Tuesday, January 22, 2008

فلنتحد


مش هطول عليكو قولي طولي

بس هو سؤال واضح وصريح
يحتاج الي اجابة واضحة وصريحة برضه ومن غير لف ودوران

مين اللي فتح تلاجة المدونة واخد سفن اب الدايت

دة انا افجر نفسي في مدوناتكم

مفيش غيره حنفي الكلب
الله يخربيتك يا حنفي


هيروح من ربنا فين

المهم

نبتدي حياتنا الجديدة بعد ما ابتديت الاقي نفسي بعد رحلة بحث مضنية في الشوارع والحواري والازقة

طبعا اللي يعرفني من فترة يعرف ان رقم موبيلي اتغير حوالي تلات مرات بعد خطوبتي

ومنعا لتغيره للمرة الرابعه ارجو المساعدة

باختصار

في رقم بيرن كتير اوي عليا
وانا عاملة عبيطة

وبقول يمكن حنفي الحب لعب في عقله وقال يعاكسني

الموضوع زاد قلت ارد

لقيته واد وشغال في نظام ازيك وصوتك حلو وكلامك عاجبني

وهو مشعارف انا مين

كلمة مني علي كلمة من اخويا علي كلمة من طارق

وهو ولا هو هنا
شكله كدة قريب حنفي

بعدها استلمني رقم تاني

وبدون الدخول في تفاصيل

الاخير دة هددني انه يوقف خطي لاني هزئته لما كان عايز يتعرف

او يجبرني علي تغيير الخط

ونظرا اني بعمل خير في الناس

وبحب الخير للكل
هنشر الرقمين علي النت
ويارب تنجح خطتي وهو اللي يغير رقمه

واقدر انتقم من حنفي عشان السفن اب اللي شربه

دة الرقم الاولاني اللي عاملي فيها عبيط

0107293849


اما الرقم التاني اللي بيهدد انه يوقف خطي

0187639213


واللي بيحبنا هيعرف يعمل ايه
واللي بيحبنا يتصرف

يلا ربنا يقدرني علي فعل الخير

وينتقم منك يا حنفي

ويقدرني علي اني ارد علي التعليقات في المواضيع اللي فاتت



ملحوظة


وحشتوني اوي

Labels:

100 Comments:

Blogger ذكريات said...

ربنا يجعلك فى كل خطوة حنفى وصراحة امه داعية علية الى يعاكسك دا انتى شردتى الولاد واتفضحوا محليا وعالميا
يس سؤال يا مس لو اتصالنا على الولاد دول المكالمة على حساب مين؟

Tue Jan 22, 05:29:00 PM GMT+2  
Blogger mohamed hassan said...

واحد صاحبي مهم لسة مكلمه و مهزأه
اما نشوف هيحصل اية?

Tue Jan 22, 05:45:00 PM GMT+2  
Blogger No Fear said...

السلام عليكم
بالرغم من إني زعلان منك جدا جدا جدا جدا جدا جدا جدا
بس بجد حركة جامدة جدا جدا جدا جدا جدا جدا جدا جدا
قلبك ميت بجد
ده الله يكون في عون طارق منك
حمد لله علي السلامة
و يارب بقة بلاش غيبة تاني

Tue Jan 22, 06:46:00 PM GMT+2  
Blogger OMA said...

eshta 3aily
da homa elly hay3'ro 5tothm :D
wa7shany ya anoooooooooj

Tue Jan 22, 06:49:00 PM GMT+2  
Blogger LAMIA MAHMOUD said...

حلوة الفكرة دي يا بنتي
طيب انا كده اعمل فون بوك بقى على المدونة

واللذيذ ان كل اليل بيرن ميعرفنيش عارفة هو لو عرفني كويس حيخاف على رصيده وعلى عمره

قلت فين انجي يا ولاد قالولي غيرت رقمها
معلومة كده اخد الرقم الجديد منين عشان نتفق واشوف سيادتك
واوعى تطلعي ناصحة وتسبيلي الرقم الجديد في كومنت

احسن انا عارفاكي فالحة زي اختك

Tue Jan 22, 07:18:00 PM GMT+2  
Blogger إنـســـانـة said...

هههههههههههههههههههههه

ضحكتينى يابت ايه التفكير السم ده
اعوذ بالله

هههههههههههههههههههههههههههه


وحشانى يابنتى اوى اوى

Tue Jan 22, 07:49:00 PM GMT+2  
Blogger ra7eel said...

ههههههههه ايه يانوج ده ملكيش حل

الله يحرقهم بجد بتوع المعاكسات دول عالم بارده بجد

لاء بس حركه فى الصميم على الله بقى يتعظوا

سلام

Tue Jan 22, 09:40:00 PM GMT+2  
Blogger مـحـمـد مـفـيـد said...

:)))))
الله يجازيكي
وجم معاكي انتي بقي يا انجي

Tue Jan 22, 09:48:00 PM GMT+2  
Blogger bos bos said...

ههههههههههههه
بس حركة جامدة منك
برافو عليكى ومش كتير يقدروا يعملوا كده

Tue Jan 22, 10:14:00 PM GMT+2  
Blogger mohand said...

السلام عليكم
حمد لله علي سلامتك

وهنشوف الموضوع ده

تحياتي

Tue Jan 22, 10:43:00 PM GMT+2  
Blogger ساعه الغروب said...

