Tuesday, May 29, 2007

هو ايه الموضوع؟؟؟؟؟

جالي خبر من كاااااااام سنة فاتوا ان ابن عمة ماما اتجوز

بجد يا سلام بركة يا جامع
طب الف مبروك
ولا روحنا ولا زورنا
وتفوت ايام وشهور ويجيلي خبر برضه
ان ابن عمة ماما خلف بنت
يااااااااااه الف مبروك ربنا يباركله فيها يارب ويا تري سمي الامورة ايه؟؟؟
.....علا
علا؟؟؟ ايه الاسامي دي
مش قادرين يسموا اسم جديد شوية
دة مين اللي سمي الاسم دة؟؟؟
مش عارفين بس تقريبا حماته
يلا مش مشكلة ربنا يباركله فيها
وبرضه لا روحنا ولا زورنا

وبعد فترة.... يجيلي خبر برضه دي علا عيانة
مالها يا جماعة عندها حساسية علي صدرها
يا ستار يا رب وهي صغيرة كدة يااه الف سلامة عليها وربنا يشفيها

صحيح يا ولاد المرض لابيعرف كبير ولا صغير بس يلا ربنا يشفيها يارب
وكالعادة برضه لا روحنا ولا زورنا
وتفوت سنة علي علا.....!؟
والاقي نظرة حزينة مكسورة مش قادرة تبص علي المستقبل
لان اصلا مش في مستقبل
نظرة كلها خوف وحزن
علا يا ولاد
مالها؟؟؟؟
جالها المرض الوحش
علا جالها سرطان
لا حول ولا قوة الا بالله
ودة بيجي منين
انتي هتهزري يعني ايه بيجي منين كله بامرالله
يا جماعة انا مش قلت حاجة
مش فاكرة ساعتها حسيت بايه
بس استسلمت زي ما هما ما استسلموا
هتتعالج ازاي وهي في السن دة ولا هنستني تبرعات مستشفي 57357
كيماوي؟؟؟
لا حول ولا قوة الابالله كيماوي وهي في السن دة ربنا يقويها

شعرها وقع...وضغفت جدا
لكن كانت بتمشي وبتتكلم
ماما انا عايزة دة او دة
وطبعا ابوها وامها يا ولداه حاضر يا حبيبتي
.....وهاتك يا جري يلبوا طلبها يمكن
لالالا بعد الشر
نظرة بابتسامة محروقة من اهه وحضن مليان خوف ولهفة

وعلي طول مش كدبنا خبر
لا ما تخافوا احنا برضه لا روحنا ولا زورنا
بس كلنا رفعنا ادينا ودعينا
وتفوووووووت سنين وشهور وايام
ويجيلي خبر ...؟
انتي مش اتصلي بعمتي؟؟؟
لا يا ماما وبعدين انا اتصل ليه هو انا اصلا من امتي كنت بتصل بيهم؟؟؟
هو في ايه؟؟؟؟
..... بنت محمد
مالها....؟؟؟؟
ماتت
..... علا؟
اه
عندها 6 سنين

نزلت دمعه من عيني دمعه تاهت مافتكرش ساعتها نزلت ليه
لا دي دموع بس مش بكا
تهت ,,,حياة ,,مرض ,,ابتسامات ,,وجع والم وحرقة قلب ودموع وموت
كل دة منعني من اني ابكي
بس كان في دموع
كانت في صرخة مكسورة عايزة تصرخ وتطلع بس مش في حد سامعها غيرجدران قلبي
صرخة منعتني اني اصرخ صرخة ااااااااااه
وصوت محشرج حزين مكتوم
نظرة حيرة مش عارفة فين او ليه

الموضوع مش موضوع موت ولا كبير ولا صغير
الموت علينا حق وقضاء وقدر ولا نقدر نتكلم فيه
ولا الموضوع موضوع ان الدكاترة كانوا عارفين ان هي عندها حساسية ومع ذلك ادوها ادوية
ساعدت علي تنشيط الخلايا السرطانية عندها
مش مشكلة نصيبها
ولا الموضوع موضوع ان الدكاترة برضه كانوا عارفين ان هي عنها حساسيه ومع ذلك ادوها
جرعة كيماوي زيادة
عادي بتحصل في احسن المستشفيات ومع احسن الدكاترة
يعني هي جت عليها هي
اهي تعددت لاسباب والموت واحد
ولا الموضوع موضوع الم طفل برئ مش قادر يقول الاه

ولا موضوع قهر وحزن وبكا وطفولة مش بقيت طفولة
وصراخ واحزان مدفونة زي صاحبتها
الموضوع مش موضوع حرقة قلب وخوف واشتياق ونظرة توهان ما بتفوق منها غير علي اسم وحد الله
ولا الموضوع موضوع خنجر طعن القلوب ولا في اي صرخة الم ولا توجع
وللاسف مش من قوتنا
لالالالا
من خوفنا...!؟
من ضعفنا..؟
والموضوع مش موضوع علا ماتت وادفنت
ولا العذاب اللي هي سابته وراها
ولا مسألة سماع ضحكة بريئة
او بكا الم
وايد صغنتته تتمد عشان تقف
ولا موضوع اهمال وجبروت وعدم لا مبالاه وعدم ثقة وحرمان وخوف

ولا نظرة طفلة لاي بنت شعرها طويل وتبص في المرايا وتقول هو انا شعري ليه مش بيطلع
...ولا موضوع عصر قلب وتفطر ضلوع لما تسمع كلمة عايزة اطلع لما اكبر
لالالالا مش قادرة اسمعها
تخيلوا بقي ان احنا برضه لا روحنا ولا زورنا
والجديد ايه بقي ؟؟؟
اننا حتي ولا اتصلنا
تفتكروا ان هو دة الموضوع
اننا بنحزن ونشارك معنويا ونقول لا ويا حرام والبقاء لله ونشجب ونعترض في المؤتمرات
وشوف اللي بيحصل لاطفال العراق وفلسطين ولبنان ...ووووو
اننا قاعدين ساكتين مكتومين جوانا حسرة وقلب بيتقطع
بس النتيجة ساكتين
عاملين زي الجندي المجهول
بس للاسف احنا مش جنود
احنا مجهولين
وبرضه لا بنروح ولا بنزور
انا عن نفسي مش عارفة ايه الموضوع يا ريت تقولولي ايه هو الموضوع
الله يرحمك يا علا ويرحم اموات لمسلمين جميعا

ويصبر اهلها
علا ماتت من سنين بس بحيي ذكراها يمكن احس اني لسة عايشة
باحساس
تفتكروا انتوا بقي هو ايه الموضوع

Labels:

119 Comments:

Blogger lastknight said...

مؤلم .. ورائع.. شكرا لتحريك مشاعر الرحمه بهذا العنف

Wed Nov 08, 12:48:00 AM GMT+2  
Blogger وينكى said...

البقاء لله
المشكله بالإضافه لكل الكم الفظيع دا من البلاوى هو السلبيه
احنا شعب فنجرى بق
كفايه علينا الكلام
انتى عارفه انى وانا باقرا الموضوع بجد دمعت
انا كمان ماعرفش حاجه عن عيلتى ولا حتى سألت عنهم؟؟ لدرجة انى حاسه انى بادرت واتكلمت هايستغربوا الخطوه المفاجئه دى
هى ايه اللى فكرها بينا دلوقتى؟؟
كلمه زى دى ممكن تقتلى اكتر مانا دلوقتى
حاسه بحاجات كتير قوى مش قادره أعبر عنها

Fri Nov 17, 04:04:00 PM GMT+2  
Blogger copa said...

والله ما عارف اقول ايه .... عارفه وينكي زي ما بتقول كدا انا نفسي فعلا ماعرفش عائلتي اخبرها ايه انا والدي مسافر بكسل اني اكلمه مش هقوليك اقارب الموضوع ان الرحمه اتنزعت من قلوبنا بسبب الي بنشوفه كل يوم ما طبيعي الواحد في الاول يشوف المنظر يتخد بعد كذا مره بقي الموضوع بقي عادي غير ان الواحد بيشوف ابوه وامه و هما بالنسبالهم المووضوع عادي فاحنا طلعنا علي كلمة عادي و مبقيتش فارقه ما هو عادي

Sat Dec 23, 08:28:00 AM GMT+2  
Blogger shahy said...

