Thursday, April 19, 2007

اول مظاهرة مشيت فيها

بما اني وطنية اوي زي مانتو عارفين فانا هحكيلكم علي اول مظاهرة مشيت فيها وبقدرة قادر الاقي نفسي انا القيادية فيها
مش فاكرة ساعتها كنت في سنة كام بالظبط بس تقريبا كنت في اولي ثانوي
عمري في حياتي ما حضرت طابور الصبح بتاع المدرسة بتاعتي اللي كانت لغات تجريبي
وكنت مقضياها فعلا
: ملحوظة واحد
كان دايما معايا شنطتين للمدرسة شنطة حاطة فيها كتبي وكشاكيلي ودي طبعا كنت بسيبها في الفصل في درج الديسك بتاعي
والتانية اللي كنت بروح وباجي فيها وكان محطوط فيها المجلات والشرايط اللي هنسمعها في الوكمان
ودة لاني مش بحب امشي وايدي فاضية في الشارع
وفي سابقة لم تحدث في التاريخ الا نادرا لقيت نفسي مرة صحيت بدري ونزلت رحت المدرسة وسبحان الله الاقيلك طابور الصبح
وقفت وكل واحدة من البنات بئها مفتوح اد كدة من هول الصدمة ان سمرا حضرت الطابور
لقيت البت اللي جنبي بتقولي وهي بتوشوشني كدة وزي ما تكون خايفة
سمرا انتي معانا مش كدة
رفعت حاجب وقلتلها معاكو فين
قالتالي مش وقته هزار انتي معانا ولا لا
قلتلها طبعا معاكو انتي هتهزري بقي انا اسيب فرصة زي دي برضه
وانا بقي طور وسابوه في غيط برسيم لا فاهمة حاجة ولا عارفة اي حاجة
لقيت كل البنات اللي حواليا بيبصولي وهما فرحانين انهم شافوني وقالولي ادا طب كويس مش انتي معانا برضه
اووووووووووووف استغفر الله العظيم طبعا يا بنتي معاكي اومال انا جاية بدري ليه
اصيلة يا سمرا والله
الله يخليكم
يا جدعان حد يفمني الليلة انا مش فاهمة حاجة
المهم الولية بتاعت مدرسة الالعاب قالت اللي نفسها فيه من تمرينات اللي مش في حد بينفذها
وفي الاخر قالت اطلعوا الفصول
اختكم وطت جابت الشنطة وعماله بزق في العيال واقولهم يلا اتحركوا
قالولي ايه مش انتي قلتي ان انتي معانا
قلتلعم ايوة بس يلا نطلع واقفين كدة ليه
انتي يا بنتي انتي هتنسحبي ولا ايه
لالالالالالا مش سمرا اللي تنسحب بس نطلع الفصل ونتفاهم
ماحنا لو طلعنا الفصل يا غبية مش هنعرف نعمل اللي احنا عايزينه
غبية ؟؟؟؟؟؟؟؟؟؟ بيحترموني اوي البنات دول
فجأة لقيت ميس امال بتاعت الالعاب قعدت تزعق وتقول انا بحذركم كلكم من اي خطوة هتعملوها واتفضلوا اطلعوا علي الفصول
وانا بقي مش عايزة اقولكم واقفة متنحة ومش في حد عارفني بقي لما تنح
والعيال لسة واقفين تقولش جبال واقفة ولا هاممهم
اسود يا ولاد
لقيت بنات المدرسة رافعين اديهم وبيقولوا بصوت عالي
مش طالعين مش طالعين
مش طالعين مش طالعين
لالالالالالالالالالالا
الموضوع كدة كبر
رحت باصة للبت اللي جنبي
قلتلها بصي بقي هتفهميني هو في ايه ولا اروح فيكي في داهية
قالتلي ايه يا سمرا انتي بتستهبلي انتي معانا ولا لا
قلتلها يا ستي متزفتة معاكو بس فهميني اصل بعيد عنك لما بصحي بدري بيجيلي فقدان ذاكرة مؤقت
وطبعا اصلا انا مش فاهمة في ايه ولا ايه اللي بيحصل
قالتلي مش وزير الزفت بتاع التربية والتعليم لغي يوم السبت للمدارس التجريبية
قلتلها صادقة يا اختي
قالتلي بس فاحنا عاملين مظاهرة عشان يرجعوا لينا يوم السبت احنا رافضين ان هم يساونا بالمدارس الحكومية
قلتلها ااااااااااااااااااااااااه
مش تقولي
وخدتني الجلاله في وسط المعمعة دي
وال يلغي يوم السبت ال وكمان نتساوي بالمدارس الحكومية
دة تسيب
وفي وسط العيال اللي بيقولوا مش طالعين وبقيت هرجلة ومش بقي طابور
قلت مبدهاش بقي
رحت طالعه علي مصطبة عالية شوية كدة
وقلت بصوت عالي
يوم السبت يا اما بلاش
المدرسة منروحهاش
يوم السب يا اما بلااااش المدرسة منروحهاش
وعليها بقي
العيال راحو باصين ليا وقعدوا يهتفوا بالنشيد الوطني اللي انا الفته
وبقيت هيصة يابا
طبعا المديرة بقي والمدرسين كانوا ماسكين الميكروفونات ونازلين تحذير
واحنا ولا هنا
خادتني الجلاله رحت قايله بصوت عالي
لازم الولاد يشاركونا في المظاهراااااااااااااااة
وكاني مثلا قلت لقيت حتة لحمة لناس عمرهم ما سمعوا عنها
: ملحوظة 2
احنا مدرستنا كبيرة لينا مدرسة للبنات ومدرسة للولاد ومدرسة للمرحلة الابتدائية ومدرسة للحضانة وكل دول بيفصل بينهم جنينة كبيرة
لقيت العيال ايوة عايزين الولاد
عاييييييييييزييييييين ولااااااااااااااااد
طبعا لقيت نفسي بقدرة قادرة قائدة المظاهرة القومية
رحت ماشية ناحية بوابة الجنينة
وطبعا البنات كلها ورايا
وقلت
عايزييييين رجاله عايزيييييين رجاله
راحو الولاد طبعا خارجين من الشبابيك بتاعت الفصول
وعاملين يشاوروا ويزعقوا واحنا في وسط معمعة المعركة مش سامعين الولاد بيقولا ايه
طبعا زعيمة الامة اللي هي انا قلت للبنات احنا لازم نكسر الباب دة
والباب طبعا مقفول بقفل وجنزير
وتصادف زي كل مرة مصادفة اخش فيها في مصيبة اني اكون واقفة ادام نص الباب بالظبط وادامي الجنزير والقفل
والبنات ماسكين الباب ورايح جاي يزقوا فيه
قلتلهم باااااااااااااااااااااااااااااااااااااس
استنوا
ورحت ماسكة الجنزير من حتة معينة وبكل ما اوتي فيا من قوة مثبتاه من ناحية
وقلتلهم زقوا بقي
وفضلنا علي الحال دة لحد ما كسرنا الباب
ومجموعه من الجماهير الغفيرة خرجت للجنينة
لقيت المدرسين راحو جايين ورانا وقالولنا اعقلوا بقي المديرة طلبت البوليس ليكو
رحت لقيت مستر صلاح مدرس الفيزيا بيقولنا ولا يهمكم يا بنات استمروا في اللي بتعملوا
خلي صوتكم يوصل
طبعا جرعتين الحماسة اللي قالهم مستر صلاح اشعللت البقية الباقية من اللي الحماس المدفون
وعمالين نشاور للولاد بقي ونزعق ونقولهم انزلوا
وطبعا كناية عن غباء البنات وغبائي انا كمان
قلتلهم العيال مش سامعين احنا نكتبلهم يفط
يفط ايه انتي كمان
قلتلهم ايوة نكتب يفطة بكشاكيل المدرسة
وكل واحدة من البنات اصلا بقت منقادة بصورة عمياء لزعيمة الامة وناصرة الغلابة اللي هي انا
وهوباااااا
مطلعين الورق وكاتبين عليها بالحبر الجاف مجموعه من الكلمات المشجعه
اللي لو انا وقفة علي بعد خمسين سنتي منها اصلا مش هشوفها
وابص من بعيد المح ظباط وعساكر داخلين من البوابة الرئيسية للمدرسة
وصاحبك اعزل
وفجاة انا اختفيت
وهنا تبدا الحلقة المفقودة بتاعت ادهم صبري الله يخربيته واكل دماغ المدونين
قفزة للمستقبل بقي
كل فصل من الفصول طلع ليها ظابط بصحبة البنات الموجودين في كل فصل
لحد ما طلعوا الفصل بتاعي
آآآآآآآن أأأن، تششششششششششششششش
العيال لاقوني جوة الفصل مطلعه كشكول العربي وقاعدة بنقل اللي علي السبورة في حصة العربي
وكل اللي عليهم ازااااااااااااااااااااااااااااي
دي كانت معاااااااانا
اه يا واطييييييييييييييييييييييييييين
عودة بقي للحلقة المفقودة
لما اختكم لقت ظباط وعساكر رحت متسرسبة كدة واخدتها جري للفصل من غير ما حد يشوفني
واول ما طلعت الفصل لقيت مستر محسن مدرس العربي اللي خد اوامر باستكمال اليوم الدراسي للبنات
اللي مش شاركوا في المعمة الكبري هو وباقي المدرسين في كل فصل
المهم طلعت الفصل واول ما شافني
المنظر كالاتي
القميص طالع من الجيبة
والجيبة اتعوجت ضهرها بقي وشها
والحجاب حادف يمين خالص وزرار الكم اليمين كان مقطوع
يعني كان منظري نيلة خالص
وطبعا طالعه بنهج
اول ما شافني وقبل ما ينطق من هول الصدمة الي شافها
قلتله وانا كلي لهفة وبراءة الاطفال في عيني زي كل مرة
يا مستر هه هه هه ( طبعا انا بنهج) مش في حد شاف الشنطة هه هه بتاعتي
قالي نعم؟؟
قلتله الشنطة بتاعتي مش لاقياها وكنت كل دة بدور عليها
قالي وايه اللي لعبكك كدة
قلتله يا مستر انا واقفة في الطابور وعماله اقولهم يلا نطلع الفصل لقيت العيال جريوا ووقوعوني علي الارض
ومش لقيت الشنطة
اضطريت اخش وسطهم عشان ادور علي الشنطة رحت واقعة وداسوا عليا واخر ما زهقت قلت اخش ادور عليها هنا
لقيت صاحبتي امل عبد السلام الله يمسيها بالخير بقيت صيدلانية دلوقتي
بتبتسم وهي عارفة اللي فيها وتقولي شنطتك هنا يا سمرا في الديسك
رحت مبرألها وقلت بسرعه الحمد لله اكيد واحدة بنت حلال لقيتها وجابتها
رحت باصة لمستر محسن بمنتهي المسكنة والرعب في نفس الوقت
وقلتله انا خايفة اوي يا مستر اصلي لمحت عساكر تحت وخايفة يفتكروني اني كنت في المظاهرة
خصوصا ان البنات كانوا متغاظين مني عشان مش رضيت اشارك
فتقريبا والله اعلم صعبت عليه اوي
وقالي مش تخافي خشي يا ماما وانا هتصرف
وبمجرد اني عدلت هدومي وقعدت وظبط الاناني زي ما بيقولوا
لقيت الناس داخلين عليا وكان معاهم طبعا مديرة المدرسة
طبعا البنات كان كل اللي عليهم ازاااااااااااااي
دي كانت معانا
لقيت الظابط بيقوللي قومي اقفي
رحت واقفة وانا نظرات الرعب والغيظ ملياني
قالي انتي كتي معاهم
قلتله وانا بريئة براءة الذئب من دم ابن يعقوب
ابدا با باشا
قالي اومال بيقولوا انتي كنتي معاهم ليه
قلتله مش عارفة حضرتك جايز عشان رفضت اشترك معاهم
وبعدين حضرتك انا هنا من بدري
حتي اسال مستر محسن صح يا مستر
لقيت المستر برء اوي كدة وادام نظرات الاستجداء قاله فعلا حضرتك دي موجودة من بدري
والبنات بقي كانوا هيتجننوا
المديرة والظابط في نفس واحد
ايه اللي حصل اصلا
قلتلها حضرتك انا مش عارفة اصلا ايه الي حصل غير ان البنات دي قعدوا يهتفوا فجاة
ومش كانوا عايزيني اطلع الفصل
وشوفتهم وهما بيكسروا باب الجنينة
ومستر صلاح بتاع الفيزيا قعد يشجعهم
دة كل الي اعرفه حضرتك
البنات بقي
منك لله يا شيخة منك لله
وطبعا النتيجة
ان مستر صلاح بتاع الفيزيا جاله قرار انتقال لاسيوط
بس بعدها بشهر رجع تاني
و16 بنت من فصلي جالهم رفد اسبوع
وطبعا بعد ما كلموني
قالولي بقي كدة يا سمرا
قلتلهم مانتو استندلتوا وعمالين تقولوا دي معانا دي معانا
عليا وعلي اعدائي بقي
قالولي يعني ناخد رفد اسبوع
قلتلهم طب يا بختكم ياريتني اترفدت معاكم دة انا كان طالع عيني هنا في الشرح
مش في غير 10 بنات بس والمدرسين مستفردين بينا طب بالذمة مش استمتعم في الاجازة
قالولي بصراحة اه بعد البهدلة اللي خدناها من بابا وماما بس استمتعنا بعدها وقضيناها
قلتلهم طييييييييييييييييييييييييييب
يبقي عملت فيكوا خير وجميلة تشكروني عليها لا انما انتو طلعتوا واطين ودعيتوا عليا
يلا الله يسامحكم بقي
ولحد النهاردة اعزائي المواطنين مش عارفة مصير الشنطة الي كان فيها مجلات وشرايط فين
واللي عرفتوا من اخويا بعد كدة لانه كان في نفس مدرستي بس مع الولاد طبعا
ان الولاد حاولوا يخرجولنا من باب المدرسة بس كان مصيرهم الجنازير
كانوا بينضربوا جامد
لكن احنا الجنس ناعم ناعم والجنس الخشن خشن
مش في حد يقدر يلمسنا
شفتوا بقي الوطنية بتاعتي
راحة المدرسة لا بيا ولا عليا وفجاة بقيت قائدة لمظاهرة عنيفة
هييييييييييييييييييييييييييييييه ايام

