انا مش راجل فبلاش عربية السيدات
منذ فترة ليست بالبعيدة اوي
تمنيت في لحظات كثيرة ان اكون ولد او راجل يافع
يعني نظام الخروج والدفاع عن النفس معروف انه نظام شرقي بحت يخص الرجل فقط
ولذلك تمنيت ان اكون هذا الرجل
بعدها بفترة قررت ان لا اكون رجل
بل استرجل
وبما اني رياضية ايه الي يمنع اني اكون رياضية قوية
العب الالعاب العنيفة
يكون ليا عضلات وبتاع
بس مش زي الصور اللي فوق دي
لكنني ابدا لم اسوي الرجل بالمرأة
جايز يكون في اختلاف في اكلامي
بس لو جينا بصينا للايدولوجية المنطقية الواقعه في بير المقوقعات والتي لا تنطلي علي مجتمعنا
هنلاقي ان كلامي مقنع
بقول كلام كبير
مش مهم ماهو دة الكلام اللي لو قاله اي شاب مفعوص حتي لو مش عارف يعني ايه بقي مثقف
المهم ان كلامي هيتفهم
وها انا من مكاني هذا وبعد سنوات الكفاح اعلنها بكل ارياحية وانا في كامل قوايا العقلية
ان الراجل راجل والست ست
مش هنخش في مهاترات فارغة بان تركيب جسم المرأة مختلف فسيولوجيا عن جسد الرجل
لا
بس الراجل راجل والست ست
فياريت القراء العظام مش اللي هو عضم اللحمة او الفراخ ولكنها جمع عظيم
ان لا يقولونا كلام احنا مش قلناه
معظم البرامج اللي موجودة علي التيلفزيون ونوال السعداوي وهاله سرحان
بيقولوا نعم للمساواة بين الرجل والمراة
وها انا اعلنها مرة ثانية
لا
واذا كان كل اللي هيعلق ويقول البت دي اكيد اتجننت
ان الراجل راجل والست ست
مش معني كلامي ان الست تقعد في البيت ولازم تصرف عليا تجيبلي كل الي انا عايزاه
وتهنيني
مانا ست بقي لا برضه مش دة المقصود
ومش المقصود ان الراجل يعتبر ان الست ستامه
قصدي خدامه
ولازم تغسلي رجليا بالميا والملح
ولو انه مش عيب ولا حرام ان تفعل المرأة ذلك لزوجها
لكن مش غصب
ولا ان الرجل ينظر للمرأة علي انها دونية وانها اقل منه
ولو جيت اتكلم معاكي مش هتفهميني اصلك غبية
وكلام من دة
لا برده مش دة المقصود
كل ما اطلب حقي كانثي الاقي الرد جاهز
اشمعني؟؟؟؟
علي فكرة يا سيد دي عربية السيدات
مانا عارف اشمعني انتو بتركبوا معانا
يا فندم لو سمحت دة حمام للسيدات بس
يوووووووه انتو هتقرفونا مش بتقولوا ان الراجل زي الست اشمعني في دي
مانيش خارج من هنا بقي
وردود كتير
هو مين اللي قال ان الرجل زي الست
انا عن نفسي ضد دة واكيد في غيري كدة
يبقي التعميم دة جه منين
لا انكر ان في ستات ملاعين وتعابين وعايزين الحرق
اي نعم عربية السيدات في مترو الانفاق كلها عايزة الحرق
بس اهي زنقة الستات ولا زنقة راجل
اي نعم علي راي ناس اعرفهم ان الست من دول صحتها خمسمية حصان
وتطلع المترو وكأن جالها جلطة عشان غيرها يقوملها
مع العلم ان لو ست كبيرة في عربية السيدات واقفة ولا شابة هتقوملها
ولكن العكس في باقي العربيات اللي فيها الرجاله
ودة اكبر دليل ان الست ست والراجل راجل
نيجي للشغل
تيجيلك الواحدة وهي رافعه صدرها كدة وتقولك انا هشتغل
يا سيتي ليه اهي مستورة والحمد لله
لا بوقلك ايه انا عايزة اشبع طموحي واثبت نفسي
وبعدين انا هفيد المجتمع
ومن منبري هذا اود ان اقول لتلك السيدات
اتوكسي
انا مش ضد الشغل
بس في اسباب كتيرة تستدعي للشغل
ان يكون دخل الزوج مش اد كدة
ماشي اشتغلي يا ست الكل
واحدة مطلقة او جوزها ميت او بخيل وبتصرف علي البيت من الشغل
ماشي ليكي الجنة
واحدة بتصرف علي نفسها عشان ابوها ابن ستين في سبعين
يبقي عداها العيب
واحدة شغلها مش ينفع يشتغله راجل
واللي بيحتم ان الشغل دة تكون واحدة ست
مش سكرتيرة وعلي قدر كبير من الجمال
وبمرتب مجزي
واحدة اتعلمت وبتصرف علي اهلها مش مشكلة
بالمختصر ان في اسباب كتيرة تستدعي ان تعمل المرأة
لكن ظروفها تبقي مية مية
وتقولك عايزة اثبت نفسي
والمجتمع مش هيعرف يعيش من غيري
يبقي كلا والف كلا
لا انكر ان مجالي في العمل يعتبر نفس مجال الراجل
زي اي مجال قد يكون مجال الذكور
بس بايدي اني اختار
اني اكون من انهي فئة
ان اعمل بما يرضي الله
ولو في مجال اني اشتغل مع الستات
يبقي اوكي يا مان
اتعرض عليا شغلانة بتلات الاف جنيه في الشهر
مع العلم ان دة اقل مرتب
بس نظام شغل مع رجاله ومساج وتدليك واديها تفعيص يا ريس في الراجل والست مع بعض
يبقي نو
والرد
ليه يعني هو الراجل هياكل منك حته
دة في مزز كتير ولا حد بيبصلها
وبعدين دة شغل
وانتي لازم تثبتي نفسك
اثبت نفسي ايه وبتاع ايه
مالها حلة ورق العنب اجدعها اختبار لاثبات النفس
لو جينا للبس
فحدث ولا حرج
ايه يا بنتي اللي انتي لابساه دة
اصلي شفت حته واد لابس بنطلون زي دة مش عايزة اقولك اتهوست
ودوخت علي ما لقيته
يشفي الكلاب ويضرك يا بعيدة
ليا واحدة صاحبتي مديونة للمدرب ب 200 جنيه
ولما جيت قلتلها ليه يا ست البنات مانتي بتشتغلي والاشية معدن
كانت الاجابة صاعقة
قالتلي يا بنتي انتي عارفة المكان الي بشتغل فيه بيجي فيه ناس مش اي ناس
فلازم اكون علي سنجة عشرة ودة بيخليني البس لبس هاي وفلوسي كلها رايحة علي الهدوم
وكرهت كوني قاهرية وتمنيت ان اكون اسكندرانية لاتبع كلامها بصيحة اسكندرانيه
بس تصدقوا انها فعلا فادت المجتمع
بتشتري هدوم
ويا عيني علي الفايدة
انا مش ضد الشغل لاني انا شخصيا بشتغل
بس السبب ورا الشغل
طب والله الراجل راجل والست ست
وربنا سبحانه وتعالي بيكرمنا ونبقي قوارير
واحنا اللي عايزين نبقي حديد فولاذ من بتاع احمد عز
فعشان كدة بقولها بصوت عالي
انا مش راجل
وانا لا اطالب بالمساواة
ولكن ايها الرجال ارجوكم
لا تركبوا عربية السيدات
ايها الرجال ارجوكم
لا تخبرونا باننا طالبنا بالمساواة
فانا لم افعلها او اقولها
ايها الرجال ارجوكم
لاتقسوا علي زوجاتكم او بناتكم
ايها الرجال
انا بريئة من البرامج التليفزيونية التي تطالب بالمساواة
فانا مش راجل
ولا زي الراجل
تمنيت في لحظات كثيرة ان اكون ولد او راجل يافع
يعني نظام الخروج والدفاع عن النفس معروف انه نظام شرقي بحت يخص الرجل فقط
ولذلك تمنيت ان اكون هذا الرجل
بعدها بفترة قررت ان لا اكون رجل
بل استرجل
وبما اني رياضية ايه الي يمنع اني اكون رياضية قوية
العب الالعاب العنيفة
يكون ليا عضلات وبتاع
بس مش زي الصور اللي فوق دي
لكنني ابدا لم اسوي الرجل بالمرأة
جايز يكون في اختلاف في اكلامي
بس لو جينا بصينا للايدولوجية المنطقية الواقعه في بير المقوقعات والتي لا تنطلي علي مجتمعنا
هنلاقي ان كلامي مقنع
بقول كلام كبير
مش مهم ماهو دة الكلام اللي لو قاله اي شاب مفعوص حتي لو مش عارف يعني ايه بقي مثقف
المهم ان كلامي هيتفهم
وها انا من مكاني هذا وبعد سنوات الكفاح اعلنها بكل ارياحية وانا في كامل قوايا العقلية
ان الراجل راجل والست ست
مش هنخش في مهاترات فارغة بان تركيب جسم المرأة مختلف فسيولوجيا عن جسد الرجل
لا
بس الراجل راجل والست ست
فياريت القراء العظام مش اللي هو عضم اللحمة او الفراخ ولكنها جمع عظيم
