نقطة حبر نزلت غلط...... علي اخر الكلام رسمت نقطة الحبر صورة غلط لعلامة استفهام
بصيت شوية وسرحت
ولقيتها فعلا مكتوبة
!!الرجل فوق والراس تحت
لعلامة مقلوبة
يا دي العجب....؟
رفعت صوتي وصرخت
طب ايه السبب ..؟؟
قالوا اصل الجواب مقلوب .. فسؤالك اتقلب
القط بقي فار وحمارك اتغلب
الجواب مقلوب ؟؟؟؟؟؟؟؟؟؟
اه ,, مقلوب الجواب
وخدها كدة بالخبرة
تقدر تقولي يا سيدي يعني ايه الدنيا اضيق من خرم الابرة؟؟؟
تموت عايش وتعيش ميت
وهي دي العبرة
قال ايه .. العبرة بالنهاية
دي نهايتك هي اللي عبرة
بلااااااااش دي
تسمع واحد يقولك روحي في مناخيري ؟؟
وهي الروح يا ابني ممن تسكن في المناخير؟؟؟؟
....!ممكن
اللي خلي خيري
ما دخل جوف عيالي
وسكن في جيب الغير
والله دنيا مقلوبة ... شمالها يساوي يمين
تقدر تقولي ايه الحكمة ان راسك فيها بدل العين الواحدة اتنين؟؟؟
اه طبعا ..... عشان اشوف بيهم
هأأ ..... حمار يا كبدي
والفهم عندك ضنين
العين الاولي تشوف بيها سنة
والتانية تبكي علي اللي شافته الاولي سنين
دي ودنك لو تسمع ايه بيقول لسانك
ما كان لسانك نطق الا جراح وانين
انسان نفسه يكون حمارويعيش في برطعه
وحمار نفسه يكون انسان ويخلع البردعه
والله الحمار من حقه يكون انسان
اسألني ليه ؟؟؟؟؟
لييييييييييييييه؟؟؟
هقولك ليه
الحمار علي الاقل عارف طريق داره
اما الانسان غاية ما حط رجله بره بيته اتقل مقداره
يا راجل ...!!! يا راجل دة الحمار يقدر ياخد قراره
ويفضح الانسان نفسه ويكتم سره حماره
وبعد دة كله تقولي علامة الاستفهام مقلوبة
دا انت وظيفتك في الحياة ارادة مسلوبة
تقدر تقولي ايه الفرق بينك وبين الجزمة؟؟؟؟
ماااافيش فرق زي ما بتلبسها بتلبسك .. هي نفس الازمة
الفرق الوحيد ان هيه ليها لزمة
هييييييييييييييه اقولك ايه ولا ايه
يقولك مصارين بطنك بتتعارك ايه رأيك؟؟؟
تقدر تتدخل ..؟؟
تقدر تصلح بينهم او حتي برأيك تشارك؟؟
عشان تعرف قد ايه انت ضعيف
قليل الحيلة ,, محكوم برغيف
يمكن تكون زلزلال بس هزاتك
يدوب تهز عقلك والباقي من حياتك
وتدور تلف وتقول :؟
ادوني حته حياة في طبق
هاعصر عليها لمونة وابلعها
يضحك عليك الزمن ويقولك :؟
يا ابني ... يا ابني الحياة محدش بيخدعها
هنروح بعييييد ليه بص كدة في المرايا...!!؟
صورتك فيها معدولة ؟؟
دة مش بعيد تبص في المرايا تلاقي تلات اشخاص
واحد هو انت
والتاني يمكن تكون انت
والتالت مات خلاص
وبعد دة كله تقولي علامة الاستفهام مقلوبة
بقي مانتش مكسوف
ايه يعني خرجت عن المألوف
يرحم ستي وستك لما قلبوا الفنجان بعد العصاري
وبصوا لبعض وقالوا :؟
اللي يعيش ياما يشوف
وعجبي
Labels: اشعاري العامية
164 Comments:
لما يبقى نظام الحكم مقلوب والحرامية هى اللى بتحكم والظباط هما اللى بيخوفوا الناس والفلوس تتاخد من الفقير عشان تروح للغنى ولما الفاسد يترقى والشريف يتحبس ..يبقى لازم الاسئلو والاجوبة تبقى مقلوبة .. كدة العملية معدولة...
اللى يضحك بقى انك لما تيجى تعدلى النظام المقلوب يتقبض عليك بتهمة محاولة قلب نظام الحكم
انا دماغى اتقلبت
السلام عليكم
بجد .. و بحق ..انتي.. سمراء النيل ..
اخت ..طيبه ..جداا..اا..اا
اسال الله العظيم ان يحفظك من كل شر و ان تكوني من الصالحين الفالحين الناجحين
اللهم امين
ايه يا سمورتى
بجد مش عارفه ليه لما خلصت قرايه البوست مره واتنين جربت اقراه بالمقلوب
يعنى من اخره لاوله
جربتى
احساس غريب
يمكن حسيته كده ممكن يوضح اكتر واكتر
مع انه كفكره باين وكمعنى مفهوم
و شكرا ليكى
جربى بجد وقوليلى
:)
سمرا
هايته شوية كدا ؟؟
طيب كدا كمان شوية
لأ خليه على جنب كدا
طيب خلاص نزليها لتحت
علامة استفهام برضه
فى كل الحالات علامة استفهام
اشمعنى دى الى حتكون عدله
ما كل شئ مقلوب
الحق بقى باطل و الباطل فاق الحق
مكنون داخلى يلفظ حالة من الأحتقان الشعورى
دمتى بكل حالات التعجب تمرحين بالكلمات و الحروف
ازيك يا سمرا
أخبارك ايه؟
انا متابع لمدونتك من زمااان
بس للأسف ما بسبش كومنتات
ع العموم حصل خير
المهم انو البوست جميل جدا
ولو نقيت الحاجات اللي عجبتني اوي
هحط حاجات كتير
انا اما لقيت عدد الكومنتات لسه في الأول
قلت ألحق اسيب كومنت في الخمسة الأوائل
وبردو نسلم عليكي
وسلملي عليك سلم
جااااااااااامدة
من تأليفك؟
لما يبقي كل حاجه في البلد حالها مقلوب
فلما تيجي علامه الاستفهام مقلوبه فدي ش حاجه غريبه ولا حاجه
بصي يا انجي انا يمكن اتوافق معاكي في حاجات و حاجات تانيه لا فعلا احنا في الوقت الي بنمر فيه في علامات استفهام مقلوبه بس هقوليك علي حاجه ربنا خلق الانسان احسن مخلوق وفضله عن باقي المخلوقات يبقي منقولش ان الانسان حاله اتقلب و بقي في حالة غيبوبه ده هو الانسان انحرف عن طريق المستقيم و هي دي دوارةالحياة و المقسوم هنشوفه
سمراء
احنا حياتنا كلها مقلوبة وحياتنا كلها علامة استفهام ومحدش عارف حاجة ولا الاخر ايه يبقى متزعليش نفسك
واللى يعيش يا ما يشوف
سمراء
تقريبا ديه اول زيارة ليكى فى مدوونتك الرائعة واكيد ان شاء الله مش الاخيرة
بجد حلو اوى اوى اوى اللى انتى كاتباه
والله روعة
ربنا يوفقك وربنا معاكى
تحياتى الشديدة واحتراماتى
طارق واحد غير الناس
يعني انت معانا ان حياتنا سؤال مقلوب
ههههههههه يعني نيجي نعدل المقلوب مش ينفع نقلب المعدول برضه مش ينفع
هي مخروبة مخروبة
وجياتك انا كمان دماغي اتقلبت
___________________________
يا قلبي يا غريب
وعليكم السلام
ادا بس كدة :))
ربنا يكرمك ويخليك يارب
اللهم امين
يارب يتقبل منك يارب
ساعه غروب
رووووووودي
من اخره لاوله ولا من الشمال لليمين
عشان تفرق اوي :))
لا انا مش جربت بس ممكن اجربها
انا جربته من الشمال لليمين
جربي انتي وقوليلي بقي
___________________________
سجين في قلب الوطن
يا طارق
في اي حالة من اللي بتقول عليهم دي كانت النتيجة انها برضه مقلوبة
يعني مش في فايدة
علي رايك كل شئ بقي غلط جت علي علامة الاستفهام يعني
حلو اوي موضوع مكنون داخلي
ربنا يخليك يا ناصفني دايما
negmooo
ازيك انت
منورني ومشرف مدونتي
انا الحمد لله تمام
بجد مبسوطة انك متابعني من زمان وزعلتني انك مش بتعلق لاني اكيد ببقي محتاجة الراي في اللي بكتبه
المرة الجاية بقي ابقي خليني اشوفك
ومبسوطة ان البوست عجبك
ومبروك عليك المركز الخامس:)
ههههههههه
سلامات سلامات سلامات
يا حبيبنا يا بلديات
مش انت بلديات برضه
___________________________
خالد
ربنا يخليك
يس هي من تأليفي
وكل العك اللي في المدونة دي من تأليفي
محمد مفيد
وهو دة اللي انا بقول عليه
يعني هي جت علي علامة الاستفهام اللي هتبقي عدلة في بلدنا
___________________________
كوبا
انا مش قلت ان الانسان حاله اتقلب يا كوبتي
انا قلت ان الانسان دايما مش عاجبه حاله
عايز يبرطع زي الحمار
بس هتنكر اننا في حاله غيبوبة
اوبعدين شفت بقي
اديك انت قلتها ان الانسان انحرف عن طريق المستقيم
يعني حاله اتقلب
وزي ما قلت برضه المقسوم هنشوفه
مصر هي امي
محمد
انا مش زعلانة عليا
انا زعلانة علي حال الانسان
وحال الحمار في ذات الوقت :))
