يجلس كعادته وحيدا في الليل محاولا التخلص من حر نهار رمضان
لكي يستطيع اكمال دروسه في الليل
ينظر لخالته التي تجلس معه ومع جدته نظرا لاغترابه بعيدا عن اهله لدخوله احدي الكليات
ويخبرها : اتعرفين يا خالتي اريد من الله ان يمنحني مالا كثيرا لكي اعوضك انتي وابنائك واهلي اجمعين
تدعو له خالته وتخبره بتحضير السحور
" ياريت فاني اتضور جوعا احضري انتي السحور وانا سادخل الحمام لاتحمم استعدادا لصلاة الفجر"
لا تتاخر فانت تعلم ان جدك يستيقظ مبكرا قبل الفجر استعدادا للصلاة ايضا
لكن يتسيقظ الجد ويدق علي الباب وما من مجيب
ينادي باعلي صوته وما من مجيب
تناديه خالته بان يفتح باب الحمام وما من مجيب
يا الهي فلنكسر الباب فقلبي يتألم
هكذا صاحت خالته
كسروا الباب ليجدوا ان ذلك لشاب الذي يبلغ من العمر 21 عاما ملقي علي الارض لا يتنفس
لا يتحرك
صرخة مدوية تطلقها خالته التي اعتبرته احدي ابنائها التي فقدتهم ومحرومة من رؤيتهم
استيقظ كل من بالبيت والعمارة
"ابعدوا سافعل له تنفس صناعي"
ااااااااااااااااااه
هكذا صرخ احدي منقذيه وسقط علي الجثة الملقية علي الارض ولا يتسطيع ان يتحرك
واقسم بكل ما اوتي به من قوة ان شئ يشبه الجبل قد سقط علي ضهره
بعدها وجدوا ان جسد هذا الشاب قد اصبح باردا
فقد مات
اواه
ماذا سنخبر امه وكيف سنخبرها وهو الولد الوحيد علي بنتين
وكان زهرة شباب العائلة
وتأتي امه فاقدةالوعي من السفر لعلمها بان خالتها هي التي توفت
كيف حالها وهي هكذا فما بالها لو علمت ان فلذة كبدها هو الذي توفي
اخبروا كل العائلة بوفاة زهرتها
ما صدقت ما سمعته , نزلت من البيت مهرولة
فها هي صديقته المقربة وقريبته في ان الوقت التي تصغره بعام واحد
اين الرفيق الذي استأنست به ؟؟
اين الصديق الذي وعدني بتعويضي انا واخي ؟؟
اين ذلك الحبيب الذي كان اخ لم تلده امي؟؟
اصعب لحظاتها ليست في رؤية جثته بل اصعبها في كيفية اخبار والدته التي انهارت تماما وهي ليست تصدق ما سمعته
واستقبلت الصدمة الاولي بذكر ان لله وانا اليه راجعون
استقبل مصيرها الحزين بان لله ما اخذ ولله ما اعطي
كانت تري كل الوجوه المحيطة ابنها وما من رأت وجه حتي تلهفت عليه بقوله انه انت ابني
وتتعايش العائلة بهذه الصدمة التي ما كان يتوقعها احد
كيف لشاب في مقتبل العمر ان يموت هكذا ودون معرفة السبب
كيف مات ؟؟
انه قضاء الله
ولكن السؤال يراود صديقته المقربة التي دوما تشعر باليتم
ويمر اسبوع بعد انقضاء شهر رمضان
تنام بجانب امها التي هي خالته
تستيقظ البنت وتقلق امها "اين تذهبين يا ابنتي الحبيبة"؟؟
الي الحمام يا اماه اريد ان اتحمم
ولو كانت الام مدركة ما قالته ابنتها لكانت منعتها من دخوله ولكنها كانت فاقدة الوعي وما تدري ما قالت
تدخل البنت الي الحمام
يتسيقظ جدها استعدادا لصلاة الظهر يدق علي الباب وما من مجيب
ينادي باعلي صوته من بالداخل ؟؟
وما من مجيب
يتستيقظ كل من في البيت خائفا يدق قلبهم بالرعب والخوف
يكسروا الباب لتجد الام ابنتها هي الملقاه علي الارض جثة هامدة
اوواااااااااااااه يا ابنتي
ايعقل ان احرم منكي بعد هذا العمر
جلستي معي اسبوع وقد كان بعمري كله واحرم منكي
لالالالالالالالالالالالالالالا
استيقظي واعلمي باني قد اموت بعدك
ابنتيىىىىىىىىىىى
وياتي الطبيب مخبرا اياهم بانها قد توفت
وتخبرهم الام بان ابنتها مازالت علي قيد الحياه ويجب نقلها للمستشفي
يحذرها الطبيب من الخوف من عملية التشريح لتبين حالة الوفاة
وتخبرهم بانها راضية ولكن ابنتها ما زالت علي قيد الحياة
جسد بارد ازرق
عين ميتة لا فيها روح ولا دم
قلب متوقف عن النبض
والام تخبرهم بانها حية وانها ذهبت لزيارة ابن خالتها وستاتي مرة اخري
ويذهبون بها الي المستشفي و كل من في المسنشفي يخبروا الام بان البنت قد ماتت
وتخبرهم بان ابنتي مازالت علي قيد الحياة وانها زارت قريبها الذي توفي الاسبوع الماضي
ويقينا ستاتي لانها تحبني وتحب اخيها
وامام صرخاتها واستنجادها بكل ما اوتيت من قوة باي شخص
ويقينها الغريب يتستلم الاطباء لرغبات الاهل والاب
اوكسجين ,, حقن جلوكوز,, صواعق كهرباء لاعادة النبض
وهكذا .... استمر الطباء في فعل اي شئ يرضي الاهالي
يا الهي
الله اكبر
انها تتحرك
تتنفس
جلدها يميل للاحمرار الان
جسدها اصبح دافئا
عادت الي الحياة ام ماذا
وبعد فترة تستيقظ البنت متعجبة من مكانها ولماذا امها تبكي حولها
وبمرور الايام تتحسن صحتها
ما الذي راته البنت
وماذا شعرت
لا شئ
كل ما راته ابن خالتها كيف مات وما سبب موته وما سبب وقوع احدي منقذيه عليه وسبب الم ظهره
هذا كل ما رأته اثناء رحلة موتها
وكان سبب الموت هو امتلاء الحمام بثاني اكسيد الكربون المختنق
وان الالم الذي اصاب احدي منقذيه بسبب لمس احدي جناحي ملاك الموت له
وان الشاب الميت يسكن في حديقة كبيرة ومعه اجمل بنت راتها عيني
وما رايت اجملها ولا ابيضها
كم منا يحلم باحلام تموت في لحظة دون ان ندري
ليس لها حساب وليس لها ميعاد
***********************************
الشاب مات بعد دخوله الحمام 10 دقائق
والبنت اكتشفوا موتها بعد بقائها لمدة ساعه ونصف
**********************************
هذا الشاب هو ابن خالتي
والبنت هي انا
يعني القصة دي حقيقية ودي قصتي انا
**********************************
ليتنا نتعظ
وليكن عملنا خيرا ليحسن موتنا
ولنعلم ان الموت مدركنا ولو كنا في بروج مشيدة
فلنقوم نستغفر الله علي ما فعلنا
علي كل كبيرة وصغيرة من ذنوب نعلمها ولا نعلمه
اليوم قد توفي البواب مخلفا ورائه عائلة لا يعلم عددها الا الله
وكان مفعم بالحيوية والنشاط
فلنتعظ ونعلم اننا تاركيها لا نملك غير عملنا الطيب
ووالله انا مفارقيها مخلفين وراءنا شهواتنا وحياتنا
ورحم الله اموات المسلمين جميعا
Labels: حنيني الي الله
135 Comments:
واضح ان الواقع
له بعد كبير عندك
نص جميل
تحياتي
ezzo
مش فهمة يعني ايه الواقع له بعد كبير
القصة دي حقيقية جدا علي فكرة
لان دي قصتي انا وابن خالتي
المهم نورتني الزيارة
السلام عليكم ورحمه الله و بركاته
وَجَاءتْ سَكْرَةُ الْمَوْتِ بِالْحَقِّ ذَلِكَ مَا كُنتَ مِنْهُ تَحِيدُ [قـ : 19]
مش عارف ارد او اعلق علي الكلام
و لاكن اسال الله العظيم رب العرش العظيم ان يحسن خاتمتنا
اجمعين و ان يخفف عنا سكرات الموات
انتي انسانه طيبه جدا
اسال الله ان يحفظك من كل شر
يا قلبي يا غريب
بجد مش عارفة اقلك ايه
بس بجد برتاح اوي لما بشوف تعليقك
بحس براحة غريبة فعلا
ربنا يحفظما كلنا يارب
ودعواتك ليا بجد محتاجة لدعوة صادقة
ويارب يتقبل منك ومنا يارب
قلبتى عليا المواجع فعلا لحظه فراق اقرب لناس اليكى شئ صعب جدا ومؤلم انا لحد الان مش مصدقه انى فقدت والدى واختى رحمه الله عليهم فى مدة شهرين فقط وحسيت قد ايه ل الموت قريب منا وممكن ياتى فى اى لحظه بس هل احنا فعلا مستعدين له
الله احسن خاتمتنا جميعا واجعل اخر كلامنا من هذه الدنيا لا اله الا الله محمد رسول الله
:(
لا اله الا انت سبحانك انى كنت من الظالمين
لا اله الا انت سبحانك انى كنت من الظالمين
لا اله الا انت سبحانك انى كنت من الظالمين
ربنا يحسن خاتمتنا جميعا
سعات كتير الواحد يحس بقرب اجله و يحاول يعيد حساباته تاني بس الغريب ان الوضع ده مش بيستمر كتير و تلهينا الدنيا تاني لحد ما ربنا يبعتلنا رسالة تانية ان صح التعبير يعني و نرجع تاني ندوق حلاوة القرب من ربنا و مع ان الواحد بيحاول يحافظ على نفسه لكن برده الايمان بيزيد و ينقص و نرجع تاني , سعات بحس ان الموضوع مش بايدي بس بقول يا رب احسن خاتمتنا و اجعلني اهلا لان اكون من أهل الجنة..
