ريحة حاجة حمضانة
ريحة حاجة معفنة
زي ما تكون حاجة حمضت كدة
بطني اتقلبت
اتاري الريحة دي
ريحة تاج
من قرنين ونص تقريبا
التاج دة كان جايلي من رفقة عمر حبيبتي ومصر هي امي الصديق العزيز
ومش عارفة مين تاني
بس الحق ارد عليه قبل ما العفانة تطول المدونة
أحب شخص لقلبك فى الدنيا؟
انسان مستعد تضحي بحياتك –ركز فى كلمة حياتك- عشانه؟
.انسان كرهته لدرجة الجنون و تمنيت لو تمسك سكينة
وتنقض عليه وتغرزها فى قلبه تقتله وتقف تبص لجثته وتشفي غليل قلبك؟
ما هو:اسم أجمل كتاب كتبه بشر قرأته ومحتفظ به حتى الان؟
اسم كتاب-كتبه بشر برضة- انت متعلق بيه وبتقرأه كل فترة؟
بصراحة
اهم جهاز منزلى انت متعلق بيه او بتستخدمه كتير؟
شىء تحس بالراحة النفسية عندما تنظر اليه؟
مكان تحس فيه بالحنين الى شىء لا تدرى ماهو و ذكريات جارفة الى لاشىء؟
مكان تحس بالراحة عندما تدخله؟
اجمل مدينة زرتها داخل مصر؟
أجمل مكان طبيعي رأيته داخل مصر؟
شخصية كارتونية بتحبها؟
نوع هاتفك المحمول؟
سرعة بروسيسور جهازك؟
مممممممممممم نحمد الله علي هذه النعمة وبلاش احراج
عامة هحاول اتصرف واجيبهالكم
جيجا هيرتز 2.81
مش عارفة دة صح ولا لا
حجم ذاكرة –هارد- جهازك؟
160 جيجا
المساحة التى تشغلها المواد الاسلامية على جهازك؟
تقريبا والله اعلم 30 جيجا
نفس المساحة السالف ذكرها فى قلبك-الاجابة لنفسك عشان الرياء يا اخواننا-؟
ولما هو لنفسي بتسالوها ليه
ايه الرخامة دي
بس صعب الاجابة
عشان اللي في قلبي دة لربنا سبحانه وتعالي وهو اعلي واعلم بالمساحة السالف ذكرها
بس بدعي ان ربنا يزيدها
أهم هدف انت واضعه لحياتك دلوئتى؟
دلوئتي دلوئتي
اهم حاجة اني الحق اطبق رساله الماجيستير اللي هتحتاج مني تلات شهور
وطبعا الهدف الاساسي والرئيسي هو زواجي من طارق وابني البيت اللي طول عمري بحلم بيه
مواصفات فتاة –أو فتى للبنات- الأحلام بالنسبة لك؟
مواصفات فتي الاحلام
كفاية ان انتو تشوفوا طارق عشان تلاقوها
يارب كل الناس زيه
ويارب كل البنات اللي مش ارتبطت ربنا يرزقها بحد زي طارق
ويرزقك كل الشباب بواحدة زيي
ههههههههه قولوا امين
صف ما يأتى:شعورك لما بتسمع كلمة مصر؟
في الاول كنت بقول مصر هي امي ولحوارات دي
دلوقتي بقي عادي
مصر هي الديكاتوتورية
مصر هي الفساد
للاسف مش لاقية اي حاجة تخليي اقول ان مصر زي زمان
شعورك لما بتسمع كلام عن اليهود؟
اولا الصهيونية المتشددة بقرف منهم جدا ويقول حسبي الله ونعم الوكيل فيهم
ربنا ينتقم منهم زي ما بيعملوا في المسلمين
لكن كيهودية
الناس دي ليها فكر عالي
كفاية ان هما حاطين اهداف ليهم
هي اي نعم اهداف استعمارية
بس الشغل عليها والاستمرار عليها رغم مرور ملايين السنين حاجة غريبة اوي
ياريت علي الاقل نتعلم منهم ونعمل كدة ونمشي علي خطة بس تكون سليمة مش خمسية
بس ربنا يهديهم يارب
شعورك لما بتشوف ظابط شرطة؟
ببقي عايزة اطف عليه
خصوصا لما بشوفه حيوان
وبدل ما يحرسنا يقعد يظبط بنات وعيني عينك
بس برضه مش هقدر اعمم
لاني اعرف ظباط بس بصراحة جيش محترمين اوي
مش كلهم
شعورك لما بتشوف الكناس العجوز فى الطريق؟
في الاول مش كنت اعرف قيمة الراجل دة
بس لما رحت الاردن وكان اي لقاء رسمي كنا بنعمله هناك
كنا بنبقي مرغمين علي نضافة المكان دة بعد زيارتنا
