Saturday, March 10, 2007

تعالو يكون لينا قيمة بجد

ههههههههههههههههههههههههههههههههههههه
النهاردة كنا 60 مدون ومدونة
مش مهم الاسم مين ولا عنوان اللينك
يكفي اننا كنا مع بعض
اتكلمنا كتير اقترحنا كتير
ضحكنا كتير
وناس اول مرة تشوفني وتشوف غيرنا
كسرنا حواجز المجهول
وحطينا وشوشنا علي مدوناتنا
في اللي تشوفه تقول دة مدونته
وفي اللي تشوفه تقول شكله مختلف
بس اي كان احنا شفنا بعض
كنا النهاردة 60 مدون ومدونة
كل واحد منا طلع بفكرة او بنظرية اوبشخص بقي قريب منه
وفي اللي طلع باقتراحات اللي اتوافق عليها واللي سمع وسكت
ودة مش موضوعنا
احنا النهاردة نزلنا من بيتنا
دفعنا فلوس مواصلات
اللي شرب الشاي والنسكافية البيبسي
يعني اقل حاجة دفعها 5 جنية
رسمنا ابتسامه علي وشوشنا
حسينا بالرضا لما لقينا اعجاب كل واحد بمدونة التاني
هتروح بيتك هتفتكر كلمة اتقالت هتخليك تنام وانت مبسوط
طب تعالوا يكون لينا قيمة صح

طفل زي اللي فوق دة
جايز يكون يتيم
مش لاقي بيت مش لاقي حد يقوله انا هنا ليك
دموعه نازلة بتعصر قلبي من الحسرة
هنخسر ايه لما ننزل برضه من بيوتنا وندفع مواصلات ونتقابل كلنا وهيلة بيله علي اي مؤسسة
او ملجأ
نرسم بجد ضحكة طفل
ونمسح دموعه
وناخده في حضننا

هتخسر ايه لما تجيب معاك بلوفر قديم نكسي بيه ولد صغير

تحميه من اي لسعه برد صغنتوتة تخش بين ضلوعه

تقعده علي حجرك وتقوله تيجي نلعب سوا

مش شرط يكون ملجأ

نروح لدار المكفوفين

نقرا للناس دي سواء كبيرة ولا صغيرة

نعلمهم شئ بجد

يستفادوا منه

نساعدهم ونمدلهم ادينا

ولا نستني اتبرع ولو بخمسة جنيه ولا طفل الصعيد اللي لازق جنب الحيط من البرد

انا بقول نروح لحد عندهم ونلاقي ابتسامة بتداعب ملائكة الرحمن

هنكسب ثواب

وهتروح مرتاح وحاسس انك بقي ليك قيمة بجد

حاسس انك عملت شئ يحسب ليك في حياتك واخرتك

مش يمكن لما تصاحب طفل صغير بدل اللعبة دي

يكون سبب في دخولك الجنة يوم من الايام

اطفال كتيرة اوي مش لاقية حاجة تلعب بيها زي البنوتة دي

من حقهم يحسوا ان هما ملكوا شئ من حقهم ياخدوه

الموضوع مش هيكلف كتير

هي رسوم دخول الدار او المؤسسة واعتبر نفسك بتجيب بيهم كوباية شاي

واخر اليوم باقي الخمسة الجنيه نديها للدار اللي رحناه

نجمع نفسنا زي النهاردة كنا 60 واحد وواحدة

تعالوا بجد نعمل خير

وبجد يكون لينا قيمة

ونرضي بيه نفسنا ونحس براحة وسعادة

هسيب ليكم حق اختيار اليوم

وانا هحدد المكان اللي هنروحه

ونتفق ونتجمع

يا تري مين معايا؟؟؟؟



Labels:

142 Comments:

Blogger ody911 said...

أنا مش معاهم انا معاكى


آه يا انجى بجد انا معاكى

الموضوع بجد كان فى بالى

وكان نفسى أعملوا


بس بالمناسبة ممكن نتبرع لشباب مصر إللى مش لاقى شغل برضوا بالمرة يعنى !!


وأهوة حسنة قليلة تمنع بلاوى كتيرة

بالتوفيق يا جميل

وانا من المؤيدين لى ولحكمى


وعادى بقة
أودى

Sat Mar 10, 01:22:00 AM GMT+2  
Blogger The Eagles said...

ياااااااا
انتى لحقتى


والسلام..........

Sat Mar 10, 01:36:00 AM GMT+2  
Blogger elkamhawi said...

لا بجد حلو قوى احسن من المقابلات اللى ..ولا بلاش ده انتو ستين واحد
بجد كدة ربنا يخليكى
كلنا معاكى

Sat Mar 10, 02:01:00 AM GMT+2  
Blogger زحل الفلكي said...

الله اكبر
ادي الافكار واللا بلاش

شوية شوية يا انجي ونظمي الموضوع
روحي جمعية اصدقاء معهد الاورام بتاعت مرضى السرطان

واعرفي منهم ممكن تساعديهم ازاي
مممكن يكون فيه ناس فاضية تعرف تروح تساعدهم وانا عارف ان الجمعية دي بترحب

روحي استفسري
ونظمي
واشتغلي
ودووووووووووووسي

الله اكبر

Sat Mar 10, 02:04:00 AM GMT+2  
Blogger micheal said...

معاكي يا انووج في اي فكره تفعل موضوع لقاء المدونيين و تخلي له أهداف نبيله و ساميه زي مساعده الاطفال
تحياتي لكي

Sat Mar 10, 02:09:00 AM GMT+2  
Blogger MoHaMeD HoSSaM said...

اى السرعة دا يا بنتى اهنا لسه سيبينك بس كويس انك عملتى البوست دا انا ان شاء الله زى ما قلتلك حجيب معلومات عن الجمعيات والملاجئ وحبقى ابعتهالك اوكى انا على فكرة ضفتك عندى بس متنسيش بقى يوم الثلاثاء السندوتشات

Sat Mar 10, 02:36:00 AM GMT+2  
Blogger محض روح said...

افكارك حلوه ياجميل
وربنا معاكى
وان شاء الله
نبقى كلنا معاكى

ربنا يوفقك
:))))))

Sat Mar 10, 02:40:00 AM GMT+2  
Blogger سجين فى قلب الوطن said...

بلغينى عن المكان لما تحددى

انجى كدا صح و شئ حقيقى فعلا

ربنا يوفقك

Sat Mar 10, 03:00:00 AM GMT+2  
Blogger frozen love said...

طبعا مش محتاج اقولك اني معاكي,,,انتي عارفة قد ايه انا بحب الاطفال

فما بالك اننا نساعدهم
اهو كده الكلام يا انجي..على رايك
يوم زي النهاردة لو كان لمساعدتهم كنت هارجع طاير من الفرح


انجي تاني مرة اقولك في تعليق انك جدعة اخر حاجة

Sat Mar 10, 03:03:00 AM GMT+2  
Blogger دكتور مستكنيص said...

أولا ياانجي كلامك ده بيخليني هعيط اني مجتش النهارده انا والله كنت هاجي بس خفت محدش يعرفني لاني لسه مبقاليش اسبوعين تلاته في المدونات فقلت ياواد اجلها للمرة الجاية انما انا بجد نفسي اتعرف علي كل واحد منكم لان مينفعش حد ميتعرفش باخواته
اما بالنسبه للفكرة دي فانا معاكي قلبا وقالبا قولي امته وانا معاكم والله كانت في بالي بس بشكل مثلا تبرع بالدم انما الشكل بتاعك ده اروع حددي وانا معاكم ولو أول اسبوع في الشهر يبقي لذيذ أوي

Sat Mar 10, 03:07:00 AM GMT+2  
Blogger The Eagles said...

معلش بقى عشان انا عندى مشاكل فى النت ابقى انشريهم انتى على ما النت يتظبط عندى هما تقريبا فيهم اخطا بسيطة وانا هبقى اتاكد منهم تانى
العدد كان 56 مدون زائد حوالى 4 جم معاهم

anooojy.blogspot.com

ssalah.blogspot.com

whiteseagull.blogspot.com

moorgen.blogspot.com

tota-tota.blogspot.com

looly-looly.blogspot.com

amdonia.blogspot.com

bikya.blogspot.com

10fthepeople.blogsome.com

misr-hya-omi.blogspot.com

a7ad.blogspot.com

hwahwa3.blogspot.com

mesharef.blogspot.com

waghtnazr.blogspot.com

newmido26.blogspot.com

oredoky-ontha.blogspot.com

meshmesh5000.blogspot.com

hosny45.blogspot.com

ahmedhelmasry.blogspot.com

thealien.blogspot.com

shidwik.blogspot.com

ramyemil.blogspot.com

cesbmoi-nadine.blogspot.com

pinsywinsy.blogspot.com

astronomystar.blogspot.com

day-light.blogspot.com

anaweana.blogspot.com

yme1.blogspot.com

3yl-shaky.blogspot.com

yakooot.blogspot.com

ahmedabomosallem.blogspot.com

tona5000.blogspot.com

m-rashed.blogspot.com

dabbor.blogspot.com

mos3abof.blogspot.com

kelmetfagoumy.blogspot.com

lamiaamahmoad4810.blogspot.com

fromgrave.blogspot.com

shadytommy.blogspot.com

hadontamasrya.blogspot.com

hearttrainer.blogspot.com

bent-sa3d.blogspot.com

3mkelhyah.blogspot.com

amirahass.blogspot.com

ahmedfouadeldin.blogspot.com

bassama.blogspot.com

ayoubelmasry.blogspot.com

ihapology.blogspot.com

madarati.blogspot.com

just-amira.blogspot.com

strugglingmichealitoo.blogspot.com

tigress-diaries.blogspot.com

shokeir.blogspot.com

amyasser.blogspot.com

raspoutine1.blogspot.com

hoba28.blogspot.com
انا هبقى انشرهم ان شاء الله لما النت يتظبط عندى


والسلام..........

Sat Mar 10, 03:18:00 AM GMT+2  
Blogger يا قلبي يا غريب said...