ان لا يقولونا كلام احنا مش قلناه
معظم البرامج اللي موجودة علي التيلفزيون ونوال السعداوي وهاله سرحان
بيقولوا نعم للمساواة بين الرجل والمراة
وها انا اعلنها مرة ثانية
لا
واذا كان كل اللي هيعلق ويقول البت دي اكيد اتجننت
ان الراجل راجل والست ست
مش معني كلامي ان الست تقعد في البيت ولازم تصرف عليا تجيبلي كل الي انا عايزاه
وتهنيني
مانا ست بقي لا برضه مش دة المقصود
ومش المقصود ان الراجل يعتبر ان الست ستامه
قصدي خدامه
ولازم تغسلي رجليا بالميا والملح
ولو انه مش عيب ولا حرام ان تفعل المرأة ذلك لزوجها
لكن مش غصب
ولا ان الرجل ينظر للمرأة علي انها دونية وانها اقل منه
ولو جيت اتكلم معاكي مش هتفهميني اصلك غبية
وكلام من دة
لا برده مش دة المقصود
كل ما اطلب حقي كانثي الاقي الرد جاهز
اشمعني؟؟؟؟
علي فكرة يا سيد دي عربية السيدات
مانا عارف اشمعني انتو بتركبوا معانا
يا فندم لو سمحت دة حمام للسيدات بس
يوووووووه انتو هتقرفونا مش بتقولوا ان الراجل زي الست اشمعني في دي
مانيش خارج من هنا بقي
وردود كتير
هو مين اللي قال ان الرجل زي الست
انا عن نفسي ضد دة واكيد في غيري كدة
يبقي التعميم دة جه منين
لا انكر ان في ستات ملاعين وتعابين وعايزين الحرق
اي نعم عربية السيدات في مترو الانفاق كلها عايزة الحرق
بس اهي زنقة الستات ولا زنقة راجل
اي نعم علي راي ناس اعرفهم ان الست من دول صحتها خمسمية حصان
وتطلع المترو وكأن جالها جلطة عشان غيرها يقوملها
مع العلم ان لو ست كبيرة في عربية السيدات واقفة ولا شابة هتقوملها
ولكن العكس في باقي العربيات اللي فيها الرجاله
ودة اكبر دليل ان الست ست والراجل راجل
نيجي للشغل
تيجيلك الواحدة وهي رافعه صدرها كدة وتقولك انا هشتغل
يا سيتي ليه اهي مستورة والحمد لله
لا بوقلك ايه انا عايزة اشبع طموحي واثبت نفسي
وبعدين انا هفيد المجتمع
ومن منبري هذا اود ان اقول لتلك السيدات
اتوكسي
انا مش ضد الشغل
بس في اسباب كتيرة تستدعي للشغل
ان يكون دخل الزوج مش اد كدة
ماشي اشتغلي يا ست الكل
واحدة مطلقة او جوزها ميت او بخيل وبتصرف علي البيت من الشغل
ماشي ليكي الجنة
واحدة بتصرف علي نفسها عشان ابوها ابن ستين في سبعين
يبقي عداها العيب
واحدة شغلها مش ينفع يشتغله راجل
واللي بيحتم ان الشغل دة تكون واحدة ست
مش سكرتيرة وعلي قدر كبير من الجمال
وبمرتب مجزي
واحدة اتعلمت وبتصرف علي اهلها مش مشكلة
بالمختصر ان في اسباب كتيرة تستدعي ان تعمل المرأة
لكن ظروفها تبقي مية مية
وتقولك عايزة اثبت نفسي
والمجتمع مش هيعرف يعيش من غيري
يبقي كلا والف كلا
لا انكر ان مجالي في العمل يعتبر نفس مجال الراجل
زي اي مجال قد يكون مجال الذكور
بس بايدي اني اختار
اني اكون من انهي فئة
ان اعمل بما يرضي الله
ولو في مجال اني اشتغل مع الستات
يبقي اوكي يا مان
اتعرض عليا شغلانة بتلات الاف جنيه في الشهر
مع العلم ان دة اقل مرتب
بس نظام شغل مع رجاله ومساج وتدليك واديها تفعيص يا ريس في الراجل والست مع بعض
يبقي نو
والرد
ليه يعني هو الراجل هياكل منك حته
دة في مزز كتير ولا حد بيبصلها
وبعدين دة شغل
وانتي لازم تثبتي نفسك
اثبت نفسي ايه وبتاع ايه
مالها حلة ورق العنب اجدعها اختبار لاثبات النفس
لو جينا للبس
فحدث ولا حرج
ايه يا بنتي اللي انتي لابساه دة
اصلي شفت حته واد لابس بنطلون زي دة مش عايزة اقولك اتهوست
ودوخت علي ما لقيته
يشفي الكلاب ويضرك يا بعيدة
ليا واحدة صاحبتي مديونة للمدرب ب 200 جنيه
ولما جيت قلتلها ليه يا ست البنات مانتي بتشتغلي والاشية معدن
كانت الاجابة صاعقة
قالتلي يا بنتي انتي عارفة المكان الي بشتغل فيه بيجي فيه ناس مش اي ناس
فلازم اكون علي سنجة عشرة ودة بيخليني البس لبس هاي وفلوسي كلها رايحة علي الهدوم
وكرهت كوني قاهرية وتمنيت ان اكون اسكندرانية لاتبع كلامها بصيحة اسكندرانيه
بس تصدقوا انها فعلا فادت المجتمع
بتشتري هدوم
ويا عيني علي الفايدة
انا مش ضد الشغل لاني انا شخصيا بشتغل
بس السبب ورا الشغل
طب والله الراجل راجل والست ست
وربنا سبحانه وتعالي بيكرمنا ونبقي قوارير
واحنا اللي عايزين نبقي حديد فولاذ من بتاع احمد عز
فعشان كدة بقولها بصوت عالي
انا مش راجل
وانا لا اطالب بالمساواة
ولكن ايها الرجال ارجوكم
لا تركبوا عربية السيدات
ايها الرجال ارجوكم
لا تخبرونا باننا طالبنا بالمساواة
فانا لم افعلها او اقولها
ايها الرجال ارجوكم
لاتقسوا علي زوجاتكم او بناتكم
ايها الرجال
انا بريئة من البرامج التليفزيونية التي تطالب بالمساواة
فانا مش راجل
ولا زي الراجل
Labels: انسانيات
posted by انا اللي كاتباها هو في غيري يعني at 6:21 PM
123 Comments:
برافو عليكى فاكرة لما اتكلمنا فى الموضوع دة وقلتلك نفسى اتكلم فيه انتى اتكلمتى فيه بطريقه رائعه
انا كمان معاكى ان مافيش حاجه اسمها مسااواه بالعكس انا شايفه المراه فى الدين الاسلامى تسبق الرجل فى امور كتير يكفى ان الرجل يعطيها المهر يكفى ان الرجل عليه تاسيس منزل الزوجيه يكفى انها لها اجر الرضاعه يعنى ترضع ابنها وكمان زوجها يعطيها اجر على الرضاعه
لو تريد المساوا ينفع امراه تحرس مصنع او بنك او هيئه سياسيه
تنفع المراه تكون فى الصفوف الاولى عند الحروب
حاجات كتير ماينفعشى فيها مساواوه يبقى ياريت يسكتوا بقى ويريحونا من الكلام اللى مالوش معنى دة
عودة قويه وجميله كعادة سمراء الجميله
السلام عليكم
تعيش انجي يا تعيش يا تعيش
متفق معاكي بالظبط
في كل حرف وكل كلمة
كل جملة قلتيها بالظبط نفسي اقولها
بوستك دا يتعمل كتاب
انا معاكي
وتحيا المساواة المسئوله
مش المساواة الهبله
تحياتي
اول مره اعلق هنا
وادى واحده عقلت ربنا يهدى الباقى ههههههههههههههههههههههه
عندك حق مفيش حاجه اسمها مساواة الست ربنا خلقها لكي تكون انسان رقيق ناعم صدر حنين يعني بس موضوع الشغل انا مختلفه معاكي فيه الست بتشتغل علشان احساسها باستقلالها المادي حتي لو كان جوزها مهنيها انتي علشان بتشتغلي بتقولي كدة جربي اقعدي في البيت وانتي تعرفي
اكيد الست ست و الراجل راجل ماحدش قال غير كده و لو الست و الراجل زى بعض ماكانش حد دور على التانى و لا اتمناه و لا حبه و لا فكر فيه ليل و نهار ..
ومافيش ست فى الدنيا عايزة تبقى راجل ولا راجل عايز يبقى ست .. لكن ايه الى دخل احمد فى سيد احمد .. وايه العيب فى ان الست تشتغل علشان تثبت نفسها و تحقق كيانها مش بس علشان تكسب فلوس ..
ليه اى انسان فى الدنيا يدى لنفسه الحق انه يحدد اولوليات انسان تانى غير نفسه .. البشر مش زى بعض ربنا خلقنا مختلفين فى الطباع و الميول و الذكاء و القوة .. و كمان التربية و البيئة و التعليم و التجارب الشخصية كل ده بيأثر فى تكوين كل انسان و بيخليه متفرد و مميز ..