ولسة كل ما عايشين كل ما هنشوف
منورني
___________________________
عاشقة الوطن
عاشقة
ياريت بقي مش تكون الاخيرة بجد
انتي منوراني
ربنا يخليكي يا قمر ومبسوطة اوي انها عجبتك
ربنا يوفقنا جميعا يارب
تحياتي ليكي يا قمر
كل هذا يتبدد عند اطراف قدمى
تموت عايش وتعيش ميت
وهي دي العبرة
قال ايه .. العبرة بالنهاية
دي نهايتك هي اللي عبرة
حلوة الجملة دى اوى
بجد تأليفك دا انا فكرتها تاليف صلاح جاهين و الله
هههههههههههههههههههههههه
انا عمال اقرا
ومش واخد بالي انها مدونتك
فالكلام عجبني جدا
قلت اشوف مدونة مين دي
لقيتها اي حاجة بقي
قلت بس حد سرق اسم انجي
طلعتي انتي
يخرب عقلك
جامدة جداااااااااااااااااااا
روعة يا موهبة
دي الدنيا هي اللي مقلوبة مش علامة الاستفهام
الإنسان اللي هو حسب كلام علماء الأحياء أرقى الكائنات هو برضه أضعف الكائنات
أصغر حاجة ممكن تهزمه
طبعا رأيي انتي عارفاه بس هاقوله تاني
راااااااااااااائع
وجعتي قلبي بجد..أنا عمالة اصبر نفسي على الحال والأحوال وأقول كلها أيام وخلاص و"الجنة قربت" على رأي واحدة صاحبتي...بس من الواضح إن كل الناس بتجري بتجري لغاية لما يتقطع نفسهم وفي الآخر يكتشفوا انهم رجعوا لورا مش بيتقدموا..أو كأنهم بيجروا في دائرة مغلقة مع إنهم لو فضلوا واقفين في النص كان يبقى أفضل لهم وأريح لهم ولنا كلنا
ربنا يصبرنا جميعاً ويقوينا ان احنا نعدل العلامات كلها مش بس علامة الاستفهام
متقطعيش
نوني
هههههههههههههههههههههههههههه
وكمان
ههههههههههههههههههههههههههه
عاوزة تانى
هيه الناس بدأت تفكر ولا إيه ؟؟
كدة اللعبة مش مظبوطة
ناس عايشة وناس مبسوطة
بس لاء
بح
مفيش
خلاص
معدش عندى إللى ادهولك
للدنيا يعنى متفهمنيش غلط
هنعيشك غصب عنك
وصدقينى ولا هيهمنا حاجة منك
إيه يعنى العلامة مقلوبة
تصدقى ممكن تكون هيه كدة معدولة
آه هيه معدولة وأنا إللى مقلوبين
عادى يعنى
إنجى يا بنتى
أسمحيلى يعنى
إنتى فى مرحلة خطير
بس ممكن تخرجى منها بسهولة
دى أرادتنا المحتومة
أنا عارف إنى أحنا سعات إللى بنبقى عاوزينها مقلوبة
وفى نفس الوقت ممكن نعدل علامة الأستفهاب المقلوبة
نتقلب أحنا كمان
هتتعدل على طووووووووووووووول
أنسى
طنشى
نفضى
هبلى
وقولى ورايا
عادى بقة
أودى
هههههههههههههه
ناس مبسوطة وناس زعلانة
سمره مش عارف ليه حسيت من البوست بتاعك انك جواكى سؤال هل الانسان مخير ولا مصير انا كمان ياما حيرنى السؤال ده ولحد دلوقتى مش لاقيله جواب بس بوست جميل
أشطة أخيراً حاجة أستكيفت منها زي موضوع البنطلون أبو فردة و فردة اللي هو أصلاً بأة لفت نظري لمدونتك و خلاني أتابعها.
على فكرة صينيتين الشندوشتات في البوست اللي فات منظرهم واحدة جبنة رومي من بتاعة مصر للألبان و واحدة لانشون صلاح وعبد الفتاح في عيش فينو أكياس من بتاع المؤسسة ، ناوليني أتنين و أتنين و حياة أبوكي .:-)
السلام عليكم ورحمة الله وبركاته
انا باحثة واقوم ببحث عن المدونات وحرية الراى
واتمنى تفاعلكم معى من اجل الوصول الى بعض القواعد والقوانين التى تساعد المدونين على نشر ارائهم بكل حرية
وبقيود دينية اخلاقية تمهد وتنير وصول الكتابات الحرة الجيده مباشرة الى المسئولين والى قلوب الناس
اتمنى مساعدتى فى ملأ استبيان به بعض الاسئلة الخفيفة
وانتظر ردكم بالموافقة على معاونتى على المدونة الخاصة بى
http://crazy-sosa.blogspot.com/
او على الايميل
sosa_444@yahoo.com
ارجو تفاعلكم والاهتمام بالامر لجديته واهميته الشديدة
**** ملحوظة
الاستبيان موجود بالبلوج بتاعى وممكن تنزيله بسهولة وارساله على ميلى
سارة الاسكافى
ايه يا انجى ده
ما الدنيا الا علامة استفهام
مش هتفرق علامة الأستفهام تكون مقلوبه ولا لأ
لأنها هتكون موجوده فى كل الأحوال
اسئلتك دى فكرتنى بأغنيه مش فاكراها
بتقول
عشت الحياه ولا عاشتنى
تحياتى يا انوج
و شكرا على سؤالك
انا متوقفه عن التدوين لفتره
جميل جمال ملوش مثال
بذات اولها موزون وزنة جواهرجي
تسلم ايديكي
اوروفوار
سمراء
بجد
انا مكنتش عاوز اعلق
لانى خايف تعليقى
ميوصلش اللى عاوز اقولة عن جمالها
هههههههههه
والله ما عارف اضحك ولا أبكى
مش قلتلك يا بت يا انجى انك عديتى خلاص
من ساعة ما قريت رجل البنطلون وانا مستنى حاجة كده
واديكى اهو .., عملتيها ومخيبتيش أملى
علشان تبقى مصدقة لما أقولك انك جواكى روح شاعرة
بس المرة دى جرعة الكآبة كبيرة اوى
هوا احنا ضعاف أوى كده
:(
سمرا بجد موهبتك روعه
والكلام موزون جدا
وفعلا اللى يعيش يشوف العجب
وتفسيرك لحاجات كتير كان منطقى
بس الانسان مش ضعيف صدقينى
بس هو بيرتاح لما يكون لابس ثوب الضعف
بيريح دماغه من الاخر
بجد كلامك روعه يا سمرا
تحياتى
جامدة يا بنتي والله
ازاي وافقتي تعملي التاج اللي تحت ده؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
صحيح والله الدنيا بقت مقلوبة مش هقول ايه ولا ايه ولا ايه...اهي مقلوبة بمية الف حاجة وخلاص...وهنستغرب ليه؟
خلاص مبقتش استغرب حاجة
عارفة طبعا اني عايزة اقلك انها حلوة وحاجات تانية كتير..بس طبعا مش قادر ابعبر كويس...عموما انا قلتلك قبل كدة انها ملهاش حل وفعلا عجبتني جدا ومتهيئلي اني اول وحدة سمعتها ولا ايه...؟
جوجو
ايه يابنتى الحكم ديه
فلا الدنيا بقت عمله زي علامة الاستفهام
حتى لو اتشقلبنا راسنا تحت ورجلينا فوق علشان نفهمها مش هنفهمها
بالعكس ديه هتضحك علينا زياده
تعرفى انا حسه اننا هنفضل ندور على
الأجبات لحد مانموت
وبرضه مش هنوصل لحاجه
اتحكم علينا فيها نعيش ونرضى
نكمل صوره محتومه ليها
يمكن لما نموت نوصل الاجابه؟؟؟
بس تعرفى الاجابه الوحيدة الي وثقه منها حاليا انى اتولدت علشان اموت
غير كده
معرفش
تحياتي ياجميل
وربنا يوفقك ويزيح عنك كل هم
القمحاوي
ايه بقي اللي بيتبدد عند اطارف قديميك؟؟؟
___________________________
شاب عادي
ههههههههههههه
ايه يا جدعان هو انا شوية في البلد
اي نعم انا مش يبان عليا بس بجد انا اللي مألفاه
احلفلكم يعني
عمر احمد
ههههههههههههههههه
ادي اخرت اللي يتعامل مع عامة الشعب
كنت منتظر مني ايه يا عموووور
دي اقل حاجة عندي
ربنا يكرمك
___________________________
عبووووووود
ماهي الدنيا عبارة عن سؤال كبير اوي
اخره علامة استفاهم
ولما تكون الدنيا مقلوبة يبقي سؤالها وعلامتها كمان مقلوبين
طبعا عارفة رايك يا قمر
نوني
سلامة قلبك يا قمري
بجد مش قصدت اني اوجعك
واخرت اللي بيحصل دة ايه بس يا نوني
هي العلامة دي مش هتتعدل ابدا
بس ربنا يسمع منك يارب ويزيح عننا
مش هقطع مش تخافي ههههههه
__________________________
اودي
هههههههههههه
دة انت شاعر بقي وانا مش عارفة
ايه يا واد الكلام الكبير دة
تصدق بقي ان مش شفت ناس مبسوطة
علي الاقل اللي حوالينا
انت مبسوط؟؟؟
الناس اللي بتيجي عندي وعندك مبسوطين؟؟
لو دول مبسوطين يبقي الدنيا كلها فلة
الدنيا هي اللي معيشانا ولا احنا اللي عايشين فيها غصب
مين فينا جابر التاني
دة رضا الله وقضائه
ههههههههههه
تصدق جايز احنا اللي مقلوبين
انا في مرحلة خطر؟؟
يعني في امل اني اعيش