ولما كنا بنوطي نجيب الاكياس والمناديل وننضف
كنت بتعب جدا
بصراحة الناس دي غلبانة اوي وبتعب اوي
جرب انت كدة تعمل زيه
زي مانا عملت
مش هنبقي كدة خالص
تخيل انه عجوز اوي كدة اقلها الابتسامة في وشه بتفرق معاه كتير
تخيل بقي ان احنا اللي بنتعبه معانا
لون البطانية اللى بتتغطى بيها فى الشتاء؟
بطانيه واحدة
هههههههه
دة انتو طيبين اوي
بعيد عنكم تلات بطاطين ولحاف
بطانيه لونها بمبا مسخسخ عليها نمر متوحش
والتانية عليها ورود زرقا كدة وهي لونها سماوي
والتالت ابيض في اسود
اما اللحاف بقي فليعاذ بالله لونه احمر
لون الجورب-الشراب- المفضل لديك؟
ههههههههههه اي اي شراب حضرتك بس يا حبذا اللي مرسوم عليه بوووه
او ميكي
يعني بجيب شرابات الاطفال
احساسك اذا داست قدمك فى الطريق
على مخلفات اخراج حيوان- *** ولا مؤاخذة-؟
ههههههههههههههههه
وحياتك حصلت وكنت مع اخويا وقعدت اطنطط في الشارع زي العبيطة
اخويا كان بيقولي دي رقصة المجنونة دي ولا ايه
وبعدها لما بمشي مع المفضوحة اللي اسمها امل رفيقة الكفاح في معركة التوت
نغني
وانا ماشي في الطريق
لالالالا
دست علي حتة لالا
لالالالا
واتاريني ماسك اللالا باديا
افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف؟
مش مرة اتخانقت مع واحد منهم
انا مش معترضة عليه طبعا هو حر خصوصا اذا كان المجتمع الي هو عايش فيه وشغله قابله بالشكل دة
بس اذا كان عايز يتبع سنة نبيه
يبقي لازم يطبق صح
عايزين تعرفوا ايه الخناقة
مرة كنت راحة الكلية تقريبا واتزنقت اني اركب في عربية الرجاله لاني مش كنت هلحق عربية السيدات
وبصراحة قعدت فكسلت اني اروح اركب هناك تاني
وكنت نازلة ولقيت واحد منهم واقف ادام الباب
حضرتك نازل
صمت ومش رد عليا
حضرتك نازل
ولا الهوا
طب يشاورلي برضه لا
قلت يمكن بقيت رقيقة فجاة وصوتي مش واصل
ووالله خبطت عليه بصباع واحد لقيته اتنفض وقعد يقول استغفر الله العظيم
واستغفري ربك يا انسة
واعوذ بالله من الشيطان الرجيم
وكلام من دة حسسني اني كفرت
ساعتها بقي ملعون ابو الرقة
وظهرت سمرا بالوجه الاخر
ودخلنا في حوارات بقي والناس بصراحة كانت معايا
وقالوله ان الاسلام مش كدة
انا معاك ان دي حاجة المفروض انها تفرح بس مش لدرجة شاب زي اللي اقبلته دة
احساس يراودك فى اشارة مرور مغلقة بسبب مسئول كبير؟
والله بقعد اشتم واسب
اي نعم بيبقي ادام الناس وبيقعدوا يبصولي بس ولا يهمني
لدرجة ان واحد في مرة قالي انتي مش خايفة علي نفسك ولا ايه
قلتله لا مش خاية واللي عايز تعمله اعمله
فضحك وقالي ياريت الناس تبقي زيك
والشخص دة من ضمن الناس اللي بتوسع الناس عشان الزفت يعدي
خلص التاج
طبعا بمااني قعدت فترة بعيدة عن المدونات مش عارفة مين اللي عملوا ومين الي مش عملوا
بس زي كل مرة في
حوالي 198 لينك عندي
اي حد يخش منهم هيعملوا يعني هيعملوا
ويا ويلك م سمرا بقي
تاج تاني لقيته عند روح بوس بوس
يلا قبل ما يحمض بقي
مستخدم اعتيادى - ايميل - شات - العاب -
مستخدم احترافى - خدمات الوب 2 - تحميل - العاب -
برامج - بودكاستس - ميديا 2
مطور مواقع - اعلامى - مبرمج - مستخدم لينكس )
دة نوع مناديل
يا ستي انا مستخدم عادي وايميل وشات والعاب اوعي وشك اجدع واحدة تخسر
ومدونجيا قديمة
فى صناعة البرمجيات وتكنلوجيا المعلومات
