اشتاق لذاتي
اول حاجة عايزة اقولهالي
اني وحشاني اوووووووووووي
ان حضني وحشني
مش عارفة مالي
بس حاسة اني اتغيرت اوي
ايوووووووووووة هو دة
انا حاسة اني اتغيرت
لا
انا متأكدة اني اتغيرت
برضه لا
انافعلا اتغيرت كتير
واحشاني يا انجي وانتي بتضحكي
انتي بقيتي تعيطي اكتر ما بتضحكي
انا فعلا اتغيرت
انا مش لقياني
مش قادرة اكتب ولا قادرة ارجع زي الاول
وحشاني طفولتي اوي
وحشاني اني اكون عند كل الناس
وحشاني اني ارد علي كل الناس
وحشاني اني ازور كل الناس
واحشاني اني اضحك
وحشاني اني اكون البنوتة اللمضة
ممكن يا انجي ترجعي تاني زي الاول
مش شرط تكوني حزينة يا ماما
مش شرط انك تفتكري اللحظات الوحشة اللي مريتي بيها
بس عايزاكي ترجعي زي الاول
اضحكي وفرفشي
اوعي تبعدي
اتغيرت اوووووي
يا تري عشان العيد مش بقي عيد
ولا عشان تميت ال 26 سنة وحسيتني كبرت
من يومين واحد سألني انتي عندك كام سنة
تنحت
وبصيتله كير اوي
لحد ما قالي يا آنسه انتي معايا؟
مش كنت فاكرة عندي كام سنة
25 ولا انا عديتهها وتميت ال 26
ولا عشان السنة الجديدة زي اي سنة عدت مش فارقة
كل ما كنت افتكر ان 2008 خلاص قربت
افتكر فيلم محمد هنيدي والراجل اللي مش عارفة اسمه بيقوله
راس سنة ايه وزفت ايه .... انت عبيط يالا
لا بس انا متغيرة من قبل العيد ومن قبل عيد ميلادي ومن قبل ما 2008 تيجي
انا حباني اوي
لاني نفس بشرية فلازم احب نفسي
عشان كدة بقولي
ان انتي مش انتي
مش عارفة هتستمري في اللي انتي فيه اد ايه
بس هقولك
انتي وحشاني اوووووي
وواحشني كل اللي حواليا
محتجاني
اتعودت علي احزاني وجراحي
بس انا متعودة عليهم من زمان
ليه بقي مش زي الاول؟؟؟
اقولك زي ما كنت بقولك زمان
تعالي في حضني
اصل انتي وحشاني اوي
Labels: قصة حياتي كلام ليا
70 Comments:
ازيك يا انجي
كل سنه وانتي طيبه
لازم كلنا نتغير بمرور الوت لكن في ثوابت متتغيرش
عايزك ترجعي انجي اللي بتشع نشاط وحيويه في الوسط التدويني تاني
عزيزتى
كل سنة وانتى طيبة وبخير دايمن
شوفى من الطبيعى ان طبيعتنا بتتغير بتغير المناخ اللى حولينا واكيد لو انا بشوف واحب الضحك والهزار مش هينفع اعيش كده وحوليه نكد وهم وانا لو نكدى بس لما اكون وسط ناس سعيدة وفرحانه اكيد هيتغير مزاجى
شوفى بقدر المستطاع مهما كانت الظروف لازم نعيش الحياة بحلوها ومرها ودايمن ادمنا شئ لازم يكون فى بالنا ان دنيتنا زايله بكل ما فيها من متاع والخلود فى دنيا تانى احلا بكتير
ونستحمل بقه ونحند ربنا ونقول يارب
تحياتى يا جميل
سلام
very nice a blog :)
كل سنه وانتى طيبه ياانوج بجد وحشانى انا مقصره بس تعرفى يابنتى انتى تجننى ومش لاقيه تعليق غير انك بجد دايما مبدعه وكلامك بياثر فيا كانك بتتكلمى عنى بجد تفتكرى امته الواحد يعرف يلاقى نفسه ويحس بيها يالا اهى سنين بتعدى بس ربنا يفرح قلبك دايما ..... سلمى
حلو قوي الحديث مع الذات ده بقالي كتير مش عملته مع نفسي اقعدي صالحي نفسك وخديها في حضنك قوي وطبطبي عليها وقوليلها حقك عليا تعبتك معايا وخرجيها واشتري ليها لبس جديد ودخليها السينما طلعيها من مودها باي صورة دي نفسك برضه وليها حق عليكي وعام سعيد عليكي يانوجا