تفتكر ان احنا فعلا قادرين اننا نقلب العلامة
عادي بقي
يا شاعر
الارموطي
صدقني يا محمد مش سؤال واحد
اسئلة كتيرة اوي وفعلا السؤال دة من ضمنهم
والغريب ان لحد دلوقتي مش لقيت اي اجابة لسؤالي
بس ربنا قادر يخلينا نلاقي الاجابات
___________________________
ironcobra
ههههههههههههه اشطة عليك انت ياسمسم
طب تصدق ان كدة عيب يعني لو مش كنت كتبت رجل البنطلون
مش كنت هتابعني
وبعدين بقي كل العك اللي كتبته دة ومش مكيفك
اخس عليك يا سمسم
هههههههههههه
دة علي اساس اني انا التابعي يعني ولا فلفلة
بس من عيني
هات اللي قالك عليهم البيه وضيف عليهم شندوشتين كبدة عشان ابيه يا ابني
ازاي المودام
سوسا
وعليكم السلام ورحمة الله وبركته
ان شاء الله ازور واشوف الاستبيان واشوف ايه الموضوع
منوراني
___________________________
مانو
تصدقي انتي جبتي اخرها
معدولة مقلوبة مش فارقة هي النتيجة واحدة
هههههههه
ايه الاغنية الغريبة دي
لا افتكري كدة بتاعت مين دي
متوقفة ليييييييييييييييييييييييه
في ايه يا ماما خير
طمنيني عليكي
طقهانة
هههههههههههههه
شاعرة يا اخواتي
منوراني يا قمر
___________________________
مش فاهم حاجة
بجد كفاية عليا اوي الكلمتين اللي قلتهم
ربنا يخليك بجد
ومبسوطة اووووووي ان كلامي عجبك كدة
زورديك
لا دة ولا دة
لا تبكي ولا تضحك
انت تفضل محلك سر كدة
وبعدين ربنا يخليك يا احمد يارب
مانت عارف ان جرعه الكابة دي ملازماني علي طول
يعني سواء ضعاف او اقويا مش بقت فارقة يا احمد
___________________________
ريمووو
ربنا يخليكي يا ريمو يارب
تفتكري يعني ان احنا اللي مضعفين نفسنا
وبنريح دماغنا فعلا
تفتكري ان اللي بيحصل حوالينا من فقد قدراتنا علي تغيره بنحس بالضعف
ولا بنريح دماغنا ومش عايزين حتي ناخد خطوة التغير
مش عارفة حيرتيني يا ريمو
ربنا يخليكي يارب
عربي
ازززززززززززززيك
انت فينك يا ابني مختفي اصلا ليه
صدقني مش كان بمزاجي
اصلي مش بحب ازعل اي حد مني
بس ايه رايك شفت اجاباتي؟؟
___________________________
بيسوو
وايه في حياتنا يخلينا نستغرب يا بيسوو
كفاية يا بنتي رد فعلك لما سمعتيها مني
وطبعا انتي كنتي اول حد يسمعها اصلا
وحشاني يا بنتي
___________________________
محض روح
هههههههههههههه عشان تعرفي بس يا بنتي اننا مش قليلين
انا برضه حاسة بكدة
اننا مش هنلاقي الاجابات
بس تفتكري اننا لما نموت برضه هنوصل لاجابة
الحاجة الوحيدة اللي هنعرفها بجد ونشوفها هو اليقين
من اي حاجة مشكوكة في الدنيا دي
مش انا بقولك تعيش ميت وتموت عايش
يعني مش فارقة كتير
يارب يا جميلة يارب
بجد ده من اجمل ما قرأت على الاقل انهارده
فكيها علشان تفك
كلمينى بقة
بت
عادى بقة
ايه الحواوة دى
يابنتى الفكرة جامدة جدا
واسلوب الطرح عالى اوى
بحييكى
بحبك با حمار...اه..ده أنا بزعل أوي لما حد يقولك يا حمار...و بحبك يا حمار
بوست هايل يا سماره و أعذريني أني ملقتش غير اغنيه الحمار اللي ارد بيها
تحياتي لكي
جميلة جدا وخليتني ضحكت قد ما اتعجبت..
بس بمناسبة الحمار وحكاية اللي الحمار عارفه واللي احنا مش عارفينه..خطر علي بالي قصة قريتها من فترة
الحكاية بتقولك ايه..
قال حمار الحكيم يوما:متي ينصف الزمان فاركب..فانا جاهل بسيط اما صاحبي فجاهل مركب
فسئل عن الفرق بين الجاهل البسيط والجاهل المركب..
فقال:الجاهل البسيط هو الجاهل الذي يعلم انه جاهل..اما الجاهل المركب فهو الجاهل الذي يجهل انه جاهل
تحياتي
ايه ده يا بت انتى ده يا بت انتى ده يا بت انتى ده يا بت انتى ... ماسورة الموهبة اتكسرت خلاص .. غرقونا بقي
انا افتركت انى هلاقي فى الاخر انك كاتبة انها بتاعة عمنا صلاح جاهين ولا حاجة وقلت ازاى الرباعيات دى فاتتنى اصل انا قريتها كلها يعنى حاجة كده بتاع 7 تلاف 8 تلاف مرة .. ومقرتش الكلام ده قبل كده ..
بجد يا انووج رووووووووووعة
كلام موزووووووون
وعجبنى بجد .. واول مرة هقول الله يرحمك يا جاهين روحك نزلت فى سمرا
:]
النص ده
فيه فعلا كلام موزوون
يدخل العقل مباشرة
وأعتقد ان الهدف منه ده
يخاطب عقلك مش احاسيسك
وع العموم نجح في ده
تحياتي
سمرا
متقلقيش عليا انا كويس
ربنا يخليكى ليا وهكلمك قريب اوى
بنت يا بنت انتي
هدمرك والله وهفجر نفسي في مدونتك
طبعاً عرفتي أنا مين
:)
انا طبعاً قلت رأيي في موضوعك لأني كنت من سعداء الحظ اللي سمعوه عالهوا وبعدين انتي عارفة رأيي في كتاباتك أصلا انت تحفة يا بنتي.. عاوز بقى البوست الجاي حاجة شقية من بتوعك
انا بقى شكلي هزعل منك.. انا مش منبه عليكي (حلوة منبه دي) كأني هرن بعد شوية.. أيوه هرنك علقة لأني منبه عليكي أن الحلقة التانية من لا توجد بنات قبيحات بدأت في مدونتي حصرياً من زماااااااان.. وانتي كنتي من مستمعي الحلقة الأولى.. لازم تيجي تسمعي التانية.. ولو مش جيتي هفجر نفسي في مدونتك
عاااااااااااااااا
وبعدين متقوليش انك اون لاين00 ان اف لاين يا أما انا اتعمل عليه بلوك.. هدمرك
انا مش هحط بوست جديد إلا لما تيجي المدونة والله بقى ها عااااااااااااا انت حرة
عالله الله متجيش.. يبقى عزبة النخل هتتشمع بالشمع الاحمر
سلام يا بنت يا صغيرة
إبراهيم عمك وعم الشباب
وعلشان متقوليش اني خفت ومش عامل سين اين هقولك انا رقم 119 عندك شفتي ازاي
:)
سلاااااااااام
ههههههههههههههههههههه
هههههههههههههههههههههههههههه
هههههههههههههههههههههههههههه
ههههههههههههههههههههههههههههههههه
ههههههههههههههههههههههههههههههه
هههههههههههههههههههههههههههههههههه
هههههههههههههههههههههههههههه
انا مبضحكش علي الموضوع دة
انا بضحك عشان الدنيا دي طلعت اضيق من خرم الابرة بجد
تصدقي كنت قاعد زهقان دخلت علي جوجل وكتبت اي حاجة وظهرلي موقعك
قريت الموضوع الاولاني وفضلت اقرا كل الكلام اللي كاتباه
لحد ما قريت التاج بتاع الخمس فضايح
ههههههههههههههههههههههههههههههههههه
يا بت الذينا
متخيلتش ان البت اللي سمعنا كلامها واحنا في المترو لما خلعنا الاحزمة تكون انتي
ههههههههههههههههههههه
اصل انا كنت راكب في المترو اللي انتي ركبتي فيه
ههههههههههههههههههههههههه
والله مصادفة مبتحصلش الا واحد في المليون
يا بت الايه
هههههههههههههههههههههه
انا مبحبش اعلق علي الكلام بس كنت بشد في شعري لما عرفت انه انتي
دي الدنيا صغيرة يا جدعان
بت انتي انتي والله فظيعه
انا يوميها قعدت احكي لامي عليكي
وفطسنا علي روحنا من الضحك
وانا بقرا كلامك جاتلي هيستريا ضحك مراتي صحيت وسالتني وحكيتلها برضه
بجد انا مش مصدق
هههههههههههههههههههههههههه
دة انتي مصيبة
ههههههههههههههههههههههههههههههههه
كل ما افتكر منظرك من 4 ولا خمس سنين وانتي واقفة في وسطينا كدة ورافعه حواجبك وبتتكلمي ههههههههههههههه
لا مش قادر
مكنتش اعرف انك لسة عايشة
الله يمسيكي بالخير بقي
بجد انا هتابعك
هيبقي اسمي بتاع حزام المترو
ههههههههههههههههههههههههههه
يوووووووووهـ ، برررضووو مفيش فايـدة !!..... طيب ، هوا رغمًا عن كل شيء تجازني العغدد 50 هذه المـرة ، وعلى فكـرة علمري كما بعلق عند حـد ويهمني أنا رقم كام غير عنــدك !!! . . . .
