عارف لما تحب اوووووووووووي
او تبقي عايز تتحب اوووووووي
ماشي بتدور علي نظرة في الشارع
مليانة حنيه ورحمة من حياتك القاسية اللي عشتها
مانا معذورة يا جدعان
طول عمرهم بيقولولي حلك انك تتجوزي وتحبي
ماهما بيقولولي عشان تخلصي من الحياة اللي انتي فيها لازم تبعدي وتتجوزي
بقي خلاص الحب والجوااز شئ مقترن بخلاصي من حياتي
اتحبيت كتير وحبيت برضه
بس مش حب بالمعني اللي الواحد عارفه
حب لهدف ورغبة ومصيره بيبقي الزباله
بس انك تكون عايز حب من نوع خاص دة المستحيل انك تلاقيه
***************************************
عايزاك تحبني من نظرة عيني
دايما شايفني جميلة طفلة بتتعامل معاها
يوم ما تمسك ايدي تمسكها باهتمام اووووووي
تخطف الكلام من علي شفايفي
تتنهد من نظرتي ليك
وانت في شغلك احتل جزء كبير من تفكيرك
مش بقولك كلمني كل يوم او كل ساعه
بس رن عليا اول ما تصحي واول ما تروح شغلك واول ما تخلص شغلك واول ما تروح وقبل ما تنام
بطلب كتير
طب خليها تلات مرات بس في اليوم واختار انت التوقيتات براحتك
بس ممكن علي الاقل ترن عليا يوم ما ابعتلك رسالة اقولك فيها اني بحبك وان انت وحشتني
ممكن لما اخرج معاك ونروح سينما ارمي راسي علي كتفك
ممكن واحنا بنعدي امسك في هدومك واستخبي وراك
ممكن لما نهزر مع بعض تضحك وانت باصصلي اصلي بحب اشوفك وانت بتضحك
مش هزعل لما الاقيك تعبان او زعلان وعايز تحط راسك علي صدري
مش انت ابني برضه
ممكن تحبني باي شكل هتشوفني عليه
شفتني وانا لابسة جيب امورة صح
***************************
كان يوم مسخرة يوم ما شفتني بالترنج كان منظري عار
بس كنتي زي القمر انا بحبك علي اي شكل
*******************************
ههههههههه يعني لابسة كلاسيك من فوق ولابسة الكوتشي برضه
بس شكلك عسولة تعالي اعديكي الشارع
******************************
نفسي تشوفني اميرة وملكة
وانا علي استعداد اني اعمل المستحيل واحارب الدنيا دي كلها عشان اشوف منك نظرة رضا
**********************************
انتي مطلعه عيني وتعباني بس بموت فيكي
***********************************
ازيك يا حبيبي
مالك؟؟؟
مش في
انتي ناسية ان انتي انا وحاسس بيكي
وشايفك من نبرة صوتك
هو انا هتوه عنك
انتي متخانقة صح؟؟
صح
*********************************************
تحس بيا من نبرة صوتي حتي وانا بضحك
مانت عارفني ممكن اكون بموووووت بس بضحك
ممكن اكون بصرخ من جوايا بس يادوب بتسمع همسي
**************************
انا مش عايزة اروح
ولا انا
احنا كنا مع بعض طول اليوم
تصدقي ولا حسيت بيه
يا ريت اقضي عمري كله وانا معاكي
***************************************
مش بقولك هاتلي دبدوب ولا فستان ولا اي حاجة
بس ممكن لما تيجي تقابلني تجيبلي معاك شوكولاتة
لو مش معاك تمنها ممكن ابقي اسلفك كل مرة
بلاش شوكولاتة ممكن تجيبلي ورداية واحدة
المحلات بيبعوها بجنية
*********************************************
بتعيطي ليه
اصلي كان نفسي اجيبلك هدية ومش معايا فلوس
ههههههههه يا عبيطة ما هديتي وصلتلي
ازاي
انتي هديتي
انتي كل حاجة بجد
امي واختي وحبيبتي ودنيتي
********************************
ممكن تبقي نصلي عشان ربنا يغفر لنا ويجمعنا في الخير
اصل ربنا حلو اوي
*******************************
الو
وحشتيني
انت مش كان عندك شغل
انتي علي طول معايا بس خفت لتفتكري انك مش وحشاني
يلا عشان مش اترفد ونشحت انا وانتي بعد كدة
هههههههههه
بحبك
***************************************************
انتي ليه حاطة مكياج
عشان تشوفني حلوة
انتي قمري
انتي حلوة من غير حاجة
مش عايزك تحطي مكياج تاني بحب وشك وهو صافي كدة
ليه طيب
اولا عشان حرام
ثانيا مش عايز حد يشوفك غيري
حاضر
بقولك ايه؟؟؟
نعم
ابقي اعملي نفس اللي انتي عاملاه دة بالظبط في بيتنا
اصلك امورة اوي
ههههههه حاضر
*******************************
ممكن مش تيقي تفهمني غلط لو قلتلك اني نفسي اترمي في حضنك
واني نفسي انام وانا فيه وجواه
واعرف اني زي اي طفلة مرتبطة بحضن اممها
انا مش عاشرت امي ومش بعرف احكيلها علي حاجة دة هي اللي بتحكيلي
وانت حنين اوي عليا
بحس معاك بكل شئ
ان حنيتك دي معوضاني عن فقدان امي
عقلك دة بيجبرني اني اعاملك كابويا
وقوفك جنبي بحس فيه انك اخويا
لمسة ايدك وحضنك الدافي ادركت خلاص انك حبيبي
*************************
اقولك علي سر بس مش تتخلي عني
انا عمري ما اقدر اسيبك
دة انا ما صدقت لاقيتك
انا مش بعرف اصلي صح
اصل مش في حد علمني ازاي اصلي
فانا اتعلمت من كتب الدين اللي كنا بناخدها في المدرسة
وانا هعلمك تعالي ناخد اول درس
طب اقولك علي حاجة تاني
انا مش حافظة غير الفاتحة وشوية سور صغيرة
اصل هما مش كانوا مهتمين باني احفظ القرآن
مش كانوا فاضيين ليا
طب بصي ايه رايك تحفظي كل يوم صفحة من القرآن
وهسمعلك في التلفون كل يوم بس اوعي تغشي وتقري من المصحف
ممكن اقولك حاجة كمان
قولي طبعا
انا بحبك
*****************************
دي تاني مرة اشوفك فيها بس كاني عارفك من زمان
هو انا لوقلتلك من اول مرة اقابلك اني نفسي اقولك بحبك واترمي في حضنك
ابقي قليلة الادب وانزل من نظرك
لا طبعا
تبقي عبيطة لو فكرتي كدة
انتي اطيب واحدة اشوفها
وشايفك من جواكي
انا بس حسيت ان هو انت
وحسيت بالامان معاك ومش خايفة
ششششششششش مش عايز اسمع اي كلمة تانية منك
بقولك ايه
نعم
تتجوزيني؟؟؟؟؟؟؟؟
**************************************
حبيبي انا محتاجة اشوفك اصل انت واحشني اوي
طب بصي اقفلي وهتصل بيكي بعد نص ساعه
اوكي
الو
بصي من الشباك
ادا انت مجنون
ماهو مش معقول حبيبة قلبي يكون نفسها في حاجة واقولها لا
*************************************
ينفع الاقي حب كدة
ينفع الاقي كل دة
احيانا بحس اني ممكن الاقي اللي بحلم بيه
هو انا بحلم بكتييييير اوي
انا عايزة انسان يحس
دايما شايفني صغنتته
كل اللي فوق دة مش حصل لكنها احلام قد تكون ساذجة بس حلوة مش صح؟؟ا
حلام انا بحلم اني الاقيها
**************************
علي الهامش بقي: جالي عريس من كام يوم
ولما قعدنا مع بعض
قالي كلمة واجعاني اوي
قالي مش شايفة ان غريبة ان واحدة زيك مش تتجوز لحد دلوقتي؟؟؟
قلتله بس نصيبي كدة
قالي انتي مش شايفة انك كبرتي
فقلتله 25 سنة وكبرت
قالي طبعا دة انتي كبرتي اوي يا سمرا
يعني يا دوب تلحقي
هو كدة كدة مصير العريس دة بقي زي غيره
بس
تفتكروا اني فعلا كبرت
كبرت علي احلامي دي
ولا انا بطلب مستحيل
ولا انا عنست زي ما اهلي بيقوللي
مش عارفة ليه انا حاسة اني عيلة صغيرة بس الظاهر ان نظرة الناس ليا
في الطفلة اللي عايشاها جوايا انها عجزت وكبرت ولازم تموت
انا كبرت فعلا؟؟؟؟
وارمي نفسي في حياة يعني اتخلي عن احلامي واقبل باي حد جايلي عشان عايز يتجوز بس
حتي لو مش هيحبني هبقي زوجة صالحة وخلاص واهي واحدة كويسة
هو انا كبرت اوي كدة
Labels: قصة حياتي كلام ليا
128 Comments:
هيييييييييييييه
اول تعليق
ايه ياعم الحب ده كله
يا بخته
مشارعك حلوة اوي يا سمورة
وتلقائية اوي
دايما متألقة
بين قوسين:ممكن
ههههههههههههههههههههه
اي حاجه بقي ولاكن بكلمات جميله اي حاجه بقي ولاكن بمشاعر صادقه اي حاجه بقي ولاكن بنفس سويه و قلب طيب لا يحمل ضغينه اي حاجه بقي ولاكن بشرط ان تكون سمراء النيل....كلمات من شخص يحترم كلامك..من قلبي و الله من قلبي.الغريب
احساسك عالي أوي يا أنوج في الكتابة و تلقائس جدا..متصدقيش حد يقولك انك كبرتي و راحت عليكي و الكلام الخايب دة..خليكي علي طبيعتك الجميلة
سمرا
يلي بتطلبيه شيء يشبه المستحيل ...وجود حب طاهر مفيش
بتمنى تلاقيه يارب وتكسري قاعدة انقراضه
كلمات حلوة وراقية واحساس عالي
بتمنالك التوفيق لانك فعلا بتستاهلي هيك شيء
تحياتي حبيبتي
مشاعر روعة و احساس اجمل في التفكير في
سعادة الدنيا و الاخرة مع بعض
ربنا يرزقك بالانسان اللي تتمنيه و
متصدقيش اي كلام فاضي
ربنا يكرمك
أيه يا عم الكلام ده متقوليليش انه خيالى
اكيد موجود يمكن نادر بس موجود
تصدقى يا بنتى انك كتبتى كل تخيلاتى عن الحب
هههههه شاكلنا بنشوف افلام رومانسية كتير
الواد الاهطل ده بتاع انتى كبرتى عنده عقد نفسية
سيبيكى منه خالص
أنا افتكرتك لقيتي حد بالمواصفات دي
كنت هحسدك بس فهمت في الاخر (:
لا ماتتنازليش عن أحلامك
عليكي بالدعاء
ربنا يحقق لك كل اللي في بالك يا رب
أولاً- أسلوب تلقائي وبسيط ووافي وكافي وجمع تقريباً كل الأفكار الممكنة اللي ممكن أي بنت بتفكر فيها
ثانياً- دة حتى رقم 25 رقم جميل ولا كبير ولا صغنوون...لأ دة مش كبييير بالمرة (أصلي أنا كمان عندي 25)...بعدين الطفولة ملهاش سن لأن الطفولة معناها البراءة والعفوية...مش إن الواحد يفكر 1000 مرة قبل ما يقول أو يعمل أي حاجة...ودي أحلى حاجة في الطفولة...ملكيش دعوة بالناس اللي بيقولوا انك كبرتي والكلام دة
ثالثاً- الشخص اللي يقولك كبرتي على الزواج ولا كأنك سمعتيه ولا كأنك حتى عرفتي بوجوده على الكرة الأرضية..متخليش الكلام دة يمثلك أدنى أهمية...لأنه كلام ملوش قيمة ومن الواضح ان نظره ضعيف شوية...هو كان لابس نظارة؟
رابعاً والأهم- أنا معجبة جداً بكتاباتك مع إني لسة متعرفة على البلوج بتاعك قريب ومع إني معنديش صبر أقرأ كتير بس بستمتع جداً إنا بأقرألك وميهمنيش الطول
شكراً وربنا يرزقنا جميعاً بكل اللي نتمناه وأحسن كمان من اللي بنتمناه
زوج، شغل، درجات في الدراسة، أياً كان وكل واحد واللي يتمناه
سمرا يا سمرا
الجزء الأول : حلم و واقع جميل
الجزء التانى : عريس عايز ضرب الجزمة القديمة
الناس مش اسفنج مفروض انهم يتقبلوا الصدمات و يمتصوها و خلاص........