السلام عليكم ورحمة الله وبركاته
ازيك يا انوج ، ايه يا عسوله الموود الوحش ده يلا بقي اخرجي منه
احنا كمان عاوزين انوج بتاعة زمان وحشانا اوي
ربنا يسعد ايامك وترجعي زي الاول واحسن
السلام عليكم
ازيك ياانجى
انتى كمان وحشانا اووى
انتى عارفة ان انا كمان حسيت ان انا وحشت نفسي
نفسي ارجع زى ما كنت زمان
من غير اى حاجة تانية
نفسي بجد احس انى انا بتاعة زمان
الطفلة اللى كل مشاكلها ياترى المدارس هتخلص امتى والاجازة واللعب هيبتدى امتى
ياااااااااااه
والله هأعيط ياانجى
وحشتينا
ومستنينيك
كل سنه وانتي احسن ان شاء الله
التغير في تصرفات الانسان بتحكمه حاجات كتيره جدا
ماديه ونفسيه حتى المناخيه منها
المهم اننا نرجع مع نفسنا لنفسنا علشان ما تضعش مننا
انووووووووووووج
فكي كده
كله هيبقي تمام ان شاء الله
فترة وتعدي
كل سنة وانتي طيبة
السلام عليكم
كل سنه وانتي طيبه
يا عيني يا انجي
انتي اتجننتي وبتكلمي نفسك
الف سلامه عليكي يا جميل
انتي وحشك نفسك
واحنا وحشنا بوستاتك
ان شاء الله ترجعي زي الاول
تحياتي
تعليقك عندى جعلنى اشك ان البوست بتاعى اتكتب قبل تعليقك
.......
على فكرة انا بتابع مدونتك من فترة كبيرة بس يمكن مكنتش بلاقى تعليق فى كل الاوقات
........
لكى كل التحية ووفقك الله الى صفاء النفس
ــــ
تحياتى
حوار جميل جدا مع النفس
نفسى أقدر أقف مع نفسى وقفة جميلة زى كدة واستعيدها من تانى
لأنى فعلا مش لاقياها
كل سنة وانتى طيبة زى ما انتى
:)
شىء جميل انك توحشى نفسك لكن الشىء الفظيع انك تهربى من نفسك وعلى فكرة فظيع دى بحب اسمعها من شويكار المهندس و26 سنة دى مش كتير المشكلة بقى الواحد لما يوصل ال 40 هوا داه بقى العمر الواحد بيبقى نفسة عجلة الزمن تقف عندة والمهم كل سنة وانتى طيبه و26 الف وردة ليكى بالمناسبة السعيدة دى
جزاك الله عني خيرا يا انجي
بجد
فخور بكوني في عائلتك
نفسي بجد لما انزل مصر اقابلكم انت وطارق ليكم عندي هدية بجد من زمان
اسف اني معرفتش الكام مرة اللي نزلت فيهم اقابلكم
بس ملحوقة قريبا باذن الله
تحياتي من ستيرلينج البلد
ومين بس ما إتغيرش
لو تعرفيه شاوري عليه
النفس بتتغير
الشكل بيتغر
تعبيرتنا بتتغير
إحساسنا بالأشياء بيتغير
ودايما بيكون عندنا حنين للي فات
واللي برده دايما بنحس إنه جري بسرعه
وصعب جدا إننا نرجع زي الأول
لأ ده مش صعب ... ده مستحيل
ربنا يسعد أيامك الجايه
سلاماااااااااااات
كل وقت وله اذان
ازيك يا انجي
كل سنة وانتي طيبة
ويارب تكوني تمام
الواحد مننا لازم يجي عليه وقت يحس انه اتغير شوية
يعني الموضوع عادي ومش وحش ان شاء الله
المهم اننا نتغير للأحسن طبعا
كل سنة وانتي طيبة ويارب على طول في طاعة وايمان
حب النفس القاعدة الاساسية لحب الاخرين
جميل جدا ان الانسان يحب نفسه ويدور عليها .. الوصول الى اعماق النفس في حد ذاته شئ رائع لأن معظم اخطائنا بتيجي من ان احنا مش عارفين نفسنا كويس ..