السلام عليكم
ليه...؟
هل الخير الذي فيكم هو الذي اوجد اللقاء ام اللقاء هو الذي اوجد الخير فيكم..ان لله و ان اليه راجعون
ليه.. لثالث مره...ليه؟
اعلمي و انا اقسم بالله ان هذا اللقاء المشئوم لن يعود عليكي بالخير بل بشيء اخر.شيء بعيد عن الخير بعيد عن راحه النفس بعيد عن صفاء الروح بعيد عن سمراء النيل حتي انه بعيد عن اي حاجه بقي... اسال الله العظيم رب العرش الكريم عن يبعد عنك شياطين الجن و الانس

ملحوظه..الكلام لكي وحدك..حتي لا يعلق عليه اي ناعق

Sat Mar 10, 03:40:00 AM GMT+2  
Anonymous Anonymous said...

انا معنديش بلوج بس بحبك اوووووووووي وبتعجبني مواضيعك جدا ينفع ابقى اجي معاكم هتقويللي ازاي انا ضيفت ايميلك عندي من يومين ابعتللي عليه وع العموم انا هحاول ابقى اعرف انا بجد جربت مواضيع الايتام والاسر المحتاجه وعيشت المواضيع ده سنتين مع اصحابي بس معاكم هيبقى له اكيد طعم مختلف ربنا يوفقك على فكره ثواب الناس بتوع البلوجات لو راحوا بجد هيبقى في ميزان حسانتك ربنا يكرمك

Sat Mar 10, 03:46:00 AM GMT+2  
Blogger قلب يحترق said...

انتي عارفة يا نوجا الظروف واني كان نفسي اكون معاكم امبارح بس معرفتش
بس ان شاء الله طالما الموضوع كدة فأنا باذن الله معاكم بس المهم يارب يكون المعاد مناسب

بوست زي السكر من احلي سكرة

Sat Mar 10, 05:49:00 AM GMT+2  
Blogger عبدالله said...

في الاول انا من مؤيدي عم الحاج يا قلبي يا غريب اعتقد انه قال الي كان نفسي اقوله من الاو

بالنسبه لفكره نقل اللقاءات تبقي دور ايتام و مؤسسات بس فكره رائعه فعلا
ربنا يوفقك فيها


تحياتي

Sat Mar 10, 08:19:00 AM GMT+2  
Blogger مصر هى أمى said...

انجى

انتى فعلا رقيقة اوى والصور اللى انتى ناشراها معبرة جدا وفكرتك حلوة اوى المشكلة ان احنا كلنا عندنا استعداد لكن لازم حد يزقنا ناحية المكان ده
الشعب المصرى عموما بيحتاج حد يوجهه وطبعا مش هنلاقى احسن منك

ربنا يباركلك واى نشاط اجتماعى ناوية تعمليه قوللنا عليه وانا معاكى ان شاء الله
وده الايميل بتاعى ابعتيلى على اى مرة ناوية تزورى فيها ملجا وانا ان شاء الله هاجى
m_adel2000@yahoo.com

Sat Mar 10, 08:43:00 AM GMT+2  
Blogger ana ga3an said...

مينفعش تاخدو الاطفال الايتام علي مكان في شيشة و انا اجيلكو؟؟؟

بجد ربنا يكرمك علي دلك علي الخير
صحيح بنات مصر ب 100 راجل

Sat Mar 10, 09:21:00 AM GMT+2  
Anonymous Anonymous said...

ياخبر أبيض
من 6
ل 17
ل 60 مره واحده
كان تخيلى 30 او 40
لا ده انتم بقيتوا قوة ضاربة اهه
ويمكن تطلعوا أقوى من بعض الاحزاب

معاكى ياستى فى اللى بتقولى عليه
وكان فى واحده اقترحت موضوع الجراج ده
انا برضه موافق عليه
خير خير خير
سلام

Sat Mar 10, 09:52:00 AM GMT+2  
Blogger Hayam said...

ياريت أقدر
اكون معاكم
بس ببلدي ومع مدونيين ليبيين حنعمل شي بسيط مجهزينو ليوم الطفل والحقيقة خايفة اروح ومش انا بس في غيري خايفين ياريت تتجمع فينا الشجاعة اننا نروح نشوف اطفال مكفوفين او محتاجين
عم حاول اتصارع مع نفسي اروح والا مروحش وفي بالي شي واحد ان الروحة حتأثر اكثر من اي مبلغ ممكن ادفعو للاعانة يارب اتشجع واروح
لان اكثر حاجة نحبها الاطفال

Sat Mar 10, 10:19:00 AM GMT+2  
Anonymous Anonymous said...

انجى ازيك..
صح كدة.. دة الاتجاه السليم ان يكون لنا فايدة فعلا مش لقاء لمجرد التعارف .. رغم ان التعارف كان جميل اوى والواحد شاف وعرف ناس جميلة اوى

Sat Mar 10, 10:31:00 AM GMT+2  
Blogger halwasa-masrya said...

السلام عليكم ورحمة الله وبركاته

فكرة جميلة جدا
والحمد لله انه قد من عليا بهذه التجربة والحمد لله اصبح اهم شخص فى حياتى هو طفل عمره سنتنان ونصف ارعاه منذ كان رضيع .. والحمد لله الذى اعاننا انا ومجموعة من اصدقائى على تكوين فريق الباحثون عن العدالة لتصحيح نظرة المجتمع للطفل اللقيط .... واصبح الفريق يلقى محاضراته فى العديد من الاماكن ويساعدنا بعض الدعاة مثل الداعى الجميل مصطفى حسنى

واخيرا انجى .. اود ان الفت انتباهك لشىء ويا رب تتقبليه منى اذا وددتى ان تزورى دار ايتام وتسعدى الاطفال فعليك بمن يحتاجون فعلا ..
1- ابتعدى عن دار الاطفال المشهور ةوالموجودة فى العديد من المناطق ولها اكثر من عشرون فرع وغيره لانى متطوعة بها واعلم ان هناك دارات اخرى فى مناطق تحتاج لقمة عيش او زجاجة دواء

2- قبل ذهابلك لزيارة الدار يا ريت تتصلى بيهم وتعرفى احتياجاتهم الفعليه ومتركزيش جهودك كلها على اللعب بس لان علبة دواء او علبة جبنة وبعض الارغفة افضل بكثير .

3 - انا اعرف الكثير من الدارا ت المحتاجة و الكثير من الاسر المحتاجة اذا اردتى راسلينى على ايميلى halwas_80@yahoo.com

4 - جزاكى الله خيرا وباذن الله يرزقك اخلاص النية وتجديدها يعنى وانتى رايحة روحى عشان ربنا بس ...

مبدئيا هناك دار اسمها رفقاء النبى فى المطرية بها طفل اسمه اشرف عمره سنتان تبلغ مصاريف علاج الكلى له شهريا حوالى 500 جنيه اكيد يستاهل زياراتكم
فى كمان دار فى شيراتون اسمها بشاير الفجر بها خمس بنات لا يتعدى عمرهن السنتين يحتاجن للاغذية لان المكان مؤجر وهم يحلمون بوجود مكان تمليك لهم وبالتالى يقتصدون فى المصروفات حتى لا تغلق الجمعية .. وهناك الكثير ... اذا رغبتى

تحياتى واجتهمدى فى الخير لتصلحى اى شرخ فى حياتك او قلبك

Sat Mar 10, 12:02:00 PM GMT+2  
Blogger كراكيب عادل said...

تحياتي كالعادة مبدعة

بوست جميل وصور معبرة

Sat Mar 10, 12:05:00 PM GMT+2  
Blogger halwasa-masrya said...

يا جماعة بلاش كلمة ملجأ لانها بتجرح الاطفال هنا ... استعيضوا عنها بكلمة دار ايتام وانتوا هناك قولوا للولاد احنا جينا لكم بيتكم ومش الدار او جينا الملجأ عشانكم
ربنا الموفق

Sat Mar 10, 12:05:00 PM GMT+2  
Blogger smraa alnil said...

اودي

ولما انت مش معاهم هتكون معاهم ليه
يا ابني روح لوحدك بجد هتستمتع اكتر وانت لوحدك
المهم بجد هتكون معانا ولا هتقول مشغول ومش هعرف اجي
وبالنسبة لشابا مصر اول ما الاقي حد يتبرعلي هتبرعلك علي طول
ههههههههه
وعادي بقي
___________________________

th eagles

انت بتقر عليا يا هوبا ولا ايه
طبعا لحقت انت عايز حد تاني يكتب فكرتي
مانت عارف ولاد الحلال مش خلوا لولاد الحلال حاجة
هههههههههههه
ايه بقي النقط دي

Sat Mar 10, 12:48:00 PM GMT+2  
Blogger smraa alnil said...

القمحاوي

ايه هتغلط ولا ايه
مان شفتك في قلاءات زي دي
اوعي يا واد تكون معترض
هههههههههه
المهم بجد هتكون معانا في الموضوع دة ولا ايه
___________________________

زحل الفلكي

ايه رايك بقي
بجد عجبتك الفكرة
طب ايه هتنزلنا من بورسعيد ولا ايه
وانا فعلا هروح االلي انت قلت عليه دة
وهاسال استشير
لا دي بتاعت تنظيم الاسرة
انا هروح استفسر
وادوس بس عايزاك تدوس معانا

Sat Mar 10, 12:48:00 PM GMT+2  
Blogger smraa alnil said...

مايكل

المهم يا مايكل انك هتبقي معانا
ان شاء الله اول ما يقع عندي مكان يستحق هقولكم علي طول
___________________________

محمد حسام

ماهو لازم السرعه افرض مثلا حد اتكلم عن فكرتي اقعد اعيط انا

بقي
عامة انا قبلت اضافتك ومستنية اقتراحاتك
ههههههههههههههه تقريبا ورايا شغل التلات طالما فيها ساندوتشات

Sat Mar 10, 12:48:00 PM GMT+2  
Blogger smraa alnil said...