اى كلمة بيكون ليها اثر فى نفس الأنسان حتى لو كانت بسيطة سواء بالسلب او الأيجاب
ألذ شئ فى كتاباتك هى التلقائية و انها غير مزيفه
سي يو لايتر
تشاااااااااااووووووووزززززززز
اوعى تحسى انك كبرتى والكلام الفارغ ده
الاحساس عمره ما بيشيخ ولا مرتبط بسن
الحب هو الحب فى أى مكان ولأى انسان وفى أى سن
ِأسلوبك حلو جدا
اعيط واغرقلك البلوج
ولا اصوت وألم عليكى الناس؟؟
ليه بتألبى علينا المواجع بس يابنتى
ماتخلينا ساكتين وكاتمين فى نفسناااا
يارب ياسمرا تلاقى اللى نفسك فيه واى بنت تلاقى اللى نفسها فيه واتعزم على فرحك قريب ياااااااااااارب
ومن قلبى بجد بقول
لينا رب إسمه الكريم
:)
ليه يا ماما كدة بس..ليه
بصي مش هقلك انه مستحيل بس صعب حبتين انك تلاقي كل ده في انسان واحد..صعب ان حب كبير قوي كدة يسكن في قلب انسان واحد بس..بس مش مستحيل
متخافيش انك تحبي حد قوي كدة لان الحب مش غلط..الغلط اننا نخاف منه
والغلط الاكبر اننا نقبل حد ونظلمه معانا ومنكنش حاسيين ان هو ده الانسان الي يستاهل اننا نقضي معاه بقية حياتنا
سيبك من كلام اي حد لان دي حياتك وانتي الي هتعيشيها...لو عشتيها غلط محدش هيحصله ضرر غيرك انتي ..ولو صح محدش هيكسب غير ك برضو
عيشي حياتك صح ..غلط..المهم انها تكون باختيارك انتي ..مش حد تاني
يا لهوووووى
يا لهوووى يا لهوووى
انا كان هيجرالى حاجة وانا بقرى البوست ده
يا لهوووى
ايه ده يا بنتى
ايه كمية المشاعر دى
ايه الحب ده
انتى بتتكمى عن الحب اللى جوانا
انتى بتتكلمى عن حاجات حصلتلى
وبتقولى كلام انا قلته
لا مش ممكن
انتى قلبتى عليا المواجع
بجد نفسى احب الحب اللى بجد
ونفسى كمان انك تلاقيه
والله العظييم بجد نفسى تلاقيه
يااا رب يااا رب تيمع لها وترزقها بالبنى ادم اللى يقدر ان معاه اميرة
واللى يعرف ان انجى ملكة
ويعاملها على انها ملكة
يااارب
يااا رب .., انجى بتحبك
كافئها بحد يحبها وتحبه لانها تستاهل احسن واحد فى الدنيا دى
يا بنتى انتى كمية الحب اللى جواكى دى تغرق بلد
تكفى بشرية بحالهم
يا رب يرزقك بزوج صالح يكون هو ابوكى وجوزك واخوكى وكل حاجة ليكى .., ويرزقك بخلفة صالحة تكونى ليهم احسن ام فى الدنيا
وتعلميهم يصلو ازاى
وتعلميهم يحفظو القرآن
يا رب يا انجى
يا رب تلاقيه ويا رب هو يلاقيكى
يا رب يكون بنى ادم يعرف قيمتك ويقدرك
مش الانسان اللى مبيفهمش ولا عنده زوق اللى جه وقالك انتى كبيرة
ده واحد مبيفهمش
والحمد لله ان ربنا عرفك من اولها
اللى زى ده مينفعش ليكى
انتى احساسك يكفى مية من عينته
انتى عايزة واحد رااجل
يحس بيكى
ويغرقك هو باحساسه
مش حد مبيهمش ان اللى قدامه بنى ادمة وبتحس
والله يا انجى
والله كمان مرة
بحلفلك انك هتلاقيه ان شاء الله
وساعتها بقى يا هكون اول واحد يتعزم على جوازك
ولازم كمان اقعد معاه .., ملييش دعوة
انا عايز اشوفه يستاهلك ولا لأ
اتفقنا يا قمرى
وهنشوووف
قلبتي عليا المواجع يا انوج
مانا كنت عايش في اللذيذ مع نفسي و لا حب و لاغيرة وعامل نفسي مش واخد بالي لازم يعني كده !!!
بصي بقي انا المرتب مش مقضيني لوحدي وعاوزني اتجوز ونصرف منه احنا الاتنين
بلاش سيرة الحب خلينا في الجد وخلي المرتب
لواحد مش لاتنين زي شكولاته تويكس
مش قال تحياتي
الدبور
مش ممكن يا سمرا
انا قريتها 6 مرات لغاية دلوقتى
الكلام جميل اوي اوي اوي و لو كنتى بتغنيه كنت هقولك تاني تاني
25 سنة و كبرتي ازاي يعنى
انا اعرف واحد عنده 67 سنة و مشاعره بكر .. والله بيقول لمراته كلام اجمل من اللى انتى كاتبها 10 مرات .. تخيلي؟
المشاعر عمرها ما كانت بالسن و اللى قالك كده غلطان , نفسي التفكير ده ينهي من دماغنا بقى
اانت عبرتى عن احساس بنات كتير
بتحلم نفس احلامك نفسها فى الحب
الحقيقى اللى يخلها مالكة الدنيا كلها
عبرتى برقة حلوة جدا
بس للاسف فى ظروف كتير بقت
بتمنع الحب ده من الحياة
يعنى جائز اصبح مستحيل
انك تلاقى انسان يحبك بهذه الدرجة اللى انت وصفتيا
يخاف عليكى اكتر ما انت تخافى على نفسك
انه يقولك ان المكياج حرام و عشان مش عايز حد يشوفك غيرى
بدل من انه يهمه نفسه وانه يشوفك دائما ذى القمر مش مهم حرام ولا حلال
بالنسبة للعريس اللى جالك
انا عارفة اد ايه الموقف ده صعب
الكلمة اللى واجعاكى ولا تحطيها فى دماغك
لانه هو قالها هو مش عارف ان النصيب ده
مش بيدنا وان كل شى بيد ربنا
بس هى الكلمة ذى السم لان مافيش الدافع
اللى يخليك تستحملى كلامه اللى ذى السم
على فكرة انا مش بقولك كدة تهدا لكى
انا مرت بنفس التجربة
يعنى عريس صالونات بس انا قررت انى مش
هدخل التجربة ديه مرة تانيه مهما حصل
انتى بتطلبى المستحيل ده انا مش عارفة
لكن عنستى ديه لا لان فى بنات كتير كدة
احنا مشكلتنا فى المجتمع اللى احنا عايشين فيه اللى بيشوف البنت مجرد ما تتخرج انها عنست
ربنا يرزقك الانسان اللى انت بتحلمى بيه
ana et7adaft 7adfa gamda btw :D
bgad alpost da aktar mn raaaaaaaaa2eeeeeee33333333333333333
enty ra2e3a aslan ya enjy :)
i'm sure u'll find him..
and i'm sure he is waiting 4 u too as u do :)
best regards (f)
moyu83415
thx for ur gift
i`ll visit urs
thx again for ur visit
___________________________
عمووووووووووور
مشارعي ؟؟؟؟؟؟؟؟؟
مشارعي ازاي يعمرو
ما تركز يا ابني في الكلام اللي بتقولوا
انت رجعت تاكل عسلية متبرسمة
هههههههه
عامة شاكرين مهلليلين علي التعليق الظريف دة ومشارعي الي انت قلت عليها دي
يعني انت قلت ممكن
ههههههههههه
هي ناقصاك يا عمرو
anonymous
طب اقولك ايه بقي
ربنا يخليك يارب
بجد كلماتك اسعدتني اي كنت انت
وتاج اعلقه فوق راسي
شكرا للزيارة
___________________________
مايكل محسن
ربنا يخليك يا مايكل يارب
الاول استرقيت علي مدونة ولا لا
صدقني يا مايكل انا علي طبيعتي خالص
بس هتقول ايه طول عمري بنفض للكلام
بس الكلمة دي وجعتني
ربنا يرزقنا بقي
ليندا
ليه يا ليندا كدة
انا كان عندي امل ان حد يقولي ايه الشماعر العبيطة دي اللي انتي كاتباها دي موجودة علي طول
انا عارفة من جوايا انها مش شبه مستحيلة
دي عاشر المستحيلات
بس علي رايك انا كمان نفسي اكسر القاعده
بس حاسة اني علي راي الواد دة كبرت ومش بقي فيا حيل اجرب
وادور عليه
اديني مستنية اهو ان هو اللي يجيلي
الله يخليكي يا ليندا يارب
تيحياتي يا قمري انتي
___________________________
dayin_soul
ربنا يخليكي يا هبة يارب
انا مش عايزة اصدق بس اعمل ايه بقي في دماغي
عامة ربنا يسهلوا بقي
ويسمع منك يا قمر
ماااااا علينااااااااااا
تفتكري فعلا انه موجود
وانا اللي مش شايفاه
هههههههههه عند حق بس احنا تليفزيونا بايظ بقاله تلات شهور يعني مش عارفة اتفرج علي افلام رومانسية
عامة انا كدة كدة زحلقت الشاب
بس تقريبا ساب عقده النفسيه في بيتنا قبل ما يمشي
اصل الكلمة وجعاني
يلا حاولي بقي في اللي قلتلك عليه ماشي
___________________________
دينا فهمي
ههههههههههههه ياريت ياختي الاي مش كان دة بقي حالي
رايك كدة يا دينا اني مش اتنازل
بدعي بجد
ربنا يخليكي ويتقبل منك يارب
انا وانتي
noony
اولا انتي شرفتيني جدا
ثانيا ميرسي اوي علي الكلمتين دول بجد
ثالثا
بقنا بصرة يعيني
المشكلة بقي اللي بتاقبلني اني مش بفكر 1000 مرة في اللي بعمله ولا اللي بقوله
والناس مش فاهمة دة
ودة اللي تاعبني لانها بتفسره من تفسير تاني خالص
رابعا بقي
بجد مش قادرة انسي كلمته وهو بيكررها عليا 3 مرات وراب بعض
هههههههههههههههههههههههههه
تصدقي انه كان فعلا لابس نضارة
شكلك انتي مرات اخوه اللي جت معاه
ههههههههههههه
خامسا بقي
ربنا يخليكي بجد دي شهادة اعتز بيها
اصل بصراحة مش بعرف ارد علي حد لما يشكر فيا
بس ربنا يتقبل منك يارب
___________________________
سجين في قلب الوطن
صح انا لولا اني كنت لابسة شبشب يوميها فمش عرفت اضربه بالجزمة
هههههههههه
المشكلة ان مش في حد عارف كدة بيرموا كلام زي الدبش وخلاص
يخليك ليا يا رافع من معنوياتي عل طول
تشاااااااااووووووز
voice of love
انا عارفة دة ومتاكدة منه
بس هتقول ايه بقي لمجتمعنا الغبي
شكرا علي الزيارة والتعليق بجد
شكرا
___________________________
انسانة
هههههههههههههههه يا بت في ايه
وحياتك انافضلت كاتمة كتير بس من قهرتي يا اوختشي