معلش يعني حملة ايه
وايه يا بت الكلام الكبير دة
عامة اجابتي
بسم الله الرحمن الرحيم
انها تفرض حصارا معلوماتيت علي الشعب والامة العربية اجمع
كمان انها تؤثر سلبا وليس ايجابا علي صناعه التكنولوجيات والبرمجيات في وطننا العربي
حاسة اني بقول كلام مجلص
هو تقريبا انتي بتسالي السؤال وحاطة الاجابة فيه
سيؤدي لتقلصها
ما هى اسباب الوزير المعلنة والغير معلنة فى رأيك ؟؟؟؟
يا بنتي زنقة الحمام وحشة والله
وبعيد عنك الواحد منهم لما يتزنق يطلع بقرارات فله وبانتهائه يصرخ ويقول وجدتها
هل تهدف الحكومة من هكذا قرار بتطبيق المبدأ العربى الشهير الا وهو
فرض الوصاية على هذا الشعب القاصر ( من وجهة نظر الحكومة ؟)
المشكلة اني شايفة الحكومة غبية اوي وفكرها مش بيوصل للمرحلة دي وخلاص
بس زي ما تقولي كدةهما بيحبوا يخترعوا حاجات مش ليها اي لزمة
ولا اعتق ان الحكومة عندها وجهه نر انا بشوف ان معظم قرارتها وليدة اللحظة
كيف ستتراجع الحكومة عن قرارها ؟
والله انا كت فاكرة زي سيادتك كدة ان باصوات الشعب والشجب والتنديد
بس بعد اللي حصل في بيع بنك القاهرة
رغم كل الاعتراضات ومنادات الهيئات والشعب وبرغم كدة اتباع
يبقي الحكومة هتنفذ اللي هي عايزاه
والشعب يروح يخبط راسه في اي حيطة تقابله
تقريبا الحكومة مش فيها فلوس وعايزة سبوبة زي مانتي قلتي
بحس انها مش عايزة الناس تبقي نثقفة ولا تطلع علي الدنيا
بس تقدري تقولي جميع الاجابات السابقة
هل يستحق وزير الاتصالات الائتمان على أمن مصر المعلوماتى
وصناعة التكنلوجيا بمصر؟؟؟بعد ان أثبت سوء نيته و مشروعة
الذى يهدف الى تدمير البنية التحتية لصناعة المعلومات فى مصر؟؟
يا سيتي ولا اي وزير اصلا
هاتيلي وزير يستحق الئتمان علي امن مصر
ماذا تتوقع من تفاعل هذى الحملة عالميا وعربيا ومحلي
افتكرت نكتة لما قالو لحسني مبارك هتقول خطبة الوداع امتي
قالهم ليه هو الشعب هيروح فين
اظن ان اجابتي واضحة
هل أثبتت وزارة الاتصالات والمعلومات فى مصر جهلها العملى والمعلوماتى و سوء تقديرها للظروف المحلية والدوليه ... واستغلالها للوضع المحلى ؟؟؟
هي وزارةالاتصالات بس
وزراة الصحة ووزارةالدخلية ووزارة العدل
والخارجية والاقتصاد حنفي ابو دقة وغير ابو دقة وغيره وغيره
هل ترى ان نجاح الحملة يتمثل فى
اقالة الوزير الجاهل بمعايير صناعة التكنولوجيا
ومواكبة التطور
التراجع عن القرار فقط
بس مين دة اللي يرجع عن قراره
انتي مش عايشة معانا ولا ايه
ضغط المرحلة الأولى من الحملة ؟؟؟؟
مناورة واضحة وكذب صريح؟؟
مناورة للحجر على العقول والافكار و تقسيم الشعب
اللى طبقات تحت بند الاختيارية ؟؟
Labels: تاجات
46 Comments:
بصراحة يا سمرا انا احييكى على صبرك على اجابة كل الأسئلة
دى بصراحه اسئله تفقع المرارة بعيد الشر علىَ
اجابات جميلة
اقري اخر بوست عندي وده ردي علي ردك علي تعليقي للبوست اللي فات
بجد اجاباتك جميله و دمك خفيف
و مدونتك رائعه
سمراء
فعلا انا مع من يحييكي على صبرك على التاجات دي
التاج الاولاني ياما جاوبته انا تقريبا من اول المدونين اللي جاوبوه
اما على التاج التاني فللأسف مليش في السياسة وكتر الهبل واللغط في المواضيع دي بلا فايدة فللأسف مش حقربله بس احب فعلا اشيد باجاباتك لانها كانت نموذجية