المساواه المطلوبه هى المساواه فى الحريه .. حرية التفكير و اتخاذ القرار و التنفيذ و تحمل مسئولية الفعل ..
رفقة عمر
ازيك يا رفقتي وحشاني اوي والله
انتي بتقولي كدة وانا بقول كدة بس الظاهر ان في ناس مش هيعجبها كلامي
ههههههههه
ياريت فعلا يسكتوا ويريحونا زي ما قلتي
انتي اللي جميلة
_________________________________
مهند
ههههههههه
افضل انت انفخ فيا كدة لحد ما اروح في داهية
ياريت نفهم بجد او نقول انه صح
بس ربنا يسترها بقي
ياعم لا كتاب ولا حاجة
مانت عارفني متواضعه
ههههههههه
بطوط حبوب
اولا النيك نيم بتاعك تحفة
وان شاء الله مش تبقي المرة الاخيرة
هههههههههههه
طول عمري عقلة بس انت اللش مش واخد بالك
____________________________________
الساحرة
كويس علي الاقل انك متفقة معايا في نقطة
بس موضوع الشغل ان الست تحس باستقلالها المادي دي برضه انا مش مؤمنة بيها
انا فعلا زي ما قلتي بشتغل
وصدقيني انا جربت اقعد في البيت
ودة لاني بصرف علي نفسي
ووالدي مش مهنيني
لكن صدقيني عشان انا بشتغل فانا تعبت ونفسي ارتاح
وبعدين لو جوزها انسان بيراعي ربنا ومهنيها يقدر يديها مصروف كل شهر كانها بتشتغل
صدقيني اللي كتبته دة من واقع حاجات كتير انا اتعرضت ليها
تسلم ايدك ياانوج على الكلام الجميل انا بجد معاكى فى اكلام ده وفعلا الواحده لو مش محتاجه الشغل يبقى اكرم لها بيتها مملكتها الى وهى فيه بتحقق كل الى تتمناه من مساواه فهى ملكه للبيت واعتقد انها لن تجد مثل هذا اللقب الرائع فى اى مكان اخر ولكن ارجو من كل رجل ان يقدر هذا لكى لاتختل الموازين اكثر من هذا لان تمرد المراه لاياتى الا من ظلم الرجل .... وانا بجد مبسوطه جدا انى شوفتك ياسكره سلمى
koko
مع احترامي لكلامك يا كوكو
انتي بتقولي ان مش في حد قال كدة
بس عايزة اقولك ان في غيرك كتيييير اوي بيقول غير كدة
يا حبيبه قلبي انا مش قلت ان فيه عيب
بس السبب ورا الشغل اللي في تظري هو اللي غلط
يعني مش ايه تثبت نفسها
يعني ايه تسيب عيالها ومش ليهم اكل او الشقة مش اد كدة عشان هي عندها شغل
او جاية تعبانة من شغلها
كيانها واثبات نفسها كما حدده الشرع في بيتها ومع اولادها وزوجها
لكن كشغل كشغل بس عشان تحس انها موجودة
انا عن نفسي مش متفقة مع الفكرة دي
وبعدين انا مش اديت لنفسي اي حق اني احدد اوليات غيري
انا قلت كلام من وجهه نظري انا
في منهم هيتفق معايا وفي غيري هيخالفني
وسواء دة او دة مش عندي مشكلة
بس لتاني مرة انا مش اديت لنفسي الحق اني احدد اولويات غيري
كل واحد حسب ظروفه وبيتئه زي مانتي قلتي
بس الفكرة اني مؤمنة ان ان الشغل ليه خسارات كتير غير الماديات
انا حرة في حريتي وتفكيري واتخاذ القرار اللي يناسبني
وكل واحد ادري من غيره في تحمل المسئولية
بس مسئولية ايه
مسئولية
مين اللي يحددها
ظروفنا مجتمعنا
الست يا كوكو عايزة تبقي مأذون وقاضي
ليه
لمجرد انها مناصب منذ قديم الازل اختص بها الرجل
هي دي الفكرة ان اي شئ يقوم بيه الرجل يبقي لازم اعمل زيه
ودة مش صح
انتي منوراني اووووي
وابقي تعالي علي طول
_______________________________________
سلمي
تسلميلي انتي يا حبيبه قلبي يا رب
عندك في اللي انتي قلتيه
وربنا يصبرنا
لحد ما نلاقي الراحة اللي بندور عليها
وانا والله كنت مبسوطة اوي
ابقي خشي اونلاين بقي عشان ابعتلك الصور
طب تصدقي يقه اني اول مرة ازورك واقوم ايه خير الله ما اجعله خير الاقي رأيك هو نفسه الي نفسي اصرخ واقوله وتصدقي كمان خير الله ما اجعله خير اني قال ايه عمله مدونة جديدة كده وكنت دخله اعزمك قوم ايه الاقي كلامك وهم وهم وربنا خلاني اقراه كله لا وايه انبهر كده كل شوية بالافكار الفولاذية الي مبتخلصش عموما انا هكمل قرياة واتمني انك تدخلي تزوريني كده زيارة خاطفة وبريئة وتطلي علي بوست بعنوان سأكمل الطريق مشيا يعني بيحاول يعبر عن فكرتك بس طبعا بأسلوب متواضع ميجيش حاجة جنب كلامك الي بعتبره افكار ناس كتير بس انتي عرفتي تلملمية كده وتطيه في كام فكرة جمدة انا متشوقة وهفضل مستنية انك تدخلي وتعلقي عندي بجد والله
http://enahaelhaya.blogspot.com/
برغم اني مستغرب شوية ان في بنت بتقول كده
بس مبسوط جداااا بصراحة
وتعليق رفقة كمان والله حاجة تشرح القلب
يعني لما امرأة تتكلم وتنكر على اصحاب الاعلام اللي وجعو دماغنا بالمساواه
ده أكبر دليل على ان الناس دي بتقول كلام فارغ وملوش اي لازمة ووجع دماغ ع الفاضي
اهو يا جدعان الحمد لله في بنات مش عايزة مساواة
:D
والله يا انجي لو الناس دي اتكلمت ومشيت بما يرضي الله هيعرفو اد ايه الست دي ليها كيانها واحترامها وهيعرفو اد ايه الاسلام عزز المرأة واداها حقوق كتير جدا
بس نقول ايه بئا للتقليد الأعمى
كله بسبب الأفعى الكبيرة ربنا يحرقها
وتحيتي ليكي والله انا فرحان بكلامك ده جدا
وتعليق رفقة كمان ريح قلبي اوي
ربنا يكرمكم ويعزكم ويحفظكم من كل سوء
tool 3omry ba2ol elkalam da wALLAHi :)
elset lazem ta5od kol 7o2o2ha bs elmohem tefokaha b2a mel kalam ELFAKES beta3 elmosawah da
ماواة ايه يابنتي؟
واخنا نتساوي ليه اصلا اذا كنا احنا كده احسن بكتيييييييييير
اهي المساواه مجابتش غير البهدله اهو خدنا منها ايه احنا تاني؟
طب ياريت والله الراجل يتساوى بالست
مساواة إيه اللي إنتي بتتكلمي عنها عشان أفهم؟
إيه التسطيح دا يا سمرا؟
إنتي بس تلاقيكي متضايقة ف الشغل حبتين
لو فيه راجل يصرف يبقي مفيش داعي للشغل!!!
أنا كمان عايز أرتاح ف اليبت .. بس مش عايز حد يصرف علي ويزلني
الراجل راجل والست ست .. موافق
تحياتي
أنا معاكي قلبا و قالبا يا أوختشي
والله والله .. اديني اهو باشتغل و طالع عين اللي جابوني
بس مش عشان عايزة اثبت نفسي،ولا عشان برستيجي
ولا عشان اضيع وقت عشان قعدة البيت بتزهق و لا عشان هابقى ست فارغة لما اقعد في البيت
بالعكس.. ابسلوتلي
انا نفسي اقعد في البيت،
نفسي ما اكونش زي التور المربوط في ساقية منهكة دايما، باحارب الوقت عشان اقوم بواجباتي في البيت وفي الشغل و احلل شغلي و ارضي جوزي و ابني
بيصعب عليا الصبح في البرد دا اني اخد ابني من فرشته و هو دفيان و اطلعه عشان اوديه عند الحضانة اللي بيقعد فيها و هو يادوب سنتين و شوية
بيصعب عليا اني ابقى راجعة مش قادرة اقف بس لازم اقوم اعمل الأكل و أروق البيت
الله يسامح اللي نادوا بالمساواة
إذا ربنا في كتابه العظيم قال "وليس الذكر كالأنثى" هم بيخالفوا خلقة ربنا ليه
و ياريت حتى الرجالة دلوقت بيفهموا ان مش كل الستات بتنادي بالمساواة
و اني باشتغل عشان اساعد في اننا نعيش حياة كريمة
يبقى من العدل ان يتشال من عليا شوية من حمل البيت
يبقى من حقي اني لما اكون تعبانة من الشغل اقول انا تعبانة، بدون ما المجتمع يجبرني اني ما انطقش، ليه
مش انتوا اللي طلبتوا المساواة
لاااااا ما طلبناهاش
الله يسامح هدى شعراوي و قاسم امين و من والاهم
قال تحرير المرأة قال
و هو في اجمل من تحرير و تكريم الإسلام لينا
"و قرن في بيوتكن"
عشان ما نتبهدلش
عشان ما نتعبش
عشان ما ننهانش
عشان ما نتعرضش لمواقف تحرش و نرجع نعيط و عندنا اكتئاب و أمراض نفسية
زمان كنت باقول نفسي اتجوز و اقعد في البيت
اديني اتجوزت
انا بجد نفسي اقعد في البيت
و لما اقعد، مش هاكون سيدة المسيأة.. اللي مش بيشغلها غير الطبخ و الكنس و العيال و اتخن و ابقى دبدوبة التخينة
بالعكس، انا لما اقعد هاهتم بنفسي اكتر، و هافضل اثقف نفسي
هاهتم ببيتي و بإبني..