مش استحملت بقي
وبعدين لو مش كنت هخليكي تشاركيني هشارك مين يعني امي ؟؟؟
وان شاء الله احضر فرحك برضه يا ياسمين بس من غير جاركم
ههههههههه
ربنا يسمع منك يا بنتي يارب
بيسووو
اهو دة اللي حصل بقي
حتي انتي بتقولي انه صعب
عارفة
كان عندي امل ان اي ححد يجيلي اعلمه يعني ايه حب
يعني ايه عشق
بس لما جيت ارتبط من اربع سنين ونص
للاسف مش عرفت اخليه يحب بجد
فبعدت عن فكرة ان اخلي حد يحب
لاني بح ان كلهم زيف وخداع
وبقول كفاية ان الحب جوايا انا
انا خايفة احب اوي اتجرح اوي
اصل مش في حد بيتجرح اوي الا لما بيحب اوي
عشان كدة دايما بهرب منه علي طول عايزة حد يلحقني بقي قبل ما اغير راي
هههههههههههه
عشان كدة انا رافضة جواز الصالوانت دة
وبقبل بيه بس عشان ارضي اهلي
وبعد كدة بطلع فيه القطط الفطسانة
ههههههه
انا فعلا عايشاها باختيار يانا
وانتي صح يا بيسوو
ربنا يخليكي ليا
zordeak
هههههههههههههههههههه
انت جاي تعدد هنا يا فؤش
بعد الشر عليك
مشاعر ايه بس وحب ايه والله دة شوية كلام عادي والله
انا مش كنت اعرف اني اتكلمت عن كل اللي انت قلت عليه دة
بس بذمتك انت قلت كلام زي دة
ان شاء الله يا احمد تلاقي الحب اللي بجد اللي ياخدك لعالم تاني خالص
وانا كمان نفسي الاقيه
ربنا يسمع منك يارب يا احمد
انا بجد كلامك خلاني ادمع
ومش عارفة ارد بجد عليك
ربنا يخليك ليا يا احلي اخ ضغنتت هههههههه
والله نفسي يا احمد اعلم كل الناس اللي انا مش اتعلمته عشان كدة بدايق اوي لما بلاقي حد مش بيصلي او مش بيعرف يقرا قرآن
ونفسي اعلمهم صح
برغم اني مش عرفاه بس بحاول
ربنا يهديه ويسامحه لانه بجد خلا نفسيتي زي الزفت من ساعه ما قالي الكلمة دي
حاسة ان كل حياتي واقفة
انا عشان كدة مش عايزة صالونات
انا مش عايزة واحد جايلي عشان يتجوز وبس
انا عايزة واحد يتجوزني عشان بيحبني
ربنا يهديه بقي
اهو راح لحال سبيله
ان شاء الله ربنا يسمع منك يارب ويتقبل
وطبعا يا واد مش احنا اتفقنا انك هتكون خال العيال هههههههه
ان شاء الله
الدبور
انت كل ما تخش تقولي مرتب ومش مرتب
عايز سلفة من الاخر قولي
نروح انا وانت نشحت علي باب السيدة
هههههههه
لكن مش تحسسني بالذنب اول ما تخش كدة يا سمسم
بقولك ايه
انا مؤمنة بشئ بجد
انت لو قعدت تحسبها من هنا لعشرين سنة يبقي مش هتتجوز الا وانت علي المعاش
بس ربنا بحانه وتعالي خلا الجواز سبب للرزق
وطول مانت ناوي خير بجد
ربك هيرزقك من وسع
بس اختار الني ادمة الصح اللي بتعرف ربنا قبل كل شئ لان هي دي اللي هتكون مفتاحك لكل شئ
وربك هيرزقك عشانك وعشانها
صدقني يا ابني طول مالواحد بينوي خير الرزق بيجيله من اوسع الابواب ومش بتعرف منين
انا قبل ما اتعين كان ليا مدرس زيملي متجوز وشغال 165 جنيه
ولما سالته انت عايش ازاي يا ابني
قالي والله يا انجي ربك بيرزق من حيث لا تعلمون
سيبها انت علي ربنا وانوي الخير بدل مانت صارف مرتبك كدة علي شيكولاته تويكس
طب هاتهالي
___________________________
sharm
مرحب بيك تاني بجد
انت تقراها في اي وقت وبراحتك بجد
يعني في امل لحد 67 سنة
ههههههههههههه
ربنا يهنيهم ببعض يارب
والله يا ابني الناس دي اللي مخليني احس ان في خير في الدنيا
نزار قباني بيقولك ايه بقي
في العشرين تستطيع ان تحب
وفي الخمسين تستطيع ان تحب
هناك دائما مناسبة لاشتعال البرق
نفسي بقي الناس تعرف ان في شئ اسمه قسمة ونصيب
houty
يعني انتي شايفة ان الحب دة مش موجود
او انه مستحيل كمان
عارفة ان لما كنت مرتبطة من 4 سنين كان بيحصل العكس معايا
يعني مش كان بيخليني انزل الا لما احط مكياج كامل ومش كان بيبقي طايقني وانا لابسة الترنج
عشان كدة ربنا اظهره علي حقيقته وكل منا في طريق علي راي الست ام كلثوم
في ناس جاهلة بعيد عنك
بس اللي انتي مش عارفاه بقي ان هو كان اكبر مني ب 5شهور
هو عامة راح لحاله زي غيره
وبيني وبينك مش بقدر اقول لاهلي بلاش صالونات عشان مش يفهموني غلط
بس انا من جوايا رافضاها
انا من قبل ما اتخرج لان عندي بنات خالتي اللي انا اكبر منهم متجوزين ومخلفين
فانا ف نظر اهلي كلهم اني كدة
اي نعم انا مش ليا اختلاط بيهم بس مش حابة اني اسمع الكلام دة
ربنا يرزقنا جميعا يارب
___________________________
mony the angel
منه مين اللي حدفك وانا اموته
هههههههههههههه
سلامتك من الحدفة يا قمر
ربنا يخليكي يا قمر يارب
بس برضه مش هنسالك الموضوع اياه
حتي اساي ياسمين كدة
ربنا يخليكي يا منه يارب
يارب يسمع من بقك ربنا
واتمني ان هو كمان يكون مستني زي مانتي قلتي هههههههه
شكرا علي الوردة يا قمر
سمراااا....الرحمة يا سمرة..انا بجد مش عارف اقول ايه ..المدونة دي تعبتلي قلبي خلاص
انتي مش متخيلة انا كنت عامل ازاي وانا بقرا كلامك...لا المرة دي بجد صعب تتخيلي..كلام عشته فعلا في الحقيقة زي ما هو بالضبط..والله زي ما انتي كاتباه كده بالضبط...وكلام عشته بخيالي كتير..زي ما انتي عشتيه بخيالك كده بالضبط برضه...والله نفس الصور...نفس الاحتياج للبنى ادم..اللي مش موجود لسة..البني ادم اللى اعظم حاجة نطلقها عليه انه بني ادم...يعني بيحب ويشتاق ويفتقد...بيثور ويحلم وينهار....بينصح ويسمع ويفضفض.....بيقدر ويحس ويضم
يحبنا بجد لما نحبه
يشتاق للمسة ايدينا لما نبقى هنموت نترمي في حضنه
يفتقدنا وهو بعيد..وهو قريب كمان
يثور في وشنا لما نغلط..اصله مرايتنا
يحلم نفس احلامنا..لانه توامنا
ينهار في لحظة لما نضعف
ينصحنا لما نبعد عن ربنا ولا نعمل حاجة غلط
يسمعنا لما نحتاج نقول كلام..حتو لو مالوش معنى..حتى لو تخاريف
يفضفضلنا..وكانه واقف قدام المراية..ما انا قلتك احنا مرايته
يقدر احنا مين...وبنحبه قد ايه..وبنتصرف كده ليه!!
يحس باللي فينا من غير ما نتكلم...من نظرة واحدة بس
يضمنا قوي....يضمنا وخلاص ..يمكن تكون اول ضمة لينا..او تكون اول ضمة لينا بالشكل ده
انا مش هانقلك كلام اثر فيّا من التدوينة..انا اللي حسيت بيه كتبته من وحي كلامك..وكانه نسخة مصغرة من احساسك..ومش هاقولك قد ايه العريس ده (انا اسف طبعا)..غبي...لانه معندوش الاختراع االلى اسمه عقل اللي يخليه يشوف الصورة صح...وتفتكري واحدة بتحلم احلامك دي..تبقى كبرت؟
الاجابة تونس
وحتى لو كبرت..تفتكري هاتفرق وانتي جواكي المشاعر دي؟
الاجابة.....ليكي بقى
بُصي يا سمرا يا بنتي .... ربنا يسعدك ، وتحققي كل أحــلاااامـــك يااااارب ...
حقيقي كلامك حلووو قووووي
وأنا مش عارف أرد إيه ؟
:) تحياتي
كبرتي اية بس يا بنتي .. انا لو منك كنت دورت على اي حاجة وحطيتها في عينيه .. قال كبرتي قال .. اللي بتطلبيه ده موجود .. احلمي براحتك ولسة قدامك العمر بدري .. انتي حلوة اوي اوي من جواكي يا بنتي .. وطفلة اوي برده .. والله حيبقى يا بخته
الواد العريس ده معقد و رجعي و متخلف و مكبوت و انا كرهتة من الكلام اللي قاله دة و لو كنت مكانك كان زمانة بياخد في دماغة 10 غرز لزوم تصحيح المعلومات و كنتي هتكسبي فيه ثواب كمان . عارفة يا انجي اللي انتي بتدوري عليه دة موجود بس مبيكملش علشان مشاعر نقية اوي . احاسيس متنفعش في المجتمع المادي اللي احنا عايشين فيه الخوف من المستقبل بيبوظها .ضغط المجتمع بيبوظها بس انتي تستاهلي يا سمرا انك تتحبي كدة و تحبي كدة . اقولك خليكي علي يقين دايما انك هتلاقي الحب دة و ربنا يرزقك و يرزقناو اي عريس تاني يقولك كلام زي دة اكسبي فيه ثواب و بحاجة بس تكون ثقيلة شوية و علي دماغة يمكن يفوق
السلام عليكم
أياكي تتخلي عن أحلامك
و بلاش تعملي أي حاجة مش مقتنعة بها
أكيد في الحب ده موجود و أنا شخصيا بابحث عن اللي قلتيه بالظبط و علي ما اعتقد أن الغلط هنا إننا بندور المفروض مندورش بجد لو لنا نصيب فيه هيجي لوحده
علي فكرة معرفش كل الكلام اللي فات ده غلط و لا صح بس ده رأيئ
ربنا يوفقك و تلاقي اللي نفسك فيه
بس علي فكرة الحب محتاج عقل قبل القلب
سلام
لا يا انووج انتى مكبرتيش
عيشى و دورى على احلامك
انا عارفه شعور ان حد يعمل حاجه و يدور عليها
و اللى حواليه يحبطوه بتعرض له كتير
كونى زى ما انتى يا انجى
و خليكى طفله فى نظر نفسك
محدش هياخد حاجه من الناس
يا اللى نسيك الحب انساه وابعد عنه عشان تلقاه
أنا نسيت أرد على سؤالك
الرسول صلى الله عليه وسلم كان يقول : " تفاءلوا بالخير تجدوه " !