بجد قصة حلوة قوي
بس انتي ازاي شوفتيه كان حلم يعني ؟
ربنا يصبرك و يصبر مامته و يلحقك بيه ان شاء الله
سمراء
قد اية الموت احساسة صعب
واظن انك من المحظوظين
لانك حصلك دة
لان انتى روحتى للحظة
وعيشتيها
مش اى حد بيعيش اللحظة دى مرتيين
فعلا قصه من أغرب ما سمعت
ربنا يخفف علينا سكرات الموت
شكرا لقلمك الحساس الجميل
رفقة عمر
انا اسفة اني قلبت عليكي الم ومواجع انتي ابعد عنها
مش كنت عايزاكي تتالمي
بس صدقيني انا اتوجعت من تكرار الموت حواليا وياريتنا بنتعظ
عشان كدة قلت ان في ناس بتموت وناس تانية بتعيش امتي هنتعظ
ربنا يرحم والدك واختك ويدخلهم جناته يارب
اللهم امين
___________________________
ضيااء
مش تزعل يا ضياء ولا تتاثر
طارق
اللهم امين
يارب افرح برجوعك قريب يارب
___________________________
bestic
يارب يسمع منك يارب
انت قلت اللي فيها
كل مرة بنحاول نرجع بس مش بيستر معانا رجوعنا
يارب يثبتنا علي الحق والخير يارب
يارب يتقبل منك
عجبتك القص بجد انا حاسة اني مش عرفت اكتبها بالواقع اللي عشته بس حاولت اوصل اللي اقدر عليه
لا هو مش كان حلم
بص انا مش شفت اي شئ لا نفق ولا الحاجات الي بيقولوه عليها
ولا نور واخره ضلمة والحاجات اللي الناس بتقول ليها
انا شفته بس زي ما يكون في الحقيقة عارف معني انك تشارك بني ادم في حياته وتكون ماشي وراه وبتابعه وهو مش شايفك ولا حاسس بيك
انا كنت كدة بقي
شفته ازاي خرج من البانيو عشان يفتح الشباك عشان كان مخنوق ومش لحق يوصل للشباك
والسبب في ان الضربة اللي اتعرض ليها عمه وفي فس الوقت جوز خالته انا كانت لمسة خفيفة من جناح ملك الموت
وانا مش شفت ملك ولا حاجة بس لمحت جناحه
الفترة دي مش عارفة قعدت معايا اد ايه
بس ة اللي شفته
ودة مش كان حلم ولا حاجة
ربنا يصبرنا جميعا يارب ويحسن خاتمتنا
مش فاهم حاجة
صدقني مش هتحس بيه وقت ما بيجي
الصعب هو الخوف الي بعد الموت
احساس الموت جايزاكون انا جربته
ومش حسيت بيه وقت حدوثه
بس الصعب هواللي بع الموت والحساب
مش عارفة بس جايز المرة التانية اروح ومش ارجع تاني
ربنا يرحمنا جميعا ويغفرلنا يارب
___________________________
محمد حمدي
لا غريبة ولا حاجة انت بس اللي مش متعود علي سماع القصص الحقيقية :)))
بس اهو دة اللي حصل بقي
ربنا يرحمنا يارب ويتقبل منك الدعاء
شكرا ليك انت علي كلامك بجد
لا حول و لا قوة الا بالله
ربنا يسكنه الفردوس الاعلي ان شاء الله
فعلا
لعلنا نتعظ
شكرا ع التذكرة يا انووج
إنا لله و إنا إليه راجعون
ربنا يرحم موتانا و يهدينا
أمين يا رب
لسبب ما رغم أن القصة مغرقة في الخيالية ، و رغم أنني من المتشككين في مثل هذة الحكايات ، ألا أنني في منتصفها باغتني أحساس مفاجئ أنها حدث فعلاً و أنك بشكل أو بأخر طرف فيها .
المغزي الروحاني و العقلاني من القصة بغض النظر عن تصديقها أم لا أن الموت فعلاً قد يأتي في أي لحظة و أننا يجب أن نعمل لأخرتنا كأننا نموت غدا و لدنيتنا كأننا نعيش أبدا .
و زي ما قال ياقلبي ياغريب أن يحسن اللة خاتمتنا و يخفف عنا سكرات الموت .