محض روح

ان شاء الله تكوني معانا
ولا انتي عندك راي تاني
هههههههه
__________________________

سجين في قلب الوطن

اكيد هقولك يا باشا هو انا اقدر اعمل حاجة من غيرك
دةانت الخيط والبكرة
لا انت مش تجيب خيط يا طارق
انت كبيرك بكة واكون كرماك كمان
هههههههههه
اوعي زعل انت عارف لساني بقي

Sat Mar 10, 12:48:00 PM GMT+2  
Blogger smraa alnil said...

محمد حامد

انت لازم تكون معانا
انت اكيد بتهرج
بالظبط دة اللي انا كنت بتكلم عليه
لو كلنا كنا في مكان زي دة كنا هنبقي حاجة تانية
انت اللي جامد اخر حاجة
___________________________

دكور مستكنيس

ليه يعني
مش مشكلة المرات اللي جاية كتير صدقني
ان شاء الله يعني
وبعدين عادي كل الناس اللي جم او معظمها يعني
مش كنا نعرفهم
انا شخصيا مش كنت عرفهم ههههههه
بس انت ان اشء الله هتكون معانا في اللي هنعملوا ولا انت ايه

رايك
وبرضه هتشوف مدونين
وعامة تقريبا هيكون الموضوع دة اخر الشهر فعلا
او اول اسبوع من كل شهر

Sat Mar 10, 12:48:00 PM GMT+2  
Blogger smraa alnil said...

the eagles

اكتب مين يا عم
انت بهرج
انا لو كتبت كل العدد دة البلوج يفرقع
وبعدين يعني ايه 4 جم معاهم
مش كان ليهم بلوجات يعني قصدك
مش ليا فيه
هتكتبهم عندك يعني هتكتبهم عندك
وبعدين يا ناصح انت جاي تحط اللينك بتاعتي في مدونتي
هههههههههههههههههههه
هتنشرهم يعني هتنشرهم يا سيد
___________________________

يا قلبي يا غريب

وعليكم السلام

مش عارفة

بس صدقني لا دة ولا دة
الفكرة موجودة عندي من زمان
ويمكن انت تعرفني من كلامي ان اصلا الخير جوايا من غير اي

لقاء
بس انا لما لقيت العدد زاد اتحسرت وقلت الناس دي بجد لو

شاركتني في الحلم اللي بحلم بيه او الفكرة اللي عندي هنبقي احسن
شئ زي ايه
فهمني ونور بصيرتي
يمكن بجد انا مش شايفة اللي انت عايز توصلني ليه
اللهم امين
بس انت مش قلتلي علي الاقتراح اللي انا قايلة عليه
ايه رايك فيه
اا عارفة ان الكلام ليا لوحدي

Sat Mar 10, 12:49:00 PM GMT+2  
Blogger smraa alnil said...

يمني

انا قريت ايميلك
وبجد اثرتي فيا اوي وعيني دمعت
وطبعا ينفع انك تيجي معانا
اكيد بتهرجي
مش متخيلة ايميلك عمل فيا ايه
انا لقتك عندي بس للاسف مش وصلي رساله زي ما قلتي مش

عارفة ليه
ياريت بجد الناس تبقي معايا
ربنا يخليكي واكيد هنكون صحاب وهتغاضي يا سيتي عن فرق السن
ههههههههههه
___________________________

dyin_soul

يا سيتي هظبط لمعاد عليكي اي خدمة

وحشاني يا بنتي والله
وانا عارفة الظروف وربنا يعينك
بس اكيد لازم تكوني معانا كفاية ان مرتين يقعدوا علينا ومش اشوفك

فيهم

Sat Mar 10, 12:49:00 PM GMT+2  
Blogger smraa alnil said...

عبد الله

وانا رديت علي يا قلبي يا غريب وربنا يخليكم بجد بس محتاجة

تقولولي اكتر
يعني الفكرة بجد عجبتك
ريحتني بس ناقص يا قلبي يا غريب يقول رايه في الموضوع دة
___________________________

مصر هي امي

لالالالالالا انا بضعف من الكلا دة ههههههههه
عامة يا سيدي ان شاء الله وربنا يقدرني اني اكون انا اللي زقاكم

علي الموضوع دة
ربنا يكرمك يارب
عامة انا ضفتك خلاص علي الاميل
وهنبي نظبط بقي مع بعضيشنا
تحياتي ليك يا جامد

Sat Mar 10, 12:49:00 PM GMT+2  
Blogger smraa alnil said...

انا جعان

ههههههههههههههههههههه
طبعا ينفع
احنا في العصر الحديث ولازم نعلم العيال دي اللي ينفعهم في

المستقبل

بس انت هتيجي نروحلهم الاول وبعد كدة اخليك تروح مع الرجاله

تشرب شيشة براحتك
ايه رايك؟؟ظ هههههههههه
ربنا يكرمك انت يارب
___________________________

حسن محمود

ههههههههههه دة انت متابع بقي
والله انا برضه قلت العدد مش هيتعدي كدة بس اتصدمت بجد من

العدد
المهم ان انت موافق بس هتكون معانا ولا ايه

Sat Mar 10, 12:49:00 PM GMT+2  
Blogger smraa alnil said...

youma

اكيد انتي معانا بروحك
كفاية اللي انتوا بتعملوه هناك في ليبيا
وربنا يعينك
ومش تخافي انتي بس هتتأثري باللي هتشوفيه بس هتحبي اوي اللي

بتعمليه
لازم تروحي
وابقي قوليلي النتيجة ايه
الاطفال دول اكتر ناس مظلومة في مجتمعنا
ربنا يعينك ويقويكي
__________________________

واحد من الناس

طارق احسن شئ انك تحط اسمك
لاني اكتشفت ان انتو فعلا تلاتة

ربنا يكرمك
انبسط انك انبسط اي نعم انت كنت ساكت طول الوقت بس والله

انبسط اوي انك جيت
المهم هتكون معانا ولا ايه

Sat Mar 10, 12:50:00 PM GMT+2  
Blogger smraa alnil said...

هلوسة مصرية

وعليكم السلام ورحمة الله وبركاته
ربنا عينك واكيد هنستفاد من خبراتك
وبجد فرحت اوي اني مش اول حد هيعمل كدة
ربنا يباركلك يارب
بصي يا سيتي بالنسبة للي انتي قلتيه
فاكيد انا مش كت هروح لدار الايتام اللي مشهورة ومعروفة
انا من مناطق زي المطرية
فعارفة ان في دارات ايتام بجد محتاجة كتير
فبالنسبة للنقطة الاولي مش تخافي انا كنت حاطاها في الاعتبار

والنقطة التانية اكيد انا مش كنت هروح والمجموعه اللي معايا
من غير ما نتصل بيهم
بس فعلا عندك حق لازم نعرف ايه هي احتياجاتهم عشان نقدر نجمع

اللي نقدر عليه

وانا ضفتك خلاص عشان استفاد منك اكيد

وصدقيني انا مش رايحة او قلت الفكرة باي دافع اني غير لربنا

سبحانه وتعالي وسعادة الناس دي ومساعدتهم
انا كنت بعمل كدة كتير
بس بصراحة كان برة مصر
يعني كنا بنروح نعمل كدة مع مسنين واطفال
بس انا كنت عايزة اكون مع الناس دي هنا

علي فكرة الدار دي انا عرفاها لاني اصلا مولودة في المطرية

ربنا يكرمك يارب علي كلامك دة
بجد شجعتيني اووووووووووي
وان شاء الله ربنا يقدرنا ونعمل شئ مفيد

Sat Mar 10, 12:50:00 PM GMT+2  
Blogger smraa alnil said...

كراكيب عادل


ربنا يخليك يارب
بس هتشارك معانا ولا ايه
___________________________

هلوسة مصرية

انا عارفة طبعا ان الكلمة دي فعلا بتضايق
وهغريها في البلوج
واكيد احنا كبار بما فيه الكفاية انا مش نروح نقولهم ملجأ
ربنا يكرمك يارب بجد
ويسعدك

Sat Mar 10, 12:50:00 PM GMT+2  
Blogger إبراهيم محسن said...

أنا معااااااااااااااااااااكييييييي

بجد الفكرة حلوة وياريت نعملها..بصي أرفعي الراية وانا وراكي أوك

أوك سلام

Sat Mar 10, 02:01:00 PM GMT+2  
Blogger وشوشني said...

انا معاكي يا انجي من قبل ماتقولي اصلا احنا قررنا ان احنا نعمل لفاء مدونين يبقى لازم نعمل حاجه مفيده لازم يكون لينا حس مصر كلها تعرفه وفي كل محافظه اللي ميقدرش ييجي اكيد يقدر يعمل زي ما احنا بنعمل من غير ما ييجي القاهرة ولا اي حاجه بس المهم ان فكرتك حلوه اوي

Sat Mar 10, 02:02:00 PM GMT+2  
Blogger وشوشني said...

تعالي عندي ياريييييييييييييت

Sat Mar 10, 02:19:00 PM GMT+2  
Blogger zordeak said...

سبحااان الله


كنت مستغرب ليه الفكرة مجتش على بالك


وكنت عايز اقولك عليها والله بجد

لانى فكرت فيها كتيير


ولانى انا واصحابى تقدرى تقولى بنعمل كده


احنا مشتركين فى جمعية رسالة

اكيد سمعتى عنها

من ضمن انشطة الجمعية

زيارات للأيتام

والمكفوفين

والمعاقين ذهنيا

ومن ضمن الانشطة

المساعدات للناس المحتاجة

والتبرع بالملابس

وبيع الملابس المستعملة فى الاماكن المعروفة بالفقر الشديد
باسعار رمزية جدا

توصل لجنيه واحد


متتخيليش قد ايه الناس بيكونو فرحانين

متتخيليش قد ايه انا بكون فرحان

لما احس انى ساعدت حد محتاج

عارفة

فيه ولد اسمه احمد

احمد ده ولد صغير عنده اربع سنين تقريبا


هو معاق ذهنيا

عارفة

اول يوم رحت فيه زيارة المعاقين ذهنيا كان فى دار رعاية فى العاشر من رمضان

كان اول يوم احمد يروح فيه الدار دى

كان بيعيط كتيير وكان مستغرب

عارفة اول ما شافنى

جه فى حضنى وفضل معايا اليوم كله

عارفة وانا ماشى

احمد عيط علشانى

متتخيليش انا راتبطت باحمد ده قد ايه يا انجى

كل ما اروح الاقيه يبصلى ويضحك ويفضل معايا اليوم كله

ميرضاش يروح لحد غيرى

ولما امشى يعيط

عارفة

انا زعلان اوى لانى اتشغلت عنه اليومين الى فاتو دوول وبقالى فترة مرحتلوش


احمد وحشنى اوى

واكيد انا كمان وحشته

شكرا انك فكرتينى اننا مش لوحدنا فى الدنيا دى

وان فيه ناس محتاجينا جنبهم


وعارفة يا انجى

احنا كمان محتاجينلهم جنبنا

وجودنا معاهم بيحسسنا باننا لسه بنى ادمين

شكرا يا انجى انك فكرتينى

وفكرى فى حكاية انك تشتركى فى جمعية خيرية زى رسالة او صناع الحياة

هتلاقى الحكاية بقت سهلة اوى

وهناك الخير كتيير اوى اوى

شكرا

Sat Mar 10, 02:51:00 PM GMT+2  
Blogger بين الأمل و اليأس said...