تحياتي لك ولطارق من ماناساس البلد وربنا يتمملكم على خير يا رب
والله أنتى عسل وأجاباتك جميلة قوى قوى
ربنا يوفقك فى حياتك ويخلى ليكى طارق وتنجحى فى شغلك وحياتك
وبالنسبة للتاجات أنا جاوبتهم عندى
تحياتى ليكى يا جميل
مبروووووووووووك علي الاجابات
عقبال التاجات الجايه(:
يااااااااه خلصت قرايه خلاص تاجين مره واحده يا مفتريه طب تاج تاج
طب ما فيش تاجات تانيه ولا حاجه
ههههههههههههههههههه
بس اجاباتك شغاله اوى
تقبلى ارق تحياتى وسلاماتى
تفاصيل بسيطة قد تخلق مدنا من دفء المشاعر
لم أكن أدرك أن رسم البسمة على الوجوه قد يأتي بعده شيء من الإحساس
سمراء أرى إشراقا أنقى من لحظة انعكاس الشمس على مياه خليج لم تطأه قدم بشر
لكن الأمر يحتاج لشيء من تحديد بعض الموج كي لا نغرق في شطآن حياتك
تحياتي
كل اللي اقدر أقوله في موقف زي ده
ثم ماتت رابعة
ربنا يصبرك وتجاوبي تاجات كمان وكمان
نحياتي
محمد
صباح الفل على الإجابات الكبيرة
:)
المرة دي التعليق بالعامية اهو
علشان ما تقوليش إنى حرمتك من حاجة
:)
تحياتي يا إنجي العزيزة
ومش ناوية بقى تفتحيلي المدونة بتاعتك أنتى وطارق شوية
اتجسس وأمشي على طوووووووووووول
:)
هو انتى كنتى لسه مردتيش على التاج ده ؟
كلام جميل
عرفتك اكتر من اجاباتك
كل تاج وانتي طيبة
تحياتي
اية العسل والسكر اللي في اجاباتك دي
فرق كبير بين سمراء اللي جاوبت على التاج وسمراء اللي كتبت البوست اللي فات اللي نكد عليا و وجع قلبي وخلاني اعيط بحرقة
ربنا يخلي لك طارق ويتمم لكم بخير ان شاء الله
على فكرة انا كمان روحت شرم الشيخ ومش عجبتني
كدة يبقى احنا زي بعض في البراج وفي حكاية شرم الشيخ
سلام يا جي جي يا حلوة
السلام عليكم ورحمة الله وبركاته
بصراحه ردودك لذيذه جدا وما شاء الله دمك خفيف اوى بجد
والمدونة بتاعتك حلوة اوى اوى
بقى الريحه اللى كنت بشمها كانت من التاجات تخيلى انا نسيتها واستعوضت ربنا فيهم
ماشاء الله عليكى برضه فى عز حزنك دمك عسل
بقولك ايه التاج كله رومانسى يعنى ارحمى الناس الغلابه شويه
مش عملتى مدونه خاصه ليك انت وطارق بلاش بقى على المدونه هنا رومانسيات لو سمحتى
ربنا يحميكى من العين اللهم امين
ويبارك ليكى انت وطارق
ويكملك على خير يارب
و الله يا انجى انتى جامده جدا يعنى فيه حاجات انا بتفق فيها معاكى تماما يعنى حوار ظباط الشرطه ده
و ان انا بحترم ظباط الجيش عنهم كتير و حوار الانتماء ده انا بختلف معاكى فيه يعنى انا بشوف اننا كلنا بنحب البلد فعلا بس كارهين الوضع اللى فيها يعنى العيب عيب وضع مش البلد نفسها
و بعدين حوار النت ده بقى لما افهم هما اوزين ايه بالظبط ابقى اقولك رايى
تحياتى
انتى بقالك فتره مش بتيجى عندى عل المانع خير
ايه يابنتي الريحة دي طيقاها ازاي ،وبعدين ايه التاجات دي كلها ماسورة وضربت تاجات دي ولا ايه ازيك ياحبيبتي وحشااااااااااني قوي وحتى طلبت من البنت حدوتة تستاذنك في ايميلك ومردتش عليا ندالة بقى تعملي ايه المهم بقى علضشان انا صدعتك ربنا يجمعك انتي وطروقة على طاعته عن قريب عاجل غير اجل يارب ويرح قلبك ويعوضك بكل خير
طول عمري بقول عليكي انتحاريه بتاعت تاجات
ياللا ربنا يعينك
وياباخت طارق كتبتي اسمه كتير في التاج
تحياتي
looooooool enty 3asal ya nooj!
