وشـــــــــــوش
وش علي وش ووشوش بداري وش مكرمــــش
وشوش توشوش حنية ودلع والغدر فيها مكلبش
بداري وشي علي وشي ..اصل الحزن ما يتحبش
ماشية علي راسي ورجلي علي الارض بتفتـــش
وشوش توشوش حنية ودلع والغدر فيها مكلبش
بداري وشي علي وشي ..اصل الحزن ما يتحبش
ماشية علي راسي ورجلي علي الارض بتفتـــش
مليون سؤال وسؤال علي وشك اجاباتها متتحلش
وشوش توشوش وشوش بشوشة بس مالها وش
وش تلاقيه بهلوان سيرك بيفنن فن مـــــــا يتفنش
ووش وشه بيضحك والقهر والدمعه جواه متتحوش
ووش لبسه حلو عشان تعرف معدنه ... .. يتفتــش
ووش عروسة حلاوة سكرها مرعلقم ما يتحسش
ووش حصان عليه فارس قال مواويل ما تتغنـــــش
وشوش علي وشوش وش حجر ووش وحــــــــوش
يا موشوش الودع قولي علي وشوش منها احـوش
يا صبر نوح في دعاه صبري من صبري ماتكلــش
بس قلبي عصفور ووشوش لوش حقيقي بتهمـش
عندك وش وشه تحبه ووش حلو عليه ميتبصـــش
حنيت شفايفي بدم غزال وحنيت لكن دمي متحنش
اصل اصله اصلي والاصل في الاصل اصله ميتقلش
ورويت عيوني بدمع السهر بس دمعي جف متبلش
وش علي وش ووشوش بداري وش مكرمــــش
وشوش توشوش حنية ودلع والغدر فيها مكلبش
بداري وشي علي وشي ..اصل الحزن ما يتحبش
Labels: اشعاري العامية
posted by انا اللي كاتباها هو في غيري يعني at 12:10 AM
127 Comments:
هيييييييييييييييييييييه
اخيرا اول تعليق
مش ممكن
المهم يا ستي بقي ايه موضوع حرف الشين
اللي هنا ده.مش حرام عليكي بجد انا
اتخايلت
بس ايه الحزن اللي مالي الكلام ده
يا ربي مش ممكن كل البلوجرز اتحسدوا
ولا ايه
ولا فيروس كابة و حل علي كل الناس
ربنا يعدينا من ده كله علي خير و
يرجعنا لأيام زمان بقي
نورتينا يا سمراء النيل
أولا حمدالله علي السلامة ياسمراء
ثانيا مكنتش اعرف انك شاعرة بالروعة دي
ثالثا احساسك عالي اوي والله وكل كلمة حاسس انها حادفة ناحية معني وصللي علي القال بس ليا تعليق بسيط علي حتة الحزن ميتحبش ....طبعا ياانجي الحزن ميتحبش بس فيه حاجات ممكن تخففه زي انك ترميه في حضن ناس بيحبوكي
ترميه في عيلتك ووالله هتلاقي مليون ودن تسمع ومليون قلب يشيل ومليون عقل يفكرلك في حل يشيل الحزن ده
لو معملناش كده مع بعض وهربنا لدموعنا بدل مانتشارك في افراحنا واحزاننا يبقي احنا عاملين زي قطورات مبتتقابلش غير خمش دقايق في المحطه
يبقي مبنتقابلش غير في مناقشة التوريث والبطالة ويبقي بنضحك علي نفسنا اما نقول اننا عيلة وعاوزين نبني مجتمع نضيف قايم علينا
اوعي تهربي تاني ياانجي
خليكي معانا
تحياتي
السلام عليكم ورحمة الله وبركاته
حمد الله على سلامتك يا جميلة..وعي تبعدب عنا كدة تاني..لو سمحتي
أولاً الأسلوب السهل الممتنع..واختيار لفظ "وش" وتكراره..يؤكد المعنى اللي هو "المظاهر خداعة" ...ومش شرط اللي بيضحك يبقى من جوه فرحان ومش شرط إن كل واحد حزين أو بيبكي يبقى فعلاً حزين
زي البلياتشو..كله ألوان وأشكال..مخبي تحته حاجات تانية محدش يعرفها غيره هو..هو اللي بيحس بنفسه أكتر واحد ...بس فيه بارقة أمل...الواحد ممكن بإيده إنه يختار يشيل الوش اللي ممكن يكون لبسه في بعض الأوقات أو مع بعض الناس (لظروف قهرية)...بإيدينا نعمل كدة مع الناس اللي فعلاً بيهتموا بينا وبيسمعونا (من غير مصلحة)...ربنا يبعد عنا الوشوش ويجعل طريقنا كلها قلوب مفتوحة طاهرة ونقية
حمد الله على السلامة من تاني
نهاد
حمدالله على السلامة بجد يا سمراء
شعرك جميل قوي ياسمره بغض النظر عن المعانى الجميلة الى بيحتويها الى شدنى فعلا هوا محافظتك على وزن الشعر والسجع والصور الجمالية والبلاغية انا قريت ليكى شعر قبل كدة واعتقد انك فى تقدم
حمد الله على السلامه اولا قبل اى حاجه
حاجه غريبه جدا موضوع الوشوش و الماسكات عمال يتكرر قدامى و نتكلم فيه بطريقه مستمره اليومين دول
الماسكات ف حياتنا ضروره بس لما تبقى علشان منشيلش اللى بنحبهم همنا ندارى و نخبى و نعمل اننا فرحانين .. الماسكات دى بتبقى علشان بنحبهم
انما لما تبقى الماسكات تمثيل و خداع علشان مصلحه علشان اكسب انا و اضر غيرى اكيد ده مش بنى ادم طبيعى
اكتر بيت حبيته :
ووش وشه بيضحك والقهر والدمعه جواه متتحوش
كنت بقول حاجه زيها كده :
الوش ليه يضحك و القلب جوه حزين
سمراء النيل :
ان كنت يوم مهموم
فضفض و ارمى الحمول
سمراء..
عاوز اقلك ان وشك الحقيقى احلى كتير من كل الاقنعة ..كفاية انه وشك انتى
حمد لله على السلامة
اااااااااااااه
حكاية الوشوش تااااااني
يا عصير العنب العنابي العناااابي
نقطة ورا نقطة يا عذابي يا عذابي
لازم اللي حصلك شيء جلل
علشان تطلعي الكلام الجامد دا
عسي الله يكون خير
والسلام
لغة الوشوش دى ارقى لغه و قليل جداً الى بيعرف يتعامل معاها لان كل الى داخل الانسان بينكتب على وشه
و بما انى واحد من الى اتعلموا لغة الوشوش احب اقلك ان المكتوب على وشك تاريخ جميل اوى و احساس جميل و احب اقلك انك عندك وش مش زى كل الوشوش بيقدر بكل سهوله انه يقدمك للناس و يدخلك قلوبهم
تحياتى على بوستك الجميل وفكرك الاجمل الى جواه
و على فكره انا طلعت من البوست ده ده بوش فى دماغى و صوت صفاره بتعمل وشششششششششششششششششششششششش
من كتر الواوا و الشين
ياوش على وش وغير وشى مانيش شايف
ظهر فى زمانا الغش والوش مش شايف
حبيت أحط وش غير وشي ومش عارف
أصل السحن وش ومن الوش نتعارف
إظاهر إنى الوش وش ولا الوش وش ؟؟؟
مش عارف
كلامك رغم الحزن الكتير اللي باين فيه بس بصراحه لمسته جدا...أنا مش عارف اقولك ايه بصراحه يا انجي بس ربنا معاكي و يزيح عنك أي كرب و ابقي طمنينا عليكي
تحياتي و أطيب أمنياتي لكي
وشك
ولاّ وش القمر
......