Labels:

145 Comments:

Blogger مصر هى أمى said...

مش عاوزيين تتساوا بالمدراس الحكومية ليه يا ماما
هوا صحيح انا كنت مدارس لغات بس برده بتوع المدراس الحومية بنى ادميين زيكوا بلاش التفرقة الطبقية ديه

وبلاش برده التماحيك فى الاولاد يعنى تعملوا مظاهرة وهتوتوا وتطلعوا الولاد نعاكوا فيها بطلوا اعتمدوا على نفسكم مرة واحدة

Thu Apr 19, 12:20:00 PM GMT+2  
Blogger BOS BOS said...

أيه الجمال ده بس بذمتك مش أيام حلوة وماتتنسيش
الواحد بيفتكر أيام املدرسة ويبقى نفسه يرجع لها تانى
فعلا ذكريات ما تتنسيش بس بجد أنتى طلعتى جامدة خلتنى المدرس كذب وقال أنك فى الفصل من زمان
هههههههههههه

Thu Apr 19, 12:24:00 PM GMT+2  
Blogger smraa alnil said...

مصر هي امي

يا ابني ايام زمان بقي كانوا المدرسين بينفخونا
ويقولولنا انتو احسن وبتوع الحكومة دول مش عارف ايه

بس وحياتك عرفت بعدها ان بتوع مدارس الحكومة احسن مننا

هههههههههههههه
ماحنا اعتمدنا علي نفسنا حضرتك
واديك شايف النتيجة
__________________________________


بوسبوس

والله يا بنتي كل ما بفتكر الايام دي
بقعد اضحك
ونفسي فعلا ترجع الايام دي من تاني
ههههههههههههههه

يعني اروح فيها انا يعني
اصل كنت فاكرة ان هما هيقبضوا عليا

هو انا خليته يكدب بس
دة فتنتن علي المدرس التاني وخليته يتنقل
ورفدت العيال وكسرت باب المدرسة
يعني ومش كنتي عايزاني اعمل كدة
دة كان فيها اعدام يا امي

Thu Apr 19, 12:52:00 PM GMT+2  
Blogger a7lam 3adya said...

ضحكتنى بجد يا سمارة هههههههه بس صعب عليا مدرس الفيزيااووى

Thu Apr 19, 12:59:00 PM GMT+2  
Blogger واحد من الناس::طارق:: said...

الراجل الندل ... ونعم الرجال

Thu Apr 19, 01:22:00 PM GMT+2  
Blogger بنى أدم مع وقف التنفيذ said...

يا علي ايام زمان
مظاهرات و هتافات اية الباخه دى .يا سلام يا سلام يا سلام
لف و ارجع تانى .. لف و ارجع تانى

على فكرة انا كنت بحس ان المظاهرات دي بتخرج بكيف المدرسين

بس هما بيقوله العيال هيه اللى خرجت

Thu Apr 19, 01:25:00 PM GMT+2  
Blogger كراكيب عادل said...

حلوة الشنطة التانية دي بتاعة العدة

شقية من يومك بس انا من رأي تخفي من فضايحك دي لحسن الواد يفك منك

اعملي نفسك هادية ورقيقة

هسسسسسسسسسسسسسسسسسسسسس

ابقي شوفي ردي علي تعليقك هناك

Thu Apr 19, 01:43:00 PM GMT+2  
Blogger Anima said...

زعيمة أوانطا حضرتك؟هههههههههههه

حرام عليكي اللي عملتيه فيهم و الله

روحي يا شيخا زي ما ضحكتني ربنا يكرمك في يومك اللي مش حيعدي ده ههههههههههه

Thu Apr 19, 02:09:00 PM GMT+2  
Blogger Tamer Nabil said...

فعلاا كانت ايام

كدة انوووووج تعمليها مع العيال اصحابك

طيب غيبى بقى الاسبوع دة تضامن هههههه

مجاملة لااصحابك الغلابة دول

دة انتى اللى شعلتى الموضوع واول واحدة تهتف واول واحدة تهرب ههههههههههه

ما عليا بقى كانت ايام

المهم اخبار اية انتى ؟

تحياتى

Thu Apr 19, 02:46:00 PM GMT+2  
Blogger The Alien said...

كل حد فينا عنده مظاهرة زي دي
بس لإنك سمرا
فكان لازم الوضع يبقي بالمنظر ده

البنات وقالوا عليكي فيستاهلوا
لكن إيه ذنب مدرس الفزيا؟
وبعدين ولاد إيه اللي كنتوا عايزنهم يتحركوا ؟

تحياتي

Thu Apr 19, 02:49:00 PM GMT+2  
Blogger WHISKEY PUZZLER said...

قالي نعم؟؟
قلتله الشنطة بتاعتي مش لاقياها وكنت كل دة بدور عليها
قالي وايه اللي لعبكك كدة
قلتله يا مستر انا واقفة في الطابور وعماله اقولهم يلا نطلع الفصل لقيت العيال جريوا ووقوعوني علي الارض
ومش لقيت الشنطة
اضطريت اخش وسطهم عشان ادور علي الشنطة رحت واقعة وداسوا عليا واخر ما زهقت قلت اخش ادور عليها هنا
لقيت صاحبتي امل عبد السلام الله يمسيها بالخير بقيت صيدلانية دلوقتي loooooooooooooooooooooooooooooooooooooooooooool, nice lieout of my mind :)

Thu Apr 19, 03:00:00 PM GMT+2  
Blogger إبـراهيم ... معـايــا said...

أنا قلت أدخل أعلق الأول ... وعبدين أقرا برااحتي
.
.
.
يعمر بيتـك يا سمرا ياااااارب ، ضحكتيني جدًا ، فكرتيني بمغامرة التوت الشهيـرة . .



.
أموت وأعرف بتلحقي تكتبي بالسرعة دي إزاي

اللهم حســـد :)


جميل يا جميل ، وسلميلي ع اللي حايشينك عننا إنهاردة


سلاااام بقى لحسن حد ييجي قبلي
أنا رقم 12

Thu Apr 19, 03:24:00 PM GMT+2  
Blogger SAKAyAR said...

جاااااامد جدن
علمتني الحياة .... إذا الندالة ما كانتش فـ وقتها ... ما تبقاش ندالة ... وما يبقاش ليها لازمة...بس الجميل إنك لما جيتي تكدبي ... كدبتي بصدق ... بحب الثقة دي

Thu Apr 19, 03:32:00 PM GMT+2  
Blogger مـحـمـد مـفـيـد said...

والله ايام زمان كانت حلو في كل شئ

Thu Apr 19, 03:44:00 PM GMT+2  
Blogger Ahmed taher said...

ازيك ايتها السمراء ولا اعرف اذا كان اسمك مجرد كنية ليس اكثر ام انك سمراء فعلا ....

بقدر نعتي لك بالندالة اثناء قرائتي للقصة بقدر ما ضحكت كثيرا فعلا بقدرتك على الهروب من اصدقائك وكمان لبستيهم التهمة وطلعتي انت منها زي الشعرة من العجينة ....

ولو ان معجبنيش حكاية المدارس اللغات او التجريبي دي مع الحكومي وانا واحد منها ودلوقاي اخرتها ايه يعني
كلنا مدونين زي بعض ....

اسلوبك جميل وفي انتظار مشاركتك عندي لو تحبي ... تحياتي

Thu Apr 19, 03:46:00 PM GMT+2  
Blogger smraa alnil said...

احلام عادية

هههههههههههههههههه

نانا
مش يصعب عليكي غالي
دة كان واكلها والعه من الدروس
__________________________

طارق غير الناس

ههههههههههههههههه

طبعا
يعني اروح انا فيها دة كان فيها رفد نهائي يا طارق

Thu Apr 19, 04:32:00 PM GMT+2  
Blogger smraa alnil said...

بني ادم مع وقف التنفيذ

هههههههههههههههه

اهو انا لفيت ورجعت لوحدي
منورني علي فكرة يا محمد
___________________________

كراكيب عادل

هههههههههههههههه

الواد عارف كل فضايحي وبعدين دة خلاص اتدبس مش بقي فيها تراجع يا عادل
هههههههههههههه
لو عملت نفسي كدة مش هيعرفني
هناك فين
هو انا ناقصة لخبطة

Thu Apr 19, 04:33:00 PM GMT+2  
Blogger smraa alnil said...

انيما

هههههههههههههههههه
اونطة ايه طبعا اونطة
يعني اترفد انا وبابا يقتلني
ههههههههههه
ربنا يخليكي
بس يومي فعلا شكله مش معد تصدقي بقي
هههههههههههههه
__________________________

تامر نبيل

هههههههههههههههههه
بتفكرني بفاروق نبيل يا تامر باسمك كدة
ماهم اللي داخلين عايين يخبسوا عليا
لو كانوا داروا عليا كنت خدمتهم
هههههههههههههههه
الجري كل الجدعنه وانا مش مستغنية عن نفسي
اه والله كل ما افتكر الايام دي اقعد اضحك
انا الحمد لله تمام
علي فكرة اسلوب كتابتك بقي مختلف اوي وحلو جدا

Thu Apr 19, 04:33:00 PM GMT+2  
Blogger smraa alnil said...

بيشوي

هههههههههههههههه
والله انتي اللي فهمتني يا بيشووي
اهو انا عملت معاهم كدة عشان قالوا عليا
عارف لو كانوا سكتوا كنت قلت كلمتين حلوين واتخرست
مدرس الفيزيا حضرتك اصلا
كان عايز يشعللها ويقعد علي تلها
عشان الدروس
بس اهو خد جزاءه
مش كان بيشرح الا لما العيال ياخدوا عنده درس

والولاد دول ولاد مدسرتنا
عشان نجمعهم وتبقي هيصي بجد
___________________________

whiskey puzzler

يعني كنت اعمل ايه طيب
كنت مضطرة
هههههههههههههههه

Thu Apr 19, 04:33:00 PM GMT+2  
Blogger smraa alnil said...

ابراهيم معايا

ههههههههههههههههههه
هو في زي مغامرة التوت
وايام التوت هييييييييييييييييييه ايام بقي

يا لهوي يا ابراهيم انت هتقر عليا عشان بكتب بسرعه
والله ما حد حايشني بس انا بجد هفكر في الموضوع
ههههههههههههه
صحيح مبروك انك رقم 12
___________________________

ساكيار

صح
يعني الواحد بيجيلوا كاممرة يستندل فيها
مش كتير
ههههههههههه
هههههههههههههههه
لا اصل انت مش تعرفني وقت ما اتزنق مش عارفة انا بقول ايه
بس اهي عدت

Thu Apr 19, 04:34:00 PM GMT+2  
Blogger smraa alnil said...