ربنا يرحمه و يرحمنا جميعا و يرحم اموات المسلمين اجمعين
اللهم احسن لنا خواتيم اعمالنا و ارزقنا عملا صالحا
ربنا يصبركم جميعا يا انجى
على الرغم من ان الموضوع حصل من زمن لكن الفراق صعب
تقبلى تحياتى
"الذين اذا أصابتهم مصيبة قالو انا لله و انا اليه راجعون - أولئك عليهم صلوات من ربهم و رحمة و أولئك هم المفلحون"
لا تملكين الآن سوى الدعاء و تذكير الناس بهادم اللذات و مفرق الجماعات
بارك الله فيك
تحياتي من ماناساس البلد
فعلاً الموت هوا خير واعظ على الاقل بتكلم عن نفسى متتخيليش موت والدى غير فيا قد اية ومن قريب توفى صديق ليا فى نفس الكلية ودة برضة غير فيا كتير كنت عايز اكتب عن صحبى الى توفى لكن خفت الناس يفكروا انى متاثر بفليم اوقات فراغ عموما بوست جميل قوى وعجبنى جداً وربنا يرحمه ويرحم امواتنا جميعاً ويخرجنا منها على خير واجمل حاجة اختم بيها
ف ق (كل نفس زائقة الموت وانما توفون اجوركم فمن زحزح عن النار وادخل الجنة فقد فاز وما الحياة الدنيا الا متاع الغرور)
ياااااااااااااااااه
انجي
بصراحه وجعتيني اوي موضوع فعلا في منتهي الاهميه
ربنا يجزيكي خير
بوست شفاف ورائع أوى يا إنجى ,
موجع ويمس شغاف القلوب بجد
أحييكى عليه بشدة
ربنا يعزك
:)
الموت قادم لامحالة
ربنا يرحمنا يرحمتة
بوست مؤثر انجى
خلى بالك على نفسك
تحياتى
الله يرحمه
و يرحمنا جميع
سردك جميل او يا انجى
وحشتينى
ان مش عارفه حاسه انى مصدومه
مش مستوعبه القصه دى
انا بفكرانتى ممكن يكون شعورك ايه
ولو الواحد قابل الموت ممكن يكون شعوره ايه
انا حاسه فعلا انى مصدومه
مش قادره اقول غير كلمه واحده
ربنا يرحم كل موتانا
وربنا يخليك ويديكى طول العمر
انوجى القمره
وحشتينى
حبيبه قلبى
بجد حسيتك اوى
لمسنى اوى البوست
سمرا
مش عارفه اقولك ايه
غير البقاء لله
وربنا يصبركو
ويصبرك
وان لله انا اليه راجعون
وحشتينى
طمنينى عليكى
:)
رودى
سمرا .. انا حتى مش عارف اقولك يا سموورة
كالعادة .. البقاء لله وحده
هتستغربي لو قلتلك بوستك ده احبطنى وضايقنى وفوقنى وفرحنى فى وقت واحد
بجد .. كل ده فى وقت واحد او بمعنى اصح فى يوم كامل واحد
قريت بوستك فاصابنى احباط شديد
من ايه مش عارف حسيت ان البنى ادم ده
مش دايم للحظة اللى جاية
ومع انى عارف الكلام ده ككويس الا انى كتير بغلط وانسي اتوب .. بصلى ايوة صحيح الحمد لله .. لكن هل صلاتى اللى كتير بأخرها سواء بمزاجى او غصب عنى .. كسل او تراخى سميها زى متسميها
مقبولة عند ربنا .. هل صومى فى رمضان
واحتيالى على نهار رمضان بالنوم معظم النهار عشان محسش بالصيام ده مقبول عند ربنا هل قراءتى للقراءن من العام للعام فى رمضان واثناء الصلاة ودمتم
مقبول عند ربنا
هل انى اصاحب واحدة او اكلم
واحدة او اهزر معاها مقبول عند ربنا
لما صوتى بيعلى على امى بدون قصد بالطبع مقبول عند ربنا
هل وهل وهل ... حاجات كتييير فكرت فيها اصابتنى بالاحباط والضيق
قمت من ادام الكمبيوتر وانا فعلا محبط جدا
بس عارفة لقيت ايه ادامى اول ما قمت
لقيت مصحف والله العظيم حسيت انى فقت مرة واحدة بصيت للمصحف كانى اول مرة اشوفه حسيت بشعور غريب وجميل اول لما شفته دخلت اتوضيت ورحت ماسك المصحف واول لما فتحته حسيت براحة نفسية عجيبة راحة خرجتنى من كل اللى كان عندى من احباط وضيق فضلت اقرا شوية فيه لحد محسيت انى بجد مرتاح اوى فرحت
فرحت انى حسيت ان ربنا راضى عنى وحط الطمأنينة فى قلبى اول لما رجعتله بصدق
حسيت ساعتها ان لو رجعت بجد ربنا هيقبلنى وده فرحنى اكتر واكتر
معلش يا سمرا طولت عليكى .. بس بجد كان لازم اقولك على اللى حصلى ..
بسم الله الرحمن الرحيم
{يا ايها اللذين امنوا لا تقنطوا من رحمة الله } صدق الله العظيم
تحياتى .. وكل سنة وانت طيبة بمناسسبة المولد النبوى الشريف
:]
اللهم ارحمنا يوم ترجف الراجفة
انا دلوقتى مذهول بجد
هذه البنت هيا انا
وهذ الولد هوا ابن خالتها
مصدوم من كل حاجة .., ومن كل كلمة .., ومش عارف اقول ايه
خوف غريب حسيته وانا بقرى كل كلمة
خوف من ربنا ومن قرب لقاه
وزعل على حالنا وتوهتنا
انا مش هعلق على القصة لانى مش هقدر
كل اللى هقوله
ربنا يرحمنا
يا رب ارحمنا يا رب
واحسن خاتمتنا
وامتنا مسلمين موحدين يا رب العالمين
اللهم اميين
ربنا يجعل قبره روضة من رياض الجنة ويجمعه وإيانا مع النبيين و الصديقيين والشهداء في الفردوس الأعلى يا رب العالمين
أنا سمعت عن قصص كتير كدة..بس عمري ما عرفت حد يمر بتجربة زي دي ويحكيها...ربنا يعينك ويصبرك عائلتك كلها
الحمد لله ربنا وهبك "فرصة" انك تطمني أهلك عليه وانك تكوني مثل حي إن الموت علينا حق في أي وقت
شكراً انك شاركتينا القصة دي عشان نتعظ
ايه ده!!!..
ايه دهّّ!!!!.......
ديه قصه حقيقيه!!!!!!!....
ايه ده...انا قشعرت و انابقراها....
ايه دهيا سمراء النيل..
صدقيني مش عارف اقولك ايه بس بجد!!!!........
و الله ما لاقي كلام...
البقاء لله....صدقيني انا عمري ما ريت حاجه كده....
لا اله الا الله .....ربنا يصبّر كل قلب علي الفراق
البقاء لله
تعددت الاسباب و الموت واحد
جزاك الله خيرا على التذكرة
ماهى كانت نقصاكى إنتى كمان يا انجى
ماشى
ماشى
منك لله بقة
صحيتى عليا المواجع
محمود حلمى ( أبن عمتى ) مات السن (19) سنه سبب الموت ( أزمة قلبية )
حسام طه ( صاحبى ) مات السن (25 سنه ) ( حادث غرق العبارة السلام لم يعثر على جسته
أحمد عبد الرازق ( صاحبى ) مات السن (25) سنه بسبب الموت سرطان الدم وبعد الشفاء مات ناتج فايروس فى فترة النقاهة
والدى العزيز ( مات السن 50 سنه ) سبب الوفاه
غيبوبة كبدية + عدد جلتطين فى المخ
وقبلهم
وائل ( احد شباب بلدى لست على معرفة كبيرة به ولاكننتى كنت اعرفة مات بسلطان الدم
والبقية تأتى
أستغفر الله العظيم
اللهم أرحمنا وأرحم أموات المسلين فانت أرحم الراحمين
اول ما جال بخاطرهم ، ماذ نقول لأمه
يالهم من اهل
مش عارفة أعلق من الصدمة
انا مصدومة بجد ومخضوضة جدا
ربنا يرحمه و يرحم اموات المسلمين
ما اعرفتش اتنفس الا لما كملت قراية البوست لاخره و فى الاةل كنت فاكرها قصة ان كانت حقيقية فهى منقولة عن ملايين الناس لكن عرفت انها قصتك الشخصية
و دى فرصة طيبة لمراجعة النفس و التقرب الى الله عز و جل
لان الموت مالهوش ميعاد و ممكن ييجى من غير مقدمات
ربنا يهدينا جميعا و يرحمنا يا رب
أنا بجد شعرت بالصدمه عند القراءه و لن أستطيع القول سوي ربنا يرحمه
تحياتي لكي
السلام عليكم ورحمة الله وبركاته
الله يرحمه ويرحم كل اموات المسلمين
ياريت نتعظ بالحاجات اللي زي دي
واللي ربنا بيبعتهالنا كانذار علشان نفوق ونصحي من غفلتنا
ياه ياانجى كل ده
مش عرفه اقولك ايه بس الموضع حلو بجد