.
.
.
طبعًا رأيي إنتي عارفة ، شوية كده وأحطك عندي ف الذين يتبعهم الغاوون :)
تحياااااااتي يا سمرا
سلام سمرا
في الأول اعتقدت إني بقرا لعبد الرحمان الأبنودي
أسلوبه يعجبني
و كذلك أنت أبدعتي
برافووووووو
حلوة حلوة يا سمرا
حلوة حلوة حلوة يا سمرا
بجد عجبتنى لدرجة انى كلمت سهر الليالى وقعد اقولها لها
وعجبتها وقعدنا نتناقش فيها
بجد عندق قدرة غريبة على ترجمة حالنا لقصائد زجلية غاية فى الخفة والبساطة
دى موهبة حقيقية
تصفيق حاد
a elgmal da enty fnana bgd ana 2rtha mrra w7da bs m7taga a2raha tany 7lwa awy
وموطنه الأصلي آسيا؟؟؟
اعتقد الحاله الوحيده الى هاتوصلنا للحال الصح الي مش مقلوب هي حالة الموت لان البنى أدم فى الاخر مابيملاش عينه الا التراب بس المشكله لما نموت هانقابل ربنا ازاى واحنا حالنا فى الدنيا كان مقلوب ...الحل اننا كلنا نبتدى نرجع لربنا علشان حتى نعرف نموت صح .. معلش وجعتلك دماغك بس كلامك واحساسك جميل ياانجى سلمى
مختفي في الدنيا
وفي الثانوية بالثة
من الحاجت اللي متعرفيهاش عني في التدوين ان المواضيع وبالذات التاجت باشوف اد ايه قبل ما اقراها
فانا قعدت انزل انزل كتييير
وقاعد اقول هو طويل كده ليش
واستهايئلي اني ماخدتش بالي من اخر موضوعين وان اللي انا نزلته ده 3 بوستات
وقعدت اططططللللع تاااااااني
وانزل واطلع لحد ما قريت اخر بارجراف واكتشفت ان ده كله موضوع واحد
طبعا عملت عبيط من حتة ان كل اللي عندك لازم يعملوه
كفاية ضحية واحدة
eh elgamal da ya samraa
3la fekra enti elwa7ida ely betshdeni ketabtek 3an el bald w 7alha
gamda begad ya gamela (f)
انا مش مصدق....ده شعرك...
ماشاء الله..ماشاء الله...ماشاء الله....
لا انامش هقول حاجه لحسن ابوظ التوبيك الجميل ده بكلامي...
ماشاء الله
begad blog gameel walam tefarek el2ebtesamah famy tool kera2et elblog dah we eftakart wana bakraa2 elmasal ely bey2ool ham yeda7ak we ham yebaky kalamek mesh kalam estehalaky elwa7ed yekra2o we yed7ak weyensah kalamek ye7a'aly elwa7ed yefakar we yata2amal weyerage3 elkatheer meen mafaheemooo
جميلة .. كفكرة وكلمات بس محتاجة شوية تظبيط في الوزن والموسيقي ...
الواحد خايف فعلا علي البلد دي
ربنا يستر .. بصراحة يا سمرا مش لاقيلها حل ..
تحفه بجد كلام حلو اوى عن الى احنا فيه عجبتنى جمل كتيير اوى
ادوني حته حياة في طبق هاعصر عليها لمونة وابلعها... الحلو بقى ان احنا بالعينها بالعينها بس من غير لمون عشان مش بايدينا
حتى اللمون مستخسرينه فينا
و في اية من مفاهمنا مش مقلوبة كله مقلوب يا سمرا
تحياتي
فاكرة يا انجى لما قلت لك انى ماليش فى الشعر؟؟؟؟؟؟
انا حسيت اللخبطه فى البوست داه
خلى بالك
حسيت اللخبطة مش باللخبطة
دايما باقول اليمين بقى شمال و مبقناش عارفين الصح من الغلط و
مفيش حاجة عدله ( ايه رايك ينفع اسم بلوج ) :)
حتى الحلال و الحرام مع انه بين بس بقينا متلطمين فيه
بجد يا انووج ..من روعه البوست..قلت لازم اقراه تاني و احييكي عليه مره تانيه
This comment has been removed by the author.
لو ابتدينا نصلح افكارنا المقلوبه ممكن نقدر نعدل الصوره لكن بافكار مجتمعنا دى و باعرافنا الى مش عارفين نغيرها احسن نخلى الصوره مقلوبه لان لو اتعدلت هنتفزع من المنظر و هنتمنى لو فضلت مقلوبه
لازم نعدل الى جوانا الاول و بعد كده نبص على الصوره
صديقتى العزيزه
ابهرتينى بجد و نفسى ادخل جوه دماغك ديه و اشوفها من جوه لان قليل جداً لما بلاقى دماغ معدوله و عجبى
أحنا عقولنا اللى بقت مقلوبة
عجبى على الأنسمار المصرى اللى اصبح كائن هجين
جميل البوست وابقى شرفينى فى مدونتى
regards
This comment has been removed by the author.
تموت عايش وتعيش ميت
وهي دي العبرة
ـــــــــــــــــ
بجد
وجداني
جامدة سيادتك
يا بختهم بيك
تحياتي
ويجعلوعااااااااااااااااااااااااامر
ماشاء الله عليكى ياسمورة
انا هدخل مدونتك كل يوم وابـخرها من العين(عين الجمل:)
بجد ربنا يخلليكى للشعب الغلبان دا وتبعبرى عاللى جواه دايما ياأصيلة.
مع أرق تحياتى لأرق سمورة
كلامك جاااااامد جداااااااااا
عجبنى اوى اوى رؤيتك للاشياء
بس عندى اقتراح
اسم مدونتك بدل ما يكون اى حاجاة بقى
لازم يكون كل حاجاة بقى
تحياتى:)
رائع يا انجي اسلوب جديد جميل قوي اول مره اشوفه في كتباتك
بس رائعه بجد يمكن تكون تحكم الكلمات فيها اجمل واقوي ما كتبتيه من زمان
ونعمل ايه بقي الدنيا المقلوبه بس المهم نحاول نبقي احنا معدولين حتي لو كل الي حوالينا اتقلبوا
تحياتي
الأخت العزيزة Samraa
تحياتي وأطيب التمنيات
عملتي لي دوشة في كل كياني والسلام ، ربنا يسامحك يارب
انا بعد كدا لما اجي هنا ، ألبس درع واقي ـ على قلبي ، وعقلي
ومش ها سمح لكلامك بعد كدا ابدا انه يأثر فيا . سلام ، وإلى
لقاء أخر.