والله العظيم انتى مجرمه مووووووووووووووت

طيب يا اوختى انا بيشتغلى شله زى الفل من الشرقيه"بابا اللى جاب المعلومه دى لما وقعهم فى بعض" بتاع 7 او 8 ارقام وبقالهم فتره
تفتكرى اكتب ارقامهم هنا عندك ولا عندى انا

هههههههههههه
هههههههههههه

والله الناس بقت لطيفه موووووووووووووت الحقيقه

المشكله انى مش ناويه اغير الرقم دا

وللاسف يا عينى هما كمان مش بيقولوا اى حاجه تضايق
هما بس بيسالوا كل مره بنفس الترتيب
انتى لبنى
لا
طيب منى
لا
طيب هدى
لا
طيب
.
.
.
.
الخ

هى طبعا من اول لبنى اان بقيت بعرف انه تبعهم

يا اوختى لو خطتك نجحت ابىق عرفينى اعمل كدا واحط كمان اعلان فى المعديه لو امكن


ههههههههههههه

ربنا يخلصك منهم

ويا رب تكونى بكل خير

Wed Jan 23, 12:22:00 AM GMT+2  
Blogger Esmeralda said...

ايه يا ست الكوتكوته فينك؟؟؟؟
و الله الراجل ده صعبان عليا
و على الباغي تدور الدواير

Wed Jan 23, 12:30:00 AM GMT+2  
Blogger ghalia said...

هههههههههههههههه
والله برافو عليكى يا انجى
تنفعى زعيمة عصابة
يلا خليهم ياخدو اللى فيه النصيب بقى
هما اللى جابوه لنفسهم

Wed Jan 23, 12:48:00 AM GMT+2  
Blogger آلام وآمال said...

اسمحيلي اقولك كلمة يا انجي








يخرب عقلك بجد
هههههههههههههه

الله يكون ف عون المحروس ننوس عين مامته
ويصبره على ما بلاه
:D

Wed Jan 23, 02:16:00 AM GMT+2  
Anonymous .... said...

ههههههههههههههه

انا اول مره تقريبا ادخل المدونه دى

بس شكلك بجد شربات


بصى انا لما حد بيرخم معايا علموبايل

كل ما يتصل افتح ومش ارد واسيب رصيده يخلص

لدرجه انهم بعد كدا بيرنو بس علشان الرصيد مش يخلص ويرخمو بقيت امسك الموبايل دايما وانا ماشيه حتى لو فى البيت وماسكه زرار الرد اول ما يعمل ت افتح قبل ما يكمل رن

ههههههههههههه

وبجد الفكره دى جامده لانهم بيزهقو وبيلاقو الرصيد بيخلص من غير فايده

جربى وان شاء الله تنفع

بخصوص اننا نرخم عليهم وكدا فللاسف مش هقدر لانى بنت ومش ناقصه رخامه من حد

سلام يا سكره

Wed Jan 23, 03:02:00 AM GMT+2  
Blogger Reemo said...

يا تليفوناتك يا أنوج
هو انتى غيرتى الرقم
مش عارفه ليه لسه رانه عليكى قريب
بس رقمى مش مكتوب
خخخخخخخخخخ
انتى يا بنتى ابعتى رقمك الجديد على الميل
وابقى طمنينى عليكى
وحشانى
(K)

Wed Jan 23, 04:16:00 AM GMT+2  
Blogger محمد عبد الغفار said...

يخرب بيت الغبا

Wed Jan 23, 08:28:00 AM GMT+2  
Blogger smraa alnil said...

ذكريات

طب ليه الدعوة دي
ما تخلي في كل خطوة ليا حاجة تانية غير حنفي

اعمل ايه بس مانا غلبت معاهم وطارق مصمم اني اغير رقمي عشان المعاكسات دي

يا سيدي الحساب يوم الحساب

هو الناس مش بتعمل خير ابدا

:))
___________________________________

محمد حسان

بتحرجني يا محمد والله ربنا يخليك انت وصاحبك

بس هما لسة بيرنوا برضه بس تقريبا علي خفيف مش زي الاول

Wed Jan 23, 02:08:00 PM GMT+2  
Blogger smraa alnil said...

نو فير

لا وحياة اغلي حاجة عندك مش تزعل مني

حظك بيجي معايا كدة دايما
بس معلش والله غصب عني
بلاش انت يا محمد اللي تزعل مني
عامة يا سيدي حقك عليا


وماله طارق دة واخد ملاك وديع
:))

حاضر بس انت مش تزعل
______________________________________

اوما

وانتي كمان وحشاني اوي يا اوما والمدونةكمان وحشاني
ياريت يا اختي هما اللي يغيروا الرقم

Wed Jan 23, 02:11:00 PM GMT+2  
Blogger smraa alnil said...

لميا محمود

هههههههههههههه اعملي وربنا يسهل خلينا نتسلي

ماهو نفس المشكلة برضه
المشكلة اني بقيت شريرة اوي وبشتم علي طول
ودة بقي اللي يضايقهم

يا بنتي مانتي معاكي رقمي الجديد وبعتهولك في اميل ورساله كمان

عامة هبعتهولك

طب والله كنت ممكن اعملها
انتي هتقوليلي
________________________________________

انسانة

ههههههههههههههههههه اعمل ايه بس يا مينا
حطي نفسك مكاني كدة
العيال دي مش نافع معهاها اي حاجة
وانتي والله وحشاني اوي اوي اوي اوي

Wed Jan 23, 02:11:00 PM GMT+2  
Blogger smraa alnil said...

رحيل

ههههههههههههههه
اعمل ايه يا اختي مبرة علي كدة
ونفسي الاقي استفادة واحدة من اللي هما بيعملوه
______________________________________

محمد مفيد

ههههههههههههههه
تخيل بقي مش يقعوا غير معايا انا
هيروحوا من ربنا فين وربنا يقدرني علي فعل الخير
:))

_______________________________________

بوس بوس

هههههههههههههههههههههه

حطينفسك مكاني كدة

Wed Jan 23, 02:12:00 PM GMT+2  
Blogger smraa alnil said...