أكيييييييييييييد إن شاء الله تلاقي الأحاسيس دي كلها مع الشخص اللي يستحقها ويستحقك ...لا مستحيل ولا حاجة...بس انتي متفكريش خالص في الموضوع دة وسيبيها ع الله وربنا يرزقك بيه من حيث لا تتحسبين...على الأقل أنا مؤمنة بكدة...وبعدين اية كلمة "عانس" دي...الشر برة وبعيد عن كل البنات...الكلمة دي وحشة أوي و بعيدة عنك أوي -وعني طبعاً- احنا لسة بشابابنا واللي مش عاجبه ميهمناش
ومتحاوليش تفكري أصلاً قبل ما تتكلمي خليكي على طبيعتك أحسن حاجة
أنا مرات أخوه؟!!...الله يسامحك...دة أنا بقولك كدة من واقع خبرتي الأليمة
الحمد لله على كل حال :)
حضرت و واجب اكتبها
أهوي الهوي و همس الهوي في العيون
وبسمة المغرم ودمعه الحنـــــــــــــــون
و زلزلات الحب نهد الصبـــــــــــــــــــــا
أكون انا المحبوب أو لا أكــــــــــــــــون
عجبي
كلام رائع نابع من نفس رومانسيه فعلا عيشتنا لحظات من الرومانسيه الحقيقيه
بس علشان تكوني عارفه يا سمرا الحياة فعلا فيها كده دوري بس علي شخصيه حنينه و طيبه و هيبقي كل رد فعله بناء علي طريقتك معاه في الاخر
بجد الحب ده موجود و عادي كتير انتوا بس الي شايفين الدنيا سوده شويه
:)
تحياتي
سمرا
اللى قلتيه يا جميلة حلم كل بنت رومانسية فى عالم مفيهوش اساسا رومانسية لكن فيه افلام بتنتهى بعد ساعتين من بدايتها
مش بتطول ولو طولت تبقى زى الافلام الهندى
اللى بتحلمى بيه هو حلمنا كلنا اللى فضلنا نحلم بيه وفاكرين ان فى يوم هيبقى حقيقة بس الحقيقة الوحيدة اانا لاقينا نفسنا كبرنا قوى
سيبك من العشرينات اللى انتى فيها امال اللى اكبر منك بعشر سنين يقول على نفسه ايه
بس الاختيار حاجة من الاتنين
يا تكونى زى كل الناس وتتنازلى عن الحلم علشان تعيشى الواقع الصح
يا تعملى زى ناس تانية لسه عندهم امل ان الحلم يتحقق ومش هيعملوا زى الناس التانية لو حتى بقى سنهم 60 سنة
وبعدين عيب عليكى راعى ان فى اخواتك سنهم كبير ومتقوليش هو انا كبرت امال احنا نقول ايه
اتقو الله فى بعض يا بنات الرحمة حلوة
مش هقولك غير دعوة ان كل حلم جميل يتحقق ويسعدك ربنا بيه ان كان فيه خير ليكى
تحياتى يا كبيرة قوى وعجوزة قوى من اختك الصغيرة قوى
wna hala2eha menek wla men frozen love wla men dema3`y wla meneeeen :D
حب لهدف ورغبة ومصيره بيبقي الزباله
m3lfsh leh elgomla de 3ala2et ma3aya ..m3 enha mesh 3`reeba :)
w feh kam gomla fel nos bahdloooooooooooony :)
waga3ty 2alby wlahy ..er7amy elnas el3`alaba :))
bgd enty hayla ..w rbna yewfa2ek m3 7abeboooo ;)
انتى لو كبرتى فانتى كبرتى بس فى نظر الناس يا اجمل سمرا فى الدنيا
مالكيش دعوة كلام اى حد وبعدين عايزة اعرف 25 سنة ايه اللى عنست دى ناس فاضية بجد
وبعدين العريس الظريف دى مكنش ينفع يكون مصيره حاجة غير زيه زى اللى فات كفاية انه مش بيعرف يكلم مع الجنس الرقيق اللى زيك ياقمر وبيدب الكلام
ههههههه
بجد ربنا يكرمك بانسان زى اللى بتحلميه بيه كده ومش بعيد على ربنا لانها احلام بسيطة زيك يا سمورة
وبخصوص البلوج بتاعى
موجود فى الدنيا
خالص تحياتى
انتى قولتى كلام كتير اوى
وكلام حلو اوى
بس انا مش عايزة اخدعك واقولك انو صعب
بس وقتها اكيد هترضى بنصيبك
وربنا هيزل فى قلبك الرضا
انتى مكبرتيش ولا حاجة
اللى هيحبك هيحبك وانتى كدة
بالنسبة للعريس
انا لو مكانك ولله العظيم كنت طردته فورا
وكسرت وراه قلة
لو انتى كبرتي قوي كدة وانتي 25 سنة .... يبقى انا ابو 36 سنة اروح ادفن نفسي بالحيا بقى
سمرااااا
هوة انتي لسة بتشربي كاباتشينوو
لما قريت البوست دة حسيت انك مهيسة وضاربة حاجة
ابقي اديني قرش كباتشينوو من معاكي
اولا ازيك وحشانى جدا
ثانيا ايه رايك ان كل الى انتى حكتيه وانا بقراه حسيت انك كنتى معايه انا وهى وانى كنت بعملها كده بالظبط وبرضه ما كنش فى نصيب لينا سوا ومكناش لبعض لكن الصبر جميل ان شاء الله ربنا بيعوضنا خير وانتى كمان بكره تقبلى الى بتحبيه على فكره العريس الى جالك انسان كتخلف وعلى الاقل لو رفضايه ارفضيه علشان ما بيفهمش فى معامله السيدات ولا بيقدر مشاعرهم وعلى فكره تانى انتى وحشانى بجد تحياتى سيف ممن خشب
سمرا لو ليكي في الكابوشتينو . انا ممكن اعزمك علي قهوة تركي مظبوطة :) و اهو كلة بيعمل دماغ
عندي فضول اعرف الواد العريس ده عندة كام سنة
واحدة اسكندراني من بتوع الزعيم الرأفتاني..
مين يا بنتي العريس دة؟ يانهار اسود.. هو فيه ناس هبلة كدة؟ وبعدين هو جي يتقدم ولا جي يتفلسف... الله يخرب بيته فورلي دمي عالصبح.. ماتجيبي عنوانه اجيله من أمريكا افقعه روصية أمريكاني اجيب اجله
المهم.. بعد ما فشيت غلي.. انا شايف ان طلباتك دي معقولة جدا وواقعيا جدا باستثناء حكاية تقعد تفكر فية وانت بتشتغل دي... ههههه انت عايزة تودي الراجل في داهية؟ فيه حاجة البنات مش بتستوعبها ان الرجالة عموما عندها قدرة عالية علي فصل المشاعر عن التفكير.. وبالتالي الواحد مننا لو ناجح في شغله وبيحبه بيكون منهمك فيه تماما واحيانا البنات بتفتكر ان دة عدم اهتمام
علي أي حال انا رأيي ان الفكرة كلها في محاولة ارضاء الطرف الآخر علي الرغم من الاختلافات..
ودي كانت حكمة اليوم مع أبلة فضيلة
هو الحوارات دى خيال و للا أجزاء متفرقه من الواقع ؟
عموما ايا كان تلقائيتك حلوة اوى
بس خدى بالك نص اللى نفسك فيه مش موجود فى الواقع
مش عايزة احبطك
بس عايزاكى تبقى عارفه الكلام ده علشان الدنيا بتشغل و مينفعش تكونى محور حياة حد بالشكل ده
الشكل ده ممكن يخنق
بس ده ما يمنعش ان كل حب ليه شكل
______________
اما بخصوص انك كبرتى و عنستى
علشان 25 سنه ؟
طب بصى بقى يا بنت الناس
الاحساس بالعنوسه ده هيبقى مدمر لو صدقتيه
سيبك من مجتمع اهبل اهم حاجه عنده البنت تتجوز علشان الجواز سترة
خليكى واثقه فى ربنا
و عيشى و اسعى نفسك
ما تحسسنيش انك لو ما اتجوزتيش يبقى ماعيشتيش
__________________
بس سيبك بقى يا بت
انا اول ما قريت
ازيك يا حبيبي
مالك؟؟؟
مش في
قلت يخرب بيت اللى علم البت دى عربى
حاسه انك جبتيلى حول فى اللغه العربية
وحشتينى بقى
ده أقل شئ ممكن تتمناه بنت من جوزها
يابنت ياسمرا انت تعبتينى
عليك مواضيع بسيطة أوى لكن فى الجون
يتهيالى أن مفيش بنات دلوقت بتفكر زيك برومانسية المادة للأسف طغت على الجميع
الغريب
ايوة يا حبيبتي حيجيبلك شيكولاتة و ورد و يهمس و يتسهوك
سنتين قبل الزواج و بعد كده
يقولك
عايزة ايه
مبتبطليش طلبات
معلش يا اختشي ده كاس بيدور على العباد
خديلك يومين
قطيعة فكرتيني بالذي مضى و دهسه القطر
قبلاتشي
frozen love
يا لهووووووووووي
سلامة قلبك يا عم بلاش منها الغيهالك خالص
هههههه
بجد سلامتك من التعب
انت فهمتني اوي يا محمد
بجد حسيت بكلامي
بس اعتقد ان انسان احسن من بني ادم
بني ادم كلنا بني ادمين بس مش كلنا انسان
بس تفتكر بقي اننا هنلاقي الانسان دة او البني ادم دة
اللي زي ما بتقول
بيحب ويشتاق ويفتقد...بيثور ويحلم وينهار....بينصح ويسمع ويفضفض.....بيقدر ويحس ويضم
مش عارفة الله اعلم
والله يا بني انت لخصت اللي عايزاه في الكلمتين دول
بس الواحد بيني وبينك تعب فقد الامل ان الواحد يلاقي اللي بيتمناه
اصل في ناس بتقول صعب وناس بتقول مستحيل وناس بتقول مش موجود اصلا
والنسخة المصغرة دي بجد عبرت اكتر من اللي انا كاتباه
انا بصراحة مش شايفة اني كبرت
بس نظرة المجتمع بقي
هههههههههههههههههه ايه دخل تونس في الموضوع
انا بجد مش فارقة معايا اي حاجة انا علي طول بضرب بكلامهم عرض الحائط بس هتقول ايه بقي
الاجابه
انا لا ابالي
ابراهيم .... معايا
بص يا ابراهيم يا ابني ربنا يخليك ويسعدك يارب
كوس انه عجبك كلامي ربنا يخليك ياب
يا سيدي كفاية مجيتك دي بالدنيا:))
تحياتي
___________________________________
لميا محمود
هههههههههههههه المشكلة يا لميا اني فعلاوالله مش لقيت حاجة الواد كان شرب الشاي والصينية كانت بعيدة عن ايدي كنت هبدته بيها
هههههههههههههههه
انتي شايفة انه موجود بجد
ربنا يكرمك يارب
هههههههههه برضه بقول كدة يا بخته بس هو مين بقي ؟؟؟
الله اعلم
ربنا يخليكي يا رافعه من معنوياتي
انسان
هههههههههههههههههه
ضحكتني والله
اهو انا بحس دايما ان في حاجة غلط وبقول ان انا غلط في الزمن دة
مش عشان انا ملاك لا بس عشان مش عارفة اتعامل مع البشرية دي
ولا عارفة اكون زيهم
العيب فين او عند مين مش عارفة
دقني انا دايما علي يقين اني القي الحب اللي انا عايزاه
بس المشكلة ان الناس بتفتكرني بستهبل
ههههههههههههه
يعني اخرج بالترنج يتقالي ايه القرف دة
كدة يعني
فانا عايزة حد يحبني انا وبس انجي وبس
فخمتوت ولا مو فخمتوا
عامة لما يجي يعمل فيا محضر هقوله ان انت اللي قلتلي اكسبي فيه ثواب
وساعتها بقي يا حلو هيجيبوك من قفاك
وهتعترف عشان هيبقي قدامك العصايا
ههههههههه
تحياتي يا قمر
___________________________________
no fear
وعليكم السلام والرحمة والبركة
انا عمري ما هقتنع بيها ولا هتخلي عن احلامي
بس صدقيني انا عمري ما دورت عليه ولا استعجلته او بمعني ادق اتعلمت اني مش ادور عليه وبقيت مؤمنة ان هو اللي هيلاقيني
واللي في نصيبك هيصيبك
ووقت ما نصيبي يجي ان شالله يكون قرد هشوفه اجمل واعظم راجل في الدنيا ودة انا مؤمنة بيه
يارب يخليكي ويارب يرزقك بالسعادة يارب والحب اللي بتتمنيه
بس مش عقل اوي يعني
مانو
انا عايشة حلاص وعايشة حياتي اوي
وفعلا بلاقي احبطات كتير بس انا احسن من غيري
عندك حق ربنا يخليكي ارب
فعلا مش في بياخد حاجة من الناس
غير التعب والهم
___________________________________
محمد عبد الغفار
هههههههههههههههههههههه
بحبك وانت رايق كدة
بتجيب من الاخر يا محمد
انا بعيدة اهو ومش بدور عليه وناسياه خالص
هههههههههه
تحياتي
noony
انا صديقيني والله مش بفكر فيه وكنتدايما مطنشة الموضوع وبقولم انا مرتاحة كدة
بس كلمة الواد دي بقي الله يسامحه وجعتني اوي
هي وحشة بعقل
دي وحشة بعيد عننا كلنا
هههههههههههه
واللي بيحبنا مش يضرب نار
ماهي المشكلة اني علي طبيعتي
بس هتقولي ايه بقي للناس الي مش بتفهم
يلا اهم راحو لحالهم بقي