هاكون أسعد و هاسعد اللي حواليا..
بس لمااقعد في البيت
سامحيني.. انا طولت في ردي..
بس خلاصة القول
احنا مش زي الرجالة ولا موافقين على المساواة
بس اللي يسمع
على فكرة دي اول زيارة ليا للمدونة
بس اكيد هاتشوفيني هنا كتير لأن بجد اسلوبك رائع
تحياتي
:)
مبدئيا و بعيدا عن النظريات اللولبيه و الذى منه
ندخل فى الموضوع انا واحده لا ينطبق عليها اى شرط من اللى قلتى عليهم هلشان تشتغل بس لازم اشتغل و مش ممكن افكر فى غير كده
لدرجة انى ساعات بنزل اشتغل من قبل ما اتخرج
و مش مقتنعه ان المجتمع هيحصله حاجه من غيرى
بل اكيد هيستريح منى لكن هشتغل يعنى هشتغل هشتغل يعنى هشتغغغغغغغل
هههههههههه
بالنسبه بقى لعربة السيدات نقلوها ليه ما كنا مستريحين
دلوقتى مش موجود حاجه اسمها عربة سيدات
بعد الأحتلال اللى حصل
و يعنى جت على دى
الحمد لله هتنضم لأخواتها
السلام عليكم ورحمة الله وبركاته
هههههه
شكله كدا البوست بتاع اشرف ماثر فيكي علي الآخر
قوليلي بس مين الرزل اللي بيعكنن عليكي ويركب عربية الستات اللي في المترو ؟؟؟
عموما يا ست الستات انا معاكي الراجل راجل ولو له دنب والست ست حتي لو طلعلها شنب
واللي يقول كلام غير كده يبقي ماعندوش حق
انا معاكي طبعا وبأيدك 100% كل كلمه قولتيها والله بجد انا كتير بقولها لكل الناس اللي اعرفهم
دي اول زيارة وبم ان حصل بين افكارنا توافق الي هذة الدرجه اعدك بتكرار الزيارة لاقرأ بعض من افكاري علي لسان غيري
تحياتي
انجى
بجد انا معاكى فى كل كلمة قولتيها
بجد احسنتى يا بنت فى كل كلامك
عمرنا مكنا فى حالة مساواة واللى بيطالبوا فبيكون على اساس فاشل
او عن ضغوط نفسيه وعقد دفينه
(زى نوال السعداوى )
لكن احنا فعلامش فى حالة مساواة وانا مش مطلوب منى انى اوافق على ده
حتى الشغل ورغم انى اعمل فانا برفضه
قولتى وافضتى ما فى قلبى يا انجى بجد
احييكى واطالب معاكى من كل راجل
متقولش مش دى المساواة اللى بتطالبوا بيها
لاننا مش بنطالب بيها بالمفهوم -المتخلف- اللى اتفهم
احتراماتى وتجياتى
وقبلاتى
السلام عليكم ورحمة الله وبركاته
...........................
بناء على أتفاقية الصلح الى تمت بين الدولتين دولة اى حاجة بقى وزعمتها المبجلة طويل العمر يطول عمره يزهزه عصره انجى هانم ودولة الساعة ستة وزعمها العبد لله رجعنا العلاقات الدولية التدونية بين المدونتين
هههههههههههه
انجى هانم انا موفقك على كل كلمة قلتيها الراجل راجل والست ست
وعجبنى اوى الجزء ده (بس لو جينا بصينا للايدولوجية المنطقية الواقعه في بير المقوقعات والتي لا تنطلي علي مجتمعنا
هنلاقي ان كلامي مقنع)
وفعلا الكلام مقنع
وتحيا مصر يا عم
ههههههههههه
تحياتى
تسمحيلي أضم صوتي لصوتك
عشان الموضوع دة غايظنى فى المواصلات والشوارع والاماكن العامة
اسمع كلام من نوعية
امال مساواة ايه اللى بتطالبوا بيها
اقعدوا فى البيت احسن لكوا
حد قالهم اننا مش عايزين نقعد فى البيت
دة حتى القعدة حلوة وزى الفل
واحنا قاعدينها طبيعى يعنى
ياانوج انتى زعلانة من الشغل عشان انتى فيه ياحبيبتى لما تقعدى فى البيت هيبقى عندك حنين كبير للشغل
هو صحيح القعدة حلوة وانتى جوة بيتك فى مملكتك وجوزك مستتك وبيجيبلك اللى انتى عايزاه وانتى زى الفل
بس مين ياحبيبتى للى بيقعد مراته فى البيت اليومين دول
اللى مابيشتغلوش بيعنسوا ياحبيبتى
والشاب من دول بيسأل قبل مايخطب بتشتغل والا لا عشان تساعد يعنى وكدة
والكلام اللى بيقولوه فى كل حتة دة فنجرة بوء عشان هما اصلا اللى ماصدقوا ان واحدة هبلة طلعت قالت مساواة ومسكوا فى الكلمة
لكن انا من موقعى هذا أؤكد انا مش راجل وبرفض المساواة
على فكرة فرحت جدا بردك انا مش هغيب عن هنا ابدا وانتى كمان ماتغيبيش عن هناك ماشى ؟؟
معاكى فى كل كلمة
الراجل راجل والست ست
والناس اللى بيطالبوا بالمساواة دول مش حاسين اصلا بحاجة وعندهم كل حاجة كل واحدة برة بيتها طول اليوم وعندها الشغالة والسفرجى والدادة انا مش فاهمة هما عايزين ايه يعنى
ده بعيد عند تخلف
انا بنت وبفتخر انى بنت ودورى الأساسى جوة بيتى والشغل مكمل له
الراجل برضة هو الراجل مهما حصل
ومش معنى انى بشتغل يبقى انا كده عملت راسى براس الرجالة لكن كل واحد له مجالة وكل واحد بيحب يثبت نفسه فى مجالة ومكانة واى واحدة بتحب ثتبت نفسها مع أعتبار ان ده ما يجيش على حساب بيتها
تحياتى لكى وللبوست الرائع
السلام عليكم
أنا أولا مقتنع تماما أن الرجل رجل و الست ست لأنه ربنا خلقنا مختلفين لو كان الرجل زي الست كان ربنا خلقنا كلنا ستات أو كلنا رجالة قادر هو علي كل شئ
و بعدين أنا نفسي أعرف مين العبقري اللي قال عربيات السيدات في المترو تبقي في النص
:)
ثانيا سعيد علشان كل أما أروح مدونة الأقيكي معلقة هناك
حمد لله علي السلامة
:)
معلش تكملة للتعليق
معني إننا مختلفين كل واحد له دوره مش مين فوق و مين تحت
ده للإيضاح فقط
السسسسسلام عليكم
هلا سمراء معلش اعتزر عن سبب غيابى الطويل سبب حادث بسيط نتج عنو كسر فى الفخد بس يلا شريحه وخلصنا المهم يا ستى
موضصوع جميل الست الراجل ده بس بجد لو بقيتى زى الى فوق هتخيبى رسمى وهتعنزى على طول وربنا
انا عن نفسى بعتر المرأه انسانه رقيقه تملك اجمل واحسن مشاعر واطي واكبر قلب المفروض انها تنمى الى ربنا كرمها بيه مش تفكر تبقا زيها زى الراجل هيه
قلب وروح وحنان جمال المرأه يكمن فى رقتها وانوستها مش فى انها تعمل زيها زى الراجاله انا مش ضد المرأه ولا حاجه انا بحترم المرأه بس يزودوها شويه مش عارف فى كل حاجه
بجد
بجد
بجد
تسلم الأيادي على الكلام الجامد ده
الواحد مش ضد شغل المرأة لكن في حدود وظروف معينة زي ما قلتي
وفعلا الراجل راجل والست ست
تسلمي مرة أخرى
دمت بود
ليكى تاج عندى روحى خديه
تعرفي ان الصر دي بشوفها في برامج المصارعه باستغرب جدا
ليه واحده ترضي لنفسها تكون لا راجل و لا ستظ
ست بعضلات مفتوله بالصوره دي مش ممكن تكون طبيعيه ابدا
و لو حاولت تعيش مع زوج استحاله حياتها تكون عاديه
دي محتاجه زوج مصارع مثلها او اقوي منها و الا
وال
و الا هينضرب بالجزمه علي ام راسه منها اذا خالف اي قرار تتخذه الست حرمه
او الست جوزه بمعني اصدق و اصح
بصي انا علقت مرة ، بس حسيتها مش كفاية اصلي بيني وبينك كل شوية ادخل عندك واعد اقرا الكلام تاني وايه كمان قريت كل الكلام الي انتي كتباه كله من الاول وبرغم اني ورايا امتحانات الماجستير الا اني اصلا بيني ادمنت ولا ايه انتي غريبة غريبة وعليكي كلام معرفش بيتقال اذاي عرفة خلتيني بدور علي اي صورة ليكي في المدونات بتاعت الناس الي انتي متكلمة عليهم تعرفي نفسي في ايه ،،، بجد نفسي اقابلك واشوفك واخدك بالحضن بجد معرفش نفسي بده ،،،،،،، ده غير اني حسة اني عرفاكي مش شخصيا بس من كلامك عن حلوان وعن تربية رياضية وعن شيماء بتاعت الاتحاد وكده لقيت نفسي عرفة الحكايات دي وكنت معصراها مع اني في تجارة بس اكمني يعني كنت متابعة الاخبار بتاعت الناس الغريبة دي الي بتعمل حجات غريبة كده من اصحابي وكده ان كانوا في تربية رياضية ولا حتي في ادارة الجامعة يلا ربنا يوفقك جمدة انتي جمدة وعوزة بجد اي فرصة ممكن تكوني فيها تقوليلي عشان اتعرف بيكي
الله ينور عليكي يا بنتي... انا بنت علي فكرة علشان الناس ماتفهمش غلط والله العظيم بنت
وكنت متبنية فكرة العمل واني لازم اشتغل خصوصا اني في كلية هندسة يعني بنتذل علي بال ما ناخد الشهادة فلازم اطلعه علي المجتمع بقي بالشقي ده اللي شقيته بس والله يا سمرا قعدت افكرلقيتني هموت واجيب 5 عيال وهموت وافضل انا واللي هتجوزه باذن الله زي اول يوم نحب بعض فيه وقلت يابت اختاري لقيتها حسبة سهلة والاختيار مش محتاج تفكير
بس ايدك علي واحد يكون متريش علشان الحسبة ماتبوظش
انا قريت في مجلة علمية اسمها علمين العوم والنبي يا احمد
ان الجنس ناعم ناااااااااعم والجنس خشن خشن
ههههههههه
ههههههههههههههه
البوست ده يجنن
وانا من موقعى هذا
من تحت البطانية قبل مقوم انزل شغلى ( مش هتوكس )
اعلنها
ان الراجل راجل والست ست
.......