انتو بتتكلموا ازاي ياجماعة
هو اية دة اللي عادي؟
وازاي مابتسألوش على اهلكم؟
دة هو دة اللي مش عادي

................
الموضوع مؤثر جدا
ويمكن لو كنتي تخيلتي ان علا دي بنتك(بعد الشر عنك)كان بقى ليكي تصرف تاني ايجابي شوية
على الاقل السؤال بالتليفون حتى الحاجات دي بتفرق قوي مع الناس اللي بيكون عندها ظروف مرض اوموت

تحياتي
مع انك نكدتي عليا

Tue May 29, 07:24:00 PM GMT+3  
Blogger smraa alnil said...

lastknight

شكرا علي مرورك
__________________________________

وينكي

انا متفقة مع كل كلمة انتي قلتيها
وانا زيك بالظبط
بس معلش لازم تجربي وتحاوي

Tue May 29, 07:32:00 PM GMT+3  
Blogger smraa alnil said...

كوبا

انت لسة صغير يا كوبا الحق نفسك واسال علي اهلك لتلاقي نفسك زينا كدة
ولازم تتقرب من اهلك خصوصا باباك ومامتك
_________________________________

شاهي

جايز كل واحد منا ليه ظروف مختلفة
انا عن نفسي مش اخترت البعد عن اهلي
لكن هما اللي اتخلوا عني
وبقي شئ طبيعي اني مش اقدر اتصل بيهم
لما تلاقي مفسك بتقعي وبتطردي
وبتلجأي لاهلك ياخدوا حقك او يقفوا جنبك وتلاقي النتيجة سلبية وكمان بيجوا عليكي انتي
يبقي الوضع اللي بتكلم عليه عادي
بس انا مش بعيدة اوي زي مانتي متخيلة
لا
انا علي الاقل عارفاهم وفي المناسبات بنهني

ولو علا دي بنتي
اكيد هيبقي نصرفي تصرف تاني
بس انا متاكدة ان لو بنتي حصلها حاجة
النتيجة واحدة يا شاهي
ان برضه مش في حد هيسال عليها ولا عليا

مش كل الاهالي بييتلموا علي ترابيزة واحدة
ولا كل الاهالي زيي

دايما في اختلاف

Tue May 29, 07:37:00 PM GMT+3  
Blogger linda said...

انجي

اولا الله يرحم علا ويرحم كل شخص بمتل موقفها

بس يامحيني
حقولك انو الموضوع هو عن الإهمال

بنهمل كتير في حاجات المفروض مابنهملهاش زي الزيارات والتبرعات وزي سكوتنا عن اطفال لبنان وفلسطين والعراق

كل داه اسمو اهمال

اسفة بس انفعلت لما قريت الموضوع

Tue May 29, 07:39:00 PM GMT+3  
Blogger زحل الفلكي said...

اولا البقاء لله
ثانياً اعتقد المشكله في الحته دي

برضه متصلناش
وبرضه مروحناش

طب ليه
مسألتيش نفسك ليه ؟؟
انا برضه نفسي اعرف ليه

Tue May 29, 08:01:00 PM GMT+3  
Blogger reri said...

الله يرحمها ويصبر والدها ووالدتها ويثلج صدورهم
أما بقي الموضوع اللي ورا الموضوع
وهو علاقتنا بأهلنا ... فدي حكايه كبيره
صلة الرحم عندنا بقت أمر هين
مع إن الموضوع كبير أوي
أنا فاهمه إنتي ما إتصلتيش ليه ولا روحتي يا إنجي
لأنه صعب الإتصال بعد البعد بيبقي صعب جدا
هتقولي إيه
وإنتي ما إتعودتيش تقولي أي حاجه
فجوه كبيره خلاص

سلامااااااااااااات

Tue May 29, 08:31:00 PM GMT+3  
Anonymous RAGAB said...

طب متصلحى
بدل ما نتى قغدة تكتبى كدة
اتصلى حتى
مش مشكلة دلوقت

Tue May 29, 09:10:00 PM GMT+3  
Blogger نبض اسكندرية said...

تسمحيلى اقولك انى زيك نوعا ما

لكن انا دلوقتى حاولت اتصل واصل الرحم

تحياتى يا انجى

Tue May 29, 09:24:00 PM GMT+3  
Blogger gohayna said...

عوده حميده من الامتحانات

ومستنين النجاح

واوعي تنسي العزومه يا قمر

اما بالنسبه للبوست

فكم التصرفات السلبيه يثير الاشمئزاز

ازاي الناس متعرفش اي حاجه عن بعضها؟
اما فين صله الرحم

فين الدين

فيه حجات كتير ضاعت عندنا

ومعاني وقيم كانت موجوده وسطنا

منعرفش راحت فين

تسلم ايدك

وحمدلله علي السلامه يا قمر

Tue May 29, 09:57:00 PM GMT+3  
Blogger REEMOO said...

المشكله اننا مبقناش نتأثر
من كتر الحز اللى بيغلف كل حاجه حوالينا مبقناش نحزن
من كتر أمواتنا مبقتش تفرق ميت جديد
المشكله فى إحساس السلبيه اللى بقى منتشر
المشكله فى همومنا اللى زادت لدرجه انها مبقتش مديانا فرصه نبص على هموم غيرنا
المشكله فى الزمن الصعب اللى خلانا مبنسألش حتى على أقرب الناس لينا
المشكله فى حاجات كتير يا انجى
المشكله اكبر من علا ومرضها
أكبر من اهمال بنتعرضله بمنتهى السلبيه
المشكله فى احساسنا اللى ضاع وبنحاول نرجعه بش مش قادرين
المشكله فى كل حاجه
المشكله اننا احنا نفسنا بقينا مشكله
ربنا يرحمها يارب
مبقناش نملك غير الترحم على امواتنا
ربنا يرحم جميع أموات المسلمين
محبتى

Wed May 30, 12:16:00 AM GMT+3  
Blogger Amr Ahmed said...

انجي

انا قريت البوست ده قبل كده عندك

صح؟؟؟؟؟

Wed May 30, 12:40:00 AM GMT+3  
Blogger ody911 said...

يعنى رجعتى ولا أحم ولا دستور


مش فى ناس بتوحشيهم يعنى


طيب سبتلك رسالة أوف لاين معبرتنيش لية


على فكرة بجد بقة زعلان المرادى

بس
ومفيش حنفى

Wed May 30, 01:45:00 AM GMT+3  
Blogger micheal said...

الله يرحمها و يصبر أهلها
عملتي ايه في الامتحانات؟
تحياتي لكي

Wed May 30, 02:29:00 AM GMT+3  
Blogger LOJAIN said...

نفس اللى بحسه برده مع عيلتى اننا مبقاش مع بعض و جمب بعض فى وقت الشده
يمكن الفرح اه اهو ساعتين و مولد و بيتفض

الغريب انه ده مش عندك او عندى بس ده بجد انتشر قوى انه بقينا بنحط مبررات لغلطنا و عدم سؤالنا عن بضنا و تناسينا من وصلها وصلته ومن قطعها قطعته
ومرضت ولم تعدنى
وبقينا بنحط مببرات حتى لو بتخالف الشرع كفاية قوى انها بقت مرضية لاهواء انفسنا

ربنا يرحمها و يرحم اموات المسلمين جميعا
ويثاب اهلها على صبرهم على الماساة اللى كانوا شايفنها وحاسين بيها وتابعوا موتها لحظة بلحظة
يارب يجعله فى ميزان حسناتهم يارب و يعفينا و يعافينا مما ابتلى به غيرنا من الناس امين

Regards:
Lojain :)

Wed May 30, 04:46:00 AM GMT+3  
Blogger Van Gogh said...