ياه للدرجاتي ولقيتو مكان لمكم كلكم ايه العدد ده كله بسم الله ماشاء الله
بجد انتي بتحسريني على نفسي
طب عارفه انا وشلة همس كنا واحنا في الكليه علطول كدا كل سنه في يوم اليتيم
ياه احساس جميل اوي وفيه سنه اوزلى بس عشان كنالسه متعرفين قريب مكنش ينفع ننزل مع بعض كلفنا شخص مننا وهو اللي ودى الحاجه وراح قضى اليوم معاهم وجه ومعاه الصور س ايه
بجد احساس فظيع جدا فوق الجمال لما تكوني سبب في رسم البسمه
على طفل وياه لما تكوني رحتي مره واحده بس وطفل اتعلق بيكي زي مانتي اتعلقتي بيه ولما تروحيله المره التانيه تلاقيه جاي بيجري عليكي
الله
ربنا يوفقكم يارب وتقدروا تعملوا دا يارب
وربنا يسترها

Sat Mar 10, 03:07:00 PM GMT+2  
Blogger سهر الليالى said...

فكره كويسه جدا ياريت نقدر نحققها
حلوه الافكار البنائه اللى تنفع المجتمع او حتى قطاع من المجتمع
تحيه لافكارك

Sat Mar 10, 03:36:00 PM GMT+2  
Blogger daktara said...

اللقاء في حج زاتو شيء رائع
ودعوتك اكثر روعة
كان نفسي الحضور بس تتعوض ان شاء الله

Sat Mar 10, 04:28:00 PM GMT+2  
Blogger سهر الليالى said...

كلنا معاكى يا انجى

Sat Mar 10, 05:55:00 PM GMT+2  
Anonymous Anonymous said...

سلام عليكي يا سمراء النيل
انا مش فرحانة بيكي ...دا انا طايرة من الفرح بجد
:)

فعلا مبسوطة جدا و عندي فكرة لمكان ارجو انها تعجب المدونين و يكون اللقاء الرابع هناك و يكون بمثابة عمل خير و لقاء يجمعنا لاني للاسف لسه متعرفتش عليكوا

ايه رائيك في جمعية رسالة؟؟؟؟
www.resala.org
ممكن نتفق علي واحد من الفروع لان ليها كتير جدا و نحدد معاد و نتقابل كلنا هناك و ممكن كل واحد يجيب حاجات حلوة و لعب زي كا يقدر

و ليكن مثلا فرع مصر الجديدة لاني عارفاه و لانه مش معروف اوي فممكن يكون دورنا اكبر من اي فرع تاني الاطفال بيلاقوا فيه الرعاية

ارجو ان الفكرة تحوذ اعجابك و في انتظار ردك

سلام
مها

Sat Mar 10, 06:11:00 PM GMT+2  
Blogger karakib said...

:) فكرة كويسة
أنا كمان معاكي

Sat Mar 10, 06:16:00 PM GMT+2  
Blogger mariam said...

الفكره حلوه جدا يا انوج
يا ريت نكون ايجابيين فعلا
انا اتمنى اكون معاكم

سعيده جدا جدا
انى شفتك امبارح يا انوج

Sat Mar 10, 06:45:00 PM GMT+2  
Blogger houty said...

احلى حاجة لما تكونى سعيدة وتفتكرى فى هذه اللحظات اطفال محتاجين للسعادة
ممكن الواحد يساعدهم
انا ان شاء الله معاكى فى الفكرة وهحاول اكون معاكى فى هذا اليوم واتمنى انك تعذرينى

Sat Mar 10, 07:51:00 PM GMT+2  
Blogger Aml Ghonaim said...

فكرة رااائعة جدااا
بامكان أى شخص أن يساعد فيها ؛ وأن يحس بقيمته فعلااااا
يمكن تحديد موعد مخصص لذلك اللقاء ...
رااائع جدا ياانجى ....
وكذلك مدونتك التى أزورها للمرة الأولى لكنها حقااا رائعة ...
سلم خاطرك ياغالية ....

Sat Mar 10, 08:09:00 PM GMT+2  
Blogger ~ Bato0ot ~ said...

eqtera7 gameel .. w raghm eny m7drtsh egtm3ko da .. bas ana m3aki fe 7aga zay de ...

Sat Mar 10, 08:51:00 PM GMT+2  
Anonymous Anonymous said...

تصفح أطول وتدفع أكثر
كيف ذلك؟؟؟
ما عليك سوى التسجيل في أغلوكو

Sat Mar 10, 09:48:00 PM GMT+2  
Blogger admelmasry said...

جميل يا سمرا

علي فكرة فيه فكرة عايز اخد رايك فيها بجد

مهمة جدا وتهم كل الناس

ياريت لو تكلميني ع الايميل

Sat Mar 10, 10:02:00 PM GMT+2  
Blogger Abd El Rahman Magdy said...

أنا معاكي
بس على فكرة اللي انتوا بتعملوه فيا ده ما ينفعش
هو أنا عشان انشغلت وما لحقتش أكتب عن اللقاء ألاقيكوا كلكم كتبتوا عنه
أكتب إيه أنا بقى
كل واحد كتب حاجة وفي الآخر اترسمت صورة كبيرة للقاء
مش ناقص الصورة دي غير إضافة واحدة ما حدش يقدر يعرفها غيري
هي إني استمتعت جدا
استمتعت باللقاء والناس
ويا ريت نكررها
......................
واحد نفسه يعرف
mesharef.blogspot.com

Sat Mar 10, 10:05:00 PM GMT+2  
Blogger بيتنا القديم said...

بجد يا بنتي الله يباركلك

إنت فعلاً بتحطي إيدك علي جروح

أنا معاك وبقترح حاجه كده ممكن

تعريضيها علي أصحاب المدونات

إنه تكون المقابلة المرة اللي جايه في

دار أيتام ونتصور هناك مع الأطفال

اللي انت قلتي عليهم...وكل المدونيين

اللي قاموا بالزيارة ينشروا الصور

وأحاديث واحاسيس الأطفال دول...وتبقي

فعلاً المدونات مش مجرد حبر علي ورق...أو

إلكتروستات علي شاشة...يا ريت تتبني

الطرح ده وأنا من دلؤت مستعد

( المقابلة اللي جايه في دار للأيتام...نجتمع نتكلم نتصور نضحك ونحس ونتألم ونعيط ودموعنا تغسل قلوبنا والشكولاته ماليه جيوبنا وبردوه بخمسه جنيه...بسمة مدون تصنع الكثير لطفل يتيم)

Sat Mar 10, 11:14:00 PM GMT+2  
Blogger كراكيب عادل said...

انا حاضر بس ارجع مصر

تعالي مرة تاني فية عندي تمرين زي العسل ابقوا حلوة مع بعض وعلية سحب كمان جوائز

Sun Mar 11, 12:36:00 AM GMT+2  
Blogger فبركة said...

فكرة عبقرية يا شلة المدونين وبالمرة انا يسعدنى الانضمام ليكم بصفتى واحد مصرى ومش هقول بصفتى صحفى او معد فى التليفزيون لاننا عايشين فى زمن الفبركة زده بالمناسبة عنوان مدونتى

Sun Mar 11, 01:19:00 AM GMT+2  
Blogger مـحـمـد مـفـيـد said...

انجي
لم اكن سعيد الحظ لتواجدي في التجمع الرائع هذا لكوني خارج القاهره ولكن بأمر الله سأكون في التجمع القادم
وطلب ذلك لا يرد انامعاكي طبعا
ميلي علي البلوج في انتظار شرح وافي اكثر وراسليني وانا تحت امرك في اي شيئ

Sun Mar 11, 01:23:00 AM GMT+2  
Blogger el2ahwagi said...

Toota...!

7elwa awi el fekra di .. sa3etha kol elmodaweneen ye7esso ennohom egtama3o 3ala 3amal 7elw...

w di momken tekoon forsa leya akoon ma3akom mn bo3d. law 2olteeli elmakan we taree2et 3amal ta7weel akoon sharekt m3akom fe3lan be7aga baseeta..!

eh da .. 7asna2 el2afkar kaman ..?? :))

Sun Mar 11, 01:40:00 AM GMT+2  
Blogger shabfa2re said...

تمام اوى انا معاكو ان شاء الله
وابقوا اكتبوا فى المنتدى عشان العدد يزيد
www.blogs4arab.com

Sun Mar 11, 02:00:00 AM GMT+2  
Blogger 3ashe2elro7 said...

