بحلم....... ولا من حقي
بحلم
بحلم بكون كبير يساعني
بحلم بأرض مش عليها رذيلة
بحلم بأرض تكون طيبه
بحلم بحضن دافي يساع كل حرمان السنين وحزنها
بحلم بسما صافية زرقا مخبية وراها اشعة شمس باعتالي دفاها وبس
بحلم بسما صافية تنورلي بقمرها ليلي الضلما اللي ياما عشقته وسهرت فيه
بحلم ان صوتي يوصل
بحلم ان كلامي يوصل
بحلم ان احساسي يوصل
بحلم ان قلبي يسامح
بحلم اني ابقي عروسة والبس فستان فرح واعملي فرح واقعد في الكوشة
بحلم اني اشوف وشوش الناس مبتسمة
بحلم اني اشوف وشوش الناس من غير هم وحزن وقرف وحرمان وضيق وسخط وغضب
بحلم اني اترمي في حضن حبيبي
بحلم اني الاقي اهل يكونوا ورايا يساندوني
بحلم ببلدنا تكون احلي
بحلم ان حملة 4 مايو دي تنجح وكان نفسي مش اروح الشغل بس ولاد الكلب قدموا الامتحانات
ولازم اكون مع الطالبات بتوعي
بحلم ان صوتنا كلنا يوصل ويجلجل
بحلم ببيتي اللي انا اخترت فيه كل حاجة
بحلم بمطبخي اللي مشتاقة اوي اني اقف فيه واطبخ
بحلم بكل حيطة فيها وشبر
بحلم اني الاقي اب كنت فاكرة اني اغلي عنده من الفلوس بس اكتشفت اني مش اساوي حتي فلوس
بحلم بدنيا يحبها ناسها
بحلم لما اصحي الصبح الاقي الوطن انيق ومتزين للصباح الجديد
بحلم اني اعمل كتاب وانشر فيه كلامي اي كان اللي فيه هيبقي اي حاجة بقي
بحلم بضحكة صافية تطلع من القلب بس مش بقيت قادرة
بحلم بيك انا بحلم بيك وبأشواقي مستنيك
بحلم برقصة هروب علي انغام هادية
بحلم برقصة باليه من بتوعي زمان
بحلم اطلع علي المسرح من تاني واعبر عن احساسي بحركاتي
بحلم اخرج واتفسح واضحك
بحلم برقصة مطر ومش لازم تمطر انا همثل حركات المطر
بحلم بمغرب دافي حنين
بحلم بشروق شقي يجنن
بحلم يكون ليا وطن وارض وشعب
بحلم اني اكون مع اهلي الجداد ( اهل طارق). بجد بحبهم اوي
بحلم اني انام علي حجر حد حنين
بحلم اني احضن رضوي من تاني واعيط في حضنها
بحلم اكلم رفقة واقعد معاها من تاني
بحلم اني اندمج مع كل الناس من تاني
بحلم ومش عارفة انا بحلم ولا دة اصلا من حقي
ولا انا اصلا مش من حقي احلم
اعذروني علي غيابي بس كانت ظروف
45 Comments:
إحلمي علي قد ما تقدري
الحلم حياة
تحياتي
Thanks for your posting and have a nice weekend.