مهند

اه يا مهند ربنا يجزيك خير لحسن اختك مش عايزة تغير الرقم بتاعها

الله يسلمك
_______________________________________

ساعه غروب

ههههههههههههههههه
مش هتفرق بقي

ولا انا عايزة اغير الرقم
بس طارق بيقولي ريحي دماغك وغيريه
وانا مش عايزة كدة

اللي عندي بقي بيرنوا من ارقامهم وبيتصلوا من ارقا تانية غريبة

ههههههههههههههههههههه
ههههههههههههههههههه

وانتي بقي بتردي تقولي لا وخلاص
بتتعبي يرا رضوي

انا الحمد لله تمام بوخير

Wed Jan 23, 02:12:00 PM GMT+2  
Blogger smraa alnil said...

الام وامال

طبعا اتفضل

ههههههههههههههههههههههه
ههههههههههه
انا برضه بقوله كدة
ربنا يصبرك علي ما بلاك
وبيقعد يضحك

______________________________________

مجهول

المشكلة بقي ان هما مش بيدوني فرصة اني افتح عليهم

وبيتصلوا بيا من ارقام غريبة
يعني يرنوا من ارقامهم ويتصلوا من ارقام تانية

مشكلتي بقي اني برمي موبيلي في اي حتة واضطر اتصل علي اي حد من صحابي لو وحدي عشان يرنوا عليا عشان اعرف انا حاطاه فين
ولو في حد في البيت معايا بسرق موبيله عشان ارن عليا

ولا يهمك

خلي اي راجل عندكو في البيت
قوليلي واحدة غلبانة مش عايزة تغير رقمها

خلي اخوكي يعمل الخطوة دي
يمكن اصعب عليه
هههههههههههههههه
سلام يا قمر وياريت تشرفيني تاني بجد

Wed Jan 23, 02:14:00 PM GMT+2  
Blogger smraa alnil said...

ريمووو

يا بت مانتي بترينيلي عليه
ولسة رنالي من كام يوم
ركزي بقي
انا بس اللي بقالي كتير مش معايا رصيد
انتي يا هطلة رقمي زي ما هو

بس هبقي اتصل بيكي لما ابقي اشحن بقي
______________________________________

محمد عبد الغفار

من مين بالظبط يا محمد

ههههههههههه
انا ولا هما

شكلك تقصدني انا صح؟؟

Wed Jan 23, 02:14:00 PM GMT+2  
Blogger smraa alnil said...

ازميرالدا

هنا انا ذا

انتي اللي فينك يا حاجة
عارفة انك موجودة في مدونتك بس انا بقول علي مدونتي

ههههههههههههههههههه
انهي راجل بالظبط
_______________________________________

غاليا

هههههههههههههه
هههههههههههههههههه
شكلك مش تعرفي اني كنت قبل كدة زعيمة بجد
ههههههههههههههه
ياريت خطتي تنفع بس

Wed Jan 23, 02:15:00 PM GMT+2  
Blogger kafrawy said...

اةةةةةةة

يا ليئمة

انت بتبعيى خطوط موبايل دلوقتى
هههههه

وحياتك عندى لخليهوملك

يقوموا كل يوم يصلوا الفجر حاضر
مش من التقوى

لا من انهم مش هيعرفوا يناموا

سلام

Wed Jan 23, 03:58:00 PM GMT+2  
Blogger Blank-Socrate said...

اجمل تشريد علنى حصل من مئات السنين
اسلوبك رائع
احييك
لكن انت نسيتى تكتبى رقمك كمان
على الاقل نسلم :)

Wed Jan 23, 04:53:00 PM GMT+2  
Blogger حازم ربيع said...

يا بنتى الحكاية ابسط
من كدة بكتير
والحل
غاية فى السهولة
افتحى
علية
وسيبه لحد ما رصيده يخلص

مرتان
تلاتة وها يقول
يانى يانى
مش هاعمل كدة تانى

وعموما بردوا هنظبطهولك

Wed Jan 23, 05:42:00 PM GMT+2  
Blogger MerMaid said...

حظه اسود
امه داعية عليه
:))

تحياتي ليكي و لطارق يا قمر

Wed Jan 23, 09:49:00 PM GMT+2  
Blogger الملاح التائه said...

هههههه
فكرة جامده انك تنشري رقم الفحلين دول عشان يعرفو ان الله حق
الشعب كله هايشتغلهم
وربنا يجعلنا دايما فى الخدمه
تحياتى سمراء النيل

Thu Jan 24, 01:26:00 AM GMT+2  
Blogger Amr Ahmed said...

الله يرحمهم العيال دي خلاص

هههههههههه

ده انتي شردتيهم

Thu Jan 24, 01:48:00 AM GMT+2  
Blogger Marvel said...

ههههه...فكرة جامدة جدا...دول هيكرهوا اليوم اللي فكروا انهم يطلبوا فيه نمرتك

يخرب بيتك اللي يزعلك
:DDD

Thu Jan 24, 01:02:00 PM GMT+2  
Blogger inksarat said...

انا كنت مفكر زمن المعاكسات ده انتهى من السبعينات
دا انا طلعت قديم على كده
ـــــــ
هو السؤال بقى .. حضرتك نشرتى ارقامهم ليه ؟ هه؟
ــــــــ
ربنا يباركلك ويقويكى ويعينك على التعليقات والرد عليها
ــ
تحياتى

Thu Jan 24, 02:07:00 PM GMT+2  
Blogger اسكندراني في الغربة said...

مش حعرف اساعدك من عندي هنا
:(
بس اوعدك لو فضل الزبون عايش لحد الاجازة الي جاية حظبطهوليك
دا لو فضل عايش بعد التشريدة دي
:)

Thu Jan 24, 05:10:00 PM GMT+2  
Blogger raspoutine said...

اه والله الاتحاد غلب الزمالك قصدى الاتحاد قوة

Thu Jan 24, 11:00:00 PM GMT+2  
Blogger محمد ياسر said...