كل سنة وانتي طيبة
Hi Smraa!
Have a lovely, happy, healthy and successful 2008!
انجى
يارب تكونى بخير
كل سنه وانتى طيبه
انا بحس الاحساس ده اوقات
منال واضح ان دى سنه الحياه
عارفه انا لما بمسك صوره بتاعه زمان
بحس انى مش انا فعلا
الضحكه صافيه قوى
والملامح فيها راحه
بس احنا كل مانكبروالايام تنر علينا بتجاربها وقسوتها
بتضيف لينا شئ وبتاخد شئ
حاولى تكونى بخير المهم مش تبعدى عن اصحابك
خلى بالك من نفسك
تحياتى وحبى
انوج ...
المصارحه دي هي بدايه الـعوده ...
بقيت احس بتواصل درجته اعلى من اني اكتب تعليق قوى
اقولك ... انا حدعيلك ..وربنا يعمل الي فيه الخير
العزيزه :انجي
مش هتعرفي ترجعي زي الاول تاني صدقيني انا ساعات كتير اوي دموعي بتنزل لما احس انتي اتغيرت وانا مش انا بس مش هتعرفي ترجعي تاني .مش هتعرفي بس لو عرفتي اجاية السؤال ده ممكن تعرفي ترجعي ( هي الدنيا هي اللي بتغير الانسان وله الانسان هو اللي بيغير الدنيا ) صدقيني لو عرفتي الاجابه يمكن تعرفي تتغيري . لكي مني كل الاحترام والحب .
امضاء : اسلام
يااااااااااه يا انجى
انتى كمان وحشاانى اوى
حلوة الوقفه دى بدام وقفتيها يبقى انشاءالله راجعه وبخير انشاءالله
سلامى يا جميل
مش عارفه اقولك ايه بجد
انا كنت كتبت حاجه شبه كدا اوى
بس يعنى مش هدعى واقول انه كان شبهه فى الكلمات بس بجد كان شبهه اوى فى الاحساس
احيانا كثيره اوى بنفقد نفسنا فى الزحمه
وللاسف بتبقى نفسنا زعلانه مننا اوى فبيبقى صعب اوى نرجعها بسهوله
مش لاقيه كلام اقوله بجد
يمكن لانى حاسه بيكى اوى
بجد ربنا معاكى
هتصل بيكى لانى عايزه اطمن عليكى
يا رب بجد ربنا يكتب لك كل ما فيه الخير ليكى
بحبك اوى ويا رب ربنا يوفقك لما فيه الخير ليكى
السلام عليكم
انجي ياختى
براحة على نفسك شوية مش كده
التغيير ده من سنة الحياة
واستحالة الواحد هيفضل زي ما هو محلك سر
المهم حاولى تلاقي نفسك القديمة وضميها اوي
لكن أوعي تفتكري ان انجي الجديدة وحشة اوي
حاولى توفى ما بينهم
وتقبلى التغيير بصدر رحب
كلنا ساعات بنقف في لحظة تأمل ونفاجأ بالموضوع ده
اننا اتغيرنا
لكن هنعمل ايه
سنة الحياة
ربنا يوفقك يا رب وينورلك طريقك
على فكرة التاج بتاعك انا منسيتوش وهعمله ان شاء الله قريب
ومتشكر اوي ليكي
تعرفي انه اول تاج يجيلي
الف شكر يا انجي
tasawry en Anoooj wa7shana kolna..