انا اول مره قريته اتخضيت ومعلقتش ورجعت قريته تانى
فيه معانى كتير اوى
انك تبقى قريبه من الموت بالدرجه ديه
او بعنى اصح تكونى فيه ده اكيد غيرك جدا
ولفتى نظرى لحاجه الى بيموت مابيكنش عارف انه مات
تعرفى يمكن كلام مش مجاله دلوقتى بس مش عرفه ليه جي على بالى يمكن علشان كنت لسه بفكر فى الفيلم ده امبارح فيلم
the sixth sense
واتخضيت لما قريت البوست بتاعك
افتكرت بروس ويلس والولد بيبصله ويقوله فى ناس عيشين معنا ومش عرفين انهم ميتين
يمكن احساس الموت اوقع من ادركنا احنا ليه
وربنا يوفقك فى الى جي
ويخليك ممتك
انتى طيوبه اوى وتستهلي كل خير
epitaph
اللهم امين
ربنا يتقبل منك يا ايبي
بس يا ريت تنفعنا كلنا يا ايبي
___________________________
انيما
اللهم امين ربنا يرحمنا ويرحم اموات المسلمين يارب
ironcopra
مش عارفة بس انت مش اول واحد يقولي كدة
بس يعلم الله انها حقيقية مائة بالمائة
وان ذلك حدث معي بالظبط
انا مش كنت بحكي فيها كتير الا لاصحابي وقد يعلمها سجين في قلب الوطن نظرا لصداقتي الطويلة معه علي مدار تقريبا سنة ونصف
لكن حيب اني احكيها علي الملا لسبب اني حسيت ان كل الناس حواليا بتموت
فحاولت اذكر نفسي واياكم لحدث حصل ومفارقات القدر بان واحد يقعد 10 دقايق ويموت وواحدة تقعد ساعه ونص ويكتب لها الحياة لان اجلها لم يأذن بعد
اللي كت عايزة اوصله كام واحد منا معرض للموت بس من غير رجعه
اللهم امين
___________________________
سجين في قلب الوطن
طبعا انت كنت عرف الموضوع دة يا باشا
اي خدعه صيتك اهو
ربنا يصبر كل اهل
انت عارف ان الموضوع دة متتهي من خمس سنين
متقبلاها يا فندم
the groom
ودة اللي انا حاولت اعمله لاني خفت اوي بصراحة
تحياتي من كفر ابو طشت
___________________________
الارموطي
ربنا يرحمه يارب ويغفر له ويدخله فسيح جناته
موت اي حد قريب مننا بيأثر فينا كلنا وبيجبرنا احيانا علي التغيير
ربنا يرحمنا جميعا يارب
محمد مفيد
اسفة يا محمد علي وجعك
بجد مش كنت اقصد اني اوجع اي حد بس حبيت انقل صورة حقيقية حصلت
ربنا يرحمنا يارب
___________________________
مبرمج حر
ازيك يا عم المبرمج
ربنا يكرمك يارب
بس حلوة اوي شغاف دي
جديدة
ربنا يخليك يارب
تامر نبيل
ان شاء الله ربك هوالحارس
ربنا يكرمك ويخليك يا تامر
___________________________
بجابيجو
ربنا يرحمنا جميعا يا هاجر
انتي يا بنتي فينك كدة
ربنا يكرمك يا هاجر
طمنيني عليكي يا حاجة
reemoo
مصدومة من ايه بس يا ريمو
بصي انا قلتلك اني مريت بتجربة دي
وبجد مش عارفة هي كانت تجربة موت ورجعت تاني ولا هي كانت لحظة غيبوبة وعدم الرغبة ف الحياة
مش عارفة
بس انا نقلت اللي شفته وحسيته
كون اني اقابل الموت صدقيني هو مش موجع بالدرجة اللي انتي متخيلاها
انتي مش بتحسي وقتها
بس الخوف فيما بعد الموت
انا مش شفت اي شئ من اللي الناس بتقول عليه اللي هو اشوف ملايكة والحاجات دي
لا
انا كلاللي شفته اللي قلت عليه وخلاص
بس فكري كدة ان الموت لو جالك وانتي مش مستعدة ممكن تعملي ايه
ربنا يرحم امواتنا يارب
___________________________
ساعه غروب
وحشااااااااااااااني يا رودي والله
انا الحمد لله كويسةيا رودي انتي اخبارك ايه يا قمرة
ربنا يصبنا جميعا ويرحمنا
اللهم امين
اسلااااااااام
انا اللي مش عارفة اقولك ايه يا اسللااااام بجد
مش عارفة كلامك دة المفروض يفرحني ولا يزعلني ولا ايه بالظبط
خلتني مش عارفة بجد
كلنا بنغلط ونتوب يا اسلاام
بس المشكلة ان كل مرة نلحق نتوب اصل الموت بيجي بسرعه اوي
صدقني مش في حد بحس بيه
البواب بتاعنا كان قاعد في وسط ولاده بيفطر وكل القمة من هنا ورجع راسه من هنا ومات
حاات كتيرة اوي يا سمسم بنعملها ومش عارفين هي صح ولا لا
بس لا يسعنا غير انا نستغفر الله بجد
ونتوب
ربنا يريح بالك يا سمسم يارب
بجد فرحتني لما قلت انك حسيت براحة
ربنا يديمها عليك يارب
طبعا لازم اعرف عنك كل حاجة
ربنا يكرم يارب يا اسلام
وانت بالصحة والسلامة يا قمر
___________________________
شارم
اللهم امين
ربنا يتقبل منك يارب
زورديك
اللهم امين
وانا مش عارفة ارد عليك اقولك ايه بجد
___________________________
نوني
اللهم امين يارب
هي المشكلة ان في ناس فعلا مش مصدقة بسربنا يعلم ان دي الحقيقة
واديني يا ستي كلمتك وحكتلك علي الي حصل بالتفصيل
لعلنا جميعا نتعظ
ربنا يجعلها يارب في ميزان حسناتنا
ارتعاشات
اه دي قصة حقيقية
مش تقول اي حاجة لني انا شخصيا مش عارفة ارد
اديك شفت و قريت بقي
ربنا يتولانا برحمت يارب
___________________________
كاميليا
اللهم امين يارب
طهقانة
ربنا يكرمك يارب
جزانا الله ايانا واياكم
___________________________
gay of sun
ازيك يا عمنا
مبروك
اخيرا جيت تزورني
دة انا هعمل فرح
اكيد هزورك واقرا القصص واقولك راي
المهم انت اخبارك ايه
ربنا يهدينا ويهيديك يارب
اودي
هههههههه
معلش بقي يا اودي
كل دول الله يرحمهم يارب
بجد مش عارفة اقولك ايه
بس ربنا يغفرلهم ويرحمهم يارب
___________________________
محمد عبد الغفار
طبعا الصدمة كانت قوية جدا
بس الكل عارف عمرو دة بالنسبة لامه ايه
ومش كنا عارفين نوصلها الخبر
ربنا يرحمنا يارب
ياسمين
سلامتك من الصدمة والخضة يا ماما
ربنا يتولانا برحمته يارب
___________________________
خالد
اللهم امين يارب
هي دي المشكلة الموت لا ليه وقت ولا معاد ولا ممكن تحس بيه
ربنا يرحمنا يارب
بس المهم نكون مستعدين ليه
مايكل
ربنا يخليك يارب يا مايكل
ربنا يرحمنا جميعا ويهدينا يارب
___________________________
خمسة فضفضة
وعليكم السلام ورحمة الله وبركاته
اللهم امين يارب ويتقبل منك
وياريتنا نصحي ونتعظ بجد
شكرا للمرور
محض روح
انا الي مش عارفة اقولك ايه بجد
المشكلة اللي خلتي اكتب كدة اني اتغيرت اه بس رجعت تاني للدنيا
ومش اتعظت ومش حسيت بتغير بعد كدة
والمفروض اني اكون اكتر واحدة تتعظ بالموضوع دة وتكون مستعدة ليه
بس زي زي اي حد تاني
ولما لقيت ان الموت حواليا افتكرت
ورجعت بذاكرتي تاني وحبيت ان انتو كمان تشاركوني في اللي انا مريت بيه
بالظبط الكلام الي قلتيه لماشفتي الفيلم صح ومظبوط
ربنا يكرمك يارب
انتي اللي عسولة والله
وتستاهلي الخير كله
في احداث الموت جانب مُضيء ورائع لمسته
هو رحمه ربي
اثق انك عرفى رساله ربك لك و الهدف منها
اللهم ارحمنا جميعا
وانا لله وان اليه راجعون
ربنا يحسن ختامنا جميعا
سمراء
بجد واقعية القلم الذى ينسج احداثا نراها جميعا حولنا و يضعها فى قالب ادبى يكون هو سر النجاح
دام قلمك نابضا حساسا و رقيقا
تحياتى على البوست الجميل
This comment has been removed by the author.