ترجمة
كنتي فين يا هااااااانم ؟؟؟
بحب كلامك واضح فيه شخصيتك وتصورى مع كمية الضيق والحزن فيه الا ان تلاعبك بكلمة وش ومشتقاتها شايفك زى ما كنت شيفك فى اخر اللقاء فرشاة عماله تتنقل من مكان لمكان..انجى انسى وما تخديش فى بالك لا يصح الا الصحيح
في الاول حمدلله علي السلامه يا انجي
البوست المره دي مليان وشوش و حاجات بتعدي من اليمين للشمال و حرف الشين شغال كده
الاحساس راقي جدا للوشوش لانها دايما بتعبر عن القناع الي الكل بيغير لما يحتاج
تحياتي
لالالالالالالالالالالالالالالالالالالا
انا قلت خلاص انجي قفلت المدونة ومش حلاقي حد ينافسني
وايه كمية حرف الشين دي كلها
انت متعرفيش اني الدغ في الشين
:(
بس قلبي عصفور ووشوش لوش حقيقي بتهمـش
:)
الله الله على الجد و الجد الله الله عليه
تحياتي
جيد الاسبوع
يا بدوووووووووووووووووووووي
يا بدووووووووووووووووووي
حمد الله علي السلامة يا باشا
احنا رجعنا مرة واحدة كده
صلاة النبي احسن انا لسة جاية من عند عمرو...اولا: حمد لله على السلامة
بخصوص موضوع الوشوش بعيدا عن اللدغة الي جاتلي في لساني جراء القراية فالكلام حلو وجميل بس الوشوش اليومين ماعدتش وشوش بقت اقنعة محدش مبين وشه الحقيقي خلاص
سيبك انتي انا فعلا سعيدة انك رحعتي تاني
حمد الله عالسلامة يا جمييييييييل
:)
dyin_soul
مبروووووووووووك
اخيرا حققتي حلمك وبقيتي اول تعليق
موضوع الشين دة كان مأساه
مانتي عارفة اني مش بعرف اتكلم غير بصيغة النفي مش
فكانت ماساه اني اكتب كدة وزي ما اكون بنتقم
فديتها حنفية شين
وبعدين يا سيتي لا حزن ولا حاجة
هي بس اتحسدنا
بس خير ان شاء الله
___________________________
دكتور مستكنيس
اولا الله يسلمك
ايه يا جدعان هو انا كنت مسافرة
ثانيا بقي
يا سيدي دي مش اول تجربة ليا انت بس اتفسح عندي شوية وهتلاقي منها
ثالثا بقي
هو انا موديني في داهية غير احساسي
طيب ما دة اللي انا قلته ان الحزن مش بيتحب عشان كدة الاحد مضطر انه يلبس وشوش كتيرة عشان يداري وشه
بالنسبة اني ارمي حموليعلي اللي بيحبني او عيلتي
فدول مش هيكونوا ارحم من ربنا سبحانه وتعالي
واديني بشاركككم اهو في ل شئ بقوله
واديني بعمل بنصايحكم وببعد عن اموي الشخصية
وبكتب بطريق غري مباشر
ربنا يخليك وشكرا جدا علي الكلام اللي قلته عني في مدونتك
noony
وعليكم السلام ورحمة الله وبركاته
الله يسلمك يا نهاد
لا مش تخافي مش هبعد تاني
ودة اللي انا بتكلم عليه ان مش شرط كل اللي بيضحك يبي مبسوط
لا هو كمان بيبقي حزين العكس
انتي قلتي كلامي بطريقة تانية
يارب يتقبل منك ويبعد عنا الوشوش الخداعه والغدارة
الله يسلمك يا نهاد
بس هو انا كنت مسافرة
__________________________
مبرمج حر
طب اقولك ايه بقي
بعد البوست اللي انت كتبته
بجد شكرا ليك بجد
انا مش كنت اعرف انك بتزورني وبتقرالي
بجد ربنا يكرمك ويخليك
انا بجد مش عارفة اقولك ايه
بجد شكرا ليك والله يسلمك
الارموطي
تفتكر بجد اني بتقدم
اهي دي احلي حاجة سمعتها
بجد شكرا علي كلامك الجامد ليا دة
وربنا يكرمك يارب
___________________________
عاشق الروح
الله يسلمك
هو مين اللي اتكلم فيه تاني
يمكن اللي اتكلموا فيه ان ازاي الواحد يبقي زعلان ويضحك
والعكس
كله بتاع مصلحته دلوقتي
كويس ان البيت دة عجبك
اهو انا كدة وشي بيضحك لكن حزني ما يتحوش
اديني بفضفض اهو
ربنا يخليك
تحياتي
طارق واحد من الناس
مش عارفة اقولك ايه بعد الكلميتن دول
بس ربنا يخليك يارب
والله يسلمك
___________________________
ادم المصري
هو ايه هو كان في اولاني
احد يفطمني علي الموضوع يا جدعان
انت جاي تغني هنا يا ادم
لا جلل ولا حاجة
الحكاية كلها اني شفت وشوش كتيرة فكتبتها
لا خير ان شاء الله
حد فهم حاجة
اهو عشان انا بعرف اتعامل مع وشوش تعبت من كترها
لالالالالالالالالالالالالالالالالالا ايه الكلام الكبير دة تاريخ ايه واحساس ايه
دة انا كدة هتغر اوي في نفسي
تحياتي ليك انت يا ايلاري
خلاص دكتور الاذن والحنجرة علي حسابي
___________________________
اودي
اوديييييييييييييي
ايه الكلام الكبيردة
اودي الملعم
وكمان مش ماضي ليه
مش المفروض تمضي عادي بقي
اودي الشاعر
مايكل
ربنا يتقبل منك يا مايكل
المهم ان القصيدة عجبتك
تحياتي ليك انت يا جميل
والف سلامة عليك بجد
___________________________
اميرة
هههههههههههههههه
انا هنا اهو يا اميرة
هروح فين يعني
بابا حسني
طب اقول لحضرتك ايه بقي
مش عارفة اقول ايه بجد
بس كون ان حضرتك تحب كلامي دة فخر ليا بجد
وانا خلاص بنسي ومش بحط في بالي
واديني عايشة والحمد لله
ربنا يخليك ليا يارب
___________________________
عبد الله
الله يسلمك يا عبد الله
المهم عجبك ولا لا
هي ماسورة شين وفتحت
بس جت خير ولا ايه
تحياتي ليك انت
شادي
اهو انت الاسباب اللي خليتني ارجع تاني
عشان اغيظك
بقي كنت عايزني اسيب مدونتي واخليلك المكان فاضي بعينك
وحياتك انت مش تعرف اني اصلا عندي صعوبة في حرف الشين
دة انا خليت الناس هي الي تكتبهالي
هههههههههههه
قاعدة علي قلبك برضه
___________________________
سمباتيك
ههههههههههههههههههههههههههههههههههههه
اهو هو دة الكلام الكبير والجامد
david santos
thx david
i`m really happy thay u visit my blog
thx again
and hope u like it
__________________________
عمرو احمد
يا بدوييييييييييييييييييييييييييييييييي
ههههههههههههههههههه
شفت بقي
احنا رجعنا واحمنا مش عارفين
توارد يا يابا
يا بدوييييييييييييييييييييييييييييييييييييييي
بيسوو
عليه افضل الصلاة والسلام
الله يسلمك يا بيسوو
ههههههههههههههههههه
اقنعه من وشوش يا بيسو مش بقت فارقة كتير
المهم ان احما مش بقينا عارفين نميز الوش الحقيقي
وانا سعيدة اكتر والله بكلامك
وعارفة اني مقصرة معاكي
سواء علي الماسنجر ولا علي بلوجك
بس ادعيلي ربنا يفرجها عليا
___________________________
zordeak
حبيب قلبي
ربنا يخليك ليا يارب
اديني رجعت عشان خاطرك اهو :))
الله يسلمك
المهم انت بس ذاكر وانجح وربنا يوفقك يارب
خلاص
علشان متزعلش يا جميل
وعادى بقة
أودى الشاعر
جهزتيلى جورنال الاهرام والقلمين الرصااص
يا بت الدنيا منورة من غيرت
الأخت سمراء النيل