3latol kolna benw7ash nafsna bas bardo lazm net3'ayr di tabi3t el bashr...elmohem nekon 7abin nafsna fe kol el2aw2at..
kol sana w enty be2alf 5er ya gamila
ايه يا بنتى بتقولى نفس اللى انا حاسة بيه لانى بقالى كتير برضة مش انا بس لازم نرجع زى ما احنا
اكيد لما بنكبر فيه حاجات بتتغير لكن الطباع والحاجات الاساسية ما بتتغيرش لازم تفضل
ارجعى يا أنجى زى ما كنتى وبلاش تحسبى الوقت
بجد بجد حاساكى اوى
لأنى مريت باللحظة دى كتير
لحظة بحس فيها انى مفتقدة حاجة كبيرة اوى ومش عارفة الحاجة دى ايه
والف الف والاقى الحاجة دى نفسى
بيكون شعور مؤقت وبتأقلم مع انا الجديدة
بس كل مرة اسرح فيها لازم اسرح فى أنى لأ وأنا مش انا وانى عايشة بشخصيتين
وحاجات غريبة كده
أهم حاجة انك تكونى واثقة انك تفضلى حابة نفسك لأن الحب ده هيوصلك للصورة اللى انتى عايزة توصليلها
كل سنة وانتي طيبه ياجميله
ويارب السنة دي تكون أحلي من اللي فات
ويارب تلاقي نفسك فيها وتحققي كل اللي بتتمنيه
(:
احساسك عالي يا انجي
فعلا كل واحد منا بيمر بفترات تفكير بنفسه وممكن يبص مش يلاقيها
بيلاقي واحد تاني يمكن ميعرفوش
فحبي نفسك واحضنيها انتي تستاهلب كل خير
كل سنة وانت طيبة
سلام
انجى
مش عارفه انتى ازاى قدرتى تكتبى كل اللى جوايا
نفس المعاناة
بس يا انجى انا عارفه انك هترجعى
وعارفه انى هرجع
حتى لو باحزان
بس هتبقى موجوده دايما زى الاول
وانا ابتديت اهو
وجيت علقت عندك
انجى
اوعى تنسينا
اوعى
كل سنة وانتى طيبه وبألف خير
انجى انا بحبك
:)
السلام عليكم
كل سنة و أنت طيبة
أخبارك اية؟
أنا كنت منتظر تليفون النهاردة يقولي أنت مش هتيجي و لا أية خروجة كده من بتوع زمان أيام الكابتشينو يعععع
كبري دماغك يا بنتي
ده لسه التقيل جاي ورا
بس بجد لو مبقتيش لمضة و فضيحة مش هأعرفك أة
كل سنة وانتي طيبة مع انها متأخرة كالعادة
اذيك يا انجي اخبارك ايه؟؟؟
ايه الكلام الجامد ده..كلنا بنمر بلحظات انكسار وانتصار..عادي يعني مش اخر الدنيا
وبعدين 26 سنة ايه وكبرتي ايه...استمتعي بحياتك زي مهي وبلاش تفكري كتير
عارفه هي دي النقطة
بلاش تفكري كتير
انا كمان وحشنى ا نجى قوى وطالتها وتعليقاتها
يارب ترجع تانى قريب احسن من الاول
انجى
بجد بجد انتى ممكن متعرفيش غلاوتك ازاى عندنا كلنا انتى بجد حد هايل
مين فينا متغيرش بس الفكرة هتقعدى تعيطى وتقولى وحشتنى انا وكده كده لا هتبقى انجى الجديدة ولا القديمة
مع ان مفيش جديدة ولا حاجة هى بس ظروف يا حبيبتى
او تغييرات مناخ انتى فيها وزاتغيرت اكيد مش هتبقى زى زمان اوى زمان كنتى حاسة انك لوحدك كنتى بتقوى نفسك بتضحكى حجات كتير
بس دلوقتى ما شاء الله معاكى طارق الى اكتر حد بيخاف عليكى قوليله يقف معاكى بجد وحاولى ترجعيكى تانى
وبعدين 26 سنة يبنتى مش كتير ده بس ارتبط بتفكير المجتمع المتخلف الى احنا فيه
وانتى مش حد عبيط يعنى لا انتى سمرا النيل يعنى النيل شوفى بقاله اد ايه هل مبطلش يدينا ميا لا لسه بيدى
انتى كمان نيل المدونين
انوج ازيك يا قمر
بصي يا انجي
افردي ايديكي قوي
و احضني نفسك قوي
حلو قوي انك بتحكي كده مع نفسك
حلو قوي انك تصارحي نفسك كده
جميل بجد
مش كل حد بيقد يعمل كده
تحياتي ليكي
زيزي
تحددالافتتاح لدار الكتب الخاصه بي يوم الخميس القادم - 10 يناير - الساعة 6 مساءا في مكتبه البلد , ندعو الجميع لكي نقص سوياً شريط افتتاح الموقع ونطلق شراره انطلاقه نحو خدمه كل المثقفين والمهتمين بالقراءة
العنوان / مكتبه البلد - ميدان التحرير بوسط البلد - 31 ش محمد محمود أمام الجامعة الأمريكيه
تليفون مكتبه البلد / 27922768
نتمني منكم أن تشاركونا هذه اللحظات والتي لن تنجح إلا بوجودكم
أما أنا..