أول مرة الاقي حد بيتكلم ي المواضيع دي ويكون حد أعرفه وبصدقه.. يعني في الغالب بحس انها بتبقى قصص متألفة للعظة
لكن القصة تقبض جدا ..
ربنا يحسن خاتمتنا جميعا
فوكيرة
الحمد لله بس انا برضه محتاجة كتير جدا
واللهم امين يارب
___________________________
شخبطة ملوكي
اللهم امين يارب
تحياتي علي زيارتك
ربنا يكرمك ويهدينا جميعا ويرحمنا
وشوشني
تصدقي ان تعليقك زعلني
يعني ايه مش شكلة واحدة ميتة خالص
انا اولا مش ميتة يا مريم
ثانيا مش شرط اني مريت بتجربة زي دي اني اتزهد في الحياة واني مش اقوم من علي سجادة الصلاة
والحاجات دي
انا انسانة في الاول والاخر
انا مش معني اني بخرج وبضحك وبلبس يبقي انا مش بعمل اللي يرضي ربنا يا مريم
انا عارفة حقوقي كويس
بس نا زي ما قلت بشر
اكيد انتي كمان بتيجي عليكي لحظات بتصلي وتعيطي وتقولي هعمل ومش هعمل وبتيجي عليكي لحظات بتنسي كل دة وبتغلطي
بنغلط وبنرجع يا مريم
لكن انك تقولي مش شكل واحدة ميتة خالص او مرت بنفس التجربة
كلامك جرحني اوي
وبعدين انتي شايفة اني وحشة اوي كدة عشان تقولي لازم تصححي اللي فيكي
شفتي عليا ايه عشان تقولي كلمة زي دي
مريم لازم تراجعي كلامك
بالنسبة لسؤالك
فانا عايزة اقولك اني اول ما فقت مش كنت عارفة اصلا ايه اللي حصلي
غير لما ماما هي اللي قالتلي
شكرا
___________________________
متغيرة شوية
سلمي
انتي عارفة كويس ان لو كانت علاقتنا استمرت من زمان اوي
كنتي اكيد هتسمعيها مني
بس الدميا صغيرة بقي
بس ربنا يعلم انها حقيقية وصادقة جدا
ربنا يتولانا برحمته يارب
سمرا
بجد لغايه النهايه و انا مش متخيل ان القصه حقيقيه و انها منك انتى
مش عارف بجد اقولك ايه
غير انك كل يوم بجد بتاكديلى ان جواكى حاجات كتير قوى مستخبيه يعنى كنت مستغرب كتير نبره الشجن اللى دايما فى كتاباتك بس د
لوقتى بدأت افهم
مش قادر اتقولك قصتك قد ايه اثرت فيا
و فى النهايه ما اقدرش اقول غير انا لله و انا راجعون ربنا يسبرنا جميعا
تحياتى
انجى
ابكتينى والله
اللهم ارحم جميع موتى المسلمين
والمفروض والدتة تفرحلة على انة فى الجنة ان شاء الله
وانتى حمد لله على سلامتك وربنا
عايز يبعت لينا رسالة اكيد عن طريقك
تحياتى ليكى كتير قوى
msh 3rfa a2olk a bs akid kant tgrba s3ba w ghreba w el7mdllh en rabna ngaky
w rabna yrmna gami3an
مقدرش اقول غير سبحان الله
الله يرحمه ويرحم كل امواتنا
مش عارف اعلق
لأني كنت فاكر ان ديه قصة
ولكنك ذكرت انها حيقية
فما اجمل الحقيقة
وما اجمل اليقين حين يأتي
لا اعلم ارزقتي نعمة أم نقمة
ولكنك رزقتي ميزة والله اعلم
فعسي ان تستغليها اختي في الله
أسلوبك كان مميز في سرد القصة
أدعو الله ان يرحم موتانا أجمعين
:(
يارب ارحم موتى المسلمين
يارب ارحم بابا
يارب اغفر لي وسامحني
يارب احسن خاتمتي أناوكاتبة القصة ..وكل اللي بحبهم..وكل المسلمين
احزنتني ياسمرا
أنا خايفة بجد
جزاك الله خيراً
انا مش هقدر ااقولك حاجه عشان انت فهمتيني غلط وانا كان قصدي حاجه تانيه هتعرفيها قريب
انا لله وانه اليه راجعون
مش عارفة ليه وانا بقرا البوست ده قلبى اتقبض وحسيت انى عايزة اسيب الشغل واروح البيت عند امى .. مش عارفة ليه جالى احساس انى هروح مش هالقيها .. او احتمال ملحقش انا اروح.. انا من الناس اللى دمعتها صعبة بس انتى خليتنى عيطت ..
انجى .. انا خايفة .. انا قريت البوست من ساعتين ومن ساعتها خايفة وكل شوية افتح صفحة الكومنت واقفلها .. قريت يس بس لسه برضه خايفة
البقاء لله ...
ويرحم الله أحياء المسلمين
ياريت والله نفوق ونعرف ان احنا مفارقنها
ويمكن يكون ده هو سبب الشجاعة اللي عندك
انا مش عارفة انت ازاي استحملت التجربة دي
ياريت تنوريني بزيارتك
وما تدرى نفس ماذاتكسب غدا
وما تدرى نفس بأى أرض تموت
ان الله عليم خبير
لقد قرأت قصتك ويعلم الله من شدة أعجابى بأسلوب طرحك للمواضيع فقدقرأتها بصوت عالى أى مسموع و حولى
بعض الأصدقاء
وذلك لما فيها من عظة وتنبيه لنا فى هذه الدنيا فنحن لاندرى ماذا يخبيء لنا القدر غدا وبالتالى فنحن كل يوم نستعد للقاء الخاتمة ربما تكون غدا
فنستغفر الله فى كل لحظة ونتوب اليه ونطلب منه المغفرة وننام فى المساء ونحن على وضوءدائما منتظرين تلك الليلة التى تكون فيها خاتمتنا
اللهم أعتق رقابنا من الناروقنا عذابها
لكى ياسمراء كل التحية والتقدير
فنعم ما كتبتى اليوم
سمراء
البقاء لله اصعب شىء الموت الفجائى وقد استعاذ منه الرسول الكريم
ربنا يصبر اهله ويصبرك لانك قولتى انه كان قريبك وصديقك المقرب
لكن من فضل الله عليه انه مات فى شهر رمضان ربنا يجعله من عتقائه فى هذا الشهر الكريم
اللهم اعتق رقابنا ورقاب اهالينا وسائر المسلمين جميعا
امين
البقاء لله
ربنا يرحمه
كل سنة و انتى طيبة يا انجي
إن لله وان اليه لراجعون
والحمد لله على سلامتك ياانوج
بس هده منها مجرد صدفة هده عبرة والمفروض كلنا بناخد بيها
ويارب يسترنا فوق الأرض وتحت الأرض ويوم العرض يارب
بجد كلامك وجعنى قوى وياريت فعلا كلنا نتعظ أفتكرت فعلا الناس الغالين عليا اللى فعلا راحوا وماتوا
والحمد لله أنك لسة معانا علشان تحكى قصتك والناس تتعظ
إنا لله وإنا إليه راجعون
قصه صعبه فعلا يا انجي
رغم انك قولتيها في تعليق قبل كده وعارف اخرها بس شدتني اني اكملها للاخر القصه صعبه قوي فعلا علي الناس و احساسها صعب جدا علي البشر واكيد عليكي بس اكيد ربنا قدره الخير انه مات في رمضان
واكيد ربنا قدرلك الخير انك لسه عايشه او رجعتي يعني اكيد فيه حكمه من كده
و احساسك بالموت من القصص الي بتحصل كتير و اعتقد بقي شبه علم دلوقتي اسمع العوده من الموت وليه قصص كتير و احداث اكتر
شكرا علي تذكيرنا بالموت ويارب نتعظ
تحياتي
السلام عليكم ورحمه الله
اكتبي تاني..اكتبي اي حاجه بس تكون منك فيها من مشعرك فيها من لامك فيها اي حاجه طيبه.