لقيت كومنتك وانتى بتلومى عليا اللون النكدى

جيت عندك

ومش عارف اعلق اقولك ايه..؟؟

البقاء لله

وممكن انا وانتى ندور على حد غيرنا معندوش اللون ده

تحياتى

Wed May 30, 07:21:00 AM GMT+3  
Anonymous negmooo said...

أنوووووووج
وحشتينا

بس كده خلاص

Wed May 30, 07:26:00 AM GMT+3  
Blogger Mohamed A. Ghaffar said...

اه من الفساد اه

Wed May 30, 08:41:00 AM GMT+3  
Blogger Mirage said...

انا لسه جى حالا من عند كركيب نهى وانا بتنفض

دخلت عليكى بعديها على طول تعبتى اعصابى

الساعة لسه 8:30 الصبح

ايه اليوم الكئيب ده من اوله

Wed May 30, 08:51:00 AM GMT+3  
Blogger مـحـمـد مـفـيـد said...

سطور رائعه واصحت لدي مشاعر التواصل الاسري
شكرا لكي يا مبدعه

Wed May 30, 09:53:00 AM GMT+3  
Blogger اخر من الاخرين said...

مش عايز اعلق
لا مش قادر اصلا اعلق
ربنا يهدينا

Wed May 30, 10:33:00 AM GMT+3  
Blogger .:.-=- ELGaZaLy-=-.:. said...

اولا حمدالله على السلامة يا افندم

ثانيا البقاء لله

مؤلم اوى يا سمراء بجد مؤلم اوى

وربنا يرحمها الغربة بين الاهل صعبة بجد


اوى

Wed May 30, 11:08:00 AM GMT+3  
Blogger bagabigo said...

انتى نشرتيها ثقبل كدا صخح
عموما وحشتينى

Wed May 30, 11:46:00 AM GMT+3  
Blogger الزعيـمة said...

عزيزتي انجي
وحشتيني ووحشتني كلماتك الجميلة


الموضوع دا قريتة عندك من فترة
وافتكرت الابتسامة البريئة
والالم القاسي والوحشي للمرض

بس تعرفي انى الوقتي بقول اية؟
هى ماتت وارتاحت من الدنيا

وحقيقي الدنيا مفيهاش غير الم ومرض
ربنا يرحمها برحمتة ويصبر اهلها


تقبلي تحياتي

Wed May 30, 01:07:00 PM GMT+3  
Blogger smraa alnil said...

ليندا

الله يرحمها بجد
بس صدقيني يا ليندا احيانا الاهمال بيكون غصب عننا
انتي اخدتي بالك اني قلت في الاول اني جالي خبر
يعني انا عرفت من امي انه خلاص اتجوز وانه خلف وان بنته عيانة وانها ماتت
يعني لا حد اتصل يعزم ولا يقول
ومش معقول ان في وسط الحصار اللي محطوط من والدي بحرماني من اهلي اجيب مشاكل ليا واتصل انا ولو ان الاتصال اصلا مش كان بايدي
صدقيني مش كل الاهمال بيبقي واحد
بس سكوتنا عن حاجات كتير برضه بيختلف
الناس خايفة تروح ورا الشمس
___________________________

زحل الفلكي

سالت نفسي كتير يا محمد
والاجابة اني مش لا يد ي الموضوع
صدقني بيبقي غصب عن الواحد
لما تتولد وتلاقي مش في حد جنبك
بقي ايه الحل
لما انت اصلا مش تعرف مين اهلك برضه بيبقي غصب عنك
لما تقابل عمك في وشك ومش يعرفك ولا انت تعرفه لانكم بقالكم كتير مش شفتوا بعض
يبقي ايه
مش كل الاسئلة بتبقي مبهمة

Wed May 30, 02:38:00 PM GMT+3  
Blogger smraa alnil said...

ريري

اللهم امين
عندك حق يا ريري
بس صدقيني احيانا بيبقي غصب عن الواحد
واحيانا كمان البعد مش بيبقي برضاكي
بتترغمي عليه
عندك حق بقت فجوة كبيرة
___________________________

رجب

حتي الاتصال بقي مش ينفع يا محمد صدقني
فات المعاد وبيقنا بعاد

Wed May 30, 02:38:00 PM GMT+3  
Blogger smraa alnil said...

نبض اسكندرية

جايز تكوني ملك نفسك عشان كدة قادرة تتواصلي وتصلحي غلطك
لكن لما يكون غصب عنك؟؟؟
عامة ربنا يهيدنا كلنا
___________________________

جهينة


الله يخليكي وحميدة كمان بتسلم عليكي اوي
لا مش تخافي دة انا هعمل فرح مش عزومة
حاجات كتير ضاعت بس غصب عننا
تسلملي يا قمرة

Wed May 30, 02:38:00 PM GMT+3  
Blogger smraa alnil said...

ريموووو

انتي كدة صح
يبعدوا مش بقت فارقة
يروحوا ويجوا مش فارقة كدة كدة هنعيش طالما مقدر لنا اننا نعيش
بس صدقيني يا ريمو لازم نتغير
ازاي مش عارفة بس لازم نتغير
لازم نصرخ
انا عن نفسي لا بقيت قادرة اتغير ولا بقيت قادرة اصرخ
هديلكم الشعلة وانتو تحملوها :)
___________________________

عمرو احمد

فعلا يا عمرو
دة كان اول بوست انا كتبته
بس حبيت اعيده تاني احياء لذكري علا

Wed May 30, 02:38:00 PM GMT+3  
Blogger smraa alnil said...

اودي

لالالالالالالالالالالالالالالالالالالا
عشان خاطري ما تزعل
عيب عليك
هو انا ليا غير اودي
بس والله العظيم ما وصلني اي رساله اوف لاين خالص
لا حقك عليا
هتصل بيك اصالحك
___________________________

مايكل

الامتحانات
يعني لازم تنكد عليا اكتر من كدة يا مايكل
ربنا يسترها بقي
دعواتك
بس تكون في الكنيسة عشان تتقبل
:)

Wed May 30, 02:38:00 PM GMT+3  
Blogger smraa alnil said...

لوجين

انا مش بحب احط مبررات لغلطي
بس بجد دة واقع انا عشت فيه اني لقيت نفسي مرغمة اني ابعد عنهم
اتغصب عليا
اللهم امين
منوراني
___________________________

فان جوخ

ههههههههههههههه
ممكن لون فحلئي

Wed May 30, 02:39:00 PM GMT+3  
Blogger smraa alnil said...

نجموووو

والله العظيم انتو كمان وحشتوني اوي
هو ايه اللي بس خلاص
يا عم ارغي الكلام مش بفلوس
:)
___________________________

محمد عبد الغفار

امتي ينتهي

Wed May 30, 02:39:00 PM GMT+3  
Blogger smraa alnil said...

ميراج

هههههههههههههههه ابشر خليك معانا كدة
وعامة زورونا تجدوا ما يسكرم
صباحك فل
___________________________

محمد مفيد

وعشان كدة تعمدت نشره مرة تانية
ربنا يخليك يارب

Wed May 30, 02:39:00 PM GMT+3  
Blogger smraa alnil said...

اخر من الاخرين

اللهم امين
___________________________

الغزالي

الله يسلمك يا غزالي

عندك حق
انا كنت بتألم برضه وانا بكتبه

Wed May 30, 02:39:00 PM GMT+3  
Blogger smraa alnil said...

بجابيبجو

صح
وكان اول بوست
وانتي كمان وحشاني اوي
___________________________

الزعيمة

يااااااااه
بجد وحشاني اوي يا داليا

عندك الدنيا فيها ايه حلو
ولا حاجة
وحشاني بجد

Wed May 30, 02:40:00 PM GMT+3  
Blogger Sabsoub said...

