وحشتوني اوي

عااااااااااااااااااااااااااااااااااااااااااااااااااااا

الله يخربيتك يا حنفي الله يخربيتك يا حنفي الله يخربيتك يا حنفي

لا وايه كاتبلي 107 كومنت وبتدعولي فيهم

ابقو اتوضوا قبل ما تدعوا

الله يخربيتك يا حنفي الله يخربيتك يا حنفي الله يخربيتك يا حنفي

اولا وحشتوتي وحشتوني وحشتونيىىىىىىىىىىىىىى

يا لهوي دة انا كنت عاملة زي اليتيمة

او الكلب الاعور مش هتفرق كتير

لست انا هذه الرجل اللي يتحط في المواقف اللي زي دي

اولا انا يا جدعان مش كنت موجودة انا اخدت بؤجتي وعزالي ورحت عند ماما

فاكرة ان الحياة بقي لونها بمبي وانا جنبك وانت جنبي

مش كنت فاكراها انها اسود من قرن الخروب

الا بالحق هو الخروب بجد لونه اسود ولا هو اصلا ليه قرن ولا هي بتتقال كدة عشان يبقي مثل

المهم يا اولادي

بعد ما حسيت ان الحمل تقل اوي علي ضهري قررت ان اتنحي من البلوج شوية واعتزل الحياة والرفاهية واروح عند ماما

وفوجئت عندها بالمأساه الشنيعة اللي تغني عن اي رفاهية في الدنيا دي

دة كان حالي وانا عند ماما

الست دي غلبانة اوي والله تسيبني علي الكنبة برة وتدعيلي وتخش تنام وجري علي طول امدد علي الكنبة وانام

وتصحي تلاقيني كدة وتقولي

يا عيني عليكي يا بنتي يا جدعان بتذاكر لحد مانامت علي نفسها

رحماك يا رب

بس والله احيانا لما كنت بذاكر في الساعات القليلة اللي تسبق الامتحان ببقي مش قادرة اجيب كوباية مايا لنفسي

واحس اني مخنوقة

مش عشان حاجة عشان اولا لو قمت عارفة اني هلعب ومش هذاكر

ثانيا ان الامتحان فاضله كام ساعه وانا لسة مش فتحت حاجة

يالا الله يخربيتك يا حنفي الله يخربيتك يا حنفي الله يخربيتك يا حنفي

اوعي تفتكروا ان دور الطالب اي كان موقعه ودراسته يقتصر علي المذاكرة وانه يمتحن ويدلو دلوه في الامتحان

تفتكروا كدة دوره خلص

لا كلا البتة تؤتؤتؤ ابزولوتلي

في مرحلة اهم من كل دة

اسالوني ايه هي يا سمور يا حبيبتي

سالتوني

ارد واقولكم ان هي

نصلي وندعي

بس وحياة ابوكم ابقو اتوضوا

اول امتحان جالي 19 سؤال اول ما شفت ورقة الاسئلة قلت مالها داخلة في بعض كدة ليه

ولمدة عشر دقايق تانية ماجيستير تخصص تدريب كلهم جاتلهم هيستريا ضحك

وقعدت اعد في الاسئلة

يلا هتروح من ربنا فين

تاني امتحان كان المنهج بتاعنا عبارة عن 4 ابحاث كان ليا نصيب في اني اعمل اتنين منهم

تقوم ايه بقي تجيب اربع اسئلة نختار منهم تلاته والمطلوب اننا نتكلم عن كل اللي موجود في الابحاث

بعد ما الامتحان خلص صرخت ومسكت ايدي وقلتهم شلت يداي

يلا هتروح من ربنا فين

الامتحان التالت بقي اللي فتحت منهجه الساعه 7 الصبح قبل ما اروح الامتحان

فلا داعي للاحراج ونصلي وندعي

مش بقولكم نصلي وندعي

ادعولي بقي يديني الصحة وارد علي كومنتات البوستين اللي فاتوا

علي فكرة بجد وحشتوني اوي اوي اوي اوي

ومش كنت اعرف انكم غالين عندي اوي كدة