هو اللي انا فهمته من التاجين ان دمك خفيف جدا ودماغك عاليه جدا وبتحبي الاستاذ طارق جدا جدا
تحياتي وربنا يديمها عليكوا
هو اللي انا فهمته من التاجين ان دمك خفيف جدا ودماغك عاليه جدا وبتحبي الاستاذ طارق جدا جدا
تحياتي وربنا يديمها عليكوا
مساء الخير ياهانم
ورمضان كريم
وانا بقول مين مصدر التيجان على المدونات انا حاسس انو انتى العقل المدبر هههه
تحياتى
.العَبدِالرَحَمن
إيييييييييييييييييييييييف أيه الريحه الوحشه دى
بعد كده تحطيهم فى التلاجه بدل الروايح النفاذه دى
اجابات جميله
تحياتى مهبوله
ربنا يوفقك ويسعدك يا أنجى
وتعيشى أنتى وطارق أجمل حياه فى الدنيا
البوست اللى قبل ده بيوجع أوى بس كلام بأحساس
أن شاء الله تعوضى كل ده وتعيشى حياة أحلامك مع أغلى حاجه عندك وربنا يوفقك
وبلاش الروائح دى أبقى جاوبى على طول
تحياتى وتمنياتى بالسعاده
أولا كده
ازيك يا أخت إنجي
استغفري الله يا أختي
هههه
ثانيا كل سنة وانتي طيبة
ثالثا التاج ده مالوش علاقة ببعضه كده ليه؟
رابعا هو كتاب تربية الأولاد اللي قصدك عليه ده هو بتاع الراجل اللي اسمه عبدالل ناصح علوان؟
اوعي تقولي آه لحسن يخيب ظني فيكي
خامسا تعالي مدونتي الجديدة هي نفس اللينك القديم
حفلة الصحبجيةالرابعة وعيد ميلادها يوم الاتنين الجاي 10 \9 \2007
بجد يا جماعة نفسي كلنا نتجمع اليوم ده..بقالنا كتير قوي متجمعناش وكل واحد مشغول في حاجة...مستنيكم يومها الساعة 8 بساقية الصاوي"قاعة الحكمة...