انا حرد عليكي عشان أنت قلتي مش حتيجي هناتاني وهو شئ عادي يعني أتعودت علي كده مش عارف ليه
رغم أني لا بدعو لفسق ولا ضلال
لعمري قلت كلام خارج
ولا كتبت كلمة تجرح حد بعينه
ولا شغلت معازف ولا جبت فديوهات فيها صور خليعة
يعني المهم
أنا قلت رأيي في الموضوع
معترض
أيوة معترض تماماً
أنا تخيلت أختي مثلاً
بتكتب في مدونتها أرأئها
وبعدين
الناس اللي بيعلقوا عندها
رجال ولا نساء حتي
متعرفهمش
ولا هي و لا هما ولا أنا حتي عندنا الاهلية لتغيير أي واقع غير واقعنا الشخصي
يعني أجتماع أي أحد مع أي حد تاني ميعرفوش
مايعرفش أي حاجة عنه تماماً
ده لو عدينا موضوع الأختلاط هوده اللي أنا بتكلم عليه
ده كلام
ناشئ متعرفش بعض تتقابل كده
طب ده معناه أيه
طب فرقنا أيه عن الناس التانية الوحشة
كلامي كله كان بدافع الخوف علي بنات بلدي
محبش أشوفهم قاعدين في كافيهات ولا كافتريات
ولا أحب أشوفهم متبهدلين
أنا لما دخلت مدونتك
وقرأت كلمات "يارب ما يتقبض علينا "
عايز أقولك أن كلماتك دخلت في صدري كالرصاص
عارقة ليه
أفتكرت أني شوفت فديو علي مدونة الفضائح العجيبة اللي أنا بكرها تماماً بتاعت وائل عباس "وده رأيي الشخصي " , الفديو كان لمظاهرة وطبعاً الأمن اتلم وغيره ومسكوا واحدة , أنا مشفتهومش مسكوها ,بس سمعت صوتها
تصيح صارخة
وقطعت أحشائي والله
كنت بصرخ وأقول أنت ايه اللي نزلك من بيتك
مين اللي غصبك
بلدك مافيهاش رجالة
ولو حتي مافيهاش صوني نفسك
يا بنتي قطعتي قلبي
طبعاً أنا كلامي مقتنع بيه تماماً
و ده رأيي الشخصي
مش ديه الحرية اللي بيقولوا عليه
ومفيهاش تجريح
فيها خوف وحرص والله يعلم بما في صدري
.وربنا يتقبل منا جميعنا صلاتنا وصيامنا وركوعنا وسجودنا
وتذكري هذه الأية فقط
{وَقَرْنَ فِي بُيُوتِكُنَّ وَلَا تَبَرَّجْنَ تَبَرُّجَ الْجَاهِلِيَّةِ الْأُولَى وَأَقِمْنَ الصَّلَاةَ وَآتِينَ الزَّكَاةَ وَأَطِعْنَ اللَّهَ وَرَسُولَهُ إِنَّمَا يُرِيدُ اللَّهُ لِيُذْهِبَ عَنكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيراً }الأحزاب33
وأسف لو كنت سببت أي جرح غير مقصود وأعتبريني أخ خايف علي أخواته ولاد ولا بنات
حمد الله على السلامه يا انوج
بقى كنتى عايزه تسيبينا
طيب تعملى ايه من غيرنا
مبروك علينا رجوعك
على فكره البوست حلو قوى
رغم كميه الحزن اللى فيه
الا انى حسيته بجد
تحياتى يا انجى
حمد الله ع السلامة
وبس كفاية
(flowersssssss)
والله انا مل ثانيه عمال بفتح ولغايىة النهارده الصبح بدري كنت فاتح البلوج بتاعك عشان ادخل وكنتي قافلاه
مش تديني اي زماره كدا
وعموما انا مش داخل اعلق
ولا هاعلق
لاني ببساطه
انا مش فااااهم
انا ورايا امتحن بكره وعمال اذاكر
ادعيلي
وبعدين ونبي ارجعي زي مكنتي
وعلى فكره انا مش هادخل واعلق تاني غير لما احس او اعرف انك اتغيرتي ورجعتي زي الاول سمرا المبتسمه من جوه ومن بره
هه
وانا زعلان
هه
ولو انا هارد يبقه هاقلك بصي حواليكي كويس هاتلاقي كل اللي كتبوا دول منهم كتير ده اذا مكنش كلهم ناس بسم الله مشاء الله
ناس زي الفل
وربنا يسترها
7elwa awi ro2yet elwoshoosh di ya toota ...
bas ba7eb afara2 been talat 7alaat hena ...
awalan e7na sa3aat infe3alna b7agaat keteer beyakhtalef bekhtelaaf elmawqef elli ben3eesho w redood fe3lena elli heya betkoon sad2a betakhtalef wemalame7 weshena betetghayar .. heya woshoosh .. bas woshoosh sad2a w 7a2ee2eya ...
w feeh ba2a naas betelbes woshoosh mozawara .. 7elwa 3ala tool kollaha nefaaq w ghesh ... kollaha mogamalaat w masla7a ... wettameni elwoshoosh di mahma taal elzaman betetkeshef wetbaan 3ala 7a2ee2etha ... ana shakhseyan 3andi 7assa morhafa na7yet elwoshoosh di w beygeeli menha nofoor fawri...
w feeh naas tayeba bas bet7awel telbes elwesh elgameel dayman 3ashan matet3ebsh elnaas elli 2odamha i3teqadan sadeqan en da shee2 gameel ... w howa gayez shee2 gameel bas beyaftaqer lelroo7 elli beteb2a 3ayza tantaleq wet2ool elli gowaha raghm kol elaqne3a ... welafdal neseeb elroo7 tez3a2 wetosrokh te2en lamma tkoon 7azeena wetasahlel lamma tkoon far7ana ...
mafeesh agmal men elwesh elsadeq ..!!
7amdella 3ala salamtik .. 2ala2teena 3aleeki 3ala fekra ..!!
فى وشوش الناس حكايات فيها الفرح وفيها آهات .. فيها اللى مابيتنسى .. فيها اللى عدى ومر وفات
ــــــــــــــــــــــــ
ششششششششششششش
ايه يابنتى
ايه ماسورة الشين الكاميكازية اللى ضربت عندك دى؟؟؟
تكونش دى اللى سدت المجارى فقفلت المدونة؟؟؟؟
بجد قتلتينى لما لقيت مدونتك مقفوله
حسيت انى فقدت مكان برتاح فيه اوى
بفضفض فيه بكل اللى اقدر واللى ما اقدرش انى اقوله
عشان خاطرى ارجوكى اوعى تعمليها تانى
ارجوكى:(
سمرا يا عسل
يا اختى اللى بجد
فكرتينى بالاغنيه الرائعه للفنانه التحفه للرائع الحساس جدا
دوروا وشكوا عنى شويه "
كفايانى وشوش
ده اكم من وش غدر بيا
ولا ينكسفوش
وعصير العنب العنابى العنابى
نقطه ورا نقطه يا عذابى يا عذابى
يكشفلى حبايبى واصحابى يوحدنى وانا فى عز شبابى
مش بقلك دايما بتحرقيلى بوستاتى
انا قلت اريح نفسى واكتب
انظر المدونه ص 17
بها الشرح والتفصيل
حمدا لله على السلامه يا قمر
ومش تحرمينا منك تانى
بجد بنفتقدك جدا
:)
رضوى
رودى
إيه ده؟
انتي ناوية تنافسي محمد حامد وتقطعي عليه ولا إيه؟
تحبي نعمل فرقة نغنيلك فيها أشعارك؟
المهم
ممكن اسألك سؤال
كان مالك يوم الحفلة؟
السلام عليكم ورحمه الله و بركاته
كنت هقول كلام بس لاقيت اخونا بينو جزاه الله خيرا قال الي كنت عايز اقوله
و مش غربيه طالما اننا ننظر اليكي كاخت مسلمه و يعلم الله اني ما تكلمت الا اني اعتبرك اخت
و اعتبر كل واحد واحده اخوه في الله طالما علي صراط الله المستقيم نسال الله ان نكون منهم
مالك؟
كلميني
نسيتى وش
الوش المكشوف اللى انتشر فى زمن الوشوش
ربنا يوفقق
سموووووورة وحشتينى اووووووووى
ايه ده والله ليكى وحشة وكلامك الجميل له وحشه .. وشوش وشوش عارفة الكلمة دى طول عمرى من ونا صغير بحس ان فيها حاجة غريبة
بحب اسمعها والله بجد خصوصا جمع وش وشوش ..