الجميل فى الموضوع عنوانه .. احساس و رغبه عند كتير مننا بس للاسف كل واحد بينه و بين نفسه فبيحس انه وحيد لكن اول ما الواحد بيتشجع و يتكلم و يفكر بصوت عالى بيلاقى انه شبه الناس منهم و منه بيدفى بيهم و يدفوا بيه ... و الأجمل الاقتراح اللى اتقال حاجه حلوه اوى لما تبقى السبب فى اسعاد ناس لا تعرفهم و لا يعرفوك ..حاجه لوجه الله يعنى .. و انت فى الاصل مش بتساعدهم انت بتساعد نفسك علشان تحس بنعم ربنا عليك و تقدر تعمل حاجه لنفسك تحميك يوم القيامه .. و اللى ممكن يحلى ده كله انك تعمل ده مع ناس كل احترام و حب و موده بيجمعوا بينكم ..بقول ده لانى جربته و ربنا يكرمك و يوفقك

Sun Mar 11, 03:09:00 AM GMT+2  
Blogger الدبور said...

توضيح بخصوص البوست بتاعي اللي عمل قلق وزعل ناس مني انا بحترمهم وبحبهم
تم توضيح وجهه نظري في بوست منفرد
اقريه وقولي ليا رايك ؟
رايك يهمني

تحياتي
الدبور

Sun Mar 11, 03:32:00 AM GMT+2  
Blogger سجين فى قلب الوطن said...

مقبوله منك على قد سنك
:-P :-P :-P :-P :-P :-P :-P :-P

عارفه لو كنت غيرتى حرف كنت دبحتك
و كدا كدا ناوى ادبحك
:-P :-P :-P :-P :-P :-P :-P :-P

هههههههههههههههههههههههههههههه
حبلغ عنك انك بتجمعى تبرعات

سلام يا انوج

Sun Mar 11, 03:37:00 AM GMT+2  
Blogger إبراهيم محسن said...

انا كتبت البوست يا انجي..القي نظرة..انا قلت رأيي بصراحة والعمر واحد بقى..والرب واحد برده

يالله طيري وتعاليلي

Sun Mar 11, 06:50:00 AM GMT+2  
Blogger إبراهيم محسن said...

سمرا..متنسيش تبلغي الناس إنها تيجي تقرا الموضوع..السلبيات كتير..بس لو حد زعل دافعي عني بقى

Sun Mar 11, 07:01:00 AM GMT+2  
Blogger الزعيـمة said...

جيجي الجميلة

بحيي فيكي روح الانسانية الصادقة
انا اهتميت لفترة طويلة ببعض الملاجا
واشتركت فى جمعية قرية الامل لرعاية اطفال الشوارع .
بس عايزة اقولك ان اللقاء الجاى المفروض حيكون فى ابريل وابريل معروف انة اصبح اول جمعه فية عيد للايتام

اشوف لو عقبال ما يجي المعاد دا فى ابريل اننا نرتب حاجة للايتام
ونتفق على دار معين نتجمع فية
ويكون محتاج بجد
وكل واحد يجيب حاجة او نتفق على مبلغ
نحطة فى الدار الحنروحة
واهو حيباة فى مناسبتة صح
قولتى اية ؟

Sun Mar 11, 10:09:00 AM GMT+2  
Blogger The Alien said...

معاكي
وهيبقي أحلي تجمع
تحياتي

Sun Mar 11, 10:13:00 AM GMT+2  
Blogger كلام لوجيك said...

طبعا مفيش كلام يتقال بعد كل اللى قالوه اللى قبلى

اشكر شعورك الطيب واللفته الانسانية
فعلا لازم نكون ايجابيين ونبدأ بأنفسنا ومانستناش لما ييجى حد ينظمنا او يورينا الطريق
ممكن بمجهودات بسيطة من افراد كثيرين اننا نعمل حاجه كبيرة
ودي البداية انشاء الله

وياريت تعرفينا نساعد ازاي
بالنسبة للمصريين المغتربين بالخارج

خالص تحياتى ودمتى بألف خير

Sun Mar 11, 10:36:00 AM GMT+2  
Blogger azmeralda said...

سلاموا عليكوا يا انجي
انا مش هقولك اكتر من ادخلي علي اللينك ده
www.resala.org
ده موقع جمعية رسالة اللي فيه لينك لاسرة رسالة اللي موجودة في كلية هندسة
بصوا يا جماعة
العالم ربنا ان رسالة بالنسبة لاي متطوع فيها حاجة اكبر من مجرد فعل الخير القصة كلها ان رسالة دي اتحولت لحوالي 95% من حياة كل واحد فيها ياما حسينا بحاجات حلوة فيها وياما حسنا اننا تعبنا وضحينا بكتير علشان هدفنا اللي اكتر حاجة مخلينا لسه عايشين لدلوقتي
رسالة حاجة غيرت حياتنا كلنا بجد
ربنا العالم ان الاسرة بتمر بمشاكل دلوقتي لكن احنا حلفنا جوه قلوبنا وبينا وبين ربنا انه مش هيفرق بينا وبين المكان ده غير الموت
ببساطة انا مكنتش بحس فيه اني بعمل حاجة للناس او اني بعطف علي حد وبفيده وبس
لا انا كنت بحس ان انا في كل لحظة بستفيد ..في كل لحظة بتعلم اكتر
احساس بان انا بعمل حاجة اثرت يمكن في نقطة في بحر كبير بس المهم اني اثرت
ببساطة رسالة هي اكتر حاجة احنا حبناها واثرت في حياتنا
واتمنا بجد انكوا تعرفو المعني ده عن قرب

Sun Mar 11, 10:42:00 AM GMT+2  
Anonymous Anonymous said...

100 100 100
ya injy
ana m3akom

Sun Mar 11, 02:08:00 PM GMT+2  
Blogger sherif gharib said...

لنجى ازيك و ايه اخبارك
على فكره حلوه قوى الدعوه اللى انتى عملاها ديه يعنى كتير قوى مش بيفكر غير فى نفسه الايام ديه يعنى طالما هو مطغطى و دفيان ليه يوجع دماغه بغيره و او حتى يفكر ايه اللى ممكن يساعده بيه
الله يباركلك الصراحه
تحياتى

Sun Mar 11, 07:31:00 PM GMT+2  
Blogger SomeOne said...

احم احم احم

سلامو عليكم

ممكن احسد لو سمحتي
70
كومنت على بوست في يومين

وانا اللي افتكرت نفسي مشهور لما جوني في اسبوع

انا بحسد بكل ما بداخلي من حقد وغل

خلص الجد

نتكلم هزار شوية بقى
سمراء النيل
كانت النجمة الساطعة في كافية الابدع
اللي هيغير اسمه بعد ما شافك
ويخليه كافيه انجي

وكفاية كده احسن انا لو قلت كل اللي
جويا
ممكن تتغري شوية يعني

سلاماتي و احتراماتي

Sun Mar 11, 08:45:00 PM GMT+2  
Blogger كلبوزة لكن سمباتيك said...

يا ريت اقدر اكون معاكم

بس انا من هنا ممكن اقدر اعمل كتير

الفقر و اليتم ملهومش بلد

تحياتي الغالية

Sun Mar 11, 09:28:00 PM GMT+2  
Blogger Halawa said...

معاكي في أي حاجة

دي أحلى حاجة ممكن نعملها في حياتنا

ادخلي شوفي البوست الجديد
لو أمكن
عايز رأيك

Sun Mar 11, 09:57:00 PM GMT+2  
Blogger شيمـــــاء said...

بالرغم من انى محضرتش بالرغم من عزومة العزيزين راسبوتين و محمد عبد الغفار لظروف خاصة

انا على اتم الاستعداد أنى أشارك فى الموضوع ده
من خلال جمعيتى انا وصحابى
www.mosaada.com

و لترتيب الزيارة
shaimaa.elkhoudry@gmail.com

Sun Mar 11, 10:31:00 PM GMT+2  
Blogger -_- said...

معاكي

هننظم لقاء في القاهرة و لقاء في بورسعيد و لقاء في الاسماعلية خاص فقط بملاجئ الايتام

قريبا ان شاء الله

شكرا انجي

Mon Mar 12, 12:01:00 AM GMT+2  
Blogger محمد مصطفى said...

سمرا
شوفي رغم جمال تقديمك ليا في اللقاء ( طبعا مش فاكراني أصلا ) إلا اني معاكي

Mon Mar 12, 02:13:00 AM GMT+2  
Blogger lastknight said...

فكره راااائعه .. معاكى .. بس انشريها

Mon Mar 12, 05:38:00 AM GMT+2  
Blogger قاسم أفندي said...

شيئ جميل جدا بجد
الفعل أهم كثير أوي من القول
وفقكم الله

Mon Mar 12, 10:42:00 AM GMT+2  
Blogger Hannoda said...

أنا بشكرك جدا على أفكارك و جهودك الرائعة جدا يا إنجي

طبعا إقتراح رائع و ياريتني كنت معاكم في اللقاء و في كل نشاطاتكم التالية ليه.. لكن بما إني برة مصر فأنا بتابعكم بكل إحترام و فخر و مستنية معاد أجازتي بفروغ الصبر عشان أكون معاكم فأحس بقيمتي كإنسان و أحس إن البلد اللي بحس بالخزي تجاه نفسي لإني عمري ماقدمتلها حاجة
حاسة إني أخيرا ها بدأ أديلها

وكل ده بخص الفضل فيه ليكم إنت و ياسمين أولا .. وأيمن و الدبور و الأستاذ حسني سليمان و أحمد شقير

بهنيكم و بتمنى أشوف و أسمع عنكم تقدم أكبر و إتساع أكبر

Mon Mar 12, 11:55:00 AM GMT+2  
Blogger el_assel said...

طبعا معاكي
من كل قلبي
ده واجب علي كل واحد فينا

Mon Mar 12, 03:27:00 PM GMT+2  
Blogger أمل ربيع said...

هاي انجي
دى اول زيارة ليا لمدونك مدونة مميزة بجد وربنا يوفقك
كان نفسي اكون معاكو يوم الجمعة واتعرف على الناس اللي حبتهم من غير ما اعرفهم بس ربنا ما اردش

رائع جداا اللى انت قولتيه فى البوست ده وانا معاكي لو حددتو يوم وان شاء الله نقدر نعمل حاجة بجد
تحياتى

Mon Mar 12, 05:42:00 PM GMT+2  
Blogger ody911 said...