على العموم الله يرحم علا .. بس ما فينا نقول غير أنو هيك الدنيا .. لئيمة بأغلب الأحيان .. المهم أنو الواحد يخلي إيمانو بالله كبير .. شكرا لتحريك مشاعرنا بهذا العنف .. دمعت عيوني والله

Wed May 30, 05:12:00 PM GMT+3  
Blogger ذكريات said...

صلة الرحم موصولة بعرش الرحمن من وصلها وصلة الله سبحانه
وصلة الرحم ان تصل من قطعك لا ان تصل من وصلك فقط وبصراحة الدنيا مشاغل ولكن فى وسط هذة المشاغل يجب ان لا ننسى ان هناك اقارب لنا لهم حقوق علينا وهم فى ابتلائتهم محتاجين لوجودنا بجوارهم وبصراحة يا اخت انجى اضحكتينا امس بخراب بيت حنفى واحزنتينا اليوم على علا وعلى احوال معظم الناس والجفاء المنتشر ولكى تحياتى

Wed May 30, 05:40:00 PM GMT+3  
Blogger whyme said...

هيه انا اخيراً جيت اهه


ازيك يا سمرا عامله ايه باين كده انى فاتنى حاجات كتير بس الحمد لله انها جاجات كويسه انا طبعاً مش بتكلم على موضوع البوست انا بتكلم على واحد من الناس


اما بالنسبه لموضو ع البوست فهو اكتر من موضوع مش موضوع واحد بس اهم واحد فيهم هوه تقصيرنا ناحية بعض بجد لازم كده كل شويه نقف واقفه و نشوف مين الناس الى احنا مقصرين معاهم و هما محتاجينا

ممكن يكونوا قرايب لينا كبار فى السن او ناس عندهم ازمات او مواقف وحشه و.......... بجد لازم نرجع تانى نقف مع بعض

تحياتى يا سمرا و مستنيكى تشرفينى

Wed May 30, 06:16:00 PM GMT+3  
Blogger شيماء الجيزى said...

يا انجى

الفاجعه فينا بجد ..يمكن حتى فى الاحساس
ولو بنحس ..بيكون اضعف الإيمان لينا
زى معينك دمعت ووينكى عينها دمعت
وانا كمان

بس هنعمل ايه
عارفه لو فى طريقه ؟

هقولك على حاجه عجيبه
يمكن موضوع اننا نسأل عن العيله ونعمل صلة رحم انا فكرت فعلا فيها
ويمكن ولله الحمد انا صلتى بعيلة امى قوية جدا اما بقى الجزء التانى فده مش عارفه اقولهالك ازاى؟
انا بادرت وسألت ...بس انا لقيت المبادرة ردت بعبس وضيق وهجوم عنيف

تحياتى لقلبك الجميل
يا سمراء النيل

Wed May 30, 06:17:00 PM GMT+3  
Blogger linda said...

يمكن كلامك مقنع او هو مقنع اصلا

بس انا كمان مبلومكش انا بلوم مامتك

علىالعموم بتمنالك حياة افضل

انجي فيني اخد ايميلك لو كان على الياهو ياريت؟

Wed May 30, 07:42:00 PM GMT+3  
Blogger توتة توتة said...

انا برده اللي نكدت عليكي

Wed May 30, 07:47:00 PM GMT+3  
Blogger حــلم said...

حمدا لله على سلامتك

:)

Wed May 30, 07:52:00 PM GMT+3  
Anonymous Anonymous said...

هو احنا بقي عندنا بخل حتي كمان في المشاعر !!!؟؟؟؟
و خايفين حتي نتعاطف مع غيرنا

Wed May 30, 08:44:00 PM GMT+3  
Blogger •«ρяoιd»•™ said...

البقاء لله

و ربنا يرحمنا جميعاً

بس ده غلط

في حاجه اسمها صلة رحم

تتجوز .. تخلف .. بنتها عيانه .. تموت

و كل ده ولا حتي رفعتوا سماعة تليفون

مش غلط برضه ؟؟؟

تحياتي

Wed May 30, 09:03:00 PM GMT+3  
Blogger رينـــــــــــا said...

الموضوع مصيبه
صله رحم منقطعه
ومش بنفذ امر الله فى زيارة مريض
ويوم القيامه ربنا هيلومنا على دا ويمكن كمان نتعاقب عليه

ان لله وان اليه راجعون
والله دا درس للكل علشان ميقطعش صله الرحم
دا لو واحد مريض منعرفوش بنتعاطف معاه
اشمعنى القريبين مننا وقريبنا!!!

Wed May 30, 09:08:00 PM GMT+3  
Blogger أبو أمك said...

الموضوع إن ماحدش فاضي
كله بيجري ورا أكل العيش..وإزازة البيرة

Wed May 30, 09:38:00 PM GMT+3  
Blogger بيسوو said...

مش اول ولا هتكون اخر واحدة
انا بقيت حاسة ان من كتر الموت والمرض والقهر الي بقينا عايشين فيه مبقيناش نستغرب اي حاجة تحصل لاي حد صغير ولا كبير مش مهم مهو الهم طايل الكل وكلنا في نفس الدوامة
هو فلان مات...ياااااه ده كان صغير قوي ..وياترى ايه السبب؟
اهمال دكاترة ولا قلة امكانيات ولا عدم مبالاة وسلبية ولا ايه
ياعم فكك..كلنا هنموت

فعلا كلنا هنموت بس بعد ما نموت هنتحاسب على الي معملنهوش قبل الي عملناه

مكنتش عايزة اقلك وحشتيني في البوست ده
بس بجد بجد وحشتيني بغض النظر عن وجع القلب

Wed May 30, 11:11:00 PM GMT+3  
Blogger sendbad said...

بصراحة مش قادر اتكلم

Wed May 30, 11:32:00 PM GMT+3  
Blogger خمسة فضفضة said...

السلام عليكم ورحمة الله وبركاته
البقاء لله
انا لله وانا اليه راجعون

صحيح الموت علينا حق وان كلنا هانموت ، بس للاسف الموته اللي بالشكل ده مش موته طبيعيه ده قتل مع سبق الاصرار والترصد ...اكل مسرطن وادويه مش مظبوطه ودكاتره اي كلام ..و .....و.....و .....ماتعديش


ربنا يصبر اهلها ، صحيح انت قلتي انها ماتت من كذا سنة ، بس نار الحزن علي الضنا عمرها ما بتطفي ابدا

كنت اعرف بنوته اموره برضو كان مصيرها زي علا ، وكتبت بوست عنها بس للاسف سيباه في الدرافت ومش عاوزه انشره

في آخره بقول :
وسألت نفسي وصوتي مخنوق بالدموع ياتري مين السبب مين اللي حط في اكلنا وشربنا وحتي الهوا حاجات كتير تجيب امراض مافيش منها شفا ولا ليها اي دوا


تحياتي

Thu May 31, 12:22:00 AM GMT+3  
Blogger كلمه said...

offffffffffff!!!!!!!!
allah yer7aha w yer7mna
fe 2ably 50 comment 2alo kalam keteeer mazonesh eny momken 2a2olek 7aga gdeeda .... elnas 2alet elmofeed w dma3`ek t3rafek FE EIH BGD .... elmohem y3ni
samdla 3l 7alama :)))

Thu May 31, 01:40:00 AM GMT+3  
Blogger Tamer Nabil said...

البقاء لله

بس المفروض مهما كانت المشاكل او الاشياء التى ادت الى بعدنا عن اهل لنا وكانت سبب فى قطع الصلة معهم

فى هذة الظروف يجب ان ننسى ونقف مع الاهل مهما كانت الاختلافات

تحياتى

Thu May 31, 01:45:00 AM GMT+3  
Blogger halawa said...

ياإشراقة ياتفاؤل
كفاياك يابوي كفاياك
كئبتنا وغمتنا
وحشتينا بجد فينك
الموضوع أكبر كمان وكمان
العيب في البعبع والعو
سواء جوانا ولا برانا
بس في عو وخلاص
ثقة أمن جرأة أيتها حاجة
كله بيهد ويشد لورة أو بيمسمر في المكان
بس مشكلتنا اننا راضيين بدور المعلق والمشاهد للأحداث
في كل مجال

خشي شوفي بوستي الأخرااااااااااااني

Thu May 31, 04:49:00 AM GMT+3  
Blogger Ahmed taher said...