هايل يا إنجى
إنت جبتى الحكمة دى كلها منين !! حقيقى كلامك بيعبر عن تجربة كبيرة فى الحياه و إحساس عالى جدا
برافو بجد
إنتى مدبسة فى تاج عندى
عدى خدى حسابك
ومع السلامة
ههههههههههه
فكيها يا رخمة
اودى
حبيبتى يا أم الميزان اعوج
ده عنوان البوست اللى كنت بفكر فيه
بس كده بقى معتش ينفع
بس بجد هوه العيب فينا ولا فى بلدنا
طيب ما احنا اللى عايشين ف البلد دى
هوه حد تانى ساكن فيها غيرنا
مشكلتنا او المشكله اللى علطول مركز معاها بسيطه كده و هيه : " يقولون مالا يفعلون " بنتعرض لمواقف كتير نعمل فيها بنفهم و نحكم و نقول المفروض كان عمل كذا و لو احنا اللى اتعرضنا للموقف ده نبقى عايزين اللى يلتمس لسنا الف عذر و عذر
الجماعه اللى بيقولوا الحق و الحريه و الديمقراطيه اول ناس بتنفذ عكسها
لو نفذنا الديقراطيه فى بيوتنا اكيد هنعرف ننفذها بره بيوتنا كمان
ف لحظه خنقه من زمان كنت كتيت الكلام ده :
انا بايع
مين يشترى
لاسمى وكيانى ... بايع
لنفسى و ذاتى ... بايع
لتاريخ ميلادى و ذكرياتى ... بايع
لضحكه صافيه ... بايع
لحلم وردى ... بايع
الكل باع و اشمعنا أنا
......
بس افتكرت ان كل حاجه فينا مش ملكنا و انما نعمه من ربنا و دى كانت اجابه سؤالى و اشمعنا انا
عاشق الروح .. بس مكسل اسجل نفسى
السلام عليكم
سمرا
بصي أنا محرج منك بجد بسبب أنت بتدخلي تعلقي عندي و أنا مش بعلق عندك بس بجد أنا بدخل عندك كتير بس المشكلة أنك بتكتبي حاجات يصعب علي أمثالي فهمها بالتالي مش بعلق
ياريت تكتبي كلام سلس من اللي بتقال في الشوارع ده من مسرحية العيال كبرت علشان متفتكريش إني بتريق عليكي يعني
كل سنة و أنت طيبة بمناسبة أية مش عارف بس كل سنة و أنت طيبة
و يارب تكوني بخير و في سعادة دايما
أنتى فين يا بنتى لا اون لاين و لا بتردى على موبايل مختفية فين ؟؟؟؟
رحم الله صلاح جاهين العظيم ورحم كل شاعر عظيم امثال بيرم التونسي ونجيب سرور ويخلينا عمنا نجم بس يارب ينضف لسانه شويه ههههههههه
احييك وادعوك لزيارة موقعي
www.nourhetler2006.jeeran.com
وشكرا
توتة توتة
ربنا يخليكي يا توتا
والنبي يا اختي فرحتيني
ابقي تعالي تاني
___________________________
اودي
والنبي يا اودي بحاول افكها بس هي اللي مربوطة بعقدة خواجة ابن
كلب
افك انا بس واكلمك
انا قلت انت نسيتها يلا عادي بقي
الوردة السودة
ربنا يخليكي يا قمر
وانا اجي ايه جنب كلامك الجامد
ربنا يكرمك يارب
___________________________
مايكل
ههههههههههههه
ايه دخل الحمار دلوقتي
سيبه في حاله عشان بيحاول يعمل عملية عشان يتقلب انسان
وتزعل ليه لما حد يقولك يا حمار
حد طايل يبقي حمار
بس مش تزعل تاني بقي
ههههههه
يامن
ربنا يخليك يا ايمن وبجد منورني لاول زيارة ليك
وطبعا مش في اكتر من الجهل المركب في حياتنا
ربنا يبعد عننا الجهل المركب يارب
___________________________
اسلااااااااام
هههههههههههههههههه
مانت عارف بقي ان دي اقل حاجة عندي
صلاح جاهين مين يا عم
صلي علي النبي
دة انا سمرا حتة مفعوثة
هههههههههههههههه الله يرحمك يا جاهين
لو كنت عايش وعرفت ان اسلام قال كدة كان زمانه طبقي في
زومارة رقبتك
عزووو
ربنا يخليك يارب
المهم انه وصلك اللي انا كنت اقصدة
ومنورني دايما بجد
___________________________
راسبوتين
تصدق اني بجد قلقت عليك
ابقي كلمني عشان اطمن بجد
ابراهيم
هههههههههههه
طبعا عرفت يا مخفي الاسم
شفت بقي اهي المجموعه اللي كانت معايا كان ليها شرف الاستماع
عيني يا باشا
مانا يتلك مرتين يا مخفي ولقيت البوست بتاع الموت
وعلي العموم عشان تفرح وتزأأطط يعني انا قريت الحوار
بس مش كنت علقت
كنت تعبت بقي عقبال ما وصلت لاخره
لا انا لا دة ولا دة
انا بطلت اخش علي الماسنجر
كدة احسن
دة انا اللي صغيرة برضه
هههههههههههه يا واد يا مذاكر
__________________________
anonymous
ههههههههههههههههههههههههههه
هههههههههههههههههه
يا لهووووووووووي
اكيد انت بتهرج
ياااااااااااااه بعد السنين دي كلها
شوف ازاي
طبعا انا اصلا مش فاكراك
بس كفاية انك كت من ركاب المترو في اليوم دة
صحيح يا جدعان الدنيا صغيرة
لا الحمد لله عايشة
وابقي سلملي علي مراتك بقي ومامتك
واستر عليا الله يستر عليك
انا فضحت نفسي هنا مش طالباها بقي في الفضاء الخارجي كمان
ههههههههههههههههه حلو اوي بتاع حزام المترو دة
واكيد هستني متابعتك
بس من غير تشريد والنبي
ابراهيم معايا
هههههههههههههههههه
انت نام علي باب المدونة بقي
واشمعني يعني بيهمك رقمك في التعليق عندي
ههههههههههههه
قصدك ايه بقي في الذين يتبعهم الغاووون
تحياتي يا هيما
___________________________
انيما
واحد يقولي صلاح جاهين وانتي تقولي عبد الرحمن الابنودي
ياجدعان
لناس دول لو عرفت انكم بتشيهوا كتابتهم بكلامي
هيطبقوا في زمارة رقابيكم
اش جاب لجاب بقي
ربنا يخليكي يا رافعه من معنوايتي
ياسمين
ههههههههه
ربنا يخليكي يا ماما
ابقي سلميلي علي اماني بجد
والله مبسوطة انها عجبتك جدا
ربنا يكرمك زي ما بتكرميني بكلامك كدة
___________________________
lost
ربنا يكرمك يا قمر يارب
لا فنانة ولا حاجة
ابقي اقريها تاني وقوليلي رايك تاني
منوراني
ساكيار
ههههههههههههههههههه
دة اللي هوايه
انت تايه؟؟
___________________________
سلمي
هي دي المشكلة يا سلمي
اننا كلنا غير مستعدين لمقابلة الموت
وطول ما احنا في الدنيا صدقيني مش هنتعدل ابدا
وزي ما انتي قلتي لازم نرجع لربنا عشان نبقي صح
مش تقولي كدة
انتي عارفة كويس ان الحال من بعضه
مش احنا قلنا اننا شبه بعض
انتي اللي جميلة والله يا سلمي
وسلميلي علي البت لميا
عربي
معلش يا ابني كلنا لها
ههههههههههههههههههه
يعني انت اكتشفت الطول الاول
هههههههههههه
بس ضحية واحدة ايه
دة انت من ضمن القائمة حضرتك
يعني هتعملوا يعني هتعملوا
مش عايزين حمرأة
وبعدين بطل تعمل عبيط
ههههههههههه
___________________________
اوما
ربنا يخليكي يارب
والله فرحتيني انك بتابعيني وانا الوحيدة اللي بتقريلها في المواضيع
دي
انتي اللي جميلة يا قمر والله
ارتعاشات
لا صدق لان دة شعري
يا سيدي اقول هو بايظ خلقة
ابقي اتكلم براحتك يعني هو الكلام بفلوس
ربنا يخليك يارب
___________________________
ذكريات
والله فرحتني اني كنت سبب ابتسامة عليك ان شالله تكون مبتسم
عندي علي طول
لالالالالالالالالالالالا
الكلام دة بجد كتير اوي عليا
وبجد انك تقولي ان كلامي بيخلي الواحد يفكر
لا دة انا كدة هتغر في نفسي موووت
شادي
وحياتك لا هظبطها ولا هعمل فيها حاجة سيبها كدة هي مقلوبة
وبعدين يا ابني انا مش شاعرة
دة انا بكتب علي ادي
يادي انيلة
مش لاقيلها حل
وبعدين بقي
___________________________
شيماء
ربنا يكرمك يارب بجد
ماهي صعبة اوي ان الحياة نبلعها وهي ناشفة
وتبقي بتبلعهيا بقرف دة عشان كدة قلت اطريها بلمونتين
يمكن نبلعها برضا
دة اللمون بقي غالي اوي
اسكتي قلت اخشلهم البيت مرة وايدي مش فاضية
تجيبي ايه يا بت يا سمرا
قلت اخشلهم بعشر لمونات الاقيهم باربعه جنيه
دخلتهم وقلتلهم جبتلكم مفاجئة