فكرة جامدة
و متقلقيش الاخ ده كده هيتجنن قبل ما يبيع خطه و احتمال يبيع الموبيل كمان و يجيله عقدة من التليفونات عموما

تحياتى

Fri Jan 25, 02:46:00 AM GMT+2  
Blogger mesh2dra said...

ده انا ضحكت ضحك

فكرتك حلوة اوى

لغاية دلوقتى بيلموا نفسهم لما يسمعوا قاموس الشتايم اللي اخويا حافظه

ربنا يهديهم .. انا لا منكن اغير رقمي
انا ماصدقت حفظته :ي

مش كفاية البلوج
انتى تاخدى البوست ده كوبي وبيست
وتاخديه في ميل وتبعتيه فورورد لكل الناس اللي في الماسنجر عندك
كده حنحقق انتشار اوسع :ي

Fri Jan 25, 12:07:00 PM GMT+2  
Blogger Dr-Online said...

هههههههههه
اهم حاجة السفن الدايت
لاقتية ولا لسة
بوست جميل ومدونة خفيفة الظل
استمتعت بزيارتها لاول مرة

واتمني ان ربنا يرحمك من معاكسات الموبايل

Fri Jan 25, 12:10:00 PM GMT+2  
Blogger د/اجدع بنوته said...

والله انتى دماااااااااغ

ياريت كمان اعلان صوغير

للتعرف ع فتاه ذات مشاعر مرهفه

وتحطى الرقمين

وترميهم ف اى موقع تعارف

ههههههههههههههههه

صحيح كيد النسا غلب كيد الرجال

Fri Jan 25, 02:41:00 PM GMT+2  
Blogger yasmina said...

ههههههههههه
فكرة جميلة جدا
خلي اي حد تاني يفكر قبل ما يقرر يعاكسك
تحياتي

Fri Jan 25, 05:49:00 PM GMT+2  
Blogger ولــــــــــو said...

جامدة جدا
انا بجد هاخد النمرتين دول واقضيها معاهم
ما انا فاضي بقى

فكرتيني بفيلم احلى الاوقات
لما هند صبري مسكت ف الراجل وقالت
انا يسريه اللي ليا ف كل بيت واجب وعايزه الواجب ده يتردلي دلوقت ف الراجل ده
ههههههههه

على العموم لازم نوّجب معاكي برده دا انتي خيرك مغرقنا

Sat Jan 26, 12:07:00 PM GMT+2  
Blogger خمسة فضفضة said...

السلام عليكمورحمة الله وبركاته

هههههههههه

احسن يستاهل ، هو عاوز يعاكسك ويفلت كده من غير عقاب

داهايلعن اليوم اللي فكر يعاكسك فيه

Sat Jan 26, 04:33:00 PM GMT+2  
Blogger ادم المصري said...

الله يخرب بيت فقرك
.
.
فكرتيني بالاعلان بتاع ماوتن ديو
.
.
""" قلبك ميت """
.
.
.
فكرة جامدة طحن .. انت طلعتي شريرة وانا ابتديت اخاف منك
وربنا وربنا .. انا تحت امرك يا سعادة البيه

Sat Jan 26, 08:26:00 PM GMT+2  
Blogger karma said...

.امرأة للمهمات الصعبة
:)
يستحقونّ!


موفقة.

Sun Jan 27, 05:42:00 AM GMT+2  
Blogger الشنكوتي الكبير said...

الله يخرب بيتك يا حنفي

مش عارف اقولك ايه
انا كده كده موبايلي اتسرق
معنديش موبايل اساعدكم
بيه بس لو لقيته هابقى اتصل برده ونشوف حل في الموضوع ده

الله يخرب بيتك يا حنفي
ويخرب بيت اللي سرق موبايلي

سلاااااااااااااااااااام
حمد الله على السلامه

Sun Jan 27, 05:27:00 PM GMT+2  
Blogger S H A H said...

جاري عمل حجاب + عمل على اصحب الارقام المنشورة

و بجرد الوصل ايه سيتم قتله و دفنه و نكتب على مقبرته - ده بس عاكس سمراء النيل


وسلام مؤقت

Mon Jan 28, 08:37:00 AM GMT+2  
Blogger tota_fm said...

فكره حلوه اوى يا انوج انك تنشري ارقامهم كده وتشرديهم
وانا يابنتى هحاول اطلعلك عنيهم
متغبيش تانى يا انجى المدونه من غيرك كانت ضلمه
وربنا يسهل ويبعد عنك المعكسات وتغير الارقام ويكرمك

Mon Jan 28, 10:29:00 AM GMT+2  
Blogger •«ρяoιd»•™ said...

حصار غزة... الى متى؟ .. للمشاركه في الحملة

http://mr-proid.blogspot.com

Mon Jan 28, 04:27:00 PM GMT+2  
Blogger Ana keda said...

ههههههههههه


انا زعلانة موت منك والله وبسال عليكى كتير

بس ضحكتينى بجد

وليا مكالمتين عندك اهو يا انجى بس صوته وحش موت

Mon Jan 28, 04:30:00 PM GMT+2  
Blogger linda said...

أولا وحشتيني جدا وسعيدة ان اخيرا بقيتي بتزورينا


علىالعموم أخبارك ايه واخبار طارق؟


اما بالنسبة للتليفونات دي

فلو كان موبايلك نوكيا في برنامج اسمو black list

تقدري تحطي فيها الرقم ومش حيقدر يوصلك ابدا

Mon Jan 28, 08:59:00 PM GMT+2  
Anonymous لسه بعقلى said...