هههههههههههههه
خبرتك الاليمية عرفتك ان هو لابس نضارة
انا ضحكت اويلما قلتي اكيد هو لابس نضارة قلت اكيد انتي شفتيه
ههههههه
الحمد لله
ربنا يخليكي وشكرا اوي علي المتابعه
___________________________________
انسان
طب دي بتاعت مين بقي
اوعي تقولي انها بتاعتك عشان لو بتاعتك هيبقي ليا رد تاني
هههههههههه
اكون انا المحبوب او لا اكون
تصدق وجعتني اوي
وخلتني اصر علي موقفي
فعلا انا لن ارضي الا بان اكون محبوبة
وبس
بتاعت مين دي بقي :))
عبد الله
انا يا عبد الله مش هدور انا خلاص بقيت مؤمنة ان نصيبي هيجي لحد عندي
تعبت بقي
وحياتك انت اللي مش عايز يحب او بيبقي بيتسلي طريقتي معاه بيعرف انه مش قادر يحبني وبالتالي بيبعد لانه مش بيبقي قادر علي مشاعري وبيحس انها اقوي واكبر منه
وبالتلي بيبص لنفسه ان مش هو دة الانسان اللي يقدر علي احساسي وقادر انه يسعدني
فهمت حاجة :))
اصل الدنيا ضلمت بعيد عنك مش فيها نور
مش عارفة مين طفا النور بس انا طول عمري ماشي بشممعه
تحياتي
___________________________________
توتا
انا خلاص كدة عرفت ان دة حلمنا كلنا مش حلمي انا لوحدي
هي دي المشكلة يا توتا اننا بنلاقي نفسنا كبرنا اوي
وبالتالي لما بتتكلمي عن مشاعرك والناس بتشوف تصرفاتك بتنتقدك واقل كلمة بتسمعيها
احترمي سنك
انا نفسي الاقي الي بحلم بيه بس تفتكري كدة هكون غلطانة ساعتها اني استني عمري كله
ههههههههههههه
معلش يا توتا مش اقصد والله
وبعدين بجد انتي مش كبيرة
بجد انت لو كبيرة كبيرة بمقامك وعقلك اللي يغل 100 راجل بجد
كفاية انك مصمةةتعيشي حلمك عامة قررت اعيشه معاكي خلاص
ههههههههه
ماشي يا اختي يا صغيرة اوي
كلمة
ههههههههههههههه انت بتقلدني ولا ايه بقي
وبعدين سلامة دماغك
ايه بتشبه عليها
هي بس صح لاني اي حب بيبقي وراه هدف او رغبة بجد بيبقي مصيره الزباله
هههههههههه
سلامتك من البهدلة
وسلامة قلبك
وبعدين ارحم الناس الغلابة ازاي وانا واحدة منهم وعايزة اللي يرحمني اتقي الله فيا يا راجل
:))
بجد انت اللي رائع
وهايل
___________________________________
موووووج البحر
يا بنتي الناس دي مش ليها غير الكلام علي اي حد
دي لو احدة عندها 18 سن هيقولوا عليها بايرة
بيدب كلام
اومال لو قلتلك قالي ايه تاني
هتعملي ايه
خدي عندك مثلا
رقم واحد
مش عايزني اكمل لحد الدكتوراه
رقم اتنين
البيه جايلي وهو بيحب بنت عمته اللي مش قادر ينساها وقبل ما يجيل بيومين كلم اهلها ولما رفضوا قرر انه ينساها وعايزني انسيهاله
والنبي ما تفكريني يا بنتي وخليني ساكته
ههههههههههه
ربنا يخليكي يا رب ويسمع منك
عامة انا هشوف مووع بلوجك دة لما اشوف اخرتها معاه ايه :))
الوردة السودا
بالظبط انا مؤمنة ان وقت ما نصيبي هيجي هرضي بالقليل لان دة نصيبي وقدري وهكون راضيه بيه
بس دة مش يمنع اني احلم ولا ايه يا قمر
الراجل كان ضيفنا برضه
انا كان هاين عليا اديله بالجزمة مش القلة
ههههههههههه
وفعلا اللي عايزني كدة اهلا وسهلا هههههههه
___________________________________
الحصان الاسود
هههههههههههههههه يا عم الشباب شباب اقلب
انت عارف ان لا اسمح بتناول الحاجات دي في بيتي
ولا في المدونة
المدونة دي طاهرة وهتفضل طول عمرها طاهرة
هههههههههه
انا بتعاطي نسكافية حضرتك
تاخد منه
سيف من خشب
اولا انت يا ابني بترووووووووووووووووح فين
والله بتقلقني عليك
انا عارفة ان انت كنت صادق اويييي في مشاعرك بجد
وربنا يصبرنا جميعا
انا كدة كدة رفضته لاسباب تانية
وربنا يهديه
انت بجد اللي وحشني والله
بس مش تغيب كدة لانك بتقلقني عليك بجد
___________________________________
انسان
هههههههههههه
لو قلتلك هتستغرب
ههههههههههههههههه
الواد عنده 25 سنة برضه يعني اكبر مني ب 4 شهور بس
عامة انا بحب النسكافية والكاابتشينو اوي والقهوة دي بطلتها لاني قعدت فترة ادمنتها
عرفت بقي الواد دة كان عنده كم سنة
عمر
هههههههههههههههههههههههه
وصلت يا عمر
دة مش اهبل يا عمر دة والله عبيط
اومال لو قلتلك قالي ايه
هتقول ايه بقي
دة مش هيكفيك كل عبارات الرأفتاني فيه
دمك يا ابو عمر في ناس عايزينك يا ابا
وبعدين هو لامؤاخذة الروصيات الامريكاني دي تنفع مع شبابنا دة عايزله كف صعيدي محترم
او روصية من بتاعت ابو العربي من بورسعيد
كدة يبقي هو دة الشغل
بص بقي
بالنسبة لموضوع الشغل دة
والله انا مش ططمعانة
وعارفة طبعا اني مش هبقي في باله علي طول
لان انا كمان هبقي في شغلي ومش فاضيةللكلام الفارغ دة
هههههههههه
بس الاحساس بالاهتمام باي صورة ولو قليلة دة بيبسط الطرفين
وبعدين والله انا مش مجنونة ومش بطلب ان اللي يحبني كل شوية يتصل بيا او يرن عليا
انا بس بقول يخلص شغله يرن
وكون انه يعملها مرة ويرن عليا في وسط شغله ولو لمرة في اليوم
دي حاجة هتسعدني اكيد
وهترضيني
بس هتقول ايه بقي يا حلو لو محاولة ارضاء الطرف الاخر دي جت من جهه واحدة
يعني يبقي ايه الحال لو انت اللي كل شوية ترضي في الطرف الاخر والطرف الاخر عامل فيها عبده العبيط
الموضوع محتاج توازن وفكر
ههههههههههههههههههههه
اهلا اهلاااااااا ابله فضيلــــــــة
__________________________________
انا حرة
الحوارات دي خيال وحياتك يا اختي
انا مش بقول اكون محور حياه او اني اكون سبب في حياة بني ادم
انا بقول مواقف بسيطة اوي
ومش بطالب بيها بشكل مبالغ
لاني عارفة ان الحياة كدة هتخنق
ونا شخصيا مش هستحملها لاني عايشة حرة
وزي مانتي قلتي ان كل حب ليه شكل
انا مش مصدقة اني عنست انا مصدقة اني كبرت وفيه فرق بين الكلمتين
ونعم بالله وربك هو القادر
وبتمني فعلا ان الفكرة دي تتشال من مجتمعنا ان ستر البنت مقترن بالجواز
زي ما تكون البنت تهمة وبلوة ربنا رازقهم بيها
بصي فكرة الجواز نفسها مش مهمة عندي
يعني لو جيت بصيت للقرف اللي بيحصل من الجواز زي ما سمباتيك قالت كدة يبقي بلاها احسن
الواحد بيدور علي المودة والرحمة والسكنه اللي ربنا ذكرها في القرآن
ودي اهم حاجة من مليوم حب يجتاحني بجد
هههههههههههههههه
وحياتك بكره العربي جدا ولا افقة اي شئ في النحو
وسلامتك من الحول
والله وانتي كمان وحشاني
الغريب
مش انا بقول كدة برضه
سلامتك من التعب
انا فعلا بحس ان كلامي بسيط اوي وببقي خايفة لحد يقولي ايه الكلام العبيط اللي انتي كاتباه دة
ربنا يرحمنا كلنا يارب برحمته
شكرا علي الكلمتين يا جميل
___________________________________
سمباتيك
ههههههههههههههههههههههه
انتي جاية تحبطيني يا سمبتيكتي
وحياتك عارفة ان كل دة هيطير في الهوا واقعد ابكي علي الاطلال
بس اللي مش تعرفيه اصلا اني مش بطلب
انا كلاللي طلبته شيكولاته ووردة وممكن ابقي اجيبهم انا علي حسابي
وكلنا هنشربه ونتجرعه وحياتك
هههههههههههههههه
الذي مضي اعتقد انك ممكن ترجعيه طالما في القلب نبض
لا بجد اعتقد ان لو في تفاهم ومودة ممكن بذكاء الست ترجع احاسيس هي فاكرة انها ماتت
وربنا معانا كلنا يارب
تحياتشي وقبلاتشي
سرحت في كلامك يا بنت الايه
------------------
سيبك من كلامهم يا انجي
انا عارف ان الكلام سهل بالنسبه للولاد
انا بجد البنات بيصعبوا عليا اوي في مجتمعنا ده
البنت بيعتبروها عاجزه لو مضربتش الارض و طلعتها عريس
تحياتي دائما
طبعا سمرا هيا سمرا مش محتاجة وصف
كلامك حلو جدا ومش ليه حل بجد
وان شاء الله هتلاقى اللى انتى بتدرى عليه
وانتى مش عنستى ولا حاجة زى ما هما بيقولوا بس المشكة ان هناك معتقد خاطىء عند شعبنا المصرى انا باصف بانه متخلف
وهو ان لما البنت تتاخر عن الزواج تبقى كدة عنست وطبعا انتى مش محتاجة انى اقولك على الكلام اللى ممكن يطلع عليها بجد ربنا يحميكى من كدة ويحمى كل بنت مثلك
والسلام.........
ياريت مش تكونى زعلانة على كل التاخييييييييييير بتاعى دة
والسلام.........
everاللهم لا حسد اللهم لا حسد
أسيبك امبارح لسة كاتبة الموضوع أرجع ألاقي الدنيا غرقت تعليقات
ههههههه
عموما أنا لسة بصراحة مخلصتش قراءة الموضوع اصله طويييييييل أوي وأنا مكسل فعقرأ كل يوم حتة
هههه
عموما في جزء كان لازم أعلق عليه عجبني أوي
الجزء ده
عايزاك تحبني من نظرة عيني
دايما شايفني جميلة طفلة بتتعامل معاها
يوم ما تمسك ايدي تمسكها باهتمام اووووووي
تخطف الكلام من علي شفايفي
تتنهد من نظرتي ليك
وانت في شغلك احتل جزء كبير من تفكيرك
مش بقولك كلمني كل يوم او كل ساعه
بس رن عليا اول ما تصحي واول ما تروح شغلك واول ما تخلص شغلك واول ما تروح وقبل ما تنام
بطلب كتير
طب خليها تلات مرات بس في اليوم واختار انت التوقيتات براحتك
بس ممكن علي الاقل ترن عليا يوم ما ابعتلك رسالة اقولك فيها اني بحبك وان انت وحشتني
ممكن لما اخرج معاك ونروح سينما ارمي راسي علي كتفك
ممكن واحنا بنعدي امسك في هدومك واستخبي وراك
ممكن لما نهزر مع بعض تضحك وانت باصصلي اصلي بحب اشوفك وانت بتضحك
مش هزعل لما الاقيك تعبان او زعلان وعايز تحط راسك علي صدري
مش انت ابني برضه
ممكن تحبني باي شكل هتشوفني عليه
شفتني وانا لابسة جيب امورة
تعرفي
هو انتي مش كاتباه بنية الشعر أكيد
أنا في راي المقطع ده قرب من الشعر كتير أوي
الجزء ده شاعريته تكمن في صدقه وتفاصيله المستمدة من أوقات متناثرة جدا
كمان الكلمات في الجزء ده كان فيها موسيقى داخلية شديدة التناسق والتناغم تخليك عايز تقرا الكلمات بصوت علي وبإلقاء
عموما لما أكمل قراية أكيد هافصصهولك حتة حتة بس ادعيلي ربنا يقويني وأخلصه
بصوت عالي وبإلقاء
عارفة أحلامك ديييه عشتها كلها وحسيتها وكانت أجمل حاجة مريت بيها في عمري وعندي استعداد إني أسترجع ساعة ومنها قصاد عمري كله..
لكن لا شئ يدووم .. قوة خارجية لها القدرة على تحديد مصائر الأخرين والتدخل فيها قامت بالواجب وتركت كلانا ينزف..
حلوة الأحلام مادام لسه بنتمناها لكن لو جربناها على أرض والواقع وذقنا حلاوتها واتسرقت مننا المرارة بتبقى أكبر من إننا نتخاطاها بكتيير..
أنا مش هسجل أنا ميين وهسيب نفسي أنونيموس بس يا سمرا اتمسكي بأحلامك وإوعي تسيبي اللي حواليكي يقتلوا الطفل اللي جواكي ولو في يوم قدرتي تحققي حلمك إوعي تسمحي لأيا كان إنه يسرقه منك لأن وقتها هيسيبك بقايا إنسان عاجز.