مقلتلك يا جميل أنا معاك

يعنى إن شاء الله اول ملجئ هتروحوة

سيبونى هناك وإمشوا

ههههههههههه

علشان يمكن إللى ييجوا بعدهم يحنوا علية


وعادى بقة
أودى

Mon Mar 12, 05:50:00 PM GMT+2  
Blogger كراكيب عادل said...

انتوا قلبتوا المدونة ملجاء ولا اية


انا بجد عايز عنواين الملاجئ دي لو حد يعرف ازي اتواصل معاهم


انا هنزل مصر قريب ومخصص مبلغ للحجات دي اجازتي قصيرة ارجو الاهتمام وترك عنوان بما انكم تكلمتوا فية

Mon Mar 12, 07:01:00 PM GMT+2  
Anonymous Anonymous said...

so7betkhair@yahoogroups.com
حبيت اساعد فى الفكره بشكل عملى
ده جروب للاعمال الخيريه نطاق عمله القاهره الكبرى ممكن تشوفوه و اجمل ما فيه انه اون لاين بيبعت رسايل باللى بيتعمل و هيتعمل و الناس محتاجه ايه

Mon Mar 12, 07:17:00 PM GMT+2  
Blogger safa7_karmooz said...

اليوم كان اكتر من تحفه يا سمرا ...

بس اسمى فين ...اشمعنى قولت ااسمك :P

تواضع بقى ...ههههههههههههههههه

---------------

بالنسبة للزيارات ...معاكوا ان شاء الله خصوصا ...انى بقالى فترة فى المجال ده ..:)

Mon Mar 12, 08:20:00 PM GMT+2  
Blogger عــيل شــقي said...

والله هو مافيش حاجة بس
بردو
مش البت اللى مسكة كلب


ديت لاقية!!!!!!!!!!!!!



جايز بس بردو الكلب من النوع الغالى

ههههههههههههههه

الصراحة صورة البت اللى شايلة كلب

زى بنت الباشا

Mon Mar 12, 09:19:00 PM GMT+2  
Blogger Tamer Nabil Moussa said...

ازيك انجى اخبارك اية

انا معاكى شوفى ونظمى وامتى هنبتدى

وقوللى ليا وانا معاكى

تحياتى

Mon Mar 12, 09:32:00 PM GMT+2  
Anonymous Anonymous said...

موضوع رائع
وفكرة أروع

تسلم بنت النيل العظيمة

بنت بهيه الغالية

تسلمي
أرق وأطيب تحياتي

Mon Mar 12, 11:00:00 PM GMT+2  
Blogger ... said...

فكرتك راقية جداً
وخصوصاً انها هتبقى من تجمع بشرى ضخم زى دة

ربنا معاكم

على فكرة.. انا معاكى بقلبى

Tue Mar 13, 12:25:00 AM GMT+2  
Blogger محمد صلاح العزب said...

أحييكي

Tue Mar 13, 01:08:00 AM GMT+2  
Blogger kaed said...

العزيزة أنجى
يا بختكم بالقاهرة
موضوع اللقاءات دة سهل بالنسبة لكم لكن إحنا أهل اسكندرية الموضوع صعب جدا علينا
المهم موضوع المساعدة دة هايل نتمنا المشاركة

Tue Mar 13, 01:53:00 AM GMT+2  
Blogger ساعه الغروب said...

سمراااااااااا
وحشتييييييييييييييييييينى
اوى اوى اوى اوى


بصى يا سمرا يا عسل
بما انك سبقتينى فمالوش لازمه البوست اللى كنت ناويه ارجع بيه


اول جمعه من ابريل دى مخصه من سنتين للايتام
فياريت لو نقدر بجد نعمل اى حاجه تسعدهم

يعنى كل اللى بايده حاجه يقدر يعملها لاى حد عارف انه محتاج بجد لده
يا ريت يسارع بيها

والافضل اننا نكون ايد واحده حتى ولو هنخصص الاوقات اللى ممكن نتقابل فيها طوال شهر ابريل
عشان كل مره نروح مكان محتاج لنا بجد

شكرا موووت يا سمرا

بجد كان نفسى اكون موجوده
عملوها الوحوش من غيرى

اهئ اهئ

ان شاء الله المرات الجايه اكون معاكم

Tue Mar 13, 01:17:00 PM GMT+2  
Anonymous Anonymous said...

انا معنديش بلوك بس بجد مواضيعك تحفة وكلها عجباني ونفسي اوي ابقي معاكوا في اي عمل خيري ونفسي كمان نبقي اصحاب

Tue Mar 13, 02:02:00 PM GMT+2  
Blogger Ahmad Hegab said...

كلامك فى الجوون
على فكرة انشالله انهاردة لو فى وقت نتكلم حنعمل ايه فى المرة الجاية

موضوع الجراج حيكون جامد جدا و حنطلع من وراة مكاسب كتير نقدر نساعد بيه ناس كتير

Tue Mar 13, 04:59:00 PM GMT+2  
Blogger heb0o0o said...

ازيك يا جميلة بجد كان نفسي احضر الاجتماع دة معاكوا بس الاسف منفعشى عندى رفضوا بس بجد فكرة الزيارة لاى دار ايتام او دار مسنيين او اى مكان خيرى جميلة قوى وهتحسسنا اننا بعمل شى لة فائدة فى حياتنا ولو فعلا هتروحوا اى دار ياريت تعلنى علشان انا نفسى اروح واشترك معاكوا


وسلام ياقمر وخليكى دائما اقوى من اى ظروف لان الدنيا ماتستهلش تزعلى عليها وانا جنبك على طولللللللللل

Tue Mar 13, 07:34:00 PM GMT+2  
Blogger Nadine Alfred said...

سمراااااااااا

اول تعليق ليا عندك
عشان كده استنى اما اخش برجلى اليمين
....
ايييييييوة كده

بصى بقى يا ستى
هى الفكرة اكثر من رائعة
و انا معاكى فيها
الموضوع بس محتاج شوية تنظيم و تصميم
بس فى الأول و فى الآخر اكيد ده مايغنيش عن اللقاء فى شكله المعتاد

بجد افكارك حلوة
و إنسانية
و دى يا ستى صفة حلوة من الصفات الكتشييييييييييير اللى فيكى

سلام يا قمر

Tue Mar 13, 08:22:00 PM GMT+2  
Blogger أميرة said...

ياسلام على افكارك ياانجى بجد فكرة هايلة

انا كدة لازم اعمل حاجة واكون معاكى

Tue Mar 13, 08:33:00 PM GMT+2  
Blogger جبهة التهييس الشعبية said...

القصاص لأسرانا الشهداء رجاء التوقيع وارسال الرسائل

Tue Mar 13, 10:06:00 PM GMT+2  
Blogger david santos said...

Hello!
This work is very important, thank you
Hve nice week
InsyaAllah

Tue Mar 13, 11:22:00 PM GMT+2  
Blogger Unknown said...

wow
u r good !

Tue Mar 13, 11:35:00 PM GMT+2  
Blogger el2ahwagi said...

ezayik ya Samra ...
ma3rafsh ana beyeegi 7azi fabo 100 .. lol

Wed Mar 14, 12:43:00 AM GMT+2  
Blogger carol 2002 said...

بجد فكره هايله .. أنا لما بشوف إن فيه ناس بتفكر كده بقول يا بخت مصر بولدها .. ربنا يوفقك فى تحقيقها

Wed Mar 14, 03:13:00 PM GMT+2  
Blogger ذو النون المصري said...

كلامك فعلا سليم
ممكن الطفل الباكي يكون ابن اي واحد فينا في المستقبل المجهول
انا هحاول اكون معكم اللقاء القادم
تحياتي

Wed Mar 14, 04:59:00 PM GMT+2  
Blogger ba7re said...

بجد تدوينة تحفة فى مدونة زى العسل
تحياتى سمراء
جزاكم الله خير على الفكرة دى
و بجد الافكار دى لو اتعممت
و كل المدونين قاموا بدور فى خدمة المجتمع هيحصل تغيير كبير
و مين عالم
تحياتى و بجد بشكرك على البوست الجميل ده
فى اول زيارة لى فى مدونتك
تحياتى
بحرى أنا :)

Wed Mar 14, 07:20:00 PM GMT+2  
Blogger smraa alnil said...

ابراهيم

انا عارفة انك معايا ما هو اصلا مش بمزاجك
ان شاء الله هعملها هعملها هعملهاااااااااااا
سلام
___________________________

وشوشني

حبيبه قلبي طبعا هتكوني معانا يا جدعان انتو فاكرين بمزاجكم ولا ايه
هههههههههههههههه
لازم يكون لينا قيمة وصوت
المهم ادعي بس انها تتنفذ

Fri Mar 16, 12:02:00 PM GMT+2  
Blogger smraa alnil said...

وشوشني

جيت يا اختي وقريت ههههههههههههه
___________________________

فؤشتي

ومين قالك ان الفكرة مش جت في بالي
الفكرة موجودة من زمان بس انت عارف حال الشعب المصري

اللي محتاج دايمل حد يزقه
بس قلت ابتدي انا بقي الما معايا ناس كتيرة
وطبعا سمعت عن رساله
انا يا احمد حطيت نفسي مكانهم وعارفة انت بتتكلم عن ايه عشان

كدة قررت اني اعمل شئ بجد
وان شاء الله يا قلبي تخلص امتحاناتك وتفضي لاحمد ولينا وكل

الناس اللي بيحبوك
ان شاء الله كمان تروح تزوره
تعرف يا احمد انا كمان بحلم بيوم زي دة اني احضن طفل واقعد معاه

والعب
فعلا انا محتاجة لدة
ان شاء الله هنلاقي الخير

Fri Mar 16, 12:02:00 PM GMT+2  
Blogger smraa alnil said...

بين الامل والياس

حازم
طبعا يا ابني لقينا مكان بدليل ان انا وياسمين وايمن فضلنا طول اليوم

واقفين
ههههههه
لا يا حبيبي ما عاش اللي يحسرك علي نفسك
ربنا يقدرك علي فعل الخير لا من غير همس ولا معاها
انت طيوب اصلا يا حازم
دعواتك معانا يا قمر
___________________________

اماني

ياريت يا ماني نقدر نحققها بجد
بس ربنا يسهل ونقدر ننفذها

Fri Mar 16, 12:02:00 PM GMT+2  
Blogger smraa alnil said...