محمد مفيد

اه والله يا محمد
كانت جميلة جدا برغم اي حاجة غلط فيها
___________________________

احمد طاهر

هو مس سمرا اوي عني
هههه
ههههههههههههههههه
كنت مضطرة استندل بجد
صدقي يوقتها المدارس التجريبي والغات كانت فعلا بتعمل تفرقة
بين اللحكومي والغات
وكانوا دايما بيوصولونا لمرحلة اننا احسن ميت مرة

بس طبعا ادراكي انا كان بيختلف
بس دة لان كمان الاهالي بيكبروا من ولادهم اوي

ههههههههههه
وبعدين اديك قلتها كلنا مدونين وفي الهوا سوا

عامة انا شاركت خلاص
:)))

Thu Apr 19, 04:34:00 PM GMT+2  
Blogger Noony said...

ودي كانت البداية...يا ترى وصلتي لفين دلوقتي؟

ايام المدرسة والعك والاستندال..أيام جميلة...يا ريتها تعود

يعني صدقوا كلمة المدرس ضد كلمة المديرة؟...دة انتي طلعتي مفترية

ومحدش طيب فتن عليكي؟! من زعيمة العصابة للقطة المغمضة؟...اية البراءة دي

أنا أيام المدرسة...كانت تحصل المصيبة وأنا أقعد أتفرج عليهم من بعيد وأشجعهم كلام بس..ومحدش يقدر يمسك عليا ذلة..أنا فعلاً مكنتش معاهم
:)

بس بجد أنتيكة
نوني

Thu Apr 19, 04:44:00 PM GMT+2  
Blogger The Groom said...


بصراحة انا مقريتشي البوست ده

لكن أنا حبيت أعلق على البوست اللي فات

أنا لما قولت ييياااااااااااااااااه

كان لأن البوست ده صحصح في نفسي مشاعر كتييييييير ماتت من 8 سنين

وللأسف ماتت تاني أول ما قفلت البوست

لكن أنا كل اللي طلع من بقي ساعتها ياااااااااااااااااه

بس

:))

تحياتي لك من ماناساس البلد و ربنا يتمم على خير يا رب

Thu Apr 19, 04:51:00 PM GMT+2  
Blogger Iron Cobra said...

هاع عرفت أنت كنتِ في أنهي مدرسة الأورمان التجريبية لغات .
و المدرس اللي أسمة صلاح دة أنا عارفة راجل أبيضاني و أصلع و عنة شامة في خدة و أهطل و بروطة شوية .

و بعدين لا مؤاخذة بأة نقطة نظام ، المدارس التجريبية ماهياش مدارس لغات هنتمحك بأة المدارس التجريبية أقرب للمدارس الحكومية منها لمدارس اللغات بالبلدي كدة مدارس حكومية نضيفة شوية.
توضيح من خبير تربوي قديم و أورمانجي (حكومي) سابق .

Thu Apr 19, 05:05:00 PM GMT+2  
Blogger حسام مراد said...

هههههههههههههه جامده بس انتى زعيمه نص كم اونطه يعنى فى ثوانى بعتى العيال ومستر صلاح والناس كلها
ياااااااااااااه فكرتينى بايام الثانوى والعفرته والنط من على سور المدرسه ايااام
تحياتى
سلام

Thu Apr 19, 05:44:00 PM GMT+2  
Blogger ert3ashat said...

hahahhahahahahhaaaaaaaaaa

3azeeeema ya masrrrrr

3ayzen yoom agaza....
ana 3ayz araw7 badry :'( kol yom fe el kolia le7ad 3 :'(...

Thu Apr 19, 05:50:00 PM GMT+2  
Blogger شيماء الجيزى said...

يااه يا سمراء ..تصدقى انتى قمر بجد
والله بجد كانت ايام جميله
ياريتنى كنت زيك كده انا كنت خيبه بعيد عنك
بس ايه حتت مظاهره ولا كلمه يعنى
قوليلى ماما عملت ايه لما روحتى؟
ولا معرفتش اساسا
انتى جميله يا سمراء
وايامك حلوة موت
تحياتى

Thu Apr 19, 06:27:00 PM GMT+2  
Blogger ذكريات said...

بجد اكتر حاجه ضحكتنى وانتو عايزين الأولاد يشاركوكم فى المظاهرة وبتهتفوا وبتقولوا عايزين رجالة ههههههههههههههههههههههه

Thu Apr 19, 06:33:00 PM GMT+2  
Blogger REEMOO said...

انا مش قادره ابطل ضحك يا بنتى
ايه الوطنيه دى كلها
بتفكرينى بنفسى ايام العز
كنت كل يوم راجعه باستدعاء لولى الامر
بس الزمن بقى هد الواحد :)))
بس احسن حاجه فى الموضوع النداله
عيش ندل تموت مستور :))
يلا دنيا
تجننى يا سمرا
مستنيه البوست الجاى بقى التاج
اصلى بقول شكلك هتطلعى هتلر :)))
تحياتى

Thu Apr 19, 06:48:00 PM GMT+2  
Blogger safa7_karmooz said...

ومالها بقى المدارس الحكومة بقى يا ست سمرا ؟؟؟؟

ماهى كويسه والمصاريف 40 ملطوش ...هههههه

انا زماان اشتركنا فى مظاهرة...بس كانت ضد اسرائيل...خلعنا فانلة واحد ...ودهناها اكنها علم اسرائيل ..وولعنا فيها .؟...

اينعم جابولنا بوكس ..طلع يلمنا من المساكن...وافتكر هربنا على الهرم طوالى...ونطينا الاسلاك الشائكة...

بس كان احساس جديد ...والواد بتاع الفننة ...عيط عليها مووت...لانها الوحيدة اللى بنص كم عنده ...

يلا اى خدمة...انا نكدت عليكى ...وانتى خلتينى ااضحك :D

Thu Apr 19, 07:47:00 PM GMT+2  
Blogger Ana keda said...

ههههههههههههههههه
ضحكتينى اوى والله كانت ايام فعولن ايام المدرسةدىوكان الواحد بيعملالى عاوزه مدارس لغااااااات بقى وبفلوسنا ومكنش حد بيعرف يفتح بقه معناومدرس بتاع العربى ده طيب والله وابن ناس انا بقى كنت انزل واقعد تحت واحنا كنا ولادوبنات فى نفس االفصل ههههههه اه واثقين فينا بقى مش لسه هنضرب ججنزير وافلام بس وطنية يبنتى والله بجد اثبتى انك بنت مصر

Thu Apr 19, 07:55:00 PM GMT+2  
Blogger Amr Ahmed said...

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

مش قادر

فينك يا طارق كنت ضحكت معايا
انتي يابنتي محرمتيش من الحكاية دي

يالهوي
انا لسه هاعلق

انا عارف انك كنتي مستنية تعليقي
وهاخلي طارق يعلق عليها

ههههههههههههههههههه

Thu Apr 19, 08:45:00 PM GMT+2  
Blogger Nothing To Lose said...

هههههههههههههههههه موتينى من الضحك
فعلا النداله مبدأ هههههههههههه

امال لو طلعتى فى مظاهرة جامدة بئا هتعملى ايييييييييه

اكيد هتهتفى تقولى انا مش معاااااااااااهم

Thu Apr 19, 08:47:00 PM GMT+2  
Blogger محض روح said...

هههههههههههههه
ثوريه من يومك يا انوج
ايه يابنتي ده عارفه فكرتني ب فيلم الناظر لما كان علاء ولي الدين بيهتف واول ما جم عليه قال لف ورجع تاني
بس انتي تفوقتي عليه لسه هتستنيهم
الجري نصف الجدعنه
ومعلش ربنا يعوض عليكي فى الشنطه
لزم يكون فى ضحاية
:)
تحياتي ياجميل
وياااااارب تكوني بخير

Thu Apr 19, 09:50:00 PM GMT+2  
Anonymous Anonymous said...

يعنى الواحد يعمل ايه فى دمك الى زى العسل ده فكرتينى يابنتى بايام المدرسه والى الواحد كان بيعملوا ماانا كنت شقيه برضه وكنا بنعمل عمايل طين بس كانت احلى ايام كنا بنضحك من القلب فعلا ..بس ايه الوطنيه الجباره دى فكرتينى بعلاء ولى الدين فى فيلم الناظر وهو بيقود المظاهره ههههههههه .. سلمى

Thu Apr 19, 11:25:00 PM GMT+2  
Blogger sendbad said...

يابلادي ياحزينة اوعي تياسي
بكرة جاي فارس بيه تفرحي
والشعب يطلع يكبر ودراعتك تفتحي
صبر الشعوب انفجار ليه ميعاد وقدر
بعيد او قريب المهم اوعي تياسي

Thu Apr 19, 11:49:00 PM GMT+2  
Blogger shayma said...

بقى تعملى زعيمه حزب فى لحظه وكماااااااان تبيعى مؤيدينك فى اللحظه الى بعدها على طول كده
تصدقى تنفعى فى السياسه..هههههههههههه
بس بوست جاااااامد
سلامى يا جميل

Thu Apr 19, 11:53:00 PM GMT+2  
Blogger الديليكون said...

يااااااااااه قائد مظاهرة مرة واحدة
بس مظاهرة تحفة والله
ومدرس الفيزيا الغلبان ذنبه إيه انتِ كمان

علي فكرة صحيح انا عرفت انتِ رديتي عليا فين رديتي عليا عندك في البوست السابق
هههههههههه
أدينا عرفنا مكان الرد التايه
يالا يا ستي

تحياتي

Fri Apr 20, 12:46:00 AM GMT+2  
Blogger Shower-Mirror said...

الى ندلة النيل

:) يعنى عم صلاح بتاع الفيزيا طلع اجدع منك

قعد يسخن فى العيال بس فى الاخر اتعكش معاهم


بس جيتى عندى ..و عايزه تتخانقى ... و الحنفيه و مش عارف ايه

طب كويس انى ماعتمدتش عليكى فى الخناقه و بعدين تجرى


الواد عزيز عندى صعبان على بجد ...

ههههههههههههههههه

Fri Apr 20, 01:34:00 AM GMT+2  
Blogger kaed said...

اللة على الروح اللة على الفدائية
أنا لو كنت من طلاب المدرسة كنت حقوم بمظاهرة و أقول فيها عايزين بنااااااااااااااااااات
على فكرة حقولك على حاجة
أنا كنت نائب رئيس إتحاد الطلبة وكان شعارى فى الإنتخابات مزة ورحلة لكل طالب وو اللة العظيم نجحت و مكنش عندى برنامج ولا حاجة ودة كلة بفضل المزز ربنا ما يحرمهم منى أبدا
بالحق إنتى ما جاوبتيش على السؤال بتاع الشفص الهلومى و السخم البلورى
أختى العزيزة إنجى
دمت بخير

Fri Apr 20, 01:57:00 AM GMT+2  
Blogger eldoctor said...

أظن ان الى عملتوه هو سبب التعديلات الدستورية و قانون مكافحة المدارس .. قصدى الارهاب

Fri Apr 20, 02:08:00 AM GMT+2  
Blogger ody911 said...

ههههههههههههههههههه
هههههههههههههههههههههه
ههههههههههههههههههههه
ههههههههههههههههههههههه
هههههههههههههههههههه



مصيبة مش بقولك

بقة مش عاوزين تتساووا بينا


ولا أحنا تصدقى

وأنا أقول البت شاطرة فى الترجمة لية ؟؟


ماشى

على فكرة إنتى كمان وحشانى


بس أخوات يعنى

لحسن أخينا يكون بيغير ولا حاجة

مش ناقصة هيا يعنى


وعادى بقة
أودى

مراسلكم من أسوان الأم

Fri Apr 20, 02:21:00 AM GMT+2  
Blogger حصان بري said...

يا سلام يا سمرا
صحيح كنا رجاله ووقفنا وقفه رجاله
النداله زي م الكتاب بيقول
البنات اترفدوا والرجاله انضربوا
ومدرس اجبرتيه يكذب ومدرس اتنفي
ملاك بريء ياجماعه والله
الثانوي كانت احلي ايام بجد
مع اختلاف طرق الشيطنه
هييييييييييييييه دنيا
اسلوبك مسخره المره دي ويموت م الضحك

Fri Apr 20, 02:40:00 AM GMT+2  
Blogger NeRmeeN said...

