انا جيييييييييييييت

اولا وقبل كل شئ بجد بجد وحشتوني اووووووي اوي اوي اوي اوي

ووحشتني مدونتي اوي اوي اوي
ثانيا بقي وبعد مرور اربعه اشهر كالعادة هقولها بصوت عالي

الله يخربيتك يا حنفي
اخلص من بدر بتاع النت يطلعلي تامر بتاع النت

الله يخربيتك يا حنفي انت وتامر

ثالثا بقي واللي مش يعرف..... انا اتجوزت
كلمة كبيرة اوي اني اقولها
واللي اكبر منها لما بروح شغلي او اتكلم مع اي حد اقول كلمة جوزي

مش عارفة بحس اني فخورة اوي
وبحب اقولها ولما انطقها استغربها اوي

اللي مش متقبلاها خالص وبضايق لما بسمعها كلمة مدام

مش عارفة ليه بحس انها شتومة

المهم خلينا في اللي احنا فيه
بجد وحشتوني اوي
الغيبة دي مش سببها الجواز ولا حاجة ودة علشان الحقد الطبقي والعنصري القابع في النفس البشرية

الغيبة دي عقبال ما جبنا كمبيوتر وحاولنا ندخل النت والواد تامر كل شوية يقطعوا عننا لغاية ما زهقنا

برضه مش موضعنا
انا جبت صور الفرح عشان تشاركوني فرحتي بجد
لاني لحد دلوقتي مش مصدقة اني اتجوزت
ولما بشوف صور فرحي بحس ان انا مش دي

بجد مش عارفة اقول ايه لكل اللي حضر الفرح ومش زعلانة من اللي عزمتهم ومش جم
وزعلانة علي اللي كان عايز يحضر ومش عرف يجي
تعالوا نتفرج علي صوري



الصورة دي صورة الاستوديو

ودي كمان بس انا مصوراها من موبيلي النهاردة عشان اوريهالكم

دول اصحاب حبيب قلبي اللي معاه في الشغل



انت هتهزر ولا ايه كل دي

الكلمة اللي قولتها للراجل السفيه دة لما كان عايزنا احنا الاتنين ناكلهابس والله مش انا اللي اكلتها

صورة جماعية لبعض المدونين
علي ايدك اليمين من فوق
عمرو اريدك انثي يليه ايلاري حد فاهم حاجة يليه احمد انا الشعب
ومن تحت محمد جمعه نو فير ومحمد عادل مصر هي امي وادم المصري في عمق الحياة
واللي متاكل نصه دة الواد بيشوي ايلين
ومن فوق علي الشمال الواد احمد الهواري اللي عمل شغل كبير اوي اوي اوي في فرحي وكان باين عليه الفرحة اوي

في ناس تانية كانت موجودة بس مش صادف الحظ انها تتصور معانا
واللي جم

الواد اودي عادي بقي وحازم بين الامل والياس
ومني بحاول اكون
واسامة سول المتكاظي
واحمد فؤاد مع نفسي
واشرف توفيق اخف دم

بوسة ابوية ومش حد يفهم غلط

للعلم بقي الكاس اليتيم دة لا انا ولا طارق اللي شربناه
اشرف توفيق جه وقال مش معقولة تتخانقوا علي كاس واحد وخده هو وشربه

حلوة صح؟

دي بقي بالفرح كله
بعد كتب الكتاب الناس هاصت ولاصت والكل قعد يحضن ويبوس فينا
لقيت طارق ساب الناس دي كلها وجه عليا وحضني اوي ولو دققتوا في الناس اللي حوالينا هتلاقيهم فرحانين

وصورة حصريا لمرات ابويا
هي اللي ورا دي اللي لابسة اسود

مش عارفة ليه مش جابو منديل
ولو دققتوا اوي هتلاقوني ماسكة عشرين جنيه المقدم بتاعي
المأذون راسه والف سيف انه ما يكتب الكتاب الا لما طارق يديني المقدم بتاعي واللي هو جنيه
لحد ما حمايا لاقي عشرين جنيه ادهالي
وبرضه مش خلاه يكتب الكتاب الا لما طارق كتبلي عليها
والهواري مصورني

ابو لهب مع طارق
تقريبا الهواري اللي مسميه كدة
احلي حاجة بقي ان انا مش كنت هرقص اوي في فرحي
لحد ما لقيت ابويا جاي عليا وغضب ربنا نازل علي وشه وبيزعقلي ادام طارق بعد كتب الكتاب
وبيقولي كدة غلط بعصبية اوي
في ايه يا بابا

ممنوع الرقص بلاش ترقصي... كدة غلط
طبعا ضربت بكلامه عرض الحائط واديتها

مش كنت حاسة انا بعمل ايه كنت بمضي علي مستقبل عمري

بيه يا اخواتي
قعدة واحد واثق من نفسه

بحبك اوي يا سيد الناس
نظرة مش اي نظرة يعني

الابيضاني المحلو اللي علي يمين طارق دة يبقي حمايا
الراجل والله عينه خضرا يا جماعه وابيضاني عن كدة
تقريبا طارق مش خد منه حاجة غير لابسة النضارة

نظرة بريئة


بحب طارق وهو بيضحك بحس طفل برئ الدنيا بتلاعبه


علامة الجودة

مش عارفة بضحك لمين

طفاسة ومش عايزة كلام تاني

المدونين من حوالينا ربنا يخليكو لينا يارب بجد كنت فرحانة اوي بوجودكم

ساعه كتب الكتاب

شايفين النظرة العين الحمرا من اولها


صور الاستويدو بس بايظة شوية لانها متصورة من موبيلي



كنت قمر يا ولاد عارفة مش في داعي تشكروا في جمالي
انا عارفة اني متواضعه



الفيديو دة واحد بتاع التورتة
والتاني بتاع رقصة السلو


بجد وحشتوني اوي

وعقبال يارب كل اللي مش لاقي نصيبه يلاقيه

عقبالكم كلكم يارب
وبعد جوازي من تؤام روحي وعمري بقول ان مش في حاجة بعيدة عن ربنا
واللي جاي اكيد احلي واجمل
طالما بنصبر

بحبك اوي يا طارق

بحبكم كلكم