عجبتنى اوى الفقرة دى
اثبت نفسي ايه وبتاع ايه
مالها حلة ورق العنب اجدعها اختبار لاثبات النفس
.......
بجد دمك زى السكر
وصباح الخير يا مصر
ههههههههههه
الله اكبر
وشهد شاهد من اهلها
بالروح بالدم نفديكى يا انجى
كلامك حلو وعجبني
المهم ان الرجال يفهموا صح مش يفكروا ان انت ضد النساء
او ان المراة اللي بتطالب بحقوق يعني عاوزة تبقى زي الراجل
في حقوق اللي هي غير متعلقة بالمساواة هدفها تحسين وضع المراة لا غير
تحياتي
الله اكبر
يسلم فومك يا استاذ
نفيساااا
اية الحلاوة دي
الموضوع منتهي طبعا مفيش حاجة اسمها الراجل زي الست الا امام الله
اما في الدنيا
فالمرأة
لا تؤتي الا بالحنية و حسن المعاملة و الحب
مش عارف مين اللي قال الجملة دي
" لا تحاول ان تفهم المرأة و لكن حاول ان تحبها"
وفعلا كل ما تحب الست كل ما تكون اقدر علي استيعابها
الله يرحمك يا قاسم أمين
لو كان يعرف اننا هنتبهدل البهدلة دي بسبب مدعيات المساواة بين الرجل والمرأة، كان جمع كل الستات اللي يعرفهم في دنيتهم وحطهم في قمقم وقفل عليهم ورماهم بعيييييييييييييييد عشان يبعدوا عن الفساد اللي احنا فيه دة
ولو كان عايش دلوقتي كان زمانه بيهتف بوأد الإناث عشان يتخلص من المظاهر السلبية للمساواة البتنجانية دي..وأنا كنت أول واحدة أهتف وراه بالقضاء على مثل هذه العينة من النساء
ربنا يتولانا برحمته الواسعة
نوني
بالنيابه عنك وعن كل القهراويه
ومن قلب اسكندريه بقولك أحيييييييييييييه
عشان متزعليش واحنا واحد يعنى
واحيه على اى واحده عايزه تشتغل وتتمرمط وسط الرجاله والشغل والقرف
بحترم الست اللى تحترم انوثتها وكونها امرأه دا حلو اوى
واكبر تحقيق للذات
سيبك انتى وحشتينى اوى والله
لأول مرة أجد رأي أنثوي متعقل متفهم غير متعصب لجنسة بمنتهى الصراحه أنا منبهر بالكلام اللي مكتوب في البوست دا و أرجو أن تروجي لهذه الأفكار التي من شأنها تنوير العقول التي لا ترى سوى المطالبة بحقوق لا أعلم كيف أصبحت حقوقاً و مساواة ليس لها وجود إلا في عقولهم الخربة ... أنا أرى أن المرأة هي بالفعل نصف المجتمع وهي بالفعل الركيزة الأساسية لقيام مجتمع ناجح متقدم ولكن هذا لا يعني أن نجد المرأة على سبيل المثال (سواق تاكسي) أو (نجار مسلح ) أنا أرى أن المساواة هي أن تتمكن المرأه من الحصول على حقوقها التي يوجبها الشرع والقانون مثلما يستطيع الرجل فمثلاً لها الحق في التعليم في الأنتخاب في أن تعيش حياة كريمة في أن تشعر بالأمان و الحماية سواء في المنزل أو في الشارع أو في العمل ، المرأة هي أساس وجود الرجل والعكس فكلاً منهم له حقوق وواجبات ودور يقوم به في الحياه إقرار كلاً منهم بذلك يؤدي إلى وجود المساواه الفعليه فالمساواه لا تعني أبدا أن تصبح المرأه رجلا أو أن يتبدل ناموس الكون............. وأخيراً أتمنى أن يكثر الله من أمثالك و أتمنى أن نتواصل مجدداً و أن تزوري مدونتي .
تحياتي لك ً
الله ينور عليكي
الكلام ده.....زي الالماظ
ربنا يهدي الباقيين
:)
Dear Samraa,
This is the first time ever I come across any of your posts. I must say that I liked it very much.
CONGRATULATIONS.
A great post and a very deep understanding of the nature of women. You are right in everything you have said, and your post should be an essay that would later be is a part of a book on the subject.
You are also right when you said in one of your comments that the husband should have give his wife a monthly stipend that is eqauly to what she could have made on the job (if Allah has enabled him to do so), so as to give her the fiancial independance she seeks, if the man is nice to his wife, understanding, caring and loving, the wife should feel no difference staying at home and not working.
Thanks again for the wonderful post.
Akis
طيب والله كويس ان فيه ستات في البلد لسا بعقلها وبتفهم احسن الواحد كان خلاص فقد الامل انه يلقي ست في البلد ده بمعني ست مش ست الستات بتاعت ماجد المصري.وربنامايوريكي شغل البنات الي مش جايا تشتغل ولكن جايا النادي وربنا يرحمنا منهم ومن عمايلهم.
CONGRATULATIONS EGYPYO!!!!!!!!!!