قالولي خير
قلتلهم جبت نفسي وجيت
سمباتيك
ا عشان كدة مش مستغربة وقلت في الاخر اللي يعيش ياما يشوف
منوراني دايما
___________________________
ازميرالدا
طبعا فاكرة
واحدة بتكتب اي كلام والسلام
يبقي اكيد فاكرة
ايه الي ينفع اسم بلوج
مافيش حاجة عدلة
طب تصدقي ينفع
والنبي يا اختشي عندك حق
مش بقينا عارفين اي حاجة
وعلي رايك اي كلام والسلام
مايكل
ربنا يخليك يا مايكل يارب
بجد مبسوطة انه عجبك اوي كدة
___________________________
ايلاري
انا عايزة افهم بقي انت فينك يا بييه
طول الفترة دي
لعل يكون خير
بس تفتكر ان بجد لو حاولنا نعدلها هنتفرزع من المنظر زي مابتقول
مش فكرت في الموضوع دة بجد تصدق
هههههههههههه
ما بلاش تخش جوة دماغي دي بجد هتوه توهة ما يعلم بيها الا ربنا
وبعدين انا دماغي مش عدلة
دة انا دماغي لسعه خالص والله
وعجبي برضه
اظهر بقي واكتب موضوع جديد
يوسف
وهي ايه اللي معدول في حياتنا
هي جت علي عقولنا بس يا يوسف
بس حلو اوي موضوع الانسمار
علي رايك لا حصلنا نكون حمار ولا عارفين نكون انسان
اكيد طبعا هزورك يشرفني انا طبعا
___________________________
سمسم
هههههههههههههه
هما مين دول يا سمسم
يا ابني انتو الناس اللي مقدرني بس
ولو اللي عندي سمعوا منكم كدة هيقولوا علي ايه يا حسرة
هههههههههه
ربنا يخليك يارب
صرصارة
هههههههههههههه
بجد مش فاهمة ايه الاسم الغريب اللي انتي مختاراه دة
انا افتكرته الاول سورسورا
بس جبت يمين شمال مش لاقياها غير صرصارة
هههههههههههههه
مالك بقي ومال عين الجمل
خلي بالك الجمل دة يبقي جدي
هتبخريها علي ايه يعني
ربنا يخليكي انتي لينا يارب
ايوة ايوة انفخيني بقي لحد ما افرقع
هههههههههههههه
منوراني والله يا بنتي
هستناكي علي طول
___________________________
whiskey puzzler
thank u for ur visit
i`m really glad
c ya too
nothing to lose
ربنا يخليكي يارب
بجد مبسوطة اوي ان كلامي عجبك
هههههههههه
اقتراح حلو كدة
بس هو اللي كل حاجة بقي
يا سيتي خليها اي حاجة
ماهي اي حاجة في كل حاجة
تحياتي يا قر وبجد منوراني وابقي كريها تاني
___________________________
عبد الله
جري ايه يا عبد الله
انت اول مرة تقرالي قصيدة من النوع دة
ابقي اقرا رجل البنطول وانسان العصر الحجري
المهم بجد انه عجبك
تفتكر هنعرف نبقي معدولين بجد
انا عن نفسي مش عارفة تعرف انت؟؟؟
تحياتي يا عبد الله
اللي بيكتب لمصر رسايل
هههههههههههه
ليه بس عملتلك ايه
كل دة انت هتخش حرب ولا ايه
الحياة ابسط من كدة
بس ربنا يكرمك يارب ويخليك
الي لقاء اخر بس ابقي البس بدلة الحرب بقي
__________________________
باسم
الحياة لما تتبهدل فيها يا باسم تلاقي نفسك شايل كتير
واي حاجة بتقابلها بتؤثر فيك
واللي يعيش ياما يشوف
ههههههه والواحد بصراحة شاف كتير اوي
بس يلا ما علينا
ربنا يخليك يارب
اودي
ههههههههههههههه
ادعي عليك في ايه بس
ارحمني بقي من ام التاجات دي
هشوفه يا اودي وهتحاسب عليه كمان
وحياتك ما بايدي افكها
بس ربك قادر علي كل شئ
ادا
فين عادي بقي نسيتها ولا ايه
___________________________
عاشق الروح
ههههههههههههههههههه
ليه مش ينفع ليه
يا عم اكتب هو حد واخد منها حاجة
اكتب اكتب
انا حاولت افكر بجد العيب في مين
بس اكتشفت ان العيب في كل حاجة
لا النايم مرتاح ولا اللي صاحي مرتاح
ولا اي حد مرتاح
اديك جبت التاهية
احنا شعب يقول ما لايفعل
احنا شعب اقول لا افعال
الكل باع بس جد كلم رائع ةتحفة يا ابني
بس تفتكر انا لازم نبيع احنا كمان بما ان الكل بايع
مش اعتقد
علي الاقل نحاول اننا نكون احنا
نعمة من ربنا لينا عشان تبق ملكنا
وبعدين بطل تكسل تاني
كتبت كل دةومكسل يا راجل
نو فير
هههههههههه
يا سيدي ولا تحرج ولا حاجة
انا بعلق عندك ومش مستنية انك تبادلني الزيارة
انا حابة اقرالك
ههههههههههههه هو انا بكتب كلام مجعلص اوي كدة
دةانا حتي بكتب اي حاجة بقي
وحياتك انت انا بكتب كلام شيعبي بتاع حبة فوق وحبة تحت
ومش تخاف مش هفتكر انك بتتريق عليا
المهم وانت بالصحة والسلامة
ربنا يخليك يارب وشكرا علي دعوتك الرقيقة دي
___________________________
ما علينا
مرام انتي كويسة دلوقتي يعني
حمدالله علي سلامتك يا قمر
بجد مش كنت اعرف الا من خلال التعليقات هندك انك كتي تعبانة
شوية
بالنسبة ليا انا بقي
فانا كنت بمر بظروف زي الزفت والحمد لله علي كل شئ
وكان اسلم حل اني ابعد شوية لا اخش علي الماسنجر ولا ارد علي
موبيلات
انا كنت قافلاه تلات ايام اصلا
وبعدين اضطريت افتحة عشان لو الشغل اتصل بيا او اي دكتورة
اتصلت
وحاسة اني لما اكون بعيدة عن الناس هبقي احسن
بحس يا مرام ان مكاني مش في وسط الناس
مكاني اني اكون في الضلمة
وكفاية اني بتابع مدوناتكم وبكتب في مدونتي
اعتقد ان دة الم بكتير
واني اكون لوحدي دة افضل ليا عن ما اكون وسط ناس بتفاعل
معاهم
جايز اكون غلط وجايز اكون صح
ودة هعرفوا بمرور الوقت والايام
ادعيلي انتي ب
وحمدالله علي سلامتك تاني
___________________________
نور العظماء
ههههههههههههههههههه
ايه بقي دخل نجم في الموضوع
اللي حضرتك مش تعرفوا اني انا اللي بكتب
يعني انا صاحبة الكلام اللي انت قريته
لا بيرم ولا سرور ولا جاهين ولا نجم
بل المدعوة سمراء النيل
واكيد هزورك ان شاء الله
منورني
السلام عليكم
أيوة حبه فوق و حبه أية بتقول أيييية
الله عليكي
تمام كده
هههههههههههه
شفتني وانا بتكلم شيعبي
يا سيدي خلي البساط احمدي
واي خدعه زورونا تجدوا ما يسركم
وحبة فوق وحبة ايييييييييييه بتقووووول اييييييييييه
وطلعت يا ماحلي نورهي
شمس الشموسي
ايه الكلام الكبير قوى ده
بجد بوست جميل وكلامه واقعى ومعناه كمان واقعى
بوسبس
ربنا يخليكي يارب
مبسوطة انه عجبك كدة
ويا سيتي اهو كله بقي واقعي
ربنا يقومنا من واقعتنا دي علي خير بقي
منوراني يا قمر
هيه عادى بقة مش موجودة
شكلى نسيتها
ههههههههههههه
عادى بقة
أودى
جميل يا سمراء النيل
بس ليا عند سؤال...
ليه كل حاجة في موضوعك مقلوبة وبتميل؟؟
مش يمكن في يوم هيرجع الصح والمعني الاصيل
طب والله هيرجع وانا وانتي والزمن طويل
اعجبني جدا كلامك وفلسفتك
لك تحياتي...
جميل البوست
بس حاجه غريبه ياريت تبقى تصلحيها
علامه الاستفهام مقلوبه
قوية جدا
هاااااااااااااااااااااي يا إنجي في أول مره ..بس أكيد مش آخر مره... كل حاجه في حياتنا مقلوبه... يعني جت علي علامة الإستفهام... إذا كان الأسئله مقلوبه والإجابات مقلوبه طبيعي جدا إن علامة الإستفهام تبقي مقلوبه... ميين الحمار اللي عايز يعدلها..ولا بلاش أحسن الحمار طلع أحسن منا... مش لما حياتنا الأول تبقي معدوله
سلاااااااااامي ليكي
حلوة أوي يا سمرا
وظريفة
بس مختلف معاكي هو مفيش فرق بيني وبين الجزمة فعلا بس مش عشان هي بتلبسني لكن عشان زي ما أنا بلبسها في ناس تانية بتلبسني وههكذا هي دي دايرة الحياة الكبيرة على الحاج موفاسا
ok ya samra as u like , but still dont disappear for long time.
god with u , i pray for u still i miss u my sis :(
يخرب عقلك
!!!