ههههههه هو انتى منهم يا انجى...من اللى بيسخوا الموضوع ويفكوا مع اول خطر...اخس...انا بقى كنت بوزع منشورات فى المدرسة بس مش عشان اجازة السبت
تحياتى ليكى

Fri Apr 20, 02:56:00 AM GMT+2  
Blogger maged stephen said...

عارفة أنا مش عارف ليه الأغلبية بيتكلموا عن الندالة؟ حتى ولو على سبيل الدعابة
أمتى يا انجى الناس هتتعلم تحت نفسها مكان اللى بتكلمه وبعدين تفكر لو كنت مكانه كنت هأعمل كده والا لأ؟
يعنى بعيدا عن الشعارات والتهريج
أنا شايف أن أحيانا الغاية بتبرر الوسيلة
وخلى بالك من كلمة أحيانا والا أنتى رأيك ايه؟

Fri Apr 20, 03:13:00 AM GMT+2  
Blogger أجدع واحد في الشارع said...

يا جماعة بجد انتو لازم تشركوني حفله عيد ميلاد جينرمو معايا فى البلوج بتاعى انهاردة عيد ميلادها عشان انهاردة بجد اسعد يوم فى حياتى

Fri Apr 20, 07:52:00 AM GMT+2  
Blogger linda said...

احلى ايام ايام المدرسة ...ذكرتيني بأيامي بيها
هو صحيح ان لية سنتين بس متخرجة منها بس كمان وحشتني ايام الطيش وتطفيش المدرسين :)

اهو كلو بيبقي ذكرى

Fri Apr 20, 12:35:00 PM GMT+2  
Blogger ~ Bato0ot ~ said...

lo0ol ykhreb 3a2lek :D da7kteny de7k :D
"3ayzen welad 3ayzen regala" :D 2olo en da el gharad el asasy ;D w ba3den tl3ty nas7a w zabaty el mrs beta3 el 3araby :D w sabty el banat ama rg3o b klmten :D bgd ykhreb 3a2lek!

Fri Apr 20, 12:42:00 PM GMT+2  
Blogger عبوووووووود said...

أبيع يا باشا
علطول كدة أول ما تلاقوا ظباط وعساكر تبيعوا بعض
يللا مش مهم
يا ريت بقى تحكيلنا عن آخر مظاهرة شاركتي فيها

Fri Apr 20, 02:34:00 PM GMT+2  
Blogger dyin_soul said...

تصدقي احنا كمان عملنا مظاهرة بس موصلناش لدرجة ان جابولنا عساكر لأن المدرسين قاموا بالواجب و زيادة والحمد لله . بس انا الحمد لله كنت في اتحاد الطلاب وكانت ليا فرص هروب كتير من المدرسة بس عارفة بقي في مرة بعد ما زبطت اموري مع المستر عشان الدس انه هيكون الصبح لقيت مستر ياسر الاخصائي مش موجود و هو اللي كان بيعملي الاذن طبعا اليوم ده مقولكيش بريستيجي ادمر و نطيت مع الولاد من فوق السور علي رأيك هييييييييييييه ايام

Fri Apr 20, 03:12:00 PM GMT+2  
Blogger OMA said...

مش كده يابنتي
بجد مش كده
حرام عليكي
مره تعيطيني وانا عالجهاز واتنح معاكي
ومره تحبي واتوه معاكي
ومره تموتيني من الدحك
يابنتي على اد ماانا بحسك دماغ اوي
بس عبيطه وبيبي اوووي :D
بجد تجنني على فكره
مش لاقيه كومينت على البوست ياوطنيه هانم
بس عايزه اقولك اني جمبي وجعني وعيني دمعت من الدحك من طريقتك
على فكره انا كمان كان عندي شنطتين
ونفس القصه بردو
:)))))))))))))))))))))
ده احنا عيال زباله..مش عارفه احنا عدينا التعليم اللي عديناه ده ازاي
ربنا يخليكي بجد وماتحرمش من بوستاتك دي

Fri Apr 20, 03:16:00 PM GMT+2  
Blogger إنـســانة said...

ههههههههههههههههههههههههه

يابنت الاييييييييييه

مصيبة من يومك

:D

وحشانى اوى على فكرة

Fri Apr 20, 03:30:00 PM GMT+2  
Blogger reri said...

ههههههههههههههههههههههههههههههههه
لأ وطنيتك عايه أوي مضحيه يا بت... بجد مضحيه... هههههههه
بس إنتو كنتوا عايزين الولاد في إيه؟؟... نيتكوا مش سليمه ..ههههههه.. ياللا كانت أيام فعلا
سلامااااااااات

Fri Apr 20, 04:15:00 PM GMT+2  
Blogger micheal said...

هههههههه...كل ده يحصل عشان حضرتي طابور صدفه....ههههههههههههههه
بس تعرفي أنا عاجبني فيكي أوي سرعه رد فعلك ..يعني بتعرفي تخرجي من أي ورطه بسرعه...أنا لسه مش قادر انسي حكايه أصل بيتنا بيتحرق و دلوقتي أنا فطسان من الضحك علي مدرس الفيزيا اللي اتحدف أسيوط و مدرس العربيس اللي ساعدك...صحيح الجبن سيد الاخلاق...هههههه
بس و الله أسلوبك تحفه يا سمرا و عجباني أوي موضوع الحلقه المفقوده
تحياتي لكي

Fri Apr 20, 04:55:00 PM GMT+2  
Blogger 3ashe2elro7 said...

ههههههههه
عيش ندل .... تموت مستور
فكرتينى بمظاهره عملناها لحظه تهور و احنا فى الثانوى و قاعدين نحضر ليها و نتفق و نخطط و حرق اعلام و كده بقى و لما جت ساعه الصفر ... مقلكيش بقى
تقدرى تقولى كنا خمسه سته حاجه كده
بس ربنا سترها معانا و جت على خير علشان

Fri Apr 20, 06:24:00 PM GMT+2  
Blogger اخر من الاخرين said...

هههههههههههههههههههههههههه . يخرب بيتيك يا انجي . ايه يا بنتي دة . حياة دي ولا فيلم لا و بتعرفي تتصرفي همة خدوا رفد اسبوع و انتي بمنتهي البرائة بتقوليلهم يا بختكوا و كمان بتتدعوا عليا . حرام عليكوا :)
لا ممثلة ممتازة . استاذة في الاستعباط و دي حاجة تفخري بيها . سجلي يا بنتي مذكراتك خلي الشعب يستفيد

Fri Apr 20, 07:11:00 PM GMT+2  
Blogger الأرمـوطــي said...

دا انتى بقه شخصيه قيادية من يومك انا حسيت ده لما كنا فى اجتماع الاوبرا بس يظهر الموضوع من زمان صحيح الكتكوت الفصيح........سلام

Fri Apr 20, 07:22:00 PM GMT+2  
Blogger shayma said...

anoooooooj
ليكى عندى تاج يا قمر
ابقى ردى عليه
والزعل مرفوع
:)
سلام

Fri Apr 20, 07:32:00 PM GMT+2  
Blogger Amany said...

مظاهرة تجنن حلوة اوى

بس يعنى نرجع ونقول الزعامة ليها ناسها وبدور على صاحبها

Fri Apr 20, 08:58:00 PM GMT+2  
Blogger MoHaMeD HoSSaM said...

عالطول كدة انتى مدمرة الدنيا

وساعة الجد تهربى

خلى بالك بقى لاحسن الظابط الى جى ساعتها يقرى البوست بتاعك

التهم لا تسقط دلوقتى بالتقادم

:)))))))))

سعد سعد يحيا سعد

Fri Apr 20, 09:10:00 PM GMT+2  
Blogger 18goosebumps said...

هههههههههههههههههههههههههههه

فكرتينى بـايام الزعامه والبطوله

كنت مره فكرت اقود مظاهره على قدى كده

وانا في بتدائي ...و جبت قماش ورسمت عليه علم اسرائيل


ولا صعيدى في الجامعه الامريكيه

ههههههههههههههههههه

Fri Apr 20, 11:49:00 PM GMT+2  
Blogger sendrlla said...

والبنات ماسكين الباب ورايح جاي يزقوا فيه
قلتلهم باااااااااااااااااااااااااااااااااااااس
استنوا
ورحت ماسكة الجنزير من حتة معينة وبكل ما اوتي فيا من قوة مثبتاه من ناحية
وقلتلهم زقوا بقي
وفضلنا علي الحال دة لحد ما كسرنا الباب



مش تنفع برده مشهد فى اى فيلم هندى بس انتى سوسه وديتى المدرسه كلها فى داهيه علشان موضوع تافه ويعدين صحيح مش عايزه ليه تتساوى بالمدراس التانيه انتى تطولى يا بنتى دا وسام

Sat Apr 21, 01:42:00 AM GMT+2  
Blogger Mohamed A. Ghaffar said...

الحمد لله انك اكتفيى بهذا القدر من الوطنيه

Sat Apr 21, 10:31:00 AM GMT+2  
Blogger Shiko said...

اول مرة ازور مدونتك
واضح انك فدائيه من يومك
بس اخدتى بالمثل اللى بيقول الجرى نص الجدعنه
البوست بتاعك ده عمل فلاش باك بيا لايام المدرسه والمشاغبه الجميله والمدرسين المظاليم معانا

تحياتى يا سمراء

Sat Apr 21, 02:41:00 PM GMT+2  
Blogger CrAzY-bOy said...

ههههههههههه
على راى عاشق الروح
عيش ندل تموت مستور
دى احد شعارتى

بس لازم تتعملى حاجه مهما فى الحياه
اكذب بثقه
اكذب بثقه




تحياتى

Sat Apr 21, 04:10:00 PM GMT+2  
Blogger •«ρяoιd»•™ said...

مالها المدارس الحكومه يا سمرا هانم

انا و بلا فخر خريج مدارس حكومه

اي نعم متعلمتش منها اي بتنجان

و كنت معتمد علي نفسي و الحمد لله

و مكنش في حد بيشرح حاجه تقريبا الا اللي عندهم شويه من الأحمر مع شويه من الضمير

فعشان كده كنت مشترك في كل انشطة المدره عشان مدخلهاش

كنت مقضيها في مدارس البنات

امين اتحاد المنطقه بقي

بس برضه انا و بلا فخر خريج مدارس حكومه

و الحمد لله حالياً مهندس

اي نعم مرتبي مش بيأكلني من كنتاكي او بيتزا هت

بس عايش

مالها بقي الحكومه

دول ناس مريحينا

الموصلات ميه ميه

و الطرق في قمه النضافه و التطور الأسفلتي

و محدش بينام من غير عشا

و احنا عايشين في عصر الكباري و الأنفاق

اي نعم مصر اكبر دوله فيها حوادث طريق

بس اكبر دوله فيها كباري و انفاق برضه

مالها بقي الحكومه قوليلي

يا سمرا احنا عندنا حكومه مفيش زيها في الكون

سياستها جامده جدا

ملكيش حاجه عندهم ولا تقولي رأيك و لا حتي تلاقي تاكلي

شوفتي بقي بيريحونا ازاي

مش عايزن يتعبونا معاهم و نشغل مخنا

و عجبي

تحياتي

Sat Apr 21, 04:33:00 PM GMT+2  
Blogger شادي فايد said...

ايه الرغي ده كله

طب مش قاري

مين انجي دي اللي انا اقرالها كل ده

Sat Apr 21, 05:30:00 PM GMT+2  
Blogger صاحب البوابــة said...

اعجبتنى ذكرياتك للغاية

استمتع عندما اقرأ تجارب الاخرين مصاغة في صورة مذكرات

تحياتي لطرافة قصتك

ولأهداف مظاهرتك

Sat Apr 21, 08:04:00 PM GMT+2  
Blogger صاحب البوابــة said...

This comment has been removed by the author.

Sat Apr 21, 08:13:00 PM GMT+2  
Blogger bastokka طهقانة said...

العيال لاقوني جوة الفصل مطلعه كشكول العربي وقاعدة بنقل اللي علي السبورة


اوبا
بتبيعي صحابك
مش حلوة دي

Sun Apr 22, 01:16:00 AM GMT+2  
Blogger youma said...