فلم أعد أعرف ذاتى ..بدوتك
لم أعد أشتاق لشئ إلا.. لعيونك
لم يعد إلي رشدى إلا.. بجنونك
كل ما اذكره عن حياتى الماضية انها كانت.. بدونك
لذا .. فأنا يا أميرتى ومولاتى كلما اشتقت لذاتى .. اشتقت اليكي
كل سنه وانتم طيبين
وحبيت أعزمكم على حفل افتتاح دار الكتب بتاعت صاحب البوابه , زميلنا البلوجرى الفظيع
ودا هايكون يوم الخميس 10 يناير الساعه 6 مساءا فى مكتبة البلد , 31 شارع محمد محمود بالتحرير
عاوزين تواجد مكثف هناك
مستنيينكواااااااااااا
كل سنه وانتى طيبه يا انوج
وبعدين يا بنتى العمر ما بيتأس بالسن وبعدين هو 26 سنه كبيره ازاى يعني وان شاء الله الايام الجايه تبقي اسعد وتخرجى من المود الوحش ده وترجعى انجي بتاعت زمان اللى انتى بتحبيها
وان شاء الله هى فتره وهتعدي بس يا نوجا صالحى نفسك وحبيها واعملى كل حاجه بتسعدها علشان متعيطش وتتحول الدموع لابتسامه حلوه
وربنا يوفقك ويسعد ايامك كلها يا رب
كويس أنك بتتكلمي مع ذاتك...أنا بقي لسه ببحث عن ذاتي
:)
تحياتي
كل سنه وانتى طيبه
طيب احنا مستنين الجديد
كل سنة وانتى طيبة
ازيك يا انجى
كل سنه وانتى طيبه بمناسبه راس السنه والاعياد اللى فاتت كمان
ومن فينا مش نفسه يرجع لزمان وايام زمان
قول للزمان يرجع يا زمان
ايييييييييه دنيا
هههههههههههههههههههههه
فى ايه يعنى كل شئ هايبقه تمما ان شاء الله
تقبلى ارق تحياتى وسلاماتى
عزيزتى
اتمنا زيارتك وتعليقك على الموضوع للاهميه نعليق صريح وواضح وقاطع يا ريت
سلام
وحشتيينا كلنا يا انجى و الله
هههههههههه اقصد سماح :D
26 سنة وكبرتي، أمال اللي زيينا بأة يعمل أية؟
هيييييية دنيا يالا حسن الختام.
أدعوك لإطلالة على تجربة لن تتمدد إلا بدعمكم
هي صفحات تهدف لتقديم التراث المصري القديم بدون اختزال ولا بسترة ولا تضخيم
هي مشاركة متواضعة ضمن المشاركات العديدة لخلق وعي بالهوية المصرية
هذه الصفحات للمصريين فقط
حلو اوى الموضوع ده ياانجى على فكرة تصدقي حسيت انو انا الكتبه الموضوع مش انتى ياريتنى ارجع انا كمان بس نقول ايه قول الزمان ارجع يازمان وكل سنه وانت طيبه وبخير وصحه وسعاده
كلنا لازم نتغير
واذا ماتغيرناش مش هانبقى احنا
زي ماكنا صغيرين مش واصلين لأرة الباب
وبقينا نفتح الباب برجلينا
وحشتيينا كلنا و الله ..
وهترجعى تانى زى الأول وأحسن يا انجى بإذن الله ..