الله ينور يا انجى
ابدعتى ثم ابدعتى ثم ابدعتى
تحياتى
البوست دة غريب اوى
بس من إمتى وفى حاجه عدله فى حياتنا
هتيجى على علامه الإستفهام
تحياتى لقلمك المبدع
استغفر الله العظيم
لا حول ولا قوة الا بالله
انا بقالي اربع ساعات في المواصلات لحد مجيت
ايه بقي اللي انتي كاتباه ده استني اما اشوف
-------
لا اله الا الله
يعني بعد كل ده واجي الاقي الدنيا حالها اتقلب للدرجة دي
بس اقول ايه بقي والله عندك حق..الميزان اختل فعلا
بس اللي عجبني فعلا ستي وستك اللي بيقرة الفنجان ويقولو اللي يعيش ياما يشوف
------
بجد يا انجي تفتكري احنا قدامنا قد ايه عشان نصلح الاوضاع دي..ونعدل علامة الاستفهام
تحياتي قوي..ومعلش ع التأخير
حلو جدا يا سمراء النيل لان فعلا حياتنا كلها صارت بالمقلوب
المرة الجاية اقلبي علامة التعجب علشان
نشوف اللي حيصير
ادعوك لزيارة مدونتي واستنى رايك
http://kalemat48.blogspot.com/
أنا بقى مصرة على إنك مثل عبد الرحمن الأبنودي، أسلوبك فكرني فيه
على العموم لما تكتبي ديوان و تنشريه عايزة أكون أول واحدة تعمليلها إهداء علشان أتفشخر وسط المدونين ههههههههههه
شفتي أنا طماعة ازاي، مش حاكتفي بقصيدة واحدة يالله شدي حيلك و اكتبي لنا ديوان حلو زيك
أنووووج
حلوة قوي بجد
تسلم دماغك
تحياتي
خليكى غطسانة كدة
لما نشوف آخرتها معاكى
وعادى بقة أهيه علشان منسهاش
أودى
This comment has been removed by the author.
بجد اسلوبك جامد وتعبيرك روعة
بس انت ليه مستغربة من ان علامة الاستفهام مقلوبة هو ايه فى حياتنا اصبح معدول ما كل شىء فى الدنيا بقى مقلوب
واللى يعيش ياما يشوف
تحياتى
اودي
هههههههههههه
لا مش موجودة
حد ينسي عادي بقي يا اودي
تصدق ان كدة عيب
__________________________
الراقص مع الذئاب
كل حاجة ازاي
هو كل كلامي مايل ولا ايه
ههههههههه
انت بس اللي مش واخد بالك
ولا تصدق عندك حق بحس اني بكتب حاجات غريبة
تفتكر انه هيرجع
والله بتمني
ونفسي يبقي عندي نفس تفاؤلك
بس مش بادينا غير نقول يارب
ربنا يخليك
خالد
هههههههههههههههههههه
يا راجل
ماهي كدة مش ليها تصليحة
انت بس اللي مش واخد بالك
___________________________
انا حرة
ايه يا بنتي فينك بجد
وحشاني جدا
ربنا يخليكي يارب
ريري
منوراني اول مرة
وياريت تكرريها تاني
علي رايك هي اكيد مش جت
مش انا بقول بعد دة كله تقولي علامة الاستفهام مقلوبة
مانتش مكسوف ايه يعني خرجت عن المألوف
فمش جت علي علامة يعني
هههههههههههه ايوة كدة اديكي فهمتيها ان الحمار طلع احسن مننا
سلام يا قمر
وياريت تكرريها تاني
___________________________
مزمز
انت فيييييييييييييييييييييييييييييينك يا ابني
والله زمان يا مزمتي
صدقني يا مزمز مش فارقة مين بيلبس مين
النتيجة ان الجزمة ليها لزمة عننا
وهي دي النتيجة المهمة
بس مين بقي الحاج موفاسا دة
منور المدونات كلها
ما علينا
مرام معلش يا قمر اهي فترة كدة وتعدي بيا
وربنا يسترها
وانتي كمان والله وحشاني توي ومفتقداكي اووووووووي
واتمني ارجعلك قريب
بس انتي قولي يارب
___________________________
شارم
هههههههههههههههه
طب ايه يعني
ربنا يخليك يا شارم يارب
نبض اسكندرية
ربنا يخليك يا قمري بجد
رافعه معنواتي انتي دايما كدة
___________________________
محمد حمدي
وغريب ليه بس يا محمد
ما غريب الا الشيطان يا راجل
اديك قلتها من امتي وفي حاجة عدلة
يبقي فين الغريب بقي
نتورني دايما
احمد عيسي
هههههههههههههههه
انت جاي تكفر عن ذنبك هنا يا احمد ولا ايه
المهم انك وصلت حمدالله علي السلامة
اه ستي وستك كانوا بيقعدوا ساعه العصاري ويقلبوا في الفناجين
يعني هش مش جت علي دي
سؤالك للاسف يا احمد مش ليه اجابة عندي انا فقدت الامل في ان حالنا يتصلح
وتقريبا مقدر لعلامة الاستفهام انها تفضل مقلوبة
وبعدين مش تتاخر تاني
بعد كدة اخر معاد الساعه 12 وبعدها هقفل باب المدونة
___________________________
ياسمينا
هههههههههه
تصدقي فكرة اني اقلب علامة التعجب
بس تخيلي لو قلبتها مش هيبقي في تعجب اصلا
واكيد هزورك ان شاء الله
منوراني وياريت تنوريني كدة علي طول
انيما
ههههههههههههههههههه
هتخليه يجي يبطحك بحاجة دلوقتي
يا سلام
بس هكتبلك الاهداء بعد ما تشتريه
هو انا هوزعه ولا ايه
ههههههههههههههه
تخيلي لو كل واحد قالي كدة هطلع مديونة مش كسبانه
بس زي ما اتفقنا هبقي اكتبلك اهداء بعد ما تشتريه
يا ستي ربنا يكرم
___________________________
اميرة
ربنا يخليكي يارب
اخبارك ايه يا اميرتي
وحشاني علي فكرة
اودي
ههههههههههههههههههه
ادعيلي بس اقب
واوعي تنساها تاني بقي
__________________________
malak
اديكي قلتيها اللي يعشي ياما يشوف
صدقيني انا مش مستتغربة
دة انا حتي بقول مانتش مكسوف
ان جاي تقولي علامة الاستقهام مقلوبة
بجد منوراني ويااريت تكرريها تاني
أرفع القبعة
كنت عايز رأيك في حاجة كده
شوفيها
gowwana.blogspot.com
انا بقرأها للمرة السادسة على فكرة
متتصوريش قد ايه عاجباني
وكل مرة زي ماتكون اول مرة
ايه ده كله يابنتي
قولي بجد نوع الصنف اللي كنتي ضارباه يومها
برغم اعتراضي علي حوالي 50% من الفكره بس التنفيد اكتر من راااااااااااائع
تفوقتي علي نفسك فيه
حشتريه بس انت اكتبيه الأول
لما حتبعتيه على المغرب إنت اللي حتدفعي تكلفة الطيارة هههههههههههههههه
أكثر من رائعة..
يا سمرة النيل
يا نبضة مصرية
مبدورة بالمواويل
أرضك و مروية
نجمة في عتم الليل
بالكلمة مضويّة
من قلب أبو الليل..أجمل تحية
:)
كل شئ بالمشقلب
البلد السيستم
حتى الناس
بقت بالمشقلب
الغريب اللى شكله حيتشقلب
السلام عليكم ورحمة الله وبركاته
الكلام جميل اوي وجه علي الجرح
و علي راي اللي قال اشمعني دي يعني اللي ها تبقي عدله
انتي موسوعه
ايه كمية البلوجات دي كلها 155
عقبالي لما ابقي فيهم
اما بقي لنسبه لعلامة استفهامك
و انها مقلوبه
فكله بقي مقلوب
مجتش علي علامة الإستفهام
كلها كام ثانيه و نمشي علي دماغتنا
تحياتي
بخخخخخخخخخخخ
أنا جيييييت!!!!! وحشتينى أوى يا أنوجى النوجى كونوجى
:) :)
القصيدة جميلة أوى.. مليانة بالمرارة بس متغلفة بسخرية
علامة الاستفهام مقلوبة علشان الجواب مقلوب
والله أحمدى ربنا أنه فيه جواب من أساسه!! الجوبة دلوقتى اسعارها غليت أوى فى السوق
ههههههههههههههه
وسيبك من المستورد مش حلو
:)
ابقى طمنينى عليكى بقى
مراسلتكم من تحت انقاض المذاكرة
منال أبو العافية- قطاع الأخبار
ههههههه
manal
مش قادر اقول عليه شعر
ايه با بنتي دا
انت ح تنافسيني في الفلسفة كمان
انا انسحب بكرمتي احسن بقى
------------------------------
إقلع غماك يا طور وارفض تلف
إكسر تروس الساقية و اشتم وتف
قال : بس خطوة كمان .. وخطوة كمان
يا اوصل نهاية السكة يا البير تجف
عجبي !!!