يالهوي ياسمرا
كنت بشوف البوست
وبسمع اغنية طيبة امال ماهر
لقيتني انفجرت عياط
مش مصدق
بس عندي حل بجد
متزعليش
ليا واحد صاحبي لما بنتجتمع
ممكن نبص على أي حاجة تختفي
أو يحصلها حاجة
بس اكيد بسبب علمي
لما يميل قرص الشمس
اطلبينا
نركز مع الحزن بتاعك
نحسده
يمكن جايز
يروح ويسيبك
ربنا يحميكي
ايه دا بجد ؟؟
طيب امتى؟؟
قصة موءثرة جدا ربنا يرحمه و يرحمنا جميعا
تجربة الموت دى تجربة صعبة جدا بس بنتعلم منها حاجات كتير
مش فاهمة حتة ملاك الموت دى ؟
قصة جميلة فعلا و مؤثرة جدا جدا و انا بقرأها بجد كنت متاثر جدا
و لما عرفت اها حقيقة و ان دى قصتك
اتاثرت اكتر
انا لله و انا اليه راجعون
و بجد الموضوع غريب جدا و مش عارف اقول ايه والله
اختى الغالية سمراء اشكرك جدا لسؤالك الدائم عنى
معلش ظروف وحشة بعدانى شوية عن النت و دة على عينى لانها الهواية الوحيدة اللى بتشغلنى
اتمنى قريب ارجع تانى و اتواصل معاكم
كل الحب و التقدير لكى
أنا من يوم ما كتبت بوست النهاية والبلوجات كلها حزن على الرغم من إن معظم البلوجات مفيش حد قراها... هوه موود حزن بجد ولا إيه؟؟
زي ما قالك حلاوة لو عندك أي حاجة مخلياكي حزينة صفريلنا واحنا نيجي نحسدك عليها هتختفي على طوووول
ربنا يغفره ويغفرلنا ويجمعنا كلنا ف الجنة
آمين
البقاء لله وحده سبحانه وتعالى
مصيبه كبيره كان الله فى عونك وعون اهله
قد ايه انت انسانه حساسه ورقيقه
لعلنا نتغظ فعلا ونعلم ان الحياه قصيره
جداااااا مهما طالت
تحياتى
سلام عليكم أزيك يا أنجى
اول حاجة مينفعش نسمى الى حصلك باى حال من الاحوال انه موت لان الموتى لا يعودون الى الحياة
فى حالات كتير زى حكايتك و طبعا نتيجة التشخيص الخاطى بنعتبرهم موتى لكن الموضوع بيكون توقف تام فى معظم اجهزة الجسم ماعدا المخ و سبحان الله كل شئ بامرة
بجد انا بحسدك على التجربة اللى حصلتلك
و يارب العظة توصل للناس من خلالها
قصتك صدمة مش هنساها و تجربة فريدة لكنها تعلم جامد و البقاء لله
بالمرة لان بقالى فترة غايب اعذرينى
البوست اللى فات جميل استمرى يا بنتى
البوست اللى قبله عجنى ردودك اوى و اشكرك على التلات مصايب اللى جيبتهوملى دول هاحاول احلهم مع ان واحد فيها للمرأة!!! نقلبه رجالة ولا ايه؟!!
بس ردودك جامدة
تحياتى
awlan el baqa2 lelah
sanyan enty gamila awy bgd (3ashan kol ely esmhom engy asln 7elween) la bgd enty gamila awy mn gowa .. w bgd ely enty 3eshteeh dah 7aga sa3ba awy .. w rabna yesbrk .. w bgd post raw3a .. thnx ya engy
(i answered ur tag 3ala fkra (rabna yesam7ek))
انا لله و انا اليه راجعون
قصة بجد تقطع القلب و تخوف والله
ربنا بجد يرحمنا جميعا برحمته الواسعة و يجعلنا نموت علي طاعة و يغفر لنا
الحمد لله انك خرجتي من الموضوع ده بالسلامة يا نوجا . ربنا يكرمك و يحسن خاتمتنا جميعا يا رب
سمراء لا نملك الا انا لله وانا اليه راجعون وعلينا محاولة التعايش مع احزاننا والدعاء دائما بان يحسن الله خاتمتنا
سبحان الله
انت يابنتي شفتي كتير!!!!!!
ربنا يهنيكي ويسعدك!!!!!!!!
من ساعة ما قريت البوست و انا كل يوم بدخل اشوفو تاني و اقراه تاني البقاء لله و حمدالله على سلامتك انا بجد بقيت بدخل على البوست عشان اقرا التعليقات الي عليه تفاعل الناس معاه عاجبني اوي مش عارف كلمة عاجبني مناسبه للموقف و لا لاء بس الناس بجد عند الموت مشاعرها بتكون حاجه تانيه لما شوفتو اول مره كان فيه 4 تعليقات النهارده فوق التسعين ده دليل ان الناس قدام المشاعر الانسانيه بتتفاعل و بطلع كل الي عندها ....البقاء لله
مفيش اى تعليق يقدر يتقال عن اللى حصل دا
بس انا مقدرة جدا اللحظات اللى عشتى فيها بعيد عن الحياه
لانى مريت بيها وبنفس الموقف تقريبا
لحظات طويله من الوحده والسكون والغموض وفجأة تقومى تلاقى الكل حواليكى وانتى مش حاسه ايه اللى حصل
وربنا يصبركو ويجمعكو بيه فى الجنه وجميع المسلمين
وانا بحييكى انك فكرتى تشاركينا القصه دى
الكل اتأثر بيها ويارب نتعظ بجد
وربنا يجزيكى كل خير
اللهم أرزقنا قبل الموت توبة وعند الموت شهادة وبعد الموت جنة ًونعيما.