محبتي
انت رايك كده مانا عارف ان الجواز سبب للرزق بس انا مش مستعد للخطوة دي الايام دي خالص و لا كمان 5 او 6 سنين انا ورايا سكه طويله اخلصها و بعدها دولسي و ادلع نفسي
تصدقي فعلا انا لما بقعد مع نفسي بحس ان انا طفس درج المكتب و تحت المخده وفي جيوب البنطلون تلاقي بسكوت او شكولاته او ملبس مش عارف في ايه ؟
انت عارف لو شحتنا ممكن نبقي دويتو هايل علي باب السيده ممكن ناكل عيش هناك وناخد شيفت من 8 الي 2 الظهر و كفايه اوي كده وسنة و نركب انا وانت البي ام
تحياتي
الدبور
انجي انت هتجنيني باينك
تعرفي انا بجد شايفك من جوا
مش عارف اقول ايه انا تنحت
انت بتعرفي تحبي اوي
اوي يا بنتي
:)
عاوز اقولك حاجة
يا سمارا لازم تعملي كتاب
انا بتكلم بجد
لازم يا بنتي
انت ماشاء الله عليكي
وممكن اساعدك في موضوع التصميم والطباعة
بجد فكري تستغلي القوة الي انت فيها دي
وتحوليها لواقع ملموس
تحياتي ليكي يا سمارا
عقلك منتهى الخيال الخصب
مش عارف اقول ايه
مش لاقي كلام اقوله
انت هايله
إزيك يا سمرا ..
الصبر طيب يا أختى و مسيرك هتحبى وتتحبى وتزهقى من الحب وسنينة
على فكرة
الرد بتاعك على الصورة التحفة اللى فى البلوج بتاع إنسانة هو اللى خلانى أدخل المدونة بتاعتك و لقيتها حلوة
على فكرة برضة أنا ماكنش قصدى حاجة بالتعليق بتاعى
انتى انسانة جميلة قوى يا انجى
واوعى تستسلمى....واوعى الدنيا وكلام الناس يزهقوكى وتتخلى عن حلمك وتقبلى بالامر الواقع ...وتبقى اهى عيشة وخلاص
اوعى تفتكرى ان الحب ده مش موجود ... صدقينى ده موجود ...ويوم ماهتلاقيه هتعيشى فى سعادة حقيقة لا يمكن وصفها...وهاتعرفى انها تستاهل انك تستحملى عشانها كل ده واكتر
اصبرى وادعيى ربنا وهو هيجيلك لحد بابك من غير ماتدورى عليه ...
وبخصوص المتخلف العريس ده.... ده ياماما كان مفروض تكسرى وراه زير كبير مش قلة ...كبرتى ايه ...سيبك منه ومن اى حد يقولك كده ..
انتى لسه..لسه العمر قدامك...وبكره تلاقى احلامك كلها بتتحقق...
بس ابقى اعزمينا بقى عالفرح..ماتنسيناش
سمرا ازيّك
عايزة أقولك اني عشت السناريو الرومانسي ده بالمللي
وبعدين اتجوزنا
يعني اللي بتقوليه موجود مش خيال
بس هوه الموضوع مواعيد مش أكتر عيشي حياتك عادي جداً وانت فجأة هتخبطي فيه أنا باسميها الخطفة علشان أنا فعلا اتخطفت وخطفته
وصدقيني أحلى هدية هيه اللي مابنطلبهاش ولا بنستناها
الحب ذلك الكائن الذي يبحث عنه الانسان دائماً.......
بصي بقه انتي اول واحده اعلقلها حتى قبل ما اعلق عندي
انتي عارفه كويس انك مش كبيره مامرت اخويا عمرها 26 سنه وفيه جارتنا 28 ولسه مخطوبه اهه و مرات خالي اتجوزتت وعمرها 28 برو
وبنت عمتي اهه اتخطبت البارح بعد فرح اخويا بتلات ايام تقريبا اهه
وعمرها 24
فصدقيني عمر ماالوقت بيفوت مكان ما النصيب موجود هايكون
وهيجيلك لغاية عندك
اما بقه لحلمك فانتي بجد غاوية تقومي النار جوايا يابنتي خليها نايمه
عارفه اقلك على حاجه ومتضحكيش انا جه ناس تخطبني لبانتها تلات بنات انما ايه قمر بس النفس بقه باسلوب انهم جايين يسلمو على اخويا ومش عارف ايه ويعدو ويضحكو معايا ويهزرو ويعدو يشكرو في بنتهم قصادي ويسالو نفس المعلومات عني ويقولوا ربنا يوفقكم وايه جدتها قالتها مباشر انا عندي بنت فلان وعسل وبتاع
وطبعا اول مره يجو البيت ومعاهم بنتهم وفي الفرح كانت كل شوية تيجي تقف جنبي
فهمتي حاجه طبعا لا
ابقى اقلك بالتفصيل بعدين بس ياستي اضحكي الزمن بقه اهل الروسه همه اللي بيخطبوا لبنتهم مش بنتهم بتتخطب
عقبالك ونصيبك هايجيلك وربنا قال
الطيبون للطيبات وانتي طيبه ومؤمنه ااكيد هايكون زيك وربنا يكون في عونه
هايتجوز على جبالاية القرود او في الملعب
بجد وحشني ابتاسمتك او بمعنى اصح احسن الناس معندهاش غير الكلام وحشني المواضيع الخفيفة الدم زي البنطلون وشجرة التوت
صحيخح انا علايز الحلاوة انتي اول واحده اعلق عندها بعد طول غياب حتى لسه معلقتش عندي ممكن
وربنا يسترها
awalan eeh mawdoo3 25 sana teb2i kberti di ...
25 sana di ya3ni lessa yadoobak betebtedi 7ayatik ...
w sennik howa i7sasik benafsik w da ana shayif enno mosh hayetbadel abadan...
______________________________
7elmik gameel awi ....
kollo 3ataa2 ... kollo 7ob ... kollo 7agaat gameela...
kol el7agaat elbaseeta elli betenta2 be7ob weteshhad beeh ....
ew3i tetnazli 3an 7elmik ... hateb2i betetnazli 3an nafsik ...
bas ew3i teghlati wetosqeti elli betetmaneeh fe 7elmik 3ala ay insaan ye2ool a7ebik ... ew3i tshoofi 7elmik fe insaan mosh howa 7elmik ....
3ala ad 7asaseyetik w 3ata2ik ... akhaf men gar7ik ... et2akedi kwayis 2abl matsalemi masha3rik le2ay fares yotlobik lelra2s...!!!
we rabena yes3edik ya toota .. !!
اولا صباح الخير
انا معرفش ازاى مشوفتش البوست دة وانا بعلق على وقفة مع النفس والحمد لله انى شوفته
بجد انا دلوقتى مش لاقية حاجة اقولها غير انى هصلى الفجر وهتكون اول دعوة ليكى انك تجدى من يستحق تلك المشاعر التى تفيض بالحنان
لكى منى مليون تحية
ملك المصرية
سمرا انا جاهز اشيل القضية :) . بيني و بينيك هوة يستاهل اخد فيه اعدام من تحريض علي 10 غرز .
علي فكرة الشعر بتاع صلاح جاهين من الرباعيات و انا فييين بقي و صلاح جاهين فين . يا رب بس ابقي بنص عبقريته في الشعر .
الواد ابو 25 سنة دة شكله عاش فيهم شوية و هوة سايب دماغة في البيت و من غير نفتالين ولما رجعلها كانت العته عملت عمايلها و دة في علم الطب الحديث بيأثر تأثير مباشر علي الافكار و بيخليها معتوته . و محتاجة 10 غرز زي مقولتلك و لو 15 هيكون احسن :)
و الله خسارة الوقت اللي قعدتي فيه معاه
بجد اهنيكي من كل قلبي يا سمرا علي المشاعر دي .
و احب اتمني لك انك تعيشيها بجد مش حلم
انا عشت الكلام ده بالحرف و الكلمة و قلت الردود دي لما اتقالي الكلام ده بجد بجد سعادة لا استطيع وصفها من كثر ماهي تفوق كل سعادة قمة من قمم النشوة
موضوع حقيقي و جميل بجد و برضه احب اشوفك عندي باي
انت أنسانه رومانسيه وناعمه قوي
ولسه بدري علي الجواز افرحي شويه بنفسك
سيبك...دا كلام فاضي و رأي فردي...
يا ريته قاللك انتي لسه ماتجوزتيش ازاي لأنك جميلة أو لأنك كويسة أوي... انما يرميكي بدبشة في وشك كده... عيب
ربنا محضرلك الخير ان شاء الله
إنجى ..وحشتينى بجد
أما تعليقى عن الموضوع..هاجى بعدين ..
بس جيت أقولك وحشانى فعلا..
.
مها
و مش عارفه نسيانى ولا لأ ..مها سيبس
ياه يا سمرا مش حتتخيلى البوست بتاعك ده
اخدنى واح بيا على فين .... جزء مش قليل من البنات بنحلم زيك كده
بنتخيل عارفه اغنيه يقول انى امرأه بتاعت ماجده الرومى لما كانت بتوصف بتوصف وبعدين طلعت بتحلم وان كل ده في خيالها .... حسيت ده في البوست بتاعك وبحسه جوايا كتير
عجبنى جداا جداا الجزء ده
انتي ليه حاطة مكياج
عشان تشوفني حلوة
انتي قمري
انتي حلوة من غير حاجة
مش عايزك تحطي مكياج تاني بحب وشك وهو صافي كدة
ليه طيب
اولا عشان حرام
ثانيا مش عايز حد يشوفك غيري
حاضر
بقولك ايه؟؟؟
نعم
ابقي اعملي نفس اللي انتي عاملاه دة بالظبط في بيتنا
اصلك امورة اوي
ههههههه حاضر
------------------
محدش كبير يا سمرا على انه يحلم .... حافظى على الطفله الي جواكى واوعي تضيع منك او يقتلوها
خافي عليها ..وعلى نفسك و فكري كويس وحسي اوى واوعي تعملى حاجه تندمى عليها وتتزوجى اى حد وخلاص
لانك تستاهلى انسان بجد
تحياتى
:)
يا بنتى ولا كبرتى ولا حاجة دة انتى لسة صغيرة على الهم دة
الحب حلو لكن لو ما كملش بالجواز
انتى فاكرة ان الحل لحياتك الصعبة انك تتجوزى
طب لما تبقى حياتك صعبة بعد الجواز هيبقى ايه الحل
استمتعى بالحب وأخرى الجواز على قد ما تقدرى
ممكن مش تيقي تفهميني غلط لو قلتلك اني نفسي اترمي في حضنك
والله انتى عسل
انت مختفيه ليه بقالك فترة مش بتعلقي؟
اتمني انك تكوني بخير
تحياتي
الدبور
كلامك جميل انجى انتى فعلاا انسانة رومانسية
و اتمنى اشوف اليوم اللى ما تحكم الناس على بعضها بالسن خصوصا فى موضوع الزواج
تحياتى
للكلام تاثير علي الوجدان و المشاعر و علي العقل..فاحيانا يكون تاثيره مثل السيف بل احد من السيف.. اعلمي ان كلامك مؤثر في كل انسان يحمل نفس سويه.. و ايضا له تاثير علي كل نفس خبيثه شيطانيه..لا تبالي و لا تنزعجي و اعلمي ان يوجد الكثير ..الكثير جدا ينتظر كلامك ينتظر ان يعرف احلامك ..ينتظر اي حاجه بقي.. و رجاء مني لا تحرمي من يحترم كلامك من كلامك انه يعني لي الكثير و لغيري ايضاا اخوكي..صاحب القلب الغريب
حبيبتي ... اسلوبك جميل اوي.. صادق اوي..تلقائي اوي... و يوصل للقلب اوي اوي اوي ...
مش هعرف اكتبلك كلام جميل زي اللي اتكتب قبلي... مش بعرف
لو زرتي مدونتي الجديدة
ba7ebelnoor.blogspot.com
هكون سعيدة جدا
لا طبعا ماكبرتيش، انا كمان بحلم زيك بالظبط بس تفتكرى حنفضل نحلم لحد امتى؟؟
الاحلام حلوة بس لو اتحققت..
gmel gdn bass fe 7d kda i dont think sob3den momkn tla2y 7d kda ok bass msh bystmr kda 5als 3arfa leh 3shan kol wa7d byrsm fe elawl 7bten kda msh 3arfa leh msh byb2o tbe3yen mn elawl i hope u find ur one dear bass elklam to7fa bass just klam!
اولا يا جماعة
سمراء بتعتذر على انها مكانتش فاضية اليومين اللى فاتو دوول وكمان النت كان فيه مشاكل فمقدرتش تدخل وقتها وتمسح التعليق السخييف اللى كان موجود ده
هيا كلفتنى انى ادخل وامسحلها التعليق ده
كمان هيا بتعتذر لكل من
يا قلبى يا غريب
el2ahwagy
the eagles
utopian
الحصان الاسود
علشان تعليقاتهم اللى كان ليها علاقة بالكومنت المريض ده اتمسحت كمان
ده بناءا على رغبتها فى ان التعليقات الموجودة تكون على البوست بس
وعلشان كمان منديش مساحة من وقتنا فى الرد على حد ميستاهلش اننا نعبره سواء باهتمامنا او بتعليقاتنا
هيا بتشكركم جدا على ردودكم
وعلى مشاركتكم وعلى خوفكم عليها
وهيا عارفة انكو اكيد هتفهمو قصدها
وأول مهتدخل ان شاء الله هيا بنفسها هتقولكم كده
ولحد متدخل هيا بتقولكم شكرا
إنتي جميلة يا إنجي بجد .. و بعدين إللي عايز قلبك و حلمك أهلاً و سهلاً بيه .. و إللي عايز اسمك و سنك و عنوانك .. شوفي إنتي حابه تعملي فيه ايه ... ده يبقى حظ أهله كله من السما إللي يرتبط بواحدة عندها الكم الرهيب ده من الإحساسات و المشاعر الدافية و الصادقة .. و لأنها صادقة أوي .. فا مش هاتطلع غير للقريب أوي ...