هههههههههههههههههه
جامدة يا سمرا
ما كانش عندنا مظاهرات بس كنا بنترفد بالجملة ايام المدرسة وكان بيتي جنب المدرسة فمكنتش احضر الطابور لانو كان في عقاب الي هوا ان الي يجي متأخر بعد الطابور بيتحط الوحدو في قوضة لمدة حصتين ميحضرهمش فإحنا طبعا ده عندنا مش عقاب ده شي لذيذ قوي فبقت عندنا عادة انو نتجمع كل يوم في الحصتين دول في قوضة الإخضائيات ونقعد نعمل الي ميخطرش على بال حد مواهب كنا عزف وغناء ورقص وتصفيق وعينك متشوف الا النور المهم ان احنا كان في عندنا تلات حصص قبل الفرصة طبعا ضايعين منهم اتنين في العقاب الذيذ بنحضر حصة وبعدين بناخد الفرصة في الفرصة بقا كنا بنقلب الدنيا زعيق على هيصة على تخبيط على باب الحديد الي بيعمل صوت جامد يعني مظاهرات بس بشكل مخفف ومنخشش الحصص بقى نقضيها هروب في اي فصل من الفصول الي جنبنا الى معندهمش مدرس ويفضلوا يدورو علينا وحلني بقى لحد ميلاقونا يكون اخر اليوم جيه وااااااااااادي ايام الثانوي اول سنة جبت خمس مواد رسوب بس السنيتن الي بعدهم حطوني في مدرسة بعيد عنك معسكر مش مدرسة لان انا كنت بذاكر كويس ومستواي ادهور مع الي كنت بعملوا فدخلوني المدرسة المعسكر قصدي وبقيت ارجع مستواي وارجع اجيب علامات ممتازة ودي الوقتي اتخرجت وبشتغل مهندسة كمبيوتر
يعني يجي منا ;)

Sun Apr 22, 01:00:00 PM GMT+2  
Blogger Mohamed Hamdy said...

بوست رائع يا سمرا

والله ورجعتينى لايام زمان يا إنجى

سلام

Sun Apr 22, 03:18:00 PM GMT+2  
Blogger ياسمين said...

عاوزاكى عندى يا سمراء
ضرورى جدا

Sun Apr 22, 08:48:00 PM GMT+2  
Blogger متغيرة شوية said...

يا لهوي يا سمرا
ده انت الندالة اللي فيكي مش في حد:)

والله انا لو مكان البنات مكنتش أكلمك طول عمري

ايه أخبار المظاهرات الحالية بقى؟

Sun Apr 22, 10:21:00 PM GMT+2  
Blogger عبدالله said...

ذكريات جميله يا انجي ايه الي كنتي فيه ده بس
ده انتي بقي دماغ من زمان و محدش واخد باله بقي
:)
بس جامد موضوع قيادة البتاعات دي بقي كده نعتبر البوست ده اعتراف رسمي و نروح نبلغ عنك يجيبولك اسبوع فصل تاني
:)))))))))

طريقتك جميله بس الاجمل اتعرفنا علي انجي ايام زمان كانت بتعمل ايه

تحياتي

Sun Apr 22, 11:17:00 PM GMT+2  
Blogger أحمد عيسي said...

هع هع هع هع
عيش ندل تموت مستور يامعلم

Mon Apr 23, 01:35:00 PM GMT+2  
Blogger Mony said...

الله يا سمرا...أنا متأكده إنك كنتي مبسوطة أوي و إنتى بتفتكري الأيام دي
و عموما الشعور متبادل بين المدارس اللغات و الحكومية
:)
بس طلعتي بايعة بايعة...بعتي العيال في شربة ميه...بس بيني و بينك يستاهلوا...لكن أستاذ الفيزياء توديه في داهيه ليه بس
شكلك أثر فيا أوى وإنتى داخلة الفصل...أصلي مريت بالموقف ده كتيييير
:)
عجبتيني لما خليتي أستاذ العربي يكذب...أحب أنا البنات المؤثرة
ولا إصراركم على إشتراك الولاد في المظاهرة...ميول مش وطنية خاااااالص ولا إيه؟
;)

Mon Apr 23, 07:56:00 PM GMT+2  
Blogger نفسنا said...

بجد أيام الدراسة والمدرسة دى مش ممكن تتعوض وأجمل حاجة الذكريات الجميلة دى

Mon Apr 23, 08:26:00 PM GMT+2  
Blogger ody911 said...

إنجى إنتى فين ؟؟؟


آه صحيح

مترنيش عليا كتير أصلى بزهق أوى من كتر مزداتك

إنتى عارفة خايف مزد ييجى فى عينى ولا حاجة



أنا جاى أهدى النفوس


ههههههههههه

وعادى بقة
أودى

Mon Apr 23, 11:11:00 PM GMT+2  
Blogger ba7re said...

ههههههههه
هما دول زعماء الزمن ده
زعماء اونطة
ههههههههه
كنت فين سعادتك ساعة قيام الثورة
كنت فى الحمام سعادتك
ههههههههه
بس بجد بوست تحفة
فكرتينا بالذى مضى ايام لمكا كنت بنجح باكتساح فى اتحاد طلبة المدرسة
و الجولات الانتخابية بتاعتها
و الهتافات اللى كنا بنألفها
و مرة حصلت حرب فتنة طائفية فى المدرسة و اخدتنى الزعامة و جمعت الاطراف كلها و خلصت الموضوع و على خلاص هيتحول امن دولة
و مرة علشان احنا مدرسة ثانوى و قدامنا مدرسة تجارية كانوا متغاظين مننا
معرفش ليه
المهم حصلت خناقة كبيييييرة بين المدرستين و ضربوا واحد من المدرسة عندنا
طلعت بقى فى الطرقة بتاعت الدور بتاعى
قعدت اقولهم " التار و لا العار " بس و الدنيا تقلبت
و الضحايا يقدروا بالعشرات
طبعا انا مش منهم
انا زعيم مش اشارك انا اتكتك بس
ههههههه
بس لو بطلتى ندالة مع زمايلك عرفينا علشان لو احتاجنا لك فى مظاهرة و لا حاجة :)
اما بالنسبة للى حصلك حلو مبدأ عيش ندل تموت مستور هههه
يالا سلام

Tue Apr 24, 02:24:00 AM GMT+2  
Blogger zordeak said...

ههههههههههههههه

هههههههههههههههه


انا كل مرة اجى واقرى واحاول اعلق المدونة بتاعتك تبوظ معايا ومترضاش انى اعلق


وكل مرة اقرى تانى واقعد اضحك


وافتكر وانتى بتحكيلنا الحكاية دى

لما عمرو وطارق خنقوكى


:D


ايه ده يا بنتى


فكرتينى بالتشرد الاطفالى بتاعى


بس انتى طلعتى ندلة اوى

لا صحيييييييييح يعنى



ندلة تمام


ههههههههههههه


ولا تقوليلهم نجيب الولاد


ايوة يا اختى اتمحكو بقى فى الولاد


وهما تلاقيهم افتكروكو بتعاكسوهم فاما صدقووو


قالووووووو هييييييييه

هيييييييييييييصة


بس الاساتذة عذبوهم


ووديتى المدرس المحترم فى داهية


يا شرييييرة


ههههههههههههه


يللا

ادى اخرة المدارس اللغات

مالها المدارس الحكومى

ما هى زى الفل اهى

وبتطلع دكاترة

ومدرسين جغرافيا


وألعاب كمااان

:p

Tue Apr 24, 02:56:00 AM GMT+2  
Blogger SoRsaRaa said...

اهم الانباء فى عالم التدوين:
ــــــــــــــــــــــــــــــــــــــــــ

"مسابقه افضل موضوع"
http://best-post.blogspot.com/

"من أجل مدونات نظيفة"
http://5fadfada.blogspot.com/2007/04/blog-post_20.html

"تصميمات الشعار وأكوادها"
http://takhareef-sorsaraa.blogspot.com/2007/04/blog-post_21.html

ياريت تشرفونا وتشاركوا معانا فى المواضيع دى

Tue Apr 24, 03:03:00 AM GMT+2  
Blogger SoRsaRaa said...

سموووورى اكيد موضوعك رائع كالعاده
اعذرينى ورايا مهمه رسميه بقوم بيها
وان شاء الله همر عليكى تانى واقرا براحتى
تحياااااتى

Tue Apr 24, 03:06:00 AM GMT+2  
Blogger yamen said...

تحفة جدا الحكاية دي

بس انا زعلان منك عشان بعتي المستر بتاع الفيزياء

طب العيال و مش مشكلة..اللي باعك بيعه..

انما الراجل اللي كان بيشجع وكتر خيره ماعملش زي الناس التانية تبيعيه ليه بس..

يلا بقه ربنا يسامحك..

:)

فكرتيني بحكاية شبه حكايتك بس ابسط بكتير طبعا..

و انا في ابتدائي كنت عضو في تنظيم سري غرضه قلب نظام الحكم..

وكان اعضاء التنظيم ده تلاته..بما فيهم انا طبعا

وكان نشاطنا اننا نوزع منشورات طبعا كان بيكتبها اكبر واحد فينا واللي هوه كان في اولي اعدادي ساعتها

و تقريبا كمان كان التنظيم السري ده له اسم بس انا مش فاكره

ايام علي رايك..

بس ياتري الحماسة دي لسه عندك لحد دلوقتي..؟

Tue Apr 24, 03:26:00 AM GMT+2  
Blogger أنـــا حـــــــــرة said...

ههههههههههههههه
يخرب بيت فقرك يا بنتى
موتينى م الضحك
و الله كنت افتقدت حكاياتك العبقريه دى
بس يعنى وطنية و ندلة و نعم التوليفة
بس الحبكة الدرامية عندك عالية ما شاء الله بتألفى قصص كده و انتى على باب الفصل بس يا بنتى كنتى عملتى محضر للمديرة بتتهميها بسرقة الشنطة ام شرايط


واحشانى جدا جدا بقى
على فكرة ايام المدرسة احلى ايام

Tue Apr 24, 10:08:00 AM GMT+2  
Blogger أنـــا حـــــــــرة said...

على فكرة هو المستر اللى اتنقل ما انتقمش منك يا بت لما رجع

ده انتى يتخاف منك
عوووووووووو

Tue Apr 24, 10:13:00 AM GMT+2  
Blogger طهقان said...

بصراحة الموضع طويل

بس اوعدك اول لما اخف
هأقرأه كله

Tue Apr 24, 11:51:00 AM GMT+2  
Blogger sherif gharib said...

الله يخرب عقلك يا سمرا يا بنتى انتى عليكى اسلوب فى العرض يبهر
بس ايه الوطنيه دى كلها
انتى بتبيعى وقتى
و بعدين عايز اقولك ان اغلبنا تقريبا بدا مواضيع المظاهرات بالصدفه زيك كده
اينعم الولاد مش بيبيعوا قوى كده بس مافيش مانع برده من دقات نقص
بيبقى دمها خفيف
تحياتى يا نجمه التجريبيه

Tue Apr 24, 12:04:00 PM GMT+2  
Blogger خمسة فضفضة said...

السلام عليكم ورحمة الله وبركاته


هههههههههههههه


دا انتي زعيمه من يومك بقي واحنا مش عارفين

صحيح ...عيش ندل تموت مستور ..ههه

Tue Apr 24, 03:11:00 PM GMT+2  
Blogger Memo said...

والله هايله ومخك فيكي
بس اول مره اقرالك بوست كده
هههههههههه
ده كاني انا اللي كاتبه
:؛p

Tue Apr 24, 04:29:00 PM GMT+2  
Blogger gohayna said...

اهي دي الزعامه ولا بلاش


اه دا يا بنتي


سعد زغلول ومصطفي كامل جنبك ولا حاجه

مسحتيهم باستيكه


والله تحفه
تسلم ايدك

Tue Apr 24, 05:52:00 PM GMT+2  
Blogger إبراهيم محسن said...

الحفلة يا انجي
ملكيش حجة
بدري اهوه
تعالي عندي شوفي التفاصيل
سلام

Wed Apr 25, 02:22:00 AM GMT+2  
Blogger smraa alnil said...

