة دي بعد تقريبا 3 سنين هههههههههههههه

Sun Jan 28, 12:59:00 AM GMT+2  
Blogger smraa alnil said...

بوسبوس

هههههههههههههه
انا برضه بقول ان دة ذنب الريس
الله يسلمك يا جميل بس علي ايه؟؟؟؟؟؟؟؟؟؟؟
:)))

___________________________

القمحاوي

يااااه
انت زعلان مني ولا حاجة يا ابني
اميرة خدتلها كلمتين يا سيدي
وانا بقي قعدت يوم مش بروح والكتورة تاني يوم مش جت
والاسبوع اللي بعده شافتني وحققت معايا وانا طلعت اميرة غلطانة
ههههههههههه
اصحاب بقي
ههههههههههه تصدق فكرة السلسة دي
جامدة واهو الواحد يكسب منها سبوبة عيش
العفو طبعا بجد اصلي قلقت عليك

Sun Jan 28, 12:59:00 AM GMT+2  
Blogger smraa alnil said...

اسامة ياسر

ههههههههه ايوة بتلمح لايه يعني
قصدك اني اغير البوست
هغيره حاضر بس المشكلة ان جوايا افكار كتيرة كلها بتجري ورا بعض وبجد مش عارفة امسك ولا واحدة فيهم
طبعا هكون اول واحد تشرفك :)) بس ابقي قولي اول واحدة بقي
___________________________

اسلام

مبروك الاول علي الامتحانات يا جميل

طب انا كبيري سرقت صينية وتوتبت علي سرقتها وانا متعلقة علي الشجرة
تقوم انت تسرق عربة بحالها يا حررااااااااامي
هههههههههههههه
بس بجد مش عارفة جالك قلب تضحك بعد مالراجل شافكم ازاي
دة انت تحمد ربنا ان انت مش سقطت في المادة زي صاحبك
يا فقري
عامة تستاهل
هههههههههه
كل ما تفتكر حاجة قولهالي
ماشي
وانت والله واحشني ابقي تعالي اونلاين بقي عشان ابقي اشوفك
اي خدعه بقي دة انا كنت بثبتك

Sun Jan 28, 12:59:00 AM GMT+2  
Blogger smraa alnil said...

ahmed_h

هههههههههههههه
اولا انا لا اسمح ليك انك تقولي يا حرامية التوووووت لامي مش حرامية توت



انا حرايمة الصينية
ههههههه
موضوع الغسيل دة بقي مش عارفه هنزلوا امتي و ازاي
وكفاية الفكرة اللي اخدتوها عني
هههههههههههه
__________________________

بيجاسوس المصري

هيييييييييييييييييييييه
انت جيت وخلصت امتحانات صح
الف مبروك يا ريس
عامة اضحك من قلبك بجد وانا مستنياك
مش تتاخر
سلام
___________________________

بنوتة

يا سلام انتي تأمري
بس المرة دي بقي الصنية عليكي انتي
شرفتني يا قمر وابقي تعالي تاني بقي
هتلاقي المرة الجاية مانجا هههههههههههه

Sun Jan 28, 01:00:00 AM GMT+2  
Anonymous Anonymous said...

انت يا سمرا مش فهمتي كلامي
انا بقولك انا عاوز بوست جديد كل يوم مش كل مافتح المدونه الاقي نفس البوست
اكتبي كل يومين علي الاقل علشان انا بزهق لما البوست بيفضل كتير في المدونه
انا عاوز الجديد يا سمرا
-----------------------------------

وانا قاعد افكر في البوست بتاعك وبما أني دكتور اكتشفت
ان انت الحلقه المفقودة بين الانسان و القرد و ياخسارة مات داروين قبل مايقابلك او يقرا البوست
لانه لو كان قري كان زمانه لقي الحلقه اللي بيدور عليها

اسامه

Sun Jan 28, 02:03:00 AM GMT+2  
Blogger el2ahwagi said...

ezayik ya samra ...
oops ... 2asdi ya toota .. ! lol

bashoof akhbarik bas ... watamen 3alshagara .. :)

Sun Jan 28, 08:34:00 AM GMT+2  
Blogger el2ahwagi said...

ana gayib el toot elsokhn...
gaybo w gai bas 3ashan ana el comment raqam 100 ...

lol bas khalas .. !

Sun Jan 28, 08:35:00 AM GMT+2  
Anonymous Anonymous said...

دة مشهد مسرحي واقعي بيفطس من الضحك
هههههههههههههههه . تصدقي و الله ضحكت من قلبي مع اني لسة مغموم بخبر يكئب علي الصبح :) , بس لو كنت اعرف كنت عايز شوية ورق توت لزوم دود القز و اهو انتي كنتي فوق و تكسبي ثواب في الدود
اصلا واحشاني مش عارف انتي مختفية فين بقالك كام يوم و مقولتليش رايك في شعر علي سلامة . يلا بقي مسير الحي يتلاقي

Sun Jan 28, 11:24:00 AM GMT+2  
Blogger smraa alnil said...

اسامة

والله ما فهمتك غلط
وانا وضحت اني بجد مش عارفة اكتب جديد من كتر الافكار اللي بتجري ورا بعضها
عامة هنزل النهاردة واحد جديد

بالنسبة بقي للحلقة المفقودة
هههههههههه
الله يرحم ايامك يا داروين
تفتكر ان انا اللي اثبت ان الانسان اصله قرد
هههههههه
___________________________

القهوجي

ازيك يا مان
هههههههههه تصدق حلو اسم توتا اوووووووي
والله عجبني
حسيت فيه كدة اني صغنتته
انا الحمد لله
معلش مش عرفت اجي عندك تاني

Sun Jan 28, 11:51:00 AM GMT+2  
Blogger smraa alnil said...