المشكلة فينا نحن اكيد
اننا انقطعنا عن صلة الرحم التي تربطنا بلاخرين لاننا الهينا انفسنا بدنيا غبية لن تفيد ولن تنفع
ننسي دائما ونتناسي ولا نتذكر وندعي الا بعد الموووت
ربنا يرحما هذه الصغيرة البريئة

Thu May 31, 09:31:00 AM GMT+3  
Anonymous إبراهيم محسن said...

القضية ان مفيش موضوع جوانا
اننا اتعودنا
او بلّدنا
يمكن من كتر ما قلوبنا وجعتنا مبقتش تفرق كتير

افتكر اني كتير بشيح بوشي بعيد عن التليفزيون لما اشوف حاجة في اي حتة في الدنيا فيها كائن حي بيتألم
سواء كان حيوان او انسان
امريكي بقى ولا مصري
المهم انه بيتألم

لمن اكتشفت اني لما بشيح بوجهي وبغير القناة
بجيب ماتش
أو فيلم
وبقعد آكل باستمتاع
وانسى تماماً ان في نفس اللحظة واحد كان بيتألم
يمكن اكون بتناسى الألم عن طريق الأكل و الضحك
ويمكن اكون ناسيه فعلا

ربنا كبير
شوية ضمير
شوية احساس
الدنيا تتعدل

Thu May 31, 12:33:00 PM GMT+3  
Blogger Noony said...

لا حول ولا قوة إلا بالله
البقاء لله

بس مكنش لازم تروحوا أو تزوروا أوي..كان ممكن حتى تتكلموا في التليفون
وسائل الاتصالات اتطورت أوي الفترة اللي فاتت مش عشان تقربنا، لأ دي بعدتنا عن بعض أكتر من الأول..كل واحد بقى بيتحجج انه مش فاضي ومفيش وقت وبعدين أبقى أشوف قرايبي أو حتى أسأل عليهم، وحدش بيعمل حاجة من دي..أنا أول الناس دي
الناس زمان أيام جدي وجدتي كانوا رايقيين ويتجمعوا كل أسبوع مرة على الأقل و يتكلموا ويسألوا على بعض، دلوقتي محدش بقى يعمل كدة...الدنيا بقى رتمها سريع أوي، الغلاء والشغل والدراسة والطلبات والمشاكل بتخلي الواحد تايه مش عارف هو مين أصلاً
ربنا يتولانا برحمته الواسعة
أنا مؤمنة بإننا نقدر نتمرد على الوضع دة ونغير من نفسنا لو عايزين
بس نحاول
أسفة على الكومينت الطويل...بس الموضوع فعلاً صعب
:(
نوني

Thu May 31, 02:58:00 PM GMT+3  
Anonymous Rodrigo said...

Oi, achei teu blog pelo google tá bem interessante gostei desse post. Quando der dá uma passada pelo meu blog, é sobre camisetas personalizadas, mostra passo a passo como criar uma camiseta personalizada bem maneira. Até mais.

Thu May 31, 05:21:00 PM GMT+3  
Blogger Iron Cobra said...

سمرا :
حمداً للة على السلامة ، هوني على نفسك الدنيا فيها بلاوي كتير يمكن زي كدة و يمكن اكتر و يمكن أقل ، و دة اللي بيخلي الواحد دايماً يقول الحمد للة على الصحة و على الستر.
أرجو أن النتيجة تطلع كويسة بعد كل العذاب دة.

Thu May 31, 08:28:00 PM GMT+3  
Blogger جواد بري said...

بوست اكثر من رائع يا سمرا
زمانها دلوقتي في الجنه مبهدله الدنيا
مالحقتش تشوف البلاوي اللي هنا

تعرفي انا لغايه سنتين فاتوا ماكنتش شفت مريض سرطان اقل من 40 سنه
اسمع واقرا انما انك تشوفيهم احساس تاني
6شهور يا انجي
اهو ده حتي مايعرفش يقول كلمه علي بعضها
وكتير اعمارهم ماتتعداش سنتين ثلاثه
واسئلتهم غايه في البراءه
ممكن ساعتها كان صعب علي اي حد يمسك دموعه قدامهم
موضوع صعب واسئلتك في الاخر اصعب
حسستينا بالعجز يا سمرا

Thu May 31, 10:52:00 PM GMT+3  
Blogger BaTresYa said...

الموضوع إننا بنفتكر اننا لما بنفكر في حد انه عرف...بالزبت زي فكرة اننا لما بنبعت مسج لحد بنفتكر كدا اننا معاه هناكـ وبتصل بيه..بالرغم اني ممكن مش اكون شفته من كام سنه ...الموضوع موضوع حياة ومشاكل في كل بيت وكل ناحيه...بيخنقوا الواحد مش بيخليه يعرف يطبطب على حد غير نفسه...الموضوع اننا تعبانين اوي بس ..كل واحد تعبان اكتر من التاني...ربنا يرحمها ويصبر اهلها...ومشاعركـ جميله اوي بجد

Fri Jun 01, 01:18:00 AM GMT+3  
Blogger bos bos said...

الموضوع مؤلم قوى قوى
ومن غير الدخول فى تفاصيلك الشخصية وأيه نوعية علاقتك بأهلك
لو هنتكلم من نقطة الدين بس
صله الرحم ليها ثواب كبير ومش مفروض نقطعها ولو حتى بالتليفون
وعموما كل واحد ممكن يتغير وممكن نحسن علاقتنا بقرايبنا أن شاء حتى تليفون فى المناسبات
تحياتى

Fri Jun 01, 02:12:00 AM GMT+3  
Blogger علي الألفي said...

ازيك يا انوج
طبعا انا اسف جدا على غيبتي الطويلة عن مدونتك
و كمان صدمنى و المنى و وجعنى البوست ده

بس عايز اقوللك حاجة انا عندى ان شاء الله حفلة يوم الاحد في الساقية مع فرقة جديدة اسمها صبا
الاحد 3/6
الفرقة دى فيها تلاتة او اربعة مدونين
حاولى تحضريها

Fri Jun 01, 11:59:00 AM GMT+3  
Blogger إنـســانـة said...

إنا لله وإنا إليه راجعون

كلنا هنروح وهنموت وربنا بيمتحنا ويختبرنا ببعض

لما حد فينا يعيا ربنا بيختبر الباقى هل هيزوروه ويسألوا عليه ولا لأ

ويارب كلنا ننجح فى الإختبارات دى

امييين

Fri Jun 01, 03:45:00 PM GMT+3  
Blogger الشنكوتي الكبير said...

اسف مش قادر اقول حاجه المره دي انتي وجعتيني قوي

Fri Jun 01, 04:19:00 PM GMT+3  
Blogger dyin_soul said...

حرام عليكي

الواحد بجد مش قادر يمسك نفسه من العياط

بجد وجعتيلي قلبي أوي

ربنا يرحمها ويصبر اهلها

Fri Jun 01, 05:12:00 PM GMT+3  
Blogger الملاح التائه said...

الموضوع احساس بالتقصير
احساس بالعجز
بالقهر
بالخوف
وان فيه حاجات غلط
ومعروف انها غلط
وبرضه معروف مين غلطان
لكن ماحدش عارف يصلح الغلط
ويصحح المسار
والموضوع
لاروحنا ولا زورنا ولا اتصلنا
ولو روحنا وزورنا واتصلنا
كان ايه هايحصل؟
تفتكرى اييه اللى كان ممكن يحصل
وانهى وضع احسن ؟
جاوبى على السئله دي
هاتعرفى عناصر الموضوع

Fri Jun 01, 08:17:00 PM GMT+3  
Blogger ياسمين said...

عشت نفس القصة مع اخت واحدة صاحبتى
ربنا يستر علينا وعلى عيالنا

Sat Jun 02, 01:44:00 AM GMT+3  
Blogger دينا فهمي said...