نوني

وحياتك ما وصلت في حتة انا زي مانا
اصل الزمن هدني يا اختي
اصل بصراحة يوميها الموضوع كان يضحك
هههههههههههههه
شفتي ماهي دي الجدعنه اننا مش نبقي معاهم
ونوديهم في داهية
هههههههههههه
__________________________

عايز يتجوز

8 سنين بحالهم
ربنا يعينك
صدقني الموضوع مش زي مانت مخيل
انا قعد سنين برضه مشاعري ماتت وبين يوم وليليه
فجاة لقتني عايشة
مشاعرك مش ميتة ولا حاجة
هي بس مسالة وقت وتعود انك تعيش حزين
ربنا يخليك
ويكرمك ويعوضك ان شاء الله

Wed Apr 25, 11:58:00 AM GMT+2  
Blogger smraa alnil said...

iron copra

ههههههههههههههههههه
لا مش في الاورمان
هو حصل في الاورمان كدة برضه
انا كنت في كلية السلام
والدرس اللي اسمه صلاح علي ما اتذكر كان طويل ورفيع
وابيضاني وشعره ابيض شوية كدةوبشنب

سيادتك مدرستي كانت خاصة لغات لحد ما بقت تجريبية
والفرق بينا وبين اللغات اننا بناخد انجليزي الحكومة حضرتك
اللي هو i have two eyes and i

can see

هههههههههههههههه يعني خريج الورمان ولا بتدرس في الاورمان
خسارتك في البلد يا سمسم
___________________________

حسام مراد

طبعا يعني ابيع
مش احسن ما اترفد واروح انا في داهية عليا وعلي اعدائي
ههههههههههههههه
الناس كلها بتفتكر الايام كلعا عندي ههههههههههههه

Wed Apr 25, 11:58:00 AM GMT+2  
Blogger smraa alnil said...

ارتعاشات

ههههههههههههههههههه
يا ابني روح بدري يعني الكلية هتضيفلك ايه زيادة
طنش يا با
طنش تعش تنتعش
___________________________

شيماء الجيزي

بصي انا في اعداي وابتدائي كنت خايبة اوي
لحد ثانوي بقي والموضوع ابتدا يفلت مني ولما دخلت الجامعه

الموضوع خرج من ايدي تماما
هههههههههههههههههه

ماما وقتهاكانت منفصلة عن بابا

وبابا كان حاجة من الاتنين لما اروح يا اما نايم يا ما في شغله
يعني كان امان يا شيمو
بس الموضوع عدي سكتم بكتم

انتي اللي جميلة يا شيمو بجد
ومش كل ايامي
احنا بس اللي بنخلي ايامنا حلوة

Wed Apr 25, 11:59:00 AM GMT+2  
Blogger smraa alnil said...

ذكريات

هههههههههههههههههههههههههه
اومال نقف في وش النار لوحدنا
اي نعم احنا نص المجتمع بس كنا عايزين الولاد عشان احنا نهتف

وهما يضربوا
مش بقولك الجنس الناعم ناعم والجنس الخشن خشن
___________________________

ريمووو

هههههههههههههه
عشان تعريفي بس اني وطنية من يومي
صدقني الزمن هدنا لنا
هههههههههههههههههه
يا ابنتي دي ميزة النداله
افرضي مثلا العيال قالوا ان انا اللي كسرت باب الجنينة
كان هيبقي فيها رفد رسمي
هعمل التاج يا سيتي وامري لله
هههههههههههههههههه
لا عملته مرة وطلعت شبه غاندي

Wed Apr 25, 11:59:00 AM GMT+2  
Blogger smraa alnil said...

سفاح كرموز

ههههههههههههههه
يا سيدي مش في احسن من مدارس الحكومة
40 جنيه بس
يا بلاش
طب عايز ايه بقي
اهو تحقق الهدف من مجانية التعليم اهو
ههههههههههههههههه
يعني اخدتوا فالة الواد
ما تجيب من عندك يا بيخيل
اه بوستك نكد عليا بجد
___________________________

انا كدة

ههههههههههههههه
اهو انتي فهمتيني
البنات اللي معايا كانوا فعلا بيبصوا كدة
اننا داخلين بفلوسنا
مستر محسن دة بجد طيب اوي والله
وبجد كنت بحبه جدا وقعدت بعد ما خلصت المدرسة اتصل بيه
اممممممم
مدرسة مشتركة لا اعملوا اللي عايزين تعملوه طالما معاكم الولاد
انما احنا كنا بعاد عن الولاد
شفتي
طول عمري بنت مصر

Wed Apr 25, 11:59:00 AM GMT+2  
Blogger smraa alnil said...

عمر احمد

والله عارفة انك هتضحك وفعلا نت مستنية تعليقك جدا وعايزة

اشوف رد فعلك
طارق سجين في قلب الوطن دة حسابه معيا بعدين
انت وهو
بس ما اشوفكم
___________________________

nothing to lose

بعد الشر عليكي يا قمر
ههههههههههههههه
طبعا وانا بحب احافظ علي مبدأئ
عايزاهم يقولوا عليا اني بتخلي عن مبدائي
هههههههههههههههههه
كان نفسي والله بس خفت من الظباط
وكنت عايزة اشارك في مرة ولقيت ظابط في وشي
بيقولي رايحة فين يا انسة
قلتله طب ممكن اقول كلمة واحدة بس واخرج بره المظاهرة
قالي هتقولي ايه
قلتله هقول سعد سعد يحيا سعد

Wed Apr 25, 11:59:00 AM GMT+2  
Blogger smraa alnil said...

محض روح

ههههههههههههههههههه
عشان تعرفي بس يا دينا
صحيح هو انا لسة هستني
انا علي طول لمحتهم وقلت يا فكيك
ساتعها وحياتك الجري كان كل الجدعنه مش نصها
اه كنت هموت واعرف مين بنت الايه اللي خدت الشنطة دة كان فيها

شرايط كاظ الساهر :(
انا تمام يا قمر بس مشغولة جدا
___________________________

سلمي

هههههههههههههههه
ربنا يخليكي يا قمر يارب
فعلا كانت احلي ايام
وياريتها ترجع تاني
ههههههههههههههه
بس انا بقي مش في حد كان شايلني
ههههههههههههه وحشتيني اوي علي فكرة
هشوفك امتي بقي

Wed Apr 25, 11:59:00 AM GMT+2  
Blogger smraa alnil said...

سندباد

انا عايزة اعرف دة كلامك بجد
اصل بجد كلامك حلو اوووووووووي
البلاد مش هتيأس
احنا اللي يأسنا يا سندباد
___________________________

شيماء

زعيمة حزب ايه بس يا شيماء
انتي هتلبسيني تهمة
هههههههههههههههههه
يا بنتي انا لو مش كنت بعت مؤيديني كان زماني معايا اعدادية

دلوقتي
ههههههههههههههههه
طول عمري بفهم في السياسة
مش هي الي بخت من وفق راسين في الحلال برضه

Wed Apr 25, 12:00:00 PM GMT+2  
Blogger smraa alnil said...

الدبلكيون

ههههههههههههههههه
طبعا هو احا شوية في البلد
ذنبه بصراحة انه كان بيدي دروس ودايما يتخانق مع ميس جميلة

مدرسة الفيزيا اللي بصراحة كنت بحبها اوي

هههههههههههههههههههههههه
هههههههههههههههههههههه
قول والله
بقي الكونت التايه طلع عندي انا ف الاخر
هههههههههههههههههههههه
معلش يا ابني سطل بعيد عنك
___________________________

شاور

ههههههههههههههههه
مرة تقولي ندلة النيل ومرة حمراء النيل
عم صلاح دة بجد كان يستاهل
والله كنت مبئوئة منه موووووت
ههههههههههههههههههههه
يا ابني الخناقة غيرالمظاهرة
وبعدين ان كنت هاجي اهدي النفوس
هههههههههههههههههههه
تصدق ان عزيز برضه بقي صعبان عليا برضه
انا بقوله راجع نفسك يا ابني هتندم بس هو مصر بقي

Wed Apr 25, 12:00:00 PM GMT+2  
Blogger smraa alnil said...

قائد

شفت مش حرماكم من حاجة
مرة نداله علي مرة وطنية
اي خدعه
هههههههههههههههههههههههه
طبعا انا عارفة انت هتقول عايزين بنات ليه
هههههههههههههههههههههههههههههه
تحفة موت موضوع الشعار دة
بتهزر؟؟؟
نجحت بشعارك دة
صدقني هجاوب بس افضي شوية
انت عارف ان نظرياتي جبارة
___________________________

الدكتور

هههههههههههههههههه
ايه يا عم الكلام المجعلظ دة

اهي مظاهرة والسلام

Wed Apr 25, 12:00:00 PM GMT+2  
Blogger smraa alnil said...

اودي

ههههههههههههههههههههههه
صحيح دة انا نسيت انك حكومجي قديم مأصل
ههههههههههههههههههههه
هو اخينا بيغير فعلا
بس عادي بقي علي رايك
انت لسة ش رجعت من اسوان
___________________________

حصان بري

طبعا
دة انا كنت بعمل فيلم الارض وشوية شوية كنا ههتف واقول اارض

لو عطشانة نفديها بدمانا
ههههههههههههههههههههههه
بريئة والله يا حصان
ربنا يخليك يا حصان
ابقي تعالي

Wed Apr 25, 12:00:00 PM GMT+2  
Blogger smraa alnil said...

نرمين

طبعا انا منهم هو انا افوت كدة برضه
هههههههههههههههه
لا بجد منشورات ايه
ليه
___________________________

ماجد استفين


اهو انت جبت المفيد والله يا استيفن

لو الناس دي كانت مكاني صدقني كانت هتعمل كدة برضه
هي بس الصدفة اللي بتحطني ادان اي مصيبة
انا بقول فعلا احيانا
وبعدين انا مش ندلة اوي كدةيعني
انا في مرة كنت هعرض نفسي للرفد من الكلية عشان نزلت حمام

السباحة انقذ بنت من الغرق والدكاترة رافضين
بس لو مش كنت استندلت وقت المدرسة مش كنت هعرف اخش كلية

لاني كنت هترفد وهيبقي معايا اعدادية
هههههههههههههه

Wed Apr 25, 12:01:00 PM GMT+2  
Blogger smraa alnil said...

اجدع واحد في الشارع

ادا انا جيت متاخر اوي كدة
للاسف مش هعرف اروح بس هحاول اعوضها
___________________________

ليندا

هههههههههههههههههههه
انتي كنتي بتطفشي المدرسين يا ليندا
دةانا شايفاي بريئة اوي
وحشتيني يا قطة

Wed Apr 25, 12:01:00 PM GMT+2  
Blogger smraa alnil said...

بطوط

انووووج
يارب علي طول تضحكي يا انوج
ههههههههههههههههههههه
لا والله
انا بس كانت تهمني المصلحة العامة وان قاعدة المظاهرة تنتشر

وتتوغل وتتسرب
وتزيد
هههههههههههههههه
اصله طول عمره طيب اوي
وسها يضحك عليه
وبعدين الراجل اصلا كان بيحبني
هههههههههههههههه اما بالنسبة للبنات الواطين دول فدول بجد

يستاهلوا كانوا هيبيعوني
___________________________

عبوووووووووووووود

هههههههههههههههههههه
طبعا يا عبده ابيع
اخر مظاهربة بقي كنت في الكلية
وكانت عشان العراق وفلسطين
بس مش هينفع اقول عليها اصلها ايام سودة بعيد عنك

Wed Apr 25, 12:01:00 PM GMT+2  
Blogger smraa alnil said...

هبة

ههههههههههههههههه
ايه اضربتي ولا ايه يا بوبة
هههههههههههههههههههههههههه
متخيلاكي وانتي بتنطي من فوق السور
مسخرةةةةةةةةةةةةةةةةة
برستيجك بقي في الارض حاسة بيكي والله
المهم حد شالك ولا الاعتماد علي النفس نئح عليكي
___________________________

اوما

ههههههههههههههههههه

شفتي زورونا تجدوا ما سركم
عايزة تضحكي تعالي
عايزة تعيطي برضه تعالي
عايزة تتنحي مش هحرمك من حاجة
ههههههههههههه
هههههههههههههه
بد تعليقك الوحيد اللي بجد فطسني من الضحك

خصوصا لما قلتي عليا عبيطة وبيبي اوي
هههههههههههههههههه
ربنا يخليكي بجد
يارب تضحكي علي طول
ويسعدك دايما
هههههههههههههههههههههه
احنا فعلا عيال زباله اوي
واله العظيم انا كل ما بفكر انا ازاي نجحت في الثانوي والله العظيم

بستغرب جدا
انا اللي ازاي يا بنتي مش ليهم في التعليم
ويارب ما يحرمني منك ابدا

Wed Apr 25, 12:01:00 PM GMT+2  
Blogger smraa alnil said...