على فكرة
فى ارقام بترن على كل الناس
حظه اللى يعلق معاه بنت

يا بنتى ريحك نفسك وما ترديش على اى رقم غريب غير مثلا بعد تلات اربع مرات من الرن الكتير
انا بعمل كده

Mon Jan 28, 11:07:00 PM GMT+2  
Blogger رفقة عمر said...

جى جى وحشتينى قوى ووحشنى كلامك
دى اخره اللى يزعل حنفى
رربنا هاينتقملك منهم ان شاء الله
معلش متاخره كالعادة
انت بتتدخلى تحطى البوست وتجرى
ربنا ييسرلك كل امورك اللهم امين يارب العالمين

Tue Jan 29, 01:09:00 AM GMT+2  
Anonymous mthlykaweyy said...

mاستيقظوا ايها الهمج
انهم يضحكون عليكم الله خرافه
والاسلام وباقى الاديان دجل وخرافات وجهل والانبياء دجالين

Tue Jan 29, 08:42:00 AM GMT+2  
Blogger أمـــاني said...

عملتلهم أحلى فضيحة يا سمرا...بس تعرفي بيفهموا برضه
;)

Tue Jan 29, 01:59:00 PM GMT+2  
Blogger MAKSOFA said...

أنتي أيه توأم روحي
والا أيه حكايتك بالظبط ؟؟؟
كاتبه في نفس الموضوع تعالي عندي وشوفي البوستين الأخرين

Tue Jan 29, 05:23:00 PM GMT+2  
Blogger shayma said...

هههههههههههههههههه

يخرب عقلك
اهى دى حركه هتطلع من نافوخو

ههههههههههههههه

بجد وحشانى جدا
سلامى يا قمر

Tue Jan 29, 10:49:00 PM GMT+2  
Blogger esraa said...

انتي كمان وحشتينا اويييييي

بس تصدقي فكره عبقريه

انتي بجد زي العسل يابنتي

Wed Jan 30, 12:21:00 AM GMT+2  
Blogger Ma 3lina said...

ههههههههههههه


حرام باه مش كل شوية ابعت منادى يجيبلى الرقم بتاع سيادتك كدا

Wed Jan 30, 03:01:00 PM GMT+2  
Anonymous sakayar said...

ياااااه
بقالي كتير مدخلتش هنا
وحشاني المدونة دي جداااا
على فكرة انا اذ اتخضيت لما شفت الرقم الاولاني اصله شبه الرقم القديم بتاعي وقلت يا خبرررررر
المهم انا كلمت الواد وطلع طيب وابن حلال وهييجي يخطبك من طااااارق
آآآآخ طراااااخ
خلاص معلش يا سمرا انا قلت ازحلق راسين في الاكسدام
ربنا يحفظك ويحميكي من هبل الموبايلات ده
بجد بتبقى حاجة رخمنة جدا وأحيانا تانية بتبقى مسلية لما اشتغل اللي بيشتغلني من موبايلات تانية
ربنا يحفظك دايما
تحياااااتي

Wed Jan 30, 07:53:00 PM GMT+2  
Anonymous sakayar said...

ياااااه
بقالي كتير مدخلتش هنا
وحشاني المدونة دي جداااا
على فكرة انا اذ اتخضيت لما شفت الرقم الاولاني اصله شبه الرقم القديم بتاعي وقلت يا خبرررررر
المهم انا كلمت الواد وطلع طيب وابن حلال وهييجي يخطبك من طااااارق
آآآآخ طراااااخ
خلاص معلش يا سمرا انا قلت ازحلق راسين في الاكسدام
ربنا يحفظك ويحميكي من هبل الموبايلات ده
بجد بتبقى حاجة رخمنة جدا وأحيانا تانية بتبقى مسلية لما اشتغل اللي بيشتغلني من موبايلات تانية
ربنا يحفظك دايما
تحياااااتي

Wed Jan 30, 07:53:00 PM GMT+2  
Blogger Diyaa' said...

This comment has been removed by the author.

Fri Feb 01, 11:35:00 PM GMT+2  
Blogger Diyaa' said...

مش هقول أد إيه وحشتني المدونة
هقول حبيت أطمن عليكي بس لأن مش وصلني منك إلا اللي كانوا بيعملوا بحث :))
ومش قادر أفتح مدونات بقالي فترة معرفش ليه
المهم..الناس دي بتعرف الرقم وديتها حاجة واحدة أوي
قلتها لريمو ..أشحني بقي واتصلي بيها وقوليلي رأيك وأنا في الخدمة
لأن الناس دل لو غيرت رقمها هتلف وتدور تاني ولو غيرتي رقمك مش بعيد يجيبوه تاني لأنك شكلك واثقة في المصدر اللي بيجبوا منه الرقم أوي
4 مرات !!

سلام

Fri Feb 01, 11:36:00 PM GMT+2  
Blogger أميرة ويلز said...

وحشتينى ياانوج كتييييييييييييييييييييير جدا بجد

طب انتى معندكيش جهاز تعملى بلوك للنمر دى وتخلصى

بدل الفضايح دى

بس ياريت بقى اللى يمل حاجة مع النمر دى يبلغنا عشان نفرح فيهم شوية :D

انا حاسة بمعنوياتك روحك بتبان فى نشاطك وكتاباتك يارب دايما منورة

تحياتى

Sun Feb 03, 07:53:00 PM GMT+2  
Blogger بحبك يامصر said...

هما اللى جابوه لنفسهم احسن يستاهلوا

Mon Feb 04, 03:58:00 PM GMT+2  
Blogger أنـــا حـــــــــرة said...

ههههههههههههه

يخرب بيت الدماغ ، انتى من جوه اسود اوى كده يا انجى :) بس المشكله بقى لو الواحد كلمهم فاستلموه هم


وحشانى اوى يا نوجا

خدى حضن لحد ما ربنا يكتبلى و اشوفك
ابقى باصيلى رقمك الجديد

Mon Feb 04, 10:50:00 PM GMT+2  
Blogger حصان بري said...