ربنا يرحمها
المشكلة بجد هي السلبية
الوقت عدا وكل حاجة على اني اقول انك كان لازم تروي على الأقل العزاء
بس ده يا انجي يخليكي لو لا قدر الله حصل اي موقف مشابه سواء مرض او غيره تتعلمي تتفاعلي
واحنا مش بنتعلم ببلاش

Sat Jun 02, 04:04:00 AM GMT+3  
Blogger سمسم said...

بس النتيجة ساكتين!!!

Sat Jun 02, 02:23:00 PM GMT+3  
Anonymous Anonymous said...

ازيك يااجمل انجى .. اولا ربنا يرحم موتانا جميعا ويرحمنا من الدنيا الى احنا فيها للاسف بقى الحال غريب والعواطف بردت وجالنا حاله من التعود وعدم اللا مبالاه بس بجد لازم نحار ب الى بيحصلنا ده ونقاومه قبل ماقلوبنا تموت وماتعرفش تحب ولا تحس اما علا وغيرها من موتانا ربنا رحمهم من قسوة الدنيا ومن قسوة البنى ادمين .. سلمى

Sun Jun 03, 12:56:00 AM GMT+3  
Blogger sakayar&romio said...

يعني حبكت دلوقتي تكتبي الكلام ده .... أنا بقالي أسبوعين قاعد أمنع نفسي إني أكتب في الموضوع ده ... خصوصا إنه كان صاحبي اللي ربنا توفاه بالمرض ده ... ماشي يا إنجي ربنا يسامحك
أما بالنسبة لفلسطين والعراق ومدغشقر ... فـ أنا بقول كل واحد عنده سلطة أو قاعد على كرسي عارف الصح فين والغلط برضه فين .... لكن مييييين بينفذ؟؟؟
سلالم

Sun Jun 03, 12:50:00 PM GMT+3  
Blogger Mirage said...

انتى فينك من زمان
مع ان البوست ليه 5 ايام بس
بس عامل زى ميكون ليه 5 شهور

ولا يمكن عشان انا بدخل عليكى كتير كل يوم
مش عارف

بس عايزين البوست القادم

Sun Jun 03, 02:32:00 PM GMT+3  
Blogger Mirage said...

اه بصراحة

فيلم جامد جدا جدا

انا قريته كلمة كلمة

:)

كوميدى كييييييييييييييييك
:)

Sun Jun 03, 02:38:00 PM GMT+3  
Blogger shayma said...

ضغطتى بقلمك على وتر حساس وبيوجع
احساس العجز الى مالينا مش عارفه نروح منه فين ولا نعالجه ازاى
مش عارفه اقول حاجه تانى
سلام

Sun Jun 03, 08:46:00 PM GMT+3  
Blogger smraa alnil said...

اولا بعتذر عن التاخير ودة بسبب ان النت عندي بايظ

sobsoub

ربنا يخليكي يارب
وسلامة عيونك انا اسفة اني دمعتك ومنوراني
___________________________________

ذكريات

صدقني مش بايدي والله
انا لقيت نفسي مرغمة اني مش اعرفهم
وكمان هم ليهم سبب في كدة كبير
كانوا بيتخلوا عني كتيييييييييير ومش كنت بلاقيهم لما كنت بقع
عامة اضح مش في حد واخد منها حاجة
ولنا الله

Mon Jun 04, 12:55:00 AM GMT+3  
Blogger smraa alnil said...

ايلاري

هييييييييييييييييه
اخيرا نورت
كنت فين يا بيه من فترة
ههههههههههههههههه وواحد من الناس بيسلم عليك برضه
حتي لو قصرنا برضه عادي
مش في حد بيقول حاجة
والناس يا ايلاري اللي تاعبنين
واللي بيمروا بمشاكل صعبة ومش لاقوا حد حواليهم يبقي دة اسمه ايه
___________________________________

شيماء الجيزي

تفتكري العيب فينا بجد يا شيماء
تفتكري اننا اللي غلطانين
صدقيني انا مش شايفة نفسي غلطانة
لني ارغمت علي كدة ومش لقيت منهم اي دفاع عني
من غير ما تقولي انا حاسة بيكي
بس يكفي اني اقولك اني لو قابلت عمي في الشارع مش هعرفه
تحياتي انتي لقلبك الجميل يا قمرة

Mon Jun 04, 12:56:00 AM GMT+3  
Blogger smraa alnil said...

ليندا

وحتي مامتي يا ليندا ما ليها ذنب
هي كمان مغلوبة علي امرها
ومش باديها حاجة غير انها تسكت زيي
عامة اول ما النت يتظبط عندي هديكي ايميلي يا قمرة
___________________________________

توتة توتة

هههههههههههههه
مش فارقة كتير المهم ان النتيجة واحدة

Mon Jun 04, 12:56:00 AM GMT+3  
Blogger smraa alnil said...

حلم

الله يسلمك يا قمر انتي فينك من زمان منوراني اوي
___________________________________

anonymous

ليه حسبتها كدة
هي مش بتتحسب كدة خالص
صوابعك مش زي بعضها ومش كل الظروف واحدة

Mon Jun 04, 12:56:00 AM GMT+3  
Blogger smraa alnil said...

رامي

وفيها حاجة اسمها رحمة
اللي مش يعرف يقول عدس يا رامي
ومش في حد اتأذي زيي ولا شاف اللي انا شفته
ولو قلتلك اني مش اعرف اصلا بمعاد جوازهم
انا بعرف زي اي واحدة ريبة كان مش منهم
ربنا يهدي الجميع
___________________________________

رينا

صح
عندك حق في كل كلمة بس انا مش كان بايدي حاجة
انا عملت الموضوع عشان اقول للناس اللي في ايديهم حاجة يقدروا يعملوها يعملوها
بس ربنا يهدينا كللنا يارب
تحياتي

Mon Jun 04, 12:56:00 AM GMT+3  
Blogger smraa alnil said...

ابو امك

ههههههههههههههه
بس اشمعني البيرة يعني
___________________________________

بيسوو

سلامة قلبك يا بيسوو يارب
معلش بقي علي وجع قلبك
وعندك حق في كل كلمة
الحياة بقت مقفلة بجد

Mon Jun 04, 12:57:00 AM GMT+3  
Blogger smraa alnil said...

سندباد

بس منورني
__________________________________

خمسة فضفضة

وعليكم السلام ورحمة الله وبركاته

كل حاجة بقت غلط حولينا
واي بقي في حياتنا صح
انا عارفة ان نار الضنا عمرها ما هتنطفي
انشريه جايز يكون كلامك قلم في وش كل واحد مسئول
ولما تعرفي السؤال ابقي قولي
مين ؟؟؟

Mon Jun 04, 12:57:00 AM GMT+3  
Blogger smraa alnil said...

كلمة

اللهم امين
يا عم قول وخلاص هو الكلم بقلوس
الله يسمحدلك
__________________________________

تامر نبيل

صلي علي النبي يا تامر
مين يقف جنب مين
علي الاقل مش عيلتي ولا اهلي

Mon Jun 04, 12:57:00 AM GMT+3  
Blogger smraa alnil said...

حلاوة

ههههههههههههههههههههه
سلامتك من الغم والكابة
بس المشكلة هو مين العو
هشوف بوستك هوااااا
فوريرررررررررررررررررررررررررررررررررررة
___________________________________

احمد طاهر

اللهم امين
بس انا بجد مش بقيت عارفة العيب في مين

Mon Jun 04, 12:57:00 AM GMT+3  
Blogger smraa alnil said...