تحياتي .. بوست رهيب ..
طبعا جميلة وكلماتك جميلة
وحاسيسك جمييييييلة
وبتفكري فى البفكر فية
بس انتى بتعرفي تعبري مش زيي
قولتلك يا بنتي علمينييييييي
انجي مين يقول اننا كبرنا على احلامنا؟
احنا كبرنا على المراهقة لاننا الوقتي فى مرحلة النضج
متاكده انك حتلاقي الانسان اليحبك ويفهمك صدقيني انا كنت زيك واكتر
كنت حاسة انى تايهه ومش ممكن اقبل غير بالشخصية النفسي فيها
لحد ما ربنا رزقني بكل الحلمت بية من حب وحنان وبراءة
دنتي جميلة اوى يا انجي
واستمري فى البحث عن فارس احلامك
اوعى تقبلي تاخدى عريس
من فئة جرنال تحت دراعه وبطيخة طالع بيها وعملتى غدا اية النهارده
ياااااااه ياسمرا
كل ده جواكي
انا جيت متأخر اوي كان لازم اجي من زمان اقرأ الكلام الجميل ده
تعرفي يا سمرا
اللي انتي بتتكلمي عنه انتي عارفة ومتأكده انه نصيب
يمكن لسه مجاش
لكن برضه نصيب
وان شاء الله ييجي النصيب
وتشوفي احلامك اللي بتحلميها
في الحقيقة
الا قوليلي
مش برضه المصاصة حلوة خصوصاً لما نروح نشتريها من عمو اللي على الناصية ونمشي ناكلها في الشارع
واللا ايه
:)
مين كبرت دي؟؟
ليه يا ماما
سيبك من نظرة مجتمعنا الذكوري للامور دي... المهم هي مش اي جوازة و السلام الاهم انها مشاعر و احاسيس صادقة
تدوينتك لمست الحتة الجوانية يا بنتي
:(
الحب بييجي في كل وقت
وفكل عمر بيبقي ليه طعم مختلف
عشان كده مفيش حد بيكبر علي الحب ... متخافيش
والحب مش مرتبط بالجواز
الجواز بييجي كنتيجة
عشان كده مينفعش تفتكري إن الجواز هو الحل
أنا مع ياسمين ... حبي وأجلي الجواز
تحياتي
هو بلاش يعمل اي حاجة من اللي انت قلتيها
كفاية بس يكون موجود لما تحبي تعدي الشارع
يخرب عقلك يا بت
كدة برضوا مخبية الكلام الجميل دة
يا بت إنتى ولا كبرتى ولا حاجة
أنا أهوة 27 سنة إلا حاجة بسيطة
وصدقينى زيك كدة محتاج نفس الكلام إللى إنتى كتباه دة
بس مش فاقد الأمل
على الأقل إنتى شغالة
تخيلى بقة شاب 27 ومش شغال يعمل إيه ؟؟
ينتحر
لاء مش أنا
ولا إنتى
طيب أقولك على حاجة
أنا كاتب أغنية عندى بقة هدية ليكى بمناسبت عيد الحب
وكل سنه وإنتى طيبة يا قمر
من قلبى
utopian
انا بضرب بكلامهم عرض الحائط
ولا يهمني
بس الكلام بيوجع
ولا انا اللي بقيت احس زيادة عن اللزوم
مش عارفة
البنت مش شرط تطلع عريس
ممكن يجيلها بس ترفض وبرضه مش بتسلم
في كلا الحالات هي غلطانة
___________________________
the eagles
سمرا بقت مش سمر
سمرا بقت حاجة تانية بس المشكلة اني مش بقيت عارفاها
اللي ربنا عايزه ليا هيكون
ودة نصيب ومقدر ومكتوب عليا
الشعب المصري بيقول ان البنت لو تمت العشرين تبقي عانس ودة تخلف
ربنا معانا في تخلفنا دة
ربنا يتقبل منك يارب
the eagles
انا مش زعلانة والله بس قلقلت عليك
فعشان كدة لو عتغيب كتير اوي كدة ياريت تبقي تعرفني وابقي طمني عليك باستمرار
___________________________
مزمز
انت جاي تقر علينا لا ايه
المهاردة 5 في شهر 5 يوم خميس
هههه
عامة هستناك تقراه كله وتقولي رايك ايه بجد
والجزء اللي عجبك انا كنت بكتب اللي نفسي الاقيه واللي نفسي اعمله وبتمناه ومش كان قصدي منه اي اطلعه في هيئة موسيقي او شعر زي مانت قلت
بس انت خلتني اشك في نفسي واراجع الي كتبته من تاني
هههههه
هستناك بقي تفصصلي الباقي
anonymous
فرحت جدا اني الاقي حد عايش الحقيقة في الحلم بتاعي
بس زعلت لانه في الاخر زي حلمي مش دايم
بس كل اللي هقوله ربنا يكرمك يارب
وتلاقي الخير والحب
وكان نفسي بجد اعرف انت مين
بس مش تخاف انا عن نفسي مش هسيب حلمي ابدا اي كان الوضع
شكرا بجد
___________________________
الدبور
يدينا وديك طولة العمر
بس والنبي وقت الاجتماع الشهري اللي بقي عامل زي لقاء القمة العربية اللي مش في حد بيوافق علي حاجة في الاخر ابقي املا كل جيوبك حاجات من دي
انت عارفني بقي
وبعدين بي ام بس
دة مش بعيد يبقي عندنا ابراج سكنية
ولو شدينا حيلنا وخليناها شفين ممكن يكون عندنا قرية سياحية اسمها سمراء الدبور
بس انت قول يارب
lion king
سلامتك من الجنون يارب
ليه بس دة انت حتي مش بكلمك
هههههههههه
سلامتك من التتنيحة يارب
شكرا يا احمد
بالنسبة لموضوع الكتاب دة فا يابني شوية الكلام الي بكتبهم بعبعة من نفسي
يعني مش لدرجة الكتاب
هيبقي بالنسبة لغيركم وغيري تفاهات
يعني شوية الكلمتيناليل بكتبهم اي حاجة بقي ولا انت نسيت
ازاي بقي استغل القوة دي فبجد مش عارفة ازاي
والموضوع مش موضوع خيال خصب اد ما هو موضوع احساس ومؤمنة بيه مش اكتر
انت بس اللي ائع ربنا يكرمك
شكرا بجد
___________________________
kaed
انا طبعا كنت عارفة ان تعليقك لم تقصد بيه شئ وكان تعليقي لمجرد الدعابة مش اكتر
وادينا مستنين
ههههههه
شكرا علي الزيارة الرقيقة دي الي بجد اسعدتني
كارمن
ربنا يخليك ايه بس الكلام دة
انا عمري ما هستسلم لشئ انا مش مؤمنة بيه
ادني امل بجد وكلام اثر فيا جدا جدا
وربك رب قلوب بقي
انا كنت ماسكة نفسي بالعافية وهو بيتكلم وكل شوية امسك الجزمةبتاعتي ويلحقني يقولي في حاجة اقوله لا بس بشوف حاجة في الجزمة
اهوراح لحاله بقي
ربنا يخليكي
الفرح بقي ربنا يديك طولة العمر
___________________________
اميرة
والله فرحت اوي
بسم الله ما شاء الله عليكي
يا بنتي مش تقولي الكلام دة في ناس هنا تخصص قر وحسد
هههههههه
ابقي روحي بخرك نفسك انتي وجوزك
ربنا يكرمكم يارب ويسعدك ويبعد عنكم كل شر
خلي بالك منه
وقوليلي سمرا بتقولك حطني جوة عنيك
ربنا يهنيهكم ببعض يارب
ادعيلي بقي
sharkawoo
حتي بعد ان تنفني نبضاتنا نظل نبحث عنه
___________________________
بين الامل والياس
اولا انا بجد عايزة اعرف التفاصيل مش ليا دعوي
وبعدين يا ابني انت لقطة لاي حد اصلا انت فاكر نفسيك قليل في البلد دي ولا ايه
بص اللي ليه نصيب في حاجة هيشوفه ولازم يكون مؤمن بكدة اصلا
وانا الحمد لله عارفة ان دة نصيب
وبعدين وايه يعني لما تقول واحساني ابتسامتك
الكل عارف هنا مين سمرا
احنا اخوات يا ميزو
وبعدين انت اصلا جاي تشحت حلاوة ايه الي عايزها
انت يكفيك الشرف انك علقت عندي هههههههههه
هبقي ايك الحلاوة بعدين بيني وبينك يعني
عشان الناس الوحشة مش تاخدها منك
ربنا يخليك ويكرمك ويريح بالك يارب
القهوجي
انا عارفة اني مش كبرت ولا حاجة
وانا شايفة نفسي كدة بس هتقول ايه بقي للتخلف
نزار قال
في العشرين تستطيع ان تحب وفي الخمسين تستطيع ان تحب
هناك دائما مناسبة لاشتعل البرق
حلمي مش هتنازل عنه
ولا عن بديل ليه الا ان ربنا يقول كلمته
بس انا خلاص مش بقيت عارفة ارقص
يعني مش هيجيلي فرسان راقصين
ربنا يخليك يارب
___________________________
ملك المصرية
اولا صباح النور
تقريبا كنت لسة بحطه وانتي خرجتي ومش شفتيه
عامة اديكي جيتي وعلقتيلي كمان
ربنا يخليكي يارب
ويسمع منك دعائك ليا
وشكرا لدعواتك وربنا يكرمك يارب يا ملك
امين:))
انسان
انا هسيبك تعامل واخرج انا منها
وهبعد انا بعيد عشان الدم مش يطرطش بس عليا
:))
لا بجد ان شعرك ما شاء الله عليك
عامة زي ما قلتلك تعامل بجد
انا ههرب
___________________________
chaos
اتمني انك بجد تعيش حياتك وتبقي مبسوط مع للي انت معاها
ربنا يكرمك يارب بجد اسعدتني لما قلتلي كدة
اكيد انا زرت مدونتك وقريتها قبل كدة علي فكرة بس مش كنت ببعلق
س هشوف الموضوعات الجديدة بقي
شكرا ونورتني
مكسوفة
انا وحياتك فرحانة بحياتي وضارباها صرمة قديمة
الي عايزه ربنا هيكون
وربك يسترها
بس عجبني وصف ناعمة اوي دي بجد
ربنا يخليك يا احلي مكسوفة
سلامي
__________________________د
مورو
تفتكر بجد انه راي فردي
اتمني كدة ولله انا سايبة الموضوع ومطنشة
وبعدين انت بتغلط في الدبشة ليه الدبشة هتفهم ااكتر منه
هههههههه
يلا اهو راح لحاله
وربنا يهديه بقي
شكرا علي الزيارة بجد
مها
انساكي ازاي يا بنتي
وازاي انسي لاسبيس دة بيتي الاولاني
طبعا فاكراكي وبجد وحشاني اوي
هستناكي بقي تيجي تاني بجد
وهروح اشوف اسبيسك وصل لفين هههههه
___________________________
فوكيرة
راح بيكي فين بقي
ههههههههه
طبعا ماجدة الرومي معشوقتي الاولي وبحبها جدا وعارفة الاغنية دي كويس
بس هي دي حياتنا واحلامنا
الجزء دة كمان كان نفسي اكتر جزء يحصل معايا بجد
بس الحمد لله عيل كل شء
احلامي ملك ليا لوحدي انا وبس
ومش من حق اي حد ياخدها مني او يعتدي عليها
ورينا يسترها ويسمع منك يارب
الا قوليلي صحيح
انتي جبتي رقمي منين انا مش ادتهولك اخر مرة شففتك فيها
:)
ياسمين
وحشاني الاول كتير
وعدين انتي عارفة راي في الجواز بلا جواز ولا نيلة بس انتي عارفة ان من صغرك مستنية حاجة زي دي عشان بيقوليولي من زمان حل المشكل الي عندك دي كلها هيتحل لما تتجوزي
فاهماني
فدماغي اتركبت شمال بقي
بس يجي الحب يا ستي وابقي اسمتع بيه زي مانا عايزة ههههههههه
__________________________
القمحاوي
والنبي انت اللي رايق وعسل
الدبور
انا الحمد لله كويسة
بس المشكلة ان عندي شوية مشاكل ومشغوليات وكملت لما النت عندي باظ وحصلت فيه مشاكل
بس الحمد اهو اديني كويسة حية ارزق:))