دكترة

ان شا الله تكون معانا المرة الجاية ولا ايييييييييه؟؟؟
___________________________

اماني

ياريت تبقول كلكم معايا بجد

Fri Mar 16, 12:03:00 PM GMT+2  
Blogger smraa alnil said...

مها

وعليككم السلام يا مها
ربنا يكرمك يارب
انا فعلا اخدت اللينك دة وابتديت اعمل شغل وربنا يسهل ان شاء الله
فعلا كل واحد يجب اللي هو يقدر عليه
هو بصي انا بصراحة يهمني الفروع اللي مش لاقيه حتي الريف زي

الفروع اللي موجودة في المناطق العشاوائيه
بس ربنا يسهل واقدر اختار مكان
ان شا الله ومعلش اعذريني علي تأخير ردي بس ظروف بقي
___________________________

كراكيب

ههههههههه
طبعا يا هاني انت معانا ولا عايز تفلسع

Fri Mar 16, 12:03:00 PM GMT+2  
Blogger smraa alnil said...

مانو

ايه اتمني اكون معاكم دي
اكيد ان شاء الله هتكوني معانا
والله وانا اسعد اني شفتك يا مريم بس بعيد عنك فقت القدرة علي

اني اعبر عن فرحتي
___________________________

هوتي

انا عذراكي عشان عارفة ظروفك
ربنا يعينك يارب
بس ان شاء الله هتكوني معانا هتحسي بسعادة اكيد

Fri Mar 16, 12:03:00 PM GMT+2  
Blogger smraa alnil said...

اصرار امل

ربنا يكرمك يارب
اتمني انها مش تكون الاخيرة
ويارب تزوريني كدة علي طول
وان شاء الله تبقي معاا وقت التنفيذ الفكرة
___________________________

بطوط

انووج
يا بنتي قلتلك اكتر من مرة غيري اسمك دة
المهم انك هتكوني معايا
بس المشكلة بقي ان الناس هيتلخبطوا بينا
عشان كدة غيري اسمك بقي

Fri Mar 16, 12:03:00 PM GMT+2  
Blogger smraa alnil said...

اغلو

يا عم قول يا باسط
والله ما فهمت منك حاجة
___________________________

ادم المصري

عامة فكرتك احنا اتكلمنا عليها وبجد عجبتني
بس ان شاء الله تتنفذ يا ادم
عملت ايه في الموضوع اياه
طمنيييييييييييييييييييييييييييييييي

Fri Mar 16, 12:04:00 PM GMT+2  
Blogger smraa alnil said...

عبووووووووووود

طبعا انت معايا انت كان عندك شك غير انك تكون معانا
يعني بدل مانت بتخش عندنا يا ناصح خش اكتب عن اللقا واتعلم من

اختك شوية
المهم انك استمتعت جدا
ربنا يسعدك بجد
هنكررها كتير ان شاء الله بفعل الخير
___________________________

سمسم

ربنا يكرمك يارب
هيحصل يا سمسم ان شاء الله اكيد
ودة اللي انا عاوزاه
كل واحد يحس بقيمته صح
ويعمل شئ يحس انه لاقي نفسه
وكمان نرسم سعاة علي وش طفل
يعني افهم من كدة انك هتكون معانا
بجد؟؟

Fri Mar 16, 12:05:00 PM GMT+2  
Blogger smraa alnil said...

كراكيب عادل

ان شاء الله ترجع بالسلامة يارب
وهتشارك غصب عنك :)
هروحلك واشوفه
__________________________


فبركة

طبعا واضح ان دة عنوان مدونتك
وان شاء الله تكون معانا

Fri Mar 16, 12:05:00 PM GMT+2  
Blogger smraa alnil said...

محمد مفيد

ان شاء الله هتكون معانا
والله يسعدني ان تكون معايا
ان شاء الله هراسلك واقولك علي التفاصيل
___________________________

القهوجي

انا قلت كدة بدل ما نكون نتقابل عشان نتعرف يكون لينا قيمة بجد
انت بتكلم بجد
اكيد هقولك علي المكان والطريقة وتساعد كمان ربنا يكرمك يارب
ههههههههههههه بتاعت كله بقي

Fri Mar 16, 12:05:00 PM GMT+2  
Blogger smraa alnil said...

شاب فقري

كويس انك هتبقي معانا
بس انا مش حاة موضوع النتديات دة
تحياتي
___________________________

عاشق الروح

كلامك جميل جدا
بس تقريبا واضح ان يادتك مش واخد بالي اني بمضي باسم سمراء

النيل
يعني بنوتة
بس مش فارقة كتير اكون بنت او ولد المهم ان فكرتنا تتنفذ
وطبعا اكيد ان شاء اله هتكون معانا

Fri Mar 16, 12:06:00 PM GMT+2  
Blogger smraa alnil said...

الدبور

مش هضحك عليك واقولك لا
بس انا زعلت وانت كنت من ضمن الاسباب اللي خليتني اقفل البلوج
ولعلمك انت كمان من الاسباب الريسية اللي خليت عمرو يفكر كدة

برضه
المهم انا قريت البلوج الجديد
بس دة لا يمنع ان فكرة البلوجاقديم راسخة في دماغي وكل كلمة

قلتها اثرت عليا
__________________________

سجين في قلب الوطن

هههههههههههههه
طبعا مقبولة هو انت ادامك شئ غير كدة انك تتقبل مني

تدبح مين يابا علي اساس اني فرخة يعني
وانا هقول ان انت اللي ماسك الحملة دي
عادي يعني

Fri Mar 16, 12:07:00 PM GMT+2  
Blogger smraa alnil said...

ابراهيم

انا قريته يا ابراهيم وقلت راي قبل كدة وسيبها علي الله
___________________________

ابراهيم

لا ان شاء الله مش في حد هيزعل منك انت كاتب باسلوب حلو اوي
ومش هيزعل حد

Fri Mar 16, 12:07:00 PM GMT+2  
Blogger smraa alnil said...

الزعيمة

مش تقلقي يا داليا
انا فعلا هعمل كدة ان شاء الله
اني اعمل اول لقاء يوم اليتيم
وانا هرتب موضوع الدار اللي محتاج دة
ايه قولتي ايه دي
طبعا موافقة علي كلامك لانه كان نفس كلامي بالظبط
___________________________

the alien

كويس انك هتبقي معانا ودة العشم برضه يابو البشابيش
وان شاء الله هيكون احلي تجمع زي ما قلت

Fri Mar 16, 12:08:00 PM GMT+2  
Blogger smraa alnil said...

ساكاماكا نيوز

ان شاء الله تكون دي البداية بجد
وشكرا اوي علي كلام الرقيق ليا دة
وان شاء الله هيتنفذ فكرتنا
بالنسبة ليك انا ممكن اقول اسم المكان ورقم الحساب بتاعهم دة اذا

كان عندهم والناس تبعتلهم تبرعات
دة علي ما اعتقد يعني
ربنا يكرمك يارب
بس ليا سؤال يعني ايه ساكاماكا نيوز
___________________________

ازميرالدا

وعليكم السلام
انا فعلا دخلت عليه وجاري البحث والتنقيب
اي مكان بيعمل الخير يا بنتي دايما مصيره بيبقي المشاكل
بس دي بقي نابعه لقوة ارادتنا اننا نتغلب علي كل دة
اكيد اصل انتي بتبقي جزء من الناس دي
وجزء من حياتهم بغض النظر انتي بتساعديهم ليه
يارب نحس باللي انتي قلتي عليه وربنا يكرمك يارب

Fri Mar 16, 12:09:00 PM GMT+2  
Blogger smraa alnil said...

احمد دندن

احمد كويس انك معانا
هبقي اشوفك بقي ان شاء الله
___________________________

شريف غريب

ازيك يا شريف
ايه يا ابني انت فينك كدة
ربنا يخليك علي كلامك دة بس المهم انت هتكون معانا في يوم زي

دة ولا لا
ربنا يكرمك انت يارب

Fri Mar 16, 12:09:00 PM GMT+2  
Blogger smraa alnil said...

شادي فايد

وعليكم السلام

ههههههههههههه
لا طبعا مش ممكن
ومال تعمل ايه لو عرفت ان هما عدوا 130
في 3 ايام
بطلو حقد علي البرشية بقي
هو انا عايزني اكون زيك ولا ايه
هههههههههههههه
ههههههههههههه دة تثبيت يا شداي مش هزار
ربنا يخليك بجد انت اللي كنت منور القعدة
___________________________

سمباتيك

ياريت بجد تكوني معانا
صح انتي صح
ربنا يقدرك يارب علي فعل الخير
وحشاني مووووووت

Fri Mar 16, 12:09:00 PM GMT+2  
Blogger smraa alnil said...

حلاوة

ربنا يكرمك يارب
انتو ناس حلوة اوي
ربنا يخليكوا ليا
عامة انا شفت البوست الجديد بجد انت تحفة
___________________________

شيماء

شيماء احلي حاجة انك هتكوني معانا بجد
وياسيتي المرة الجاية نشوفك مش مشكلة
وهبقي ابعتلك علي ايميلك دة

Fri Mar 16, 12:10:00 PM GMT+2  
Blogger smraa alnil said...

شارم

ان شاء الله وانت ابقي ساعدني بقي
ربنا يكرمك يارب
___________________________

مادو

لا طبعا فاكراك
دة انا حتي اتلخبطت فيك
هههههههههههه
المهم انك معانا

Fri Mar 16, 12:10:00 PM GMT+2  
Blogger smraa alnil said...

lastknight

ان شاء الله هنشرها وهبقي مبسوطة بجد بوجودك معانا
___________________________

قاسم افندي

ايه مش هتبقي معانا يوميها ولا ايه
بس ان شاء الله بجد نكون موجودين وننفذ الفكرة
قول يارب ودعواتك

Fri Mar 16, 12:11:00 PM GMT+2  
Blogger smraa alnil said...