ابراهيم محسن

قصدك جسمنا نحس ومشاعرنا تبلدت من كتر اللي شفناه
تفتكر احنا اللي بنرفض اننا نتعطف
طب لو اتعاطفت هتعمل ايه
تفتكر ان دة برضه الحل
شوية ضمير
شوية احساس
الدنيا تتعدل
__________________________________

نوني

ولو قلتلك ان رقم التلفون مش كان معايا
ولو قلتلك ان لحد النهاردة مش في حد منهم معا رقم تلفوني
الموضوع مش موضوع اني مش كنت فاضيه
بس الموضوع اني عرفت بالموضوع بعد موتها بشهر
يعني الحياة محصلة بعضها
انا عن نفسي عايزة اتمرد
بس لما جيت اتمردت لقيت النتيجة عكسية
ومش لقيت مقابل
هوني علي نفسك يا نوني

Mon Jun 04, 12:58:00 AM GMT+3  
Blogger smraa alnil said...

rodrigo

et teu blog mucho bono
gratcia
___________________________________

ironcopra

سمسم

عارفة ان الموضوع كبير بس عادي
اتعودت علي كدة يا سمسم

وانا كمان بتمني كدة
ازي المودام
ومش تغيب كدة تاني
ابقي طمني عليك

Mon Jun 04, 12:58:00 AM GMT+3  
Blogger smraa alnil said...

جواد بري

علي رايك ارتاحت بدل ابهدلة الي كانت هتشوفها
سلامتك بالعجز
والاسئلة انا مش لقت ليها اجابة وكنت عايزة اسمع الاجابة منكم بس واضح ان اسئلتي مش ليها اي اجابة
__________________________________

batresya

بالظبط
كل واحد عنده مشاكل في البيت وظروف محتلفة بتخليه يتصرف تصرفات غريبة
انتي اللي جميلة يا قمرة ومنوراني

Mon Jun 04, 12:58:00 AM GMT+3  
Blogger smraa alnil said...

بوس بوس

تصدقي ان حتي دي مش بايدي
كل واحد ممكن يتغير ماعدا انا
صدقيني بقي مش ينفعني
موراني
__________________________________

علي الالفي

ازيك يا علول
ولا يهمك يا قمر
المهم اني انا اللي اسفة اني مش عرفت احضر حفلتك وبجد زعلانة جداااااااااااااااااااااا
انا اسفة بقي ومش تزعل
بس هعوضهالك

Mon Jun 04, 12:58:00 AM GMT+3  
Blogger smraa alnil said...

انسانة

ياااااااااااااارب
وحشاني
___________________________________

الشنكوتي الكبير

سلامتك من الوجع
ومعلش

Mon Jun 04, 12:58:00 AM GMT+3  
Blogger smraa alnil said...

هبة

سلامة قلبك يا قمري
اللهم امين ويارب ينجحك ارب
___________________________________

الملاح التائه

بالنسبة ليا انا
صدقني لو روحنا وزورنا واتصلنا صدقني مش هيحصل حاجة
والوضع اللي انا فيه صدقني احسن
انا اختلف عن اي حد تاني
عشان كدة ظروفي مختلفة

Mon Jun 04, 12:59:00 AM GMT+3  
Blogger smraa alnil said...

ياسمين

اللهم امين
خلي بالك من نفسك يا مينا
___________________________________

دينا فهمي

اللهم امين يارب
تفتكري اني هقدر اعمل كدة
صدقيني انا ادري بحالي واقولك ان النتيجة عادي

Mon Jun 04, 12:59:00 AM GMT+3  
Blogger smraa alnil said...

سمسم

اديك جبت المفيد
___________________________________

سلمي

ازيك انتي يا اجمل سلمي
اللهم امين يارب
نحارب ايه ولا ايه
احنا تبعنا اصلا من التفكير في موضوع المحاربة دي
اللهم امين
وحشتيني برغم اني مش شفتك

Mon Jun 04, 12:59:00 AM GMT+3  
Blogger smraa alnil said...

ساكيار وروميو

هههههههههههههه
معلش بقي هي ضربت معايا كدة
ربنا يرحمه يارب
وحياتك مين اللي ينفذ ومين اصلا اللي يشوف
سلالم
___________________________________

ميراج

انا هنا بس النت بايظ عندي بقاله كام يوم
الله يخربيته
عامة البوست القادم جاي في السكة ان شاء الله

Mon Jun 04, 12:59:00 AM GMT+3  
Blogger smraa alnil said...

ميراج

الحقيقة انا مش فهمت انت قصدك علي ايه
فيلم ايه وكوميدي ايه
؟؟؟؟
___________________________________

شيماء

معلش ياقمرة
المشكلة اننا بنهرب من الاحساس دة لانه بيوجع اوي فبالتالي بنهرب منه
منوراني يا قمر

Mon Jun 04, 01:00:00 AM GMT+3  
Blogger NeRmeeN said...

لا حول ولا قوة الا بالله

ربنا يرحمها ويصبر اهلها بجد عليها

فعلا احنا بقينا بنتشارك الالام حتى مع قرايبنا معنويا....انا زيك بالظبط...بتابع من بعيد لبعيد وممكن فعلا اكون متاثرة بس مش عارفة ليه مش بعرف اخد خطوة انى احسس الناس ان انا معاهم وحاسة بيهم...على فكرة تقريبا ده قطع رحم:( يلا بقى ربنا يسامحنا ويرحمنا اجمعين

وبالنسبة لتشخيص الدكاترة الغلط او معالجتهم الغلط ده بقى كل يوم بيحصل...ياما ناس راحت عشان شوية بنج اخدوهم ماقاموش منه عشان غلطة دكتور التخدير...وده بياكدلنا اننا اكيد اكيد فى مصر:(

تحياتى ليكى يا انوج

Mon Jun 04, 02:16:00 AM GMT+3  
Blogger youma said...

الله يرحمها
الحكاية ان ماعادش في ألأثر الي بيسيبوا الموت والوجع والهم زي زمان .. زمان لما كان واحد بس يتألم الكل بيحس بيه دي الوقتي لو لاحظتي حتى مرض السرطان اول مبيجي وعشان كتر قوي بقوا اول حاجة يفكرو في الموت يعني خلاص رايح رايح ويسلموا بسهولة خالص حاجة تقرف بجد وماعادش في مقاومة ولا طعم لأي حاجة الحياة بقت زي الموت عشان كذا ليه أهلك يروحو يزورو كمالة عدد يعني أهو يزوروهم لما عمتك والا بعد الشر عليها ما كلوا زي بعضو
سلامات يا زمن

Mon Jun 04, 10:26:00 AM GMT+3  
Anonymous كبير المتشردين said...

shahy said...

انتو بتتكلموا ازاي ياجماعة
هو اية دة اللي عادي؟
وازاي مابتسألوش على اهلكم؟
دة هو دة اللي مش عاد
___________________
تفتكري ان صلة الرحم موجودة في مصر بنسبة قد ايه طيب بلاش تفتكري كام مرة ست كبيرة عاملة بطيبة وشفتي الحنية في عنيها وحسيتي انها امك بجد او تفتكري انتي عاملتي كام ست كبيرة او راجل عجوز بأحترام وعطف
مفيش مجال للعواطف في زمن تحكمه المادة
____________________________________
سيدة المحترمة سمراء النيل غالبا مش هتقري التعليقات دي كلها احترامي لكل علي مدونتك واحترامي علي رقة مشاعرك ومعرفش بصراحة انا قريت التعليقات دلي كلها ليه واسف اني رديت علي حد بيعلق عندك بس انا بعتقد ان المدونة مكان للنقاش - نسيت اقولك اني ابتديت انفذ فكرة انتي قولتيها قبل كده تعالوا نكون موجودين بجد شكرا ليكي علي انك كنتي معلمة وملهمة تحياتي

Mon Jun 04, 11:58:00 AM GMT+3  
Blogger Ma-3lina said...

ايه باه اللى عادى فى الموضوع ؟؟؟
ازاى محدش يسال على البنت

عارفة ان ساعات كتير الواحد بينشغل و كل ميفتكر انه يتصل تيجى حاجة تشغله تانى

بس بتيهالى فى الكام سنة االى عدو على البنت محدش اتصل و لو مرة

ربنا يرحمنا جميعا و يصبر اهالى الاطفال دوول

-----------------

انتى فين يا بنتى بكلمك مش موجودة فى البيت برن مش بتردى

ادينى اى رياكشن انك على قيد الحياة

Mon Jun 04, 01:08:00 PM GMT+3  
Blogger Mirage said...