اللهم آمين
انا برمي التماسي.. امال فين منال يعني مش سامع صوتها مش دة برده تيب البوستات اللي بيعجبها؟
ألف ألف شكر على هذه القصة العظيمة وما بها من عبر وعظات نحتاج أن نكرر سماعها وسردها حتى نتذكر تلك اللحظات الأقرب إلينا مما سواها ونحن أبعد ما نكون عن التفكير فيها لولا استحضار هذه القصص
وأما السرد فهو رائع .. أشكرك عليه
أرق تحياتي
إنتي يا بنتي ؟؟؟ فييين البوست الجديد ، أهم وصلوا 94 أهم ، ياللا بقى ، صحيح ، فيه مقال عاوزك تقريه ، قبل ما أنزل البوست بتااعي :
فاكرة يا انجى لما قولتيلى على الموضوع ده لما كنا قاعدين فى الامريكين فى وسط البلد وبعد ما مشينا بعد قعدة استمرت اربع ساعات مبطلتش تفكير فى الموضوع وكل شوية اتخيلو
وفى كل مرة بقول لا اله الا الله
الموضوع ده قاعد شاغل تفكيرى اكتر من يوم
لكن لما بتحكى القصة وحد يسمعها غير لما تحكيها وحد يقراها
انا بقول لكل اللى علقو عندك الحمد لله انهم مسمعوهاش منك لانهم كانو هيتصدمو زيى بالظبط
يووووووووووه كل مره اجي متأخر كده
:(:(:(
ايه ده يا بنتي دي قصة ولا في الاحلام
بجد سبحان الله
الله يرحمنا
ويرحمك
:)
ويخليكي لينا يارب
تأسرنا الكلمات أم أنها تمتلك أناملنا
ربما فى كل الاحيان نراها داخلنا أو نرى أنفسنا بين السطور
كلمة ، معنى ، أو حتى عبرة نعتبرها
تحياتي
موضع جميل جدا
تحياتي
ربنا يستر
هنموت يعنى هنموت
عزيزتى سمراء النيل
أولا حكلمك كصديق
حمد اللة على سلامتك و لونها متأخرة شوية
ثانيا حكلمك كطبيب بيحضر دكتوراة فى الطب و كلها كام سنة و المشرفين يرضوا عنى و أناقش الرسالة
شوفى بقى يا سيتى
التسمم بثانى أكسيد الكربون بيعمل فشل فى التنفس و الأسوأ منة أول أكسيد الكربون لأن قابلية الهيموجلوبين لحمل لأول أكسيد الكربون أعلى مئة مرة من قابليتة لحمل الأكسجين و يؤدى ذلك إلى الهيبوكسيا ومش عارف دى يعنى إية بالعربى ودة غالبا سبب الوفاة
أنوووووج
إزيّك ياجميلة
ربنا يرحمنا جميعاً
أنا مش عارفة ليه حاسة إن الموت ده حاجة كويسة
حاسة إن فيه أمان أكتر
هدوء أكتر
مفيهوش مشاكل ولا صراعات
مفيهوش طبقات
كل الناس زي بعض
الخير بس هو اللي بيصنف الناس بعد موتهم
و الله أعلم طبعاً
مش عارفة ليه مووودك كُحلي اليومين دول
بغض النظر عن فكرة العظة والتذكير
كُحلي في العموم
المهم إنك دلوقتي عايشة
إفتكري الموت من غير ماتنسي إنك لسه عايشة
تحياتي
شريف غريب
مش عارفة انا كمان اقولك تيه
بس بجد انا شفت كتير اوي زي مانت قلت واللي مش ممكن يتخيلوا انسان
بس الحمد لله علي كل شئ
وربنا يكرمك ويرحمنا جميعاي يارب
___________________________
نبض اسكندرية
معلش مش كان قصدي اخليكي تبكي
ربنا يخليكي يارب
والحمد لله ان هما مؤمنين بربنا وتقبلوا الصدمة الاولي
ربنا يهدينا جميعا يارب ويكرمنا
lost
msh t2oly 7aga aya 2amr
hya msh sa3ba awi ad ma bftkr shakl mama we my aunt
lma kona bn2olha 2bnha mat
bas el 7amdolelelah
___________________________
houty
اللهم امين
انتي ازيك يا قمر
بينو
انا كمان مش عارفة هي نعمة ولا نقمة بس في كلا الحالتنين الحمد لله
وربنا يكرمك يارب
___________________________
incomplete
اللهم امين
اللهم امين
اللهم امين
اللهم امين
مش اقصد اني احزنك
مش تخافي بس نراجع نفسنا ونرجع لربنا
جزانا الله واياكم
وشوشني
يا سيتي حصل الخير
انتي عارفاني بطلع اطلع وانزل علي فاشوش
المهم يا ستي حصل الخير وحياة ال 300 فارس :)
___________________________
هلوسة مصرية
لا بعد الشر عليها وربنا يديها طولة العمر يارب ويخليهالك ومش يحرمك منها ابدا ويحسن خاتمتنا كلنا
قولي يارب وسبيها علي الله
shahrzad_storry teller
اللهم امين
استحملتها زي ما بستحمل اي حاجة
صدقيني انا مش حسيت باي شئ
ووقت الموت مش بتحسي باي شئ غير انك خلاص مش هتقدري ترجعي عن اي شئ
بس الحمد لله عدت علي خير
وان شاء الله هزورك
___________________________
جماااال
الاول حمدالله علي السلامة فينك غايب المدة دي كلها
المهم لعل اصدقائك يتعظوا
اللهم امين يارب
ربنا يكرمك يا جمال ويخليك يارب
مصر هي امي
اللهم امين يا محمد
هو ابن خالتي
الحمد لله علي كل شئ
___________________________
عمرو احمد
اللهم امين
يارب
شارم
وانت بالصحة والسعادة يارب
___________________________
ليندا
الله يسلمك يا ليندا
اللهم امين يا قمر
اتي اخبارك ايه
بوسبوس
انا اسفة معلش مش اقصد اني اوجعك
بس يارب يتحقق زي ما قلتي ان الناس كلها تتعظ
الحمد لله علي كل شئ
نورتيني يا قمر
___________________________
انسانة
ونعم بالله
والحمد لله
عبد الله
الحمد لله علي كل شئ يا عبد الله
اكيد طبعا حكمة ربنا يلا يعلمها غيره واتمني انها تكون خير
يارب
__________________________
يا قلبي يا غريب
وعليكم السلام ورحمة الله وبركاته
المرة دي بقي مش فاهمة تقصد ايه اكتبي تاني
مانت عارف اني دايما بكتب من كلامي ومن مشاعري
بس ربنا يكرم ان شاء الله اخرج من اللي انا فيه وربنا يكرم
حلاوة
اكيد مش هزعل
حد يشوف تعليقك ويزعل يا راجل
ههههههههههههه
طب قشطة عليك دة انا محتاجاكم في حاجات كتيرة اوي تخفوها
كابتن حلاوة
هو مش ينفع انك تخفيني انا شخصيا
ربنا يخليك انت يارب
___________________________
ما علينا
اه بجد
من خمس سنين
ربنا يرحم امواتنا كلنا يارب
عامة هبقي اقولك علي موضوع ملك الموت دي لما ابقي اكلمك اصل شرحها يطول
شاب عادي
ربنا يخليك يارب ةيكرمك
مش تقول حاجة غير الحمد لله ونعم بالله
___________________________
فانسي
يااااااااااااااااااااه
ايه يا بنتي فينك كدة
صدقيني بتقلقيني عليي بجد
يارب ظروفك دي تبقي هينة ويخلصك منها علي خير
وانا كمان بجد اتمني انك ترجعي تاني وتخلص ظروفك دي يارب
وحشاني ووحشني كتابتك
ساكيار
تقدر تقول كدة حزنانين علي بوست النهاية
شفت انت عملت ايه بقي
عامة انا خلاص اتفقت مع حلاوة انكم هتخفوني انا
ايه رايكم بقي
اللهم امين
___________________________
سهر الليالي
بس الحمد لله يا اماني
ربنا يخليكي يارب
وربنا يخرجنا منها علي خير
ahmed_h
وعليكم السلام
ازيك انتيا احمد
ايه يا ابني فينك
انا بد مش حاولت اني استفر علي مسمي علمي للي حصلي
وانا قلت اني مش شفت اي شئ من اللي بيحصل للموتي دة
وبتحسدني علي ايه بس
يارب