مش عارف ليه بس بحب الشين وبوستك الاخير ده ظبتنى ههههه
مرة تانية وحشتينى يا قمر وعاوز اشوفك قريب ... سلااااااااام
وش علي وش ووشوش بداري وش مكرمــــش
وشوش توشوش حنية ودلع والغدر فيها مكلبش
بداري وشي علي وشي ..اصل الحزن ما يتحبش
انا من يوم الحفلة وحاسس بكده من ساعة ما كلمتك..والله يا انجي انا حاسس بيكي قوي الاحساس ده انا مريت بيه كتير....وكتبت عنه كمان..مرحلة وهتعدي بس حاولي متفكريش في الحاجات اللي مضايقاكي طول الوقت..في حاجات احسن كتير
وصحيح..انا نفسي نعمل رحلة الايتام دي بقى..اعتقد اني كلنا محتاجنهااا بقى
اضحك يا وش..فوق الوش
وكل الناس جامل وغش
واقعد وحيد وقول معلش
بكرة الفرح فوق حزني هارش
عرفتك يا قناع
لما بصيت في المراية
وشوفت الهم ضاع
بين مية حكاية وحكاية
وظهرلي يوم الوداع
كانه هو النهاية
انا كنت كاتب الكلام ده من زمان قوي..طبعا لما قريت كلامك افتكرته لانه نفس الاحساس ويمكن نفس التشبيه كمان
مستنييك ترجعي زي الاول بسرعة ومتنسيش موضوع الايتام ده
سلام مؤقت
kalam baseet bas gameeel awy ... sahl momtane3 .. gameel awy mot2leqa ya engy :)
مش هقول غير ان انا مبسوط
دوختنى يا انجى بس بجد حلو اوى
انا تعبت بقي كل ماجيلك ابقي متاخر..اكيد زهقتي مني..
تفتكري بقي اقولك الكلام بتاع كل مرة.؟هايل وجميل وعبقري وكدة..مانتي اكيد عارفه..وانا مش كل مرة حقوله يعني ..بس انا عايزك تتخيلي كدة واحد الدغ في الشين حيقرا البوست بتاعك ده اذاي؟
احساس هايل بجد..فعلا الحزن ميتحبش بس بالرغم من كدة كل واحد فينا ساعات بيبقي عنده حالة من استعذاب الالم والحزن..
يلا سلام
حلووو قوووي
ياللا مش مشكلة ، أنا قلت ألحق أعلق ف المية الأولى
إزيك يا سمراااااا
جامدة يابنت اللزين
حلوة جدا
اودي
تصدق ان انا اللي زعلت
لاني مش كنت متخلية انك ممكن تفكر كدة يا اودي
بس معلش مش مشكلة
انا مسامحاك يا ابني
___________________________
القمحاوي
ههههههههههههههههههههه
تصدق ان كدة عيب
لما اشوفك يا علاء
بينو
يا بينو
انا اللي اعترضت عليه هو اسلوب السخرية اللي انت اتكلمت عليه
شوف اسلوب يا قلبي يا غريب معايا
دايما بيجيب نتيجة ايجابية معايا وفي نقكيري
لكن اسلوب السخرية مش حلو ودايما بيجيب نتيجة عكسية
يمكن تكون كلمتي ضايقتك زي مانت قلت
بس كان بمقدورك انك تخش عندي توجهمني وترشدني للصواب حتي لو دخلتلي كمجهول
لكن انت اكتفيت بدخول مدونتك وانتقاد تصرفاتنا وكلامنا
ولو كنت بتابعني لكنت عرفت ان كلامي كان علي سبيل الدعابة لان دة اغلب طريقتي في كتابة البوستات
انت اعترضت
كان بامكانك تسجيل اعتراضك عند الناس اللي انت معترض عليهم
وتوجههيهم وابداء النصيحة
انا مش بقول انك بتدعو لفسق وضلال
ولا احنا كمان بندعو لفسق وضلال
انا عن نفسي مش بدعو لكدة
ومش بقول كلام خارج
والحمد لله تعلقات الزوار ابسط دليل علي كلامي
ويكفي احترامهم ليا ولكلامي
وبعدين مين قالك اننا لا نملك حق التغيير في واقعنا الشخصي
ليه الاحباطدة
كل ما من خلال كلامه ممكن يغير فكر شخص او يمنعه من فعل معصية
انا لما كتبت قصة حياتي جالي ايميل من شخص ما بيقولي انه كان هيطلق مراته ورجع عن اللي في دماغه عشان كلامي اثر عليه
يبقي انا ساعدت شخص ما في اعادة تفكير هيكل حياته
شخص اخر لما قرا قصة عالم الدمي والصمت غير طريقة تفكيره وبقي ينظر للاشياء بصورة اعمق
ليه لا نملك الاهلية في تغيير واقع شخصي
من خلال كلامك عن الدين في مدونتك جايز تكون سبب في تغيرر واقع شخصي لانسان ما
مش في حد يعرف الغيب فين
كون ان الناس اللي مش تعرف حد تتقابل ليه
دة مش عيب ولا غلط
انا لما اقابل بنات
مش اعرفها ولا شفتها قبل كدة يمكن لان في شئ مشترك بينا من خلال كتاباتنا وباين انهم محترمين
ليه مش اعرفهم
ايه اللي يمنع اني اتعرف بناس مكن يكونوا محور حياتي بعد كدة
ويساعدوني في عمل شئ جايز مش الاقي حد يساعدني فيه غيرهم ويكونوا اخوة بجد
احنا كبنات مش هنمنع نفسنا عن الشباب لانهم كل واحد منهم محترم وبيقدم خدمة جايز اي حد قريب مني كاخويا مثلا مش يعملها
بالنسبة للكلمة اللي قلتها
يارب ما يتقض علينا
فانا زي ما قلت انها علي سبيل الدعابة
ولو كنت اعرف ان كلامي قد يؤثر علي اي مجموعه بالضرر مش كنت هروح
ومش في حد غصبني عن النزول
انا نزلت بكامل ارادتي
ونازلة وانا صاينة نفسي والحمد لله
وبعدين قطعت قلبك ليه
هو انا حالي سئ اوي للدرجة دي لدرجة اني اقطع قلبك او اي بنت تانية توصلك للمرحلة دي
بص يا بينو
انا مش هروح العب في تمريني وامرن البنات ولابسة بنطلون ترنج
واقول البنطلون حرام ومش البسه تاني
مش هروح اختلط بناس رجاله وبتعامل معاهم بحكم شغلي
واقول حرام مش تتكلموا مع الرجاله
والكلام دة اكيد هينطبق علي اي بنت
طالما في حدود للاحترام تقدير الذات
يبقي اكيد في خير
بس ياريت لما توصل لمرحل النصح للغير يكون بلا تهكم
ويكون في احترام للاخرين
لان كل الرجاله اللي جم مش مختومين
ومش كل البنات اللي جم جايين يتبهدلوا
انا بعتبرك اخ فعلا يا بينو بس الخوف مش يبقي كدة
ومش بالالوب اللي اتكلمت بيه
وارجو انك مش تزعل من كلامي لا علي مدونتك ولا علي مدونتي
ومرحب بيك في اي وقت
مانو
الله يسلمك يا مريووووووووم
مين دة اللي يسيبكم
دة انا كنت قطعته
هههههههه
وحياتك كنت هعملي شوربة لسان عصفور وكنت هقعد اشرب فيها ههههههههههه اصلي بحبها اوي
المهم ان البوست عجبك
وحشاني يا بنوتى
___________________________
قاسم افندي
الله يسلمك