اسف ياجميل

دانا غالبا كتبت اخر بوست ده غلط

المفروض مكانه فى حتة تانية خالص

Mon Jun 04, 04:32:00 PM GMT+3  
Blogger saken_asly said...

hey.it's really god topic.bgd eleslob gamed awi we 3ard elfekra 7elw awi

Tue Jun 05, 01:24:00 AM GMT+3  
Blogger Sharm said...

ايه حكاية بركة يا جامع دي ؟؟؟

Tue Jun 05, 01:20:00 PM GMT+3  
Blogger yasmina said...

لا حول ولا قوة الا بالله
هذا مرض العصر

اختي سمراء النيل رايت قبل فترة موضوع لك عند ياسمين
وكنت اريد ان اتكلم معك شخصيا لإستشارتك بموضوع يهمني جدا
ولكني لا اجد ايميلك

فلو تكرمت وبعثته لي على ايميلي الذي يظهر في المدونة او تكلميني على المسنجر
الموضوع مهم جدا
وساكون شاكرة لك لو وجدت ردك

Tue Jun 05, 02:06:00 PM GMT+3  
Blogger Anima said...

انا احتج
هو فين الكومنت اللي انا كتبته من كام يوم

على العموم
عودة حميدة و لو انها متأخرة شوية

ربنا يرحم علا و يهدينا اننا ناخد بالنا من بعض

Tue Jun 05, 02:55:00 PM GMT+3  
Blogger darsh said...

المفروض اني اقول كام كلمة مواساة واعمل نفسي متأثر قوي ويااه بجد الموضوع مأثر فيا جدا


لكن انا أصلا فعلا مش متأثر بأي حاجه .. أكيد العيب مش فيا لاني من زمان قوي فاكر اني كنت بعرف اعيط ..بس انا فعلا مش متأثر بأي حاجه خالص

Tue Jun 05, 06:54:00 PM GMT+3  
Blogger OMA said...

انا بجد مش عارفه اعلق
انا كتير ببقى مش عارفه اعلق
لكن بجد في البوست ده انا مش هعرف
اي حاجه ليها علاقه بالمرض ده انا بتكتم مش بعرف اتكلم نهائي
انا بس بسجل حضوري..
وعايزه اقولك مش تغيبي تاني





ربنا يرحمها يارب

Tue Jun 05, 08:54:00 PM GMT+3  
Blogger إبـراهيم ... معـايــا said...

هيا إيه الحيااااة يا أنوووج ؟؟


تخيلي داخل أقول لك إيه

داخل أقول لك حمد لله ع السلاااامـة يا جميييل .........


أما الموضوع اللي انتي بتتكلمي عنه ، ففعلاً ، هيا كده الحياة !! ، أيام بنفرح أيام ، وأيام بنحزن أيام .....


تحيااااتي ليكي ولمنواضيعك اللي كانت واحشاااااانا

و لا زلت بعد المائة :):)

Tue Jun 05, 10:48:00 PM GMT+3  
Blogger إبـراهيم ... معـايــا said...

آآه ، وأنا كمان كنت حاسس إني قريته قبل كده !!!


تحياتي تاني ( عادي يعني) ا

Tue Jun 05, 10:51:00 PM GMT+3  
Blogger david santos said...

Alive the people of Palestine, against the fascism of Israel and the terrorism of the North America

Peace for Palestine

Tue Jun 05, 11:47:00 PM GMT+3  
Blogger ياسر سليم said...

السلام عليكم

طريقة سردك للقصة فوق الرائعة

والقصة حقيقة مؤثرة

انا كنت عايز انسحب فى نصها ما اقدرتش ..

كملتها للاخر

تحياتى

Wed Jun 06, 12:35:00 AM GMT+3  
Blogger Sharm said...

انا اسف انى علقت قبل ما اقرأ الموضوع

البقاء لله
الموت حق .. علينا كلنا

------

مدونتى فيها موضوع مش لايق على الموقف ده بجد فياريت اي حد متأثر ميخشش على مدونتي على الاقل دلوقتى

Wed Jun 06, 03:03:00 AM GMT+3  
Blogger yasmina said...

خلتيني ادمع ياسمراء بجد
ربنا يرحمها انشاء الله ويصبر اهلها
وبجد تصرف المستشفياتوالدكاتره انا مش لاقيالو تعليق حقيقي مش لاقيا

Wed Jun 06, 09:19:00 AM GMT+3  
Blogger .:.-=- ELGaZaLy-=-.:. said...

لا اله الا الله

كل ما بمر وبقراها بقرا الفاتحة

بجد كفاية

Wed Jun 06, 10:19:00 AM GMT+3  
Blogger إسكندريلا said...

الحفل الجاى لاسكندريلاّ يوم 11/6/2007 بالجامعة الأمريكية فى انتظار تفاصيل أكثر


بعدها اسكندريلاّ هتكون موجودة يوم الجمعة 29 يونيو على مسرح الجنينة من9-10 مساء


المكان: حديقة الأزهر طريق صلاح سالم الدراسة جميع العروض مجانية بخلاف تذكرة دخول الحديقة (5 جنيه) للمزيد من المعلومات www.mawred.org
الحفل التالى سيكون فى ساقية الصاوى 11/7/2007 ضمن مهرجان (أجازة بجد ) التى تقيمه جمعية تنمية بلا حدود أيضاً التحديث بالتفاصيل مستمر

Wed Jun 06, 11:20:00 AM GMT+3  
Blogger muse said...

فليرحمنا الرب

Wed Jun 06, 11:21:00 AM GMT+3  
Blogger أخف دم said...

ازيك يا نوجة
يارب تكونى بخير .. مش جاى عشان البوست .. أنا جاى أقول لك ربنا يفرح قلبك ..
وانت فاهمانى

Wed Jun 06, 11:52:00 AM GMT+3  
Blogger ادم المصري said...

سمرااااااااااااا
.
.
انا لله وانا اليه راجعون مش عارف اقولك ايه والله
.
.
دا حال بلدنا
ودا حالنا
وربنا يرحمنا
.
حسبنا الله ونعم الوكيل

Wed Jun 06, 01:31:00 PM GMT+3  
Blogger smraa alnil said...

نيرمين

كلنا كدة يا نرمين ومش عارفين ليه
تحياتي ليكي يانتي يا نيمو

__________________________________________________

يوما

معاكي حق بس الموضوع كمان ان الواحد اتربي علي عدم السؤال

ربنا يهدينيا يارب

Fri Jul 27, 10:22:00 AM GMT+3  
Blogger smraa alnil said...

كبير المتشردين

بالعكس
انت رديت ابلغ من ردي بصراحة
وبجد اسعدني اوي لما قريت انت كل الكومنتات دي
مش عارفة ليه بس حسيت بسعادة

فكرة ايه بقي عشان عايزة اعرف
_______________________________________________

ما علينا

ربنا يصبر اهلها
هههههههههههه اني علي قيد الحياة

Fri Jul 27, 10:22:00 AM GMT+3  
Blogger smraa alnil said...

ميراج

اااااااه انا كدة فهمتك ولا يهمك يا جميل

_____________________________________

ساكن اصلي

شكرا ليك اوي ومنورني بزيارتك اللي اتمني انها تتكرر

Fri Jul 27, 10:23:00 AM GMT+3  
Blogger smraa alnil said...

شارم

يا عم اقرا الموضوع للاخر وانت تعرف
___________________________________________

يامسنا

المشكلة بقي اني رحت عشان اجيب ايميلك مش لقيته علي المدونة
علي العموم هتصرف واجيبك
واسفة اوووووووي اني اتاخرت عليكي

Fri Jul 27, 10:23:00 AM GMT+3  

Post a Comment

Links to this post:

Create a Link

<< Home