انسانة

هههههههههههههههههه
طول عمري مصيبة يا مينا
والله انتي اللي وحشاني المهم انتي اخبارك اه دلوقتي
___________________________

ريري

هههههههههههههههههههههه
طبعا مضحية
عشان تعرفوا بس انا اللي يهمني مستقبل البلد
هههههههههههههه اهم يضربوا بدالنا لو وصلت لضرب
سلامات يا قمر

Wed Apr 25, 12:02:00 PM GMT+2  
Blogger smraa alnil said...

مايكل

ههههههههههههههههههههههه
شفت بقي
برغم اني عمري ما حضرت طابور الصبح
اه يا اني الزمن علمني حاجات كتير
اصل بصراحة ورطاتي كتير اوي
هههههههههههههههه
اه بتاعت العريس اللي بيلعب في مراخيره دة
ههههههههههههههه
مش تفكرني باليوم دةيا مايكل ارجوك
ماهو مدرس الفيزيا رجع تاني يعني مش اتحدف اوي
بعدها بحوالي اربعين يوم رجع
ههههههههههههههههه
قلت اتعلم شوية من تبيل فاروق دة
___________________________

عاشق الروح

هههههههههههههههههه
هههههههههههههههههههههههههههههه
شفتوا بقي
انا بعت بعد ما جمعت البنات كلها ورايا
وانت اتبعت من قبل ما تعملوا حاجة
بس جت علي خير عشان ايه

Wed Apr 25, 12:02:00 PM GMT+2  
Blogger smraa alnil said...

انسان

ههههههههههههههههههه
وحياتك انا حياتي كلها عل بعضها فيلم
ههههههههههههههه
اصلي فعلا عملت فيهم خير
وكنا عشرة بس اللي في الفصل
والمدرسين بقي هرينا شرح وواجبات
هههههههههههههههههه
طبعا دة فخر يا محمد
اومال ايه
هههههههههههههه
انا فداء للشعب يا محمد
___________________________

الارموطي

عشان تعرف بس ان انا مش شوية في البلد
بس حلو اوي موضوع الكتكوت الفصيح دة
ههههههههههههههههههههه
تفتكر اني شبهه

Wed Apr 25, 12:02:00 PM GMT+2  
Blogger smraa alnil said...

شيماء

يا بنتي هو انا عملتلك حاجة
انا ناقصة تاجات
حرام عليكي بجد
عموما حاضر يا فندم
___________________________

اماني

هههههههههههههههه
واحنا صاحبها يا اماني
كفاية اني قدت مظاهرةولا اعرف عنها حاجة

Wed Apr 25, 12:02:00 PM GMT+2  
Blogger smraa alnil said...

محمد حسام

هههههههههههههههههههههه
لا مش هيعرفني برضه
زمانه اتنقل بقي
وبعدين هي الشرطة فاضية يا ابني
دول شغالين تعذيب
هههههههههههههههههههههههههههههههه
اااااااه فاكر انت الموضوع دة
___________________________

فوكيرة

ههههههههههههههههههههه
لا بجد ايه اللي حصلك ساعتها
عايزة اعرف بجد

Wed Apr 25, 12:03:00 PM GMT+2  
Blogger smraa alnil said...

سندريلا

يا سندريلا بجد
انا حياتي كلها فيلم هندي
بتحط في مواقف بجد جبارة
وسام اني اتساوي بالمدارس الحكومية
انا مواقفي كتيرة معاهم والله
اكيد هيجي يوقت واقولها
منوراني يا قمرة
___________________________

محمد عبد الغفار

ههههههههههههههههههه
مانت عارفني لما الجلاله تاخدني بعمل ايه
بس الحمد لله برضه

Wed Apr 25, 12:03:00 PM GMT+2  
Blogger smraa alnil said...

شيكو

وان شاء الله مش تبقي اخر مرة
ياريت تبقي تنوريني تاني
وكويس اني قدرت اخليكي تسترجعي ايام الدراسة والمدرسة
يارب تكون ايامك كلها سعادة
تحيااتي ليكي يا قمرة
___________________________

كريزي بوي

هههههههههههههههههههه
اتعلمتها مانت شايفني لما اتزنقت عملت ايه
منورني
ابقي تعالي تاني

Wed Apr 25, 12:03:00 PM GMT+2  
Blogger smraa alnil said...

proid

هههههههههههههههههههههه
زي الفل يا باشا
ههههههههههههههههههههههه
اتحاد المنطقةبحالها
فدائي يا رامي
ونعم المهندسين
هههههههههههههههههههههه
مانا اهو معيدة وبقبض مرتب مش ياكلني من التابعي وحياتك
عملتلي ايه بقي المدارس اللغات
ياعم كل اللي انت بتتكلم فيه دة مش بسبب مدارس الحكومة
انت الامور اختلطت عليك
كل اللي انت بتتكلم عليه دة بسس وزراة الري
افهموها بقي

ههههههههههههههههه
تصدق من كتر الحوادث اكتشفت اانا فعلا عندنا كباري كتيرة جدا

يعني انت ضحكت علي البوست بتاعي تقوم تيجي تنكد عليا هنا يا

رامي
حرام عليك
وعلي رايك وعجبي
فنن يا عم صلاح
___________________________

شادي فايد

عارف يا شادي
قريب اوي
هاجي اقطع لسانك دة
انا عارفة ان الحقد ماليك من ناحيتي
ههههههههه
ماش يا شادي
ردودالك وانا قبلت
وانا هقولك مين انجي
بس لما اشوفك
:)

Wed Apr 25, 12:04:00 PM GMT+2  
Blogger smraa alnil said...

صاحب البوابة

ربنا يخليك منورني اوي
وبتمني انك تكون استمتعت جدا
تحياتي
___________________________

طقهانة

ههههههههههههههههه
حطي نفسك مكاني كدة هتعملي ايه

Wed Apr 25, 12:04:00 PM GMT+2  
Blogger smraa alnil said...

youma

ههههههههههههههههههه
بالجملة ازاي يعني
دة ايه العقاب الجميل دة
بقي عقابكم ان مش في حد يحضر الحصص ويتحبس في اوضة
طب ياريتني كنت معاكم
طبعا دة عقاب لذيذ
اكيد كنت بتطبلوا وتغنوا ومقضيها
اوباااااااااا
يا بنتي اتعلمي تقضيها بس تنجي مش تبيعي اوي كدة
بس الحمد لله عدت علي خير ونجحتي بعدها
ادي اخرة الشقاوة ما شاء الله عليكي
بس اهم حاجة بتفهمي في الكمبيوتر
___________________________

محمد حمدي

هههههههههههههههه المهم ايام زمان عندك دي كانت حلوة ولا ايه

نظامك
تحياتي يا دماغ

Wed Apr 25, 12:04:00 PM GMT+2  
Blogger smraa alnil said...

ياسمين

جتلك يا ياسمين وعرفت الموضوع وعلقت كمان
شكرا يا قمري
___________________________

متغيرة شوية

ههههههههههههههههههه
يا ابنتي حطي نفسك مكاني كدة هتعملي ايه طيب
كانوا البنات نوعا ما بيحبوني
مش في مظاهرات
مظاهرات دلوقتي الواحد يروح فيها روا الشمس

Wed Apr 25, 12:05:00 PM GMT+2  
Blogger smraa alnil said...

عبد الله

طول عمري الناس بتقول عليا دماغ برضه والله
ههههههههههههههههه
خلاص بقي خلصنا مدرسة وجامعه
استني بس بعد امتحانات الماجيستير وابقي اعملاللي عايزتعملوه
هههههههههههههه
ايام زمان اللهي لا يعودها بجد
___________________________

احمد عيسي

هههههههههههههههههههه

دة مبدأ يا احمد

Wed Apr 25, 12:29:00 PM GMT+2  
Blogger smraa alnil said...

موني

اه والله كنت بقعد اضحك بجد يا اماني
ههههههههههههههههه
كويس اني مش لوحدي
يا بنتي مدرس الفيزيا دة كان يستاهل الحرق بجد
ههههههههههههههههه
قوليلي صحيح مريتي بالموقف دة ازاي
ههههههههههههههههههههه
اصلي تأثيري عالي اوي
استغليت ان المدرس بيحبني والحمد لله ان ساعتها كان مدرس

العربي هو اللي موجود
اي مدرس تاني مش كان هيصدق الكدبة الخايبة دي
ههههههههههههههههه
اصلنا كنا محرومين وبعيد عنك مش في حد كان بيعبرنا ساعتها
:))))
___________________________

نفسنا

والله صح
فعلا ايام جميلة جدا
منورني واتمني تكرار الزيارة تاني

Wed Apr 25, 12:29:00 PM GMT+2  
Blogger smraa alnil said...

اودي

اغيثوني يا اودي
مشغولة اوي والله
وعارف لو سالتني مشغولة في ايه
هقولك مش عارفة والله بس حاسة اني مشغولة
ههههههههههههههههههههههههههه

هدي النفوس يا فالح
وهو اصلا مش بيكلمني بيزعل من جواه
بس علي فكرة بقي اتصلت بيك وانت مش رديت الظاهر ان امك

كانت جنبك
ههههههههههههه
اخبارك ات ايه بجد
عايزة اطمن عليك يا واد
___________________________

بحري

ههههههههههههههههههههههه
بالظبط كدة
بس انا بقي كنت بدور علي الشنطة
ههههههههههههههههه
يا نهار ابيض
ياعم انا قيادية علي ادي
يعني مش عارف متغاظيم منكم ليه
واضحة يعني
هههههههههههههههههه
بس ايه هي مقدار المصايب اللي حصلت
دة انت طلعت مصيبة اكتر مني
هههههههههههههههههه
اه اهي هي دي الزعامة
انت كدة بقيت زيي
هههههههههههه
بص زمايلي لو كانوا حاوطوا عليا كنت انقذتهم باي طريقة تيجي في

دماغي ساعتها
بس هما باعوني
وعليا وعلي اعدائي بقي
ودة مبدئي في الحياة :)))))

Wed Apr 25, 12:30:00 PM GMT+2  
Blogger smraa alnil said...

زورديك

واحشنىىىىىىىىىىىىىىىىىى
ليه بقي
اه دة عمرو وطارق يوميها كانوا عايزين الحرق
بس لما اشوفهم هما الاتنين

واحد عايزها انثي والتاني هسجنه اكتر ماهو مسجون في قلب

الوطن

هو في زي التشرد بتاعك يا احمد
يا ابني نفذت الندالة زي ما بيقول الكتاب
اتمحك طبعا اومال مين اللي هينضرب بدالنا
بااااااااااااااااااااااااااس
مش ليك دعوي بمدرسين الالعاب
بدل المدرسة الملعب بتاعات االعاب بتاعتكم
ماشي يا احمد
اخبار سول ايه صحيح
طمني علي الواد دة
___________________________

صرصارة

مسابقات ايه بس يا حاجة
انا بكتب علي ادي مش لدرجة مشابقات
بس هخش اقرا واشارك برائي

Wed Apr 25, 12:30:00 PM GMT+2  
Blogger smraa alnil said...

صرصارة تاني

ن شاء الله يا قمر وربنا يعينك يارب وهستناكي
___________________________

يامن

صدقني انت لو مكاني هتعمل كدة
اصلك مش عارف مدرس الفيزيا دة كان بيعمل ايه
دايما يتخانق مع ميس جميلة وبصراحة البنات بيقولوا عليه مش

بيعرف يشرح وبيصعب الفييا اكتر ماهي صعبة لوحدها

هههههههههههههههههههههه
ابتدائي يا مفتري
دةانا اتعلمت الفقدنة وانا في ثانوي
حلو اشتراك تلاتة في قلب نظام الحكم دة
اني حماسة بالظبط
حماسة النشاط والجري والشقاوة بصراحة لسة عندي بس بطلت

ندالة من زمان

Wed Apr 25, 12:31:00 PM GMT+2  
Blogger smraa alnil said...