:) طولي
:) هو حنفي فعلا مين غيره

واللي بيحبنا هيعرف يعمل ايه
واللي بيحبنا يتصرف
يلا ربنا يقدرني علي فعل الخير

ربنا يكون في عونه:)
ده حد دعي عليه واتوصي

هقولك علي سر بس بلاش فضايح
قولي لطارق :عرفت تختار
ربنا يخليكم لبعض
تحياتي يا كابتن

Tue Feb 05, 01:21:00 AM GMT+2  
Blogger smraa alnil said...

كفراوي

ههههههههههههههههههه

دة العشم برضه

ايوة كدة يمكن تاخد ثوابهم
_____________________________________

blank socrate

هههههههههههه

ومن مئات السنين
ههههههههههههه رقم بقي في الامانات

منورني

Tue Feb 05, 05:04:00 PM GMT+2  
Blogger smraa alnil said...

حازم ربيع

يا سلام

ال يعني الحل دة مش جه في دماغي
جبت التايهه يا حازم

اولا مش بلحق افتح عليه

ثانيا بحكم شغلي في ارقام بتتصل بيا
يعني مش هقدر اطنش الارقام الغريبة

بس لما هو بيرن بعمل كدة زي مانت قلت

ايوة كدة ظبط
______________________________________

mermaid

ههههههههههههههههه
هي امه بس يلا هيروح من ربنا فين
تحياتي

Tue Feb 05, 05:04:00 PM GMT+2  
Blogger smraa alnil said...

الملاح التائه

ههههههههههههههههههه
ربنا يخليك يارب
حمدالله بالسلامة
ومنور
______________________________________

عمرو احمد

هههههههههههههه
طب اعمل ايه بس يا مان
عامة انت عارفني رويتر

Tue Feb 05, 05:05:00 PM GMT+2  
Blogger smraa alnil said...

مارفل

ههههههههههههههههه
شوفتي بقي ان انا زعلي وحش
بس والله قلبي طيب
______________________________________

انكسارات

لا طبعا دة في مليون طريقة للمعاكسة دلوقتي انت مش عايش معانا ولا ايه

اولا نشرت ارقامهم ليه

عشان يعرفوا ان الله حق
وزي ما هما بيعملوا في الناس ممكن يتعمل فيهم
لان الناس دايما شايفة ان اللي هما بيعملوه في غيرهم مستحيل يترد ليهم

اه ادعيلي بقي

Tue Feb 05, 05:05:00 PM GMT+2  
Blogger smraa alnil said...

اسكندراني في الغربة

ههههههههههههههههه

تصدق انه بطل يرن عليا

مش عارفة هو لسة عايش ولا لا
ربنا يخليك يارب
_______________________________________

راسبوتين

طبعا انت عندك شك في كدة

Tue Feb 05, 05:05:00 PM GMT+2  
Blogger smraa alnil said...

محمد ياسر

هههههههههههههههههه
ياريت ويسمع ن بقك ربنا يا محمد
انت بقي ايه اخبارك
_______________________________________

مش قادرة

هههههههههههههههههه
اضحك الله سنك

ما بابا كان ناويها بس خفت بقي يتغاظوا اكتر لما يسمعوا الشتايم دي
انا كمان ما صدقت احفظ رقمي ولا ينوكن اغيره
تصدقي والله فكرة لو عملوها تاني والله لاعمل فكرتك دي

Tue Feb 05, 05:06:00 PM GMT+2  
Blogger smraa alnil said...

dr- online

هو في حاجة تضيع في ام البلد دي وحد يلاقيها
وياريت تنورني علي طول يارب
__________________________________

د/ اجدع بنوتة

ههههههههههههههههههههه

هههههههههههههههههههههههههه
هههههههههههههه
مش عايزة اقولك انا ضحكت ضحك علي تعليقك دة اد ايه
هههههههههههههههههههه
بس والله فكرة
عندك حق ويا ويل اللي يقرب من النسا

Tue Feb 05, 05:06:00 PM GMT+2  
Blogger smraa alnil said...

ياسمينا

ههههههههههههه
بالظبط و حد يعاكسني كدة واعديها
لايونكن
______________________________________

ولو

هههههههههههههههههههههههه
وانا بقي ليا في كل مدونة واجب
ايوة كدة اتسلي بقي

Tue Feb 05, 05:06:00 PM GMT+2  
Blogger smraa alnil said...

خمسة فضفضة

بالظبط وهو المطلوب اثباته
وحشاني يا قمر
_______________________________________

ادم المصري

عيب عليك تخاف مني
اشحال انت عارفني
ربنا يخليك يا ادم هو دة العشم برضه

Tue Feb 05, 05:06:00 PM GMT+2  
Blogger smraa alnil said...

كارما

ههههههههههههههههه
ربنا يخليكي يارب
ومنوراني
_______________________________________

الشنكوتي الكبير


بس مش تفول عشان موبيلي زي موبيلك اللي اتسرق
اااااااااااااااااااااااامين
ومعلش ربنا يعوض عليك

Tue Feb 05, 05:06:00 PM GMT+2  
Blogger smraa alnil said...

شاه

ههههههههههههههههههههههه
حسستني اني قتاله قتلة
بس هو دة العشم يا رجاله
______________________________________

tota_f

اللهم امين
صدقيني الغيبة دي مش بمزاجي بس بجد وحشتوني اوي اوي اوي

Tue Feb 05, 05:07:00 PM GMT+2  
Blogger smraa alnil said...

proid

انا جاية يا رامي
_______________________________________

انا كدة

خلاص يا سيتي انتي هتمثلي
مانا قابلتك بقي وخلاص
ههههههههههههههههه مش قلتيلي يعني انك كلمتيه

Tue Feb 05, 05:07:00 PM GMT+2  
Blogger smraa alnil said...