وشكرا علي الورد
:))
وليه بس كفاية
هو الكلام بقي بفلوس
:)
بين الامل والياس
اديني فتحت اهويا حازم
كنا بنصطبح بس
وبعدين يا ابني هو محل كشري هقفله وافتحه
دة انا بس التعليقات كترت مني ومش عرفت ارد عليها فقفلتها عشان اعرف ارد براحتي ههههههه
ربنا يعنيك يارب
روح ذاكر بقي وبطل تكون علي النت كتير
هو انا بقي كنت عاملة ازاي عشان ارجع
يا ابني مانا زي الفل اهو
ان شاء الله هتلاقيني كويسة
وبعدين انت مش فاهم القصيدة
ههههههههههههههههه
اديني بفهمهالك اهو علي الله يطمر
ههههههههههه
القهوجي
عجبتك بجد
طب اقولك ايه بقي علي اللي انت قلته
انت قلت كل حاجة
وفعلا التلات حالات دول انا برضه قلت عليهم في القصيدة
بس تقريبا في ناس مش فهمتها هههههههههههه
اهو انا بقي الحالة التالتة عشان كدة كنت مضرة اقفل المدون شوية عشان ارجع لحالتي ومش اتعب الناس معايا
طبعا كلامك وتحليلك للتلات حالات لا خلاف عليهم
وصح 100 ال 100
والوش الصادق دايما حزين
ماشي بيدور علي الحنين
لو شافوه الناس يقولوا سجين
سكت وكتمت الاهه ودبحت الانين
ولبست وش غير وشي الدفين
في الحزن والقهر جوايا كما الجنين
دبحت دمعي وقتلت شكوتي بالسكين
لا صوتي طالع ولا دهبي له رنين
دورت علي نفسي في غيري في مشتق الطين
لكن لقيت الصدق هارب من الصادقين
يا خلق هووو دةالصبر صباه مات في الصابرين
كله ماشي بلا هدف ويقولوا هناخد حور عين
لا الصبر صبرني ولا رجعني اعرف طريقي منين
العين بصيرة والايد قصيرة بس الاحساس فين
الله يسلمك يا قهوتي وربنا ما يجب قلق يارب
انسانة
هههههههههههههه بت يا ياسمين انتي جاية تغني هنا وانتي وكاميكاز بتاعك دة ولا ايه
الماسورة طفحت بعيد عنك
اصلي ما صدقت اعرف اكتبه
هههههههههههههه تفتكري يكون دة السبب
___________________________
ساعه غروب
يا لهوي بعد الشر عليكي يا قمري
وعشان كدة فتحتهالك تاني لاني يهمني راحتك
وطبعا انتي قلتي قبل كدة اني لسانك ومش اقدر اشوفك ساكته لازم اتكلم ولا ايه
مش تخافي مش هعملها تاني
ايه يا جدعان هو مش في غير الاغنية دي الكل جاي يغنيها عندي
هو انتو فاكرني محطة الاذاعه
المدونة دي طاهرة وهتفضل طول عمرها طاهرة
ويامو المطاهر رشه الملح سبع مرات
ههههههههههههه
اهو اللي سبق كل النبقي بقي
هههههههههههههه
حلو اوي موضوع انظر المدونة ص 17
بصي انتي حطي علي مدونتك عنوان المدونة بتاعتي عشان اللي يخش عندك
يخش عندي واهو اريح برضه
هههههههههه
الله يسلمك يا قمر
وانتي كمان وحشاني اوي
هتنزلي امتي بقي
عبووووووود
ههههههههههههههه
يا ابني انا اجي ايه جنب محمد حامد
الواددة عبقري من عبقريات الزمن
ههههههههههه انا لو اتعملي فرقه هنخلص القوطة اللي في مصر عشان الناس هتحدفنا بيها
يوم الفلة انا كنت عيانة جدا
وضغط علي نفسي عشان اجي حفلة ملكة وفروزن لاف
دي حاجة
تاني حاجة مناقشة اطار الرساله يوم الاحد يوم الحفلوة عرفت ان المشرف بتاعي مش هيحضر وهكون لوحدي
ودة كان مزعلني
بس
___________________________
يا قلبي يا غريب
وعليكم السلام ورحمة الله وبركاته
اللهم امين
ردي عندك
لميا محمود
مش معايا رصيد يا فقرية
بس هكلمك علي البيت بليل ان شاء الله
المهم اني كويسة دلوقتي والحمد لله
___________________________
ياقوت
انا مش نسيته
دور عليه كويس هتلاقييني كاتبة عنه
بس انت دور
اخبارك ايه
اسلااااااااااااااااااااااااااااااااااااااااااام
وحشني يا واد
الله يخربعقلك علي الفضيحة اللي انت فاضحني بيها في بوستاتك دي
هههههههههههه
انت مش هتبطل فضايح يا ابني
اديني حسيت انك هترجع اهو فجهزتلك اللي انت بتحبه
هههههههههههه
مش حرمتك من حاجة ومزجتك وظبطك
انت واد عيل اصلا كل مرة اتصل بيك عشان تحضر لقاء وحلة والواد عمرو احمد عايز يشوفك
ومش ترد عليا
علي العموم ربنا يسهل ان شاء الله
___________________________
محمد حاااااااامد
انا عارفة انها مرحلةوهتعدي فعلا يا محمد
المشكلة اني مش بفكر بس الي حواليا بيخلوني افكر غصب عني
ربنا يسترها بقي
اكيد انا هعملها ان شاء الله
مش انا اللي مقترحهاها
بس بدور علي دارات عشان تكون فعلا محتاجة
وبعدين يعني انت لازم تكتب وتنافسني
اهو كلامك طلع احسن من كلامي يا عم
ههههههههه
ان شاء الله وبجد اصلا انا مش ناسية
سلام يا قمري
بطوط
ازيك الاول يا بنتي
انتي اللي متألقة واحساسك عالي اوي يا بنتي
وكدة مش بقي حل بقي
هنافس بعض ولا ايه
هههههههههههه
ربنا يخليكي يا قمر
___________________________
انسان
طبعا انا عارفة سر انك مبسوط وان شالله دايما يارب
بجابيجو
دوختك ليه عشان الشين دي تخليكي تفوقي كدة
ههههههههههه
الهم انها عجبتك
___________________________
احمد عيسي
هههههههههههههههه
لا متاخر ولا حاجة
انا لسة منزلة البوست دة انبارح يعني انت مش متاخر
ولا زهقت ولا حاجة انت تشرف في اي وقت يا احمد بجد
ههههههههههههههههه
انا عملت البوست دة عشان اخلي الناس تتدرب علي موضوع لشين دة اصل انا كان عندي مشكلة فيه وبحاول اظبطهت ههههههههه
فعلا كل واحد فينا بيحب حزنه وبيجلد ذاته
ربنا يفرجها عننا
ابراهيم ... معايا
عجبتك بجد
هو ايه اللي يلا مش مشكلة
انت جاي تقر عليا ولا ايه يا هيما
انا الحمد لله كويسة
انت اخبارك ايه بقي
___________________________
الوردة السودة
هههههههههههههههههههه
المهم انها عجبتك يا قمر ربنا يخليكي ارب
طب والله حلوة
شكلك اخترعتى بحر جديد فى شعر اسمه بحر الش
على فكرة
بيقولوا اصعب حرفين فى الشعر
حرف ش
وحرف خ
وانتى ملياها شين