الراجل راجل والست ست بس فى راجل ميستحخقهاش وست متستحقهاش
وعموما احنا الرجاله محترمين فى المترو بنقوم وميهمناش لكن الستات بصراحه هما الى كرهونى فى المترو
هو دا الكلام
فعلا..انتي بجد جبتي خلاصة الى جوايا
الراجل راجل..والست تفخر انها ست
:)
لازم نشوف الفرق دا ونحبه..مش نعانده
تحياتي ياقمر
عزيزتى
هو ده الكلام الصح
ومعاكى الرجل راجل والست ست
بس زعلان منك لانك مشس بتقولى انك بتطلبى بالمساواة
المساواة موجودة بس كل كائن ليه طبيعته ودوره فى الدنيا دى
والرجل مش بيحاول ياخد دور المراه ومميزاتها والتكريم اللى ربنا اكرمها بيه
يبقا الست لازم ترضى بدورها ومتبصش للتكريم اللى ربنا كرم الرجل بيه
ومرة سالت واحده انتى تقدرى تقدمى للرجل اللى بيقدمة للست
من اول الزواج والمهر وانه يصرف عليها وهى ما تشتغلش وهو يطلع عينيه
الرجل بيقيبل كده بحب تستحمل واحده تدى كل ده تقبل بكده
لو لقيتى عروسة تدى تقدر تقول بكل دور الرجل وتستحمل قوليلى
سلام
انوج
ازيك اخبارك؟
انا معاكى فعلا فى موضوع الشغل ده وخصوصا بعد الجواز
تعرفى رغم انى متمرده جدا ونفسى اشتغل واحقق ذاتى
لكن دايما اقول انى لو حصل واتجوزت مش ناويه اشتغل
بس انا مطمنه انى هقضى حياتى شغل
ههههههههههههه
تحياتى
السلام عليكم
صحيح اللى قولتيه
الراجل راجل و الست ست
و الصور ه التى بأعلى التدوينه صوره تدعو للرعب و الاشمئزار فى نفس الوقت
ربنا يرحمنا
يرحم الست و يرحم الراجل علشان متفهمش غلط
تحياتى ابو مفراح
هاهاهاها
دا انتو حتشوفو ايام
ابوست دا انت ممكن تتقطعى عليه من جمعيات و اتحادات النسوة العرب
يا بت لمي نفسك
:)
والله شكلك طلعان عينك في الشغل وجاية تطلعيهم علينا
اية يا انوج عاملة اية يا بنتي
واخبارك اية؟
بالاسكندرانى هقولك : ايوووووه ع الجمال
داحنا نشيلوكى فوق راسنا بعد الكلام العسل ده
بجد جيبتى من الاخر يا انوج
وانا معاكى فى كل كلمة قلتيها
فعلا انجزتى واوجزتى وكنتى صادقة مع نفسك الى اقصى درجة
مش زى الستات الغريبة اللى بتطلعلنا فى التلفزيون والعقد والكلاكيع النفسية بتنط من عنيهم
وبيبقى باين قوى انهم بيضحكوا على نفسهم
تحياتى
شيماء بشرى
ازيك يا انجى
يسلم بقك
احلى سلام على احلى بلوج دخل مزاجي على طول و ان شاء الله يستمر
اقولك على سر
انا بعد زواجي و سفري مع زوجي تقريباً انقطعت علاقتي بالتواصل مع الشعب المصري من مدة طويلة
حوالي 10 سنوات
و طبعا الغربة و لان فيها بتطلع كل البلاوي المستخبيه من اخلاق سيئة و نذاله متاصلة خليتني ابعد اكثر و اكثر
و جات كملت عليا
الجرايد و المجلات و الافلام الهابطة
لحد ما اتعقدت خالص و قلت خلاص بيني و بين المصريين مقاطعة ماعدا الاهل و الاحبه طالما الدنيا خابت كدة وما بقتش زي زمان ( و على فكرة انا مش كبيرة اوي و سناني واقعة )
ولكن ابشرك المدونات رجعت لي الثقة ان شباب مصر لسه بخير
والحمد لله وانه لم يتاثر بشكل كبير بالخيبة و الهبل و التقليد الاعمى و النعرات المغرضه !!
ومدونتك دي اكدت لي الفكرة دي فاشكرك و احيييك و لك مني كل التقدير و الاحترام
اختك في الملاعب
متربية آه ,, معقده لا
ازيك
happy valentine ya annnnnnnog
ante wa habibk
ههههههههههه
جميل اوي ياانوج
عن نفسي أتفق معكي في موضوع المترو فقط لكن من حيث العمل فأختلف معكي يا أنووج لاني بؤمن بحتميه المساواه حتي و لو كان الواقع بيقول أن فيه وظائف تسيطر عليها المرأه أكثر من الرجل لكن الوظيفه بتاعه التفعيص دي معاكي حق ترفضيها بس برضه مش معني كده أن الورق العنب أفيد
:)
لازم برضه الست يكون ليها كيانها بغض النظر عن دخل المحروس
تحياتي و بلاش تبقي تخوفينا بالصور اللي فوق
:)
الراجل راجل و الست ست
جميل قوي يا سمراء الكلام ده
انا طبعا ضد الاختلاط في اي مكان غير العمل و الدراسة لو أمكن .. يعني اي فرصة يمكن فيها الفصل بين القوات الاثوية و الذكورية .. فليكن
لكن فيه حاجات مش طبيعية انه المرأة لما بنحاول نكرمها زي ما كرمها ديننا الاسلام في امور تلاقيها صرخت انا مضطهدة و عايزة حقي و عايزة اتساوى بالراجل
وفي الحالة دي مع احترامي الشديد للجنس اللطيف .. تشرب بقى
هههههههههه
خالص تحياتي
احمد
اخبار طارق ايه هههههه
Dear Coleague,
I liked what U wrote..and How U explained Ur Opinion.wish 2 read more and more from U.
بس لو جينا بصينا للايدولوجية المنطقية الواقعه في بير المقوقعات
نبص عليها م انهى زاويه
بس فعلا عندك حق الراجل راجل والست ست
بس تعملى ايه ف بعض الرجاله دماغهم فيها ضفادع
مش بيفهموها كده
بيفهمومها الراجل راجل والست ست ع ماتفرج
تحياتى
عندك حق فى كل كلمه
خصوصا كلمة
اتوكسى
يا سيدى يا سيدى
ادى الكلام ولا بلاش
انا مقتنعة جدا بكلامك ...مفيش حاجة اسمها الست زى الراجل..دى نكتة اتمة..ما دام الاتنيين زى بعض ما كانوا قالوا عالاتنيين ستات ولا كانوا سموا الاتنيين رجالة..احنا مختلفين من اول التسمية للشكل و التركيب و طريقة التفكير و طريقة التعبير و كل حاجة و زى ما بيقولوا كل ميسر لما خلق له.......و دا مش معناه ان حد احسن من حد..بالعكس الاتنيين بيكملوا بعض عشان رسالة ربنا خلقنا علشانها..هما مايقدروش يعيشوا من غير ام او حبيبة او اخت ولا اى بنت تقدر تعيش من غير جوزها او ابوها او اخوها...و كل واحد ليه حقوق لازم ياخدها و عليه واجبات لازم يعملها
فكرتينى بكتاب جميل اسمه ..الرجال من الزهرة و النساء من المريخ..الراجل بيتكلم انه عشان النوعيين يعرفوا يتعاملوا مع بعض لازم نعتبر ان كل واحد فينا من كوكب و لما عجبنا الاختلاف بينا جينا و عشنا عالارض...يعنى اساس العلاقة اصلا الاختلاف
بس تمام موضوع زى العسل
و انا معاكى...لا للمساواة
لا للحديد الصلب...خلينا فى القوارير
بقولك ايه
انتو جايين تهربو دلوقتى
لما كانت الاشيه معدن وكنا بنكسب وبنكفى بيوتنا
كنتو بتقولو نشتغل واحنا زى بعض
ولما الحزب الوطنى خربها جاييين تقولو مفيش مساواه احنا بنعتذر
الراجل راجل والست ست
كان نفسى اكتب الترجمه القاهريه للكلمه الاسكندرانيه اللى سعادتك كنتى عايزة تقوليها
انتو عايزين تهربو وتسيبونا ف وش المدفع
MAN IS A HUMAN
WOMAN IS A HUMAN
بلاش نتكلم بالعربى لما يكون الانجليزى اوضح
أنجى أزيك وحشانى
على فكره أنتى بجد عاقله جدآ
أتفق معاكى فى كلامك
بصراحه أنا سعيده أنى ست وماينفعش
غير كده
حتى نجاحتنا فى حياتنا أو فى شغلنا ده مش معناه أننا أسترجلنا حاشا لله
فقط نحن نستعين على الحياه بالعمل
المهم سعيده أنك لسه بتكتبى
خالص أحتراماتى وتقديرى
اقولك علي حاجة جامدة
لاما تاكلي كويس لاما تشربي قهوة كتير
انا جالي حول من الكلام
انتي محتاجة تقفي في طابور العيش شوية
عشان تعرفي المساوة علي حقها
انتي مش بتسالي ليه يا بت انتي يا بت
اي اخباركيش
الحقيقه انا معجب بمدونتك وبكلامك
ومش هلاقي اي تعليق بعد كل اللي الناس قالته
اول مره اجي هنا .. ومش هتكون الاخيره ان شاء الله
وجاري قراءة باقي المواضيع
سلامووووووووووووووز
بصي انا بجد اللي بنادي بالمساواة
احنا بصراحة متبهدلين اخر بهدلة
فاحنا اللي المفروض نطالب بالمساواة
معلش بس كلامك جه على الجرح
ويقولك الجنس الخشن خشن والجنس الناعم ناعم
مين قال
انا مفحوت ومرمي ف الصحرا 30 يوم ف الشهر
وتقوليلهم يا جدعان عايز اجازة
يقولك مافيش علشان مش فيه بديل علشان مش ينفع ستات تشتغل ف الصحرا
طب وانا مالي
انا بقى عايز المساواة
عايز اجازة يا عالم
تحياتي على البوست اللذيذ
طبعا انا مش متفق معاكي ان مافيش حاجة اسمها مساواة
طبعا لازم يكون فيه مساواة
نحن كرجال
وفي العام 2008
نطالب بمساواتنا
مع المرأة
؟
o
تسلم ايديك
انجى ليكى عندى تاج وما جيتيش تاخدية
الناس كلها جاوبت عليه
منتظرك
تحياتى
أحمد الصباغ
انا بس داخل اعرف معاد الدخلة و كتب الكتاب امتى؟؟
لو فركشتي اديلي رنة
سلام مؤقت
انجى ازيك
انا معاكى فى حاجات ومختلفة معاكى فى حاجات
انا معاكى ان المساواة الكاملة سخيفة ومالهاش معنى
ممكن تكون فى مكان العمل لكن جوا بيتنا مستحيل يكون الست زى الراجل
فى فرق طبعا
وانا اصلا محتاجة راجل يحسسنى انى ست مش انى واحد صاحبه على القهوة
اما الاختلاف فى ان شغل الست من حقها
وفعلا تشتغل عشان يكون ليها شخصية ناضجة وواعية وعارفة ايه اللى بيحصل فى الدنيا مش بس عشان الفلوس
بس بشرط ان الشغل لا يتعارض مع حياة جوزها او اولادها
لان ساعتها لازم تكون الاولوية للزوج والبيت
برافو علي بنات افكارك
احب اهديك تتر المسلسل ده
بمااننا صبيان وبنات
والمستقبل لينا بالذات
عايزينا يبقي الراجل راجل
والستات تفضل ستات
عايزين يبقي الراجل حر
والستات ما تشليش المر
تقبلي مروري الاول بليز
مدونتك اكثر من رائعة
كنت راكب الاتوبيس
ست بتزعق لراجل
انت معندكش دم
قاعد وسايبنى واقفة
قاللها مش انتم بتقولو مساواه اشربو بقى
اكيد طبعا الراجل راجل والست ست
انا مش ضد عمل المراة ومش لازم لعلمك ان يكون زوجها او بخيل
عشان تشتغل انا بتفق
مع اى امراة تشتغل وتثبت نفسها ده حقها الطبيعى
لكن طبعا الست مينفعهاش كل الوظايف لانك زى ماقلتى الراجل راجل والست ست
حتة سواق تاكس وميكروباص
دة متبقاش ست خالص
دى تبقى ست اشهر
اما ان كانت المهن التى تعبت حتى
وصلت اليها فلها كل الحق فى اثبات نفسها
كالطبيبة والمهندسة والمحامية والصحفية
المساواة مينفعش نعممها بين الراجل والمراة
لانى الراجل راجل والست ست
اقوم اغسل المواعين بقى
سلام عليكم
إنجى ليكى وحشة واللةوعندى شوية ظروف كدة فى الدكتوراة مطينة عيشتى شوية اليومين دول
أسف جدا للإنقطاع الطويل
أوعدك قريب جدا حتشوفنى منور تانى
السلام عليكم
في البداية ازيك عاملة ايه واخبار الحياة ؟؟
تحياتي للبوست ده وموافقك في كل كلمة قولتيها-حاسس إني بقول كلام متعاد- بجد فعلاً معاكي في الكلام ده
وتحياتي انه طالع من بنت فعلاً وباقتناع
تحياتي
محمد
لو كانوا زي بعض اذن ليه ربنا خلقهم اتنين مش واحد بس ؟!