ليندا

يا ليندا مش تزعلي مني
انتيلو لفيتي علي المدونات هتلاقيني مش كنت بزور اي حد خالص اصلا
علي العموم انا بقيت تمام الحمدلله وطارق كمان زي الفل
للاسف موبيلي مش نوكيا
موبيلي موتورلا
ربنا يخليكي

واحشاني
________________________________________

لسة بعقلي

لا بس دة مختلف
الشغل بقي بيحتم عليا اني ارد علي الارقام الغريبة
منوراني

Tue Feb 05, 05:07:00 PM GMT+2  
Blogger smraa alnil said...

رفقة عمر

وانتي كمان وحشاني اوي يا رفقة
ههههههههههههههههههه
ويلا يهمك يا قمري
النت عندي كان فاصل وانتي عرفة بقي ان نفسيتي الفترة الي فاتت زي لزفت
________________________________________

مثلي قوي

اولا انا مش مستغربة من تعليقك

لانك لا تفقه شئ عن الدين

ولو كان في قلبك ذرة ايمان ما كنت تطاولت علي الله ولا علي اي ديانه

وبما انك تعترف انك مثلي قوي

فدينك معروف
ولا تعليق ليك غير دة

Tue Feb 05, 05:07:00 PM GMT+2  
Blogger smraa alnil said...

اماني

هههههههههههههههههه
ثبتيني بقي
ربنا يخليكي يارب
______________________________________

مكسوفة

ههههههههههههههههههه

والله لسة شايفة بوستاتك انبارح بس
توارد افكار لا ايه

عامة انا شفت البوستين بس ربنا يعلم اني عملت كدة قبل ما اشوف مواضيعك

هو انا اطول اكون تؤام روحك

Tue Feb 05, 05:08:00 PM GMT+2  
Blogger smraa alnil said...

شيماء

وانتي كمان يا شيماء وحشاني اوي
بس عشان يتعلموا ان الله حق وكما تدين تدان
_______________________________________

اسرااااء

ربنا يخليكي يا اسراء وعلي فكرة انا مش ناسية التاج بتاعك
انتي اللي عسولة مووووت

Tue Feb 05, 05:08:00 PM GMT+2  
Blogger smraa alnil said...

ما علينا

هههههههههههههههههههه

يا بنتي الرقم اللي معاكي هو هو انا عملت لبوست دة بس عشان مش اغيره تاني
______________________________________

ساكيار

شفت بقي الاحساس اللي حسيته لما دخلت هنا بعد الفترة دي
نفس الاحساس الي حسيته لما شوفت تعليقك
ههههههههههههههههههه
يا لهوي اخس عليك يا ساكيار
لن اجد لطارق بديلا
ههههههههههههه
يارب
عشان كدة قلت اعمل خير في الناس دي
وفيكوا كمان
مش تغيب تاني بقي

Tue Feb 05, 05:08:00 PM GMT+2  
Blogger smraa alnil said...

ضياء

عرفت يا خويا الفكرة العبقرية بتاعاتك بس شريرة اوي يا ضياء
بس لو كرروها ديتها تلفون ليك وات تتصرف يا معلم
_______________________________________

اميرة ويلز

ياااااااااااااااه وحشاني اوي انتي كمان والله
للاسف لا
موبيلي مش في الخاصية دي
ربنا يخليكي يارب
مش تغيبي عني كتير ماشي؟

Tue Feb 05, 05:08:00 PM GMT+2  
Blogger smraa alnil said...

بحبك يا مصر

بالظيط
يستاهلوا ومنورني
___________________________________

انا حرة

ههههههههههههههههههههه
انتي تعرفيني كدة برضه
لا ماهو مع كمية الارقام اللي هترن عليه مش هيعرف يستلم مين ولا مين
وانتي كمان وحشاني اوي
ووحشتني الايام اللي خرجنا فيها فاكراها
الصور لسة عندي وببتسم كل ما اشوفها
رقمي يا سيتي عندك ومش غيرته لسة
________________________________

حصان بري

ايوة كدة حلو حصان عن جواد اوي

انا اللي دعيت عليه
هههههههههههههه
كنت مبسوطة اوي لما شوفتك
بجد كانت من امتع اياام اللي عشتها
عامة الصور عندي
قول ومش هفضح

بجد احرجتني
وانا كمان عرفت اختار لو شفت طارق كنت تقولي كدة برضه
ربنا يخليك يارب
مش تغيب عن المدونة بقي عشان تمضي حضور وانصراف

Tue Feb 05, 05:09:00 PM GMT+2  
Blogger NoHeal said...

تم عمل اللازم
عملية تفجير الارقام دي من الي
قصدي في اي وقت وربنا يقدرنا علي فعل الخير
بس عشان تنفخيهم
في حاجة اسمهامباحث التلفلونات
اديهم رنة وهما هيكلموكي
وهيظبوطوهم

Wed Feb 06, 11:50:00 AM GMT+2  
Blogger NoHeal said...

نسيت اقول ان اول مرة اعدي النواحي دي
بس مش هنقطعوها عادة ان شاء الله

Wed Feb 06, 11:52:00 AM GMT+2  
Blogger 3rby said...

تعرفي يا انشي
انا مسجل رسايل شتيمة عندي لزوم الترخيم علي صحابي وكده
اصل انا عندي 100 رسالة مجانية شهريا من خط الخريجيين اللي خدتوا مع شهادة الثانوية
فهابعتلهم من الرسايل ديه حبة

Wed Feb 06, 04:01:00 PM GMT+2  
Blogger امرأة تقول الذي لا يقال said...

يخرب بيت جنانك

Mon Feb 11, 07:18:00 PM GMT+2  
Blogger lyssandra said...