هنودة

ان شاء الله ترجعيلنا بالسلامة يارب وتكوني معانا كمان
وتقدمي احلي خدمة لبدنا اللي مظلومة معانا
ربك المستعان يا هنودة
يا نهار ابيض انا وياسمين
بجد كلمة كبيرة عليا اوي بجد
ربنا يسمع منك
بجد شكرا جدا علي كلامك الجامد دة اللي رفع روحي المعنوية
___________________________

el assel

ربنا يكرمك يارب
بس انت تابع مدونتي وان شاء الله هتكون معانا ربنا يكرمك يارب

وشكرا للزيارة بجد

Fri Mar 16, 12:11:00 PM GMT+2  
Blogger smraa alnil said...

امل

وان شاء الله مش تكون الاخيرة يا امل
ان شاء الله يكون لينا لقاءات كتيرة يا بنتي
بجد مبسوطة اوي انك هتكوني معانا
ربنا يكرمك يارب
شرفتيني ونرتيني
___________________________

اودي

هههههههههههههههه
هو حد قالك حاجة يا ابني
مانا ساكته
وقلتلك غصب نك هتكون معانا
هنسيبك ونمشي دة علي اساس انك طفل يعني
ازااااااااااااااااااي
هههههههههههههه يا ابني بطل شحاته بقي

Fri Mar 16, 12:11:00 PM GMT+2  
Blogger smraa alnil said...

كراكيب عادل

انت هتكون معانا لا هتاخد ولا هتعمل شئ
لا طالما ان اجازتك قصيرة فبجد هحاول اجيبلك عناوين الدارات دي
عشان تقدم الخير
وهبقي اكتبهملك في مدونتك
___________________________

anonymous

رنا يكرمك يارب
انا هخش عليه واشوفه فعلا
ربنا يكرمك يارب ويقدرك علي فعل الخير

Fri Mar 16, 12:12:00 PM GMT+2  
Blogger smraa alnil said...

سقاح كرموز

المهم انك كنت مبسوط
وانا والله كنت مبسوطة موووووووت
هههههههههههههههه يا ابني انا علي طول موجودة
اكيد انت بتهرج
هههههههههه
شفت التواضع
طب طويس يعني اكيد هتساعدنا بجد
ربنا يكرمك يارب
___________________________


عيل شقي

يا حبيب قلبي
البت دي لاقيه كلب تلعب معاه بس في عيال تانية مش لاقين حتة

ياكلوا
عشان كدة بقول ان في عيال مش معاهم حاجة يلعبوا بيها زي البت

دي
هههههههههههه
اشمعني يعني بنت الباشا
برضه مش عايز تديني بوسة
مش انت قلت اني كبيرة اوي وباين عليا ههههههه

Fri Mar 16, 12:12:00 PM GMT+2  
Blogger smraa alnil said...

تامر

انا الحمد لله يا تامر
ربنا يكرمك دة العشم برضه
ربنا يخليك
ان شاء الله اول ما اوصل لشئ هقولكم كلكم
___________________________

ابن بهية

زيارتك دي بجد علي راسي من فوق
ربنا يكرمك يارب
بس ياريت تبقي معايا عشان تكمل فرحتي
شكرا بجد علي الزيارة الغلية دي

Fri Mar 16, 12:12:00 PM GMT+2  
Blogger smraa alnil said...

حلم

قلبك طول ما معانا يبقي هنطمن
ربنا يكرمك يارب
بس يارب الناس دي تتشجع وتيجي لعمل خير زي ماكانت جاية

للتعارف
قولي يارب
ربنا يخليكي ليا يارب
___________________________

محمد صلاح العزب

شكرا ليك يا محمد بجد
يشرفني بجد انك زرتني

Fri Mar 16, 12:12:00 PM GMT+2  
Blogger smraa alnil said...

قائد

ايه المشكلة دي كلها تذكرة قطر بخمسة وعشرين جنيه
ههههههههههه
تقضي اليوم وتسافر تاني بخمسة وعشرين جنيه
يا بلاش
وانا كمان اتمني المشاركة بجد
ربنا يكرمك
___________________________

ساعه غروب

رضوي

انتي عارفة انا بحبك اد ايه
يا بنتي مش احنا اتفقنا ان انا لسانك اللي بتتكلمي بيه
يعني عادي بقي
ان شاء الله هنعمل دة
بس انتي قولي يارب
وان شاء الله تكوني معانا حاولي تنزلي القاهرة اصل انتي وحشاني

جدا وبجد محتجالك ونفسي اترمي في حضنك بجد
معلش بقي
وان شاء الله هتكني معانا

Fri Mar 16, 12:13:00 PM GMT+2  
Blogger smraa alnil said...

anonymous

خلاص انا اول ما هعلن عن موضوع الاجنماع دة عشان نتقابل فيه

ابقي خش عندي وابقي تعالي
واكيد يشرفني اننا كلنا نكون صحاب في بعض
___________________________

ahmed_h

ادينا اتقابلنا يا فالح ومش اتكلمنا

عامة تتعوض بقي
يا ابني اي فكرة فيها خير بتكون جامدة
اخبارك ايه

Fri Mar 16, 12:13:00 PM GMT+2  
Blogger smraa alnil said...

heboooo

ازيك يا هبة
معلش يا قمر بقي مش مشكلة
بس اكيد هشوفك بقي في فكرة الزيارات دي
اكيد طبعا هعلن
وهبقي اشوفك ان شاء الله
ربنا يخليكي يارب
بحبك في الله رغم معرفتي القليلية بيكي
___________________________

ناااااااادين

هههههههههههههههههه
دخلتي اصل المدونة مش ناقصة والنبي

من ناحية التصميم فا شاء الله في تصميم
بس المشكلة بقي في التنظيم
وربنا يستر اتي عارفة الشعب المصري استاذ في التنظيم
اكيد دة مش هيغني عن اللقاءات بتاعتنا

ربنا يكرمك يارب
لا صفات ولا حاجة
سلام يا قمر انتي

Fri Mar 16, 12:13:00 PM GMT+2  
Blogger smraa alnil said...

اميرة ويلز

ان شاء الله هتكوني معانا
علي فكرةوحشاني جدا
___________________________

جبهه التهييس الشعبية

انا فعلا وقعت وبعت رسايل
وربنا يقدرنا علي فعل الكتير يارب
شكرا للزيارة

Fri Mar 16, 12:14:00 PM GMT+2  
Blogger smraa alnil said...

david santos

did u know what kind of

work i`m talkink about
i mean did u understand my

blog
r u mulim or what??
any way thx so much for ur

visit
have a nice week end
__________________________

eddie cool

thank u
and thx for ur visit

Fri Mar 16, 12:14:00 PM GMT+2  
Blogger smraa alnil said...

el2ahwagi

ezayek ya 2ahwa
heheheh
inshalla daymen t2fel el

100 3la tol
___________________________

carol 2002

يارب ادعيلي انتي بس
وحاولي تشتركي معانا

Fri Mar 16, 12:15:00 PM GMT+2  
Blogger smraa alnil said...

ذو النون المصري

صح
مش في حد عارف مصيره فين ولا مصير الاطفال دي
ان شاء الله
بجد انت مش متخيل فرحت جدا لما قلت انك هتكون معانا
انا شيلت هحاول دي
هههههه
__________________________

محمد جودة

ربنا يخليك علي الكلام الحلو دة
ان شاء الله مش هتكون الاخيرة ويارب يتحقق اللي انت بتقول عليه
نورتني وشرفتني بزيارتك
ياريت تتكرر تاني

Fri Mar 16, 12:16:00 PM GMT+2  
Anonymous Anonymous said...

جع جع جع جع جع جع


اي كلام والسلام

اي كلام يلم شوية الناس اللي بتجعجع وتسقف وخلاص ولا حد حايروح ملجأ ولا ديولو و كلة في الهجايص
اللي عاوز يروح كان يروح من الاول ويبتدي بنفسة لكن اهو ايي موضوع نسقف علية وعمل غاغه و زيطة و حوارات و شويةكلام في الهواء

هوة احنا المصريين كدة


ولا انتي حاتروحي ولا حد حايروح ولا الغرض من كتابتك ان حد يروح بس هيه الطبيعه الحنجورية للشعب المصري واهيه بس كلمة تخللي لمة المسقفاتية يلاقو حاجة يسقفو عليها وكلة في الجعجعه يا ابلة

Fri Mar 23, 02:07:00 PM GMT+2  
Blogger smraa alnil said...

الاخ المجهول

اللي عايزة اقوله ليك انها مش حنجورية مني ولا حاجة

وانا فعلا عملت كدة وابتديت بنفسي لكن كان لازم الكل يتشارك

وعامة ياريت تبقي متابع لان ان شاء الله هنفمل دة قريب اوي

وساعتها هنثبتلك ونثبت لنفسنا اننا قادرين نعمل شئ من غير فنجرة بقي
شكرا علي التشجيع

Fri Mar 23, 09:58:00 PM GMT+2  
Blogger مسلم said...

أنا آسف

بس

مينفعش

مش رأيي

مش كلامي

مش وجهه نظري

بس

كلام رب العالمين

و كلام سيد المرسلين

و حكم أعظم شرع و دين

شرع الله

Sun Mar 25, 02:49:00 PM GMT+2  
Blogger smraa alnil said...

مسلم

انت قلت ان دة لا كلامك ولا كلام اي حد
وانما كلام الله وشرعه

تقدر تقولي ايه دليلك علي كدة
عني ايه اللي انت هتستدل بيه عشان نقول مش ينفع
ياريت توضحلي اكتر

Mon Mar 26, 01:19:00 PM GMT+2  
Anonymous Anonymous said...

حلو جدا الموضوع دا ... رائع .. ياريت تعدلى فيه شويه حتى يصلح لى مكان ... ولأى ناس .. فى الرياض مثلا ونزليه عندنا ... هناك .. يعنى بدل الجنيه ريال ... مثلا .. مثلا ..
ولو .. حتنفذى بجد ... بلغينى .. ممكن أولادى يشاركو معاكى ... وليكى الثواب

Tue Apr 10, 11:02:00 AM GMT+2  

Post a Comment

<< Home