يادى النيييييييييييييلة
مين ؟؟ فين ؟؟؟ ليه؟؟؟ بجد؟؟؟
مافهمتش حاااااااااااااااجة
إحساس غريب بالغباء يتوغل جوا نافوخى
ايه اللى جاب القلعة جمب البحر يابنتى
ايه اللى شقلب البوست كدة؟؟؟
لا حول ولا قوة الا بالله
انا مبقتش افهم زى الاول اصلا من البحث الخنقة اللى بعملوا ده
تكونيش قصدك ان الدنيا حالها مقلوب؟؟؟؟
مممممممممممممم...طب ما انا عارفة
مش جديدة يعنى:P
بس إنتى وحشانى اوى كدة ليه؟؟ومختفية ومش باينة ليه؟؟ تكونيش بذاكرى ولا حاجة؟؟؟ قولى قولى مش هامد إيدى
كاميكاز هو اللى هيعض بس
:D
السلام عليكم
أزيك؟
مفيش جديد
بس يكون من الشيعبي؟
هايل وتسلم ايدك
يا ريت تقة تشرفينى فى مدونتى
شريف عبد الهادى
جورنال اضحك للدنيا سابقا
برنامج الناس وانا وموقع بص وطل حاليا
اصدقائي الأعزاء
نظراً لأنشغالي الشديد ولحتى نهية العام قررت دمج مدونتي سردية وسرديات مصرية وإليكم العنوان الجديد
http://maraseel60.blogspot.com
و هية من امتي كانت عدلة . ما طول عمرها مقلوبة ز لدرجة انها لو انعدلت احنا مش هنكون مبسوطين . خليها مقلوبة :)
بس كلعادة استاذة يا بنتي مع انك بتقلبي عينا المواجع :]
متكتيبلنا حاجة فرايحي يا سمرا
حلاوة
ربنا يخليك يا حلاوة يارب
عامة انا شفتها بس في حاجة في الكومنتات عندك مش مظبوطة ياريت تبقي تصلحها
بس بجد عجبني اوي
استمر والله حلوة اوي
___________________________
بيسووو
يا ستي اقريها زي مانتي عايزة
والحمد لله انها عاجباكي
اول مرة ازاي يعني يا بيسوو
حصان بري
ههههههههههههههه
وحياتك كنت ضاربة شاي بلبن وانا بمخمخ فيها
بس ايه بقي اللي انت معترض عليه
قولي مكن اكون مش اخدة بالي
انا ديموقراطية
بس ربنا يخليك يارب
___________________________
انيما
مغرب ؟؟؟؟؟؟
مغرب انتي يا انيما
هو انتي مش من هنا ولا انتي من هنا ورحتي هناك
بس طالما فيها اني هدفع
يبقي ا جماعه مش في حد بنت اسمها سمراء النيل
ابو الليل
لالالالالالالالالالالالالالالالالالالالالالالالا
دة انا هعمل فرح
ابو الليل عندنا بحاله
والله فرحانة مووووت
بس بجد كلامك تاج لراسي
بس ايه الشعر الجامد دة
بجد اسعدتني وياريت تتكرر تاني
وابقي سلملي علي فوزي الله يكرمك
___________________________
الغريب
ههههههههههه
اديك قلتها ايه بقي في حياتنا معدول
ولا شئ
انت بتختفي كدة وتروح فين
خمسة فضفضة
وعليكم السلام ورحمة الله وبركاته
ههههههههه
هو مين اللي قال
بس بجد سعدت جدا ان كلامي عجبك
منوراني
___________________________
•«ρяoιd»•™
هههههههههههههههههه
انت جاي تقر عليا ولا ايه
بس انت تعالي كدة كل شوية وانا احطك في وسطهم
ههههههههههههههه
كام ثانية
علي رايك كل شئ متوقع دلوقتي
بجد منورني
وياريت تنورني علي طول
وحالا يا سيدي هضمك للينكات
البيدا
منولتي النولتي كونولتي
هاااااااااااااااااااااا
يامي
نورتي يا بت
والله وحشاني اوي يا منولتي النولتي كونولتي
الحمد لله ان القصيدة عاجبتك
ههههههههههههه
ما هو الجواب اتسرق
اصلها كانت قصة حضرتك
بس مش هوجع دماغك بيها بقي
ههههههههههههه
المهم انتي تعرفي حد يديني جوابات ولا ايه
انا يا ست الكل الحمد لله تمام
ربنا ينجحك يارب
اخلصي بقي من امتحانتك دي
___________________________
شادي فايد
اومال دة ايه حضرتك
تسميه ايه ملوخية مثلا؟
هههههههههههههه ما قلتلك يا شادي انت مش ادي في المنافسات
ههههههههههههه بس حلوين الكام بيت اللي مش بتوعك دول
انسانة
هههههههههههههه ايه يا بت في ايه
هههههههههههههههه
بطلي بقي اللي بتشربيه دة
وانتي من امتي يعني فهمتي
عامة يا ستي لما اشوفك انلاين ههمك واكسب فيكي ثواب
البوست برضه اللي مشقلب
دي دماغك هي اللي مشقلبة من الابحاث والمذاكرة
ههههههههههههه
اسم الله عليكي اهي الدنيا هي حالها مقلوب
اهو كله بيودي علي كله يا مينا
كاميكاز صاحبي
بس سيبك انتي منه
___________________________
نو فير
وعليكم السلام
الحمد لله تمام
لا يا فندم في جديد
اشطة عليك ياريس
نديها شيعبي هو احنا يعني صغيرين
فبركة
ربنا يخليك يا شريف
بس يعني انت بتعمل ايه بالظبط في رنامج الناس وانا وموقع بص وطل
عامة يعني شرفتني واكيد هزورك
شكرا للزيارة ومنورني
___________________________
سردية
مبروك علي الدمج
ايوةكدة بطل التوهة اللي كنت فيها دي
حضرتك عارف اني بتابعك بس للاسف مش بكتب كومنتات عندك
منورني والله
___________________________
انسان
ماهي مش في حاجة عدلة يا سيدي
تصدق فهعلا مش هننبسط
بس يلا
جتعلي علامة الاستفهام يعني
معلش يا محمد بقي
ان شاء الله في الاصدار القادم
الكام بيت دول
بتوع صلاح جاهين
وكاتبهم عشان اسلوبك شبه الرباعيات
اللي منها الرباعية اللي كتبتها دي
كنت مفكرك متاثرة بيه
تطلعي مش عارفه ان الابيات دول بتوعه
بجد حلوة اوي يا انجي
هفكر جديا
انى اعدى تانى
من هنا
بوست لذيذ
على فكرة حبيت أعدى و أقول إن البوست ده شديد
فيه سمرة قوى
فكرنى بالبنطلون
رجليه الشمال طويلة و اليمين قصيرة
وادى علامة الإستفهام مقلوبة
يعنى كملت
حلوة بجد قوى يا توتة
إنتى إزيك؟
شادي فايد
اكيد عارفة ان دول بتوع صلاح يا زيكووووووووو
هههههههههههههههههه
معلش بقي جهل
وبعدين مش سمراء النيل اللي تتاثر بحد
ههههههههههه انت عارفني بقي متواضعه
__________________________
قاسم افندي
ربنا يخليك يا ايمن يارب
مبسوطة انها عجتك اوي
vetrinary
هههههههههههههه لا فكر بجد
وبعدين مش تفكر انت دخلت هنا وهتيجي تاني ان شاء الله
هو دخول البلوج زي خروجه ولا ايه
منورني
___________________________
القهوجي
ربنا يخليك يا قهوتي يارب
هههههههههههههه
لا البنطلون دة كان ليه قصة تانية
ههههههههههههه
كله مقلوب وفردة وفردة
انا الحمد لله تمام اوي
بجد ممكن اقول ان ده من اجمد البوستات اللى انا قراءتها بجد ايه الحلاوه دى
انا بقى قتيل فى المدونه دى
سلام يا سمراء النيل
حسام مراد
شغال
سلاااااااااااام
3aaaabbbbqqqqaaaaarrrrreeeeeiiiiiiaaaa bgaaaaaaaaaaaaaaad
حسام مراد
ربنا يخليك يارب
هههههههههههههههه
يا سيدي تشرف بجد وتنورني
بس انت ابقي فوت كتير
هههههههه
سلام يا شغال
___________________________
موني
ربنا يخليكي
انتي اللي عبقرية يا قمر
ربنا يوفقك بجد
بوست جميل وتسلمي عليه
تحياتي القلبيه لكِ
ولكِ موفور التقدير
مهندس زراعي
ربنا يخليك يارب واتمني انك تكرر الزيارة من تاني
وان يكون كلامي عجبك
منورني وتحياتي
kd shoes
kd shoes
off white
off white hoodie
supreme outlet
bapesta shoes
jordans shoes
off white
off-white
yeezy 350 v2
Post a Comment
<< Home