كل ده يابنتي
ياقلبك ياشيخه
بس اجاباتك حلوه ا وي
كل تاج وانتي طيبه
كل سنة و انتى طيبة
طيبة ع الاخر خالص
حبيبتى سمراء النيل
وحشتينى جدا جدا
ورمضان كريم
ملك المصرية
أحسن جهاز عندك
هو الجهاز الهضمى
ماشى يا أم المفاجيع
ربنا بستر على جيب جوزك
هاهاهاهاهاهاها
ممكن اجاوب بالتقسيط علي 12 شهر؟؟
السلام عليكم
كل عام وانت بخير
بمناسبه رمضان واللهم أجعلك من عتقاء هذا الشهر وان يتقبلك الله بقبول حسن
والاسره الكريمه بكل خير وصحه وسعاده
وان يجعل هذا الشهر شاهد لنا لا علينا
ايه يا بنتى كل ده
ده انتى فاضيه بقى
وحشانى يا قطه
فينك؟؟؟
بصراحة العنوان دا
خلانى مكملش قراية
البوست طويل
وكلام كتير وانا مستعجل يا حاجة سمراا
بس قولت امسى على اسمر يا اسمرانى
واسيبلك بوسة ف الامانات من ورا طارق ها اوعى والنبى يعرف
لحد ما انا اقوله ها
اصل ممكن يجيلى المدونة ويدبحنى
كل سنه وانتى طيبة
كريم بهي
شاعر
كل عام وأنتم بخير
يهل رمضان من بعيد
حاملاً لي أحلى الذكريات دائماً
أصدق العبرات حتماً
أخلص العبادات دوماً
لرمضان عندي مكانة خاصة
ولكم أنتم أيضاً
يا أحبابـــي
فكل عام وأنتم بخير
وأنتم إلى الله أقرب وعلى طاعته أدوم
وحشانى اوييييييييييييييي
ازيك وازاى احوالك يابنتى؟
ربنا معاكى فى الماجستير وان شاء الله تبنى بيتك على خير يارب
اللهم اميييييييييين
تاااااااااااااني
لأ
لأ
لأ
لأ
لأ
طيب
هأبقى أعمله
طبعاً مش هضحك عليكى و اقولك انى جالى خلوء انى اقرا التاج انتى عارفه انى مش بتاع الحاجات دى لا سمح الله
بس انا جيت علشان اقولك انى عايز اشوفكوا انتى و طارق و بجد واحشنى جداً و لو تقدروا تيجوا بكره حفلة الصحباجيه فى الساقيه يبقى جميل اووووى
تحياتى ليكى يا صديقتى العزيزه
يااااه ياسمرا
دي تاجات قديمة اوي فعلا
ع العموم حمد الله ع السلامة وكويس انك لاقتيه
بس بجداجاباتك لذيذة
ربنا يخليلك طارق ويخليكي ليه ويسعدكوا مع بعض
محمد سمير
السلام عليكم و رحمة الله و بركاته
يا صبرك يا سمرا علي موضوع التاجات ده
انا شخصيا وضعت في البلوج بتاعي
لا للتاجات
بصراحه باتخنق مش عارف ليه
عموما اجاباتك كلها خفيفه و جميله
السلام عليكم ورحمه الله وبركاته
كل عام وانت اللى الله اقرب وعن المعصيه ابعد ان شاء الله
كل عام وانتم با الف خير
شعورك لما بتسمع كلام عن اليهود؟
اولا الصهيونية المتشددة بقرف منهم جدا ويقول حسبي الله ونعم الوكيل فيهم
ربنا ينتقم منهم زي ما بيعملوا في المسلمين
لكن كيهودية
الناس دي ليها فكر عالي
كفاية ان هما حاطين اهداف ليهم
هي اي نعم اهداف استعمارية
بس الشغل عليها والاستمرار عليها رغم مرور ملايين السنين حاجة غريبة اوي
ياريت علي الاقل نتعلم منهم ونعمل كدة ونمشي علي خطة بس تكون سليمة مش خمسية
بس ربنا يهديهم يارب
اولا.. ملايين السنين من ساعة امتى؟؟
هما اليهود بقالهم في العالم ملايين السنين وانا مش عارف يا اخوانا ولا ايه
ثانيا
ايه بقى الفرق بين الصهيونية المتشددة واليهودية اذا كانت اليهودية ليها اهداف استعمارية حسب ما جاء في اجابة حضرتك؟
ازاي يعني لليهودية اهداف استعمارية واليهود شغالين عليها بقالهم ملايين السنين؟
وهي الصهيونية مالهاش اهداف استعمارية؟
واذا كان ليها فايه اللي يخليكي تعجبي باليهودية ومتعجبيش بالصهيونية؟
ياريت الاجابة باستفاضة لان الجملة دي ادهشتني اوي
هو معلش فيه سؤال
التاج التاني مبهم
هو ايه الحملة الي بتتكلموا عليها ؟
و ايه اساسا الفضيحة اللي بردوا بتتكلموا عليها
و ايهالليدخل بنك القاهرةف ي الموضوع
حاسة اني زي ما يكون صحيت من النوم في وسط المحاضرة
هههههههههههههههههههههه
بجد..انت دمك تقيل قوى،صباح الألش يعنى
а все таки: отлично... а82ч
Post a Comment
<< Home