انا حرة

ياسمييييييييييييييييييييين
تصدقي اني مفتقداكي يا بنتي والله
هههههههههههههههههه
شفتي مش اي حاجة
مش حرماكم من حاجة اهو
هههههههههههههههههه
لالالالالا مش توصل لمرحلة محضريا ياسمين يا بنتي انتي عايزة

تخلصي مني ولا ايه
ههههههههههههههه
علي فكرة بجد انتي واحشاني اوي
___________________________

انا حرة

مانا عايزة اقولك اني ظبط البنات بعدها
لان الكل بصراحة كان متغاظ منه
لان اللي كانت بتدينا الفزيا واحدة اسمها ميس جميلة
وكانت دايما تخش مضايقة عشان مستر صلاح بيضايقها
فتقريبا مش عرف اني انا اللي خبصت عليه
وفي ثالثة ثانوي لما اخدت الفيزيا كنت علمي علوم وكانت برضه

ميس جميلة وهو بيدي علمي رياضة
يعني عدت الحمد لله
هههههههههههههههههه
انتي عارفة اني مش بعض

Wed Apr 25, 12:31:00 PM GMT+2  
Blogger smraa alnil said...

طهقان

سلامتك ايه بس مالك
انتي انضربت من طهقانة ولا ايه
___________________________

شريف غريب

هههههههههههههههههه
عشان تعرف بس اني فداء للوطن والشعب
طبعا ابيع هو العمر بعزقة
فعلا الموضوع صفة وكل ما افتكر منظري وانا واقفة ومش فاهمة

حاجة
اقعد اضحك علي نفسي
ههههههههههههههه
دقات النقص كتير يا شريف بس الموضوع لما يتعلق بمستقبلك يبقي

ابيع ابويا
ههههههههههههههههه
تحياتي يا قمر

Wed Apr 25, 12:31:00 PM GMT+2  
Blogger smraa alnil said...

خمسة فضفضة

وعليكم السلام ورحنة الله وبركاته

طول عمري ههههههههههه
اهو دة بقي مبدأ ولازم اكل يتبعه
منوراني علي فكرة اوي
___________________________

ميمو

ههههههههههههههههه
يا ابنتي انتي مش متبعاني
ولو كنتي تابعتيني كنتي هتقري بوستي في ملحمة التوت واتوبيس 26
يلا ايام
شكلنا هنطلع قرايب
ههههههههههههه

Wed Apr 25, 12:31:00 PM GMT+2  
Blogger smraa alnil said...

جوهينة

هههههههههههههههههه
اومال ابقي زعيمة ازاي
ههههههههههههههه
طبعا يا بنتي عشان تعرفي ان يهمني مصلحة الشعب
يجوا هماايه جنبي
تسلمي انتي يا قمر
__________________________

ابراهيم محسن

جيت وقريت التفاصيل
بس اللي انت مش تعرفوا ان في نفس اليوم في حفلة لوجيه عزيز
عامة هقرر واقولك

Wed Apr 25, 12:32:00 PM GMT+2  
Blogger Menas said...

مالها مدارس الحكومه بس
والله بطلع علماء وعباقره
وبعدين مش عشان المدرسة حكزمة يبقى الطالبه كمان حكومة
ولا ايــــــــــــــــــه؟؟

بس حرام عيكي مدرس الفيزياء ذنبه ايه بس
كنتى انسى اسمه ساعتها

Wed Apr 25, 01:54:00 PM GMT+2  
Blogger ody911 said...

آه هنسيح بقة

ماشى
ماشى

صوة كلامك مظبوط بخصوص الجزءية بتاعت التسييح يعنى


معلش

هكلمك قريب

أصلى مفلس

أنا عموما رجعت الأراضى المصرية

ههههههههه


عادى بقة
أودى

Wed Apr 25, 04:40:00 PM GMT+2  
Blogger Nouran said...

هههههههههه تحفة بس يعني مالهم بتوع الحكومة اينعم انا اتنقلت حكومة ف ثانوي غصب عني ومكنتش راضية بس باردوا وكمان ده احنا كنا حاقدين عليكوا علشان انتوا ختوا السبت اجازة واحنا لا
لا بس انت زعيمة وطنية هايلة بجد :)

Wed Apr 25, 05:37:00 PM GMT+2  
Anonymous إبراهيم المتغاظ من إنجي said...

ايه يا بنت الحلال ده؟
ده انتي وطنية قوي
ههههههههههههههه
انا مت ضحك من اللي انت عملتيه
ده انتي مش ندلة بس.. ده انت ندلة بذكاء كمان
ممممممممممممم
يخرب عقلك عملتيده كله وجالك قلب
على فكرة اللي انتي عملتيه ده يدل على ذكاء سياسي
لأن البطولات مش كر بس
فر كمان
وانت كريتي
ولما الموضوع خرج من ايدك
فريتي

لأ برافو
بس أكيد دلوقتي لما كبرتي مش ممكن تبيعي اصحابك
خليك راجل يا سمرا
-وجه ممتلئ بالقوة-
يالله بقى زي بعضه

بالنسبة للحفلة
حفلة وجيه عزيز كانت لسه يوم 18 اللي فات
وفيه حفلة يوم 3 الجاي
وواحدة عندنا في المعهد بعدها باسبوع عشرة ايام

محبكش الحفلة اللي يوم 29
مش فاهمك يعني
عامة انت حرة

Wed Apr 25, 06:46:00 PM GMT+2  
Blogger shreef said...

بقى تبيعي زمايلك في الكفاح المسلح كده..من الاخر احسن حاجة عملتيه..تحياتي لاول مظاهرة ليكي..سلام

Wed Apr 25, 10:17:00 PM GMT+2  
Blogger Iron Cobra said...

سمرا:
بس هو الأستاذ صلاح بتاعكوا كان أهطل و بروطة شوية برضة.


هههههههههههههههه يعني خريج الورمان ولا بتدرس في الاورمان



واللة يافندم الأتنين ، انا كنت طالب في أعدادي في مدرسة الأورمان الأعدادية النموذجية بنين ، وبعدها طالب في الثانوي في مدرسة الأورمان الثانوية النموذجية بنين أيامها ماكانش في الأورمان التجريبية لغات ( فتحوها و أنا في تانية ثانوي ، وكانوا بيجوا يتحايلوا علينا عشان نحول ، بس على مين ) .
بعد كدة يا فندم و أنا في تالتة كلية نزلت تربية عملي في مدرسة الأورمان الأعدادية النموذجية بنين ن في رابعة بأة نزلت مدرسة الأورمان الثانوية النموذجية بنين .
بعد ما أتخرجت بأة أول مدرسة أتعينت و أشتغلت فيها أربع سنين قبل ما أنقل على مدارس اللغات كانت أية بأة الأورمان الأعدادية النموذجية بنين.

Wed Apr 25, 11:02:00 PM GMT+2  
Blogger واحد زهقان said...

هههههه....بيقولوا الجري نص الجدعنة
والندالة هي اول صفات الزعيم الناجح

شوفي مثلا محمد علي بعد ما بقى حاكم مصر عمل مذبحة القلعة لكل اعوانه عشان محدش يوجع دماغه...ندل

شوفي برضه السادات اول ما مسك الحكم حبس كل اصحابه وحبايبه وسماها ثورة التصحيح...ندل

بداية كل زعيم وطني...حركة ندالة

انا اتوقعلك مستقبل باهر في السياسة زي محمد علي باشا والسادات...ههههه

Thu Apr 26, 01:52:00 PM GMT+2  
Blogger smraa alnil said...

menas

احم هو انتي كنتي حكومة ولا ايه
معلش بقي جت فيكي
ههههههههههههه
مدرس الفيويا دة كان يستاهل بجد
___________________________

اودي

ههههههههههههههه
معلش بقي يا اودي
انت اللي ابتديت يبقي لازم تستحمل
المهم حمد الله علي سلامتك

Fri Apr 27, 09:16:00 PM GMT+3  
Blogger smraa alnil said...

نوران

هههههههههههههههههه
ياريتنا خدناه بعد كدة يا نوران
طلعنا النظاهرة علي الفاضي
ومش كان في سبت
عشان ترتاحي بقي
ههههههههههههههههه
طبعا انا فداء للشعب
___________________________

ابراهيم

ههههههههههههههههههه
ندلة ندلة يعني
لا مش تخاف ان لا يمكن ابيع اصحابي بجد
بس لا يخلو الامر من مقلب او شقاوة معاهم
مانا مش حضرت حفلة وجيه
في حفلة يوم 29
بس ربنا يسهل يارب ان شاء الله
يا سيدي قلتلك هاجي مش عايزة وجع دماغ بقي
المهم مين اللي هيغني يوم 2 دة

Fri Apr 27, 09:17:00 PM GMT+3  
Blogger smraa alnil said...

شريف

هههههههههههههههه
ماهو اللي باعوني في الاول يا شريف
تحياتي لاول مرة تزورني فيها
ابقي كررها
___________________________

سمسم

تصدق اه برضه
ههههههههههههههههههه
دة انا لو منك اولع في الاورمان دي بجد
دة انا قعدت الابتدائي والاعدادي والثاوني في مدرستي كلية السلام
ويوم ما جاتلي تربية عملي في مدرستي رفضت
دة انت علي كدة بطل بقي
___________________________

واحد زهقان

ههههههههههههههههه
عشان تعرف اني مطبقة الزعامة صح
ههههههههههههههههه
المهم انك توقعتلي مستقبل في السياسة
كويس
منورني

Fri Apr 27, 09:17:00 PM GMT+3  
Blogger Abdou Basha said...

:)

ثورجية كمان
أنا كنت في مدرسة حكومة، بس كانت كل الايام أجازة
الا اللي عايز يحضر

Sun Apr 29, 11:11:00 PM GMT+3  
Anonymous إسكندرانية رايحة فى داهية قريب said...

أول مرة أزور مدونتك وبجد بجد عجبتنى جدآ ذكرياتك اللى كلها شقاوة
حقيقى قصة طريفة وإسلوبك اللذيذ خلانى أستمر فى قراءة الموضوع دون أى ملل .
تحياتى لقلبك .

Mon Apr 30, 01:28:00 AM GMT+3  
Anonymous إسكندرانية رايحة فى داهية قريب said...

أول مرة أزور مدونتك وبجد بجد عجبتنى جدآ ذكرياتك اللى كلها شقاوة
حقيقى قصة طريفة وإسلوبك اللذيذ خلانى أستمر فى قراءة الموضوع دون أى ملل .
تحياتى لقلبك .

على فكرة أنا مدونتى فى موقع جيران يعنى بلاش تفرقة عنصرية وزورينى ههههه
إحنا الإثنين ببلاش ههههه

Mon Apr 30, 01:30:00 AM GMT+3  
Blogger smraa alnil said...

عبده باشا

ههههههههههههههه
اهي دي اجدع ناس بجد منورني

___________________________

اسكندرانية رايحة في داهية قريب
ليه بس كدة يا بنتي
هههههههههههههه
لا مش تخافي هجيلك بجد فوريرة مسافة السكة

Mon May 28, 02:33:00 PM GMT+3  
Blogger Pleasant said...

بجد قريت الموضوع كله و كنت بضحك موووووووووووووووووووووووووت
اصلي اورمنجية زيك و مريت بنفس المدرسة و مواقف مشابهه بس عمرى ما مشيت فى مظاهرة
ههههههههههههههههههههه
اييييييييييييييييييييييييييييه كانت ايام :D

Thu Jul 26, 11:38:00 AM GMT+3  
Blogger smraa alnil said...

pleasent

ههههههههههههه
اهلا رفيقة الكفاح

ايوة كدة
وليه يعني مش تمشي في مظاهرة دة حتي مش عيب

والله يا بنتي كنت ايام
منوراني اوي علي فكرة

Thu Jul 26, 01:47:00 PM GMT+3  
Blogger Mokbel said...

السلام عليكم...
ازيك يا سمراء النيل؟؟اخبارك؟؟
موضوع جميل و موهبتك فى الكتابة اجمل..
على فكرة انا كنت معاكى فى نفس المدرسة بس انا دفعة قديمة شوية ,95-96 ..يعنى بقالى 11 سنة سايب المدرسة لكن والله لسه فاكر ايام الآرومان زى ما تكون امبارح...
بالتوفيق و تحياتى ليكى
mokbelsabry@gmail.com

Sat Aug 11, 01:42:00 PM GMT+3  
Anonymous Anonymous said...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品

A片,A片,A片下載,做愛,成人電影,.18成人,日本A片,情色小說,情色電影,成人影城,自拍,情色論壇,成人論壇,情色貼圖,情色,免費A片,成人,成人網站,成人圖片,AV女優,成人光碟,色情,色情影片,免費A片下載,SEX,AV,色情網站,本土自拍,性愛,成人影片,情色文學,成人文章,成人圖片區,成人貼圖

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人

Tue Feb 17, 11:48:00 AM GMT+2  

Post a Comment

Links to this post:

Create a Link

<< Home