مش هنولك الميراث برضه
___________________________
تامر
شكرا يا تامر علي تعليقك وربنا يكرك واتمني مش تزعل مني
تحياتي بجد
ا قلبي يا غريب
بجد مش عارفة ارد عي الكلام دة بجد
ومش كنت عارفة ان كلامي اصلا ممكن يأثر علي حد بالصورة الي انت بتتكلم عنها
ومعلش اغفر لي تاخيري هي بس الحاية مشغوليات وقرف
وانتظرني بجد:))
شكرا بجد علي الكلام الرقيق دة
___________________________
صوت اعصفورة
مش مهم تكتبي المهم انك زررتيني ونورتيني وكملتي تشريفك ليا بوضعك كمت جميل زيك عندي
واكيد هزور مدونتك واشوفها
تيحياتي
esho
هنفضل نحلم لحد ما نموت
الحلم مش له هاية
حتي لو مش اتحقق وانتهي بعكسه
دة مش يمنع اننا عايشين بالحلم الي بنحلمه
المهم انا باي حال من الاحوال مش نخسره
___________________________
buffy
اكيد في ناس كدة لاني واحد منهم
وبتمني ان ربنا يرزقني بواحد بيحس زي كدة
اللي مش بيدوم لانه اكيد مش صادق
وان المعادلة بينهم مش تكافئة ان ان ربنا مش بيبق رايد نظرا لعدم وجود الخير في اي حد منهم
كلمة الله هي الانسان
وكلمة ااحساس هي الحياة
نورتيني وشرفتيني بجد
شكرا بجد
اولا بجد انا مش عارفة اعتذر ليكم ازاي علي اغيبة دي
بس كان عندي مشاغل والنت كانت فيه مشاكل طبعا
ومش كنت بدخل
لح ما لاقيت اتصالات بيا بططلب مين اخش امسح تعليق ليا
انا بجد مش عارفة ايه الي كان فيه
بس طلبت من صديق مدون انه هو يخشلي ويمسحلي التعليق لعدم قدرتي علي الدخول في النت
وبالنسبة للتعليات الي اتمسحت
فياريت اصحابها يعذروني
لان طالما الكومنت لاصلي اتمسح يبقي التعقيبات والردود عليه مش في موضعها وهتثير شوية تساؤلات في كال الي يجي
وهيسالوا هو في ايه او كان مكتوب ايه
انا كنت هموت واعرف هي كاتب ايه
بس اللي نقلني الخبر مش عايزين يقلولي اتب ايه
بس ربنا يهدي
يا قلبي يا غريب
الحصان الاسود
el2awagy
the eagles
utopian
بجد بكرر اسفي علي مسح التعليقات
بس كان شئ لابد منه
شكرا بجد علي الدفاع والردود ولو اني مش فاهمة انا بتكلمعلي ايه
بس بجد بشكركم كلكم
وارجو ان انتم تتفاهموا موقفي
سلام وتحياتي واحتراماتي
روزاليا 29
انتي الي قمر بجد يا رزم
ربنا يخليكي يارب
ماا بتيوقلي دة لي هياخدك امه داعية عليه وغضبانة عليه
ههههههههههههه
بس ل واحد بياخد نصيبه ومش في حد بيتجوز مرات حد
انا سمعتها كدة علي فكرة
انتي الي رائعه
سلام يا قمري
___________________________
الزعيمة
قلتلك تعلي اعلمك وانتي تاكليني الي اسمها اللازانيا دي وانتي لالي مش رضيتي
اشربي بقي
ههههههههههههه
يارب يا داليا يكرمك بالحب اللي لقيته ويهنيك بيه علي طول يارب
ويمعك معاه بالخير
انتي اللي جميلة بجد يا دليا
بس انا مش هبحث عن الفارس لاني تاكدت خلاص ان هو اللي بيدور عليا انا عبت بقي ودوخت هههههههههه
وانا رفعت خلاص راية الغضب والعصيان علي جواز الصالونات
زحل الفلكي
انت كنت فينك كدة يا ابني غايب كتير وجيت فعلا متاحخر دة انت حتي فاتك البوست اللي فات
انا عارفة انه نصيب ومكتوب عليا وقدر
بس اللي مش فاهماه وعارفاه ان في ناس كدة بجد
بتجرح وهي مش هممها
وحياتك مش في احلي من مصاصة والدنيا بتمطر وماشية في الطين كمان
:))
___________________________
ايبي وبس
مش عارفة مين اللي كبرت
يمكن بيتكلموا علي حد تاني ومش انا
ههههه
المشكلة انها مش مشكلة مجتمع ذكوري يا ايي هي مشكلة مجتمع باكمله ربنا يهديهم ارب جميعا
وانا مش هتجوز ا جوازة والسلام
وسلامة الحتة الجوانية بجد
thealien
الحب هو الحب مهما اختلفت اشكاله او الزمن او الاوقات الي بيجي فيها يبقي ان هو حب
انا موافقة اين احب بس لسة برضه ربنا مش شاء ان قلبي ينبض من تاني
وبالسنبة للجواز بصراحة انا مش عايزاه :))
___________________________
هدي
تصدقي انتي جبتي الخلاصة
هي فعلا عندي كفاية
شرفتيني ونورتيني بجد
اودي
مانت عارف ان الكلام دة موجود عندي من زماان يعني ايه الجيديد بقي
ههههههههههه
انت يا ابني لسة صغنتوت ولله
والعمر لسة ادامك
انا عارفة ان انت محتاج للحب في حياتك بنفس الطريقة الي متكلمة عليها
وانا كمان مش فاقدة الامل
ومستنية
ايه يا اودي علي لاقل انيت شغاله
انتي جاي تقر عليا وتحسدني ولا ايه
بعد الشرعليك من الانتحار
هبقي اروح اقراها
بس لازم القي اسمي مور د كدة وان هي اهداء ليا
مش لكل واحديخش عندة
سبهلله هي ولا ايه
:)))
وانت طيب وكل حب وانت عاشق يا اودي
انا جيت و شوفت البوست دا اكتر من 4 او 5 مرات و كل مره اقرا و اسرح لحد لما انزل او امشى من غير ماكتب كومنت
25 سنه و كبرتى يا بنتى !!! عايزك تفهمى حاجة واحدة انك فعلا حاتكبرى اول ماتفكرى انك كبرتى و ان مفيش عريس بلا نيله على دى عرسان
ماتسمعيش كلام حد من الناس اللى بتقولك مفيش حب طاهر دى ناس كلهم مرو بتجارب فاشله زينا كلنا بس الفرق انك بين الفشل و النجاح سعره و انشالله حتلاقى اللى يحبك زى ما انتى عايزة
ماشى يا كبير
مهداه خصيصا ليكى يا قمر
يعنى أنا هلاقى أحلى منك أهديلوا الأغنية بتاعت عيد الحب
دة إنتى بقة متعرفيش غلاوتك عندى
المقاطع
جميله جدا
أما بالنسبه لحوارك مع العريس
فاسمحي لي مين الاخ ده.؟
يعني ايه 25 سنه و كبرتي
ده على افتراض ايه بالظبط
يا بنتي و لا كبرتي و لا حاجه الراجل اللي حيحبك مش حيحسب عمرك زي ما يكون بيعاين مواصفات جاريه
لا.. حياخدك زي ما انتي و حيشوف الطفله جواكي ويحسها بجد
كل سنه و انتي طيبه
تحسي إن كل الحبيبة معظم الحوارات دي بانت بينهم
ومع ذلك كل واحد بيحس إنه أفضل من الجميع في الحب وماحدش يسبقه أبدا
شيء جميل ..
ولكن لو يدوم
!!
سمرا احلى وماتفقديش الامل يابنتى واكيد ربنا هيديكى الحب دة اللى بتتمنيه ربنا كبير وان شاء الله يعوضك خير انا شخصيا عايشة بالامل دة
وبعدين حرام عليكى بجد انا قلبى وجعنى
والعريس دة معندوش دم بقى طب انا اعمل ليه كدة يعنى انتى كدة هتعقدينى
وهعيط اهو
ahmed_h
يارب يخليك يا احمد يارب
يارافع من معنوايتي يارب
ربنا يتقبل منك يا احمد
بقالك كتير مختفي لعل المانع خير
___________________________
اودي
عامة بجد فرحت اني القيت الاهداء دة ليا
ربنا يخليك ياودي يارب
فريدة
الاخ دة والله ما بيفهم
يالله اهو راح لحاله بقي
بجد كلامك صح
ربنا يخليكي ليا يارب
___________________________
حامد ابراهيم
ليه يا سيدنا الاحباط دة بس
تفائل خير يا حامد
ربنا يكرمنا كلنا ان شاء الله يارب
___________________________
اميرة ويلز
ربنا يخليكي يارب
ويتقبل منك يارب
خلاص يا سيتي مش هعمل كدة تاني
هو لا عنده دم ولا نظر بعيد عنك اهو ربنا يهديه يارب
والنبي مين فينا اللي اتعقد انا ولا انتي
لا ياجميلة
احلمي وهتلاقيه
انا كمان بحلم نفس حلمك
ومش مهم غير انك تحبي وبس
والانسان المتخلف اللي كان جاي يسننك ده متحطهوش في دماغك
والحمدلله ان ربنا رحمك من واحد زي ده
انتي جميلة اوي من جواكي
a7lamk gamela 2wii ya gamela w yarab tat72e2 isa kolha ..w b3d meen da eli kbr isa..ya bnty b3edn 3n 25 sna mesh sn kbeer..enty shaklk so3'nan 7'als..da ela ganb 2n el27lam mlhash sn
بجد جميل جدا,انا بجد بكيت انتى كتبتى كل احلامى,انسان ابيض يعرف يسمع ويفهم ويعرف بفكر ازاى....بس تفتكرى ممكن يكون فى انسان زى دا..مفيش.
هو حرام احلم بانسان زى دا حرام الاقى الحياه دى
ياترى اقبل اى حد كويس وخلاص ولا استنى حد يحبنى واحبه بس هلاقيه
مش عارفه
يمكن استنى اذا كنتى انتى ممكن تلاقيها
يمكن يكون فى امل
انتى بجد رائعه
اميرة هشام
ربنا يحقق حلمنا كلنا يارب يا اميرة
انتي اللي بجد جيلة اوي وكنت مبسوطة اني شفتك
___________________________
شيماء
والنبي يا شيماء عندك حق بس هتقولي لمين بقي
ربنا يخليكي يارب وبجد كنت طايرة اني شفتك
___________________________
واحدة عادية
بجد مش عارفة فعلا هيكون في انسان زي دة ولا لا بس بجد بتمني
اكيد في امل
يمكن عشان احنا بنحلم الحلم دة اكيد في غيرنا برضه بيحلم يلاقينا
بس انتي قولي يارب
جيالي انتي الساعة 12 بالليل وقعدت اقرالي بتاع ساعة كده
تخيلي بقي النت فصل والصفحة مفتوحة ..قريتها قد 3 او 4 مرات كده وقفلت معايا بقي مش هنام غير لما اعلق
اعلق اقول ايه ؟ ولا حاجة ... احلمي زي مانتي عاوزة بس يوم ما هتحبي .القليل اوي من كلامة هيبقي بمليون سطر من اللي كتبتية في حلمك
المهم تحبية مش تدوري فيه علي حلمك، اما موضوع كبرتي كالعادة ..عيب لما اقولك كبري دماغك ..ماهي كبيرة اصلا
المهم ان كله بيعدي ..وبترجعي في اوضتك تحضني دبدوبك او مخدتك وتفكري في بكرة حلو وولاد وبنات علي اسم حبيبك وبيت كل سنتي فيه واخد من روحك وروحة
يستاهل الحلم انك تستني ومتضيعيهوش علشان ساعة التوقيت بتاعة الكبار بتقول لقد حان الان موعد زواج البنات
!!!
يا ستي فروق توقيت حد له دعوة
saso
هههههههههههههه
علي رايك فرق توقيت وهوحد خد باله
بس دة موضوع من فترة
وانا سايباها علي ربنا يا ساسو
ربك اللي بيرزق اصلا
وعادي بقي
شكرا ليكي يا قمر
Post a Comment
<< Home