___________________________
محمد ياسر
ربنا يكرمك يا محمد
بس التلات مصايب دي هتعملهم يعني هتعملهم
انا بقولك اهو
بطوط
ونعم بالله
هههههههههههههه طبعا يا بنتي كل اللي اسمهم اني جمال اوي
ربنا يصبرنا جميعا يارب علي عذاب الدنيا والاخرة
شفت الاجابات يا قمر
___________________________
هبه
سلامة قلبك يا قلبي
الحمد لله
انتي اخبارك ايه يا جميلة
همسات
صح
ونعم بالله
ربنا يتقبل اعمالنا ودعاؤنا يارب
___________________________
صابرينا
كتير اوي يا صابرينا بس هعمل ايه بقي
قدر ومكتوب عليا والحمد لله علي كل شئ
يارب يتقبل منك يارب واياكم
انتظار مؤقت
المهم انه عجبك واكيد مناسبة
الناس اللي بتيجي هنا حاسة بالانسانية وناس من جوة بيضا اوي
عشان كدة بتتفاعل عاي شئ يمس الانسانية
طيب ولما انت بقي قريته وكان 4 تعليقات مش علقت ليه بقي :))
___________________________
sorsaraa
بجد مريتي بنفس التجربة
طب احكيها يا بنتي
صح
اللهم امين يارب
يارب
ياريت بجد تكتبيها
اللهم امين
عمر
ههههههههههههههه
ماشي يا عم بس خلي بالك انت بترمي فين بعد كدة
اه صحيح هي مش منال وزيرة دفن الموتي
المهم انت اخبارك ايه واخبار الامتحانات ايه
___________________________
ابن بهية
ربنا يخليك ويكرمك يارب
نورتني بالزيارة
ابراهيم معايا
ايه يا هيما
انت جاي تقر عليا ولا ايه
مقال فين دة
وريهوووووووووووني
___________________________
راسبوتين
اكيد فاكرة طبعا
وبعدين يا يامن انت لازم تشردلي يعني هههههههههههه
ربنا يكرمك يارب يا ايمن
ويخليك ليا يارب
اخبارك ايه لوقتي
زحل الفلكي
هههههههههههههه
معلش بقي المرة الجاية تيجي بدري
عشان تعرف بس ان احنا مش اي حد
سري باتع خاف مني بقي
ربنا يخليك انت ليا يارب
اخبارك انت ايه
___________________________
حاول تفتكرني
كلام جميل جدا
بجد اترسمت عليا ابتسامة رقيقة لما قريته
شرفتني الزيارة
تحياتي
ابن ناصر
ربنا يكرمك يارب كويس انه عجبك
___________________________
خالد
بس انت قول يارب
عشان نخلص بقي
منورني
قائد
متاخرة خمس سنين
بس ملحوقة بقي
بتحضر دكتوراه يا قلبك
دة انا حتة ماجيستير مش قادرة عليه
ادعيلي انت كمان بس كدة ان كلها سنتين واناقش ويرضوا عني الدكاترة
المهم يعني بعد التقرير دة في امل يا دكتور
__________________________
اميرة
ازيك انتي يا قمر
يارب
هوراحة صدقيني وامان وكل اللي انت قلتي عليه
بس في حالة واحدة بس لو انتي مستعدة ليه
ساعتها يبقي احلي حاجة
هو مش كحلي بس يا اميرة
دة اي لون غامق ربنا خلقه هتلاقيه المود بتاعي
انتي جبتي الخلاصة يا اميرة مشكلتي اني دايما شايفة نفسي ميتة
هاى
ازيك يا سمرا عجبنى البلوج بتاعك فعلا بشكل عام و ان كان ماليش فى الشعر اوى :(
مات فى رمضان و كمان كان رايح يستعد للفجر
الفراق أليم بس اللى بيهون لما نعرف او نتخيل المكان اللى فيه
اللهم انا نسألك حسن الخاتمة
ازميرالدا
منوراني جدا والله
ومبسوطة اوي ان بلوجي عجبك
والحمد لله علي كل شئ
وربنا يرحمنا جميعا يارب
ويغفر لامواتنا
ابقي كرريها تاني
اكيد حاكررها ان شاء الله
ابقى شرفينى انا كمان اعزمك على حاجة فى البلوج بتاعى
سمعينى رايك يا قمر
اظاهر المدونتين اقارب
اى حاجة و كلام و السلام
:)
مستنياكى
ههههههههههه
اي حاجة بقي
وكلام والسلام
شكلنا مستبيعين
انا جيتلك يا اختي ولا شربت ولا اكلت حاجة
وما نابني غير المشورة وخلاص
المهم يا سيتي
منوراني دايما
تعالي خدي تورتة بقي من اللي فوق دي
في البوست اللي فوق
:||
No comment
(shock)
mony the angles
salamtk men el shock ya 2amr
3ady b2a
الحلم اللي شفتيه ماحدش عارف كان رؤيا صادقه ولا لا , بس في الغالب رؤيا.
مش عارف ازاي قرروا انك لا قدر الله وانتي بتتنفسي
الا اذا كنتي ماتنفستيش لمده ساعه ونص
اللي اقدر اقوله:
بجد الله يرحمه
ويحسن خاتمتنا كلنا
المشكله فعلا اننا بنفكر في الموت انه دايما بعيييييييييد
وفي الحقيقه ماحدش ضامن لحظه واحده زياده يعيشها
حصان بري
صدقني انا مش عارفة اي شئ
انا اللي شفته قلته
لان للاسف مش في حد اتقص وللا حاول يعرف سبب وتفسير للي حصل
بس اللي عايزة اقوله اني فعلا مش كنت بتنفس ومدة الساعه والنص دول هي الترة اليل قعدت فيها جوة الحمام
لكن عقبال ما خرجوني ونقلوني كانت ازيد من ساعه ونص
ربنا يتقبل منك يارب
وياريت نتعظ
انا اللى حصلى زيك هو الاختناق برضو وقعدت طول اليوم فى حالة اغماء واتعملى تنفس صناعى ولما فقت لقيت متركبلى حاجات غريبه كدا..وقعدت كذا يوم اخد فحقن توسيع للشعب الهوائيه ربنا مايوريكو ابداااا.
وانا طبعا مش فاكرة ايه اللى حصلى وايه اللى خلانى اتخنق..بس هو ثانى اكسيد الكربون دا منه لله..وزى ماقلتلك صمت رهيب وضلمه ولادريانا بالدنيا ولابالناس اللى هيموتو مالقلق عليكى.
احلى حاجه بقى انى لما فقت قالولى انتى كنتى بتهلوسى بالانجليزى:)
الواحد ياختى دماغه كانت اتلحست من كتر العنجليزى اللى كان بيدرسه واللا ايه:)
بس الحمدلله انه انجليزى احسن مابرطم بالعربى وابعبر وتبقى حكايه:)
بس على فكرة بعدها سمعت ان ناس كتير برضو بيتخنقو من نفس الموضوع.
ياللا الحمدلله انها عدت على خير معانا كلنا.
لسا عمر الشقى بقى:)
تحياتى ليكى
ههههههههههههههههههه
بالانجليزي
دة انتي قادرة
انا اتقالي بقي اني كنت مكتومة بعيد عنك
وعلي رايك منه لله ثاني اكسيد الكربون
بس كويس اننا علي قيد الحياة
بسبع ارواح
الحمد لله
مش عارف ارد ومش عارف أقول غير بجد غريبة أوي الحياة دي ...بجد كانها فعلا ايام بتعدي وتجري منا واحنا مش حاسين قلوب تتلاقي وقلوب بتبعد...ناس بنودعهم نبكيهم..يااااه الدنيا دي فعلا زي البحر بيدي ولما بيغدر مش بيعرف مين قدامه...الله يرحمه..ويخليكي يا انجي..يا اطيب انسانة في الوجود كلها..
احمد
ربنا يخليك يارب ليا
ومش عارفة اقولك ايهبس اللي انا شايفاه ان دي سنة الحياة
زي ما بتديك لازم تاخد
والحياة دي ماهي الا تجارب ربنا بيختبر فيها قوة ايمانا وصبرنا
واكيد بيبقيليه حكمة
عشان في الاول والاخر نقول الحمد لله
برضا تام
سيبها علي الله يا احمد
انتى بجد اللى حصل ده بيدل على ان ربنا بيحبك اوى..جواكى حاجات كتيره كويسه..الحمدلله بجد..:)
ربنا يكلمك يارب يا بنتى...و اشوفك بالفستان الابيض قريب اوى..:)
Post a Comment
<< Home