من حق كل واحد يحلم بالفردوس
بس مش من حق اى حد ان ينتظره على الأرض
حمد الله على السلامه
في حاجات من حقك جدا ومش أحلام، عادي جدا إنك تحلمي ببيتك ومطبخك وأهل زوجك
وفي حاجات من حقك تحلمي بيها لأنها مش موجودة بس مش بعيد تتحقق في يوم من الأيام
وفي حاجات بعيدة
لكن يبقى الحق في الحلم
والإيمان بأنه سيتحقق يوما ما
تحياتي للحالمة الكبيرة
الحلم مشروع للجميع
ولكي كل السبل للسعي علي تحقيقه
سمراء النيل
رجعت باحلامها
انا مستعد افضل احلم لحد اما اموت
هو فى حاجة بتصبر غيرها
سعيد اوى برجوعك
وسبحان اللة
ديفيد سانتوس
اللى كنت بدور على تعليقاتة فى المدونات
رجع من تانى مع رجوعك
حمد الله على السلامه ياانوووج
احلمى واحلمى واحلمى
ربنا يحققلك كل احلامك وتعوضى كل حزن السنين اللى فاتت
ويارب نشوفك عروسه فى الفستان الابيض
بما انى مش هعرف اجيلك
بس بجد هكون سعيده لو نزلتى الصور ان شاء الله
ربنا يكرمك يارب
مسامحك
بس اوعي تكوني ناويه تعمليها تاني
تحياتي
وأنا كمان باحلم بنفس اللي بتحلمي بيه
ربنا يرزقك كل حلم ليكي يكون كله خير وهنا وسعادة
ادعي ربنا وهو كريم جدا ومش بيرد حد ابدا
ربنا معاكي ويارب نسمع خبر زفافك قريب جدا
تحياتي
وحشتيينى اوووى اوووى
اوووووووووووووووى
وقلقت عليكي اووى اووى اووى
احلمي ... يا انجي ... احلمي من غير حدود
حتى لو كانت الحقيقه بتوجع .. احلمي
( بحلم برقصة مطر ومش لازم تمطر انا همثل حركات المطر
)
الف الف الف حمد لله على سلامتك ...
انا مش عارفه اقولك ايه ؟؟
اولا
لا مش عازراكى على كل البعد دا
قلقتينا عليكى اووووووووى اووووووووووى بجد
ثانيا بقى
اعتقد كان ممكن تيجى تقولى انا كويسه وتمشى
كلمتين يعنى يطمنونا وبس عليكى
بجد ربنا يسامحك ويا رب تكونى بخير
ثالثا بقى التعليق
مفيش اى حاجه بعيده على ربنا
ربنا يحققلك كل احلامك
"هو اه الاحلام الوطنيه منها صعيه شويه بس هنقول ايه اهو يمكن "الله اعلم برضو
اما اغلب احلامك اللى ليها علاقه بالطبيعه انتى طبعا عارفه انى بحلمها كلها
اما عن السطر الخاص جدا اللى عمرى ما هنساه فى البوست دا
"فبجد بحبك"
مش عارفه اقولك ايه غير انى كدا لما اكتب اللى كنت هكتبهعن احساسى اللى حسيته منك اليوم دا هيتقال انه مجرد رد على اللى انتى كتبتيه
بس عموما انا يكفينى انك انتى بس تبقى فاهمه وعارفه احساسى
ربنا يطمنا عليكى وارجوكى ارجوكى ارجوكى ما عدتيش تكرريها
اخر مره الغياب دا
وارجوووووووووووووووووووووكى ردى على تليفونك
ارجوووووووووووووكى
رجعت ريمه لعادتها القديمه
احلم على قد ما تقدري
لان احسن حاجة اننا نحلم عشان نسعى اننا نحقق الحلم اللي بدونه مش ممكن نقدر نعيش
احلامك كلها ان شاء الله تتقق وربنا يهديكي ويوفقك يا رب
تحياتي
الأمر يبدو كما لو كان خياليا
سمراء النيل مرة أخرى؟؟؟
حمدالله على السلااااااااامة يا جميل
:))))
وحشتينى اوى
السلام عليكم
أولا حمد لله علي السلامة
ثانيا ربنا يحقق لك كل أحلامك يارب
ياريت متغبيش تاني
لازم تحلمي و تحلمي و تحلمي و كل إن شاء الله ما تحققي أحلامك تحلمي تاني و تاني
و للعلم كلنا بنحلم معظم أحلامك و مش كلنا هنحققها
بس لازم نحلم بردوا
حمد الله على السلامة انووووووووووووووج
نورتى المدونة
بالبنسبة لااحلام
احلمى على قد ما تقدرى
احنا مش ورنا حاجة غير الاحلام
ربنا يوفقك
تحياتى
احلمى وده من حققك وحاولى تحققى احلامك
سمراء النيل