هههههههههههههههههههههه
جامده
دماغ

بجد بجد لذيذه جدا انتي يا سمرا
عارفه انا أول مرة أدخل المدونة بتاعتك (بتوصية من البشمهندس أحمد عيسي ) لأني جديده في العالم ده .
أخدت جوله مش سريعه . لأني تمهلت جدا في قراية كل موضوع .. عجبتني خفة دمك جدا وشجاعتك منقطعة النظير ..
آلمني حزنك وكنت كتير باقول حرام .. لما أشوف قد إيه انتي مظلومة وقد ايه الظلم ده كسر فيكي ابتسامه وأمل ..

حقيقي انا مش عارفه اقول كلام لأنه أكيد اتقال قبل كده كتير .. بس سعيده بجد اني قريت عنك ومنك حكايات حسيت كأن كنتي بتحكيها معايا وسمعتها منك وضحكنا عليها كتير ..
حقيقي والله حسيت بألفة ..
ربنا يسعدك يارب ويوفقك مع طارق .. بس بالراحه عليه شويه .. أنا اول ماشفت الدبله اللي عليها علامة x حسيت كأن قلبي وقف .. زعلت قوي وكنت عاوزة أقولك ازعلي براحتك واغضبي واكتئبي وحسي ان الدنيا مالهاش معني وان الألم قدرك وكل الكلام الكئيب ده .. بس بلاش بلاش تييجي نحية الدبلة دي .
لما تسببي ألم لحد ممكن يكون مش قصدك لكن لما تحسي الالم ويأذيكي يبقي حرام ترضيه لحد بيحبك .
أنا عارفه انه كلام متأخر بس حسيت اني عاوزه أقوله

يارب يارب تفضل الامور بينكم مستقره واوعي ضعفك في يوم يبعدك مرة تانيه .

أنا عارفه اني طولت عليكي .. بس الظاهر اني عمري ماهاقدر اسيب تعليق بسيط وصغير .. أحمد عيسي بيقوللي تعليقي اطول من البوست ..
هههههههههههه


عموما الفكره اللي عملتيها بتاعت التليفون دي بجد خطيره .. أنا طول مانا باقرأ البوست صعبانه عليا و مهمومة عشانك بس طلعتي دماغ وصاحية .
أنا ضحكت جامد أوي بجد .. هاقول ايه ؟ برافو

سعيدة جدا مرة تانيه اني مريت بمدونتك ويارب نبقي أصحاب

سلام

lyssandra

Tue Feb 12, 08:22:00 PM GMT+2  
Blogger ahmed a.aziz said...

جامدا جداااااااا

lionking

Thu Feb 14, 12:00:00 AM GMT+2  
Blogger جسر الى الحياة said...

يووووووووه يا انجى دا انا اتعذبت يا اختشى كتير قوى بسبب كل الحنفيات
المهم الشخط منفعش ولا الشتيمة ولا الكنسلة واخيرا قالوا لى ابقى اول ما يرن افتحى الخط ومتتكلميش عشان يكع دم قلبه
المهم خلصنا من الرنات استلمتنا الرسايل وهنعمل ايه ربنا يرحمنا من الموبايل وبلاويه واللى بيجرى فيه

Tue Mar 18, 09:18:00 PM GMT+2  
Blogger شاب مصري مفروس said...

هههههههههه
بجد مقدرتش معلقش رغم انى جاي متأخر
ربنا يقدرك على فعل الخير فعلا
بجد بجد انتى ملكيش حل
يخرب عقلك
زمان مصر كلها بترن عليهم
هههههههه
ربنا يوفقك يا رب
تحياتي

Thu Mar 27, 12:01:00 PM GMT+2  
Anonymous Anonymous said...

Jogging on a treadmill could seem like an extravagance to your great deal of individuals, only simply
because operating calls for only strapping on the pair of shoes and getting outside.



Feel free to visit my web page http://www.getfitnstrong.com/bowflex-dumbbells/fit-strong-bowflex-552/

Wed May 08, 10:24:00 AM GMT+2  
Anonymous Anonymous said...

It is actually seriously uncomplicated to sit down and make excuses for
why you have not lost the load you would like to eliminate.


My blog; bowflex selecttech 552 adjustable dumbbells pair

Thu Jun 06, 09:31:00 AM GMT+2  
Anonymous Anonymous said...

Please do not rotate your shoulders backwards on
the top of the movement or forwards with the bottom - this boosts the risk of injury into
the shoulders and places no further get the job done within the trapezius.



Here is my blog: dog dumbbells

Thu Jun 06, 09:00:00 PM GMT+2  
Anonymous Anonymous said...

This may induce some confusion inside the midst of the significant workout but it really isn't a thing that you couldn't become accustomed to.


Here is my weblog :: http://www.getfitnstrong.com/bowflex-dumbbells/3-reasons-bowflex-selecttech-552-dumbbells/

Sat Jun 08, 06:18:00 AM GMT+2  
Anonymous Anonymous said...

You can have triple consequences in one environment; no have to have for other pricey parts of products.


Feel free to surf to my web blog bowflex dumbbells 552

Sat Jun 08, 09:19:00 AM GMT+2  
Anonymous Anonymous said...

And whenever you memorize the regime, you are going to notice that you might not do it together with
the exact intensity while you had been during the starting.


my web blog ... weights dumbbells adjustable

Wed Jun 12, 10:26:00 PM GMT+2  
Anonymous Anonymous said...

Even so, gyms do use only the finest styles and when you are
able to imagine them about replacing outdated designs with new models, you
could possibly be having your self a deal.

Review my homepage dumbbells for sale

Sat Jun 15, 02:58:00 PM GMT+2  

Post a Comment

Links to this post:

Create a Link

<< Home