فاكرة سيد حجاب فى ارابيسك
كان كاتب حاجة قمة فى الصعوبة انها تتكتب وتتغنى وتتلحن
الشر شرق و غرب داخل في حوشنا
حوشوه لا ريح شاردة تقشقش عشوشنا
حوشوا شرارة تطيش تشقق عروشنا
و تغشنا المرايات تشوش وشوشنا
و تهيل تراب ع الهالة و الهيلمان
الغش طرطش رش ع الوش بوية
ما درتش مين بلياتشو أو مين رزين
شاب الزمان و شقيت .. مش شكل أبويا
شاهت وشوشنا تهنا بين شين و زين
ولسه ياما و ياما حنشوف كمان
سلام
السلام عليكم ورحمه الله و بركاته
اشهد الله اني احبك في الله كاخت
و اشهد الله اني افرح لفرحك و احزن لحزنك..يا اختاه... يا سمراءالنيل
كنت اقرء كلامك باسلوبك البسيط الرائع في الكتابه هذا الاسلوب الذي يحركه احساس صادق يحول الكلمات الي بعد اخر مجسم يجعل من يقرءه و كانه يلمس احلامك و مشاعرك و لاكن انظر اليه من عين الاخ الذي يحب و يخاف و يحزن لاخته
و طالما كلامك مؤثر في لدرجه انه يجعلني افرح لما يفرح و احزن لما يحزنك فانا ادفع عن نفسي حزن و خوف لما انتي فيه
الكلام يطول.. و يطول و لاكن اقول اخيرا لا استطيع ان اتصور حياتي بدون احلام جميله بدون مشاعر لاخت فاضله
و الله يا سمراء و الله يا اختاه انتي اصبحت جزء لا يتجزء من حياتي
و عندي ظن بالله العظيم ان يغير من احب بمن احب
و تعاونوا علي البر و التقوي
ما تقوليه و ما تفعليه هو البر و الله
ولاكن اخوات..اخوات فقط
اخوات مع اخوات
استمري يا اختاه استمري ولاكن مع اخوات
استمري في الخير استمري كمان في الكتابه و اوعي تبطلي كتابه ممكن يحصلنا حاجه
يا سمراء ..يا اي حاجه (طيبه و راقيه و جميله)
نشهد الله انا بحب في الله كاخت
السلام عليكم
مش عارف ليه أفتكرت أغنية فردوس عبد الحميد في مسلسل أنا و أنت و بابا في المشمش
أسمها الوشوش بردوا
سلام
كلام جميل من غير رتوش
يحرك مشاعر ويعمل خدوش
في قلوب مريضة مبيقولوش
كلمة حلوة ولا يرحموش
ناس غلابة زيك وزيي ميعيطوش
لما يتجرحوا جرح كبير من وحوش
مش هكمل اكتر من كده بقى لأن كلامك تحفة بجد حسيت إنك إنجي فؤاد نجم.. كانت فين الحاجات الحلوة دي يا بنت.. مخبياها فين.. صحيح الإحساس المر بيعمل شاعر حر
سلام وورينا حاجات من دي كتير
وشوشني
ايه يا ستي احان ماتفقناش انك تسرقي اسمي وتحطيه عنوان البوست وبعدين ماانت قدامك كل امدونين مااخترتيش منهم الا انا وكمان انا مش فاهمه حاجه من الوشوشة ده مع تحيات: وشوشني
لقيت راده في مدونة
جريت قولت اخيراً سمرا رجعت
ولقيتك رجعتي
اوي
جامد والله وصف دقيق
وطريقة مفتكسة
اوي
متغيبيش تاني
ها
اهلا يا انجي
اولا مين المنتحل شخصيتي ده بس فعلا شعرك حلو اوي
طبعا انتى عرفه رائي من ابل ماعلق
بس حلو رغم الحزن الى فيه
ربنا يزيح عنك كل حزن
عايز تنسى الحزن و تسيب العيشة اللى ما تطمنش
رشح الوطنى و اشتري الكوبون و اكسب الجايزة بعد ما تخربس
جميل قوى البوست ده
وأن كان مناسب للجو اللى أنا فيه
بس بجد جميلة كلماتك وفعلا فيه وشوش كتير قوى بقت اقنعة وبتخبى حاجات كتييييييييييير
حمد لله على سلامتك يا سمرا
اوعى تعملى العمله دي تانى بجد
اتخضيت عليكى
-----------------
احب تأمل الوشوش
فبها الكثير والكثير
بعضها يُثير اشمئزازى والبعض الاخر لا
بعضها يُغضبنى والاخر يفرحني
والكثبر من ردود الفعال والمشاعر الانسانيه
في تلك
الوشوش
تحياتى
الله على الكلام الجميل
يسلم قلمك بجد اتمنى ان وش القمر القصيدة التى كتبتها تنال اعجابك ايضا
http://sound-of-the-nile.blogspot.com/2007/03/blog-post_11.html
شارك في التظاهرة التدوينية
http://www.linux-fr34k.com/Soka/Blogger/Cod.rtf
وقع هنا للقصاص أسرانا: إلى الأمم المتحدة
http://www.petitiononline.com/egypows/petition.html
وقع للقصاص لأسرانا: إلى نقابة المحامين
http://www.petitiononline.com/kxqf4436/petition.html
وقع ضد التعديلات الدستورية
http://www.petitiononline.com/kxqf4436/petition.html
وقع لمساندة قرار وقف حفريات الاقصى
http://www.help-aqsa.org/sign/index.php
أنا إتخضيت لما قفلتي المدونة
وقلت مش هشوف وشك تاني ولا إيه
مبسوط برجوعك يا أحلي وش
تحياتي
كتابتك جميلة أوي
حمدا لله على سلامتك يا سمورة يا امورة
ما تتصوريش خفت عليكى اد ايه خاصة و ان ياسمين مش بترد على التليفون
حرام عليكم انا كان هيحصل لى حاجة وحشه و اعصابى فلتت منى و اتخانقت مع ماما من القلق
ارجوكى ما تعمليش كده تانى
البوست ده جميل جدا و الاجمل منه وشك البشوش المبشر بالخير يا وش الخير
تحياتى نورتى
كلماتك بجد جميلة جدا
حنيت شفايفي بدم غزال وحنيت لكن دمي متحنش
بتجيبى الكلام دا منيين بجد جامد اخر حاجة
وشوش
اه منها الوشوش
وشوش بتضحك
وشوش بتبكى
وشوش كدابه
وشوش قلابه
اه منها دى الوشوش
عايزك تفوقى عشان محتاجلك اليومين الجايين ولا انتى نسيتى
مش أول مرة أقرأ ليكى حاجة بالجمال دة , إنت شاعرة كبيرة , أنا قلت كدة من ساعة ما قريت شراب فردة و فردة , شوفتى فاكر إزاى !! تحياتى
One of the best I've read ya Samraa! begad masha Allah!!
Your style and talent quite evolved masha Allah
InsyaAllah
جميل
توبيك جميل جدا
اعجبني
احييك عليه
فية ناس تقدر تكون بمية وش
وناس بوش واحد ودى احلى ناس واحلى وشوش
اخبارك اية انجى
تحياتى
ايه الوشوش دى كلها
بس بجد استخدام الكلمات و توظيفها رائع
خصوصا
اصل اصلى اصله
تحفة قلتلم جمعى الحاجات فة كتاب و انشريه
محدش بيسمع الكلام اليومين دوول
والله
والله العظيم
دم محمد طه مرحش هدر !!!