القهوجي

جدع انك قفلتهم الميا
عامة اهم حاجة التوت السخن دة بطعم ايه؟؟؟؟؟؟
___________________________

محمد فكري

اهم حاجة تكون ضحكت بجد من قلبك يا محمد
خير بس ايه اللي كئبك علي الصبح كدة
انت بقي مش قلتلي علي موضوع دود القز دة
ولو كنت اعرف كنت سرقتلك صينية تانية جمعتلك فيها ورق توت
هههههههههه
عامة انا مش مختفية ولا حاجة بس مشغولة شوية
ربنا يسهل واظهر علي الساحة والشاشة العربية
وانت نسيت اني قلتلك راي في شعر علي سلامة ولا ايه
يلا الدنيا ضيقة برضه
ههههههههه

Sun Jan 28, 11:51:00 AM GMT+2  
Blogger pegasuselmasry said...

الحمد لله خلصت ضحك
بس بالحق يا سمراء
هى وهيبة طلعت امتى على الشجرة و بقت فوقها

و متخافيش محدش هيعرف الموضوع بس مصر كلها اللى عرفت و مفيش حد تانى هيعرف

Sun Jan 28, 12:19:00 PM GMT+2  
Blogger The Eagles said...

على فكرة كمان السنة اللى بعدها لعبت معاهم وكنت انا حارس مروة
كان كل اللى يسالنى مهمتك ايه فى الماتش دة اقولهم حارس مروة
هههههههههههههههههههه
والسلام.........

Sun Jan 28, 06:40:00 PM GMT+2  
Blogger The Eagles said...

ومعلش بقى سبب اختفائى المفاجىء هى حاجة بعيد عنك وعن السامعين كلهم اسمها الامتحانات ودى اخر سنة عندى ومحتاج اجيب تقدير عشان يبقى التقدير العام كله جيد بس مش جديا لانى كنت بستهبل فى اولى وثانية

والسلام..........

Sun Jan 28, 06:58:00 PM GMT+2  
Blogger أميرة ويلز said...

ههههههههههههههههههه

يخرب عقلك ياانجى دة دماغ وجرأة

انا مت من الضحك

انا نفسى اعرف بجد غسلتوه ازاى

ميرسى على شوية الضحك دول بجد ربنا يخليكى للشعب

ههههههه

Mon Jan 29, 05:26:00 AM GMT+2  
Blogger smraa alnil said...

خلصت ضحك يا بيجاسوس
طب تعالي بي علي الجديد عشان ليك تاج يا حلو
يا ابني وهيبة طلعت الشجرة لاننا في العصر الحديث
هي هتبقي تحت علي طول دة حتي مش يصح
اه ان كان علي مصر كلها مش مشكلة
المهم ان مش في حد يعرف تاني
___________________________

the eagles

ههههههههههه حارس مرة بحالها
كويس انك مش بقيت حارس دينا او ابتسام هتبقي مسئولية عليك بقي
هههههههههههه والله انت اللي فقر

Mon Jan 29, 04:13:00 PM GMT+2  
Blogger smraa alnil said...

خلصت ضحك يا بيجاسوس
طب تعالي بي علي الجديد عشان ليك تاج يا حلو
يا ابني وهيبة طلعت الشجرة لاننا في العصر الحديث
هي هتبقي تحت علي طول دة حتي مش يصح
اه ان كان علي مصر كلها مش مشكلة
المهم ان مش في حد يعرف تاني
___________________________

the eagles

ههههههههههه حارس مرة بحالها
كويس انك مش بقيت حارس دينا او ابتسام هتبقي مسئولية عليك بقي
هههههههههههه والله انت اللي فقر

Mon Jan 29, 04:13:00 PM GMT+2  
Blogger smraa alnil said...

the eagles

انت هتقولي علي موضوع الامتحانات دة
هجربها يا خويا بس ادعيلي انت بس وانا ادعيلك
وبعدين بطل تستهبل كتير دي ظاهرة غير صحية
ربنا معاك ويوفقك يارب
___________________________

اميرة ويلز

اضحكي يا اختي ماهو انتي اللي مش متشعلقة علي الشجرة
ربنا يكرمك يارب
تحبي اجيبلك توت
انا فداء الشعب
اومال انا موجودة ليه ماهو عشان االشعب
ههههههههه

Mon Jan 29, 04:14:00 PM GMT+2  
Anonymous ahmedndn said...

enty meneen ya samraaa???????????

Thu Feb 22, 01:53:00 PM GMT+2  
Blogger smraa alnil said...

ahmedndn

ana men hena ya ahmed
msh wa7`ed balk wla eh

Mon Mar 05, 05:18:00 PM GMT+2  
Blogger كلمات من نور said...

ههههههههههههههههههههه أضحك الله سنك

على فكرة انا باموت في التوت ولي معاه مغامرات برضه بس انا كنت باقف تحت القفه مش فوق الشجرة يا سمراء النيل

Tue Nov 23, 03:28:00 AM GMT+2  
Blogger Lamiss Ibrahim said...


افضل موقع متخصص في اعمال الحديد والاستانلس
http://decor-ksa.com/
https://decor-ksa.com/doors-gallery/
https://decor-ksa.com/laser-railings/

Tue Nov 22, 04:15:00 PM GMT+2  

Post a Comment

Links to this post:

Create a Link

<< Home