وكلنا فى انتظارك دايما
سلامات
انووج وحشتني اوي اكتر ما انتي واحشة نفسك
بجد مش لاقيه كلام اوقوله لان كلنا في الوقت الحالي بندور على نفسنا لانها وحشنا ولاننا بجد محتجنها اوي تكون معانا ربنا يكون في عونك لاني بجد عارفة احساس انك تدور على نفسك لانها وحشاكي بيكون ازاي
انشالله ترجعي انجي بتاعت زمان وتملي المدونة فرحة وضحك وترجعي تدوشينا بلمضك اللى زي العسل
بجد وحشتنا اوي وهنستنى رجعوك بفارغ الصبر
ضيفي ليك المدونة الجديد عندك وخلينا اشوف
وياريت تفكري بجد في موضوع التجمع محتاجة اوي اني اشوفكم
موني
كل سنةو انت طيبة يا سمرا
ثلاثة وردات و كتاب و قلم
هم رصيد زكريات
تحية من صديق قديم يعشق البحر و السفر
إيه ده إنتي زعلانه ليه كده؟ ما إنتي لازم تحبي نفسك و توحشك لما تبعدي عنها...كمان كويس إنك حسيتي كده عشان ترجعيلها...بس إنتي كاتبة البوست بقالك 12 يوم...مش كفاية!؟
عايزة تقوللى ان اللماضة قلت !! مش مصدق
ازيك يا أنجى
السلام عليكم و رحمة الله و بركاته
ازيك يا انجي
بصي كلنا بنتغير بمرور الزمن
و كلنا بنشتاق للماضي علشان دماغنا كانت مستريحه
زي ما زمان كلنا كنا عايزين نكبر بسرعه
و لما كبرنا ندمنا ان الايام الحلوه راحت
ياريت بقا ما تقعديش تبكي كتير علي اللي فات علشان ما تضيعيش الوقت الحاضر
مستنيين انجي بتاعة زمان ترجعلنا
نشتــــــــــــاق
إليكــــــــــــى
.
.
كمـــا
تشتاقين إلى
ذاتـــــــــــــــك
كونى ملكه دائماً
على عرشك
والله يا ستي مش انتي بس
انتي واحشانا كلنا بس هنعمل ايه
بتتقلي علشان تشوفي غلاوتك
عموما كل سنه وانتي طيبه
وربنا يوفقك انتي والواد اللي مجننك ده
سلاااااااااااااااااااام
اية في اية محدش بيشوفك لية
اية في اية محدش بيشوفك لية
ياااه ياانجى واضح انك حد حساس اوى
وم جوا ابيض اوىىىى
حسيتك بتكلمى نفسك كشخصين منفصلين تماما
اتمنالك يارب التوفيق
حمد لله ع السلامة
.
.
اشياق الانسان الي ذاته
امر ليس بالعادي
.
.
اعتقد ان من يفطن كم هو مفيد .. لن يرجع عنها ابدا ... بصراحه
يا بختك
.
.
تحياتي والسلام
كل سنة و انتى طيبة يا انجووووووووى
فكيها بقى
كلة فااااااااكس
كل ده علشان تميتي الـ 26 ؟!!
على كده يبقى انا فقدت الذاكرة
كل سنه وانتي طيبة .. وعقبال الـ 27 و الـ 28 والـ 29 و........
كل سنه وانتي طيبه يااحلى انوج عقبال ماتبقي جده عسوله وجميله
لما تحس ان انت مش انت
وما تضيع من نفسك نفسك
وما تحس بإنك مليون حتة
وان غروبك ساعة شمسك
عارفة أنا الإحساس ده
الإنسان سمي إنسان من النسيان
وديما بحن لحاجات بعدت عنا
منها نفسنا
ربنا يسعدك يا فندم
ويرضي عنك
ويرضيك
تحياتي
تصدقي يا أنوج انتي كمان واحشاني ووحشني كلامك زيماوحشني السبيس بتاعك
كلنا بنتغير اوبمعنى اصح كل حاجة بنفتكرها اتغيرت هي جوانا لكن مدفونة وكل يوم بنقشر طبقة ورا التانية وبيظهر اللي جوا
اللي جوا اوييي
فهماكى اوى وحساكى اوى
كتير اوى بلاقى نفسى وحشانى
بلوج رائع
مع تحياتى
cheap tramadol online purchase tramadol in uk - tramadol online american express
Post a Comment
<< Home