اى الحلاوة دى بجد كلامك جامد وجاى على الجرح المهم فى الموضوع كمان انك رجعتلنا بالسلامة وكمان باجمل كلام ممكن يتقال
واحب اسمع اغنية حمدالله على السلامة يا
جاى من السفر
ربنا يخليك ياسمرا يا بنت ام سمرا
ومنحرمش منك قال كانت عايزه تسي التدوين قال
شوف ازاي بطلوته واسمعوده سمرا عايزه تسيب التدوين يارجاله
نرجع لمرجُعنا بقه
حرف الشين ده هو اللي كل شوية يحسسني اننا مش فاهم حاجه واقرا ابقى فاهم مرخه واتنين وتلاته بس حرف الشين سووري سوري بيخلي الكلام عميييق
ووش عروسة حلاوة سكرها مرعلقم ما يتحسش
ووش حصان عليه فارس قال مواويل ما تتغنـــــش
بصراحه دي جامده موت اصلي مكنتش فاهمها الا لما حضرتك شرحتيها
بس قلبي عصفور ووشوش لوش حقيقي بتهمـش
ياه قد ايه انتي فعلا جميله
بس مين يشهد للعصفورة
كل اللي كاتبين فوقي وتحتي بيشهدوا انك لازم تفضلي سمرا اللي عرفناه صح ولا انتي شايفه ايه
حنيت شفايفي بدم غزال وحنيت لكن دمي متحنش
معلش انا زعلان منك في دي ليه بقه اذيتي غيرك اصل الغزال ده انا اعتبرته شخص عزيز عليكي عشان كدا لما انتي حاولتي تيجي على حساب غيرك مقدرتيش
اصلك انتي الغزال
ورويت عيوني بدمع السهر بس دمعي جف متبلش
لا لا لا بلاش دموع دمعك غالي علينا اوعي ماعاش اللي ينزل دمعه من دموعك
بداري وشي علي وشي ..اصل الحزن ما يتحبش
واوعي تكتمي جواكي اوعي طلعي هاتلاقي الف انسان جنبك والف مدون بس انتي جربي بس مش في الزعل جربي في الفرح اصل البلد كلها بتحب الفرح عشان ترقص
؛))
يالله ربنا يسهلك يارب ويقويكي يارب وترجعلنا بالف سلامه ياسلامه
اسجل اعدابي
بالوشوشة
وتوشوش الوشواش
نسيت حاجه مهمه ازاي نستها مش عارف
ربنا يسترها
دي مش وشوش دي اقنعة
يا كتر الاقنعة في زمنا يا سمراء
قناع لكل حالة وقناع لكل مزاج وقناع لكل حد والي لابس قناع واحد هيتعب مع الوشوش دي
نفشي حد يوشوشني بش ميكونش بوشين
تحياتي
فعل الكتابة في حد ذاته جميل
لأنه بيعلن أن صاحبه
يمتلك قدر جميل من الجرأة
على البوح
تحياتي
براحتك
احييك تحية كبيرة جدا
كلام رائع طبعا برغم الحزن العادي اللي فيه
طبعا عادي .. وهو إيه من اللي إحنا شايفينه يفرح يعني؟
أكرر التحية
أطيب وأرق تحياتي
3ayz 2afham leh konty bet2oly enk btekteby 3la 2adek .... ma 3lena ..no comment esra7a :D
2hdy b2a shwya 3shan keda e7na hano23od fe byotnaaaaaaa :)))
انجى
انتى فين مش باينة
طمنينى عليكى
رغم الصياغة اللي مش مضبوطة لبعض الجمل
لكن بحب احييكي اوي علي مجمل الاحساس وفي كلمات خلتني اقشعر
موهبتك محتاجة بس تكتبي كتير ولو اني شايف ان البوست تعبير عن اللي جواكي وده انتي نجحتي فيه باقتدار
واكتر كلام اثر فيا ... واسمحيلي استعيره واكتبه في الانديكس بتاعتي
ماشية علي راسي ورجلي علي الارض بتفتـــش
مليون سؤال وسؤال علي وشك اجاباتها متتحلش
ووش وشه بيضحك والقهر والدمعه جواه متتحوش
ووشوش لوش حقيقي بتهمـش
اية الوشوش دى كلها انا كنت زمان فاكرة الناس بوش واحد بس بعد كدة عرفت ان فعلا كل انسان مخبى وراء وشة الحقيقة خمسين الف وش كل واحد حسب الموضة والوقت وبقينا نزيف الحقيقة دى ونقول عليها نيو لوك لكن بجد الانسان لازم يكون لة وش واحد وشخصية واحدة علشان يقدر يكون صادق مع نفسة قبل الناس لان الناس هيجى عليهم يوم ويكرة كل وشوشة
وبانوا بانوا على اصلوكوا بانوا
وسلام ياسمراء ياشاعرة
نحن نرى بمؤخراتنا ونفكر بيها
اعتقد دا زمن الوش فى القفا
الكتابه فكرتنى بالمثل الشعبى
فى الوش مرايه وفى القفا سلايه
هههههههههههههههه
I tagged you
سمراء: انتي عارفة رأيي في اللي بتكتبيه.. انا مش بفهم اوي في اصول الشعر بس بياهيألي كدة ان الوزن عايز يتظبط
بس طبعا موهبتك بتعبر عن نفسها كالعادة
ليه يا زمان ما سبتناش أبريا ؟... تيرارارا..
قفلتى البلوج وبرضه لما رجعتى لقيت نفسى باعلق رقم 103 .. صلاة النبى..
وشوش إيه اللى بتتكلمى عنها؟
وبعدين فين وشى فى الوشوش دى ..
يعنى المفروض تزودى بيت
ووش أشرف العسل السكر اللى ما استعناش عنه أبداولا بيكرمش
كده يعنى
منورة من تانى يا نوجة..
افتكرى الجمايل دى..