تحياتي على الموضوع الرائع
انا على فكره بجد مش لاقيه كلام اقولهولك
ربنا يخليكى لينا
:)
ايه يا بنتى انتى رحتى فين مش تطمنينا عليكى ولا ايه؟؟
يا رب تكونى بخير
والله يا ست هانم...ويا ست الكل.. لا فوض فوكى
تسلم ايدك يا استاذ نفيشه
لو يا كابتن انجى اللهى نشوفه كده انجى علوانى
او بلاش انتى اى وحد من الى بيتدربوا تحت ايدك
على فكره تشجيعى ليكى من عنصريه ذكوريه ايدا والله
انا بتكلم بمنتهى الموضوعيه
التساوى او المساواة ليست هى فطره الكون
عارفه ليه يا انجى لان المساواه تحمل فى طياتها الظلم لاحد الاطراف
ايما هتعطى حد اكتر من حقه او هتبخسى الاخر حقه
يعنى لو عندك جمل وقطه
زاكليتيهم اد بعض
موتى الجمل من الجوع وموتى القطه من التخمه
فهمانى
اما فطره الكون بتتلخص فى العدل
والعدل غير المساواه خالص خالص خالص
العدل انا ياخد كل عنصر على قدر حاجاته واحتياجاته ومسئولياته
والتزماته
احيكى جدا على بوست اجمل ما فيه انه خرج من احداهن
مع احترامى للجميع
ايناس الديغيدى وعبير صبرى وهاله سرحان ونوال السعداوى ومنى حلمى
مين قال ان دول حريم
والله مش شايف فيهم اى مظاهر انوثه
ولا رجوله حتى
دى جنس انا معرفوش
تحياتى
عندك حق يا انجي
البنت عموما بتحب تكون ضعيفه جنب الراجل
مش ضعيفه قدام الناس
بس ضعيفه جوه اللي بتحبه وقدامه بس
هي فطره وبنات كتير بتحاول تقاومها
والراجل برضه فطرته انه يكون الطرف القوي
مش المفتري بس القوي
:)حيطه يعني ترمي عليها همومك فتتكسر
وفي وقت برضه يرمي عليكي همومه
من باب المشاركه بالراي مثلا
:) بزمتك مش حمالين اسيه
مش معترض علي فكره علي المطالبات بالمساواه
عاوزين يكونوا جنس ثالث فبراحتهم
بوست شجاع يا كابتن
صباحه قشطه
:)فكرتيني بالصور
ابعتيها علي ايميلي في البروفايل
الايام الحلوه دي مبتكررش كل يوم
يس تمام
وانا ضد المساواه وحقوق المرأه الى خلونى ابدأ أكره انى مرأه
بس انا مش معاكى فى الشغل هى تشتغل شغل يناسبها آه بس مش لازم الأسباب القهريه الى انتى قلتيها ده
انا عايزاها تنزل وتعتمد على نفسها وتكتسب خبره مش يمكن ابوها او جوزها الى عاشت عمرها تعتمد عليهم يحصلهم حاجه سعتها مش هتعرف تعمل اى حاجه فى حياتها لأنها معرفتش تعمل غير انها تتسند على حد وبعدين الشغل مش فلوس وبس ده كيان طبعا تعرف تعمل ورق العنب الأول اوكى بس لازم تتعلم وتعرف تعمل كل حاجه
على فكره انا برضه زمان كان نفسى ابقى ولد عشان كنت عايزه الحريه بتاعتهم كنت بكره كلمه انتى بنت والبنات متعملش كده
موضوعك جميل
تحياتى
شيماء:)
بوست رائع
و ياريت الباقي يفهم
اسف علي الغياب وعلي التقصير بس حظي حلو اني جيت علي بوست شديد ومش عشان انا راجل هاايد من منطلق انحياز انما من منطلق العقل والمنطق الست ست بانوثتها ورقتها وحنانها ولهفتها كام او اخت او زوجة او ابنه والراجل راجل بحمايته لكل دول واخلاصه واحتياجه الشديد للانثي
تحياتي لك
اولاالسلام عليكم
انا دخلتبسعلشان ارمىالسلام واسالانتىمخاصمهمدونتى ولااية
تحياتى
ملكالمصرية
Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the Notebook, I hope you enjoy. The address is http://notebooks-brasil.blogspot.com. A hug.
انا اؤيدك تماما عارفة زمايلى مرة ضحكوا عليا ومعظمهم رجالة لما سمعزنى باقول منك لله يا قاسم يا مين قال حقوق المرءاة متهيالى اسلامنا ادانا كل الحقوق دى من قبل ما اى واحد ينادى بيها وبصراحة عندنا فى نظام شغلنا مفيش فارق بين الراجل والمرءاة فى مجالنا لكن انا من وجهة نظرى ان الراجل لازم دخله يبقى اكبر لانه معيل وكمان فيه نقطة تانية ان معظم الرجالة يا سمرا بقوا اشياه رجال يعنى مستنطعين على زوجاتهم فى مسالة المصاريف مش احتياج لاء طفاسة بعيد عنك ياختى المرءاة فى مجتمعنا دلوقتى استأسدت يعنى بقت راسها براس البيه جوزها وده خارب البيوت والله وفى نفس الوقت مننكرش ان الراجل مش قادر يبلع ان الست تتميز فى عملها تصبح مشهورة اكتر منه رغم كل الحقوق اللى المرءاة اخدتها الا ان مجتمعنا ما زال ذكورى بالدرجة الاولى وعمره ما هيتغير احنا بس بنغير قشورنا لكن جذورنا ما زالت زى ما هيا بما انناستات ولا ايه رايك؟
انتي فين يا انجي مش باينة ليه
طمنينا عليكي
يارب تكوني بخير
ازيك يا سمراااااء وحشاني كتير
يارب تكوني تمام
انتي فينك كده؟
مين بقى اللي بيلعب عسكر وحرامية؟
:)
أنا كمان بأيدك اختي
والله الست ماليها الا بيتها ماله يعني المحشي والطبخ عسسسسسسسل
مفيش حاجة اسمها مساواه ياريت كل السيدات العاملات يقعدوا في البيت ويتجهوا للوظيفة الاساسية اللي ربنا خلقنا عشانها بدل مايسيبوها ويزاحموا الرجالة ويسيبوا اماكنهم للشباب الغلابة اللي قاعدين عالقهاوي
تحاتيحي واللهي انتي جدعة ومدونتك زاي العسسسسسسسسل
اختك / دودووووووو
انا شفت البوست ده من زمان قوي ومعرفتش اعلق عليه عشان مش معقولة اكتب تعليف في كلمتين اللي هم عندك حق
انتي فين بقي بقالك شهر وشوية ان شاء الله يكون خير
شكلك كده مختفيه و مقضيه وقتك كله رياضه عشان ترجعي لينا بنيولوك يخوفنا زي بتوع الصور
اظهري و باني بقي
:)
هو التيلفزيون بياخد انا عارفه بس مش اوي كده
ياانوج
سمعت انك كنت جامده اوي
:)
ربنا معاكي يااااارب ياقمر
مش هاقولك غير ربنا يسعدك
سلااااااااااااااام
مساء الخير
موضوع كبير وكل انسان لية قناعاتة
يعنى في ناس ممكن يكون المادة اساسي وفي ناس لا ممكن برستيج وفي ناس تشتغل تطوعي ؟؟
تحياتى
السلام عليكم
الموضوع رائع ورأيك أكثر روعة
والأختلاف بين المرأة والرجل يرجع الى أن الإثنان يكملان بعضهما البعض
وتنشأ الأسرة ليؤدى كلا منهنا الدور المنوط به تبعا طبيعته .