حمد لله على السلامه يا قمر
و يا رب ما تغيبى عنا تانى
طبعا من حقك تحلمى
و من حقك تحاولى تحققى حلمك
حتى لو ما اتحققش من حقك تستمتعى بفعل الحلم نفسه
لكن اوعى أحلامك تسجنك اعتبريها فترة راحة من واقع ممل و كئيب و خليها فسحتك و وقت راحتك
متخليهاش تتحول لكوابيس لما تقارنيها بالواقع
كل دى احلام يا سمرا بجد احلامك كتيرة اوى
دا العندليب كان بيحلم بحاجة واحدة انتى قولتيها بحلم بيك انا بحلم بيك
المهم ربنا يحقق ليكى كل احلامك ونورتى عالم التدوين مرة اخرى
بحلم برقصة مطر ومش لازم تمطر انا همثل حركات المطر
me toooooooo :)))))
el 7elm da 7elmnaaaaaaa w el7ob men 7a2naa..men elly yemn3 ter eno yeter fe elsamaaaaaaaa
e7lamy bera7tk it's ur right :))
ya rab tkony be5eer...wenabe eb2i t3ali 3ndi ana 3ayza ur comment 3ndi..w7shtene w enty 3ndiii
بيشوووووووي
ازيك يا واد
يعني دة رأيك
طب عن اذنك عشان عندي حلمين عايزة الحقهم
_________________________________
david santos
ياااااااااااااااااه انت فينك يا راجل
والله واحشني اوي
فينك كدة
انت لسة عايش
المهم جيد الاسبوع
محمد عبد الغفار
هو انت دايما كدة محبطني يا محمد
طب اديني اي امل
المهم انت ايه اخبارك كدة
وصدقني انا مش مستنية الفردوس اوي يعني علي الارض ولا حاجة
الله يسلمك
______________________________________
يوم جديد
ولما هي عادية ليه بحس انها احلام
يمكن عشان ظروف معينة بعيشها فبقت دي بالنسبة ليا احلام
وايه هي الحاجات اللي مش موجودة
عندي ايما بجد انها ممكن تتحقق بس مش كل الاحلام زي ما قلتو
تحياتي
محمد مفيد
جايز من وجهه نظرك ان هناك العديد من السبل لكن مش كل الناس لها نفس الحرية ونفس المطلق
المهم انت ازيك بجد
_________________________________
واحد مش فاهم حاجة
ادعي بس اني الاقي نت كتير عشان اعرف ارجع تاني
كلنا كدة عازين نحلم وهنفضل نحلم لحد ما نموت
وانا كمان بجد مبسوطة اوي برجوعي
ههههههههههههه
يا ابني لازم يرجع مايا دي عشرة عمر برضه
رحيل
الله يسلمك يا قمرة
دة رايك يعني
يارب امين يارب
وليه بس مش هتعرفي تجيلي
دة انا كنت حاطة امل عليكم ان انتو تيجو
عامة مش تقلقي لسة ربنا مش اذن انه يكون موجود
يارب
_________________________________د
مهند
هههههههههههههههه
يااااااااه دة انا هقوم اصلي ركعتين شكر ان انت سامحتني يا مهند
والله بقي مش عارفة الموضوع هيرسي علي ايه مش بقي عندي نت والحاله مش عايزة اقولك علي الاخر
صاحب المضيفة
كلنا بنحلم بنفس احلامي
يارب يسمع منك يارب
ونعم بالله
تحياتي
________________________________
فوكيرة
وانتي كمان يا بنوتة وحشاني اوي اوي اوي
سلامتك من القلق يا جميلة
معلش بقي كانت ظروف
عجبك اوي المقطع دة؟؟
الله يسلمك يا حبيبتي
ساعه غروب
مش تقولي حاجة
معلش انتي عارفة مش بحب انكد علي حد وانا زعلانة بس ربنا يهدي اللي كان السبب
المهم ردي علي كل اللي انتي قلتيه دة
ربنا يخليكي ليا يارب
________________________________
انومينوس
ههههههههههههههههه
ودي حاجة كويسة يعني ولا ايه
ياسمينا
انا بحلم اهو هو انا ورايبا ايه غيره
يارب يا قمرة يارب
_________________________
مزمز
هو ايه اللي خياليا يا واد
انا ولا الموضوع
هههههههه
الله يسلمك واحشني اوي يا مزمز
بجابيجو
هااااااااجر ايه يا بنتي فينك واحشاني اوي انتي كمان
________________________________
نو فير