في وش ذهب
و وش بلاستيك
و
وش خشب
تعالى شوفي وشي
ابقي تعالي
hesterua
ربنا يخليك يارب
بجد عجبتك
ههههههه انت عارف اني بخترع اي حاجة جديدة
بس دي ماسورة شين واتفتحت
انا اول مرة اعرف الموضوع دة انا كنت كاتبة حاجة قبل كدة بتنتهي بال خ
بس يلا مش مهم
سيد حجاب دة اصلا عبقري
شكرا لانك فكرتني بكلامه
___________________________
Anonymous
مش عارفة اقول ايه غير شكرا بجد
لا تتخيل مدي سعادي لما قريت اني جزء لا يتجزء من حياتك
بجد اسعدتني اوي
وعجز لساني عن الكلام ومش قادرة اقول غير شكرا
no fear
وعليكم السلام
يااااااااه تصدق اني افتكرتها لما انت قلت
والله ما جت في بالي خالص
كويس عشان ابقي ادور عليها اواسمعها
منورني
___________________________
ابراهيم
اومال يعملوا ايه يا ابراهيم
لما مش يعيطوا من جرح الوحوش
هههههههههههههههه
انجي فؤادد نجم ايه يا عم تعالي شوف التعليقات اللي تحت بيقولوا دة مش شعر اصلا
ولا مخبايها ولا حاجة
هي بتظهر بس لما بحسها
هوريك يا ابراهيم ههههههههه
anonymous
طب الاول اعرف انتي مين
لان عنون البوست بيقول وشوش
وانتي وشوشني
ولا انتي شلتي النون والياء وبيقتي انتي
ايه بس اللي مش مفهوم
دي سهلة خالص
منوراني
___________________________
زحل الفلكي
ازيك يا ابني
اخبارك ايه
اديني رجعت اهو
المهم انه عجبك
مش تخاف مش هغيب تاني
وشوشني
اهلا يا قمر
مش عارفة انا افتكرتها انتي
ربنا يخليكي
منوراني
___________________________
محض روح
اكيد بس ايه هو رائيك :))
ربنا يكرمك يارب ويتقبل منك
منوراني
sharm
ههههههههههههههههههههه
وحتي بعد ما خربشنا تفتكر برضه هنكسب
دة في المشمش
___________________________
بوسبوس
ايه الجو الي انت فيه
مش في اكتر من الوشوش والاقنعه اللي محوطانا
خلاص خدنا علي كدة
فوكيرة
الله يسلمك يا مي
لا مش هعملها تاني مش تخافي
عندك حق انا لما تأملت الوشوش واتعاملت معاها كتبت عنها
يا بختك
انا بقي شفت كله بيثير اشمئزازي
بس كله بيطلع في الغسيل
___________________________
شخبطة ملوكي
ربنا يخليك بجد
اكيد هزور مدونتك واشوف القصيدة بتاعتك
بالنسبة لكل الينكات دي فانا وقعت وربنا يستر بقي
__________________________
the alien
بيشوي سلامتك من الخضة بجد
ههههههههههههههه وشي هتشوفه علي طول
اومال مين اللي هياخد اشتراكات الاجتماعات
ربنا يخليك ليا يارب
يارا تنادي
اخير عملتي مدونة
ربنا يكرمك ومبسوطة ان كتابتي عجبتك
منوراني
___________________________
حورية
الله يسلمك يا حورية
اخبارك ايه يا بنتي
ربنا يبعد عنك الخوف يارب
يا لهووووووووووي سلامتك بجد
انا لو اعرف اني هتعبك كدة مش كنت عملتها
مش تخافي مش هعمل كدة تاني
ربنا يخيليكي يارب
ahmed_h
ازيك الاول
اخبارك ايه يا ابني
ربنا يخليك يا احمد يارب
بجيبه منين هو اللي بيجي لوحده
ههههههههه
___________________________
راسبوتين
وانا موجودة ليك
المهم انت كويس دلوقتي
باسم
ههههههههههههههههههه
باسم اسمها رجل البنطلون فردة وفردة مش شراب
بس ربنا يخليك المهم انك فاكر انها فردة وفردة
منورني
___________________________
ايبتاف
ربنا يخليكي يا رب
بس زعلت اوي اني مش شفتك
بجد ان نفسي اشوفك وقت الحفلة بس تتعوض بقي
ربنا يكرمك يارب
شكرا اوي علي كلامك
david santos
inshaallah what??
___________________________
الراقص مع الذئاب
شكرا للزيارة دة اولا
ثانيا شكرا برضه علي كلامك الحلو دة
ومبسوطة ان كلامي عجبك
تحياتي ومنورني
تامر
المشكلة بقي انك هتعرف تفرق بين الوش الحقيقي دة والمية وش
ازاي
دي المشكلة
انا الحمد لله كويسة
انت اخبارك ايه
___________________________
مااا علينا
انا عارفة بقي ماسورة وشوش وشين
ههههههههههههه هي دي اللي عجبتك اوي
كتاب ايه يا مرام صلي علي النبي
ههههههههههههههه
خلي الطابق مستور
سمسم
ههههههههههههههههه
ايه دخل محمد طه دلوقتي
عشان قال علي الاصل دور يعني
___________________________
محمد حسام
انت داخل بتكلم الاذاعه ولا ايه يا محمد
عامة هشغلهالك حاضر
بس ربنا يخليك يارب
بين الامل والياس
ربنا يخليك يا حازومتي يارب
هههههههههههههههههه
اديني رجعت اهو
مش فاهم ايه
مانا قعدت افهمك القصيدة
وسوري ليه وعلي ايه يعني
العصفورة بتموت
غزال ايه بس
ربنا يخليك يا حازم يارب
___________________________
اكتب بالرصاص
وانا اسجل سعادتي بزيارتك ليا وتعليقك
شكرا ليك بجد
بين الامل والياس
ههههههههههههههههه
انا برضه استغربت انك نسيتها يلا عادي ربقي
___________________________
كراكيب عادل
وشوش اقنعه مش بقت فارقة يا عادل كله بيتلبس
مش هتلاقي اقل حاجة دلوقتي بتلات وشوش
عادي بقي
ezzo
تحياتي انت ليك علي الزياردة الرقيقة دي
شكرا للزيارة وانت فعلا عندك حق
___________________________
اودي
احنا اتكلمنا واتصافينا صح؟؟؟
ابن بهية
صح وايه اللي مش بقي عادي في حياتنا
ربنا يخليك والله بتسعدني بزيارتك دي جدا
منورني
___________________________
كلمة
عشان انا فعلا بكتب علي ادي
ونو كومنت ليه يا رخم هو الكلام بفلوس
هههههههههههههههههه
لا خلاص هقعد انا في بيتنا
تامر
انا موجودة اهو يا تامر
الحمد لله علي كل شئ
انا كويسة والحمد لله
___________________________
ضياء
ايه بقي اللي مش مظبوط
ههههههههههههه هو انت مش لاقي عيب وخلاص
عجايب
انا مش محتاجة اكتب كتير انا محتاجة اقرا كتير واحس اكتر
وطبعا كلامي تحت امرك يشرفني انه يكون عندك
هيبوو
دة كان زمان يا هبة دلوقتي العلم اتغير والدنيا اتطورت وكل مواطن
بقي ليه الف وش ووش
اديكي قولتيها الشطارة ان هما يبانوا علي اصلهم
ويا سيتي ولا شاعرة ولا حاجة
انتي منوراني علي فكرة
___________________________
همس الليل
ههههههههههههههههههه
تصدقي انك جبتي المفيد
هههههههههههههههههه
وبتطلع قملايه
مبرمج حر
لالالالالالالالالالالالالالالالالالالالالالالالالالا
حرام عليك
انت مش عندك غيري ولا ايه
ماشي يا سيدي هعمله
___________________________
عمر
انت فينك يا عمر وليه قافل مدونتك خسارة بجد
والله كنت بحب اخش عندك كتير
ههههههههههههههه وحياتك ولا انا بفهم في اصول الشعر
بس اهي بتيجي معايا كدة
بتيجي مع الهبل دوبل
هههههههههههه
ربنا يكرمك يارب ومش تقطع الزيارات بقي
تعالي وانا اجيبلك حاجة حلوة
اخف دم
هههههههههههههههههههه
عشان تعرف يا بيه انك مهمل ومقصر
وبعدين وش ايه دة اللي اتكلم عنه
خليني ساكتة يا اشرف احسن
طبعا منورة
ومش هفتكرها ههههههههههههههه
___________________________
طهقانة
هههههههههههههههه
هبقي اجي واشوف
وربنا يستر بقي
ووش وشه بيضحك والقهر والدمعه جواه متتحوش
لو ده نصك بجد مقدرش أقول كلام عليه
الجملة اللي فاتت أكثر جملة عجبتني
عشان ده أنا
:) أول مرة أشوف مدونتك بس هتابعها دائماً إن شاء الله
تحياتي
محمد عادل \ أوسكار
http://oscarization.wordpress.com/
بجد بجد انتي مبدعه
اتمني تقبلي كلامي المتواضع ده
القضيه منتهيه
ناس كتير ماشيه و جايه
ناس همومها في الفلوس
ناس بتحلم بالفانوس
مش مهم يكون في حق
مش بايدهم حتي لاء
محمد
هو فعلا دة نصي يا محمد
انا اللي كاتباه
وربنا يكرمك يارب
ههههههههه
مش انت الي وحدك اللي كدة كلنا كدة
يسعدني بجد انك تكون متابع لمدونتي
__________________________
proid
ربنا يخليك يارب
وكلامك ليه معاني كتير جدا بجد وعجبني
بس النس مش باييدها فعلا تقو لا
سعيدة بزيارتك بجد
وياريت تكررها كتير
Post a Comment
<< Home