وتقبلى تحياتى
على فكر ةانتى معاكى حق جدا وانا كتبت موضوع عن المساواة ده قريب
وقولت فى الاخر للمرأة تركب عربية السيدات
بس ده عشان زى ما بتقولى الواحدة تطلع عايزه تقع من طولها
حد يقعدنى يابنى
ده لينك الموضوع
http://wanna-b-a-physician.blogspot.com/2008/03/blog-post_15.html
فينك يا انووج
..؟
انجي
انا هجيبلك من الاخر
انتى تدويناتك بتعملى دماااااغ
ودماغ حلوة كمان
تسلم ايدك
شكرًا على هذه التدوينة الرائعة
ــــــــــــــ
لو سمحت
دورت على إيميلك وملقتهوش
لو سمحتى
ابعتيلى على
moh_kimo_4@hotmail.com
عايزك ف موضوع مهم له علاقة بكتاب بعمله
وصدقينى مش معاكسة
((:
شكرًا
لعل المانع خيييييييييييير
سلام عليكم
ازيك يا انجى
ايه المواضيع الجامدة دى
المهم
انا بس حبيت اقولك انى عملت مدونة
ومستنيكى تنورينى هناك
سلام
برافو عليكى بجد
كلام كتير جوة ستات كتير عبرتى عنه بإسلوب رائع
ربنا خلقنا كده الست ست و الراجل راجل
ليه البعض بيحاول انه يتنصل من أنوثتة و يرتدى عباءة الراجل و يقول مساواه
أنا شايفه ان ده إحساس بالنقص
اشعرى أولا بذاتك و بإن لكى دور مهم جدا فى المجتمع ربنا خلقك عشانه و بعد كده عمرك ما هتقولى أثبت ذاتى لإنك هتلاقيها فعلا فى اللى ربنا خلقك عشانه
لكن عندى ملحوظة مهمه جدا كتير من الستات بيدافعوا عن الشغل مش لحاجة مادية أو غيرها لكن بيكون نتيجة عدم إحساس بالأمان
و هنا بقى بيكون دور الراجل
أنا عن نفسى أول ما هحس بالأمان هسيب شغلى فورا و بدون تردد
لكن طول ما انا مش مستقرة أكيد مش هيحصل
سمراء العزيزة...
عامله ايه يارب تكونى بخير
واخبارات طارق
يارب يكون بخير برضه
ياريت تبقى تطلى علينا وتنورى الطرطشة المتواضعه من تانى..:)
ana ma3aky lel abad .. m3aky fe kol klma bgd!!!
w miss u ;)
هو بصراحة انا نفسي في المساوة نفسي اتساوي معاكم انتوا الي واخدين حقكم في البلد دي
ايه يابنتي هما جمعيات حقوق المرأه اصطادوكي ولا ايه؟
لا ياعم كده هتقلقنا
اظهري وباني يا سمرا
وانا ايضا معك فالرجل والست ست
حلوقوي بيت الشعراللي مكتوب فوق صندوق التعليقات
الله
طب الأسهل
نحب بعض أكتر
كل ما زاد الحب زاد العطاء
وإذا وجدالعطاء مات الحرمان
وإذا مات الحرمان ولد الحنان
وإذا وجد الحنان وجدت الطاعة
تعصى الحبيب وتزعم حبه
هذا لعمرى فى الفياس شنيع
إن كنت تزم حبه لأطعته
إن المحب لمن يحب مطيع
أحييك على جمال موضوعاتك
وأقول لك
طل علينا ياقمر
والسلام
12ya taraaaa enta feeen ya marzoooooooooo2
انجي مش عارفه اوصل لايميلك عشان كده هاعملك دوشه في التعليقات اوكي
------------------------
السلام عليكم ورحمة الله وبركاته ،،،
احب اعرفكوا بنفسي انا مدونة زميله لكم اسمي ايناس لطفي
مدونتي اسمها عايزه اتكلم واسمي المستعار عليها دنيا محيراني www.3azatklm.blogspot.com
و يشرفني ان اكون ضمن فريق مدونات مصريه للجيب وهي فكرتها ببساطه انها ستقوم ان شاء الله بنشر كتابات المدونينين المصريين في كتاب يجمعهم بالمشاركه مع دار اكتب للنشر
ويشرفني ان ندعوا كل مدون مصري للمشاركه معنا ويسعدنا اننا نشاركه في خروج كلماته للنور
وللمشاركه ارجو كتابه مايلي علي الايميل المرسل لنا :
1- عنوان الميل تصنيف البوستات الخاصه بك التي تريد ان تشارك بها ادبي – اجتماعي – سياسي
او انك لاتريد تصنيف بوستاتك يكتب اسم مدونتك ولكن يفضل التصنيف لسهوله الفرز و التحديد
2-بياناتك الشخصيه في الميل هكذا :
*الاسم :------- * هل ترغب في نشره (نعم / لا )-----
*الاسم المستعار: ------
*اسم المدونة : -----
*عنوان المدونه :www -----
*الايميل الشخصي : ------
*رقم الموبايل :-----(يفضل لسهوله الوصول اليك مع التاكيد علي سره البيانات وعدم تدوالها)
*تليفون ارضي : ---------
*تاريخ الميلاد: ------
*نعم اوافق علي النشر----
*اهم نقطه : لينكات البوستات المختاره مع كتابتها ضروري جدا لا تكتفي بوضع اللينكات فقط ارجو كتابتها
---------------------------------------------------------------
هنا ايميلات باقي الفريق وهما
احمد المهني ahmed_mahana_me@yahoo.com
احمد البوهي ahmed.elbohy@yahoo.com
ايناس لطفي enas_lotfy_4@hotmail.com
عنوان الجروب علي الفيس بوك
http://www.facebook.com/group.php?gid=13820826455
ان اردت الاستفسار عن اي شيء يرجوا المراسله وكتابه كلمه استفسار في عنوان الميل
ليرد عليك اعضاء المجموعه
وللعلم فقد تم تقليص المده المفتوحه للعدد الاول
فاخر وقت لتلقى الاعمال للنشر بالعدد الاول هو 22/4/2008 اى فى خلال 6 ايام واى عمل بعد تلك الفتره يرحل للعدد الثانى وما بعده
---------------------
وفي النهايه ادعو كل مدون مصري ان يثق في كلماته و يشارك معنا في ان تخرج افكاره وكلماته في كتاب مطبوع ويساهم معنا في نشر الفكره ودعواه الاخرين للمشاركه معنا
مع تمنياتي بالتوفيق دائما
تحياتي
ايناس لطفي
---------------------
معلشي بقي شويه دوشه عايزكي تكوني معانا تحياتي
انا مبسوط اوى ان الكلام الجميل ده من امراه جزاكى الله كل خير
برافوووووووووو
والله انت اجدع بنت انا شفتها لغاية دلوقتى
انتى كده مية مية
تمام ...قلتى اللى انا عايزة اقوله
هى الرجالة تيجى جنبنا ايه ؟
ولا يقدروا يبقوا زينا فى يوم من الايام ؟
ده احنا الرقة والنعومة والشياكة والادب والجمال ...والانوثة ..والمكر وكيد النسا اللى مافيش زيه
برافوا عليكى
الست ست والراجل راجل
تعالى زورينى بقى ...مش قلت فى حقك كلمتين حلوين ؟
انا جاي اسال بس
انتي فين
ente feeeen
ya rab tkone be5eer
والله ما عارف اعلق ههههه
117 كومينت !
الله يكون بالعون يا انجي هههههه
على كل حال انا بعفيكي من الرد ع الكومينت تبعي
ويا ستي جبتي من الاخر الست ست والراجل راجل
بس فين الي بطالبو بالمساواة دول هيحللو دمك :P
سلام وبعتذر عن عدم متابعتي الدائمة للمدونة بس كل ما باجي بتفاجأ ببوست كفاءة
يا بنتى قلقتينا عليها ...
مبروك مش في مكانها
كنت ناوي أقولها لما شفتك أمبارح مع طارق ..بس لما لقيت وشك بيقول مين ضياء..وسمعتها ..نسيتها..حبيت بس أقولها هنا قبل ما أنساها
وشكراً :)
lol
This comment has been removed by the author.
yeezy 700
kyrie irving shoes
supreme clothing
golden goose francy
off white t shirt
hermes outlet
supreme clothing
yeezy 500 blush
goyard bag
golden goose sneaker
Post a Comment
<< Home