وعليكم السلام ورحمة الله وبركاته
اولا الله يسلمك
ثانيا يارب والله مش بايدي يا محمد
ان شاء الله هنحلم كلنا وهتتحقق احلامنا وعلي فكرة مش شرط علي الارض
يمكن نلاقيها في مكان احسن
تامر نبيل
الله يسلمك يا تمور
المدونة منورة بيكو انتو
علي رايك احنا مش ورانا حاجة
وانت منورني
_____________________________
بوسبوس
ويارب انتي كمان تحققي كل احلامك بجد
زهرة الياسمين
الله يسلمك يا قمر
يارب انا كمان مش عايزة اغيب تاني بس ظروف بقي
حلوة اوي احلامي تسجني دي
هحاول انها بجد لا تسجني ولا تخنقني
نصيحة حلوة ربنا يجازيك خير عليها
شكرا بجد
________________________________
ذكريات
جري ايه هو كتير بجد
مش في حاجة تكتر عليا
هههههههههه
منور بيك انت المهم انت ايه اخبارك
____________________________
اوما
عجبتك دي برضه
ههههه انتي هتغني
انا الحمد لله بخير
المهم ان انتي تكوني كويسة وبخير
ان شاء الله هاجي واجي العلع من تاني بس اصبروا شوية عليا
وانتي كمان وحشتيني وكلكم واحشني اوي وانتو عندي ووحشتوني وانا عندكم
وحشانى جدا جدا جدا
وطبعا باتصل على موبيلك وكالعادة مش بتردى
ربنا حقق لك كل احلامك اللهم امين وانا كمان نفسى اشوفك تانى قوى
حلمك بريء
بين الاماني دا مشروع
بس الطريق
يا سمرا كان ممنوع
.
.
حلمك حقيقي الكل يحلم بيه
لكنه متعود انه بيخزلهم
ودايما ودايما باسال انا طب ليه
ما دام الحلم حلم مش قادر يطمنهم
.
.
سلاماتي ليكي
والتحيات
ادم المصري
حمد الله عالسلامة
ولو بطلنا نحلم نموت
ولو بطلنا نقرا بوستاتك...نمووت برضه :D
اوعي تبطلي تحلمي
اكتر حاجة بتخلي الانسان متمسك بالدنيا الأحلام
حتى لو مستحيله
السلام عليكم ورحمة الله وبركاته
حمد الله علي السلامه يا سمسمه
احلمي ولا يهمك
ان شاء الله نحقق كل احلامك قريب
سلام
ان لم يكن في الدنيا فباذن الله في الجنة وهي خير وابقى ... ومش لوحدك ... كلنا يا رب
تحياتي وسلامي لطارق ... ولما انزل مصر قريب يا ريت اشوفكم
تحياتي
This comment has been removed by the author.
لو محلمناش .. هنعيش ازاى بس ..:)
رفقة عمر
وانتي كمان والله وحشاني اوي
معلش يا رفقتي ظروف بقي كانت منعاني اني ارد علي التليفون
مش كنت عاوزة ازود همك
ان شاء الله اشوفك قريب
____________________________________
ادم المصري
حلمي برئ
موجود ومنور بالشموع
بس الطريق
يا ادم مليان دموع
طول عمرك جامد يا واد
سالماتي ليك انت
سفاح كرموز
الله يسلمك يا جامد
انت هتغني
يا سيدي الله يكرمك بس مش للدرجة دي يعني
ربنا يخليك للغلابة
____________________________________
شهراذاد
صدقيني مش هبطل حلم علي طول هتلاقيني بحلم
علي رايك انا مثلا كنت بحلم اني اكوناميرة او ملكة
وهتصدقيني لو قتلتلك اني لسة بحلم بدة وعندي امل
خمسة فضفضة
وعليكم السلام ورحمة الله وبركاته
الله يسلمك يا فضفوضة
يارب
انتي عاملة ايه؟
__________________________________
eric matt
يارب
ان شاء الله
يارب
ان شاء الله يوصل
زي المرة اللي فاتت كدة
اما نشوف
____________________________________
كاتروز
علي رايك المم انتي عاملة ايه بقي
اخبارك ايه يا ست البنات
welcome back
:)
حتى ديفيد سانتوس كمان بيهنيكي بالعودة، متغيبيش عشان خاطر الراجل الطيب ده على الأقل
:D
حلو جدا ً
ينفع احلم معاكى
و اضم صوتك لصوتى
يمكن ننول ده فى يوم
احلام جميلة
يارب تتحقق
Post a Comment
<< Home